حکومت پاکستان نے ورلڈ کپ میں‌ افغانستان کے خلاف میچ کے دوران پاکستان مخالف بینرز لہرانے، پاکستانی ٹیم کے کھلاڑیوں‌ پر حملے اور شائقین کے ساتھ لڑائی جھگڑے پر سخت تشویش کا اظہار کیا اور متعلقہ اداروں سے ان واقعات کے ذمہ داران کو قانون کے کٹہرے میں لانے کا مطالبہ کیا ہے.

باغی ٹی وی کی رپورٹ‌ کے مطابق پاکستانی دفتر خارجہ کے ترجمان نے پاکستان اور افغانستان کے مابین کرکٹ میچ کے دوران ایک خاص گروہ کی طرف سے پاکستان مخالف بینرز لہرانے پر خدشات کا اظہار کیا اور کہا کہ ایسے پروپیگنڈے کیلئے کھیلوں کے میدان استعمال کرنا ناقابل قبول ہے، ہم نے اس معاملہ کوسفارتی سطح پر اٹھایا ہے ۔

ترجمان دفتر خارجہ کا کہنا تھا کہ افغانستان کی شکست کے بعد پاکستانی کھلاڑیوں اور شائقین پر حملے اور مخالفانہ بینرز پر پاکستان کو سخت تشویش ہے۔ کھیل کے میدان کو گھناؤنے پراپیگنڈے کے لئے استعمال کو کسی طور برداشت نہیں‌ کیا جاسکتا. ہم نے قانون نافذ کرنے والے اداروں‌ سے فوری کاروائی کا مطالبہ کیا ہے اور کہا ہے کہ ان واقعات میں‌ ملوث شرپسندوں‌ کو قانون کے کٹہرے میں‌ لایا جائے.

واضح رہے کہ پاکستان اور افغانستان کے میچ کے دوران سٹیڈیم کے اندر اور باہر افغان تماشائیوں کی جانب سے اشتعال انگیزی کا مظاہرہ کرتے ہوئے پاکستانی شائقین پر حملے کئے اور اسی طرح اسٹیڈیم کے اندر بھی کھلاڑیوں‌ پر حملوں‌ کی کوشش کی گئی. اسی طرح‌ میچ کے دوران بھی ایک ہیلی کاپٹر کے ذریعہ پاکستان مخالف پروپیگنڈہ پر مبنی بینر لہرایا جاتا رہا. یہ بھی کہا جارہا ہے کہ ان کاروائیون‌ کے پیچھے بھارتی خفیہ ایجنسی را اور این ڈی ایس کا ہاتھ ہے جنہوں‌نے مشترکہ منصوبہ بندی کے تحت یہ صورتحال پیدا کرنے کی سازش کی.

جنوبی پنجاب سے تعلق رکھنے والے مسلم لیگ ن کے بیشتر اراکین قومی و صوبائی اسمبلی جلد تحریک انصاف میں شمولیت اختیار کر لیں گے.

باغی ٹی وی کو ذرائع سے معلوم ہوا ہے کہ اس سلسلہ میں کئی اراکین اسمبلی کی وزیر اعلیٰ پنجاب سردار عثمان بزدار سے ملاقاتیں ہوئی ہیں اور انہوں نے اس بات کی یقین دہانی کروائی ہے کہ مناسب موقع پر اس کا باقاعدہ اعلان کیا جائے گا. ذرائع کے مطابق وزیراعظم عمران خان نے چند دن قبل وزیر اعلیٰ‌ پنجاب سردار عثمان بزدار سے خاص طور پر ملاقات کی تھی اس کے بعد سے وزیر اعلیٰ پنجاب متحرک ہیں‌ اور ن لیگی اراکین سے ملاقاتیں کی جارہی ہیں.

وزیر اعظم عمران خان سے ملاقات کرنے والے ن لیگی اراکین اسمبلی کے نام سامنے آ گئے

ایک دن قبل بنی گالہ میں‌ مسلم لیگ ن کے جن اراکین اسمبلی نے ملاقات کی تھی انہیں بھی سردار عثمان بزدار لیکر گئے اور ڈیڑھ گھنٹہ جاری رہنے والی ملاقات میں وہ خود بھی موجود رہے. وزیرا عظم عمران خان سے ملاقات کرنے والے اراکین اسمبلی کے نام بھی منظر عام پر آ گئے ہیں‌ جس پر مسلم لیگ ن کی قیادت میں سخت بے چینی اور تشویش پائی جاتی ہے. ذرائع کے مطابق مسلم لیگ ن کے اراکین اسمبلی پارٹی کے اندر مریم نواز اور شہباز شریف کے مابین ہونے والے اختلافات پر بھی مایوسی کا شکار ہیں اور وہ تحریک انصآف میں‌ شامل ہونے کو اپنے لئے بہتر تصور کر رہے ہیں.

نون لیگ میں ایم پی اے اور ایم این اے کے بعد سینیٹرز کا فاروڈ بلاک بھی سامنے آگیا، باغی کی خاص رپورٹ

وزیر اعظم عمران خان نے بنی گالہ میں 15 اراکین اسمبلی سے ملاقا ت کی تھی. اسی طرح‌ یہ خبریں‌ بھی منظر عام پر آچکی ہیں کہ سینیٹرز میں‌ بھی فارورڈ‌ بلاک بننے جارہا ہے اور کہا گیا ہے کہ سات ممبران سینٹ نے مریم نواز کے خلاف عدم اظہار کیا ہے. سینئرز ممبران سینٹ کے مطابق مریم نواز نے میاں شہباز شریف کو بائی پاس کر کے پارٹی کی روح کی خلاف ورزی کی ہے اور پارٹی کو دو حصوں میں تقسیم کرنے کی کوشش کی ہے. کہا جارہا ہے کہ 20 سے زائد ایم پی ایے اور ایم این ایے اور سات سینٹرز نے عدم اعتماد کا اظہار کیا ہے.

حکومت نے ممبران کو خریدنے کیلئے کیا حکمت عملی طے کی ہے؟ رانا ثناء‌اللہ نے بڑا دعویٰ‌ کر دیا

ذرائع کے مطابق مسلم لیگی اراکین اسمبلی میاں‌ نواز شریف کی حکومت سے مبینہ ڈیل کی خبروں‌ پر بھی پریشان ہیں اور ان کے ذہنوں‌ میں‌ یہ خدشات پائے جارہے ہیں‌ کہ اگر ہماری قیادت ڈیل کر کے ملک سے باہر چلی جاتی ہے تو ہم حکومت کی مخالفت میں اپنا سیاسی کیریئر داؤ پر کیوں‌ لگائیں اور کیوں نہ تحریک انصاف میں شامل ہو کر اپنے حلقوں‌ کے عوام کیلئے کوئی بہتر کارکردگی دکھا سکیں.

واضح رہے کہ اگرچہ ن لیگی قیادت مسلم لیگ ن کے اراکین اسمبلی کے تحریک انصآف میں شامل ہونے کی تردید کر رہے ہیں تاہم ان کے اپنے بیانات اس بات کی غمازی کر رہے ہیں کہ دال میں کچھ کالا نہیں بلکہ ساری دال ہی کالی ہے. مسلم لیگ ن کے رہنما رانا ثناء اللہ کا یہ کہنا وہ لوٹوں‌ کے گھروں‌ کا گھیراؤ کریں گے اور وہ اس میں سب سے آگے ہوں‌ گے، یہ بیان بھی واضح‌ کرتا ہے کہ ن لیگی اراکین تیزی سے تحریک انصاف میں شامل ہونے کی کوشش میں ہیں‌ اور تحریک انصاف کی قیادت سے باقاعدہ رابطے میں‌ ہیں.

ذرائع کا کہنا ہے کہ آنے والے دنوں میں‌ اس سلسلہ میں بڑے انکشافات کی توقع ہے اور کئی اراکین قومی و صوبائی اسمبلی پی ٹی آئی میں شامل ہونے کا اعلان کریں‌گے.

نون لیگ کے ایم پی اے اور ایم این اے کے بعد سنیٹرز بھی پاکستان تحریک پاکستان کو سپورٹ کرنے کےلیے فارورڈ بلاک بنا رہے ہیں

باغی ٹی وی رپورٹ کے مطابق .نون لیگ کے ایم پی اے اور ایم این اے کے بعد سنیٹرز بھی پاکستان تحریک پاکستان کو سپورٹ کرنے کےلیے فارورڈ بلاک بنا رہے ہیں . اس سلسلے میں تازہ ترین اطلاعات کے مطابق اسلام آباد اور لاہور میں ایسی سرگرمیاں جاری ہیں.سات ممبران سینٹ نے مریم نواز کے خلاف عدم اظہار کیا ہے. سینئرز ممبران سینٹ کے مطابق مریم نواز نے میاں شہباز شریف کو بائی پاس کر کے پارٹی کی روح کی خلاف ورزی کی ہے اور پارٹی کو دو حصوں میں تقسیم کرنے کی کوشش کی ہے. 20 سے زائد ایم پی ایے اور ایم این ایے اور سات سینٹرز نے عدم اعتماد کا اظہار کیا ہے.

نون لیگ میں ایم پی اے اور ایم این اے کے بعد سینیٹرز کا فاروڈ بلاک بھی سامنے آگیا، باغی کی خاص رپورٹ#PMLN #SundayMorning #SundayThoughts # pic.twitter.com/xbfP1kF2eW

— Baaghi TV باغی ٹی وی (@BaaghiTV) June 30, 2019

کل رانا مشہود کو جب فلائت سے اتار لیا گیا تو یہ بات واضح ہو گئی کہ پی ٹی آئی حکومت کرپشن کے خلاف کسی طرح کی نرمی کی روادار نہیں ہے.
وفاقی معاون برائے اطلاعات فردوس اور پی ٹی آئی کے صوبائی ترجمان شوکت بصرا نے بھی ن لیگ سے بغاوت کرنے والے اراکین سمبلی اور سینٹرز کی تعداد کی تصدیق کی اور کہا ہےکہ ان کا تعلق جنوبی پنجاب سے ہے جو اب تک محرومی کا شکار ہیں . اس سلسلے میں باخبر اور اپ ڈیٹ رہنے کے لیے باغی ٹی وی سے جڑے رہیے. با غی ٹی وی اس سے پہلے بھی نون لیگ کے منحرف اراکان صوبائی اورقومی اسمبلی کی خبر دے چکا ہے

کرکٹ ورلڈکپ کے 38ویں میچ میں میزبان انگلینڈ کی بھارت کے خلاف پر اعتماد بیٹنگ جاری ہے . بنا نقصان کے 100 رنز مکمل کر لیے .دونوں اوپنر جونی اور جیسن نے 55 ،45 کے قریب رنز سکور کر لیے. انگلینڈ نے بھارت کے خلاف ٹاس جیت کر بیٹنگ کا فیصلہ کیا ہے۔ پاکستان شائقین بھارت ک جیت کے لیے دعاگو

تفصیلات کے مطابق برمنگھم کے ایجبسٹن گراؤنڈ میں انگلش ٹیم کے کپتان اوئن مورگن نے ٹاس جیت کر بیٹنگ کا فیصلہ کیا جس کے بعد ان کا کہنا تھا کہ بھارت کے خلاف ٹیم میں دو تبدیلیاں کی گئی ہیں۔

انگلش ٹیم میں معین علی اور جیمس ونس کی جگہ جیسن روئے اور لیام پلنکٹ کو شامل کیا گیا ہے جبکہ بھارت نے وجے شنکر کی جگہ رشب پانٹ کو گیارہ رکنی ٹیم کا حصہ بنایا ہے۔

سیمی فائنل میں جگہ بنانے کے لیے انگلینڈ کو آج لازمی بھارت کو زیر کرنا ہوگا اور شکست کی صورت میں انگلش ٹیم ایونٹ سے باہر ہوسکتی ہے جب کہ بھارت کی کامیابی اسے سیمی فائنل میں پہنچا دے گی۔

آج کے میچ میں بھارتی ٹیم کی جرسی تبدیل ہوگی، دونوں ٹیموں کی وردیاں نیلی ہونے کی وجہ سے آئی سی سی قوانین کے مطابق میزبان ٹیم کی وردی وہی رہے گی اور مہمان بھارتی ٹیم کے کھلاڑی نئی وردی میں دکھائی دیں گے۔

اوگرا نے یکم جولائی سے گیس کی قیمتوں میں اضافے کا نوٹی فکیشن جاری کردیا، ماہانہ 100 مکعب میٹر گیس استعمال کرنے والے گھریلو صارفین کیلئے فی یونٹ گیس کی قیمت 127 روپے سے بڑھا کر 300 روپے کر دی ہے۔

تفصیلات کے مطابق اوگرا نے گیس کی قیمتوں میں اضافہ کر دیا ،جو صارفین ماہانہ 300 یونٹ استعمال کرتے ہیں ان کے لئے قیمت 275 سے بڑھا کر 738 روپے فی ایم ایم بی ٹی یو اورماہانہ 400 یونٹ والے صارفین کے لئے گیس کی قیمت 780 سے بڑھا کر1107 روپے فی ایم ایم بی ٹی یوکر دی گئی جبکہ 400 یونٹ سے زائد والے صارفین گیس کی قیمت 1460 روپے فی ایم ایم بی ٹی یو ادا رکریں گے۔ بڑھائی گئی ان قیمتوں کااطلاق یکم جولائی سے ہوگا ،واضح رہے کہ گیس کا کم سے کم بل 172 روپے 58 پیسے ماہانہ بھجوایا جائے گا۔

ماہانہ 200 مکعب میٹرگیس استعمال کرنے والوں کیلئے فی یونٹ گیس کی قیمت 264 روپے سے بڑھا کر 553 روپے، 300 مکعب میٹرگیس استعمال کرنے والوں کیلئے فی یونٹ گیس کی قیمت 275 روپے سے بڑھا کر 738 روپے، 400 مکعب میٹرگیس استعمال کرنے والوں کیلئے فی یونٹ گیس کی قیمت 780 روپے سے بڑھا کر 1107 روپے کردی گئی۔

نوٹی فکیشن کے مطابق ماہانہ 400 مکعب میٹر سے زائد گیس استعمال پر گیس کی قیمت 1460 روپے پر برقرار رکھی گئی ہے، کھاد کارخانوں کیلئے بطور فیڈ گیس کی قیمت میں 61 فیصد اضافہ کیا گیا ہے جبکہ بجلی کارخانوں، سی این جی اور جنرل انڈسٹری کیلئے گیس کی قیمت 31 فیصد بڑھائی گئی ہے۔

فردوس عاشق اعوان نے اپوزیشن پر طنزیہ ٹویٹ کرتے ہوئے کہا ہے کہ ‘اقتدار کی پچ پر کھیلنےوالے ایسےتڑپ رہے ہیں جیسے مچھلی پانی کےبغیر’

باغی ٹی وی رپورٹ کے مطابق وزیراعظم کی معاون خصوصی برائے اطلاعات ڈاکٹر فردوس عاشق اعوان نے اپوزیشن پر طنزیہ ٹویٹ کرتے ہوئے کہا ہے کہ ‘اقتدار کی پچ پر کھیلنےوالے ایسےتڑپ رہے ہیں جیسے مچھلی پانی کےبغیر’اقتدار کی پچ پر لگاتار کھیلنے والوں کو سرکاری وسائل کے بغیر رہنے کی اب عادت ڈالنا ہو گی

سوشل میڈیا پر اپنے ٹوئٹر پیغام میں انکا کہنا تھا کہ اپنے دور میں آئینی مدت پوری کرنے کی حمایت کرنے والے آج کس منہ سے مڈٹرم انتخابات کی بات کر رہے ہیں۔

ان کا کہنا تھا کہ یہ لوگ 10 ماہ اقتدار کے بغیر نہیں گزار سکتے، اقتدار کے بغیر ایسے تڑپ رہے ہیں جیسے مچھلی پانی کے بغیر۔ اب انہیں چار سال ایسے ہی تڑپنا ہوگا۔ اقتدار کی پچ پر لگاتار کھیلنے والوں کو سرکاری وسائل کے بغیر رہنے کی اب عادت ڈالنا ہو گی۔

بھارت نے کھیل کو بھی نہ چھوڑا میدانوں کو بھی گندی سیاست ڈرٹی پولیٹکس سے آلودہ کر دیا ، پاکستان مخالف مہم جاری رکھی.

باغی ٹی وی رپورٹ کے مطابق بھارت نے کھیل کو بھی نہ چھوڑا میدانوں کو بھی گندی سیاست ڈرٹی پولیٹکس سے آلودہ کر دیا بھارت نے ورلڈکپ کو بھی اپنی گھٹیا سیاست سے آلودہ کر دیا ہے۔ بھارت کی جانب سے پاکستان اور افغانستان کے درمیان لیڈز میں کھیلے گئے میچز کو اپنی گھٹیا سیاست سے آلودہ کرنے کی کوشش کی گئی ہے۔ لیڈز میں کھیلے جا رہے پاکستان اور افغانستان کے میچ کے گراونڈ کے اوپر ایک طیارہ مسلسل پرواز کرتا رہا۔ اس طیارے کے ساتھ سیاسی نعروں والے 2 بینرز آویزاں تھے۔

طیارے کے ساتھ ‘آزاد بلوچستان’ اور ‘پاکستان میں جبری گمشدگیاں بند کی جائیں’ کے نعروں والے بینرز آویزاں تھے۔ اس واقعے پر آئی سی سی کی جانب سے بھی ردعمل دیا گیا ہے۔

آئی سی سی نے اس واقعے کی مذمت کرتے ہوئے برطانوی پولیس سے رابطہ کرنے کا فیصلہ کیا ہے۔ ساتھ ہی اعلان کیا ہے کہ کرکٹ کے کھیل کو ایسی سیاست سے آلودہ کرنے کی ہر کوشش کو ناکام بنایا جائے گا۔

پہلی نیشنل یوتھ کونسل قائم یوتھ کو ہر شعبہ زندگی سے نمائندگی دی گئی،نمایاں اور مشہورشخصیات بھی شامل کیےگئے.

باغی ٹی وی رپورٹ کے مطابق پہلی نیشنل یوتھ کونسل قائم یوتھ کو ہر شعبہ زندگی سے نمائندگی دی گئی،نمایاں اور مشہورشخصیات بھی شامل کیےگئے. وزیراعظم عمران خان کونسل کے سرپرست اعلیٰ اور عثمان ڈار چئیرمین ہوں گے۔ کھیل، تعلیم، مذہب، معیشت سے وابستہ نمایاں شخصیات کونسل میں شامل ہیں۔ بہادری کی تاریخ رقم کرنے والا پاک فوج کا جوان بھی کونسل کا حصہ ہے، آپریشن ضرب عضب کا غازی جوان میجر تنویر شافی کونسل کا پہلا رکن ہے۔

کرکٹرحسن علی، ثنا میر، اداکار حمزہ علی عباسی، ماہرہ خان بھی کونسل میں شامل ہیں، جبکہ ثمینہ بیگ اور معذوری سے جنگ جیتنے والی منیبہ مزاری بھی کونسل کا حصہ ہیں۔

اس حوالے معاون خصوصی برائے یوتھ افئیرز عثمان ڈار کا ویڈیو بیان جاری ہوا ہے جس میں انہوں نے کہا ہے کہ آج کا دن ملک کے نوجوانوں کے لئے انتہائی اہم ہے، نوجوانوں کو قومی فیصلہ سازی میں شراکت دار بنایا جارہاہے۔

عثمان ڈار کا کہنا ہے کہ چاروں صوبوں کے یوتھ منسٹرز کونسل کا حصہ بنادیا گیا ہے، کونسل کا ایجنڈا صرف نوجوانوں کی ترقی ہو گا، نوجوانوں کو قومی سطح پرفیصلہ سازی میں شامل کیاجائےگا۔

عثمان ڈار نے کے مطابق نوجوانوں کی فلاح وبہبود میں وفاقی حکومت نے اہم سنگ میل عبورکرلیا، پہلی بارنوجوانوں کو قومی فیصلہ سازی میں شراکت دار بنایا جا رہا ہے۔

انہوں نے کہا کہ وزیراعظم نے قومی یوتھ کونسل کی اصولی منظوری دی ہے، چاروں صوبوں اورگلگت بلتستان کے یوتھ منسٹرز کونسل میں شامل ہوں گے۔

عثمان ڈار نے کہا کہ کونسل کا ایجنڈا صرف نوجوانوں کی ترقی ہوگا، ملکی نوجوانوں کو قومی سطح پر فیصلہ سازی میں شامل کیا جائے گا، کونسل ارکان پالیسی گائیڈ لائن اورفریم ورک کی تیاری میں حصہ لیں گے۔

وفاقی وزیر سائنس اینڈ ٹیکنالوجی فواد چودھری نے کہا ہے کہ ن لیگی اراکین اسمبلی کی وزیراعظم سے ملاقات صرف ابتدا ہے، اگلا گروپ ارکان قومی اسمبلی اور سینیٹ کا ہو گا۔

باغی ٹی وی رپورٹ کے مطابق ابھی تو ابتدا ہے آگے اگے دیکھیے ہوتا ہے کیا ، قومی اسمبلی ممبران بھی آئیں گے، فواد چوہدری نے مزید نون لیکی اراکان کے پی ٹی آئی میں شامل ہونےکا عندیہ دے دیا.انہوں نے کہاکہ عوامی سطح پر ن لیگ اور پیپلزپارٹی کی کوئی حیثیت نہیں رہ گئی، مقامی سیاسی حقائق فیصلوں کی بنیاد ہوتے ہیں۔ ان خیالات کا اظہار وفاقی وزیر فواد چودھری نے ٹویٹر پر اپنے پیغام میں کیا۔
انھوں نے وزیراعظم عمران خان سے 15 ن لیگی اراکین پنجاب اسمبلی کی ملاقات کے تناظر میں کہا کہ ابھی تو یہ صرف ابتدا ہے، مزید ایک اور گروپ وزیراعظم سے ملاقات کرے گا جس میں اراکین قومی اسمبلی اور سینیٹ ارکان ہوں گے۔ انھوں نے سیاسی مخالفین کو پیغام دیتے ہوئے کہا کہ اب لوگ اپنے فیصلے سیاسی حقائق پر کریں گے۔

ذرائع کے مطابق اس بات کا بھی امکان ظاہر کیا جارہا ہے کہ آنے والے دنوں‌ میں‌ ن لیگ کے بعض‌ اراکین اسمبلی بھی پی ٹی آئی میں شامل ہوں‌ گے. حالیہ دنوں‌ میں‌ شہباز شریف اور مریم نواز کے باہمی اختلافات کی خبریں‌ بھی زیر بحث رہی ہیں. مریم نواز نے چند دن قبل لاہور میں‌ کی جانے والی پریس کانفرنس میں میثاق معیشت کی مخالفت کی تھی ۔ ن لیگی اراکین اسمبلی اس بات پر بھی پریشان ہیں‌ کہ اس وقت پارٹی کی قیادت کون کر رہا ہے؟ کیو نکہ نواز شریف جیل میں ہیں اور مریم نواز، ۔شہباز شریف کے بیانیے الگ الگ ہیں ۔ مریم نواز حکومت کے خلاف سخت رویہ اپنا رہی ہیں جبکہ شہباز شریف میثاق معیشت کر رہے ہیں ۔

یہ بات بھی ریکارڈ پر ہے کہ مریم نواز کے نارووال جلسہ میں احسن اقبال کے گروپ نے شرکت نہیں کی تھی ۔ ان باتوں‌ سے پتہ چلتا ہے کہ پارٹی کے اندر اختلافات عروج پر ہیں یہی وجہ ہے کہ ن لیگ کے اراکین پارلیمنٹ اور بعض‌آزاد حیثیت سے منتخب ہونے والے اراکین پارلیمنٹ نے پی ٹی آئی حکومت کی طرف جانے کی حامی بھری ہے۔