Baaghi TV

Category: اہم خبریں

  • پاک فوج میں اہم تقرریاں و تبادلے، کور کمانڈر منگلا و پشاور کس کو تعینات کیا گیا؟ اہم خبر

    پاک فوج میں اہم تقرریاں و تبادلے، کور کمانڈر منگلا و پشاور کس کو تعینات کیا گیا؟ اہم خبر

    پاک فوج میں اہم تقرریاں و تبادلے، کور کمانڈر منگلا و پشاور کس کو تعینات کیا گیا؟ اہم خبر

    باغی ٹی وی کی رپورٹ کے مطابق پاک فوج میں اہم تقرریاں وتبادلے ہوئے ہیں، ڈی جی آئی ایس پی آر کے مطابق لیفٹیننٹ جنرل ساحر شمشاد مرزا کو چیف آف جنرل اسٹاف تعینات کیا گیا ہے، لیفٹیننٹ جنرل ندیم ذکی منج کو ڈی جی ایس پی ڈی تعینات کیا گیا ہے،

    ڈی جی آئی ایس پی آر کے مطابق لیفٹیننٹ جنرل شاہین مظہرکو کورکمانڈرمنگلا تعینات کیا گیا ہے، لیفٹیننٹ جنرل نعمان محمود کو کورکمانڈرپشاورتعینات کردیاگیا،

    ڈی جی آئی ایس پی آر کے مطابق 2میجرجنرلزکی لیفٹیننٹ جنرل کےعہدے پرترقی ہوئی ہے ترقی پانے والوں میں میجرجنرل علی عامراعوان اورمیجرجنرل محمد سعید شامل ہیں

    ترقی پانے والے افسران لیفٹیننٹ جنرل محمد سعید کوصدراین ڈی یوتعینات کردیاگیا، لیفٹیننٹ جنرل علی عامراعوان کو آئی جی سی اینڈ آئی ٹی تعینات کر دیا گیا

  • وزیراعظم عمران خان سے چیئرمین جوائنٹ چیفس آف سٹاف کی ملاقات، کیا بات ہوئی؟ اہم خبر

    وزیراعظم عمران خان سے انتہائی اہم ترین شخصیت کی ملاقات ہوئی ہے،

    باغی ٹی وی کی رپورٹ کے مطابق وزیراعظم عمران خان سے چیئرمین جوائنٹ چیفس آف اسٹاف کمیٹی جنرل زبیرمحمود حیات کی الوداعی ملاقات ہوئی ہے،وزیراعظم عمران خان نے جنرل زبیرمحمود حیات کی ملک کےلیے خدمات کو سراہا ، وزیراعظم عمران خان نے جنرل زبیرمحمودحیات کےلیےنیک خواہشات کااظہارکیا

    مادر وطن کی سمندری سرحدوں اور ساحلوں کے دفاع کے لیے تیار ہیں، سربراہ پاک بحریہ

    پاک بحریہ کے سربراہ کا کریکس اور کوسٹل ایریا میں پاک بحریہ کی تنصیبات کا دورہ

    صدر مملکت ڈاکٹر عارف علوی سے چیئرمین جوائنٹ چیفس سٹاف کمیٹی جنرل زبیر محمود حیات نے ایوان صدر میں الوداعی ملاقات کی۔ صدر مملکت نے سبکدوش ہونے والے چیئرمین جوائنٹ چیفس آف سٹاف کمیٹی کی ملک کے دفاع کےلئے پیش کی گئی خدمات کی تعریف کی۔

    چیئرمین جوائنٹ چیفس آف سٹاف کمیٹی جنرل زبیر محمود حیات کا نیول ہیڈ کوارٹرز کا الوداعی دورہ

    چیئر مین جوائنٹ چیفس آف سٹاف کمیٹی کا ائیر ہیڈ کوارٹرز اسلام آباد کا الوداعی دورہ

    چیئرمین جوائنٹس چیف آف اسٹاف کمیٹی نے کشمیر پر ایسا بیان دیا کہ بھارت ہوا پریشان

    پاکستان کی سلامتی کی صورتحال میں داخلی اورخارجی عوامل کارفرما ہیں،جنرل زبیر محمود حیات

    انہوں نے کہا کہ جنرل زبیر محمود حیات ایک سچے پیشہ ور سپاہی ہیں اور انہوں نے مسلح افواج کی مستعدی اور پیشہ وارانہ صلاحیتوں میں اضافہ کیلئے کردار ادا کیا۔ صدر مملکت نے جنرل زبیر محمود حیات (نشان امتیاز ملٹری) کی آئندہ زندگی میں اچھی صحت، کامیابی اور خوشیوں کیلئے نیک تمناﺅں کا بھی اظہار کیا۔

    سابق ڈی جی آئی ایس پی آر کو ایک بار پھر بڑا عہدہ ملنے کا امکان

    وزیراعظم عمران خان نے لیفٹیننٹ جنرل ندیم رضا کو چیئرمین جوائنٹ چیفس آف اسٹاف کمیٹی بنانے کی منظوری دے دی,

    لیفٹیننٹ جنرل ندیم رضا اس وقت چیف آف جنرل اسٹاف کے عہدے پر کام کررہے ہیں اور وہ چیئرمین جوائنٹ چیفس آف اسٹاف کمیٹی جنرل زبیر محمود حیات کی جگہ لیں گے۔لیفٹیننٹ جنرل ندیم رضا کور کمانڈر راولپنڈی بھی رہ چکے ہیں، لیفٹیننٹ جنرل ندیم رضا پاکستان ملٹری اکیڈمی (پی ایم اے) کاکول کے کمانڈنٹ بھی رہ چکے ہیں۔لیفٹیننٹ جنرل ندیم رضا کو ہلال امتیاز ملٹری بھی مل چکا ہے۔

    خیال رہے کہ جنرل زبیر محمود حیات نے 28 نومبر 2016 کو چیئرمین جوائنٹ چیفس آف اسٹاف کا عہدہ سنبھالا تھا۔ اس سے قبل یہ عہدہ جنرل راشد محمود کے پاس تھا۔وزیراعظم ہاؤس سے جاری اعلامیے کے مطابق لیفٹیننٹ جنرل ندیم رضا کی تقرری کا اطلاق 27 نومبر 2019 سے ہوگا۔وزیراعظم ہاؤس کے اعلامیے کے مطابق جنرل قمر جاوید باجوہ کی دوسری مدت کے لیے بطور آرمی چیف تقرری کا نوٹیفکیشن 19 اگست کو جاری ہوچکا ہے۔

     

  • العزیزیہ ریفرنس اپیل، سماعت ملتوی،ممکن ہے دو ہفتے بعد یہ کام ہو جائے،عدالت

    العزیزیہ ریفرنس اپیل، سماعت ملتوی،ممکن ہے دو ہفتے بعد یہ کام ہو جائے،عدالت

    باغی ٹی وی کی رپورٹ کے مطابق اسلام آباد ہائیکورٹ میں العزیزیہ ریفرنس میں سزا کے خلاف نواز شریف کی اپیل پر سماعت ہوئی،اسلام آباد ہائیکورٹ کے جسٹس عامر فاروق اور جسٹس محسن اختر کیانی نے سماعت کی،سابق وزیراعظم نواز شریف کی حاضری سے اسثنی ٰکی درخواست منظور کر لی گئی،

    جسٹس عامر فاروق نے کہا کہ خواجہ صاحب کو آنے دیں ان کا جواب بھی دیکھ لیں ،ممکن ہے کہ 2ہفتے بعد ڈویژن بنچ کی تشکیل تبدیل ہو جائے،ممکن ہے کہ 2ہفتے بعد ڈویژن بنچ کی ازسرنو تشکیل ہو جائے،آئندہ سماعت پر پہلے متفرق درخواستوں پر فیصلہ کیا جائے گا،

    کیس کی سماعت 2 ہفتے کے لیے ملتوی کر دی گئی.

    سابق وزیراعظم نواز شریف نے عدالت میں درخواست دائر کی تھی جس میں کہا تھا کہ علاج کے لئے لندن میں ہوں حاضری سے استثنیٰ دیا جائے ،عدالت نے نواز شریف کی درخواست منظور کر لی.

    نیب نے عدالت میں جواب جمع کروا دیا ہے،نوازشریف کی ناصرجنجوعہ کوعدالتی گواہ بنانے کی درخواست کی نیب نے مخالفت کر دی، نیب نے جج ارشد ملک ویڈیوکو بطورشہادت پیش کرنےکی بھی مخالفت کر دی

    نیب نے کہا کہ ارشد ملک کی ویڈیوقانون شہادت کےمعیارپرپورانہیں اترتی، جج ارشد ملک کی ویڈیوشواہد نہیں،نوازشریف کی درخواست پرنیب نےجواب جمع کرادیا نیب نے 5 افرادکوگواہ بنانےکی مخالفت کردی نیب نے جواب میں کہا کہ پانچوں افراد کا اس کیس سے کوئی تعلق نہیں،اضافی شواہدپیش کرنے کی کوئی نظیرنہیں،فرانزک ماہرین کامعاملے سےکوئی تعلق نہیں بنتا ، ناصربٹ اس کیس میں فریق ہی نہیں،

    مریم نواز نے پھر "ابا” کے لئے مشکل کھڑی کر دی

    واضح رہے کہ سابق وزیراعظم نواز شریف کوٹ لکھپت جیل میں قید تھے اور العزیزیہ ریفرنس کیس کی سزا کاٹ رہے تھے، تا ہم بیماری کے بعد انہیں ہسپتال اور پھر گھر منتقل کر دیا ہے، نواز شریف اب لندلن جا چکے ہیں، نواز شریف کا لندن میں علاج جاری ہے. طبی بنیادوں پر نواز شریف کی اسلام آباد ہائیکورٹ نے آٹھ ہفتوں کے لئے ضمانت منظور کر رکھی ہے

    نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

    العزیزیہ ریفرنس،نوازشریف کی سزا کے خلاف اپیل سماعت کے لئے مقرر

    واضح رہے کہ اسلام آباد کی احتساب عدالت نمبر دو کے جج محمد ارشد ملک نے دونوں ریفرنسز پر فیصلے سنائے تھے اور العزیزیہ اسٹیل ملز ریفرنس میں نواز شریف کو سات سال قید اور جرمانے کی سزا سنائی تھی جبکہ فلیگ شپ ریفرنس میں عدم شواہد کی بناء پر بری کر دیا تھا۔

    دس دن میں نواز شریف کو وزن کتنے کلو کم ہوا؟ ڈاکٹر بھی حیران

    نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

    فنڈنگ کیس،تحریک انصاف نے ایسا وار کر دیا کہ نواز و زرداری کے لئے بڑی مشکل کھڑی ہو گئی

  • فنڈنگ کیس،تحریک انصاف نے ایسا وار کر دیا کہ نواز و زرداری کے لئے بڑی مشکل کھڑی ہو گئی

    فنڈنگ کیس،تحریک انصاف نے ایسا وار کر دیا کہ نواز و زرداری کے لئے بڑی مشکل کھڑی ہو گئی

    فنڈنگ کیس،تحریک انصاف نے ایسا وار کر دیا کہ نواز و زرداری کے لئے بڑی مشکل کھڑی ہو گئی

    باغی ٹی وی کی رپورٹ کے مطابق پارلیمانی سیکرٹری فرخ حبیب نے میڈیا سے گفتگو میں کہا کہ پانامہ کیس میں منی ٹریل نہیں بلکہ قطری خط پیش کیا گیا، پیپلز پارٹی نے بھی راہ فرار اختیار کر چکی ہے، پیپلز پارٹی یو ایس میں رجسٹرڈ ہے، مارک سیگل بے نظیرکیس میں بھی خط لے کر آئے تھے، اس کو پی پی لاکھوں ڈالر پے کر چکی ہے وہ پی پی کے ایجنٹ ہیں اور آصف زرداری اس کمپنی کے پرنسپل ہیں، یہ دو تین دہائیوں سے پی پی نے ایجنٹ ہائر کئے ہوئے ہیں وہ لاکھوں ڈالر جو ان کو دیئے گئے وہ کس چینل سے گئے؟ آصف زرداری کو جو مشرف سے این آر او ملا تھا وہ ویسے نہیں ملا تھا، ایمبیسی آف پاکستان کے ذریعے جب شیری رحمان اور حسین حقانی ایمسڈر تھے اسوقت لاکھوں ڈالر بھجوائے گئے، ان سوالات کا جواب ان کو دینا ہے اور جو گڑھا پی ٹی آئی کے لئے کھود دے رہے تھے اس میں خود گرنے والے ہیں،آصف زرداری پیپلزپارٹی یو ایس اے کے لیگل سربراہ ہیں

    فرخ حبیب نے مزید کہا کہ تحریک انصاف نے چالیس ہزار ڈونرز کی لسٹ الیکشن کمیشن کو دی ہے، ہم ریاست مدینہ پر یقین رکھتے ہیں اور جوابدہ ہیں، جس بنیاد پر پی ٹی آئی کی تحقیقات ہو رہی ہے اسی بنیاد پر روزانہ کی بنیاد پر دیگر جماعتوں کی بھی ہونی چاہئے آپ عوام کو گمراہ نہیں کر سکتے، فارن فنڈنگ کیس کے بارے میں سپریم کورٹ کے فیصلے میں بھی لکھا ہے کہ گورنمنٹ اس کو دیکھ سکتی ہے، ن لیگ سے سوال پوچھتا ہوں کہ 2103 سے 2018 تک حکومت کس کی تھی اگر ہمیں فارن فنڈنگ ہوئی تو آپ نے کیس کیوں نہیں کیا، آپ کو پتہ تھا کہ عمران خان نے وزیراعظم بننے سے پہلے بھی احتساب کروا چکے ، چالیس سالہ کمائی کا ریکارڈ پیش کیا، ساٹھ ریکارڈ عدالت میں پیش کئے،

    فارن فنڈنگ کیس، شیخ رشید نے بھی بڑا مطالبہ کر دیا

    فارن فنڈنگ کیس سماعت سے قبل وزیراعظم عمران خان کے لئے ایک اور مشکل

    غیر ملکی فنڈنگ کیس میں تحریک انصاف کو ملی عدالت سے ملی بڑی کامیابی

    فارن فنڈنگ کیس، مریم اورنگزیب نے الیکشن کمیشن سے بڑا مطالبہ کر دیا

    فارن فنڈنگ کیس،الیکشن کمیشن نے سنایا بڑا فیصلہ

    تحریک انصاف اپنی مرضی کے نتائج حاصل کرنا چاہتی ہے، ایسا کس نے کہہ دیا

    فرخ حبیب نے مزید کہا تھا کہ 2011 میں عمران خان سمیت پی ٹی آئی کی سنٹرل ایگزیکٹو نے اثاثے ویب سائٹ پر ڈالے تھے لیکن دوسری جماعتوں نے ایسا نہین کیا، سکروٹنی کمیٹی سے امید ہے کہ آئینی ادارہ اپنے قانونی فرائض کو بھر پور طریقے سے نبھائے گا، پی پی اور مسلم لیگ ن کی بھی کل سماعت ہے، یو ایس اے ای ایل سی اور جن کی پی ایم ایل این یو کے رجسٹرڈ ہے ان کی تحقیقات کا اخیتار وفاقی حکومت کے پاس موجود ہے، ان کو رسیدیں دینا پڑیں گی، پانامہ کیس کی طرح ان کی حقیقت پارٹی سے عیاں ہو گی.مسلم لیگ ن یو کے پرائیویٹ لمیٹڈ کےطور پر رجسٹرڈ ہے،مسلم لیگ ن یو کے کسی بھی قسم کی تجارت کرسکتی ہے

    فرخ حبیب کا مزید کہنا تھا کہ مسلم لیگ ن کےاکاوَنٹس کی جانچ پڑتال کی جائے،مسلم لیگ ن کےاکاوَنٹس میں بہت سی آن لائن منتقلی ہوئی،مسلم لیگ ن کےاکاوَنٹس میں رقم کی منتقلی کے ذرائع کا علم نہیں،خدشہ ہے مسلم لیگ ن کے اکاوَنٹس منی لانڈرنگ کیلئے استعمال ہوئے،لیگی قیادت نے اپنے اکاوَنٹس کو خفیہ رکھا ہوا ہے اور جواب نہیں دہے رہے،نوازشریف نے پارٹی کو 10کروڑ روپے دیئے اور اگلے روز4کروڑ اپنے اکاوَنٹ میں جمع کرلیے،

    فرخ حبیب نے مزید کہا کہ عدالت میں درخواست جمع کروائی تھی کہ قیاس آرائیوں کی بنیاد پر خبریں نہیں آنی چاہیے، تحریک انصاف کے تمام اکاؤنٹس ڈکلیرڈ ہیں.

  • کلین اینڈ گرین پاکستان پروگرام کا افتتاح، ملکر نیا پاکستان بنائیں گے، وزیراعظم کا عزم

    کلین اینڈ گرین پاکستان پروگرام کا افتتاح، ملکر نیا پاکستان بنائیں گے، وزیراعظم کا عزم

    کلین اینڈ گرین پاکستان پروگرام کا افتتاح، ملکر نیا پاکستان بنائیں گے، وزیراعظم کا عزم

    باغی ٹی وی کی رپورٹ کے مطابق وزیراعظم عمران خان نے کلین اینڈ گرین پاکستان پروگرام کا افتتاح کر دیا،اس موقع پر وزیراعظم عمران خان نے تقریب سے خطاب کرتے ہوئے کہا کہ دو نظریئے ہیں ذات کی زندگی کا دنیا کو سب سے زیادہ نقصان ہوا ہے، امیر ہونے کیا ہوس نے نقصان کیا، صفائی کا حکم نبی کریم کا حکم ہے ،آدھا ایمان صفائی ہے، میں چاہتا ہوں نوجوان حصہ لیں کلین گرین کا حصہ لیں ،ہرا پاکستان کو جو ہمارا خواب ہے اس میں نوجوان ممبر بنیں، گورنمنٹ کے پاس اب پیسہ آ رہا ہے، جیسے جیسے پیسہ آئے گا ہم نے اپنے لوگوں پر لگانا ہے دریا صاف کرنے ہیں ، دریاؤں میں گند ڈال کر خراب کیا گیا ہے یہ صاف بھی ہو سکتے ہیں سنگا پور پہلی بار گیا وہاں کا ایک ہی دریا ہے وہ سیوریج کا ڈمب بنا ہوا تھا آج وہ صاف ہے وہاں مچھلیاں ہیں، لندن میں دریا کو صاف کر دیا گیا اب وہاں ایسا نہیں ہے، ہم ملک کو اس سطح پر نہیں لے کر گئے ہم لے کر جائیں گے

    وزیراعظم عمران خان نے مزید کہا کہ اللہ کے حکم پر نہ چلنے والی قومیں برباد ہوجاتی ہیں،جب قوم اپنی آنےوالی نسلوں کا نہیں سوچتی تو برباد ہوجاتی ہے،35،30سال پہلے لاہور بڑا صاف شہر تھا،ایسا کام کریں جس کے اثرات کئی سال تک رہیں،چند سالوں میں ملک کو ہرا کر دیں گے کے پی میں پانچ سالوں میں ایک ارب درخت لگائے ہم نے شہروں میں سب علاقے دیکھنے ہیں وہاں درخت لگانے ہیں، امین اسلم کو مبارکباد دیتا ہوں انہوں نے زبردست پلان بنایا ہے، ہم ایک ارب درخت نہ لگا سکتے اگر عوام شرکت نہ کرتی اب بھی عوام کو ساتھ ملا کر پاکستان کو صاف کریں گے اور ہرا کریں گے.

    وزیراعظم عمران خان نے مزید کہا کہ لاہور میں پھیپھڑوں کی بیماریاں بڑھتی جارہی ہیں،لاہورمیں 10سال کےدوران70فیصددرخت کاٹے گئے،آلودگی سے سب کی زندگیوں کو خطرہ ہے،ماضی میں لاہور کے شہری نہروں سے پانی پیا کرتے تھے،آج لاہور کی نہریں نالے میں تبدیل ہوگئی ہیں،لوگوں کو علم نہیں پاکستان کتنی بڑی نعمت ہے،پاکستان میں 12قسم کے موسم ہیں، ذرخیز زمین ہے،پاکستان کو سیاحت کا مرکز بنائیں گے،پاکستان کو سیاحت کا مرکز بنائیں گے،

    وزیراعظم عمران خان کا مزید کہنا تھا کہ حکومت پاکستان کا سب سےبہترین بلدیاتی نظام لارہے ہیں،سندھ بھی بلدیاتی نظام کے بغیر ترقی نہیں کرسکتا،سندھ کو بھی بلدیاتی نظام سے متعلق بتائیں گے،بلدیاتی نظام کے تحت اختیارات نچلی سطح تک منتقل ہوں گے،مل کرنیاپاکستان بنائیں گے،نئے پاکستان کے نظریے کو سمجھنے کی ضرورت ہے،نیا پاکستان پہلے ذہن میں آئےگا، تبدیلی ذہن میں آتی ہے،دوسروں کیلئے کیے جانے والا کام اللہ کیلئے ہوتا ہے،ایسا پاکستان بنائیں گے جو دنیا کیلئے مثال ہوگا،

    وزیراعظم عمران خان کے خطاب سے قبل مشیر ماحولیات امین اسلم کا کہنا تھا اسلام آباد میں کلین اینڈ گرین مہم کامیابی سے جاری ہے، الیکٹرک گاڑیوں سے ماحولیاتی آلودگی پر قابو پایا جاسکتا ہے، ہزاروں گیلن پانی سمندر میں ضائع ہو جاتا ہے، پانی کا ضیاع روکنے کیلئے اقدامات کیے جا رہے ہیں، 19 شہروں میں مختلف انڈیکیٹرز پر کام جاری ہے، مضر صحت پانی کو دوبارہ قابل استعمال بنایا جائے گا۔

  • توہین عدالت، فردوس عاشق اعوان اور غلام سرور بارے عدالت کا بڑا فیصلہ

    توہین عدالت، فردوس عاشق اعوان اور غلام سرور بارے عدالت کا بڑا فیصلہ

    باغی ٹی وی کی رپورٹ کے مطابق توہین عدالت کیس، فردوس عاشق اعوان اسلام آباد ہائی کورٹ پہنچ گئیں،فردوس عاشق اعوان اور غلام سرور خان کے خلاف توہین عدالت کیس کی سماعت اسلام آباد ہائیکورٹ کے چیف جسٹس اطہرمن اللہ نے کی،فردوس عاشق اعوان اپنے وکیل شاہ خاور ایڈووکیٹ کے ساتھ عدالت میں پیش ہوئیں

    خاور شاہ ایڈوکیٹ نے کہا کہ ہم نے شوکاز نوٹس کا تحریری جواب اور غیرمشروط معافی نامہ جمع کرا دیا ہے، چیف جسٹس اطہرمن اللہ نے استفسار کیا کہ غلام سرور خان کہاں ہیں؟ جس پر وکیل نے کہا کہ غلام سرور خان راستے میں ہیں تھوڑی دیر کے لئے سماعت ملتوی کر دیں ، عدالت نے دس منٹ کے لئے سماعت ملتوی کی

    بعد ازاں وفاقی وزیر غلام سرور خان عدالت پہنچے تو سماعت دوبارہ شروع ہوئی،اسلام آباد ہائیکورٹ نےفردوس عاشق اعوان اورغلام سرورکی غیرمشروط معافی منظورکر لی،فردوس عاشق اعوان اور غلام سرور کے خلاف توہین عدالت کے نوٹس واپس لے لئے،

    چیف جسٹس اطہر من اللہ نے کہا کہ آپ دونوں کابینہ کے ذمہ دار عہدے داران ہیں ،غلام سرور خان کے بیان کی تعریف کروں گا،انہوں نے کہا کہ وہ بیان سیاسی تھا کسی کو عدالتی کارروائی پراثراندازہونےکی اجازت نہیں دےسکتے،ہم توہین عدالت کےنوٹس جاری کرکےخوش نہیں ہوتے،آپ دونوں کےبیانات سےعوام کااعتمادعدالت سےمتزلزل ہوا،

    وزیراعظم عمران خان کیخلاف توہین عدالت کی درخواست پر کب ہو گی سماعت؟ اہم خبر

    چیف جسٹس اطہرمن اللہ نے مزید ریمارکس دیتے ہوئے کہا کہ تسلیم کرتا ہوں کہ عدلیہ سمیت کوئی بھی پر فیکٹ نہیں،جہاں انصاف کی فراہمی کیلیے رکاوٹ پیداہو اس صورت میں توہین عدالت کا اختیار استعمال کیا جاتا ہے، صرف سیاست کیلیے لوگوں کا اداروں سے اعتماد اٹھانا نقصان دہ ہے،سیاست کے لیے اداروں کو متنازع بنانا درست نہیں،عدالت مطمئن تھی کہ آپ نے جو بھی کہا وہ توہین عدالت میں ضرور آتا ہے ،عدالت اس کے باوجود توہین عدالت کے شوکاز نوٹسز واپس لے رہی ہے،

    فردوس عاشق اعوان کو معافی نہ ملی، عدالت نے کیا حکم دیا؟

    آج معافی دے دیں آئندہ ایسا نہیں کروں گی، فردوس عاشق اعوان کی عدالت میں دہائی

    یاد رہے 14 نومبر کو توہین عدالت کیس میں وفاقی وزیر برائے ہوا بازی غلام سرور خان نے عدالت سے غیر مشروط معافی مانگی تھی، جس پر عدالت نے غلام سرور کی غیر مشروط معافی پر فیصلہ محفوظ کرلیا تھا اور آئندہ سماعت پر فردوس عاشق اعوان، غلام سرور ذاتی طور پر پیش ہونے کا حکم دیا تھا۔

  • نیدر لینڈ کی ملکہ میکسما کی پاکستان آمد، کس نے کیا استقبال؟

    نیدر لینڈ کی ملکہ میکسما کی پاکستان آمد، کس نے کیا استقبال؟

    باغی ٹی وی کی رپورٹ کے مطابق نیدر لینڈ کی ملکہ میکسما پاکستان پہنچ گئیں،ملکہ میکسما 6رکنی وفد کے ہمراہ اسلام آباد ایئرپورٹ پہنچیں،وزارت خارجہ اور نیدرلینڈ سفارتخانے کے حکام نے ملکہ کا استقبال کیا،

    ملکہ اقوام متحدہ کے سیکریٹری جنرل کے خصوصی نمائندے کے طور پر دورہ کررہی ہیں،ملکہ میکسما صدر مملکت اور وزیر اعظم عمران خان سے ملاقات کریں گی.ملکہ کا تین روزہ دورہ 25 تا 27 نومبر پر محیط ہو گا جب کہ پاکستانی قیادت سے ہونے والی ملاقاتوں میں باہمی تعلقات کے فروغ سمیت مختلف امور پر تبادلہ خیال ہو گیا،

    وزیراعظم نے مولانا فضل الرحمن کے لوگوں‌ کو قرضے دینے کا اعلان کر دیا

    ملکہ میکسما دورہ پاکستان میں عوامی اور نجی شعبوں کے متعدد شراکت داروں سے بھی ملاقاتیں کریں گی۔ ملکہ میکسما بطور نمائندہ انکلوسیو فننانس فار ڈیویلپمنٹ یہ دورہ کر رہی ہیں۔ انکلوسیو فنانس فار ڈیویلپمنٹ پاکستانی حکومت کی اہم ترجیحات میں شامل ہے۔اس سے قبل برطانوی شاہی جوڑی شہزادہ ولیم اور ملکہ کیٹ نے پاکستان کا دورہ کرکے دنیا کو یہ پیغام دیا کہ پاکستان نہ صرف پرامن ملک ہے بلکہ محبت بھرا اوریہاں کے لوگ بہت اچھے ہیں‌

    قرضوں پر دینا پڑے گا اتنا سود کہ دوبارہ ایسی غلطی کا کوئی سوچے گا بھی نہیں؟ اہم خبر

    دفترخارجہ کی طرف سے جاری کئے گئے ایک پریس ریلیز کے مطابق ترقی کے لئے اجتماعی مالی تعاون حکومت کی اہم ترجیحات میں شامل ہے۔ ملکہ Maxima مجموعی مالی تعاون کے فروغ کے لئے چھوٹی ادائیگیوں کی لاگت کم کرنے اور ڈیجیٹل لین دین میں اضافے کی غرض سے سٹیٹ بنک کی طرف سے شروع کئے جانے والے مائیکرو پیمنٹ گیٹ وے پروگرام کی  افتتاحی تقریب میں بھی شرکت کریں گی۔

  • ملکہ میکسما کا دوروزہ پاکستان،اہم شخصیات سے اہم ملاقاتیں اورمعاہدوں کا امکان

    اسلام آباد: نیدر لینڈز کی ملکہ میکسما آج سے پاکستان کا دو روزہ دورہ کریں گی۔ ملکہ میکسما اقوام متحدہ کے سیکرٹری جنرل کے خصوصی نمائندہ کے طور پر پاکستان کا دورہ کررہی ہیں۔ اپنے دورہ پاکستان کے دوران ملکہ نیدرلینڈز صدر مملکت اور وزیراعظم کے ساتھ ملاقاتیں کریں گی۔ ان کی کل دو روزہ پاکستان انوویٹیو فورم میں شرکت کا بھی امکان ہے۔

    بھارت کی مکاری جاری، انٹرنیٹ کے ذریعہ حساس معلومات حاصل کرنے کی کوشش

    ذرائع کے مطابق ملکہ میکسما دورہ پاکستان میں عوامی اور نجی شعبوں کے متعدد شراکت داروں سے بھی ملاقاتیں کریں گی۔ ملکہ میکسما بطور نمائندہ انکلوسیو فننانس فار ڈیویلپمنٹ یہ دورہ کر رہی ہیں۔ انکلوسیو فنانس فار ڈیویلپمنٹ پاکستانی حکومت کی اہم ترجیحات میں شامل ہے۔اس سے قبل برطانوی شاہی جوڑی شہزادہ ولیم اور ملکہ کیٹ نے پاکستان کا دورہ کرکے دنیا کو یہ پیغام دیا کہ پاکستان نہ صرف پرامن ملک ہے بلکہ محبت بھرا اوریہاں کے لوگ بہت اچھے ہیں‌

    عمران خان مخلص، سچا اورامانت دارلیڈر، آزادکشمیر

    پاکستان نے فنانشل انکلوثن کیلئے حالیہ برسوں میں کئی اقدامات کیے ہیں۔ ذرائع کا کہنا ہے کہ ملکہ میکسما مائیکرو پیمنٹ گیٹ وے کی افتتاحی تقریب میں بھی شرکت کریں گی۔ مائیکرو پیمنٹ گیٹ وے اسٹیٹ بینک کا ایک اقدام ہے۔ اس اقدام کا مقصد ملک میں ڈیجیٹل ادائیگیوں کے فروغ اور چھوٹی ادائیگیوں کے نرخ کو کم کرنا ہے۔ملکہ میکسما 2009ء سے اقوام متحدہ کے سیکرٹری جنرل کی نمائندہ خصوصی برائے انکلوسیو فنانس برائے ترقی ہیں۔

    اسلام آباد:جعلی ادویات کا مرکز”شاہین کیمسٹ” سیل ، کسٹم حکام کاآپریشن…

  • او آئی سی کا کشمیریوں کی حمایت جاری رکھنے کا اعلان

    جدہ:مسلمان ملکوں کی نمائندہ تنظیم او آئی سی نے کشمیریوں کی حمایت جاری رکھنے کا اعلان کرتے ہوئے کہا ہےکہ کشمیریوں کوآزادی دی جائے، اطلاعات کے مطابق  آزاد کشمیر کے صدر مسعود خان نے کہا ہے کہ بھارت نے مقبوضہ وادی کو دنیا کی سب سے بڑی جیل میں تبدیل کردیا، آرگنائزیشن آف اسلامک کارپوریشن (او آئی سی) نے کشمیریوں کی حمایت جاری رکھنے کا اعلان کردیا۔

    ریلوے کی ٹرینوں میں اب سانپ نکلنے لگے،لوگ خوفزدہ، ویڈیو وائرل

    تفصیلات کے مطابق صدر آزاد کشمیر مسعود خان نے اوآئی سی کے سیکریٹریٹ میں کشمیر سیمینار سے خطاب کیا۔ اُن کا کہنا تھا کہ اقوام متحدہ کے ایجنڈے پر مسئلہ کشمیر سب سے پرانا مسئلہ ہے۔آرگنائزیشن آف اسلامک کارپوریشن (او آئی سی) اقوامِ متحدہ پر دباؤ ڈالے کہ وہ اپنی قراردادوں پر عمل درآدمد کرائے، آج کشمیر میں عالمی میڈیا، انسانی حقوق کی تنظیموں کے مبصروں کو رسائی نہیں دی جارہی ہے۔

    نواز شریف نے لندن علاج کے ایک دورے پرسرکاری خزانے سے34 کروڑ روپے خرچ کیئے ،مراد…

    صدر مسعود خان کا کہنا تھا کہ اوآئی سی کی کشمیریوں کےحق خودارادیت کی حمایت پر اُن کے شکرگزار ہیں۔اس موقع پر آرگنائزیشن آف اسلامک کارپوریشن کے نمائندہ خصوصی برائے کشمیر نے کشمیریوں کی پرامن جدوجہد کی حمایت جاری رکھنے کا اعلان کیا اور اپنے ہر ممکن تعاون کی یقین دہانی کرائی۔

  • دنیا سن لے!اسلام کے خلاف اشتعال انگیز کارروائیاں کسی صورت قابل قبول نہیں، وزیراعظم عمران خان

    دنیا سن لے!اسلام کے خلاف اشتعال انگیز کارروائیاں کسی صورت قابل قبول نہیں، وزیراعظم عمران خان

    اسلام آباد:دنیا سن لے اور جن کو نہیں‌ پتا ان کوبتا دیں‌ کہ اسلام کے خلاف اشتعال انگیز کارروائیاں کسی صورت قابل قبول نہیں ہیں۔جس کے دل میں‌ اسلام کی قدر نہیں ہمارے دل میں‌ اس کے لیے قدر نہیں‌ ،ہمارے پاس اسلام کے علاوہ اور ہے کیا؟اگراہم دین اسلام کی حفاظث نہ کرسکے توپھرہماری زندگیوں‌کا کیا فائدہ ، ان خیالات کااظہاروزیراعظم عمران خان نے آج ایک اہم اجلاس میں‌پارٹی رہنماوں‌کوہدایات دیتے ہوئے کیا ،

    پاکستان کا سخت ردعمل :ناروے حکومت نے پولیس کو قرآن پاک کی بے حرمتی روکنے کا حکم…

    تفصیلات کے مطابق وزیراعظم کی زیر صدارت پی ٹی آئی کور کمیٹی کا اجلاس ختم ہوگیا، عمران خان نے ناروے میں پیش آنے والے واقعے کی شدید مذمت کی ہے۔وزیراعظم عمران خان نے وزارت خارجہ کو او آئی سی سے فوری رابطے کی ہدایت کردی، عمران خان نے کہا کہ وزیر خارجہ او آئی سی میں پاکستان کے تحفظات سے آگاہ کریں۔

    اسلام آباد کی خوشبو،جستجوکاہرکوئی دیوانہ ، پہلے مولانا اب سراج الحق ،نظرکرسی…

    واضح رہے کہ قرآن پاک کی بے حرمتی پر پاکستان کی جانب سے سخت ردِ عمل کے بعد ناروے حکومت بھی اقدامات پر مجبور ہو گئی ہے۔پولیس کو قرآن پاک کی بے حرمتی روکنے کے احکامات کے ساتھ ناروے حکومت نے ایسے واقعات کی روک تھام کو بھی لازمی قرار دے دیا ہے۔ ناروے کے سفیر نے کہا ہے کہ ناروے حکومت قرآن پاک کی بے حرمتی کو سختی سے نامنظور کرتی ہے۔

    ڈوریں پھرتی رہیں،گردنیں کٹتی رہیں،7 سالہ بچے کی گردن پر پتنگ کی ڈور پھر گئی

    یاد رہے کہ چند دن قبل ناروے میں اسلام مخالف ریلی میں قرآن پاک کی بے حرمتی کی کوشش کی گئی تھی، جس پر گزشتہ روز پاکستان نے ناروے کے سفیر کو دفتر خارجہ طلب کر کے مذموم واقعے کی شدید مذمت اور احتجاج کیا۔