Category: اہم خبریں

بھارتی وزیراعظم کشمیر میں کرفیو لگا کر فرانس گیا تو وہاں بھی ذلت ہاتھ آئی، فرانس میں بھی مودی کے سامنے انڈیا دہشت گرد کے نعرے لگ گئے ،دوسری جانب جی سیون سمٹ میں بھی بھارتی وزیراعظم مودی کواسوقت شرمندگی کا سامنا کرنا پڑا جب فوانسیسی صدر کو مودی آوازیں دیتے رہے لیکن میکرون نے پلٹ کرنہ دیکھا ۔

باغی ٹی وی کی رپورٹ کے مطابق فرانس میں جی سیون سمٹ کے موقع پر ایفل ٹاور کے باہر سینکڑوں پاکستانی، کشمیری اور سکھ برادری کے افراد جمع ہوئے جہاں انہوں نے مودی کے پہنچنے پر انڈیا دہشت گرد سمیت بھارت کے خلاف شدید نعرے بازی کی، ایفل ٹاور کے باہر جمع ہرنے والے افراد نے پاکستانی اور کشمیری پرچم بھی اٹھا رکھے تھے.

ڈی جی آئی ایس پی آر میجر جنرل آصف غفور نے اپنے ٹویٹر اکاونٹ پر ایک ویڈیو شیئر کی جس میں انہوں نے مودی کا نام لئے بغیر کہا کہ جب کوئی فرانس کے دورے پر تھا، اس ویڈیو میں دیکھا جا سکتا ہے کہ ایفل ٹاور کے باہر سینکڑوں لوگ پاکستانی اور کشمیری پرچم اٹھا کر انڈیا دہشت گرد کے نعرے لگا رہے ہیں،

دوسری جانب بھارتی وزیراعظم مودی کو اسوقت بھی رسوائی کا سامنا کرنا پڑا جب جی سیون سمٹ میں مودی نے فرانسیسی صدر میکرون کو آواز لگائی لیکن فرانسیسی صدرنے بھارتی وزیراعظم کی بات نہ سنی مودی فرانسیسی صدر کو بار بار بلاتے رہے لیکن میکرون نے پلٹ کر نہ دیکھا جس پر بھارتی وزیراعظم کو انتہائی شرمندگی کا سامنا کرنا پڑا، مودی پھر اپنی عزت بچانے کے لئے دائیں بائیں دیکھ کر پیچھے ہٹ گئے۔

قبل ازیں مودی کے فرانس پہنچنے پر بھارتی وزیراعظم نریندر مودی کا مردہ باد کے نعروں سے استقبال کیاگیا ‘ یونیسکو ہیڈ کوارٹر کے سامنے کشمیری پاکستانی کمیونٹی اور یورپ بھر کے سکھ کمیونٹی کے لوگوں نے مودی کے خلاف مظاہرے کیے‘مظاہرین نے ہاتھوں میں بھارت کے خلاف نفرت آمیز نعروں والے بینر اٹھائے ہوئے تھے‘ مظاہرین نے بھارتی فوج اوربھارتی وزیراعظم مودی کے خلاف شدید نعرے بازی کی

جلال آباد میں پاکستانی قونصل خانے کے باہر دھماکہ ہوا ہے،

باغی ٹی وی کی رپورٹ کے مطابق میڈیا رپورٹس میں سفارتی ذرائع کے حوالہ سے بتایا گیا ہے کہ دھماکاقونصل خانےکےباہرہواجہاں لوگ ویزاحاصل کرنےآتےہیں، قونصل خانےکی سیکیورٹی بڑھانےکےلیےافغان حکام کوکئی بارکہاگیا ہے،

سفارتی ذرائع کی جانب سے کہا گیا ہے کہ دھماکےمیں قونصل خانےکاتمام عملہ محفوظ رہا، دھماکاآئی ڈی نصب کرکےکیاگیا،

مقبوضہ وادی کشمیرمیں بھارت کے تازہ غیر انسانی ظلم و ستم کے تسلسل کو 21 واں دن گزر رہا ہے لیکن قابض بھارتی افواج اور مودی حکومت پہ چھائی مظلوم کشمیریوں کی ہیبت کا یہ عالم ہے کہ وہ کرفیو میں معمعولی سی بھی نرمی دینے کے لیے تیار نہیں ہے۔ بدستور تین ہفتے تک تسلسل کے ساتھ کرفیو رکھنے کی روایت دنیا میں نہیں ملتی ہے۔

مہذب دنیا میں ایسا ہوتا ہے کہ جہاں بھی کرفیو ہو وہاں دوسرے دن نرمی کی جاتی ہے یا ایک دو دن بعد کرفیو اٹھا لیا جاتاہے تاکہ لوگ اشیائے ضرورت لے سکیں.بھارت نے یہ سب ریکارڈ توڑ دیے اور مسلسل تیسرے ہفتے سے کرفیو جاری ہے . بیمار ادویات لینے سے قاصر ہیں. بچے دودھ پینے سے محروم ہیں.لوگوں کے پاس اشیائے ضروریات کی قلت ہے.کشمیری اب ضرورت زندگی سے دو دو ہاتھ تنگ ہیں.ان تمام حالات میں کشیری اپنی جدوجہد آزادی جاری رکھے ہوئےہیں.

نیویارک میں وزیراعظم آزادکشمیرکی قیادت میں یواین ہیڈکوارٹرزکےسامنےکشمیریوں کااحتجاجی مظاہرہ . مظاہرے سے وزیر اعظم آزاد کشمیر راجہ فاروق حیدر نے خطاب کیا .مظاہرے میں خواتین اور بچوں کی پلےکارڈزاٹھا کر بڑی تعداد میں شرکت،مودی مخالف نعرے.

باغی ٹی وی رپورٹ کے مطابق نیویارک میں وزیراعظم آزادکشمیر راجہ فاروق حیدر نے یواین ہیڈکوارٹرزکےسامنے خطاب کرتے ہوئے کہا کہ سلامتی کونسل خطے کو حادثے سے بچانے کے لیے کشمیر کے حق خود ارادیت کی قراردادوں پر عمل درآمد کرائے.مقبوضہ کشمیر کے اندر بدترین لاک ڈاوَن ہے وادی کو جیل بنا دیا گیا،مقبوضہ کشمیر کے اندر بدترین لاک ڈاوَن ہے وادی کو جیل بنا دیا گیا،مسئلہ کشمیر پر اقوام متحدہ اپنا کرداراداکرے،اپوزیشن رہنما راہول گاندھی کوبھی سرینگر ائیرپورٹ سے واپس بھیج دیاگیا.
اب بھارت آزاد کشمیر پر حملہ کر کے دنیا کی توجہ ہٹا سکتا ہے. بھارت مقبوضہ کشمیر میں انسانی حقوق کی پامالی کو چھپانے کے لیے ایسا کرسکتا ہے ،

اس کے علاوہ وزیراعظم آزادکشمیر راجہ فاروق حیدر سے امریکی صدر کے مشیر ساجد تارڑ کی ملاقات ہوئی جسراجہ فاروق حیدر نے ساجد تارڑ کو مقبوضہ کشمیر کی تازہ ترین صورتحال سے آگاہ کیا کہ بھارتی فوج کنٹرول لائن پر شہری آبادی کو نشانہ بنا رہی ہےبھارتی فوج ممنوعہ کلسٹر بموں کا استعمال کر رہی ہے

وزیر ریلوے شیخ رشید احمد نے بھارت کو خبردار کرتے ہوئے کہا ہے کہ اگر پاکستان پر حملہ ہوا تو خطے کا نقشہ بدل جائےگا۔مظفر آباد میں خطاب کرتے ہوئے ان کا کہنا تھا کہ یہ لڑائی پاک بھارت نہیں بلکہ برصغیر کی لڑائی ہوگی۔

انہوں نے کہا کہ بھارت مذہب کی لڑائی لڑرہا ہے اور مسلمان کی زندگی اور موت اسلام کےلیے ہے۔انہوں نے کہا کہ 50 سال میں عمران خان پہلے وزیراعظم ہیں جو سلامتی کونسل میں گئے، اس حوالے سے سیاسی قیادت ایک صفحے پر ہے۔شیخ رشید نے کہا کہ مقبوضہ کشمیر میں آکر ایجنڈا مکمل نہیں ہوا، بھارت آزاد کشمیر پر بھی حملہ کرسکتا ہے۔

آزاد کشمیر میں ریلی سے خطاب کے دوران شیخ شید نے کہا کہ مقبوضہ کشمیرمیں 21 دن سےکرفیو نافذ ہے، وہاں نہ تو اشیائے خوردونوش ہے اور نہ ہی ادویات، بھارت نے وادی کشمیر پر قبضہ کرلیا ہے، آج نہ لائن آف کنٹرول ہے اور نہ ہی شملہ معاہدہ، کشمیر پرسلامتی کونسل کی قراردادتو ختم ہوچکی، مودی کے اقدامات سے مقبوضہ کشمیرکا معاملہ دوبارہ اجاگرہوا، ساری دنیا کا میڈیا ہٹلرمودی کےخلاف ہوتا جارہا ہے، سری نگر کی آواز پاکستان کی آوازہوگی۔
انہوں نے مزید کہا کہ بھارت کو پاکستان اور چین کی دوستی کھٹکتی ہے کیوں کہ جب تک یہ قائم ہے بھارت کبھی سلامتی کونسل کا مستقل رکن نہیں بن سکتا۔

ان کا مزید کہنا تھا کہ بھارت کے 25 اور پاکستان کے 22 کروڑ مسلمان مل کر عظیم پاکستان بنائیں گے۔

مقبوضہ وادی: کرفیو اور لاک ڈاؤن کےباوجود کشمیریوں کا جگہ جگہ احتجاج،پتھراؤ.، بھارت مخالف نعرے . ظلم کے خلاف سراپا احتجاج

مقبوضہ وادی میں آج کرفیو اور لاک ڈاؤن کا 21 واں روز ہے، جگہ جگہ بھارتی فوجی تعینات ہیں۔ کشمیریوں کا کہنا ہے وہ تمام رکاوٹیں توڑ کر آزادی حاصل کر کے ہی رہیں گے۔ حریت قیادت نے مظاہرے جاری رکھنے کا اعلان کیا ہے جسکے بعد جگہ جگہ مظاہرے شروع ہو گئے

مواصلاتی نظام بھی بدستور معطل ہے جبکہ جمعے کو کرفیو اور تمام تر رکاوٹوں کے باوجود مقبوضہ وادی میں عوام سڑکوں پر نکل آئے۔سری نگر میں مظاہرین اور بھارتی فوج کے درمیان شدید جھڑپیں ہوئیں ۔ قابض فوج کے طاقت کے اندھے استعمال سے متعدد مظاہرین کو زخمی کر دیا۔قابض فوج نے نہتے مظاہرین پر پیلٹ گن اور آنسو گیس کے شیل فائرکیے جس سے متعدد مظاہرین زخمی ہو گئے۔

برطانوی نشریاتی ادارے بی بی سی کے مطابق سری نگر کی مرکزی جامع مسجد میں نماز جمعہ کے علاوہ کسی بڑے اجتماع کی اجازت نہیں دی گئی۔کشمیر میڈیا سروس کے مطابق شدت پسند ہندوؤں کی جانب سے کشمیری خواتین سے متعلق نازیبہ بیانات کے بعد کشمیریوں نے اپنی ماؤں، بہنوں اور بیٹیوں کے تحفظ کے لیے محلے کی سطح پر کمیٹیاں بنا دی ہیں۔

خیال رہے کہ بھارت نے 5 اگست کو مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر کے وادی میں غیر معینہ مدت کے لیے کرفیو نافذ کر دیا تھا۔

بھارت کی ہندو انتہا پسند حکمران جماعت بی جے پی کے اس اقدام کے بعد سے ہی مقبوضہ وادی میں حالات انتہائی کشیدہ ہیں اور وادی میں مکمل لاک ڈاؤن ہے۔

حریت قیادت اور سیاسی رہنماؤں کو گرفتاریوں یا گھروں میں نظر بند کیا جا رہا ہے جب کہ بھارتی اقدامات کے خلاف مقبوضہ کشمیر سمیت دنیا بھر میں مودی سرکار کے خلاف مظاہروں کا سلسلہ بھی جاری ہے۔

راہول گاندھی کو سری نگر ایئر پورٹ سے واپس بھیج دیا گیا.کشمیر عورت نے رو رو کر بھارتی ظلم کی دھائی دی.فواد چوہدری کی ٹویٹ

تفصیلات کے مطابق وفاقی وزیر سائنس و ٹیکنالوجی نے ٹویٹ کرتےہوئے مودی سرکار کے ظلم کا پول کھول دیا. راہول گاندھی اور دیگر اپوزیشن رہنما سری نگرپہنچے تھے لیکن ان کو ائیر پورٹ سے باہر نہیں نکلنے دیا گیا، مودی سرکار نے پہلے انہیں ائیر پورٹ کے وی آئی پی لاؤنج میں بند کیا بعد ازاں سرینگرائیر پورٹ سے ہی واپس بھجوا دیا.دریں اثنا کانگريس رہنماء راہول گاندھی کے سامنے خاتون نے بھارتی مظالم کی داستان بيان کردی، بولیں کہ بچوں کو گرفتار کیا جارہا ہے، گمشدہ بچوں کی تلاش میں ناکامی کا سامنا ہے۔

بھارت کے اپوزیشن رہنما مقبوضہ کشمیر میں زیر حراست سیاسی رہنماؤں اور عوام سے اظہار یکجہتی کے لیے سری نگر پہنچ تھے۔قابض انتظامیہ نے اپوزیشن رہنماؤں کو وادی میں آنے سے منع کر رکھا تھا لیکن اس کے باوجود انہوں نے مقبوضہ کشمیر جانے کا فیصلہ کیا تھا۔قابض انتظامیہ کا کہنا ہے کہ اپوزیشن رہنماؤں کا دورہ قانون کی خلاف ورزی ہے اور اس سے صورتحال خراب ہو سکتی ہے۔

خیال رہے کہ بھارت نے 5 اگست کو مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر کے وادی میں غیر معینہ مدت کے لیے کرفیو نافذ کر دیا تھا۔بھارت کی ہندو انتہا پسند حکمران جماعت بی جے پی کے اس اقدام کے بعد سے ہی مقبوضہ وادی میں حالات انتہائی کشیدہ ہیں اور وادی میں مکمل لاک ڈاؤن ہے۔

باغی ٹی وی رپورٹ کے مطابق امریکامیں پاکستانی سفیراسدمجید میڈیاسےگفتگو کرنے ہوئے کہاکہ 90لاکھ کشمیریوں کوبھارت نےقیدکررکھاہے،دنیانوٹس لے.امریکی صدرنےتین بارکشمیرکےلیےکرداراداکرنےکی خواہش ظاہرکی،امریکی ہاؤس انٹیلی کمیٹی کےچیرمین سمیت تمام لوگ تشویش کااظہارکررہےہیں،
انہوں نے کہا ہے کہ ہم اس مسئلہ کے لیے سیکیورٹی کونسل میں گئے،دنیاکی توجہ مبذول کرائی،امریکی صدرکوبھی کشمیرکی صورتحال پرتشویش ہے،سب سےزیادہ تشویش کشمیرمیں انسانی بحران پرہے،آزادمبصرین کوبھیجاجائے،بھارت کواقدام واپس لینےپرمجبورکیاجائے،بھارتی رویےسےپیداحالات امن اورسیکیورٹی کےلیےبڑاخطرہ ہیں،
واضح رہے کہ کشمیر پر بھارتی حالیہ قدام پر ایک بہت بڑے بحران کی تشویش ظاہر کی جارہی ہے.بھارت کی طرف سے آئینی طور پرکشمیر کی صورت حال تبدیل کرنے پر پورے خطے میں حالات کشیدہ ہیں اور جنگ کے بادل منڈلا رہے ہیں

وفاقی وزیر داخلہ اعجاز شاہ نے کہا ہے کہ نوازشریف،آصف زرداری لوٹامال واپس کردیں،میں ضمانت دیتا ہوں انکو چھوڑدینگے

باغی ٹی وی کی رپورٹ کے مطابق نجی ٹی وی کے پروگرام میں گفتگو کرتے ہوئے وفاقی وزیر داخلہ اعجاز شاہ کا کہنا تھا کہ نواز شریف اور آصف زرداری توبہ نہیں کرتے،ایم کیو ایم کے لوگ ہمارے ساتھ بانی ایم کیوایم کےنظریے کیساتھ نہیں بیٹھے

وفاقی وزیر داخلہ کا مزید کہنا تھا کہ مودی نے 2ارب انسانوں کی جانوں کو خطرے میں ڈال دیا ہے،ہم ایٹمی طاقت ہیں، اس لیے وزیراعظم نے کہا فلیش پوائنٹ پر ہیں،یقین سے کہتا ہوں مسلم امہ کشمیریوں کے ساتھ ہے،سلامتی کونسل میں مقبوضہ کشمیرکو زیر بحث لایا گیا،یہ بھارت کیلیے دھچکا ہے ،بھارت مقبوضہ کشمیر میں جو کچھ کررہا ہے اسکے نتائج تباہ کن ہونگے ،ہم نے بھارت کیساتھ تجارت بند کردی ہے،سفارتی تعلقات میں کمی لائےہیں

واضح رہے کہ نواز شریف کوٹ لکھپت جیل میں العزیزیہ ریفرنس کیس میں سات برس قید کی سزا کاٹ رہے ہیں، سابق صدر آصف زرداری کو نیب نے جعلی اکاؤنٹس کیس میں گرفتار کر رکھا ہے،.