Category: اہم خبریں

وزیر اعظم پاکستان عمران خان 21 جولائی کو 3 روزہ دورے پر امریکہ روانہ ہوں‌ گے جبکہ 22 جولائی کو ان کی امریکی صدر ڈونلڈ ٹرمپ سے ملاقات ہو گی.

باغی ٹی وی کی رپورٹ کےمطابق عمران خان ٹرمپ سے ون آن ون بھی ملیں‌ گے اور وفود کی سطح پر بھی باہمی ملاقاتیں‌ ہوں گی. اس موقع پر شاہ محمود قریشی، سہیل محمود اور امریکی وزیر خارجہ موجود رہیں‌ گے. وزیر اعظم عمران خان کے حالیہ دورہ امریکہ کو بہت زیادہ اہمیت کا حامل قرار دیا جارہا ہے.

وزیر اعظم عمران خان کے دورہ امریکہ کے دوران وزیر خارجہ شاہ محمود قریشی بھی ان کے ہمراہ ہوں گے. عمران خان او رٹرمپ کے مابین ہونے والی ملاقات میں افغانستان میں جاری امن عمل، پاک امریکہ تعلقات، افغان طالبان سے مذاکرات میں پاکستان کا کردار اور دیگر اہم بین الاقوامی مسائل اور معاملات پر تبادلہ خیال کیا جائے گا.

وزیر اعظم عمران خان کے دورہ امریکہ کو بین الاقوامی سطح پر بھی بہت اہمیت کی نگاہ سے دیکھا جارہا ہے.

لائن آف کنٹرول سے چند میٹردورچھمب سیکٹرپردھماکا ہوا ہے جس میں‌ پاک فوج کے5جوان شہید، ایک زخمی ہوا ہے. دھماکہ آزاد جموں کشمیرکےعلاقے برنالہ میں لائن آف کنٹرول پرہوا ہے.

باغی ٹی وی کی رپورٹ کے مطابق آئی ایس پی آر کی جانب سے کہا گیا ہےکہ شہداء میں صوبیدارمحمدصادق، سپاہی محمدطیب، سپاہی ذوہیب شامل ہیں. سپاہی غلام قاسم بھی شہداءمیں شامل ہیں. دھماکےکی نوعیت کاتعین کیاجارہاہے.

آئی ایس پی آر کی جانب سے کہا گیا ہے کہ واقعہ بھارت کی جانب سے ریاستی دہشت گردی کا ثبوت ہے. دھماکہ آزاد جموں کشمیرکےعلاقےبرنالہ میں لائن آف کنٹرول پرہوا ہے. دھماکےسےظاہرہوتاہےکہ یہ بھارتی ریاستی دہشتگردی کا نتیجہ ہے.واضح‌ رہے کہ 36 سالہ شہید نائیک شیرزمان کاتعلق ضلع کرک سےتھا. 22سالہ سپاہی غلام قاسم کاتعلق ضلع سرگودھاسےتھا، 20سالہ شہیدسپاہی ذوہیب کاتعلق پونچھ سےتھا، 26سالہ شہیدسپاہی محمدطیب کاتعلق ضلع خوشاب سےتھا، 44سالہ شہیدصوبیدارمحمدصادق کاتعلق ضلع نیلم سےتھا،

دبئی کے حکمران‌ محمد بن راشد المکتوم کی بیوی حیٰی الحسین کی چند دنوں سے پر اسرار رو پوشی لندن میں‌پناہ کے بعد دنیا کی نظر اس طرف ہے کہ آیا پھر سے دنیا کی مہنگی ترین طلاق واقع ہونے جا رہی ہے ،دلچسب بات یہ ہے کہ محمد بن راشد اور حییٰ الحسین کی مشترکہ دوست ملکہ برطانیہ کو بھی اس طلاق میں گھسیٹآ جائے گا.

باغی ٹی وی رپورٹ کے مطابق دبئی کے حکمران‌ محمد بن راشد المکتوم کی بیوی حیٰی الحسین کی چند دنوں سے پر اسرار رو پوشی لندن میں‌پناہ کے بعد دنیا کی نظر اس طرف ہے کہ آیا پھر سے دنیا کی مہنگی ترین طلاق واقع ہونے جا رہی ہے ،دلچسب بات یہ ہے کہ محمد بن راشد اور حییٰ الحسین کی مشترکہ دوست ملکہ برطانیہ کو بھی اس طلاق میں گھسیٹآ جائے گا.

حیٰی الحسین اردن کے حکمران بادشاہ محمد عبداللہ کی سوتیلی بہن اور سابق بادشاہ حسین کی بیٹی ہیں تو برطانیہ کے سفارتی تعلقات وہاں بھی خراب ہونے کا اندیشہ ہے۔

برطانیہ کے خبر رساں ادارے یہ اطلاعات دے رہے ہیں کہ حیٰی الحسین اس وقت مرکزی لندن کے کنگسٹن پیلس میں قیام پذیر ہیں اور رہائش کے لیے استعمال ہونے والے گھر کی 10 کروڑ 70 لاکھ ڈالر بتائی جارہی ہے۔

ابتدائی طور پر اطلاعات آئی تھیں کہ دبئی اور اردن کی جانب سے حیٰی الحسین اور دو بچوں کی واپسی کا معاملہ اٹھایا گیا تھا تاہم برطانوی حکام نے اسے مسترد کردیا ہے۔
دبئی کے حکمران شیخ محمد بن راشد المکتوم کی اہلیہ حیٰی الحسین اپنی جان کو لاحق خطرات کے سبب اس وقت برطانیہ میں ہیں اور انہوں نے سیاسی پناہ کی درخواست بھی جمع کرا دی ہے۔

مقامی میڈیا کے مطابق اگر دبئی سفارتی سطح پر معاملہ اٹھاتا ہے تو دونوں ممالک کے درمیان تعلقات کشیدہ ہوسکتے ہیں۔
شیخ محمد بن راشد المکتوم نے اس خبر پر باضابطہ کوئی ردعمل نہیں دیا لیکن اپنے انسٹاگرام اکاؤنٹ پر ایک نظم لکھی ہے جس میں نام لیے بغیر کسی کو’غدار اور دھوکے باز‘ کہا ہے۔

اپنی نظم میں محمد بن راشد نے لکھا کہ ’’تم غدار ہو، تم نے انتہائی قیمتی اعتماد کو توڑا اور تمہارا کھیل فاش ہوگیا۔‘‘

’’تمہارے جھوٹ بولنے کے دن ختم ہوئے، اب یہ بات کوئی معنی نہیں رکھتی کہ ماضی میں ہم کون تھے اور اب تم کون ہو۔‘‘

’’تمہارا میرے ساتھ مزید کوئی تعلق نہیں، اس کے پاس جاؤ جس کے ساتھ اکثر مصروف رہتے تھے، تم زندہ رہو یا مر جاؤ مجھے کوئی فرق نہیں پڑتا۔‘‘

خیال رہے کہ شیخ محمد بن راشد کی اہلیہ علیحدگی کے بعد 31 ملین پاونڈ اور اپنے دو بچے کے ساتھ دبئی سے چلی گئی تھیں۔ 45 سالہ حیٰی الحسین اپنی 11 سالہ بیٹی جلیلہ اور سات سالہ بیٹے زید کو بھی ساتھ لے گئی ہیں۔

ان کی شادی 2004 میں دبئی کے حکمران سے ہوئی تھی اور یہ ان کی چھٹی بیوی ہیں۔ بین الاقوامی ذرائع ابلاغ کے مطابق دبئی سے فرار ہونے کے بعد محمد بن راشد کی اہلیہ خلع لینا چاہتی ہیں

انسداد دہشت گردی کے ادارے کاونٹر ٹیرارزم ڈیپارٹمنٹ سی ٹی ڈی نے کالعدم تنظیموں کے رہنماوں کے خلاف مقدمات درج کر لئے ہیں. دہشتگردوں کی مالی معاونت کےالزام پرجماعۃ الدعوۃ کے سربراہ حافظ محمد سعید کیخلاف بھی دہشتگردی ایکٹ کےتحت مقدمہ درج کر لیا گیا.

باغی ٹی وی کی رپورٹ کے مطابق سی ٹی ڈی حکام نے دہشتگردوں کی مالی معاونت پر5 کالعدم تنظیموں کےرہنماؤں کیخلاف مقدمات درج کئے ہیں، کالعدم تنظیموں کے رہنماؤں کیخلاف مقدمات دہشتگردی ایکٹ کے تحت درج کیے گئے.

مقدمات میں کالعدم تنظیموں کے رہنماوں عبدالرحمان مکی ، مولانا امیر حمزہ ، محمد یحیٰ عزیز، ملک ظفر اقبال ، نعیم شاہ ، محسن بلال ، عبدالرقیب ، ڈاکٹر احمد داؤد ،ڈاکٹر محمد ایوب ، عبداللہ عبید ، عبدالغفار کے خلاف مقدمات درج کئے گئے ہیں. کالعدم تنظیموں کے رہنماوں‌ کے خلاف مقدمات لاہور، گوجرانوالہ ، ملتان کے مختلف تھانوں میں درج کیے گئے .

سی ٹی ڈی حکام کے مطابق کالعدم دعوة والارشاد ٹرسٹ، معاذ بن جبل ٹرسٹ، الانفال ٹرسٹ ، کالعدم المدینہ فاؤنڈیشن ٹرسٹ،الحمد ٹرسٹ کے رہنماؤں کے خلاف مقدمات درج کیے گئے ہیں. سی ٹی ڈی کے مطابق ان افراد پرٹرسٹ کے نام پردہشتگردوں کی مالی معاونت کرنے کیلیے فنڈزاکٹھا کرنے کے الزامات ہیں .

واضح رہے کہ جماعۃ الدعوۃ کے مرکزی رہنما حافظ عبدالرحمان مکی کو تھری ایم پی او کے تحت پہلے ہی نظربند کیا گیا تھا، وہ جیل میں ہیں.

پاکستان کی وزارت داخلہ نے نیشنل ایکشن پلان کے تحت رواں‌ برس فروری میں جماعۃ الدعوۃ پر پابندی لگائی تھی ،اس سے قبل یہ جماعت واچ لسٹ میں‌ تھی .

جماعۃ الدعوۃ پرامریکہ اور اقوام متحدہ نے بھی پابندی لگا رکھی تھی،

سابق وزیر اعظم بے نطیر بھٹو کے بھائی میر مرتضی بھٹو کے قتل کو 23 سال گزر گئے پی پی حکومت کا دور بھی آیا لیکن مجرموں کو کوئی سزا نہ ہو سکی فاطمہ بھٹو اب بھی اپنے باپ کے انصاف کی منتظر.آصف علی زرداری کی گرفتاری پر پھر سوالات جتم لینے لگے
سابق صدر آصف علی زردای کی گرفتاری کو بھٹو خاندان کی قربانیوں اور قتل سے منسوب کرنے پر فاطمہ بھٹو نے اپنے جذبات کا اظہار کرتےہوئے کہا کہ آصف علی زرداری کی گرفتاری کا مجھ پر بحیثیت بیٹی کچھ اثر نہیں ہے کیونکہ اس اقدام سے میرے پیارے والد کو واپس نہیں لایا جا سکتا کہ جنہیں میں نےاپنی آنکھوں کے سامنے مرتے دیکھا. دوسری ٹویٹ میں فاطمہ بھٹو نے کہا کہ بحیثیت بیٹی مجھے خدا کے انصاف کا انتظار ہے اور میں چاہتی ہوں کہ اس کے بعد کوئی بیٹی بھی اس طرح درد اور تکلیف میں مبتلا نہ ہو کہ جیسے 23 سال قبل میرے والد کو میری آنکھوں کے سامنے ان کے قریبی ساتھیوں کے ہمراہ بے دردی سے گولیاں مار کر قتل کر دیا گیا.

باغی ٹی وی رپورٹ کے مطابق سابق صدر اور پیبلزپارٹی کے شریک چیئرمین کی گرفتاری پر یہ بحث پھر چھڑ گئی کہ بھٹو خاندان قید و بند کی صعوبتیں اور قربانیاں دیتا آیا ہے اور زداری کی گرفتاری اسی سلسلے کی کڑی ہے پیپلز پارٹی کے لیے یہ صعوبتیں اٹھانا کوئی نئی بات نہیں ہے. آصف علی زرداری کہ جنہیں کرپشن اور منی لانڈرنگ کے کیسز میں گرفتار کیا گیا ہے کو بھٹو خاندان کی قربانیوں سے جب نتھی کیاجانے لگا تو اس پر رد عمل دیتےہوئے بے نظیر بھٹوکی بھتیجی اور میر مرتضی بھٹو کی بیٹی فاطمہ بھٹو نے اپنے جذبات کا اظہار کرتےہوئے کہا کہ آصف علی زرداری کی گرفتاری کا مجھ پر بحیثیت بیٹی کچھ اثر نہیں ہے کیونکہ اس اقدام سے میرے پیارے والد کو واپس نہیں لایا جا سکتا کہ جنہیں میں نےاپنی آنکھوں کے سامنے مرتے دیکھا. دوسری ٹویٹ میں کہا کہ بحیثیت بیٹی کے مجھے خدا کے انصاف کا انتظار ہے اور میں چاہتی ہوں کہ اس کے بعد کوئی بیٹی بھی اس طرح درد اور تکلیف میں مبتلا نہ ہو کہ 23 سال قبل میرے والد کو میری آنکھوں کے سامنے ان کے قریبی ساتھیوں کے ہمراہ بے دردی سے گولیاں مار کر قتل کر دیا گیا. خیال رہے کہ میرتضی بھٹو کو 23 سال قبل ان کے گھر کے قریب قتل کر دیا گیا تھا . قتل کا یہ واقعہ پولیس کی فائرنگ سے ہوا تھا .

واضح رہے کہ اس وقت بے نظیر بھٹو کی حکومت تھی اور وہ اپنی حکومت میں اس قتل کے محرکات کو تلاش کرنے میں ناکام رہی قتل میں اس وقت کی وزیر اعظم بینظیر بھٹو کے شوہر آصف علی زرداری، سابق وزیر اعلیٰ عبداللہ شاہ، ڈی آئی جی شعیب سڈل، ایس ایس پی واجد درانی، اے ایس پی رائے طاہر، اے ایس پی شاہد حیات، پولیس افسر شبیر قائمخانی اور آغا طاہر ملزم قرار دیئے گئے تھے۔

واقعے کی چار مختلف ایف آئی آرز دائر کی گئی تھیں، جبکہ ایک سو دو گواہ تھے جن میں مرتضیُ بھٹو کی اہلیہ غنویٰ بھٹو اور بیٹی فاطمہ بھٹو بھی شامل تھیں۔ ابتدائی ایف آئی آرز میں آصف زرداری کا نام شامل نہیں تھا مگر بعد میں ایک گواہ اصغر علی کے اس بیان کے بعد ان کا نام شامل کیا گیا جس میں انہوں نے کہا کہ اس نے زخمی مرتضیُ بھٹو کوعاشق جتوئی سے یہ بات کرتے ہوئے سنا تھا ’ آصف علی زرداری اور وزیر اعلیٰ عبداللہ شاہ نے پولیس سے یہ کام کروالیا اور وہ جیت گئے ہم ہار گئے۔‘

یہ بھٹو خاندان کا المیہ ہے کہ بھائی کا قتل بہن کے دور حکومت میں ہوا مگر میں نے بے نظیر بھٹو کو کبھی اتنا بے بس نہیں دیکھا جتنا اس مقدمہ قتل میں وہ نظر آئیں.جبکہ سابق صدر جنرل ریٹائرڈ پرویز مشرف نے ایک ویڈیو پیغام میں بے نظیر بھٹو اور کے بھائی می رتضیٰ بھٹو کے قتل کا ذمہ دار آصف علی زرداری کو قرار دیا تھا.

پرویز مشرف کا کہنا تھا کہ دیکھنا چاہیے کہ بے نظیر کے قتل کا فائدہ کس کو ہوا؟ کس نےبےنظیر کو ٹیلی فون کرکےگاڑی سے باہر نکلنے پر اکسایا؟انہوں نے کہا کہ بے نظیر کے قتل کا فائدہ ایک ہی آدمی آصف زرداری کو ہوا، بیت اللہ محسود کو سازش کرکے استعمال کیا گیا۔

انہوں نے کہا کہ خالد شہنشاہ کو بینظیر بھٹو کا سیکورٹی انچارج آصف زرداری نے بنایا۔ وہ قتل کے وقت بینظیر بھٹو کی گاڑی میں دوسرے لوگوں کے ساتھ موجود تھا پھر کچھ دن بعد کراچی میں خالد شہنشاہ کو بھی مشتبہ حالات میں مروادیا گیا۔

پرویز مشرف نے قتل کی سازش میں سابق افغان صدر کرزئی اور بیت اللہ محسود کو شامل قراردیا۔ پرویز مشرف نے بے نظیر کے بچوں کا ذکر کرتے ہوئے کہا کہ وہ بلاول، آصفہ اور بختاور کو بتانا چاہتے ہیں کہ بے نظیر کا اصل قاتل کون ہے
واضح رہے کہ اس سلسلے میں فاطمہ بھٹو کا موقف لینے کے لے ان سے رابطہ کیا گیا لیکن جواب موصول نہیں ہوا

دل دل پاکستان ایسے شہرہ آفاق ملی نغمے کے خالق نامور شاعر نثار ناسک آج خالق حقیقی سے جاملے۔

باغی ٹی وی رپورٹ کے مطابق دل دل پاکستان ایسے شہرہ آفاق ملی نغمے کے خالق نامور شاعر نثار ناسک آج خالق حقیقی سے جاملے۔
نثار ناسک ریڈیو پاکستان کے ساتھ تادیر وابستہ رہے ، انہوں نے پاکستان ٹیلی ویژن کے لیے بھی لکھا اور ساتھ ساتھ بہت سی فلموں کے لیے بھی نغمے تخلیق کیے ۔

ذرائع کا کہنا ہے کہ نثار ناسک گزشتہ چند سالوں سے شدید علیل تھےاورآخری ایام میں حکومتی بے اعتنائی کے باعث مالی مشکلات کا بھی شکار رہے۔
1943میں پیدا ہونے والے نثار ناسک کی نمازجنازہ آج دن 11 بجے راولپنڈی کے رتہ امرال قبرستان میں ادا کی جائیگی ۔
ثارناسک مرحوم کی وجہ شہرت ملی نغمہ “دل دل پاکستان” بنا جو موسیقار گروپ “ وائٹل سائن” نے گایا تھا۔پاکستان ٹیلیویژن نے اردو ادب میں خدمات کے اعتراف میں انہیں لائف ٹائم اچیومنٹ ایوارڈ سے نوازا تھا۔

نثار ناسک اردو اور پنجابی زبان میں شاعری کرتے تھے۔ ان کی دو کتابیں “چھوٹی سمت کا مسافر”اور “دل دل پاکستان” شائع ہوئیں۔

آئی ایم ایف کا اجلاس آج ہو گا پاکستان کو چھ ارب ڈالر قرض ملنے کا امکان ہے

شہباز شریف نے وفاقی بجٹ کیا مسترد کہا بجٹ بنایا آئی ایم ایف نے

آئی ایم ایف سے پہلا اور آخری قرضہ، ایسا کس نے کہا ؟

باغی ٹی وی کی رپورٹ کے مطابق آئی ایم ایف قرضہ پروگرام ایگزیکٹو بورڈ کا اجلاس آج واشنگٹن میں ہو گا، جس میں پاکستان کو قرضہ دینے کا فیصلہ کیا جائے گا، پاکستان نے آئی ایم ایف کی شرائط پوری کر دی ہیں اور بجلی اور گیس کی قیمتوں میں اضافہ کر دیا ہے،اخراجات میں کمی اور بجٹ میں آمدن بڑھانے کیلئے اقدامات کی طرف بھی پیشرفت ہو ئی ہے ، ۔آئی ایم ایف ایگزیکٹو بورڈ اجلاس سے قبل اثاثے ظاہر کرنے والی سکیم کی مدت بھی ختم ہو جائے گی ۔

پاکستان کو آئی ایم ایف تک پہنچانے کا ذمہ دار کون؟ فردوس عاشق اعوان بول پڑیں

واضح رہے کہ آئی ایم ایف وفد نے پاکستان کا دورہ کیا تھا جس میں وفد نے پاکستانی حکام کے ساتھ مذاکرات کئے تھے، وفد نے وزیراعظم عمران خان سے بھی ملاقات کی تھی. آئ ایم ایف وفد کے دورے کے بعد کہا گیا تھا کہ حکومت اور آئی ایم ایف کے مابین قرض کے لئے معاملات طے پا چکے ہیں، آئی ایم ایف 39 ماہ میں چھ ارب‌ ڈالر قرض پاکستان کو دے گا.

آئی ایم ایف روپے کی قدر میں مزید کمی کیلئے دباو ڈال رہی ہے: سراج الحق

مسلم لیگ ن کی رہنما مریم نواز نے آئی ایم ایف قرضوں کو تنقید کا نشانہ بناتے ہوئے کہا تھا کہ 9ماہ کی حکومتی کارکردگی نےملک کومعاشی طورپرتباہ کردیا ہے.تبدیلی سرکار نے اپنی خودمختاری کوآئی ایم ایف کے پاس گروی رکھ دیا،مریم نواز نے مزید کہا کہ نااہل حکمران آئی ایم ایف کے پاس جانےاورنہ جانے کے چکرمیں لگے رہے،اسٹاک مارکیٹ نےبھی آئی ایم ایف سے معاہدے کو مسترد کردیا ہے.