Category: اہم خبریں

تبلیغی جماعت کے ملک بھر میں کتنے اراکین قرنطینہ مراکز میں؟ 2 کی ہوئی کرونا سے موت

باغی ٹی وی کی رپورٹ کے مطابق پاکستان میں 20 ہزار تبلیغی جماعت سے وابستہ افراد کو کرونا وائرس سے بچاؤ کے لئے قرنطینہ مراکز میں رکھا گیا ہے،جبکہ ہزاروں ایسے افراد کی حکومت کو تلاش ہے جو رائیونڈ میں ہونے والے تبلیغی اجتماع میں آئے تھے، کرونا وائرس کی وجہ سے رائیونڈ مرکز سمیت ملک بھر کے کئی تبلیغی مراکز کو قرنطینہ سنٹر بنا دیا گیا ہے.

رائیونڈ میں ایک روزہ اجتماع کے بعد حکومت کی اپیل پر انتظامیہ نے اجتماع تو منسوخ کر دیا تا ہم اجتماع میں آنے والے ہزاروں افراد میں سے کچھ رائیونڈ مرکز رہ گئے تھے جن میں سے پانچ سو سے زائد افراد میں کرونا کی تشخیص ہو چکی ہے، حیدرآباد،اسلام آباد، ملتان سمیت کئی شہروں میں تبلیغی جماعت کے اراکین میں‌ کرونا کے مریض سامنے آ چکے ہیں جبکہ لاہور میں ایک بیرون ملک سے تعلق رکھنے والے تبلیغی جماعت کے باشندے کی موت ہو چکی ہے، حیدر آباد میں بھی ایک ایسے مریض کی موت ہوئی جس کا تعلق تبلیغی جماعت سے تھا.

پاکستان کے صوبہ خیبر پختونخواہ میں 5300 تبلیغی جماعت کے اراکین کو قرنطینہ مراکز میں رکھا گیا ہے جو رائیونڈ کے اجتماع میں شریک ہوئے تھے، پنجاب میں تقریبا 7 ہزار اور سندھ میں 8 ہزار کے قریب تبلیغی جماعت کے اراکین کو مراکز میں رکھا گیا ہے،

ملک بھر کے بڑے شہروں میں تبلیغی جماعت کے بڑے مراکز جہاں افراد کی تعداد زیادہ تھی ان کو قرنطینہ سنٹر میں بدل دیا گیا ہے،وہاں پولیس تعینات ہے اور ان مراکز میں کسی کو آنے جانے کی اجازت نہیں.

تبلیغی جماعت کے دنیا میں لاکھوں‌ پیروکار ہیں اور رائیونڈ کے اجتماع میں اس سال چین، انڈونیشیا، نائیجیر، افغانستان سمیت متعدد ممالک سے افراد نے شرکت کی تھی جن میں تقریبا 15 سو افراد جن کا بیرون ممالک سے تعلق ہے وہ پاکستان میں موجود ہیں جبکہ باقی واپس جا چکے ہیں. غزہ کی وزارت صحت نے گزشتہ ماہ تصدیق کی تھی کہ کرونا وائرس کے فلسطین میں جو پہلے دو کیسز سامنے آئے تھے انہوں نے رائیونڈ کے اجتماع میں شرکت کی تھی.

کرونا وائرس سے اب تک ملک میں 56 افراد ہلاک ہو چکے ہیں جبکہ مریضوں کی تعداد 4 ہزار سے زیادہ ہو گئی ہے،

پنجاب کے شہر بورے والا میں تبلیغی مرکز میں کرونا کے مزید سات کیس سامنے آگئے۔ گذشتہ دو روز تین افراد میں کرونا وائرس کی تصدیق ہوئی تھی

کرونا وائرس،تبلیغی مرکز میں 9 ہلاکتیں،24 مریض،334 مشتبہ مریض،700 کو قرنطینہ کر دیا گیا

تبلیغی مرکز میں بنائے گئے قرنطینہ سنٹر میں 31 افراد میں ہوئی کرونا کی تشخیص

پنجاب کے ایک اور بڑے تبلیغی مرکز کو قرنطینہ سنٹر بنا دیا گیا،مختلف ممالک کے 391 افراد موجود

کرونا وائرس، تبلیغی جماعت کے اراکین کے حوالہ سے حکومت پنجاب نے کیا بڑا فیصلہ

تبلیغی جماعت میں شامل چینی باشندے میں کرونا کی تشخیص،مسجد کو سیل کر دیا گیا

تبلیغی اجتماع لاہور سے واپس جانیوالے شخص میں‌ کرونا وائرس کی تشخیص

تبلیغی جماعت کے ساتھ آنے والے غیر ملکی میں کرونا کی تشخیص، اسلام آباد میں مسجد سیل

 

سیالکوٹ میں کورونا وائرس کا مثبت رزلٹ آنے پر تبلیغی جماعت کے مرکز مبارک مسجد دوبرجی سے غوث بخش نامی شخص کو ہسپتال منتقل کر دیا گیا. فورٹ عباس میں کنفرم کرونا کا مریض طارق عزیز سن آف عزیز خان عمر 28 سال کے پی کے کا رہنے والا تھا تبلیغی جماعت کے ساتھ فورٹعباس آیا تھا.

سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

تبلیغی مرکز کے نواحی علاقے کے 200 افراد کرونا کے شبہہ میں ہسپتال منتقل،ڈرون کے ذریعہ علاقہ کی نگرانی

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

پنجاب تبلیغی جماعت کے 539 اراکین میں کورونا کی تصدیق ہو چکی ہے جس میں سے رائے ونڈ مرکز میں 404، منڈی بہاوالدین میں 3، سرگودھا 16، وہاڑی 14، راولپنڈی 6، جہلم 10، ننکانہ میں 2، گجرات 9، رحیم یار خان 15، بھکر 1، خوشاب 4، راجن پور 1، حافظ آباد میں 31، سیالکوٹ 6، لیہ میں 13 شخص شامل ہیں.

بارہ کہو میں قرنطینہ کیے گئے تبلیغی جماعت کے تمام لوگ صحت یاب ہوگئے ہیں۔ ڈی سی اسلام آباد حمزہ شفاقت نے کہا ہے کہ بارہ کہو میں قرنطینہ کیے گئے تبلیغی جماعت کے تمام لوگ صحت یاب ہوگئے ہیں اور تبلیغی جماعت کے تمام لوگوں کے ٹیسٹ نیگیٹیو آچکے ہیں جس کے بعد انہیں گھروں کو روانہ کر دیا جائے گا.

باغی ٹی وی کی رپورٹ کے مطابق پاکستان بھر میں کورونا کے مریضوں کی تعداد 3918 ہوگئی

نیشنل کمانڈ اینڈ کنٹرول سنٹر کے مطابق ملک بھر میں کورونا وائرس سے مرنے والوں کی تعداد 56 ہوگئی،کورونا وائرس کے 429 مریض صحت یاب ہوگئے ہیں،سندھ میں کورونا کے مریضوں کی تعداد 986 ہے،پنجاب میں کرونا کے 2004 مریض ہیں،خیبرپختونخوا میں کورونا کے مریضوں کی تعداد 500 ہے،اسلام آباد میں کورونا کے مریضوں کی تعداد 83 ہے، گلگت بلتستان میں کورونا کے مریضوں کی تعداد 211 ہوگئی، بلوچستان میں کورونا کے مریضوں کی تعداد 202 ہے،آزاد کشمیر میں کورونا کے مریضوں کی تعداد 18 ہے،

سندھ میں کورونا سے 18، پنجاب میں 15 افراد جاں بحق ہوئے،خیبرپختونخوا میں کورونا سے 17 اور اسلام آباد میں ایک شخص جاں بحق ہوا،گلگت بلتستان میں کورونا سے 3 اور آزاد کشمیر میں ایک شخص جاں بحق ہوا،

کراچی میں گزشتہ 24 گھنٹوں کے دوران 45 افراد کورونا کا شکار ہوئے، کراچی میں ایک اور فرد کورونا کے باعث جان کی بازی ہار گیا،کراچی میں ہلاکتوں کی تعداد 16 ہوگئی،

محکمہ صحت پنجاب کے ترجمان کے مطابق پنجاب میں کورونا وائرس کے 86 مزید کیسز سامنے آگئے، پنجاب میں کورونا کیسز کی تعداد 2004 تک پہنچ گئی، ملتان، ڈیرہ غازی خان اور فیصل آباد میں زائرین کے 59 مزید کیسز آگئے،پنجاب میں متاثرہ زائرین کی تعداد 726 ہوگئی،

تبلیغی جماعت کے 3 مزید مبلغین میں کورونا وائرس کی تصدیق کے بعد صوبے میں تعداد 539 ہوگئی،لاہور میں 4 مزید کورونا کیسز کی تصدیق، تعداد 297 ہوگئی، قصور میں ایک مزید کیس، تعداد 9 ہوگئی،راولپنڈی میں 3 مزید کورونا کیسز، تعداد 61 ہوگئی، گجرانوالہ میں 7 مزید کورونا کیسز، تعداد 39 ہوگئی، بہاولنگر میں مزید 9 کیسز، تعداد 18 ہوگئی،

کرونا وائرس،بھارت میں اتنے مریض ہو جائیں گے کہ لاشیں بلڈوزر سے گڑھے میں ڈالنا پڑیں گی

چین میں‌ کرونا وائرس کا پہلا مریض اب کس حال میں ہے ؟

کرونا کے وار جاری، 288 پولیس اہلکاروں میں ہوئی کرونا کی تشخیص

سعودی عرب میں کرونا کے مریضوں میں مسلسل اضافہ، شاہ سلمان نے دیا عالمی ادارہ صحت کو فنڈ

بھارت کی انتہائی اہم ترین شخصیت کرونا سے خوفزدہ، کروائے گی ٹیسٹ

بلوچستان کے طبی عملے کی مدد کے لئے پاک فوج میدان میں، ڈاکٹرز فرنٹ لائن کے سپاہی ہیں، آرمی چیف

آرمی چیف جنرل قمر جاوید باجوہ کی ہدایت پر بلوچستان کے میڈیکل سٹاف کیلئے کورونا کے حفاظتی لباس سمیت ضروری سامان بھجوا دیا گیا ہے، ڈی جی آئی ایس پی آر کے مطابق بلوچستان کے طبی عملے کیلئے ضروری سامان روانہ کر دیا گیا جو آرمی چیف جنرل قمر جاوید باجوہ کی ہدایت پر بھجوایا گیا۔

ڈی جی آئی ایس پی آر کے مطابق آرمی چیف جنرل قمر جاوید باجوہ نے کہا ہے کہ کورونا کے خلاف جنگ میں ڈاکٹرز اور پیرامیڈیکل اسٹاف فرنٹ لائن سپاہی ہیں،مشکل کی اس گھڑی میں سب کو صبر کا مظاہرہ اور ثابت قدم رہنا ہو گا، ترقی یافتہ ممالک کو بھی اس وبا سے نمٹنے میں مشکلات درپیش ہیں، حکومت پاکستان تمام وسائل بروئے کار لا رہی ہے

واضح رہے کہ گزشتہ روز کوئٹہ میں ینگ ڈاکٹرایسوسی ایشن، نرسز اور پیرامیڈیکس سٹاف کے زیر اہتمام کوروناوائرس کی حفاظتی کٹس اور دیگر سہولیات کی عدم فراہمی کے خلاف احتجاجی ریلی نکالی مظاہرین نے وزیراعلیٰ ہاؤس جانے کی کوشش، دفعہ 144 کی خلاف ورزی پر پولیس نے متعدد ڈاکٹروں کو حراست میں لے لیا۔ اس موقع پر ڈاکٹروں پر تشدد بھی کیا گیا تھا

ڈی آئی جی کوئٹہ عبدالرزاق چیمہ نے چند گھنٹے بعد گرفتار ڈاکٹروں کی رہائی کااعلان کردیاجبکہ ینگ ڈاکٹرز ایسوسی ایشن کے ترجمان ڈاکٹر رحیم نے کہا کہ کوئی ڈاکٹر رہا نہیں ہوا اور ہم مطالبات تسلیم ہونے تک تھانوں سے نہیں نکلیں گے ۔ 150 سے زائد ڈاکٹرشہر کے 3تھانوں میں بند ہیں.

قیدیوں کی رہائی کیخلاف درخواست پر سپریم کورٹ کا فیصلہ آ گیا، بڑا حکم دے دیا

باغی ٹی وی کی رپورٹ کے مطابق قیدیوں کی رہائی کے حوالہ سے سپریم کورٹ نے صوبائی ہائیکورٹس اور اسلام آباد ہائیکورٹ کے فیصلے کالعدم قرار دے دیئے

سپریم کورٹ میں کورونا وبا کے پیش نظر قیدیوں کی رہائی کے معاملے پرسماعت ہوئی،چیف جسٹس گلزاراحمد کی سربراہی میں لارجر بنچ نے سماعت کی ،سپریم کورٹ نے قیدیوں کی رہائی سے متعلق اسلام آباداورسندھ ہائیکورٹ کے احکامات کالعدم قرار دے دیئے ،سپریم کورٹ نے اٹارنی جنرل کی تجاویز منظور کرلیں،سپریم کورٹ نے دائر درخواست کو قابل سماعت قرار دے دیا اور رہا کئے گئے قیدیوں کو دو بارہ گرفتار کرنے کا حکم دے دیا۔ سپریم کورٹ نے سنگین جرائم ،نیب اور منشیات کے مقدمہ میں دی گئی ضمانتیں منسوخ کردیں۔

میٹنگ میٹنگ ہو رہی ہے، کام نہیں ، ہسپتالوں کی اوپی ڈیز بند، مجھے اہلیہ کو چیک کروانے کیلئے کیا کرنا پڑا؟ چیف جسٹس برہم

ڈاکٹر ظفر مرزا کی کیا اہلیت، قابلیت ہے؟ عوام کو خدا کے رحم و کرم پر چھوڑ دیا گیا ، چیف جسٹس

لوگ تین چار دن شکلیں دیکھیں گے پھر ایک دوسرے کو ہی کھانے لگیں گے، چیف جسٹس برہم

دوران سماعت جسٹس عمر عطا بندیال نے کہا کہ سنگین جرم کے قیدیوں کورہاکرناکس طرح درست ہے؟ چیف جسٹس گلزار احمد نے کہا کہ اٹارنی جنرل صاحب کیا آپ کی تجاویز حکومتیں تسلیم کریں گی؟ عدالت عظمیٰ حکم دے گی تو سب تعمیل کریں گے، سندھ ہائیکورٹ کے آرڈر سے معلوم نہیں کون کون سے قیدی باہرآگئے ہیں،سندھ حکومت نے قیدیوں کو چھوڑا تو بعد میں واپس کیسے لائیں گے؟ وزارت انسانی حقوق حکومت کے موقف سے ہٹ کر موقف نہیں اپنا سکتی،

جسٹس قاضی امین نے کہا کہ کورونا وبا ہو یا نہ ہو، جس کی ضمانت بنتی ہے اسے ملنی چاہیے،جسٹس سجاد علی شاہ نے کہا کہ سپریم کورٹ سےسیدھا کیوں کہا جا رہا ہے کہ قیدی چھوڑ دیں،کیا ماتحت عدالتیں ضمانتیں نہیں دے رہیں، ؟ چیف جسٹس نے کہا کہ اسلام آباد ہائیکورٹ نے نیب اور منشیات کے قیدیوں کو بھی چھوڑ دیا، جس پر نیب پراسیکیوٹر نے کہا کہ نیب کے کسی ملزم کی ضمانت پر رہائی نہیں ہوسکی، حسین لوائی کو الگ حکم کے تحت ضمانت ملی،

ایڈوکیٹ جنرل نے کہا کہ اسلام آباد ہائیکورٹ نے آرٹیکل 187 کا استعمال کیا،آرٹیکل 187 کا اختیارصرف سپریم کورٹ استعمال کرسکتی ہے، جس پر چیف جسٹس گلزار احمد نے کہا کہ ہائیکورٹ کا حکم درست نہیں تو اسے چیلنج کیوں نہیں کیا؟ جسٹس قاضی امین نے کہا کہ کیا اسلام آباد انتظامیہ قانون پر سمجھوتا کرنا چاہتی ہے؟ چیف جسٹس نے کہا کہ کیا ہائیکورٹ میں دائرہ اختیار کا سوال اٹھایا گیا تھا؟ ہائیکورٹ میں مقدمے کا عنوان ریاست بنام ضلعی انتظامیہ تھا، ہائیکورٹ میں ریاست کی جانب سے درخواست کس نے دی تھی؟

ایڈوکیٹ جنرل اسلام آباد نے کہا کہ جیل سپرنٹنڈنٹ کی رپورٹ عدالت نے پٹیشن میں تبدیل کی،سپرنٹنڈنٹ اڈیالہ جیل سپریم کورٹ میں پیش ہوئے اور کہا کہ ہائیکورٹ رجسٹرارنے فون پراسلام آباد کے قیدیوں کی تفصیل مانگی تھی،اسلام آباد ہائیکورٹ کا کوئی تحریری خط یاحکم نہیں ملاتھا،چیف جسٹس نے کہا کہ دیکھیں گے آپ نے اس کیس میں کیسی معاونت کی، ہم اپنے آرڈر میں آپ کا ذکر بھی کریں گے،

چیف جسٹس گلزار احمد نے دوران سماعت ریمارکس دیتے ہوئے کہا کہ تفتان،چمن،طورخم بارڈرپرقرنطینہ کیے گئے لوگوں کیلئےتمام حفاظتی اقدام کریں،ان تینوں جگہوں پر لوگوں کو ہر طرح کی سہولیات فراہم کریں،بارڈرز پر ہمارے پاس پارکنگ کی جگہ تک نہیں، بارڈرز پر بے ہنگم ٹرک کھڑے ہوتے ہیں،اٹارنی جنرل صاحب کبھی آپ نے چمن بارڈر دیکھا ہے؟ میں نے چمن بارڈر دیکھا ہے وہاں کیا کیا ہوتا ہے، اٹارنی جنرل صاحب ان تینوں بارڈرز پر لوگوں کی سہولیات پر کوئی سمجھوتا نہیں کر سکتے ،

چیف جسٹس گلزار احمد نے کہا کہ پنجاب کی رپورٹ میں نے پڑھی ہے،ایڈیشنل ایڈووکیٹ جنرل پنجاب عدالت میں پیش ہوئے ،جسٹس عمر عطا بندیال نے کہا کہ پنجاب میں مزید 50 قیدی کورونا پازیٹو پائے گئے ہیں، کیا ان مزید 50 قیدیوں کو قرنطینہ میں رکھا گیا ہے؟،ایڈیوکیٹ جنرل نے کہا کہ پہلا کورونا پازیٹو قیدی جوسامنے آیاتھا اسکا 494 لوگوں سے رابطہ ہوا تھا،

ایڈوکیٹ جنرل سندھ نے کہا کہ رجسٹرار ایم آئی ٹی نے سیشن ججز کو ٹیلیفون پر ضمانت کیلئے کہا،ٹیلی فون پر انڈر ٹرائل قیدیوں کو ضمانت کی ہدایات کیسے دی جاسکتی ہیں؟جن کی ضمانت خارج ہوچکی تھی فون پر ان کو بھی ضمانت مل گئی، ایڈووکیٹ جنرل صاحب بتائیں کیا سندھ میں انڈر ٹرائل قیدیوں کی ضمانتیں قانون کے مطابق ہوئیں؟ ایڈووکیٹ جنرل سندھ صاحب ، آپ کا حال بھی ایڈووکیٹ جنرل اسلام آباد والا ہے،ملکوں میں فیصلے لکھے ہوئے آئین کے مطابق کیے جاتے ہیں ،  عدالتوں کا کام بھی قانون کے مطابق فیصلے کرنا ہے، عدالتیں قانون اور حقائق سے ہٹ کر فیصلے نہیں کرسکتیں،انڈر ٹرائل قیدیوں کی ضمانتوں میں قانون اورحقائق کو نظرانداز کیا گیا،

چیف جسٹس گلزار احمد نے کہا کہ فون پر زبانی ضمانتیں ہوں گی تو جسے دل چاہے گا اسے چھوڑ دیں گے،اٹارنی جنرل صاحب، تفتان، چمن اور طورخم پر2 ہفتوں میں قرنطینہ بنائیں، ہر آدمی کیلئے ایک کمرہ، علیحدہ باتھ روم اور بہترین خوراک مہیا کی جائے،پارلیمنٹ کے ذریعے حکومت معاملات حل کرے، حکومت کو عوام کو اعتماد میں لینا ہوگا، ہم لوگوں کی زندگیاں بچانے کیلئے ادویات تک باہر سے منگواتے ہیں، سب کچھ خود پیدا کرنا ہوگا، کھانے اور اناج کا بھی خود بندوبست کریں،اب وہ وقت آگیا ہے دوسرے ملک والے کچھ نہیں دیں گے،اب تو جیلوں میں بھی ماسک بنائے جا رہے ہیں، اتنی بڑی بڑی ٹیکسٹائل انڈسٹریاں ہیں، روزانہ بند کمرے میں بیٹھ کرکوئی حکومتی نمائندہ بیان جاری کردیتا ہے،اٹارنی جنرل صاحب حکومت کی معاونت کریں

بھارتی گلوکارہ میں کرونا ،96 اراکین پارلیمنٹ خوفزدہ،کئی سیاستدانوں گھروں میں محصور

لاک ڈاؤن کی خلاف ورزی پر کتنے عرصے کیلئے جانا پڑے گا جیل؟

کرونا وائرس، پارلیمنٹ کا مشترکہ اجلاس بلانے کا مطالبہ، رکن اسمبلی کا بیٹا بھی ووہان میں پھنسا ہوا ہے، قومی اسمبلی میں انکشاف

کرونا وائرس سے کس ملک کے فوج کے جنرل کی ہوئی موت؟

ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان

کرونا کیخلاف منصوبہ بندی، پاکستان میں فیصلے کون کررہا ہے

واضح رہے کہ کرونا وائرس کے پھیلاؤ کے بعد ملک بھر کی صوبائی حکومتوں نے قیدیوں کی سزاؤں میں کمی کی ہے، سندھ، بلوچستان، پنجاب و دیگر تمام صوبوں نے قیدیوں کو رہا بھی کیا ہے اس ضمن میں عدالتوں نے احکامات بھی جاری کئے تھے.

کیا یہی ہے تبدیلی، فرخ حبیب نے غریب شہریوں کے ساتھ کیا بڑا فراڈ،شہریوں نے کہا ایم این اے صاحب، راشن چاہئے تو ہم دینے کو ہیں تیار

باغی ٹی وی کی رپورٹ کے مطابق تبدیلی تو فیصل آباد میں آ گئی،تحریک انصاف کے رکن قومی اسمبلی فرخ حبیب نے کرونا وائرس کی وجہ سے متاثر غریب شہریوں کے ساتھ فراڈ کرنا شروع کر دیا، فرخ حبیب کے پاس راشن اور امداد کے لئے جانے والے افراد کو وہ علاقہ کی ایک خاتون میمونہ ریاض کے پاس بھیجنے لگے جس پر خاتون نے فرخ حبیب سے کہا ہے کہ وہ اگر شہریوں کی امداد نہیں کر سکتے تو استعفیٰ دے دیں

خاتون کا ویڈیو پیٍغام سامنے آیا ہے جس میں وہ کہتی ہیں کہ ہر آدھے منٹ کے بعد میرا فون بج رہا ہوتا ہے کہ فرخ حبیب نے نمبر دیا ہے راشن لینا ہے، میرے پاس کوئی حکومتی عہدہ نہیں، نہ ہی مجھے کوئی فنڈ ملا ہے،فرخ نے نہ تو سامان بھیجا ہے، اور نہ ہی کچھ بتایا ہے، آٹھ ہزار لوگوں کی لسٹ موجود ہے، 500 لوگوں کو راشن اپنی جیب سے دیا ہے ، ساڑھے سات ہزار لوگوں کی لسٹ میرے پاس موجود ہے

خاتون کا کہنا تھا کہ فرخ صاحب میری طرف بندے مت بھیجییں ایم این اے آپ ہیں، نہ میں ایم این اے ہوں نہ میں ایم پی اے ہوں،سرکاری کھاتے آپ کے پاس ہیں، میں اپنی جیب سے کر رہی ہوں،میں اتنا کروں گی جتنا کر سکتی ہوں آپ میرا فون نمبر ہر کسی کو مت دیں اگر آپ ایسا کریں گے تو میں بھی آپ کا نمبر لکھ کر دے دوں‌ گی، اگرآپ ایسا نہیں کر سکتے لوگوں کی مدد نہیں کر سکتے تو استعفیٰ دے دیں، میں سب کچھ کر لوں گی.

فیصل آباد میں شہریوں کی امداد کے حوالہ سے فرخ حبیب کے حوالہ سے شہریوں کی متعدد شکایات سامنے آئی ہیں کہ جب وہ راشن لینے یا امداد کے لئے جاتے ہیں تو فرخ حبیب امداد کی بجائے کسی اور کا نمبر دے دیتے ہیں.

الیکشن سے قبل فرخ حبیب کے پاس اپنی موٹر سائیکل تک نہ تھی اور ابھی نئی لینڈ کروزرز گاڑیاں ان کے پا س ہیں،عوام کا کہنا ہے کہ فرخ حبیب ان کے حلقے کے ایم این اے ہیں لیکن جب انہیں کسی مسئلے کے لئے فون کرتے ہیں تو وہ فون ہی نہیں سنتے،فرخ حبیب کرونا وائرس سے آگاہی کے لئے عوام کو بلا کر تقریر تو جھاڑ لیتے ہیں لیکن ابھی تک انہون نے کسی کی مدد نہیں کی.

دوسری جانب سوشل میڈیا پر بھی فرخ حبیب پر شدید تنقید کی جار ہی ہے، ایک شہری کا کہنا ہے کہ السلام عليكم فرخ حبیب صاحب ،امید ہے آپ خیریت سے ہوں گے وہ کیا ہے نا اچانک لاک ڈاؤن کی وجہ سے آپ تو گھر باہر نہیں نکل پا رہے ہوں گے ،تو ہم اہل محلہ نے پانچ پانچ روپے جمع کر کے کچھ راشن خریدا ہے آپ کے لئے ،بتائیں آپ خود لینے آئیں گے یا ہم پہنچا دیں آپ کے گھر؟؟

السلام عليكم فرخ حبیب صاحب

امید ہے آپ خیریت سے ہوں گے وہ کیا ہے نا اچانک لاک ڈاؤن کی وجہ سے آپ تو گھر باہر نہیں نکل پا رہے ہوں گے
تو ہم اہل محلہ نے پانچ پانچ روپے جمع کر کے کچھ راشن خریدا ہے آپ کے لئے

بتائیں آپ خود لینے آئیں گے یا ہم پہنچا دیں آپ کے گھر؟؟ @FarrukhHabibISF

— 💞 وسیم بھٹی 💞 ™® (@joker_WB) April 3, 2020

فرخ حبیب نے اپنے ٹویٹر اکاؤنٹ پر کہہ رکھا ہے کہ فیصل آباد میں حلقہ کا پبلک آفس لاک ڈاؤن کے پیش نظر احتیاطی تدابیر کی پیروی کرتے ہوئے 14 اپریل 2020 تک بند ہے ۔ لہذا میں خود، نبیل بھائی اور آفس کا عملہ بذریعہ ٹیلفون پبلک کیساتھ رابطہ میں ہیں۔ اس کے لئے انہوں نے نمبر بھی دیئے ہیں، فرخ حبیب کا کہنا تھا کہ میرا ذاتی نمبر 03218181400 ،میاں نبیل 03053333876 ،عبد الحسیب 03063333876 سے رابطہ کیا جا سکتا ہے لیکن جب باغی ٹی وی نے فرخ حبیب کے نمر پر کال کی تو کال ریسیو ہی نہ ہوئی.

واضح رہے کہ فرخ حبیب حلقہ این اے 108 سے فیصل آباد کے رکن قومی اسمبلی ہیں،پی ٹی آئی کے فارن فنڈنگ کیس میں بھی پارٹی کی جانب سے الیکشن کمیشن میں فرخ حبیب پیش ہوتے ہیں.