Category: اہم خبریں

ترجمان پاک فوج لیفٹینیٹ جنرل احمد شریف نے کہا ہے کہ بھارت نے 25 ڈرون حملے کئے ،سب ڈرون گرا دیئے،لاہور میں پاک فوج کے 4 جوان زخمی ہوئے ہیں

ڈی جی آئی ایس پی آر کے مطابق افواج پاکستان کی سافٹ کِل (تکنیکی) اور ہارڈ کِل (ہتھیاروں) سے اب تک 25 اسرائیلی ساخت کے ہیروپ ڈرونز کو مار گرایا گیا ہے ،بھارت کے 6/7 مئی کے بزدلانہ حملہ میں 5 جدید طیاروں، ڈرونز، متعدد پوسٹوں کے تباہ اور فوجی ہلاکتوں ہونے کے بعد، بھارت بوکھلاہٹ میں یہ اسرائیلی ساختہ ہیروپ ڈرونز سے پاکستان پر حملہ کر رہا ہے ،یہ بزدلانہ حملہ بھارت کی پریشانی اور بھوکلاہٹ کی نشانی ہے

بھارت کی جانب سے پاکستان ڈرون بھیجے گئےم پاکستان نے بھارتی 25 ڈرونز کو مار گرایا، گزشتہ رات بھارت نے پھر جارحیت کی کوشش کی، لاہور ،گوجرانوالہ، اٹک، چکوال،راولپنڈی،میانوالی،بہاولپور، سمیت دیگر شہروں میں ڈرون بھیجے گئے،

پاکستان کی مسلح افواج پوری طرح چوکس ہیں، ایک ڈرون لاہور کے قریب گرا،لاہور میں بھارتی ڈرون حملے کے نتیجے میں پاک فوج کے چار جوان زخمی ہوئے ہیں.میانو سندھ میں ایک شہری شہید ہوا ہے،ایک زخمی ہوا ہے، بھارت نے جو پاکستان پر حملہ کیا اور عام شہریوں کو نشانہ بنایا،مساجد ،خواتین، بچوں کو نشانہ بنایا ،اسکے جواب میں جو نقصان بھارت کو اٹھانا پڑا ،طیارے گرائے گئے، ایل او سی پر بھاری بھارت کا نقصان ہوا، رات کو جو بھارت نے کیا وہ انتہائی سیریس ہے، افواج نے منہ توڑ جواب دیا ہے، افواج پاکستان نے ڈرون کو ایک ایک کر کے گرایا، انڈیا نہ‌صرف اس خطے بلکہ دنیا کے امن کو خطرے میں ڈال رہا ہے

بھارت نے سندھ اور پنجاب میں ڈرون بھیجے ،پاکستان نے سب ڈرون مار گرائے

سندھ میں اب تک بھارتی ڈرون سٹرائیکس کے مقامات سامنے آئے ہیں، گھوٹکی میں دو بھارتی ڈرون مار گرائے گئے ہیں ،گھوٹکی میں ڈرون گرنے سے ایک شہری شہید اور ایک زخمی ہوا ہے، عمر کوٹ میں بھی ایک ڈرون مار گرایا گیا ہے،کراچی ملیر میں بھی ایک بھارتی ڈرون گرا لیا گیا ہے۔ملیز میں پولیس موقع پر پہنچ گئی ہے.

علاوہ ازیں پاکستان نے گوجرانوالہ میں بھارتی ڈرون مار گرایا ،بھارتی ڈرون سیالکوٹ کی طرف سے آیا تھا جسے گوجرانوالہ کی حدود میں ٹارگٹ کیا گیا،پولیس کے مطابق تباہ ہونے والے بھارتی ڈرون کا ملبہ نواحی گاؤں ٹوکریاں کے قریب کھیتوں میں گرا ہے۔

لاہور برکی، والٹن میں بھی بھارتی ڈرون گرایا گیا ہے، گجرات میں ڈنگہ کے مقام پر ڈرون گرایا گیا ہے، چکوال میں ڈوہمن کے مقام پر ڈرون گرایا گیا ہے،

نوٹ، اس خبر کو اپڈیٹ کیا جا رہا ہے

لاہور کے علاقے والٹن روڈ پر ڈرون حملوں کی اطلاعات نے شہریوں میں شدید خوف و ہراس پھیلا دیا۔

پولیس ذرائع کے مطابق پیر کی رات والٹن روڈ پر دو دھماکوں کی آوازیں سنائی دیں جنہیں قریبی علاقوں گوپال نگر، نصیر آباد اور دیگر رہائشی علاقوں میں بھی شدت سے محسوس کیا گیا۔ عینی شاہدین کے مطابق دو سے تین دھماکوں کی آوازیں سنی گئیں، جس کے بعد شہری گھبرا کر گھروں سے باہر نکل آئے۔پولیس کا کہنا ہے کہ ابتدائی تحقیقات میں یہ بات سامنے آئی ہے کہ یہ دھماکے ممکنہ طور پر ڈرون حملے تھے۔ تاہم، دھماکوں کی نوعیت اور حملوں کی تصدیق کے لیے مزید تحقیقات جاری ہیں۔ بم ڈسپوزل اسکواڈ اور قانون نافذ کرنے والے ادارے موقع پر پہنچ چکے ہیں اور علاقے کو گھیرے میں لے کر شواہد اکٹھے کیے جا رہے ہیں۔

باخبر ذرائع کے مطابق پاکستان ایئر ڈیفنس نے حساس علاقوں کی نگرانی کے لیے بھیجے گئے جدید بھارتی اسٹیلتھ ڈرون کی نشاندہی کرکے اسے مار گرایا۔ ڈرون کو انتہائی درستگی کے ساتھ نشانہ بنایا گیا اور والٹن لاہور کے قریب گر کر تباہ ہو گیا۔

پولیس حکام کے مطابق چکوال کے نواحی علاقے ڈھمن میں دیوالیاں کے قریب ایک ڈرون گرنے کی اطلاع ملی ہے۔ خوش قسمتی سے اس واقعے میں کوئی جانی نقصان نہیں ہوا۔ ڈرون کا ملبہ پولیس نے قبضے میں لے لیا ہے اور تفتیشی عمل شروع کر دیا گیا ہے۔ جائے وقوعہ پر حساس اداروں کے اہلکار بھی پہنچ چکے ہیں تاکہ واقعے کی مکمل چھان بین کی جا سکے۔

پنجاب کے ضلع گجرات کے علاقے ڈنگہ کے نزدیک بھی کھیتوں میں ایک اور ڈرون گرنے کی اطلاعات موصول ہوئی ہیں۔ پولیس کا کہنا ہے کہ ٹیمیں جائے وقوعہ پر موجود ہیں اور ملبے کو اکٹھا کر کے فارنزک تجزیے کے لیے بھیجا جا رہا ہے،عینی شاہدین نے بتایا کہ وہ قریبی ہوٹل میں کھانا کھا رہے تھے کہ اچانک ایک زور دار دھماکہ ہوا، آسمان پر سرخ روشنی نظر آئی، اور کوئی چیز نیچے گرتی ہوئی دکھائی دی۔ جائے وقوعہ پر پہنچنے والی ریسکیو اور پولیس ٹیموں نے بتایا کہ جو ٹکڑے وہاں پائے گئے، وہ ممکنہ طور پر کسی ڈرون یا ڈیوائس کے تھے جو دھماکے سے تباہ ہو گئی۔

اب تک کی تفصیلات کے مطابق گجرات اور چکوال دونوں مقامات پر کوئی جانی نقصان رپورٹ نہیں ہوا، تاہم ان واقعات نے سیکیورٹی اداروں کی تشویش میں اضافہ کر دیا ہے۔

دوسری جانب لاہور اور سیالکوٹ کے درمیان متعدد فضائی راستے کمرشل پروازوں کے لیے بند کر دیے گئے ہیں۔ سول ایوی ایشن حکام کے مطابق یہ اقدام حفاظتی نقطہ نظر سے عارضی طور پر کیا گیا ہے تاکہ کسی ممکنہ خطرے سے بچا جا سکے۔

ترجمان پاک فوج نے کہا ہے کہ بھارتی حملوں میں 31 معصوم شہری شہید ہو چکے ہیں۔ 57 زخمی ہوئے ہیں۔
ہمارا دشمن کم ظرف اور بزدل ہے۔

ترجمان پاک فوج کا کہنا تھا کہ ایل او سی پر بھارت کی بلا اشتعال فائرنگ اموات میں اضافے کی وجہ ہے ،
بھارت کے بزدلانہ حملے کی جتنی مذمت کی جائے کم ہے،جب ہم نے پاکستان میں بھارت کی پراکسیز پر زمین تنگ کی تو بھارت اپنی فوج کیساتھ خود دہشت گردی پر اتر آیا،یہ معصوم بچے جنہوں نے ابھی اپنی زندگی کی بہاریں دیکھنا تھیں، کیا یہ ہیں دہشتگرد جنہیں بھارت نے نشانہ بنایا، ہم نے ماضٰ میں پاکستان میں بھارتی دہشت گردی کے شواہد پیش کئے،ہم نے بھارتی طیارے تباہ کئے،جب ہم نے بھارتی دہشت گردوں کیلئے زمین تنگ کی تو وہ معصوم شہریوں کو نشانہ بنانے لگے ،لائن آف کنٹرول اور ورکنگ باؤنڈری پر بلا اشتعال فائرنگ کا سلسلہ جاری ہے، پاکستانی فوج دشمن کو برابر جواب دے رہی ہے اور بھاری نقصان پہنچایا جا رہا ہے،دنیا میں وہ کونسا مذہب ہے جو مساجد اور عبادتگاہوں کو نشانہ بنانے کا کہتا ہو،

ترجمان پاک فوج کا مزید کہنا تھا کہ ہمارا دشمن اتنا کم ظرف اور بزدل ہے کہ وہ فوج سے لڑنے کی بجائے رات کو چھپ کر معصوم شہریوں کو نشانہ بناتا ہے،بھارتی جارحیت، قرآن مجید شہید کر دیئے، ڈی جی آئی ایس پی آر نے ویڈیو دنیا کے سامنے رکھتے ہوئے سوال پوچھا کون سا مذہب اس کی اجازت دیتا ہے؟

بھارت کے 7 ڈرونز کو تباہ اور 2 کو قبضے میں لے لیا،پاکستان ایئرفورس کا بھی کوئی نقصان نہیں ہوا،ترجمان پاک فوج
ترجمان پاک فوج کا مزید کہنا تھا کہ آپ سب نے دیکھا کہ دشمن اپنے ہتھیاروں سے لیس، اپنے طیاروں کے ساتھ حملہ آور ہوا تو پاکستان کی بہادر ایئر فورس نے اُس کے جدید طیاروں کو زمین کی دُھول چٹائی، شاید ہی ایئر کمبیٹ کی ایسی پروفیشنل مثال پہلے ہوئی ہو، ہمیں اپنی ایئرفورس پر فخر ہے،ایل او سی پر جوابی کارروائی میں متعددبھارتی چیک پوسٹیں تباہ کردیں،دہشت گردوں کی خیالی قیام گاہیں عالمی میڈیا نے خود دیکھ لیں،پاک فضائیہ نےدشمن کے3رافیل سمیت5طیارےتباہ کیے،بھارت کی طرف سےنیلم جہلم ہائیڈرو پاور پروجیکٹ پربھی شیلنگ کی گئی، ہمارے لیے بھارتی حملہ کوئی سرپرائز نہیں تھا،پاک فوج نے صرف ملٹری ٹارگٹس کو چُنا، بھارتی ریاستی دہشت گردی کے شواہد سامنے آ گئے ہیں،پاکستان نے بھارت کے 7 ڈرونز کو تباہ اور 2 کو قبضے میں لے لیا،پاکستان ایئرفورس کا بھی کوئی نقصان نہیں ہوا،

قبل ازیں ڈی جی آئی ایس پی آر کا کہنا تھا کہ ترجمان پاک فوج کا مزید کہنا تھا کہ بھارت کی جانب سے حملے میں پہل کی گئی ،پاکستان فضائیہ کے تمام طیارے محفوظ ہیں، انڈیا نے بارڈر پر گولا باری کی جس کا پاکستان نے دہندگان شکست جواب دیا اور انڈیا کی چوکیاں تباہ کیں،اب تک افواج پاکستان نے دشمن کے جارحیت کے دفاع میں 5 بھارتی طیارے اور ایک کمبیٹ ڈرون مار گرایا ہے، گرائے گئے طیاروں میں تین رافیل، ایک مگ 21 اور ایک ایس یو 31 شامل ہے۔ طیارے جموں، بھٹنڈا، اخنور، سرینگر میں گرائے گئے۔ پاکستان نے بھارتی طیاروں کو اس وقت گرایا جب بھارت کے ان طیاروں نے پاکستان پر حملہ کیا، حملے کے فورا بعد پاکستانی ائیر فورس نے 5 جہاز مار گرائے، مساجد پر حملے بھارت کی تنگ نظری کو ظاہر کرتا ہے،

وزیراعظم شہباز شریف نے کہا ہے کہ بھارت نے جو غلطی کی اس کا خمیازہ بھگتنا ہو گا

قوم سے خطاب کرتے ہوئے وزیراعظم شہباز شریف کا کہنا تھا کہ اللہ کے فضل و کرم سے ہمارے شاہینوں نے فضائوں میں ایسا طوفان برپا کیا کہ دُشمن چیخ اُٹھا، بھارت نے جو گذشتہ شب فاش غلطی کی اسکا خمیازہ اسے اب بھرپور طریقہ سے بھگتنا پڑیگا۔ شہیدوں کے خون کے ایک ایک قطرے کا حساب لیا جائے گا۔وہ سمجھ بیٹھا تھا کہ ہم پیچھے ہٹ جائیں گے، ہم خون کے آخری قطرے تک لڑنے کیلئے تیار ہیں، اللہ تعالیٰ کے فضل و کرم سے ہم بہادروں کی قوم ہیں، بھارت کا غرور راکھ اور عبرت کا نشان بن چکا ہے۔ایم ایم عالم کی گرج دشمن پر پھر سے گری۔ کل رات ہمارے شاہینوں نے فضاؤں میں طوفان برپا کر دیا،اور پھر پوری دنیا نے دیکھا کیسے ہمارے شاہینوں نے اپنے سے کئی گنا بڑے ملک کو صرف چند گھنٹوں میں گھٹنے ٹیکنے کر مجبور کر دیا،24 کروڑ پاکستانی نتائج سے بے پروا ہو کر اپنی بہادر افواج کے ساتھ ایک جری لشکر بن کر دشمن کا مقابلہ کرینگے، باطل کو شکست فاش دینگے،آرمی چیف جنرل سید عاصم منیر سمیت سروسز چیفس، فوجی افسران اور جوانوں کو یقین دلاتا ہوں کہ 24 کروڑ پاکستانیوں کو آپ پر فخر اور ناز ہے، آپ کو سلام پیش کرتا ہوں،

چیف آف آرمی اسٹاف جنرل سید عاصم منیر کی ائیر ہیڈکوارٹر آمد ہوئی ہے

ائیر ہیڈکوارٹرز پہنچنے پر چیف آف ائیر اسٹاف ائیر چیف مارشل ظہیر احمد بابر سدھو نے آرمی چیف کا گرم جوشی سے استقبال کیا ،آرمی چیف جنرل سید عاصم منیر نے چیف آف ائیر اسٹاف اور ائیر فورس کے شاہینوں کو بھارتی ائیر فورس کی طرف سے کی جانے والی جارحیت کے مذموم منصوبے کو فوراً ناکام بنانے پر خراج تحسین پیش کیا ،آرمی چیف جنرل سید عاصم منیر نے پاکستان ائیر فورس کو ایک بار پھر دشمن کے متعدد جہاز مار گرانے اور اپنا لوہا منوانے پر بے حد سراہا ،آرمی چیف نے تینوں سروسز کے مابین بہترین تعاون کو بھی سراہا

قومی سلامتی کمیٹی (این ایس سی) کا اجلاس وزیر اعظم اسلامی جمہوریہ پاکستان محمد شہباز شریف کی صدارت میں منعقد ہوا۔ فورم نے بھارت کے حملوں میں شہید ہونے والے معصوم شہریوں کے لیے فاتحہ خوانی کی، شہداء کے لواحقین سے دلی تعزیت کا اظہار کیا اور زخمیوں کی جلد صحت یابی کی دعا کی۔ این ایس سی نے بھارت کی بلا اشتعال، بزدلانہ اور غیر قانونی جنگی کارروائی کے نتیجے میں پیدا ہونے والی سنگین صورتحال پر تفصیلی غور و خوض کیا۔

6/7 مئی 2025 کی شب، بھارتی مسلح افواج نے پاکستان کی خودمختار سرزمین پر مربوط میزائل، فضائی اور ڈرون حملے کیے، جن میں پنجاب کے علاقے سیالکوٹ، شکرگڑھ، مریدکے، اور بہاولپور، جبکہ آزاد جموں و کشمیر کے علاقے کوٹلی اور مظفرآباد شامل ہیں۔ ان بلا اشتعال اور غیر منصفانہ حملوں میں شہری علاقوں کو جان بوجھ کر نشانہ بنایا گیا، جس کا جھوٹا جواز فرضی دہشت گرد کیمپوں کی موجودگی کو قرار دیا گیا۔ ان حملوں کے نتیجے میں معصوم مرد، خواتین اور بچے شہید ہوئے، اور مساجد سمیت شہری ڈھانچے کو نقصان پہنچا۔ بھارت کی جارحیت نے برادر خلیجی ممالک کی تجارتی پروازوں کو بھی سنگین خطرات سے دوچار کیا، جس سے ہزاروں مسافروں کی زندگیاں خطرے میں پڑ گئیں۔ اس کے علاوہ، نیلم جہلم ہائیڈرو پاور پراجیکٹ کو بھی جان بوجھ کر نشانہ بنایا گیا جو کہ بین الاقوامی معاہدوں کی کھلی خلاف ورزی ہے۔

این ایس سی نے ان غیر قانونی کارروائیوں کی شدید مذمت کرتے ہوئے انہیں پاکستان کی خودمختاری اور علاقائی سالمیت کی کھلی خلاف ورزی قرار دیا، جو کہ بین الاقوامی قوانین کے تحت جنگی جرم کے زمرے میں آتی ہیں۔ بھارتی افواج کی جانب سے معصوم شہریوں، خصوصاً خواتین اور بچوں کو نشانہ بنانا ایک سنگین اور شرمناک جرم ہے جو تمام انسانی اقدار اور بین الاقوامی قوانین کے منافی ہے۔

پاکستان نے بھارتی الزامات، جو کہ اس کی سرزمین پر دہشت گرد کیمپوں کی موجودگی کے دعوے پر مبنی ہیں، کو ہمیشہ سے مؤثر طریقے سے مسترد کیا ہے۔ یاد رہے کہ 22 اپریل 2025 کے فوری بعد پاکستان نے ایک قابل اعتبار، شفاف اور غیر جانبدارانہ تحقیقات کی پیشکش کی، جو بدقسمتی سے قبول نہ کی گئی۔ بین الاقوامی میڈیا کے نمائندے پہلے ہی 6 مئی 2025 کو ان "فرضی دہشت گرد کیمپوں” کا دورہ کر چکے تھے، اور مزید دورے 7 مئی 2025 کے لیے منصوبہ بند تھے۔ تاہم، اپنے جھوٹ کا پردہ فاش ہونے کے خوف سے، بغیر کسی ثبوت کے، بھارتی قیادت نے اب معصوم شہریوں پر حملہ کر کے اپنے بے بنیاد دعووں کو چھپانے کی ناکام کوشش کی ہے۔ پاکستان کے معصوم لوگوں پر حملہ کسی بھی صورت میں قابل قبول یا برداشت نہیں۔ بھارت نے ایک بار پھر خطے کو آگ میں جھونک دیا ہے اور اس کے نتیجے میں پیدا ہونے والے حالات کی مکمل ذمہ داری بھارت پر عائد ہوتی ہے۔

پاکستانی مسلح افواج نے این ایس سی کے 22 اپریل 2025 کے بیان میں بیان کردہ دفاع کے حق اور ردعمل کے فریم ورک کے تحت، آزاد جموں و کشمیر سمیت پاکستان کی علاقائی سالمیت کا دفاع کیا اور بھارتی جارحیت کا مؤثر جواب دیا، جس میں پانچ بھارتی لڑاکا طیارے اور بغیر پائلٹ کے ڈرونز کو مار گرایا۔

اقوام متحدہ کے چارٹر کے آرٹیکل 51 کے مطابق، پاکستان اپنے دفاع کے حق میں، اپنے وقت، جگہ اور طریقے کے انتخاب کے مطابق جواب دینے کا حق محفوظ رکھتا ہے، تاکہ معصوم پاکستانی جانوں کے نقصان اور اپنی خودمختاری کی خلاف ورزی کا بدلہ لیا جا سکے۔ اس سلسلے میں پاکستانی مسلح افواج کو مکمل اختیارات تفویض کر دیے گئے ہیں۔

بھارت کی ننگی جارحیت پر گہرے رنج و غم کے ساتھ، پوری پاکستانی قوم اپنی مسلح افواج کی بہادری اور مادر وطن کے دفاع کے لیے کیے گئے بروقت اقدامات کو سراہتی ہے۔ قوم ہر طرح کی جارحیت کا مقابلہ کرنے کے لیے یکجا اور پُرعزم ہے۔

این ایس سی عالمی برادری سے مطالبہ کرتی ہے کہ وہ بھارت کی بلا اشتعال غیر قانونی کارروائیوں کی سنگینی کو تسلیم کرے اور بین الاقوامی قوانین اور اصولوں کی کھلی خلاف ورزی پر اسے جوابدہ بنائے۔

پاکستان باعزت اور باوقار امن کے عزم پر قائم ہے اور ایک بار پھر دہراتا ہے کہ وہ کبھی بھی اپنی خودمختاری، علاقائی سالمیت یا اپنے فخر سے بھرپور عوام کو نقصان پہنچانے کی اجازت نہیں دے گا۔