Category: اہم خبریں

تحریک انصاف کے امیدواروں کی آزاد حیثیت سے متعلق ہائیکورٹ کا فیصلہ م الیکشن کمیشن میں پی ٹی آئی امیدوار سلمان اکرم راجہ کی درخواست پر سماعت ہوئی

لاہورہائیکورٹ نے الیکشن کمیشن کو پی ٹی آئی آزاد امیدواروں سے متعلق سننے کی ہدایت کی تھی، وکیل سمیر کھوسہ نے کہا کہ بلکل سیاسی جماعت بغیر انتخابی نشان کے انتخابات میں حصہ لے سکتی ہے آئینی حق ہے،الیکشن ایکٹ کے مطابق تحریک انصاف ابھی بھی رجسٹرڈ سیاسی جماعت ہے،ممبر کے پی اکرام اللہ نے کہا کہ یہ بھی سوال ہے کہ کیا اب بھی پی ٹی آئی اب رجسٹرڈ سیاسی جماعت ہے؟پی ٹی آئی نے پانچ سال سے زائد الیکشن نہیں کرائے،گھر میں اپنا کچھ بھی نام رکھیں پی ٹی آئی کے پاس اس وقت کوئی قانونی حیثیت نہیں، پی ٹی آئی کے پاس اس وقت کوئی سرٹیفکیٹ نہیں، سرٹیفکیٹ کے بغیر اس وقت پی ٹی آئی کا کوئی وجود نہیں ہے،وکیل سمیر کھوسہ نے کہا کہ قانون کے مطابق پی ٹی آئی کی رجسٹریشن پر کوئی مسئلہ نہیں،ممبر بلوچستان شاہ محمد جتوئی نے کہا کہ اب تو پارٹی میں کوئی عہدیدار نہیں تو ٹکٹ کیسے جاری ہوئے؟وکیل سمیر کھوسہ نے کہا کہ جب پارٹی ٹکٹ جاری ہوئے تو بیرسٹر گوہر تحریک انصاف کے چیئرمین تھے، ٹکٹ جاری کرتے وقت پشاور ہائیکورٹ آڈرزکے مطابق بیرسٹر گوہر خان چیئرمین تھے، ٹکٹ جمع کراتے وقت تحریک انصاف کے پاس پشاور ہائیکورٹ کا فیصلہ موجود تھا،میں نے کاغذات میں پارٹی پی ٹی آئی لکھی جبکہ فارم 33میں مجھ آزاد امیدوار ظاہر کیاگیا

ممبر پنجاب نے کہا کہ آپ چاہتے کیا ہیں؟ وکیل سمیر کھوسہ نے کہا کہ درخوستگزار نے پارٹی کا ٹکٹ جاری کیا انکو پارٹی کا امیدوار ڈکلیئرکرے،انتخابی نشان صرف قانونی فائدہ یا کم پڑھے لکھوں کو پہچان میں آسانی ہوتی ہے،ووٹرز یا تو سیاسی جماعت یا آزاد امیدوار کو ووٹ کرتے ہیں،بے نظیر کیس میں سپریم کورٹ نے انتخابی عمل میں حصہ لینے کو آرٹیکل 17کے تحت حق قرار دیا،ممبر کے پی اکرم اللہ نے کہا کہ لاہور ہائیکورٹ نے ہمارے لئے کیا حکم دیا؟وکیل سمیر کھوسہ نے کہا کہ ہائیکورٹ نے کہاہے کہ فارم 33کے کالم میں آزاد لکھا ہے، لاہور ہائیکورٹ نے معاملہ سماعت کیلئے الیکشن کمیشن کو بھجوایا،لاہور ہائیکورٹ کے فیصلے سے متعلق سپریم کورٹ میں اپیل بھی فائل کی،ممبر پنجاب نے کہا کہ دو فورمز پر ایک درخواست پر کیسے سماعت کی جاسکتی ہے؟ چیف الیکشن کمشنر نے استفسار کیا کہ آپ کیا چاہتے ہیں سپریم کورٹ سماعت کرے یا الیکشن کمیشن ؟وکیل سمیر کھوسہ نے کہا کہ ہم بیلٹ پیپرز کی تبدیلی یا الیکشن کا التواء نہیں چاہتے ،سلمان اکرم راجہ نے صرف آذاد حیثیت کو چیلنج کیا ہے،الیکشن کمیشن صرف فارم 33 میں ترمیم کر کے آذاد حیثیت ختم کرے، ممبر اکرام اللہ خان نے کہا کہ الیکشن ایکٹ رول 94 کے مطابق سیاسی جماعت وہ ہے جس کو انتخابی نشان الاٹ کیا ہو، پی ٹی آئی کو انتخابی نشان الاٹ نہیں ہوا اور سپریم کورٹ نے فیصلہ برقرار رکھا، الیکشن کمیشن ایکٹ میں رول 94 میں ترمیم نہیں کرسکتا،

چیف الیکشن کمشنر سکندر سلطان راجہ نے کہا کہ سپریم کورٹ میں معاملہ زیر التواء ہے الیکشن کمیشن کیسے اس پر فیصلہ کرسکتا؟ وکیل سمیر کھوسہ نے کہا کہ انتخابات 8 فروری کو ہونے ہیں معاملے کی سنگینی سمجھتے ہوئے الیکشن کمیشن معاملہ دیکھے، مجھے پی ٹی آئی کا انتخابی نشان نہ دیں لیکن مجھے پی ٹی آئی کا نامزد امیدوار ڈکلئیر کردیں،ایک چیز کے جانے سے سارے حقوق نہیں چھینے جاسکتے،سپریم کورٹ نے الیکشن کمیشن کے فیصلے کی توثیق کی ،الیکشن کمیشن نے صرف پی ٹی آئی سےانتخابی نشان چھینا، باقی سب حقوق ہے،ممبر کے پی اکرم اللہ نے کہا کہ پہلے تو ہم رائے دے دیتے ہیں کہ پی ٹی آئی رجسٹرڈ سیاسی جماعت ہے یانہیں؟وکیل سمیر کھوسہ نے کہا کہ لاہور ہائیکورٹ اور الیکشن کمیشن کی ویب سائٹ پر پی ٹی آئی رجسٹرڈ سیاسی جماعت ہے،اگر الیکشن کمیشن نے رجسٹریشن ختم کرنی تھی تو بلے انتخابی نشان فیصلے میں کر دیتی، چیف الیکشن کمشنر نے کہا کہ کیا آپ چاہتے ہیں تحریک انصاف کا نام الیکشن کمیشن کی ویب سائٹ سے بھی ہٹا دیں،ممبر سندھ نثار درانی نے کہا کہ آپ سپریم کورٹ جائیں وہاں یہ مدعا رکھیں،چیف الیکشن کمشنر نے کہا کہ نہیں ٹھیک ہے انکو دلائل دینے دیں،آپ بھی بار بار اپنے دلائل دہرارہے ہیں،وکیل سمیر کھوسہ نے کہا کہ میں دلائل دہرا نہیں رہا، بنچ کے سوالوں کے جواب دے رہا ہوں،الیکشن رولز الیکشن کمیشن کے بنائے ہوئے ہیں آپ ہی معاملہ دے سکتے ہیں،درخواستگزار سلمان اکرم راجہ کے وکیل سمیر کھوسہ کے دلائل مکمل ہو گئے.

سیاسی اتحاد کیلئے الیکشن کمیشن سے پیشگی اجازت لینا ضروری ہے، چیف الیکشن کمشنر سکندر سلطان راجہ کے سلمان اکرم راجہ کیس میں ریمارکس
وکیل الیکشن کمیشن نے کہا کہ جب پی ٹی آئی نظریاتی کا سرٹیفکیٹ دیا تو ریٹرنگ افسران کو امیدواروں کو نااہل کرنا چاہیے،ممبر کے پی اکرام اللہ نے کہا کہ ہمارے پاس بھی پاور ہے کہ ہم انکو نااہل قرار دیں،سپریم کورٹ نے قرار دیا کہ ڈکلیئریشن کی خلاف ورزی سپریم کورٹ آڈرز کی خلاف ورزی ہوگی، چیف الیکشن کمشنر نے استفسارکہا کہ کیا ریکارڈ پر ہے کہ پی ٹی آئی کا پی ٹی آئی نظریاتی کے ساتھ الائنس ہے؟ الیکشن کمیشن نے کسی سیاسی جماعت کو الائنس کرنے سے نہیں روکا،ممبر شاہ محمد جتوئی نے کہا کہ پی ٹی آئی نظریاتی کے چیئرمین نے میڈیا پر الائنس سے متعلق اظہار لاتعلقی کیا، چیف الیکشن کمشنر نے کہا کہ پی ٹی آئی امیدواروں نے پہلے پارٹی کی جانب سے ٹکٹ جمع کرایا، پی ٹی آئی کا اگر الائنس ہوا تھا تو کاغذات نامزدگی جمع کراتے وقت پی ٹی آئی نظریاتی کا ٹکٹ جمع کراتے، ایک پارٹی کا ٹکٹ جمع کرواکر کسی دوسری سیاسی جماعت کا ٹکٹ جمع نہیں کرایا جاسکتا،سیاسی اتحاد کیلئے الیکشن کمیشن سے پیشگی اجازت لینا ضروری ہے، الیکشن کمیشن نے فیصلہ محفوظ کرلیا

آزاد امیدوار ریحان زیب کے قاتل گرفتار نہ ہو سکے

 اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی

خاور مانیکا کے انٹرویو پر نواز شریف کا ردعمل

ریحام خان جب تک عمران خان کی بیوی تھی تو قوم کی ماں تھیں

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

عام انتخابات، آصفہ انتخابی مہم چلانے کے لئے میدان میں آ گئیں

صارفین کا کہنا ہے کہ "تنظیم سازی” کرنے والوں‌کو ٹکٹ سےمحروم کر دیا گیا

سماعت سے محروم بچوں کے والدین گھبرائیں مت،آپ کا بچہ یقینا سنے گا

عام انتخابات، پاکستان میں موروثی سیاست کا خاتمہ نہ ہو سکا،

توشہ خانہ تحائف کا کیس،احتساب عدالت اسلام آباد نے بانی پی ٹی آئی اور بشری بی بی کیخلاف تحریری فیصلہ جاری کردیا
عدالت نے تحریری فیصلے میں کہا کہ استغاثہ اپنا کیس ثابت کرنے میں کامیاب رہی،نیب نے توشہ خانہ کیس میں عمران خان اور بشریٰ بی بی کے خلاف مقدمہ بغیر کسی شک کے ثابت کردیا.عمران خان اور بشری بی بی کو چودہ سال قید کا حکم دیا جاتا ہے،جیل میں گزارا ہوا وقت سزا میں شامل تصور ہوگا، تحریری فیصلہ 23 صفحات پر مشتمل ہے، فیصلے میں کہا گیا کہ عمران خان اور بشری بی بی نے وزیراعظم آفس کا غلط استعمال کرتے ہوئے 1573.72 ملین کا مالی فائدہ حاصل کیا، دونوں قومی خزانے کو نقصان پہنچانے کے مرتکب پائے گئے،فراڈ کے ذریعے پبلک پراپرٹی کو حاصل کیا گیا، سیٹ کی مالیت پرائیویٹ لگوائے تخمینہ سے کہیں زیادہ تھی ،عمران اور بشریٰ کو نیب آرڈیننس کی سیکشن 9 اے تھری، فور، سکس اور سیون کے تحت 14، 14 سال قید اور 787 ملین روپے کا الگ الگ جرمانہ عائد کیا جاتا ہے

احتساب عدالت کے جج محمد بشیر نے عمران خان کو 10 سال کے لیے نااہل بھی قرار دیا، عدالت نے عمران خان اور بشریٰ بی بی پرمجموعی طور پر 1 ارب 57 کروڑ 40 لاکھ روپے جرمانہ عائد کیا ،عدالت نے عمران خان پر 78 کروڑ 70 لاکھ روپے جبکہ بشریٰ بی بی پر بھی 78 کروڑ 70 لاکھ روپے کا جرمانہ عائد کیا .

واضح رہے کہ ‏توشہ خانہ کیس: عمران خان اور بشریٰ بی بی کو 14، 14 سال کی سزا سنا دی گئی.احتساب عدالت کے جج محمد بشیر نے عمران خان اور بشریٰ بی بی کو سزا سنائی،توشہ خانہ کیس میں عدالت نے عمران خان اور بشری بی بی کو 787 ملین جرمانہ بھی کیا،عدالت نے عمران خان اور بشریٰ بی بی کو عوامی عہدے کیلئے10 سال کیلئے نااہل کردیا.عدالت نے بشری بی بی کو گرفتار کرنے کا حکم جاری کر دیا.جس وقت فیصلہ سنایا گیا بشریٰ بی بی عدالت میں موجود نہیں تھی،

قبل ازیں گزشتہ روز سائفر کیس کی خصوصی عدالت نے کیس میں بانی پی ٹی آئی عمران خان اور شاہ محمود قریشی کو 10،10 سال قید با مشقت کی سزا سنادی،خصوصی عدالت کے جج ابوالحسنات ذوالقرنین نے عمران خان اور شاہ محمود قریشی کو سزا سنائی۔

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ

عمران خان اور بشریٰ بی بی کو سزا کے خلاف اسلام آباد ہائیکورٹ سے رجوع کرنے کا فیصلہ 

 بنی گالہ میں سارے سودے ہوتے تھے کہا گیا میرا تحفہ میری مرضی

ترجمان دفتر خارجہ نے کہا ہےکہ بھارت نے پاکستان میں ٹارگٹ کلنگ کروانے کے الزامات کو رد نہیں کیا، بھارت کی طرف سے پاکستان پر دہشت گردی کے الزامات نئے نہیں ہیں، بھارت تو اپنی کرکٹ ٹیم پر تنقید کرنے والوں پر دہشت گردی کا الزام لگا دیتا ہے

دفتر خارجہ میں ہفتہ وار بریفنگ دیتے ہوئے ترجمان دفتر خارجہ ممتاز زہرہ بلوچ کا کہنا تھا کہ ایران کے وزیر خارجہ نے 29 جنوری کو پاکستان کا دورہ کیا، ایرانی وزیر خارجہ نے وزیراعظم انورالحق کاکڑ ، آرمی چیف اور دیگر سے ملاقات کی۔ ایران میں پاکستانیوں کا قتل غیر انسانی ہے، پاکستان اور ایران نے اس عمل کی مذمت کی ہے،کل ان پاکستانیوں کی لاشیں پاکستان آگئی ہیں، پاکستانیوں کے قتل سے متعلق ایران سے قریبی رابطے میں ہیں اور توقع ہےکہ ایران اس واقعے کی تحقیقات کے بعد پاکستان کو معلومات دےگا،پاکستان کو جن دہشتگرد عناصر سے خطرہ ہے وہ افغانستان میں چھپے ہیں اور ہم نے افغانستان کو اس حوالے سے ثبوت بھی فراہم کیے ہیں، گزشتہ ہفتے سیکرٹری خارجہ نے پاکستانی شہریوں کی ٹارگٹ کلنگ میں بھارتی شہریوں کے ملوث ہونے کے ثبوت دیے، بھارت پاکستان میں دہشتگردی میں ملوث ہے، پاکستان ان ممالک سے رابطے میں ہے جہاں سے بھارت پاکستان میں دہشتگردی کراتا رہا۔

ترجمان دفتر خارجہ ممتاز بلوچ کا مزید کہنا تھا کہ ہم مقبوضہ کشمیر میں جاری بھارتی مظالم کی مذمت کرتے ہیں، بھارتی فوج کشمیر میں انسانی حقوق کی خلاف ورزی میں ملوث ہے، 5 فروری کو پاکستان میں یوم یکجہتی کشمیر منایا جائے گا۔ 5 فروری بھارت کے غیر قانونی زیرقبضہ جموں و کشمیر کے مظلوم کشمیریوں کے ساتھ اظہار یکجہتی کا دن ہے، نگراں وزیر خارجہ جلیل عباس جیلانی تیسرے یورپی یونین انڈو پیسفک وزارتی فورم میں شرکت کے لیے برسلز میں موجود ہیں۔ نگراں وزیر خارجہ نے برسلز میں یورپی یونین کے عہدیدران سے دوطرفہ ملاقاتیں کیں ہیں۔ وزیر خارجہ کل تیسرے یورپی یونین انڈو پیسفک وزارتی فورم کے اجلاس میں شرکت کریں گے،

ترجمان دفتر خارجہ نے سائفر کیس میں عمران خان اور شاہ محمود قریشی کو سزا پر تبصرہ کرنے سے انکار کرتے ہوئے کہا کہ ہم پاکستانی عدالتوں کے فیصلوں پر تبصرہ نہیں کرتے،

ہسپتال حملہ،اسرائیل کا انکار،اسلامک جہاد کو ذمہ دار قرار دے دیا

وائرل ویڈیو،حماس کے ہاتھوں گاڑی میں بندھی یرغمال لڑکی کون؟

اسرائیل کی طرف سے عالمی قوانین کی خلاف ورزی جاری ہے. فلسطینی صحافی

اسرائیل پر حماس کے حملے کا ماسٹر مائنڈ،ایک پراسرارشخصیت،میڈیا کو تصویر کی تلاش

اقوام متحدہ کا غزہ میں جنگ بندی کا مطالبہ

ہسپتال پر اسرائیلی حملہ ،جوبائیڈن کا دورہ اردن منسوخ

ہسپتال پر ‘اسرائیلی حملہ’ ایک ‘گھناؤنا جرم’ ہے،سعودی عرب

بلوچستان کے صوبائی دارالحکومت کوئٹہ میں دھماکہ ہوا ہے

کوئٹہ کے علاقے اسپنی روڈ پر دھماکہ ہوا ہے، دھماکے کی آواز دور دور تک سنی گئی، دھماکے کے بعد پولیس اور امدادی ٹیمیں جائے وقوعہ پر پہنچ گئی ہیں، دھماکے میں ایک شخص کی موت ہوئی ہے،

کوئٹہ دھماکے میں 8 سے 10 کلو دھماکہ خیز مواد استعمال کیا گیا ،ایس ایس پی آپریشنز طارق جواد
ایس ایس پی آپریشنز طارق جواد نے جائے وقوعہ پر میڈیا سے گفتگو کرتے ہوئے کہا کہ سی پیک روڈ کے سڑک کنارے دھماکے میں ایک شخص جاں بحق ہوا ہے، دھماکے میں 8 سے 10 کلو دھماکہ خیز مواد استعمال کیا گیا ہے، جاں بحق شخص کی شناخت کے حوالے سے تحقیقات جاری ہیں، ابتدائی تفتیش میں جاں بحق شخص راہ گیر معلوم ہوتا ہے، جائے دھماکے کی حدود میں کو انتخابی پروگرام نہیں تھا،انتخابی گہما گہمی کے حوالے سے سیکورٹی ہائی الرٹ ہے،

دوسری جانب اطلاعات ہیں کہ تربت میں بھی مولانا عبدالحق چوک کے قریب دھماکا ہوا ہے جس میں ایک شخص زخمی ہوا ہے، ڈیرہ اللہ یار میں قومی شاہراہ پر ن لیگ کے انتخابی دفتر کے قریب کریکر دھماکا ہوا، ڈیرہ اللہ یار میں ہوٹل کےقریب کریکر حملے سے 3 افراد زخمی ہوگئے ہیں، پولیس کا کہنا تھا کہ ملزمان نےکریکر ٹرک کے قریب پھینکا تھا جس سے تین افراد زخمی ہوئے، انکو طبی امداد کے لئے ہسپتال منتقل کر دیا گیا،

دہشتگرد عوام کو ووٹ کا حق استعمال کرنے سے روکنا چاہتے ہیں،شہباز شریف
مسلم لیگ ن کے صدر، سابق وزیراعظم شہباز شریف نے ڈیرہ اللہ یار میں ن لیگ کے انتخابی دفتر کے قریب دستی بم حملے کی مذمت کی اور کہا کہ نگران حکومت امن و امان کو یقینی بنائے،دہشتگرد عوام کو ووٹ کا حق استعمال کرنے سے روکنا چاہتے ہیں،مسلم لیگ ن پاکستان میں امن واپس لائے گی،

ہم ڈیرہ اللہ یار میں مسلم لیگ (ن) کے انتخابی دفتر کے قریب دستی بم حملے کی شدید مذمت کرتے ہیں۔ نگران حکومت امن و مان کو یقینی بنائے۔ دہشت گرد عوام کو ووٹ کا حق استعمال کرنے سے روکنا چاہتے ہیں، ان سے مرعوب نہیں ہوں گے اور پاکستان میں امن واپس لائیں گے، انشاء اللہ۔ سیاسی کارکنوں کے…

— Shehbaz Sharif (@CMShehbaz) February 1, 2024

کوئٹہ،تربت،جعفرآباد میں دھماکوں پر الیکشن کمیشن کا نوٹس، رپورٹ طلب
ترجمان الیکشن کمیشن کا کہنا ہے کہ آج بلوچستان کے شہر کوئٹہ ، تربت اور جعفر آباد میں ہونے والے دھماکوں کا نوٹس لیتے ہوئے الیکشن کمیشن نے چیف سیکرٹری اور آئی جی بلوچستان سے فوری رپورٹ طلب کی ہے

سکھر کے گاؤں رضا گوٹھ میں سیاسی جماعت کی الیکشن مہم میں ہوائی فائرنگ
میڈیا رپورٹس کے مطابق ضلع سکھر کے گاؤں رضا گوٹھ میں سیاسی جماعت کی الیکشن مہم میں ہوائی فائرنگ کرنے والے واقعہ کا نوٹس لیتے ہوئے الیکشن کمیشن نے چیف سیکرٹری اور آئی جی سندھ سے فوری رپورٹ طلب کی ہے تاکہ ذمہ داروں کے خلاف الیکشن قوانین کے تحت بھی کاروائی کی جا سکے۔ کمیشن نے چیف سیکرٹری اور آئی جی سندھ کو ہدایت کی ھے کہ ہوائی فائرنگ کے واقعہ میں ملوث افراد کے خلاف فوری قانونی کاروائی کی جائے

واضح رہے کہ گزشتہ روز بھی بلوچستان میں دہشت گردی کے واقعات پیش آئے تھے، بلوچستان کے ضلع قلعہ عبداللہ میں سیاسی جماعت کے قافلے پر فائرنگ کے نتیجے میں ایک شخص کے جان بحق ہو گیا تھا، ضلع کیچ میں حلقہ پی بی 25 کے امیدوار کے گھر کے باہر دستی بم حملہ کیا گیا تھا،الیکشن کمیشن نے دونوں واقعات کا نوٹس لیا تھا،ترجمان الیکشن کمیشن کے مطابق الیکشن کمیشن نے چیف سیکرٹری اور آئی جی بلوچستان سے فوری رپورٹس طلب کی ہیں اور ہدایت کی ھے ان واقعات میں ملوث افراد کے خلاف فوری کاروائی کی جائے

خیبر پختونخوا اور بلوچستان میں امن و امان کی صورتحال,الیکشن کمیشن کا اجلاس طلب
دوسری جانب خیبر پختونخوا اور بلوچستان میں امن و امان کی صورتحال پر الیکشن کمیشن نے آج اجلاس طلب کرلیا۔ترجمان الیکشن کمیشن کا کہنا ہے کہ الیکشن کمیشن نے آج یکم فروری کو دن 3 بجے اجلاس بلایا ہے۔الیکشن کمیشن کے اجلاس میں وزیر داخلہ، سیکریٹری داخلہ، خیبر پختونخوا، بلوچستان کے چیف سیکریٹریز شریک ہوں گے۔ترجمان الیکشن کمیشن کا یہ بھی کہنا ہے کہ اجلاس میں آئی جی، انٹیلی جنس ایجنسیوں کے نمائندوں کو بھی مدعو کیا گیا ہے۔

 اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی

ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ریحام خان جب تک عمران خان کی بیوی تھی تو قوم کی ماں تھیں

خاور مانیکا کے انٹرویو پر نواز شریف کا ردعمل

غیر شرعی نکاح کیس،سابق وزیراعظم عمران خان اور بشری بی بی پر فرد جرم عائد

آفیشل سیکرٹ ایکٹ کی عدالت نے عمران خان اور شاہ محمود قریشی کے خلاف سائفر کیس کا تفصیلی فیصلہ جاری کر دیا ہے

سائفر کیس کا تفصیلی فیصلہ 77 صفحات پر مشتمل ہے جو خصوصی عدالت کے جج ابوالحسنات ذوالقرنین نے جاری کیا ہے، سائفر کیس کے تفصیلی فیصلے میں 20 فائڈنگز پر مشتمل ہے، فائنڈنگز میں سائفر، چمش دید گواہ اور سیکرٹ دستاویزات کی اہمیت شامل ہیں، تفصیلی فیصلے میں کہا گیا ہے کہ عمران خان اور شاہ محمود قریشی کا نامناسب طریقہ کار سے فئیر ٹرائل کی استدعا کی گئی، دونوں مجرمان کا دوران ٹرائل عدالت کے سامنے رویہ مدِنظر رکھا گیا، دونوں مجرمان نے خود ساختہ پریشانیاں بنائیں، ہمدردیاں لینے کے لیے بے یار و مددگار بننے کی کوشش کی،

آفیشل سیکرٹ ایکٹ عدالت نے تفصیلی فیصلے میں کہا کہ فائنڈنگز میں کہا گیا کہ فیئر ٹرائل کا حق چالاک ملزم کے لیے نہیں، سائفر کو اپنے لیے استعمال کیا گیا جس کا اثر پڑا، بطور وزیرِ اعظم اور وزیر خارجہ اپنے عہد کی خلاف وزری کی، پاکستان اور امریکا کے تعلق کو نقصان پہنچایا،سائفر کے معاملے سے دیگر ممالک کے ساتھ تعلقات پر اثر پڑا، جس سے دشمنوں کو فائدہ ہوا، عمران خان نے سائفر وزارت خارجہ کو واپس نہیں بھیجا،17 ماہ کی تحقیقات سے ثابت ہوا، سائفر کیس تاخیر سے دائر نہیں کیا، سائفر کو سیاسی مقاصد کے لیے استعمال کیا گیا،

عمران خان کو سائفر کیس میں مجموعی طور پر 24 سال قید کی سزا
سائفر کیس میں عمران خان کو 5 مختلف شقوں کے تحت مجموعی طور پر 5 دفعہ سزا سنائی گئی ہے،تفصیلی فیصلہ میں کہا گیا کہ سابق چیئرمین پی ٹی آئی عمران خان اور شاہ محمود قریشی آفیشل سیکرٹ ایکٹ کے تحت مجرم ثابت ہوئے ہیں، دونوں کو 10،10 سال قید بامشقت کی سزا سنائی جاتی ہے،جو ثبوت عدالت میں پیش کئے گئے وہ ناقابل تردید ہیں،عدالت عمران خان اور شاہ محمود قریشی کو آفیشل سیکرٹ ایکٹ کی دفعہ 5 تھری اے، 5 ون سی، 5 ون ڈی، 9 کے تحت قصور وار قرار دیتی ہے، اور عمران خان کو آفیشل سیکرٹ ایکٹ کی دفعہ 5 تھری اے کے تحت 10 سال قید بامشقت کی سزا اور آفیشل سیکرٹ ایکٹ کی دفعہ 5 ون سی کے جرم میں دو سال قید بامشقت، 10 لاکھ جرمانے کی سزا سناتی ہے،عمران خان کو آفیشل سیکرٹ ایکٹ کی دفعہ 5 ون ڈی کے جرم میں بھی دو سال قید بامشقت، 10 لاکھ جرمانے کی سزا سناتی ہے، عدالت دونوں ملزمان کو آفیشل سیکرٹ ایکٹ کی دفعہ 5 تھری اے اور تعزیرات پاکستان کی دفعہ 34 کے تحت مجرم قرار دیتی ہے،عدالت شاہ محمود قریشی کو بھی 10 سال قید بامشقت کی سزا سناتی ہے، تمام دفعات کے تحت دی گئی سزاؤں کی مدت فوری اور ایک ساتھ تصور ہوگی،

عمران خان کو سائفر کیس میں مجموعی طور پر 24 سال قید کی سزا سنائی گئی، ان کو چار دفعات کے تحت الگ 10، 2، 2، اور 10 سال قید کی سزائیں سنائی گئیں،تاہم عمران خان کی چاروں سزائیں ایک ساتھ شروع ہوں گی،

واضح رہے کہ ‏توشہ خانہ کیس: عمران خان اور بشریٰ بی بی کو 14، 14 سال کی سزا سنا دی گئی.احتساب عدالت کے جج محمد بشیر نے عمران خان اور بشریٰ بی بی کو سزا سنائی،توشہ خانہ کیس میں عدالت نے عمران خان اور بشری بی بی کو 787 ملین جرمانہ بھی کیا،عدالت نے عمران خان اور بشریٰ بی بی کو عوامی عہدے کیلئے10 سال کیلئے نااہل کردیا.عدالت نے بشری بی بی کو گرفتار کرنے کا حکم جاری کر دیا.جس وقت فیصلہ سنایا گیا بشریٰ بی بی عدالت میں موجود نہیں تھی،

قبل ازیں گزشتہ روز سائفر کیس کی خصوصی عدالت نے کیس میں بانی پی ٹی آئی عمران خان اور شاہ محمود قریشی کو 10،10 سال قید با مشقت کی سزا سنادی،خصوصی عدالت کے جج ابوالحسنات ذوالقرنین نے عمران خان اور شاہ محمود قریشی کو سزا سنائی۔

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ

عمران خان اور بشریٰ بی بی کو سزا کے خلاف اسلام آباد ہائیکورٹ سے رجوع کرنے کا فیصلہ 

 بنی گالہ میں سارے سودے ہوتے تھے کہا گیا میرا تحفہ میری مرضی

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ آج عمران خان اور بشریٰ بیگم کو توشہ خانہ کیس میں چودہ چودہ سال کی سزا سنا دی گئی، اسکا مطلب ہے کہ عمران خان کا سیاسی کیریئر چھوڑ دیں کسی بھی کیریئر میں واپسی کی امید ختم ہو گئی کیونکہ انکی کل سزا 24 برس ہو گئی، سائفر کیس میں دس سال سزا ہوئی ہے ، ساتھ ساتھ چلیں تو 14 سال میں دونوں ختم ہو جائیں گی

مبشر لقمان کا کہنا تھا کہ عمران خان، اسکے گھر والے، اسکے عزیز، چاہنے والے،ڈیپریس بھی ہوں گے، خود عمران خان کو بہت بڑا شاک لگا ہو گا، کیونکہ وہ سوچ رہے تھے کہ میں کانفیڈنس سے پوری پچ کو روندتا جاؤں گا اور مخالفین کو میرا کانفیڈنس دبا دے گا،یہ انکے ڈاؤن فال کا باعث بنا، آج ذاتی طور پر میرے لئے افسوس کا دن ہے، عمران خان سے ایک لمبا عرصہ میرا تعلق رہا، یہ تعلق ایک رومانس سے شروع ہوا جب وہ کرکٹ کھیلتے تھے،اور جب آپ ایک پاکستانی ہوں، ینگسٹر ہوں اس زمانے میں اپنے آپ کو ڈھالیں اور عمران خان کرکٹ کھیل رہا تو پاکستان کے لئے بہت ہی رومنٹک ہیرو، وہاں سے یہاں تک کے سفر میں کافی پیش و خم ہیں، میں، جہانگیر ترین، علیم خان، عون الگ ہو گئے، وفات سے کچھ عرصہ قبل نعیم الحق نے مجھے کہا تھا کہ بہت بیمار ہوں، پتہ نہیں کتنی زندگی رہ گئی لیکن تم لوگ واقعی صحیح کہتے تھے، عمران خان بات نہیں سن رہا،

مبشر لقمان کا مزید کہنا تھا کہ عمران خان کو دیکھنا چاہئے کہ کن کن لوگوں کو اس نے نواز اور کیسے وہ لوگ بھاگے، ایک دن مشکل کا پڑا تو تحریک انصاف والے پریس کانفرنسیں کر کے چلے گئے اور جنہوں نے اربوں کی کرپشن کی وہ انجوائے کر رہے ہیں، اسکے اپنے کابینہ کے لوگ، شہزاد اکبر، فواد چودھری،یا کوئی بھی، ایک دو کا نام لینا تو بیکار ہے، انسان بنتا ہی مشکل فیصلوں کے بعد ہے، مشکل تو ہر ایک پر آتی ہے، جب آپ ڈیل کرتے ہیں تو پتہ چلتا ہے کہ کون بہتر انسان ہے، یہی چیز جو عمران خان پر آج ہے وہی آصف زرداری پر تھی، دس سال انہوں نے جیل میں گزرے، جوانی کے دس سال جیل میں گزارنا مشکل کام ہے، جیل جیل ہی ہے، اگر گھر کو بھی سب جیل قرار دے جائے ، ٹی وی بھی لگا ہو اے سی بھی ہو، کھانا بھی مرضٰی کا ہو لیکن آپ تڑپنا شروع ہو جائیں گے.

مبشر لقمان کا کہنا تھا کہ مبشر لقمان تین با ر وزیراعظم رہے، مروت صاحب کی زبان میں پھر وہ وڑ گئے،کسی کو امید نہیں تھی کہ میاں صاحب واپس آ سکتے ہیں، جیل کی سلاخوں میں گئے، پھر باہر گئے، کس طرح کی ڈیل ہوئی؟ اب وہ واپس آ گئے اور سب کو پتہ وہ پروٹوکول کے ساتھ آئے، انکی ہر بات مانی جا رہی، آٹھ دن بعد الیکشن ہیں، کسی کو کوئی شک نہیں کہ نواز شریف نے چوتھی بار وزیراعظم بننا ہے،یہاں پر آج عمران خان کو سوچنا ہے بیٹھ کر ، عمران خان کے خیر خواہوں کو، فصلی بٹیروں کی بات نہیں کر رہا،عمران خان کو اپنی بہنوں کے ساتھ مشاورت کرنی چاہئے، کسی اور کے ساتھ نہیں، عمران خان کو اپنی پوری سٹریجٹی کو ری وزٹ کرنا ہے،عمران خان کو اپنا فیوچر چاہئے پارٹی کو آج کے بعد بچانا چاہتے ہیں، بچوں سے ملنا چاہتے ہیں تو کچھ سوچیں، ابھی تو فیصلے اور بھی آنے ہیں، ان سزاؤں کے خلاف اپیل بھی ہونی ہے، ابھی تک عمران خان نے پورے نظام کا مذاق بنایا ہوا تھا، وکیل پیش نہیں ہو رہے تھے، میڈیا پر وہ کیس لڑتے رہے، لوگوں کو مس گائیڈ کرتے رہے، پی ٹی آئی کو ہائی جیک کرنے کی کوشش کرتے رہے، یہ سب کوپتہ ہے، آج کا دن عمران خان کو حقیقی معنوں میں بیٹھنا پڑے گا اور سوچنا پڑے گا کہ غرور،تکبرکسی بندے کو سوٹ نہیں کرتا.

عمران خان کو سزا پر مبشر لقمان غمگین کیوں؟

تیزاب گردی، مبشر لقمان پھٹ پڑے،کہاسرعام لٹکایا جائے

مبشر لقمان اپنا دشمن کیوں بن گیا؟ ڈوریاں ہلانے والے سن لیں

نور مقدم کو بے نور کرنے والا آزادی کی تلاش میں،انصاف کی خریدوفروخت،مبشر لقمان ڈٹ گئے

میچ فکسنگ، خطرناک مافیا ، مبشر لقمان کی جان کو خطرہ

انضمام الحق مکر گئے،انڈیا کے ساتھ گٹھ جوڑ،ڈالروں کی بارش

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پہلی بات یہ ہے کہ عمران خان کی سزا پر مجھے بہت دکھ ہے، میری طرح ہر وہ شخص جس نے کبھی عمران کو سپورٹ کیا اور پھر منہ موڑ لیا اسکو دکھ ہو گا اسلئے کہ ہمیں بہت امیدیں تھیں لیکن مایوسی ہوئی، ایک آدمی جھوٹ بول بول کر اور فساد برپا کر کے سمجھا کہ الو سیدھا کر لوں گا لیکن کب تک؟ عمران خان سے جج نے آسان سا سوال کیا کہ سائفر ہے کہاں؟ عمران خان نے وہی جواب دیا کہ مجھے معلوم نہیں، قریشی کے بیان ریکارڈ کے بیان سے پہلے جج نے کہا کہ میں دونوں کو دس دس سال قید کی سزا سناتا ہون، شاہ محمود نے احتجاج شروع کر دیا، کیا فائدہ ٹرائل تو صحیح نہیں کیا، بعد میں آپ نعرے مارتے رہیں، امریکہ میں کل بھی ایک لابنگ فرم ہائر کی گئی کہ زور ڈالیں انکو رہائی ملے ، غلط کاموں کی وجہ سے انکو یہ دن دیکھنا پڑ رہے ہیں، دکھ ہے اور افسوس ہے ، اور کیا کہہ سکتا ہے انسان،

مبشر لقمان کا مزید کہنا تھا کہ یہ مینٹل کیس والی باتیں ہیں، بالکل ہی آئین و قانون کو پیر کی جوتی سمجھا ہوا، سوال چاول اور جواب گندم دیا جائے تو پھر بھگتیں گے، پی ٹی آئی اس کو چیلنج کرے ،پہلے اس کیس کو توصحیح لڑ‌لیتے، 11 وکیل کیوں بدلے انہوں نے،وکیل کہتے تھے میرے پاس ٹائم نہیں، آ نہیں سکتا، وقت ضائع کر رہے تھے، ماہر قانون اشتراوصاف کا کہنا تھا کہ سزا تو سائفر کیس میں کم ہوئی،جب معاملات میں تاخیر ٍڈیفنس کونسل کرے تو پھر سرکاری وکیل کو تعینات کیا جا سکتا ہے، ویڈیو لنک کے ذریعے بھی جرح کی جا سکتی تھی لیکن ایسا نہیں ہوا، فیصلہ برقرار رہتا ہے یا نہیں یہ تو بعد میں پتہ چلے گا لیکن ابھی تو مشکلات کھڑی ہو گئی ہیں،اب ری ٹرائل نہیں ہو گا، اس ٹرائل کو دیکھا جائے گا کہ صحیح یا غلط،

مبشر لقمان کا مزید کہنا تھا کہ دکھی والی بات بتا دوں جب آپ دیکھیں کہ کسی کو اتنا عروج اور پھر نیچے گرتا دیکھیں تو ہر آدمی کو خوف آتا ہے، اللہ ہم سب کو اتنی پستیوں سے گرنے سے بچا لے پھر بندہ دعا مانگتا ہے، تکلیف میں دکھی یا سکھی نہیں بلکہ اپنے آپ کو دیکھتے ہیں، اس بار الیکشن میں ٹرن آؤٹ کافی ہائی ہو گا،آج بیرسٹر گوہر نے بھی کارکنوں سے پرامن رہنے کی اپیل کرتے ہوئے کہا کہ عدالتوں پر اعتماد ہے، آٹھ فروری کو سب کا محاسبہ ہو گا، عمر ایوب نے بھی کہا کہ آٹھ فروری کو باہر نکلیں اور ووٹ دیں،

مبشر لقمان کا مزید کہنا تھا کہ پیپلز پارٹی کا الیکشن کے بعد بیانیہ بدلے گا، جیسے بلاول نے کہا میرے والد کو جیل میں میان صاحب نے ڈالا، زبان کاٹی گئی، اگر میاں صاحب پاکستان آ کر صوبوں کا دورہ کرتے تو پتہ چلتا کہ انکے ساتھ لوگ موجود ہیں، بلاول بھٹو تو ابھی ان پر اٹیکس کر رہے ہیں، چھ تاریخ تک جب تک مہم ختم نہیں ہوتی، انکا ٹارگٹ ن لیگ ہے، انکی ٹوٹل کوشش ہے کہ پی ٹی آئی کے ووٹر کی تعداد پیپلز پارٹی کو ووٹ دے دے ،لیکن ہمیشہ ہم نے دیکھا ہے کہ سیاست میں سب کچھ ہوتا ہے، الیکشن ہونے کے بعد ہمیشہ کچھ اور ہوتا ہے.

تیزاب گردی، مبشر لقمان پھٹ پڑے،کہاسرعام لٹکایا جائے

مبشر لقمان اپنا دشمن کیوں بن گیا؟ ڈوریاں ہلانے والے سن لیں

نور مقدم کو بے نور کرنے والا آزادی کی تلاش میں،انصاف کی خریدوفروخت،مبشر لقمان ڈٹ گئے

میچ فکسنگ، خطرناک مافیا ، مبشر لقمان کی جان کو خطرہ

انضمام الحق مکر گئے،انڈیا کے ساتھ گٹھ جوڑ،ڈالروں کی بارش

ڈنڈا تیار، کورٹ مارشل کی گونج،پی آئی اے بند، مبشر لقمان نے کہانی کھول دی

جو کام حکومتیں نہ کر سکیں،آرمی چیف کی ایک ملاقات نے کر دیا

جنرل عاصم منیر کے نام مبشر لقمان کا اہم پیغام

عمران خان پربجلیاں، بشری بیگم کہاں جاتی؟عمران کےاکاونٹ میں کتنا مال،مبشر لقمان کا چیلنج

دوران عدت نکاح کیس،ٹرائل کورٹ کو کیس کا ٹرائل روکنے کی عمران خان کی استدعا مسترد کردی گئی
اسلام آباد ہائیکورٹ نے فیصلے میں کہا کہ فرد جرم عائد ہوچکی ہے، اسلام آباد ہائیکورٹ ٹرائل کورٹ کی سماعت میں مداخلت نہیں کر سکتی، اسلام آباد ہائیکورٹ نے محفوظ فیصلہ سنا دیا

اسلام آباد ہائی کورٹ کے چیف جسٹس عامر فاروق نے دورانِ عدت نکاح کا کیس خارج کرنے کی عمران خان اور بشری بی بی کی درخواستوں پر فیصلہ محفوظ کرلیا تھا جو اب سنا دیا گیا ہے.

اسلام آباد ہائیکورٹ کے چیف جسٹس عامر فاروق نے سابق وزیراعظم عمران خان اور بشریٰ بی بی کی عدت میں نکاح کے خلاف درخواست پر سماعت کی،عمران خان اور بشری بی بی نے کیس خارج کرنے کی درخواستیں دائر کر رکھی ہیں،درخواست گزار،بشریٰ بی بی کے سابق شوہر، خاور مانیکا اسلام آباد ہائیکورٹ کے کمرہِ عدالت میں موجود تھے،سماعت شروع ہوئی تو بانی پی ٹی آئی کے وکیل سلمان اکرم راجہ نے درخواست گزار اور گواہوں کے بیانات پڑھے،اور کہا کہ یہ کیس درخواست گزاروں کی تذلیل کرنے کیلئے دائر کیا گیا، سیاسی مقاصد کیلئے سکینڈلائز کرنے کیلئے نوٹسز جاری کیے گئے، اسلام آباد ہائیکورٹ کے چیف جسٹس عامر فاروق نے استفسار کیا کہ اس معاملے پر پہلی کمپلینٹ کب دائر کی گئی؟سلمان اکرم راجہ نے کہا کہ کمپلینٹ نکاح کے پانچ سال اور 11 ماہ بعد نومبر 2023 میں دائر کی گئی،

دوران سماعت اسلام آباد ہائیکورٹ کے چیف جسٹس عامر فاروق نے ریمارکس دیتے ہوئے کہا کہ خاور مانیکا کا کیس ہے کہ اُنہوں نے بشریٰ بی بی کو 14 نومبر کو طلاق دی، یکم جنوری کو نکاح ہوا تو درمیان میں 48 دن بنتے ہیں، سپریم کورٹ کا 39 دن عدت سے متعلق فیصلہ موجود ہے،فرض کریں آپ نے ثابت کر دیا، پھر اِس میں جرم کیا ہو گا؟وکیل خاور مانیکا نے کہا کہ اگر نکاح بےقاعدہ قرار پائے گا تو پھر وہ خلاف قانون ہو گا، چیف جسٹس عامر فاروق نے استفسار کیا کہ یہ کیسے ثابت ہو گا 39 دن ہیں یا 90 دن؟، خاور مانیکا کے وکیل نے کہا کہ یہ شوہر اور پراسیکیوشن ثابت کرینگے، اسلام آباد ہائیکورٹ کے چیف جسٹس نے استفسار کیا کہ کون سے شوہر، پہلے یا بعد والے؟ وکیل بولے جس کے ساتھ بشریٰ بی بی 28 سال رہیں وہی بتائیں گے

قبل ازیں اسلام آباد ہائیکورٹ ،بانی تحریک انصاف عمران خان کی اہلیہ بشری بی بی نے عدت کے دوران نکاح کے کیس کو اسلام آباد ہائیکورٹ میں چیلنج کردیا، اسلام آباد ہائیکورٹ میں دائر درخواست میں کہا گیا کہ ایڈیشنل سیشن جج ایسٹ کا گیارہ جنوری کا فیصلہ کالعدم قرار دیا جائے، بشری بی بی اور ان کے قانون شوہر کیخلاف درخواست بدنیتی پر مبنی ہے،عدت کے دوران نکاح کے کیس کو خارج کرنے کا حکم دیا جائے،اس درخواست کے زیر التوا رہنے تک ٹرائل کورٹ کی کارروائی کو روکا جائے،بشریٰ بی بی نے بیرسٹر سلمان اکرم راجہ کے ذریعے اسلام اباد ہائیکورٹ میں درخواست جمع کرائی ، درخواست میں کہا گیا کہ عدالتوں نے عدت میں نکاح کو بے قاعدہ کہا، ختم نہیں کیا گیا۔ قرار دیا کہ عدت میں نکاح بے قاعدہ شادی ہے جو عدت کی مدت مکمل ہونے پر باقاعدہ ہو جائے گی عدت میں نکاح کو غیر اسلامی یا شریعت کیخلاف قرار نہیں دیا گیا، بشری بی بی کی درخواست میں اعلی عدالتوں کے فیصلوں کے حوالہ جات دیئے گئے.

بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

عمران خان، تمہارے لئے میں اکیلا ہی کافی ہوں، مبشر لقمان

عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

واضح رہے کہ تحریک انصاف کے چیئرمین عمران خان کا تیسرا نکاح پڑھانے والے مفتی سعید نے کہا تھا کہ اگر بشریٰ بی بی نے عدت میں نکاح پر توبہ نہیں کی تو تجدید ایمان کرنی چاہیے،مفتی محمد سعید خان نے عمران خان کے بشریٰ بی بی سے نکاح کے بارے میں کہا کہ ان کے عمران خان سے دو نکاح ہوئے تھے کیونکہ ان کا پہلا نکاح عدت کے دوران ہوا اور اس نکاح کو نکاح فاسد کہا جاتا ہےعدت مکمل ہونے کے بعد عمران خان کا بشریٰ بی بی سے دوسرا نکاح ہوا، مجھے عون چوہدری کے ذریعے علم ہوا کہ عمران خان کا بشریٰ بی بی سے نکاح عدت کے دوران ہوا جس پر میں نے ان کو کہا کہ نکاح دوبارہ ہوگا

 اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی

ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ریحام خان جب تک عمران خان کی بیوی تھی تو قوم کی ماں تھیں

خاور مانیکا کے انٹرویو پر نواز شریف کا ردعمل

غیر شرعی نکاح کیس،سابق وزیراعظم عمران خان اور بشری بی بی پر فرد جرم عائد

واضح رہے کہ سابق وزیراعظم عمران خان کی اہلیہ بشریٰ بی بی کے سابق شوہر خاور فرید مانیکا عمران خان اور بشری بی بی پر پھٹ پڑے، خاور مانیکا رہائی کے بعد اہم انکشافات سامنے لے آئے، بشریٰ بی بی کے کرتوت عیاں کر دیئے تو وہیں ریاست مدینہ کا نام لے کر پاکستان میں حکومت کرنیوالے عمران خان کا کچہ چٹھہ بھی کھول دیا،

جیو ٹی وی کے پروگرام میں گفتگو کرتے ہوئے خاور مانیکا کا کہنا تھاکہ عمران خان میری مرضی کے بغیر میرے گھر آتا تھا، پنکی کی اس سے ملاقاتوں پر میں ناراض تھا، ایک بار عمران میرے گھر آیا تو میں نے نوکر کی مدد سے اسے گھر سے نکلوا دیا، عمران خان کے اسلام آباد میں دھرنوں کے دوران بشریٰ کی بہن مریم وٹو نے بشریٰ کی ملاقات عمران خان سے کرائی، ہماری شادی 28 سال چلی، ہماری بہت خوش گوار زندگی تھی لیکن عمران نے پیری مریدی کی آڑ میں ہمارا ہنستا بستا گھر برباد کر دیا اسلام آباد میں عمران خان اور بشریٰ بی بی کی ملاقاتیں شروع ہو گئیں. میری والدہ کہتی تھیں کہ عمران خان اچھا آدمی نہیں، اسے گھر میں نہ آنے دیا کرو، رات کے وقت دونوں کی فون پر لمبی لمبی باتیں ہونے لگیں،

پی پی 244 سے امیدوار کے کاغذات نامزدگی کی منظوری کے لئے دائر اپیل پر سماعت ہوئی

سپریم کورٹ کے جسٹس جمال مندوخیل نے سماعت کی ، اسپیشل سیکرٹری الیکشن کمیشن عدالت میں پیش ہوئے ،عدالت نے ریمارکس دیتے ہوئے کہا کہ درخواست گزار نے اپیل دائر کرنے میں 12 دن کی تاخیر کی، بروقت اپیل دائر ہوتی تو انتخابات کیلئے اجازت مل سکتی تھی، ہم ایسا حکم نہیں دینا چاہتے جو انتخابات میں تاخیر کا باعث بنے،جسٹس جمال مندو خیل نے اسپیشل سیکرٹری سے استفسار کیا کہ الیکشن کمیشن نے شیڈول اتنا کم مدتی کیوں رکھا ہے؟ الیکشن کمیشن کو علم ہونا چاہیے تھا کہ اپیلیں بھی دائر ہونی ہیں، اسپیشل سیکرٹری الیکشن کمیشن ظفر اقبال نے عدالت میں کہا کہ اس مرحلے پرکاغذات منظورکیے تو حلقے میں انتخابات تاخیرکا شکار ہوسکتے ہیں، بیلٹ پیپرز کی پرنٹنگ کا عمل مکمل ہوچکا ہے اور کئی اضلاع میں بیلٹ پیپرزکی ترسیل کا عمل جاری ہے، مجموعی طورپر 859 حلقوں کیلئے 26 کروڑ بیلٹ پیپرزچھاپے گئے ہیں، گزشتہ انتخابات میں 850 اور اس مرتبہ 2170 ٹن کاغذ منگوایا گیا ہے، امیدوار زیادہ ہونے کی وجہ سے بیلٹ پیپرزکیلئے 2400 ٹن کاغذ کی ضرورت تھی، کاغذ کی ضرورت پوری کرنے کیلئے بیلٹ پیپرکا سائزچھوٹا کردیا ہے،عدالت نے فریقین کے دلائل سننے کے بعد پی پی 224 سے امیدوار کی کاغذات نامزدگی کی منظوری کیلئے دائر اپیل خارج کردی

حماد اظہر نے عام انتخابات سے دستبردار ی کا اعلان کردیا
سپریم کورٹ میں جسٹس منصور علی شاہ اور جسٹس جمال مندوخیل نے حماد اظہرکے کاغذات نامزدگی مسترد ہونے سے متعلق کیس کی سماعت کی جس میں معاون وکیل نے عدالت کو بتایا کہ حماد اظہر اپیل کی پیروی نہیں کرنا چاہتے،جسٹس منصور علی شاہ نے استفسار کیا کہ ہائیکورٹ نے اپنے فیصلے میں62 ون ایس کا حوالہ کیوں دیا ہے؟ سپریم کورٹ کا فیصلہ واضح ہےکہ آرٹیکل 62 ون ایف کا اطلاق ازخود نہیں ہوتا،اپیل واپس لینے کی وجہ سے حماد اظہرکو فیصلے کا فائدہ نہیں ہوگا، لگتا ہے حماد اظہر سرینڈر نہیں کرنا چاہتے، حماد اظہر کے وکیل نے عدالت سے اپیل واپس لے لی اور سابق وزیر نے انتخابات سے دستبرداری کا بھی اعلان کردیا،حماد اظہر این اے 129 سے آزاد امیدوار تھے

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ

عمران خان اور بشریٰ بی بی کو سزا کے خلاف اسلام آباد ہائیکورٹ سے رجوع کرنے کا فیصلہ 

‏توشہ خانہ کیس: عمران خان اور بشریٰ بی بی کو 14، 14 سال کی سزا سنا دی گئی

بانی پی ٹی آئی عمران خان اور شاہ محمود قریشی کو 10،10 سال قید با مشقت کی سزا