Category: اہم خبریں

حکومت 3 ماہ میں یہ کام کر کے ورنہ ہم فیصلہ دیں گے، سپریم کورٹ

باغی ٹی وی کی رپورٹ کے مطابق نیب آرڈیننس کی شق 25اے سے متعلق ازخودنوٹس کامعاملہ،سپریم کورٹ نے15جنوری کی سماعت کاتحریری حکمنامہ جاری کردیا

سپریم کورٹ کے تحریری حکم نامے میں کہا گیا ہے کہ اٹارنی جنرل کے مطابق فاروق ایچ نائیک ترمیمی بل پارلیمنٹ میں پیش کرچکے ہیں،حکومت نیب قانون میں ترمیم کےلیےاتفاق رائے پیداکرنےکی کوشش کررہی ہے،3ماہ میں مسئلہ حل نہ ہوا تو عدالت قانون اور میرٹ کو دیکھتے ہوئے فیصلہ کرے گی.

سپریم کورٹ میں نیب آرڈیننس کی شق 25 اے ازخودنوٹس کیس کی سماعت ہوئی،سپریم کورٹ نے نیا نیب قانون لانے کے لیے 3ماہ کی مہلت دے دی،عدالت نے کہا کہ توقع کرتے ہیں حکام نیب قانون سے متعلق مسئلے کو حل کرلیں گے،

چیف جسٹس نے استفسار کیا کہ کیا نیب آرڈیننس کی شق 25 اے کے معاملے پر ترمیم ہوگئی ہے؟ جسٹس اعجازا لاحسن نے کہا کہ نیب آرڈیننس کا سیکشن 25 اے ختم ہوا یا اس میں ترمیم ہوئی؟ سینیٹر فاروق ایچ نائیک نے کہا کہ سینیٹ کی قائمہ کمیٹی میں نیب آرڈیننس سے متعلق بل موجود ہے،سینیٹ قائمہ کمیٹی سے منظوری کے بعد معاملہ ایوان میں جائے گا،بل کے مطابق نیب کے آرڈیننس 25 اے کو مکمل طور پر ختم کیا جارہا ہے

چیف جسٹس نے کہا کہ کیا آپ اس معاملے پر بحث کرنا چاہتے ہیں، ہم تو معاملہ نمٹانے لگے ہیں،بحث کرنی ہے تو نیب آرڈیننس کے سیکشن 25 اے کو آئین سے متصادم ثابت کریں،کیا آپ کا موقف ہے کہ رضاکارانہ رقم کی واپسی کرنے والا شخص جرم بھی تسلیم کرے؟کیا رضاکارانہ طور پر رقم واپس کرنے والے شخص کو سزا یافتہ تصور کیا جائے؟کیا نیب آرڈیننس کے سیکشن 25 اے سے اب بھی کوئی مستفید ہورہا ہے؟

نواز شریف کے ساتھ کتنے میں ڈیل ہوئی؟ مریم نواز کو جانے دیا جائیگا یا نہیں؟ شیخ رشید نے بتا دیا

نواز شریف کی طبیعت کیسی؟ کہاں سے علاج کروانا چاہتے ہیں، مریم نے اظہار کر دیا

حریم شاہ باز نہ آئی، وفاقی وزیر کی ویڈیو لیک کرکے شرمناک الزامات عائد کر دیئے

شیخ رشید کی ویڈیو لیک، حریم شاہ پھر میدان میں آ گئی؟ کیا کہا؟

عمران خان کی ویڈیو لیک کر دوں گی، حریم شاہ کی نئی ٹویٹ کے بعد کھلبلی مچ گئی

جسٹس اعجاز الاحسن نے کہا کہ نیب کے بہت سے قوانین ہیں آپ کا مقدمہ سیکشن 25 اےسے متعلق ہے، اس حوالے سے بل حکومت کا نہیں بلکہ فاروق ایچ نائیک کا ہے، جس پر فاروق ایچ نائیک نے کہا کہ سینیٹ کی قائمہ کمیٹی میں نیب آرڈیننس سے متعلق پرائیویٹ ممبربل موجود ہے،

ایڈیشنل اٹارنی جنرل نے کہا کہ موجودہ اٹارنی جنرل کا موقف گزشتہ اٹارنی جنرل سے مختلف ہے،چیف جسٹس نے کہا کہ نیب کا قانون ہے کہ پہلے انکوائری ہوگی پھر تحقیقات، 200 گواہ بنیں گے،اس طرح تو ملزم کے خلاف زندگی بھر کیس ختم نہیں ہوگا،کرپشن کی رقم واپس کرنے والوں کو نتائج کا سامنا بھی کرنا پڑے گا،

یوم یکجہتی کشمیر پر ہو گا آزاد کشمیر میں بڑا جلسہ، وزیراعظم کریں گے خطاب

باغی ٹی وی کی رپورٹ کے مطابق وزیراعظم عمران خان نے 5فروری کوآزاد کشمیر میں بڑے عوامی جلسے کا فیصلہ کیا ہے،وزیراعظم عمران خان 5فروری کو میرپور میں عوامی جلسے سے خطاب کریں گے،چیف آرگنائزر پی ٹی آئی سیف اللہ نیازی کو جلسےکی تیاریوں کی ذمہ داری دے دی گئی.

وزیراعظم عمران خان نے کہا ہے کہ حالیہ بھارتی اقدامات سے خطے کے امن و سلامتی کو شدید خطرات لاحق ہیں , وزیر اعظم کی زیر صدارت کشمیر سے متعلق اعلیٰ سطحی اجلاس اسلام آباد میں ہوا جس میں مقبوضہ کشمیر کی موجودہ صورت حال کا جائزہ لیا گیا۔

کپتان ہو تو ایسا،اپوزیشن کی سازشوں کے باوجود وزیراعظم عمران خان کو ملی اہم ترین کامیابیاں

وزیراعظم عمران خان نے ٹرمپ سے کشمیر بارے بڑا مطالبہ کر دیا

وزیراعظم عمران خان سے چینی وزیر خارجہ کی ملاقات، اہم امور پر تبادلہ خیال

ہم اپنی سرزمین پرکسی دہشتگرد گروپ کوکام کرنے کی اجازت نہیں دیں گے، وزیراعظم

نائن الیون کے بعد پاکستان نے امریکہ کی جنگ میں شامل ہو کر بہت بڑی غلطی کی، وزیراعظم عمران خان

کشمیر سے متعلق سوال پر ٹرمپ نے کیا جواب دیا؟ جان کر ہوں حیران

اعلامیہ کے مطابق اجلاس میں مقبوضہ کشمیر سے متعلق بھارتی اقدامات کی مذمت کی گئی۔ اجلاس میں رواں سال 5 فروری کو یوم یکجہتی کشمیر بھرپور طریقے سے منانے کا فیصلہ کیا گیا۔  وزیراعظم نے کہا کہ کشمیریوں کے حق خود ارادیت کے حصول تک اخلاقی، سیاسی و سفارتی حمایت جاری رہے گی۔

اقوام متحدہ مداخلت کرے، تقریر سے کچھ نہ ہوا تو دنیا کو پتہ چل جائے گا کشمیر میں کیا ہو رہا ہے، وزیراعظم

اسلامی ممالک کو کشمیریوں کے ساتھ یکجہتی دکھانی ہوگی، وزیراعظم
یاد رہے کہ بھارت نے 5 اگست کو مقبوضہ کشمیر کی خصوصی حیثیت ختم کی ہوئی ہے جس کے بعد وادی بھر میں لاک ڈاؤن کا سلسلہ جاری ہے جبکہ مقبوضہ وادی دنیا کی سب سے بڑی جیل بنی ہوئی ہے جہاں پر 80 لاکھ مسلمانوں کے لیے 9 لاکھ بھارتی فوجی تعینات کیے گئے ہیں۔شرکا نے مقبوضہ کشمیر میں 165 روز سے جاری بھارت کے غیر انسانی لاک ڈاؤن اور 9 لاکھ قابض بھارتی افواج کے ہاتھوں کشمیریوں کے حقوق کی پامالیوں کی مذمت کی۔

ایم کیو ایم کو منانے جہانگیر ترین آج جائیں گے بہادرآبار

باغی ٹی وی کی رپورٹ کے مطابق اتحادی جماعت ایم کیو ایم کو منانے کے لئے حکومتی وفد آج پھر ایم کیو ایم کے مرکز بہادرآباد جائے گا، حکومتی وفد کی قیادت تحریک انصاف کے رہنما جہانگیر ترین کریں گے جبکہ اسد عمر اور پرویز خٹک ان کے ہمراہ ہوں گے.

خالد مقبول صدیقی کا استعفیٰ اگرچہ ابھی تک قبول نہیں ہوا،انہیں منانے کی کوشش کی جار ہی ہے، وزیراعظم نے اتحادی جماعتوں کو منانے کے لئے کمیٹی تشکیل دی تھی جو متحرک ہے، کمیٹی کی سب اتحادی جماعتوں سے ملاقاتیں ہو چکی ہیں، ق لیگ نے بھی اپنے تحفظات کے اظہار کئے، جی ڈی اے اور مینگل پارٹی نے بھی خدشات ظاہر کئے، جن کو یقین دہانیاں کروائی گئیں کہ ان کے مطالبات پورے ہوں گے.

اب حکومتی کمیٹی بہادرآباد جائے گی جہاں خالد مقبول صدیقی سے استعفیٰ واپس لینے کا کہے گی

دو روز قبل ایم کیو ایم کو منانے وفاقی وزیر اسد عمر وفد کے ہمراہ ایم کیو ایم کے بہادرآباد پہنچے جہاں ایم کیو ایم کے کنوینر خالد مقبول صدیقی نے ان سے ملاقات کی۔ ایم کیو ایم نے حکوتی وفد کے سامنے خوب گلے شکوے کئے اور شکایتوں کے انبار لگا دیئے،

اسد عمر نے خالد مقبول صدیقی کو منانے کی کوشش کی لیکن وہ نہ مانے اور اپنے استعفیٰ پر قائم رہے، خالد مقبول صدیقی نےا سدعمر سے کہا کہ جب مطالبات پورے ہوں گے پھر دیکھیں گے. ابھی تک استعفیٰ ہی رہے گا، وزارت واپس نہیں لوں گا.

خالد مقبول صدیقی کی اپنی کارکردگی کیا ہے؟ فاروق ستار نے اٹھائے سوالات

اتحادی جماعت کے رکن کا وزارت سے استعفیٰ، حکومت نے کس سے رابطہ کر لیا؟ اہم خبر

واضح رہے کہ کنوینرایم کیو ایم پاکستان خالد مقبول صدیقی نے کراچی میں پریس کانفرنس کرتے ہوئے وفاقی وزارت چھوڑنے کا اعلان کیا تھا،

وزیراعظم عمران خان نے وفاقی کابینہ اجلاس میں کہا کہ ایم کیو ایم کے تحفظات درست ہیں ،ایم کیو ایم کے جائز تحفظات دور کیےجائیں گے،تمام اتحادیوں کو ساتھ لے کر چلنا چاہتے ہیں گزشتہ روزخالدمقبول صدیقی سےرابطہ کیا،خالدمقبول صدیقی کے تحفظات تفصیل سے سنے،خالد مقبول صدیقی کا کوئی مطالبہ غلط نہیں لگا،کراچی کی پوری اونر شپ لیں گے،

حکومت کرنا آسان نہیں، جہانگیر ترین نے پنجاب کے حوالہ سے بڑے خدشے کا اظہار کر دیا

جب تک پرویز مشرف سرنڈر نہیں کریںگے اپیل دائر نہیں ہو سکتی، سپریم کورٹ کا اعتراض

باغی ٹی وی کی رپورٹ کے مطابق پاکستان کی سب سے بڑی عدالت سپریم کورٹ نے پرویز مشرف کی سزا کے خلاف اپیل کی درخواست پر اعتراض عائد کر دیئے، سپریم کورٹ نے درخواست پر اعتراض عائد کرتے ہوئے کہا کہ جب تک پرویز مشرف سرنڈر نہیں کرتے اپیل نہیں دائر ہو سکتی،

اعتراض عاید ہونے کے بعد پرویز مشرف کے وکیل نے عدالت سے دو ہفتے کا وقت مانگ لیا اور کہا کہ پھر اپیل دائر کریں گے. پرویز مشرف کے وکیل کا کہنا تھا کہ اپیل پر اعتراض غیر متوقع نہیں، فیصلے کے خلاف اپیل کی تیاری کر لی ہے، 30 دن کے اندر خصوصی عدالت کے فیصلے کے خلاف اپیل کرنا لازمی تھی، لاہور ہائیکورٹ کا تین رکن بینچ خصوصی عدالت کی تشکیل کو ہی غیر آئینی قرار دے چکا.

سابق صدرپرویز مشرف نے خصوصی عدالت کا فیصلہ سپریم کورٹ میں چیلنج کردیا،پرویزمشرف کی درخواست میں وفاق اور خصوصی عدالت کو فریق بنایا گیا ہے،

درخواست میں خصوصی عدالت کا فیصلہ کالعدم قراردینے کی استدعا کی گئی ہے، درخواست میں مزید کہا گیا ہے کہ خصوصی عدالت نے ٹرائل مکمل کرنے میں آئین کی 6 بارخلاف ورزی کی،خصوصی عدالت کے 17 دسمبر کے فیصلے سے غیر مطمئمن ہوں ،انصاف کا قتل نہ ہو اسی لیے مقررہ قانونی مدت میں اپیل دائر کی،سزا کا فیصلہ ٹرائل آئین اور ضابطہ فوجداری اور اسلامی اصولوں کی صریحاً خلاف ورزی ہے فیصلہ کالعدم قرار دیا جائے ,مشرف کے وکیل نے 67 صفحات پر مشتمل درخواست سپریم کورٹ میں دائر کی.

لاہور ہائیکورٹ نے بھی پرویز مشرف کی درخواست پر فیصلہ سنا دیا عدالت نے خصوصی عدالت کی تشکیل کو غیر آئینی قرار دے دیا ۔درخواست سابق صدر پرویز مشرف کی جانب سے دائر کی گئی تھی. کالعدم قرار دی گئی خصوصی عدالت نے آئین شکنی کیس میں‌ پرویز مشرف کو سزائے موت سنائی تھی۔

خصوصی عدالت کا فیصلہ، پرویز مشرف نے چپ کا روزہ توڑ دیا، بڑا اعلان کرتے ہوئے کیا کہا؟

پرویزمشرف بارے عدالتی فیصلہ جلد بازی کا مظاہرہ، ایسا کس نے کہا؟

وقت کا تقاضا ہے ملک پر رحم کریں، فواد چودھری نے ایسا کیوں کہا؟

پرویزمشرف فیصلہ، پیپلز پارٹی کے قمر زمان کائرہ نے ردعمل دے دیا

پرویزمشرف فیصلہ، سراج الحق بھی میدان میں آ گئے، بڑا مطالبہ کر دیا

سنگین غداری کیس میں خصوصی عدالت نے پرویز مشرف کو سزائے موت کا حکم دے دیا۔ عدالت نے آئین سے غداری کا جرم ثابت ہونے پر مختصر فیصلہ سنایا.

سابق صدر جنرل ر پرویز مشرف نے لاہور ہائیکورٹ کے فیصلے کے بعد کہا کہ میری طبیعت بہتری کی طرف گامزن ہے،ہائی کورٹ کا فیصلہ بہت اچھا ہے،ہائی کورٹ کے فیصلے سے مجھے بہت خوشی ہوئی،ہائیکورٹ نے  آئین اورقانون کےمطابق فیصلہ دیاہے،پرویز مشرف کا مزید کہنا تھا کہ صحت یابی کے لیے دعائیں کرنے پرسب کاشکریہ اداکرتاہوں،

پاکستان کی بھارتی چیف آف ڈیفنس سٹاف کے بیان کی "مذمت”

باغی ٹی وی کی رپورٹ کے مطابق پاکستان نے بھارتی چیف آف ڈیفنس اسٹاف کے بیان کی مذمت کرتے ہوئے کہا ہے کہ بپن راوت کے غیرذمہ دارانہ بیان کی سختی سے مذمت کرتے ہیں،بھارتی چیف آف ڈیفنس اسٹاف کا بیان بھارتی انتہا پسندی کا عکاس ہے،

ترجمان دفتر خارجہ نے کہا کہ جموں کشمیر میں دہشتگردی کا مرتکب بھارت دہشتگردی کے معاملے پربات نہیں کرسکتا ،جموں کشمیر کو دنیا کی سب سے بڑی جیل میں تبدیل کردیا گیاپانچ اگست2019 سے 80 لاکھ کشمیری محصور ہیں،9لاکھ بھارتی فوجی انسانی حقوق پامال کررہے ہیں، پاکستان نے عالمی برادری کو بھارت کی کوششوں سے متعدد بار آگاہ کیا ہے،

فحاشی کے اڈے پر چھاپہ، پولیس کو ملیں صرف خواتین ،پولیس نے کیا کام سرانجام دیا؟

جادو سیکھنے کے چکر میں بھائی کے بعد ملزم نے کس کو قتل کروا دیا؟

پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

واٹس ایپ پر محبوبہ کی ناراضگی،نوجوان نے کیا قدم اٹھا لیا؟

غیرت کے نام پر سنگدل باپ نے 15 سالہ بیٹی کو قتل کر دیا

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

50 ہزار میں بچہ فروخت کرنے والی ماں گرفتار

ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

ترجمان دفتر خارجہ نے مزید کہا کہ توقع کرتے ہیں کہ ایف اے ٹی ایف ممبران ان بھارتی سازشوں کو مسترد کردیں گے،جنرل بپن راوت کے غیرذمہ دارانہ بیان کی سختی سے مذمت کرتے ہیں، بھارتی بیان ایف اے ٹی ایف کی تکنیکی کارروائی کو سیاسی بنانے کی مذموم کوشش ہے،

انڈیا کر رہا ہے پاکستان کے خلاف نئی سازش، بپن روات جھوٹ بولنے سے باز نہ آئے

ہماری تہذیب اور اقدار کو شدید خطرات، تعلیمی نصاب میں کیا شامل کیا جائے؟ وزیراعظم کا حکم

باغی ٹی وی کی رپورٹ کے مطابق وزیراعظم کی زیرصدارت ہائیرایجوکیشن کمیشن سے متعلقہ معاملات پر اجلاس ہوا، اجلاس میں چیئرمین ایچ ای سی نے اصلاحات،اعلیٰ تعلیم کوجدید تقاضوں سے ہم آہنگ بنانے پربریفنگ دی.

وزیراعظم عمران خان نے کہا کہ نوجوانوں کوتعلیم تک آسان رسائی حکومت کی اولین ترجیح ہے،حکومت معاشی مشکلات کےباوجودایچ ای سی سے متعلق مالی ضروریات پوری کرے گی وزیراعظم نے وزارت خزانہ کو ایچ ای سی کےلیے مختص فنڈز کی بلاتعطل فراہمی یقینی بنانے کی ہدایت دی.وزیراعظم نے یونیورسٹی کی مالی ضروریات،وسائل کی فراہمی کےلیے کمیٹی بنا دی

وزیراعظم عمران خان کا مزید کہنا تھا کہ وزارتوں کی طرز پرایگزیکٹوڈائریکٹرایچ ای سی کواختیارات دیئے جائیں،نوجوان نسل کواسلامی ومشرقی اقدار،صوفیا کرائم کے فلسفے سے آگاہ کرنے پرتوجہ دی جائے،ہماری تہذیب اوراقدارکو مغرب اور دیگر بیرونی کلچر سے سنگین خطرات ہیں،نوجوانوں کو صوفیائے کرام اورمفکرین کے فلسفے کی سوچ سے آگاہ کیا جائے،

وزیراعظم عمران خان نے تعلیمی نصاب میں تصوف کو شامل کرنے کا حکم دیا ہے۔

چیئرمین ایچ ای سی نے وزیراعظم کو اعلی تعلیمی اصلاحات پر بریفنگ دیتے ہوئے کہا کہ موجودہ حکومت میں تعلیم کا ترقیاتی بجٹ 29 ارب روپے تک بڑھا دیا گیا،لیکن بعض عناصر منفی ایجنڈا پھیلا رہے ہیں کہ کہ وفاق نے تعلیمی بجٹ کم کیا۔

وزیراعظم عمران خان نے کہا کہ تعلیم کا بجٹ دگنا تو ہو سکتا ہے مگر کم نہیں ہوسکتا، پی ایچ ڈی اور تحقیق کا معیار مزید بلند کیا جائے، جامعات میں بچوں کو تاریخ اور تصوف نہیں پڑھایا جاتا، اب تعلیمی نصاب میں تاریخ اور تصوف کو بھی شامل کیا جائے۔

ایف اے ٹی ایف کا ایک بار پھر ڈومور، کالعدم تنظیموں کیخلاف کیا کیا؟ رپورٹ طلب

ایف اے ٹی ایف کا پاکستان کی کوششوں کا اعتراف، ڈومور بھی کہہ دیا

8 کالعدم تنظیموں کے خلاف کاروائی ،کتنے مقدمات، کتنی گرفتاریاں اور کیا سزائیں دی گئیں؟ رپورٹ سامنے آ گئی

وزیراعظم نے کہا کہ کامیاب جوان پروگرام کے تحت 130 ارب روپے نوجوانوں پر خرچ ہوں گے، نوجوانوں کی تعلیم و تربیت پر بھرپور وسائل خرچ کر رہے ہیں، غیر ضروری طور پر ٹیکس کا پیسہ ضائع نہ ہونے دیا جائے، تعلیم کے لئے مزید رقم بھی درکار ہو گی تو فوری دیں گے، حکومت پڑھے لکھے معاشرے کی اہمیت پر یقین رکھتی ہے

ایف اے ٹی ایف کا دباؤ،بلیک لسٹ سے بچنے کے لئے یہ کام کرنا ضروری،قائمہ کمیٹی میں بحث

باغی ٹی وی کی رپورٹ کے مطابق سینیٹ کی قائمہ کمیٹی داخلہ کا رحمان ملک کی زیر صدارت اجلاس ہوا،اجلاس میں مقبوضہ  کشمیر میں بھارتی مظالم کے خلاف مذمتی قرار داد متفقہ طور پر منظورکر لی گئی،

قائمہ کمیٹی اجلاس میں باہمی قانونی معاونت بل 2020 پر بحث کی گئی،سینیٹر رحمان ملک نے کہا کہ بل میں اپوزیشن کی جو ترامیم پیش کی گئیں وہ درست ہیں،وزیرحلف دیں کہ 60روز میں ترامیم کو ایوان میں لائیں گے،بلیک لسٹ سے بچنے کے لیے بل ابھی پاس کرنا ضروری ہے،بل منظور نہ کرناقومی مفاد کی نفی کرنا ہے،

ایف اے ٹی ایف کا اجلاس طلب،پاکستان سفارتی طور پر متحرک

ایف اے ٹی ایف کی ڈیمانڈ، کالعدم تنظیموں کی کتنی جائیداد ضبط کی گئی؟

سینیٹر طلحہ محمود نے کہا کہ حکومت کبھی ہماری ترامیم ایوان میں نہیں لائے گی،آج بل منظور ہو گیا تو رات گئی بات گئی والی بات ہو گی، بل میں جو اختیارات دیئےجا رہے ہیں وہ فرد واحد کے پاس ہو ں گے،سینیٹر طلحہ محمود نے سوال اٹھایا کہ حکومت جلد بازی میں کیوں کام کر رہی ہے؟

ایف اے ٹی ایف کا ایک بار پھر ڈومور، کالعدم تنظیموں کیخلاف کیا کیا؟ رپورٹ طلب

ایف اے ٹی ایف کا پاکستان کی کوششوں کا اعتراف، ڈومور بھی کہہ دیا

8 کالعدم تنظیموں کے خلاف کاروائی ،کتنے مقدمات، کتنی گرفتاریاں اور کیا سزائیں دی گئیں؟ رپورٹ سامنے آ گئی

حکومتی رکن اعظم سواتی نے کہا کہ ایف اے ٹی ایف کی تلوار سروں پر لٹک رہی ہے،ایف اے ٹی ایف کی ڈیڈلائن کے باعث بل منظور کروانا چاہتے ہیں،یقین دلاتا ہوں کہ 60 روز میں ترامیم کوبل کی صورت میں لاوَں گا،اپوزیشن کی ترامیم کو کس فورم پر زیر بحث لانا ہے یہ فیصلہ بھی کر لیں گے،