Category: اہم خبریں

اسلام آباد: کراچی کے مسائل کا حل، سٹیک ہولڈرز کو مل کر بیٹھنا ہوگا:وزیراعظم کوکراچی والوں کی بڑی فکرہے،اطلاعات کے مطابق چیئرمین این ڈی ایم اے لیفٹیننٹ جنرل محمد افضل نے کراچی کے مسائل کے حل کیلئے تمام سٹیک ہولڈرز کو مل بیٹھنے کا مشورہ دیتے ہوئے کہا ہے کہ مشورے سے آگے چلیں گے تو سب مسائل ختم ہونگے۔

اسلام آباد میں پریس کانفرنس کرتے ہوئے ان کا کہنا تھا کہ میں وزیراعظم کی ہدایت پر کراچی گیا اور بارش سے ہونے والے نقصانات کا جائزہ لیا۔ کراچی کے مسائل پر میری وزیراعلیٰ سے تین جبکہ میٹنگ گورنر سندھ سے دو ملاقاتیں ہوئیں۔

چیئرمین این ڈی ایم اے کا کہنا تھا کہ 7 سے 9 اگست تک کراچی میں بارشوں کا امکان ہے۔ کل صبح بڑے پیمانے پر کام شروع ہو جائے گا۔ تاہم لانگ ٹرم پلاننگ کے لیے سب کو بیٹھنا ہوگا۔ مقامی کور کو ذمہ داری دی گئی ہے کہ وقتی طور پر فوری لوگوں کو ریلیف دیں۔

لیفٹیننٹ جنرل محمد افضل نے کہا کہ کراچی کے مسائل سمجھنے کی ضرورت ہے۔ مسئلے کے مستقل حل کے لیے سٹیک ہولڈرز کو مل کر بیٹھنا پڑے گا۔ ہمیں ایک ٹیم کی طرح لوگوں کو ریلیف دینا ہے۔ اس وقت ہماری کوشش ہے کہ آنے والی بارشوں میں نقصانات کو کم کرنا ہے۔

انہوں نے کہا کہ کراچی کے ندی نالوں پر تجاوزات بہت زیادہ ہیں۔ قانونی اور غیر قانونی تجاوزات کو دیکھنے کے بعد اگے بڑھنا ہوگا۔ نالوں کے پانی کے بہاؤ کے راستے 3 سے 4 میٹر رہ گئے ہیں۔ ایسے کام کرنے ہیں جس سے ہونے والے نقصان کم ہو سکیں۔

ان کا کہنا تھا کہ کراچی میں روزانہ 20 ہزار ٹن سولڈ ویسٹ اکھٹا ہو رہا ہے۔ دنیا بھر میں سولڈ ویسٹ ریونیو کا باعث اور ہمارے ہاں زحمت کا باعث بن جاتا ہے۔

عید کے دوسرے دن کورونا وائرس کے 553 نئے کیسز رپورٹ، 6 جان کی بازی ہار گئے

باغی ٹی وی : پاکستان میں کورونا وائرس سے مزید 6 افراد جاں بحق ہو گئے جبکہ 553 نئے کیسز رپورٹ ہوئے۔

پاکستان میں کورونا سے اموات کی مجموعی تعداد 5 ہزار 970 ہو گئی ہے اور 2 لاکھ 79 ہزار 146 افراد متاثر ہیں جبکہ ملک بھر میں کورونا کے 2 لاکھ 47 ہزار 177 مریض صحت یاب ہوچکے ہیں۔

پاکستان میں کورونا کیسز کی تعداد تیزی سے کم ہو رہی ہے اور نیشنل کمانڈ اینڈ آپریشنل سینٹر کی جانب سے جاری اعداد و شمار کے مطابق اس وقت ملک بھر میں کورونا کے ایکٹیو کیسز کی تعداد 25 ہزار149 ہے۔

گزشتہ 24 گھنٹے کے دوران 20 ہزار 507 کورونا ٹیسٹ کیے گئے۔ ملک بھر میں مجموعی طور پر کورونا کے 19 لاکھ 73 ہزار 237 ٹیسٹ کیے جا چکے ہیں۔

سندھ میں کورونا مریضوں کی تعداد ایک لاکھ 20 ہزار 5 سو 52 اور خیبر پختونخوا میں کورونا مریضوں کی تعداد 33 ہزار 958 ہو گئی ہے۔ بلوچستان 11 ہزار 732، اسلام آباد 15 ہزار 14، آزاد جموں و کشمیر 2 ہزار 73، گلگت بلتستان دو ہزار 105 اور پنجاب میں 92 ہزار 873 کورونا مریض ہیں۔
پنجاب میں کورونا وائرس سے جاں بحق افراد کی تعداد 2 ہزار 140، سندھ میں 2 ہزار 209، خیبر پختونخوا میں ایک ہزار 194، اسلام آباد میں 165، بلوچستان میں 136، آزاد کشمیر میں 54 اور گلگت بلتستان میں 53 ہو چکی ہے۔

این سی او سی کے مطابق ‏ملک بھر کےاسپتالوں میں 210 مریض وینٹی لیٹر پر ہیں جبکہ اسپتالوں میں کورونا وینٹی لیٹرز کی تعداد ایک ہزار 859 ہے۔ اس وقت ایک ہزار 771 مریض اسپتالوں میں داخل ہیں.

ملک میں کورونا ٹیسٹنگ صلاحیت یومیہ 60 ہزار سے زائد ہوگئی ہے۔ اور 132 ٹیسٹنگ لیبارٹریز کام کر رہی ہیں۔ 30 شہروں میں ٹریس، ٹیسٹ اورقرنطینہ حکمت عملی موثر طریقے سے کام رہی ہے۔
پاکستان میں کورونا کا پہلا کیس 26 فروری کو رجسٹرڈ ہوا اور ایک ہزاراموات 21 مئی تک ہوئیں۔ وزارت صحت کا کہنا ہے کہ ابتدا میں کیسز میں اضافے کی رفتار سست تھی لیکن اب اس میں اضافہ دیکھنے میں آرہا ہے

بیجنگ : پاکستان بڑی تیزی سے خطے کی فوجی طاقت بن رہا ہے،عسکری تعلقات مزید بہترکرنا چاہتے ہیں ،اطلاعات کے مطابق چین نے خطے کا امن و استحکام برقرار رکھنے کے لیے پاکستان کے ساتھ عسکری تعلقات مزید مضبوط بنانے کی خواہش کا اظہار کیا ہے۔

چین کے دفاعی اتاشی میجر جنرل چین وین ونگ نے وفد کے ہمراہ پاک فوج کے شعبہ تعلقات عامہ (آئی ایس پی آر ) کا دورہ کیا۔آئی ایس پی آرکے مطابق چینی وفد نےدورہ چین کی پیپلزلبریشن آرمی کے قیام کی 93 ویں سالگرہ کے موقع پر کیا۔

ڈی جی آئی ایس پی آر میجرجنرل بابرافتخارنےآرمی چیف جنرل قمرجاویدباجوہ کی جانب سےچینی وفدکاخیرمقدم کیا اور پی ایل اے کے قیام کی سالگرہ پر چینی وفد کو مبارکباد دی۔

آرمی چیف جنرل قمرجاویدباجوہ کا چینی وفد کے نام اپنے پیغام میں کہنا تھا کہ پاک فوج اور پی ایل اے پاک چین اسٹریٹجک تعلقات کا اہم جزو ہیں، دونوں مسلح افوا ج کےدرمیان برادرانہ تعلقات پرفخرہے۔

چین کے دفاعی اتاشی میجر جنرل چین وین رونگ کا کہنا تھا کہ پاک چین ملٹری تعلقات گزرتے وقت کےساتھ مضبوط ہوئے ہیں، پاک چین دوستی ہمیشہ قائم و دائم رہے گی ۔

دفاعی اتاشی کا کہنا تھا کہ چین کورونا کے د وران پاکستان کی تمام شعبوں میں کوششوں کو سراہتا ہے۔

چین کے سفیر یاؤ جنگ نےبھی پی ایل اے کے قیام کی سالگرہ پر اپنے پیغام میں کہا کہ پاک چین عسکری تعلقات اسٹریٹجک تعاون کاستون ہیں، چین پاکستان کے ساتھ عسکری تعلقات مزید مضبوط بنانے کا خواہش مند ہے۔

یاؤ جنگ نے کہا کہ خطےمیں امن و استحکام برقرار رکھنے کے لیے پاکستان سےعسکری تعلقات مضبوط بنانا چاہتے ہیں۔

اسلام آباد:عید کے موقع پر قوم کے نام صدر مملکت اور وزیراعظم کاپیغام صدر مملکت اور وزیراعظم کا عید کے موقع پر قوم کے نام پیغام

صدر مملکت ڈاکٹر عارف علوی اور وزیراعظم عمران خان نے عیدالاضحیٰ کے موقع پر پوری قوم کو مبارکباد پیش کی ہے۔

صدر مملکت ڈاکٹر عارف علوی نے عید الاضحیٰ کے موقع پر اپنے پیغام میں کہا کہ پوری پاکستانی قوم اور عالم ِاسلام کو عید کی مبارک باد پیش کرتا ہوں۔

انہوں نے کہا کہ یقینا ً یہ خوشی کا موقع ہمارے زندگی میں ڈھیروں مسرتیں اور کامرانیاں لے کر آئے گا۔

ان کا کہنا تھا کہ اس وقت کورونا وائرس کی وجہ سے ساری دنیا پریشان ہے، تمام انسانیت کسی نہ کسی طرح اس وبا سے متاثر ہوئی ہے، اس وبانے معاشی طور پر ساری دنیا کو بڑے نقصان سے دوچار کیا ہے، بڑی بڑی طاقتور حکومتیں اپنے عوام کو ریلیف فراہم کرنے میں مشکلات سے دوچار ہیں۔

ڈاکٹر عارف علوی نے کہا کہ میری پوری قوم سے درخواست ہے کہ عیدِ قربان کے اس موقع پر قربانی کے جذبے سے سرشار ہو کر غریبوں اور ضرورت مندوں کی بڑھ چڑھ کر مدد کی جائے۔

وزیر اعظم پاکستان عمران خان نے عید الاضحیٰ کے موقع پر قوم کے نام اپنے پیغام میں کہا کہ میں عید الاضحیٰ کے پر مسرت موقع پر پوری قوم اور ملت اسلامیہ کو مبارک باد پیش کرتا ہوں۔

عمران خان نے کہا کہ عید الاضحیٰ کے موقع پر قربانی کا مقصد اس عزم کا اعادہ ہے کہ راہ حق پر چلنے اور عزیمت اور استقامت اختیار کرنے میں ہمیں جو بھی مشکلات پیش آئیں اور جیسی بھی قربانی دینی پڑے ہم اس سے دریغ نہیں کریں گے۔

باغی ٹی وی کی رپورٹ کے مطابق وزیراعظم عمران خان نے عید الاضحیٰ کے موقع پر اپنے پیغام میں کہا ہے کہ عید الاضحیٰ پر پوری قوم اور ملت اسلامیہ کو مبارک باد پیش کرتا ہوں،

وزیراعظم عمران خان کا کہنا تھا کہ ساری دنیا اس وقت انتہائی نازک صورتحال سے گزر رہی ہے،کورونا کی وبا ساری انسانیت کے لیے ایک چیلنج بن کر آئی ہے،عید قربان پر تمام احتیاطی تدابیر اختیار کی جائیں،

وزیراعظم عمران خان کا مزید کہنا تھا کہ غریب اور ضرورت مند طبقے کو بھی اپنے ساتھ شامل رکھیں،دعا ہے کہ اللہ کورونا سے نبرد آزما تمام لوگوں کی حفاظت فرمائے،

پاکستان بھر میں عید الاضحیٰ مذہبی جوش جذبے سے منائی جا رہی ہے،

عیدالاضحیٰ کے موقع پر مساجد میں چھوٹے بڑے اجتماعات ہوئے جس میں لوگوں کی بڑی تعداد شریک ہوئی، لوگوں نے سنت ابراہمی پر عمل کرتے ہوئے قربانی کی۔ کرونا وائرس کی وجہ سے مساجد اور عید گاہوں میں کرونا ایس او پیز پر عمل کیا گیا.

وفاقی دارالحکومت اسلام آباد میں نماز عید کا سب سے بڑا اجتماع فیصل مسجد میں ہوا جس میں لوگوں کی بڑی تعداد نے ملکی سلامتی، استحکام اور کورونا کے خاتمے کیلئے خصوصی دعا کی۔ لاہور میں بادشاہی مسجد میں سمیت دیگر مقامات پر بھی عید کی نماز ادا کی گئی۔ ملکی خوشحالی کیلئے دعائیں کی گئیں۔ فیصل آباد کے مختلف علاقوں میں بھی لوگوں کی بڑی تعداد نے عید کی نماز ادا کی۔ ملتان میں دربار شاہ رکن عالم میں نماز عید ادا کی گئی

پاکستان بھر میں عیدالاضحیٰ جوش و جذبے سے منائی جا رہی، سنت ابراہیمی کی ادائیگی، باغی ٹی وی کی طرف سے عید مبارک

باغی ٹی وی کی رپورٹ کے مطابق پاکستان بھر میں عید الاضحیٰ مذہبی جوش جذبے سے منائی جا رہی ہے،

عیدالاضحیٰ کے موقع پر مساجد میں چھوٹے بڑے اجتماعات ہوئے جس میں لوگوں کی بڑی تعداد شریک ہوئی، لوگوں نے سنت ابراہمی پر عمل کرتے ہوئے قربانی کی۔ کرونا وائرس کی وجہ سے مساجد اور عید گاہوں میں کرونا ایس او پیز پر عمل کیا گیا.

وفاقی دارالحکومت اسلام آباد میں نماز عید کا سب سے بڑا اجتماع فیصل مسجد میں ہوا جس میں لوگوں کی بڑی تعداد نے ملکی سلامتی، استحکام اور کورونا کے خاتمے کیلئے خصوصی دعا کی۔ لاہور میں بادشاہی مسجد میں سمیت دیگر مقامات پر بھی عید کی نماز ادا کی گئی۔ ملکی خوشحالی کیلئے دعائیں کی گئیں۔ فیصل آباد کے مختلف علاقوں میں بھی لوگوں کی بڑی تعداد نے عید کی نماز ادا کی۔ ملتان میں دربار شاہ رکن عالم میں نماز عید ادا کی گئی۔

کراچی میں سبیل والی مسجد، عید گاہوں سمیت دیگر علاقوں میں بھی خصوصی اجتماعات ہوئے، لوگوں نے سنت ابراہمی پر عمل کرتے ہوئے جانوروں کی قربانی کی۔ کوئٹہ کے صادق شہید فٹبال گراؤند میں عید کی نماز ہوئی، شہر میں دیگر مقامات پر بھی چھوٹے بڑے اجتماعات ہوئے۔ پشاور میں بڑا اجتماع مرکزی عید گاہ چارسدہ روڈ پر ہوا جس میں سماجی فاصلے کا خصوصی خیال رکھا گیا۔

ملک کے دیگر شہروں میں بھی نماز عید کے اجتماعات ہوئے جس میں ملکی سلامتی، استحکام اور ترقی کیلئے خصوصی دعائیں کی گئی.

باغی ٹی وی کی جانب سے قارئین کو عیدا الاضحیٰ کی خوشیاں مبارک ہوں،