Baaghi TV

Category: اہم خبریں

  • گیس چوروں کو ضمانت نہیں دے سکتے، سپریم کورٹ

    گیس چوروں کو ضمانت نہیں دے سکتے، سپریم کورٹ

    سپریم کورٹ نے ایک کیس کی سماعت میں ریمارکس دیتے ہوئے کہا کہ گیس چوروں کو ضمانت نہیں دے سکتے

    ایک ماہ میں کتنے ارب کی گیس چوری ہوئی، جان کر ہوں حیران

    باغی ٹی وی کی رپورٹ کے مطابق لکی مروت کے رہائشی ملزم نے ضمانت کیلئے سپریم کورٹ میں درخواست دائرکی تھی، دوران سماعت جسٹس اعجاز الاحسن نے کہا کہ ملزم چوری کی گیس سے بجلی بنا کرفروخت کرتاتھا،گیس چوروں کوضمانت نہیں دے سکتے، جسٹس عظمت سعید نے کہا کہ ملزم پر جرم ثابت ہو گیا تو 14 سال قید بنتی ہے، ملزم کے وکیل نے کہا کہ لوڈ شیڈنگ کی وجہ سے ملزم ایسا کر رہے تھے، جسٹس اعجاز الاحسن نے کہا کہ ملزم کے خلاف جب چھاپہ مارا گیا تو اس نے پستول تان لیا، عدالت نے درخواست ضمانت خارج کر دی

    گیس اور بجلی کی قیمتیں کیوں بڑھیں؟ عمر ایوب خان نے بتا دیا

    سپریم کورٹ نے گیس چوری کیس میں ملزم کی درخواست ضمانت خارج کر دی.

    عمر قید کی سزا کتنی ہو گی، سپریم کورٹ میں مدت کے تعین کیلئے لارجر بینچ تشکیل

    واضح رہے کہ وزیر پیٹرولیم عمر ایوب خان نے گیس کی قسیم کارکمپنیوں کوہدایت کی ہے کہ گیس چوروں کے ساتھ کوئی رعایت نہ کی جائے ،گیس چوروں کے خلاف ملک بھر میں کریک ڈاون تیزکیا جائے ،مئی میں اب تک دونوں کمپنیوں میں 2625چوروں نے1ارب95کروڑ98لاکھ سے زائدکی گیس چوری کی ،سب سے زیادہ گیس چوری صنعتی،انڈسٹری وکمرشل سیکٹرمیں ہورہی ہے .سب سے زیادہ گیس چوری صنعتی،انڈسٹری وکمرشل سیکٹرمیں ہورہی ہے ،سوئی ناردرن میں گیس چوری کاحجم اربوں میں چلاگیا۔ سوئی سدرن گیس میں720 گیس چور پکڑے ،713غیرقانونی کنکشن ختم کئے جو خزانہ کو50کروڑ89لاکھ روپے کانقصان پہنچارہے تھے اورسوئی ناردرن میں1905گیس چورپکڑے، گئے،3830 غیر قانونی کنکشن ختم کئے1ارب45کروڑ9لاکھ سے زائد کی گیس چوری کررہے تھے

    16 کلو منشیات، سپریم کورٹ نے سزائے موت کے ملزم کو بری کر دیا

    خیبرپختونخواہ پولیس کے کیا کہنے،وہ چاہتی تومیری گاڑی ریکور کرلیتی، سپریم کورٹ

    ہندو برادری کی درخواست پرسپریم کورٹ سندھ حکومت پر برہم

    سزامعطل ہونےسے نااہل شخص الیکشن کیلیےاہل نہیں ہو سکتا،سپریم کورٹ کا بڑا فیصلہ

  • چیئرمین سینیٹ کی تبدیلی، اپوزیشن کے آج ہوں گے تین اجلاس

    چیئرمین سینیٹ کی تبدیلی، اپوزیشن کے آج ہوں گے تین اجلاس

    چیئرمین سینیٹ کے خلاف تحریک عدم اعتماد ، سینیٹ اجلاس کل ہو گا، آج اپوزیشن کی رہبر کمیٹی کا اجلاس ہو گا جبکہ نامزد چیئرمین حاصل بزنجو اپوزیشن کو عشائیہ دیں گے

    چیئرمین سینیٹ کیخلاف تحریک عدم اعتماد، گورنر پنجاب نے اہم اعلان کر دیا،

    باغی ٹی وی کی رپورٹ کے مطابق اپوزیشن کی رہبر کمیٹی کا اہم اجلاس آج اسلام آباد میں ہو گا جس میں چیئرمین سینیٹ کی تبدیلی کے حوالے سے مشاورت کی جائے گی، رہبر کمیٹی کا اجلاس جمعیت علماء اسلام کے رہنما اکرم درانی کی صدارت میں شام 4 بجے ہو گا، اجلاس مسلم لیگ ن کے سینیٹر راجہ ظفر الحق کے چیمبر میں ہو گا.

    چیئرمین سینیٹ کیخلاف تحریک عدم اعتماد، اپوزیشن ہو رہی ہے فرار،اہم خبر

    اپوزیشن کی رہبر کمیٹی کے اجلاس میں چیئرمین سینٹ کے خلاف تحریک عدم اعتماد پر کمیٹی اراکین کو آگاہ کیا جائے گا، اجلاس میں حکومتی اتحادی اراکین سے ہونے والے رابطوں پر بھی تبادلہ خیال کیا جائے گا،

    حکومتی وفد کی مولانا فضل الرحمان سے اچانک ملاقات، کیا بات ہوئی؟ اہم خبر

    چیئرمین سینیٹ کی تبدیلی،اپوزیشن کا اجلاس جاری، چیئرمین سینیٹ نے بھی بڑا فیصلہ کر لیا

    اپوزیشن جماعتوں کااجلاس راجہ ظفرالحق نے بھی آج طلب کرلیا ، بلاول بھٹو،شہبازشریف سمیت دیگرقائدین شرکت کریں گے، دوسری جانب مسلم لیگ ن کے سینٹرز کا اجلاس بھی دن ایک بجے طلب کیا گیا ہے ، اجلاس کی صدارت شہباز شریف کریں گے.

    ن لیگی کے اراکین سینیٹ چیئرمین سینیٹ سے کیوں ملے؟ ن لیگ نے بڑا فیصلہ کر لیا

    دوسری جانب اپوزیشن کی طرف سے نامزد چیئرمین سینیٹ کے امیدوار میر حاصل بزنجو کی طرف سے اپوزیشن جماعتوں کے سینیٹرز کے اعزاز میں عشائیہ دیا جائے گا، مسلم لیگ ن کی نائب صدر مریم نواز نے بھی اس عشائیہ میں شرکت کا عندیہ دیا ہے، میر حاصل بزنجو کی جانب سے مریم نواز کو ٹیلیفون پر شرکت کی دعوت دی گئی ہے. یہ عشائیہ سرینا ہوٹل اسلام آباد میں دیا جائے گا،

     

    چیئرمین سینیٹ نے ایسا جواب دیا کہ اپوزیشن کے سارے منصوبے ہوئے ناکام

    واضح رہے کہ اپوزیشن جماعتیں چیئرمین سینیٹ کے خلاف تحریک سینیٹ سیکرٹریٹ میں جمع کروا چکی ہیں، اپوزیشن نے چیئرمین سینیٹ کے لئے حاصل بزنجو کو امیدوار نامزد کیا ہے، اب تحریک انصاف نے ڈپٹی چئرمین سینیٹ کو ہٹانے کے لئے تحریک جمع کروا لی ہے . اس سلسلہ میں حکومت کی اتحادی جماعتوں سے مشاورت کا سلسلہ جاری ہے .

    دوسری جانب وزیر اعظم عمران خان نے پی ٹی آئی سینیٹرز سے واضح طور پر کہا ہے کہ ہم نے چیئرمین سینیٹ کے خلاف پیش کی گئی تحریک عدم اعتماد کو ہر صورت ناکام بنانا ہے اور جس طرح بجٹ‌ منظوری کے حوالہ سے اپوزیشن جماعتوں‌ کو کامیاب نہیں‌ ہونے دیا گیا اسی طرح سینیٹ چیئرمین کے خلاف ان کی تحریک عدم اعتماد بھی کسی صورت کامیاب نہیں‌ ہونے دی جائے گی.

    چیئرمین سینیٹ کیخلاف اپوزیشن جماعتوں کے اجلاس میں کتنے سینیٹرز شریک ہوئے؟ اہم خبر

    اپوزیشن نے صادق سنجرانی کو ہٹانے کی قرارداد اور سینیٹ کا اجلاس بلانے کی ریکوزیشن جمع کرائی۔ صادق سنجرانی کے خلاف تحریک عدم اعتماد کامیاب ہوئی تو نئے چیئرمین سینیٹ کے انتخاب کے لئے انتخاب خفیہ رائے شماری سے ہوگا۔

    چیئرمین سینیٹ کی تبدیلی، ن اور پیپلزپارٹی کے اندر بغاوت کا خدشہ؟ اہم خبر

  • منی لانڈرنگ پر سزا میں اضافے کا بل قائمہ کمیٹی نے منظور کرلیا

    منی لانڈرنگ پر سزا میں اضافے کا بل قائمہ کمیٹی نے منظور کرلیا

    اسلام آباد : پاکستان کی طرف سے معاشی اصلاحات کا سلسلہ جاری ، قومی اسمبلی کی قائمہ کمیٹی برائے خزانہ نے انسداد منی لانڈرنگ ترمیمی بل 2019 منظور کرلیا جس کے تحت منی لانڈرنگ کرنے والے افراد کی سزا اور جرمانے میں اضافے کے ساتھ ساتھ جائیداد ضبط کرنے کی سفارشات منظور کرلی گئیں۔

    اسلام آباد سے ذرائع کے مطابق قائمہ کمیٹی برائے خزانہ کا اجلاس چیئرمین اسدعمر کی زیر صدارت پارلیمنٹ ہاوس اسلام آباد میں ہوا جہاں انسداد منی لانڈرنگ بل اور فارن ایکسچینج ریگولیشنز بل کی منظوری دی گئی۔

    قائمہ کمیٹی برائے خزانہ سے منظور ہونے والے ترمیمی بل کے مطابق منی لانڈرنگ کے ملزمان سزا بڑھا کر سال تک کردی گئی ہے، 50 لاکھ روپے جرمانہ اور جائیداد ضبطی کی سفارشات منظور کرلی گئی ہیں۔

    بل کے مطابق منی لانڈرنگ کے ملزمان کو عدالتی وارنٹ کے بعد گرفتار کیا جا سکے گا اور ریمانڈ 90 روز سے بڑھا کر 180 روز کرنے کی تجویز بھی منظور کرلی گئی ہے۔

    اسلام آباد میں اسد عمر کی زیر صدارت ہونے والے کمیٹی کے اجلاس میں وفاقی تحقیقاتی ایجنسی (ایف آئی اے) کے ڈائریکٹر جنرل (ڈی جی) بشیر میمن نے بریفنگ دیتے ہوئے کہا کہ منی لانڈرنگ پر جرم کی سزائیں بڑھاکر 10 سال قید، 50 لاکھ روپے جرمانہ اور جائیداد کی ضبطی کی سفارشات منظور کر لی جائیں۔

    کمیٹی کے اس اجلاس میں‌اسد عمر نے کہا کہ انسداد منی لانڈرنگ کے تحت ملزمان کا 180 روز کا ریمانڈ دینے کی تجویز ہے اس سے قبل ملزمان کا 90 روز کا ریمانڈ لینے کی اجازت ہے جس پر کمیٹی نے ملزمان کو عدالتی وارنٹ کے بعد گرفتار کرنے کی تجویز منظور کرلی۔

    اسٹیٹ بینک کے حکام نے کمیٹی کو بتایا کہ فنانشل ایکشن ٹاسک فورس )ایف اے ٹی ایف( کے تحت منی لانڈرنگ کے جرم کو فوری طور پر رپورٹ کرنا ضروری ہے۔

    انہوں نے کہا کہ بینکوں سے غلط اور مشکوک رپورٹ بھیجنے والے ملازمین کے خلاف کارروائی ہوگی اور مشکوک رپورٹ نہ بھینے والے ملازمین کے خلاف بھی کارروائی ہوگ۔

    قومی اسمبلی کی قائمہ کمیٹی برائے خزانہ نے فارن ایکسچینج ریگولیشنز بل کی منظوری دے دی جس کے تحت غیر ملکی کرنسی کی نقل و حمل کو قابو کیا جائے گا۔

    چیئرمین قائمہ کمیٹی خزانہ نے حکام کو منی لانڈرنگ کو ختم کرنے پر زور دیتے ہوئے کہا کہ انسداد منی لانڈرنگ بل آج منظور ہوچکا ہے اور کل سے منی لانڈرنگ کو ختم کر دیں۔فارن ایکسچینج ریگولیشنز بل کے تحت اندرون ملک 10 ہزار ڈالر تک کی رقم کی نقل و حرکت پر اسٹیٹ بینک سے اجازت لینا ہوگی۔

  • کون کتنا ٹیکس دے گا سن کر دل قابو میں رکھیئے ، ایف بی آر نے سب کچھ بتا دیا

    کون کتنا ٹیکس دے گا سن کر دل قابو میں رکھیئے ، ایف بی آر نے سب کچھ بتا دیا

    لاہور : ایف بی آر نے ٹیکس شرح بیان کرکے سب کی آنکھیں‌کھول دیں. ایف بنی آر کی فہرست آنے کے بعد دلو ں کو تھام کر رکھنا ضروری ہوگیا . تفصیلات کے مابق فیڈرل بورڈ آف ریونیو نے تنخواہ دار طبقے کو سالانہ انکم ٹیکس کی حد 6 لاکھ روپے مقرر کرتے ہوئے پراپرٹی ٹیکس کی زیادہ سے زیادہ حد میں 20 فیصد سے اضافہ کرکے 35 فیصد کردیا ہے۔

    فنانس ایکٹ 2019 کی انکم ٹیکس تفصیلات کرتے ہوئے ایف بی آر نے جو شرح عائد کی ہے اس کے مطابق پراپرٹی رینٹل انکم پر پانچ سے 35 فیصد ٹیکس عائد ہو گا ۔ دو لاکھ روپے سے 6 لاکھ روپے کی جائیدار پر 5 فیصد، 6 لاکھ روپے سے 10 لاکھ روپے کی جائیداد پر 10 فیصد انکم ٹیکس عائد ہوگا۔

    تفصیلات کے مطابق 40 لاکھ سے 60 لاکھ روپے کی پراپرٹی پر 6لاکھ دس ہزار روپے اور 25 فیصد انکم ٹیکس، 60 لاکھ روپے سے 80 لاکھ روپے کی پراپرٹی پر گیارہ لاکھ دس ہزار اور 30 فیصد اور 80 لاکھ روپے سے زائد کی پراپرٹی انکم پر 17 لاکھ دس ہزار روپے اور 35 فیصد ٹیکس عائد ہو گا۔

    انکم ٹیکس کی تفصیلات کے مطابق 10 لاکھ روپے سے 20 لاکھ روپے کی جائیداد پر انکم 60 ہزار روپے کے ساتھ 15 فیصد، 20 لاکھ سے 40 لاکھ روپے کی جائیدار پر انکم ٹیکس پر دو لاکھ دس ہزار کے ساتھ 20 فیصد عائد ہوگا۔

    فنانس ایکٹ 2019 میں 50 لاکھ روپے تک کی جائیداد پر 5 فیصد کیپیٹل ٹیکس، 50 لاکھ روپے تا ایک کروڑ روپے کی جائیداد پر10 فیصد اور ایک کروڑ سے ڈیڑھ کروڑ روپے کی پراپرٹی پر 15 فیصد کیپیٹل ٹیکس عائد ہوگا۔

    دوسری طرف تنخواہ دار طبقے پر ٹیکس کی تفصیلات کے مطابق6 لاکھ روپے سے 12 لاکھ روپے کی آمدن پر پانچ فیصد،12 لاکھ روپے سے 18 لاکھ روپے کی آمدن پر 30 ہزار اور 10 فیصد، 18 لاکھ روپے سے 25 لاکھ روپے کی آمدن پر 90 ہزار اور 15 فیصد، 25 لاکھ سے 35 لاکھ روپے کی آمدن پر ایک لاکھ پچانوے ہزار روپے اور ساڑھے سترہ فیصد ٹیکس عائد ہوگا۔

    حکومت نے 35 لاکھ روپے سے 50 لاکھ روپے کی آمدن پر تین لاکھ 70 ہزار روپے اور 20 فیصد، 50 لاکھ سے 80 لاکھ روپے پر 6 لاکھ 70 ہزار اور ساڑھے 22 فیصد، 81 لاکھ روپے سے ایک کروڑ بیس لاکھ روپے کی آمدن پر 13 لاکھ 45 ہزار روپے کے ساتھ پچیس فیصد ٹیکس عائد پر کردیا ہے۔

    ایف بی آر کے نئے ٹیکس سسٹم کے مطابق نئے ایکٹ میں ایک کروڑ 20 لاکھ روپے سے 3 کروڑ روپے کی آمدن پر 23 لاکھ 45 ہزار کے ساتھ27 فیصد، 3 کروڑ روپے سے 5 کروڑ روپے کی سالانہ آمدن پر 72 لاکھ 95 ہزار کے ساتھ ساتھ تیس فیصد اور 5 کروڑ روپے تا ساڑھے 7 کروڑ روپے کی آمدن پر 32 لاکھ 95 ہزار روپے کے ساتھ 32 فیصد ٹیکس عائد ہوگا۔

    ایف بی آر ذرائع کے مطابق حکومت کی جانب سے تنخواہ دار طبقے پر عائد ٹیکس کے مطابق ساڑھے 7 کروڑ روپے سے زائد کی آمدن پر دو کروڑ 14 لاکھ بیس ہزار روپے کے ساتھ 35 فیصد ٹیکس عائد ہو گا۔

    ایف بی آر کی طرف سے جاری دستاویزات کے مطابق فنانس ایکٹ 2019 کے دستاویزات کے مطابق 50 لاکھ روپے قرض کے منافع پر 15 فیصد، 50لاکھ روپے سے ڈھائی کروڑ روپے قرض کے منافعے پر ساڑھے 17 فیصد اور ڈھائی کروڑ روپے سے 3 کروڑ 60 لاکھ روپے قرض کے منافع پر 20 فیصد ٹیکس عائد ہو گا، اسی طرح ایف بی آر نے ٹرن اوور ٹیکس کی شرح صفر اعشاریہ 7 فیصد سے بڑھا کر ڈیڑھ فیصد کر دی ہے۔

    ایف بی آر کی جانب سے جاری تفصیلات میں کہا گیا تھا کہ 50 ہزار روپے سے زیادہ خریداری پر شناختی کارڈ کی شرط کا باقاعدہ اطلاق یکم اگست سے ہو گا

    ۔

  • کنٹرول لائن پر بھارتی فائرنگ کا منہ توڑ جواب، 3 ہندوستانی فوجی ہلاک، متعدد چیک پوسٹیں تباہ

    کنٹرول لائن پر بھارتی فائرنگ کا منہ توڑ جواب، 3 ہندوستانی فوجی ہلاک، متعدد چیک پوسٹیں تباہ

    بھارتی فورسز کی جانب سے ایل او سی پر ایک بار پھر بلااشتعال فائرنگ کی گئی ہے جبکہ بھارتی فورسزکی جانب سے بھاری توپ خانے کا استعمال کیا گیا ہے،

    باغی ٹی وی کی رپورٹ کے مطابق بھارتی فورسز نے شہری آبادی کونشانہ بنایا، بھارتی فورسز نے ڈنہ،دھدنیال،جورا،لیپا،شردا اور شاہکوٹ سیکٹرز کو نشانہ بنایا، بھارتی فورسز کی گولہ باری سےشہری نعمان احمدشہید ہوا ہے،

    آئی ایس پی آر کی جانب سے بتایا گیا ہے کہ گولہ باری سے بچوں اورخواتین سمیت 9 شہری زخمی ہوئے ہیں، تمام زخمیوں کو ہسپتال منتقل کردیا گیا ہے، پاک فوج کی جانب سے بھارتی گولہ باری کا منہ توڑ جواب دیا گیا ہے جس سے 3 بھارتی فوجیوں کی ہلاکت اورمتعدد کے زخمی ہونےکی اطلاع ہے، جوابی کارروائی میں بھارتی چیک پوسٹوں کےتباہ ہونےکی بھی اطلاعات ہیں،

  • کوئٹہ میں زوردار دھماکہ، 5 افراد جاں بحق، 36 سے زائد زخمی

    کوئٹہ میں زوردار دھماکہ، 5 افراد جاں بحق، 36 سے زائد زخمی

    بلوچستان کے شہر کوئٹہ میں دھماکہ سے 5 افراد جاں بحق اور 30 سے زائد زخمی ہو گئے ہیں، زخمیوں میں 2 پولیس اہلکار، خواتین اور بچے بھی شامل ہیں، یہ دھماکہ پولیس وین کے قریب ہوا ہے،

    باغی ٹی وی کی رپورٹ کے مطابق دھماکہ اس قدر زوردار تھا کہ اس کی آواز دور دور تک سنی گئی، دھماکہ میں زخمی ہونے والے چالیس کے قریب افراد کو ہسپتال منتقل کیا گیا ہے جن میں‌ سے متعدد افراد کی حالت تشویشناک بتائی جاتی ہے،

    رپورٹ کے مطابق یہ دھماکہ میزان چوک کے قریب سٹی تھانہ کے سامنے ہوا ہے، ابتدائی طور پر دھماکے کی نوعیت یا شدت کا پتہ نہیں چل سکا ہے، سکیورٹی فورسز اور ریسکیو ٹیمیں جائے دھماکہ کی طرف روانہ ہوگئی ہیں، دھماکے کے باعث علاقے میں خوف و ہراس پھیل گیا ہے، واضح رہے کہ حالیہ دنوں‌ میں ملک کے اندر تخریب کاری کی وارداتوں‌ میں شدت پیدا کرنے کی کوششیں کی جارہی ہیں،

    ریسکیوذرائع کے مطابق دھماکہ خیز مواد موٹرسائیکل میں نصب تھا جس کے ذریعے پولیس کی گاڑی کو نشانہ بنانے کی کوشش کی گئی، دھماکہ اس وقت ہوا جب علاقہ میں رش تھا اور لوگ عید کی خریداری میں مصروف تھے۔

    ریسکیوذرائع نے مزید بتایا کہ دھماکے کے فوری بعد سیکیورٹی اہلکاروں نے علاقے کو گھیرے میں لے لیا جبکہ کوئٹہ کے سول اسپتال سمیت دیگر سرکاری اسپتالوں میں بھی ایمرجنسی نافذ کرتے ہوئے ڈاکٹرز اور پیرا میڈیکل اسٹاف کو فوری طلب کر لیا گیا تھا۔

  • کسٹم اور مافیا کی ملی بھگت سے پچھلے سال 200 ارب کی کرپشن کا انکشاف

    کسٹم اور مافیا کی ملی بھگت سے پچھلے سال 200 ارب کی کرپشن کا انکشاف

    لاہور : کسٹم حکام مافیا کی ملی بھگت سے سالانہ 200 ارب کی کرپشن کا انکشاف، 10بڑے درآمد کنندگان سے مل کر سالانہ کھربوں روپے کی کرپشن ہورہی ہے . کسٹم حکام اور مافیا حکام کی یہ ملی بھگت ملکی معشیت کے لیے تباہی سے کم نہیں. یہ بھی یاد رہے کہ جاپان سے دو طرح کی گاڑیاں منگوا کر قومی خزانے کو نقصان پہنچانے کا سلسلہ ابھی رکا نہیں.

    باغی ٹی وی کو حاصل ہونی والی معلومات اور دستاویزات کے مطابق اس وقت پاکستان میں ہر ماہ 7 سے 8 ہزار گاڑیاں جاپان سےمنگوائی جارہی ہیں.جن پر کسٹم حکام اور مافیاسالانہ اربوں روپے قومی خزانے کو نقصان پہنچا رہے ہیں.

    باغی ٹی وی کو حاصل ہونے والی دستاویزات کے مطابق جاپان سے نئی گاڑیاں خرید کر اس کو بندرگاہ تک پہنچنے سے پہلے 300 کلومٹیر چلایا جاتا ہے اور مافیا اور کسٹم حکام پہلے تو اس کو کم قیمت میں‌ظاہر کرتا ہے . مثلا ایک گاڑی 1 کروڑ کی خریدی ہے تو اس کو 70 لاکھ کا ظاہر کرکے ٹیکس بچایا جاتا ہے ، دوسری واردات کچھ اس طرح ہےکہ اس کو استعمال شدہ گاڑی ظاہر کرکے 20 فیصد کسٹم بچا لیتے ہیں،

    ذرائع کے مطابق دوسرا طریقہ یہ اختیار کیا جاتا ہے کہ جاپان سے آنے والی گاڑیوں کی سی سی کم بتائی جاتی ہیں جس کی وجہ سے ان پر اتنا ہی کسٹم ڈیوٹی کم پڑتی ہے . یوں ہر سال اربوں روپے کا نقصان اس صورت میں اٹھانا پڑتا ہے. اس کے بعد کیا ہوتا ہے وہ بھی ملاحظہ فرمائیں

    باغی ٹی وی کو ملنے والی دستاویزات کے مطابق کسٹم حکام اور مافیا مل کر جاپان سے وہ گاڑیاں منگوا رہے ہیں کہ جن کو جاپان میں کباڑ قرار دیا جاتا ہے اور یہ گاڑیاں یہ مافیا فری کی صورت میں‌ لے کر آتا ہے ، پھر اس کباڑ پر بہت ہی کم کسٹم اور ٹیکس پڑتا ہے . جب یہ گاڑیاں پورٹ سے مافیا کے ویئر ہاوسز میں‌پہنچتی ہیں تو ان کو استمعال شدہ ظاہر کرکے بیچتے ہیں اور اس طرح کباڑ کی گاڑیوں کو سیکنڈ ہینڈ ظاہر کرکے پاکستانیوں سے سالانہ اربوں روپے ناجائز بٹور رہے ہیں.

    باغی ٹی وی کو ملنے والی دستاویزات کے مطابق جاپان اورچین کی نسبت یورپ سے خصوصا جرمنی کے منگوائی جانے والی گاڑیوں میں ایک تو دونمبری نہیں‌ہوتی کیونکہ یہ کپمنیاں معیار پر کمپرومائز نہیں کرتیں، دوسرا یہ کہ جب یہ گاڑیاں پاکستان پہنچتی ہیں‌تو سب سے پہلے ملکی خزانے کو کرروڑوں روپےدیتی ہیں یورپ سے پاکستان آنے والی گاڑیوں کا ایک خاصا یہ ہے کہ پاکستان میں پہنچ کر ان کی قیمتیں جاپان سے منگوائی جانی والی لینڈ کروزرز گاڑیوں سے کم پڑتی ہے.

    ذرائع کے مطابق پچھلے سال 1100 کے لگ بھگ لینڈکروزر گاڑیاں جاپان سے منگوائی گئیں اور ایک گاڑی پر کسٹم اور مافیا نے کم وبیش 1کروڑ بچایا ہے اور یوں ملکی خزانے کو 1100 کروڑ کا نقصان پہنچایا گیا

    باغی ٹی وی ذرائع کے مطابق جاپان اور چین سے منگوائی جانی والی گاڑیوں کو جس طرح قانونی اور ماحول کے لیے درست بتایا جارہا ہے اس میں‌بھی دو نمبری کی جارہی ہے.حالانکہ جاپان میں ان گاڑیوں کو ماحول مخالف قرار دے کر ان کے استعمال پر پابندی ہے . لیکن یہ گاڑیا پاکستان میں‌قابل استعمال ہیں . ان حالات کے پیش نظر ماہرین ماحولیات نے حکومت سے مطالبہ کیا ہے کہ جاپان سے گاڑیوں کی درآمد کی صورت میں جاپان کی پری شپمنٹ ایجنسی Bureau Veritas یا جاپانی آٹواپریزل انسٹی ٹیوٹ (جے اے اے آئی) کا تصدیقی سرٹیفکیٹ لازمی قرار دیا جائے۔

    ماہرین کے مطابق جاپان سے گاڑی کی درآمد کے لیے جاپانی آکشن ہاؤس کی 4.5گریڈنگ لازمی قراردی جائے ایسی گاڑیوں کو درآمد کی اجازت نہ دی جائے جو 15ہزار کلومیٹر سے زائد چل چکی ہوںاسی طرح زنگ آلود گاڑیوں، سیلاب سے متاثرہ گاڑیوں، چیسس ایکسیڈنٹ گاڑیوں کو بھی درآمد کی اجازت نہ دی جائے۔

    ماہرین کے مطابق آٹو انڈسٹری کے لیے ایک جامع قومی پلان کو ناگزیر قرار دیتے ہوئے اس پلان پر حقیقی معنوں میں عمل درآمد یقینی بنایا جائے۔ قومی آٹو پالیسی کے تحت درآمدی اور مقامی سطح پر تیار گاڑیوں میں پسنجر سیفٹی، کوالٹی اور گاڑیوں کی سڑکوں پر چلنے کی اہلیت یقینی بنانے سمیت 15سال سے زائد پرانی گاڑیوں کو متروک قرار دیتے ہوئے پابندی عائد کی جائے

  • وزیر اعظم کی زیر صدارت وفاقی کابینہ کا اجلاس، اسلام آباد کا ماسٹر پلان جلد مکمل کرنے کی ہدایت

    وزیر اعظم کی زیر صدارت وفاقی کابینہ کا اجلاس، اسلام آباد کا ماسٹر پلان جلد مکمل کرنے کی ہدایت

    وزیراعظم عمران خان کی زیرصدارت وفاقی کابینہ اجلاس ہوا ہے جس میں‌ فیصلہ کیا گیا ہے کہ احتساب کے عمل کو مزید موثر بنایا جائے گا،

    باغی ٹی وی کی رپورٹ کے مطابق اجلاس میں وزیر اعظم عمران خان کی جانب سے کہا گیا ہے کہ جرائم پیشہ افرادسےمجرموں جیساسلوک ہوناچاہیے، انہوں نے اسلام آباد کا ماسٹر پلان جلد مکمل کرنے کی ہدایات جاری کیں جبکہ وزیراعظم نے 2 روز بعد اسلام آباد ماسٹر پلان پراہم اجلاس طلب کرلیا ہے،

    وزیر اعظم عمران خان نے کہا ہے کہ اسلام آبادکےپوش علاقوں میں بلندعمارتوں کوترجیح دی جائے، اسی طرح کہا گیا ہے کہ سیکٹرجی 6جیسےمرکزی علاقےمیں بلندعمارتیں تعمیر کی جائیں،

  • روٹی اور نان کی قیمت میں اضافہ، وزیراعظم نے ہنگامی اجلاس طلب کر لیا

    روٹی اور نان کی قیمت میں اضافہ، وزیراعظم نے ہنگامی اجلاس طلب کر لیا

    روٹی اور نان کی قیمت میں اضافے کی وجوہات جاننے کے لئے وزیراعظم نے اجلاس طلب کر لیا

     

    نواز شریف کے کزن کی ملکیتی شوگر مل نیلام کرنے کا عدالتی حکم

    باغی ٹی وی کی رپورٹ کے مطابق وزیراعظم عمران خان نے مہنگائی میں اضافے کے حوالہ سے جائزہ رپورٹ لینے کے لئے خصوصی اجلاس طلب کر لیا، وزیراعظم عمران خان کی زیر صدارت خصوصی اجلاس وزیراعظم آفس میں ہو گا،

    اینٹی کرپشن ٹیم کی تحقیقات، نواز شریف ٹیم کو مطمئن نہ کر سکے

    اجلاس میں پٹرولیم ڈویژن،غذائی تحفظ کے وزرااورافسران کوشرکت کی ہدایت دی گئی ہے، اجلاس میں وزیراعظم کو بریفنگ دی جائے گی کہ گیس کی قیمتوں میں اضافےسے کتنا اثرپڑا، وزیراعظم نے اس بات کی تفصیلات بھی طلب کی ہیں کہ مل مالکان کتنا منافع لے رہے ہیں .

    نواز شریف سے جیل میں سہولیات واپس، نواز کی جیلر کی منتیں

    وفاقی وزیر داخلہ کا نواز شریف کے گھر کی دیوار گرانے کا اعلان

    قبل ازیں وزیراعظم کی زیر صدارت وفاقی کابینہ کا اجلاس ہوا جس میں سول ایوی ایشن اتھارٹی کے ریگولیشن اورسروس کےمحکمےالگ کرنےکی منظوری دے دی گئی، اجلاس میں فیڈرل گورنمنٹ ایمپلائزہاؤسنگ اتھارٹی کے قیام کی منظوری بھی دے دی گئی، وفاقی کابینہ کے اجلاس میں عارف احمد خان کوچیئرمین ٹریڈ ڈیولپمنٹ اتھارٹی بنا دیا گیا .

  • آرمی چیف سے سربراہ اسٹیٹ سیکیورٹی سروس ازبکستان کی ملاقات

    آرمی چیف سے سربراہ اسٹیٹ سیکیورٹی سروس ازبکستان کی ملاقات

    آرمی چیف جنرل قمر جاوید باجوہ سے سربراہ اسٹیٹ سیکیورٹی سروس ازبکستان کی ملاقات ہوئی ہے

    پاک امریکا تعلقات خطے کے استحکام کے لئے انتہائی ضروری ہیں: آرمی چیف

    آرمی چیف کا پینٹا گون کا دورہ، بھر پور استقبال،گارڈ آف آنر پیش

    باغی ٹی وی کی رپورٹ کے مطابق آرمی چیف جنرل قمر جاوید باجوہ سے سربراہ اسٹیٹ سیکیورٹی سروس ازبکستان نے ملاقات کی ہے، ملاقات میں پاک ازبک عسکری تعلقات میں فروغ پراتفاق کیا گیا گیا. لیفٹیننٹ جنرل ازیزوف عبدالسلام نےپاک فوج کی کاوشوں کوسراہا

    آرمی چیف کو تمغہ جمہوریت دیا جائے، اسمبلی میں قرارداد

    ڈی جی آئی ایس پی آر کے مطابق ملاقات میں دوطرفہ دفاعی تعاون،علاقائی سلامتی صورتحال پرگفتگو کی گئی. ملاقات میں دہشت گردی کے خلاف تعاون کو مزید مضبوط کرنے پر اتفاق کیا گیا.

    وزیراعظم اور آرمی چیف کی ملاقات، ملکی سلامتی‌ صورتحال پر بات چیت

    سربراہ اسٹیٹ سیکیورٹی سروس ازبکستان نے دہشت گردی کے خلاف جنگ میں پاک فوج کی خدمات کو سراہا

    آرمی چیف مشکل ملکی معاشی حالات سے کامیابی سےنکلنے کیلئے پراُمید