کالعدم تنظیم کے سربراہ مولانا مسعود اظہر کے سابق دست راست کو گولیاں مار کر قتل کر دیا گیا.

باغی ٹی وی کی رپورٹ کے مطابق بلوچستان کے علاقہ بارکھان سے ایک نعش برآمد ہوئی ، شناخت پر معلوم ہوا کہ یہ پاکستان کی کالعدم تنظیم جیش محمد کے سربراہ مولانا مسعود اظہر کے سابق دست راست کمانڈر عبدالجبار کی لاش ہے.

لیویز کے مطابق بارکھان کے علاقے رڑکن سے نعش برآمد ہوئی مقتول کو سر پر دو پستول کی گولیاں مارکر نعش کو چنگ ندی میں پھینک دیا گیا تھا، نعش کی شناخت عبدالجبار ولد غلام محمد قوم راجپوت چوہان سکنہ R 65/4 تحصیل و ضلع ساہیوال کے ہوئی.

بلوچستان کے علاقہ سے ملنے والی نعش کے بارے انکشاف ہوا کہ یہ نعش مولانا مسعود اظہر کے سابق دست راست کمانڈر عبدالجبار کی ہے ، مولانا مسعود اظہر سے اختلافات کے باعث 2003 میں کمانڈر عبدالجبار جیش محمد کے دوسرے رہنما عبداللہ شاہ مظہر کے ہمراہ ان سے الگ ہو گئے تھے اور نئی تنظیم تحریک غلبہ اسلام کے نام سے بنا لی تھی . کمانڈر عبدالجبار کی تحریک غلبہ اسلام دفاع پاکستان کونسل کی بھی رکن تھی جس کے چیئرمین مولانا سمیع الحق تھے، مولانا سمیع الحق کی وفات کے بعد ان کے بیٹے حامد الحق حقانی کو متفقہ طور پر دفاع پاکستان کونسل کا چیئرمین بنایا گیا ہے.

کمانڈر عبدالجبار افغان جہاد میں معروف ہوئے تھے، وہ مولانا مسعود اظہر کے انتہائی قریبی تھے تا ہم اختلافات کے باعث ان کی علیحدگی ہوئی،

ترکی سے غیرقانونی طریقے سے یونان جاتے ہوۓ تارکین وطن کی مسافر وین حادثہ کا شکار ہو گٸی،حادثہ کے نتجہ میں 10 افراد موقع پر ہی جاں بحق ہوگٸے،جبکہ 5 افراد اسپتال میں زخموں کی تاب نہ لاتے ہوۓ دم توڑ گٸے،ابتک جاں بحق ہونے والوں کی تعداد 19 کے قریب پہنچ چکی ہے،جبکہ ڈراٸیور اور ڈنکر سمیت 15 افراد شدید زخمی ہے،جنکا علاج معالجہ جاری ہے،

باغی ٹی وی رپورٹ کے مطابق مطابق وین میں 40 کے قریب مسافر سوار تھے،جن کا تعلق ضلع منڈی بہاوالدین۔گجرات۔گوجرانوالہ سے بتایا گیا ہے،اس خوفناک حادثے میں مرنے والوں میں ضلع منڈی بہاوالدین، اور ڈنگہ سمیت دیگر علاقوں سے نوجوان موجود ہے،اور شناخت کا عمل جاری ہے،جاں بحق ہونے والوں میں منڈی بہاوالدین کے علاقہ سوہاوہ کا رہاٸشی عثمان اور چک ظاہر سے عزیز جبکہ ڈنگہ شہر سے وقار شامل ہے،جو کہ ڈنکی لگا کر پاکستان سے ایران اور ترکی پہنچے تھے،اور چند ماہ ترکی میں روزگار کی تلاش کے بعد یونان (یورپ) جانے کے لیے نکلے تھے،

ترکی اور یونان ذراٸع کے مطابق حادثہ تیز رفتار اور گنجاٸش سے زیادہ مسافر بیٹھانے کے باعث پیشن آیا،جیسے ہی گاڑی پواٸنٹ پر لگی تو ایجنٹ نے گاڑی میں گنجاٸش سے زیادہ مسافروں کو ڈال دیا،ویگن بند ہونے کی وجہ سے تمام افراد کا سانس لینا مشکل ہوگیا،جسکے باعث متعدد مسافر بے ہوش ہوگٸے،اور دیگر بے ہوش ساتھیوں کو دیکھ کر گھبرانے لگے،اور انھوں نے گاڑی روکنے کے لیے شور کرنا شور کردیا،اس دوران یونانی پولیس نے روڑ پر وین کو مشکوک جان کر پیچھا کیا جس پر انکو شک تھا کہ غیر قانونی طریقہ سے تارکین وطن کو ترکی سے یونان لایا جارہا ہے،پولیس کی دو گاڑیوں نے روکنے کا اشارہ کیا۔مگر پولیس کے روکنے پر بھی ڈراٸیور نے مسافر وین کو نہ روکا،اور وین کو مزید تیز کر لیا،پولیس نے وین کا تعاقب کیا اور تھیسلونیکی کے قریب گاڑی بے قابو ہوکر ہوٹل کی بلڈنگ سے ٹکرا گٸی،جسکے نتجہ میں متعدد تارکین وطن جاں بحق اور زخمی ہوگٸے،

جاں بحق اور زخمیوں کو ازوکنوب،کیسانہاکی سمیت دیگر اسپتالوں میں منتقل کردیا گیا،جہاں انکی شناخت اور علاج معالجہ کا عمل جاری ہے،حادثے کی زد میں آنے والوں کی عمریں 19 سے 30 سال کے درمیان بتاٸی گٸی،

سابق صدر آصف علی زرداری کو پارک لین کیس میں بھی گرفتار کر لیا گیا .

بلاول حاضر ہو،نیب نے بلاول کو بھی طلب کر لیا

باغی ٹی وی کی رپورٹ کے مطابق سابق صدر آصف زرداری کو پارک لین کیس میں بھی گرفتار کر لیا گیا ،نیب ذرائع کے مطابق بلاول بھٹو زرداری بھی پارک لین کیس کے ملزم ہیں .آصف زرداری کے وارنٹ گرفتاری نیب راولپنڈی میں دستخط کے لئے انکے حوالے کر دئیے گئے، چیئرمین نیب نے آصف زرداری کے وارنٹ گرفتاری پر دستخط کئے تھے

نیب پیشی کا نوٹس، بلاول کا وصول کرنے سے انکار

سابق صدر آصف زرداری پر پارک لین کمپنی اور اس کے ذریعے اسلام آباد میں 2 ہزار 460 کنال اراضی خریدنے الزام ہے ،دو ارب روپے کی یہ اراضی صرف 62 کروڑ روپے میں خریدی گئی،

نیب کی جانب سے آئندہ 24 گھنٹوں میں آصف زرداری کو احتساب عدالت میں پیش کیے جانے کا امکان ہے.

واضح رہے کہ سابق صدر آصف زرداری نے نیب کو پارک لین کے حوالہ سے جواب میں کہا تھا کہ پارک لین کمپنی 1989 میں صدرالدین ہاشوانی سے خریدی، اقبال میمن، کم عمر بلاول، رحمت اللہ، محمد یونس، الطاف حسین میرے شراکت دار تھے۔پارک لین کمپنی میں صرف 25 فیصد حصص کا مالک تھا، صدر بننے سے پہلے یکم ستمبر 2008 کو کمپنی ڈائریکٹرشپ سے مستفیٰ ہوا تھا

واضح رہے کہ آصف زرداری کو نیب نے اسلام آباد ہائیکورٹ سے ضمانت کی درخواست مسترد ہونے پر بلاول ہاوس سے گرفتار کیا تھا ،عدالت نے زرداری کا جسمانی ریمانڈ دیا ہے تا ہم بجٹ سیشن کی وجہ سے سپیکر قومی اسمبلی نے آصف زرداری کے پروڈکشن آرڈر جاری کئے ہوئے ہیں

کابل میں‌ شدید دھاکے سے دارالحکومت ہل کر رہ گیا.ابتدائی اطلاعات کےمطابق 10 افراد شدید زخمی ہوئے . وزارت داخلہ کےمطابق درجنون لوگوں کو ہسپتال منتقل کیا جاچکا ہے.

باغی ٹی وی رپورٹ کے مطابق.کابل میں‌ شدید دھاکے سے دارالحکومت ہل کر رہ گیا.ابتدائی اطلاعات کےمطابق 10 افراد شدید زخمی ہوئے . وزارت داخلہ کےمطابق درجنون لوگوں کو ہسپتال منتقل کیا جاچکا ہے.دھماکے کی ابتائی اطلاعات آر رہی ہیں. مزید اطلاعات آتے ہیں اپ ڈیٹ کر دیا جائے گا.

بلوچستان میں صحافت اور سرکاری ملازمت کرنے والوں کیخلاف دائر آئینی پٹیشن پر بلوچستان ہائی کورٹ نے فیصلہ سنا دیا
آئین کی آرٹیکل کنڈکٹ رول1979 سیکشن 16 اور بیڈا ایکٹ2011 کے تحت کوئی بھی سرکاری ملازم یا صحافی دونوں شعبوں سے ایک وقت میں وابستہ نہیں ہوسکتا,چیف جسٹس بلوچستان ہائی کورٹ
متعلقہ محکموں کی ذمہ داری ہے کہ وہ صحافی جو کہ سرکاری ملازمت کرتے ہیں وہ میس کنڈکٹ کے زمرے میں آتے ہیں ان کیخلاف تادیبی کاروائی کی جائے،طاہرہ صفدر

باغی ٹی وی رپورٹ کے مطابق بلوچستان میں صحافت اور سرکاری ملازمت کرنے والوں کیخلاف دائر آئنی پٹیشن پر بلوچستان ہائی کورٹ نے فیصلہ سنا دیا اب کوئی بھی صحافت اور سرکاری ملازمت ایک ساتھ نہیں کرسکتا فیصلے کے بعد بلوچستان کی خقیقی صحافیوں میں خوشی کی لہر دوڑ گئی تفصیلات کی مطابق سرکار ملازمت اور صحافت ایک ساتھ کرنے والے بااثر لوگوں کے کیخلاف بلوچستان ہائی کورٹ میں مستونگ سے تعلق رکھنے والے صحافی اللہ بخش نے آئنی پیٹیشن دائر کر رکھا تھا جس کا فیصلہ چیف جسٹس بلوچستان ہائی کورٹ طاہرہ صفدر نے سنائی، انہوں نے اظہار برہمی کرتے ہوئے کہا کہ آئن کی آرٹیکل کنڈکٹ رول 1979سیکشن 16 اور بیڈا ایکٹ 2011 کے تحت کوئی بھی سرکاری ملازم یا صحافی دونوں شعبوں سے ایک وقت میں وابستہ نہیں ہوسکتا، انہوں نے متعلقہ محکموں کو ذمہ دار قرار دیتے ہوئے کہاکہ متعلقہ محکموں کی ذمہ داری ہے کہ وہ صحافی جو کہ سرکاری ملازمت کرتے ہیں وہ میس کنڈکٹ کے زمرے میں آتے ہیں ان کیخلاف تادیبی کاروائی کی جائے، اس فیصلے بعد بلوچستان کے حقیقی صحافیوں میں خوشی لہر دوڑ گئی انہوں نے عدلیہ کا شکریہ ادا کرتےہوئے امیدا ظاہر کی ہے کہ ان بااثر لوگوں کے کیخلاف جلد سے جلد کاروائی کی جائے اور پریس کلبوں سے ان کا ممبر شپ ختم کردیا جائے گا، اور تمام اضلاع کے ڈپٹی کمشنرز کو نوٹس جاری کی جائے پٹیشن دائر کرنے والے صحافی اللہ بخش کو بلوچستان بھر کے حقیقی صحافیوں کی جانب سے مبارک باد اور خراج تحسین پیش کیا گیا ہے

ملتان میں پیش آنے والے ایک خوفناک واقعہ میں دس افراد کوقتل کردیا گیا ہے، حسن آباد میں یہ واقعہ گھریلو جھگڑے کے سبب پیش آیا ہے.

باغی ٹی وی کی رپورٹ‌ کے مطابق ریسکیو انچارج کی جانب سے کہا گیا ہے کہ جاں بحق ہونیوالوں میں خواتین اور بچے بھی شامل ہیں ، چار افراد کو فائرنگ کے بعد جلا کرقتل کیا گیا ۔ سی پی او ملتان کے مطابق ملزم چار افراد کو گولیاں مار کرقتل کیا گیا جبکہ 6افراد کو کمرے میں بند کرکے آگ لگائی گئی ، ملزم اجمل سے متعلق بتایا گیا ہے کہ وہ چند روز قبل سعودی عرب سے واپس آیا تھا ،

رپورٹ کے مطابق ملزم نے اپنے باپ کے ساتھ ملکر گھر والوں کوقتل کیا ، پولیس نے موقع پر ملزم اجمل اوراس کے باپ کوگرفتار کرلیاہے ۔قتل کی اس اندوہناک واردات سے علاقے میں خوف وہراس پھیل گیا ہے ۔

واضح رہے کہ عید کے موقع پرملتان ہی علاقے جلال پر پیر والا میں دیرینہ دشمنی پر ایک ہی خاندان کے 10افراد کوقتل کردیا گیا تھا جبکہ اس سے قبل بھی جنوبی پنجاب کے مختلف علاقوں‌ میں ایسے واقعات پیش آتے رہتے ہیں.

پاکستانی وزارت خزانہ نے پیٹرولیم مصنوعات کی قیمتوں میں اضافہ نہ کرنے کا فیصلہ کیا ہے اور کہا ہے کہ پٹرول کی قیمتیں‌ برقرار رہیں گی۔

باغی ٹی وی کی رپورٹ کےمطابق پیٹرولیم مصنوعات کی قیمتوں میں 2 روپے 30 پیسے تک اضافے کا امکان ظاہر کیا جا رہا تھا. ہائی سپیڈ ڈیزل کی قیمت میں 2 روپے 30 پیسے جبکہ اسی طرح لائٹ ڈیزل کی قیمت میں 26 پیسے اضافے کی سفارش کی گئی تھی، نئی قیمتوں کا اطلاق کل یکم جولائی سے ہونا تھا لیکن وزارت خزانہ کی طرف سے اعلان کیا گیا ہے کہ قیمیتوں میں اضافہ نہیں‌ کیا جارہا اور قیمتیں‌ پہلے والی سطح پر برقرار رہیں‌ گی.

آئل اینڈ گیس ریگولیٹری اتھارٹی (اوگرا) کی جانب سے بھجوائی گئی سمری میں‌ پیٹرول کی قیمت میں 77 پیسے فی لٹر کمی کی بھی سفارش کی گئی تھی۔ وزارت خزانہ کی طرف سے کئے گئے اس فیصلہ کے بعد پٹرول 112 روپے 68 پیسے فی لٹر، ڈیزل 126 روپے 82 پیسے فی لٹر اور مٹی کا تیل 98 روپے 46 پیسے فی لٹر پر ہی فروخت ہوگا۔

واضح رہے کہ پٹرول کی قیمتیں‌ دوبارہ بڑھانے کی خبروں‌ پر پاکستانی عوام میں سخت بے چینی پائی جاتی تھی اور عوامی سطح‌پر یہ مطالبہ کیا جارہا تھا کہ پٹرولیم مصنوعات کی قیمتوں‌ میں اضافہ نہ کیا جائے تاکہ مہنگائی اور زیادہ نہ بڑھ سکے.