Baaghi TV

Category: اہم خبریں

  • نندی پور ریفرنس، بابر اعوان کو ملی خوشخبری، راجہ پرویز اشرف کی درخواست مسترد

    نندی پور ریفرنس، بابر اعوان کو ملی خوشخبری، راجہ پرویز اشرف کی درخواست مسترد

    احتساب عدالت نے تحریک انصاف کے رہنما بابر اعوان کو بریت کی درخواست منظور اور سابق وزیراعظم راجہ پرویز اشرف کی درخواست مسترد کر دی

    خواجہ آصف کیخلاف ثبوت کمیشن کو دوںگا، مریم کی بھی تحقیقات کریں گے. عثمان ڈار کا اعلان

    باغی ٹی وی کی رپورٹ کے مطابق نندی پور ریفرنس مٰیں عدالت نے گزشتہ روز سماعت کے بعد فیصلہ محفوظ کیا تھا، آج عدالت نے فیصلہ سناتے ہوئے بابر اعوان کی بریت کی درخواست منظور کر لی .احتساب عدالت کے جج ارشد ملک نے فیصلہ سنایا.

    مریم نواز کے لئے بڑی مشکل، حکومت نے انتہائی اہم فیصلہ کر لیا

    واضح رہے کہ نندی پور ریفرنس کے پانچوں ملزمان نے ٹرائل مکمل کرنے سے قبل بری کرنے کی استدعا کی تھی۔ ان میں بابر اعوان، سابق وزیراعظم راجا پرویز اشرف، شمائلہ محمود، ریاض کیانی اور ڈاکٹر ریاض شامل ہیں،زشتہ روز احتساب عدالت کے جج محمد ارشد ملک نے نندی پورپاور پروجیکٹ کیس کی سماعت کی،جج ارشد ملک نے استفسار کیا کہ کیس میں کتنے ملزمان ہیں؟ نیب پراسیکیوٹر نے کہا کہ کیس میں ملزمان 7 ہیں،بریت کی 5 درخواستیں دائرہیں،کیس میں 4 گواہوں کے بیان قلمبند ہوچکے ہیں۔جج نے استفسار کیا کہ شمائلہ عباس کیخلاف کیا الزام ہے؟پراسیکیوٹر نے کہا کہ ملزمہ پراختیارات کے غلط استعمال کاالزام ہے، وزیراعظم،کابینہ کے احکامات کے باوجود پروجیکٹ میں تاخیرہوئی،منصوبے میں تاخیرسے 27 ارب روپے کانقصان ہوا،عدالت نے 5 ملزمان کی بریت کی درخواستوں پردلائل مکمل ہونے پر فیصلہ محفوظ کیا تھا جو سنا دیا گیا ہے

    حکومت کا وقت ختم، یہ اعلان کس نے کر دیا، اہم خبر آ گئی

    11 مارچ کو نندی پور پاور پراجیکٹ ریفرنس میں سابق وزیراعظم راجہ پرویز اشرف، بابراعوان اور دیگر 7 ملزمان پر فرد جرم عائد کی گئی تھی۔ سپریم کورٹ پاکستان نے 2011 میں نندی پور کمیشن قائم کیا تھا، جس کا مقصد منصوبے میں تاخیر کی وجوہات معلوم کرنا تھا۔

    فواد چودھری کو ٹرک کی بتی کے پیچھے لگا دیا، نہریں گننے کی وزارت بھی دے دیں

    ڈی چوک پر ٹوائلٹ بنانیوالے آج اسمبلی میں بیٹھے ہیں: خواجہ آصف نے ایسا کیوں کہا؟

    شاہد خاقان عباسی کے گرد نیب کا گھیرا تنگ،نیب نے کس کو بلا لیا؟ اہم خبر

  • کسی کو این آراو نہیں دوں گا، وزیراعظم کا ایک بار پھر اعلان

    کسی کو این آراو نہیں دوں گا، وزیراعظم کا ایک بار پھر اعلان

    وزیراعظم عمران خان نے ایک بار پھر اعلان کیا ہے کہ کسی کو این آر او نہیں دوں گا.

    اوبر اور کریم پر خواتین کے لئے سفر ہوا غیر محفوظ

    باغی ٹی وی کی رپورٹ کے مطابق وزیراعظم عمران خان کی زیر صدارت تحریک انصاف کی پارلیمانی پارٹی کا اجلاس جاری ہے، اجلاس میں اتحادی جماعتوں کے اراکین بھی شریک ہیں، اجلاس میں حکومت کے خلاف اپوزیشن کی اے پی سی اور بجٹ کی منظوری کے حوالہ سے بات چیت جاری ہے. وزیراعظم نے پارلیمانی پارٹی کے اجلاس سے خطاب کرتے ہوئے ایک بار پھر اعلان کیا ہے کہ میں کسی کو این آر او نہیں دوں گا،قانون سے باہر کچھ نہیں ہوگا .

    وزیراعظم عمران خان نے مزید کہا کہ اراکین پارلیمنٹ بھی ٹیکس دینے کے لیے عوام میں آگاہی مہم چلائیں،معاشی سمت کا تعین کردیا ہے، بحران سے نکل رہے ہیں ،اپوزیشن اےپی سی کرے یا تحریک چلائے، این آر او نہیں ملے گا،سب کومعلوم ہےمیں کرپشن کیسزپرسمجھوتانہیں کرونگا، وزیراعظم عمران خان کا مزید کہنا تھا کہ اپوزیشن احتجاج کاشوق پوراکرے کوئی پروا نہیں،ہمیں کارکردگی سےجواب دیناہے ،اراکین پارلیمنٹ عوام کو معاشی بحران کے ذمے داروں سے آگاہ کریں، وزیراعظم نے اراکین سے کہا کہ بجٹ منظوری قانونی تقاضا ہے،تمام اراکین اپنی حاضری یقینی بنائیں ،

    واضح رہے کہ قومی اسمبلی مٰیں قائد حزب اختلاف شہباز شریف نے بجٹ بحث کےد وران خطاب کرتے ہوئے کہا تھا کہ وزیراعظم سے این آر او کس نے مانگا ہے اگر وہ عوام کو نہیں بتانا چاہتے تو سپیکر قومی اسمبلی کے کان میں بتا دیں.

    مسلم لیگ ن کی رہنما مریم نواز نے کہا تھا کہ کہا جارہا ہے کسی کواین آراونہیں دوں گا،اوبھائی آپ سے مانگا کس نے ہےاین آراو؟ جوخود کسی کا محتاج ہو وہ کسی کو کیا این آر او دے گا ،دھاندلی کے ذریعے آنیوالے ہمیشہ خوف میں رہتے ہیں

    سابق وزیراعظم شاہد خاقان عباسی نے کہا تھا کہ این آر لینے اور دینے والے لعنت، عمران خان سن لو ہمارا احتساب کر لو ہم بھی تمہارا احتساب کریں، پارٹی میں نواز اور شہباز کا بیانیہ ایک ہے

  • احتساب عدالت،یوسف رضا گیلانی پر فرد جرم عائد کرنے کا فیصلہ ہو گیا

    احتساب عدالت،یوسف رضا گیلانی پر فرد جرم عائد کرنے کا فیصلہ ہو گیا

    احتساب عدالت نے سابق وزیراعظم یوسف رضا گیلانی پر فرد جرم عائد کرنے کا فیصلہ کر لیا ہے

    فواد چودھری کے خلاف قانونی کاروائی کا دیا حکم وہ بھی چیئرمین نیب نے

    شہباز شریف کی لمبی تقریر، فواد چودھری میدان میں آ گئے

    شہباز شریف نے قومی اسمبلی میں کی نواز شریف کی مخالفت، اہم خبر

    وزیراعظم سے این آر او دن کو یا رات کو اور کس نے مانگا، بتایا جائے، شہباز شریف

    باغی ٹی وی کی رپورٹ کے مطابق احتساب عدالت نے 2 جولائی کو سابق وزیراعظم سید یوسف رضا گیلانی پر فرد جرم عائد کرنے کی تاریخ مقرر کردی ہے، احتساب عدالت نے تمام ملزمان کو 2 جولائی کو طلب کرلیا،ملزمان میں ریفرنس کی نقول تقسیم کردی گئی ہیں. ملزمان میں یوسف رضا گیلانی سمیت 7 ملزمان نامزد ہیں ،ملزمان پر قومی خزانے کو نقصان پہنچانے کا الزام ہے .

    فواد چودھری نے تھپڑ مارا اور گالیاں دیں،سمیع ابراہیم نے مقدمہ کیلئے درخواست دائر کر دی

    سمیع ابراہیم کو تھپڑپڑا تو فردوس عاشق نے کی معذرت،صحافیوں کی مذمت

    سمیع ابراہیم کو تھپڑ، ملک بھر کی صحافی برادری سراپا احتجاج، فواد چوہدری کو وزارت سے ہٹانے کا مطالبہ

    نیب راولپنڈی نے سابق وزیراعظم یوسف رضا گیلانی سمیت دیگر 6 ملزمان کے خلاف مقدمہ درج کیا تھا، ملزمان پر میڈاس پرائیویٹ لمیٹڈ کے ذریعے غیر قانونی تشہیری مہم چلانے کا الزام عائد ہے۔ نیب کا کہنا ہے کہ یوسف رضا گیلانی نے یو ایس ایف (یونیورسل سروسز فنڈ) سے تشہیری مہم چلانے کی ہدایت کی، سابق سیکرٹری آئی ٹی فاروق اعوان نے اختیارات کا ناجائز استعمال کرتے ہوئے تشہیری مہم چلائی۔ ملزمان کے اقدام سے قومی خزانے کو 128 ملین روپے کا نقصان ہوا۔

    چیئرمین نیب کی ویڈیو لیک کرنیوالوں کے خلاف ریفرنس دائر

    چیئرمین نیب کے خلاف خبر پر پیمرا ان ایکشن، نیوز ون کو نوٹس جاری، جواب مانگ لیا

  • شرجیل میمن کو ملی سندھ ہائیکورٹ سے ضمانت

    شرجیل میمن کو ملی سندھ ہائیکورٹ سے ضمانت

    سندھ کے سابق صوبائی وزیر اطلاعات شرجیل میمن کی ضمانت کی درخواست عدالت نے منظور کر لی

    زرداری کی گرفتاری کے بعد نیب کا سندھ میں ایک اور چھاپہ، پیپلز پارٹی میں خوف و ہراس

    باغی ٹی وی کی رپورٹ کے مطابق سندھ ہائیکورٹ میں سابق صوبائی وزیر شرجیل میمن کی درخواست ضمانت پر سماعت ہوئی ،عدالت نےشرجیل میمن کو 50 لاکھ روپے مچلکے جمع کرانے کا حکم دیا. عدالت نے شرجیل میمن کا نام ای سی ایل میں شامل کرنے کا بھی حکم دیا

    انتقامی کارروائیوں سے پیپلزپارٹی کمزورنہیں ہوگی: خورشید شاہ

    دہشت گردوں کے سہولت کار وزرا آزاد اور جمہوری قیادت گرفتار، بلاول

    آصف زرداری کو پھانسی دی جائے. پیپلز پارٹی شہید بھٹو گروپ نے بڑا مطالبہ کر دیا

    واضح رہے کہ عدالت نے محفوظ فیصلہ سنایا جس مٰیں شرجیل میمن کی ضمانت منظور کی گئی، شرجیل میمن نے پونے 6ارب روپے کرپشن کے نیب ریفرنس میں درخواست ضمانت دائر کی تھی ،ریفرنس میں سابق سیکرٹری انفارمیشن ذوالفقار شلوانی سمیت 13 ملزمان جیل میں ہیں .

    شرجیل میمن کے خلاف دائر ریفرنس میں کہا گیا تھا کہ انھوں نے وزرت اطلاعات و نشریات میں بطور وزیر محکمے کے افسران اور اشتہاری کمپنیوں کے گٹھ جوڑ سے پرنٹ اور الیکٹرانک میڈیا کو اشتہارات کی مد میں رقوم جاری کر کے بدعنوانی کی۔جولائی 2013 سے جون 2015 تک ٹی وی اور ایف ایم چینلوں پر عوام میں آگہی کے لیے مہم چلائی گئی جس کی مد میں قومی خزانے کو تین ارب 27 کروڑ کا نقصان پہنچایا گیا۔

    مولانا فضل الرحمان غریبوں کے بچوں کو…….علی امین گنڈا پور نے ایسی بات کر دی کہ……

    اللہ تعالیٰ کو پاکستان پر رحم آ گیا، وزیراعظم عمران خان

    مولانا فضل الرحمان اپنی زمینوں کی حفاظت کریں، شیخ رشید نے ایسا کیوں کہا؟
    مولانا فضل الرحمان اسلام آباد کی بجائے اسلام کی طرف توجہ دیں، فردوس عاشق اعوان
    اسلام آباد کی جانب مارچ کب ہو گا، مولانا فضل الرحمان نے سب کو دعوت دے دی

  • امریکا ایران میں نئی سازش کیا کرنے جارہا، جانیے اس رپورٹ میں

    امریکا ایران میں نئی سازش کیا کرنے جارہا، جانیے اس رپورٹ میں

    امریکا نے ایران مخالف مہم کو جاری رکھتےہوئے اب ایران کے اندر ایسی تحریک کو سپورٹ کرنا شروع کر دیا ہے کہ جس سے ایرانی حکومت مخالف تحریک کو ہوا دی جائے .امریکا کے نائب صدر مائیک پنس نے ایران میں نظام کی تبدیلی اور شہری آزادیوں کے لیے اندرون اور بیرون ملک ہونے والے مظاہروں کی حمایت پر زور دیا ہے۔

    باغی ٹی وی رپورٹ کے مطابق .’سی بی ایس’ چینل کو دیے گئے ایک انٹرویو میں انہوں نے کہا کہ ایرانی عوام رجیم کے خلاف اپنے حقوق، آزادیوں اور مستقبل کے لیے احتجاج کررہے ہیں۔ امریکا کو ایرانی عوام کی مدد کرنی چاہیے۔

    انہوں‌نے کہا کہ ہم جو چاہتےہیں کرتےہیں۔ ہمیں ایرانی قوم کے ساتھ کھڑا ہونا چاہیے۔جمعہ کو ہزاروں ایرانیوں نے وائیٹ ہائوس کےباہرایرانی رجیم کے خلاف جلوس نکالا تھا۔ گذشتہ برس پورے ایران میں حکومت کے خلاف احتجاج کیا گیا۔

    مائیک پنس کا کہنا تھا کہ سنہ 2009ء میں ایران میں سبز انقلاب تحریک کے دوران ہی امریکا نے ایرانی عوام کی حمایت کرنے کا فیصلہ کیا تھا۔

    ایک دوسرے سوال کے جواب میں امریکی نائب صدر نے کہا کہ صدر ڈونلڈ ٹرمپ نےایران کے خلاف کارروائی کا فیصلہ اس لیے واپس لیا کیونکہ فوجی کارروائی کی صورت میں کم سے کم 150 ایرانیوں کی ہلاکت کا اندیشہ تھا۔ صدر ٹرمپ کا یہ فیصلہ بھی ایرانی عوام کے لیے پیغام ہے کہ ہم صرف ایران کی مذہبی حکومت کے خلاف ہیں ایرانی قوم کے خلاف نہیں۔

    انہوں‌نے زور دے کر کہا کہ وقت آگیا ہے کہ امریکا اور پوری دنیا ایران کو جوہری ہتھیاروں سے حصول سے مل کر روکے۔

    انہوں‌نے کہا کہ ایران نے ہمارا ایک فوجی ڈرون عالمی فضائی حدود میں تباہ کیا۔ ایران ہمارے اعصاب اور ہمارے صبر کا امتحان نہ لے۔

  • امریکہ نے ایران پر نئی پابندیاں‌ لگا دیں، تازہ پابندیوں‌ میں ایرانی سپریم لیڈر کو ٹارگٹ‌ کیا گیا ہے

    امریکہ نے ایران پر نئی پابندیاں‌ لگا دیں، تازہ پابندیوں‌ میں ایرانی سپریم لیڈر کو ٹارگٹ‌ کیا گیا ہے

    امریکی صدر ٹرمپ نے ایران پر نئی امریکی پابندیاں‌ لگا دی ہیں. ان پابندیوں کا اعلان ایران کی طرف سے امریکی ڈرون گرائے جانے کے بعد کیا گیا ہے.


    باغی ٹی وی کی رپورٹ کےمطابق امریکہ کی طرف سے تازہ پابندیوں‌ میں ایران کے سپریم لیڈر آیت اللہ خامنہ ای کو ٹارگٹ‌ کیا گیا ہے. میڈیا رپورٹس میں‌ ابھی امریکی صدر ٹرمپ کی طرف سے نئی پابندیاں‌ لگائے جانے کی اطلاع دی گئی ہے، اس حوالہ سے مزید تفصیلات بعد میں‌ جاری کی جائیں‌ گی.


    واضح‌ رہے کہ امریکی صدر ڈونلڈ ٹرمپ نے کل اتوار کو کہا تھا کہ وہ آج پیر کے روز سے ایران پر مزید پابندیاں عائد کر رہے ہیں۔ تاہم ٹرمپ نے یہ بھی کہا کہ وہ ایک ایسی معاہدے تک پہنچنے کی کوشش کے لیے تیار ہیں جو ایران کی معیشت کو سہارا دے سکے۔
    امریکی صدر کا یہ موقف اتوار کی شام NBC ٹی وی چینل کے پروگرام "میٹ دی پریس” میں گفتگو کے دوران سامنے آیا تھا . اسی طرح‌ ٹرمپ نے ہفتے کے روز بھی اپنی ایک ٹویٹ میں لکھا تھا کہ "ہم پیر کے روز ایران پر سخت اضافی پابندیاں عائد کریں گے اور یہ کہ ایران کے لیے جوہری ہتھیار حاصل کرنا ممکن نہیں ہے.

    دوسری جانب میڈیا رپورٹس میں یہ بھی بتایا گیا تھا کہ ایران کی خبر رساں ایجنسی نے وزارت خارجہ کے ترجمان عباس موسوی کے حوالے سے بتایا ہے کہ یہ پابندیاں تمام نوعیت کی پابندیوں کے سائے میں محض ایک پروپیگنڈا ہے۔ اب مزید کوئی پابندی باقی نہیں رہی۔

    ٹرمپ کی طرف سے تازہ پابندیوں‌ کی خبروں‌ پر ابھی ایران کا ردعمل سامنے نہیں‌ آیا ہے.

  • بجٹ میں قبائلی علاقوں‌ کیلئے 83 ارب روپے رکھے گئے ہیں، چیک پوسٹیں بھی کم کی جائیں‌ گی، وزیر اعظم

    بجٹ میں قبائلی علاقوں‌ کیلئے 83 ارب روپے رکھے گئے ہیں، چیک پوسٹیں بھی کم کی جائیں‌ گی، وزیر اعظم

    وزیر اعظم پاکستان عمران خان نے قبائلی علاقوں کی تعمیر و ترقی کیلئے 83 ارب روپے کی خطیر رقم کا اعلان کیا ہے اور قبائلی علاقوں میں چیک پوسٹیں بھی کم کرنے کی یقین دہانی کروائی گئی ہے. وزیر اعظم نے کہا کہ تاریخ میں پہلی بار قبائلی علاقوں کیلئے 83ارب روپے رکھے گئے ہیں اور پاک فوج نے بھی قبائلی علاقوں میں ترقی کیلئے دفاعی بجٹ میں اضافہ نہیں مانگا ۔

    باغی ٹی وی کی رپورٹ کے مطابق قبائلی علاقوں‌ سے تعلق رکھنے والے اراکین پارلیمنٹ‌ نے آج وزیر اعظم عمران خان سے ملاقات کی اور اس موقع پر سات نکاتی مطالبات پیش کئے گئے. قبائلی اراکین اسمبلی نے وزیر اعظم عمران خان سے بجٹ میں نافذ فیڈر ایکسائز ڈیوٹی ختم کرنے کا بھی مطالبہ کیا ۔

    وزیر اعظم عمران خان نے قبائلی ارکان کو اس بات کی یقینی دہانی کروائی کہ وہ ایکسائز ڈیوٹی کے حوالے سے چیئر مین ایف بی آر سے مشاورت کریں گے ۔ وزیر اعظم عمران خان نے کہاکہ کسی کو قبائلی عوام کا استحصال نہیں‌ کرنے دیا جائے گا. قبائلی عوام کی تعمیر و ترقی ان کا حق ہے جو انہیں ضرور دیا جائے گا.

  • حکومت نئی میڈیا اشتہاری پالیسی لا رہی ہے، جلد کابینہ کے سامنے پیش کریں گے. فردوس عاشق اعوان

    حکومت نئی میڈیا اشتہاری پالیسی لا رہی ہے، جلد کابینہ کے سامنے پیش کریں گے. فردوس عاشق اعوان

    وزیر اعظم پاکستان کی معاون خصوصی برائے اطلاعات و نشریات فردوس عاشق اعوان نے کہا ہے کہ حکومت نئی میڈیا اشتہاری پالیسی لارہی ہے تاکہ اسے دور حاضر کے تقاضوں سے ہم آہنگ کیا جاسکے۔ پالیسی کی تیاری کے حوالے سے تمام فریقین سے مشاورت کی جائے گی۔ نئی اشتہاری پالیسی اگلے ماہ کے دوسرے ہفتے میں کابینہ کے سامنے پیش کریں گے، اشتہاری ایجنسیوں کے کردار میں تبدیلیاں متعارف کرائی جائیں گی،ہم میڈیا کے لئے سازگار ماحول بنا رہے ہیں ،

    باغی ٹی وی کی رپورٹ کے مطابق فردوس عاشق اعوان نے کہاکہ میڈیا مالکان کو معاشی آزادی دینا چاہتے ہیں تاکہ میڈیا ورکرز کو وقت پر تنخواہیں ملیں، پاکستان میں منفی اور جعلی خبروں کا بھی تدارک کرنا ہو گا، پرنٹ میڈیا کی اہمیت ختم نہیں ہوئی اس کا اہم اور مضبوط رول ہے۔ وقت کے ساتھ آج سوشل میڈیا بھی اہم کردار ادا کر رہا ہے، اپنی نئی اشتہاری پالیسی میں سوشل میڈیا کو بھی حصہ بنا رہے ہیں تاکہ ان کو بھی آنر شپ ملے،

    ان خیالات کا اظہار معاون خصوصی اطلاعات ونشریات فردوس عاشق اعوان نے کونسل آف پاکستان نیوز پیپرز ایڈیٹرز (سی پی این ای )کے اجلاس سے خطاب کرتے ہوئے کیا۔ اپنے خطاب میں ڈاکٹر فردوس عاشق اعوان نے کہا کہ سی پی این ای کے صدر عارف نظامی و دیگر ممبران کو اسلام آباد میں خوش آمدید کہتی ہوں۔ میں سمجھتی ہوں کہ اقتدار کے اس صوفے میں ان کی آمد سے اسلام آباد کو مزید تقویت ملے گی اس سے پہلے پریس کو خطرہ سمجھا جاتا تھا وزیراعظم کو آپ کا پیغام پہنچایا ہے کہ آپ ان سے ملاقات کرنا چاہتے ہیں۔

    رپورٹ کےمطابق انہوں نے کہا کہ حکومتی ترجمان اس وقت تک مکمل فعال نہیں ہو سکتا جب تک وہ میڈیا کا ترجمان نہ بنے۔ انہوں نے شعر کہتے ہوئے کہا کہ ”تم نے درد دیا ہے تم ہی دوا دو” جہاں سے آپ کو درد ملا ہے وہاں سے ہی دوا ملنی ہے۔ جب دوا اور مرہم کرنے والی ایک ڈاکٹر ہے تو آپ محفوظ ہاتھوں میں ہیں۔ وزیراعظم عمران خان نے میڈیا کو طاقت مانا ہے۔ ہم میڈیا کو موثر رابطے کا ایک ذریعہ سمجھتے ہیں حکومتی بیانیہ میڈیا کے بغیر عوام تک نہیں پہنچ سکتا۔ جب ہماری حکومت آئی تو میڈیا میں غیریقینی صورتحال تھی۔ ہمارے مورچوں سے بھی میزائل چلتے تھے اس کی وجہ سے سانس لینا مشکل تھا اور مسائل پیدا ہوئے۔ میں نے آتے ہی آکسیجن کا لیول بڑھانا شروع کر دیا تاکہ میڈیا کی سانس بحال ہو اور میڈیا کے واجبات کی ادائیگی شروع کی۔ سابقہ حکومت میں اشتہار مخصوص لوگوں نے اپنی خودنمائی کے لئے جاری کئے۔ مگر اس کے باوجود ہم نے فیصلہ کیا کہ ہم تمام بقایاجات دیں گے۔ ہمیں اپنی ذمہ داری کا احساس ہے حکومت وقت خاندان کے سربراہ کی طرح ہوتی ہے جو ہر کسی کا خیال رکھتی ہے۔

    ان کا کہنا تھاکہ میڈیا کے تمام جائز مطالبات پورے کرنا ہمارا ویژن ہے۔ اس کی وجہ سے سب سے زیادہ میڈیا ورکر متاثر ہوتا ہے اور میڈیا ورکر عمران خان کے دل کے بہت قریب ہیں۔ عمران خان نے اسی احساس کے جذبے کے تحت شوکت خانم بنایا۔ پناہ گاہ، احساس اور کفالت پروگرام شروع کئے۔ عمران خان چاہتے ہیں کہ پسے ہوئے طبقے کو ریلیف دیا جائے۔ عمران خان کے دل میں انسانیت کی خدمت کا جذبہ ہے۔ ہمیں اب ماضی میں نہیں حال میں رہنا ہے اور مستقبل کی تیاری کرنی ہے۔ لڑائی سے مسائل حل نہیں ہو سکتے۔ مذاکرات سے ہی تمام مسائل حل کئے جاتے ہیں چاہے چھوٹے ہوں یا بڑے۔ معاون خصوصی نے کہا کہ واجبات کی ادائیگی میں کچھ مسائل ہیں جس کو دور کر رہے ہیں۔ انہوں نے کہا کہ عید سے پہلے جو واجبات ادا کئے گئے تھے اور شرط رکھی گئی تھی کہ اس سے تنخواہیں ادا کی جائیں گی ان میں کچھ اداروں نے ورکروں کو تنخواہیں ادا کیں اور کچھ نے…

    واضح رہے کہ موجودہ حکومت میں اشتہارات کے مسئلہ پر الیکٹرونک و پرنٹ‌میڈیا کی طرف سے ملک بھر میں‌ہزاروں‌ورکرز کو نکالا گیا جس پر صحافتی برادری شدید مشکلات کا شکار ہے اور یہ معاملہ ابھی تک حل نہیں‌ ہو سکا ہے.

  • وزیراعظم نے امریکا کا دورہ کرنے کا فیصلہ کر لیا، اہم خبر

    وزیراعظم نے امریکا کا دورہ کرنے کا فیصلہ کر لیا، اہم خبر

    وزیراعظم عمران خان نے امریکا کا دورہ کرنے کا فیصلہ کر لیا

    باغی ٹی وی کی رپورٹ کے مطابق وزیراعظم عمران خان سعودی عرب، ایران ،ترکی و دیگر ممالک کے دوروں کے بعد اب امریکا جانے کا فیصلہ کر لیا ہے. وزیراعظم عمران خان سے پاکستان تحریک انصاف امریکہ کے سینئر رہنما سجاد برکی اور عاطف خان نے وزیراعظم چیمبر پارلیمنٹ ہاوس میں ملاقات کی.

    وزیراعظم آفس کے میڈیا ونگ کی طرف سے جاری بیان کے مطابق ملاقات میں وزیراعظم عمران خان کے آئندہ دورہ امریکہ سے متعلق تبادلہ خیال ہوا۔

    وزیراعظم عمران خان کے دورہ امریکا کے حوالہ سے ابھی تک باقاعدہ تاریخ طے نہیں ہوئی، وزیراعظم کا وزارت عظمیٰ کا حلف اٹھانے کے بعد پہلا دورہ امریکا ہو گا جس کے بارے میں آج ملاقات میں بات چیت ہوئی

    واضح رہے کہ گزشتہ برس جب تحریک انصاف کی حکومت قیام میں آئی تھی اس وقت امریکی صدر ڈونلڈ ٹرمپ نے بیان دیا تھا کہ واشنگٹن نے اسلام آباد کو بہت کچھ دیا لیکن اس نے بدلے میں کچھ نہیں دیا.امریکی صدر کے بیان پر ردعمل دیتے ہوئے سماجی رابطے کی ویب سائٹ ٹوئٹر پرپیغام میں وزیر اعظم عمران خان نے کہا تھا کہ دہشت گردی کے خلاف جنگ میں پاکستان نے 75 ہزار جانیں قربان کیں اور معیشت کو ایک سو 23 ارب ڈالر کا نقصان بھی ہوا جبکہ امریکی امداد صرف 20 ارب ڈالر تھی۔ ستمبر 2001 کے حملے میں کوئی پاکستانی ملوث نہیں تھا لیکن پھر بھی پاکستان نے دہشت گردی کے خلاف عالمی جنگ میں امریکا کا ساتھ دینے کا فیصلہ کیا تھا۔ اس جنگ میں ہمارے قبائلی علاقے تباہ ہوئے جس کے نتیجے میں لاکھوں افراد بے گھر ہوئے، دہشت گردی کے خلاف اس جنگ نے پاکستانی عوام کی زندگیوں پر بدترین اثرات مرتب کیے .

  • چار کشمیری شہداء کی نماز جنازہ میں ہزاروں افراد کی شرکت، علاقہ میں مکمل ہڑتال

    چار کشمیری شہداء کی نماز جنازہ میں ہزاروں افراد کی شرکت، علاقہ میں مکمل ہڑتال

    مقبوضہ کشمیر میں بھارتی فوج کے ہاتھوں گزشتہ روز شہید ہونے والے چار کشمیریوں کو سپرد خاک کر دیا گیا، نماز جنازہ میں ہزاروں افراد نے شرکت کی، کشمیریوں نے اس موقع پر مودی سرکار کے خلاف شدید نعرے بازی کی

    باغی ٹی وی کی رپورٹ کے مطابق بھارتی فوج نے گزشتہ روز سرچ آپریشن کے دوران چار کشمیریوں‌ کو شہید کر دیا تھا جن کے نماز جنازہ میں ہزاروں افراد نے شرکت کی.بھارتی فوج کے ہاتھوں شہید کشمیری نواجونوں شوکت احمد میر کو چند پورہ راجپورہ پلوامہ، آزاد احمد کھانڈے کو بامنوپلوامہ، سہیل احمد بٹ کوبٹہ مڈن پلوامہ اور رفیع الحسن میر کوکرالہ چیک میں تدفین کی گئی.

    اس موقع پر مقبوضہ کشمیر کے علاقوں شوپیاں اور پلوامہ میں مکمل ہڑتال رہی، کاروباری مراکز، تعلیمی ادارے بند رہے ، سڑکوں پر ٹریفک بھی نظر نہ آئی. کشمیری شہداء کے نماز جنازہ کے موقع پر بھارتی فوج نے علاقہ بھر میں موبائل اور انٹرنیٹ سروس بند کی ہوئی تھی.

    نماز جنازہ کے موقع پر کشمیریوں نے بھارت سرکار کے خلاف احتجاج کیا تو بھارتی فوج نے پیلٹ گن کا استعمال کیا جس سے کئی کشمیری زخمی ہو گئے.