Category: اہم خبریں

لاہور :لندن سے گرفتاری کاڈر،نوازشریف سعودی عرب میں پناہ لینے کے لیے کوشاں ،اطلاعات کے مطابق کرپشن کیس میں برطرف سابق وزیراعظم نوازشریف کواس بات کا یقین ہوگیا ہےکہ برطانوی حکومت انہیں‌ عمران‌ خان کے حوالے کردے گی ، ان حالات اورگرفتاری سے بچنے کےلیے نوازشریف نے سعودی قیادت سے رابطے کرلیئے ہیں

ذرائع کے مطابق نواز شریف نے گرفتاری کے ڈر سے لندن سے سعودی عرب منتقل ہونے کی کوشش کی ہے۔ جہاں وہ سیاسی پناہ کی تلاش میں ہیں ، یہ بھی معلوم ہوا ہےکہ نوازشریف نے یہ فیصلہ سعودی عرب اورپاکستان کے بڑھتے ہوئے اختلافات سے فائدہ اٹھانے کی کوشش کی ہے ،

ادھر تفصیلات کے مطابق نجی ٹی وی چینل کے پروگرام سے گفتگو کرتے ہوئے سینئر صحافی و تجزیہ کار صابر شاکر کی جانب سے لندن میں مقیم سابق وزیراعظم نواز شریف کے حوالے سے بڑا دعویٰ کیا گیا ہے۔ صابر شاکر کا کہنا ہے کہ نواز شریف نے ایک مرتبہ پھر سعودی عرب میں مقیم ہونے کی کوششیں شروع کر دی ہیں۔

قائد ن لیگ لندن سے سعودی عرب منتقل ہونے چاہتے ہیں۔ اس حوالے سے ان کی جانب سے سعودی قیادت سے اجازت کیلئے باقاعدہ درخواست بھی کی گئی۔ صابر شاکر کا کہنا ہے کہ قائد ن لیگ کی درخواست پر سعودی قیادت نے صاف انکار کر دیا ہے۔ جبکہ سعودی قیادت نے درخواست کے حوالے سے پاکستانی قیادت کو بھی آگاہ کر دیا ہے۔

صابر شاکر کے مطابق نواز شریف کا پیغام موصول ہونے پر سعودی قیادت نے واضح کیا کہ مشرف کے دور میں 2 ممالک کے درمیان باقاعدہ معاہدے کی بدولت قائد ن لیگ کو سعودی عرب میں پناہ دی گئی تھی، تاہم اب ایسا کوئی معاملہ نہیں ہے۔

واضح رہے کہ سابق وزیراعظم و قائد ن لیگ نواز شریف کئی ماہ سے لندن میں مقیم ہیں۔ نواز شریف عدالت سے سزا سنائے جانے کے بعد قید کاٹ رہے تھے، تاہم دوران قید ان کی طبیعت خراب ہونے کی وجہ سے انہیں ضمانت پر رہائی دے کر علاج کیلئے بیرون ملک سفر کی اجازت دی گئی۔

عدالت نے نواز شریف کو صرف علاج کے غرض سے لندن جانے کی اجازت دی، تاہم ان کی جانب سے کئی ماہ سے لندن میں مقیم ہونے کے باوجود علاج نہیں کروایا گیا۔ عدالت نے نواز شریف کو مخصوص مدت کیلئے بیرون ملک جانے کی اجازت دی تھی، تاہم وہ مدت ختم ہونے کے بعد اب قائد ن لیگ ملک واپس آنے کیلئے راضی نہیں ہیں۔

واشنگٹن :جوبائیڈن حلف اٹھانے سے پہلے ہی بھارت نوازہوگیا،20 بھارتی نوازبڑے بڑے عہدوں پرتعینات،اطلاعات کے مطابق دنیا جس جوبائیڈن کوایک غیرجانبدارامریکی صدرکے طورپردیکھ رہی تھی اس منتخب ہونے والے صدرنے حلف اٹھانے سے پہلے ہی بھارت نوازی کا دم بھردیا ،

نومنتخب امریکی صدر جو بائیڈن نے بھارتی نوازنائب امریکی صدرکملا ہیرس سے ملکر 20 سے زیادہ ہندوستانی امریکیوں کو ایجنسی ریویو ٹیمز (اے آر ٹی) میں شامل کیا گیا ہے۔ یہ ہندوستانی امریکی ان ٹیموں کا حصہ ہوں گے جو وفاقی ایجنسیوں کی کارروائیوں کا جائزہ لینے کے لئے ذمہ دار ہیں تاکہ آنے والی بائیڈن ہیرس انتظامیہ امریکہ کی قیادت کے لئے تیار ہو۔

یہ ٹیمیں متنوع نقطہ نظر کی حامل ہیں جن کا امریکہ کے انتہائی ضروری اور پیچیدہ چیلنجوں سے نمٹنے کے لئے کام کررہی ہیں اور اس طرح کی ٹیموں کی قیادت کے لئے تین ہندوستانی امریکیوں کا انتخاب کیا گیا ہے۔

ارون مجمددار کو محکمہ توانائی کی قیادت کرنے کے لئے منتخب کیا گیا ہے۔ محکمہ توانائی کی ٹیم فیڈرل انرجی ریگولیٹری کمیشن اور نیوکلیئر ریگولیٹری کمیشن کا بھی جائزہ لے گی۔

کرن اہوجا آفس آف پرسنل مینجمنٹ کی قیادت کریں گی۔ آفس پرسنل منیجمنٹ ٹیم آفس آف گورنمنٹ اخلاقیات ، آفس آف اسپیشل کونسل ، ریاستہائے متحدہ کی انتظامی معاملات ، میرٹ سسٹم پروٹیکشن بورڈ ، اور فیڈرل تھرفٹ ریٹائرمنٹ انویسٹمنٹ بورڈ کا بھی جائزہ لے گی۔

راہول گپتا کو قومی ڈرگ کنٹرول پالیسی کے دفتر کا ٹیم لیڈر بنایا گیا ہے۔دیگر ہندوستانی امریکی جن کا انتخاب کیا گیا ہے ان میں‌ ارون وینکٹرامین جو کہ محکمہ تجارت اور ریاستہائے متحدہ تجارت کے دفتر کے سربراہ ہوں گے ،

محکمہ برائے توانائی کے لئے زکریا ، سبھاسری رامانتھن (محکمہ ہوم لینڈ سیکیورٹی) ، راج ڈی (محکمہ انصاف) ، سیما نندا اور راج نائک برائے محکمہ محنت ، رینا اگروال اور ستیام کھنہ کو وفاقی ریزرو ، بینکنگ اور سیکیورٹیز کے لئے نامزد کیا گیا ہے۔ ریگولیٹرز اے آر ٹی ، ناسا کے لئے بھاویہ لال ، دلپریت سدھو (قومی سلامتی کونسل) ، دیویہ کماریا (آفس ​​آف مینجمنٹ اینڈ بجٹ) ، کمار چندرن (محکمہ زراعت) اور انیش چوپڑا (یو ایس پوسٹل سروس)۔

ذرائع کے مطابق ویسے توسیکڑوں ہندوستانیوں کو اہم ذمہ داریاں دی گئی ہیں لیکن اس اے آر ٹی کے سیکڑوں ممبروں میں سے آدھے سے زیادہ خواتین ہیں ، اور تقریبا 40 فیصد تاریخی طور پر وفاقی حکومت میں نمائندگی کرنے والی جماعتوں کی نمائندگی کرتے ہیں ،

اسلام آباد :مسئلہ کشمیرپرپاکستان کے ساتھ کھڑے ہیں،ایرانی وزیرخارجہ کی وزیراعظم کویقین دہانی ،اطلاعات کےمطابق ایرانی وزیرخارجہ جواد ظریف نے وزیراعظم پاکستان عمران خان کواس بات کی یقین دہانی کروائی ہے کہ ایران مسئلہ کشمیرکے معاملے پرپاکستان کے ساتھ کھڑا ہے ،

تفصیلات کے مطابق وزیر اعظم عمران خان سے ایرانی وزیر خارجہ جواد ظریف کی ملاقات ہوئی جس میںپاک ایران تعلقات، علاقائی امور، افغان امن عمل، مسئلہ کشمیر پر بات چیت کی گئی۔

ایرانی وزیرخارجہ سے ملاقات کے دوران وزیراعظم عمران خان نے پاک ایران دو طرفہ تجارت بڑھانے پر زور دیا۔وزیر اعظم عمران خان کا کہنا تھا کہ پاکستان خطے میں امن واستحکام کے لیے کوششیں کر رہا ہے اور ہم افغانستان میں امن کے حامی ہیں۔

ایرانی وزیر خارجہ جواد ظریف نے دو طرفہ تعلقات بڑھانے کے عزم کا اظہار کیا۔ایرانی وزیر خارجہ کا مسئلہ کشمیر پر پاکستان کی حمایت جاری رکھنے کا عزم بھی کیا۔وزیراعظم نے کرونا سے ایران میں قیمتی جانوں کے ضیاع پر اظہار تعزیت کی۔

وزیر اعظم نے کہا کہ سمارٹ لاک ڈاؤن پالیسی اور حکومتی اقدامات سے وبائی مرض کو روکنے میں مدد ملی۔ وزیر اعظم نے تجارت اور اقتصادی تعلقات میں دو طرفہ تعاون بڑھانے پر زور دیا۔ خطے میں امن، سلامتی اور ترقی کے فروغ کے لئے ملکر کام کرنا چاہیے۔

ایرانی وزیرخارجہ نے وزیراعظم کو یہ بھی یقین دہانی کروائی کہ ایران ماضی کی کوتاہیوں سے دوررہے گااوردونوں برادراسلامی ملک ایک دوسرے کے ساتھ رہیں گے

گلگت:بلاول بھٹو،مریم نوازایک میزپراکٹھے توہوگئے،مگرکراچی واقعہ کی انکوائری پراختلافات برقراررہے،اطلاعات کے مطابق پاکستان پیپلزپارٹی کے چیئرمین بلاول بھٹو زرداری اور پاکستان مسلم لیگ ن کی سینئر نائب صدر مریم نواز شریف کے درمیان ون آن ون ملاقات ہوئی ہے جس میں سیاسی صورتحال پر تبادلہ خیال کیا گیا۔

پاکستان پیپلزپارٹی اور مسلم لیگ ن کی قیادت کی ون آن ون ملاقات کے بعد پارٹی وفود کی بھی ملاقات ہوئی، چیئرمین بلاول بھٹو زرداری کے ہمراہ سینیٹر شیری رحمان اور سینیٹر مصطفی نواز کھوکھر، صدر پی پی پی گلگت بلتستان امجد حسین بھی موجود ہیں۔

ملاقات میں پی ڈی ایم کے وجود کولاحق خطرات اورنئے سرے سے اس میں جان ڈالنے کی منصوبہ بندی کی گئی ،اس دوطرفہ ملاقات میں پشاور جلسے، گلگت بلتستان انتخابات سمیت مختلف اہم امور پر تبادلہ خیال کیا گیا

یہ بھی معلوم ہوا ہےکہ اس ملاقات مین مریم نے بلاول سے شکوہ کیا کہ آپ نے نوازشریف کے بیانیئے کومسترد کردیا ،یہ بھی معلوم ہوا ہےکہ اس دوران بلاول بھٹو اور مریم نواز کے درمیان نواز شریف کے ٹوئیٹ کا معاملہ بھی زیر بحث آیا

کراچی واقعے پر ن لیگ کے موقف نے مخالفین کو تنقید کا موقع دیا، بلاول نے مریم کوصاف صاف بتادیا،بلاول بھٹو نے اپنے شکوے بیان کرتے ہوئے کہا کہ ہم نے ن لیگ کے سینیئر رہنماؤں سے بھی رابطہ کر کے تحفظات سے آگاہ کیا تھا،

اس ملاقات میں مریم نواز نے کراچی واقعہ کی انکوائری رپورٹ پرنوازشریف کے موقف کودرست قراردیا پیپلزپارٹی نے اس موقف کی حمایت کرنے سے معذرت کرلی

ملاقات کے دوران بلاول اور مریم نواز کے درمیان ملکی سیاسی صورت حال پر تبادلہ خیال کیا گیا۔ پاکستان پیپلزپارٹی اور مسلم لیگ ن کی قیادت انتخابی مہم کے سلسلے میں ایک ہی ہوٹل میں قیام پذیر ہیں۔

خیال رہے کہ گلگت بلتستان اسمبلی کے انتخابات 15 نومبر کو ہوں گے جن میں پاکستان تحریک انصاف، مسلم لیگ ن اور پی پی پی میں سخت مقابلہ متوقع ہے۔

گلگت:باہرعوام کولڑارہے ہیں اوراندراکٹھےبیٹھےہیں‌،کون ہوگاچیمپئن:مبشرلقمان نے بہت خوبصورت منظرکشی کی ہے ، ن لیگ کی مریم نواز کی پی پی کے بلاول سے ملاقات کی ، اطلاعات کے مطابق سنیئر تجزیہ نگارمعروف صحافی نے گلگت میں مریم نواز اوربلاول بھٹوکی ون بائی ون ملاقات کا خوبصورت نقشہ کھینچا ہے

باغی ٹی وی کے مطابق اس حوالے سے سنیئر صحافی نے مریم نواز کی بلاول سے ملاقات پراہل گلگت وبلتستان سے پوچھا ہے کہ اے میرے ہم وطنو! ایک بات ہی بتادیں

Which one of them has a better campaign in GB currently? pic.twitter.com/NgW8naKBQn

— Mubasher Lucman (@mubasherlucman) November 11, 2020

مبشرلمقان پوچھتے ہیں کہ تمہیں تو یہ آپس میں لڑا رہے ہیں اورایک دوسرے کے خلاف اکسارہے ہیں‌،ووٹ کی خاطرتمہارے درمیان دشمنیاں پیدا کررہے ہیں لیکن خود یہ ایک کمرے میں تنہا بیٹھے خوش گپیوں میں مصروف ہیں ،یہ کیا ہورہا ہے ، کچھ تو بتادو

سنیئر صحافی نے اس فرینڈلی ملاقات کے منظرکے ساتھ گلگت بلتستان کے سیاسی ماحول سے تقابلہ کرتے ہوئے کہا ہےکہ پھراس نورا کشتی کے باوجود یہ توبتادیں کہ چیمپئن کون ہوگا

مبشرلقمان یہ کہہ رہے ہیں کہ گلگت بلتستان کے الیکشن میں ان دونوں میں کس کودوسرے پربرتری ہوگی

یاد رہے کہ اس سے قبل معروف صحافی اسی حوالے سے گلگت بلتستان کے زمینی حقائق کی بنیاد پرایک خاکہ بیان کرچکے ہیں ان کا کہنا ہے کہ امکان یہ نظرآتا ہے کہ سب سے زیادہ سیٹیں پی ٹی آئی ، اس کے بعد آزاد اورپیپلزپارٹی کا مقابلہ ہے اورن لیگ کی پوزیشن سب سے آخری ہوگی ،

گلگت:مریم نوازووٹ لینےکےلیےمذہب کارڈاستعمال کرنےلگیں‌،حضرت حسنؓ وحسینؓ کا نام مبارک چھوٹے بھائیوں‌کی طرح‌ لیتی رہیں ؟سخت ردّعمل آگیا،اطلاعات کے مطابق گلگت میں اس وقت سیاسی ماحول گرم ہے ، ہرپارٹی اپنا منشورپیش کررہی ہے لیکن دوسری طرف ن لیگ کی نائب صدرمریم نوازنے ووٹ لینے کے لیے نہ صرف مذہبی کارڈ استعمال کیا ہے بلکہ مریم کو یہ بھی پتہ نہیں کہ ان مبارک ہستیوں کا نام کیسے لیا جاتا ہے

https://twitter.com/VirkSh786/status/1326454657703665664

ذرائع کے مطابق اس حوالے سے گلگت سے موصول ہونے والے ایک ویڈیوکلپ میں مریم کا ان مبارک ہستیوں کا نام لینے کے حوالے سے بہت اچھنبا لگاہے، ذرائع کا کہنا ہے کہ مریم نے پہلے اپنے بھائیوں حسین اورحسن کا نام لیا اورپھرساتھ ہی حضرت امام حسنؓ و حسینؓ کا نام لے کہا کہ "حسین اورحسن میرے بھائیوں کا نام ہے

مریم نواز نے اپنی بات کوآگے بڑھاتے ہوئے کہا کہ حسین اورحسین کوماننے والے ہو ، میرے بھائی بھی حسین اورحسن ہیں ہم بھی اہل بیت کو ماننے والے ہیں

ذرائع کے مطابق مریم نواز کی طرف سے مذہب کے کارڈ کواستعمال کیے جانے کے خلاف سخت ردعمل آرہا ہے لوگوں کا کہنا ہے کہ یہ کیسےلوگ ہیں سال ان کو مبارک ہستیاں یاد نہیں آتیں‌ لیکن الیکشن میں یہ ان کا نام لے کرلوگوں سے ووٹ لیتے ہیں‌

اسلام آباد :بڑے شرم کا مقام ہے کہ امریکی ایمبیسی کا ٹویٹراکاونٹ ن لیگی چلارہے ہیں‌،شیریں مزاریں کا تلخ مگرحقیقت پسندانہ ردعمل،اطلاعات کے مطابق ن لیگی ایجنڈے کوپروان چڑھانے اور حکومت کے خلاف امریکہ اورن لیگ کے ایجنڈے کا ایک پیچ پرآنا کسی دھماکےسے کم نہیں ،

This not good enough esp after great delay! Account was clearly not hacked so someone who had access to it used it "without authorisation". Unacceptable that someone working in US Embassy pushing a particular pol party's agenda – has serious consequences incl staff visas scrutiny https://t.co/IWqYtRjVna

— Shireen Mazari (@ShireenMazari1) November 11, 2020

دوسری طرف عوامی مطالبے کے بعد امریکی ایمبیسی نے جس وضاحت اور اعتراف جرم کے ساتھ اپنی غلطی تسلیم کی ہے اورپھرمعافی مانگنے کا جواندازاختیارکیا گیا ہے ، اس پرپاکستان تحریک انصاف کی مرکزی رہنما شیریں مزاری نے بھی اپنے انداز سے امریکی سفارتخانے کے جرم میں شامل ہونے پر اپنا ردعمل دیا ہے ،

شیریں مزاری لکھتی ہیں کہ :بڑی تاخیر کے بعد یہ کافی اچھا نہیں ہے! اکاؤنٹ کو واضح طور پر ہیک نہیں کیا گیا تھا لہذا جس شخص تک اس تک رسائی حاصل تھی,جواحسن اقبال نے کہا امریکی سفارتخانے نے اسے اپنایا

وہ اسے "اجازت کے بغیر” استعمال کرتا ہے۔ یہ بات ناقابل قبول ہے کہ امریکی سفارت خانے میں کام کرنے والے کسی خاص پارٹی پارٹی کے ایجنڈے کو آگے بڑھا رہے ہیں۔

اسلام آباد :ہم غیرشعوری طورپرکسی کے لیے استعمال ہوگئے ،امریکی سفارتخانے نے معافی مانگ لی،اطلاعات کے مطابق امریکی سفارتخانے نے احسن اقبال کا سیاسی ٹوئٹ ری ٹویٹ کرنے پر معافی مانگ لی اور وضاحت کرتے ہوئے کہا کہ گزشتہ رات امریکی سفارتخانے کا اکاؤنٹ غیرمتعلقہ طورپراستعمال ہوا۔

تفصیلات کے مطابق مسلم لیگ ن کے رہنما احسن اقبال کا سیاسی ٹوئٹ ری ٹویٹ کرنے پر امریکی سفارتخانے نے معذرت کرلی اور کہا امریکی سفارتخانہ کےٹوئٹراکاؤنٹ پرکل رات بلااجازت رسائی حاصل کی گئی ، امریکی سفارتخانہ سیاسی پیغامات کی پوسٹنگ یاری ٹوئٹ کی توثیق نہیں کرتا ، ہم کسی الجھن کے لیے معذرت خواہ ہیں، جس کا نتیجہ غیر مجاز پوسٹ سے ہوا۔

Dear Followers: The U.S. Embassy Islamabad Twitter account was accessed last night without authorization. The U.S. Embassy does not endorse the posting or retweeting of political messages. We apologize for any confusion that may have resulted from the unauthorized post.

— U.S. Embassy Islamabad (@usembislamabad) November 11, 2020

امریکی سفارتخانے کی طرف سے کہا گیا ہے کہ پتہ نہیں چلا کہ کس طرح ہمارا ٹویٹراکاونٹ کسی کے لیے استعمال ہوگیا

یاد رہے وفاقی وزیرشیریں مزاری نے احسن اقبال کےٹوئٹ کو ری ٹوئٹ کرنےپرامریکی سفارتخانے سے وضاحت یا معافی کا مطالبہ کرتے ہوئے کہا تھا کہ امریکی سفارت خانہ تا حال ٹرمپین موڈسےباہرنہیں نکلا ، سفارتخانہ سزا یافتہ مفرورکی حمایت میں داخلی سیاست میں مداخلت کررہاہے۔

This not good enough esp after great delay! Account was clearly not hacked so someone who had access to it used it "without authorisation". Unacceptable that someone working in US Embassy pushing a particular pol party's agenda – has serious consequences incl staff visas scrutiny https://t.co/IWqYtRjVna

— Shireen Mazari (@ShireenMazari1) November 11, 2020

شیریں مزاری کا کہنا تھا کہ امریکی سفارت خانے کو سفارتکاری کےاصولوں پر عمل کرنا چاہئے، ری ٹویٹ جعلی ہے توواضح کریں اگر نہیں توسفارتخانہ معذرت کرے۔

دوسری جانب گورنرسندھ عمران اسماعیل نے امریکی سفارتخانے کے ری ٹوئٹ پر ردعمل دیتے ہوئے کہا تھا کہ یہ سراسر مضحکہ خیز ہے ، ا مریکی سفارتخانہ وزیراعظم کیخلاف ری ٹوئٹ کیسےکرسکتےہیں، یہ توہین آمیزریمارکس پرمشتمل ہے،یہ سفارتی پروٹوکول کے خلاف ہے۔

This is utterly absurd, how can u @usembislamabad retweet against our PM @ImranKhanPTI containing derogatory remarks?This is against diplomatic protocols. An apology is needed with immediate clarification if fake or hacked. @ForeignOfficePk must take required action. pic.twitter.com/2BoVmrdVp8

— Imran Ismail (@ImranIsmailPTI) November 11, 2020

عمران اسماعیل کا کہنا تھا کہ مافی مانگنے کیساتھ وضاحت دی جائے کہ یہ اکاؤنٹ جعلی ہے یا ہیک ہے اور وزارت خارجہ اس معاملے پر فوری ایکشن لے۔

یاد رہےکہ امریکی سفارتخارنے کی طرف ن لیگی ایجنڈے کوپروان چڑھانے میں اپنا کلیدی کرداراداکرتے ہوئے نظرآیا ، ن لیگ کے احسن اقبال کی طرف سے وزیراعظم عمران خان کے خلاف ٹویٹ کی امریکی سفارتخانے نے تائید کی اوراس پیغام کوآگے شیئرکیا جس کے بعد پاکستان سمیت دنیا بھرسے امریکی سفارتخانے کی اس گھٹیا حرکت پرمعافی مانگنے کا مطالبہ زورپکڑگیا تھا