Baaghi TV

Category: اہم خبریں

  • پرویز مشرف کے خلاف سنگین غداری کیس کا تفصیلی فیصلہ جاری

    پرویز مشرف کے خلاف سنگین غداری کیس کا تفصیلی فیصلہ جاری

    سابق صدر جنرل ریٹائرڈ پرویز مشرف کے خلاف سنگین غداری کیس کا تفصیلی فیصلہ جاری کردیا گیا ہے۔

    باغی ٹی وی رپورٹ کے مطابق خصوصی عدالت کا فیصلہ 167 صفحات پر مشتمل ہے۔ پرویز مشرف کے وکیل کو فیصلے کی کاپی فراہم کردی گئی ہے۔میڈیا کو فیصلہ نہیں دیا گیا

    مختصر فیصلے میں کہا گیا تھا کہ پرویز مشرف نے 3 نومبر 2007 کو آئین پامال کیا اور ان پر آئین کے آرٹیکل 6 کو توڑنے کا جرم ثابت ہو چکا ہے۔ جس کی پاداش میں انہیں سزائے موت سنائی جاتی ہے۔خصوصی عدالت کے تین رکنی بینچ میں سے دو ججز نے سزائے موت کے فیصلے کی حمایت جبکہ ایک جج نے اختلاف کیا تھا۔

    یاد رہے سنگین غداری کیس میں خصوصی عدالت نے پرویز مشرف کو 17 دسمبر کو سزائے موت کا حکم دیا تھا۔ دو ایک سے سنایا گیا اکثریتی فیصلہ جسٹس وقار سیٹھ اور جسٹس شاہد فضل کریم نے دیا جبکہ جسٹس نذر محمد نے سزائے موت کے اس فیصلے سے اختلاف کیا تھا۔
    خصوصی عدالت کے تین رکنی بینچ نے سابق صدر کیخلاف 17 دسمبر 2019 کو دو ایک کی اکثریت سے مختصر فیصلہ سنایا تھا۔جسٹس وقار احمد سیٹھ کی سربراہی میں تین رکنی خصوصی عدالت نے سابق صدر پرویز مشرف کے خلاف سنگین غداری کیس کی سماعت کی تھی۔ بینچ میں جسٹس شاہد کریم اور جسٹس نذر اکبر بھی شامل تھے۔

    سابق آرمی چیف نے فیصلے کو مشکوک قرار دیتے ہوئے کہا کہ قانون کا غلط استعمال کرتے ہوئے فرد واحد کو نشانا بنایا گیا۔ انہوں نے قانونی ماہرین کے ساتھ مشاورت کے بعد آئندہ کا لائحہ عمل طے کرنے کا اعلان کیا ہے۔

  • پاک فوج کسی بھی بھارتی جارحیت کا منہ توڑ جواب دے گی: ترجمان پاک فوج

    پاک فوج کسی بھی بھارتی جارحیت کا منہ توڑ جواب دے گی: ترجمان پاک فوج

    پاک فوج کسی بھی بھارتی جارحیت کا منہ توڑ جواب دے گی: ترجمان پاک فوج

    ڈی جی آئی ایس پی آر میجر جنرل آصف غفور نے ٹویٹ کرتے ہوئے کہا ہےکہ بھارتی آرمی چیف کی طرف سے اشتعال انگیز بیانات،ایل او سی پر تیاریاں دنیا کی توجہ ہٹانے کی کوشش لگتی ہیں،پاکستان کی مسلح افواج بھارت کی جارحیت کابھرپور جواب دیں گی.،مسلح افواج بھارت کی کسی بھی مہم جوئی اور جارحیت کا بھرپور جواب دیں گی


    واضح‌رہےکہ مسلم مخالف شہریتی بل کے خلاف بھارت اس وقت مشکل ترین حالات سے دو چار ہے.پورا بھارت اس آگ کی لپیٹ میں ہے . ڈھاکہ میں بھی لاکھوں افراد کے احتجاجی مظاہرے، بھارت کے خلاف نعرے،اطلاعات کےمطابق چمپارن کی تاریخ میں پہلی بار ڈھاکہ کی سرزمین پر شہریتی ترمیمی بل کے خلاف اور دستور ہند کے تحفظ کے لئے ایک بے نظیر احتجاجی جلوس نکالا گیا

    ڈھاکہ سے ذرائع کے مطابق اس جلوس میں ڈھاکہ کا وہ قرب و جوار کے تقریباً ایک لاکھ لوگوں نے شرکت کرتے ہوئے حکومت ہند سے اس نے قانون پر غور و فکر کرنے کی اپیل کی ۔ نیز ان لوگوں نے ایس ڈی او آفس کا بھی مارچ کیا اور صدر جمہوریۂ ہند و ملک کے وزیراعلی نیز وزیرداخلہ کے نام سکرہنہ سب ڈویژنل آفیسر گیان پرکاش کے ذریعہ ایک میمورینڈم ارسال کیا۔

  • امریکی صدر کے خلاف ایوان نمائندگان میں مواخذے کی قرارداد منظور، آگے گیا ہوگاٹرمپ مشکلات میں

    امریکی صدر کے خلاف ایوان نمائندگان میں مواخذے کی قرارداد منظور، آگے گیا ہوگاٹرمپ مشکلات میں

    امریکی صدر کے خلاف ایوان نمائندگان میں مواخذے کی قرارداد منظور، آگے گیا ہوگا.ٹرمپ مشکلات میں

    باغی ٹی وی رپورٹ کے مطابق امریکی ایوان نمائندگان میں صدر ٹرمپ کے مواخذے کی قرارداد منظور ہو گئی ہے، امریکی صدر کے خلاف مواخذے کا معاملہ اب سینیٹ میں جائے گا جہاں قرارداد پر رائے شماری ہوگی۔

    ڈونلڈ ٹرمپ پر اختیارات سے تجاوز اور کانگریس کی تفتیش میں رکاوٹ ڈالنے کے الزامات ہیں، ایوان نمائندگان میں دونوں الزامات پر مواخذے کی قرارداد پیش کی گئی تھی، ڈیموکریٹس نے ووٹنگ میں دونوں الزامات پر موخذے کے لیے درکار ووٹ حاصل کر لیے۔

    مواخذے کا معاملہ سینیٹ میں چلا گیا ہے، امریکی سینیٹ میں حکمراں جماعت ری پبلکن پارٹی کو اکثریت حاصل ہے، ڈونلڈ ٹرمپ امریکی تاریخ کے تیسرے صدر ہیں جن کا مواخذہ کیا جا رہا ہے، پہلے آرٹیکل پر مواخذے کے حق میں 230 اور مخالفت میں 197 ووٹ ڈالے گئے، جب کہ دوسرے آرٹیکل پر مواخذے کے حق میں 229، مخالفت میں 198 ووٹ ڈالے گئے۔ووٹنگ کی کارروائی کے بعد ہاؤس کا اجلاس کل صبح 9 بجے تک ملتوی کر دیا گیا۔

    ادھر امریکی صدر ٹرمپ نے مواخذے کی کارروائی کو وقت کا ضیاع قرار دے دیا ہے، انھوں نے کہا کہ ڈیموکریٹس کو مواخذے کی کارروائی سے کچھ حاصل نہیں ہوگا۔
    واضح‌رہے کہ امریکی انٹیلی جینس کے اہلکارنے کچھ عرصہ قبل انکشاف کیا تھا کہ صدر ڈونلڈ ٹرمپ نے پچیس جولائی کو یوکرین کے صدر ولودی میر زیلنسکی کے ساتھ ٹیلی فون پر گفتگو کرتے ہوئے، دو ہزار بیس کے صدارتی انتخابات میں اپنے ممکنہ ڈیموکریٹ حریف جوبائیڈن کے بیٹے ہنٹربائیڈ سے متعلق کیس کی تحقیقات میں دباؤ ڈالنے پر زوردیا تھا۔

    ٹیلی فون پر ہونے والی اس گفتگو کے متن کے مطابق صدر ڈونلڈ ٹرمپ نے یوکرین کے چارسو ملین ڈالر کی امریکی فوجی امداد کو بائیڈن کیس میں صدر زیلینسکی کے تعاون سے مشروط کیا تھا۔

    یوکرینی صدرکے ساتھ ٹیلی فون پرہونے والی گفتگو کا راز فاش ہونے کے بعد صدر ٹرمپ کے مواخذے کا مطالبہ شدت اختیارکرگیا ہے۔

  • خصوصی عدالت کا فیصلہ، پرویز مشرف نے چپ کا روزہ توڑ دیا، بڑا اعلان کرتے ہوئے کیا کہا؟

    خصوصی عدالت کا فیصلہ، پرویز مشرف نے چپ کا روزہ توڑ دیا، بڑا اعلان کرتے ہوئے کیا کہا؟

    خصوصی عدالت کا فیصلہ، پرویز مشرف نے چپ کا روزہ توڑ دیا، بڑا اعلان کرتے ہوئے کیا کہا؟
    باغی ٹی وی کی رپورٹ کے مطابق سابق صدر پرویز مشرف نے کہا ہے کہ میں نے خصوصی عدالت کا فیصلہ ٹی وی پرسنا، خصوصی عدالت کے فیصلے کومشکوک کہتا ہوں، ایسے فیصلے کی پہلے کوئی مثال نہیں ملتی کیس میں صرف ایک فردکوٹارگٹ کیا گیا،ملزم اورنہ اس کے وکیل کو دفاع کاحق دیا گیا،

    پرویز مشرف کا مزید کہنا تھا کہ میں پاکستانی عدلیہ کابہت احترام کرتاہوں، خصوصی عدالت کا ایسا فیصلہ پہلی بارسنا ہے،میں نے کہا تھا اسپیشل کمیشن کو بیان دینے کیلئے تیارہوں،میری اس بات کونظراندازکیا گیا میرابیان نہیں لیا گیا، میری خدمات کو یادرکھنے پرعوام اورفوج کا مشکورہوں،

    سابق صدر کا مزید کہنا تھا کہ قانون کی بالادستی کا کیس میں خیال نہیں رکھا گیا،خصوصی عدالت کے فیصلے کو مشکوک کہتا ہوں، میرے خلاف کیس صرف کچھ لوگوں کی ذاتی عداوت سے سنا گیا،ان لوگوں نے مجھے ٹارگٹ کیا جو اعلیٰ عہدوں پر فائز ہیں،آئندہ کے لائحہ عمل کا قانونی ٹیم سے مشاورت کے بعد فیصلہ کروں گا،چیف جسٹس نے فیصلے کو جلد یقینی بنانے کا کہہ کر عزائم ظاہر کردیے،میرے دور میں فوائد اٹھانے والے جج میرے خلاف فیصلہ کیسے دے سکتے ہیں،

    پرویز مشرف کے خلاف سنگین غداری کیس، عدالت نے کس کو وکیل مقرر کیا؟ اہم خبر

    پرویزمشرف بارے عدالتی فیصلہ جلد بازی کا مظاہرہ، ایسا کس نے کہا؟

    وقت کا تقاضا ہے ملک پر رحم کریں، فواد چودھری نے ایسا کیوں کہا؟

    پرویزمشرف فیصلہ، پیپلز پارٹی کے قمر زمان کائرہ نے ردعمل دے دیا

    پرویزمشرف فیصلہ، سراج الحق بھی میدان میں آ گئے، بڑا مطالبہ کر دیا

    سنگین غداری کیس میں خصوصی عدالت نے پرویز مشرف کو سزائے موت کا حکم دے دیا۔ عدالت نے آئین سے غداری کا جرم ثابت ہونے پر مختصر فیصلہ سنایا، تین ججز پر مشتمل خصوصی عدالت نے دو ایک کی اکثریت سے فیصلہ سنایا، تفصیلی فیصلے بعد میں سنایا جائے گا

  • قومی مسائل کیسے حل ہوں گے؟ کور کمیٹی اجلاس میں وزیراعظم نے بتا دیا

    قومی مسائل کیسے حل ہوں گے؟ کور کمیٹی اجلاس میں وزیراعظم نے بتا دیا

    قومی مسائل کیسے حل ہوں گے؟ کور کمیٹی اجلاس میں وزیراعظم نے بتا دیا

    باغی ٹی وی کی رپورٹ کے مطابق وزیراعظم عمران خان نے کہا ہے کہ ادارے اپنے آئینی اور قانونی دائرہ اختیار میں رہتے ہوئے فرائض سرانجام دیں۔ اداروں کے درمیان کسی قسم کا تصادم پاکستان کے مفاد میں نہیں ہے۔وزیراعظم عمران خان کی زیر صدارت پاکستان تحریک انصاف (پی ٹی آئی) کور کمیٹی کے اجلاس میں سابق صدر پرویز مشرف کیس سے متعلق عدالتی فیصلے کا جائزہ لیا گیا جبکہ آرمی چیف کی مدت ملازمت میں توسیع کے معاملے پر بھی مشاورت کی گئی۔

    کور کمیٹی اجلاس میں اداروں کے درمیان ہم آہنگی بڑھانے کے لئے کردار ادا کرنے اور آرمی چیف کی مدت ملازمت میں توسیع سے متعلق لائحہ عمل پر مزید مشاورت کا فیصلہ کیا گیا۔اس موقع پر اجلاس سے خطاب میں وزیراعظم عمران خان کا کہنا تھا کہ اداروں کے درمیان کسی قسم کا تصادم پاکستان کے مفاد میں نہیں ہے۔ حکومت قانون اور آئین کی بالادستی پر یقین رکھتی ہے۔ ادارے اپنے آئینی اور قانونی دائرہ اختیار میں رہتے ہوئے فرائض سرانجام دیں۔

    وزیراعظم عمران خان کا کہنا تھا کہ حکومت آئینی اور قانونی ذمہ داریوں کی ادائیگی میں معاونت کو یقینی بنائے گی۔ افواج پاکستان نے ملک کو پرامن بنانے کے لئے لازوال قربانیاں دیں۔ بیرونی قوتیں پاکستان کو کمزور کرنے کے لئے جن سازشوں میں مصروف ہیں، ان میں انھیں ناکامی ہوگی۔ ہمیں اتحاد اور یکجہتی سے قومی مسائل کو حل کرنا ہوگا۔

    کور کمیٹی اجلاس کے دوران وزیراعظم عمران خان نے پارٹی رہنماؤں اور وزرا کو ہدایت جاری کرتے ہوئے کہا کہ وہ خصوصی عدالت اور سپریم کورٹ کے فیصلوں پر بیانات نہ دیں۔

    کور کمیٹی اجلاس کے بعد وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان نے میڈیا بریفنگ میں کہا کہ مسلم امہ کا اتحاد وقت کی اہم ضرورت ہے، پاکستان اس حوالے سے اپنا کردار ادا کرنا چاہتا ہے۔ پاکستان کسی ایک ملک نہیں بلکہ مسلم امہ کی یکجہتی کا خواہاں ہے۔ پاکستان مسلم امہ میں اتحاد کے لیے کوشاں رہے گا۔ وزیراعظم کے دورہ ملائیشیا منسوخی پر قیاس آرائیاں کی گئیں۔ وزیراعظم اور وزیر خارجہ نے اس سے متعلق اصل محرکات سے کور کمیٹی کو آگاہ کیا۔

    فردوس عاشق اعوان نے مزید کہا کہ وزیراعظم نے اجلاس میں کہا کہ ادارے ریاست کے ستون ہیں۔ ہم نے اپنے اداروں کو مضبوط کرنا ہے۔ حکومت کا مقصد انصاف کی فراہمی کو یقینی بنانا ہے۔ انہوں نے کہا کہ وزیراعظم کا موقف ہے کہ ہم نے قانون کا دفاع اور انصاف کا ساتھ دینا ہے۔

    الیکشن کمیشن کے معاملے پر بات کرتے ہوئے فردوس عاشق اعوان کا کہنا تھا کہ اسے پارلیمنٹ نے حل کرنا ہے۔ اتفاق رائے نہ ہونے کے باعث الیکشن کمیشن کا معاملہ تاخیر کا شکار ہے۔ وزیراعظم نے پارلیمانی کمیٹی کو مسئلے کے حل کا دوبارہ ٹاسک دیتے ہوئے ہدایت کی ہے کہ کسی ایک نام پر اتفاق کر لیا جائے۔

    فردوس عاشق اعوان نے کہا کہ کچھ لوگ پاکستان سے باہر جانا چاہتے ہیں۔ عدالت نے ای سی ایل سے نام نکالنے کا معاملہ حکومت کو بھیجا۔ قانون سے بالاتر کوئی نہیں، کوئی مقدس گائے نہیں، مریم نواز کی خواہش نہیں ذیلی کمیٹی کے فیصلے پر عمل ہوگا۔

    پرویز مشرف کے خلاف سنگین غداری کیس، عدالت نے کس کو وکیل مقرر کیا؟ اہم خبر

    پرویزمشرف بارے عدالتی فیصلہ جلد بازی کا مظاہرہ، ایسا کس نے کہا؟

    وقت کا تقاضا ہے ملک پر رحم کریں، فواد چودھری نے ایسا کیوں کہا؟

    پرویزمشرف فیصلہ، پیپلز پارٹی کے قمر زمان کائرہ نے ردعمل دے دیا

    پرویزمشرف فیصلہ، سراج الحق بھی میدان میں آ گئے، بڑا مطالبہ کر دیا

    سنگین غداری کیس میں خصوصی عدالت نے پرویز مشرف کو سزائے موت کا حکم دے دیا۔ عدالت نے آئین سے غداری کا جرم ثابت ہونے پر مختصر فیصلہ سنایا، تین ججز پر مشتمل خصوصی عدالت نے دو ایک کی اکثریت سے فیصلہ سنایا، تفصیلی فیصلے بعد میں سنایا جائے گا

  • کسی قیمت پر ملکی استحکام کو خراب نہیں ہونے دیں گے، آرمی چیف

    کسی قیمت پر ملکی استحکام کو خراب نہیں ہونے دیں گے، آرمی چیف

    راولپنڈی: سربراہ پاک فوج جنرل قمر جاوید باجوہ نے کہا ہے کہ ملک دشمن قوتوں کو ناکام کرتے ہوئے ملک میں استحکام لائے ہیں، ہم کسی قیمت پر ملکی استحکام کو خراب نہیں ہونے دیں گے۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف نے جنرل قمر جاوید باجوہ نے ایس ایس جی ہیڈ کوارٹرز کا دورہ کیا اور آرمی کمانڈوز سے بات چیت کرتے ہوئے کہا کہ ایس ایس جی کمانڈوز ہمارا فخر ہیں، قیام پاکستان سے لے کر اب تک کمانڈو افسروں اور جوانوں نے ملکی دفاع کے لئے بے شمار خدمات سرانجام دی ہیں۔

     

    سربراہ پاک فوج کا کہنا تھا کہ تمام ملک دشمن قوتوں کو ناکام کرتے ہوئے ملک میں استحکام لائے ہیں، ہم کسی قیمت پر ملکی استحکام کو خراب نہیں ہونے دیں گے۔

    واضح رہے کہ دو روز قبل آرمی چیف کا کہنا تھا کہ ہم نے بطور قوم دہشت گردی کو شکست دی ہے، ہم نے دہشت گردی کے خلاف جنگ میں طویل سفر طے کیا ہے۔

    یاد رہے کہ اس سے قبل آرمی چیف جنرل قمر جاوید باجوہ سے برطانوی ہائی کمشنر نے ملاقات کی تھی جس میں باہمی دلچسپی کے امور پر تبادلہ خیال کیا گیا تھا۔

    بعدازاں آرمی چیف سےروسی وزیرصنعت وتجارت نے بھی ملاقات کی تھی جس میں باہمی تعلقات کو مزید وسعت واستحکام دینے پر اتفاق کیا گیا تھا، آئی ایس پی آر کا کہنا تھا کہ ملاقات میں خطےمیں امن واستحکام، اقتصادی ترقی کیلئےکوششیں کرنےکےعزم کا اعادہ بھی کیا گیا۔

  • پنڈی والو ہم آ رہے ہیں،انتخاب یا انقلاب،نیا یا پرانا نہیں ہم کونسا پاکستان بنائیں گے ؟ بلاول کا نیا اعلان

    پنڈی والو ہم آ رہے ہیں،انتخاب یا انقلاب،نیا یا پرانا نہیں ہم کونسا پاکستان بنائیں گے ؟ بلاول کا نیا اعلان

    پنڈی والو ہم آ رہے ہیں،انتخاب یا انقلاب،نیا یا پرانا نہیں ہم کونسا پاکستان بنائیں گے ؟ بلاول کا نیا اعلان

    باغی ٹی وی کی رپورٹ کے مطابق پیپلز پارٹی کے چیئرمین بلاول زرداری نے رائیونڈ میں ورکرز کنونشن سے خطاب کرتے ہوئے کہا ہے کہ آج ایک پیغام لے کرآیا ہوں،بے نظیر بھٹوشہید کی برسی لیاقت باغ راولپنڈی میں منائیں گے،ہم بھٹو کا پاکستان بنا سکتے ہیں،بھٹو کے پاکستان میں عوام کی مرضی سے سیاست ہوتی ہے، ہمارے قائدین کو ہم سے چھینا گیا،انگریزوں سے پاکستان اس لیے نہیں لیا تھا کہ کسی نیازی کے غلام بنیں،

    بلاول زرداری نے مزید کہا کہ طاقت کا سرچشمہ عوام ہیں، آج پاکستان دوراہے پر کھڑا ہے،عوام کو فیصلہ کرنا ہے کیا انہیں سلیکٹڈ کا غلام بننا ہے؟آج کے پاکستان میں عوام آزاد نہیں ہے،یہ جمہوریت نہیں ہے ،جس ملک میں آپ 2018 میں بھی صاف اور شفاف الیکشن نہیں کروا سکتے تو کس قسم کی آزادی، ان کے لئے سیاسی جماعتوں کے لئے دھاندلی ایک نئی بات ہے مگر پی پی کے کارکن آج سے نہیں ہم کافی پہلے سے دھاندلی کے خلاف احتجاج کر رہے ہیں، ہمیں یاد ہے کہ کس طریقے سے 1988 کے الیکشن میں دو تہائی اکثریت ملنا تھی تب بھی دھاندلی ہوئی تھی اور ایک سلیکٹڈ اتحاد کھڑا کیا گیا تھا جس کو پنجاب دلوایا گیا تھا، ہمیں یاد ہے کہ شہید محترمہ جب پہلی بار وزیراعظم بنیں ہم نے دھاندلی کے باوجود وہ الیکشن قبول کئے تھے،

    بلاول زرداری نے مزید کہا کہ عوام سے عوامی راج کا موقع چھینا گیا،2007 میں دہشت گردی ہو رہی تھی، ہماری قیادت شہید ہوئی، زرداری نے کہا کہ دھاندلی کے باوجود ہم حکومت بنا رہے ہیں، 2013 کے الیکشن میں پیپلز پارٹی نے سب سے پہلے کہا تھا کہ یہ آر او الیکشن ہیں، 2018 میں بھی الیکشن کا نہیں بلکہ سیلکشن کا سامنا کرنا پڑا، سب سے پہلے پی پی نے اسمبلی میں کہا کہ تو الیکٹڈ نہیں سیلکٹڈ ہے.

    بلاول زرداری نے مزید کہا کہ عوام کو اب فیصلہ کرنا پڑے گا کہ سلیکشن برداشت کریں گے یا نہیں، ہم آئندہ کے لئے صاف شفاف الیکشن کو مانیں گے، سلیکشن ہوئی تو نہیں مانیں گے، شفاف الیکشن نہ ہوئے تو کسی صورت قبول نہیں، پہلے بھی فیصلہ کیا تھا کہ انقلاب نہیں الیکشن کی طرف جائیں گے، عوام کو آزاد کروائیں ورنہ پی پی وہی نعرہ دہرائے گا انتخاب یا انقلاب،ہمیں شفاف الیکشن دلوانا پڑیں گے.

    بلاول زرداری کا مزید کہنا تھا کہ جس جمہوریت میں آزادی نہیں، بولنے کی آزادی نہ ہو، جمہوری ،انسانی حقوق، معاشی حقوق کا تحفظ نہ ہو تو پھر وہ جمہوریت نہیں آمریت ہے، جعلی کٹھ پتلی راج کی آمریت کو قبول نہیں کرتے، پیپلز پارٹی نے فیصلہ کیا ہے کہ 27 دسمبر کو لیاقت باغ میں برسی منائیں گے، ہم نے فیصلہ کر لیا ہے کہ پنڈی ہم پھر آ رہے ہیں اسی جگہ پر جہاں بھٹو کو تختہ دار پر لٹکا دیا گیا تھا بے نظیر کو شہید کیا گیا تھا، ہم اسئ مقام سے دنیا کو پیٍغام دیں گے کہ پی پی آج بھی موجود ہے.

    پیپلز پارٹی کے رہنما قمر زمان کائرہ نے کہا ہے کہ محترمہ نےاقتدارسنبھالاتو ان کےخلاف سازشیں شروع ہوگئی تھیں،ملک میں منصفانہ انتخاب کرایا جائے،پیپلزپارٹی کا اداروں سے اختلاف نہیں،عدالت نے آمر کو6سال بعد سزا سنائی ،سلیکٹڈ کی وجہ سے ملک بحران کاشکار ہے،

    قمر الزمان کائرہ کا مزید کہنا تھا کہ بےنظیربھٹوشہید کی برسی لیاقت باغ راولپنڈی میں منائی جارہی ہے،

  • امریکی اسٹیبلشمنٹ ٹرمپ کوہٹانےکےلیےسرگرم،مواخذے کی کارروائی، ووٹنگ

    امریکی اسٹیبلشمنٹ ٹرمپ کوہٹانےکےلیےسرگرم،مواخذے کی کارروائی، ووٹنگ

    واشنگٹن :امریکی اسٹیبلشمنٹ ٹرمپ کوہٹانےکےلیےسرگرم،مواخذے کی کارروائی، ووٹنگ ،اطلاعات کے مطابق امریکہ جیسی سپرپاورکے حکمرانوں کافیصلہ بھی امریکی اسٹیبلشمنٹ کرتی ہے، روسی انٹیلی جنس اداروں کی رپورٹ کے مطابق امریکی اسٹیبلشمنٹ ہی صدرٹرمپ کے خلاف مواخذے کی تحریک کے روح رواں ہے اوروہ سمجھتے ہیں‌کہ ٹرمپ ملک کےلیے سود مند نہیں‌ رہے

    ادھر واشنگٹن سے ذرائع کےمطابق امریکہ کے صدر ڈونلڈ ٹرمپ کے مواخذے کے لیے جوڈیشری کمیٹی سے منظور ہونے والے دو الزامات پر ایوانِ نمائندگان میں آج ووٹنگ کا امکان ہے۔ تاہم اس سے قبل صدر ٹرمپ نے اسپیکر نینسی پیلوسی کو ایک خط لکھا ہے جس میں انہوں اپنے خلاف ‘بغاوت کی کوشش’ اور اس کے سنگین نتائج کا تذکرہ کیا ہے۔یہ بھی خبریں عام ہوچکی ہیں کہ امریکی اسٹیبلشمنٹ اپوزیشن ارکان کو اس حوالے سے بریفنگز بھی دے چکے ہیں‌

    صدر ٹرمپ یہ خط منگل کو ایوانِ نمائندگان کی اسپیکر نینسی پیلوسی کو اس وقت لکھا جب پیلوسی نے اعلان کیا کہ صدر ٹرمپ کے خلاف مواخذے کی کارروائی کے لیے ایوانِ نمائندگان میں بدھ کو ووٹنگ ہوگی۔صدر ٹرمپ نے اپنے خط میں نینسی پیلوسی کو مخاطب کرتے ہوئے کہا ہے کہ “تاریخ آپ کا سخت محاسبہ کرے گی۔”

    ایوان نمائندگان میں بدھ کو انہی الزامات کی بنیاد پر صدر ٹرمپ کے خلاف مواخذے کی کارروائی کے لیے رائے شماری متوقع ہے۔ اس مرحلے کے بعد مواخذے کی کارروائی سینیٹ تک جائے گی۔صدر ٹرمپ پر اختیارات کے غلط استعمال اور کانگریس کی تفتیش میں رکاوٹ ڈالنے کے الزامات ہیں۔ تاہم صدر ٹرمپ ان الزامات کو غلط قرار دیتے ہیں۔

  • مشرف فیصلہ، چودھری شجاعت نے پاکستانی قوم کے جذبات کی ترجمانی کر دی، کیا کہا؟

    مشرف فیصلہ، چودھری شجاعت نے پاکستانی قوم کے جذبات کی ترجمانی کر دی، کیا کہا؟

    مشرف فیصلہ، چودھری شجاعت نے پاکستانی قوم کے جذبات کی ترجمانی کر دی، کیا کہا؟

    باغی ٹی وی کی رپورٹ کے مطابق مسلم لیگ ق کے سربراہ، سابق وزیراعظم چودھری شجاعت حسین نے کہا ہے کہ پرویز مشرف کو سزا سے سرحد پر کھڑے ہر سپاہی کو دکھ ہوا، ہمیں فوج کے اس سپاہی کے جذبات کی بھی تشویش ہونی چاہیے۔ اس فوجی پر کیا بیتے گی جب اس کے سپہ سالار کو غدار کہا جا رہا ہے، ہمارے فوجی جوانون نے وطن عزیز کا دفاع کیا،

    چودھری شجاعت حسین نے مزید کہا کہ کسی بھی ملک کا آرمی چیف آسانی سے نہیں بنتا، مشرف ہو یا کوئی اور فوجی، جنرل کے عہدے تک پہنچنے کیلئے قابلیت، احساسات اور ملک و قوم سے محبت کے جذبات اس میں کوٹ کوٹ کر بھرتے ہوتے ہیں۔ 1947ء سے آج تک ہزاروں مثالیں ملتی ہیں کہ ہمارے فوجی جوانوں نے ملک و قوم کی خاطر اپنی جانیں قربان کیں اور وطن عزیز کا دفاع کیا،

    چودھری شجاعت حسین کا مزید کہنا تھا کہ کچھ لوگ اپنی جھوٹی اور جعلی قابلیت کی بنیاد پر عوام کو گمراہ کر رہے ہیں، فوج کے خلاف اپنے ڈرائنگ رومز اور ٹی وی شوز میں بیٹھ کر مباحثوں کے دوران وہ اپنی جھوٹی قابلیت کو اجاگر کرنے کی کوشش  کرتے ہیں۔

    قبل ازیں چوہدری شجاعت حسین نے وزیراعظم کے معاون خصوصی برائے سیاسی امور نعیم الحق کو ٹیلی فون کیا اورنعیم الحق کی مزاج پرسی کی اور خیریت دریافت کی چودھری شجاعت کی جانب سے نعیم الحق کی جلد اور مکمل صحتیابی کیلئے بھی دعا کی گئی،

    پرویز مشرف کے خلاف سنگین غداری کیس، عدالت نے کس کو وکیل مقرر کیا؟ اہم خبر

    پرویزمشرف بارے عدالتی فیصلہ جلد بازی کا مظاہرہ، ایسا کس نے کہا؟

    وقت کا تقاضا ہے ملک پر رحم کریں، فواد چودھری نے ایسا کیوں کہا؟

    پرویزمشرف فیصلہ، پیپلز پارٹی کے قمر زمان کائرہ نے ردعمل دے دیا

    پرویزمشرف فیصلہ، سراج الحق بھی میدان میں آ گئے، بڑا مطالبہ کر دیا

    سنگین غداری کیس میں خصوصی عدالت نے پرویز مشرف کو سزائے موت کا حکم دے دیا۔ عدالت نے آئین سے غداری کا جرم ثابت ہونے پر مختصر فیصلہ سنایا، تین ججز پر مشتمل خصوصی عدالت نے دو ایک کی اکثریت سے فیصلہ سنایا، تفصیلی فیصلے بعد میں سنایا جائے گا

  • العزیزیہ ریفرنس،نواز شریف کی اپیل عدالت نے چیف جسٹس کو کیوں بھیج دی؟ اہم خبر

    العزیزیہ ریفرنس،نواز شریف کی اپیل عدالت نے چیف جسٹس کو کیوں بھیج دی؟ اہم خبر

    العزیزیہ ریفرنس کیس،نواز شریف کی اپیل عدالت نے چیف جسٹس کو کیوں بھیج دی؟ اہم خبر

    باغی ٹی وی کی رپورٹ کے مطابق اسلام آباد ہائیکورٹ میں العزیزیہ ریفرنس کیس میں سابق وزیراعظم نواز شریف کے حوالہ سے درخواست پر سماعت ہوئی، جسٹس عامر فاروق، جسٹس محسن اختر پر مشتمل ڈویژن بنچ نے سماعت کی،سابق وزیراعظم نواز شریف کی حاضری سےاستثنیٰ اور اضافی دستاویزات کی متفرق درخواستیں منظور کر لی گئیں،نواز شریف کی اپیل چیف جسٹس اسلام آباد ہائیکورٹ کو ارسال کر دی گئی

    جسٹس عامر فاروق نے کہا کہ نئے ججز آنے سے دو رکنی بینچ تبدیل ہو گئے ہیں،ہم کیس چیف جسٹس کو بھیج رہے ہیں کہ وہ  اس معاملے کو دیکھیں،چیف جسٹس فیصلہ کریں گےکہ کیس یہی بینچ سنے گا یا دوسرے بینچ کو جائے گا،

    خواجہ حارث نے کہا کہ اچھا ہو گا کہ یہی بینچ کیس کو سنے، کیونکہ بہت سارا کیس آپ سن چکے ہیں، جس پر جسٹس عامر فاروق نے کہا کہ چیف جسٹس فیصلہ کریں گےامید ہے کہ یہی بینچ کیس کو سنے گا،اسلام آباد ہائیکورٹ نےاپیل پر سماعت موسم سرما کی چھٹیوں کے بعد تک ملتوی کردی.

    گزشتہ سماعت پر نیب نے عدالت میں جواب جمع کروا دیا ہے،نوازشریف کی ناصرجنجوعہ کوعدالتی گواہ بنانے کی درخواست کی نیب نے مخالفت کر دی، نیب نے جج ارشد ملک ویڈیوکو بطورشہادت پیش کرنےکی بھی مخالفت کر دی

    نیب نے کہا کہ ارشد ملک کی ویڈیوقانون شہادت کے معیارپرپورانہیں اترتی، جج ارشد ملک کی ویڈیو شواہد نہیں،نواز شریف کی درخواست پرنیب نے جواب جمع کرادیا نیب نے 5 افرادکو گواہ بنانے کی مخالفت کردی نیب نے جواب میں کہا کہ پانچوں افراد کا اس کیس سے کوئی تعلق نہیں،اضافی شواہدپیش کرنے کی کوئی نظیرنہیں،فرانزک ماہرین کامعاملے سےکوئی تعلق نہیں بنتا ، ناصربٹ اس کیس میں فریق ہی نہیں،

    واضح رہے کہ سابق وزیراعظم نواز شریف کوٹ لکھپت جیل میں قید تھے اور العزیزیہ ریفرنس کیس کی سزا کاٹ رہے تھے، تا ہم بیماری کے بعد انہیں ہسپتال اور پھر گھر منتقل کر دیا ہے، نواز شریف اب لندلن جا چکے ہیں، نواز شریف کا لندن میں علاج جاری ہے. طبی بنیادوں پر نواز شریف کی اسلام آباد ہائیکورٹ نے آٹھ ہفتوں کے لئے ضمانت منظور کر رکھی ہے

    نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

    العزیزیہ ریفرنس،نوازشریف کی سزا کے خلاف اپیل سماعت کے لئے مقرر

    واضح رہے کہ اسلام آباد کی احتساب عدالت نمبر دو کے جج محمد ارشد ملک نے دونوں ریفرنسز پر فیصلے سنائے تھے اور العزیزیہ اسٹیل ملز ریفرنس میں نواز شریف کو سات سال قید اور جرمانے کی سزا سنائی تھی جبکہ فلیگ شپ ریفرنس میں عدم شواہد کی بناء پر بری کر دیا تھا۔

    دس دن میں نواز شریف کو وزن کتنے کلو کم ہوا؟ ڈاکٹر بھی حیران

    نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

    فنڈنگ کیس،تحریک انصاف نے ایسا وار کر دیا کہ نواز و زرداری کے لئے بڑی مشکل کھڑی ہو گئی