Category: اہم خبریں

الیکشن کمیشن نے تحریک انصاف کو بلے کا نشان واپس کرنے کا حکم چیلنج کرنے کا فیصلہ کیا ہے

پی ٹی آئی انٹراپارٹی انتخابات سےمتعلق فیصلہ معطل کرنےکامعاملہ،چیف الیکشن کمشنر کی زیر صدارت مشاورتی اجلاس ختم ہو گیا، الیکشن کمیشن پشاور ہائیکورٹ میں انٹرا کورٹ اپیل دائر کرے گا ،الیکشن کمیشن پی ٹی آئی انٹرا پارٹی انتخابات پر حکم امتناع ختم کرنے کی استدعا کرے گا

عمران خان کے وکیل انتظار حسین نے ٹویٹ کرتے ہوئے کہا کہ یہ پیٹیشن دائر کرنا ہی آرٹیکل 218 کی صریحاً خلاف ورزی ہے ، الیکشن کمیشن ہر روز عمران خان سے اپنے بغض کو ثابت کرتا ہے اور بقول عمران خان تحریک انصاف پر سپیشل مہربانی ہے ، الیکشن کمیشن کیسے ایک سیاسی جماعت کے خلاف پارٹی بن سکتا ہے ؟؟؟

یہ پیٹیشن دائر کرنا ہی آرٹیکل 218 کی صریحاً خلاف ورزی ہے ، الیکشن کمیشن ہر روز عمران خان سے اپنے بغض کو ثابت کرتا ہے اور بقول عمران خان تحریک انصاف پر سپیشل مہربانی ہے ، الیکشن کمیشن کیسے ایک سیاسی جماعت کے خلاف پارٹی بن سکتا ہے ؟؟؟ pic.twitter.com/bEY0dI4358

— Intazar Hussain Panjutha (@intazarpanjutha) December 29, 2023

دوسری جانب تحریک انصاف نے الیکشن کمیشن کی جانب سے خواتین کی مخصوص نشستوں کی فہرست جاری نہ کرنے کا اقدام لاہور ہائیکورٹ میں چیلنج کردیا ہے، تحریک انصاف نے لاہور ہائیکورٹ میں درخواست دائر کی ہے جس میں عدالت سے استدعا کی گئی ہے کہ الیکشن کمیشن کو خواتین کی مخصوص نشستوں کی فہرست جاری کرنےکاحکم دیاجائے، پشاور ہائیکورٹ کی جانب سے یہ فیصلہ معطل کیا جاچکا ہے،لاہور ہائیکورٹ سے درخواست پر آج ہی سماعت کی استدعا کی گئی ہے

الیکشن کمیشن ابھی تک تحریک انصاف کی مخصوص نشستوں پر ترجیحی فہرست کا کوئی فیصلہ نہ کر سکا ،الیکشن کمیشن کو عدالت کے مصدقہ فیصلے کی کاپی کا انتظارہے،تحریک انصاف کی قومی، صوبائی اور اقلیتی نشستوں پر امیدواروں کی سکروٹنی کب کرنی ہے؟ ابھی تک فیصلہ نہیں ہو سکا،

واضح رہے کہ الیکشن کمیشن نے پی ٹی آئی کا انتخابی نشان بلا واپس لے لیا تھا، تحریک انصاف نے پشاور ہائیکورٹ میں درخواست دائر کی، جس پر عدالت نے پی ٹی آئی کو انتخابی نشان بلا واپس دینے کا حکم دیا تھا ،تاہم ابھی تک پی ٹی آئی کو انتخابی نشان نہیں مل سکا، الیکشن کمیشن کی جانب سے پشاور ہائیکورٹ کے فیصلے کے خلاف اپیل کا  امکان ہے تو وہیں بانی رہنما تحریک انصاف اکبر ایس بابر نے بھی پشاور ہائیکورٹ کے اس فیصلے کو چیلنج کرنے کا اعلان کر رکھا ہے.

این اے 122،عمران خان کے کاغذات نامزدگی پر دائر اعتراضات پر فیصلہ محفوظ

تمام امیدواران کو الیکشن کا برابر موقع ملنا چاہئے

عام انتخابات کے دن قریب آئے تو تحریک انصاف کی مشکلات میں اضافہ 

ٹکٹوں کی تقسیم،ن لیگ مشکل میں،امیدوار آزاد لڑیں گے الیکشن

کسی بھی امیدوار کے تجویز ،تصدیق کنندہ کی ہراسگی برداشت نہیں ہوگی،عدالت

 این اے 15سے نوازشریف کے کاغذات نامزدگی منظور

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

الیکشن کمیشن کا فواد حسن فواد کو عہدے پر برقرار رکھنے کا فیصلہ

سائفر کیس کی سماعت بغیر کسی کارروائی کے 3 جنوری تک ملتوی کردی گئی

سماعت جج ابوالحسنات ذوالقرنین کی طبیعت خرابی کے باعث ملتوی کردی گئی،عدالتی عملہ اڈیالہ جیل میں سائفر کیس کی سماعت 3 تاریخ ڈال کر روانہ ہوگیا،شاہ محمود قریشی اور بانی پی ٹی آئی کو ملاقات کی اجازت نہیں دی گئی،عمران خان کی بہن علیمہ خان اڈیالہ جیل کے باہر کھڑی رہیں تاہم انہیں جیل کے اندر جانے کی اجازت نہ ملی

عمران خان کے وکیل عمیر نیازی ایڈووکیٹ نے اڈیالہ جیل کے باہر میڈیا ٹاک کرتے ہوئے کہا کہ سائفر کیس کے لئے حاضر ہوئے تھے،22دسمبر کی طرح آج بھی جج صاحب نہیں آئے، اطلاع دی گئی ہے کہ 3جنوری سے ٹرائل ہو گا، جس عجلت سے یہ ٹرائل چلایا جاتا رہا،25گواہ ایک ہی دن میں ریکارڈ کئے گئے، ایسا تاثر دیا گیا کہ کیس میں عدالت نے اپنا ذہن بنا رکھا ہے، اگر بروقت اسلام آباد ہائیکورٹ مداخلت نہ کرتی تو توشہ خانہ پارٹ 2 ہونے جا رہا تھا، جن لوگوں نے پریس کانفرنسسز کیں،ہماری مخالفین کی صف میں شامل ہو گئے، سب پر دباو ہے،شیخ رشید ہمارے اتحادی رہے ہیں، اتحادکے حوالے سے کچھ جماعتیں رابطہ میں ہیں،جن میں جے یو آئی(س) اور مجلس وحدت المسلمین شامل ہیں،الیکشن کے حوالے سے چیئرمین پی ٹی آئی کی بانی پی ٹی آئی سے ملاقات میں امیدواروں کا فیصلہ ہو جائے گا،30جنوری کو 1ہزار سے زائد میدواروں کو ڈس کوالیفائی کر دیا جائے گا،

واضح رہے کہ گزشتہ روز اسلام آباد ہائیکورٹ نے سائفر کیس میں حکم امتناع جاری کر دیا تھا،جسٹس میاں گل حسن اورنگزیب نے سائفر کیس کا ٹرائل 11 جنوری تک روکنے کا حکم جاری کر دیا، اسلام آباد ہائیکورٹ کے جسٹس میاں گل حسن اورنگزیب نے بانی پی ٹی آئی عمران خان کی درخواست پر سماعت کی اور کہا کہ یہاں پر مجھے دو سوالات کے جوابات چاہئیں، اس عدالت نے کہا تھا کہ اوپن ٹرائل ہوناچاہیے تو ان کیمرہ سماعت کیوں شروع ہوئی؟ سیکیورٹی عدالتی دائرہ اختیار نہیں تو اس میں ہم مداخلت نہیں کریں گے،عدالت نے کہا کہ سائفر کیس کا ٹرائل عارضی طور پر روکا جاتا ہے اور پہلے وفاقی حکومت اور ایف آئی اے کو نوٹس کیا جائے گا تاکہ ان کا جواب آ سکے

سائفر کیس کی سماعت کل تک کیلئے ملتوی 

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر معاملہ؛ اعظم خان کے بعد فارن سیکرٹری بھی عمران خان کیخلاف گواہ بن گئے

سائفر کیس، عمران خان کو بیٹوں سے بات کروانے کی اجازت

اسلام آباد ہائی کورٹ نے بلوچ مظاہرین کی گرفتار ی کا کیس نمٹا دیا

وکیل عطاء اللہ کنڈی نے کہا کہ انتظامیہ کا شکر گزار ہوں کہ انہوں نے اپنے الفاظ کا پاس رکھتے ہوئے تمام گرفتار بلوچ رہا کر دیے، انتظامیہ نے عدالتی حکم پر گزشتہ روز 34 بلوچ مظاہرین رہا کردیے ہیں ،موجودہ حالات میں ملک میں امید کی کرن عدالتیں ہی ہیں، جسٹس میاں گل حسن اورنگزیب نے ریمارکس دیتے ہوئے کہا کہ عدالتیں امید کی کرن ہیں؟ نہیں، پتا نہیں، وکیل نے کہا کہ یہ جو فرق پڑا ہے انکے موڈ میں وہ قانون پر عمل درآمد سے ہوا ہے، پولیس نے مظاہرین کے ساتھ جو غیر قانونی اقدام کیے وہ عدالت کو دیکھنے چاہیے،جسٹس میاں گل حسن اورنگزیب نے کہا کہ عدالت نہیں چاہتی کہ کوئی ایسی صورتحال بنے کہ ہماری وجہ سے ان کے خلاف جارحیت شروع ہو جائے،دعا اور امید کریں کہ سب بہتر ہو،

وکیل نے کہا کہ انتظامیہ بلوچ خواتین کو 24 گھنٹے گرفتار رکھنے پر معافی مانگے، انتظامیہ کو وضاحت کرنی چاہیے کہ بلوچ خواتین کو گرفتار کیوں کیا گیا، اس وقت اچھی بات یہ ہے کہ تمام گرفتار افراد کو چھوڑ دیا گیا ،پولیس کو تنبیہ کی جائے کہ آئیندہ ایسی کسی ڈائریکشن پر ایسا غیر قانونی اقدام نہ اٹھائے، جسٹس میاں گل حسن اورنگزیب نے کہا کہ اگر وہ رہا ہوگئے ہیں تو اچھی بات ہے ہمیں اچھے کی توقع کرنی چاہیے، ایس ایس پی صاحب آپکا عدالت کے ساتھ تعاون کا شکریہ اب آئیندہ بھی ایسے ہی ہونا چاہیے ، اسلام آباد ہائی کورٹ کے جسٹس میاں گل حسن اورنگزیب نے کیس کی سماعت کی

بلوچ لانگ مارچ،300 افراد گرفتار،مذاکراتی کمیٹی قائم،آئی جی سے رپورٹ طلب

ایک ماہ میں بلوچ طلباء کی ہراسگی روکنے سے متعلق کمیشن رپورٹ پیش کرے ،عدالت

 دو ہفتوں میں بلوچ طلبا کو ہراساں کرنے سے روکنے کیلئے کئے گئے اقدامات کی رپورٹ طلب

کسی کی اتنی ہمت کیسے ہوگئی کہ وہ پولیس کی وردیوں میں آکر بندہ اٹھا لے،اسلام آباد ہائیکورٹ

کیا آپ شہریوں کو لاپتہ کرنے والوں کی سہولت کاری کر رہے ہیں؟ قاضی فائز عیسیٰ برہم

لوگوں کو لاپتہ کرنے کے لئے وفاقی حکومت کی کوئی پالیسی تھی؟ عدالت کا استفسار

لاپتہ افراد کیس،وفاق اور وزارت دفاع نے تحریری جواب کے لیے مہلت مانگ لی

عدالت امید کرتی تھی کہ ان کیسز کے بعد وفاقی حکومت ہِل جائے گی،اسلام آباد ہائیکورٹ

عام انتخابات 2024، امیدواروں کے کاغذات نامزدگی کی جانچ پڑتال کا عمل جاری ہے

عام انتخابات 2024 میں مخصوص نشستوں سے متعلق شیڈول میں تبدیلی
الیکشن کمیشن نے ایک بار پھر انتخابی شیڈول میں تبدیلی کردی ،الیکشن کمیشن نے عام انتخابات 2024 میں مخصوص نشستوں سے متعلق شیڈول میں تبدیلی کردی.الیکشن کمیشن نے مخصوص نشستوں پر کاغذات نامزدگی کی سکروٹنی کا وقت بڑھا دیا.الیکشن کمیشن کے مطابق امیدواروں کی اسکروٹنی 30دسمبر کے بجائے 13جنوری تک ہوگی،امیدواروں کے کاغذات نامزدگی پر اعتراضات 16جنوری تک دائر کئے جاسکیں گے، ٹربیونلز20جنوی تک اعتراضات پر فیصلہ کرسکیں گے، امیدوار اپنے کاغذات نامزدگی 22جنوری تک واپس لے سکیں گے، امیدواروں کی حتمی فہرست 23جنوری کوجاری ہوگی، شیڈول میں تبدیلی صرف مخصوص نشستوں پر لاگو ہیں۔ جنرل نشستوں کے شیڈول میں کوئی تبدیلی نہیں گئی۔

اسلام آباد کے تینوں حلقوں میں سکروٹنی کا عمل جاری ہے،این اے 46 میں طلب کیے گئے 16 امیدواروں میں سے اب تک سات کی سکروٹنی مکمل ہو گئی ہے،این اے 46 سے ذیشان نقوی اور انجم عقیل خان کے کاغذات کی سکروٹنی مکمل ہو گئی ہے،این اے 47 میں طلب کیے گئے 16 امیدواروں میں سے اب تک چھ کی سکروٹنی مکمل ہو گئی ہے،این اے 48 میں طلب کیے گئے 5 امیدواروں میں سے اب تک تین کی سکروٹنی مکمل ہو گئی ہے،این اے 47 اور این اے 48 سے چوہدری الیاس مہربان اور ان کے بھائی اشتیاق مہربان کے کاغذاتِ نامزدگی کی سکروٹنی مکمل ہو گئی ہے،سکروٹنی کا عمل شام ساڑھے چار بجے تک جاری رہے گا،کاغذاتِ نامزدگی کے منظور یا مسترد ہونے کے حوالے سے فیصلہ کل کیا جائے گا.

این اے 149،جہانگیر ترین کے الیکشن لڑنے کے خلاف دائر اعتراضات پر فیصلہ محفوظ
این اے 149 ملتان،جہانگیر ترین کے کاغذات نامزدگی کی جانچ پڑتال کا معاملہ،سپریم کورٹ کی جانب سے 2017 کے تاحیات نااہلی کے فیصلے پر وکیل جہانگیر ترین نے ریٹرننگ افسر کے سامنے دلائل دیئے، وکیل نے کہا کہ الیکشن ایکٹ 2017 میں پارلیمنٹ کی جانب سے ترمیم کے بعد نااہلی کی مدت زیادہ سے زیادہ 5 سال ہوچکی،جہانگیر ترین کی نااہلی کی مدت نومبر 2022 میں مکمل ہوچکی ، جہانگیر ترین الیکشن لڑنے کے لئے مکمل طور پر اہل ہیں ، اعتراض کنندہ نے نااہلی کے فیصلے کے علاؤہ دیگر کسی نقطے پر اعتراض نہ ہونے کا اعتراف کیا،ریٹرننگ افسر حتمی فیصلہ کل 30 دسمبر کو سنائیں گے، جہانگیر خان ترین کے الیکشن لڑنے کے خلاف دائر اعتراضات پر فیصلہ محفوظ کر لیا گیا

این اے 242 ،شہباز شریف کے کاغذات نامزدگی پر پیپلز پارٹی نے اعتراض عائد کر دیا
سابق وزیراعظم ،ن لیگ کے صدر شہباز شریف کے حلقہ این اے 242 سے کاغذات نامزدگی پر اعتراض عائد کر دیئے گئے،شہباز شریف کے کاغذات نامزدگی پر اعتراض پیپلز پارٹی کے امیدوار مسعود مندو خیل نے کئے ، اعتراض میں کہا گیا کہ شہباز شریف نے وزیراعظم کی حیثیت سے تنخواہ اور مراعات لینے کا ذکر نہیں کیا،حلف نامے میں بیرون ملک جائیداد اور بیوی بچوں کو قرض دینے کا منی ٹریل نہیں دیا، وزیراعظم کے عہدے کے دوران 5 کمپنیوں سے لاتعلق رہے یا نہیں، کوئی ذکر نہیں کیا، شہباز شریف کے این اے 242 سے کاغذات نامزدگی پر فیصلہ محفوظ کر لیا گیا، اسی حلقے سے مصطفیٰ کمال ایم کیو ایم کے امیدوار ہیں،

اس الیکشن کمیشن کے ہوتے ہوئے صاف شفاف الیکشن کیسے ہو سکتے؟ طلال چودھری برس پڑے
این اے 96 جڑانوالہ سے طلال چودھری کے کاغذات نامزدگی منظور ہو گئے ہیں، اس موقع پر مسلم لیگ ن کے رہنما طلال چودھری نے کہا ہے کہ الیکشن کمیشن اتنا کمزور ہے کہ شیڈول بھی اپنی مرضی کا نہیں دے سکا، الیکشن کمیشن کے فیصلے بھی ہوا میں اڑا دیے جاتے ہیں، ایسا الیکشن کمیشن جو اپنے فیصلوں‌پر عمل نہیں کروا سکتا، شیڈول خود نہیں‌دے سکتا، ایسے الیکشن کمیشن کے ہوتے ہوئے صاف شفاف الیکشن کیسے ہو سکتے ہیں،الیکشن کمیشن کو دوسروں کا پابند نہیں ہونا چاہئے بلکہ عدالتوں کو الیکشن کمیشن کے پیچھے کھڑا ہونا چاہئے نہ کہ مداخلت کی جائے، فارن فنڈنگ ہوئی، آٹھ سال بعد فیصلہ کیا لیکن کسی کو سزا نہیں دے سکا، توہین الیکشن کمیشن جو کیمروں کے سامنے آئی، اس پر سٹے آجاتا ہے، الیکشن کمیشن اپنی عزت، فیصلو‌ں کو بھرم نہیں رکھ سکتا وہ پاکستان میں صاف شفاف الیکشن کیسے کروائے گا، صاف شفاف الیکشن ایک مضبوط الیکشن کمیشن سے ہوں‌گے.

اس الیکشن کمیشن کے ہوتے ہوئے صاف شفاف الیکشن کیسے ہو سکتے؟ طلال چودھری برس پڑے#Baaghitv #pakistan #Elections2024 #ElectionCommission @pmln_org https://t.co/rlbLzyFcKt pic.twitter.com/W2A3PsQJDf

— Baaghi TV باغی ٹی وی (@BaaghiTV) December 29, 2023

الیکشن کمیشن نے قومی میڈیا کے لیے 17 نکاتی ضابطہ اخلاق جاری کر دیا
قومی میڈیا میں پرنٹ، الیکٹرانک، ڈیجیٹل میڈیا اور سوشل میڈیا انفلونسرز شامل ہیں،جاری ضابطہ اخلاق کے مطابق الیکشن مہم کے دوران قومی میڈیا پاکستان کے نظریات، خودمختاری اور سیکورٹی کے خلاف تعصب پر مبنی رائے کی عکاسی نہیں کرے گا،ایسے بیانات یا الزامات جن سے قومی اتحاد، امن و امان کی صورت حال کا خطرہ ہو کو نشر نہیں کیا جائے گا،کوئی ایسا مواد شامل نہیں ہو گا جو کسی امیداوار، سیاسی جماعت پر صنف، مذہب، برادری کی بنیاد پر زاتی حملہ ہو، خلاف ورزی پر قانونی کاروائی ہو گی،ایک امیدوار کے دوسرے امیدوار پر الزام پر دونوں اطراف سے بیان اور تصدیق کی جائے گی،پیمرا، پی ٹی اے، پی آئی ڈی،وزارت اطلاعات کا سائبر ڈیجیٹل ونگ سیاسی جماعتوں اور امیداروں کو دی گئی کوریج مانیٹر کرے گا، امیداور اور سیاسی جماعتوں کی جانب سے ادائیگی کی تفصیلات پولنگ ڈے کے 10 دن کے اندر دے گا، پیمرا، پی ٹی اے، پی آئی ڈی،وزارت اطلاعات کا سائیبر ڈیجیٹل ونگ ضابطہ اخلاق پر عملدرامد کے لیے الیکشن کمیشن کی معاونت کرے گا،حکومت اور قانون نافذ کرنے والے ادارے میڈیا نمائندوں اور ہاوسز کو تحفظ فراہم کریں گے،قومی خزانہ سے کسی سیاسی جماعت یا امیدوار کی مہم نہیں چلائی جائے گی،ووٹرز کی اگہی کے پروگرام چلائے جائیں گے ، الیکشن کے دن سے 48 گھنٹے قبل الیکشن میڈیا مہم ختم کر دی جائے گی،الیکشن عمل میں رکاوٹ نہیں ڈالی جائے گی،انٹرنس ایگزٹ پولز، پولنگ اسٹیشن یا حلقے میں سروے سے اجتناب کیا جائے گا جس سے ووٹر متاثر ہو،صرف تسلیم شدہ میڈیا نمائندگان ایک دفعہ کیمرے کے ساتھ پولنگ عمل کی ویڈیو بنانے پولنگ اسٹیشن میں داخل ہوں گے، خفئہ بیلٹ کی ویڈیو نہیں بنائی جائیں گی،میڈیا نمائندگان گنتی کا بغیر کیمرا کے مشاہدہ کریں گے،میڈیا نمائندگان الیکشن سے قبل، دوران یا بعد میں رکاوٹ نہیں ڈالیں گے،پولنگ ختم ہونے کے ایک گھنٹے تک نتیجہ نشر نہیں کیا جائے گا،نتائج نشر کرتے وقت بتایا جائے گا کہ یہ غیر سرکاری، نامکمل نتائج ہیں جنھیں آر او کی جانب سے اعلان تک حتمی نہ سمجھا جائے،ضابطہ اخلاق کی خلاف ورزی پر صحافی یا میڈیا ادارے کی ایکریڈیشن ختم کی جا سکتی ہے،

این اے 244 سے ایم کیو ایم کے رہنما فاروق ستار کے کاغذات نامزدگی منظور
کراچی سے قومی اسمبلی کے حلقے این اے 244 سے ایم کیو ایم کے رہنما فاروق ستار کے کاغذات نامزدگی منظور ہو گئے، اس موقع پر فاروق ستار نے میڈیا سے بات چیت کرتے ہوئے کہا کہ جیسے جیسے انتخابی عمل آگے بڑھ رہا ہے عوام کی دلچسپی میں بھی اضافہ ہورہا ہے، اب تک جمہوریت کے ثمرات عام آدمی تک نہیں پہنچے،ہماری بصیرت کو (ن) لیگ نے سراہا اور اتفاق کیا یہ طے کیا کہ اگر اللہ نے موقع دیا تو آئین میں ترامیم کا کام ہوگا،مسلم لیگ ن سے طے پایا کہ مل جل کر آگے بڑھنا ہے اور عوام کی خدمت کرنی ہے،جی ڈی اے کی تمام جماعتوں سے ہمارے رابطے اور ملاقاتیں ہیں، دوسرے لوگ ہمارے ساتھ نہیں چلے تو ہمارے لیے آگے ان کے ساتھ چلنا مشکل ہوگا

عمران خان نادہندہ،سزا یافتہ،این اے 89میں کاغذات نامزدگی پر اعتراض
بانی چیئرمین پی ٹی آئی عمران خان بھی نادہندہ نکلے ،عمران خان کے ذمہ محکمہ سوشل سیکورٹی کے 36 لاکھ 88 ہزار 6 سو 80 روپے کے نادہندہ ہیں ،عمران خان کے خلاف این اے 89 میں درخواست دی گئی ہے جس میں کہا گیا ہے کہ عمران خان نے مطلوبہ رقم کی ریکوری نہ ہونے تک کاغذات نامزدگی منظور نہ کئے جائیں،اس ضمن میں پنجاب سوشل سیکورٹی کی طرف حلقہ این اے 89 میانوالی ون کے ریٹرننگ آفیسر کو مراسلہ جاری کیا گیا ہے،امیدوار حلقہ این اے 89 کے میجر خرم حمید روکھڑی نے بھی عمران خان کاغذات نامزدگی پر اعترض اٹھا دیا ،درخواست میں موقف اختیار کیا گیا کہ عمران خان توشہ خانہ کیس میں سزا یافتہ ہے ، آئین پاکستان کی شق 62 کے تحت عمران خان مطلوبہ معیار پر پورا نہیں اترتے ،سزا یافتہ اور نااہل ہونے کی وجہ سے عمران خان کے کاغذات مسترد کئے جائیں،سماعت کے بعد آر او نے فیصلہ محفوظ‌کر لیا جو کل سنایا جائے گا

این اے چار سوات، مراد سعید کے کاغذات نامزدگی مسترد
تحریک انصاف کے اشتہاری رہنما مراد سعید کے این اے 4 سوات سے کاغذات نامزدگی مسترد ہو گئے ہیں،مراد سعید مختلف مقدمات میں مطلوب ہے جس کی وجہ سے کاغذات مسترد ہوئے ہیں،تحریک انصاف کا کہنا ہے کہ مراد سعید کے کاغذات نامزدگی مسترد ہونے کو عدالت میں چیلنج کیا جائے گا،مراد سعید کے حلقہ این اے 2 سے بھی کاغذات نامزدگی مسترد کر دیئے گئے ہیں،مراد سعید کے بعد فضل حکیم کے بھی کاغذات نامزدگی مسترد ہو گئے ہیں،

این اے 99 سابق ایم این اے رانا آصف توصیف نے کاغذات نامزدگی واپس لے لیے ،رانا آصف توصیف تحریک انصاف کے امیدوار تھےرانا آصف توصیف نے الیکشن نہ لڑنے اور کاغذات نامزدگی کی واپسی کو ذاتی مصروفیت بتایا ۔ذرائع کے مطابق امیدوار رانا آصف توصیف کے گھر پر پولیس چھاپے الیکشن سے دستبرداری کی وجہ بنی ۔

حلقہ پی پی 171،حماد اظہر کے کاغذات نامزدگی پر اعتراض عائد
لاہور کے حلقہ پی پی 171 سے پی ٹی آئی رہنما حماد اظہر کے کاغذات نامزدگی پر اعتراض عائد کر دیا گیا، اعتراض عائد کیا گیا کہ حماد اظہر مختلف مقدمات میں اشتہاری ہیں اور کاغزات نامزدگی پر دستخط اصل نہیں،ریٹرننگ افسر حماد اظہر کے کاغذات نامزدگی مسترد کرے،حماد اظہر کے کاغذات پر رانا عرفان ایڈووکیٹ نے اعتراض دائر کیا .

عمر ایوب کا آر اوز کو پی ٹی آئی امیدواروں کے کاغذات نامزدگی مسترد کرنے کے احکامات دیے جانے کا انکشاف
تحریک انصاف کے رہنما عمر ایوب نے آر اوز کو پی ٹی آئی امیدواروں کے کاغذات نامزدگی مسترد کرنے کے احکامات دیے جانے کا انکشاف کیا ہے، عمر ایوب کا کہنا ہے کہ ریٹرننگ افسران کو 30 دسمبر کو پی ٹی آئی کے بہت سے امیدواروں کے کاغذات نامزدگی مسترد کرنے کی ہدایات دی گئی ہیں، قانون کے مطابق کاغذات نامزدگی کو جانچ پڑتال کے فوراً بعد قبول یا مسترد کیا جاتا ہے، اس بار ریٹرننگ افسران نے کہا ہے کہ وہ اپنا فیصلہ 30 دسمبر 2023کو دیں گے، صاف ظاہر ہے کہ ریٹرننگ افسران کو پی ٹی آئی کے امیدواروں کے کاغذات نامزدگی کو معمولی بنیادوں پر مسترد کرنے کے احکامات دیئے جائیں گے، یہ مرحلہ پی ٹی آئی کے امیدواروں کے خلاف طاقت کے غیر قانونی استعمال کا تسلسل ہے،

این اے 60،چوہدری شہباز کے تجویز کنندہ چوہدری شاہنواز کو پولیس نے گرفتار کرلیا
این اے 60جہلم،سابق وفاقی وزیر چوہدری شہباز کے کاغذات نامزدگی ہوئے ہیں،چوہدری شہباز کے تجویز کنندہ چوہدری شاہنواز کو پولیس نے گرفتار کرلیا، فیصل چوہدری نے چوہدری شاہنواز کی گرفتاری کے خلاف الیکشن کمیشن میں درخواست دائر کر دی،فیصل چوہدری نے آر او، ڈی آر او اور ڈی پی او جہلم کے کے خلاف الیکشن کمیشن میں درخواست دائر کر رکھی ہے،پی ٹی آئی نے ورکروں کو حراساں کیے جانے کے حوالے سے بھی الیکشن کمیشن میں درخواست دے رکھی ہے،الیکشن کمیشن چیف سیکرٹری اور آئی پنجاب کو شکایات کے ازالے کے احکامات جاری کر چکا ہے

نعیم پنجوتھا کا مریم نواز پر افتخار گوندل کو اغوا کرنے کا الزام
عمران خان کے وکیل نعیم پنجوتھا نے مسلم لیگ ن کی رہنما مریم نواز پر افتخارگوندل کو اغواء کرانے کا الزام لگا دیا، نعیم پنجوتھا سرگودھا سے مریم نواز کے مقابلے میں امیدوار ہیں، سرگودھا میں میڈیا سے بات کرتے ہوئے نعیم پنجوتھا کا کہنا تھا کہ مریم نواز نے پی ٹی آئی کے امیدوار افتخار گوندل کو اغواء کروا کے مرضی کا بیان دلوایا مریم نواز سمجھتی تھیں کہ انہیں پی پی 80 میں مدِ مقابل امیدوار نہیں ملے گا، پی پی 80 سے مجھ سمیت پی ٹی آئی کے 12 امیدواروں نے کاغذاتِ نامزدگی جمع کروائے ہیں،

مرکزی مسلم لیگ کے صدر خالد مسعود سندھو کے این اے 130سے کاغذات نامزدگی منظور
پاکستان مرکزی مسلم لیگ کے صدر خالد مسعود سندھو کے این اے 130 سے کاغذات نامزدگی منظور۔ اس موقع پر پاکستان مرکزی مسلم لیگ کے صدر خالد مسعود سندھو نے میڈیا سے گفتگو کرتے ہوئے نے کہا ہے کہ پوری دنیا کے ساتھ چلنے کے لیے آئین اور قانون کے مطابق پاکستان میں الیکشن انتہائی ضروری ہیں۔پورے ملک میں قومی و صوبائی حلقوں سے امیدواران کو الیکشن کے میدان میں اتارا ہے ۔ پاکستان کی عوام سابقہ سیاسی جماعتوں سے مایوس ہوچکی ہے۔ عوام نئے چہروں کو دیکھنا چاہتے ہیں۔ پاکستان میں موجود غربت اور معاشی بحران کی ذمہ دار وہ تمام سیاسی جماعتیں ہیں جو اقتدار میں رہی ہیں۔ ان سیاسی جماعتوں کا وطیرہ ہے کہ یہ صرف انتخابات کے دنوں میں پاکستان کو لوٹنے کے لیے متحرک ہوتی ہیں۔پاکستان مرکزی مسلم لیگ ان تمام سیاسی جماعتوں کی راہ میں رکاوٹ بنے گی۔

این اے 127، بلاول کے کاغذات پر اعتراض کرنیوالا حلقے کا رہائشی ہی نہیں، جواب جمع
این اے 127 ،چیرمین پیپلز پارٹی بلاول بھٹو زرداری کے کاغذات نامزدگی کے اعتراضات پر فیصلہ محفوظ کر لیا گیا،بلاول بھٹو زرداری کے وکیل نے تحریری دستاویزات اور دلائل آر او کو جمع کروا دیے ،جواب میں کہا گیا کہ بلاول بھٹو زرداری کے دیگر حلقوں سے کاغذات نامزدگی منظور ہوچکے ہیں،بلاول کے کاغذات نامزدگی پر اعتراض کرنے والا این اے 127 کا ووٹر ہی نہیں ،اعتراض کرنے والا نارووال کا رہائشی ہے اس لئے اس اعتراض کی کوئی حیثیت نہیں ،بلاول کے کاغذات نامزدگی میں پاکستان پیپلز پارٹی پارلیمنٹیرینزلکھا گیا ہے جو کہ ایک انسانی غلطی ہے، بلاول بھٹو کے سندھ میں کاغذات نامزدگی منظور ہو چکے ہیں، صرف پنجاب میں مسئلہ ڈالا گیا ہے، بلاول بھٹو کے کاغذات نامزدگی پر پنجاب میں جان بوجھ کر اعتراض لگایا گیا ہے

ن لیگ من پسند بیوروکریسی کے ذریعے دھاندلی کا تجربہ رکھتی ہے،جماعت اسلامی
جماعت اسلامی کے رہنما میاں اسلم کا کہنا ہے کہ الیکشن کمیشن اپنے ڈی سی اور آئی جی اسلام آباد کے تبادلے کے فیصلے پہ عملدرآمد کروائے،پی ڈی ایم کے تقرر کردہ افسران کی موجودگی میں شفاف الیکشن کی توقع نہیں، الیکشن کمیشن تاحال اپنے فیصلے پہ عملدرآمد میں ناکام ہے، الیکشن شفاف بنانے کے لیے افسران کا تبادلہ ناگزیر ہے،ن لیگ من پسند بیوروکریسی کے ذریعے دھاندلی کا تجربہ رکھتی ہے، اسلام آباد میں پی ڈی ایم بالخصوص ن لیگ کے تقرر کردہ افسران کیسے غیر جانبدار رہیں گے،

انتخاب کے روز پولنگ کے اوقات کا اعلان
عام انتخابات،الیکشن کمیشن نے قومی اورصوبائی اسمبلی کے لئے انتخاب کے روز پولنگ کے اوقات کا اعلان کر دیا، الیکشن کمیشن کی جانب سے جاری اعلامیہ کے مطابق آٹھ فروری کو ووٹر صبح آٹھ سے شام پانچ بجے تک ووٹ ڈال سکیں گے،الیکشن کمیشن آف پاکستان نے چار وں صوبائی الیکشن کمشنرز کو ہدایات جاری کردی ہیں،الیکشن کمیشن نے اپنے فیصلے سے ریٹرننگ آفیسرز کو بھی آگاہ کردیاہے

این اے 122،عمران خان کے کاغذات نامزدگی پر دائر اعتراضات پر فیصلہ محفوظ

تمام امیدواران کو الیکشن کا برابر موقع ملنا چاہئے

عام انتخابات کے دن قریب آئے تو تحریک انصاف کی مشکلات میں اضافہ 

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

الیکشن کمیشن کا فواد حسن فواد کو عہدے پر برقرار رکھنے کا فیصلہ

ٹکٹوں کی تقسیم،ن لیگ مشکل میں،امیدوار آزاد لڑیں گے الیکشن

کسی بھی امیدوار کے تجویز ،تصدیق کنندہ کی ہراسگی برداشت نہیں ہوگی،عدالت

واضح رہے کہ حلقہ این اے 15سے نوازشریف کے کاغذات نامزدگی منظور کر لئے گئے ہیں،فیصل ندیم کے این اے 235سے کاغذات نامزدگی منظور کر لئے گئے ہیں،ایبٹ آباد پی کے 45 کے بعد این اے سترہ سے بھی سپیکر کے پی اسمبلی مشتاق احمد غنی کے کاغذات نامزدگی مسترد کر دیئے گئے، آر او نے مؤقف اپنایا کہ سپیکر کے پی اسمبلی عدالتی مفرور ہیں ،سفری ضمانت کے باوجود واپس نہیں آئے،این اے 264 سے اختر مینگل،این اے 262 سے ن لیگ امیدوار کے کاغذات منظورکر لئے گئے ہیں،پی پی 114 سے استحکام پاکستان کے فرخ حبیب کے کاغذات نامزدگی منظور ہو گئے ہیں،این سے 247، مصطفیٰ کمال کے کاغذات نامزدگی منظورہو گئے ہیں،این اے55 سے محمد اعجاز الحق کے کاغذات نامزدگی منظورکر لئے گئے ہیں، مرکزی مسلم لیگ کے حافظ طلحہ سعید کے این اے 122 سے کاغذات نامزدگی منظورکر لئے گئے ہیں،حافظ سعد رضوی کے کاغذات نامزدگی این اے 50 اٹک سے منظورہو گئے ہیں،ن لیگی رہنما عابد شیر علی کے کاغذات نامزدگی منظوری،میاں طاہر جمیل کے بھی منظورکر لئے گئے ہیں،

آرمی چیف جنرل سید عاصم منیر، نشان امتیاز (ملٹری)کی زیر صدارت دو روزہ 261ویں کور کمانڈرز کانفرنس منعقد ہوئی

کانفرنس کے شرکاء نے مسلح افواج کے افسران، جوانوں، قانون نافذ کرنے والے اداروں اور شہریوں سمیت شہداء کی عظیم قربانیوں کو زبردست خراجِ تحسین پیش کیا،جنہوں نے ملک میں امن و استحکام کو یقینی بنانے کیلئے اپنی جانوں کی قربانیاں دیں ، شرکاء نے شہدائے پاکستان سمیت ڈیرہ اسماعیل خان حملے کے شہداء کے ایصال و ثواب کیلئے بھی فاتحہ خوانی کی،فورم نے بالواسطہ اور بلاواسطہ خطرات کے خلاف پاکستان کی خود مختاری اور علاقائی سالمیت کے دفاع کے لیے پاک فوج کے عزم کا اعادہ کیا

فورم نے مقبوضہ کشمیر میں بھارتی فوج کی مسلسل جبر اور انسانی حقوق کی قابل مذمت خلاف ورزیوں پر شدید تشویش کا اظہار کیا،شرکاء نے بھارتی فوج کی معصوم شہریوں کے اغواء، تشدد اور قتل کی حالیہ کارروائیوں کی واضح الفاظ میں مذمت کی،اور کہا کہ ”یہ کارروائیاں انسانیت کے خلاف سنگین جرائم ہیں جو بہادرکشمیریوں کے جائز حق خوداردیت کے جذبے کو پست نہیں کرسکتیں“ ”پاکستان اپنے کشمیری بھائیوں کی بین الاقوامی قوانین اور اقوام متحدہ کی قراردادوں کے مطابق مسئلہ کشمیر کے حل کے لیے ہر طرح کی سیاسی، اخلاقی اور سفارتی حمایت جاری رکھے گا“

فورم کو خطے کی صورتحال، قومی سلامتی کو درپیش چیلنجز اور بڑھتے ہوئے خطرات کے جواب میں اپنی حکمت عملی کے بارے میں بھی بریفنگ دی گئی،کانفرنس کے شرکاء نے کالعدم ٹی ٹی پی اور دیگر دہشتگرد گروپوں کی پڑوسی ملک میں محفوظ پناہ گاہوں، وہاں سے آزادی کیساتھ کارروائیوں اور جدید ترین ہتھیاروں کی دستیابی کو پاکستان کی سیکیورٹی کیلئے خطرہ قرار دیتے ہوئے تشویش کا اظہار کیا،کانفرنس کے شرکاء نے اس عزم کا اظہار کیا کہ ;”پاکستان کو غیر مستحکم کرنے کے لیے دشمن قوتوں کے اشارے پرکام کرنے والے تمام دہشتگردوں،ان کے سہولت کاروں اور ان کی حوصلہ افزائی کرنے والے عناصر کیخلاف ریاست مکمل طاقت کے ساتھ نمٹے گی“

فورم نے فلسطینی عوام کے ساتھ مکمل یکجہتی کا اظہار کیا اور غزہ میں انسانی حقوق کی سنگین خلاف ورزیوں اور جنگی جرائم کی مذمت کرتے ہوئے غزہ میں فوری جنگ بندی اور جاری تنازعہ کے پرامن حل کے مطالبہ کے حکومتی موقف کا اعادہ کیا،فورم نے سماجی و اقتصادی ترقی کو فروغ دینے اور خصوصی سرمایہ کاری سہولت کونسل (SIFC) کے تحت غیر ملکی سرمایہ کاری کی حوصلہ افزائی کے لیے جاری کوششوں کے لیے اپنی حمایت کا بھی اعادہ کیا

فورم نے سمگلنگ، منی لانڈرنگ، بجلی چوری اور دیگر غیر قانونی معاشی سرگرمیوں کے علاوہ ذخیرہ اندوزی کے خلاف جاری کارروائیوں کا بھی جامع جائزہ لیا،فورم نے اعادہ کیا کہ ”پاک فوج ایسے جرائم کی روک تھام کے لیے متعلقہ سرکاری اداروں اور قانون نافذ کرنے والے اداروں کو ہر طرح کی مدد فراہم کرتی رہے گی“”پاک فوج آئندہ عام انتخابات میں الیکشن کمیشن آف پاکستان کو مطلوبہ اور ضروری تعاون فراہم کرے گی“

فورم کو فارمیشنز کی آپریشنل تیاریوں پر بھی بریفنگ دی گئی،آرمی چیف نے آپریشنز کے دوران پیشہ ورانہ مہارت کے معیار کو برقرار رکھنے، ذہنی اور جسمانی شعبوں میں فارمیشنز کی تربیت کے دوران بہترین کارکردگی کے حصول پر زور دیا

غزہ سے فلسطینیوں کی جبری بے دخلی سنگین جرم ہے، آرمی چیف

نوجوان فکری وسائل بروئے کار لاکر درپیش چیلنج کا حل تلاش کریں۔ آرمی چیف

عمان کی رائل آرمی کے کمانڈر کی آرمی چیف سے ملاقات

یوم تکریم شہدائے پاکستان کے موقع پر جنرل ہیڈ کوارٹرز (جی ایچ کیو) میں مرکزی تقریب 

یوم تکریم شہدائے پاکستان کی مناسبت سے نغمہ جاری

ہندو برادری بھی شہداء کی عزت و تکریم کے لئے میدان میں آ گئی

آرمی چیف جنرل عاصم منیر سے قطر آرمڈ فورسز کے چیف آف اسٹاف کی ملاقات

آرمی چیف جنرل سید عاصم منیر سے علمائے کرام و مشائخ کی ملاقات

امام کعبہ کا پاکستان آنا پاکستانی عوام کے لیے اعزاز کی بات ہے،آرمی چیف

آرمی چیف جنرل سید عاصم منیر کا کہنا تھا کہ خون کے آخری قطرے تک لڑیں گے،

فائرنگ کے تبادلے میں 3دہشتگرد ہلاک ،3 زخمی 

بانی پی ٹی آئی اور بشری بی بی پر فردجرم کیلئے 4 جنوری کی تاریخ مقررکر دی گئی

احتساب عدالت کے جج محمد بشیر نے اڈیالہ جیل میں سماعت کی، ڈپٹی پراسیکیوٹر جنرل نیب سردار مظفر عباسی اور نیب ٹیم عدالت پیش ہوئے،ملزمان کو توشہ خانہ ریفرنس کی نقول اور دیگر ضروری دستاویزات فراہم کر دی گئیں،عدالت نے ملزمان پر فردجرم کیلئے سماعت 4 جنوری تک ملتوی کردی

نیب کی جانب سے توشہ خانہ ریفرنس میں درخواست ضمانت پر دلائل جاری،عدالت نے سماعت 30 دسمبر تک ملتوی کردی ،190 ملین پاؤنڈ ریفرنس میں ضمانت کی درخواستوں پر بھی سماعت30 دسمبر تک ملتوی کر دی گئی

توشہ خانہ کیس، سپریم کورٹ میں عمران خان کی اپیل پر اعتراض عائد

واضح رہے کہ احتساب عدالت نے عمران خان کی درخواست ضمانت خارج کی تھی جسکے بعد نیب نے عمران خان کو توشہ خانہ کیس میں گرفتار کیا تھا،عمران خان اڈیالہ جیل میں ہیں، سائفرکیس میں بھی عمران خان پر فرد جرم عائد ہو چکی ہے، القادر ٹرسٹ کیس میں بھی عمران خان جوڈیشیل ریمانڈ پر ہیں

عمران خان کی گرفتاری کیسے ہوئی؟ 

چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا

پیپلز پارٹی کسی کی گرفتاری پر جشن نہیں مناتی

 عمران خان کی سزا معطلی کی درخواست پر سماعت ہوئی

عام انتخابات، ن لیگ ٹکٹوں کی تقسیم میں مشکل میں پھنس گئی،نواز شریف، شہباز شریف کی زیر صدارت اجلاسوں میں امیدواروں کے انٹرویو تو ہو گئے، اب ٹکٹ کس کو دیں؟ ن لیگ میں دھڑے بازی سامنے آ گئی، لاہور، پنڈی، چکوال سمیت کئی حلقوں میں ن لیگ کو ٹکٹوں بارے فیصلہ کرنا کافی مشکل لگ رہا ہے کیونکہ ٹکٹ نہ ملنے کی صورت میں امیدوار آزاد الیکشن لڑ سکتا ہے، وہیں سیٹ ایڈجسٹمنٹ کے حوالہ سے بھی ن لیگ کو مشکلات کا سامنا کرنا پڑ رہا ہے، این اے 242 کراچی کی سیٹ پر شہباز شریف نے کاغذات جمع کروائے تو ایم کیو ایم کے مصطفیٰ کمال بھی امیدوار ہیں، اور انہوں نے ہر حال میں الیکشن لڑنے کا اعلان کر رکھا ہے، ایم کیو ایم کی خواہش ہے کہ این اے 242 کے علاوہ اگر ن لیگ کسی حلقے میں سیٹ ایڈجسٹمنٹ کرنا چاہے گی تو مشاورت سے فیصلہ کیا جا سکتا ہے، استحکام پاکستان پارٹی کے ساتھ ن لیگ کی سیٹ ایڈجسٹمنٹ کا ابھی تک کوئی حتمی فیصلہ نہ ہو سکا،

این اے 59، کئی امیدوار،ن لیگ پریشان، سرداران ٹمن کا اتحاد
چکوال کے حلقہ این اے 59 میں بھی ٹکٹ کی تقسیم کے حوالہ سے ن لیگ کو مشکلات کا سامنا ہے، ملک شہروز ٹمن ، سردار غلام عباس، سردار منصور حیات اس حلقے سے ن لیگ کے امیدوار ہیں، باخبر ذرائع کے مطابق ن لیگ سردار غلام عباس کو این اے 59 سے ٹکٹ دینا چاہ رہی ہے تا ہم ملک شہروز کہہ چکے ہیں کہ اگر ٹکٹ نہ ملا تو فیصلہ سردار ممتاز ٹمن کریں گے، ادھر سابق رکن قومی اسمبلی فیض ٹمن کی ممتاز ٹمن سے ملاقات ہوئی ہے جس میں آمدہ انتخابات کے حوالہ سے مشاورت کی گئی، اگر ن لیگ نے شہروز ٹمن کو ٹکٹ نہ دیا تو سردار شہروز اور فیض ٹمن کا آپس میں اتحاد ہو سکتا ہے، 2018 کے الیکشن میں فیض ٹمن اور پرویز الہیٰ میں مقابلہ تھا، فیض ٹمن ہار گئے، پرویز الہیٰ نے سیٹ چھوڑی، چودھری سالک حسین ضمنی الیکشن میں مقابلے میں آئے تو فیض ٹمن نے چودھری برادران سے ہاتھ ملا کر ن لیگ کے ساتھ ہاتھ کر دیا تھا، اس وجہ سے اب ن لیگ این اے 59 میں ٹکٹ کے لئے سوچ و بچار کر رہی ہے کہ ٹکٹ کس کو دیا جائے؟

این اے 121،ایاز صادق یا شیخ روحیل اصغر؟ سینیٹ کی بھی ہو گی آفر
ن لیگی قیادت کی جانب سے امیدواروں کو یقین دہانی کروائی جا رہی ہے کہ جو امیدوار اس بار رہ جائیں گے انکو ضمنی الیکشن میں ٹکٹ دے دیا جائے گا یا سینیٹ میں ایڈجسٹ کر دیا جائے گا، لاہور کے حلقہ این اے 121 میں بھی ن لیگ کے ٹکٹ کے لئے رسہ کشی جاری ہے،الیکشن کمیشن کی جانب سے نئی حلقہ بندیوں‌کے بعد این اے 121 میں پرانے دو حلقے آ گئے، ایاز صادق، اور شیخ روحیل اصغر کے حلقے این اے 121 میں شامل ہوئے، اب ن لیگ کس کو ٹکٹ دے؟ ایاز صادق یا شیخ روحیل اصغر، اس پر مشاورت جاری ہے،باخبر ذرائع کے مطابق اگر کسی ایک کوٹکٹ نہیں ملتا تو دوسرے کی ناراضگی کا امکان ہے،ن لیگ کی کوشش ہو گی کہ اگرایاز صادق کو ٹکٹ نہ دیا تو انہیں سینیٹ میں ایڈجسٹ کیا جائے،مارچ میں سینیٹ کے الیکشن ہونے ہیں، ایاز صادق کو چیئرمین سینیٹ کی نشست بھی آفر کی جائے گی، تا ہم ٹکٹ کی تقسیم کا حتمی فیصلہ نوا ز شریف کریں گے

لاہور کے حلقے این اے 117 سے ن لیگی امیدوار ملک ریاض نے کاغذات نامزدگی جمع کروائے ہیں اسی حلقے سے علیم خان بھی الیکشن لڑ رہے ہیں، کیا ن لیگ اس حلقے سے سیٹ ایڈجسٹمنٹ کرے گی؟ ن لیگی امیدوار ملک ریاض پریشان ہیں، انکی خواہش ہے کہ سیٹ ایڈجسٹمنٹ نہ ہو اور وہ پارٹی ٹکٹ پر الیکشن لڑیں،ن لیگ ملک ریاض کو ضمنی انتخابات میں ٹکٹ دینے کی آفر کرے گی اگر سیٹ ایڈجسٹمنٹ ہو گئی تو، تاہم اس حلقے میں بھی حتمی فیصلہ نواز شریف ہی کریں گے

فیاض الحسن چوہان کے مقابلے میں ٹکٹ نہ ملا تو آزاد الیکشن لڑیں گے، ن لیگ پنڈی کا اعلان
دوسری جانب ٹکٹوں کی تقسیم پر ن لیگ میں اختلافات سامنے آئے ہیں، ن لیگ پنڈی کے رہنما امجد بھٹی نے مطالبہ کیا ہے کہ پی پی 17 پر راجہ حنیف کو ٹکٹ دیا جائے، اگر راجہ حنیف کو ٹکٹ نہ ملا تو وہ آزاد الیکشن لڑیں گے،پی پی 17 پر استحکام پاکستان پارٹی سے سیٹ ایڈجسٹمنٹ کی بجائے پارٹی کارکن کو ٹکٹ دیا جائے، فیاض الحسن چوہان اس حلقے سے امیدوار ہیں، ن لیگی کارکن فیاض الحسن چوہان کو ووٹ نہیں دیں گے بلکہ اگر پارٹی نے ٹکٹ نہ دیا تو آزاد امیدوار کے طور پر راجہ حنیف الیکشن لڑیں گے

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

بانی چیئرمین پاکستان تحریک انصاف عمران خان کے حلقہ این اے 122 سے کاغذات نامزدگی کی جانچ پڑتال کیلئے رائے محمد علی کی قیادت میں وکلاء کینٹ کچہری پہنچ گئے

آر او آفس میں عمران خان کے کاغذات نامزدگی پر اعتراض کے خلاف رائے سلمان اور اظہر صدیقی نے دلائل دیئے، عمران خان کے وکیل نے کہا کہ درخواست گزار اس حلقے سے نہیں ہے،درخواست مسترد کی جائے،پی ٹی آئی کی لیگل ٹیم نے ن لیگ کی طرف سے عمران خان کے این اے 122 سے کاغذات نامزدگی پر اعتراضات کو عدالت میں چیلنج کرنے کا فیصلہ کر لیا ریٹرنگ آفیسر کے آفس میں سماعت کے دوران وکیل اظہر صدیقی کا کہنا ہے کہ ہم عدالت میں جائیں گے، وکیل نے کاغذات کے ساتھ نئے تجویز اور تائید کرنے پیش کرنے کی درخواست دائر کردی ،اظہر صدیق نے کہا کہ ہمارے پاس تجویز اور تائید کنندہ کی لائنیں لگی ہیں

ن لیگی رہنما، درخواست گزار میاں نصیر احمد کے وکیل نے کہا کہ بانی تحریک انصاف عمران خان کی سزا معطل ہوئی ہے جرم نہیں ، ان کا جرم برقرار ہے لہذا وہ الیکشن نہیں لڑ سکتے ، بانی تحریک انصاف کے تائید کنندہ اس حلقہ سے نہیں جو قانون کی خلاف ورزی ہے ، وکیل اظہر صدیق نے کہا کہ الیکشن کمیشن کوئی عدالت نہیں جو کسی کو سزا دے سکے ،عمران خان پر اس فیصلے کی وجہ سے آرٹیکل باسٹھ تریسٹھ کا اطلاق نہیں ہوتا ،اہلیت کا سوال تب اٹھتا ہے جب کسی قانون کے تحت سزا ہوئی ہو ، الیکشن کمیشن کی سزا کے متعلق کوئی قانون ہی موجود نہیں ،تائید کنندہ این اے 122کا ہی ووٹر تھا ، وکیل محمد خان کھرل نے کہا کہ 15دسمبر کے بعد یہ حلقہ تبدیل ہوا ، وکیل بانی پی ٹی آئی نے کہا کہ حلقہ بندی کے حوالے سے ہائی کورٹ نے حکم دیا جس پر تبدیلی ہوئی ،جب یہ حلقہ بندی تبدیل ہوئی اس وقت الیکشن کا شیڈول آ چکا تھا ،الیکشن کمیشن چار ماہ پہلے حلقہ بندیوں میں ردو بدل نہیں کر سکتا ، رات کے اندھیرے میں سب کچھ کیا گیا ،یہ بانی تحریک انصاف کو الیکشن سے باہر رکھنے کی کوشش ہے ،

عمران خان کے کاغذات نامزدگی پر دائر اعتراضات پر فیصلہ محفوظ کر لیا گیا،ریٹرننگ افسر نے فریقین کے دلائل مکمل ہونے کے بعد فیصلہ محفوظ کیا، فیصلہ 30 دسمبر کو سنایا جائے گا

واضح رہے کہ گزشتہ روز سابق وزیراعظم عمران خان کے خلاف ن لیگ میدان میں آ گئی، کاغذات نامزدگی پر اعتراض عائد کر دیئے،عمران خان نے لاہور کے حلقہ این اے 122 سے کاغذات جمع کروائے تھے، ن لیگ کے سابق رکن پنجاب اسمبلی میاں نصیر احمد نے عمران خان کے کاغذات نامزدگی پر اعتراض عائد کیا، میاں‌نصیر احمد نے وکیل سپریم کورٹ محمد رمضان چودھری،بیرسٹر عبدالقدوس سوہل کے توسط سے درخواست دائر کی،میاں نصیر احمد کی درخواست میں کہا گیا ہے کہ عمران خان سزا یافتہ ہے الیکشن لڑنے کے اہل نہیں کاغذات نامزدگی مسترد کیے جائیں،

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

عام انتخابات 2024، امیدواروں کے کاغذات نامزدگی کی جانچ پڑتال کا عمل جاری ہے

پیپلز پارٹی کے رہنما فیصل میر کے کاغذات نامزدگی کی جانچ پڑتال مکمل ہو گئی ہے،فیصل میر پی پی 161 سے پیپلز پارٹی کے امیدوار ہیں،این اے 124 سے تحریک انصاف کے رہنما سردار عظیم اللہ خان میو کے کاغذات نامزدگی منظور ہو گئے ہیں،سابق وزیراعظم نواز شریف کے کاغذات نامزدگی پر پی ٹی آئی نے اعتراض عائد کر دیئے ہیں،مانسہرہ کے حلقہ این اے 15 سے نواز شریف کے کاغذات نامزدگی چیلنج کرتے ہوئے اعتراض کنندہ کا کہنا تھا کہ نواز شریف کے خلاف 5 جج فیصلہ دے چکے ہیں اور سپریم کورٹ انہیں تاحیات نااہل کرچکی ہے، نواز شریف کے کاغذات نامزدگی مسترد کیے جائیں،حلقہ این اے 15سے نوازشریف کے کاغذات نامزدگی منظور کر لئے گئے،پی ٹی آئی کے اعتراضات مسترد کر دیئے گئے،ریٹرننگ آفیسر نے جانچ پڑتال کے بعد مسلم لیگ ن کے امیدوار قومی اسمبلی نوازشریف کے کاغذات منظوری دے دی

فیصل ندیم کے این اے 235سے کاغذات نامزدگی منظور
پاکستان مرکزی مسلم لیگ کے نائب صدرفیصل ندیم کے این اے 235سے کاغذات نامزدگی منظور۔میڈیا سے گفتگو کرتے ہوئے فیصل ندیم نے کہا کہ اسکروٹنی کے مرحلے کے بعد انتخابی مہم میں تیزی لائیں گے ۔سیٹ ایڈجسمنٹ کے لیے مختلف جماعتوں سے بات چیت جاری ہے۔ جو جماعتیں سندھ کی تباہی کی زمہ دار ہیں ان سے انتخابی اتحاد مشکل ہے ۔ عوام نئے چہروں کو دیکھنا چاہتے ہیں ۔مرکزی مسلم لیگ ملک بھر سے الیکشن میں بھرپور حصہ لے رہی ہے ۔

عمران خان ،مراد سعید کئی رہنما نادہندہ نکلے، کاغذات نامزدگی مسترد کرنے کا حکم جاری
خیبرپختونخواہ سے صوبائی الیکشن کمیشن نے آر اوز کو مراسلہ بھیجا ہے جس میں نادہندہ سیاستدانوں کی فہرست بھیجی گئی ہے،ماضی میں الیکشن کمیشن کے قواعد وضوابط کی خلاف ورزی پر الیکشن کمیشن نے سیاستدانوں‌پر جرمانے عائد کئے تھے تاہم انہوں نے جرمانے ادا نہیں‌کیے،جس پر فہرست جاری کی گئی، فہرست میں سابق وزیراعظم عمران خان، سابق وزیر اعلیٰ محمود خان، مراد سعید، کامران بنگش، تیمور جھگڑا، شوکت یو سفزئی اور اشتیاق ارمڑ کے نام شامل ہیں، الیکشن کمیشن کی جانب سے جاری فہرست میں پیپلز پارٹی رہنما امجد آفریدی،جماعت اسلامی کے امیدوار عنایت اللہ کا نام بھی شامل ہے، فہرست کے مطابق عمران خان نے دو لاکھ، مراد سعید نے ایک لاکھ، محمود خان نے ڈیڑھ لاکھ روپے کا جرمانہ ادا نہیں کیا،الیکشن کمیشن نے مختلف آر اوز کو امیدواروں سے جرمانے وصول کرنے کی ہدایت جاری کی اور کہا کہ جرمانے ادا نہ کرنے والے امیدواروں کے کاغذات نامزدگی مسترد کردیئے جائیں

عام انتخابات کی تیاریوں میں تیزی ،اسلام آباد کی ضلعی انتظامیہ نے شکایات کے حل کے لیے ٹویٹر اکاؤنٹ کا استعمال شروع کردیا ،اسلام آباد کی ضلعی انتظامیہ نے مانیٹرنگ کے لیے ٹویٹر آئی ڈی بنادی،ٹویٹر اکاؤنٹ آئی سی ٹی الیکشنز مانیٹرنگ سیل کے نام سے بنایا گیا،کوڈ آف کنڈکٹ کی خلاف ورزی سے متعلق شکایات ٹویٹر ہینڈل پر مینشن کی جاسکیں گی ،خلاف ورزی پر فوری کارروائی کی جائے گی ،آئی سی ٹی کی مانیٹرنگ ٹیم ٹویٹر اکاؤنٹ کو مانیٹر کرے گی،

ایبٹ آباد پی کے 45 کے بعد این اے سترہ سے بھی سپیکر کے پی اسمبلی مشتاق احمد غنی کے کاغذات نامزدگی مسترد کر دیئے گئے، آر او نے مؤقف اپنایا کہ سپیکر کے پی اسمبلی عدالتی مفرور ہیں ،سفری ضمانت کے باوجود واپس نہیں آئے،

این اے 264 سے اختر مینگل،این اے 262 سے ن لیگ امیدوار کے کاغذات منظور
این اے 264 سے بی این پی کے سربراہ سردار اختر مینگل کے کاغذات نامزدگی درست قراردے دیئے گئے،پارٹی رہنماء احمد نواز اور وکیل ایڈووکیٹ راجہ جواد جانچ پڑتال کے موقع پر موجود تھے،جانچ پڑتال کے بعد ریٹرننگ افسر خالد شمس نے کاغذات درست قرار دے دیے ،این اے 262 سے بی این پی نوابزادہ اورنگزیب جوگیزئی کے کاغذات نامزدگی درست قراردے دیئے گئے،این اے 262 سے ن لیگ کے رہنماء نواب سلیمان خلجی کے کاغذات نامزدگی درست قراردے دیئے گئے،این اے 263 سے جمعیت علمائے اسلام کے مفتی روزی خان کے کاغذات نامزدگی درست قراردے دیئے گئے،این اے 263 سے پی ٹی آئی کے رحیم کاکڑ کے کاغذات نامزدگی درست قرار دیئے گئے

لیول پلیئنگ فیلڈ کی عدم دستیابی کا معاملہ،الیکشن کمیشن نے پی ٹی آئی وکیل شعیب شاہین کی شکایت پر ایکشن لے لیا،الیکشن کمیشن نے چیف سیکرٹری پنجاب اور آئی جی پنجاب کو مراسلہ لکھ دیا جس میں کہا گیا کہ کاغذات نامزدگی کی جانچ پڑتال کے عمل کے دوران امیدواروں اور انکے تائید کنندگان کی حفاظت یقینی بنائی جائے، کوئی سیاسی رہنما یا جماعت بنیادی حق سے محروم نہ کی جائے ،

فیصل آباد،2018 میں دس میں سے سات قومی اسمبلی کی نشتیں جتنے والی تحریک انصاف کے امیدوار ساتھ چھوڑ چکے
فیصل آباد میں قومی اسمبلی کے حلقوں کے پی ٹی آئی کے نئے امیدوار سامنے آئیں گے ،2018 میں دس میں سے سات قومی اسمبلی کی نشتیں جتنے والی تحریک انصاف کے اہم امیدوار ساتھ چھوڑ چکے،سات قومی اسمبلی کے حلقوں سے جیتنے والے تحریک انصاف کے سابق ایم اینز پارٹی چھوڑ چکے ہیں ،پارٹی چھوڑنے والوں میں فرخ حبیب ، رضا نصر اللہ گھمن ، شیخ خرم ، عاصم نذیر ، راجہ ریاض ، نواب شیر وسیر اور فیض اللہ کموکا شامل ہیں،فیص اللہ کموکا اور عاصم کے علاوہ تمام پارٹی چھوڑنے والے سابق ایم این ایز آزاد اور استحکام پاکستان کی جانب سے میدان میں اتریں گے ،تحریک انصاف کے سابق ایم پی ایز کی زیادہ تعداد اب قومی اسمبلی کے لیے امیدوار ہے

پی ٹی آئی کے امیدوارغلام مرتضی ستی کو پولیس نے ساتھیوں سمیت گرفتار کر لیا ،
غلام مرتضی ستی ساتھیوں کے ہمراہ این اے 51 کے آر او آفس پہنچے تھے ،ریٹرننگ افسر نے غلام مرتضی ستی کو کاغذات کی جانچ پڑتال کے لیے طلب کیا تھا ،گرفتار ہونے والوں میں غلام مرتضی ستی کے تجویز اور تائید کنندہ بھی شامل ہیں، پولیس نے پی ٹی آئی رہنما اور ساتھیوں کو نامعلوم مقام پر منتقل کر دیا.

اداکارہ نور الیکشن کمیشن آفس پہنچ گئیں
اداکارہ نور کی سیاست میں انٹری،اداکارہ نور کاغزات نامزدگی کی جانچ پڑتال کے لیے صوبائی الیکشن کمیشن کے آفس پہنچی،اداکارہ نور نے استحکام پاکستان پارٹی کی جانب سے مخصوص نشت کے لیے کاغزات نامزدگی کی سکروٹنی کے لیے جانچ پڑتال مکمل کرا لی،ادکارہ نور عون چوہدری کی بیگم ہیں

بلاول زرداری کے این اے127سے کاغذات نامزدگی کی سکروٹنی ،اعتراضات پر فیصلہ محفوظ
پیپلز پارٹی چیئرمین بلاول زرداری کے این اے127سے کاغذات نامزدگی کی سکروٹنی ، ریٹرننگ افسر نے فیصلہ محفوظ کر لیا،ریٹرننگ آفیسر نے فریقین کے وکلاء کے دلائل سننے کے بعد فیصلہ محفوظ کیا۔بلاول بھٹو کے وکیل عرفان قادر کو کل تک تحریری طور پر جواب داخل کرنیکی مہلت مل گئی،علی قاسم گیلانی،پی پی لاہور کے صدر چودھری اسلم گل،عمر صدیق ، عرفان قادر اور فیصل میر ریٹرننگ آفیسر کے دفتر پہنچ گئے۔اسلم گل چیئرمین بلاول بھٹو زرداری کے کورنگ امیدوار بھی ہیں۔پیپلز پارٹی کے رھنما شاہدہ جبیں،افتخار شاہد، شاہد عباس ،شکیل پاشا بھی اس موقع پر موجود تھے

پی پی 114 سے استحکام پاکستان کے فرخ حبیب کے کاغذات نامزدگی منظور ہو گئے ہیں،کاغذات نامزدگی پر کوئی بھی اعتراض جمع نہیں ہوا،فیصل آباد میں تین روز کے دوران مجموعی طور پر 700 سے زائد امیدواروں کے کاغذات کی سکروٹنی ہوئی،ریٹرننگ افسران نے 100 سے زائد امیدواروں کے کاغذات پر اعتراض عائد کردیئے،سب سے زیادہ امیدواروں کے کاغذات نیب کلیئرنس نہ ہونے کے باعث روکے گئے،پی پی 102 میں 12 امیدواروں کے کاغذات نامزدگی پر اعتراضات عائدکئے گئے،پی پی 109 میں 7 امیدواروں کے کاغذات پر اعتراضات لگائے گئے،پی پی 103 میں 20 امیدواروں کے کاغذات پرجانچ پڑتال کے بعد اعتراضات عائدکئے گئے،این اے 104 میں 12، پی پی 105 میں امیدواروں کے کاغذات منظور نہ ہوسکے،پی پی 107 میں 7، پی پی 100 میں 9 امیدواروں کے کاغذات نامکمل تھے،پی پی 118 میں 36 امیدواروں کے کاغذات پر اعتراض لگ گیا،ریٹرننگ افسران نے امیدواروں کو اعتراضات دور کرنے کی مہلت دے دی،قومی اور صوبائی اسمبلی کےلیے 1107 امیدواروں کی سکروٹنی کی جا رہی ہے

انتخاب کے روز پولنگ کے اوقات کا اعلان
عام انتخابات،الیکشن کمیشن نے قومی اورصوبائی اسمبلی کے لئے انتخاب کے روز پولنگ کے اوقات کا اعلان کر دیا، الیکشن کمیشن کی جانب سے جاری اعلامیہ کے مطابق آٹھ فروری کو ووٹر صبح آٹھ سے شام پانچ بجے تک ووٹ ڈال سکیں گے،الیکشن کمیشن آف پاکستان نے چار وں صوبائی الیکشن کمشنرز کو ہدایات جاری کردی ہیں،الیکشن کمیشن نے اپنے فیصلے سے ریٹرننگ آفیسرز کو بھی آگاہ کردیاہے

فیاض الحسن چوہان کے مقابلے میں ٹکٹ نہ ملا تو آزاد الیکشن لڑیں گے، ن لیگ پنڈی کا اعلان
دوسری جانب ٹکٹوں کی تقسیم پر ن لیگ میں اختلافات سامنے آئے ہیں، ن لیگ پنڈی کے رہنما امجد بھٹی نے مطالبہ کیا ہے کہ پی پی 17 پر راجہ حنیف کو ٹکٹ دیا جائے، اگر راجہ حنیف کو ٹکٹ نہ ملا تو وہ آزاد الیکشن لڑیں گے،پی پی 17 پر استحکام پاکستان پارٹی سے سیٹ ایڈجسٹمنٹ کی بجائے پارٹی کارکن کو ٹکٹ دیا جائے،فیاض الحسن چوہان اس حلقے سے امیدوار ہیں، ن لیگی کارکن فیاض الحسن چوہان کو ووٹ نہیں دیں گے بلکہ اگر پارٹی نے ٹکٹ نہ دیا تو آزاد امیدوار کے طور پر راجہ حنیف الیکشن لڑیں گے

لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

 الیکشن کمیشن کو تمام شکایات پر فوری ایکشن لیکر حل کرنے کا حکم

کاغذات نامزدگی جمع کرانے کے وقت میں 2 دن کا اضافہ 

ن لیگ کے محسن رانجھا نے پی ٹی آئی والوں پر پرچہ کٹوا دیا .

نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

عام انتخابات کے دن قریب آئے تو تحریک انصاف کی مشکلات میں اضافہ 

این سے 247، مصطفیٰ کمال کے کاغذات نامزدگی منظورہو گئے ہیں،این اے55 سے محمد اعجاز الحق کے کاغذات نامزدگی منظورکر لئے گئے ہیں، مرکزی مسلم لیگ کے حافظ طلحہ سعید کے این اے 122 سے کاغذات نامزدگی منظورکر لئے گئے ہیں،حافظ سعد رضوی کے کاغذات نامزدگی این اے 50 اٹک سے منظورہو گئے ہیں،ن لیگی رہنما عابد شیر علی کے کاغذات نامزدگی منظوری،میاں طاہر جمیل کے بھی منظورکر لئے گئے ہیں،

جسٹس میاں گل حسن اورنگزیب نے سائفر کیس کا ٹرائل 11 جنوری تک روکنے کا حکم جاری کر دیا، عدالت نے سائفر کیس میں حکم امتناع دے دیا،اسلام آباد ہائیکورٹ کے جسٹس میاں گل حسن اورنگزیب نے بانی پی ٹی آئی عمران خان کی درخواست پر سماعت کی اور کہا کہ یہاں پر مجھے دو سوالات کے جوابات چاہئیں، اس عدالت نے کہا تھا کہ اوپن ٹرائل ہوناچاہیے تو ان کیمرہ سماعت کیوں شروع ہوئی؟ سیکیورٹی عدالتی دائرہ اختیار نہیں تو اس میں ہم مداخلت نہیں کریں گے،عدالت نے کہا کہ سائفر کیس کا ٹرائل عارضی طور پر روکا جاتا ہے اور پہلے وفاقی حکومت اور ایف آئی اے کو نوٹس کیا جائے گا تاکہ ان کا جواب آ سکے

اسلام آباد ہائیکورٹ نے سائفر کیس ٹرائل میں 12 دسمبر کے حکم کیخلاف عمران خان کی درخواست پر وفاق کو نوٹس جاری کر دیئے. جسٹس میاں گل حسن اورنگزیب نے کیس کی سماعت کی،جسٹس میاں گل حسن اورنگزیب نے ریمارکس دیتے ہوئے کہا کہ یہ معاملہ پہلے ایک درخواست میں بھی سامنے آیا تھا ،پراسکیوشن کے مطابق کابینہ کی منظوری کے بعد کیس فائل کیا گیا ،عمران خان کے وکیل نے عدالتی فیصلے کا حوالہ دیتے ہوئے موقف اپنایا کہ آفیشل سیکرٹ ایکٹ کے تحت کیس درج کرانے کیلئے قانونی طریقہ نہیں اپنایا گیا.

سماعت کے آغاز پر جسٹس میاں گل حسن نے استفسار کیا کہ آپ کا نکتہ کیا ہے؟ اس پر وکیل عثمان گل نے کہا کہ نکتہ یہ ہے کہ فرد جرم سے پہلے قانونی طریقہ کار مکمل نہیں کیا گیا، جج نے جس نوٹیفکیشن کا حوالہ دیا وہ یکم دسمبر کا ہے اور سائفر ٹرائل روزانہ کی بنیاد پر چل رہا ہے،عدالت نے استفسار کیا کہ اب تک کتنے گواہان کے بیانات مکمل ہو چکے ہیں؟ وکیل نے بتایا کہ کُل 27 گواہان میں سے 25 کے بیانات اور تین کی جرح مکمل ہوئی ہے،

دوران سماعت بانی تحریک انصاف عمران خان کے وکیل نے سائفر ٹرائل پر حکم امتناع کی استدعا کی جسے عدالت نے مسترد کرتے ہوئے کہا کہ پہلے نوٹس ہوں گے،عدالت نے سائفر کیس میں فرد جرم عائد کرنے کے خلاف درخواست پر وفاق کو نوٹس جاری کردیا اور عمران خان کے وکیل کو ہدایت کی کہ آئندہ سماعت پر سائفر ٹرائل سے متعلق تمام ضروری دستاویزات جمع کرائیں،

سائفر کیس ،ان کیمرہ کاروائی کیخلا ف درخواست پر سماعت ملتوی
دوسری جانب سائفر کیس کی ان کیمرہ کارروائی کے خلاف درخواست پر سماعت اسلام آباد ہائی کورٹ کے جسٹس میاں گل حسن اورنگزیب نے کی، بیرسٹر سلمان اکرم راجا ویڈیو لنک کے ذریعے پیش ہوئے،بانی پی ٹی آئی عمران خان کی جانب سے وکلاء سکندر ذولقرنین، عثمان ریاض گل، انتظار پنجوتا و دیگر عدالت پیش ہوئے ،عدالتی حکم پر اٹارنی جنرل منصور عثمان اعوان، ایڈیشنل اٹارنی جنرل منور اقبال دوگل عدالت پیش ہوئے، ایف آئی اے اسپیشل پراسیکوشن ٹیم بھی عدالت کے سامنے پیش ہوئی،سماعت کے آغاز پر جسٹس میاں گل حسن اورنگزیب نے ریمارکس دیتے ہوئے کہا کہ مجھے کچھ تشویش ہے جس طرح کارروائی آگے بڑھ رہی ہے، بند دروازوں کے پیچھے ہونے والے ٹرائل سے متعلق اٹھنے والے سوالات کا جائزہ لینا ہے، ایک دو لوگوں یا خاندان کے افراد کی موجودگی سے بھی یہ کلوزڈ ڈور ٹرائل ہی رہے گا، اٹارنی جنرل نے عدالت میں کہا کہ پراسکیوشن کے 25 گواہان کا بیان ریکارڈ کیا جاچکا ہے، 21 دسمبر کے بعد 12 گواہان کے بیانات میڈیا کی موجودگی میں ریکارڈ کیے گئے،

جسٹس میاں گل حسن اورنگزیب نے ریمارکس دیتے ہوئے کہا کہ گزشتہ سماعت کے مطابق ٹرائل جیل میں ہو گا تو اوپن ہو گا ، اب صورتحال تبدیل ہوئی ہے کہ جیل ٹرائل ان کیمرہ ٹرائل ڈکلیئر کر دیا گیا ، ان کیمرہ کا سیکشن 14 کا آرڈر فیلڈ میں ہے اس کی موجودگی میں کیا ہوا ، ہم نے اس ججمنٹ میں اوپن ٹرائل کو سمجھنے کی کوشش کی ہے کیوں نہیں سمجھتے،سائفر ٹرائل کو جلد بازی میں کیا جا رہا ہے، اوپن سماعت کی اہمیت خصوصی عدالت کے جج پر واضح ہے نہ ہی پراسیکیوٹرز پر،سائفر ٹرائل اپنی نوعیت کا پہلا ٹرائل ہے،دیکھنا ہو گا کہ اس طرح کے کیسز میں آرٹیکل 10 اے کے تحت فئیر ٹرائل کا حق ملا یا نہیں؟ 1923 میں انسانی حقوق بنیادی حقوق دنیا کو معلوم نہیں تھے، یہ میرے سامنے فرسٹ ایمپریشن کا کیس ہے ، اسٹیٹ کی سیفٹی کمپرومائز نہیں ہونی چاہیے ،سپریم کورٹ کا فیصلہ دیکھیں وہ کہہ رہے ہے میٹریل ناکافی ہے،

اٹارنی جنرل نے عدالت میں کہا کہ اسٹیٹ کا موقف ہے کہ 3 ایسے گواہ تھے جن کا بیان نشر نہیں کیا جانا چاہیے تھا،ان گواہان کے بیانات 15 دسمبر کو ریکارڈ کیے گئے ہیں،جسٹس میاں گل حسن اورنگزیب نے ریمارکس دیتے ہوئے کہا کہ 12 دیگر گواہان کے بیانات بھی تو کلوزڈ ڈور ٹرائل میں ہوئے ہیں ناں، آپ سمجھتے کیوں نہیں ہیں ، ہم نے آپ کو سمجھانے کی کوشش کی ہے کہ اوپن ٹرائل کیا ہوگا ، ان کیمرہ کرنے کی جج کی وجوہات دیکھ لیں اس میں 3 لائنیں لکھی ہوئی ہیں ، اوپن ٹرائل کیا ہے یہ واضح کر چکے ہیں، تم آ جاؤ اور تم آ جاؤ، یہ اوپن ٹرائل نہیں ہوتا، اوپن ٹرائل میں جو چاہے آ سکتا ہے، میڈیا کو اجازت ہے کہ جو چاہے آ سکتا ہے، ایسے نہیں ہوتا، اس بارے باقاعدہ آرڈر ہونا چاہیے، کیا جرح میڈیا کی موجودگی میں کی گئی؟اٹارنی جنرل نے عدالت میں کہا کہ جن 3 افراد کی جرح ہوئی وہ سائفر کی کوڈ، ڈی کوڈ سے متعلق تھے، سائفر سے متعلق سیکرٹری خارجہ کا بیان بھی ان کیمرہ ہو گا،عدالت نے ریمارکس دیتے ہوئے کہا کہ پراسیکیوشن کو کہنا چاہیے تھا کہ جج صاحب 3 گواہان کے لیے ان کیمرہ ٹرائل کا حکم دیں تا کہ ٹرائل پر سوالات نہ اٹھیں، کبھی کبھی اچھا بھلا کیس ہوتا ہے لیکن جس طریقے سے چلایا جاتا ہے،خراب ہو جاتا ہے،پراسیکیوٹر راجا رضوان عباسی نے عدالت میں کہا کہ سائفر ان کیمرہ ٹرائل کے خلاف درخواست قابل سماعت نہیں ہے،اٹارنی جنرل نے عدالت میں کہا کہ سائفر ٹرائل کے لیے 14 دسمبر کو حکم ہوا اور 15 دسمبر کو ٹرائل شروع ہوااگر عدالت چاہتی ہے کہ جرح اوپن ہو تو ہو جائے گی،عدالت نے ریمارکس دیتے ہوئے کہا کہ یہ عدالت نہیں کہہ رہی یہ ضرورت ہے کہ ٹرائل اوپن ہو اور یہ پوری دنیا میں ہوتا ہے،

اٹارنی جنرل نے کہا کہ یقین دہانی کراتا ہوں کہ ان کیمرہ جرح صرف ان 4 گواہان کی ہو گی جو دفتر خارجہ کے سائفر سکیورٹی سے جڑے ہیں،عدالت نے استفسار کیا کہ یہ چاروں گواہان دفتر خارجہ کے ملازمین ہیں؟اٹارنی جنرل نے کہا کہ چاروں گواہان دفتر خارجہ کے ملازمین ہیں۔چاروں گواہان سائفر ٹرانسکرپٹ کرنے اور سائفر سکیورٹی سسٹم سے جڑے ہیں۔ان ملازمین کا کام پوری دنیا سے سائفر ڈی کوڈ کرنا ہے، سائفر سسٹم کیسے کام کرتا ہے یہ تفصیلات پبلک کے سامنے نہیں لائی جا سکتی۔ 13 میں سے جو باقی 9 گواہان ہیں ان کی جرح دوبارہ کر لیں گےاگر عدالت 13 میں سے 9 گواہان کے بیانات کالعدم قرار دیتی ہے تو دوبارہ ہوں گے،

عدالت نے وکیل سے استفسار کیا کہ آپ اٹارنی جنرل کی اس پیشکش پر کیا کہیں گے کہ گواہان کے بیانات دوبارہ ریکارڈ کرلیے جائیں؟ وکیل سلمان اکرم راجا نے کہا کہ ہماری استدعا ہے کہ عدالت پہلے ٹرائل کورٹ کے ان کیمرہ پروسیڈنگ کے آرڈر کو دیکھے، میرے پاس پہلے 3 گواہان کے بیانات کے عدالتی آرڈر کی کاپی ہے،ہ سرٹیفائیڈ کاپی تو پبلک دستاویز ہوتی ہے،اٹارنی جنرل نے کہا کہ میری استدعا ہوگی کہ اسے پبلک نہ کیا جائے،جسٹس میاں گل حسن اورنگزیب نے ریمارکس دیتے ہوئے کہا کہ میں یہ دستاویزات دیکھنا چاہتا ہوں، آپ یہ مجھے فوری طور پر فراہم کریں، اس معاملے میں اہم آئینی ایشوز سامنے آئے ہیں عدالت ان کو دیکھے گی، سپریم کورٹ نے اس کیس میں اپنے فیصلے میں بھی مواد کو ناکافی قرار دیا تھا، میرا مائنڈ آج آپ نے بہت کلئیر کردیا ، عدالت نے کیس کی سماعت 11 جنوری تک کے لیے ملتوی کردی.

سائفر کیس کی سماعت کل تک کیلئے ملتوی 

سائفر کیس، آج مایوسی ہوئی، عدالت کو کہا فیصلے کو منوائیں، وکیل عمران خان

سائفر کیس میں چیئرمین پی ٹی آئی کا جیل ٹرائل کالعدم قرار

سائفر کیس،لگی دفعات میں سزا،عمر قید،سزائے موت ہے،ضمانت کیس کا فیصلہ

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر معاملہ؛ اعظم خان کے بعد فارن سیکرٹری بھی عمران خان کیخلاف گواہ بن گئے

سائفر کیس، عمران خان کو بیٹوں سے بات کروانے کی اجازت