آزادی مارچ کے اسلام آباد پہنچنے سے قبل ہی پھوٹ پڑ گئی، حکومت کا پلان اے کامیاب

اپوزیشن جماعتوں میں آزادی مارچ اسلام آباد پہنچنے سے قبل ہی پھوٹ پڑ‌ گئی،مسلم لیگ ن کی ترجمان مریم اورنگزیب نے آزادی مارچ کا جلسہ ملتوی کرنے کا اعلان کیا جس کے بعد مولانا فضل الرحمان نے خود اعلان کر دیا کہ یہ ہمارا پروگرام ہے ہم اس کا فیصلہ کریں گے کہ کب کیا کرنا ہے.

دوسری جانب اے این پی نے بھی کہہ دیا ہے کہ ن لیگ بے شک نہ آئے جلسہ آج ہو گا، ہم اسلام آباد آ رہے ہیں، اسفند یار ولی جلسے سے خطاب کریں گے.

مولانا فضل الرحمان کے کتنے مطالبات ہیں؟ وفاقی وزیر داخلہ نے بتا دیئے

آزادی مارچ میں کونسا غیر قانونی کام ہوتا رہا؟ وفاقی وزیر داخلہ نے بتا دیا

جے یو آئی رہنما مولانا عبدالغفور حیدری کا کہنا ہے کہ اگرکوئی یہ کہہ رہا ہے ہماراپروگرام ملتوی یا موخرہوا ہے تووہ سازش کررہا ہے،ہم نے کہازیروپوائنٹ سے ڈی چوک تک بند کرتےہیں تواعتراض نہیں ہوگا،کےپی والے گولڑہ شریف سے داخل ہوں گے،معاملہ طے ہوگیا،

مولانا عبدالغفور حیدری نے مزید کہا کہ مریم اورنگزیب مجھ سےخودبات کریں گی توپتا چلےگاوہ کیا کہنا چاہ رہی ہیں،مریم اورنگزیب سےمیرا رابطہ ہوانہ میں نے کیا،غلط فہمی پھیلائی گئی اسے دورہونا چاہیے ،اسلام آباد رات پہنچنے والےقافلوں کوہم ویلکم کریں گے،جس نے جلسہ ملتوی کرنے کی بات کی اس کی بھی لاج رکھنی چاہیے،آج کا دن توگزر گیا ویسے بھی آج جلسہ تونہیں ہورہا،

رحیم یار خان:شیخ رشید کے لیے پھر برے دن آگئے ، پہلے ریل حادثات پر ابھی بحث ختم نہیں ہوئی تھی تو دوسری طرف کراچی سے لاہور جانے والی تیز گام ایکسپریس میں شدید آگ بھڑکنے کی اطلاعات نے قوم کو غمگین کردیا ۔ اطلاعات کے مطابق حادثہ رحیم یار خان میں ٹانوری اسٹیشن چک نمبر 6 چنی گوٹھ کے قریب پیش آیا، آگ کے شعلوں نے 3 بوگیوں کو اپنی لپیٹ میں لے لیا جس کے باعث 72 افراد آگ سے جھلس کر جاں بحق اور 30 سے زائد افراد شدید زخمی ہو گئے جنہیں فوری طبی امداد کے لیے قریبی ہسپتال منتقل کردیا گیا ہے۔

اوراندراگاندھی کوگولی ماردی گئی !

پاکستان ریلوے ذرائع کے مطابق اس حادثے کے وقت خدمات سرانجام دینے والے ریسکیو ذرائع کے مطابق آگ لگنے کی وجہ تبلیغی جماعت کے مسافروں کا گیس سلنڈر پھٹنا بتائی جا رہی ہے جب کہ ریسکیو خان پور، لیاقت پور اور ریلوے پولیس موقع پر روانہ ہو چکی۔ ریسکیو اہلکاروں نے ریسکیو آپریشن شروع کردیا۔

لاہورکا کفارہ شہبازشریف اسلام آباد میں ادا کریں‌گے

دوسری جانب وفاقی وزیر ریلوے شیخ رشید نے جاں بحق افراد کی تصدیق کرتے ہوئے کہا کہ تیزگام ایکسپریس کو حادثہ کراچی سے لاہور جاتے ہوئے پیش آیا تاہم ریسکیو اور فائر بریگیڈ کی امدادی کارروائیاں جاری ہیں۔ شیخ رشید کے مطابق آگ ٹرین کی اکانومی کلاس میں گیس سلنڈر پھٹنے سے لگی جب کہ مسافروں نے ٹرین سے کود کر جانیں بچائیں۔

جونہی آزادی مارچ لاہور سے نکل گیا ،کیپٹن (ر) صفدر کورہا کردیا گیا

پاکستان ریلوےحکام کے مطابق مسافر ٹرین میں آگ لگنے کے افسوسناک حادثے کے بعد ضلع بھر کے ہسپتالوں میں ایمرجنسی نافذ کر دی گئی۔ ریسکیو 1122، پولیس، فائر برگیڈ، سمیت دیگر امدادی ٹیموں نے موقع پر پہنچ کر ریسکیو آپریشن شروع کر دیا جب کہ حادثے میں متاثرہ زخمیوں کو ٹی ایچ کیو لیاقت پور، آر ایچ سی چنی گوٹھ اور بہاولپور وکٹوریہ ہسپتال منتقل کیا جا رہا ہے۔

اسلام آباد:پاکستان میں‌دہشت گردی کے حوالے سے مختلف اوقات میں مختلف آرااورتریفیں کی جاتی رہی ہیں ، مگرحقیقت میں دہشت گردکون ہوتا ہے اس کا پہلی بار تعین سپریم کورٹ آف پاکستان نےکردیا ہے ، اسی حوالے سے سپریم کورٹ آف پاکستان نے دہشت گردی کی تعریف سے متعلق تحریری فیصلہ جاری کر دیا، اس فیصلے کے تناظر میں سمجھا جا سکتا ہے کہ کون لوگ ہیں جو دہشت گردی میں ملوث قرار دیے جا سکتے ہیں۔

دلدارپرویزبھٹی 25 سال بعد بھی زندہ !وہ کیسے ؟

دہشت گردی کی تعریف کرتے ہوئے سپریم کورٹ نے وضاحت کے ساتھ اس کی اقسام بیان کردی ہیں تفصیلات کے مطابق سپریم کورٹ نے اپنے تحریری فیصلے میں کہا ہے کہ جلاؤ گھیراؤ، بھتا خوری اور ذاتی عناد کے باعث مذہبی منافرت پھیلانا دہشت گردی نہیں ہے۔ منظم منصوبے کے تحت پر تشدد کارروائیاں، مذہبی، نظریاتی، اور سیاسی مقاصد کے حصول کے لیے تشدد دہشت گردی ہے۔

ڈگری نہیں خداداصلاحتیں ہوں‌ توبنتی ہے زندگی، جویریہ سعود نے نیا نظریہ پیش کردیا

سپریم کورٹ کے مطابق حکومت یا عوام میں منصوبے کے تحت خوف و ہراس پھیلانا، منصوبے کے تحت جانی و مالی نقصان پہنچانا، منصوبے کے تحت مذہبی فرقہ واریت پھیلانا، منصوبے کے تحت صحافیوں، تاجروں، عوام اور سوشل سیکٹر پر حملے دہشت گردی ہے۔دوسری طرف سپریم کورٹ آف پاکستان نے اس معاملے میں مزید شفافیت دکھانے کے لیے پارلیمنٹ کو بھی ہدایات جاری کردی ہیں ، سپریم کورٹ نے پارلیمنٹ کو سفارش کرتے ہیں وہ دہشت گردی کی نئی تعریف کا تعین کرے۔

اسلامیات کی ریفرنس بک میں غلط تجزیے ،وزیراعظم نے نوٹس لے لیا

سپریم کورٹ کی طرف سے دہشت گردی کی تعریف کچھ اس طرح کی گئی ہے کہ منصوبے کے تحت سرکاری املاک کو نقصان پہنچانا، لوٹ مار اور قانون نافذ کرنے والی ایجنسیوں، سیکورٹی فورسز پر حملے بھی دہشت گردی ہے۔

اپنے تفصیلی فیصلے میں سپریم کورٹ نے کہا کہ ذاتی دشمنی یا عناد کے سبب کسی کی جان لینا دہشت گردی نہیں ہے، ذاتی دشمنی اور عناد کے باعث جلاؤ گھیراؤ، بھتا خوری، ذاتی عناد اور دشمنی کے باعث مذہبی منافرت اور دشمنی کے باعث سرکاری ملازم کے خلاف تشدد میں ملوث ہونا بھی دہشت گردی نہیں ہے۔

عمران خان استعفیٰ نہیں‌ دیں گے، مولانا فضل الرحمان

عدالت کا کہنا ہے کہ 1974 سے دہشت گردی پر قابو کے لیے مختلف قوانین متعارف کرائے گئے، انسداد دہشت گردی قانون انتہائی وسیع ہے، قانون میں کئی اقدمات ایسے ہیں جن کا دہشت گردی سے دور دور کا تعلق نہیں، قانون میں ایسے سنگین جرائم کو شامل کیا گیا جن سے عدالتوں پر غیر ضروری بوجھ پڑا۔

عدالت نے مزید کہا کہ اغوا برائے تاوان اور اس جیسے دیگر سنگین جرائم کو دہشت گردی میں شامل کیا گیا، ایسے اقدام سے دہشت گردی کے اصل مقدمات کے ٹرائل میں تاخیر ہوتی ہے، پارلیمنٹ کو سفارش کرتے ہیں وہ دہشت گردی کی نئی تعریف کا تعین کرے، اور اس سلسلے میں عالمی معیار سمیت سیاسی، نظریاتی اور مذہبی مقاصد کا حصول مد نظر رکھے۔

مولانا کا مارچ پاکستان کے خلاف گہری سازش ہے،عمران خان

فیصلے میں کہا گیا کہ سیاسی، نظریاتی یا مذہبی مقاصد کے بغیر پر تشدد کارروائی دہشت گردی نہیں، پارلیمنٹ انسداد دہشت گردی ایکٹ کے تیسرے شیڈول میں شامل جرائم ختم کرے، ان تمام جرائم کو ختم کیا جائے جن کا دہشت گردی سے کوئی تعلق نہیں۔60 صفحات پر مشتمل یہ تحریری فیصلہ چیف جسٹس آصف سعید کھوسہ نے تحریر کیا۔

اسلام آباد:مولانا فضل الرحمن کا مارچ ملک و قوم کے خلاف گہری سازش ہے ، چند دن حکومت کے لیے امن وامان قائم کرنے کے حوالے ذرا مشکل سے ہیں پھر ان سے نبٹیں گے ، اطلاعات کےمطابق وزیر اعظم عمران خان نے حکومتی اور پارٹی ترجمانوں کو ہدایت کی ہے کہ آزادی مارچ پاکستان کو عدم استحکام کی طرف لے جانے کا مارچ ہے، اپوزیشن کے مارچ کا بھرپور سیاسی مقابلہ کیا جائے۔

تفصیلات کے مطابق اسلام آباد میں وزیر اعظم کی زیر صدارت پارٹی اور حکومتی ترجمانوں کا اجلاس بلایا گیا، جس میں اپوزیشن کے آزادی مارچ کا بھرپور سیاسی مقابلہ کرنے کا عزم دہرایا گیا، اور مارچ کے پس پردہ اپوزیشن کے مقاصد میڈیا میں بے نقاب کرنے پر اتفاق کیا گیا۔وزیراعظم نے شرکاکو ہدایت کی کہ وہ بڑی حکمت و دانائی سے اس فتنے کا بھی مقابلہ کریں ، عوام کو تو پہلے ہی علم ہے مگرجن تک ابھی تک اس مارچ کے حوالے سے صیح معلومات نہیں پہنچیں ان کو بھی باخبر رکھا جائے

ترجمانوں کے اجلاس میں شرکا نے اظہار خیال کرتے ہوئے کہا کہ آزادی مارچ سے سیاسی عدم استحکام پیدا ہو سکتا ہے، وزیر اعظم عمران خان نے کہا کہ عوام کو حکومت کی معاشی کامیابیوں سے آگاہ کیا جائے، اس دوران نواز شریف کی بیماری کو موضوع نہ بنایا جائے، جب کہ حکومتی اور پارٹی ترجمان مارچ کے دوران اسلام آباد میں رہیں۔شرکا کا زیادہ سے زیادہ خیال رکھاجائے

وزیر اعظم عمران خان نے اجلاس میں موجودہ میڈیا حکمت عملی پر اطمینان کا اظہار کیا اور کہا کہ وزرا میڈیا پر اپنی وزارتوں سے متعلق شرکت یقینی بنائیں، ذاتی ایجنڈے کی بہ جائے حکومتی پالیسی کا دفاع کیا جائے، اور حکومتی اقدامات اور پالیسی کو مؤثر انداز میں اجاگر کیا جائے۔وزیر اعظم نے ہدایت کی کہ آزادی مارچ کا پارٹی بیانیے سے مقابلہ کیا جائے، ملک معاشی خوش حالی کی جانب بڑھ رہا ہے، لیکن کچھ عناصر ملکی ترقی کے سفر میں رکاوٹیں ڈالنے پر تلے ہیں، کوشش ہے کہ سیاسی طور پر معاملہ حل کیا جائے۔

سری نگر: مقبوضہ وادی میں بھارتی لاک ڈاؤن 87 ویں روز میں داخل ہوگیا، کشمیری روز مرہ کی ضروری اشیاء خریدنے سے قاصر ہیں، دودھ بچوں کی خوراک، ادویات سب ختم ہوچکا ہے۔ وادی میں لاک ڈاؤن کے باعث کشمیریوں کو شدید مشکلات کا سامنا ہے۔قابض انتظامیہ کی جانب سے لوگوں کو مظاہرے سے روکنے کیلئے وادی میں سخت پابندیاں نافذ کردی گئی ہیں اور ہر طرف فوج ہی فوج نظر آرہی ہے،کشمیرکا ہر چوک ہر بازار اور ہر موڑ اس وقت بھارتی مظالم کے خلاف احتجاج کرتا نظرآرہا ہے ،

YDAکے پیٹرن انچیف سمیت 5 احتجاجی ڈاکٹرزمعطل

حریت کانفرنس نے لال چوک کی جانب مارچ کا اعلان کیا ہے، پاکستان میں بھی شہر شہر ریلیاں اور مظاہرے کئے گئے ہیں۔بھارت نے کشمیریوں کی تحریک آزادی کو بار بار دبانے کے کوشش کی ، مگر 1989 سے کشمیریوں نے اس تحریک کو اس نہج پر کھڑا کیا کہ ہر آنے والے دن یہ تحریک مضبوظ ہورہی ہے، ترجمان دفترخارجہ ڈاکٹر محمد فیصل نے کہا کہ مقبوضہ کشمیرمیں 1989 سےاب تک ایک لاکھ شہادتیں ہوچکی ہیں، مقبوضہ کشمیرمیں 3 دہائیوں میں 11 ہزار خواتین کی عصمت دری کی گئی۔

وزیراعلیٰ پنجاب کی ترکی کے قومی دن کے موقع پر ترک صدرکومبارکباد

تفصیلات کے مطابق جنت نظیروادی کشمیر کو بھارتی فورسز نے قیدخانے میں تبدیل کردیا ہے، مسلسل بیاسی روز سے 80 لاکھ افراد کرفیو تلے زندگی گزارنے پر مجبورہیں، قابض بھارتی فورسزکی کشمیریوں پر ہر گزرتے دن کیساتھ سختیاں اور مظالم بڑھتے جارہے ہیں، نہ بچے اسکول جاسکتے ہیں اور نہ ہی مریض سپتال۔

وزیراعظم کوایک اورشکست،انتخابات کی باتیں‌ چلنے لگیں‌

کشمیرمیڈیا سروس کے مطابق مقبوضہ علاقے میں بڑی تعداد میں بھارتی فوجیوں کی تعیناتی کے خوف اور غیر یقینیت کا ماحول اور رات گئے چھاپوں، ظلم و تشدد اور گرفتاریوں کا سلسلہ مسلسل جاری ہے، دفعہ 144کے تحت سخت پابندیوں کا نفاذ اورانٹرنیٹ اور پری پیڈ موبائیل فون سروسز بھی بدستور معطل ہیں۔

مقبوضہ علاقے میں صورتحال کو معمول پر لانے کی قابض انتظامیہ کی کوششوں کے باوجود کشمیری بھارتی تسلط اور کشمیر کی خصوصی حیثیت کو منسوخ کرنے کے مودی حکومت کے 5اگست کے غیر قانونی اقدام کیخلاف سول نافرمانی کی پر امن تحریک جاری رکھے ہوئے ہیں۔

دکانیں اور کاروباری مراکز دن بھر بیشتر وقت بند رہتی ہیں جبکہ سڑکوں پرکوئی پبلک ٹرانسپورٹ مشکل ہی نظر آتی ہے، آبادیوں میں جعلی آپریشن ہورہے ہیں، رہنماؤں سمیت گیارہ ہزار کشمیری جیلوں میں قید ہیں، ڈھائی ماہ سے کشمیریوں کو نماز جمعہ ادا کرنے نہیں دی جارہی ہے، بھارتی مظالم کیخلاف نماز جمعہ کے بعد احتجاج کیا جائے گا۔

برطانیہ نے10 ملین یادگاری سکے ضائع ، پاکستان نے جاری کردیئے

امریکی سینیٹرکرس وان ہولین نے گزشتہ ہفتے مقبوضہ کشمیر میں انسانی حقوق کی صورت حال پرتشویش کا اظہار کرتے ہوئے کہا تھا کہ کشمیرمیں کرفیو ہٹا کر انسانی حقو ق کے نمائندے بھیجے جائیں۔یاد رہے کہ گزشتہ دنوں بھارت نے مقبوضہ کشمیر کی صورت حال کا جائزہ لینے کے لیے نئی دہلی جانے والے امریکی سینیٹر کو وادی کا دورہ کرنے سے روک دیا تھا۔

دوسری طرف 5 اگست سے ،جب بھارت کی حکومت نے آرٹیکل 370 کے تحت جموں و کشمیر کی خصوصی حیثیت کو ختم کردیا ،کشمیر میں نجی شعبے میں کام کرنے والے ایک لاکھ سے زیادہ افراد اپنی ملازمت سے ہاتھ دھو بیٹھے ہیں۔

تاریخ میں پہلی بار50 روپے کا یادگاری سکہ جاری ، کس کے نام پر سب حیران

کشمیر چیمبر آف کامرس اینڈ انڈسٹریز (کے سی سی آئی)کے ابتدائی جائزے کے مطابق 5 اگست کے بعد سے عائد پابندیوں ، شٹ ڈاؤن اور مواصلات کی معطلی کی وجہ سے ، سیاحت اور انفارمیشن ٹیکنالوجی کے شعبے سب سے زیادہ متاثر ہوئے ہیں۔ کے سی سی آئی کے صدر ، شیخ عاشق نے بتایاکہ ہمارے تخمینے کے مطابق پچھلے تین ماہ کے دوران ملازمتوں میں ایک لاکھ سے زیادہ کی کمی ہوئی ہے ۔

سیاحت کا شعبہ جس سے تقریباً پانچ لاکھ افراد کاروزگار وابستہ ہے سب سے زیادہ متاثر ہوا ہے ۔ سیاحت کے شعبے میں اب تک ملازمتوں میں پچاس ہزارکے قریب کمی کی اطلاع ملی ہے۔ اگر صورتحال میں بہتری نہیں آئی تو تعداد بڑھ سکتی ہے۔ وادی میں1100 ہوٹلوں میں سے تقریبا 80 فیصد تین ماہ سے بند ہیں۔ انہوں نے ساؤتھ ایشین وائر کو بتایا کہ یہاں تقریباً 300 ریسٹورانٹ، 900 ہاؤس بوٹ ، 600 شکارا کشتیاں اور 5000 ٹیکسیاں ہیں ، جن کا براہ راست انحصار سیاحت پر ہے۔

اقوام متحدہ میں‌ مستقل مندوب منیر اکرم کی عمران خان سے ملاقات

کے سی سی آئی کے صدر نے مزید بتایاکہ سیاحت کے علاوہ انفارمیشن ٹیکنالوجی کے شعبے میں کام کرنے والے دیگر نجی دفاتر بند کر دیے گئے ہیں۔ مختلف کورئیر سروسز میں کام کرنے والے تقریباً 3000 لڑکے بیکار بیٹھے ہیں ، انٹرنیٹ سروسز کی معطلی کی وجہ سے ، تمام ای کامرس کمپنیوں نے وادی میں سروسز کی فراہمی بند کردی ہے۔ نجی اسکولوں میں کام کرنے والے اساتذہ کو خدشہ ہے کہ اگر صورتحال ایسے ہی رہی تو انہیں ملازمت سے برطرف کردیا جائے گا۔ نجی اسکول کی ایک استاد شازیہ نے بتایاکہ انہیں پچھلے دو ماہ سے تنخواہیں نہیں دی گئیں۔

جب نیوز ایجنسی نے اسکول کی انتظامیہ سے رابطہ کیا تو انہوں نے شکوہ کیا کہ طلبا پچھلے تین ماہ سے واجبات جمع نہیں کرواسکے ہیں ، جس وجہ سے وہ اساتذہ کو تنخواہیں دینے سے قاصر ہیں۔ 5 اگست کے بعد سے ، کاروباری ادارے ، پبلک ٹرانسپورٹ ،تعلیمی ادارے اور دکانیں اپنے "اوپن اینڈ شٹ شیڈول” کے تحت بند ہیں۔ بیشتر دکانیں اورکاروباری ادارے صبح 7 بجے سے صبح 10 بجے تک کھلے رہتے ہیں ، لیکن دن میں بند رہتے ہیں ايک رپورٹ میں کہا گیا ہے کہ2011 کی مردم شماری کے مطابق وادی کشمیر کی آبادی 70 لاکھ افراد پر مشتمل ہے اور سرکاری اعداد و شمار کے مطابق وادی میں معاشی شعبوں سے تقریباً20 لاکھ افراد اپنا روزگار کماتے ہیں۔

لاہور:پاکستان کی تاریخ میں پہلی بار 50 روپے کا یادگاری سکہ جاری کرکے حکومت نے حیران کردیا ، لیکن بات یہ ہے کہ یہ سکہ کس کے نام پر جاری ہوا یہ اوربھی حیران کن بات ہے،یہ یادگاری سکہ برصغیر کی ایک اہم شخصیت کی یاد میں جاری کیا گیا ہے ، یہ اہم شخصیت کون ہوسکتی ہے ،آگے چل کربتاتے ہیں‌

باغی ٹی وی کے مطابق حکومت پاکستان کی طرف سے پہلی بار جاری یہ یادگاری سکہ سکھوں‌ کے مذہبی رہنما بابا گرونانک کی یادمیں جاری کیا گیا ہے ، ذرائع کے مطابق یہ سکہ بابا گرونانک کی 550 ویں سالگرہ کے موقع پر جاری کیا گیا ہے،اس سکہ کے ایک جانب باباگرونانک کی 550 ویں سالگرہ لکھا گیا ہے ، سکھ کمیونٹی نے حکومت پاکستان کے اس اقدام کی بہت تعریف کی ہے اور اسے پسند کیا ہے

ذرائع کے مطابق اس سکے کی دوسری طرف حسب سابق اسلامی جمہوریہ پاکستان لکھا گیا ہے اور نیچے سال 2019 لکھا گیا ہے، جس میں‌ وہی لوگولگایا گیا ہے جوپہلے سکوں پر لگایاجاتا ہے ، حکام کا یہ کہنا ہے کہ پاکستان نے یادگاری سکہ جاری کرکے اپنا حق ادا کردیا ہے کہ اس ملک کی اقلیتیوں کو بھی عزت دی جاتی ہے اوراب یہ ذمہ داری اقلیتوں پر بھی عائد ہوتی ہے کہ وہ ریاست کو عزت دیں اور اس کی سالمیت کے لیے وہی جزبہ رکھیں جو ریاست کے دوسرے شہری رکھتے ہیں‌