اسلام آباد: بھارتی سپریم کورٹ نے انصاف کے تقاضے پورے نہیں کیے ، جہاں بھارتی حکومت ہندوتوا نظریے کو پروموٹ کررہی ہے وہاں بھارت سپریم کورٹ بھی ہندوتوا نظریے کا تحفظ کررہی ہے، پاکستان بھارت سرپم کورٹ کے امتیازی فیصلے کو مسلمانوں سے زیادتی سمجھتا ہے پاکستان نے تاریخی بابری مسجد کے فیصلے پرشدید تشویش کا اظہار کرتے ہوئے کہا ہے کہ بھارتی سپریم کورٹ کا فیصلہ ایک بار پھرانصاف کے تقاضے پورے کرنے میں ناکام رہا۔

تفصیلات کے مطابق بھارتی سپریم کورٹ کے بابری مسجد کے فیصلے پر پاکستان کا باضابطہ ردعمل آگیا، ترجمان دفتر خارجہ نے بیان میں کہاہے کہ اقوام متحدہ نے کہا تھا کہ بھارتی عدالتیں فیصلوں میں انسانی حقوق کو مدنظر رکھیں جب کہ مقبوضہ کشمیر کےحوالے سے بھی بھارتی سپریم کورٹ کے فیصلے میں سست روی ہے۔

ترجمان نے کہا کہ اس طرح کے فیصلوں میں بھارت میں اقلیتوں کا خیال نہیں رکھا جاتا، بھارت میں اقلیتیں محفوظ نہیں ہیں اور آج عدالتی فیصلے سے بھی بھارت کا اصل چہرہ بے نقاب ہوگیا ہے۔ترجمان دفتر خارجہ نے کہا کہ بھارت میں اقلیتوں کو اپنے عقائد اورعبادت گاہوں میں خطرہ ہے،بھارت ہندوتوا کیلئے نظریئے کی پیروی اورہندو راشٹر کی تاریخ پر عمل پیرا ہےایسے فیصلوں سے بھارت کے بڑے ادارے بھی متاثرہورہے ہیں۔

ترجمان کا کہنا تھا کہ بھارت میں انتہاپسندانہ نظریہ، ہندوؤں کی بالادستی اعتکاد پر مبنی ہے،بھارت کا طرز عمل علاقائی امن واستحکام کیلئے خطرہ ہے۔ بیان میں مزید کہا گیا ہے کہ بھارت اپنے ملک میں بسنے والے مسلمانوں کے جان و مال حقوق اور املاک کا تحفظ یقینی بنائے جب کہ اقوام متحدہ بھارت میں انتہاپسند نظریئے کے خاتمے اوراقلیتوں کے مساوی حقوق یقینی بنائے۔

واضح رہے کہ بھارتی سپریم کورٹ نے بابری مسجد کی زمین ہندوؤں کو دینے کا حکم سناتے ہوئے فیصلے میں کہا تھا کہ بھارتی حکومت کی زیرنگرانی بابری مسجد کی جگہ مندر بنے گا اور مسلمانوں کو ایودھیا میں متبادل جگہ دی جائے ۔

کشمیر زمین نہیں انسانیت کا مسئلہ ہے،مودی کشمیرکو انصاف دیں،وزیراعظم عمران خان

باغی ٹی وی کی رپورٹ کے مطابق وزیراعظم عمران خان نے کرتارپور راہداری کے افتتاح کے موقع پر منعقدہ تقریب سے خطاب کرتے ہوئے کہا کہ میں سب سے پہلے سکھ برادری کو گرونانک کے 550 سال کی سالگرہ پر مبارک دیتا ہوں اور خوش آمدید کہتا ہوں،

وزیراعظم عمران خان کا کہنا تھا کہ نوجوت سنگھ نے دل سے شاعری کی، دل میں اللہ بستا ہے جب کسی کو خوشی دیتے ہیں تو اللہ خوش ہوتا ہے، ہمارے نبی کریم رحمہ اللعالمین ہیں، جو بھی پیغمبر دنیا میں آئے وہ صرف دو پیغام لے کر آئے ایک انسانیت اور دوسرا انصاف کا، یہ دو چیزیں انسانی معاشرے کا جانوروں کے معاشرے سے فرق کرتی ہیں،

پاکستان نے تاریخ رقم کر دی، کرتارپور کا افتتاح، بھارتی سکھوں کے پاکستان زندہ باد کے نعرے

وزیراعظم نے مزید کہا کہ گرو نانک کا سکھ برادری کے علاوہ جو بھی فلسفہ پڑھتے ہیں دو چیزیں سامنے آتی ہیں وہ نفرتیں پھیلانے کی نہیں بلکہ انسانیت کو اکٹھا کرنے کی بات کرتے ہیں، جو اللہ کے قریب ہو وہ سب سے پیار کرتا ہے، برصغیر، پاکستان میں چلے جائیں جو انسانیت کے لئے آئے تھے بڑے بڑے صوفی بابا فرید، معین الدین چشتی ،آج بھی لوگ مزاروں پر جائیں جاتے ہیں اور دعائیں دیتے ہیں کیونکہ وہ انسانیت کے لئے آئے تھے.

کرتارپور، وزیراعظم پہنچ گئے، سکھ برادری کی خصوصی تصاویر باغی ٹی وی پر

مجھے خوشی ہے کہ ہم یہ آپ کے لئے کر سکے، مجھے اندازہ نہیں تھا کہ سکھ کمیونٹی میں کرتار پور کی کیا اہمیت تھی، میں پاکستانیوں کو بتاتا ہوں کہ یہ ایسے ہے کہ مدینہ کو چار پانچ کلو میٹر سے دیکھ سکیں اور جا نہ سکیں ، یہ سکھ برادری کا مدینہ ہے،آپ کی طرف سے دعائیں مل رہی ہیں، اپنی حکومت اور جن لوگوں نے محنت کی ان کا شکریہ ادا کرتا ہوں.

آج جپھی رنگ لے آئی،عمران خان وہ سکندر ہیں جو لوگوں کے دلوں میں راج کرتے ہیں،نوجوت سنگھ سدھو

وزیراعظم عمران خان نے کہا کہ اللہ کے سارے پیغمبر لیڈر تھے، لیڈر ہمیشہ انسانوں کو اکٹھا کرتا ہے، تقسیم نہیں کرتا، نفرتیں پھیلا کر ووٹ نہیں لیتا،نیلسن منڈیلا نے انسانوں کو اکٹھا کیا، نبی کریم نے انسانوں کو اکٹھا کیا، نفرتیں نہیں پھیلائیں، ہمارے دین میں لکھا ہے کہ ایک انسان کا قتل ایسے ہے جیسے سب کو قتل کر دو، میں جب وزیراعظم بنا تو مودی سے کہا کہ سب سے بڑا مسئلہ غربت ہے اور غربت ایسے ختم کر سکتے ہیں کہ بارڈر کھل جائیں ، تجارت ہو ، ہمیں بھی فائدہ، آپ کو بھی فائدہ تا کہ خوشحالی آئے، کشمیر کا مسئلہ ہے اسے بات چیت کر کے حل کیا جائے.

وزیراعظم نے سدھو سے جو وعدہ کیا وہ پورا کر دیا، نورالحق قادری

افسوس سے کہنا پڑ رہا ہے آج جو کشمیر میں ہو رہا ہے انسانی حقوق کا ایشو ہے، 80 لاکھ لوگوں کے انسانی حقوق ختم کر دیئے گئے، یہ زمین کا نہیں بلکہ انسانیت کا ایشو ہے، کس طرح جانوروں کی طرح لوگوں کو رکھا جا رہے، اقوام متحدہ نے کشمیریوں کو جو حق دیا تھا کیوں نہیں دیا جا رہا، اس سے کبھی امن نہیں ہو گا، آج بھی کہتا ہوں مودی میری بات سن رہے ہون کہ انصاف سے امن ہوتا ہے، کشمیر کے لوگوں کو انصاف دیں اور ہمیں اس مسئلے سے آزاد کریں جس طرح سدھو نے کہا کہ بارڈر کھل جائیں اور تجارت شروع ہو جائے سوچیں کس طرح غربت ختم ہو گی اور خوشحالی ہو گی

بابری مسجد،ہندوؤں کے خلاف فیصلہ جاتا تو ہندو دہشت گرد سپریم کورٹ میں گھس جاتے

وزیراعظم نے کہا کہ کس طرح کے تاثرات آپ کے ہو سکتے ہیں ہم اندازہ لگا سکتے ہیں، خوشی ہے کہ آج کے دن آپ کے ساتھ ہون، یہ شروعات ہیں ایک دن بھارت سے تعلقات وہ ہوں گے جو ہونے چاہئے تھے اگر کشمیر کا مسئلہ حل ہو جاتا، جو نفرتیں ستر سال سے مسئلہ حل نہ ہونے کی وجہ سے ہے.جب کشمیر کا مسئلہ حل ہو گا تو سارا خطہ اٹھے گا اور خوشحالی آئے گی ہم اللہ سے دعا کرتے ہیں کہ وہ دن دور نہیں ہے.

پاکستان نے تاریخ رقم کر دی، کرتارپور کا افتتاح، بھارتی سکھوں کے پاکستان زندہ باد کے نعرے

وزیراعظم عمران خان نے سکھ مذہب کے بانی بابا گرونانک دیو جی کے 550ویں جنم دن کے موقع پر بین المذاہب ہم آہنگی کے جذبہ کے عکاس کرتارپور راہداری کے فقید المثال منصوبہ کا افتتاح کر دیا۔ بھارت سمیت دنیا بھر سے سکھ یاتریوں کی بابا گرونانک کے جنم دن کی تقریبات میں شرکت کےلئے کرتار پور پینچے،

وزیراعظم سیالکوٹ سے بذریعہ ہیلی کاپٹر کرتار پور پہنچے، وزیراعظم کا کرتار پور پہنچنے پر سکھ برادری کی جانب سے بھر پور استقبال کیا گیا اور عمران خان زندہ باد کے نعرے لگائے گئے ،وزیراعظم عمران خان کا سکھ برادری نے شکریہ ادا کیا، وزیراعظم عمران خان سے سابق بھارتی وزیراعظم منموہن سنگھ اور نوجوت سنگھ سدھو نے بھی ملاقات کی

کرتارپور، وزیراعظم پہنچ گئے، سکھ برادری کی خصوصی تصاویر باغی ٹی وی پر

وزیراعلیٰ پنجاب عثمان بزدار اور گورنر پنجاب کرتار پور پہنچے،گورنر پنجاب بھی کرتار پور پہنچے جہاں انہوں نے وزیراعظم کے ہمراہ منموہن سنگھ سے ملاقات کی، وزیراعظم عمران خان نے گوردوارہ کے مختلف حصوں کا معائنہ بھی کیا،

وزیراعظم عمران خان نےعقیدت سےسر رومال سے ڈھانپ لیا،وزیراعظم نے اپنے سر پر سفید رومال باندھا،اس موقع پر سکھ برادری پاکستان زندہ باد، وزیراعظم عمران خان زندہ باد کے نعرے لگاتے رہے.کرتارپور راہداری کی افتتاحی تقريب ميں شرکت کےليے پاکستان پہنچنےوالے سکھ ياتریوں نے وزيراعظم عمران خان کے اس اقدام پر خوشی کا اظہار کیا۔

وفاقی وزرااعجاز شاہ ،شاہ محمود قریشی اورنورالحق قادری بھی ہمراہ تھے،نوجوت سنگھ سدھواسٹیج پروزیراعظم عمران خان کےساتھ موجود تھے،بھارتی اداکار سنی دیول بھی گردوارہ دربار صاحب میں موجودتھے،سابق بھارتی وزیراعظم من موہن سنگھ اوروزیراعلیٰ بھارتی پنجاب امریندرسنگھ موجودتھے

آج جپھی رنگ لے آئی،عمران خان وہ سکندر ہیں جو لوگوں کے دلوں میں راج کرتے ہیں،نوجوت سنگھ سدھو

معززین کے لیے ساٹھ فٹ لمبا اور چوبیس فٹ چوڑا اسٹیج تیار کیا گیا ہے جب کہ شرکا کے لیے پنڈال میں چھ ہزار کرسیاں، ساونڈ سسٹم اور اسکرینیں لگائی گئی ہیں۔ بارش کے پیش نظر پنڈال کو واٹر پروف بنایا گیا ہے۔کرتار پور راہداری کو ویزا فری کوریڈور بنایا گیا ہے،کرتار پورراہداری کے راستے یومیہ 5 ہزاریاتری آسکیں گے ،گوردوارہ دربار صاحب کودنیا کاسب سے بڑاگوردوارہ بنایا گیا ہے،گوردوارے میں بارہ دری ،لائبریری،میوزیم،مہمان خانہ ،لنگر خانہ شامل ہے.

وزیراعظم نے سدھو سے جو وعدہ کیا وہ پورا کر دیا، نورالحق قادری

کرتارپورزیروپوائنٹ پر سرحدی گیٹ کھولے گئے جس کے بعد سابق بھارتی وزیراعظم من موہن سنگھ کرتارپورپہنچے ، اس موقع پر منموہن سنگھ نے کہا کہ ہمارے لیے بہت خوشی کی بات ہے،آج ہمارے لیے بہت بڑا دن ہے،راہداری کھلنے سے پاکستان اور بھارت کے تعلقات میں بہتری آئے گی،

بابری مسجد،ہندوؤں کے خلاف فیصلہ جاتا تو ہندو دہشت گرد سپریم کورٹ میں گھس جاتے

بھارتی پنجاب کے وزیراعلیٰ امرندر سنگھ بھی راہداری کے ذریعے پاکستان پہنچ گئے، امریندر سنگھ نے کہا کہ امید ہے راہداری کھلنے سے دونوں ملکوں کے تعلقات بہتر ہوں گے،کرتارپورراہداری کھلنے پر سب خوش ہیں،سترسال سے خواہش رہی کہ کرتارپورراہداری کھولی جائے،

دنیا بھر سے ہزاروں سکھ یاتری کرتارپور پہنچ رہے ہیں، کرتارپور جانے والی شاہراہوں پر سکیورٹی کے سخت انتظامات کئے گئے، کرتار پور راہداری کے موقع پر ضلع بھر میں مقامی تعطیل ہے، 11 ماہ کی ریکارڈ مدت میں کرتارپور راہداری منصوبہ کی تعمیر مکمل کی گئی۔

قریشی نے کرتار پور میں مودی سے کیا مطالبہ کر دیا؟ اہم خبر

وزیراعظم عمران خان نے سکھ برادری کو مبارکباد دیتے ہوئے کہا ہے کہ کرتارپور راہداری کے افتتاح کا دن تاریخی ہے،یہ دن پوری دنیا میں بسنےوالی سکھ برادری کے لیے تاریخی ہے،اسلام وقائداعظم کے تصور کے مطابق ہمارے دل دوسرے مذاہب کے لیے کھلے ہیں،

کرتارپور، بھارت کی سازشوں کا پاکستان جواب دینے کو تیار

وزیراعظم عمران خان کا مزید کہنا تھا کہ آج کا دن خطے کے امن کے لیے ہماری کاوشوں کامنہ بولتاثبوت ہے،خطے کی خوشحالی اور آنے والی نسلوں کاروشن مستقبل امن کی راہ میں پوشیدہ ہے،آج ہم راہداری کے ساتھ سکھ کمیونٹی کےلیے اپنے دل بھی کھول رہے ہیں،مسلمان جانتے ہیں کہ مقدس مقامات کی زیارت کتنی اہمیت کی حامل ہوتی ہے،سکھ برادری اپنے روحانی  پیشوا کے مزار تک آسان رسائی چاہتی تھی، 10 ماہ میں تصورکو حقیقت میں تبدیل کرنے میں کردارادا کرنے والوں کاشکریہ،

کرتارپور راہداری کی تعمیر کے بعد روزانہ5 ہزار سکھ یاتری گورودوارہ دربار صاحب کی یاترا اور وہاں اپنی مذہبی رسومات ادا کر سکیں گے۔ یہ شاندارمنصوبہ خطہ میں قیام امن اور بین المذاہب ہم آہنگی کے فروغ کےلئے وزیراعظم عمران خان کی ہدایت پر شروع کیا گیا اوراس کےلئے فنڈز مکمل طور پر پاکستان نے فراہم کئے ہیں اور یہ سکھ برادری کےلئے ایک تحفہ ہے۔ وزیراعظم عمران خان نے راہداری کے افتتاح اور گوروجی کے جنم دن کے موقع پر پاکستان آنے والے سکھ یاتریوں کو ہر ممکن سہولت کی فراہمی کے لئے پاسپورٹ کی شرط عارضی طور پر ختم کر دی ہے جبکہ 2 دن کیلئے سروس چارجز کی بھی چھوٹ دی گئی ہے۔

بھارت باز نہ آیا، نوجوت سنگھ سدھو کو کہاں روک لیا؟

اس راہداری کا مقصد سکھ برادری کو پاک۔بھارت سرحد سے محض 4.7 کلومیٹر کے فاصلہ پر واقع گردوارہ دربار صاحب کی یاترا میں آسانی پیدا کرنا ہے۔ یاتریوں کی سہولت کیلئے حکومت پاکستان نے خصوصی ٹرینیں بھی چلائی ہیں۔ اس موقع پر سکیورٹی کے بھی خصوصی انتظامات کئے گئے ہیں۔ کرتارپور گوردوارہ میں سکھ یاتریوں کی رہائش کیلئے خصوصی انتظامات کئے گئے ہیں اور کمپلیس کے اندر لنگر خانہ کا بھی انتظام کیا گیا ہے۔ یاتریوں کی بائیو میٹرک رجسٹریشن کیلئے کاﺅنٹرز قائم کئے گئے ہیں۔ حکومت پاکستان نے تقریباً 800 ایکڑ اراضی حاصل کرکے گوردوارہ کی انتظامیہ کو تحفہ کے طور پر دی ہے اس میں سے 42 ایکڑ اراضی گوردوارہ کمپلیکس کی تعمیر کیلئے مختص کی گئی ہے جبکہ 62 ایکڑ اراضی لنگر خانہ کی ضروریات پوری کرنے کیلئے زرعی مقاصد کیلئے استعمال ہو گی۔

کمپلیکس کے احاطہ میں ایک میوزیم بھی قائم کیا گیا ہے جہاں پر سکھ برادری کے مذہبی رہنماﺅں کی تصاویر اور سکھ مذہب کی تاریخ کو اجاگر کیا گیا ہے۔ طبی سہولیات کی فراہمی کیلئے 12 بستروں کا ہسپتال بھی قائم کیا گیا ہے۔ کمپلیکس کے اندر سکیورٹی کی صورتحال پر نظر رکھنے کیلئے تقریباً 250 کیمرے نصب کئے گئے ہیں جبکہ 1500 اہلکار یاتریوں کی سہولت کیلئے فرائض انجام دیں گے۔ یاتریوں کی سہولت کیلئے منی ایکسچینج آﺅٹ لیٹ اور سووینیئر شاپس بھی قائم کی گئی ہیں۔

باباگورنانک کے 550ویں جنم دن کی تقریبات میں شرکت کیلئے آنے والے سکھ یاتریوں نے کہا کہ ہم پاکستان کا یہ احسان کبھی نہیں بھلا سکتے، دنیا میں بسنے والے ہر سکھ کے دل میں گورو دھرتی کی محبت پہلے سے زیادہ بڑھ گئی ہے اور ہر کوئی کرتارپور یاترا کےلئے بے چین ہے۔ انہوں نے کہا کہ پاکستان اقلیتوں کےلئے کسی جنت سے کم نہیں، کرتارپور صاحب کے درشن کرکے آنکھوں کو سکون محسوس ہو رہا ہے، اتنی قلیل مدت میں ہونے والے شاندار تعمیر دنیا میں کسی عجوبے سے کم نہیں ہے۔

انہوں نے کہا کہ پاکستان میں غیر مسلموں کو جو مذہبی آزادی حاصل ہے وہ کسی دوسرے ملک میں نہیں، سکھوں کےلئے وزیراعظم پاکستان عمران خان کی کاوشوں کو کبھی فراموش نہےں کیا جا سکتا۔550ویںجنم دن کے موقع پر کرتارپور راہداری سکھوں کےلئے ایک انمول تحفہ ہے، ہمارے تمام گوردواروں کو سجایا گیا ہے جبکہ گوردوار جنم استھان کی خوبصورتی دیدنی ہے۔ انہوں نے کہا کہ پیار و محبت بانٹے میں پاکستان اور مسلمانوں کا کوئی ثانی نہیں۔

خطے میں امن کیلئے وزیراعظم کی ہدایت پر تعمیر کئے گئے کرتار پور رہداری منصوبے کے اخراجات پاکستان نے ادا کیے، پاک بھارت معاہدے کے مطابق منصوبہ مرحلہ وار مکمل ہوگا، ابتدائی مرحلے میں پل اور سرنگ سمیت عمارت تعمیر کی گئی ہے، دوسرے مرحلے میں عمارت کی توسیع، یاتریوں کیلئے رہائشگاہیں تعمیر ہوں گی، کرتار پور آنیوالے یاتریوں کی سہولت کیلئے بازار بھی قائم کیا جائے گا۔

واضح رہے کہ 18 اگست 2018 کو وزیر اعظم عمران خان کی تقریب حلف برداری میں آرمی چیف جنرل قمر جاوید باجوہ نے سابق بھارتی کرکٹر نوجوت سنگھ سدھو کو کرتارپور راہداری کھولنے کی خوشخبری سنائی۔ 28 نومبر 2018 کو وزیر اعظم عمران خان نے کرتار پور راہداری کا سنگ بنیاد رکھا۔

نئی دہلی :عمران خان نے کرتارپورراہداری مکمل کرکے سکھوں کے دل جیت لیے،مودی نے حقیقت تسلیم کرلی ، اطلاعات کےمطابق کرتار پور راہداری کے بھارتی حصے کی افتتاحی تقریب سے خطاب کرتے ہوئے بھارتی وزیراعظم نریندر مودی نے وزیراعظم عمران خان کا خصوصی شکریہ ادا کیا۔

The world bows to Shri Guru Nanak Dev Ji. Watch from Dera Baba Nanak. https://t.co/UHKFTNDWyq

— Narendra Modi (@narendramodi) November 9, 2019

پاکستانی وزیراعظم عمران خان کی صلاحیتوں‌کا اعتراف کرتے ہوئے اپنے خطاب میں نریندر مودی کا کہنا تھا کہ عمران خان نے تھوڑے سے وقت میں ایک بہت بڑے منصوبے کو مکمل کرے بہت زبردست کام کیا ہے، مودی نے کہا کہ اس راہداری کی تعمیر سے گردوارا دربار صاحب کی زیارت آسان ہوجائے گی جسے مقررہ مدت میں تعمیر کرنے والے ہر فرد کا شکر داد کرتا ہوں۔

دنیا بھارت کا بھیانک چہرہ اورگندی ذہنیت کوجان چکی،ترجمان پاک فوج

بھارتی وزیراعظم نے خصوصی طور پر وزیراعظم عمران خان کا شکریہ ادا کرتے ہوئے کہا کہ ’میں پاکستان کے وزیراعظم جناب عمران خان نیازی کا شکریہ ادا کرتا ہوں کہ انہوں نے کرتار پور راہداری کے لیے بھارت کے جذبات کو سمجھا اسے عزت دی اور اسی جذبات کے تحت اقدمات اٹھائے۔

ڈاکٹرعلامہ محمد اقبالؒ کا142واں یوم ولادت آج منایا جارہا ہے

کرتارپورراہداری کے مکمل ہونے اور ہزاروں کی تعداد میں بھارتی سکھوں کے پاکستان آنے پر مودی نے ڈھٹائی اور مجبوری میں سکھ یاتریوں کے دلوں میں جگہ پانے کے لیے یہ بھی کہہ دیا کہ بابا کرونانک کی 55ویں سالگرہ سے قبل مشترکہ چیک پوسٹس، کرتار پور صاحب راہداری کی تکمیل ہونا سب کے دوہری خوشی کا باعث ہے۔

بنارس ہندو یونیورسٹی میں’مسلم پروفیسر‘ کی تقرری پر ہنگامہ، طلبا نے کیا احتجاجی مظاہرہ

خیال رہے کہ پنجاب کے ضلع نارووال میں سکھ مذہب کے بانی بابا گرونانک کی آخری قیام گاہ کرتار پور کا مقام سکھوں کے لیے انتہائی اہمیت کا حامل ہے جہاں سکھوں کے مذہبی پیشوا نے اپنی زندگی کے آخری 18 برس گزارے تھے۔یہ علاقہ تقسیم برصغیر کے موقع پر پاکستان کے حصے میں آیاتھا ، جس کے بعد سے لے کر اب تک سکھ اس زمین کا سفر کرنے کو ترستے تھے جسے عمران خان نے ممکن بنادیا