سابق ڈی جی آئی ایس پی آر کو ایک بار پھر بڑا عہدہ ملنے کا امکان

باغی ٹی وی کی رپورٹ کے مطابق وفاقی کابینہ نے پاک فوج کے ریٹائرڈ لیفٹیننٹ جنرل عاصم سلیم باجوہ کو پاک چین اقتصادی راہداری (سی پیک) کا سربراہ بنانے کا فیصلہ کیا ہے۔ لیفٹیننٹ جنرل (ر) عاصم سلیم باجوہ سدرن کور کی کمانڈ سے ریٹائرڈ ہوئے ہیں۔ ان کو سی پیک اتھارٹی کا سربراہ بنانے کی سمری منظوری کے لیے وزیراعظم کو بھجوا دی گئی ہے جسے آئندہ وفاقی کابینہ کے اجلاس میں منظور کر لیا جائے گا۔

ان کی تعیناتی چار سال کے لیے ہوگی، عاصم سلیم باجوہ ڈی جی آئی ایس پی آر بھی رہ چکے ہیں، وہ بلوچستان میں تعینات رہے ہیں،

وفاقی وزیر منصوبہ بندی خسرو بختیار نے کہا تھا کہ سی پیک اتھارٹی اور پاک چائنہ بزنس کونسل بنانے کا فیصلہ کیا ہے، سی پیک اہداف کے حصول کے لئے نجی شراکت ناگزیر ہے.

چین کی 70 ویں سالگرہ، وزیراعظم عمران خان نے دیا چین کو اہم پیغام

کشمیر پر دو ایٹمی طاقتیں آمنے سامنے آ سکتی ہیں،وزیراعظم عمران خان کا اقوام متحدہ میں خطاب

سی پیک اتھارٹی کا اطلاق پورے پاکستان میں ہوگا ،وزیراعظم 4 سال کےلیے اتھارٹی کے چیئرپرسن ہوں گے ،سی پیک اتھارٹی 10ارکان پرمشتمل ہوگی

سی پیک میں ایران بھی اہم کردار ادا کرنے کو تیار

قومی اسمبلی اور سینیٹ اجلاس نہ ہونےپر سی پیک اتھارٹی آرڈیننس لایا گیا ،وزیراعظم ہی اتھارٹی کےایگزیکٹو ڈائریکٹرز اورارکان کی تعیناتی کریں گےاتھارٹی کاچیف ایگزیکٹو20 گریڈ کا سرکاری افسر ہوگا ،سی پیک سے متعلق کوئی بھی فیصلہ اتھارٹی کے اکثریتی ارکان کی منظوری سے ہوگا

مسلم لیگ ن کے رہنما احسن اقبال نے کہا کہ سی پیک اتھارٹی کی کمیٹی تجویز میں بنیادی نقائص تھے ،کمیٹی نے مسترد کر کے اتھارٹی آرڈننس میں اصلاحات کا کہا تھا،سینیٹ میں سی پیک اتھارٹی آرڈیننس مسترد کرنا پڑے گا،

احسن اقبال نے مزید کہا کہ سی پیک کو اتھارٹی کی نہیں بجٹ کی ضررت ہے کمیٹی نے مسترد کرکےاتھارٹی آرڈیننس میں اصلاحات کاکہا تھا،

فارن فنڈنگ کیس، سماعت سے قبل عمران خان نے بڑا اقدام اٹھا لیا

باغی ٹی وی کی رپورٹ کے مطابق وزیراعظم عمران خان نے تحریک انصاف کی کورکمیٹی کا اجلاس طلب کرلیا ،اجلاس 24نومبر کو بنی گالہ میں طلب کیا گیا،اجلاس میں نوازشریف کی بیرون ملک روانگی، گورننس سمیت قومی نوعیت کے معاملات پر بات ہوگی

جہاز کو دیکھ کر نواز ٹھیک ہو گیا،ڈاکوؤں کا مقابلہ کروں گا، خان کرسی کیلئے نہیں تبدیلی کیلئے آیا ہے، وزیراعظم

نواز شریف کی صحت، ڈاکٹرز نے وارننگ دے دی، خطرے کی گھنٹی

لندن میں ایسا استقبال ہوا کہ نواز شریف نے پاکستان واپس جانے کی خواہش کر دی

وزیراعظم عمران خان کی زیر صدارت اجلاس میں سابق وزیراعظم نوازشریف کی صحت کی رپورٹس پر بھی بات ہوگی ،اجلاس میں پولیس ریفارمز، گورننس ریفارمز ،پارلیمانی سیاست پر بات ہوگی ،اجلاس میں چیرمین پی اے سی، الیکشن کمیشن کےممبران کی تقرری پرمشاورت ہوگی.

باغی سیپشل،پاکستانی سیاست میں دسمبر کا مہینہ انتہائی اہم، کیا ہونے جا رہا ہے؟چہ میگوئیاں‌ جاری

اجلاس میں فارن فنڈنگ کیس کے حوالہ سے بھی بات چیت ہو گی،26 نومبر سے تحریک انصاف کی فارن فنڈنگ کیس کی روزانہ کی بنیاد پر اپوزیشن جماعتوں کی درخواست پر سماعت شروع ہونی ہے، فارن فنڈنگ کیس کی درخواست پی ٹی آئی کے سابق رہنما نے الیکشن کمیشن میں دی تھی، روزانہ کی بنیاد پر سماعت کی درخواست اپوزیشن کی رہبر کمیٹی نے گزشتہ روز دی تھی جس کو الیکشن کمیشن نے قبول کر لیا,

5 دسمبر کو چیف الیکشن کمشنر کی مدت ملازمت ختم ہو رہی ہے، اپوزیشن جماعتوں کی خواہش ہے کہ پی ٹی آئی فارن فنڈنگ کیس کا فیصلہ انہی کے دور ملازمت میں ہو، جے یو آئی کے سربراہ مولانا فضل الرحمان نے آج مطالبہ کیا ہے کہ اگر فارن فنڈنگ کیس کا فیصلہ نہیں ہوتا تو ان کی مدت ملازمت میں توسیع کی جائے.

تبدیلی کیوں نہیں آ رہی، وزیراعظم خود بول پڑے، کیا وجہ بتائی، اہم خبر

باغی ٹی وی کی رپورٹ کے مطابق وزیراعظم عمران خان نے میانوالی میں تقریب سے خطاب کرتے ہوئے کہا کہ سب سے زیادہ خوشی زچہ وبچہ اسپتال کےسنگ بنیاد کی ہے، میانوالی کے لوگو یاد رکھو قومیں تعلیم سے ترقی کرتی ہیں جتنے ملک میں اعلیٰ تعلیم کے سنٹر ہوں گے ملک اتنا اوپر آئے گا، نمل یونیورسٹی دن بدن بہتر ہو رہی ہے، بیرون ملک سے اساتذہ کام کرنے کے لئے یہاں آئے ہیں، میانوالی کے ویرانے میں لوگ آئے ہیں،

وزیراعظم عمران خان نے کہا کہ میانوالی یونیورسٹی یہاں بنے گی، سکول بھی بنائیں گے، اس ہسپتال کے علاوہ ایک عمدہ ہسپتال شروع کرنے والے ہیں، زمین بھی لے لی ہیں، انیل مسرت خاص طور پر یہ ہسپتال بنا رہے ہیں یہ سرکاری نہیں ہو گا، پھر یہاں سے اسلام آباد یا لاہور نہیں جانا پڑے گا آپ کا علاج میانوالی میں ہو گا، اس موقع پر شرکاء نے عمران خان زند ہ باد کے نعرے لگائے

وزیراعظم کا مزید کہنا تھا کہ میانوالی میں مجھے تب ووٹ ملے تھے جب کسی نے نہیں دیے تھے، میں میانوالی سے ایم این اے بنا تو لوگ مجھے درخواستیں دیتے تھے سکول نہیں ہیں سکول ہیں تو ٹیچر نہیں، پانی، روزگار، تھانوں کے مسئلے، جھوٹے کیس، طاقتور کمزور پر ظلم کرتے تھے ،کمزور کو انصاف نہیں ملتا تھا میں نے تھانہ کچہری، پٹواری، سکول ،ہسپتال کے مسئلے سنے، دیکھیں آج میں عمران خان وزیراعظم ہوں ،کل نہیں ہوں گا کیا کل میانوالی کی سکیمیں ،فنڈ ختم ہو جائیں گے ہم نے نظام بدلنا ہے ایک ایسا نظام ہو جو خود بخود چلتا رہے،ہم بلدیاتی نظام لے کر آ رہے ہیں، ہم آپ کی تعلیم میں اضافہ کرنا چاہتے ہیں، جو ملک ہم سے آگے چلے گئے ہیں ان کی ایک بڑی وجہ زبردست بلدیاتی نظام ہے، بلدیاتی نظام کبھی بھی پاکستان میں اچھا نہیں آیا، اب ہم جو نظام خیبر پختونخواہ اور پنجاب میں لا رہے ہیں وہ بہت اچھا ہے ،ایک صوبے میں فنانس کمیشن بنے گا جو پیسہ صوبے میں آئے گا وہ ڈسٹرکٹ میں جائے گا اور پھر گاؤں میں جائیگا، یہ نہیں ہو گا کہ ڈسٹرکٹ ناظم فیصلہ کرے کہ پیسہ کس یونین میں خرچ کرنا ہے، گاؤں کے لوگ خود مشورہ کریں گے کہ پیسہ کہان خرچ کرنا ہے، گاؤں کے لوگ سکول کی نگرانی کریں گے، اپنے بی ایچ یو کا دھیان رکھیں گے کہ وہاں ڈاکٹر ہیں یا نہیں، تھانوں کے حوالہ سے بھی دیکھیں گے

وزیراعظم عمران خان نے مزید کہا کہ ہم جو بلدیاتی نظام لا رہے ہیں پیسہ اوپر سے نیچے تک پہنچے گا، چند ماہ میں بلدیاتی الیکشن ہونے والے ہیں، قانون بن چکا ہے، شہروں کے الگ الیکشن ہوں گے، ناظم اپنی ٹیم بنائے گا، سیوریج سسٹم و دیگر نظام انکے پاس چلے جائیں گے،جب تک ہم ایسا نظام نہیں لائیں گے ملک ترقی نہیں کرے گا، وزیراعلیٰ لاہور سے آیا تو سارا پنجاب کا فنڈ لاہور میں چلا گیا.شہر کے اپنے الیکشن ہوں گے جس کا کام مسئلے حل کرنا ہوں‌گے، ساری دنیا میں ایسا ہی ہے، جو کامیاب سسٹم باہر ہیں اسکو پاکستان میں لا رہے ہیں

وزیراعظم عمران خان نے مزید کہا کہ میانوالی میں باشعور نوجوان ہیں، آپ نے مجھے پہلی بار منتخب کیا تھا ، میرا کام آپ کو سمجھانا ہے کہ اب پاکستان کہاں کھڑا ہے، سارے کینٹینر پر چڑھ گئے کہ ملک تباہ ہو گیا، میں بتاتا ہوں کہ ملک کدھر تھا اب کہاں کھڑے ہیں، ہمیں جب الیکشن کے بعد پاکستان مین ملا تو اس میں دو مسئلے تھے، جتنا ہم پیسہ اکٹھا کرتے ہیں ملکی آمدنی اور خرچ میں تاریخی خسارہ ہماری حکومت کو ملا ، کسی حکومت کو اتنا خسارہ نہیں ملا،بجلی میں بہت خسارہ ملا،گردشی قرضہ زیادہ تھا، گیس کا کبھی خسارہ نہیں تھا لیکن ن لیگ 154 ارب کا خسارہ چھوڑ کر گئی، اس ملک کے ساتھ کیا ہوا سمجھنا ہو گا، جتنے ڈالر ملک میں آ رہے ہیں اور کتنے جا رہے ہیں اس میں تاریخی خسارہ تھا، زیادہ ڈالر باہر جا رہے تھے، ایکسپورٹ کم تھی اور امپورٹ تین گنا زیادہ تھی، جب ڈالروں میں خسارہ بڑھ جاتا ہے تو روپیہ گرنا شروع ہو جاتا ہے، روپئے کو اوپر رکھنے کے لئے ڈالر مارکیٹ میں پھینک کر قیمتیں اوپر پچھلی حکومت رکھ رہی تھیں، آج اللہ کا بڑا کر م ہے کہ روپیہ 35 فیصد گرا، ڈالر تین سو تک بھی جا سکتا تھا، جو ہم تیل باہر سے امپورٹ کرتے تھے، گھی ملائشیا سے امپورٹ کرتے تھے وہ چیزیں مہنگی ہو گئیں، تیل مہنگا ہونے سے بجلی مہنگی ہو گئی، اسکی وجہ سے ٹرانسپورٹ مہنگی ہو گئی اور مہنگائی ہو گئی، مہنگائی اس لئے آئی کہ یہ خسارہ چھوڑ کر گئے تھے،یہ ہے مہنگائی کی داستان،

وزیراعظم عمران خان نے مزید کہا کہ پچھلے چار ماہ میں خسارہ تھا چار سال میں پہلی بار ڈالر اب ملک میں زیادہ آ رہے ہیں اورباہر کم جا رہے ہیں یعنی ملک خسارہ کم ہو گیا ہے، روپیہ اوپر چلا گیا ہے، ہم کوئی ڈالر نہیں خرچ کر رہے، جو ٹیکس اکٹھا کرتے ہیں یہ بھی پہلی بار ہوا کہ ہم نے وہ خسارہ بھی کر دیا، اگر ہمیں سود نہ دینا پڑے جو انہوں نے قرضے لئے تو ہم سرپلس پر چلے جائیں،اسکی وجہ سے سٹاک مارکیٹ اوپر چلی گئی، پاکستان صحیح راستے پر چلا گیا،کینٹنر پر بے روزگار سیاستدان آئے تھے وہ اس لئے نہیں آئے تھے کہ پاکستان کی معیشت کی حال بری ہے ان کو فکر یہ تھی کہ پاکستان کی معیشت ٹھیک ہونے جا رہی ہے، ان کی سیاسی دکانیں بند ہونے لگی ہیں ، ان کو خطرہ یہ ہے کہ مجھے ایف آئی اے سے ساری انفارمیشن آ جاتی ہے ،مجھے سب پتہ ہے انہوں نے آگے جا کر کہیں نہ کہیں پھنس جانا ہے ،ہم نے ان کا پیسہ نکالنا ہے، تبدیلی کیوں نہیں آتی، جب ایک سسٹم کرپٹ ہو جاتا ہے تو اداروں میں مافیا بیٹھ جاتا ہے جو پیسے بنانا شروع ہو جاتا ہے، جب تبدیلی لے کر آتے ہیں تو وہ مافیا سامنے کھڑا ہو جاتا ہے پھر مک مکا ہوتا ہے، جب مشرف نے احتساب شروع کیا تو ہم سب اسکے ساتھ تھے پھر ہم نے بتایا کہ کرسی خطرے میں ہو گی ،مشرف نے پھر احتساب ختم کیا اور شریفوں‌کو باہر بھجوا دیا، عمران خان اپنی کرسی بچانے کے لئے نہیں بلکہ تبدیلی لانے کے لئے آیا ہے، تبدیلی تب آئے گی جب مافیا کو شکست دیں گے.

سزائے موت کے قیدی کی طبی سہولیات کی درخواست پر عدالت کا بڑا حکم

باغی ٹی وی کی رپورت کے مطابق اڈیالہ جیل میں سزائے موت کے قیدی نے طبی سہولتوں کیلئے درخواست دے دی، اسلام آباد ہائی کورٹ کے چیف جسٹس اطہر من اللہ نے سماعت کی ،عدالت نے حکم دیا کہ وزارت انسانی حقوق چاروں صوبوں سے تفصیلات اکٹھی کرے، ایسے جتنے بھی قیدی ہیں ان کاڈیٹا اکٹھا کریں، انسانی حقوق کے اہم معاملے پرتفصیلی فیصلہ جاری کروں گا،

نوازشریف 2 دن میں چلے گئے،ایک قیدی 6 سال سے واپس نہیں لا سکے، سیکرٹری داخلہ،خارجہ کو جیل بھیجوں گا، عدالت

اڈیالہ جیل کے قیدی خادم حسین نےچیف جسٹس ہائیکورٹ کوخط لکھا تھا .چیف جسٹس اسلام آباد ہائیکورٹ کو لکھے گئے خط میں قیدی نے کہا کہ بینائی کا مسئلہ ہے،آنکھوں کےعلاج کی سہولت دی جائے،- عدالت نے ایڈووکیٹ جنرل اسلام آباد سے جواب طلب کررکھا ہے ،عدالت نے پورے ملک سے بیمار قیدیوں کاریکارڈ طلب کرلیا

نواز کے لندن جانے کے بعد دیگرقیدیوں کی بھی سن لی گئی، وزیراعظم کا بڑا حکم،

یاد رہے لاہور ہائی کورٹ نے سابق وزیراعظم نوازشریف کو بیرون ملک جانے کے لیے حکومت کی جانب سے عائد کردہ انڈیمنٹی بانڈز کی شرط کو مسترد کرتے ہوئے غیر مشروط طور پر بیرون ملک جانے کی اجازت دی تھی ، فیصلے میں کہا گیا تھا کہ نوازشریف کو علاج کےغرض سے 4 ہفتوں کے لیے باہر جانے کی اجازت دی جاتی ہے اور اس مدت میں توسیع بھی ممکن ہے۔