Category: اہم خبریں

سیکیورٹی فورسز کی کارروائی،گرل فرینڈ سے ملاقات کیلئے پہنچنے والا بی ایل ایف کا انتہائی مطلوب کمانڈر بادل عرف دلدار آواران کولوا سیکٹر میں سیکیورٹی کے ساتھ جھڑپ میں مارا گیا۔

بادل عرف دلدار 2013 سے بی ایل ایف کے لکھو گروپ کا حصہ تھا اور 2020 میں اسے کمانڈر کے عہدے پر ترقی دی گئی تھی۔ وہ متعدد دہشت گرد کارروائیوں میں ملوث رہا، جن میں سیکیورٹی اہلکاروں کی شہادت اور 26 اہلکاروں کے زخمی ہونے کے واقعات شامل ہیں۔

سیکیورٹی فورسز نے آواران کے کولوہ سیکٹر میں کامیاب آپریشن کرتے ہوئے بی ایل ایف کے ایک اہم کمانڈر بادل عرف دلدار کو ہلاک کر دیا۔12 جنوری کو، وہ سیکیورٹی فورسز کے ساتھ فائرنگ کے تبادلے میں اس وقت مارا گیا جب وہ اپنی گرل فرینڈ سے ملنے ایک مقام پر پہنچا۔ بادل کے قبضے سے اسلحہ،گولہ بارود بھی برآمد ہوا ہے.

ارشد شریف قتل کیس آخری مراحل میں داخل ہوگیا، وفاقی آئینی عدالت نے کیس نمٹانے کا عندیہ دے دیا۔

وفاقی آئینی عدالت نے ارشد شریف قتل کیس میں فریقین کو 5 دن میں تحریری معروضات جمع کروانے کا حکم دیدیا، قرار دیا کہ تحریری معروضات آجائیں پھر مناسب حکم جاری کریں گے۔جسٹس عامر فاروق کا کہنا ہے کہ حقیقیت یہ ہے تفتیش کا عمل کافی سست ہے، ہم کسی کو الزام نہیں دینا چاہتے کہ فلاں کا قصور ہے۔

وکیل بیوہ ارشد شریف نے کہا کہ سوموٹو کی بنیاد پر کمیشن بنا اور تفتیش ابھی تک چل رہی ہے جسٹس عامر فاروق نے وکیل سے استفسار کیا کہ کینیا میں ابھی تک کیا ہوچکا ہے ، وکیل بیوہ ارشد شریف نے کہا کہ ہم نے کینیا میں کیس کیا تھا اس کا فیصلہ ہمارے حق میں ہوا ، ہم نے کینیا کی عدالت سے ایکسڈنٹ سے قتل کا وقوعہ بنانے کی استدعا کی تھی ، کینیا کی عدالت نے ہماری استدعا منظور کرکے تفتیش کا حکم دے دیا تھا ،ابھی تک کینیا کی تفتیش میں بھی کوئی پیش رفت نہیں ہوئی ،ہماری پاکستان کی حکومت سے بھی یہی درخواست ہے اور اس عدالت میں آنے کا مقصد بھی یہ ہے کہ حکومت ہمارے ساتھ کھڑی ہو ، حکومت اور ہمارے اپروچ کرنے میں فرق ہے ، ایڈیشنل اٹارنی جنرل نے کہا کہ جے آئی ٹی رپورٹ عدالت میں پیش کی گئی تھی ،شروع میں کینیا حکومت نے تفتیش میں مدد سے انکار کردیا تھا ،گزشتہ سال ستمبر میں دونوں ممالک کے درمیان ایم ایل اے ہوا ، مزید تفتیش کے لیے اب جب کینیا حکومت جب ہمیں کہے گی ہم اپنی ٹیم جائے وقوعہ پر بھیجیں گے ،

جسٹس عامر فاروق نے ایڈیشنل اٹارنی جنرل سے استفسار کیا کہ اب بنیادی سوال یہ ہے کہ ہم اس کیس میں کیا کرسکتے ہیں ، دونوں ممالک کے درمیان معاہدے کے بعد کیا کیا جا سکتا ہے ، ایڈیشنل اٹارنی جنرل نے کہا کہ اب ہم اس وقت کینیا کا رہ تفتیش کرسکتے ہیں ،جائے وقوعہ پر جائیں گے ، کینیا حکومت جو شواہد دے گی ،

دوران سماعت عمران فاروق قتل کیس کا تذکرہ سامنے آیا، جسٹس عامر فاروق نے کہا کہ یاد ہوگا کہ عمران فاروق قتل بھی انگلینڈ میں ہوا تھا ، انگلینڈ میں تفتیش ہوئی ، انگلینڈ پولیس کے ساتھ پاکستان پولیس نے مل کر تفتیش کی ، ایڈیشنل اٹارنی جنرل نے کہا کہ عمران فاروق اور ارشد شریف قتل کی نوعیت تبدیل ہے ،ہم نے چالان جمع کروا دیا ہے دو ملزمان کو نامزد کردیا ہے ، جسٹس عامر فاروق نے کہا کہ دونوں ملزمان اس وقت کینیا میں گرفتار ہیں کیا ؟ایڈیشنل اٹارنی جنرل نے کہا کہ ملزمان گرفتار نہیں ہم نے ان کے بلیک وارنٹ جاری کردیے ہیں ، جسسٹس عامر فاروق نے استفسار کیا کہ اب ملزمان کو انٹر پول کے ذریعے ہی گرفتار کیا جا سکتا ہے ؟ایڈیشنل اٹارنی جنرل کا کہنا تھا کہ انٹر پول کو ملزمان کی گرفتاری کیلئے خط لکھا ہوا ہے ، اس وقت پاکستان میں تفتیش مکمل ہوچکی ہے ، وزیر اعظم نے خود کینیا کے صدر سے فون پر رابطہ کیا ہے ، پوری کوشش ہے کہ جلد سے جلد تفتیش مکمل کرلیں .

باغی ٹی وی نے اپنے کامیاب سفر کے ساتھ 14 برس مکمل کر لئے

باغی ٹی وی کے 14برس مکمل ہونے پر باغی ٹی وی ٹیم نے سینئر صحافی و اینکر پرسن سی ای او باغی ٹی وی مبشر لقمان کو مبارکباد دی اور نیک خواہشات کا اظہار کیا،باغی ٹی وی کے 14برس مکمل ہونے پر سیاسی و سماجی رہنماؤں نےبھی مبارکباد کے پیغام بھجوائے ہیں، اور نیک خواہشات کا اظہار کیا ہے ،

باغی ٹی وی کے سی ای او مبشر لقمان نے 14برس قبل باغی ٹی وی کا آغاز کیا جس کا سفر اب بھی کامیابی سے جاری و ساری ہے ،ڈیجیٹیل میڈیا کے سب سے بڑے ادارے باغی ٹی وی نے کامیابیوں کے ساتھ اپنے قیام کے 14 سال مکمل کرلیے ہیں‌،باغی ٹی وی کے قیام کا مقصد کرپشن ، جہالت ، ظلم اور زیادتی کے خلاف جدوجہد کرنا اوران برائیوں کے خاتمے کے لیے معاشرے کی آوازکو بلند کرنا اوراسے مناسب فورم پر پیش کرنا تھا اورہے بھی اور رہے گا بھی، باغی ٹی وی نے جہاں ان برائیوں کے خلاف جدوجہد جاری رکھی وہاں حق ، سچ ، مظلوم کی مدد اوردنیا سے جہالت ختم کرنےکے لیے اپنا بھرپورکردار ادا کیا جسے دنیا تسلیم بھی کرتی ہے،اس کے ساتھ ساتھ "باغی ٹی وی ” نے معاشرے کی دیگر اہم مسائل کو بھی اجاگر کیااس دوران بہت سی رپورٹس پرسرکاری حکام ، سرکاری اداروں نے کارروائیاں کیں-

اردو ۔انگلش. پشتو.دری، چائنیز پانچ زبانوں میں باغی ٹی وی کی نشریات چل رہی ہیں ،باغی ٹی وی کا یوٹیوب چینل دنیا بھر میں مقبول ہے ۔ہر سال رمضان المبارک میں باغی ٹی وی یوٹیوب چینل پر لاہور کی تاریخی بادشاہی مسجد سے نماز تراویح لائیو نشر کی جاتی ہیں۔ تحریک لبیک کے احتجاج کی کوریج کرنے پر حکومت کی جانب سے دھمکیوں کے باوجود باغی ٹی وی نے کوریج جاری رکھی ۔حکومت کی جانب سے تحریک لبیک کی کوریج کی ویڈیوباغی ٹی وی کے یوٹیوب سے ڈیلیٹ بھی کروائی گئی ہیں ۔تحریک لبیک کی کوریج کی وجہ سے باغی ٹی وی ٹویٹر کا بلیو ٹک بھی ختم کروایا گیا ہے،

باغی ٹی وی نام کی مناسبت سے معاشرے میں ہونے والی نا انصافیوں ظلم جبر کے خلاف بغاوت کا علم بلند کیے ہوئے ہے۔ ریاست پاکستان کی طرف اٹھنے والی ہر انگلی کو باغی ٹی وی صحافتی میدان میں ہر وقت جواب دینے کے لیے تیار ہے یہی وجہ ہے کہ مودی سرکار نے بھی باغی ٹی وی کا ٹویٹر اکاؤنٹ بند کروانے کی کوشش کی بلکہ درجنوں بار مودی سرکار کے زیر اثر ہیکرز کی جانب سے باغی ٹی وی کی ویب سائٹ ہیک کرنے کی ناکام کوشش بھی کی گئی-

باغی ٹی وی کی 14 ویں سالگرہ کے موقع پر سیاسی و سماجی رہنماؤں کی جانب سے مبارکباد کے پیغامات دیئے گئے، روئیت ہلال کمیٹی کے چیئرمین وتاریخی بادشاہی مسجد کے امام مولانا عبدالخبیر آزاد،مرکزی مسلم لیگ کے ترجمان تابش قیوم، سابق سیکرٹری لاہور پریس کلب عبدالمجید ساجد، دعوت اسلامی کے میڈیا ڈیپارٹمنٹ کے ہیڈ عثمان عطاری، اسلام آباد سے سینئر صحافی پروفیسر طاہر نعیم ملک،کراچی سے ملک ضمیر،ہیلپنگ ہینڈ کے میڈیا ہیڈ سید عابد بخاری،آل پاکستان رائیٹرز ویلفیئر ایسوسی ایشن کے بانی ایم ایم عالی، المصطفیٰ ٹرسٹ کے رکن محمد نواز کھرل،حامد رضا، لاہور سے صحافی جان محمد رمضان، دارالسلام کے میڈیا ہیڈ ارشاد احمد ارشد، ڈسٹرکٹ یونین آف جرنلسٹ ضلع تلہ گنگ کے چیئرمین ملک امتیاز لاوہ، تلہ گنگ پریس کلب کے وائس چیئرمین ملک ارشد کوٹگلہ،سمیت دیگر نے مبارکباد کے پیغامات بھجوائے اور نیک تمناوں کا اظہار کرتے ہوئے کہا کہ باغی ٹی وی نے معاشرے میں حقیقی اور مثبت صحافت کو فروغ دیا جس کا سہرا مبشر لقمان کے سر جاتا ہے، امید کرتے ہیں کہ باغی ٹی وی کا سفر کامیابی سے جاری و ساری رہے گا.

پاکستان کے معروف اور سینئر صحافی و اینکرپرسن،باغی ٹی وی کے سی ای او مبشر لقمان کی 63ویں سالگرہ کی تقریب 365 نیوز کھرا سچ کے دفتر میں منعقد کی گئی۔ اس موقع پر ٹیم کھرا سچ، باغی ٹی وی کے ارکان اور 365 نیوز کے ساتھیوں کی موجودگی میں مبشر لقمان نے کیک کاٹا۔ تقریب میں شریک تمام عملے نے انہیں مبارکباد دی اور ان کی صحت مند اور خوشحال زندگی کے لیے دعا کی۔

تقریب میں نوید شیخ ایگزیکٹو پروڈیوسرکھراسچ، ارسا سہیل پروڈیوسر، عبدالرؤف پروڈیوسر، علی رضا ایسوسی ایٹ پروڈیوسر،اور باغی ٹی وی کے ایڈیٹر ممتاز حیدر اعوان شامل تھے۔شرکاء نے مبشر لقمان کی صحافتی خدمات کو خراج تحسین پیش کرتے ہوئے ان کے حق گوئی اور جرات مندانہ انداز کو سراہا۔ یاد رہے کہ مبشر لقمان اپنی بے باک صحافت، جرات مندانہ تجزیوں اور سچائی کے لیے اپنی غیر متزلزل وابستگی کے لیے جانے جاتے ہیں۔ انہوں نے ہمیشہ دیانت داری اور اصولوں پر مبنی صحافت کے ذریعے پاکستانی میڈیا میں اپنا مقام بنایا ہے۔

مبشر لقمان باغی ٹی وی کے سی ای او اور کھرا سچ پروگرام کے میزبان ہیں۔ باغی ٹی وی اور کھراسچ کی ٹیم نے ان کی قیادت کو سراہتے ہوئے انہیں پاکستانی صحافت کا ایک چمکتا ستارہ قرار دیا، جو عوام کو حقائق سے روشناس کرانے اور ناانصافی کے خلاف آواز بلند کرنے میں ہمیشہ پیش پیش رہے ہیں۔تقریب کے دوران شرکاء نے مبشر لقمان کے لیے نیک خواہشات کا اظہار کیا اور ان کی خدمات کے اعتراف میں ان کی سالگرہ کو ایک یادگار موقع قرار دیا۔ ان کی جرات مند اور بے خوف صحافت پاکستانی میڈیا کی دنیا میں ایک قابل تقلید مثال ہے، جس نے ہمیشہ عوام کے لیے سچائی کا راستہ روشن کیا ہے۔

وزیراعظم محمد شہباز شریف سے صوبہ خیبر پختونخوا سے تعلق رکھنے والے عوامی نمائندگان نے ملاقات کی۔

ملاقات کے دوران صوبہ خیبر پختونخوا کی مجموعی سیاسی صورتحال اور عوام کو درپیش مسائل پر تفصیلی تبادلۂ خیال کیا گیا۔ عوامی فلاح، ترقیاتی منصوبوں اور گورننس سے متعلق امور بھی زیر بحث آئے۔وزیراعظم شہباز شریف کا کہنا تھا کہ ہمیں خیبر پختونخوا کے عوام کے مسائل کا مکمل ادراک ہے اور وفاقی حکومت اپنے دائرہ اختیار کے تحت ان مسائل کے پائیدار حل کے لیے سنجیدہ اقدامات کر رہی ہے۔خیبر پختو نخوا میں جاری وفاقی ترقیاتی منصوبوں کی بروقت تکمیل اور عوامی مسائل کا حل وفاقی حکومت کی ترجیحات میں شامل ہے۔

شرکا نے بتایا کہ خیبر پخونخوا کی حکومت مکمل طور پر ناکام ہوچکی ہے. گورننس نام کی کوئی چیز نہیں. صحت، تعلیم، انفرا سٹرکچر، اور عوامی فلاح کے حوالے سے خیبر پختونخوا کی حکومت کے پاس کوئی واضح پالیسی موجود نہیں. عوامی مسائل پر خیبر پختو نخوا حکومت کی کوئی توجہ نہیں ھے ،وزیراعظم نے عوامی نمائندوں پر زور دیا کہ وہ عوامی مسائل کے حل کو اپنی اولین ترجیح بنائیں ۔ وزیر اعظم نے بتایا کہ کچھ عرصہ پہلے ہری پور میں پورے صوبہ خیبر پختونخوا سے تعلق رکھنے والے طلبہ و طالبات میں میرٹ پر لیپ ٹاپ تقسیم کئے. ان نوجوانوں سے مل کر خوشی ہوئی اور یہی نوجوان پاکستان کا مستقبل کا اثاثہ ہیں. ان نوجوانوں کے لئے آیندہ بھی میرٹ پر لیپ ٹاپ دینے کی پالیسی جاری رہے گی تاکہ ملک کی ترقی میں اپنا بھرپور کردار ادا کر سکیں.

وزیر اعظم نے خیبر پختونخواہ میں وفاق کے زیر اہتمام ترقیاتی منصوبوں کے حوالے سے وزیر منصوبہ بندی احسن اقبال کی سربراہی میں کمیٹی تشکیل دی جو کہ پشاور کا دورہ کرے گی اور عوامی نمائندگان سے مل کر ان منصوبوں کی پیش رفت کا جائزہ لے گی. ملاقات میں ڈپٹی وزیر اعظم اور وزیر خارجہ اسحاق ڈار، وزیر اطلاعات عطاللہ تارڑ، وزیر قانون اعظم نذیر تارڑ، وزیر پارلیمانی امور طارق فضل چودھری، وزیر اعظم کے مشیر رانا ثناللہ، کیپٹن ریٹائرڈ صفدر، بابر نواز ایم این اے، ثمر بلور ایم این اے، اختیار ولی (کوآرڈینیٹر وزیراعظم)، مرتضیٰ جاوید عباسی سابق ڈپٹی اسپیکر، زاہد خان سابق سینیٹر، ڈاکٹر عباداللہ ایم پی اے، پیر صابر شاہ، سردار مشتاق سابق ایم این اے، شاہ جی گل آفریدی سابق ایم این اے، شہاب الدین خان رحمت سلام خٹک اور بہرہ مند تنگی موجود تھے۔

سوشل میڈیا پر ایک چونکا دینے والی ویڈیو وائرل ہو رہی ہے جس میں افغان طالبان سے تعلق رکھنے والے ایک جنگجو قاری عمر لغمانی کو پاکستان کے ایک غیر ظاہر کردہ علاقے میں فلمایا گیا دکھایا جا رہا ہے۔ ویڈیو کے منظرِ عام پر آنے کے بعد پاکستان میں افغان طالبان کی مبینہ موجودگی سے متعلق خدشات اور سوالات ایک بار پھر شدت اختیار کر گئے ہیں۔

ذرائع کے مطابق یہ ویڈیو حالیہ دنوں میں لیک ہوئی جس میں مذکورہ شخص خود کو قاری عمر لغمانی ظاہر کرتا ہے۔ مبصرین کا کہنا ہے کہ اگر ویڈیو کی صداقت ثابت ہوتی ہے تو یہ پاکستان کی داخلی سلامتی اور سرحدی انتظامات کے حوالے سے ایک اہم اور سنجیدہ معاملہ ہو سکتا ہے۔سیکیورٹی تجزیہ کاروں کے مطابق ویڈیو کو پاکستان کے ایک نامعلوم علاقے میں فلمایا گیا دیکھا جا سکتا ہے، یہ ویڈیو پاکستان میں افغان طالبان کی موجودگی کو بے نقاب کرتی ہے ،اس پر تحقیقات اور کاروائی کی ضرورت ہے،سرحد پار سے پاکستان میں دہشتگردی کے متعدد واقعات پیش آ چکے ہیں،اب افغان طالبان کی موجودگی خطرے کی گھنٹی ہے.