Category: اہم خبریں

شیر شاہ اور شریز خان کی شواہد پر گرفتاری، سانحہ 9 مئی کے دونوں مفرور ملزمان کے گرد گھیرا تنگ کر لیا گیا

9 مئی 2023ء کو پی ٹی آئی کی شرانگیزی میں شریک دو مفرور شر پسندوں کی گرفتاریاں کی گئیں ہیں، جناح ہاؤس حملے کے مفرور ایک اور مرکزی ملزم شیر شاہ خان کو گرفتار کرلیا گیا ،نو مئی 2023 کو جناح ہاؤس پر حملے کے وقت ملزم شیر شاہ سزا یافتہ مجرم حسان نیازی کے ساتھ موجود تھا ، شیر شاہ 9 مئی 2023ء کو شر انگیزی کے بعد پہلے روپوش اور بعد میں لندن فرار ہو گیا تھا،کئی مہینوں تک شیر شاہ پروپیگنڈے کی آڑ میں چھپا رہا اور ریاست کے خلاف ڈیجیٹل مہمات چلاتا رہا، ملزم شیر شاہ کو پاکستان واپسی پر پولیس نے 22 اگست 2025 کو گرفتار کیا، ملزم شیر شاہ پر نو مئی حملہ کیس میں پہلے بھی ایف آئی آر درج ہے،

ایف آئی آر متن کے مطابق ملزم شیرشاہ خان 9 مئی کو جلاؤ گھیراؤ، توڑ پھوڑ پولیس وین کو آگ لگانے اور پولیس اہلکاروں پر حملوں میں ملوث ہے،شیر شاہ خان کی جائے وقوعہ پر موجودگی کے مستند شواہد ویڈیو ریکارڈ کی صورت میں پولیس کے پاس موجود ہیں،ملزم کے پولی گرافک ٹیسٹ و دیگر کے لیے 30 روز کا جسمانی ریمانڈ درکار ہے،

شیرشاہ دو سال سے لندن میں روپوش تھا، گرفتاری قانون کے مطابق کی گئی ہے، دوسرے ملزم شاہریز خان کو بھی 9 مئی 2023 جناح ہاؤس پر حملے اور منصوبہ بندی کے سلسلے میں باقاعدہ طور پر گرفتار کیا گیا ہے،شاہریز کا نام ستمبر 2023 کی ضمنی رپورٹ میں بھی شامل تھا، شاہریز کو 22 اگست 2025 کو عدالت میں پیش کیا گیا، شاہریز کیخلاف باقاعدہ ایف آئی آر کے اندراج کے بعد گرفتاری عمل میں لائی گئی ہے،

ایف آئی آر کے متن کے مطابق;’’ملزم شاہریز عظیم کو 21 اگست 2025 کو ثبوتوں کی بنیاد پر باقاعدہ گرفتار کیا گیا ‘‘9 مئی 2023 جائے وقوعہ پر جلاؤ گھیراؤ، توڑ پھوڑ، اور پولیس اہلکاروں پر حملے کیے گئے۔ پولیس وینز کو بھی نذرِ آتش کیا گیا، پولیس نے عدالت سے استدعا کی ہے کہ شواہد کیلئے ملزم شاہریز عظیم کا 30 روزہ جسمانی ریمانڈ منظور کیا جائے،

شاہریز اور شیر شاہ کی گرفتاری پر سیاسی جماعت کے سوشل میڈیا کا ریاست اور ریاستی اداروں کیخلاف منفی پروپیگنڈا جاری ہے ، ویڈیو اور جیو فینسنگ کی ذریعے شواہد اکھٹے کیے گئے ، ملزمان شاہریز اور شیر شاہ کی گرفتاری اس بات کا ثبوت ہے کہ جو بھی ریاست، عوام یا اداروں پر حملہ کرے گا، وہ احتساب سے نہیں بچ سکے گا، سانحہ 9 مئی ایک غداری تھی، اور اس کے مجرموں کو انصاف کے مکمل تقاضوں کا سامنا کرنا ہوگا، دونوں بھائی قیادت کی آڑ میں کارکنوں کو چھوڑ کر ایک عرصے سے روپوش تھے اورپاکستان کے خلاف ڈیجیٹل میڈیا سیل بھی چلا رہے تھےعدالتوں سے ریمانڈ آرڈر حاصل کیے گئے جو قانونی عملداری کو ثابت کرتے ہیں،

باجوڑ میں جاری سیکیورٹی فورسز کے آپریشن کیخلاف فتنتہ الخوراج کے خارجی نور ولی کا اعلامیہ منظر عام پر آ گیا

سکیورٹی فورسز کی جانب سے 18 اگست کو باجوڑ کی عوام کو ہدایات دی تھیں کہ جاری آپریشن کے دوران دہشتگردوں کو علاقے میں نہ آنے دیں،خارجی نور ولی کی جانب سے جاری کردہ اعلامیہ کے مطابق؛مقامی کمانڈروں کو باجوڑ چھوڑنے کی اجازت نہیں‘‘ فتنتہ الخوارج نے اعلامیے میں باجوڑ آپریشنز کو "پاک فوج کا ظلم” قرار دے دیا ، فتنتہ الخوارج کا اعلامیہ حقائق سے یکسر مختلف ہے، فتنتہ الخوارج کی جانب سے جاری بیان دراصل اس کی دوغلی پالیسی کا عکاس ہے، سکیورٹی فورسز باجوڑ میں صرف دہشت گردوں کو نشانہ بنا رہی ہیں، سکیورٹی فورسز باجوڑ کی عوام، ان کے کاروبار اور ان کے بچوں کا مستقبل محفوظ بنا رہی ہیں،

باجوڑ کے اصل سپوت اس دھرتی کے بیٹے ہیں، غیر ملکی دہشتگرد اور خوارج خود کو علاقے کا محافظ ظاہر کرتے ہیں مگر اصل میں یہ ان کے دشمن ہیں، آپریشن کی وجہ سے بے گھر ہونے والا خاندان دراصل فتنتہ الخوارج کے ظلم کا نتیجہ ہے،ریاست کیلئے مقامی عوام کی حمایت دیر پا امن کی سب سے بڑی ضمانت ہے اور یہی فتنتہ الخوارج کیلئے بڑا خطرہ ہے،

فتنہ الخوارج کا جاری کردہ بیان دراصل اس کی شکست کا عکاس ہے، یہ مقامی آبادی کو دھوکا دے رہے ہیں،باجوڑ کے عوام نے فتنتہ الخوارج کا حقیقی چہرہ پہچان لیا ہے اور ان کے بیانیے کو عوامی سطح پر مسترد کردیا ہے،باجوڑ کا مستقبل اب امن، ترقی اور خوشحالی سے وابستہ ہے نہ کہ خونریزی اور دہشتگردی کی واپسی سے، دہشتگردوں کی باجوڑ واپسی کا مطلب ہے مزید تباہ شدہ بازار، برباد گھروں کی داستانیں اور معصوم جانوں کا ضیاع ہوگا،

راولپنڈی: قومی احتساب بیورو (نیب) نے معروف کاروباری شخصیت ملک ریاض اور ان کے اہل خانہ کے خلاف مبینہ منی لانڈرنگ کے الزامات کی تحقیقات کا باضابطہ آغاز کر دیا ہے۔

ذرائع کے مطابق، نیب راولپنڈی نے ملک ریاض کے بیٹے علی ریاض سمیت چار افراد کو 26 اگست کو طلب کر لیا ہے۔ دیگر افراد میں خلیل الرحمٰن، محمد اسحاق اور عامر رشید اعوان شامل ہیں۔ نیب نے ان تمام افراد کو طلبی کے نوٹس جاری کرتے ہوئے انہیں ہدایت کی ہے کہ وہ صبح 10 بجے نیب راولپنڈی کے دفتر میں پیش ہوں۔نیب حکام کے مطابق، ان افراد پر بھاری رقوم کی غیر قانونی طریقے سے منتقلی، یعنی منی لانڈرنگ کا الزام ہے، اور تحقیقات انسداد منی لانڈرنگ ایکٹ 2010 کے تحت کی جا رہی ہیں۔

ذرائع کا کہنا ہے کہ نیب کو شبہ ہے کہ ملزمان نے ملک سے باہر رقوم منتقل کیں، جنہیں مختلف کمپنیوں اور ذاتی اکاؤنٹس کے ذریعے چھپایا گیا۔

مودی کا "آتم نربھرتا” کا خواب حقیقت سے کوسوں دور، بھارتی بحریہ کی فضائی طاقت بحران کا شکارہو گئی ہے

مودی سرکار کی نااہلی، دس سال بعد بھی بھارت اپنا بحری لڑاکا طیارہ بنانے میں ناکام ہے،دفاعی ٹھیکوں میں کرونی ازم، "دوستوں” کو نوازنے کیلئے مودی نے بھارتی خود انحصاری قربان کردی،اڈانی امبانی کو نوازنے کی دوڑ میں مودی نے بھارتی دفاعی منصوبے ڈبو دیے ،رپورٹ کے مطابق جڑواں انجن والا ڈیک پر مبنی لڑاکا طیارہ (ٹی ای ڈی بی ایف) تاخیر اور غیر یقینی صورتحال کا شکار ہو گیا ہے،بھارتی بحریہ نے تیجس ایم کے-2 (نیول) اور ایڈوانسڈ میڈیم کمبیٹ ایئرکرافٹ (اے ایم سی اے)کے بحری ماڈلز شامل نہ کرنے کا فیصلہ کیا ہے، زیادہ وزن اور کم پے لوڈ صلاحیت کے باعث تیجس ایم کے-1 طیارہ بحریہ کے لیے ناموزوں قراردیا گیا ہے،بھارتی بحریہ نے تیجس ایم کے-1 کی محدود شمولیت کی تجویز بھی مسترد کر دی ،بھارتی بحریہ نے بہتر صلاحیتوں والے تیجس ایم کے-2 بحری ماڈل میں بھی دلچسپی نہیں دکھائی ،بھارتی بحریہ نے زیادہ صلاحیتوں والے جڑواں انجن جنگی طیارے ٹی ای ڈی بی ایف کو ترجیح دینے کا فیصلہ کیا ہے ، ٹی ای ڈی بی ایف طیارہ پروگرام ایک دہائی کے بعد بھی ڈیزائن اور تیاری کے مرحلے میں ہے، اہم جائزے ابھی تک مکمل نہیں ہوئے، ٹی ای ڈی بی ایف کی پہلی پرواز 2029-2030 اور بحریہ میں شمولیت 2038 کے قریب متوقع ہے ، ٹی ای ڈی بی ایف کی تاخیر اور سامان کی فراہمی کے مسائل اس کی لاگت اور بروقت تعیناتی کو مزید مشکل بنا رہے ہیں ،

چین نے J-20، J-35 سمیت جدید پانچویں نسل کے لڑاکا طیارے شامل کر دیے ہیں، بھارتی بحریہ کے لیے خطرات میں اضافہ ہو گیا ہے،چین کے جدید لڑاکا طیاروں کے باعث 4.5 جنریشن ٹی-ای-ڈی-بی ایف بھارتی بحریہ میں شمولیت کے وقت پرانا ہو چکا ہوگا،26 رافیل-ایم طیاروں کی شمولیت نے مقامی ٹی ای ڈی بی ایف پروگرام کی اہمیت اور ضرورت مزید کمزور کر دی ،تیجس کی ناکامی، ٹی ای-ڈی-بی-ایف کی تاخیر اورایڈوانسڈ میڈیم کمبیٹ ایئرکرافٹ سے لاتعلقی نے بھارتی بحریہ کی فضائی خودمختاری کو شدید خطرے میں ڈال دیا ہے،

مودی سرکار کی نااہلی کے باعث بھارتی بحری دفاعی خودمختاری ایک نازک مرحلے پر پہنچ چکی ہے،غیر ملکی طیاروں پر بڑھتا ہوا انحصار، بھارت کی دفاعی خودکفالت اور "آتم نربھرتا” کو سوالیہ نشان بنا رہا ہے

پاکستان میں مون سون سیزن 2025 کے دوران پانی کا ضیاع تشویشناک حد تک بڑھ چکا ہے

حالیہ مون سون سیزن میں ملک کے مختلف علاقوں میں شدید بارشیں ہوئیں، جس سے دریا اور ندی نالے بھر گئے،محکمہ آبپاشی کے مطابق یکم جولائی سے 20 اگست تک کوٹری کے مقام سے بحیرہ عرب میں 9.04 ملین ایکڑ فٹ (MAF)پانی خارج ہو چکا ہے، مزید 4 سے 5 ملین ایکڑ فٹ پانی کے اخراج کا امکان ہے کیونکہ سوات، کشمیر اور دیگر پہاڑی علاقوں سے ندیوں میں پانی کا بہاؤ بدستور جاری ہے،ملک کے اہم آبی ذخائر جس میں تربیلا، راول، خانپور اور سملی ڈیم ا شامل ہیں اپنی مکمل گنجائش تک پہنچ چکے ہیں،منگلا ڈیم 75 فیصد بھرا ہوا ہے، اس صورتحال میں اضافی پانی کو محفوظ کرنے کے لیے کوئی متبادل انتظام موجود نہیں، جس کی وجہ سے اضافی پانی ضائع ہو رہا ہے

کوٹری بیراج سے آبی ذخائر سے متعلق جاری تازہ ترین رپورٹ کے مطابق ’’1تا 10 جولائی کے دوران 0.60، 11 تا 20 جولائی 1.11، 21 تا 31 جولائی 2.60، 1 جولائی تا 10 اگست 3.12 اور 11تا 20 اگست 1.61 ملین ایکڑ پانی خارج ہوگا‘‘

یہ اعداد و شمار اس بات کا ثبوت ہے کہ پاکستان میں آبی وسائل کے مؤثر انتظام اور اضافی پانی کو محفوظ کرنے کی صلاحیت تاحال ناکافی ہے،آبی ماہرین کا کہنا ہے کہ پانی کو ضائع ہونے سے بچانے کے لیے فوری اقدامات نہ کیے گئے تو ملک کو شدید آبی بحران کا سامنا کرنا پڑ سکتا ہے‘ اگر بروقت نئے ڈیمز کی تعمیر اور موجودہ نظام کی بہتری پر کام نہ کیا گیا تو آبی مسائل میں اضافہ ہوگا، پانی کے ضیاع کو روکنے کیلئے نئے ڈیمز کی تعمیر وقت کی ضرورت ہے،

پاکستان کے حساس اور تفتیشی اداروں نے بھارت کی بدنام زمانہ خفیہ ایجنسی "را” کا ایک بڑا نیٹ ورک بے نقاب کر دیا ہے۔ اس حوالے سے ایڈیشنل آئی جی کاؤنٹر ٹیررازم ڈیپارٹمنٹ سندھ آزاد خان اور ڈی آئی جی نے کراچی میں ایک اہم اور ہنگامی پریس کانفرنس کی۔

پریس کانفرنس کے دوران بتایا گیا کہ 18 مئی 2025 کو سندھ کے ضلع بدین کی تحصیل ماتلی میں ایک شہری کو ٹارگٹ کلنگ کا نشانہ بنایا گیا۔ ابتدائی تحقیقات کے بعد واقعے کو محض ذاتی دشمنی قرار دیا جا رہا تھا، تاہم تفتیش کی گہرائی میں جانے کے بعد اس میں بیرونی ہاتھ سامنے آیا۔ایڈیشنل آئی جی آزاد خان نے انکشاف کیا کہ اس حملے کی منصوبہ بندی بھارت کے خفیہ ادارے را کے ایجنٹ سنجے سنجیو کمار عرف "فوجی” نے کی تھی۔یہ شخص ایک خلیجی ریاست میں مقیم ہے اور وہیں سے نیٹ ورک کو کنٹرول کرتا رہا۔ سنجے نے پاکستان میں تخریب کاری اور ٹارگٹ کلنگ کے لیے مقامی افراد کو پیسوں کے عوض ہائر کیا۔

افسران کے مطابق سنجے نے سلمان نامی پاکستانی شہری کو اس ٹاسک کے لیے بھرتی کیا جو شیخوپورہ کا رہائشی ہے۔ سلمان نے را سے مالی معاونت حاصل کر کے ماتلی میں قتل کی واردات انجام دی۔ اس کے علاوہ تفتیش کے دوران اس نیٹ ورک سے جڑے مزید افراد کے بارے میں بھی معلومات حاصل ہو چکی ہیں، جنہیں جلد گرفتار کیا جائے گا۔

ایڈیشنل آئی جی نے کہا کہ سی ٹی ڈی اور دیگر ادارے مکمل طور پر الرٹ ہیں اور دشمن عناصر کو کسی صورت کامیاب نہیں ہونے دیا جائے گا۔ اُن کا کہنا تھا کہ بھارتی خفیہ ایجنسی "را” پاکستان میں بدامنی پھیلانے کے لیے سرگرم ہے، لیکن ہمارے ادارے اُس کے تمام ناپاک عزائم کو ناکام بنا رہے ہیں۔انہوں نے مزید کہا کہ یہ کامیابی اداروں کی مربوط حکمتِ عملی، خفیہ اطلاعات اور مسلسل نگرانی کا نتیجہ ہے