واشنگٹن: سابق حکمرانوں کی مال بناوپالیسی نے پاکستانی اداروں کا بیڑہ غرق کردیا، اب امریکا نے پی آئی اے کی پروازوں پر فوری پابندی عائد کر دی،اطلاعات کے مطابق یورپی یونین کے بعد امریکا نے بھی پی آئی اے کی پروازوں پر فوری پابندی عائد کر دی۔
ذرائع کے مطابق امریکی ٹرانسپورٹ ڈیپارٹمنٹ نے قومی فضائی کمپنی پاکستان انٹرنیشنل ایئرلائن( پی آئی اے) کا امریکا کے لیے خصوصی اجازت نامہ منسوخ کرتے ہوئے پروازوں پر فوری پابندی لگا دی۔
امریکی ٹرانسپورٹ ڈیپارٹمنٹ کی جانب سے جاری اعلامیہ کے مطابق پی آئی اے پروازوں کی سیفٹی پر تشویش کے باعث پابندی لگائی گئی، پابندی کی بنیادی وجہ پاکستانی پائلٹس کےلائسنس مشکوک قرار دیا جاناہے۔
اعلامیہ میں کہا گیا ہے کہ پی آئی اے امریکا کیلئے اپنی پروازیں نہیں چلاسکےگی اور پی آئی اے کی ہر قسم کی پروازوں پرپابندی لگا دی گئی ہے۔
پاکستانی پائلٹس کے مشکوک لائسنز پر یورپی یونین ایئر سیفٹی نے پی آئی اے پر 6 ماہ کے لیے پابندی عائد کر رکھی ہے۔
یورپی یونین ایئر سیفٹی ریگولیشن نے پاکستا نی پائلٹس کے مشکوک لائسنس کے معاملے پر اہم ٹیلی کانفرنس بلائی ہےجس میں سی اے اے سے پائلٹوں اور فضائی میزبانوں کو جاری ہونے والے لائسنس کی تفصیلات طلب کی ہیں۔
اجلاس کے ایجنڈے میں سول ایوی ایشن کی جانب سے لائسنس کے اجراء کا طریقہ کار پر بھی وضاحت مانگی گئی ہے جبکہ 21 جولائی تک جاری ہونے والے سول ایوی ایشن اتھارٹی کے لائسنس کی تفصیلات بھی طلب کی ہیں۔
لاہور:نیب کیسزمیں التوا کیوں ہورہا ہے،بڑے بڑے لوگ کیوں بچ جاتےہیں،نیب کی کارکردگی پرسوالیہ نشان،باغی ٹی وی کے مطابق پاکستان کے سنیئراورمعروف تجزیہ نگارمبشرلقمان نے پاکستان میں کرپشن اوربدعنوانی کے دیگرکیسز میں نیب کو مطلوبہ نتائج نہ ملنے نیب کی کارکردگی سے متعلق اہم گفتگو کی ہے
باغی ٹی وی کے مطابق اس حوالےسے سنیئرتجزیہ نگارمبشرلقمان نے نیب کے سابق سینیئرپراسیکیوٹرصاحبزادہ مظفرعلی سے ایک جامع اورٹودی پوائنٹ گفتگوکرکے اس مسئلے کے حوالے سے اہم نقات کھول کرسامنے رکھ دیئے ہیں
باغی ٹی وی کے مطابق سنیئرصحافی نے نیب کی کارکردگی کی حوالے سے بنیادی سوال کرتے ہوئے پوچھا کہ نیب ملزم پرلگائے گئے الزامات ثابت کیوں نہیں کرپاتا
اس سوال کا جواب دیتے ہوئے صاحبزادہ مظفرعلی نے انکشاف کیا کہ پہلا تو مسئلہ یہ ہےکہ نیب کے پاس کسی بھی کیس میں شامل ملزمان اگردس تک ہیں اوراکثرکیسز میں کم وبیش اتنے ہی لوگ مطلوب ہوتے ہیں، ان میںسے کئی بیرون ملک ہیں تو ان کو واپس آنے میں چھ چھ ماہ لگ جاتے ہیں اوراوردوسرا بڑا مسئلہ یہ ہےکہ جتنے ملزمان ہوتے ہیں اتنے ہی وکیل ہوتے ہیںاوریوں وکیل ایک ایک شہادت کے معاملے میںکیس کوطول دیتے ہوئے کئی کئ ماہ لگا دیتے ہیں
صاحبزادہ مظفرعلی کہتےہیں کہ ملزمان کی حاضری کے بغیر کیس بھی نہیں چلا یا جا سکتا ، یوں کیسز ایسے ہی طول پکڑ لیتے ہیں
صاحبزادہ مظفرعلی نے دوسرا اہم نقطہ یہ بیان کیا کہ اگرکسی نیب کورٹ سے کوئی آسامی خالی ہوجائے تو اس کو پرکرنے کے لیے کئی کئی ماہ لگ جاتے ہیں
سنیئر صحافی مبشرلقمان نے ایک سوال کیا کہ کیا یہ سچ نہیں کہ نیب کوئی ریکوری ہی نہیں کررہا ، تو اس کے جواب میں نیب کے سابق پراسیکیوٹرنے کہا کہ یہ بات درست نہیں سب سے زیادہ ریکوری نیب نے ہی کی اوراس کی کامیابی کا رزلٹ 79 فیصد سے زائد ہے
مبشرلقمان نے کہا کہ نیب نے عام کاروباری افراد سے تو پیسے نکلوا لیئے لیکن سیاستدانوں سے کیوں نہیں نکلوا سکے ، صاحبزادہ مظفرعلی نے کہا کہ سیاستدانوں سے اچھی ریکوریاں کررہی ہے
صاحبزادہ مظفرعلی نے اس موقع پرکہا کہ اس حوالے سے ایک آرڈینینس ہونا چاہیے تاکہ ان بڑے طاقتوروں سے جلد از جلد قوم کا کھایا ہواپیسہ واپس لیا جاسکے، ان کا کہنا تھا کہ ویسے بھی یہ کوئی آسان کام نہیں بلکہ ایسے کیسز کومنطقی انجام تک پہنچانے کےلیے نیب کے ماہرین بڑی محنت سے کام کرتے ہیں
ایک اورسوال کے جواب میں نیب کے سابق پراسیکیوٹرکا کہنا تھا کہ اگرکسی شخص کے پاس کوئی پراپرٹی ہے تو اسے ثابت کرنے کےلیے ملزم کے پاس کھلے مواقع ہوتے ہیں ، لیکن اگروہ پھربھی ثابت نہ پائے تو پھریہ ایک غیرقانونی فعل بن جاتا ہے
سنیئرصحافی مبشرلقمان کے اس سوال کے جواب میں کہ لاہوراورایسے ہی بڑے بڑے شہروں میں بڑے بڑے مکانات والوں کے پاس تو پھرکوئی ریکارڈ نہیں تو کیا وہ بھی اس جرم کے مرتکب ہوئے ، اس سوال کے جواب میں نیب کے سابق پراسیکیوٹرکا کہنا تھا کہ ہرکسی پراس کا اطلاق نہیں ہوتا ، یہ زیادہ ترسرکاری ملازمین پراس کا اطلاق ہوتا ہے
ایک سوال کے جواب میں کہ کیا نیب کیسز کی روزانہ سماعت نہیں ہوتی تو پراسیکیوٹرنے بتایا کہ کسیز کے التوا میں نیب کی طرف سے کمزوری نہیں بلکہ دوسرے عوامل کا عمل دخل زیادہ ہے
ایک اورسوال کےجواب میں جس میں مبشرلقمان نے اشارتا خواجہ سعد رفیق کا حوالہ دیا کہ ان پرالزام توکروڑوں روپے کا تھا لیکن سات آٹھ ماہ کے بعد وہ بے گناہ قراردے کرچھوڑدیئے
نیب کے سابق پراسیکیوٹرصاحبزادہ مظفرعلی نے انکشاف کیا کہ کیسز کوزیادہ التوا میں ڈالنے میں ملزم کےوکیل کا بڑاکردار ہوتا ہے
ان کا کہنا تھا کہ نیب کی کارکردگی کو بہترکرنے کےلیے نئی قانون سازی ہونی چاہیے ، اعلیٰ عدلیہ کو اپنا کردار ادا کرنا چاہیئے جس طرح سپریم کورٹ نے فیصلہ دیا ہے اور ساتھ ساتھ نیب کے ججوں کی تعداد میں اضافہ بھی ہونا چاہیے تاکہ بڑے بڑے مجرم اپنے کیفرکردار تک پہنچ جائیں
مقبوضہ کشمیر میں لاک ڈاؤن اوربھارتی مظالم کیخلاف اقوام متحدہ کی طرف سے بھارت کو تیسری یادداشت ارسال کر دی گئی جس میں اقوام متحدہ نے مقبوضہ کشمیرمیں انسانی حقوق کی خلاف ورزیوں پرگہری تشویش کا اظہارکیاہے۔ یادداشت میں کہا گیا ہے کہ کشمیریوں کےقتل، تشدد اوربدسلوکیوں میں ملوث ذمہ داروں کے خلاف مقدمات چلائےجائیں جب کہ بھارتی حکومت کشمیریوں پر مظالم کی جلد غیر جانبدارانہ تحقیقات کرائے۔ اقوام متحدہ کی یادداشت میں کہا گیا کہ بھارتی فورسزکی جانب سےماورائے عدالت قتل، قید، تشدد،بدسلوکی کے واقعات پرگہری تشویش ہے۔ بھارت کو یاد دلایا گیا کہ 5اگست کے بعد سےاقوام متحدہ بھارت کو تین یادداشتیں ارسال کر چکاہے لیکن بھارت کی جانب سے کسی بھی یادداشت کا جواب نہ دینا انتہائی افسوسناک ہے۔
باغی ٹی وی :وزیراعظم عمران خان نے کراچی میں لوڈشیڈنگ کا نوٹس لیتے ہوئے گورنر سندھ سمیت دیگر حکام کو ہدایت کی ہے کہ کے الیکٹرک اور عوامی مسائل کا حل ممکن بنایا جائے۔
تفصیل کے مطابق وزیراعظم سے گورنر سندھ عمران اسماعیل، وفاقی وزیر اسد عمر اور شہزاد قاسم نے خصوصی ملاقات کی جس میں صوبے میں کورونا کی صورتحال اور کے الیکٹرک سمیت دیگر ایشوز پر تبادلہ خیال کیا گیا۔
ذرائع کا کہنا ہے کہ اس موقع پر وزیراعظم نے تینوں شخصیات کو ہدایت کی کے الیکٹرک انتظامیہ سے جلد ملاقات کرکے لوڈشیڈنگ اور عوامی مسائل کا حل ممکن بنایا جائے.س سے قبل وفاقی وزیر اسد عمر نے قومی اسمبلی میں اظہار خیال کرتے ہوئے کہا تھا کہ یہ تاثر دیا جا رہا ہے کہ کے الیکٹرک کی ہم نے نجکاری کی۔
عمر ایوب کا کہنا تھا کہ نیپرا میں سندھ کا نمائندہ صوبائی حکومت نے نامزد کیا ہے، وہ اس کے خلاف ٹھوس کارروائی کرے۔ نیپرا میں کے الیکٹرک کے معاملے پر جمعے کو سماعت ہے۔ مون سون میں بارشوں سے جو پانی جمع ہوگا، اس کا ذمہ دار کون ہے؟کے الیکٹرک کے خلاف توجہ دلاؤ نوٹس پر جواب دیتے ہوئے وزیر توانائی عمر ایوب نے کہا کہ اس وقت کے الیکٹرک کو ایک سو میگاواٹ بجلی معاہدے سے اضافی دے رہے ہیں، کراچی میں بارش کا پانی کھڑا ہونے سے اموات ہوتی ہیں۔
اس سے قبل پاکستان تحریک انصاف کراچی کا کے الیکٹرک کے دفتر کے باہر اوور بلنگ اور لوڈشیڈنگ کے خلاف تیسرے روز بھی دھرنہ جاری رہا دھرنے میں اراکین قومی و صوبائی اسمبلی کی شرکت پی ٹی آئی کراچی کے صدر خرم شیر زمان نے میڈیا سے گفتگو کرتے ہوئے کہا تھا کہ کے الیکٹرک لاک ڈاؤن کے دوران بھی عوام کے معاشی قتل عام سے باز نہیں آیا بارشوں کے دوران جانوں کے نقصان کے کیس کے الیکٹرک کے خلاف درج کیا جائیگا اعلانیہ و غیر اعلانیہ طویل لوڈشیڈنگ عوام کیلئے ناقابل برداشت ہے۔ وزیراعظم نے گورنر سندہ کو اسلام آباد میں وزیراعظم نے نوٹس لیا ہے اپزیشن لیڈرکو بھی بلایا ہے کل وزیراعظم فیصلہ کریں گے کہ کے الیکٹرک کا کرنا کیاہے آصف زرداری موجودہ انتظامیہ کے حوالے کرنے کے ذمہ دارہیں تاروں کو بھی تبدیل کیا گیاپھربھی بجلی بہترنہیں ہوئی سوفیصد رکوریز والےکلفٹن ڈفینس میں بھی لوڈ شیڈنگ ہے وزیربجلی پانی اورنیپرامداخلت کریں کراچی آئیں اس وقت تو کلاسزبھی آن لائن ہیں گھنٹوں لوڈشیڈنگ کے باوجود اووربلنگ ظلم کی انتہاء ہے کورونا وائرس کے پیش نظر دھرنے میں کارکنان کی تعداد دیادہ نہیں ہے
وفاقی وزیربرائے انسانی حقوق شیریں مزاری نے کشمیر میں بھارتی بربریت کے حوالے سے اقوام متحدہ کے ہائی کمشنر برائے انسانی حقوق کو خط لکھا ہے جس میں انہوں نے لکھا ہے کہ مقبوضہ کشمیر کو بھارت میں ضم کرنےکےغیرقانونی اقدام پر گہری تشویش ہے۔ انہوں نے لکھا کہ بھارت کا 5 اگست 2019 کا اقدام غیر قانونی ہے۔یواین انسانی حقوق کا ادارہ بھارت کے اقدام کو غیرقانونی قرار دے چکاہے۔ انہوں نے مطالبہ کیا کہ اقوام متحدہ مقبوضہ کشمیر کی آبادی کا تناسب بدلنے کے عمل کو رکوائے۔ اقوام متحدہ کا انسانی حقوق کا ادارہ مقبوضہ کشمیر پر 2رپورٹس جاری کرچکاہے، جب کہ دونوں رپورٹس میں مقبوضہ کشمیرمیں طاقت کےبےدریغ استعمال پرگہری تشویش کااظہارکیاگیا۔ شیریں مزاری کا کہنا ہے کہ سوپور میں 3 سال کے بچے کی حالیہ تصویر بھارتی بربریت کی عکاس ہے۔ انہوں نے کہا کہ بھارت نے مقبوضہ کشمیرمیں 25ہزار غیر کشمیریوں کوڈومیسائل سرٹیفکیٹ دیے جو
بھارت کی طرف سے جنیوا کنونشن کی خلاف ورزی ہے۔
باغی ٹی وی کی رپورٹ کے مطابق وزیراعظم عمران خان نے عوام کو ہدایت کی ہے کہ عیدالضحیٰ سادگی سے منائیں اور اس عید پر وہ نہ کریں جو عیدالفطر پر کیا تھا۔
وزیراعظم عمران خان نے یہ بات نیشنل ڈزاسٹرمنیجمنٹ اتھارٹی (این ڈی ایم اے) کی جانب سے وبائی امراض کے لیے بنائے گئے خصوصی آئیسولیشن ہسپتال کے افتتاح کے موقع پر کہی۔وزیراعظم عمران خان نے اس قدر مختصر اور مشکل وقت میں اس قسم کے جدید ہسپتال کی تعمیر پر این ڈی ایم اے کو خراجِ تحسین پیش کیا۔
وزیراعظم عمران خان کا کہنا تھا کہ ا یہ ہسپتال ایسے وقت تیار کیا گیا کہ جب لاک ڈاؤن تھا، چیزیں بآسانی دستیاب نہیں تھی اور انتہائی نگہداشت یونٹس جیسی سہولیات جس کے لیے خصوصی عملہ درکار ہوتا ہے اس سب کا انتظام کیا گیا۔ یہ ملک کے لیے خوش آئند بات ہے، اگر سیاسی طور پر مضبوط ارادہ ہو تو ایسے کام کیے جاسکتے ہیں۔
وزیراعظم عمران خان نے اس موقع پر قوم کے نام اپنے پیغام میں کہا کہ عیدالاضحیٰ آنے والی ہے میں سب سے اپیل کرتا ہوں کہ وہ نہ کریں جو عیدالفطر کے موقع پر کیا۔ بڑی عید پر وہ نہ کریں جو پچھلی عید پر کیا۔پچھلی عید پر ہم نے لاپرواہی کا مظاہرہ کیا اس بات کا خیال نہیں کیا گیا کہ یہ وائرس ایک جگہ لوگوں کے جمع ہونے سے زیادہ تیزی سے پھیلتا ہے۔
وزیراعظم عمران خان کا کہنا تھا کہ چونکہ ہم نے لاپرواہی کی اس لیے عید کے موقع پر بہت تیزی سے وائرس پھیلا نتیجتاً میں ہمارے ہسپتالوں اور فرنٹ لائن ورکرز پر دباؤ آیا اور بدقسمتی سے اموات میں اضافہ ہوا اور وائرس اپنے عروج پر پہنچا۔ عید کے بعد اسمارٹ لاک ڈاؤن اور دیگر اقدامات سے کورونا کیسز کی تعداد میں کمی ہوئی۔
وزیراعظم عمران خان نے اسلام آباد آئیسولیشن اسپتال اینڈ انفیکشن ٹریٹمنٹ سنٹر کا افتتاح کردیا.اْفتتاح کے موقع پر وزیراعطم کے ہمراہ آرمی چیف جنرل قمر جاوید باوجوہ، چینی سفیر، چیئرمین این ڈی ایم اے جنرل محمد افضل اور اعلیٰ سول اور فوجی افسران موجود تھے جبکہ وزیراعطم کو آئیسولیشن ہسپتال کے حوالے سے تفصیلی بریفنگ بھی دی گئی
اسلام آباد آئیسولیشن اسپتال اینڈ انفیکشن ٹریٹمنٹ سینٹر آج سے فعال ہوگیا،سینٹرمیں ریڈیالوجی اور پیتھالوجی لیبارٹری کے علاوہ ایک مردہ خانہ اور آتش خانہ بھی موجود ہیں،اسپتال میں حرارت، وینٹی لیشن اورسیوریج نظام بھی موجود ہے،اسپتال میں لیبارٹری انفارمیشن مینجمنٹ سسٹم، آگ اور دھویں کا پتہ لگانے کا نظام بھی موجود ہے
ڈھائی سوبستروں پرمشتمل جدید سہولتوں سے آراستہ ہسپتال ریکارڈ چالیس دن میں تعمیر کیا گیا ہے ۔ ہسپتال میں اضافی ضروریات ہوں گی اوراس سے وفاقی دارالحکومت کے دوسرے ہسپتالوں پردباؤ کم کرنے میں مدد ملے گی۔
باغی ٹی وی کی رپورٹ کے مطابق وفاقی حکومت نے15ستمبر سے ملک بھر کے تعلیمی ادارے کھولنے کا اعلان کردیا
وفاقی وزیر تعلیم شفقت محمود کا کہنا تھا کہ حکومت تعلیمی اداروں سے متعلق مزید مشاورت کرے گی این سی او سی کو تعلیمی اداروں کے کھولنے سے متعلق معاملات پرتجاویز بھیج دی ہیں،تعلیمی ادارو ں سے متعلق ایس اوپیزپرنظرثانی کی جائےگی،اگست کے پہلے اورپھرتیسرے ہفتے فیصلےپرنظرثانی کریں گے،جامعات پی ایچ ڈی کرنے والے طلبا کو15 ستمبرسے پہلے بلاسکتے ہیں
شفقت محمود کا مزید کہنا تھا کہ کورونا کی صورتحال میں تعلیم کا بڑا نقصان ہوا،تعلیمی اداروں کوایس او پیز پرعمل درآمد کاخاص خیال رکھنا ہوگا،تعلیمی اداروں میں ایس او پیز پر عمل درآمد سے متعلق تربیت ہوگی ،بعض تعلیمی اداروں کو انتظامی دفاتر پہلے کھولنے کی اجازت دی جائے گی پی ایچ ڈی طلبہ کو کیسے اور کب بلانا ہے اس کا فیصلہ یونیورسٹی کرے گی ،یونیورسٹیاں عید سے پہلے یا بعد پی ایچ ڈی طلبہ کو محدود تعداد میں بلالیں،
شفقت محمود کا مزید کہنا تھا کہ تعلیمی ادارے کھولنے سے پہلے صوبائی حکومتوں سے مشاورت کریں گے، صحت کے معاملات بہتر نہ ہوئے تو 15 ستمبر کو بھی تعلیمی ادارے نہیں کھولیں گے
وفاقی وزیر تعلیم شفقت محمود کی زیرصدارت بین الصوبائی وزرائے تعلیم کانفرنس ہوئی جس میں چاروں صوبوں، آزادکشمیر اور گلگت بلتستان کے وزرائے تعلیم شریک ہوئے، اس دوران ملک میں سکول ایجوکیشن سمیت تعلیم سے متعلق اہم فیصلے کئے گئے۔
کانفرنس میں وزرائے تعلیم نے اتفاق کیا کہ تعلیمی ادارے کھولنے سے قبل کوویڈ 19 کی صورتحال کا جائزہ لیا جائے گا، حتمی منظوری این سی او سی سے لی جائے گی۔ تعلیمی اداروں کو ایس او پیز کے ساتھ امتحانات لینے کی بھی اجازت ہو گی۔ تعلیمی کانفرنس میں ستمبر سے قبل دو مزید اجلاس بلانے کا فیصلہ بھی کیا گیا۔
قبل ازیں وزیر تعلیم پنجاب مراد راس نے تعلیمی ادارے اگست میں کھولنے سے متعلق بیان دیا تھا تاہم بین الصوبائی تعلیمی کانفرنس میں مزید ایک ماہ آگے بڑھاتے ہوئے تعلیمی ادارے ستمبر میں کھولنے کا موقف سامنے آیا ہے۔
واضح رہے کہ کرونا کی وجہ سے ملک بھر کے تعلیمی ادارے بند ہیں، تعلیمی اداروں میں 15 جولائی تک چھٹیوں کا اعلان کیا تھا لیکن ابھی تک کرونا کے کیسز میں مزید اضافہ ہو رہا ہے
باغی ٹی وی کی رپورٹ کے مطابق امریکی سکھوں نے اعلان کیا ہے کہ بھارت دہشت گرد ملک ہے
امریکی سکھوں نے امریکہ میں پریس کانفرنس کی ہے،سکھ رہنماؤن کا کہنا تھا کہ162 گردوارے امریکہ میں، کینیڈا کے گردوارے ہیں سب نے حامی بھری ہے کہ قوم کے ساتھ ایک نشان تلے اپنے پنجاب کے نوجوانوں کے لئے مضبوط سٹینڈ کرتے ہیں
سکھ رہنما کا کہنا تھا کہ بھارتی دہشت گردی ،سکھوں کے اوپر ظلم بڑھ رہا ہے، ہم پنجاب کے نوجوانوں کے درد کو محسوس کرتے ہیں اور انکے ساتھ ہمدردی رکھتے ہیں، ہم بھارتی دہشت گردی کا شکار پنجاب کے نوجوانوں کو یقین دہانی کرواتے ہیں کہ ہم نوجوانوں او رانکے اہلخانہ کے ساتھ ہیں، ہم پولیس کے اہلکاروں اور رہنماؤں کو کہتے ہیں کہ موجودہ بھارتی دہشت گردی کو دیکھتے ہوئے ہم مجبور ہو کر کاروائی کر رہے ہیں پولیس ظلم کر رہی ہے ، بھارتی حکومت پشت پناہی کر رہی ہے، گردواروں میں بھارتی نمائندوں کا بائیکاٹ ہو گا پہلے بھی 96 گردواروں میں بائیکاٹ کیا گیا تھا اب یہ بائیکاٹ جاری رہے گا،
سکھ رہنماؤں کا مزید کہنا تھا کہ بھارتی حکومت کو کہتے ہیں کہ بھارت دہشت گرد ملک ہے، مودی ، امت شاہ، راجناتھ سنگھ، سجن کمار، کیپٹن امریندر، ڈی جی پی، ریونیٹ سمیت تمام کو کہتے ہیں کہ سکھ قوم بھارتی دہشت گردی کا ڈٹ کا مقابلہ کرے گی، 162 کینیڈا اور امریکہ کے گردوارے بھارتی دہشت گردی کے خلاف متحد ہیں، بھارت کو دہشت گرد ملک قرار دینے کا ہم نے اعلان کیا ہے.
باغی ٹی وی کی رپورٹ کے مطابق وزیراعظم عمران خان نے اسلام آباد آئیسولیشن اسپتال اینڈ انفیکشن ٹریٹمنٹ سنٹر کا افتتاح کردیا
اسلام آباد آئیسولیشن اسپتال اینڈ انفیکشن ٹریٹمنٹ سینٹر آج سے فعال ہوگیا،سینٹرمیں ریڈیالوجی اور پیتھالوجی لیبارٹری کے علاوہ ایک مردہ خانہ اور آتش خانہ بھی موجود ہیں،اسپتال میں حرارت، وینٹی لیشن اورسیوریج نظام بھی موجود ہے،اسپتال میں لیبارٹری انفارمیشن مینجمنٹ سسٹم، آگ اور دھویں کا پتہ لگانے کا نظام بھی موجود ہے
وزیراعظم عمران خان کو اسپتال میں موجود سہولیات پر بریفنگ دی گئی،آرمی چیف قمر جاوید باجوہ ،چیئرمین این ڈی ایم اے اور اسد عمر بھی اس موقع پر موجود تھے،
ڈھائی سوبستروں پرمشتمل جدید سہولتوں سے آراستہ ہسپتال ریکارڈ چالیس دن میں تعمیر کیا گیا ہے ۔ ہسپتال میں اضافی ضروریات ہوں گی اوراس سے وفاقی دارالحکومت کے دوسرے ہسپتالوں پردباؤ کم کرنے میں مدد ملے گی۔
باغی ٹی وی کی رپورٹ کے مطابق پاکستان میں کرونا کا پھیلاؤ جاری ہے،کرونا سے ملک میں روزانہ ہزاروں مریض سامنے آ رہے ہیں
کرونا کے سب سے زیادہ مریض پاکستان کے سندھ میں ہیں، کرونا کے 2 لاکھ سے زائد مریض سامنے آ چکے ہیں جبکہ 5 ہزار کے قریب اموات ہو چکی ہیں ، حکومت کی جانب سے کرونا سے بچاؤ کے لئے ایس او پیز بنائی گئی ہیں لیکن عوام کی جانب سے احتیاط نہیں کی جا رہی ،حکومتی ایس او پیز کی دھجیاں اڑائی جا رہی ہیں جس کی وجہ سے کرونا کے مزید پھیلاؤ کا خدشہ ہو سکتا ہے
شہر قائد کراچی میں کرونا سے اتنی اموات ہو رہی ہیں کہ قبرستان میں جگہ کم پڑ گئی ہے، شہر قائد کراچی کے ایک قبرستان کی ویڈیو باغی ٹی وی کو موصول ہوئی ہے، جس میں لوگ قبرستان میں جنازہ لے کر آ رہے ہیں، ویڈیو بنانے والے کا کہنا ہے کہ ایک ایک دن میں 20، 25 میتیں تدفین کے لئے لائی جا رہی ہیں، میں نے کبھی کراچی کے قبرستانوں میں اتنی رونق نہیں دیکھی یہ کراچی کا عظیم پورہ کا قبرستان ہے جہاں ابھی 3 میتوں کی تدفین کی گئی ہے اور ایک اور جنازہ لایا جا رہا ہے جس کو ویڈیو میں دیکھا جا سکتا ہے
ویڈیو میں شخص کا کہنا تھا کہ جو لوگ کہتے ہیں کہ کرونا نہیں ہے وہ اس ویڈیو کو دیکھیں اور احتیاط کریں، کرونا سے اموات بہت زیادہ ہو رہی ہیں، احتیاط سے ہی کرونا سے بچا جا سکتا ہے،
قبرستان مین جنازے کے ساتھ جانے والے افراد بھی کرونا سے بچاؤ کے لئے احتیاط نہیں کرتے، کم افراد ماسک پہن کر آتے ہیں ، سماجی فاصلے کا خیال بھی نہیں رکھا جاتا، شہریوں کو چاہئے کہ اس ضمن میں احتیاط کریں اور ایس او پیز پر عملدرآمد یقینی بنائیں
کراچی میںتقریبا 800 سے زائد قبرستان چھوٹے،بڑے ہیں، آفیشیل 175 اورہر علاقے میں موجود ہیں ،کرونا کے حوالہ سے 6 قبرستان کراچی میں مختص کئے گئے ہیں جہاں کرونا سے جاںبحق افراد کی تدفین کی جا رہی ہے،ناردرن بائی پاس پر بھی کوئی جگہ لے کر وہاں تدفین کی جا رہی ہے
واضح رہے کہ پاکستان میں کرونا کا پھیلاؤ جاری ہے، گزشتہ 24 گھنٹوں میں 61 افراد جاں بحق ہو گئے ہیں جبکہ 3359 نئے مریض سامنے آئے ہیں
پاکستان میں کورونا وائرس کے باعث4ہزار983 اموات ہو چکی ہیں جبکہ مجموعی طور پر2 لاکھ 40 ہزار848 مریض سامنے آ چکے ہیں.
کرونا سے پنجاب میں ایک ہزار929افراد کورنا وائرس سے جاں بحق ہوچکے ہیں جب کہ سندھ میں ایک ہزار614، خیبرپختونخوا میں ایک ہزار45، بلوچستان میں 124، اسلام آباد میں 140، آزادکشمیر میں 40 اور گلگت بلتستان میں 30 کورونا مریض جان کی بازی ہار چکے ہیں
