Category: اہم خبریں

نیب نے جعلی اکاؤنٹس کیس میں سابق صدر آصف زرداری کو دوبارہ طلب کر لیا ہے۔

باغی ٹی وی کی رپورٹ‌کے مطابق 23 مئی کو آصف زرداری نے عدم پیشی کے لئے درخواست دی تھی. اب سابق صدر آصف زرداری کو نیب ہیڈکوارٹر میں 29 مئی کو طلب کیا گیا ہے.

سابق صدر کو غیر قانونی ٹھیکوں، پاور پروجیکٹس کے کیسوں‌ میں پیش ہونے کیلئے کہا گیا ہے. نیب کی کمبائنڈ انوسٹی گیش ٹیم سابق صدر کا بیان ریکارڈ کرے گی.

نیب نے بلاول بھٹو کو بھی 29 مئی کو طلب کر رکھا ہے. ادھر بلاول بھٹو نے عمران خان پر تنقید کرتے ہوئے کہا ہے کہ وہ نیب پر دباؤ ڈال رہے ہیں اور اسے زبردستی کے انداز میں چلا رہے ہیں.

وفاقی وزیر عمر ایوب خان نے کہا ہے کہ نواز شریف حکومت نے پاور سیکٹر اور معیشت کے میدان میں ہمارے لئے بارودی سرنگیں‌ بچھائیں ہم انہیں آہستہ آہستہ ختم کر رہے ہیں.

باغی ٹی وی کی رپورٹ کے مطابق عمر ایوب نے کہاکہ مسلم لیگ ن حکومت نے انتخابات میں کامیابی کیلئے بجلی کے بل ادا نہ کرنے والوں‌کو بھی بجلی فراہم کی اور ان کے خلاف کاروائی نہیں‌کی گئی. تیل کی قیمتوں کو مصنوعی طور پر روک کر رکھا گیا۔

انہوں نے ہفتہ کے دن پریس کانفرنس کرتے ہوئے کہا کہ پاکستان مسلم لیگ ن کی حکومت کی نااہلی سے گردشی قرضہ 450 ارب روپے تک پہنچا۔ 31 دسمبر 2020ء تک گردشی قرضوں کو صفر کر کے دکھائین گے۔

عمر ایوب خان کا کہنا تھا کہ بلوں کی وصولی میں آٹھ ماہ کے دوران 81 ارب روپے کا اضافہ ریکارڈ کیا گیا۔ آج 80 فیصد علاقوں میں بجلی کی لوڈ شیڈنگ ختم ہو چکی ہے۔ نپیرا نے 3.84 روپے فی یونٹ بجلی مہنگی کی درخواست دی ہے۔ بلوچستان میں 2000 میگا واٹ کے منصوبوں کے لیے بات چیت چل رہی ہے۔

یاد رہے کہ موجودہ حکومت مہنگائی اور ڈالر کی قیمتوں‌ پر قابو پانے میں ناکام رہی ہے.

اینٹی نارکوٹکس فورس (اے این ایف) کی انٹیلی جنس نے جدہ جانے والے ایک مسافر سے بڑی مقدار میں منشیات برآمد کرلیں۔

باغی ٹی وی کی رپورٹ کے مطابق اے این ایف کی جانب سے اسلام آباد ایئر پورٹ ایک مسافر کی تلاشی لی گئی تو اس کے پاس موجود
6 مصنوعی سیبوں کے اندرسے ایک کروڑ روپے مالیت کی چھپائی گئی ہیروئن برآمد کر لی گئی. یہ کاروائی خفیہ اطلاعات پر کی گئی اور ملزم کو بھی حراست میں‌لے لیا گیا ہے.

رکھی تھی۔ خفیہ اطلاع پر کی گئی کارروائی میں نہ صرف منشیات برآمد کرلی گئی بلکہ ملزم کو بھی گرفتار کرلیا گیا ہے۔

میڈیا رپورٹس میں بتایا گیا ہے کہ گرفتار ہونے والا ملزم وسیم گل کوہاٹ کا رہنے والاے اور وہ سعودی عرب کے شہر جدہ جانا چاہتا تھا تاہم اسے پہلے ہی پکڑ لیا گیا. یوں‌اگر دیکھا جائے تو اے این ایف نے ایک پاکستانی کا سر قلم ہونے سے بچا لیا ہے. کیونکہ وہاں منشیات لے جانے والے کا سر قلم کر دیا جاتا ہے.

پاکستان کرکٹ بورڈ نے ورلڈ کپ کے دوران قومی کرکٹ ٹیم کے شادی شدہ کھلاڑیوں کو اپنی فیملی ساتھ رکھنے کی اجازت دے دی ہے جس پر کھلاڑیوں‌نے خوشی کا اظہار کیا ہے۔

باغی ٹی وی کی رپورٹ‌کے مطابق بھارت سمیت دیگر ملکوں کے کھلاڑیوں‌کو اپنی فیملیاں‌ ساتھ رکھنے کی اجازت ہے. پاکستانی کھلاڑیوں نے بھی کرکٹ بورڈ کو اس سلسلہ میں‌لگائی گئی پابندی ختم کرنے سے متعلق درخواست دی تھی جس پر دیگر ٹیموں‌ کو مدنظر رکھتے ہوئے یہ فیصلہ کیا گیا ہے.

پاکستان کرکٹ بورڈ کی طرف سے حارث سیل اور آصف علی کو اپنی فیملی ساتھ رکھنے کی اجازت تھی اور وہ خصوصی اجازت کے سبب دیگر کھلاڑیوں‌پر اس پابندی سے مستثنی تھے. تاہم اب ورلڈ کپ 2019 کے دوران سب کھلاڑیوں‌ کو یہ اجازت حاصل ہو گئی ہے.

پاکستان ٹیم اپنا چوتھا میچ 12 جون کو آسٹریلیا کے خلاف کھیل رہی ہے جس کے بعد کھلاڑی اپنی فیملی کو ساتھ رکھ سکیں گے۔

پی سی بی کے اس فیصلہ پر کرکٹ ٹیم کے کھلاڑیوں‌نے خوشی کا اظہار کیا ہے اور اس فیصلہ کو درست قرار دیا ہے.

مشیر خزانہ عبدالحفیظ شیخ نے کہا ہے کہ آئی ایم ایف سے قرض 3.20فیصد سالانہ شرح سود پر ملے گا. بجٹ میں حکومتی اخراجات کم سے کم رکھنے کی کوشش ہوگی. چیئرمین ایف بی آر کو 5ہزار550ارب کا ٹارگٹ دے رہے ہیں. 50لاکھ گھروں کے ہاؤسنگ پروگرام سے 28سیکٹرز میں ملازمتیں پیداہوسکتی ہیں.

باغی ٹی وی کی رپورٹ کے مطابق مشیر خزانہ نے کہاکہ ڈیوٹی لگا کردرآمدات 2ارب کم کی گئیں. پانچ ایکسپورٹ سیکٹرز کو مراعات دی گئیں. 9ارب ڈالر سے زائد دوست ممالک سے ارینج کیے گئے. زرمبادلہ ذخائر 10ارب رہ گئے تھے. اثاثےڈکلیئریشن اسکیم بہت آسان بنائی ہے . آنے والا سال استحکام کا سال ہوگا ،معیشت کو مستحکم کرناچاہتے ہیں. آئی ایم ایف پروگرام سے دنیا کو مثبت پیغام جائے گا،6 ارب ڈالرکا پروگرام تین سال کے لیے ہے. 28 ممالک سے 1لاکھ 52 ہزار پاکستانیوں کا ڈیٹا حاصل کیا گیا ہے، حکومت نے نئے ذرائع سے ٹیکس نادہندگان کا ڈیٹا حاصل کیا ہے. بجٹ میں فلسفہ ہے کہ ٹیکس دینے والوں پر اضافی بوجھ نہ ڈالا جائے. ایک لاکھ کمپنیاں ایس ای سی پی سے رجسٹرڈ ہیں ،صرف آدھی ٹیکس بھرتی ہیں. بجٹ میں آمدنی کا ہدف 5 ہزار 550 ارب ہوگا

انہوں نے کہاکہ اسٹاک مارکیٹ میں پچھلے چند دن کے دوران 7فیصد اضافہ ہواہے. اسکیم کے مطابق کیش ہے تو بینک میں دکھانے ہوں گے
آئی ایم ایف سے قرض پر سود کی شرح 3.2فیصد ہوگی. ورلڈ بینک اور ایشیائی ترقیاتی بینک سے پروگرام لون لے سکیں گے. حکومت سنبھالی تو 31ہزار ارب روپے قرض تھا. آئی ایم ایف کے ساتھ اسٹامپ پیپر پر سمجھوتہ ہوگا.

مشیر خزانہ عبدالحفیظ شیخ کا کہنا ہے کہ آنے والے دنوں میں بہت اہم فیصلے کیےجائیں گے. واضح رہے کہ پچھلے دو دنوں‌میں‌ڈالر کی قیمت میں‌ معمولی کمی آئی ہے.