اسلام آباد:صوبوں کے درمیان پانی کی منصفانہ تقسیم کو یقینی بنایا جائے گا ۔اسی حوالے سے مشترکہ مفادات کونسل نےپانی کی تقسیم کے لیے ٹیلی میٹرز نصب کرنے کی منظوری دے دی

 

یونیورسٹی کےنصاب سےآزادی اظہار کےاسباق نکال دیے،بےلگام آزادی بربادی ہے،چینی حکام

تفصیلات کے مطابق وزیراعظم نے صوبائی حکومتوں کو بنیادی عوامی مسائل حل کرنے کی ہدایت کی ہے۔یادرہےکہ مشترکہ مفادات کونسل بحث کے بعد اتفاق رائے پیدا کرنے کا پلیٹ فارم ہے، اجلاس میں 23نکاتی ایجنڈا نکات پر غور کیا گیا ۔

 

بھارت کے حالات بہت خراب ہیں،کسی بھی وقت کچھ ہوسکتا ہے، چین

ذرائع کے مطابق صوبوں کے درمیان نیٹ ہائیڈل کے معاملے پر تفصیلی غور کیا گیا، اجلاس میں نیٹ ہائیڈل کے معاملے پر اعلیٰ سطح کمیٹی تشکیل کرنے کا فیصلہ بھی کیا گیا ہے تاکہ صوبوں میں پانی کی منصفانہ تقسیم یقینی بنایا جائے۔ دوسری جانب تکنیکی معاملات پر ماہرین کی کمیٹی بنانے کا فیصلہ بھی کیا گیا ہے ۔

 

نسیم شاہ پانچ وکٹ لینےوالےکم عمرترین فاسٹ بالربن گئے،خوشی کے موقع پرماں کی یاد…

اجلاس میں فیصلہ کیا گیا کہ صوبے ایک دوسرے کے حوالے سے تحفظات ہمیشہ کے لیے دور کریں گے۔پانی کی منصفانہ تقسیم کے لیے ٹیلی میٹری نظام نصب کرنے کا فیصلہ ہوا ہے جس کے لیے 4ہفتے میں جائزہ لے کر منصوبے کا پی سی ون تیار کیا جائے گا۔

 

نامورشخصیات نے دنیا میں بھی نام کمایا اورجوحافظ قرآن بھی ہیں!

ذرائع کے مطابق اس اجلاس میں پھر اس عزم کودہرایا گیا کہ سی سی آئی اجلاس توانائی منصوبے ہر صوبے کا حق ہے۔توانائی منصوبوں کی منظوری سے قبل نیپرا کو اعتماد میں لیا جائے گا۔ اسی اجلاس میں فیصلہ کیا گیا کہ واپڈا چیف ایگزیکٹو کیلئے قابل شخصیت کے انتخاب کیا جائے گا۔

پاکستان سے پولیوکے خاتمہ کے لیے تمام وسائل بروئے کارلائیں گے،ڈاکٹرظفرمرزا

قیمتوں کو کنٹرول میں رکھنے کے لیے طے کیا گیا کہ اشیائے خورد و نوش کی قیمتوں کا تعین وفاقی حکومت کرے گی اور صوبائی حکومتیں ان اشیائے خوردونوش کے معیار کو یقینی بنائی جائے گی۔ اجلاس می میں تیل کی تلاش و پیداوار کی پالیسی کی منظوری دی گئی جبکہ ایل این جی کے حوالے سے سندھ کے تحفظات دور کیے جا چکے ہیں۔

حکومت نےڈینگی سےبچاوکےلیےآسٹریلین ٹیکنالوجی استعمال کرنےکا فیصلہ کرلیا

وزیر اعظم نے ہدایت کی کہ صوبے آباد ی میں اضافے کے حوالے سے اقدامات کریں۔ یکساں نصاب اور یکساں نظام تعلیم کیلئے صوبائی حکومتیں مل کر لائحہ عمل طے کریں۔

مقبوضہ کشمیر کے عوام کے لیے ویزہ پالیسی میں‌ تبدیلی کی خبریں بے بنیاد ہیں،

اجلاس میں مستقبل میں ایل پی جی کی رائلٹی سیلز پرچیز کی بنیاد پر ہو گی ،گیس کی رائلٹی کا تعین کرتے ہوئے صوبوں کو اعتماد میں لیا جائے گا۔ دوسری جانب اجلاس میں قابل تجدید توانائی پر تفصیلی غور کیا گیا۔ فیصلہ کیا گیا کہ صوبائی حکومتیں قابل تجدید توانائی منصوبے شروع کر سکیں گی۔

ترکی کو دنیا میں مثالی ملک بنایا جائے گا:ترک صدررجب طیب ایردوان

اجلاس میں اوگرا آرڈیننس 2002میں ترامیم کی منظوری دی گئی،وفاقی حکومت مزدوروں کے حقوق کے تحفظ کیلئے اقدامات کرے گی۔صوبے ورکرز ویلفیئرز فنڈ کے حوالے سے پالیسی تشکیل دیں گے۔

منشیات کیس، رانا ثناء اللہ کی ضمانت ہو گی یا نہیں؟ سب فیصلے کے منتظر

باغی ٹی وی کی رپورٹ کے مطابق مسلم لیگ ن کے رکن قومی اسمبلی رانا ثناء اللہ کی درخواست ضمانت پر فیصلہ آج سنایا جائے گا،لاہور ہائیکورٹ نے گزشتہ روز سماعت کے بعد فیصلہ محفوظ کیا تھا، دوران سماعت اینٹی نارکوٹکس فورس کے پرا سیکیو ٹر کی طرف سے استدعا کی گئی ،عدالت ہمیں ڈائریکشن جاری کر دے ہم ایک ماہ میں مقدمہ کا ٹرائل مکمل کر لیں گے، اگر رانا ثناءاللہ بے قصور ہوئے تو ٹرائل میں بری ہو جائیں گے، رانا ثناءاللہ کے وکلا ءنے موقف اختیار کیا رانا ثنااللہ کوحکومت پر تنقیدکرنے پرانتقام کا نشانہ بنایا گیا، رانا ثنااللہ کوحکومت کی جانب سے دی گئی سکیورٹی وقوعہ سے تیرہ رو ز قبل واپس لے لی گئی،رانا ثنااللہ سے منشیات برآمدگی کے وقت کی کوئی ویڈیو یا تصویر موجود نہیں،رانا ثناء اللہ کی اے این ایف کے تھانے میں سلاخوں کے پیچھے گرفتاری کی تصویر جاری کی گئی،دعوے کے برعکس رانا ثناء اللہ کی مال مسروقہ کیساتھ تصویر جاری نہیں کی گئی،ساڑھے اکیس کلو وزنی سوٹ کیس راناثناء اللہ سے برآمد کرنے کاالزام لگایا گیا ،قانون کے برعکس موقع پرتعین نہیں کیا گیا کہ سوٹ کیس میں کیا تھا،گرفتاری کے وقت قبضے میں لی گئی چیزوں کو موقع پر میمو میں درج نہیں کیاگیا،جائے وقوعہ پرنقشہ بنانے کی بجائے اگلے دن نقشہ بنایا گیا جو الزامات کومشکوک ثابت کرتا ہے،رانا ثناء اللہ کے وکلاءنے کہا ایف آئی آر میں 21 کلو گرام ہیروئن سمگلنگ کا لکھا گیا جبکہ بعد میں اسکا وزن 15 کلو گرام ظاہر کیا گیا، رانا ثناءاللہ اس سے قبل ہی فتاری کے خدشے کا اظہار کیا تھا پھر بے بنیاد مقدمہ میں گرفتار کر لیا گیا،

اگر ہم ذاتیات پر اتر آتے تو رانا ثناء اللہ…………..شہریار آفریدی نے کیا کہہ دیا

میرے سامنے کبھی کسی نے یہ "کام” نہیں کیا، رانا ثناء اللہ نے کیا کہہ دیا

رانا ثناء اللہ کو گھر کا کھانا ملے گا یا نہیں؟ عدالت نے محفوظ فیصلہ سنا دیا

عدالت نے پوچھا کہ ہائیکورٹ میں پہلے دائر کی گئی درخواست ضمانت کا آرڈر بتائیں، وکلاءنے کہا وہ درخواست اسلئے وا پس لی تھی کہ سیف سٹی اتھارٹی کی فوٹیجز مل گئی تھیں،فوٹیجز کی صورت میں نئی گراﺅنڈ بن گئی تھی اسلئے درخواست واپس لی،جسٹس چودھری مشتاق احمد نے کہا 2 دفعہ ٹرائل کورٹ میں ضمانت کی درخواست دائر ہو چکی ہے؟ ملزم کے وکیل اعظم نذیر تارڑ نے کہا جی 2 بار درخواستیں دائر کیں،رانا ثناءاللہ کیخلاف کیس میں فرد جرم عائد نہیں ہوئی، ملزم کے دوسرے وکیل سید زاہد بخاری نے عدالت کو ایف آئی آرکے مندرجات سے آگاہ کیا اور بتایا کہایف آئی آر کے مطابق اے این ایف تھانہ سے 22 کلو میٹر دور روای ٹول پلازہ پر رانا ثناءاللہ کو روکا گیا، ان کی گاڑی میں ڈرائیور عامر رستم اور فرنٹ سیٹ پر عامر فاروق موجود تھے، ملزم عثمان احمد، محمداکرم، سبطین ڈبل کیبن ڈالے میں موجود تھے، اے این ایف حکام ایف آئی آر کے مطابق سوا 4 بجے تھانے پہنچے، ایف آئی آرکے مطابق ہیروئن مو قع پر برآمد نہیں ہوئی بلکہ تھانے میں جا کر ملزمان کے سامنے سوٹ کیس سے ہیروئن نکالنے کا عمل تحریر کیا گیا، وکیل نے مزید کہا وقوعہ سے قبل رانا ثناءاللہ نے کچھ بیان دیئے جس میں انہوں نے اپنی گرفتاری کے خدشے کا اظہار کیا تھا، عدالت نے کہا کیا اخباروں کے تراشے اس موقع پر زیر غور آ سکتے ہیں؟ جو کالم پیش کیا جارہا ہے وہ یہ تو 4 جولائی جبکہ مقدمہ یکم جولائی کا ہے؟ اخباری کالم تو کیس میں بطور ثبوت پیش نہیں کیا جا سکتا، سید زاہد بخاری ایڈووکیٹ نے کہا آپ دیکھ لیں تسلیم کرنا نہ کرنا عدالت کے اختیار میں ہے، حامد میر، اعزاز سید اور حسن نثار نے اپنے کالموں میں ساری کہانی بتائی ہے، عدالت نے کہا نہیں تو کیا آ پ ان صحافیوں کو بطور گواہ عدالت میں پیش کریں گے؟ وکیل نے کہا حسن نثار، اعزاز سید اور حامد میر رانا ثناءاللہ کی طرف سے بطور گوا پیش ہونگے، ان تمام صحافیوں نے ہمیں یقین دہانی کروائی ہے اگر ضرورت ہوئی تو وہ پیش ہونگے، آج تک کوئی بھی ویڈیو سامنے نہیں آئی،رانا ثناءاللہ نے 8 سال قانون کی وزا ر ت سنبھالی ہے، کالعدم جماعتوں کیخلاف کارروائی کی،

رانا ثناء اللہ ایک بار پھرمشکل میں پھنس گئے، حکومت نے اب کیا کیا؟ جان کر ہوں حیران

رانا ثناء اللہ کیس کی سماعت کرنیوالے جج کا تبادلہ، ضمانت کیس کی سماعت ملتوی

رانا ثناء اللہ نے سینئر صحافی و اینکر پرسن مبشر لقمان کوجیل سے لکھا خط، کیا کہا؟

اے این ایف کے پرسیکیوٹر نے کہا رانا ثناءاللہ کی دوسری درخواست ضمانت قابل سماعت نہیں ، ہائیکو ر ٹ میں پہلے دائر درخواست میں موجود ہ درخواست والی ہی گراﺅنڈز موجودہیں، اے این ایف ریاستی ایجنسی ہے حکومتی نہیں ، یہ ریاست کا مقدمہ ہے کسی حکو مت کا مقدمہ نہیں ، عدالت نے کہا وہ کہتے ہیں کہ آپ نے افغانوں کا ریمانڈ نہیں لیا گیا اور نہ ہی انہیں گرفتار کیا، پراسیکیوٹر نے کہا منشیات برآمدگی ازخود ایک جرم ہے اور رانا ثناءاللہ سے یہ منشیات برآمد ہوئی ہیں، اسی وجہ سے دوسرے ملزموں کو گرفتار نہیں کیا گیا، عدالت کے استفسار پر بتایا گیا رانا ثناءاللہ کیخلاف کل 6 افراد گواہ ہیں جن میں مدعی، ریکوری میمو بنانے والا اور دیگر لوگ شامل ہیں،رانا ثناء اللہ کا جرم ناقابل ضمانت ہے، اینٹی نارکوٹکس قانون کی دفعہ 9 سی کے مقدمہ میں موت کی سزا ہے، رانا ثناء اللہ کے وکیل احسن بھون نے کہا پراسکیوشن نے ابھی تک یہ ثابت نہیں کیا رانا ثناء اللہ سے منشیات برآمد ہوئی۔ پراسیکیوٹر نے کہا منشیات کی کیمیکل کی تجزیاتی رپورٹ آ چکی ، وکیل صفائی منشیات برآمدگی کے سوا تمام وقوعہ کی کارروائی کو تسلیم کرتے ہیں، اے این ایف کی ساکھ پر کبھی بھی شک نہیں کیا جاسکتا، پولیس کیسز میں ایسا ہوتا ہے جہاں اپنی طرف سےمنشیات ڈال دی جاتی ہیں، ٹرائل کورٹ نے غیرقانونی طور پر ویڈیو ریکارڈ طلب کیا۔عدالت نے فریقین کی بحث مکمل ہونے پر اپنا فیصلہ محفوظ کر لیا جو آج 24دسمبر کو دوپہر 2بجے سنایا جائیگا۔

جنہوں نے گاجریں کھائیں ان کے پیٹ میں درد تو ہو گا، فردوس عاشق اعوان کی مشترکہ مفادات کونسل اجلاس کے بعد بریفنگ.
2020ءملکی معاشی ترقی اور خوشحالی کا سال ہو گا اور عوام کو ریلیف ملے گا۔

اسلام آباد ۔ 23 دسمبر (اے پی پی) مشترکہ مفادات کونسل نے نیٹ ہائیڈل کے معاملے پر اعلیٰ سطح کی کمیٹی تشکیل دینے، پانی کی منصفانہ تقسیم کے لئے ٹیلی میٹری نظام نصب کرنے، تیل کی تلاش و پیداوار کی پالیسی کی منظوری، اشیائے خورد و نوش کی قیمتوں کے تعین کا اختیار وفاقی حکومت کو دینے اور اوگرا آرڈیننس 2002ءمیں ترمیم کی منظوری دی ہے۔

پیر کو وزیرِ اعظم عمران خان کی زیر صدارت مشترکہ مفادات کونسل کا 41 واں اجلاس منعقد ہوا۔ اجلاس میں چاروں صوبوں کے وزرائے اعلیٰ نے شرکت کی۔ اجلاس کے بعد میڈیا کو بریفنگ دیتے ہوئے وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے بتایا کہ وزیرِ اعظم نے شرکاءکو خوش آمدید کہتے ہوئے کہا کہ مشترکہ مفادات کونسل ایک اہم پلیٹ فارم ہے جس پر تمام حل طلب معاملات کو مشاورت سے خوش اسلوبی کے ساتھ حل کرنے میں مدد ملتی ہے اور صوبوں کے مفادات کا تحفظ کرتے ہوئے وفاق کو مستحکم اور عوام کے حقوق کا تحفظ یقینی بنایا جاتا ہے۔

انہوں نے کہا کہ بحثیت وزیرِ اعظم ان پر پاکستان کے عوام اور تمام صوبوں کے عوام کے حقوق کے تحفظ کو یقینی بنانے کی ذمہ داری ہے جس کو نہایت خلوص سے پورا کیا جائے گا۔ انہوںنے کہا کہ ملک کے مفاد اور خصوصاً پاکستان کے عوام کے مفاد کے لئے تمام صوبائی وزرا اعلیٰ سیاسی نظریات سے بالاتر ہوکر باہمی مشاورت سے ہر معاملے پر باہمی مشاورت سے لائحہ عمل تشکیل دیں تاکہ حکومتی فیصلوں کے ثمرات عوام تک پہنچ سکیں۔ وزیرِ اعظم نے کہا کہ جمہوریت میں بات چیت کے ذریعے معاملات کا حل اور مستقبل کا لائحہ عمل مرتب کرنا جمہوریت کا حسن ہے۔

انہوں نے کہا کہ مسائل کے حل کے ضمن میں عوام کی نظریں اپنے منتخب نمائندوں اور منتخب کردہ حکومتوں پر ہیں ۔ انہوں نے کہا کہ عوام کی توقعات پر پورا اترنے کے لئے ضروری ہے کہ ملکی مفادات کو مقدم رکھتے ہوئے عوام کی بہتری کے لئے مل کر کام کیا جائے۔ اجلاس کے آغاز میں مشترکہ مفادات کونسل کے گزشتہ فیصلوں پر عمل درآمد کی پیش رفت کا جائزہ لیا گیا۔

معاون خصوصی برائے اطلاعات و نشریات نے بتایا کہ اجلاس کو نیٹ ہائیڈل منافع اور اس ضمن میں صوبوں کے درمیان طے پانے والے اے جی ایم قاضی فامولے پر تفصیلی بریفنگ دی گئی۔ اجلاس میں فیصلہ کیا گیا کہ اس معاملے میں دستور کی متعلقہ شق پر عمل درآمد کو یقینی بنانے کے لئے ایک اعلیٰ سطحی کمیٹی تشکیل دی جائے گی جو زمینی حقائق، مالی اور دیگرعوامل کو مد نظر رکھتے ہوئے مستقبل کے لئے لائحہ عمل مرتب کرنے کے لئے سفارشات مرتب کرے گی۔ وزیرِ اعظم نے ہدایت کی کہ سفارشات مرتب کرتے ہوئے اس امر کو مدنظر رکھا جائے کہ نیٹ ہائیڈل منافع کے معاملے میں صوبوں کے جائز حقوق کا تحفظ ہو اور اس معاملے کا قابل عمل حل نکالا جائے۔

انہوں نے بتایا کہ اجلاس میں ملک میں پانی کے وسائل کی تقسیم کے حوالے سے اٹارنی جنرل کی سفارشات پیش کیں۔ وزیرِ اعظم نے کہا کہ پانی کے وسائل کی تقسیم نہ صرف منصفانہ ہو نی چاہیے بلکہ تمام صوبوں کے عوام کو اس بات کا پختہ یقین ہو کہ پانی کے وسائل کی منصفانہ تقسیم ہو رہی ہے۔ اجلاس میں فیصلہ کیا گیا کہ پانی کے تقسیم کے معاملے میں قانونی ماہرین اور پانی سے متعلقہ تکنیکی ماہرین ملکر سفارشات مرتب کریں۔ کمیٹی ایک ماہ میں سفارشات مرتب کرکے مشترکہ مفادات کونسل کے سامنے پیش کرے گی۔ انہوں نے بتایا کہ اجلاس میں فیصلہ کیا گیا کہ ملک میں پانی کی مقدار جاننے کے لئے ٹیلی میٹری نظام کی جلد از جلد تنصیب یقینی بنائی جائے گی۔ معاون خصوصی ڈاکٹر فردوس عاشق اعوان نے بتایا کہ سی آربی سی (چشمہ رائٹ بنک ) کنال خیبر پختونخوا کے معاملے پر گفتگو کرتے ہوئے فیصلہ کیا گیا کہ آئندہ چار ہفتوں میں اس منصوبے کے تخمینوں کا جائزہ لے کر پی سی ون سے متعلق آگاہ کیا جائے گا۔ ماضی میں نیٹ ہائیڈل پرافٹس کی مد میں صوبوں کو ادائیگیوں کے لئے واپڈا کی جانب سے 105ارب روپے کے قرض پر واجب الادا سود کی ادائیگی کے ضمن میں یہ فیصلہ کیا گیا کہ گیارہ ارب روپے کی اس رقم کو نیپرا کے ٹیرف کے ذریعے ایڈجسٹ کیا جائے گا۔

انہوں نے بتایا کہ چشمہ جہلم لنک کنال پر 25 میگا واٹ کے پاور پلانٹ کی تعمیر کے معاملے پر ارسا کی جانب سے این او سی کے معاملے پر صوبہ سندھ کے تحفظات پر گفتگو کرتے ہوئے اجلاس میں فیصلہ کیا گیا کہ چشمہ لنک کنال پر مذکورہ پاور پلانٹ کی تعمیر اور اس بجلی کی قیمت وغیرہ جیسے پہلوﺅں کا توانائی کے شعبے میں25 سالوں کی منصوبہ بندی کے تناظر میں تفصیلی جائزہ لیا جائے۔اس ایجنڈے کو اگلے اجلاس تک موخر کر دیا گیا۔ چئیرمین اور ممبر واپڈا کی تقرری کے حوالے سے قواعدو ضوابط پر غور کرتے ہوئے یہ فیصلہ کیا گیا کہ چئیرمین واپڈا کی تقرری وفاقی حکومت کا اختیار ہے۔ اجلاس میں فیصلہ کیا گیا کہ پالیسی کی سطح پر واپڈا بورڈ میں تمام صوبوں کی نمائندگی کو یقینی بنایا جائے اور چئیرمین کے عہدے کے لئے تمام صوبوں کو موقع ملنا چاہیے۔ اجلاس میں فیصلہ کیا گیا کہ واپڈا جیسے اہم قومی ادارے کی سربراہی (چیف ایگزیکٹو) کے لئے قابل ترین فرد کا انتخاب کیا جانا چاہیے۔ اجلاس میں فیصلہ کیا گیا کہ اس حوالے سے واپڈا کے قانون میں ترمیم کی جائے گی۔

معاون خصوصی ڈاکٹر فردوس عاشق اعوان نے بتایا کہ اجلاس میں پٹرولیم (تلاش و پیداوار) پالیسی 2012 میں ترامیم کی منظوری دی گئی۔ ان ترامیم کی رو سے فیصلہ کیا گیا ہے کہ جہاں ایکسپلوریشن کے لائسنسز میں توسیع کی شق ڈالی گئی ہے وہاں اس عمل میں صوبوں کوبھی اس عمل میں شراکت دار بنایا گیا ہے۔ انہوں نے بتایا کہ ایل این جی کی امپورٹ کے معاملے میں صوبہ سندھ کے تحفظات کا جائزہ لیا گیا۔ اجلاس کو بتایا گیا کہ ایل این جی کے معاملے میں سندھ کے بیشتر تحفظات حل کیے جا چکے ہیں۔ ایل این جی کے حوالے سے آئین کے آرٹیکل 158اور ایل این جی کی بطورگیس یا پٹرولیم پراڈکٹ تعین کرنے کے لئے معاون خصوصی ندیم بابر اور وزیرِ اعلیٰ سندھ معاملات بات چیت کے ذریعے طے کریں گے۔ انہوں نے بتایا کہ پاکستان اسٹینڈرڈز اینڈ کوالٹی کنٹرول اتھارٹی اور صوبائی فوڈ اتھارٹیز کے درمیان ہم آہنگی کو یقینی بنانے کے لئے فیصلہ کیا گیا ہے کہ معیار کا تعین (اسٹینڈرڈز) وفاقی سطح پر کیا جائے گا اور اس عمل میں تمام صوبوں کے نمائندے شامل ہوں گے جبکہ معیار پر عمل درآمد کو صوبائی اور ضلعی انتظامیہ کی سطح پر یقینی بنایا جائے گا۔ اس اقدام کا مقصد کاروباری برادری کی مشکلات کو دور کرنا ہے۔

معاون خصوصی نے بتایا کہ اجلاس میں حویلی بہادر شاہ (1230 میگاواٹ) اور بلوکی پاور پلانٹ (1223 میگاواٹ) کی نجکاری کے حوالے سے آگاہ کیا۔ انہوں نے بتایا کہ آبادی میں اضافے پر کنٹرول کے لئے وفاقی اور صوبائی سطح پر قائم ٹاسک فورس کی اب تک پیش رفت پر اجلاس کو بریفنگ دی گئی۔ اجلاس میں وزیرِ اعظم کی طرف سے باقاعدہ طور پر صدر پاکستان کو گزارش کی گئی کہ وہ وفاقی ٹاسک فورس کے اجلاس کی صدارت کریں۔ انہوں نے کہا کہ ہائر ایجوکیشن کے معاملے پر مشترکہ مفادات کونسل کے گذشتہ فیصلوں پر عمل درآمد کا بھی جائزہ لیا گیا۔ اجلاس میں فیصلہ کیا گیا کہ ہائر ایجوکیشن کے شعبے میں ملک بھر میں یکساں معیار کو یقینی بنانے کے ضمن میں ہائر ایجوکیشن کمیشن کے کلیدی کردار پر تمام صوبوں میں اصولی اتفاق پایا جاتا ہے۔ اجلاس میں فیصلہ کیا گیا کہ یکساں تعلیمی اور تحقیقی معیار کے مقصد کے حصول کے لئے تفصیلات کو باہمی مشاورت سے طے کیا جائے گا۔ اجلاس کے دوران وزیرِ اعظم نے چئیرمین ہائر ایجوکمیشن کو ہدایت کی کہ یونیورسٹیوں میں تعلیمی معیار کو بہتر بنانے کے لئے جامع سفارشات پیش کی جائیں۔ انہوں نے بتایا کہ صحت اور آبادی کے منصوبوں کی فنڈنگ کے ایجنڈے پر غور کرتے ہوئے بتایا گیا کہ ان منصوبوں میں نیشنل پروگرام فار فیملی پلاننگ اینڈ پرائمری ہیلتھ کیئر (لیڈی ہیلتھ ورکرز پروگرام)، نیشنل میٹرنل، نیونیٹل اینڈ چائلڈ ہیلتھ پروگرام، ایسکپینڈڈ پروگرام آن امیونائزیشن، رول بیک ملیرئیل کنٹرول پروگرام، نیشنل ٹی بی پروگرام، نینشنل پروگرام فار پریوینشن اینڈ کنٹرول آف بلائنڈنس، نیشنل پروگرام فار پریوینشن اینڈ کنٹرول آف ایقئین پینڈیمک انفلوئنزا، پرائم منسٹر پروگرام فار پریوینشن اینڈ کنٹرول آف ہیپا ٹائٹس، پاپولیشن ویلفیئر پروگرام جیسے پروگرام شامل ہیں۔ وزیرِ اعظم نے کہا کہ صحت کے شعبے میںدرپیش چیلنجز اس بات کے متقاضی ہیں کہ چاروں صوبائی وزرائ، صوبائی ہیلتھ سیکرٹریز اور قومی سطح پر قائم کردہ ہیلتھ ٹاسک فورس باہمی مشاورت سے صحت کے معاملے میں قومی سطح پر نیشنل ایکشن پلان مرتب کریں تاکہ عوام کی صحت کو لاحق خطرات بشمول بڑی بیماریوں کے خلاف جامع لائحہ عمل تشکیل دیا جا سکے۔ وزیرِ اعظم نے ہدایت کی کہ آئندہ چند دنوں میں اس سلسلے میں پہلا باقاعدہ اجلاس منعقد کیا جائے۔ اجلاس میں فیصلہ کیا گیا کہ مرتب کی جانے والی سفارشات کو آئندہ اجلاس میں پیش کیا جائے۔

انہوں نے کہا کہ اجلاس میں فیصلہ کیا گیا کہ گاڑیوں کے ودہولڈنگ ٹیکس اور پانچ فیصد سروسز چارجز کی مد میں فیڈرل گورنمنٹ کی جانب سے کٹوتیوں کے حوالے سے بلوچستان کے تحفظات کو حل کیا جائے گا۔ چیئرمین ایف بی آر نے بتایا کہ موجودہ حکومت کے دور میں صوبائی حکومتوں کے اکاﺅنٹ سے ایف بی آر کی جانب سے کوئی کٹوتی نہیں کی گئی۔ ایف بی آر کی جانب سے بتایا گیا کہ سابق ادوار میں صوبہ سندھ اور پنجاب کے اکاﺅنٹ سے کی جانے والی کٹوتی کا معاملہ عدالت میں زیر التواہے۔ عدالت کے فیصلے کی روشنی میں مزید اقدام کیے جائیں گے۔ تاہم اجلاس میں فیصلہ کیا گیا کہ وفاقی حکومت اور صوبائی حکومت آپس میںاس معاملے کو حل کرے گی۔ انہوں نے کہا کہ اجلاس میں فیصلہ کیا گیا کہ مستقبل میں ایل پی جی پر رائلٹی کا تعین گیس سیل پرائس کی بنیاد پر کیا جائے گا۔ ماضی میں دی جانے والی کنسیشن پر رائلٹی کے تعین کا فیصلہ صوبائی حکومتوں اور متعلقہ کمپنیوں کی مشاورت سے کیا جائے گا۔ انہوں نے کہا کہ اجلاس میں آئین کے آرٹیکل 158اور172(3) کی تشریح کے حوالے سے اتفاق رائے پیدا کرنے کی غرض سے کمیٹی تشکیل دی گئی۔ انہوں نے بتایا کہ اجلاس میں قابل تجدید ذرائع سے توانائی کی پیداوار کے حوالے سے پالیسی 2019کے بارے میں تفصیلی بریفنگ دی گئی۔ اجلاس نے قابل تجدید انرجی کے حوالے سے پالیسی کی اصولی منظوری دی۔ اجلاس میں اوگرآرڈیننس 2002 میں ترمیم کی منظوری دی گئی۔

انہوں نے بتایا کہ اجلاس میں ایمپلائیز اولڈ ایج بینیفٹ انسٹی ٹیوشن اور ورکرز ویلفیئر فنڈ کو صوبوں کے حوالے سے تجویز کا بھی تفصیلی جائزہ لیا گیا۔ اس ضمن میں مشترکہ مفادات کونسل کی جانب سے قائم کردہ کمیٹی کی سفارشات پیش کی گئیں۔ اجلاس کو بتایا گیا کہ اس ضمن میں 140سے زائد ملکوں میں رائج نظام کو دیکھا گیا ہے۔ ان تمام ملکوں میں اولڈ ایج اور بزرگ شہریوں کی ویلفیئر کے معاملات کو وفاقی حکومت کی سطح پر دیکھا جاتا ہے۔ انہوں نے بتایا کہ وزیرِ اعظم نے کہا کہ بدقسمتی سے ماضی میں لیبر کے حقوق کے تحفظ پر مناسب توجہ نہیں دی گئی۔ انہوں نے کہا کہ اس معاملے پر سنجیدگی سے غور چاہیے۔ انہوں نے کہا کہ وہ اختیارات کی منتقلی پر پختہ یقین رکھتے ہیںتاہم لیبر کی ویلفیر اور پینشن کے معاملات اس امر کے متقاضی ہیں کہ ان کو مرکزی حکومت کی سطح پر دیکھا جائے تاکہ ان ملازمین جنہوں نے اپنی عمر کے بہترین حصے میں ملک کے مختلف حصوں اور مختلف صوبوں میں خدمات سرانجام دی ہیں، ان کے حقوق کا تحفظ کیا جا سکے۔

بعد ازاں صحافیوں کے سوالات کے جواب دیتے ہوئے ڈاکٹر فردوس عاشق اعوان نے کہا کہ وزیراعظم نے تحمل سے تمام صوبوں کا نقطہ نظر سنا، عوام کی بہتر انداز میں خدمت وزیراعظم کی ترجیح ہے۔ انہوں نے کہا کہ منفی پروپیگنڈا کے باعث پولیو پر قابو پانے میں مشکلات کا سامنا کرنا پڑا۔ انہوں نے کہا کہ پرچی پر چیئرمین بننے والا بلاول عمران خان کو منتخب وزیراعظم نہیں مانتا، بلاول بھٹو دوہرے معیار پر چل رہے ہیں، وزیراعظم پیپلز پارٹی کے نہیں سندھ کے وزیراعلیٰ سے مل رہے تھے، وزیراعظم نے سب سے زیادہ وقت وزیراعلیٰ سندھ کو دیا، وزیراعظم کسی صوبے سے سوتیلی ماں کا سلوک نہیں کرنا چاہتے۔ انہوں نے کہا کہ احسن اقبال کی گرفتاری سے حکومت کا کوئی تعلق نہیں، جنہوں نے گاجریں کھائی ہیں ان کے پیٹ میں درد تو ہو گا، ہم نے قانون کو طاقت ور کے چنگل سے آزاد کرا لیا ہے، قانون اپنا راستہ خود بناتاہے،اسے کوئی چیلنج نہیں کر سکتا۔ انہوں نے کہا کہ 2020ءملکی معاشی ترقی اور خوشحالی کا سال ہو گا اور عوام کو ریلیف ملے گا۔

کشمیر کے معاملے پر کوئی سمجھوتہ نہیں ہوگا، آرمی چیف جنرل قمر جاوید باجوہ

باغی ٹی وی رپورٹ کے مطابق آرمی چیف جنرل قمر جاوید باجوہ نے کہا ہے کہ ہماری امن کی خواہش کو کمزوری نہ سمجھا جائے، مسئلہ کشمیر پر کسی قیمت پر کوئی سمجھوتہ نہیں کیا جائے گا۔
پاک فوج کے ترجمان میجر جنرل آصف غفور کی جانب سے جاری ٹویٹ میں کہا گیا ہے کہ آرمی چیف نے لائن آف کنٹرول اور سی ایم ایچ مظفر آباد کا دورہ کیا۔ انہوں نے ہسپتال میں زیر علاج زخمیوں اور مریضوں کی عیادت کی۔

آئی ایس پی آر کے مطابق آرمی چیف جنرل قمر جاوید باجوہ نے مادر وطن کی حفاظت پر مامور فوجی افسروں اور جوانوں کے جذبے کو سراہا اور کہا کہ ہم کسی بھی مس ایڈونچر کا منہ توڑ جواب دینے کی صلاحیت رکھتے ہیں۔ مادر وطن کی حفاظت کے لیے کسی بھی مہم جوئی کا جواب دینے کے لیے بھرپور انداز میں تیار ہیں۔

آرمی چیف جنرل قمر جاوید باجوہ کا کہنا تھا کہ ہماری امن کی خواہش کو کمزوری نہ سمجھا جائے۔ ہم اپنے مادر وطن کی حفاظت کے لیے پوری طرح تیار ہیں۔ مسئلہ کشمیر کے معاملے پر کسی قیمت پر کوئی سمجھوتہ نہیں کیا جائے گا۔

COAS visited LOC, CMH Mzd. “Our quest for peace must never be misconstrued as weakness. There will never be a compromise on Kashmir whatever the cost. We are capable & fully prepared to thwart any misadventure/aggression for defence of our motherland”, COAS. pic.twitter.com/R0vUCzYD0q

— DG ISPR (@OfficialDGISPR) December 23, 2019

مسلم لیگ ن کے رہنما احسن اقبال کو نیب راول پنڈی نے گرفتار کرلیا،احسن اقبال کو نارووال اسپورٹس سٹی کرپشن کیس میں آج نیب نے طلب کیا تھا،نیب راولپنڈی کی جانب سے احسن اقبال کو 23 دسمبر بروز پیر کو طلبی کا سمن جاری کیا گیا تھا۔

گزشتہ روز احسن اقبال کی جانب سے جاری بیان میں کہا گیا تھا کہ نیب کے بلوانے پر ضرور جائیں گے۔ سپورٹس سٹی منصوبہ میں کوئی کرپشن نہیں کی۔ میرا اس منصوبہ کے تعمیراتی کام سے کوئی تعلق نہیں، کرپشن کے بے بنیاد الزامات سے کردار کشی کی جا رہی ہے۔

احسن اقبال نے کہا کہ نارووال ہندوستان کا حصہ نہیں، پاکستان میں ہے۔ پشاور بی آر ٹی کے ہوتے کسی اور منصوبے کی تفتیش ایک مذاق ہے۔ انہوں نے الزام عائد کیا کہ عمران خان نیازی کی فرمائش ہے کہ مسلم لیگ ن کے سینئر لیڈر اندر کریں۔

احسن اقبال کےخلاف نارووال اسپورٹس کمپلیکس مقدمہ گوجرانوالہ سےاسلام آبادمنتقل کر دیا گیا، چیئرمین نیب نے سیکشن 16اے کے تحت مقدمہ احتساب عدالت اسلام آبادبھیج دیا،نارووال اسپورٹس سٹی کرپشن کیس کاریکارڈاحتساب عدالت اسلام آبادمنتقل کردیا،عدالت نےسابق ڈی جی اسپورٹس بورڈاخترنوازسمیت 3ملزمان کوطلب کرلیا

نارووال اسپورٹس سٹی پراجیکٹ کا 30 کروڑ کا پروجیکٹ 3 ارب تک کیسے پہنچا نیب نے احسن اقبال کے گرد گھیرا تنگ کر دیا، نیب پنڈی کو دستاویزات موصول ہو گئی ہیں اس میں ایف آئی اے بھی تحقیقات کر رہا تھا، نیب نے تحقیقاتی رپورٹ تحویل میں لے لی، 30 کروڑ کا پروجیکٹ 3 ارب تک کیسے پہنچا اس میں بے ضابچگیاں ہوئیں، نیب نے بیان بھی قلمبند کر لئے احسن اقبال کے خاندان کے بینک اکاؤنٹس کی تفصیلات بھی نیب نے حاصل کر لی ہیں

اکاؤنٹس میں احسن اقبال کے تین بیٹوں، بیٹی اور اہلیہ کی تفیصلات نیب پنڈی کو موصول ہو چکی ہیں. پروجیکٹ کے حوالے سے ایف آئی اے میں جاری تحقیقات نیب نے اپنے سپرد لینے کا فیصلہ کیا ہے.

تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا

واضح رہے کہ چیئرمین نیب جسٹس ر جاوید اقبال نے گزشتہ برس اپریل میں نارووال اسپورٹس سٹی منصوبے میں قواعد وضوابط کی خلاف ورزی کی تحقیقات کا حکم دیا تھا ،نیب کی جانب سے کہا گیا تھا کہ منصوبہ بناتے وقت سیکیورٹی خدشات کا خیال نہیں رکھا گیا۔ نارووال سپورٹس سٹی منصوبہ بھارتی سرحد سے صرف 800 میٹر دور ہے ۔ چیئرمین نیب نے اس بات کی بھی جانچ پڑتال کی ہدایت کی تھی کہ قواعد و ضوابط کیخلاف ڈی جی پاکستان ا سپورٹس بورڈ کو نارووال ا سپورٹس سٹی کا پراجیکٹ ڈائریکٹر کیسے بنایا گیا؟.

نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

نواز شریف سے جیل میں نیب نے کتنے گھنٹے تحقیقات کی؟

احسن اقبال نے نیب کی جانب سے موصول ہونے والے سوالنامے کا بھی جواب جمع کرایا تھا جبکہ قومی احتساب بیورو کی ٹیم نے ان سے کرپشن سے متعلق پوچھ گچھ بھی کی تھی.دوسری جانب رواں سال جولائی میں وزیراعظم کے قائم انکوائری کمیشن کواحسن اقبال کےخلاف پہلاکیس بھی موصول ہوا تھا، دستاویز کے مطابق احسن اقبال نے قومی خزانے کو70ارب کانقصان پہنچایا، احسن اقبال کے خلاف مبینہ کرپشن کاکیس وفاقی وزیر مواصلات مرادسعیدکی جانب سے بھیجاگیا تھا.

مسلم لیگ ن کی رہنما احسن اقبال نے کہا ہے کہ نیب ثابت کرے پہلی بارایم این اے بناتو اس وقت اثاثے زیادہ تھے یا آج؟ میڈیا میں کردار کشی کے ہتھکنڈوں سے مرعوب ہوں گے نہ حفاظتی ضمانت کرائیں گے ،عمران خان کی فرعونیت کا مقابلہ کریں گے،جیلیں ہمیں اپنے مقصد اور جدوجہد سے نہیں روک سکتیں،نیب اور ایجنسیز کو کہتا ہوں ایک روپے کی خردبرد ثابت کر دیں مان جاوں گا

پاکستان کے دو صوبوں سے گیس کے بڑے ذخائر دریافت

باغی ٹی وی کی رپورٹ کے مطابق سندھ اوربلوچستان میں گیس کے نئے ذخائردریافت ہوئے ہیں، گیس کاذخیرہ بلوچستان کے ضلع قلات میں دریافت ہوا قلات کےعلاقے میں یہ پہلی دریافت ہے، ابتدائی نتائج کےمطابق قلات سے ایک کروڑ 7 لاکھ کیوبک فٹ گیس نکل رہی ہے .

سندھ میں ضلع خیرپورسے بھی گیس کی دریافت ہوئی ہے،ابتدائی نتائج کےمطابق خیرپورسے 2 کروڑ 86 لاکھ مکعب فٹ گیس نکل رہی ہے.

تیل وگیس کی تلاش میں ملی پاکستان کو ایک اور بڑی کامیابی

20 ستمبر کو سندھ کے ضلع بدین کی تحصیل گولارچی کے علاقے کھورواہ کے مقام پر خام تیل اورگیس کے دوبڑے ذخائر دریافت ہوئے ہیں.نجی کمپنی یونائیڈ انرجی آف پاکستان سندھ میں تیل و گیس کے ذخائر تلاش کرنے کا کام کر رہی ہے،تیل اور گیس کے مزید ذخائرکی تلاش جاری ہے .

واضح رہے کہ 17 ستمبر کو خیبرپختونخوا کے ضلع کوہاٹ سے تیل وگیس کا ذخیرہ دریافت ہوا ہے , اوجی ڈی سی ایل حکام کا کہنا ہے کہ کنویں سے یومیہ 76بیرل تیل حاصل ہوگا ،کنویں سے یومیہ 5 لاکھ ایم ایم سی ایف ڈی گیس حاصل ہوگی .

سانگھڑ کے بعد شمالی و جنوبی وزیرستان میں بھی تیل و گیس کے ذخائر

اگست میں بھی کوہاٹ میں ہی ایک اور مقام پر تیل و گیس کا ذخیرہ دریافت ہوا تھا،اوجی ڈی سی ایل کے ماہرین نے ذخائرکی کھدائی اورتجزیہ کیا ،کوہاٹ میں کنویں کی کھدائی 3200 میٹر تک کی گئی ،کنویں سےیومیہ 12.7 ملین اسٹینڈر کیوبک فٹ گیس اور 240 بیرل خام تیل حاصل ہوگا.

پاکستان میں تیل و گیس کے ذخائر کی دریافت کا کام کیوں روکا گیا؟ سینئر صحافی مبشر لقمان نے کئے انکشاف

خیبرپختونخوا کے ضلع کوہاٹ میں تیل اور گیس کے نئے ذخائر دریافت ہوئے ہیں، جن سے یومیہ ایک ہزار 844 بیرل خام تیل حاصل کیا جاسکے گا۔یہ ذخائرکوہاٹ میں ٹل بلاک سے تیل اور گیس کے نئے ذخائر دریافت ہوئے ہیں۔ پاکستان آئل فیلڈ لمیٹڈ کے مطابق کوہاٹ میں ٹل بلاک سے تیل و گیس کے ذخائر کی دریافت ہوئے ہیں۔ جانچ میں مکوڑے ڈیپ ٹو کنویں سے 18.25 ایم ایم سی ایف ڈی گیس اور یومیہ 1844 بیرل خام تیل کے ذخائر بھی ملے ہیں، اور اس حوالےسے پاکستان اسٹاک ایکس چینج کو آگاہ کردیا ہے۔

آرمی چیف سے جاپانی وزیراعظم کے مشیر کی ملاقات، کیا ہوئی بات؟ اہم خبر
باغی ٹی وی کی رپورٹ کے مطابق آرمی چیف جنرل قمر جاوید باجوہ سے جاپانی وزیراعظم کے خصوصی مشیر کی ملاقات ہوئی ہے، ڈی جی آئی ایس پی آر کے مطابق ملاقات میں‌ باہمی دلچسپی اور علاقائی سلامتی کےامورپرتبادلہ خیال کیا گیا.

ڈی جی آئی ایس پی آر کے مطابق ملاقات میں امن و سلامتی کیلئے دو طرفہ تعلقات کو فروغ دینے پر اتفاق کیا گیا،سونورا کینٹارو نے خطے میں پاکستان کے مثبت کردار کو سراہا،ملاقات میں دو طرفہ تعلقات میں اضافے کے عزم کا اعادہ کیا گیا.

پاک فوج کے تعلقات عامہ کے شعبے آئی ایس پی آر کے مطابق جنرل قمر جاوید باجوہ سے جاپان کے وزیراعظم کے مشیرسونورو کونتورونے ملاقات کی،ملاقات جی ایچ کیو راولپنڈی میں ہوئی ،جس میں باہمی دلچسپی کے اموراور خطے کی صورتحال پرتبادلہ خیال کیاگیا،

آئی ایس پی آر کے مطابق ملاقات میں باہمی تعلقات کومزیدوسعت دینے کے عزم کااعادہ کیاگیا،آئی ایس پی آر کے مطابق امن کیلئے پاکستان اورجاپان کی کو ششوں کے مزیدفروغ پراتفاق کیاگیا،جاپانی وزیراعظم کے مشیرنے خطے میں پاکستان کے مثبت کردارکوتسلیم کیا۔

انٹیلی جنس اداروں نے ایل اوسی پرکیا نئی پیشرفت رپورٹ کی، وزیر خارجہ نے بتا دیا

باغی ٹی وی کی رپورٹ کے مطابق وزیر خارجہ شاہ محمود قریشی نے کہا ہے کہ مودی سرکارکے اقدامات سے بھارت میں کشیدگی عروج پرہے، ایل اوسی پربھارت کی خلاف ورزیاں بڑھ چکی ہیں، بھارتی آرمی چیف کا بیان سب کے سامنے ہے، بھارتی وزیردفاع اور وزیر خارجہ کی واشنگٹن میں ملاقاتیں ہوئیں، وہ دوپلس دو میں بلاوجہ پاکستان کا تذکرہ کرتے ہیں، بھارت نے جنوری 2019 سےابتک 3 ہزارسے زیادہ بارایل اوسی کی خلاف ورزیاں کیں،

وزیر خارجہ شاہ محمود قریشی نے کہا کہ ایل اوسی کی خلاف ورزیوں میں 300 سے زیادہ لوگوں کونشانہ بنایا جا چکا، امن واستحکام کا تحفظ سلامتی کونسل کے چارٹرمیں شامل ہے، ساری صورتحال کے پیچھے ہمیں سوچاسمجھا بھارتی منصوبہ دکھائی دے رہاہے،بھارت کے مقبوضہ کشمیرمیں 5اگست کے اقدامات کاکوئی ساتھ نہیں دے رہا، متنازعہ ترمیمی شہریت ایکٹ کیخلاف پوری دنیامیں بھارتی احتجاج کررہےہیں، احتجاج میں شامل لوگ سمجھتےہیں مودی سرکارنے سیکولرانڈیا کا نظریہ دفن کردیا،

افغان طالبان مجھ سے ملنا چاہتے تھے لیکن کسی ملک کو اعتراض تھا، وزیراعظم

کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب

سعودی ولی عہد اور امریکی صدر نے ایران سے ڈٰیل کرنے کا کہا، وزیراعظم

وزیر خارجہ شاہ محمود قریشی نے اقوام متحدہ کے سیکریٹری جنرل اورسلامتی کونسل کے صدر کو خط لکھ دیا ہے

شاہ محمود قریشی کا مزید کہنا تھا کہ احتجاج سے توجہ ہٹانے کیلئے بھارت ایل اوسی پرشرارت کرسکتا ہے،سیزفائزخلاف ورزیوں میں اضافہ ہوچکا،سرحد پرلگی باڑکئی جگہ سے کاٹی گئی،بھارتی فوج کی غیرمعمولی نقل وحرکت دیکھنےمیں آرہی ہے، یہ سارے عوامل امن وامان کیلئے خطرہ دکھائی دے رہےہیں، انٹیلی جنس اداروں نے ایل اوسی پرنئی پیشرفت کورپورٹ کیا،

شاہ محمود قریشی نے کہا کہ ہم مقبوضہ جموں و کشمیر کے نہتے کشمیریوں کو بھارتی استبداد سے نجات دلانے اور ہندوستان کے جھوٹے پروپیگنڈہ کو بے نقاب کرنے کےلئے ہر فورم پر جائیں گے، ہم نے ہندوستان کی طرف سے دراندازی کے جھوٹے الزامات کو بے نقاب کرنے کیلئے پوری ڈپلومیٹک کور کو ان جگہوں پر لے گئے جن کی طرف بھارت نے اشارہ کیا، ہم بین الاقوامی سیمینار کے انعقاد کا فیصلہ کر چکے ہیں جس میں ہم دنیا بھر سے ماہرین، ڈپلومیٹس کو مدعو کریں گے جس کے ذریعے ہم دنیا کو مقبوضہ کشمیر سے متعلق اصل حقائق سے آگاہ کرنا چاہتے ہیں۔

پاکستان کو ملی کراچی ٹیسٹ میں شاندار فتح

پاکستان نے سری لنکا کو کراچی ٹیسٹ میں شکست دیدی، 476 رنز کے پاکستانی ہدف کے سامنے سری لنکن ٹیم 212 رنز پر ڈھیر، 2 ٹیسٹ میچز کی سیریز پاکستان نے 0-1 سے جیت لی۔

کراچی میں 10 سال بعد ٹیسٹ کرکٹ کی بحالی جیت کے ساتھ یادگار بن گئی، پاکستان نے اپنی سرزمین پر 13 سال بعد فتح سمیٹی، سری لنکا کو 263 رنز سے ہرایا۔ نسیم شاہ نے شانداربولنگ کرتے ہوئے 5 وکٹیں حاصل کیں جبکہ یاسرشاہ نے 2 کھلاڑیوں کو آؤٹ کیا۔ دوسری اننگز میں سری لنکا کے اوشاڈا فرنینڈو 102 رنز کے ساتھ ٹاپ اسکورر رہے۔

نسیم شاہ ٹیسٹ میچ کی ایک اننگزمیں 5 وکٹیں لینےوالےکم عمرترین کھلاڑی بن گئے،یاسرشاہ 2،حارث سہیل،محمدعباس اور شاہین شاہ آفریدی نے ایک ایک وکٹ حاصل کی،پاکستان نے 2006 کے بعد ہوم گراوَنڈ پر کوئی ٹیسٹ میچ جیتا

وقار یونس نے کہا کہ نسیم شاہ کو5وکٹیں حاصل کرنے پر مبارک باد دیتا ہوں،شاہین شاہ آفریدی اور محمد عباس کی فارم بھی بہتر ہوئی ہے،ہوم گراوَنڈپرمزیدٹیسٹ میچزکھیلناچاہتےہیں،حارث سہہل نے کہا کہ ہوم گراوَنڈ پر کھیلنے کی خوشی ہے،

اسلام آباد:مستحق اورنادارافراد کوہرمہینے راشن دیا جائے،اطلاعات ملکی معاشی صورت حال میں بہتری پر وزیر اعظم عمران خان نے زبردست اقدام اٹھا لیا، حکومت نے معیشت میں بہتری کے ثمرات مستحق افراد تک پہنچانے کا فیصلہ کر لیا۔

تفصیلات کے مطابق غربت کی لکیر سے نیچے زندگی گزارنے والوں کی سہولت کے لیے منصوبہ بندی مکمل کر لی گئی، وزیر اعظم نے معیشت میں بہتری کے ثمرات نچلے طبقے تک پہنچانے کا فیصلہ کر لیا ہے۔

حکومتی ذرائع کے مطابق اس حوالے سے مستحق اور نادار افراد کو راشن کی خریداری کے لیے حکومت کی جانب سے رقم کی ادائیگی کی جائے گی، وزیر اعظم نے احساس پروگرام کی سربراہ کو اس سلسلے میں خصوصی ہدایت جاری کر دی ہے۔

ذرائع کےمطابق وزیراعظم کا کہنا ہے کہ مستحق افراد کو ضروری راشن کی خریداری کے لیے رقم ادا کی جائے گی، جس سے کم از کم آٹے کا 20 کلو تھیلا، 3 کلو گھی اور 5 کلو چینی دستیاب ہو سکے گی۔

وزیر اعظم عمران خان نے ہدایت کی ہے کہ مستحق افراد تک رقوم کی ادائیگی شفاف طریقے سے کی جائے۔ ذرایع نے بتایا کہ وزیر اعظم کی ہدایات پر عمل درآمد فوری طور پر شروع کیا جا رہا ہے