Category: اہم خبریں

سپریم کورٹ کراچی رجسٹری نے نان نفقہ کی ادائیگی کے خلاف مختلف درخواستیں مسترد کر دیں۔

دوران درخواست چیف جسٹس نے ریمارکس دیے کہ حقائق کی جانچ سپریم کورٹ کا کام نہیں، ہم یہاں صرف قانون کی خلاف ورزی کو دیکھیں گے،سپریم کورٹ کراچی رجسٹری میں نان نفقہ کی ادائیگی سے متعلق شہریوں کی مختلف اپیلوں پر چیف جسٹس یحییٰ آفریدی کی سربراہی میں سماعت ہوئی،چیف جسٹس پاکستان یحییٰ آفریدی نے نان نفقہ کی ادائیگی سے متعلق شہریوں کی مختلف اپیلوں پر سماعت کے دوران ریمارکس دیتے ہوئے کہا کہ سپریم کورٹ میں حقائق کی جانچ سے متعلق معاملات نہیں آنے چاہئیں، حقائق کی جانچ سپریم کورٹ کا کام نہیں، ہم یہاں صرف قانون کی خلاف ورزی کو دیکھیں گے،نان نفقہ سے متعلق حقائق کی جانچ فیملی کورٹس نے کرنی ہیں، سپریم کورٹ حقائق کی جانچ سے متعلق مداخلت نہیں کرے گی، ہم سمجھتے ہیں ہائی کورٹ کو بھی حقائق کی جانچ میں نہیں جانا چاہیے۔

درخواست گزار کے وکیل نے دلائل دیتے ہوئے کہا کہ درخواست گزار علیحدگی کے بعد سے نان نفقہ دینے کو تیار ہے۔چیف جسٹس یحییٰ آفریدی نے کہا کہ آپ نے 2022ء سے نان نفقہ ادا نہیں کیا، 3 برسوں سے آپ نے اپنے بچوں کو ایک روپیہ بھی نہیں دیا،جسٹس شفیع صدیقی نے درخواست گزار کے وکیل سے کہا کہ آپ جو بات کر رہے ہیں اس کے لیے ریکارڈ کا جائزہ لینا پڑے گا، حقائق کی جانچ کا فورم ماتحت عدالت ہے،چیف جسٹس یحییٰ آفریدی نے کہا کہ سپریم کورٹ اس مرحلے پر مداخلت نہیں کرے گی۔

بھارت میں ووٹ مانگنے سے پہلے ووٹر ہی مٹا دیے گئے,مودی راج میں اقلیت ہونا سب سے بڑا جرم بن چکا ہے

مودی کا الیکشن پلان بے نقاب، ووٹر لسٹ سے اقلیتوں کا منظم اخراج جاری ہے،بہار میں الیکشن سے قبل لاکھوں اقلیتی ووٹرز کو فہرست سے باہر کردیا گیا،ووٹر لسٹ سے مسلمانوں کا اخراج تیزی سے جاری، جمہوری حق چھیننے کی خاموش مہم عروج پر ہے،ہندوتوا ایجنڈے کے تحت بہار میں ایس آئی آر کے نام پر ووٹر لسٹ کی چھانٹی کرتے ہوئے لاکھوں مسلمانوں، دلتوں اور غریبوں کو فہرست سے باہر کر دیا گیا

دی ٹریبیون انڈیا کی رپورٹ کے مطابق”بہار میں مسلم اکثریتی اضلاع سے ووٹرز کے ناموں کا بڑے پیمانے پر اخراج کیا گیا،اقلیتی آبادی والے اضلاع میں ووٹر لسٹ سے ناموں کی غیر معمولی کٹوتی کی گئی،الیکشن کمیشن کے مطابق بہار کے 10 اضلاع میں سب سے زیادہ ووٹرز کو فہرست سے نکال دیا گیا ہے،مدھوبنی، مشرقی چمپارن، پورنیہ اور ستمرھی جیسے مسلم اکثریتی اضلاع میں ووٹر لسٹ سے ہزاروں نام غائب ہیں،اپوزیشن کا الزام ہے کہ ایس آئی آر کے ذریعے اقلیتوں اور غریبوں کو ووٹر لسٹ سے نکالا جا رہا ہے،مدھوبنی میں 3,52,545 فارم جمع نہ ہونے پر ووٹرز کی ممکنہ فہرست سے اخراج کیا گیا ہے،مشرقی چمپارن میں 3,16,793، پورنیہ میں 2,73,920 اور ستمرھی میں 2,44,962 فارم واپس نہ آئے ،الیکشن کمیشن کا مؤقف ہے کہ فارم کی عدم وصولی کا مطلب ووٹر لسٹ سے ممکنہ اخراج ہے، دیگر متاثرہ اضلاع میں پٹنہ، گیا، گوپال گنج، سارن، مظفرپور اور سمستی پور شامل ہیں،مجموعی طور پر 65 لاکھ سے زائد ووٹرز کو مردہ، منتقل شدہ یا دہری رجسٹریشن کی بنیاد پر نکالا گیا

الیکشن کمیشن کے مطابق 7.24 کروڑ ووٹرز کے فارم موصول ہوئے، اعتراضات جمع کرانے کی آخری تاریخ یکم ستمبر ہے ،جمہوریت کا چولا، ہندوتوا کا کھیل , مودی راج میں الیکشن سے پہلے اقلیتوں کا صفایا معمول بن چکا ہے،مودی سرکار کا "سب کا ساتھ سب کا وکاس” صرف ایک سیاسی نعرہ , اصل میں مسلمانوں کا ووٹر لسٹ سے صفایا جاری ہے

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ بھارت سے جنگ کے بعد حکومت کی توجہ پاکستان کی معیشت بہتر کرنے پر ہے، وزیراعظم سے ملاقات میں سیاست نہیں بلکہ پاکستان پر ہی بات چیت ہوئی، ملک ریاض اور منی لانڈرنگ کرنے والوں کے لئے کوئی معافی نہیں ہے.

مبشر لقمان آفیشیل یوٹیوب چینل پر اپنے وی لاگ میں مبشر لقمان کا کہنا تھاکہ کل میری وزیراعظم شہباز شریف سے اہم ملاقات ہوئی، پہلے چند منٹ کے بعد انہوں نے وزیر اطلاعات عطا تارڑ کو بھی بلا لیا،میٹنگ ٹریڈ کے بارے ہو رہی تھی جو مشکلات ہیں اس بارے میں کہ کیسے پاکستان میں انویسمنٹ بہتر ہو سکتی ہے تو اس میں وزیراعظم نے چند اہم باتیں کیں کہ جس طرح ہماری افواج پاکستان نے آپریشن بنیان مرصوص میں دنیا کو دکھایا کہ کیوں وہ دنیا کی نمبر ون آرمی ہیں،پوری دنیا کہہ رہی ہے کہ اتنی بہادری،ذہانت،مہارت کبھی نہیں دیکھی،اب دنیا میں یہ پاکستان کی جنگ پڑھائی جائے گی کہ محدود وسائیل کے ساتھ کیسے جنگ جیتی ، بھارتی فوج کا بجٹ دیکھیں اور پاکستان کا ، ان کا بجٹ زیادہ، آرمی زیادہ،ایئر فورس بڑی لیکن جو حوصلے،پیشہ وارانہ مہارت ہمارے پاس ہے وہ کسی کے پاس نہیں، اس جنگ کے بعد پاکستان بہت اہم ہو گیا ہے.

مبشر لقمان کا مزید کہنا تھا کہ وزیراعظم شہباز شریف نے کہاکہ ہم اب اس کو اکانومی کے ساتھ لنک کر رہے ہیں، پاکستان کا جو امیج بن گیا ہے ناقابل تسخیر امیج،ہماری اکنامک گروتھ بھی ایشیا کے ترقی یافتہ ممالک میں شامل ہو گی، اگلے دو تین سالوں میں وہاں پہنچ سکتے ہیں،

مبشر لقمان کا مزید کہنا تھا کہ میری کچھ سورسز سے بات ہوئی، کہ کسی کو چھوٹ نہیں دی جا رہی، پچھلے 18 ماہ کے اندر ملک ریاض پر الزامات ہیں کہ ایک ہزاربلین تک منی لانڈرنگ کی ہے اور اس میں غالبا کل دو ریٹائرڈ بریگیڈئر بھی گرفتار ہوئے، اگر ان لوگوں کی گرفتاریاں ہو رہی ہیں تو کسی کا لحاظ نہیں ہو گا،پاکستان پر اب کوئی کمپرومائز نہیں ہے،ایک اور بڑا گروپ ہے اس پر بھی منی لانڈرنگ کے الزامات ہیں اسکے کل پرسوں تک نام سامنے لے آؤں گا، جب نام سامنے آئے گا توبڑے لوگ ہل جائیں گے، میڈیا میں ایک صاحب ہیں انہوں نے بڑی کوشش کی کہ ملک ریاض اور جن صاحب کا نام لے رہا ہوں ان کے لئے آسانیاں ہو جائیں لیکن جواب ملا کہ سوچنا بھی مت.

مبشر لقمان کا مزید کہنا تھا کہ کچھ دن پہلے لاہور پھر فیصل آباد میں سزائیں ہوئیں، نومئی کے کیسز میں، اب بڑی تیزی سے ہر اس شخص کے گرد گھیرا تنگ ہو رہا ہے جنہوں نے ملک کو نقصان پہنچایا،میری اطلاع کے مطابق ملک ریاض اسپین میں ہیں اور مونس الہیٰ بھی وہی ہیں،

کل میری سرسری سے ملاقات ہوئی اسحاق ڈار سے،عطا تارڑ سے ملاقات میں خوشی ہوئی،انہوں نے نہ ن لیگ کی بات کی نہ پی ٹی آئی کی، نہ سیاست،نہ اپوزیشن کی،انہوں نے ایک بات کہ اوورسیز پاکستانی کتنےپازیٹو ہو چکے ہیں،اور انڈیا کا آپریشن سندور اس کے جواب میں پاکستان کا آپریشن بنیان مرصوص، اس کے بعد لوگوں نے یہ آ کر کہا کہ میں پی ٹی آئی کا سپورٹر ہوں لیکن اب میں آپ کو سپورٹ کر رہا ہوں کہ آپ نے پاکستان کی ترجمانی کی.میں نے کہا کہ ڈی جی آئی ایس پی آر نے جس طرح آپریشن کو لیڈ کیا انفارمیشن میں، کوئی فیک نیوز نہیں دی تو عطا تارڑ نے کہا کہ بالکل کریڈٹ انہیں جاتا ہے، مجھے جو کل خوشی ہوئی ہے سب سے بڑی بات ملک کی سیاست، سیاسی جماعتیں نہیں ڈسکس ہو رہی ،بلکہ پاکستان اور پاکستان کی معیشت پر بات ہو رہی ہے،

پاک فوج میں جدید Z-10ME اٹیک ہیلی کاپٹر شامل کر لیا گیا۔

پاک فوج کے شعبہ تعلقات عامہ آئی ایس پی آر کے مطابق فیلڈ مارشل عاصم منیر نے ملتان گیریژن کا دورہ کیا جس دوران انہیں فارمیشن کی آپریشنل تیاریوں اور تربیتی سرگرمیوں پر بریفنگ دی گئی،فیلڈ مارشل نے قومی اتحاد اور سول ملٹری ہم آہنگی کی اہمیت پر زور دیا، اور فوج کی قومی خودمختاری اور علاقائی سالمیت کے تحفظ کے عزم کا اعادہ کیا، فیلڈ مارشل کے ملتان گیریژن کے دورے کے موقع پر پاک فوج کے بیڑے میں جدید Z-10ME اٹیک ہیلی کاپٹر شامل کیا گیا۔

آئی ایس پی آر کے مطابق جدید Z-10ME اٹیک ہیلی کاپٹر ہر موسم میں اور رات میں بھی درست نشانہ لگانے کی صلاحیت رکھتا ہے، اس جدید نظام کی شمولیت پاک فوج کی ایوی ایشن کو جدید خطوط پر استوار کرنے کی جانب ایک اہم سنگِ میل ہے،فیلڈ مارشل عاصم منیر نے فوجی جوانوں اور افسران سے ملاقات کی اور جوانوں کے غیر معمولی حوصلے اور پیشہ ورانہ مہارت کی تعریف کی۔ آرمی چیف نے مشترکہ ہتھیاروں کی حکمتِ عملی کے کامیاب مظاہرے کو سراہا۔