Category: اہم خبریں

اسلام آباد: بیوروکریسی نے پی ٹی آئی کی حکومت کو مکمل طور پر مفلوج کر کے رکھ دیا،اطلاعات کے مطابق وفاقی دارالحکومت کی بیوروکریسی نے پی ٹی آئی کی حکومت کو مکمل طور پر مفلوج کر کے رکھ دیا ہے،

باغی ٹی وی کے مطابق اسلام آباد کے دونوں بڑے انتظامی افسران چیف کمشنر عامر احمد علی اور ڈپٹی کمشنر حمزہ شفقات جن دونوں کا تعلق نہ صرف گجرات سے ہے بلکہ ان کی رشتہ داریاں اپوزیشن کی اہم جماعتوں سے ہیں۔ اسی بدولت دونوں افسران ہر دور حکومت میں اہم تعیناتیاں حاصل کرنے میں کامیاب رہتے ہیں۔

چیف کمشنر اسلام آباد جو ماضی قریب میں سی ڈی اے کے اہم عہدوں پر اور ڈپٹی کمشنر اسلام آباد بھی رہے ہیں نوازشریف کے قریبی ساتھی اور ان کے پرنسپل سیکرٹری سعید مہدی کے برخوردار ہیں۔ جب کہ ان کا سسرال بھی مبینہ طور پر پیپلزپارٹی کے اہم راہنما چوہدری احمد مختار کا خاندان ہے، جب کہ ان کے سسرالی رشتہ داری کے ڈانڈے مریم نواز کے سمدھی چوہدری منیر سے بھی جا ملتے ہیں۔

ذرائع کا کہنا ہےکہ گجرات سے ہی تعلق رکھنے والے حمزہ شفقات اس وقت ڈپٹی کمشنر اسلام آباد ہیں۔ حمزہ شفقات گجرات کے چوہدری برادران کے قریبی ساتھی ایس ایس پی ریٹائرڈ چوہدری شفقات کے صاحبزادے ہیں اور ان کی سسرالی رشتہ داری کے پی کے میں اہم اپوزیشن جماعت اے این پی کے بلور خاندان سے بتائی جاتی ہے۔ اسی لیئے مولانا فضل الرحمان کا دھرنا ہو یا کرونا کی وباء وفاقی دارالحکومت کے انتظامی امور میں تحریک انصاف کی حکومت مکمل بے بس دکھائی دیتی ہے۔

ذرائع کے مطابق ان دونوں افسران کو حال ہی میں تعینات ہونے والے سیکرٹری داخلہ یوسف نسیم کھوکھر کا ساتھ بھی حاصل ہو گیا ہے، جس کے بعد ضلعی سے وفاقی سطح تک بیوروکریسی پی ٹی آئی مخالف دکھائی دیتی ہے۔ ایسے میں جب وزیراعظم نے اپنے وزراء کے ساتھ بیوروکریسی کو بھی ہدف تنقید بنایا ہے،

معبترذرائع کا یہ بھی کہنا ہےکہ انہی کی ناک کے عین نیچے وفاقی دارالحکومت میں اپوزیشن کی بڑی جماعتوں کے رشتہ دار بیوروکریٹ مکمل طور پر قابض ہیں اور حکومت بے بس دکھائی دیتی ہے۔

اسلام آباد:خنجراب سے اسلام آباد تک آپٹیکل فائبر نے کام شروع کر دیا،اطلاعات کے مطابق چیئرمین سی پیک اتھارٹی عاصم سلیم باجوہ نے اپنی ٹویٹ میں خوشخبری دی ہے کہ خنجراب سے اسلام آباد تک آپٹیکل فائبر نے کام شروع کر دیا ہے۔

پاک چین اقتصادی راہداری (سی پیک) کے چئیرمین لیفٹننٹ جنرل ریٹائرڈ عاصم سلیم باجوہ نے بتایا کہ اگلے مرحلے میں اسلام آباد سے کراچی تک فائبر بچھائی جائے گی۔

عاصم سلیم باجوہ کا کہنا تھا کہ چین کے تعاون سے ڈیجیٹل اور آئی ٹی کے شعبہ میں انقلابی اقدامات کیے جا رہے ہیں۔ اسلام آباد سے گوادر تک ڈیجیٹل ہائی وے پلان کے تحت فائبر آپٹک کو فعال کیا جائے گا۔

اس سے قبل اپنے ایک اور ٹویٹ میں سی پیک اتھارٹی کے چیئرمین نے تھا کہ ایم ایٹ پر کام کا آغاز حکومت کی اولین ترجیح ہے۔ انہوں نے کہا کہ سینٹرل ڈیویلپمنٹ ورکنگ پارٹی نے 146 کلومیٹر طویل ہوشاب تا آواران روڈ کے لئے26 ارب روپے کی منظوری دی ہے۔

 

New Optical fibre cable operationalised from Khunjrab to Isd,next phase will be laid from Isd to Kci& Isd to Gwadar as part of digital highway plan,foundation for digital/IT revolution-project being processed in conjunction with China.(data centre pic) #cpec #cpecmakingprogress pic.twitter.com/K3SmOURyQj

— Asim Saleem Bajwa (@AsimSBajwa) July 12, 2020

ان کا کہنا تھا کہ کیچ اور آوران کے دور دراز اضلاع میں یہ شاہراہ پسماندہ جنوبی بلوچستان کے لئے امید کی ایک کرن ہے اور ان علاقوں کے لوگوں کی زندگی میں تبدیلی آئے گی۔

اس کے علاوہ عاصم سلیم باجوہ نے اپنی ایک اور ٹویٹ میں کہا کہ 230 ملین ڈالر کی لاگت سے گوادر میں بین الاقوامی طرز کے ائیرپورٹ کی تعمیر تیزی سے جاری ہے۔ گوادر ائیرپورٹ کی تعمیر سے شہر ترقی کے کے نئے دور میں شامل ہوگا۔

انہوں نے کہا کہ پاک چین اقتصادی راہداری منصوبے کے تحت گوادر شہر کو مرکزی اہمیت حاصل ہے۔ گوادر میں بین الاقوامی طرز کا ائیرپورٹ ہونا بھی انتہائی ضروری امر تھا۔ گوادر انٹرنیشنل ائیرپورٹ کی تعمیر کا آغاز گزشتہ سال ہوا تھا اور منصوبے پر کام زور و شور سے جاری ہے۔

عاصم سلیم باجوہ نے کہا کہ گوادر کے جدید ترین ائیرپورٹ کے رن وے پر دنیا کے سب سے بڑے مسافر بردار طیارے A380 کو بھی لینڈنگ اور اڑان بھرنے کی سہولت موجود ہوگی۔

چیئرمین سی پیک اتھارٹی عاصم سلیم باجوہ نے سماجی رابطے کی ویب سائٹ ٹویٹر پر کہا کہ وزیراعظم پاکستان کی ہدایت کے مطابق گوادر میں جاری تمام ترقیاتی منصوبے مکمل کرنے کے لیے پرعزم ہیں۔ گوادر میں دو سو تیس ملین ڈالر کی لاگت سے تعمیر کیے جانے والا ائیرپورٹ گوادر شہر اور پورٹ کے لیے پیش خیمہ ثابت ہوگا۔

ان کا کہنا تھا کہ ائیرپورٹ کی تعمیر سے جہاں گوادر بین الاقوامی شہر کا درجہ حاصل کرلے گا وہیں اس منصوبے سے روزگار کے مواقع اور شہر کی ترقی میں انتہائی معاون بھی ثابت ہوگا۔

 

رپورٹ کے مطابق وزیراعظم آفس نے سفارتی محاذ پر حکومت کو ملنے والی کامیابیوں کے حوالے سے ویڈیو جاری کردی جس میں بھارتی وزیر اعظم مودی کی سازشیں ناکام بنانےکیلئے وزیراعظم کی کاوشوں کو دکھایا گیا ہے۔ویڈیو میں افغان امن،سعودی ایران تنازع میں مصالحتی کردارپرروشنی ڈالی گئی ہے۔

 

راولپنڈی:شمالی وزیرستان میں سیکورٹی فورسز کا آپریشن، 4 جوان شہید،4 دہشت گرد ہلاک،اطلاعات کے مطابق شمالی وزیرستان میں آپریشن کے دوران 4 دہشت گرد ہلاک ہوگئے جبکہ فائرنگ کے تبادلے میں 4 اہلکار شہید ہوگئے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں خفیہ اطلاع پر آپریشن کے دوران فائرنگ کے تبادلے میں 4 دہشت گرد مارے گئے۔

آئی ایس پی آر کا کہنا تھا کہ دہشت گردوں کی فائرنگ سے 4 اہلکار شہید ہوگئے۔شہید اہلکاروں میں محمداسماعیل،محمد شہباز، رضوان اور وحید شامل ہیں۔شمالی وزیرستان میں سیکورٹی فورسز کے قافلے پر فائرنگ، کیپٹن سمیت 2 جوان شہید

اس سے قبل گزشتہ ماہ شمالی وزیرستان میں سیکورٹی فورسز کے قافلے پر فائرنگ سے کیپٹن سمیت 2 جوان شہیداور 2 زخمی ہوگئے تھے، فائرنگ کے تبادلے میں ایک دہشت گرد بھی مارا گیا تھا۔

یاد رہے کہ رواں سال 26 اپریل کو شمالی وزیرستان میں آپریشن کے دوران 9 دہشت گرد ہلاک ہوگئے تھے جبکہ فائرنگ کے تبادلے میں 2 اہلکار شہید ہوگئے تھے۔

کورونا کی وجہ سے مزید 74 افراد لقمہ اجل بن گئے ، اموات کی تعداد 5 ہزار 197 ہوگئی

باغی ٹی وی :پاکستان میں کورونا نے مزید 74 افراد کی جان لے لی، جاں بحق افراد کی تعداد پانچ ہزار ایک سو ستانوے ہو گئی، مزید 2 ہزار سے زائد افراد کا کورونا ٹیسٹ پازیٹو آ گیا، مریضوں کی تعداد دو لاکھ اڑتالیس ہزار آٹھ سو بہتر ہو گئی۔

ملک بھر میں کورونا سے اموات کا سلسلہ جاری، متاثرہ مریضوں کی تعداد بھی ہزاروں کے حساب سے بڑھ رہی ہے۔ موذی وبا نے مزید 74 افراد کی جان لے لی۔ جاں بحق افراد کی تعداد پانچ ہزار ایک سو ستانوے ہو گئی۔ کورونا کے مزید 2 ہزار 521 کیسز رپورٹ ہوئے ہیں۔ ملک بھر میں مریضوں کی تعداد 2 لاکھ 48 ہزار 872 ہو گئی۔

پنجاب میں 86 ہزار 556، سندھ میں ایک لاکھ 3 ہزار 836، خیبر پختونخوا 30 ہزار 78، بلوچستان میں 11 ہزار157 مریض ہیں۔ اسلام آباد میں 14 ہزار 23، گلگت بلتستان میں ایک ہزار 658 کیسز ہیں۔ آزاد کشمیر میں کورونا مریضوں کی تعداد ایک ہزار 564 ہے۔ ملک بھرمیں کورونا سے متاثر ایک لاکھ 56 ہزار 700 مریض صحت یاب ہو چکے ہیں۔
پاکستان میں کورونا سے صحت یاب افراد کی تعداد ایکٹو کیسز سے زائد ہے اور تا حال ایک لاکھ 53 ہزار 134 کورونا متاثرین صحت یاب ہوئے۔ پاکستان میں اس وقت کورونا کے ایکٹو کیسز کی تعداد 91 ہزار 602 ہے۔

ملک میں کورونا ٹیسٹنگ صلاحیت یومیہ 60 ہزار سے زائد ہوگئی ہے۔ اور 132 ٹیسٹنگ لیبارٹریز کام کر رہی ہیں۔ کورونا کے مریضوں کیلئے ایک ہزار525وینٹی لیٹرز مختص ہیں۔ 30شہروں میں ٹریس، ٹیسٹ اورقرنطینہ حکمت عملی موثر رہی۔

آنے والے دنوں میں پاکستان میں کورونا کیسز اور اموات میں اضافہ متوقع ہے۔ معان خصوصی ظفر مرزا نے بھی خبردار کیا ہے کہ پاکستان میں کورونا کیسزاوراموات میں تیزی سے اضافہ ہورہا ہے۔ معاون خصوصی نے کہا کہ اسپتالوں میں وینٹی لیٹرز پر بھی مریضوں کی تعداد میں بھی اضافہ ہوگا۔ ظفر مرزا کا کہنا تھا کہ پاکستان کے گنجان آباد علاقوں میں کورونا وائرس کے کیسز زیادہ ہیں۔

پاکستان میں کورونا کا پہلا کیس 26 فروری کو رجسٹرڈ ہوا اور ایک ہزاراموات 21 مئی تک ہوئیں۔ وزارت صحت کا کہنا ہے کہ ابتدا میں کیسز میں اضافے کی رفتار سست تھی لیکن اب اس میں تیزی سے اضافہ دیکھنے میں آرہا ہے۔

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ دنیا اور خطے بدلتے ہوئے تیور دیکھ کر مودی کو موذی ایجنڈے سے باز آ جانا چاہئے لیکن شاید وہ بھارت کی بربادی کا تہیہ کر چکا ہے، بھارتی فوج پھٹ پڑی ہے،شدید دباؤ کا شکار ہے، دنیا کی کوئی بھی فوج ایک ڈسپلن کے اندر رہ کر کام کرتی ہے،حاضر سروس فوج کی زبان بند کر سکتے ہیں لیکن ریٹائرڈ کی زبان بند نہیں کر سکتے، فوجی آپس میں‌رابطے رہتے ہیں،

مبشر لقمان کا کہنا تھا کہ بھارت کے ٹاپ کے اخبار دی ہندو نے رپورٹ کیا ہے کہ بھارت کے سابق 144 افسروں نے خط لکھا ہے،بھارت کی ٹاپ لیڈر شپ کو لکھا گیا ہے کہ چینی فوج اتنی آگے کیسے آ گئی اور بھارتی فوج کو پتہ ہی نہیں چلا، ہماری انٹیلی جینس ایجنسیز کیا کر رہی تھیں وہ کیوں فیل ہو گئیں، اسکے لئے ٹائم مقرر کیا جائے انکوائری کا، تا کہ سب کو پتہ چلے کہ ایسا کیوں ہوا،

مبشر لقمان کا کہنا تھا کہ آسان الفاظ میں بتاتا ہوں کہ انکا اشارہ را اور اجیت دیول کی طرف ہے،ساتھ ہی ان افسروں کا کہنا ہے کہ بھارت ایک جگہ پر فیل نہیں ہوا بلکہ سیاسی ،سول اور ملٹری اسٹیبلشمنٹ تینوں جگہ پر ناکام ہوا، انٹیلیجنس سسٹم کو تبدیل کیا جائے کیونکہ بھارت اب بھوٹان سمیت سب سے مار کھا رہا ہے یہ کوئی چھوٹے افسر نہیں جو بات کر رہے ہیں ان میں آرمی نیوی ،ایئر فورس کے افسر ہیں، سابق نیوی چیف بھی شامل ہیں، خط صدر، وزیراعظم اور تینوں سروسز چیف کو بھیجا گیا، واضح کیا کہ ہمارا کسی سیاسی تنظیم سے کوئی تعلق نہین ہم بطور فوج یہ مطالبہ کر رہے ہیں کہ جس طرح بھارت کی دنیا بھر میں رسوائی ہوئی، جس طرح ہم نے سرینڈر کیا اس سے ہمارے سر شرم سے جھک گئے، جس طرح کرنل سمیت ہمارے 20 جوان مارے گئے اور ان تمام افسروں کا ماننا ہے کہ بھارت فیل ہو گیا، ایجنسیوں نے بروقت آگاہ نہیں کیا، انکا مطالبہ کیا ہے کہ را کو فوری طور پر ری پلیس کیا جائے یا اس میں اصلاحات لائی جائیں

مبشر لقمان کا مزید کہنا تھا کہ ان بھارتی افسروں نے سیاسی اشرافیہ کو بھی آڑے ہاتھوں میں لیا ہے،جو واقعہ ہونا تھا وہ ہو گیا لیکن جس طرح مودی اور ٹیم کی جانب سے بیان دیئے گئے ،مودی کچھ اور کہتے رہے، وزیرخارجہ کچھ اور کہتے رہے، اس کنفیوژن نے چائنہ کو موقع فراہم کیا کہ وہ دنیا کے سامنے اپنے اقدام کو صحیح ثابت کر سکے،ساتھ ہی انہوں نے مطالبہ کیا کہ بھارت کی چائنہ کے ہاتھوں 1962 میں ہونے والی پٹائی کی رپورٹ بھی پبلک کی جائے تا کہ پتہ چلے کہ کس کی کیا کمزوری تھی، ان افسروں نے کہا کہ اب کے واقعہ کی انکوائری کی رپورٹ بھی جلدی پبلک ہونی چاہئے

مبشر لقمان کا مزید کہنا تھا کہ یہ نہ ہو کہ گزشتہ دفعہ کی طرح اس رپورٹ کو بھی 57 سال کے سیکرٹ کرنا چاہئے، خط میں پاکستان اور چائنہ کا ذکر بھی کیا گیا ہے اور یہ بھی کہا گیا ہے کہ شورش زدہ علاقوں میں آرمی کو لگانا صحیح نہیں اب بھارت کو مسئلے کا سیاسی حل نکالنا ہو گا، اندرونی اور بیرونی شورش زدہ علاقوں کا نان ملٹری سلوشن کے ذریعے ٹھیک کیا جائے، وجہ بتا دیتا ہون کہ بھارتی فوج پریشان، ڈپریشن میں پھنسی ہوئی ہے، کشمیر سے لے کر ناگالینڈ میں شورش برپا ہے،ایک طرف پاکستان دوسری جانب چائنہ بھارت کو برباد کرنے کو تیار بیٹھا ہے، بھارت خوفزدہ ہے کہ پاکستان خاموش کیوں ہے، بھارتی جرنیلوں کے مطابق پاکستان چین کے ساتھ ملکر کچھ بڑا کرنے والا ہے، اب اگر ایک روپے والا اسلحہ بھارت کو دس ہزار میں بھی ملے تو وہ خریدنے کے لئے تیار ہے

مبشر لقمان کا مزید کہنا تھا کہ بھارتی وزیر اور سیکرٹری پیسوں کے بریف کیس لے کر جگہ جگہ اسلحہ لئنے پہنچے ہوئے ہیں، ان سابق فوجیوں نے مودی کو آئینہ دکھایا ہے کہ جتنا مرضی پیسہ لگا لو جتنا مرضی لوگوں کو دبا لو معاملے ایسے حل نہٰں ہونے، ٹیبل پر بیٹھنا ہو گا، بندوق سے کچھ نہٰں منوا سکتے اور اگر اس پالیسی کا نہ چھوڑا تو بھارت کو اندر سے نقصان ہونے والا ہے، یہ خبریں بھی ہیں کہ بھارت کے تینوں سروسز چیفس ایک سائیڈ پر ہیں اور بپن راوت کے خلاف ہیں اب اسکو گھر جانا ہو گا یا بھارتی آرمی چیف کو، اسکے اوپر ایک سمری بھی بھیج دی گئی ہے کہ ان میں سے کسی ایک کو فارغ کر دیا جائے،

مبشر لقمان کا کہنا تھا کہ را اس کی ناکامی کا سبب اجیت دیول کو سمجھتی ہے کہ اس نے ہمیں پاکستان اور افغانستان بارے لگائے رکھا لیکن چین کے حوالہ سے ورکنگ ہی نہیں کرنے دی گئی،اسووقت بھارت میں جس ادارے پر سب سے زیادہ تنیقد ہو رہی ہے وہ را ہے، راجناتھ پر بھی تنیقد ہو رہی ہے، کہا جا رہا ہے کہ اجیت دیول، راجناتھ، آرمی چیف میں سے کئی کی قربانی دینی پڑے گی

مبشر لقمان کا مزید کہنا تھا کہ بھارت کے اتنے خفیہ راز افشاں ہو چکے ہیں کہ بھارتی فوج کو فیس بک سمیت 89 موبائل ایپس کو موبائل سے ڈیلیٹ کرنے کا حکم دیا گیا ہے،ٹک ٹاک، انسٹا گرام کے ساتھ متعدد نیوز ایپس کو بھی ڈیلیٹ کرنے کا کہا گیا ہے،بھارتی آرمی چیف کا کہنا ہے کہ جو بھی حکم کی خلاف ورزی کرے گا اسے سخت نتائج کا سامنا کرنا پڑے گا، بھارتی فوج پر سائبر حملے شروع ہو چکے ہیں، بھارتی فوج ڈپریشن کا شکار ہے،چین سے مار کھائی،بھارتی سبکی ذلت کسی سے ڈھکی چھپی نہیں، کوئی بھارت کو آنکھیں دکھا رہا ہے، نیپال نے بھارتی میڈیا کی نشریات روک دی ہیں، بھارتی چینلز نے گمراہ کن پروپیگنڈہ کیا تھا، نیپال کو بھی بھارتی میڈیا کے پرویگنڈے سے آگاہ ہو گیا ہے، پہلے تو مودی کی غلطیوں کی وجہ سے بھارت کے اندر آگ لگی تھی اب بھارت کی سرحدوں پر بھی بھارت کا گھیرا تنگ ہوتا جا رہا ہے، بھارت کے ہمسایہ ممالک کے ساتھ تعلقات ایسے ہیں کہ سب اس سے تنگ ہیں، بھارت میں گائے کی توپوجا کی جاتی ہے لیکن انسان جن میں مسلمان، سکھ ،عیسائی، دلت سب کو جانروں سے بھی کم تر تصور کیا جاتا ہے

مبشر لقمان کا مزید کہنا تھا کہ عنقریب بھارت مزید تقسیم ہو گا وجہ برہمن سوچ ہو گی، اسکی بنیاد تو اسی دن پڑ گئی تھی جب مودی وزیراعظم بنا تھا

باغی ٹی وی کی رپورٹ کے مطابق بوسنیا میں قتل عام کے حوالے سے وزیراعظم عمران خان کا پیغام سامنے آیا ہے

وزیراعظم عمران خان کا کہنا ہے کہ مقبوضہ کشمیر میں بھی بوسنیا کی طرح قتل عام کا خدشہ ہے، آج بھی سربرینکا میں قتل عام صدمے کا باعث ہے صدمہ ہے عالمی برادری نے کس طرح اس قتل عام کی اجازت دی,سربرینکا اقوام متحدہ کی امن فوج کی محفوظ جنت تھا

وزیراعظم عمران خان کا کہنا تھا کہ آٹھ لاکھ بھارتی فوج نے 80 لاکھ کشمیریوں کو یر غمال بنایا ہواہے،آج کشمیری عوام کو مشکلات کا سامنا ہے ,عالمی برادری یقینی بنائے آئندہ ایسے واقعات نہ ہوں,ضروری ہے کہ ہم اس واقعے سے سبق سیکھیں

وزیراعظم عمران خان نے گزشتہ برس 15 اگست کو بھی ایک ٹویٹ کی تھی جس میں وزیراعظم عمران خان کا کہنا تھا کہ کیا دنیا خاموشی سے مقبوضہ کشمیر میں مسلمانوں کی نسل کشی اور سربرینیکا جیسے ایک اور قتل عام کا نظارہ کرے گی؟میں اقوام عالم کو متنبہہ کرتا ہوں کہ اگر اسکی اجازت دی گئی تو مسلم دنیا سے شدید ردعمل اور سنگین نتائج برآمد ہوں گے، انتہاء پسندی کو ہوا ملے گی اور تشدد کا نیا دور ابھرے گا۔

کیا دنیا خاموشی سے مقبوضہ کشمیر میں مسلمانوں کی نسل کشی اور سربرینیکا جیسے ایک اور قتل عام کا نظارہ کرے گی؟میں اقوام عالم کو متنبہہ کرتا ہوں کہ اگر اسکی اجازت دی گئی تو مسلم دنیا سے شدید ردعمل اور سنگین نتائج برآمد ہوں گے، انتہاء پسندی کو ہوا ملے گی اور تشدد کا نیا دور ابھرے گا۔

— Imran Khan (@ImranKhanPTI) August 15, 2019

واضح رہے کہ 11 جولائی 1995 کو سرب فوجیوں نے بوسنیا ہرزیگووینا کے سربرینیکا نامی قصبے پر قبضہ کیا۔ چند دنوں کے اندرسرب فورسز نے8ہزار سے زائد بوسنیائی مسلمانوں کو بیدردی سےقتل کر ڈالا۔ اس قتل عام کے ذمہ داروں میں سرب فورسز کے علاوہ ڈچ و یو این فورسز اور نیٹو فضائیہ شامل ہیں۔

کشمیریوں سے یکجہتی، وزیراعظم کی کال پر قوم لبیک کہنے کو تیار

بہت ہو گیا ،اب گن اٹھائیں گے، کشمیری نوجوانوں کا ون سلوشن ،گن سلوشن کا نعرہ

یکجہتی کشمیر، قومی اسمبلی میں کشمیر کا پرچم لہرا دیا گیا،علی امین گنڈا پور نے کیا اہم اعلان

پاکستان کا ہر جوان تحریک کشمیر کا ترجمان ہے،ورلڈ کالمسٹ کلب کے زیر اہتمام یکجہتی کشمیر سیمینار سے میاں اسلم اقبال کا خطاب

یوم یکجہتی کشمیر،وزیرخارجہ نے کیا عالمی دنیا سے بڑا مطالبہ

مودی مسلمانوں کا قاتل، کشمیر حق خودارادیت کے منتظر ہیں، صدر مملکت

یوم یکجہتی کشمیرپرتحریک آزادی بارے مفتیان نے کیا فتویٰ دیا؟ لیاقت بلوچ نے بتا دیا

کشمیریوں کے قاتل کے ساتھ میں بیٹھوں ،بالکل ممکن نہیں،شاہ محمود قریشی کا بھارتی ہم منصب کی تقریر کا بائیکاٹ

کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب

وزیراعظم نے مظلوموں کا مقدمہ دنیا کے سب سے بڑے فورم پررکھ دیا،فردوس عاشق اعوان

کشمیر پر بھارتی سپریم کورٹ کا فیصلہ بڑی کامیابی ہے، وزیر خارجہ

مقبوضہ کشمیر،کشمیری سڑکوں‌ پر،عمران خان زندہ باد کے نعرے، کہا اللہ کے بعدعمران خان پر بھروسہ

برہان وانی کی چوتھی برسی، مقبوضہ کشمیر میں حریت کی اپیل پر مکمل ہڑتال

شہید برہان وانی آزادی کی علامت اور حُریت کی روشن مثال،انکی ماں کو سلام، وزیراعظم آزاد کشمیر

باغی ٹی وی کی رپورٹ کے مطابق حکومت میں استعفے آنا شروع ہو گئے، ‏مشیر اطلاعات خیبرپختونخوا عہدے سے مستعفی ہو گئے

مشیر اطلاعات خیبر پختونخواہ اجمل خان وزیر نے اپنے عہدے سے استعفیٰ دے دیا ہے، استعفیٰ کیوں دیا ہے ابھی تک وجہ سامنے نہیں آ سکی ، دوسری جانب غریدہ فاروقی نے دعویٰ کیا ہے کہ مشیرِ اطلاعات خیبرپختونخوا اجمل وزیر کا سکینڈل؛ استعفی دیا نہیں، اُن سے استعفی لیا گیا ہے۔ اجمل وزیر کو ڈی نوٹیفائی کیا گیا ہے۔ مبینہ طور پر سرکاری اشتہاری مہم میں کمیشن مانگا گیا۔ آڈیو بھی موجود۔ وزیراعلی نے بلوا کر آڈیو سنوائی۔ اسلام آباد میں اعلی سطح تک معاملے کی خبر پہنچی۔

مشیرِ اطلاعات خیبرپختونخوا اجمل وزیر کا سکینڈل؛ استعفی دیا نہیں، اُن سے استعفی لیا گیا ہے۔ اجمل وزیر کو ڈی نوٹیفائی کیا گیا ہے۔ مبینہ طور پر سرکاری اشتہاری مہم میں کمیشن مانگا گیا۔ آڈیو بھی موجود۔ وزیراعلی نے بلوا کر آڈیو سنوائی۔ اسلام آباد میں اعلی سطح تک معاملے کی خبر پہنچی۔

— Gharidah Farooqi (T.I.) (@GFarooqi) July 11, 2020

واضح رہے کہ اجمل وزیر تحریک انصاف سے پہلے مسلم لیگ ق کے رہنما تھے، انہوں نے الیکشن سے قبل تحریک انصاف جوائن کی تھی جس کے بعد انہیں مشیر برائے اطلاعات بنایا گیا تھا

اجمل وزیر کے استعفی کے بعد کامران بنگش کو مشیر برائے اطلاعات بنا دیا گیا ہے