Category: اہم خبریں

برادر اسلامی ملک کی فنڈنگ سے انڈیا پاکستان پر کب حملہ کرسکتا ہے؟ مبشر لقمان کا تہلکہ خیر انکشاف

باغی ٹی وی کی رپورٹ کے مطابق سینئر صحافی و اینکر مبشر لقمان نے کہا ہے کہ بھارت پاکستان پر اگلے مہینے کے آخر میں حملہ کر سکتا ہے، اس میں بھر پور تیاری ہو رہی ہے، ایک برادر اسلامی ملک فنڈنگ کر رہا ہے، اسرائیل ساتھ، امریکہ کی تھپکی ہے اور لداخ کی خفت مٹانے کے لئے وہ یہاں کچھ کرنا چاہتا ہے

مبشر لقمان آفیشیل یوٹیوب چینل پر مبشر لقمان کا کہنا تھا کہ 3 چیزیں ضروری ہوتی ہیں جنگ کے لئے اور جنگ جب کی جاتی ہے ،ایک تو اکانومی خراب ہو،اکانومی دنیا کی خراب ہے، پاکستان کی بھی خراب ہے، دوسرا ہتھیاروں کی کمی ہو، بھارت دنیا کا تیسرا بڑا ملک بن گیا ہتھیار لینے والا، سب ملکوں سے لے رہا ہے، پاکستان نے پچھلے دو سالوں میں دفاعی بجٹ نہیں بڑھایا، اب سوال پیدا ہوتا ہے کہ مہنگائی ہوئی،‌ڈالر مہنگا ہوا اس کا سب سے زیادہ نقصان افواج پاکستان کو پہنچا، ڈالر جب 104 سے 165 ہو گیا،تو ہر چیز جو امپورٹ ہونی ہے تو ہر چیز مہنگی ہو گئی ، بجٹ کم ہو گیا،تیسری چیز انڈیا کیا کر رہا ہے،کہ جنگ شروع کرنے سے پہلے اپنی افواج اور لوگوں کے درمیان خلیج پیدا کی جائے، وہ انڈیا نہیں کر سکا، جب بھی مودی زبان کھولتا ہے تو پاکستانی وہ کسی بھی صوبے سے ہوں وہ ایک ہو جاتے ہیں، یہ حملہ انہوں نے نواز شریف سے کروایا، یہ پورا جو سکرپٹ تھا انڈین ہائی کمشین برطانیہ کے اندر یہ طے پایا تھا جب ملٹری سیکرٹری کو نواز شریف ملے تھے، پرسوں بھی حسین نواز کے دفتر میں میٹنگ ہوئی تھی وہاں اسحاق ڈار تھے اور چار فارنرز ملنے آئے تھے. ساری چیزیں ریکارڈ پر ہیں

مبشر لقمان کا مزید کہنا تھا کہ صاحبزادہ جہانگیر نے لند ن میں مظاہرہ کیا اور وہ انتہائی بوسیدہ مظاہرہ تھا، آٹھ لوگ تھے وہ جبکہ لیگی تین چار سو تھے، جہانگیر نے عمران حکومت کو لے ڈاؤن کیا، اب سوال یہ پیدا ہوتا ہے کہ جنرل باجوہ اور جنرل فیض پر الزام لگایا، اگر نواز شریف کی بات مان لیں، فرض کریں انکو ہٹا دیں، کل کو چار جرنیلوں کا اور نام لے لیں گے، اسکو ختم کہاں‌کریں گے، اسکا مطلب ہے کہ انڈیا ہر اس آدمی کو ہٹانا چاہتا ہے جو اسکو کھٹکتا ہے، یہ سیریس ایشو ہے،میں تو ہر پاکستانی سے ایک درخواست کروں‌گا کہ عمران خان ہو، نواز شریف ہو، زرداری ہو مولانا ہو، لیڈر کی عزت کریں، فالو کریں لیکن پاکستان کے خلاف نہیں،ا داروں کے خلاف نہیں، یہ ملک ہے تو ہم بچے ہوئے ہیں، خدانخواستہ آج جنگ ہو جائے اور سقوط ڈھاکہ کی طرح ہو جائے تو ہماری حیثیت موچی نائی سے زیادہ نہیں ہمیں کام نہیں کرنا آتا ، ڈریں اس وقت سے، اداروں کے بیچ میں جو تفریق پیدا کرنے کی کوشش ہے اسکو مت ہونے دیں یہی بات آج عمران خان نے کی ہیں.

کراچی: "گرتی ہوئی دیوارکوایک دھکا اوردو”بلاول بھٹونے نوازشریف کومشکل وقت میں دھکا دے دیا،نوازشریف بیانیے سے اختلاف،اطلاعات کے مطابق ضرب المثل مشہورہے کہ گرتی ہوئی دیوارکوایک دھکا اوردو،یعنی کسی کواگرشکست ہورہی ہوتو پھراس کوشکست فاش کرنے کے لیے چھوٹی سی کوشش سے بھی گریز نہیں کرنا چاہیے اور بلاول بھٹو واقعی اس ضرب المثل کے مصداق ٹھہرے

ذرائع کے مطابق پیپلز پارٹی کے چیئرمین بلاول بھٹو زرداری نے کہا ہے کہ جلسوں میں فوج سے متعلق منفی زبان استعمال کرنا ٹھیک نہیں ہے۔نازشریف بہت خطرناک کھیل کھیل رہے ہیں ان کو قومی اداروں پرایسی تنقید نہیں کرنی چاہیے

بلاول بھٹو نے کہا کہ ہم بھی بعض مواقع پراپنے اختلافی نقطہ نظرکو بیان کردیتے ہیں لیکن ایسے نہیں کہ حد ہی گزرجائیں ، بلاول بھٹو نے کہا کہ نوازشریف اپنے بیانیے کے خود ذمہ دار ہیں پیپلزپارٹی نوازشریف کے بیانیے سے لاتعلقی کا اعلان کرتی ہے

واضح رہے کہ بلاول بھٹو کی جانب سے مذکورہ بیان ایسے وقت پر سامنے آیا ہے جب گزشتہ روز حکومت مخالف اپوزیشن اتحاد پاکستان ڈیموکریٹک موومنٹ (پی ڈی ایم) کے پہلے جلسے میں مسلم لیگ (ن) کے قائد نواز شریف نے آرمی چیف جنرل قمر جاوید باجوہ اور ڈی جی آئی ایس آئی جنرل فیض حمید پر بھی سنگین الزامات لگائے تھے۔

کراچی میں باغ جناح میں پیپلز پارٹی کے جلسے کی تیاریوں کا جائزہ لینے کے بعد بلاول بھٹو زرداری نے میڈیا سے بات کرتے ہوئے کہا کہ ‘ہم چاہتے ہیں کہ مکمل اور حقیقی جمہوریت ملے، مجھے افسوس ہوتا ہے کہ وزیراعظم کا جلسہ ہو یا اپوزیشن کا، موجودہ یا ریٹائرڈ جرنیلوں کا نام لینے سے دفاعی اداروں کا وقار مجروح ہوتا ہے’۔

لاہور:نوازشریف کی شرپسندتقریرنے ن لیگ کوتوڑدیا،بڑی تعدادمیں صوبائی،قومی اورارکان سینیٹ نےاصل مسلم لیگ سے رابطہ کرلیا،چوہدری نثاربھی سرگرم،اطلاعات کے مطابق کرپشن کیس میں سزاپربرطرف سابق وزیراعظم کے پاک فوج اورعدلیہ پرمسلسل شرپسندانہ حملوں کے بعد اب ن لیگ عملی طورپرٹوٹ چکی ہے

معتبرذرائع کے مطابق ن لیگ کے ٹوٹنے کا سب سے بڑا فائدہ اصلی مسلم لیگ جسے قائد اعظم مسلم لیگ کہا جاتا ہے اورجس کی کمان چوہدری برادران کے ہاتھ میں ہے کو بہت زیادہ پہنچا ہے ، اطلاعات یہ ہیں کہ درجنوں صوبائی ، قومی اسمبلی ممبران اور4 کے قریب سینٹ ممبران نے پاکستان مسلم لیگ قائداعظم میں جانے کا حتمی فیصلہ کرلیا ہے

ذرائع کے مطابق اس سلسلے میں رابطے جاری ہیں ، یہ بھی معلوم ہوا ہےکہ یہ شمولیت صرف پنجاب کی سطح تک ہی نہیں بلکہ سندھ ، بلوچستان اورکے پی میں بھی ہوگی

باغی ٹی وی کوحاصل ہونے والی معتبراطلاعات میں کہا گیا ہےکہ ان ارکان کویہ یقین محکم ہوگیا ہےکہ اب ن لیگ کا وجود برقرار نہیں رہے اورامکان بھی یہی ہےکہ ن لیگ پرپابندی لگا دی جائے اس صورت میں اکثراراکین نے پاکستان مسلم لیگ قائداعظم میں جانے کا فیصلہ اس لیے کیا ہے کہ ان چوہدری برادران نے ہمیشہ ملک وقوم کے لیے سیاست کی ، ہر کسی کی عزت کی ،

یہ بھی معلوم ہوا ہےکہ ان اراکین کا کہنا ہےکہ چوہدری برادران نے آج تک اپنے بڑے سے بڑے مخالف کوکبھی لعن طعن نہیں کی ، حتی کہ اس ملک میں جس طرح کچھ عرصہ پہلے خواتین کے ذریعے سیاست کا میدان گرم رکھا گیا اوررکھا جارہا ہے چوہدری برادران نے اس کی نہ کبھی حوصلہ افزائی کی اورنہ ہی آج تک کی کی مان بہن اوربیٹی کے بارے آوازے کسے

بعض اراکین کے حوالے سے یہ کہا گیا ہے کہ وہ چوہدری برادران کی سیاست میں شرافت کے معترف ہیں ، ان کا یہ بھی کہنا تھا کہ چوہدری برادران نے ہمیشہ اس ملک کی ہربیٹی کی عزت کی اورپھر ن لیگ اوردیگرن لیگی حمایت یافتہ جماعتوں اور سیاسی ورکروں کی طرف سے مسلم لیگ قائداعظم کی قیادت اوردیگرمردوخواتین اراکین پرطعن زنی پرخاموش رہے اورصبر کا مظاہرہ کیا

باغی ٹی وی کے مطابق ن لیگی اراکین نے رابطے کرلیے ہیں لیکن اعلان کسی خاص وقت پرکیا جائے گا ، یہ بھی معلوم ہوا کہ ان اراکین کا کہنا ہے کہ وہ چوہدری پرویز الہیٰ کے پنجاب کے وزیراعلیٰ کی حیثیت سے ترقی یافتہ دور کے آج بھی معترف ہیں

دوسری طرف یہ بھی معلوم ہے کہ چوہدری نثارکا صبر بھی ان کوپھل دینے والا ہے اور کئی ن لیگی اراکین اسمبلی نے ان سے رابطہ کیا ہے ، اگلے چند ہفتوں میں ملک میں کیاسیاسی صورت حال کیا شکل اخیتار کرتی ہیں اس کے بارے میں پشین گوئی کرنا مناسب نہیں البتہ ن لیگ کے وجود کےخاتمے کے حوالے سے مصدقہ خبریں آرہی ہیں کہ اب وہ ختم ہو کر رہ گیا ہے

اسلام آباد : "چورنالےچتر”کان کھول کرسن لیں،مہنگائی ہے مانتا ہوں لیکن مصنوعی مہنگائی میں اپوزیشن مافیاکی کارستانیاں ہیں‌،اب تمہارے ساتھ نمٹنے کافیصلہ کرلیا:اطلاعات کے مطابق وزیراعظم عمران خان نے پی ڈی ایم کے جلسے کو سرکس قرار دیتے ہوئے کہا اپوزیشن اب ایک مختلف عمران خان دیکھے گی ، کسی ڈاکو کو اب کوئی پروڈکشن آرڈر نہیں ملے گا، نواز شریف کو وطن واپس لانے کی کوشش کررہے ہیں۔

تفصیلات کے مطابق وزیراعظم عمران خان نے اسلام آباد کنونشن سینٹر میں ٹائیگرزفورس کا افتتاح کردیا ، اس موقع پر خطاب کرتے ہوئے عمران خان نے کہا کے جنون کاشکریہ آپ کےجذبےکاشکریہ، ٹائیگرفورس کو خوش آمدید کہتا ہوں ، 28مارچ ٹائیگرفورس بنائی تھی ، آپ نے تب سے جب تک جومدد کی اس پرشکریہ۔پی ڈی ایم کے جلسے کو سرکس قرار دیتے ہوئے کہا اس سرکس میں بہت سے فنکار تھے آپ ڈیزل پر کیوں اڑے ہوئے ہیں۔

عمران خان کا کہنا تھا کہ شہریوں کی رضاکارفورس کا معاشرے میں بہت مقام ہوتا ہے، رضاکار فورس نے شہریوں کی ضرورت اورحقوق کی حفاظت کرنی ہوتی ہے، معاشرے میں مشکلات آتی ہیں توشہری حکومت کی مدد کرنے آجاتےہیں، پاکستانی ہرمشکل وقت میں کھڑی ہوجاتی ہے۔

انھوں نے مزید کہا کہ کسی ملک میں مثال نہیں کہ کینسرکاایک خصوصی اسپتال عوام کی مددسےبنے، آپ جیسے ٹائیگرز نے مل کر اسپتال بنایا، فخر ہونا چاہیے کہ دنیا کا واحد کینسراسپتال ہے، 75 فیصد مریضوں کا مفت علاج ہوتا ہے، پاکستانی بڑے دل کے لوگ ہیں ،احساس ہوجائے تو فوراً کھڑے ہوجاتے ہیں۔

وزیراعظم کا کہنا تھا کہ ملک میں شجرکاری کرنی ہے،پاکستان ماحولیاتی تبدیلی سے متاثر ہے، ماحولیاتی تبدیلی کی وجہ سے غلط وقت پربارش ہوئی ،گندم کی فصل متاثرہوگئی ، ملک میں صرف درخت نہیں اگانے بلکہ اپنے دریا بھی صاف کرنے ہیں۔

مہنگائی کے حوالے سے عمران خان نے کہا کہ ہمارے ملک میں مہنگائی ہے، اس کی کئی وجوہات ہیں، ہماراروپیہ گرا، ہمیں حکومت ملی تو بڑا تجارتی خسارہ ملا، جب تجارتی خسارہ ہوتوڈالراوپراورروپیہ کم ہوجاتا ہے، پیٹرول اور دیگر چیزیں مہنگی ہوجاتی ہیں میں جان کر ڈیزل نہیں کہہ رہا۔

ان کا کہنا تھا کہ کوویڈ کی وجہ سے باہر بھی مہنگی ہوگئی ، ہم 60 فیصد دالیں ملک کے باہر سے منگواتے ہیں، ہمیں 27لاکھ ٹن گندم چاہیےتھی،ہمیں بارش کی وجہ سےخسارہ ہوگیا، نظام نہیں تھاہمیں دیرسےگندم کی فصل خراب ہونےکاپتہ چلا۔

وزیراعظم نے کہا کہ ذخیرہ اندوزی ملک کی بہت بڑی لعنت ہے، قائداعظم نے بھی ذخیرہ اندوزی کو بھی بڑی لعنت قرار دیا، ٹائیگر فورس نے کہیں بھی خود مداخلت نہیں کرنی، ٹائیگرفورس نے تصویر لینی ہے اور پورٹل پر ڈال دینی ہے، باقی کام ہمارا ہے۔

عمران خان کا کہنا تھا کہ ایسا کرنے سے کچھ لوگ آسکتے جو پیسہ بنانےلگیں گے، اس وقت شوگربنانے والے تھوڑے سے اور بہت طاقتور لوگ ہیں، شریف خاندان اور زرداری کی بھی شوگرملز ہیں، جوقیمت وہ چاہتے تھے وہی مقررکر دیتے تھے، اس بار ہم نے قیمت مقرر کرنے کا ایک طریقہ بنایا۔

اپوزیشن کے جلسے سے متعلق انھوں نے مزید کہا 11سال پہلے میں نے کہا تھا کہ سرکس شروع ہوگا، کل جو دو بچوں نے تقریریں کیں ان پربات نہیں کرناچاہتا، ایک ان میں سےنانی ہوگئی ہےلیکن میرے لیے بچی ہے۔

وزیراعظم کا کہنا تھا کہ جوبارہواں کھلاڑی ہے، اس پرمیں کیابات کروں، لندن میں جس نےبیٹھ کربات کی اس پربات کرناچاہتاہوں،اس کی شکل دیکھیں جب یہ برطانیہ جارہاتھااوردیکھیں وہاں جا کر کیا شکل بنائی، شیریں مزاری نےجاتےوقت کاحال دیکھاتواس کی آنکھوں میں آنسوآگئے، میری آنکھوں میں بھی آنسو آجاتے اگر اس کو جانتا نہ ہوتا۔

عمران خان نے کہا کہ ہالی وڈ میں بھی کوئی ایسی ایکٹنگ نہیں کرسکتا، جو شہبازشریف نے کی، جب شیریں مزاری رونے لگی تو ان کو تو باہر جانے ہی دینا تھا، اس نے آرمی چیف اورڈی جی آئی ایس آئی کےخلاف غلط زبان استعمال کی۔

ان کا کہنا تھا کہ برصغیرکی تاریخ میں ایسی حکومت نہیں، جومودی کےجتنی پاکستان نےنفرت کرتی ہو، پرسوں سیکیورٹی فورسز کے 20 لوگوں نے شہادت پائی ، اور یہ ہمارے لیے اور ملک کے لیے جانوں کی قربانیاں دے رہے ہیں۔

وزیراعظم نے کہا کہ یہ گیدڑ دم دبا کر باہر بھاگا تھا، یہ وہ نواز شریف ہے، جو آج فوج اور فوج کے خلاف ایسی زبان استعمال کررہا ہے، نوازشریف جنرل جیلانی کے گھر پرسریا بناتے ہوئے وزیربنا، یہ ضیاالحق کے جوتے پالش کرکے وزیراعلیٰ بنا، افسوس ہےکہ ہمارے ملک کی عدالتوں نےاس کی مددکی، یہ وہ آدمی ہے، جس نے زرداری کو 2 بار جیل میں ڈالاتھا۔

عمران خان کا کہنا تھا کہ حدیبیہ پیپرملزکا کیس جنرل باجوہ نے نہیں بنایا تھا، نواز شریف اورزرداری پر ایک کتاب لکھی گئی تھی ، کتاب میں ذکرتھا دونوں کیسے ملک سے پیسہ چوری کرکے لے کر گئے، وہ کتاب جنرل باجوہ نے نہیں لکھی تھی، باہر کوئی کتاب لکھیں تو جو لکھیں وہ ثابت کرنا پڑتا ہے۔

انھوں نے کہا کہ گھوسٹ وارز میں ذکرہے نواز شریف نے امریکی فوج سے تحفظ مانگا، یہ لوگ اپناچوری کاپیسہ بچانے کے لیے ملک بیچ سکتےہیں، جو میر جعفر اور میر صادق نے کیا یہ لوگ وہ کرتے ہیں، یہ حملہ جنرل باجوہ پرنہیں پاکستانی فوج پرہے۔

وزیراعظم کا مزید کہنا تھا کہ یہی بات نریندرمودی کررہاتھا، کہتا تھا نواز شریف پسند ہے،آرمی چیف نہیں، میں نے دنیا کو مودی کی شکل دکھائی کہ یہ کتنا بڑا انتہا پسند ہے، بھارتی میڈیامیں آرہا ہے کہ نواز شریف کتنا جمہوریت پسند ہے۔

عمران خان نے کہا کیا بھارت کونہیں پتہ کہ یہ وہ وزیراعظم ہےجس نےسپریم کور ٹ میں حملہ کرایاتھا، ظلم یہ ہےکہ باقی عدلیہ کوبریف کیس دےکرخریداتھا، یہ جسٹس قیوم کو کہتا تھا کہ بے نظیر کو 5سال سزا دو۔

ان کا کہنا تھا کہ حدیبیہ پیپرملز کیس عدلیہ بندکرتی ہےتووہ بہت اچھی ہے، جب عدلیہ نے نااہل قراردیا تو مجھےکیوں نکالاشروع کردیا، نوازشریف،بھائی ،بیٹی ،بیٹےسب جھوٹ بولتے ہیں۔

وزیراعظم نے کہا کہ 2013 الیکشن میں 137 پٹیشن دائر کی گئیں اور 2018 کے الیکشن میں صرف 90 پٹیشن تھیں، فافن نے کہا کہ 2018 کا الیکشن 2013 سے اچھا ہوا، میں نے 137 میں سے 4 حلقے کھولنے کا کہا، کھلے تو چاروں میں دھاندلی تھی۔

عمران خان کا کہنا تھا کہ نوازشریف کی نااہلی پرالیکشن ہواان کی اہلیہ نےالیکشن لڑا، ان لوگوں نےایک ضمنی الیکشن پرڈھائی سوکروڑخرچ کیا، ہمارےپاس ڈھائی سوکروڑ خرچ کرنے کے دستاویز ثبوت ہیں، ہم نےکیس نیب کودیدیا ہے، اب اپوزیشن جوعمران خان دیکھیں گے وہ بہت مختلف ہوگا، کسی ڈاکو کو اب کوئی پروڈکشن آرڈر نہیں ملے گا۔

وزیراعظم نے عدلیہ اور نیب کو پیغام دیتے ہوئے کہا لوگ چاہتے ہیں، ان چوروں سے پیسہ واپس آئے، عدلیہ کو حکومت سے جو مدد چاہیے وہ دینے کو تیار ہیں، روز سماعتیں کرکے کیس ختم کریں، خدا کا واسطہ ہے کہ کیسز کو منطقی انجام تک پہنچاؤ۔

ان کا کہنا تھا کہ ان کواب کوئی وی آئی پی جیل نہیں ملے گی ،عام قیدیوں کی طرح رکھیں گے،سرکس والے تو کسی نہ کسی کا کندھا پکڑ کر آئے، انشااللہ اب میں آپ کو مقابلہ کرکے دکھاؤں گا، ملک سے پیسہ لوٹ کر باہر جانے والوں کو خود پکڑوں گا۔

وزیراعظم نے کہا آج سےمیری پوری کوشش ہےکہ نوازشریف کو یہاں لایا جائے، یہاں تمہیں عام جیل میں ڈالیں گے،وی آئی پی جیل میں نہیں، تم واپس آؤ دیکھنا تمہیں کیسے رکھتےہیں۔

وزیراعظم نے کہا کہ ‏ابھی تک اپوزیشن نے ایک عمران خان دیکھا ہے آج سے نیا عمران خان دیکھو گے‏اب کسی کو پروڈکشن آرڈر نہیں ملے گا‏باپ کی حرام کی کمائی پر پلنے والے دو بچوں کی تقریر پر بات نہیں کروں گا, ان میں سے ایک نانی ہے لیکن میرے لئے بچے ہی ہیں اس لئے ان پر تبصرہ فضول ہے

عمران خان نے کہا کہ ‏ان دونوں بچوں نے ایک گھنٹا حلال کا کام نہیں کیا عمران خان نے کہا کہ ‏میں نے 11سال پہلےپیش گوئی کی تھی کہ یہ سب مل جائیں گے
‏نواز شریف گیدڑ دم دبا کر بھاگ گیا، وہاں بیٹھ کر آرمی چیف ،ڈی جی آئی ایس آئی کیخلاف باتیں کررہا ہے

‏یہ لوگ چوری کیا ہوا پیسا بچانے کیلئے ملک کو بھی بیچ سکتے ہیں ، انہوں نے کہا کہ ‏نوازشریف نے باہر بیٹھ کر جنرل باجوہ پر نہیں پاکستانی فوج پرحملہ کیا ہے،
‏ہمارے فوجیوں پر مسلسل حملے ہو رہے ہیں،اپنی جان کی قربانی دے رہے ہیں،‏پرسوں 20 فوجیوں نےجان کی قربانی دی اور شہید ہوئے،

‏اب سے ان کو کوئی وی آئی پی جیل نہیں ملے گی عام قیدیوں کی طرح رکھیں گے،‏نوازشریف جو گیم کھیل رہا ہےاس کا پتا ہے میرے پاس انٹیلیجنس اطلاعات ہیں،‏یہ لوگ کوشش کر رہے ہیں کہ فوج اور عدلیہ میں انتشار پھیلائیں،‏آج سے میرے پوری کوشش ہے کہ نواز شریف کو ملک میں واپس لایا جائے،تم واپس آؤ میں دیکھتا ہوں تمھیں کیسے رکھتے ہیں

تربت: تربت میں دہشت گردوں کی فائرنگ سےپاک فوج کا جوان وطن پرقربان:3 جوان زخمی ،اطلاعات کے مطابق بلوچستان کے علاقے تربت کے قریب دہشت گردوں کی سیکیورٹی فورسز پر فائرنگ سے لانس نائیک شہید اور 3 سیکیورٹی اہلکار زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق تربت کے قریب دہشت گردوں نے سیکیورٹی فورسز پر اندھا دھند فائرنگ کردی جس کے نتیجے میں فوجی جوان شہید اور 3 سیکیورٹی اہلکار زخمی ہوگئے۔

ترجمان پاک فوج کے مطابق لانس نائیک وسیم اللہ نے جام شہادت نوش کیا، فائرنگ سے 3 سیکیورٹی اہلکار بھی زخمی ہوئے۔آئی ایس پی آر واقعہ تربت سے 35 کلو میٹر جنوب مشرق میں جھکی کے مقام پر پیش آیا۔

لاہور: کیسالیڈرہےجوچاہتا ہےکہ پاکستان میں خون خرابہ ہو،بھائی بھائی سےلڑے،اپنے ہی گھراجاڑدیےجائیں:لیگی کارکنان پریشان وحیران ،اطلاعات کے مطابق سابق وزیر اعظم نواز شریف کے گوجرانوالہ جلسہ سے ویڈیو لنک خطاب اور اداروں پر تنقید سے ن لیگی ارکان قومی اسمبلی شدید ناراض نظر آتے ہیں ،چہ مگوئیاں شروع کردیں۔

نجی ٹی وی نے دعویٰ کیا ہے کہ مسلم لیگ ن کے قائد میاں نواز شریف کی گوجرانوالہ تقریر پر کئی لیگی ارکان قومی اسمبلی شدید ناراض ہو گئے ۔ ذرائع کے حوالے سے کہاہے کہ نوازشریف کی متنازعہ تقریر کے بعد ن لیگ کے اندر گروپنگ شروع ہو گئی ،

ذرائع کے مطابق نومبر کے پہلے ہفتے میں صوبائی،قومی اسمبلی میں بڑاناراض گروپ سامنے آسکتا ہے ،نوازشریف کی متنازعہ تقریر کے بعد13 لیگی ارکان قومی اسمبلی کے آپس میں رابطے ہوئے ہیں،جس پر 13 لیگی ارکان قومی اسمبلی کی جانب سے سخت ناراضگی کااظہارکیاگیا۔ذرائع کاکہناہے کہ نومبر کے پہلے ہفتے میں مزید ارکان سے رابطے کرکے علیحدہ گروپ تشکیل دینے پر غورشروع کردیاہے۔

یاد رہے گوجرانوالہ میں پی ڈی ایم کے جلسہ میں گیارہ جماعتوں کے رہنمائوں نے خطاب کیا ،مقررین نے کہا کہ عمران خان کی حکومت کے جانے کا وقت آگیا ہے،مسلم لیگ (ن) کی نائب صدر مریم نواز نے پنجابی میں تقریر کا آغاز کیا انہوں نے کہا ہے کہ عوام نے فیصلہ سنا دیا حکومت الواع، عمران خان آپ کہتے تھے سارے ادارے ایک پیج پر ہیں، خان صاحب صفحہ پلٹتے دیر نہیں لگتی۔لاہور سے گوجرانوالہ تک عوام کا ایک ہی نعرہ تھا گو نیازی گو۔

بلاول بھٹو زرداری نے کہا کہ ماضی کی طرح آج بھی غیر جمہوری قوتوں کے خلاف لڑیں گے، ہم اس نظام کا مقابلہ کرنے نکلے ہیں اور اور عوامی حکومت بنا کر رہیں گے، مہنگائی اور غربت کی بڑھتی شرح نے ملک کو دیوالیہ کر دیا، ہم تاریخی بیروزگاری، مہنگائی اور غربت کے خلاف نکلے ہیں، پی ڈی ایم کی شکل میں اس نظام کا مقابلہ کریں گے۔شاہد خاقان عباسی نے کہا کہ آج عمران خان کو لانے والوں کو بھی نواز شریف یاد آتا ہے ۔

جلسہ سے سابق وزیر اعظم نواز شریف نے بھی ویڈیو لنک کے ذریعے خطاب کیا لیکن اس خطاب کو کسی ٹی وی چینل پر نہیں دکھایا گیا۔

باغی ٹی وی کی رپورٹ کے مطابق نواز شریف بانی ایم کیو ایم 2 بن گئے ہیں،ن لیگ دشمنون کے ایجنڈے پر کام کرے گی تو پابندی لگنی چاہیے

شیخ رشید کا کہنا تھا کہ نواز شریف یہاں آؤ، چکی پیسو،کل کے جلسے کو ناکام قرار دیتا ہوں، نواز شریف کو واپس لانا چاہئے، عمران خان ڈرتا ہوتا تو یہ حالات ہوتے، فضل الرحمان نے بغیر جلسے کے فٹبال سٹیڈیم سے خطاب کیا، فضل الرحمان نے ان سے بدلہ لیا، وہ پرانا آدمی ہے،میرا بھائی ہے

شیخ رشید احمد کا مزید کہنا تھا کہ میں کشمیری ہوں اور کشمیر کی جدوجہد آزاد میں حصہ ڈالا ہے، کوئی بھی کشمیریوں کے ساتھ نہ رہے پھر بھی کشمیری حق لے کر رہیں گے، جلسوں سے حکومتیں نہیں جاتیں، مہنگائی کا اعتراف کرتا ہوں، ایک سے دو ماہ میں آٹا چینی سستا ہو گا، قیمتیں کم ہوں گی

شیخ رشید احمد کا مزید کہنا تھا کہ نواز شریف کھل کر سامنے آگئے ، اب ان سے کھل کر سیاست ہوگی، نواز شریف کو سمجھ آ گئی ہے کہ میرا سیاسی جنازہ پاکستان جانا ہے، سیاست نہین آنی، شہباز شریف میری پارٹی کا بندہ، بہتر کھیل رہا ہے، اب کوئی گنجائش نہیں، جنگ کا طبل بج چکا، اسکے ساتھ وہی ہو گا جو الطاف حسین کے ساتھ ہوا

گوجرانوالہ جلسہ،اپوزیشن کے سرگرم کارکنان کی ممکنہ گرفتاری کیلئے مرتب فہرست باغی ٹی وی نے حاصل کر لی

سیاسی اجتماعات پر پابندی سے متعلق درخواست قابل سماعت ہونے پر فیصلہ محفوظ

کارکنوں کی گرفتاریوں کا کوئی جواز نہیں، گرفتاریوں سے تحریکیں زور پکڑتی ہیں، رانا ثناءاللہ

پی ڈی ایم کے حکومت مخالف جلسہ سے قبل دہشت گردی کا تھریٹ جاری

عمران نیازی حکومت ناکام، اب ہتھکنڈوں سے نہیں بچے گی،احسن اقبال کا دعویٰ

پی ڈیم ایم جلسہ، بلاول زرداری کہاں پہنچ گئے؟ سب حیران

پی ڈی ایم جلسہ، میڈیا کی انٹری کہاں سے ہو گی؟ اہم شخصیات کے جلسہ گاہ کے دورے

ہمیں سیکورٹی تھریٹ ایشو کرنے کی بجائے حکومت یہ کام کرے، احسن اقبال میدان میں آ گئے

گوجرانوالہ ،پی ڈی ایم جلسہ کی سیکورٹی کس جماعت کے سپرد کی گئی؟

پی ڈیم جلسہ،سٹیڈیم میں کتنے افراد کے بیٹھنے کی گنجائش؟

نا اہل عمران نیازی کو کس نے وزیر اعظم بنایا؟ بنی گالہ،زمان پارک کی رسیدیں دینا پڑیں گی، نواز شریف

نواز شریف کی تقریر کا بوجھ ن لیگ برداشت کر پائے گی؟

اپوزیشن کو گوجرانوالہ میں منہ کی کھانا پڑی،عمران خان یہ کام نہیں کریگا، اعظم سواتی

شیخ رشید کا مزید کہنا تھا کہ نواز شریف اشتہاری مجرم ہے، نواز شریف آصف زرداری کیخلاف کورٹ پہن کر عدالت گئے، پاک فوج ملک میں امن واستحکام کی ضامن ہے، یہ اداروں میں تصادم چاہتے ہیں، پی ڈی ایم کا جلسہ ناکام ترین جلسہ تھا،31 دسمبر میں ن لیگ کے 6 سے 15 لوگ آپ کو چھوڑ جائیں گے،نواز شریف اشتہاری مجرم ہیں ،اداروں میں تصادم چاہتے ہیں ،بےنظیراورعمران خان کے لاہور جلسے کےمقابلےمیں یہ جلسہ ناکام رہا،شہزاد اکبر نے بھی کہا کہ ہاں ملاقات ہوئی ،نواز شریف نے ترکی کے ریلائنسز ہوٹل میں سوا گیارہ بجے کس سے ساتھ ملاقات کی یہ بتایا تو ۔۔ مگر نہیں بتا سکتا مجھے اجازت نہیں ہے

جن پر امید تھی انہوں نے بھی ساتھ چھوڑ دیا، جنگ اخبار پی ڈی ایم کے ساتھ ہاتھ کر گیا

گوجرانوالا : ملک بدترین بحران کا شکار،کرپشن کے خاتمے کیلئے انتقامی نہیں مساوی قانون چاہتے ہیں: بلاول بھٹوکا خطاب ، اطلاعات کے مطابق گوجرانوالہ پاکستان پیپلزپارٹی کے چیئرمین بلاول بھٹو زرداری نے کہا ہے کہ ہم کرپشن کے خاتمے کے مساوی قانون چاہتے ہیں، مساوی قانون بنا کر سابق صدر اور سابق وزیر اعظم سے حساب لو، لیکن اگرکسی جنرل، جج پر کرپشن کا الزام ثابت ہوتاہے تو ان کو بھی جیل میں ڈالنا پڑے گا،

اکستان پیپلز پارٹی کے چیئرمین بلاول بھٹو زرداری نے کہا ہے کہ پاکستان کی معیشت تاریخ کا بدترین دور دیکھ رہی ہے۔ لوگوں کے پاس دو وقت کی روٹی نہیں، پاکستان جب دولخت ہوا اس وقت بھی ملک کا یہ حال نہیں تھا۔

بلاول بھٹو نے کہا کہ کیاتبدیلی یہ ہے کہ آٹا، چینی ، بجلی، ادویات، بجلی گیس بحران ہی بحران ہے،بتایا جائے وسیم اکرم پلس کوکسی جادوگرنی، یا خلائی مخلوق نے لگایا۔

انہوں نے گوجرانوالہ میں پی ڈی ایم کے پلیٹ فارم سے عوامی جلسے سے خطاب کرتے ہوئے کہا کہ تبدیلی یہ ہے کہ آج پاکستان میں تاریخی مہنگائی اور تاریخی بے روزگاری او رغربت ہے، انڈے 200، ٹماٹر200، پیاز 80روپے کلو ملتے ہیں، مہنگائی کے ساتھ بے روزگاری بھی بھی بڑھ رہی ہے۔نوجوانوں کو روزگار نہیں مل رہا، سفید پوش کا جینا حرام ہوچکا ہے، تاجروں کی دکانیں بند، فیکٹریاں بند، یہ ہے عمران خان اور سلیکٹرز کی تبدیلی ہے۔

بلاول نے کہا کہ ہم نے غریب خواتین کے انقلابی غریب سپورٹ پروگرام شروع کیا، پنشن میں 150فیصد، تنخواہوں میں 100فیصد اور فوجی سپاہیوں کی تنخواہوں میں 175فیصد اضافہ کیا تھا، یہ مہنگائی کا حل ہے، عمران خان کا حل مہنگائی ہے، ٹڈی دل ہے، کورونا ہے تو ان سب کیلئے حل ٹائیگرفورس ہے۔ عمران خان نے وعدہ کیا تھا ، پچا س لاکھ گھر دوں گا، لیکن عوام کوبے گھر کردیا، قرض نہیں لو گا،دوسالوں میں ملکی تاریخ کا تاریخی قرض لیا گیا۔

پی ڈی ایم جلسے سے خطاب میں بلاول کا کہنا تھا کہ یہ میرا گوجرانوالہ کے عوام سے مخاطب ہونے کا پہلا موقع ہے، میں یہاں کے ان لوگوں کو خراج تحسین پیش کرتا ہوں جنہوں نے اپنی سیاسی جماعت کیلئے قربانیاں دیں اس کی وجہ سے ہی پیپلز پارٹی آج بھی زندہ ہے۔

ان کا کہنا تھا کہ تبدیلی یہ ہے آج پاکستان میں تاریخی مہنگائی اور بے روزگاری ہے۔ اشیائے ضروریہ کی چیزیں عوام کی پہنچ سے باہر ہو چکی ہیں۔ نوجوان ڈگریاں ہاتھ میں لے کر پھر رہے ہیں لیکن انھیں روزگار نہیں مل رہا۔ محنت کش اور مزدور کے چولہے بند ہو چکے ہیں۔ یہ عمران خان اور ان کے سیلکٹرز کی تبدیلی ہے۔ آج پاکستان میں ہر شعبہ بحران کا شکار ہے۔

تھانوں کچہریوں میں کرپشن ہی کرپشن ہے۔یہ کیسا نظام ہے کہ آصف زرداری ، نوازشریف ، فریال تالپور اور مریم پر الزام لگے تو جیل لیکن عمران خان اور علی بابا پر الزام لگے تو کوئی پوچھتا نہیں۔پی ٹی آئی کرپشن کے نام پر انتقام کرتی ہے لیکن ہم کرپشن کا خاتمہ چاہتے ہیں اس کیلئے ایک قانون بنانا ہوگا۔پھر سابق صدر ، سابق وزیراعظم سے بھی حساب لو، لیکن اگرجنرل، جج پر کرپشن کا الزام ہے، تو ان کو بھی جیل میں ڈالنا پڑے گا، تبھی ہم ملک میں کرپشن کے ناسور کو ختم کرسکیں گے۔

پنجاب سب سے بڑا صوبہ ہے، لیکن یہاں وسیم اکرم پلس کی حکومت ہے ، اس کو لگانے کا فیصلہ جادوگرنی نے کیا، یا خلائی مخلوق نے کیا، یہ طے ہے عوام سے پوچھا تک نہیں۔ شہبازشریف سے سو اختلافات رکھ سکتے ہیں لیکن کوئی انکار نہیں کرسکتا، کہ شہبازشریف نے میٹرو بس کھڑا کردیا، عمران خان آپ نے کیا کیا؟انہوں نے کہا کہ عوام کو معلوم نہیں کہ کشمیر پر سودا کرلیا ہے، کشمیر کا سودا نامنظور ہے

بلاول بھٹو نے وزیراعظم عمران خان پربار بار تقید کی اوران کو سلیکٹڈ وزیراعظم کہتے رہے ، بلاول بھٹو پاک فوج پربھی بار بار الزامات لگاتے رہے اورکہاکہ وہ عوام کی مرضی کا نہیں بلکہ اپنی مرضی کا وزیراعظم لاتے ہیں

دوسری طرف بلاول بھٹو کے خطاب کے شروع ہوتے ہی پنڈال سے بڑی تعداد میں لوگوں نے جانا شروع کردیا تھا ، جس پروہاں موجود پیپلزپارٹی کے ورکرکافی پریشان نظرآرہے تھے

باغی ٹی وی کی رپورٹ کے مطابق سابق وزیراعظم نواز شریف نے پی ڈی ایم کے گوجرانوالہ جلسہ میں خطاب کے دوران پاک فوج، آرمی چیف جنرل قمر جاوید باجوہ،وزیراعظم عمران خان ، چیئرمین نیب پر کڑی تنقید کی

نواز شریف نے اپنی حکومت کے چند کارنامے گنوائے بعد ازاں عمران خان کی حکومت کو تنقید کا نشانہ بنایا اور کرپشن کے الزامات لگائے،

نواز شریف کی تقریر پر سماجی رابطے کی ویب سائٹ ٹویٹر پر تبصرہ کرتے ہوئے خاتون اینکر غریدہ فاروقی کا کہنا تھا کہ نواز شریف کی آج گوجرانوالہ کی تقریر، جو میڈیا پر تو نہ دکھائی گئی، لیکن جلسے میں موجود لوگوں نے سنی، ریکارڈ کی، برزبان آگے پھیلائی جائیگی، سوشل میڈیا پر چلائی گئی، کیا اِس تقریر کا بوجھ ن لیگ برداشت کر پائے گی؟

گوجرانوالہ جلسہ،اپوزیشن کے سرگرم کارکنان کی ممکنہ گرفتاری کیلئے مرتب فہرست باغی ٹی وی نے حاصل کر لی

سیاسی اجتماعات پر پابندی سے متعلق درخواست قابل سماعت ہونے پر فیصلہ محفوظ

کارکنوں کی گرفتاریوں کا کوئی جواز نہیں، گرفتاریوں سے تحریکیں زور پکڑتی ہیں، رانا ثناءاللہ

پی ڈی ایم کے حکومت مخالف جلسہ سے قبل دہشت گردی کا تھریٹ جاری

عمران نیازی حکومت ناکام، اب ہتھکنڈوں سے نہیں بچے گی،احسن اقبال کا دعویٰ

پی ڈیم ایم جلسہ، بلاول زرداری کہاں پہنچ گئے؟ سب حیران

پی ڈی ایم جلسہ، میڈیا کی انٹری کہاں سے ہو گی؟ اہم شخصیات کے جلسہ گاہ کے دورے

ہمیں سیکورٹی تھریٹ ایشو کرنے کی بجائے حکومت یہ کام کرے، احسن اقبال میدان میں آ گئے

گوجرانوالہ ،پی ڈی ایم جلسہ کی سیکورٹی کس جماعت کے سپرد کی گئی؟

پی ڈیم جلسہ،سٹیڈیم میں کتنے افراد کے بیٹھنے کی گنجائش؟

نواز شریف کی آج گوجرانوالہ کی تقریر، جو میڈیا پر تو نہ دکھائی گئی، لیکن جلسے میں موجود لوگوں نے سنی، ریکارڈ کی، برزبان آگے پھیلائی جائیگی، سوشل میڈیا پر چلائی گئی، کیا اِس تقریر کا بوجھ ن لیگ اب برداشت کر پائے گی۔۔۔؟؟

— Gharidah Farooqi (T.I.) (@GFarooqi) October 16, 2020

سینئر صحافی و اینکر پرسن سلیم صافی نے نواز شریف کی تقریر پر تبصرہ کرتے ہوئے کہا کہ کل سے سوچ رہا تھا کہ پی ڈی ایم نے پی ٹی ایم کو گوجرانولہ جلسہ میں شرکت کی دعوت کیوں نہیں دی۔ اب پتہ چلا نواز شریف نے نواز پشتین بن کر منظور پشتین کی تقریر خود کرنی تھی۔

کل سے سوچ رہا تھا کہ پی ڈی ایم نے پی ٹی ایم کو گوجرانولہ جلسہ میں شرکت کی دعوت کیوں نہیں دی۔ اب پتہ چلا نواز شریف نے نواز پشتین بن کر منظور پشتین کی تقریر خود کرنی تھی۔

— Saleem Safi (@SaleemKhanSafi) October 16, 2020

خاتون اینکر عاصمہ شیرازی کا کہنا تھا کہ نواز شریف نے آج وہ سب کچھ کہہ دیا جو صرف سوچا ہی جا سکتا تھا ۔۔۔صورت حال بدل نہیں رہی ، بدل گئی ہے ۔۔ آنے والے دنوں میں بیانیہ کمزور نہیں مضبوط ہو سکتا ہے ۔۔۔ اللہ رحم کرے

نواز شریف نے آج وہ سب کچھ کہہ دیا جو صرف سوچا ہی جا سکتا تھا ۔۔۔صورت حال بدل نہیں رہی ، بدل گئی ہے ۔۔ آنے والے دنوں میں بیانیہ کمزور نہیں مضبوط ہو سکتا ہے ۔۔۔ اللہ رحم کرے #PDMGujranwalaJalsa #NawazSharif

— Asma Shirazi (@asmashirazi) October 16, 2020

ایک صارف غلام رسول کا کہنا تھا کہ آج نواز شریف نہیں بھارت بول رہا تھا،باجوہ ڈاکٹرائن انڈیا کو پوری دنیا میں اکیلا کر چکا ہے۔مجھے نواز شریف کے چہرے پہ مودی نظر آرہا تھا

آج نواز شریف نہیں بھارت بول رہا تھا،
باجوہ ڈاکٹرائن انڈیا کو پوری دنیا میں اکیلا کر چکا ہے۔
مجھے نواز شریف کے چہرے پہ مودی نظر آرہا تھا#میرافخر_جنرل_باجوہ pic.twitter.com/7rvvEndaFA

— Ghulam Rasool (@GhulamRasool_ik) October 16, 2020

ایک صارف نے تبصرہ کرتے ہوئے کہا کہ بھارتی میڈیا اس جلسے کو اینٹی اسٹیبلشمنٹ بتا کر کوریج دے رہا ہے، اور نواز شریف نے فوج کے خلاف بکواس کر کے ان کے مؤقف کو درست ثابت کیا اور دنیا میں ملکی وقار کو ٹھیس پہنچائی

بھارتی میڈیا اس جلسے کو اینٹی اسٹیبلشمنٹ بتا کر کوریج دے رہا ہے، اور نواز شریف نے فوج کے خلاف بکواس کر کے ان کے مؤقف کو درست ثابت کیا اور دنیا میں ملکی وقار کو ٹھیس پہنچائی#نواز_غدار_ہے

— Itz Jatt (@ItzJatt) October 16, 2020

نا اہل عمران نیازی کو کس نے وزیر اعظم بنایا؟ بنی گالہ،زمان پارک کی رسیدیں دینا پڑیں گی، نواز شریف

گوجرانوالہ: باپ بیٹی کے پاک فوج پرسنگین الزامات ،مریم نواز لوگوں کو پاک فوج کے خلاف اکساتی رہیں ،اطلاعات کے مطابق کرپشن کیس مین سزایافتہ سابق وزیراعظم نوازشریف اور ان کی بیٹی مریم نواز نے گوجرانوالا جلسے میں پاک فوج کے خلاف سخت زبان استعمال کی اور لوگوں کوپاک فوج کے خلاف اکساتی رہیں ،

مریم نوازنے پاک فوج کے سربراہ جنرل قمر جاوید باجوہ ، سابق سربراہ آئی ایس آئی جنرل ظہیرالاسلام اور چیئرمین سی پیک جنرل ریٹائرڈ عاصم سلیم باجوہ کے خلاف سخت زبان استعمال کرتے ہوئے کہا کہ ان سے حساب لیں گے

اپنی تقریر میں مریم نواز شریف نے آٹے چینی کے بحران کا عمران خان کی حکومت کوذمہ دارقراردیتے ہوئے سابق چیف جسٹس پاکستان جنرل آصف سعید کھوسہ پرالزام لگاتے ہوئے کہا کہ ہمیں سلین مافیا کہنے والے اب کہاں ہیں ،

پاکستان مسلم لیگ (ن) کی نائب صدر مریم نواز شریف نے کہا ہے کہ میں آج عوام کے پاس عوام کا ہی مقدمہ لے کر آئی ہوں۔ حکومت صرف قوم کے ووٹوں سے آنی اور جانی چاہیے۔

گوجرانوالہ میں پاکستان ڈیموکریٹک موومنٹ (پی ڈی ایم) کے جلسے سے خطاب کرتے ہوئے ان کا کہنا تھا کہ آج پاکستان کے تمام شہریوں کے کاروبار بند ہیں۔ ووٹ کو عزت نہیں ملتی تو عوام کا ایسے ہی برا حال ہوتا ہے جیسا آج آپ کا ہے۔

مریم نواز شریف کا کہنا تھا کہ میں آج یہاں نواز شریف، مولانا فضل الرحمان، بلاول بھٹو زرداری اور مجھ سمیت کسی سیاستدان کا مقدمہ لے کر نہیں آئی بلکہ عوام کے پاس عوام کا ہی مقدمہ لے کر آئی ہوں۔ کسی کو حق نہیں کہ وہ عوامی نمائندے کو نکالے۔ حکومت بنانے اور ختم کرنے کا اختیار صرف عوام کو ہی حاصل ہونا چاہیے۔