Baaghi TV

Category: اہم خبریں

  • وزیراعظم عمران خان نے غیرمنتخب شخص کو وفاقی وزیر بنا دیا

    وزیراعظم عمران خان نے غیرمنتخب شخص کو وفاقی وزیر بنا دیا

    وزیراعظم عمران خان نے غیرمنتخب شخص کوتاریخ میں پہلی بار وفاقی وزیر بنا دیا
    باغی ٹی وی کی رپورٹ کے مطابق وفاقی کابینہ میں اضافہ کر دیا گیا

    ایوان صدرمیں حفیظ شیخ کی بطور وفاقی وزیر حلف برداری کی تقریب ہوئی، صدرمملکت عارف علوی نے حفیظ شیخ سے حلف لیا

    اسلام آباد ہائیکورٹ کی جانب سے وزیراعظم کے مشیروں کی کابینہ کمیٹیوں میں شمولیت سے متعلق فیصلے کے بعد پیدا ہونے والے آئینی بحران سے متعلق وزیراعظم عمران خان نے قانونی ٹیم سے مشاورت کی،جس کے بعد حفیظ شیخ کو وفاقی وزیر بنانے کا فیصلہ کیا گیا،وزیراعظم عمران خان نے آئین کے آرٹیکل 91 کی شق 6 کے تحت خصوصی اختیار کا استعمال کیا، وزیراعظم آئین کے آرٹیکل 91 کے تحت کسی غیر منتخب شخص کو 6 ماہ کے لیے وفاقی وزیر مقرر کرسکتے ہیں۔

    ڈاکٹر حفیظ شیخ، مشیر خزانہ سے وفاقی وزیر بن گئے، مگر تاحال انکے پاس اسمبلی کی رکنیت نہیں ہے انکو 90 دن کے اندر سینٹ/قومی اسمبلی کا رکن منتخب ہونا لازمی ہے۔ یہ پہلا موقع ہے جب بنا رکنیت کوئی وفاقی وزیر بنا ہو۔

    سینیٹ الیکشن میں تحریک انصاف کی جانب سے حفیظ شیخ کو ٹکٹ دیا جا سکتا ہے

  • دنیا نے دیکھ لیا : بھارت پاکستان کوغیرمستحکم کرنےپرتُلا ہوا ہے :عمران خان

    دنیا نے دیکھ لیا : بھارت پاکستان کوغیرمستحکم کرنےپرتُلا ہوا ہے :عمران خان

    اسلام آباد :دنیا نے دیکھ لیا : بھارت پاکستان کوغیرمستحکم کرنےپرتُلا ہوا ہے ،،اطلاعات کے مطابق وزیراعظم پاکستان عمران خان نے کہا ہے کہ بھارتی حکومت کی بدمعاشیوں سے عالمی نظام کو خطرہ ہے، پاکستان خطے میں جمہوریت کیخلاف بھارتی سرگرمیوں کی نشاندہی کرتا رہا ،

    ذرائع کے مطابق پاکستان کے خلاف بھارت کی پراکسی وار پرسخت ردعمل سامنے آرہا ہے ، ادھر وزیراعظم عمران خان نے کہا ہے کہ بھارتی جعلی خبروں کے نیٹ ورک سے انتہاء پسندی کو ہوا دے رہا ہے، عالمی دنیا نوٹس لے۔ انہوں نے ٹویٹر پر اپنے ٹویٹ میں کہا کہ گمراہ کن خبروں سے بھارتی نیٹ ورک بے نقاب ہوا ہے۔

     

     

    بھارتی جعلی خبروں کے نیٹ ورک سے انتہاء پسندی کو ہوا دے رہا ہے۔ ڈس انفو کے انکشافات سے پاکستان کا مئوقف درست ثابت ہوا ہے۔ عمران خان نے کہا کہ بھارتی حکومت کی بدمعاشیوں سے عالمی نظام کو خطرہ ہے۔ دنیا کو چاہیے بدمعاش بھارت کی تخریبی سرگرمیوں کا نوٹس لے۔ انہوں نے مزید کہا کہ پاکستان خطے میں جمہوریت کیخلاف بھارتی سرگرمیوں کی نشاندہی کرتا رہا ہے۔

    ان کا یہ بھی کہنا تھا کہ ہم بھارتی کرونیکل کا تسلسل دیکھ کر تشویش میں پڑ گئے جس نے ہماری پہلی رپورٹ اور وسیع پریس کوریج کے باوجود اپنا 15 سالہ آپریشن جاری رکھا حتیٰ کے حال ہی میں ای یو کرونیکل نامی جعلی یورپی یونین ادارہ بھی شروع کیا۔

     

    رپورٹ میں یہ بات سامنے آئی کہ بھارتی خبر رساں ادارے اے این آئی نے خبریں بنانے کے لیے اس جعلی یورپی میڈیا آؤٹ لیٹ کے مضامین کو بنیاد کے طور پر استعمال کیا۔ اس کے علاوہ بھارتی خبررساں ادارے نے جعلی این جی اوز کی چھتری تلے بعض اوقات مشکوک طریقوں کے ساتھ لابی کی کوششوں کو بھی کور کیا۔

     

    ای یو کرونیکل کے مضامین کی اے این آئی نیوز پر دوبارہ اشاعت کا مطلب یہ ہے کہ جعلی یورپی میڈیا آؤٹ لیٹ کا مواد زیادہ ناظرین تک پہنچ سکتا ہے۔ اس طرح اے این آئی کے مواد کو دوبارہ استعمال کرنے والے بھی کچھ میڈیا آؤٹ لیٹس ای یو کرونیکل کی ترویج کا سبب بنے۔

    ای یو ڈس انفو لیب نے 13 واقعات کا پتا لگایا جس میں ای یو کرونیل پر رواں برس مئی میں خبروں کے مضامین کے طور پر شائع ہونے والے زیادہ تر پاکستان اور بعض اوقات چین مخالف تبصروں کو اے این آئی نے شائع کیا۔

     

    ای یو ڈس انفو لیب کے ایگزیکٹو ڈائریکٹر الیگزینڈر الفلیپ نے بات کرتے ہوئے کہا کہ اس قسم کی منصوبہ بندی اور ایسے کاموں کو جاری رکھنے کے لیے آپ کو ایک سے زائد چند کمپیوٹرز کی ضرورت ہوتی ہے۔

    ان کا کہنا تھا کہ تحقیقی نتائج کو فیصلہ سازوں کو کارروائی کے مطالبے کے طور پر دیکھنا چاہیے تا کہ بین الاقوامی اداروں کے غلط استعمال اور غلط معلومات پھیلانے میں ملوث ان کرداروں پر پابندی لگانے کے لیے متعلقہ فریم ورک نافذ کیا جاسکے۔

  • پاکستان کے خلاف پراپیگنڈہ اورہائی برڈ پراکسی جنگ بھارت کا شاخصانہ،عالمی ادارے کے تہلکہ خیزانکشافات

    پاکستان کے خلاف پراپیگنڈہ اورہائی برڈ پراکسی جنگ بھارت کا شاخصانہ،عالمی ادارے کے تہلکہ خیزانکشافات

    برلن:پاکستان کے خلاف پراپیگنڈہ اورہائی برڈ پراکسی بھارت کا شاخصانہ،عالمی ادارے کے تہلکہ خیزانکشافات،اطلاعات کے مطابق پاکستان کے خلاف کھیلے جانے والی سازشوں کے پیچھے بھارت کا مکروچہرہ بے نقاب ہوگیا ہے ، ادھر اس حوالے سے پورپی یونین کے تحقیقاتی ادارے ڈس انفولیب نے گمراہ کن خبریں پھیلانے والے بھارتی نیٹ ورک کا پردہ فاش کردیا۔

    پاکستان کے خلاف بھارتی سازشوں پرسےپردہ اٹھاتے ہوئے برطانوی خبررساں ادارے کی رپورٹ کے مطابق یورپی یونین کے تحقیقاتی ادارے ڈس انفولیب نے اپنی رپورٹ میں جھوٹے پروپیگنڈے اور گمراہ کن خبروں کے لیے بنائے جانے والے بھارتی نیٹ ورک سے متعلق تہلکہ خیز انکشافات کیے۔

    رپورٹ میں بتایا گیا ہے کہ بھارتی نیٹ ورک گزشتہ پندرہ سالوں سے اقوامِ متحدہ اور یورپی یونین کو جھانسہ دے رہا ہے جبکہ پاکستان کے خلاف ہرزہ سرائی میں بھی مصروف ہے۔

    ڈس انفولیب کی رپورٹ کے مطابق بھارتی نیٹ ورک نے جعلی فلاحی تنظیمیں (این جی اوز) اور میڈیا آرگنائزیشن وسیع پیمانے پر تشکیل دیں، یہ تمام تنظیمیں اور صحافتی ادارے نیٹ ورک کے لیے کام کررہے ہیں۔

     

     

    رپورٹ کے مطابق بھارتی نیٹ ورک نے اپنے مذموم عزائم کے لیے فرضی شناخت یا انتقال کرنے جانے والے لوگوں کو زندہ ظاہر کیا۔ جن لوگوں کو مردہ ظاہر کیا گیا اُن میں پروفیسر لوئیس بی سوہن کا نام بھی شامل ہے جنہیں اقوام متحدہ میں شمولیت کرنے والے کے طور پر ظاہر کیا گیا جبکہ پروفیسر 2006 میں وفات پاچکے ہیں۔

    ڈس انفو لیب کی رپورٹ میں بتایا گیا ہے کہ ’سری واستوا گروپ‘ کے نام سے بنایا جانے والا نیٹ ورک دنیا کے 116 ممالک اور 9 خطوں تک پھیلا ہوا ہے۔

    تحقیقیاتی ادارے نے اپنی رپورٹ میں انکشاف کیا کہ یہ نیٹ ورک پاکستان کے خلاف بھی جھوٹا پروپیگنڈا اور من گھڑت خبروں کی تشہیر میں مصروف تھا۔

    رپورٹ میں انکشاف کیا گیا ہے کہ اس نیٹ ورک نے خود کو بھارتی نیوز ایجنسی اے این آئی سے منسلک ظاہر کیا جس کی وجہ سے یہ دنیا بھر میں پھیل گیا۔ تحقیقات میں سب سےاہم بات یہ بات بھی سامنے آئی کہ سری واستوا گروپ نے جن 10 فلاحی تنظیموں سے وابستگی ظاہر کی وہ اقوام متحدہ سے رجسٹرڈ ہیں۔

    ڈس انفو لیب کی رپورٹ میں انکشاف کیا گیا ہے کہ اس نیٹ ورک نے ساڑھے پانچ سو سے زیادہ نیوز ویب سائٹس، متعدد مشکوک این جی اوز اور کئی غیر فعال ادارے تشکیل دیے یہ تمام ادارے اور این جی اوز مل کر بھارتی مفادات کے لیے کام کرتی تھیں۔

  • آج پھر بھارتی فوج کی ایل او سی پر بلا اشتعال فائرنگ، 55 سالہ خاتون شدید زخمی

    آج پھر بھارتی فوج کی ایل او سی پر بلا اشتعال فائرنگ، 55 سالہ خاتون شدید زخمی

    راولپنڈی:آج پھر بھارتی فوج کی ایل او سی پر بلا اشتعال فائرنگ، 55 سالہ خاتون شدید زخمی،اطلاعات کے مطابق پاکستان کے خلاف بھارتی فوج کی مکارانہ سازشوں کا سلسلہ آج بھی جاری رہا ، ادھر بھارتی فورسز کی لائن آف کنٹرول (ایل او سی) پر فائر بندی معاہدے کی سنگین خلاف ورزیاں جاری ہیں۔ حالیہ اشتعال انگیز فائرنگ سے 55 سالہ خاتون زخمی ہو گئی۔

    پاک فوج کے شعبہ تعلقات عامہ (آئی ایس پی آر) کے مطابق بھارتی فورسز نے ایل او سی کے تتہ پانی سیکٹر پر بلا اشتعال فائرنگ کی۔ بھارتی فورسز نے جان بوجھ کر شہری آبادی کو نشانہ بنایا۔

    آئی ایس پی آر کے مطابق بھارتی فورسز کی جانب سے شہری آبادی پر بھاری ہتھیاروں اور توپخانے کا استعمال کیا گیا۔ بھارتی اشتعال انگیزی کے نتیجے میں 55 سالہ خاتون شدید زخمی ہو گئی جسے فوری طور پر طبی امداد فراہم کی گئی۔

    یاد رہے کہ گزشتہ رات ایل او سی پر بھارتی فوج کی فائرنگ سے پاک فوج کے 2 جوان شہید ہو گئے تھے۔ بھارتی فوج نے سیز فائر کی خلاف ورزی کرتے ہوئے کھوئی رتہ سیکٹر پر بلا اشتعال فائرنگ کی،

    ادھر پاکستان کے سنیئر صحافی مبشرلقمان نے پاکستانی سرحدوں پربھارتی فوج کی طرف سے جارحیت کے متعلق ہوشربا انکشاف کرکے ہلا کررکھ دیا ہے وہ کہتے ہیں کہ ٹھیک ہے انڈیا پاکستان کے درمیان اختلافات ہیں لیکن یہ بات سمجھ سے باہر ہے کہ بھارت پاکستان سے اس وقت دشمنی کیوں‌مول لیتا ہے جب پاکستان میں حکومت اوراداروں کے خلاف اپوزیشن کا دباو ہوتا ہے

    ان کا کہنا تھا کہ یہ بات قابل غور ہے کہ کہیں بھارت جیسی مکارحکومت پاکستان کو غیرمستحکم کرنے والی اندرونی قوتوں کو سرحدو ں‌ پر جارحیت کرکے کمک تو نہٰں پہنچا رہی

  • ست بسم اللہ جی آیاں نوں ! افغان سفیرکی وزیرخارجہ سے اہم ملاقات راز کی بات

    ست بسم اللہ جی آیاں نوں ! افغان سفیرکی وزیرخارجہ سے اہم ملاقات راز کی بات

    اسلام آباد:ست بسم اللہ جی آیاں نوں ! افغان سفیرکی وزیرخارجہ سے اہم ملاقات راز کی بات ،اطلاعات کے مطابق پاکستان کے لیے افغانستان کے نئے سفیر نجیب اللہ علی خیل نے آج وزارت خارجہ میں شاہ محمود قریشی سے ملاقات کی،اس موقع پروزیرخارجہ نے ان کی آمد پران کوخوش آمدید کہا

    تفصیلات کے مطابق آج نئے افغان سفیر نے وزیر خارجہ شاہ محمود سے ملاقات کی،شاہ جی نے افغان سفیر کوذمہ داریاں سنبھالنے پرمبارکباد بھی دی ،

    افغان سفیر نجیب اللہ علی خیل نے وزیر خارجہ کا شکریہ ادا کرتے ہوئے پاک افغان تعلقات کے فروغ کے لیے اپنی بھرپور کاوشیں بروئے کار لانے کا یقین دلایا۔

    ذرائع کے مطابق اس اہم ملاقات میں دونوں رہنماوں کےدرمیان وزیر اعظم کے دورہ کابل، پاک افغان تعلقات اور افغانستان میں جاری امن عمل پر گفتگو ہوئی، وزیر خارجہ نے کہا پاکستان اور افغانستان کے مابین دیرینہ گہرے برادرانہ تعلقات ہیں۔

    وزیرخارجہ شاہ محمود قریشی نے کہا نائجر میں او آئی سی وزرائے خارجہ کونسل کے سنتالیسویں اجلاس کے موقع پر میری افغان ہم منصب سے ملاقات ہوئی تھی، انھوں نے افعان امن عمل میں پاکستان کی کاوشوں کی تعریف کی تھی۔

    شاہ محمود نے کہا پاکستان، افغانستان میں قیام امن کو خطے کے امن و استحکام کے لیے ناگزیر سمجھتا ہے، وزیر اعظم عمران خان کے دورہ کابل سے دونوں ممالک کے درمیان کثیر الجہتی شعبہ جات میں دو طرفہ تعاون کے فروغ کی راہیں ہموار ہوئی ہیں۔

    یاد رہے کہ وزیراعظم عمران خان کی سفارتی کوششوں سے خطے میں پاکستان کے دوستانہ اوربرادرانہ تعلقات میں بہتری پیدا ہونا شروع ہوگئی ہے

  • ایک اورعرب ملک نے اسرائیل کوتسلیم کرلیا،مزید تیار بیٹھے ہیں :ڈونلڈ ٹرمپ

    ایک اورعرب ملک نے اسرائیل کوتسلیم کرلیا،مزید تیار بیٹھے ہیں :ڈونلڈ ٹرمپ

    واشنگٹن :ایک اورعرب ملک نے اسرائیل کوتسلیم کرلیا،مزید تیار بیٹھے ہیں ،اطلاعات کے مطابق امریکی صدر ڈونلڈ ٹرمپ نے اعلان کیا کہ مراکش نےاسرائیل کوتسلیم کرلیا ہے اورمراکش چوتھا عرب ملک ہے جس نے اسرائیل کوتسلیم کیا ہے ،

     

     

    ٹرمپ نے مراکش کی طرف سے اسرائیل کوتسلیم کرنے کے‌حوالے سے ٹویٹ کیا کہ "اسرائیل اور مراکش کی حکومتوں‌ نے مکمل سفارتی تعلقات پر اتفاق کیا ہے – جو مشرق وسطی میں امن کے لئے ایک بڑی پیشرفت ہے!”

    وائٹ ہاؤس کی طرف سے کہا گیا ہے کہ ٹرمپ اور مراکش کے شاہ محمد نے فون پر بات کی اور مراکشی رہنما نے کہا کہ وہ "مراکش اور اسرائیل کے مابین سفارتی تعلقات کو دوبارہ شروع کرنے اور علاقائی استحکام کو آگے بڑھانے کے لئے معاشی اور ثقافتی تعاون کو بڑھانے پر اتفاق کر تے ہیں۔”

     

    وائٹ ہاؤس نے ایک بیان میں کہا ، امریکی صدر نے "پورے مغربی سہارا کے علاقے پر مراکشی خودمختاری کو تسلیم کیا۔”

    دوسری طرف عالمی ذرائع ابلاغ کا کہنا ہے کہ دنیا کو یہ ماننا پڑے گا کہ ٹرمپ بلاشبہ ایک کامیاب امریکی صدر ہیں جنہوں‌ نے عرب ملکوں کو نہ صرف اسرائیل کے قریب کیا بلکہ دوست بھی بنا دیا ، ٹرمپ کی چارسالہ کوششوں نے امریکہ کی کئی دہائیوں کی مشکلات کو کم کردیا ہے

    دوسری طرف یہ بھی کہا جارہا ہے کہ ٹرمپ 20 جنوری کو عہدے سے رخصت ہونے والے ہیں ، اسرائیل اور عرب ریاستوں کو اکٹھا کرنے میں تاریخی پیش قدمی کو ہمیشہ یاد رکھا جائے گا

    مراکش وائٹ ہاؤس کے "ابراہیم ایکارڈز” اقدام میں متحدہ عرب امارات ، بحرین اور سوڈان کے ساتھ شامل ہوئے۔یہ تھا وائٹ ہاوس کا اعلامیہ

    "مراکش کے بارے میں اس خبر کے اعلان کے بعد کشنر نے کہا ،” اسرائیل اور سعودی عرب کو اکٹھا ہونا اور اس وقت ناگزیرہے ،

     

     

    ٹرمپ نے ایک اعلان جاری کرتے ہوئے نئے امریکی عہدے کا باقاعدہ اعلان کیا اور ٹویٹ کیا کہ "مراکش کی ” مغربی صحارا میں سنجیدہ ، قابل اعتماد ، اور حقیقت پسندانہ خودمختاری کی تجویز امن و خوشحالی کے استحکام کے لئے صرف اور دیرپا حل کی واحد بنیاد ہے!

  • پیپلز پارٹی نے اڑھائی سالوں میں 72سال جتنی کرپشن کی”خواجہ آصف کے سچ نے تباہی مچادی

    پیپلز پارٹی نے اڑھائی سالوں میں 72سال جتنی کرپشن کی”خواجہ آصف کے سچ نے تباہی مچادی

    سیالکوٹ : پیپلز پارٹی نے اڑھائی سالوں میں 72سال جتنی کرپشن کی”خواجہ آصف کے سچ نے تباہی مچادی،اطلاعات کے مطابق خواجہ آصف کے ایک سچ نے نوازشریف اورزرداری کی رومانوی محبت پرپانی پھیردیا خواجہ آصف کہتے ہیں کہ "72 سال میں اتنی کرپشن نہیں ہوئی جتنی کرپشن ڈھائی سال میں پیپلز پارٹی نے کی”، سینئر لیگی رہنما خواجہ آصف کی زبان پھسل گئی۔

    تفصیلات کے مطابق سیالکوٹ میں مسلم لیگ ن کے کنوینشن میں خواجہ آصف کی پُرجوش خطاب کے دوران زبان پھسل گئی۔ ليگی رہنماء ملک میں سب سے زیادہ کرپشن کرنے کا الزام پیپلز پارٹی پر عائد کر دیا۔

    انہوں نے کہا کہ 72 سال میں اتنی کرپشن نہیں ہوئی جتنی کرپشن ڈھائی سال میں پیپلز پارٹی نے کی۔ اس موقع پر ان کے قریب موجود ایک شخص نے غلطی کی نشاندہی کی جس کے بعد خواجہ آصف نے غلطی کا اعتراف کرتے ہوئے کرپشن کا الزام تحریک انصاف کی حکومت پر لگا دیا۔

    ذرائع کے مطابق زبان پھسلنے کا یہ پہلا موقع نہیں ہے جب ن لیگ کے کسی جلسے میں ایسی مضحکہ خیز غلطی ہوئی ہو۔ کچھ روز قبل لاہور میں منعقدہ ورکرز کنوینشن کے دوران بھی لیگی رکن اسمبلی نے مریم نواز کی موجودگی میں "گو نواز گو” کے نعرے لگا دیے تھے۔

  • ایئرسیال کے بارے سچ اور جھوٹ کیا ہے ، اصل حقیقت جانیے مبشر لقمان کے ساتھ

    ایئرسیال کے بارے سچ اور جھوٹ کیا ہے ، اصل حقیقت جانیے مبشر لقمان کے ساتھ

    ایئرسیال کے بارے سچ اور جھوٹ کیا ہے ، اصل حقیقت جانیے مبشر لقمان کے ساتھ

    باغی ٹی وی رپورٹ کے مطابق سینئر اینکر پرسن مبشر لقمان نے اپنی تازہ یو ٹیوب ویڈیو میں کہا ہے کہ پاکستان کی کمیونٹی میں کہا جائے کہ اگر کوئی ہم میں سب سے بہتر ہے توہ سیالکوٹ کی کمیونٹی ہے . سیالکوٹ کے لوگ بڑا چپ کر کے پاکستان کی بقا اور سلامتی کے لیے کام کرتے ہیں. وہ نہ صرف پاکستان کو اپنی ایکسپورٹ کے ذریعے فورن ایکسچینج دے رہے ہیں پوری دنیا میں سیالکوٹ کا نام ہے . لوگ ان کو بہت عزت کی نگاہ سے دیکھتے ہیں. وہ چپ کر کے سٹرکیں بنا لیتے ہیں . ایئر پورٹ بنا لیتے ہیں اور اب انہوں نے اپنی ایئر لائن بنا لی ہے جو کہ بڑے بڑے لوگ نہیں‌کر سکے یہ کام سیالکوٹ والوں نے کر لیا ہے. اب جیسے ہی یہ ہوا تو مختلف اخباروں اور چینل میں آنے لگا کہ یہ مختلف بنکوں کی مدد سے کیا ہے
    .مبشر لقمان کے سوال کے جواب میں چیئرمین ایئرسیال فضل جیلانی نے کہا کہ ہمارے اس پراجیکٹ کو کسی بینک نے سپورٹ نہیں‌کیا بلکہ ہمارا پیسہ بینکوں میں‌پڑا ہوا ہے. ہم نے چار ارب کا پراجیکٹ شروع کیا ہے اور پانچ ارب کا ٹارگڈ ہے اس میں کسی بنک نے سپورٹ نہیں‌کیا ہماری بزنس کمیونٹی کا اپنا پراجیکٹ ہے . انہوں نے کہا یہ ہمارا پراجیکٹ آغاز میں ہے اس میں ہم لاہور کراچی ، اسلام آباد اور پشاور کے لیے پروگرام ہے . تین جہازوں سے کام شروع کیا ہے کراچی میں‌ہمارا ہیڈ آفس ہے ، یہ ہمارا بنیادی پروگرام ہے اس ک بعد ہم اپنا آپریشن بڑھائیں گے . نائیٹ کوچ لیں اور کارگو کو بھی لیں گے.

    اس پروگرام کو توسیع دینے کے حوالے سے فضل جیلانی کا کہنا تھا کہ ہم نے دومیسٹک سے شروع کیا ہے اور اگلے سال انٹر نیشنل کا کام کرنا ہے. پانچ جہازوں کے ساتھ . پھر سعودی عرب میں عمرہ کے لیے اور جلیجی ممالک کے لے پھر تیسرے فیز میں فار ایسٹ جائیں گے پھر یورب اور نارتھ امریکا جانے کا پروگرام ہے . ان کہناتھا کہ آنے والے پانچ سالوں میں‌ہمار پاکستان کی بہترین ایئرلائن بنے گی.
    مبشر لقمان نے کہا کہ پائلٹ کو سی اےاے کی طرف سے پریشانی ہو رہی ہے آپ کو اس سلسلے میں کوئی پریشانی نہیں‌ہوئے تو ان کا کہنا تھا کہ کوویڈ کی وجہ سے جو پائلٹس فارغ ہوئے تے انٹرنیشنل ایئر لائنز کی طرف سے ان کو ہم نے بلا لیا.

    مبشر لقمان نے سوال کیا کہ آپ نے کمانا روپے میں ہے اور ادا ڈالر میں‌کرنا ہے کیا اس کے لے آپ تیار ہیں توان کا کہنا تھا کہ جب ڈالر سو سے آگے بڑھا تو ہم نے نوے کروڑ روپے اضافی لگایا اور اس کے لے میں سب ذمہ داروں کو سلام پیش کرتا ہوں.

    مبشر لقمان ن سوال کیا کہ آپ کا ہیڈ کوارٹر اور شہر میں ہے اس کے جواب میں انکا کہنا تھا کہ کراچی میں‌ ہب ہے اور ہم آہستہ آہستہ اس کو بھی کراچی میں شفٹ کرلیں گے. ان کا کہنا تھا پاکستان میں جتنے اوورسیز ہیں ان میں 29 فیصد ہمارے علاقے کے لوگ ہیں.
    مبشر لقمان کا کہنا تھا کہ جو لوگ یو کے سے آتے ہیں انہوں نے آگے رولا کورٹ جانا ہوتا ہے تو پھر وہ بسوں میں جاتے ہیں اور نہیں پریشانی ہوتی ہے. تو اس کے جواب میں فضل جیلانی کا کہنا تھا کہ ہم وقت گزرنے کے ساتھ ساتھ چھوٹے جہاز لائیں‌گے .جو ان علاقوں میں بھی جا سکیں اور لوگوں کا مسئلہ حل ہو سکے .

    مبشر لقمان کاکہنا تھا کہ آپ کب باقاعدہ سروس شروع کرر ہے ہیں تو جیلانی صاحب کا کہنا تھا کہ وزیر اعظم صاحب نے اس کا افتتاح کر دیا ہے اور ہم بیس تک باقاعد کمرشل فلائٹس کا آغاز کردیں گے.

  • ایک طرف حکومت پردباوتودوسری طرف سرحدوں پربھارتی فوج کا دباو:”ٹائمنگ”معنی خیزہے:مبشرلقمان

    ایک طرف حکومت پردباوتودوسری طرف سرحدوں پربھارتی فوج کا دباو:”ٹائمنگ”معنی خیزہے:مبشرلقمان

    لاہور:ایک طرف حکومت پردباوتودوسری طرف سرحدوں پربھارتی فوج کا دباو:معنی خیزہے:اطلاعات کے مطابق پاکستان کے سنیئرصحافی تجزیہ نگارمبشرلقمان نے ایک اہم انکشاف کرتے ہوئے اہم حقیقت سے پردہ اٹھایا ہے

    سنیئر صحافی جو کہ جنوبی ایشیا امور کے بڑے ماہرمانے جاتے ہیں ان کا کہنا ہے کہ میں اس پراکسی پربڑا حیران ہوں کہ جب بھی پاکستان میں حکومت پردباوبڑھایا جاتا ہے اسی دوران پاکستان کی سرحدوں پربھی دباو بڑھا دیا جاتا ہے یہ ٹائمنگ کسی بڑے خطرے کا اشارہ دے رہی ہے

     

     

    مبشرلقمان کہتے ہیں کہ یہ بھارت کی طرف سے اس وقت کیا جاتا ہے جب پاک فوج کو بھی دباو میں رکھنا مقصود ہوتا ہے ،

    ان کا کہنا تھا کہ پاکستان کی اندرونی اوربیرونی قوتوں کی طرف سے ایک ہی وقت میں حکومت پردباو کچھ اشارے دے رہا ہے

    ان کا کہنا تھا کہ مودی کی طرف سے ایسی حرکتوں کو بچگانہ نہیں کہنا چاہیے یہ ایک گہری سازش ہے جس کا سدباب کرنا بہت ضروری ہے

    مبشرلقمان نے قوم کے نام اپنے اس پیغام میں کہا ہےکہ قوم اس ٹائمنگ پرغورکرے اورملک میں جاری سیاسی جارحیت سے اس کا ضرور تقابل کرے ، ان کا یہ بھی کہنا تھا کہ ہمیں بھارت کی مکارانہ چالوں سے بچنا ہوگا

     

  • وزیراعظم کی بس ہوگئی: مولانا مریم کے سامنے ہاتھ جوڑ دیے

    وزیراعظم کی بس ہوگئی: مولانا مریم کے سامنے ہاتھ جوڑ دیے

    اسلام آباد:وزیراعظم کی بس ہوگئی: مولانا مریم کے سامنے ہاتھ جوڑ دیے ،اطلاعات کے مطابق وزیراعظم عمران خان نے اپوزیشن کے سامنے ہاتھ جوڑتے ہوئے کہا ہےکہ خدارا اب بس کردیں کرونا قوموں کوتباہ کررہا ہے میری اس قوم پررحم کھائیں ،

    وزیراعظم عمران خان نے اپوزیشن کو مخاطب کرتے ہوئے کہا ہے کہ جلسوں سے حکومت نہیں جائے گی، عوام کی جانیں خطرے میں نہ ڈالیں، کورونا کی دوسری لہر انتہائی خطرناک ہے، مخالفین احتجاج دو یا تین ماہ موخر کردیں۔

    وزیراعظم عمران خان کا وبا کی صورتحال سے متعلق اظہار خیال کرتے ہوئے کہنا تھا کہ جلسے، جلوس کرنے والے عوام کی جانوں کو خطرے میں ڈال رہے ہیں۔ کورونا کی حالیہ صورتحال کا بحیثیت قوم مقابلہ کرنا ہے۔ بڑھتی سردی کے ساتھ کورونا کے زیادہ پھیلنے کا خدشہ ہے۔

    عمران خان کا کہنا تھا کہ پہلی لہر کے دوران قوم نے مل کر ایس او پیز کو فالو کیا تو اللہ نے کرم کیا۔ بھارت اور ایران میں کورونا سے بہت برے حالات ہیں لیکن اللہ تعالیٰ نے پاکستان کو بچایا ہوا ہے۔ ہم سب کو ایس او پیز کو فالو کرنا چاہیے۔

    وزیراعظم عمران خان نے کہا کہ جلسوں سے مجھے نہیں فرق پڑے گا، آپ لوگوں کی جانوں کو خطرے میں ڈال رہے ہیں۔ ان کا کہنا تھا کہ انگلینڈ اور امریکی ریاست کیلیفورنیا میں دوبارہ لاک ڈاؤن ہو گیا ہے۔ ہم نے تو اپنے دیہاڑی دار طبقے کو بچایا تھا۔

    وزیراعظ٘م نے عوام سے اپیل کی کہ ماسک پہننے سے وائرس سے بچا جا سکتا ہے۔ یہ وقت ہے کہ قوم مل کر احتیاط کرے۔ سب سے بڑا ایس او پی ماسک پہنا جائے۔

    عمران خان نے وبائی صورتحال بارے عوام کو آگاہ کرتے ہوئے کہا کہ پورے پاکستان میں 40 فیصد بیڈز مریضوں سے بھر چکے ہیں۔ اگر یہی حال رہا تو پھر ہسپتال بھر جائیں گے۔ لوگوں کے زیادہ جمع ہونے سے کورونا پھیلتا ہے۔ اگر ہم نے احتیاط نہ کی تو حالات خراب ہو سکتے ہیں۔

    یاد رہے کہ آج لاہور ہائی کورٹ کی طرف سے بھی حکومت کوکرونا سے بچاو کے حکومتی طئے کردہ قوانین پرعمل درآمد نہ کرنے والوں کے خلاف کارروائی کا حکم دیا ہے