Category: اہم خبریں

شکست خوردہ کرپٹ مافیا لوٹا مال بچانے کے لیے پھر جمع ہو رہا ہے ، عمران خان

باغی ٹی وی : وزیر اعظم عمران خان نے کہا ہے کہ شکست خوردہ کرپٹ مافیا لوٹا مال بچانے کے لیے پھر جمع ہو رہا ہے ، اس مافیا کا واحد مقصد لوٹ مار ہے ۔ وزیر اعظم عمران خان نے ٹی وی سے گفتگو میں کہا کہ ہماری حکومت ملکی جغرافیائی اور نظریاتی اساس کی محافظ ہے ، پاکستان کو ریاست مدینہ کے عین مطابق ڈھالیں گے ، پاکستان کے دشمن ملک کو کمزور کرنا چاہتے ہیں، ملک میں فرقہ واریت پھیلانا دشمن کا پرانا حربہ ہے ۔وزیر اعظم نے کہا کہ فیٹف کے سلسلے میں اہم ترین قانون سازی پر اپوزیشن کو واضح شکست ہوئی ہے ، اپوزیشن کا پاکستان مخالف ایجنڈا اور ذہنیت بھی واضح ہو گئی ہے ، آئندہ بھی مشترکہ اجلاس بلا کر قانون سازی کی جائے گی

جمہوریت کو چلنے ہی نہیں‌دیاجاتا، پہلے کمزور کیا جاتا ہے پھر گھر بھیج دیا جاتا ہے ، نواز شریف کا اے پی سی سے خطاب

۔دریں اثنا وزیراعظم عمران خان سے وزیرہاؤسنگ میاں محمود الرشید نے ملاقات کی اور پنجاب میں بلدیاتی انتخابات کی تیاریوں کے حوالے سے آگاہ کیا۔ اس موقع پر وزیر اعظم نے کہا کہ بلدیاتی اداروں کو بااختیار بنایا جارہا ہے ، پی ٹی آئی کے نظریاتی کارکنوں کو بلدیاتی انتخابات میں حصہ لینے کا موقع فراہم کیا جائے گا۔ میاں محمود الرشید نے وزیراعظم کو پنجاب میں نیا پاکستان ہاؤسنگ پراجیکٹ پر پیش رفت سے بھی آگاہ کیا ۔ علاوہ ازیں وزیر اعظم عمران خان نے اپنے ایک ٹویٹ میں آئرش امریکن بزنس ٹائیکون چنک فرینی کی جانب سے 8 ارب مالیت کی اپنی تمام دولت بطور خیرات دینے کے عمل کو ’’حقیقی امیری‘‘ قراردیا ۔ انہوں نے کہا اصل امارت عوامی فلاح کے لئے اپنا سب کچھ وقف کرنا ہے
ادھر اپوزیشن جماعتوں کی اے پی سی ہوئی جس میں میاں نواز شریف سمیت آصف علی زارداری نے خطاب کیا .
اے پی سی سے خطاب کرتے ہوئے نواز شریف نے بلاول بھٹو زرداری کا شکریہ ادا کیا اور ان محبتوں‌کو جاری رکھنے کے عزم کا اظہار کیا . انہوں نے کہا کہ اب جمہوری قوتین جمہوریت اور عوام کے حکمرانی کے لیے کھڑی ہو چکی ہیں جو کہ بہت ہی قابل ستائش بات ہے. انہوں‌ نے کہا کہ اب جمہوری قوتوں کو روایتی احتجاج سے آگے بڑھ کر کردار ادا کرنا ہوگا . انہوں نے کہا ہے کہ جمہیوریت کچھ قوتیں چلنے ہی نہیں‌دیتیں. پہلے ان کو کمزور کیا جاتا ہے . پھر گھر بھیج دیا جاتا ہے .

گوادر:اہم ترین ایم 8 شاہراہ کی تعمیر کیلئے ٹینڈر جاری کردیا گیا،بلوچستان کے عوام کی طویل محرومی دور ہو گی،اطلاعات کےمطابق چیئرمین سی پیک اتھارٹی لیفٹیننٹ جنرل (ر)عاصم سلیم باجوہ نے کہا ہے کہ بلوچستان کے جنوبی علاقوں میں ترقیاتی منصوبوں پر کام تیزی سے جاری ہے۔

تفصیلات کے مطابق عاصم سلیم باجوہ نے سماجی رابطے کی ویب سائٹ ٹوئٹر پر ٹوئٹ کیا کہ اہم ترین ایم 8 شاہراہ کی تعمیر کے لیے ٹینڈر جاری کردیا گیا، ایم 8 شاہراہ کی تعمیر سے گوادر بندرگاہ تک رسائی مزید آسان ہوجائے گی۔انہوں نے بتایا کہ ایم 8 سے علاقے میں سماجی و اقتصادی ترقی اور استحکام آئے گا۔

Building South Balochistan: Tender for important section of M-8 construction.Will improve connectivity of Gwadar Port,revolutionise socio-economic dev of the region,bring prosperity,address long term deprivation,Something people been waiting for decades #cpec #CPECMakingProgress pic.twitter.com/NtVk49riRF

— Asim Saleem Bajwa (@AsimSBajwa) September 20, 2020

چیئرمین سی پیک اتھارٹی کا کہنا تھا کہ منصوبوں سے علاقے میں پایاجانے والا احساس محرومی ختم ہوگا، علاقے کے عوام کووہ سب دیا جارہا ہے جس کےوہ دہائیوں سےمنتظر تھے۔انہوں نے مزید کہا کہ سی پیک کی منصوبوں پر کام دن رات جاری ہے۔

خیال رہے کہ اپنے حالیہ ٹوئٹ میں لیفٹیننٹ جنرل ریٹائرڈ عاصم سلیم باجوہ نے کہا تھا کہ گوادر شہر اور بندرگاہ کی تعمیر پر رات دن جاری ہے جس سے خوش حالی آئے گی اور ماضی کی غلطیوں کو سدھارا جائے گا۔

جمہوریت کو چلنے ہی نہیں‌دیاجاتا، پہلے کمزور کیا جاتا ہے پھر گھر بھیج دیا جاتا ہے ، نواز شریف کا اے پی سی سے خطاب
اے پی سی سے خطاب کرتے ہوئے نواز شریف نے بلاول بھٹو زرداری کا شکریہ ادا کیا اور ان محبتوں‌کو جاری رکھنے کے عزم کا اظہار کیا . انہوں نے کہا کہ اب جمہوری قوتین جمہوریت اور عوام کے حکمرانی کے لیے کھڑی ہو چکی ہیں جو کہ بہت ہی قابل ستائش بات ہے. انہوں‌ نے کہا کہ اب جمہوری قوتوں کو روایتی احتجاج سے آگے بڑھ کر کردار ادا کرنا ہوگا . انہوں نے کہا ہے کہ جمہیوریت کچھ قوتیں چلنے ہی نہیں‌دیتیں. پہلے ان کو کمزور کیا جاتا ہے . پھر گھر بھیج دیا جاتا ہے .

ووٹ کو عزت دینے کی بجائے اس ک تحقیر کی جاتی ہے. مرضی سے انتخابات کے نتائچ حاصل کرنے کےلیے دھاندلی کی جاتی ہے . اگر ایسا نہ ہوتا تو بیساکھیوں پر چلنے والی حکومت ایک روز بھی ٹھہر نہ سکتی . ملک میں معیشت کا برا حال ہے. وطن عزیز میں امن و امان کا براحال ہے . قوم کی بیٹی کی موٹر وے پر عزت پامال کی جارہی ہے کشمیر کے مسئلے پر بھارت ہمیں‌بچھاڑ‌کر رکھ دیا ہے . کشمیر عوام کی امیدیں دکم توڑ رہی ہیں. کشمیر کو 70 سال میں‌اتنا نقصان نہیں‌پہنچا جتنا اس دور حکومت میں‌ پہنچا. انہوں نے کہا کہ ملک کے وزیر اعظًم کو علم ہی نہیں‌ہوتا کیا کیا فیصلے کر لیے جاتے ہیں. انہوں نے کہا کہ اب ان سارے سوالات کا جواب لینے کا وقت آگیا ہے . انہوں نے نیب پر بھی شدید تنقید کرتے ہوئے کہا کے اسے اندھے انتقام کے لیے استعمال کیا جارہا ہے . یہ ادارہ مکمل طور پر اپنا جواز کھو چکا ہے .

شریک چیئرمین پیپلز پارٹی آصف زرداری وڈیو لنک کے ذریعے آل پارٹیز کانفرنس میں‌شریک ہوئے اور اے پی سی کا انعقاد تمام شرکا کی مشترکہ کاوش قرار دیا.

سابق صدر آصف زرداری نے اے پی سی سے خطاب کے دوران قائد ن لیگ نواز شریف کا کانفرنس کی دعوت قبول کرنے کا شکریہ ادا کیا، انہوں نے کہا کہ ہم حکومت کو نکال کر جمہوریت بحال کریں گے، عمران خان کی سوچ ایک میجر کی سوچ ہے۔ یہ کوئی جمہوریت نہیں اس طرح ملک نہیں چلتے، ہم حکومت گرانے نہیں بلکہ بچانے آئے ہیں۔

چیئرمین پیپلز پارٹی بلاول بھٹو آل پارٹیز کانفرنس کے میزبان ہیں، ن لیگ کا وفد شہبازشریف کی قیادت میں شرکت کر رہا ہے

اے پی سی سے نواز شریف اور آصف زرداری کا خطاب

باغی ٹی وی . اے پی سی سے نواز شریف اور کا خطاب جاری ہے . اس سے پہلے سابق صدر آصف زرداری نے خطاب کیا . اپوزیشن کی آل پارٹیز کانفرنس جاری ہے جس میں حزب اختلاف کی تمام بڑی سیاسی جماعتیں شریک ہیں۔

پاکستان پیپلزپارٹی کے شریک چیئرمین آصف علی زرداری اور مسلم لیگ ن کے تاحیات قائد نواز شریف بھی ویڈیو لنک کے ذریعے اے پی سی میں شریک ہیں۔

پاکستان پیپلزپارٹی اے پی سی کی میزبانی کر رہی ہے۔ بلاول بھٹو زرداری، شیری رحمان اور پیپلزپارٹی کے دیگر رہنما بھی پہنچ گئے ہیں۔

سابق وزیراعظم نوازشریف لندن میں حسن نواز کے دفتر پہنچ گئے ہیں جہاں سے وہ ویڈیو لنک کے ذریعے اے پی سی میں شرکت کریں گے۔

شہبازشریف کی قیادت میں ن لیگ کا وفد اے پی سی میں شرکت کیلئے پہنچ گیا ہے۔ مولانا فضل الرحمان کی سربراہی میں جے یوآئی کا وفد بھی اے پی سی میں شرکت کیلئے پہنچ چکا ہے۔ جے یو آئی کے وفد میں عبدالغفور حیدری، اکرم درانی اور کامران مرتضیٰ بھی شامل ہوں گے۔

مسلم لیگ ن کے وفد میں مریم نواز، مریم اورنگزیب، شاہد خاقان عباسی اور امیرمقام بھی شامل ہیں۔ مسلم لیگ ن کے وفد میں، خواجہ آصف، احسن اقبال اور ایاز صادق، پرویز رشید، سعد رفیق، رانا ثنا اللہ بھی شامل ہوں گے۔

کورونا کے پھیلاو میں‌ کمی، ملک بھر میں 24 گھنٹوں میں‌ صرف ایک شخص جاں بحق ہوا

باغی ٹی وی : کورونا کے پھیلاو میں‌ کمی آنے لگی، ملک بھر میں 24 گھنٹے کے دوران وبا سےایک شخص جاں بحق ہوا جس کے بعد جاں بحق افراد کی مجموعی تعداد 6 ہزار 416 ہو گئی۔ ملک میں 34 ہزار 544 کورونا ٹیسٹ کیے گئے جن میں سے 640 افراد میں وائرس کی موجودگی کا انکشاف ہوا ہے۔

این سی او سی کے اعداد و شمار کے مطابق پاکستان میں کورونا مریضوں کی تعداد 3 لاکھ 5 ہزار 671 ہو گئی ہے جن میں سے کورونا کے ایکٹیو کیسزکی تعداد 6 ہزار 952 ہے۔ کورونا سے متاثرہ 562 مریضوں کی حالت تشویشناک ہے۔

این سی او سی کے مطابق صوبہ پنجاب میں 98 ہزار 368، سندھ میں ایک لاکھ 33 ہزار 626 کیسز، خیبرپختونخوا 37 ہزار 317، بلوچستان میں 14 ہزار 269 کیسز رپورٹ ہوئے ہیں۔ اسلام آباد 16 ہزار 124، گلگت بلتستان میں 3 ہزار 450 کیسز، آزاد کشمیر میں کورونا مریضوں کی تعداد 2 ہزار 517 ہو گئی ہے۔

ملک بھر میں اب تک 31 لاکھ 60 ہزار 924 کوروناٹیسٹ کیے جا چکے ہیں، 735 ہسپتالوں میں کورونا کے 837 مریض زیرعلاج ہیں جبکہ کورونا سے متاثر 2 لاکھ 92 ہزار 303 مریض صحت یاب ہو چکے ہیں۔

پاکستان میں کرونا سے مزید 7 اموات

اپوزیشن کی آل پارٹیز کانفرنس آج آصف زرداری اور نواز شریف بھی ویڈیو لنک سے شرکت کریں گے

باغی ٹی وی : اپوزیشن کی آل پارٹیز کانفرنس آج ہوگی جس میں پاکستان پیپلزپارٹی کے شریک چیئرمین آصف علی زرداری اور مسلم لیگ ن کے تاحیات قائد نواز شریف بھی ویڈیو لنک سے شرکت کریں گے۔

ذرائع کے مطابق آل پارٹیز کانفرنس میں حکومت مخالف احتجاجی تحریک اور اسلام آباد بند کرنے کی تجویز پر غور کیے جانے کا امکان ہے۔

باخبر ذرائع کا کہنا ہے کہ پیپلز پارٹی وزیراعظم، اسپیکر اسد قیصر اور وزیراعلیٰ پنجاب کیخلاف تحریک عدم اعتماد لانے کی خواہش مند ہے۔مسلم لیگ ن اور پیپلزپارٹی نے اے پی سی کو کامیاب بنانے کیلئے دیگر چھوٹی بڑی جماعتوں سے بھی رابطے کیلے ہیں۔

بلاول بھٹو نے مولانا فضل الرحمان سے ملاقات کی جس میں اہم امور پر تبادلہ خیال ہوا۔ اختر مینگل اور ڈاکٹر عبدالمالک بلوچ سے بھی پیپلزپارٹی کی جانب سے رابطہ کیا گیا ہے۔
ہباز شریف کی قیادت میں ن لیگ کا گیارہ رکنی وفد شرکت کرے گا، مریم نواز، شاہد خاقان عباسی، احسن اقبال، خواجہ آصف اور دیگر رہنما شریک ہونگے۔ جے یو آئی کی جانب سے مولانا فضل الرحمان، مولانا عبدالغفور حیدری اور اکرم خان درانی شریک ہوں گے،
کثیر الجماعتی کانفرنس میں محمود خان اچکزئی، اسفند یار ولی، آفتاب شیرپاؤ، میر اسراراللہ زہری، مولانا اویس نورانی، پروفیسر ساجد میر اور نیشنل پارٹی کے نمائندگان بھی شریک ہوں گے۔

میرانشاہ : شمالی وزیرستان میں دہشتگردوں کی فائرنگ سےپاک فوج کے 2 جوان شہید،اطلاعات کے مطابق شمالی وزیرستان میں میرانشاہ کے علاقے اسپالگا میں دہشتگردوں کی فائرنگ سے پاک فوج کے دو جوان شہید ہوگئے۔

انٹرسروسز پبلک ریلیشنز (آئی ایس پی آر) کی جانب سے جاری بیان کے مطابق شمالی وزیرستان میں میرانشاہ کے علاقے اسپالگا میں خفیہ اطلاع پرآپریشن کیا جارہا تھا کہ اس دوران دہشت گردوں سے فائرنگ کے تبادلے میں 2 جوان شہید ہوگئے۔

آئی ایس پی آر کے مطابق فورسز نے علاقے کا محاصرہ کرکے کلیئرنس آپریشن شروع کردیا ہے۔ شہدا ہونے والوں میں حوالدار تاجبر علی جن کی عمر 38 سال اوروہ سوات کے رہائشی تھے جبکہ سپاہی راشد جس کی عمر 22 سال تھی اوراس شہید کا تعلق پاراچنارسے تھا

لاہور: جان بخشی کروانی ہے تو پھروزیراعظم، سپیکر، وزیراعلیٰ پنجاب کیخلاف تحریک عدم اعتمادلانی ہے، اپوزیشن کا پلان،اطلاعات کے مطابق اپوزیشن نے فیصلہ کیا ہے کہ جب تک عمران خان کوگھرنہیں بھیجا جائے گا ان کی زندگیوں کوسکون نہیں مل سکتا .لہٰذا اپوزیشن کی اتوار کو ہونیوالی حکومت مخالف اے پی سی میں وزیراعظم عمران خان، سپیکر قومی اسمبلی اسد قیصر اور وزیراعلیٰ پنجاب سردار عثمان بزدار کے خلاف تحریک عدم اعتماد کی تجویز سامنے آ گئی ہے۔

ذرائع کے مطابق کہنا ہے کہ پاکستان پیپلز پارٹی کے چیئر مین بلاول بھٹو زرداری نے پارٹی قائدین سے مشاورت مکمل کر لی ہے، پیپلز پارٹی کی بڑی مشاورت سے بڑی تجاویز سامنے آگئیں، تجاویز کے مطابق وزیراعظم، سپیکر قومی اسمبلی اور وزیراعلیٰ پنجاب کے خلاف تحریک عدم اعتماد لائی جائے گی۔

پیپلز پارٹی کی تجویز کے مطابق پاکستان پیپلز پارٹی (پی پی پی) اے پی سی میں تحریک عدم اعتماد کے تجویز رکھے گی۔ تحریک کے پہلے مرحلے میں تحریک عدم اعتماد اور جلسے جلوس ہوں۔

ذرائع کے مطابق وزیراعظم عمران خان اورسپیکر قومی اسمبلی اسد قیصر کیخلاف عدم اعتماد لائی جائے گی، وزیراعلیٰ پنجاب کو بھی تحریک عدم اعتماد کے ذریعے گھر بھیجا جا سکتا ہے ۔ اے پی سی میں تجاویز رکھے گی ، فیصلہ سب کے اتفاق سے ہی ہوگا۔

باغی ٹی وی کی رپورٹ کے مطابق بلوچستان کے علاقے آواران میں سیکورٹی فورسز نے دہشت گردوں کے خلاف آپریشن کیا ہے

ڈی جی آئی ایس پی آر کے مطابق سیکیورٹی فورسز نے بلوچستان کے ضلع اواران میں آپریشن کیا، جس کے نتیجے میں 4دہشت گرد ہلاک ہو گئے،دہشت گردوں کے ٹھکانے سے بھاری مقدارمیں اسلحہ و گولہ بارود برآمد ہوا،آپریشن کے دوران اسلحےکا بڑا ذخیرہ اور مواصلاتی آلات برآمد ہوئے

ڈی جی آئی ایس پی آر کے مطابق کارروائی میں دہشت گردوں کے متعدد پناہ گاہیں اور کیمپ تباہ کئے گئے،سیکیورٹی فورسز نے بلوچستان کے ضلع آواران میں آپریشن خفیہ اطلاعات پر کیا،

باغی ٹی وی کی رپورٹ کے مطابق آواران میں ہلاک دہشت گردوں کا تعلق بلوچ لبریشن فرنٹ سے تھا، دہشت گردوں کی شناخت سکندر ولد لالہ ابراہیم، مسلم ولد حسین، لیاقت ولد عبدالقادر اور سعداللہ کے طور پر ہوئی