نیب نے نواز شریف کے پاسپورٹ اور شناختی کارڈ منسوخی کی سفارش کر دی ہے۔
باغی ٹی وی : وزارت داخلہ کے مطابق نیب راولپنڈی کی جانب سے وزارت داخلہ کو خط موصول ہوا ہے۔نیب نے خط میں لکھا ہے کہ نواز شریف کے وارنٹ گرفتاری عدالت سے جاری ہو چکے ہیں۔ نوازشریف کواشتہاری قرار دینے کا عمل بھی شروع کر دیا گیا ہے۔ نواز شریف کے سفری دستاویزات کو منسوخ کیا جائے۔
نیب نے خط میں کہا ہے کہ نواز شریف کا پاسپورٹ اور شناختی کارڈ کو بلیک لسٹ میں شامل کیا جائے۔ نواز شریف کی وطن واپسی کے لیے وزارت داخلہ انٹرپول سے بھی رابطہ کرے۔خیال رہے کہ دو روز قبل اسلام آباد ہائی کورٹ نے سابق وزیراعظم نوازشریف کو بذریعہ اشتہار طلب کرتے ہوئے کہا تھا کہ سابق وزیراعظم اگر 30 دن کے اندر پیش نہ ہوئے تو اشتہاری قرار دے دیا جائے گا۔
اسلام آباد ہائی کورٹ کے ججز جسٹس عامر فاروق اور جسٹس محسن اختر کیانی پر مشتمل دو رکنی بینچ نے نوازشریف کی العزیزیہ اور ایون فیلڈ ریفرنسز سے متعلق اپیلوں پر سماعت کی تھی
یس پی سی آئی اے عاصم افتخار کی سربراہی میں 4 افسران پر مشتمل ٹیم معاملے کی تفتیش کرے گی۔
ڈی ایس پی محمد غیاث، انسپکٹر طارق الیاس کیانی اور سب انسپکٹر شبیر اعوان بھی ٹیم میں شامل ہیں، مقدمے میں کوئی گرفتاری عمل میں نہیں لائی گئی ہے۔
مقدمہ ایک شہری بدر رشید کی جانب سے نواز شریف سمیت 42 نون لیگی رہنماؤں کے خلاف درج کرایا گیا تھا، جس میں وزیرِ اعظم آزاد کشمیر اور 3 سابق جرنیل بھی نامزد کیئے گئے ہیں
وزیراعظم کا فیس بک کی پاکستان میں سرمایہ کاری کا خیرمقدم
باغی ٹی وی : وزیراعظم نے فیس بک کی چیف آپریٹنگ آفیسر شیرل سینڈبرگ سے ورچوئل ملاقات میں بڑھتی ہوئی آن لائن نفرت اور انتہا پسندی پر تشویش کا اظہار کیا، دونوں نے فیس بک کی رابطے کی سرمایہ کاری اور تحقیقی گرانٹ پر بھی تبادلہ خیال کیا۔
جاری اعلامیے کے مطابق وزیراعظم اور فیس بک کی چیف آپریٹنگ آفیسر شیرل سینڈبرگ سے ورچوئل ملاقات میں فیس بک کی سرمایہ کاری، ڈیجیٹل خواندگی اور دیگر اقدامات پر تبادلہ خیال کیا گیا۔ عمران خان نے پاکستان میں فیس بک کی سرمایہ کاری اور مختلف پروگراموں کا خیرمقدم کیا۔ وزیراعظم نے نوجوانوں اور کاروباری افراد کو مواقع فراہم کرنے میں فیس بک کے کردار کی تعریف کی.
چیف آپریٹنگ آفیسر فیس بک نے بتایا فیس بک کی خون عطیہ کرنے والی مہم میں 5 ملین سے زیادہ پاکستانیوں نے سائن اپ کیا ہے، پولیو سے پاک پاکستان کے حکومت کے مقصد کے لئے فیس بک کی مکمل حمایت شامل ہے۔ وزیراعظم اور چیف آپریٹنگ آفیسر فیس بک شرل سینڈبرگ نے 6700 خواتین کے ٹریننگ پروگرام فیس بک کے شی مینس بزنس پروگرام کے بارے میں بھی بات کی۔
انہوں نے فیس بک کی پاکستان میں سرمایہ کاری اورمختلف پروگراموں کاخیرمقدم کرتے ہوئے کہا کہ ایسے پلیٹ فارمزنوجوانوں کومواقع اورغریت کے خاتمے میں مدد ملے گی۔
وزیراعظم عمران خان نے پاکستان میں پولیو فری بنانے میں فیس بک کے تعاون کوبھی سراہا۔ ملاقات میں فیس بک کے 6700 خواتین کے ٹریننگ پروگرام’شی مینس بزنس‘پر بھی بات چیت کی۔
شیرل سینڈبرگ نے کہا کہ فیس بک کی خون عطیہ کرنے والی مہم میں 50 لاکھ سے زائد پاکستانیوں نے سائن اپ کیا۔ ان کا کہنا تھا کہ پولیو سے پاک پاکستان کے حکومتی مقصد کی تکمیل میں فیس بک کی مکمل حمایت شامل ہے۔
بھارت کے داعش سے روابط ،امریکی جریدے نے پول کھول دیا
باغی ٹی و ی : امریکہ کا دہشت گرد ی کے حوالے سے تہلکہ خیز انکشاف،بھارت دہشت گردی کا نیا چہرہ،عالمی دہشت گردی میں بھارت سر ِ فہرست۔
امریکی جریدے فارن پالیسی نے بھارت کو بے نقاب کر دیا۔داعش اور بھارتی روابط دُنیا کے سامنے رکھ دیے۔ داعش اور بھارتی گٹھ جوڑ عالمی اور علاقائی خطرہ قرار دے دیا
ہندوستانی دہشت گردی کی سٹوری تاریخی طور پر دنیا کی نظروں سے اوجھل رہی .ھندو ستان کی انتہا پسند پالیسی ایک تباہ کن خطرہ ہے
اگر اس کا نوٹس نہ لیا گیا تو اس کے دور رس اثرات ہونگے.داعش کا جلال آباد، افغانستان میں اگست میں جیل پر حملے نے اس اُبھرتے خطرے کو بڑھا وا دیا۔
مختلف ممالک اور ایریاز میں دہشت گردی کے حملوں اور نئی لہر میں بھارتی سر پرستی ایک نیا موڑ لے رہی ہے۔ داعش اور بھارتی گٹھ جوڑ کے حالیہ دہشت گردکارروائیوں خاص کر2019میں سری لنکا میں ایسٹر کے موقع پر بم دھماکے،2017میں نئے سال کے موقع پر ترکی میں کلب پر حملہ اور 2017میں نیو یارک اورسٹاک ہوم حملے نے دُنیا کو ششدر کر دیا۔اَن حملوں کی پلاننگ میں بھارتی ہاتھ انتہائی پریشان کُن ہے۔ بھارت کی دہشت گردی میں ملوث ہونا کوئی نئی بات نہیں۔ بھارت دراصل طالبان کے نظریات کو فروغ دینے میں ایک جڑ اور بُنیاد کی حیثیت رکھتا ہے۔ کشمیر میں بھی بھارت میں موجود انہی عناصر نے کِردار ادا کیا۔
ہندوستان کے دہشت گرد گروپوں کی سر پرستی کے بھارت/ پاکستان/افغانستان میں موجود نیٹ ورکس سے روابط، سر پرستی اور ملوث ہونے کے واضح ثبوت ہیں۔اس سے پہلے ہندوستان صرف خطے میں ہی دہشت گرد کارروائیوں میں ملوث رہا ہے۔
لیکن اب یہ تبدیل ہورہا ہے۔داعش کو استعمال کر کے مذہبی گروپس خاص کر نوجوانوں کو استعما ل کر کے دوسرے ممالک اور بین الاقوامی مذہبی تحریکوں کے ذریعے انتہا پسندی اور دہشت گرد نظریات کو فروغ دیا ہے۔
شام کی لڑائی میں بھارتی دہشت گردوں کے ملوث ہونے کے واضح ثبوت ملے ہیں۔ بھارتی دہشت گردوں کے افغانستان میں داعش کے ساتھ مل کر لڑنے کے واضح ثبوت ہیں۔ داعش اور بھارتی گٹھ جوڑ کے نتیجے میں دہشت گردانہ کارروائیوں میں واضح اضافہ ہوا ہے۔چاہے وہ2016اتا ترک ائیرپورٹ پر حملہ ہو، چاہے وہ زیر ِ زمین پیٹرز برگ پر حملہ ہو۔ بھارتی دہشت گردوں نے خاص کر افغانستان اور شام کو بیس بنا کر دہشت گردانہ کارروائیوں میں حصہ لیا۔ کابل میں سکھ گردوارہ پر حملے میں بھارتی دہشت گرد ملوث تھے۔
داعش نے بھارت میں موجود اپنے دہشت گرد گروپس کا باضابطہ اعلان بھی کیا تھا۔ داعش کا یہی گروپ کشمیر میں بھی ملوث ہے۔اقوام ِ متحدہ بھی کیرالہ اور کرناٹکا میں دہشت گرد گروپس کی موجودگی کا انکشاف کر چکا ہے اور بھارتی گٹھ جوڑ دہشت گردوں نے داعش نے کشمیر میں مرنے والے اپنے 3ساتھیوں کا ذکر اپنے جریدے ال بنا میں کیا ہے۔ ایک ہندو کے9/11 واقع کے خالد شیخ محمد سے روابط کے بھی انکشاف ہیں۔
بھارت میں مُودی نے ہندو نیشنلزم کو فروغ دیا ہے۔ ہندو نیشنلزم انتہا پسندی کو فروغ دے رہا ہے۔اس بات کا خطرہ موجود ہے کہ زیادہ ہندوستانی علاقائی اور عالمی دہشت گرد کا رروائیوں میں ملوث ہوں
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ نواز شریف نے مجھ جیسوں کو ڈرا دیا، میں یہ سوچ رہا ہوں کہ نواز شریف کی تقریر کے بعد حالات اسی طرح رہے تو پھر وہ دن دور نہین جب اس ملک میں مارشل لاء ہو گا،نواز شریف نے بہت خوفناک کھیل چلنا شروع کر دیا ہے
اینکر پرسن زین علی کا کہنا تھا کہ اب سے کچھ دیر قبل نواز شریف نے لندن سے ایک اور خطاب کیا، دبنگ خطاب تھا، اس میں انہوں نے کہا کہ میرے دور میں دودھ کی نہریں بہہ رہی تھیں، ری پیٹ ٹیلی کاسٹ کیا جو گزشتہ 20 سال سے کر رہے ہیں کہ موٹروے ہم نے بنائی، انہوں نے ایک بار پھر کہا کہ عمران خان کو جو لوگ لائے ہم انکے خلاف ہیں، میں جب نواز شریف کی تقریر سن رہا تھا تو میں سوچ رہا تھا کہ میں اس وقت کہاں تھا جب دودھ کی نہریں بہہ رہی تھیں، روٹی، دوائی، کپڑے سستے تھے، نواز شریف نے کہا کہ ڈیڑھ کروڑ بے روزگار ہو چکے،مہنگائی بڑھ چکی، میں سوچ رہا ہوں کہ پانچ سال جب انکی حکومت تھی تب کتنی بے روزگاری تھی، پاکستان کس جگہ پہنچ چکا تھا، نواز شریف نے جو باتیں کیں وہ پانچ سال جب وہ موجود تھے تب نواز شریف نے کتنے قرضے لئے ،ڈالر ،پٹرول کہاں تھا، شماریات ہماری کیا کہہ رہی تھی، مجھے نواز شریف کے خطاب کی سمجھ نہیں آئی شاید مبشر لقمان صاحب کو سمجھ آئی ہو
مبشر لقمان کا کہنا تھا کہ مجھے اس خطاب کی سمجھ آئی ہے اور ایک بری خبر ہے،میں آپکو بتاؤں کو نواز شریف نے مجھ جیسوں کو ڈرا دیا، میں یہ سوچ رہا ہوں کہ نواز شریف کی تقریر کے بعد حالات اسی طرح رہے تو پھر وہ دن دور نہین جب اس ملک میں مارشل لاء ہو گا،نواز شریف نے بہت خوفناک کھیل چلنا شروع کر دیا ہے، جونیئرز آفیسر، سینئرز آفیسر میں ایک ڈیوائڈ کری ایٹ کرنے کی کوشش کر رہے ہیں،انہوں نے آمریت کی ضرور باتیں کیں لیکن ضیا ء الحق کا نام نہیں لیں گے، غلام جیلانی کا نام نہیں لیں گے، وہ ان جرنیلوں کا نام نہیں لیں گے جو خاموشی سے گھر چلے گئے،جنہوں نے صرف یہ کہا تھا کہ نیشنل ڈیفنس سیکورٹی کونسل ہونی چاہئے تا کہ خطرات سے نمٹ سکیں، جہانگیر کرامت جیسے کومیاں صاحب گھر بھیج دیا تھا،
مبشر لقمان کا مزید کہنا تھا کہ میاں صاحب نے آج بڑے جھوٹ بولے کہتے ہیں کہ سعودیہ بھیج دیا تو اقامہ لیا، میاں صاحب آپ کا اقامہ دبئی کا تھا رہے سعودیہ میں، وہ اقامہ منی لانڈرنگ میں استعمال ہوا تھا، آپ نے تنخواہ لی یا نہیں آپکی مرضی نہیں، اسوقت آپ وزیراعظم پاکستان تھے، آپ نے بڑے قوانین پاس کئے، 2013 سے پہلے جتنی حکومتیں ہیں سب کو مورد الزام ٹھہرا دیا، پی پی اور آصف زرداری کی حکومت تھی جنہوں نے صدر کے تمام اختیار پارلیمنٹ کو واپس کر دیئے تھے اسکی وجہ سے یہ سارا دن دیکھنا پڑ رہا ہے کہ ہر آدمی مرضی کی باتیں کر رہا ہے اور چیک اینڈ بیلنس نہیں، اسی وجہ سے کہہ رہا ہوں کہ ملک میں مارشل لا کا خطرہ ہے.
مبشر لقمان کا کہنا تھا کہ راؤ اویس میرے ایگزیکٹو پروڈیوسر ہیں، بڑا بول رہے تھے، میاں صاحب کہتے ہیں کہ جو بولتا ہے سامنے بولے یا گھر جائے، آج میاں صاحب نے الطاف حسین کی یاد دلا دی،جی بھائی، بولیں، ایک چیز کی کمی رہ گئی، اگلے خطاب میں گانا بھی سنا دیجئے گا مجھے بھائی کا گانا بھی بڑا پسند ہے،
راؤ اویس مہتاب کا کہنا تھا کہ میاں نواز شریف کی تقریر بہت شاندار تھی، اسکے لئے ضروری ہے کہ میری یادداشت کھو جائے، جب وہ فوجیوں کی بات کریں تو مجھے جنرل ضیا،جیلانی یاد نہ آئیں جب وہ غریبوں کی بات کریں تو انکے بچوں کے اثاثے یاد نہ آئیں، مبشر لقمان کا کہنا تھا کہ اسوقت بھی انکا پانچ سے چھ لاکھ پاؤنڈ ماہانہ خرچہ ہے، وہ کون دے رہا ہے، بھائی جان کہتے ہیں کہ غریب کو دوائیاں نہیں مل رہیں، میں خبر بریک کر رہا ہوں نواز شریف نے سروسز ہسپتال کی دوائیوں کے پیسے حکومت پاکستان سے لئے تھے، اپنی جیب سے نہیں دیئے، 27 لاکھ روپے حکومت سے لئے،
راؤ اویس مہتاب کا کہنا تھا کہ نواز شریف کی تقریر میں ایک فقرہ بھی ایسا نہیں تھا جس میں وہ جھوٹ نہ بول رہے ہوں،مجھے لگتا ہے کہ سی ڈی رکھی ہوئی ہے وہ ری پیٹ پر لگا دی، مبشر لقمان نے کہا کہ جب اتنے جھوٹ بول رہے ہیں تو صادق اور امین تو نہیں رہے، راؤ اویس کا کہنا تھا کہ بے وقوف بنانے کی کوشش کر رہے ہیں، زین علی نے کہا کہ جو ڈرپوک ہے وہ ہمارے درمیان نہیں رہ سکتا، اور یہ بات خود میاں صاحب لندن بیٹھ کر رہے ہیں، مبشر لقمان کا کہنا تھا کہ پی ڈی ایم کا جو اتحاد ہے یہ لانگ لاسٹنگ نہیں ہے، اس اتحاد میں مجھے ایک آدمی مولانا سے امید تھی لیکن جب مولانا کل مریم کو ملنے چلے گئے وہ پارٹی میں صدر بھی نہیں ہے،اسکے گھر کھانا کھایا، پریس ٹاک کی،مولانا کی اہمیت اس سے کم ہو گئی ہے، اب پی ڈی ایم کا اتحاد زیادہ چلتا نظر نہیں آتا، پریشر بلڈ اپ ہو گا، کرونا کیسز کی طرح یہ بڑھتا رہے گا، دسمبر اور جنوری میں لگ رہا ہے کہ یہ خطرناک ٹائم ہو گا،اگر انہوں نے ملک کو مفلوج کر دیا تو پھر چینج ہو گی اور وہ چینج کسی جمہوری ادارے کو پسند نہیں آئے گی، میاں صاحب دو چار جرنیلوں کو ٹارگٹ کر رہے ہیں اسلئے کر رہے ہیں کہ وہ خود آ کر جواب نہیں دے سکتے، انکی ذمہ داریاں اجازت نہیں دیتی، مجھے کوئی کہتا ہے تو میں جواب دے دیتا ہوں، کوئی اور دے دیتا ہوں لیکن میاں صاحب غلط فائدہ اٹھا رہے ہیں
مبشر لقمان کا کہنا تھا کہ پیپلز پارٹی کو ہم نے آصف زرداری سمیت کتنا دھویا، انکے پانچ سالوں میں، اس کے باوجود جب انکے رہنما ملتے تھے تو وہ کہتے تھے کہ ہاتھ ہلکا نہیں بلکہ فیکٹ تو صحیح کر لو،پھر جو مرضی کہو، ہماری بھی سن لو، اس طرح کی بات کرتے تھے، دھمکی نہیں دیتے تھے، اشتہار کیسے بند ہوتے تھے یہ بھی سب کو پتہ ہے، پی پی گرو کر رہی ہے،میرے جیسے لوگ جو پی پی کے مخالف رہے ہیں ہم سمجھتے ہیں کہ پی پی اپوزیشن کرنے میں ملک دشمن نہین بنے گی
راؤ اویس نے کہا کہ میاں صاحب نے کہا کہ میری ستر سال عمر ہے، 35 سال تو آپکی بھی ہے،جس پر مبشر لقمان کا کہناتھا کہ آپ میرے پرمنٹ پروڈیوسر ہیں، راؤ اویس نے کہا کہ پاکستان بنانے کا کریڈٹ وہ نہیں لے سکتے کیونکہ وہ ان سے دو سال پہلے بن گیا تھا،اسکے علاوہ سب کریڈٹ وہ لے رہے ہیں،سارا کچھ انہوں نے کیا، جے ایف تھنڈر،میزائل بھی انہوں نے بنائے، جس پر مبشر لقمان نے کہا کہ میاں صاحب ایسا کریں کہ لندن میں ٹویوٹا کرولا خود سے اوور آل کروا دیں مین انکو مان جاؤن ، فلائنگ کا انکو کیا پتہ سوائے اسکے کہ قطر کے جہاز پر جانا ہے یا سعودیہ کے جہاز پر،
زین علی نے کہا کہ جب میاں صاحب غلامی کی بات کرتے ہیں کہ اب ہم نے فیصلہ کر لیا ہے کہ ہم غلام نہیں رہیں گے، سٹیج پر بیٹھے لوگوں کے بارے مین افسوس کا اظہار کرتا ہوں، قد آور سیاستدان غلامی والی بات سنتے ہین تو وہ نہیں سوچتے کہ ہمارا لیڈرا چلا جائے گا ہم خود ادھر ہی رہیں گے،جس پر مبشر لقمان کا کہنا تھا کہ ان میں سے اچھے لوگ بھی ہیں، احسن اقبال،خاقان عباسی، اسی دفتر مین یہاں میرے پاس مجھے ملنے آ چکے ہیں، ایک زمانے میں ایئر لائن کا شوق ہوتا تھا، خاقان عباسی وفاقی وزیر تھے، وہ خود گاڑی میں آئے اور لیپ ٹاپ کھول کر مجھے سارا بتایا، یہ سینس رکھنے والے لوگ ہیں، خواجہ آصف سے ہمارے اختلاف ضرور ہیں لیکن دھڑے دار آدمی ہے، خواجہ سعد رفیق، سلمان رفیق، ہماری ان سے لڑائی رہتی ہے ،سعد رفیق کلاس فیلو تھا جتنا مرضی اچھا کر لین توتو میں میں رہنی ہے،لیکن ریلوے میں جتنا اچھا کام انہوں نے کیا اسکا کریڈٹ کوئی نہیں چھین سکتا، خواجہ سعد کے دور میں جو ریلوے تھی وہ آج نہیں ہے، تین تقریریں سن لیں، آٹھ ایسی تقریریں ہو گئیں تو صوفے اور کرسیاں خالی نظر آئیں گی.
راؤ اویس نے کہا کہ انکی سوچ آمریت پر مبنی ہے، انہوں نے تمام ادارے فتح کر لئے ایک رہ گیا وہ فتح کرنا چاہتے ہیں، جب مریم کی باری آتی ہے تو سارے پیچھے کھڑے ہوتے ہیں، مبشر لقمان نے کہا کہ نواز شریف نے یہ نہیں بتایا کہ ماڈل ٹاؤن کی جے آئی ٹی رپورٹ نہیں کھلوائی، والیم ٹین انکے وکیل نے کیوں بند کروایا جو آج تک نہین کھلا،ایل ڈی اے آفس میں آگ لگی اسکا نہیں بتایا،رمضان شوگر مل میں آ لگی اسکا نہین بتایا ، جہانگیر ترین کے اوپر انہوں نے ضرور کیا لیکن جب انہوں نے ق لیگ کے 52 لوگوں کو لوٹا بنایا اسوقت کوئی ذکر نہیں کیا،محمد خان جونیجو جب ہارا تھا تو ایئر پورٹ پر یاماہا 80 پر بندہ بھجوا دیا تھا اسکا ذکر بھول گئے،انکو میموری لاس ہے
زین علی نے کہا کہ آپکو بڑا ڈر ہے وہ ڈر تب تک ہے جب تک میاں صاحب واپس نہیں آتے؟ مبشر لقمان نے کہا کہ وہ خود لندن میں بیٹھے ہیں اور باقیوں کو کہتے ہیں کہ بہادر بنو ،بہادر بنو،میاں صاحب چکر لگوا رہے ہین سبھی کے، خود آرام سے بیٹھے ہیں، یہ نہیں بتایا کہ وہ اپارٹمنٹس ہیں کس کے، جہاں سے تقریر کر رہے تھے اسکا بتا دیں، اتنی فارن انوسیمنٹ یہاں آئی لیکن نہیں آئی تو انکے بیٹوں کی نہیں آئی
راولپنڈی:آرمی چیف سے زلمے خلیل کی ملاقات، افغان امن عمل میں حالیہ پیشرفت پر غور،اطلاعات کے مطابق آرمی چیف جنرل قمر جاوید باجوہ سے امریکی نمائندہ خصوصی برائے افغانستان زلمے خلیل زاد نے ملاقات کی جس میں خطے کی صورتحال سمیت دیگر اہم امور پر تبادلہ خیال کیا گیا۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کی طرف سے سماجی رابطے کی ویب سائٹ ٹویٹر پر جاری کردہ بیان کے مطابق آرمی چیف اور امریکی نمائندہ خصوصی برائے افغانستان کے درمیان ملاقات جنرل ہیڈ کوارٹر(جی ایچ کیو) میں ہوئی۔
ڈی جی آئی ایس پی آر کے مطابق ملاقات کے دوران پاکستان کے لیے نمائندہ خصوصی برائے افغانستان محمد صادق اور کمانڈر ریزولوٹ سپورٹ مشن جنرل آسٹن بھی موجود تھے۔ ملاقات میں پاک افغان سرحدی انتظامات اور افغان امن عمل میں حالیہ پیش رفت پر غورکیا گیا۔
Ambassador Zalmay Khalilzad, US Special Representative for #Afghanistan Reconciliation and General Austin Scott Miller, Commander Resolute Support Mission in Afghanistan called on General Qamar Javed Bajwa, COAS at GHQ today. Peace & stability in the region, Pak-Afghan Border pic.twitter.com/lxVcPyg4c7
میجر جنرل بابر افتخار کی طرف سے ٹویٹر پر مزید لکھا گیا کہ دونوں امریکی حکام نے افغان امن عمل میں پاکستان کے مثبت کرادار کو سراہا۔
دوسری طرف امریکی نمائندہ خصوصی زلمے خلیل زاد نے افغان عمل میں پاکستان کے کردار کی تعریف کرتے ہوے کہا ہے کہ کابل حکومت پاکستان کیساتھ سائیڈ ڈیل کر سکتی ہے۔ طالبان اور افغان حکومت کے درمیان معاہدے کے بعد پاکستان کیلئے اقتصادی مراعات دیکھ رہے ہیں۔
میڈیا رپورٹس کے مطابق امریکا کے نمائندہ خصوصی برائے افغان مفاہمتی عمل زلمے خلیل زاد نے یہ بات یونیورسٹی آف شکاگو میں ویڈیو لنک سے خطاب میں کی۔ انہوں نے اس اجلاس میں بذریعہ ویڈیو لنک دوحہ سے شرکت کی۔
زلمے خلیل زاد کا کہنا تھا کہ پاکستان اور افغانستان کے درمیان ایک معاہدے کی کوشش کر رہے ہیں۔ یہ اقدام داخلی امن کے حوالے سے اٹھایا جا رہا ہے۔ انہوں نے امید ظاہر کی کہ اگر کابل اور طالبان معاہدہ کرنے میں کامیاب ہو گئے تو پاکستان کیلئے اقتصادی مراعات دیکھ رہے ہیں۔ زلمے خلیل زاد نے افغان امن عمل کیلئے پاکستانی وزیراعظم عمران خان اور آرمی چیف جنرل قمر جاوید باجوہ کی سفارتکاری اور مدد کا شکریہ ادا کیا۔
نیو یارک:اگلے دومہینے بہت اہم ہیں :کرسمس تک افغانستان سے اپنی افواج کا مکمل انخلاء چاہتے ہیں،اطلاعات کے مطابق امریکی صدر نے کہا ہے کہ رواں برس کرسمس تک افغانستان سے اپنی افواج کا مکمل انخلاء چاہتے ہیں۔
واضح رہے کہ طالبان کے ساتھ طے پانے والے معاہدے میں امریکا نے 2021 کے وسط تک اپنی تمام فوجیں افغانستان سے نکالنے کا وعدہ کیا تھا جب کہ طالبان نے اس کے بدلے مستقل جنگ بندی اور افغان حکومت کے ساتھ شراکتِ اقتدار کا فارمولا طے کرنے کی یقین دہانی بھی کرائی تھی.
We should have the small remaining number of our BRAVE Men and Women serving in Afghanistan home by Christmas!
غیر ملکی خبر ایجنسی کے مطابق ڈونلڈ ٹرمپ نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ افغانستان میں فرائض پر مامور ہمارے دلیر جوانوں کا اپنے گھروں میں ہونا ضروری ہے۔ ہمیں افغانستان میں تھوڑی تعداد میں خدمات انجام دینے والے اپنے بہادر مرد اور خواتین کو کرسمس تک واپس اپنے گھر بلا لینا چاہیے۔
خبر رساں ادارے کے مطابق امریکی صدر ڈونلڈ ٹرمپ کا یہ ٹویٹ ایسے وقت میں آیا ہے جب امریکی سینٹرل کمانڈ کے کمانڈر جنرل فرینک میکنزی نے اپنے پلان بتاتے ہوئے کہا تھا کہ ستمبر میں عراق سے اپنی فوج کی تعداد 5200 سے کم کر کے 3000 کر دی جائے گی۔
امریکی خبر رساں ادارے کے مطابق جنرل فرینک میکنزی کا کہنا تھا کہ افغانستان میں اکتوبر کے بعد تک اپنی آرمی کی تعداد بھی کم کی جائے گی۔ یہ تعداد 8600 سے کم کر کے 4500 کر دی جائے گی۔
یاد رہے کہ امریکی قومی سلامتی کے مشیر رابرٹ او برائن نے لاس ویگاس میں یونیورسٹی آف نیواڈا میں ایک تقریب سے خطاب میں کہا تھا کہ افغانستان میں امریکی پانچ ہزار سے کم فوجی تعینات ہیں جنہیں اگلے برس کے اوائل میں گھٹا کر 2500 سے کم کر دیا جائے گا۔
ان کا کہنا تھا کہ افغانستان میں قیامِ امن کے لیے افغان ہی کسی معاہدے پر پہنچیں گے اور یہ امن معاہدہ ہو گا۔ تاہم یہ ایک طویل اور کٹھن عمل ہے مگر ہم سمجھتے ہیں کہ یہ لازمی قدم ہے۔
— Zabihullah (..ذبـــــیح الله م ) (@Zabehulah_M33) October 8, 2020
طالبان نے صدر ٹرمپ کے بیان کا خیر مقدم کیا ہے۔ طالبان کے ترجمان ذبیح اللہ مجاہد نے ایک ٹویٹ میں کہا ہے کہ افغانستان سے امریکی فوجوں کا انخلا امریکا، طالبان امن معاہدے کے حوالے سے ایک مثبت قدم ہو گا۔ طالبان کی حکومت امریکا سمیت دنیا کے تمام ممالک کے ساتھ اچھے تعلقات برقرار رکھے گی۔
یاد رہے کہ رواں برس فروری میں امریکا اور طالبان کے درمیان امن معاہدہ طے پایا تھا جس میں طالبان کے دہشت گردی کی روک تھام کی یقین دہانیوں کے بدلے امریکہ نے افغانستان سے اپنی افواج مئی 2021 تک واپس بلانے کا کہا تھا۔
طالبان نے اس کے بدلے مستقل جنگ بندی اور افغان حکومت کے ساتھ شراکتِ اقتدار کا فارمولا طے کرنے کی یقین دہانی بھی کرائی تھی۔
صدر ٹرمپ اور ان کی انتظامیہ نے کہا تھا کہ امریکہ نومبر تک افغانستان میں اپنے فوجیوں کی تعداد 4 سے 5 ہزار تک کر لے گا۔ اس سے کم تعداد کرنے کا فیصلہ افغانستان کے حالات پر منحصر ہوگا۔
اگرچہ اب بھی عراق، شام اور افغانستان میں امریکہ کے ہزاروں فوجی موجود ہیں۔ لیکن امریکہ کی نہ ختم ہونے والی جنگوں کا خاتمہ صدر ٹرمپ کی خارجہ پالیسی کا اہم ستون ہے۔
جسٹس قاضی فائز عیسیٰ کی سربراہی میں قائم سپریم کورٹ کے دو رکنی بینچ نے کیس کی سماعت کی۔ عدالت نے ایڈیشنل ایڈووکیٹ جنرل سندھ کی مہلت مانگنے کی استدعا مسترد کردی اور سندھ حکومت کو غیر ضروری التوا پر فریقین کے وکلا کے سفری اخراجات ادا کرنے کا حکم دیتے ہوئے کہا کہ سندھ حکومت اگلی سماعت سے پہلے وکیل امداد علی اور ضمیر اللہ کو پچاس پچاس ہزار روپے ادا کرے، دونوں وکلاء حیدرآباد اور سندھ سے آئے ہیں انکو اخراجات ادا کیے جائیں۔
جسٹس قاضی فائز عیسیٰ نے کہا کہ ایڈیشنل ایڈووکیٹ جنرل سندھ تحریری جواب کی کاپی جمع نہیں کروا سکے، آپ کو جرمانہ کر رہے ہیں دونوں وکلا کو ادا کریں، گزشتہ سماعت پر بھی عدالت نے حاضری یقینی بنانے کا حکم دیا تھا۔
ایڈیشنل ایڈووکیٹ جنرل سندھ نے عدالت سے دو دن کی مہلت دینے کی استدعا کی۔ تو جسٹس قاضی فائز عیسیٰ نے کہا کہ ہمارے پاس التوا کا اختیار نہیں ہے۔ عدالت نے کیس کی سماعت پانچ نومبر تک ملتوی کردی۔
لاہور: نوازشریف خطاب میں پاکستانی پاسپورٹ کے بارے میں جھوٹ بولتے پکڑے گئے،کارکنوں نے شرم کے مارے نظریں جھکا لیں ،اطلاعات کے مطابق آج ن لیگ کے اجلاس میں کرپشن پربرطرف سابق وزیراعظم نوازشریف کے سفید جھوٹ کوسن کرہال میں موجود کارکنان بھی شرم کے مارے نظریں جھکا کربیٹھ گئے
ذرائع کے مطابق یہ دلچسپ صورت حال اس وقت پیش آئی جب ایک موقع پرنوازشریف نے کہا کہ میرے دورمیں پاکستانی سبزپاسپورٹ بڑی اونچی پروازپر تھا اوردنیا میں پاکستانی پاسپورٹ کی عزت کی جاتی تھی
ابھی نوازشریف یہ الفاظ دہرا رہے تھے کہ اسی دوران اگلی نشستوں پربیٹھے ہوئے چند کارکنان نے میاں نوازشریف کی طرف دیکھا اورپھراپنے موبائل میں پاکستانی پاسپورٹ کی رینکنگ دیکھ کربڑے حیران ہوئے
اسی دوران تیسری لائین میں بیٹھے چند کارکنان نے ایک دوسرے کی طرف دیکھتے ہوئے میاں نوازشریف کے دورکی پاسپورٹ کی ریکننگ اوران دنوں عمران خان کے دورکی رینکنگ ایک دوسرے کودکھانے لگے
یہ بھی معلوم ہوا ہےکہ کہیں سے آوازبھی آئی کہ میاں صاحب پاسپورٹ کی باتیں چھوڑیں ، جس کے بعد پہلے تواکثرلوگوں نے اس طرف دیکھا پھرنظریں جھکا لیں
یاد رہےکہ آج کے خطاب میں میاں نوازشریف کے اس سفید جھوٹ کے پکڑے جانے کے بعد سوشل میڈیا پرایک مہم شروع ہوگئی ہے جس میں کہا جارہا ہے کہ خدا اب تو جھوٹ بولنا چھوڑدیں
یاد رہےکہ پاکستانی پاسپورٹ نوازشریف کے دورمیں اس قدربے قدراورکمترسمجھا جانے لگا کہ دنیا کی نظروں میں اس کی اہمیت ہی کم ہوگئی
عالمی ذرائع ابلاغ کے مطابق نوازشریف دورمیں پاکستانی پاسپورٹ کواس قدررسوائی اٹھانا پڑی کہ 101 درجے نیچے چلا گیا اورصرف 30 ملکوں میں داخلے کی اجازت تھی
دوسری طرف آج ہی پھرپاسپورٹ کے لحاظ سے دنیا بھرکی پھررینکنگ کی گئی ہے جس کے مطابق پاکستانی پاسپورٹ نوازشریف دور کے 101 انتہائی نچلے درج سے جمپ مارتے ہوئے عمران خان کے دورحکومت میں اس وقت 31 درجے بلند ہوکر70 ویں نمبرپرآگیا ہے
دنیا کے طاقتور ترین پاسپورٹس کی فہرست میں نیوزی لینڈ پہلے نمبر پر رہا، جبکہ پاکستان اس رینکنگ میں 70 ویں نمبر پر ہے، جنگ زدہ ملک عراق کو رینکنگ میں سب سے آخری پوزیشن دی گئی۔
رینکنگ میں پاکستان کا موبائیلیٹی ریٹ اس وقت 38 ہے یعنی ملکی پاسپورٹ رکھنے والے افراد 38 ممالک کا سفر کرسکتے ہیں اور ان میں 8 ممالک کا ویزہ معاف ہے، 30 ممالک ایسے ہیں جہاں اترنے کے بعد انہیں ویزہ حاصل کرنا ہوگا۔
یوں نوازشریف کا سفید جھوٹ سن کرآج کارکنوں کے سرپھرشرم سے جھک گئے یہی وجہ ہے کہ نوازشریف کے خطاب کے بعد وہ جوش دیکھنے میں نہیں یا جوپچھلے خطاب میں تھا
باغی ٹی وی کی رپورٹ کے مطابق وفاقی وزیر فیصل واوڈا کی نااہلی کی درخواست پر الیکشن کمیشن میں سماعت ہوئی
چیف الیکشن کمشنر سکندرسلطان راجہ کی سربراہی میں 4رکنی بینچ نے سماعت کی، فیصل واوڈا کے وکیل نے کہا کہ الیکشن سےمتعلق درخواستوں کوالیکشن ٹریبونل میں چیلنج کیاجاتا ہے ،تین درخواستوں میں درج ہی نہیں کہ وہ کس قانون کے تحت دائر کی گئیں ،الیکشن کمیشن کے پاس کسی رکن کے خلاف انکوائری کا اختیار ہے،الیکشن کمیشن کسی ممبر کو نااہل قرار نہیں دے سکتا
الطاف ابراہیم قریشی نے کہا کہ الیکشن کمیشن کسی بھی رکن کو نااہل قرار دے سکتا ہے ،وکیل درخواست گزار نے کہا کہ میں نے الیکشن سے قبل فیصل واوڈا کیخلاف نااہلی کی درخواست آر او کے پاس جمع کرائی ،کیس کو سوا دو سال گزر چکے ہیں،آراو نے کیسے کہہ دیا کہ میں نے فیصل واوڈا کا پاسپورٹ دیکھ لیا اوروہ پاکستانی شہری ہیں،فیصل واوڈا پیدائشی امریکا کا شہری ہے،امریکی قونصل خانے سے فیصل واوڈا کی دہری شہریت کی تفصیلات مانگی،امریکا قونصل خانے نے ہمیں جواب دیا کہ وہ کسی فرد کو جواب نہیں دیتے فیصل وواڈا نے الیکشن کے وقت بیان حلفی میں غلط بیانی کی، فیصل واوڈا بس یہ بتادیں کہ جب آراوکے سامنے آئے تھے تب وہ دہری شہریت رکھتے تھے کہ نہیں ،سندھ ہائیکورٹ میں تو الیکشن کمیشن کا وکیل فیصل واوڈا کی وکالت کررہا تھا ،اب الیکشن کمیشن فیصلہ دے، میں مزید پیسے ضائع نہیں کر سکتا،فیصل واوڈا کھرب پتی ہیں ، دنیا بھر میں جائیدادیں ہیں،فیصلے کیسے ہوں گے، اس کی مدت مکمل ہو جائے گی،
چیف الیکشن کمشنر نے کہا کہ ہم درخوست گزار کے دستاویزات کا جائزہ لیں گے،کیس کا قابل سماعت ہونا ، میرٹ کا معاملہ ہے، ان کا جائزہ لیں گے،جواب دہ بھی اگلی سماعت پر کیس پر اپنے دلائل دیں گے ، آئندہ سماعت پر درخواست سے متعلق فیصلہ سنائیں گے،فیصل واوڈا کے خلاف نااہلی کی درخواست پر سماعت 2 نومبر تک ملتوی کر دی گئی
دوسری جانب الیکشن کمیشن میں وفاقی وزیر فیصل واڈا نے نااہلی کیس میں تحریری جواب جمع کروا دیا،جواب میں کہا گیا کہ درخواست گزار کو اسپیکر قومی اسمبلی سے رابطہ کرنا چاہیے تھا درخواست گزار نے الیکشن ٹریبیونل کے سامنے کوئی پٹشن جمع نہیں کرائی،درخواست گزار کوالیکشن ٹریبیونل میں درخواست جمع کرانی چاہیے تھی درخواست گزار نے فیصل واوَڈا کے خلاف الزامات کا کوئی ثبوت نہیں لگایا ،شکایات کے مندرجات غلط فہمی پر مبنی ہیں اور ہم ان سے انکار کرتے ہیں ،فیصل واوَڈا کے خلاف درخواستوں کو مسترد کیا جائے،
وفاقی وزیر فیصل واوڈا کی نااہلی کے لیے دائر درخواست میں موقف اپنا گیا ہے کہ انہوں نے کاغذات نامزدگی میں جعلی حلف نامہ جمع کروایا۔ درخواست میں کہا گیا ہے کہ فیصل واوڈا کو جعلی حلف نامہ جمع کروانے پر نااہل کیا جائے کیونکہ ایم این اے صادق اور امین نہیں رہے۔ سپریم کورٹ دوہری شہریت رکھنے پر 2 سینٹرز کو نا اہل قراردے چکی ہے
سرکاری اداروں،محکموں تک کمزور طبقہ کی رسائی مزید آسان بنانے کا وزیراعظم نے دیا حکم
باغی ٹی وی کی رپورٹ کے مطابق وزیراعظم عمران خان نے سرکاری اداروں،محکموں تک کمزور طبقہ کی رسائی مزید آسان بنانے کا حکم دے دیا
وزیر اعظم عمران خان کی ہدایت پر ملک کاسب سے بڑا شکایات کا نظام مکمل فعال کر دیا گیا،صوبوں میں سٹیزن پورٹل پر افسران کے 8ہزار864 ڈیش بورڈز کوذمہ داری تفویض کر دی گئی،وزیر اعظم آفس نے ملک بھر کے 8 ہزار864 سے زائد سرکاری دفاتر کو مراسلہ جاری کر دیا،سرکاری افسران کو اپنے ڈیش بورڈز سے کمزور طبقہ کی شکایات درج کرنے کا حکم دیا گیا ہے،سرکاری افسران کو بزرگ شہریوں،بیوہ خواتین،معذور افراد کی سہولت کے لیے ہدایات جاری کی گئی ہیں
وزیراعظم عمران خان کا کہنا تھا کہ پی ٹی آئی حکومت کا منشور عوام کی عملی خدمت کرنا ہے،سرکاری اداروں کو عوام کی خدمت کے لیے ہر صورت پابند بنایا جائے،گورننس کی بہتری عوام اور سرکاری اداروں میں بہتر راوبط سے مشروط ہے
پی ایم ڈلیوری یونٹ نے سرکاری اداروں کو ضابطہ اخلاق بھی بھجوا دیئے،تمام وفاقی سیکریٹریز،چیف سیکریٹریز اورآئی جیز کو مراسلہ جاری کر دیا گیا،وزیراعظم آفس کے مطابق شہریوں کو شکایات کے لیے متعلقہ ادارے جانے کی ضرورت نہیں ہوگی،کسی بھی قریبی سرکاری دفتر میں عملہ شہری کی شکایات درج کرنے کا پابند ہو گا،سرکاری ادارے شہری کی شکایت فوری متعلقہ محکمہ کو بھیجنے کے پابند ہوں گے ،مختلف علاقوں میں موبائل،انٹرنیٹ سہولت نہ ہونے کے باعث فیصلہ کیا گیا،شہریوں کو سہولت سے آگاہ کرنے کے لیے آگاہی مہم بھی شروع کی جائے
وزیراعظم عمران خان نے سٹیزن پورٹل سیل کے بارے میں بھی آگاہی مہم چلانے کی ہدایت کی ہے اور کہا کہ لوگوں کو سٹیزن پورٹل استعمال کرنے کے لیےشعور دیا جائے ،سٹیزن پورٹل ذاتی طور پر مانیٹر کر رہا ہوں یہ ایسا ذریعہ ہے کہ عوامی عہدوں پر بیٹھے لوگوں تک پہنچنے کیلئے کسی بیورو کریٹ یا سیاسی سفارش کی ضرورت نہیں ہے۔ ان کا کہنا تھا کہ درحقیقت یہ عوامی طاقت کی سچی ترجمانی اور نیا پاکستان ہے۔
واضح رہے کہ سٹیزن پورٹل پر شکایات درج کروانے کا تیز رسپانس دیکھنے میں آیا ہے، مختلف لوگوں کا بھی یہی کہنا ہے کہ یہاں شکایت درج کروانے پر بہت جلد عمل درآمد کیا جاتا ہے.
وزیرا عظم عمران خان کی جانب سے عوامی شکایات اور تجاویز براہ راست سننے کے لیے ’پاکستان سٹیزن پورٹل‘ کا باقاعدہ افتتاح کیا ہے۔ اس شعبے کا دفتر وزیرا عظم آفس ہی میں بنایا گیا ہے جس کے ذریعے عوام اپنی شکایات اور تجاویز (مشورے) براہ راست وزیرا عظم آفس کو بھیج سکتے ہیں ،گی اور قابل عمل تجاویز پر غور کیا جائے گا۔ پاکستان سٹیزن پورٹل کے لیے جدید انفارمیشن ٹیکنالوجی کو استعمال کیا جا رہا ہے
