Baaghi TV

Category: اہم خبریں

  • پرانے سیاستدان پاکستان کا ماضی،مسائل زیادہ لیکن حل موجود ہے، بلاول

    پرانے سیاستدان پاکستان کا ماضی،مسائل زیادہ لیکن حل موجود ہے، بلاول

    نواب شاہ: پاکستان پیپلز پارٹی کے چیئرمین بلاول بھٹو زرداری نےبختاور گرلز کیڈٹ کالج میں یوم والدین کی تقریب سے خطاب کرتے ہوئے کہا ہے کہ بختاور کیڈت کالج کے طالب علم اس ملک کا اصل چہرہ ہیں،ہم اور آپ نے ملکر ملک کو آگے لے کر چلنا ہے،

    بلاول زرداری کا کہنا تھا کہ ہم اس وقت کافی مسائل کا مقابلہ کررہے ہیں، پرانے سیاستدان پاکستان کا ماضی، آپ مستقبل ہیں، ہم ملکر محنت کریں، ملکی ترقی کا مقابلہ کریں گے،ہمارا ملک مشکل حالات سے گزر رہا ہے ،ہمیں تاریخی غربت کا مقابلہ کرنا ہو گا،امید ہے آپ سب پاکستان کی ترقی میں اپنا حصہ ضرور ڈالیں گے،ماضی میں خاندان کے دو افراد کماتے تھے اور پورا گھر کھاتا تھا، آج ایک ہی خاندان کو روٹی کیلئے ماضی کے مقابلے میں دگنی محنت کرنی پڑرہی ہے ،ماضی میں کپڑے ، مکان کا اتنا بحران نہیں تھا جتنا آج ہے، آپ سے ایک نقشہ اور پلان شیئر کرنا چاہتا ہوں ،ایک طرف معاشی بحران اور دوسری طرف موسمیاتی تبدیلیوں سے خطرہ ہے،ملک کی 70 فیصد آبادی نوجوان ہے ، روزگار کا ملنا ان کا حق ہے، نوجوانوں کو یوتھ کارڈز دیں گے،مسائل تو بہت زیادہ ہیں مگر انکا حل بھی موجود ہے، ہم عوام، غریب ، کسان ، مزدور دوست پروگرام لے کر آئے،

    بلاول زرداری کا مزید کہنا تھا کہ وفاق میں 17 وزارتیں ایسی ہیں جو اٹھارہویں ترمیم کے بعد ختم ہونی چاہئے تھی مگر نہیں ہوئی،ہماری حکومت آئی تو تمام 17 وزارتیں ہم بند کریں گے،سالانہ ایک سو ارب خرچ کیا جاتا ہے ان وزارتوں پر، مجھے بتایا گیا کہ 3 سو ارب سالانہ خرچ ہوتا ہے، ہم 17 وزارتیں بند کریں گے اور انکا 300 ارب صوبوں پر خرچ ہو ں گے، حکومت کی جانب سے عوام کو سبسڈیز دی جائے گی.ہم کسان کارڈ دیں گے، انکو ریلیف دیں گے.ہم پاکستانی نوجوانوں‌سے درخواست کرتے ہیں کہ نفرت کی سیاست ،تقسیم کی سیاست،جو چل رہی ہے اسکو ختم کرنا ہے، پاکستان پیپلز پارٹی کا ساتھ دیں تا کہ نہ صرف ملک بلکہ قوم کی قسمت بھی بدلیں،سندھ سے شروع ہونے والے انقلاب کو پورے ملک میں پھیلائیں گے

    قبل ازیں بلاول بھٹو زرداری , بختاور گرلز کیڈٹ کالج نوابشاہ پہنچے تو اس موقع پر بلاول زرداری کو بختاور گرلز کیڈٹ کالج آمد پر گارڈ آف آنر دیا گیا، اس موقع پر سابق وزیراعلیٰ سندھ سید مراد علی شاہ بھی موجود تھے.

    خواتین اگر اسی لگن سے کام کرتی رہیں گی تو جیت انشااللہ پیپلزپارٹی کی ہی ہوگی،

    قوم کو بتایا جائے شہیدوں کے خون کاسودا کس نے کیا،بلاول

    آج بھی کچھ قوتیں نہیں چاہتیں ذوالفقار بھٹو کو انصاف ملے،بلاول

    عمران خان کی جانب سے تحریک طالبان کے ساتھ مذاکرات کا فیصلہ افسوسناک تھا،بلاول بھٹو

    ہمارا مقابلہ سیاستدانوں سے نہیں بلکہ مہنگائی بھوک اور بے روزگاری سے ہیں،بلاول بھٹو

    جو شخص تین بار فیل ہوا وہ چوتھی بار کیا تیر مارے کا ،بلاول بھٹو کا نواز شریف پر وار

  • عام انتخابات، کاغذات نامزدگی، جانچ پڑتال کا عمل آج سے

    عام انتخابات، کاغذات نامزدگی، جانچ پڑتال کا عمل آج سے

    عام انتخابات،کاغذات نامزدگی کی جانچ پڑتال کا عمل آج سے شروع ہوگیا ہے

    کاغذات نامزدگی کی جانچ پڑتال کے لیے دن سات سے کم کرکے پانچ کر دیے گئے ہیں جانچ پڑتال 30 دسمبر تک ہوگی،کاغذاتِ نامزدگی منظور یا مسترد کیے جانے کے خلاف اپیل تین جنوری تک کی جا سکے گی، ان اپیلوں پر انتخابی ٹریبونل 10 جنوری تک فیصلہ کریں گے، الیکشن کمیشن نے تمام صوبوں میں ٹربیونل مقرر کر دیئے ہیں، امیدوار اپنے کاغذات 12 جنوری تک واپس لے سکیں گے، امیدواروں کو انتخابی نشان 13 جنوری کو دیے جائیں گے.

    جمعیت علماء اسلام نے سندھ سے امیدواروں کے ناموں کا اعلان کردیا
    جمعیت علماء اسلام نے سندھ بھر میں قومی اسمبلی اور صوبائی اسمبلی کے حلقوں پر امیدوار میدان میں اتار دئیے ،علامہ راشد محمود سومرو این اے 194 لاڑکانہ، پی ایس 5 کندھ کوٹ سے جےیوآئی کے امیدوار ہوں گے ،اسلم غوری کراچی این اے 235، پی ایس 97 سے جےیوآئی کے امیدوار ہوں گے ،سائیں عبدالقیوم ہالیجوی این اے 201 سکھر، این اے 199 گھوٹکی، پی ایس 6 کندھ کوٹ سے جےیوآئی کے امیدوار ہوں گے ،ناصر محمود سومرو این اے 196 قمبر شہداد کوٹ ، پی ایس 106 لیاری، پی ایس 18 گھوٹکی سے جےیوآئی کے امیدوار ہوں گے،سائیں عبداللہ مہر این اے 193 شکار پور، ڈاکٹر ابراہیم جتوئی این اے 192 شکار پور، میر عابد خان جتوئی پی ایس 08شکار پور سے جےیوآئی کے امیدوار ہوں گے ،آغا ایوب شاہ این اے 200 سکھر، میر شاہ زین بجرانی این اے 191 کندھ کوٹ سے جےیوآئی کے امیدوار ہوں گے ،امیر بخش عرف میر مہر پی ایس 25 سکھر ، پپو خان چاچڑ پی ایس 21 گھوٹکی سے جےیوآئی کے امیدوار ہوں گے ،عبدالزاق عابد لاکھو این اے 197 قمبرشہداد کوٹ سے قومی اسمبلی کے امیدوار ہوں گے ،مولانا نور الحق این اے 239 لیاری، مولانا نصیر الدین سواتی این اے 244 کراچی غربی، سمیع سواتی پی ایس 116 کراچی سے جےیوآئی کے امیدوار ہوں گے ،قاری محمد عثمان این اے 243 کیماڑی, پی ایس 114 شیرشاہ کراچی، عمر صادق پی ایس 111 کیماڑی سے جےیوآئی کے امیدوار ہوں گے

    الیکشن کمیشن نے کاغذات نامزدگی جمع کرانے والوں کی تفصیلات جاری کردیں ،ملک بھر میں مجموعی طورپر 28ہزار 626امیدواروں نے کاغذات نامزدگی جمع کرائے.قومی اسمبلی کی جنرل نشستوں کے لئے7713 امیدواروں کے کاغذات جمع ہوئے،صوبائی اسمبلیوں کی جنرل نشستوں کےلئے 18546 امیدواروں کے کاغذات نامزدگی جمع ہوئے

    kaghaz

    پنجاب،قومی و صوبائی اسمبلی کی سیٹوں پر 13823 کاغذات نامزدگی وصول ہوئے
    دفتر صوبائی الیکشن کمشنر پنجاب نے صوبہ پنجاب میں وصول شدہ کاغذات نامزدگی کی تفصیلات جاری کر دیں ،ترجمان الیکشن کمیشن کے مطابق صوبہ پنجاب میں قومی و صوبائی اسمبلیوں کی جنرل و مخصوص نشستوں پر مجموعی طور پر 13823 کاغذات نامزدگی وصول ہوئے۔صوبہ پنجاب سےقومی اسمبلی کی جنرل نشستوں پر 3594مرد اور 277خواتین نے کاغذات نامزدگی جمع کروائے۔صوبائی اسمبلی پنجاب کی جنرل نشستوں پر 8592مرد اور 437خواتین نے کاغذات نامزدگی جمع کروائے۔ مخصوص نشستوں برائے خواتین قومی اسمبلی کیلئے 195کاغذات نامزدگی وصول ہوئے۔مخصوص نشستوں برائے خواتین صوبائی اسمبلی پنجاب کےلئے 601خواتین نے کاغذات نامزدگی جمع کروائے۔مخصوص نشستوں برائے اقلیت صوبائی اسمبلی پنجاب کے لئے 118مرد اور 9خواتین نے کاغذات نامزدگی جمع کروائے۔اسلام آباد میں قومی اسمبلی نشستوں پر 182مرد اور 26خواتین کے کاغذات نامزدگی وصول ہوئے۔الیکشن شیڈول کے مطابق سکروٹنی کا عمل 30دسمبر تک جاری رہے گا۔

    خواتین کی مخصوص سیٹوں کی سکروٹنی ،الیکشن کمیشن نے تحریک انصاف کا نام نکال دیا
    تحریک انصاف کو الیکشن کمیشن کی جانب سے ایک اور بڑا دھچکا،خواتین کی مخصوص سیٹوں کی سکروٹنی کے لئے جاری فہرست میں سے تحریک انصاف کا نام نکال دیا گیا،الیکشن کمیشن نے فہرست جاری کی ہے جس میں امیدواروں کو سکروٹنی کے لئےطلب کیا گیا ہے، اس فہرست میں تحریک انصاف کا نام شامل نہیں ہے،الیکشن کمیشن کی جانب سے جاری فہرست میں پاکستان پیپلز پارٹی، پاکستان مسلم لیگ ن، تحریک لبیک پاکستان، جماعت اسلامی، پاکستان مسلم لیگ ق، استحکام پاکستان پارٹی، پاکستان تحریک انصاف نظریاتی اور پاکستان مرکزی مسلم لیگ شامل ہیں،الیکشن کمیشن کیجانب سے جاری اعلامیہ کے مطابق ان جماعتوں کی خواتین کیلئے مخصوص نشستوں کی امیدواروں کی سکروٹنی 26 سے 28 دسمبر کے درمیان ہوگی۔

    نوازشریف ، مریم نواز سمیت ن لیگ کے تمام امیدوار نیب سکروٹنی میں کلیئر قرار
    الیکشن لڑنے والے امیدواروں کی نیب سکروٹنی،نوازشریف ، مریم نواز سمیت ن لیگ کے تمام امیدوار نیب سکروٹنی میں کلیئر قرار دے دیئے گئے،نیب کے الیکشن سیل نے تمام لیگی امیدواروں کو کلیئر کر دیا،نیب ہیڈ کوارٹر میں الیکشن کمیشن کی معاونت کیلئے خصوصی سیل قائم کیا گیا ہے، میڈیا رپورٹس کے مطابق نیب ہیڈ کوارٹر میں قائم سیل کی تمام بیورو معاونت کر رہےہیں، الیکشن کمیشن سے موصول دیگر امیدواروں کی فہرست کا جائزہ لیا جاتا ہے، پلی بارگین کرنے والے اور سزا یافتہ امیدوار الیکشن کے اہل نہیں ہوتے،پیپلز پارٹی اور دیگر جماعتوں کے امیدواروں کی سکروٹنی بھی جاری ہے

    آصف زرداری، سلیم مانڈوی والا،عبدالقادر پٹیل،شازیہ مری،آسیہ اسحاق،ایاز صادق کے کاغذات منظور
    پیپلزپارٹی کی سحر کامران کے مخصوص نشست کے لئے کاغذات نامزدگی منظور کر لئے گئے،پیپلزپارٹی کی امیدوار خیر النساء مغل کے کاغذات بھی منظور کرلئےگئے، اس موقع پر سحر کامران کا کہنا تھا کہ مجھے امید ہے کہ پیپلز پارٹی کے اتنے امیدوار ضرور ہوں گے کہ مجھے قومی اسمبلی میں سیٹ مل جائے گی،میرے کاغذات منظور ہو گئے ہیں. این اے 232 سے ایم کیو ایم پاکستان رکن رابطہ کمیٹی آسیہ اسحاق کے کاغذات نامزدگی منظور ہو گئے ہیں.سینیٹر سلیم مانڈوی والا کے این اے 240 کی نشست پر کاغذات نامزدگی منظورہو گئے ہیں.سابق صدر آصف زرداری کے حلقہ این اے 207 سے کاغذات نامزدگی منظور کر لئے گئے،این اے 243 سے پی پی امیدوار عبدالقادر پٹیل کے فارم بھی منظور ہو گئے،سابق گورنر خیبر پختونخوا سردار مہتاب کے این اے 16 ایبٹ آباد سے آزاد امیدوار کی حیثیت سے جمع کرائے گئے کاغذات منظور کر لیے گئے،لاہور سے قومی اسمبلی کے حلقہ این اے 121 سے ایم کیو ایم امیدوار عمران اشرف، جی ڈی اے رہنما شمائلہ رضا کے این اے 240 کراچی، این اے 248 کراچی سے پی پی امیدوار فیضان راوت کےکاغذات نامزدگی منظور ہو گئے،پیپلز پارٹی کی شازیہ مری، تنزیلا لغاری اور سعدیہ جاوید کے خواتین کی مخصوص نشستوں پر کاغذات نامزدگی منظور کر لیے گئے.سابق وزیراعظم پاکستان اور موجودہ اسپیکر قومی اسمبلی راجہ پرویز اشرف اور امیدوار برائے صوبائی اسمبلی خرم پرویز راجہ کے کاغذات نامزدگی منظورکر لئے گئے

    تحریک انصاف کے رہنما حماد اظہر کے کاغذات نامزدگی این اے 129 سے منظور ہو گئے،حماد اظہر کا کہنا ہے کہ آج دوپہر 1 بجے میرے کاغذات نامزدگی برائے حلقہ این اے 129 کی چانچ پرتال ہوئی جس کے بعد انھیں الحمدللہ منظور کر لیا گیا۔ میں تیسری دفعہ عاجزی کے ساتھ اپنے آپ کو اس حلقے کی عوام کے آگے احتساب کے لئے پیش کر رہا ہوں۔ اگلے 5 سال کا منشور لے کر عوام سے مینڈیٹ مانگوں گا۔

    حلقہ این اے 121 سے سابق سپیکر قومی اسمبلی سردار ایاز صادق کے کاغذات منظور
    لاہور سے قومی اسمبلی کے حلقہ این اے 121 سے سابق سپیکر قومی اسمبلی سردار ایاز صادق کے کاغذات منظور کر لیے گئے ،سردار ایاز صادق کے کاغذات نامزدگی کی جانچ پڑتال کا عمل مسلم لیگ ن کے رہنما احسن شرافت نے مکمل کرایا،اس موقع پر احسن شرافت کا کہنا تھا کہ سردار ایا زصادق کی کاغذات کی جانچ پڑتال مکمل ہو گئی ہے.سردار ایاز صادق کے کاغذات درست قرار پائے ہیں تمام رپورٹس ساتھ لف تھیں، تجویز کنندہ اور تائید کنندہ بھی موجود تھے، کسی جماعت کے ساتھ کوئی زیادتی نہیں ہونی چاہیے ،ہم چاہتے ہیں کہ تمام جماعتوں کو لیول پلیئنگ فیلڈ ملے، لاہور ہائی کورٹ پی ٹی آئی کو ریلیف دے رہی ہے،

    این اے 121 سے مسلم لیگ ن کے رہنما شیخ روحیل اصغر کے کاغذات نامزدگی کی جانچ پڑتال کا عمل مکمل ہو گیا، این اے 118 سے پی ٹی آئی کے رہنما محمد خان مدنی ،پاکستان مرکزی مسلم لیگ ملک اعجاز کے کاغذات نامزدگی کی جانچ پڑتال مکمل ہو گئی،این اے 118، این اے 121، پی پی 155، 157، 162 کے امیدواروں کے کاغذات کی جانچ پڑتال ریٹرنگ آفیسرز کے آفس میں جاری ہے،این اے 118 سے کل 19 امیدوار جن میں سترہ مرد اور دو خواتین امیدوار کے کاغذات نامزدگی کی جانچ پڑتال شروع ہے،این اے 121 سے کل 38 امیدواروں میں 35 مرد اور تین خواتین امیداوراوں کے کاغذات کی جانچ پڑتال کی جا رہی ہے ،قومی اسمبلی کے حلقہ این اے 121 سے مسلم لیگ ن کے رہنماء شیخ روحیل اصغر،تحریک انصاف کے رضوان ضیا، سمیت دیگر کے کاغذات کی جانچ پڑتال مکمل ہو گئی ہے، این اے 118 سے پی ٹی آئی رہنماء محمد خان مدنی، وسیم قادر ،پاکستان مرکزی مسلم لیگ کے ملک اعجاز سمیت دیگر امیدواروں کے کاغذات کی جانچ پڑتال مکمل ہو گئی ہے،این اے 118 سے حمزہ شہباز اور این اے 121 سے سردار ایاز صادق دوپہر تین بجے کے بعد اپنے کاغذات کی جانچ پڑتال کروائیں گے ،پی پی 155 سے پیپلز پارٹی کے ذوالفقار علی بدر، مرکزی مسلم لیگ کے حافظ طلحہ سعید ،مسلم لیگ ن کے حاجی اللہ رکھا سمیت دیگر امیدواروں کے کاغذات کی جانچ پڑتال مکمل ہو گئی ہے،امیدواروں کے کاغذات کی جانچ پڑتال کا سلسلہ آج ساڑھے چار بجے تک جاری رہے گا

    سکروٹنی کے لئے امیدوار پہنچے تو الیکشن کمیشن کا دفتر بند،آگاہ نہیں کیا گیا،امیدوار
    پنجاب میں امیدواروں کی سکروٹنی کا عمل شروع نہ ہو سکا ،آج چھٹی ہونے کی وجہ سے امیدواران کے کاغذات نامزدگی کی سکروٹنی کا عمل شروع نہیں ہوا ،صوبائی الیکشن کمیشن پنجاب نے امیدواران کے کاغذات نامزدگی کی تاریخ تبدیلی بارے آگاہ ہی نہیں کیا ،صوبائی و قومی اسمبلی کی خواتین کی مخصوص نشستوں کی امیدوار لاہور پہنچ گئیں ، صوبائی الیکشن کمیشن کا کہنا ہے کہ مخصوص نشستوں پر سکروٹنی کل 26 دسمبر سے شروع ہو گی،کل مسلم لیگ ن اور پاکستان پیپلز پارٹی کے امیدواروں کے کاغذات کی نامزدگی کی سکروٹنی ہو گی، امیدواروں کا کہنا ہے کہ صوبائی الیکشن کمیشن کی جانب سے تاریخ تبدیلی کی بروقت اطلاع نہیں ملی، سرد موسم میں کئی گھنٹے کی مسافت طے کر کے لاہور پہنچے،یہاں دفتر کے باہر پہنچے تو پولیس نے اندر جانے سے روک دیا،

    عوامی مسلم لیگ کے سربراہ شیخ رشید احمد اور شیخ راشد شفیق آر او آفس پہنچ گئے شیخ رشید احمد اور شیخ راشد شفیق سکروٹنی کے لیے آر او آفس راولپنڈی پہنچے این اے 56 سے سابق وفاقی وزیر داخلہ شیخ رشید احمد نے کاغذات نامزدگی جمع کرائے تھےسکروٹنی کا عمل 25 دسمبر سے 30 دسمبر تک جاری رہے گا.

    کاغذاتِ نامزدگی کی جانچ پڑ تال کی آسانی کے لیے آن لائن سہولت مرکز الیکشن کمیشن سیکریٹریٹ میں قائم
    عام انتخابات میں حصہ لینے تمام امیدوار پولیس، نادرا، نیب، ایف آئی اے، ایف بی آر، سٹیٹ بینک، پاور ڈویژن، پیٹرولیم ڈویژن، نیشنل کمیونیکیشن ڈویژن، ہاؤسنگ ڈویژن، چاروں چیف سیکریٹریز، سی ڈی اے کی سکریننگ سے گزریں گے اور تمام مراحل پار کرنے والا سکروٹنی پاس کرے گا،ترجمان الیکشن کمیشن کا کہنا ہے کہ ریٹرننگ افسران کے لیے کاغذاتِ نامزدگی کی جانچ پڑ تال کی آسانی کے لیے آن لائن سہولت مرکز الیکشن کمیشن سیکریٹریٹ میں قائم کیا گیا ہے۔اِس سہولت مرکز کی معاونت نادرا،قومی احتساب بیورو، ایف آئی اے، ایف بی آر اور اسٹیٹ بینک کر رہے ہیں، یہ مرکز 24/7 کام کر رہا ہے۔ ریٹرننگ افسران کی جانب سے موصول شدہ امیدواران کے کوائف ضروری کاروائی کے لیے ان اداروں کو بھجوائے جا رہے ہیں۔الیکشن کمیشن نے سیکریٹری پاور ڈویژن ، سیکریٹری پٹرولیم ڈویژن، سیکریٹری نیشنل ٹیلی کمیونیکیشن ڈویژن، سیکریٹری ہاؤسنگ اینڈ ورکس ڈویژن ، چاروں چیف سیکریٹریز اور چیئرمین سی ڈی اے کو بھی تحریری طور پر مطلع کیا ہےکہ وہ ریٹرننگ افسران سے امیدواران کی فہرستیں حاصل کریں۔ امیدواروں کی فہرست کا اجراء 24 دسمبر 2023 کو کیا جا چکا ھے ۔نادہندہ امیدواران کاغذاتِ نامزدگی کی چانچ پڑتال کے دوران مورخہ 25 تا 30 دسمبر 2023 تک متعلقہ ریٹرننگ آفیسر سے رجوع کریں ۔ نادہندگان سے واجبات کی وصولی یقینی بنائی جائے۔ حکومت کے تمام وفاقی ، صوبائی ادارے فوری ریٹرننگ افسران سے رابطہ کریں۔

    مسلم لیگ ن نے قومی اسمبلی میں اقلیتی نشستوں کی ترجیحی فہرست بھی جاری کردی
    پاکستان مسلم لیگ ن نے قومی اسمبلی میں اقلیتی نشستوں کی ترجیحی فہرست بھی جاری کردی،پاکستان مسلم لیگ ن نے مختلف اقلیتوں سے تعلق رکھنے والے 10 ممبران کی ترجیحی فہرست الیکشن کمیشن میں جمع کروا دی،سابق رکن قومی اسمبلی کھئیل داس کوہستانی کا نام پہلے نمبر پر سر فہرست ہے،کھئیل داس کوہستانی پہلے بھی مسلم لیگ ن کے رکن قومی اسمبلی رہ چکے ہیں ،ڈاکٹر درشن لال، ڈاکٹر نیلسن عظیم اور اسفندیار بھنڈارا بھی فہرست میں شامل ہیں،عمر کوٹ سندھ سے نیلم، ڈاکٹر طارق جاوید، سردار درشن سنگھ بھی ترجیحی فہرست میں شامل ہیں،جگدیش چند، عامر جاوید اور انیتا عرفان بھی فہرست میں شامل ہیں،قائد مسلم لیگ ن نواز شریف، صدر شہباز شریف اور چیف آرگنائزر مریم نواز شریف نے فہرست کی منظوری دی.

    امیدواروں کے لئے بینرز،اشتہارات چھاپنے کے لئے ہدایت نامہ جاری
    الیکشن کمیشن آف پاکستان نے عام انتخابات کے لیے تمام سیاسی جماعتوں اور آزاد امیدواروں کے لیے بینرز چھاپنے کی ہدایات جاری کردیں۔الیکشن کمیشن کے ہدایت نامے کے مطابق مقررہ سائز سے بڑے پوسٹرز، پمفلٹ یا بینرز کی اجازت نہیں ہوگی۔پوسٹرز کی لمبائی 18 انچ اور چوڑائی 23 انچ سے زیادہ نہ ہو، ہینڈ بل، پمفلٹ اور کتابچے 9 انچ لمبے اور 6 انچ چوڑے ہوسکتے ہیں۔اسی طرح بینر 3 فٹ لمبا اور 9 فٹ سے زیادہ بڑا نہیں ہونا چاہیے جبکہ پورٹریٹ تصویر 2 فٹ لمبی اور 3 فٹ چوڑی ہوسکتی ہے۔ ہر اشتہاری مواد پر پبلشر کا نام اور پتا لکھنا لازم ہے جبکہ قرآنی آیات سمیت مذہبی مواد کی طباعت غیر قانونی ہے۔اسی طرح ہورڈنگز، بل بورڈز، وال چاکنگ اور پینافلیکس پر مکمل پابندی ہوگی۔انتخابی مہم میں سرکاری اہلکار کی تصویر لگانا غیر قانونی ہوگا، جبکہ خلاف ورزی پر امیدواروں کے ساتھ پبلشر کے خلاف بھی کارروائی ہوگی

    کراچی میں قومی ،صوبائی اسمبلی اور مخصوص نشستوں پر 3 ہزار 365 امیدواروں نے کاغذات نامزدگی جمع کرائے ہیں،کراچی میں قومی اسمبلی کی 22 نشستوں کے لیے 808 امیدوار میدان میں ہیں،صوبائی اسمبلی کی 47 نشستوں پر 2005 امیدواروں نے کاغذات نامزدگی جمع کرائے۔خواتین اور اقلیت کی مخصوص نشستوں پر 552 امیدوار نے کاغذات جمع کرائے ۔ضلع شرقی میں قومی اسمبلی پر 180 اور صوبائی اسمبلی پر 448 امیدوار شامل ہیں،ضلع کیماڑی میں قومی اسمبلی پر 70 اور صوبائی اسمبلی پر 221 امیدواروں نے کاغذات نامزدگی جمع کروائے،ضلع وسطی میں قومی اسمبلی پر 146 اور صوبائی اسمبلی کی نشستوں پر 356 امیدوار شامل ہیں،ضلع ملیر میں قومی اسمبلی پر 96 اور صوبائی اسمبلی پر 246 امیدواروں نے کاغذات نامزدگی جمع کروائے،ضلع جنوبی میں قومی اسمبلی پر 119 اور صوبائی اسمبلی پر 238 امیدوار میدان میں ہیں،ضلع غربی میں قومی اسمبلی پر 92 اور صوبائی اسمبلی پر 276 امیدوار شامل ہیں،ضلع کورنگی میں قومی اسمبلی پر 105اور صوبائی اسمبلی پر 220 امیدواروں نے کاغذات نامزدگی جمع کرائے ہیں

    مریم نواز 5 حلقوں ، جہانگیر ترین 3، مصطفیٰ کمال 2، پرویز الہی 2،بانی پی ٹی آئی 2 حلقوں سے الیکشن لڑیں گے ۔
    لاہور سے قومی اسمبلی کے چودہ حلقوں پر 400 سے زائد امیدواروں نے کاغذات نامزدگی جمع کروائے ہیں، صوبائی اسمبلی کی 30 نشستوں پر 400 سے زائد امیدوار قسمت آزمائیں گے۔ این اے 123 سے نوازشریف کے کاغذات جمع کرائے گئے ہیں، بانی پی ٹی آئی عمران خان لاہور سے بھی الیکشن لڑیں گے، این اے 122 سے کاغذات نامزدگی جمع کرادیئے، مریم نواز کے این اے 119 اور این اے 120 لاہور میں کاغذات نامزدگی جمع کروا دیئے گئے ہیں۔بلاول بھٹو این اے 128 لاہور سے الیکشن میں حصہ لیں گے، این اے 242 کراچی میں شہبازشریف کے کاغذات جمع ہوچکے ہیں، محمود خان سوات میں 4 حلقوں سے الیکشن لڑیں گے۔ نواز شریف این اے 15 مانسہرہ سے انتخابات میں حصہ لیں گے، بانی پی ٹی آئی کے میانوالی کی نشست این اے 89 سے کاغذات جمع کرا دیئے گئے۔شہباز شریف نے قصور کے حلقہ این اے 132 سے بھی کاغذات جمع کرادیئے،

    مسلم لیگ ق کے چودھری سالک حسین نے این اے 64 سے کاغذات جمع کرائے۔آصف زرداری این اے 207 نواب شاہ سے الیکشن لڑیں گے، پرویز خٹک نے این اے 33 نوشہرہ اور 2 صوبائی نشستوں سے کاغذات جمع کرادیئے، سراج الحق این اے 7 لوئر دیر سے قسمت آزمائیں گے۔مصطفیٰ کمال نے این اے 242 اور این اے 247 کراچی سے کاغذات جمع کرا دیئے، عطا اللہ تارڑ نے پی پی 35 کیلئے کاغذات نامزدگی جمع کروا دیئے، نواز شریف نے لاہور سے قومی اسمبلی کے حلقہ این اے 130 سے کاغذات نامزدگی جمع کرائے، خرم دستگیر خان نے این اے 78 گوجرانوالہ کی نشست کے لیے کاغذات جمع کرائے ہیں۔ ڈاکٹریاسمین راشد نے بھی این اے 130 سے اپنے کاغذات جمع کرائے جبکہ پیپلز پارٹی کی جانب سے اقبال احمد خان، جماعت اسلامی کی جانب سے صوفی خلیق اور احمد بٹ اور جے یو آئی کی طرف سے مولانا سلیم اللہ قادری نے کا غذات نامزدگی جمع کرائے۔چیئرمین پیپلز پارٹی بلاول بھٹو زرداری نے این اے 194 لاڑکانہ سے بھی کاغذات نامزدگی جمع کرائے۔

    این اے 117 سے پیپلز پارٹی کے آصف ہاشمی، ن لیگ کے ملک ریاض اور آئی پی پی کے علیم خان نے کاغذات نامزدگی جمع کرادیئے، این اے 118 سے ن لیگ کے حمزہ شہباز، پی ٹی آئی کے محمد خان مدنی اور غلام محی الدین نے کاغذات نامزدگی جمع کرادیئے۔این اے 119 سے مریم نواز، علیم خان سمیت دیگر نے کاغذات نامزدگی جمع کرائے، این اے 120 سے مریم نواز، خواجہ سعد رفیق، ایاز صادق، عطاء تارڑ نے کاغذات نامزدگی جمع کرائے، این اے122 سے بانی پی ٹی آئی، لطیف کھوسہ، اظہر صدیق نے کاغذات نامزدگی جمع کرائے۔این اے 123 سے شہبازشریف، پی ٹی آئی کے افضال پاہٹ، جماعت اسلامی کے لیاقت بلوچ سمیت دیگر نے کاغذات نامزدگی جمع کرا دیئے، این اے 124 سے آئی پی پی کے عون چودھری، رانا ضمیر جھیڈو سمیت دیگر نے کاغذات نامزدگی جمع کرا دیئے۔این اے 125 سے ن لیگ کے افضل کھوکھر، سابق وفاقی وزیر عبدالغفور سمیت دیگر نے کاغذات نامزدگی جمع کرادیئے، این اے 126 سے جماعت اسلامی کے امیرالعظیم، سیف الملوک، کرامت کھوکھر سمیت دیگر نے کاغذات نامزدگی جمع کرادیئے، این اے 127 سے بلاول بھٹو، شائستہ پرویز ملک، لطیف کھوسہ سمیت دیگر نے کاغذات نامزدگی جمع کرادیئے۔این اے 128 سے سلمان اکرم راجہ، شفقت محمود، حافظ نعمان سمیت دیگر نے کاغذات نامزدگی جمع کرائے، این اے 129 سے حماد اظہر، مہر اشتیاق، بجاش نیازی سمیت دیگر نے کاغذات نامزدگی جمع کرا دیئے، این اے 130 سے نواز شریف، یاسمین راشد، اقبال خان سمیت دیگر نے کاغذات نامزدگی جمع کرائے.

    وائس چیئرمین پی ٹی آئی شاہ محمود قریشی ، انکے بیٹے زین قریشی اور بیٹی مہربانو قریشی نے این اے 150 ملتان سے کاغذات نامزدگی جمع کرا دیے جبکہ این اے 180 کوٹ ادو سے سابق وزیر خارجہ حناربانی کھر نے کاغذات نامزدگی جمع کرا دیے۔ایم کیو ایم پاکستان کے کنوینر ڈاکٹر خالد مقبول صدیقی نے بھی کراچی سے این اے 249 کی نشست پر کاغذات نامزدگی جمع کرائے ہیں،تحریک انصاف نظریاتی کے مرکزی چیئر مین اختر اقبال ڈار نے شیخوپورہ این اے 115اور صوبائی اسمبلی پی پی 141میں کاغذات نامزدگی جمع کر وا دیئے۔ گوجرانوالہ سے قومی اسمبلی کے 5 حلقوں میں 159 کاغذات نامزدگی موصول ہوئے جبکہ صوبائی اسمبلی کے 12حلقوں سے 426 کاغذات نامزدگی جمع کرائے گئے۔ پاکستان مرکزی مسلم لیگ کے نامزد امیدوار پی پی 141چوہدری طارق محمود گجر نے کاغذات نامزدگی جمع کروادیئے۔ استحکام پاکستان پارٹی نے قومی اسمبلی کی 18 اور پنجاب اسمبلی کی 40 نشستوں سے الیکشن لڑنے کا اعلان کردیا۔ علیم خان نے لاہور کے حلقوں این ے 117، این اے 119 جبکہ عامر کیانی نے این اے 47 اسلام آباد سے کاغذات جمع کروا دیے۔غلام سرور خان نے راولپنڈی کے حلقوں این اے 53اور 54 سے کاغذات نامزدگی جمع کروائے، فردوس عاش اعوان نے این اے 70 سیالکوٹ اور ہمایوں اختر نے این اے 97 فیصل آباد سے کاغذات نامزدگی جمع کرائے۔سابق وزیر اعلی پنجاب سردار عثمان خان بزدار نے پنجاب اسمبلی کے حلقہ پی پی 284سے کاغذات نامزدگی جمع کرا دیے،گلوکارہ چاہت فتح علی خان بھی سیاسی میدان میں اترنے کو تیار ہیں،چاہت فتح علی خان نے لاہور کے حلقہ این اے 128 سے کاغذات نامزدگی جمع کرادیے ،کاشف رانا عرف چاہت فتح علی نے وکیل کے ذریعے کاغذات نامزدگی جمع کروائے

    لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

    عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

     الیکشن کمیشن کو تمام شکایات پر فوری ایکشن لیکر حل کرنے کا حکم

    کاغذات نامزدگی جمع کرانے کے وقت میں 2 دن کا اضافہ 

    ن لیگ کے محسن رانجھا نے پی ٹی آئی والوں پر پرچہ کٹوا دیا .

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    عام انتخابات کے دن قریب آئے تو تحریک انصاف کی مشکلات میں اضافہ 

  • توشہ خانہ کیس، سزا کا فیصلہ معطل کرنے کیلئے سپریم کورٹ میں اپیل دائر

    توشہ خانہ کیس، سزا کا فیصلہ معطل کرنے کیلئے سپریم کورٹ میں اپیل دائر

    توشہ خانہ کیس، سپریم کورٹ میں عمران خان کی اپیل پر اعتراض عائد

    توشہ خانہ کیس کا فیصلہ معطل کرنے کا معاملہ،بانی پی ٹی آئی کی اپیل واپس کر دی گئی،سپریم کورٹ دفتر نے بانی تحریک انصاف کی درخواست پر اعتراض عائد کردیا، اعتراض میں کہا گیا کہ اپیل کیساتھ لف کیے گئے دستاویزات نا مکمل ہیں، تمام متعلقہ دستاویزات کے ہمراہ اپیل چھ جنوری تک دائر کی جا سکتی ہے،

    چیئرمین پی ٹی آئی عمران خان نے توشہ خانہ کیس میں سزا کا فیصلہ معطل کرنے کیلئے سپریم کورٹ میں اپیل دائر کر دی،
    سپریم کورٹ سے اسلام آباد ہائی کورٹ کا فیصلہ کالعدم قرار دینے کی استدعا کی گئی ہے ، اپیل میں مؤقف اختیار کیا گیا کہ توشہ خانہ کیس میں سزا پہلے ہی معطل ہوچکی ہے، ہائی کورٹ نے صرف سزا معطل کی پورا فیصلہ نہیں،ہائی کورٹ فیصلے میں غلطی کا الیکشن کمیشن نے فائدہ اٹھایا،الیکشن کمیشن نے چیئیرمین پی ٹی آئی کی نااہلی کو نوٹیفیکیشن جاری کر دیا، انتخابات قریب ہیں، چیئرمین پی ٹی آئی ملک کے سابق وزیراعظم ہیں، ملک کی سب سے بڑی جماعت کے لیڈر کو انتخابات سے باہر نہیں رکھا جا سکتا، سپریم کورٹ توشہ خانہ کیس میں سزا پر مبنی فیصلہ معطل کرے تاکہ انتخابات میں حصہ لیا جا سکے،

    واضح رہے کہ اسلام آباد ہائیکورٹ نے عمران خان کی توشہ خانہ کیس کا سیشن کورٹ کا فیصلہ معطل کرنے کی درخواست مسترد کر دی تھی، اسلام آباد ہائیکورٹ کے چیف جسٹس عامر فاروق اور جسٹس طارق محمود جہانگیری نے نو صفحات پر مشتمل تحریری فیصلہ جاری کردیا،

    بانی پی ٹی آئی عمران خان انتخابات میں حصہ نہیں لے سکیں گے،اسلام آباد ہائیکورٹ نے توشہ خانہ کیس میں سزا کا فیصلہ معطل کرنے کی درخواست مسترد کردی ،بانی پی ٹی آئی کے پاس سزا ختم کرانے کا آپشن ختم ہوگیا ، بانی پی ٹی آئی کو توشہ خانہ کیس میں سزا یافتہ ہیں،بانی پی ٹی آئی کی پانچ سال کیلئے نااہلی کا الیکشن کمیشن کا نوٹیفکیشن برقرار رہے گا، اسلام آباد ہائیکورٹ نے بانی پی ٹی آئی کی درخواست کو ناقابل سماعت قرار دے کر مسترد کردیا.

    آپ یہ کہہ رہے ہیں کہ روزانہ کی بنیاد پر جج جو کیس سن رہے ہیں وہ جانبداری ہے ؟

    آج پاکستان کی تاریخ کا اہم ترین دن ہے،

    عمران خان کی گرفتاری کو اعلیٰ عدالت میں چیلنج کرنے کا اعلان 

    عمران خان کی گرفتاری کیسے ہوئی؟ 

    چئیرمین پی ٹی آئی کا صادق اور امین ہونے کا سرٹیفیکیٹ جعلی ثابت ہوگیا

    پیپلز پارٹی کسی کی گرفتاری پر جشن نہیں مناتی

     عمران خان کی سزا معطلی کی درخواست پر سماعت ہوئی

  • انتخابی نشان چھن جانے کے بعد تحریک انصاف کے پاس حل کیا؟

    انتخابی نشان چھن جانے کے بعد تحریک انصاف کے پاس حل کیا؟

    عام انتخابات کے دن قریب آئے تو تحریک انصاف کی مشکلات میں اضافہ دیکھنے میں آ رہا ہے، جمعہ کو جہاں سپریم کورٹ نے عمران خان اور شاہ محمود قریشی کو سائفر کیس میں ضمانت دی وہیں الیکشن کمیشن نے فیصلہ سناتے ہوئے تحریک انصاف سے انتخابی نشان ،بلے کا نشان واپس لے لیا،اور انٹرا پارٹی الیکشن کالعدم قرار دے دیئے، اب الیکشن کمیشن کے پاس تحریک انصاف نام کی کوئی پارٹی رجسٹر ڈ نہیں ہے،الیکشن کمیشن کے فیصلے کےبعد تمام عہدیداروں کے عہدے بھی ختم ہو چکے ہیں

    پی ٹی آئی نے الیکشن کمیشن کے ہی حکم پر انٹرا پارٹی انتخابات کروائے، اکبر ایس بابر اور دیگر نے چیلنج کیا، گزشتہ روز فیصلہ آیا، اس فیصلے سے تحریک انصاف کو عام انتخابات میں کافی بڑا نقصان ہونے والا ہے، تحریک انصاف نے الیکشن کمیشن کے فیصلے کو پشاور ہائیکورٹ اور سپریم کورٹ میں چیلنج کرنے کا اعلان کیا ہے، اگر عدالتوں نے فیصلہ برقرار رکھا تو تحریک انصاف کا شیرازہ مزید بکھرے گا،الیکشن میں تحریک انصاف کے امیدوار آزاد الیکشن لڑیں گے اور سب کے انتخابی نشان الگ ہوں گے،مخصوص نشستوں پر بھی الیکشن کمیشن میں تحریک انصاف رجسٹرڈ نہ ہونے کی وجہ سے نقصان ہو گا کیونکہ مخصوص نشستیں صرف الیکشن کمیشن میں رجسٹرڈ جماعتوں کو ملتی ہیں.اگر عدالتوں سے بلے کا نشان واپس نہیں ملتا تو تحریک انصاف کو قومی اسمبلی اور سینیٹ میں خواتین اور اقلیتوں کی 227 مخصوص نشستوں پر کافی نقصان کا امکان ہے،اگر بلے کا نشان نہ ملایا تحریک انصاف کو الیکشن کمیشن کی جانب سے کوئی اور نشان نہ ملا تو مارچ میں ہونے والے سینیٹ انتخابات میں بھی تحریک انصاف کو کوئی نشست نہیں ملے گی، کیونکہ آئین کہتا ہے کہ مخصوص نشستیں صرف رجسٹرڈ پارٹیوں اور ایک انتخابی نشان پر لڑنے والی جماعتوں کو الاٹ کی جاتی ہیں

    اس وقت قومی اسمبلی میں جنرل نشستوں کی کی تعداد 266 ہے، جن میں سے پنجاب کی 141، سندھ کی 61، خیبر پختونخوا کی 45 ، بلوچستان کی 16 اور اسلام آباد کی 3 نشستیں ہیں،اسی طرح صوبائی اسمبلی کی 593 جنرل نشستوں میں سے پنجاب کی 297 ، سندھ کی 130، خیبر پختونخوا کی 115 اور بلوچستان کی 51 نشستیں ہیں

    تحریک انصاف کو اگر انتخابی نشان نہیں ملتا تو تحریک انصاف کے لئے ایک راستہ ہے کہ وہ عوامی مسلم لیگ ، یا کسی اور جماعت کے ساتھ اتحاد کرے اور اسکے انتخابی نشان پر الیکشن لڑے، اس سے سب امیدواروں کا نشان ایک ہو گا،اور پھر اسی جماعت کو ہی بنیاد بنا کر سینیٹ میں نشستیں لی جا سکتی ہیں،13 جنوری تک انتخابی نشان الاٹ ہونے ہیں،13 جنوری تک تحریک انصاف کو اگر عدالتوں نےر یلیف دے دیا تو اسکی مشکل کم ہو سکتی ہے، نہیں تو آزاد، یا پھر کسی سیاسی جماعت کے ساتھ اتحاد، یہ دو ہی راستے ہیں،

    عمران خان کے وکیل، بیرسٹر گوہر نے امید ظاہر کی ہے کہ سپریم کورٹ تحریک انصاف کا انتخابی نشان بلا بحال کر دے گی، اڈیالہ جیل کے باہر میڈیا سے بات کرتے ہوئے بیرسٹر گوہر کا کہنا تھا کہ بلے کا نشان واپس لینے کے لیے عدالت سے رجوع کریں گے، امید ہے عدالت انصاف کرے گی،بلا پاکستان کے 70 فیصد عوام کی نشانی ہے، کوئی بھی نشان الاٹ ہو وہ آپ سےکوئی نہیں چھین سکتا، الیکشن کمیشن نے آرڈر میں کوئی ذکر نہیں کیا کہ جنہوں نے درخواستیں جمع کرائیں کیا وہ پی ٹی آئی کا حصہ تھے یا نہیں، الیکشن کمیشن نے ذکر ہی نہیں کیا ہم نےکسی قانون یا ضابطے کی خلاف ورزی کی ہے، ہمارے انٹرا پارٹی الیکشن پر کوئی اعتراض نہیں ہوسکتا، الیکشن کمیشن نے جو کل آرڈر پاس کیا ہے وہ اس کے پہلے آرڈر سے متصادم ہے

    واضح رہے کہ گزشتہ روز تحریک انصاف سے بلے کا نشان الیکشن کمیشن نے واپس لے لیا ہے، تحریک انصاف ہائیکورٹ میں الیکشن کمیشن کے فیصلے کے خلاف درخواست دائر کرے گی.

    لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

    عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

     الیکشن کمیشن کو تمام شکایات پر فوری ایکشن لیکر حل کرنے کا حکم

    کاغذات نامزدگی جمع کرانے کے وقت میں 2 دن کا اضافہ 

    ن لیگ کے محسن رانجھا نے پی ٹی آئی والوں پر پرچہ کٹوا دیا .

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

  • آڈیو لیکس کیس ، ڈی جی آئی بی اور ڈی جی ایف آئی اے ذاتی حیثیت میں طلب

    آڈیو لیکس کیس ، ڈی جی آئی بی اور ڈی جی ایف آئی اے ذاتی حیثیت میں طلب

    آڈیو لیکس کے خلاف نجم ثاقب اور بشری بی بی کی درخواست پر اسلام آباد ہائی کورٹ کا بڑا حکم، اسلام آباد ہائیکورٹ کے جسٹس بابر ستار نے آڈیو لیکس کیس میں ڈی جی آئی بی اور ڈی جی ایف آئی اے کو 19 فروری 2024 کو ذاتی حیثیت میں طلب کر لیا،

    بشری بی بی اور سردار لطیف کھوسہ کی آڈیو آڈیو ٹیپ کیسے ہوئی ؟ کس نے لیک کی ؟ اکاؤنٹ ہولڈر کون ہے ؟ اسلام آباد ہائیکورٹ نے ڈی جی آئی بی کو آئندہ سماعت پر ذاتی حیثیت میں طلب کر لیا،عدالت نے حکم دیا کہ آئی بی اس حوالے سے تحقیقات کرکے تفصیلی رپورٹ جمع کرائے جسٹس بابر ستار نے تحریری حکم نامہ جاری کردیا

    دورانِ سماعت اٹارنی جنرل نے وزیر اعظم آفس کی رپورٹ عدالت میں پیش کی بتایا کہ وفاقی حکومت کی جانب سے آڈیو ٹیپنگ کی آئی ایس آئی، ایف آئی اے ،آئی بی کسی ایجنسی کو بھی آڈیو ٹیپ کرنےکی اجازت نہیں،ایف آئی اے کو پہلے دیکھنا ہے کس نے کال ریکارڈ کی، عدالتی احکامات کے بعد ایف آئی اے ٹیلی کام کمپنیوں کو لکھ رہا ہے ایف آئی اے کو سن آئی پی ایڈریسز تک رسائی چاہیے ہوگی اگر کوئی حکومتی ایجنسی ریکارڈنگز کر رہی ہے تو غیر قانونی کر رہی ہے آئی ایس آئی کی رپورٹ کے مطابق سوشل میڈیا فلیٹ فارمز سے رپورٹ لینی پڑے گی، تب ہی تحقیقات آگے بڑھ سکتی ہیں۔

    واضح رہے کہ اپریل میں سابق چیف جسٹس ثاقب نثار کے بیٹے نجم الثاقب کی پنجاب اسمبلی کے حلقہ 137 سے پی ٹی آئی کا ٹکٹ لینے والے ابوذر سے گفتگو کی مبینہ آڈیو لیک ہوئی تھی۔ اسی طرح بشریٰ بی بی کی اپنے وکیل لطیف کھوسہ کے ساتھ کی گئی گفتگو کی آڈیو لیک ہوئی تھی جسے عدالت میں چیلنج کیا گیا تھا.

    واضح رہے کہ گزشتہ دنوں سابق وزیر اعظم اور چیئرمین پی ٹی آئی عمران خان کی اہلیہ بشریٰ بی بی اور بہنوں کے درمیان اختلافات سے متعلق مبینہ آڈیو سامنے آئی تھی جس کے بعد لطیف کھوسہ نے اپنی اور بشریٰ بی بی کی سامنے آنے والی آڈیو کی تصدیق بھی کی تھی-

    آڈیو لیک، کمیٹی تشکیل ، سات روز میں تحقیقات مکمل کرنے کا حکم

    آڈیو لیک،عمران خان کیخلاف سخت کاروائی کی قرارداد اسمبلی میں جمع

    ہیکرز نے دعوی کیا ہے کہ اب مزید آڈیو جمعہ کو جاری کی جائیں گی

    عمران خان کا جھوٹا بیانیہ سب نے دیکھ لیا،آڈیو کے بعد بھی یوٹرن لے سکتے ہیں،عظمیٰ بخاری

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

  • عام انتخابات،کاغذات نامزدگی جمع کروانے کا سلسلہ جاری

    عام انتخابات،کاغذات نامزدگی جمع کروانے کا سلسلہ جاری

    سندھ میں عام انتخابات کے لیے ریٹرننگ افسران کے فیصلوں کے خلاف اپیلوں کی سماعت کے لیے اپیلٹ ٹریبونلز قائم کر دیئے گئے ہیں

    سندھ ہائی کورٹ کے 6 جج اپیلٹ ٹریبونلز کے لیے نامزد کیے گئے ہیں،جسٹس ارشد حسین، جسٹس خادم حسین کراچی اور حیدرآباد کی اپیلوں کی سماعت کریں گے جبکہ جسٹس عدنان کریم بھی کراچی اور حیدرآباد کی اپیلوں کی سماعت کریں گے ،سکھر میں جسٹس ارشاد علی اور جسٹس ذوالفقار سانگی فرائض انجام دیں گے جبکہ جسٹس سلیم جیسر لاڑکانہ میں ریٹرننگ افسران کے فیصلوں پر اپیلوں کی سماعت کریں گے،

    اسلام آباد کے تین حلقوں کے لیے کاغذات نامزدگی جمع کروانے والوں کی مجموعی تعداد 121
    ڈسٹرکٹ ریٹرننگ آفس اسلام آباد میں کاغذات نامزدگی جمع کروانے کے لیے چوتھے روز کا وقت ختم ہو گیا،اسلام آباد کے تین حلقوں کے لیے کاغذات نامزدگی جمع کروانے والوں کی مجموعی تعداد 121 ہوگئی،پی ٹی آئی کے شعیب شاہین کی جانب سے اسلام آباد کے تینوں حلقوں کے لیے کاغذات جمع کروائے گئے،پی ٹی آئی کے عامر مغل نے اپنے بیٹے کے ذریعے کاغذات نامزدگی جمع کروائے،عامر مغل کے لیے این اے 46 اور 47 سے کاغذات جمع کروائے گئے،پی ٹی آئی کے سید مصطفین کاظمی نے بھی کاغذات نامزدگی جمع کروا دیئے،مصطفین کاظمی نے این اے 46 اور این اے 47 کے لیے کاغذات جمع کروائے،پی ٹی آئی کے عامر شیخ نے این اے 47 کے لیے کاغذات نامزدگی جمع کروا دیئے،مسلم لیگ ن کے رفعت چوہدری نے این اے 48 کے لیے کاغذات نامزدگی جمع کروائے ،سابق ڈپٹی میئر زیشان نقوی نے این اے 47 کے لیے بھی کاغذات نامزدگی جمع کروا دیئے،ایم کیو ایم کے سید ندیم منصور کی جانب سے کاغذات نامزدگی جمع ہو گئے،اے این پی اور جے یو آئی ف کی جانب سے بھی کاغذات نامزدگی جمع ہو گئے،عوامی ورکر پارٹی کی جانب سے بھی کاغذات نامزدگی جمع کروائے گئے

    مریم نواز، عطا تارڑ کے دو دو حلقوں سے کاغذات جمع
    مسلم لیگ ن کی رہنما مریم نواز کے این اے 119 اور این اے 120 سے کاغذات نامزدگی جمع ہو گئے ہیں،مسلم لیگ ن کے رہنما عطاء اللہ تارڑ نے لاہور کے دو قومی اسمبلی کے حلقہ میں کاغذات نامزدگی جمع کروا دئے،عطا تارڑ نے لاہور کے حلقہ این اے 119 کے لیے کاغذات نامزدگی جمع کروا دیئے،عطاء تارڑ نے قومی اسمبلی کے حلقہ این اے 117 کے لیے بھی کاغذات نامزدگی جمع کروا دیئے

    چیف جسٹس لاہور ہائیکورٹ محمد امیر بھٹی کا بڑا فیصلہ،لاہور ہائیکورٹ، لاہور اور ملتان کی دائری برانچ آئندہ دو روز تک کھلی رہیں گی۔لاہور اور ملتان کی دائری برانچیں اتوار اور 25 دسمبر کی چھٹیوں کے باوجود کھلی رہیں گی، کاغذاتِ نامزدگی جمع کروانے میں پیش آنے والے مسائل اور رکاوٹوں سے متعلق درخواستیں جمع کروائی جاسکیں گی،لاہور ہائی کورٹ راولپنڈی بنچ سے متعلق درخواستیں لاہور ہائی کورٹ لاہور پرنسپل سیٹ پر دائر کی جا سکتی ہیں،بہاولپور بنچ سے متعلق درخواستیں ملتان بنچ کی ڈائری برانچ میں دائر کی جا سکتی ہیں۔دائری برانچوں کا عملہ دو دِن دفتری اوقات میں موجود رہے گا

    دو قومی، ایک صوبائی حلقے سے چوہدری نثار کے کاغذات جمع،کہا عمران خان پرانا دوست،تنقید نہیں کرونگا
    سابق وفاقی وزیر داخلہ چوہدری نثار علی خان نے این اے 53 اور این اے 54سمیت پی پی 10 کے لئے آزاد امیدوار کے طور پر کاغذات نامزدگی جمع کرادیئے ہیں،اس موقع پر چودھری نثار علی خان کا کہنا تھا کہ میں عمران خان پر تنقید کر سکتا ہوں جو نہیں کرونگا وہ میرا پچاس سالہ پرانا دوست ہے مسلم لیگ سے میرا تعلق رہا مگر تنقید نہیں کرونگا،پاکستان مشکل ترین دور سے گزر رہا ہے،ایسے حالات بھی آسکتے ہیں کہ تنخوہوں کی ادائیگی نہیں کرسکیں گے،معجزہ ہی پاکستان کو بچا سکتا ہے،میں اگر اسمبلی میں ہوا تو اس معجزے کا حصہ بنوں گا انشاءاللہ پاکستان بھنور سے نکلے گا، میں 2 قومی اور ایک صوبائی نشست پر الیکشن پر کھڑا ہوا ہوں، سب نتائج کو خود دیکھوں گا،کیسے ہوسکتا ہے قومی سے ہار کر صوبائی سے جیت رہا ہوں ،تمام سپوٹر ہوشیار رہیں پولنگ شروع اور گنتی ختم ہونے تک کسی بھی گڑ بڑ کی صورت میں اطلاع دیں

    این اے 242 کراچی،شہباز شریف کے کاغذات جمع، مصطفیٰ کمال بھی اسی حلقے سے امیدوار
    مسلم لیگ ن کے صدر، سابق وزیراعظم شہبازشریف کے کراچی کے حلقہ این اے 242 سے کاغذات نامزدگی جمع ہو گئے ہیں، اس حلقہ سے ایم کیو ایم پاکستان کے مصطفیٰ کمال بھی امیدوار ہیں،ایم کیو ایم اور ن لیگی وفود کی سیٹ ایڈجسٹمنٹ کے لئے ملاقاتیں ہوئی تھیں تا ہم ایم کیو ایم ترجمان کے مطابق این اے 242 پر سیٹ ایڈجسٹمنٹ نہیں ہوئی، مصطفیٰ کمال الیکشن لڑیں گے،2018 کے الیکشن میں بھی شہباز شریف اس حلقے سے امیدوار تھے اور دوسرے نمبر پر رہے تھے

    علی امین گنڈا پور،زلفی بخاری کے کاغذات جمع،حماد اظہر کے نہ ہو سکے
    سابق وفاقی وزیر علی امین گنڈہ پور نے اپنے کاغذات نامزدگی جمع کروا دیئے، علی امین خان گنڈہ پور بذات خود NA.44,pk 112,pk113 پر الیکشن لڑیں گے ،تحریک انصاف کے امیدوار برائے قومی اسمبلی حلقہ این اے 50 اٹک سے سید زلفی بخاری کے کاغذات نامزدگی جمع کرا دئیے گئے،تحریک انصاف کی رہنما شاندانہ گلزار نے قومی اسمبلی کے حلقہ این اے 30 سے کاغذات نامزدگی جمع کرادیئے ہیں، شاندانہ گلزار نے وکلاء کے ذریعے کاغذات نامزدگی جمع کرائے ہیں۔دوسری جانب حماد اظہر کا کہنا ہے کہ این اے 129 کے آر او غلام مصطفیٰ ڈوگر نے میرے کاغذات نامزدگی جمع کرنے سے انکار کر دیا ،کہا آپ کے کاغذات نامزدگی جمع کرنے کی اوپر سے اجازت نہیں، قانون مجھے کاغذ جمع کرانے اور الیکشن لڑنے کا واضح طور پر حق دیتا ہے،آئین میں اوپر سے اجازت ہونے یا نا ہونے کا کوئی تصور نہیں،

    فواد چودھری کی بیوی کے ساتھ پی آئی ڈی کا آفیشیل فوٹو گرافر،سوال اٹھ گئے
    صحافی حسن ایوب خان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ حبا چوہدری صاحبہ نے فواد چوہدری کے کاغذات نامزدگی جمع کروا دیئے ہیں لیکن اس ویڈیو میں قابل ذکر بات یہ دیکھی جا سکتی ہے کہ پی آئی ڈی کا آفیشل فوٹو گرافر محمد علی سالار انکی تصاویر بنانے کے لیئے ساتھ موجود ہے ۔ اطلاعات کے مطابق محمد علی سالار آجکل وزیر اطلاعات و نشریات کے ساتھ ڈیوٹی کر رہے ہیں ، سوال یہ ہے کہ اور کیسی لیول پلینگ فیلڈ درکار ہے ؟

    سابق اپوزیشن لیڈر راجہ ریاض کے حلقہ این اے 104 سے کاغذات نامزدگی جمع
    راجہ ریاض نے میڈیا سے گفتگو کرتے ہوئے کہا کہ حلقہ 104 سے کاغذاتِ جمع کروائے ہیں،پی ٹی آئی کے اپنے راہنماؤں نے انٹرا پارٹی الیکشن مسترد کیا تھا ، کسی بھی راہنما کو نہیں پکڑا جارہا،پی ٹی آئی الیکشن ہار چکی ہے، کوئی سیٹ ایڈجسٹمنٹ نہیں ہو رہی ہے، جعلی الیکشن کی وجہ سے بلے کا نشان چھینا گیا ہے،

    شیرافضل مروت کے این اے 32 پشاور سے کاغذات نامزدگی جمع
    تحریک انصاف کے سینئر نائب صدر اور عمران خان کے وکیل شیر افضل مروت نے خیبر پختونخواہ کے صوبائی دارالحکومت پشاور سے الیکشن میں حصہ لینے کا فیصلہ کیا ہے، شیر افضل مروت کا کہنا ہے پشاور سے قومی اسمبلی کے حلقہ این اے 32 سے الیکشن لڑوں گامیرے وکیل نےکاغذات نامزدگی جمع کروا دیئے ہیں، تحریک انصاف ہی الیکشن جیتے گی،

    طلال چودھری کے کاغذات جمع،مقابلے میں چچا نے بھی جمع کروا دیئے
    این اے 96 جڑانوالہ سے ن لیگی رہنما طلال چوہدری نے کاغذات نامزدگی جمع کروا دئیے ہیں، طلال چودھری کے کاغذات نامزدگی ان کے بھائی بلال بدر نے جمع کروائے ،طلال چودھری کے مقابلے میں انکے چچا اکرم چودھری نے بھی کاغذات نامزدگی جمع کروا دیئے ہیںَ،اکرم چودھری تین بار ایم پی اے اور سابق تحصیل ناظم جڑانوالہ رہ چکے ہیںَ،وہ ماضی میں مسلم لیگ ن میں تھے مگر اب تحریک انصاف کے ٹکٹ سے الیکشن لڑنا چاہتے ہیں،اکرم چودھری کے بیٹے چوہدری اشرف نے اپنے بھی کاغذات نامزدگی جمع کرائے ہیں،طلال چودھری کو ابھی تک ن لیگ کا ٹکٹ نہیں ملا، ن لیگ کی جانب سے نواب شیر بھی امیدوار ہیں، اگر طلال کو ٹکٹ مل گیا تو انکا مقابلہ چچا سے ہو گا.

    پرویز الہیٰ کی اہلیہ قیصرہ الہیٰ، ساجدہ بیگم،حمیدہ شاہد،طیبہ راجہ کے کاغذات جمع
    پرویز الہٰی کی اہلیہ قیصرہ الہی کے پی پی 32 میں کاغذات نامزدگی جمع ہو گئے،آر او ملک ابرار نے خود باہر آکر پرویز الہٰی کے اہلیہ کے کاغذات وصول کئے،رہنما تحریک انصاف ساجدہ بیگم نے حلقہ PP-82 خوشاب سے الیکشن لڑنے کے لیئے اپنے کاغذات نامزدگی ریٹرننگ افسر کے پاس جمع کرا دیئے۔پی کے 11 سے پاکستان تحریک انصاف کی امیدوارہ حمیدہ شاہد کے کاغذات نامزدگی جمع ہو گئے،راولپنڈی PP-17 سے طیبہ راجہ کے کاغذات نامزدگی جمع کروا دیے گئے،
    طیبہ راجہ کا مقابلہ فیاض الحسن چوہان سے ہو گا،کوہاٹ NA-35 سے شہریار خان آفریدی نے کاغذات نامزدگی جمع کرا دئے،

    sajda

    این اے 95 سے علی افضل ساہی کے کاغذات نامزدگی جمع ہو گئے، ٹویٹ کرتے ہوئے علی افضل ساہی کا کہنا تھا کہ آخر کار تین دن کی مُسلسل جدوجہد کے بعد میں اپنے وکلاء کے ذریعے کاغذاتِ نامزدگی جمع کروانے میں کامیاب ہو گیا ہوں۔ میں عمران خان صاحب کے حکم کے مُطابق انشاءاللّہ پاکستان تحریکِ اِنصاف کے پلیٹ فارم سے NA 95 (فیصل آباد) سے الیکشن لڑوں گا۔

    دھاندلی کا نیا طریقہ، حامد میر نے ٹویٹ کر دی
    سینئر صحافی و اینکر حامد میر نے ٹویٹ کرتے ہوئے کہا کہ دھاندلی کے نئے طریقے، میاں محمود الرشید کے وکلا نے لاہور میں انکے کاغذات نامزدگی داخل کرانے کی کوشش کی ریٹرننگ افسر نے وصولی سے انکار کر دیا انکی بیٹی نے اپنے کاغذات جمع کرا دئیے توکہا گیا فیس نیشنل بینک میں جمع ہو گی بنک پہنچے تو مینجر نے کہا فیس نہیں لے سکتے نوکری چلی جائے گی.

    عمران خان کے لاہور کے حلقہ این اے 122 سے کاغذات نامزدگی جمع
    تحریک انصاف کے بانی چیئرمین، سابق وزیراعظم عمران خان کے کاغذات نامزدگی میانوالی کے بعد لاہور کے حلقہ این اے 122 سے بھی جمع کروا دیئے گئے ہیں،عمران خان کے کاغذات انکے وکیل رائے علی اور عمر طالب نے جمع کروائے،عمران خان لاہور، میانوالی، اسلام آباد سے انتخابات میں حصہ لیں گے ،دوسری جانب توشہ خانہ کیس میں عمران خان کی سزا کا فیصلہ معطل ہونے کی درخواست مسترد کے بعد عمران خان کی نااہلی بھی برقرار ہے، عمران خان کے کاغذات کے مستر د ہونے کا قوی امکان ہے،

    عام انتخابات 8 فروری کو ہوں گے، کاغذات نامزدگی جمع کروانے کا سلسلہ جاری ہے، گزشتہ روز الیکشن کمیشن نے کاغذات نامزدگی جمع کروانے کے وقت میں دو روز کی توسیع کی تھی، اب کاغذات نامزدگی کل اتوار تک جمع کروائے جا سکتے ہیں.آج بھی کاغذات نامزدگی جمع کروانے کا سلسلہ جاری ہے،امیدوار الیکشن لڑنے کے لئے کاغذات جمع کروا رہے ہیں،اسلام آباد کے تین قومی اسمبلی کے حلقوں کے لیے کاغذات نامزدگی جمع کروانے کا سلسلہ جاری ہے،مجموعی طور پر 109 امیدواروں کی جانب سے کاغذات نامزدگی جمع کروائے گئے،این اے 46 کے لیے 33 جبکہ این اے 47 کے لیے 46 امیدواروں نے کاغزات نامزدگی جمع کر دئیے،این اے 48 کے لیے 36 امیدواروں کی جانب سے کاغذات نامزدگی جمع کروائے گئے،سابق وزیراعلیٰ خیبرپختونخوا محمودخان نےاین اے2، 3، 4اور پی کے 10 سے کاغذات نامزدگی جمع کرادیے

    الیکشن 2024 میں کاغذات نامزدگی جمع کروانے کا سلسلہ چوتھ روز بھی جاری رہے گا ،گزشتہ تین دنوں میں لاہور میں قومی اسمبلی کی نشستوں کے لئے767 امیدواروں نے کاغذات نامزدگی حاصل کر لئے،قومی اسمبلی کی نشستوں پر ابھی تک 89 امیدواروں نے کاغذات نامزدگی جمع کرائے ، صوبائی اسمبلی نشستوں پر 2 ہزار 129 امیدواروں نے کاغذات نامزدگی حاصل کئے ہیں ،تین روز میں 240 امیدواروں نے کاغذات نامزدگی جمع کرائے ہیں۔

    خواجہ آصف غیرتمند ہوتا تو میرے گھر آتا،میں معاف کر دیتی،لیکن سب وہی کروا رہا، والدہ عثمان ڈار
    سیالکوٹ: عثمان ڈار کی والدہ کاغذات نامزدگی جمع کرانے ریٹرنگ آفس پہنچ گئیں ،کاغذات نامزدگی جمع کروانے سے قبل میڈیا نمائندگان سے گفتگو کرتے ہوئے کہا کہ خواجہ آصف جھوٹ بولتا ہے میرے ساتھ جو ہوا اسی نے کروایا ہے،عوام کو گمراہ کرنے کے لیئے خواجہ آصف کہتا ھے میری بہن ہے، جب میرے گھر پر حملہ اور توڑ پھوڑ ھوئی خواجہ آصف غیرت مند ھوتا تو میرے گھر آتا،کیا ڈی پی او اور متعلقہ لوگوں کو فارغ کیا گیا ؟ میرے پاس آتے تو معاف کر دیتی اللہ کو معاف کرنا پسند ہے، ہمیں گھر سے نکال دیا گیا ھم نے رات سڑک پر گزاری، ہمارے ساتھ جو کچھ ہو رہا ہے اسکا فائدہ خواجہ آصف کو ہو رہا ہے ،الیکشن کے دن ہمارے ساتھ کی گئی زیادتی کا عوام جواب دیں گے،

    لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

    عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

     الیکشن کمیشن کو تمام شکایات پر فوری ایکشن لیکر حل کرنے کا حکم

    کاغذات نامزدگی جمع کرانے کے وقت میں 2 دن کا اضافہ 

    ن لیگ کے محسن رانجھا نے پی ٹی آئی والوں پر پرچہ کٹوا دیا .

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

  • نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    مبشر لقمان آفیشیل یوٹیوب چینل پر سینئر صحافی و اینکر پرسن مبشر لقمان نے تجزیہ کارمزمل سہروردی سے سوال کیا کہ لوگ تیار بیٹھے ہیں بدلے اتارنے ہیں کہ کیسے کرناہے، جس کے جواب میں مزمل سہروردی کا کہنا تھا کہ مجھے ایسا نہیں لگ رہا،نہ یہ ترکی کی طرح ہے نہ امریکہ کی طرح، یہ پارلیمنٹری سسٹم ہے، ہمارے شہروں میں ،رورل میں ایک پارٹی کا ایک امیدوار جیتتا ہے تو دوسرے حلقے میں دوسری پارٹی کا جیت جاتا ہے، لاہور سے ہی دیکھ لیں گزشتہ الیکشن کہیں سے پی ٹی آئی، کہیں سے ن لیگ، کہیں سے آزاد جیتے، کراچی کو دیکھیں ایم کیو ایم جیتتی تھی لیکن پھر کیا ہوا، ہمارے ہاں الیکشن میں امیدوار میٹر کرتے ہیں

    مبشر لقمان نے سوال کیا کہ ووٹر ایڈ ہوئے ،سارے یوتھ ہیں جس پر مزمل سہروردی کا کہنا تھا کہ ایک کروڑ تیس لاکھ نوجوانوں میں گاؤں کے، چھوٹے شہروں کے نوجوان بھی ہیں،مبشر لقمان کا کہنا تھاکہ ن لیگ، پیپلز پارٹی اور جے یو آئی سے لوگوں سے نفرت بڑھی ہے، مزمل سہروردی کاکہنا تھا کہ چند ہزار کے ووٹوں سے عمران خان کی سیٹیں نکالی تھیں، مردان والی سیٹیں دیکھ لیں، عابد شیر علی جو چار سال جلا وطن رہ کر آ گیا حلقے میں نام نہیں گیا تھا، دوسروں کے ڈبے خالی نہیں نکلے تھے، ان میں بھی ووٹ تھے،

    مزمل سہروردی کا کہنا تھا کہ عمران خان کی معراج تھی جب چیف جسٹس اس کا تھا، ایکسٹینشن کے لئے ڈیل ہو چکی تھی، پرویز الہیٰ کے بیانات دیکھ لیں ، عمران خان کی گفتگو پر یقین کر لیں، یا چودھری کی گفتگو کی پر یقین کر لیں،ووٹوں کا مارجن دیکھا جائے تو اسوقت بھی کیا تھا، بہت کم ووٹوں سے سیٹیں جیتی گئی تھیں،

    تین تین کروڑ میں بکنے والا پی ٹی آئی کا ٹکٹ آج دس ہزار میں لینے کو کوئی تیار نہیں،مزمل سہروردی
    مبشر لقمان کا کہنا تھا کہ یہ الیکشن کے دن پتہ چل جائے گا کہ کون کتنے پانی میں ہے،امیدواروں کی لسٹ آ جائے تو پھر پتہ چلے گا کہ کون ضمانتیں ضبط کروائے گا ، ابھی پی ٹی آئی کا انتخابی نشان بھی خطرے میں‌ہے، مزمل سہروردی کا کہنا تھا کہ تین تین کروڑ میں بکنے والا پی ٹی آئی کا ٹکٹ آج دس ہزار میں لینے کو کوئی تیار نہیں ہے.شاہد خاقان عباسی کی باری نواز شریف نے کہا تھا کہ اگر نامی نیشن کی ضرورت ہے تو ہم سے بات کریں، وہ شہباز شریف کی حکومت میں وزیر بنانے کو تیار نہیں تھے، پارٹی نے انکے خلاف کوئی بیان نہیں دیا جبکہ انہوں نے کئی بیان دیئے، اگر وہ پی ٹی آئی میں ہوتے تو انہوں نے ماں بہن ایک کر دینی تھی شاہد خاقان عباسی کی ، انکو شکر ادا کرنا چاہئے کہ وہ ن لیگ میں تھے اورچلے گئے،مبشر لقمان کا کہنا تھا کہ عطا تارڑ شریف آدمی ہے، مریم اورنگزیب میرے شو میں نہیں آئیں گی.مزمل سہروردی کا کہنا تھا کہ پی ٹی آئی کا پی پی کا ووٹر اینٹی نواز ہے،پنجاب میں ووٹر ن لیگ کا پی ٹی آئی نے چرایا ہے، پی ٹی آئی اس وقت عمران خان کے جیل میں ہونے کی وجہ سے کمزور ہے،آٹھ فروری کو پتہ چلے گا کہ پی ٹی آئی کا ووٹر ن لیگ کی مخالفت میں پی پی کو ووٹ دیتا ہے یا نہیں، مبشر لقمان کا کہنا تھا کہ پی ٹی آئی کا ووٹر استحکام پاکستان پارٹی کو تو ہر گز ووٹ نہیں دے گا

    مزمل سہروردی نے انکشاف کیا کہ چیف جسٹس قاضی فائز عیسیٰ جونیئر ججز جو پروموٹ ہو کر آئے ہیں انکو واپس بھیجیں گے، چار سیٹیں خالی ہوں گے، پھر میرٹ پر ججز آئیں گے، اعجازالاحسن ایسے چیف جسٹس ہوں‌گے جن کے ساتھ ججز نہیں ہوں گے، عمر عطا بندیال اور چیف جسٹس قاضی فائز عیسیٰ کا فرق آپ نے دیکھ لیا، نو مئی کے ملزمان کو جس طرح ضمانتیں ملی ہیں اس طرح تو عام ملزم کو بھی ضمانت نہیں ملتی،نو مئی کے مقدمات کافی تھی جیل میں رکھنے کے لئے لیکن پشاور اور لاہور ہائیکورٹ کے ججز نے ایسے ضمانتیں دیں جیسے نو مئی کو کوئی جرم ہی نہیں ہوا، عدلیہ نے نومئی کے ملزمان کی سہولت کاری کی انکو ریاست کیسے قبول کرے گی؟

    لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

    عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

     الیکشن کمیشن کو تمام شکایات پر فوری ایکشن لیکر حل کرنے کا حکم

    کاغذات نامزدگی جمع کرانے کے وقت میں 2 دن کا اضافہ 

    ن لیگ کے محسن رانجھا نے پی ٹی آئی والوں پر پرچہ کٹوا دیا .

  • پی ٹی آئی کی درخواست،سپریم کورٹ کا الیکشن کمیشن کو تمام شکایات فوری حل کرنے کا حکم

    پی ٹی آئی کی درخواست،سپریم کورٹ کا الیکشن کمیشن کو تمام شکایات فوری حل کرنے کا حکم

    سپریم کورٹ نے پی ٹی آئی کی لیول پلئنگ فیلڈ کی درخواست پر تحریری فیصلہ جاری کر دیا

    تحریری فیصلے میں عدالت نے کہا کہ انتخابی پروگرام میں خلل ڈالے بغیر الیکشن کمیشن شکایات دور کرے، ایمانداری سے منصفانہ انتخابات کرانا الیکشن کمیشن کی ذمہ داری ہے، الیکشن کمیشن جمہوری عمل میں اہم کردار ادا کرتا ہے، الیکشن کمیشن کی ذمہ داری ہے انتخابات کو بدعنوانی سے بچائے، آئین کے آرٹیکل 220 کے تحت تمام ایگزیکٹو اتھارٹیز الیکشن کمیشن کی معاونت کے پابند ہیں، انتخابات جمہوری اصولوں کے مطابق کرائے جائیں جو اثر و رسوخ اور جبر سے پاک ہوں، الیکشن کمیشن یقینی بنائے تمام جماعتوں کو انتخابی عمل میں مساوی موقع ملے،

    قبل ازیں سپریم کورٹ میں چیئرمین پی ٹی آئی کی لیول پلئینگ فیلڈ کے حوالے سے دائر درخواست پر سماعت ہوئی، قائم مقام چیف جسٹس سردار طارق مسعود کی سربراہی میں تین رکنی بنچ نے سماعت کی۔سپریم کورٹ نے الیکشن کمیشن کو تمام شکایات پر فوری ایکشن لیکر حل کرنے کا حکم دے دیا،قائم مقام چیف جسٹس سردار طارق مسعود نے ریمارکس دیتے ہوئے کہا کہ تمام آئی جیزکو اس حوالےسے آگاہ کردینا چاہئے، پی ٹی آئی وکیل شعیب شاہین نے کہا کہ وکلاء کو بھی ریٹرننگ افسران کے دفتر سے گرفتار کیا جا رہا ہے،جسٹس اطہر من اللہ نے ریمارکس دیتے ہوئے کہا کہ الیکشن کمیشن نے صرف ایک سیاسی جماعت کو سنگل آؤٹ کیوں کیا ہوا ہے،کیا باقی سیاسی جماعتوں کے انتخابات کو بھی اسی طرح دیکھاجاتا ہے،اٹارنی جنرل صاحب انتخابات کے دنوں میں یہ پکڑ دھکڑ مناسب نہیں،ڈی جی لا الیکشن کمیشن نے کہا کہ پی ٹی آئی کی کاغذات نامزدگی چھیننے کی کوئی درخوست نہیں ملی، وکیل شعیب شاہین نے کہا کہ کل چار درخواستیں میں دے کر آیا ہوں،

    ایک طرف الیکشن دوسری الیکشن کمیشن کی اڈیالہ جیل میں سماعتیں ، سپریم کورٹ برہم ہو گئی، جسٹس اطہرمن اللہ نے الیکشن کمیشن حکام سے مکالمہ کرتے ہوئے کہا کہ ایک طرف الیکشن ہو رہا ہے آپ اڈیالہ جیل میں جا کر سماعتیں کر رہے ہیں ، یہ آپ کا کنڈکٹ ہے آپ نے الیکشن کرانے ہیں ، کوئی آپ پر اعتماد نہیں کرتا تو اس کی وجوہات ہیں سب کے سامنے چیزیں ہورہی ہیں آپ کا کنڈکٹ ثابت کر رہا ہے کہ کوئی لیول پلینگ فیلڈ نہیں ، جسٹس منصور علی شاہ نے کہا کہ الیکشن کمیشن آئینی ادارہ ہے آپ نے شکایات کا ازالہ کرنا ہے ، جسٹس منصور علی شاہ نے الیکشن کمیشن حکام کو ہدایت کی کہ لیول پلینگ فیلڈ یقینی بنائیں ،جو نامزدگی فارمز جمع نہیں کرانے دئیے جا رہے ان شکایات پر آپ نے کیا کیا ، جسٹس اطہرمن اللہ نے استفسار کیا کہ عثمان ڈار کی والدہ کے ساتھ جو ہوا سب نے دیکھا ، نگران حکومت کیا کر رہی ہے ؟

    قائمقام چیف جسٹس سردار طارق مسعود نے کہا کہ پی ٹی آئی کے کئی رہنما اشتہاری ہیں،وکیل شعیب شاہین نے کہا کہ
    جو اشتہاری ہیں وہ متعلقہ عدالتوں میں پیش ہو رہے ہیں،متعلقہ ہائی کورٹ سے حفاظتی ضمانتیں بھی لے رہے ہیں پھر بھی گرفتار کیا جا رہا، جسٹس اطہرمن اللہ نے ریمارکس دیتے ہوئے کہا کہ بظاہر لیول پلیئنگ فیلڈ نہ ملنے کا الزام درست ہے، وکیل شعیب شاہین نے کہا کہ الیکشن شیڈیول جاری ہوچکا اب بھی ایم پی او کے آرڈر جاری ہو رہے ہیں، پی ٹی آئی امیدواروں کو کاغذات نہ دیے جا رہے ہیں نہ جمع کرانے دیتے ہیں، قائمقام چیف جسٹس سردار طارق مسعود نے کہا کہ الیکشن کمیشن ایم پی او کے آرڈر کیوں نہیں رکوا رہا؟ابھی حکم نامہ لکھ کر بھجواتے ہیں تمام شکایات کا جائزہ لیکر حل کریں،وکیل شعیب شاہین نے کہا کہ ریٹرننگ افسران کاغذات وصول نہیں کرتے تو الیکشن کمیشن کو جمع کرانے کی اجازت دی جائے، جسٹس منصور علی شاہ نے کہا کہ الیکشن کمیشن فوری طور پر سیاسی جماعتوں سے ملاقات کرے، جسٹس اطہرمن اللہ نے کہا کہ سیاسی جماعتوں کو شکایات ہیں تو الیکشن کمیشن کام نہیں کر رہا ،ایک سیاسی جماعت کو کیوں الگ ڈیل کیا جا رہا ہے؟ سب کیساتھ یکساں سلوک ہی لیول پلیئنگ فیلڈ ہے،

    عدالت نے تحریک انصاف رہنمائوں کو تین بجے الیکشن کمیشن سے ملاقات کی ہدایت کر دی ،عدالت نے کہا کہ الیکشن کمیشن تمام شکایات سن کر ازالہ کرے، الیکشن کمیشن اور اٹارنی جنرل نے تعاون کی یقین دہانی کروا دی،قائمقام چیف جسٹس سردار طارق مسعود نے کہا کہ تمام آئی جیز کو کہیں کہ تحریک انصاف کے امیدواروں کو تنگ نہ کیا جائے، وکیل شعیب شاہین نے کہا کہ وکلاء کو بھی ریٹرننگ افسران کے دفتر سے گرفتار کیا جا رہا ہے،

    تحریک انصاف کی لیول پلیئنگ فیلڈ سےمتعلق درخواست سپریم کورٹ نے نمٹا دی،قائم مقام چیف جسٹس سردار طارق مسعود کی سربراہی میں تین رکنی بینچ نے سماعت کی،بینچ میں جسٹس منصور علی شاہ اور جسٹس اطہر من اللّٰہ شامل تھے،

    قبل ازیں لیول پلیئنگ فیلڈ سے متعلق تحریک انصاف کی درخواست ،سپریم کورٹ نے درخواستیں سماعت کیلئے مقرر کرنے کا فیصلہ کر لیا،تحریک انصاف کے وکیل نیاز اللہ نیازی عدالت میں پیش ہوئے اور کہا کہ پی ٹی آئی امیدواروں کو کاغذات نامزدگی جمع کرانے نہیں دیے جارہے، پی ٹی آئی نے درخواست جمع کرائی ہے، قائمقام چیف جسٹس‌نے استفسار کیا کہ اگرآپ کا امیدوار اشتہاری ہو تو کیا ہوگا؟ جسٹس اطہرمن اللہ نے استفسار کیا کہ کیا الیکشن کمیشن کو درخواست دی ہے؟ وکیل نے کہا کہ الیکشن کمیشن کو بھی آ گاہ کر دیا ہے، ہماری درخواست سماعت کیلئے مقرر کی جائے، قائمقام چیف جسٹس سردار طارق نے کہا کہ آپ کی درخواست رجسٹرارآفس ابھی مقررکردیتا ہے،

    واضح رہے کہ گزشتہ روز چیئرمین پی ٹی آئی بیرسٹر گوہر خان نے سپریم کورٹ میں درخواست دائرکی تھی، درخواست میں وفاق، الیکشن کمیشن اور چاروں صوبائی حکومتوں کو فریق بنایا گیا ہے، درخواست آئین کے آرٹیکل 184(3) کے تحت دائر کی گئی ہے،بیرسٹر گوہر کی جانب سے سپریم کورٹ میں دائر درخواست میں مؤقف اختیار کیا گیا کہ تحریک انصاف کے امیدواروں سے کاغذات نامزدگی چھینے جا رہے ہیں، تحریک انصاف کے امیدواروں کو ہراساں کیا جا رہا ہے، تحریک انصاف کو انتخابات میں حصہ لینے کا مساوی حق دیا جائے

    چیئرمین پی ٹی آئی کی جانب سے سپریم کورٹ میں دائر درخواست میں استدعا کی گئی کہ سپریم کورٹ تحریک انصاف کو لیول پلیئنگ فیلڈ اور شفاف انتخابات کیلئے فریقین کو ہدایات جاری کرے، فریقین کو تحریک انصاف کے کارکنوں اور رہنماؤں کو ہراساں کرنے سے بھی روکا جائے

    لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

    عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟

    کاغذات نامزدگی جمع کرانے کے وقت میں 2 دن کا اضافہ 

    ن لیگ کے محسن رانجھا نے پی ٹی آئی والوں پر پرچہ کٹوا دیا .

  • دوران عدت نکاح کیس،جیل ٹرائل کیلیے خط لکھ دیا گیا

    دوران عدت نکاح کیس،جیل ٹرائل کیلیے خط لکھ دیا گیا

    بانی پی ٹی آئی اور بشریٰ بی بی کے غیر شرعی نکاح کا کیس،ڈسٹرکٹ اینڈ سیشن کورٹ اسلام آباد نے کیس کی سماعت 2 جنوری تک ملتوی کردی

    کیس کی سماعت سینئر سول جج قدرت اللہ نے کی ،بشریٰ بی بی کی جانب سے وکیل عثمان گل عدالت پیش ہوئے اور کہا کہ عدالت نے جیل ٹرائل کا آرڈر کیا تھا،ہم نے بشریٰ بی بی کو جیل بھیج دیا ، ضمانتی مچلکے تیار کرلیے گئے ہیں ،جج قدرت اللہ نے ریمارکس دیتے ہوئے کہا کہ ملزمہ کو عدالت بلانا ہوگا، جب پتا لگ چکا کہ جیل میں ٹرائل نہیں ہے تو ان کو آ جانا چاہیے ، وکیل بشریٰ بی بی نے کہا کہ ہمارے پاس انفارمیشن ہے کہ بشریٰ بی بی کا عدالت آنے میں خطرہ ہے،جج قدرت اللہ نے کہا کہ آج رش نہیں ہے عدالت بھی خالی ہے آپ پیش کریں ، فائنل ہے انہوں نے آنا ہوگا، میری طبیعت بھی ٹھیک نہیں ہے،جیل اتھارٹیز کو آگاہ کردیا گیا تھا تو وہ وہاں کیوں گئی ہیں ،عدالت نے بشریٰ بی بی کو ذاتی حیثیت میں طلب کرلیا،بشری بی بی کے آنے تک سماعت میں وقفہ کردیا گیا

    دوبارہ سماعت ہوئی تووکیل بشریٰ بی بی نے کہا کہ گزشتہ سماعت پر عدالت نے آرڈر کیے تھے کہ جیل ٹرائل ہوگا، بشریٰ بی بی صبح جیل پہنچ گئی تھیں عدالت نے بعد میں بتایا، جیل جیمرز کی وجہ سے بشریٰ بی بی کے ساتھ رابطہ نہیں ہو پا رہا ،بشریٰ بی بی کی حاضری سے استثنیٰ دائر کردی گئی،عدالت نے بشریٰ بی بی کی حاضری سے استثنیٰ کی درخواست منظور کرلی ، دوران سماعت عدالت نے بشریٰ بی بی کی عدم حاضری پر برہمی کا اظہاربھی کیا.

    سابق چیئرمین پی ٹی آئی اور بشریٰ بی بی کا غیر شرعی نکاح کیس میں اہم پیشرفت سامنے آئی ہے،عدالت نے رجسٹرار اسلام آباد ہائیکورٹ کو جیل ٹرائل کے لیے خط لکھ دیا.

    بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟

    ہوشیار،بشری بی بی،عمران خان ،شرمناک خبرآ گئی ،مونس مال لے کر فرار

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    عمران خان، تمہارے لئے میں اکیلا ہی کافی ہوں، مبشر لقمان

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

    واضح رہے کہ تحریک انصاف کے چیئرمین عمران خان کا تیسرا نکاح پڑھانے والے مفتی سعید نے کہا تھا کہ اگر بشریٰ بی بی نے عدت میں نکاح پر توبہ نہیں کی تو تجدید ایمان کرنی چاہیے،مفتی محمد سعید خان نے عمران خان کے بشریٰ بی بی سے نکاح کے بارے میں کہا کہ ان کے عمران خان سے دو نکاح ہوئے تھے کیونکہ ان کا پہلا نکاح عدت کے دوران ہوا اور اس نکاح کو نکاح فاسد کہا جاتا ہےعدت مکمل ہونے کے بعد عمران خان کا بشریٰ بی بی سے دوسرا نکاح ہوا، مجھے عون چوہدری کے ذریعے علم ہوا کہ عمران خان کا بشریٰ بی بی سے نکاح عدت کے دوران ہوا جس پر میں نے ان کو کہا کہ نکاح دوبارہ ہوگا

     اسلامی شرعی احکامات کا مذاق اڑانے پر عمران نیازی کے خلاف راولپنڈی میں ریلی نکالی

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

    ریحام خان جب تک عمران خان کی بیوی تھی تو قوم کی ماں تھیں

    خاور مانیکا کے انٹرویو پر نواز شریف کا ردعمل

    واضح رہے کہ سابق وزیراعظم عمران خان کی اہلیہ بشریٰ بی بی کے سابق شوہر خاور فرید مانیکا عمران خان اور بشری بی بی پر پھٹ پڑے، خاور مانیکا رہائی کے بعد اہم انکشافات سامنے لے آئے، بشریٰ بی بی کے کرتوت عیاں کر دیئے تو وہیں ریاست مدینہ کا نام لے کر پاکستان میں حکومت کرنیوالے عمران خان کا کچہ چٹھہ بھی کھول دیا،

    جیو ٹی وی کے پروگرام میں گفتگو کرتے ہوئے خاور مانیکا کا کہنا تھاکہ عمران خان میری مرضی کے بغیر میرے گھر آتا تھا، پنکی کی اس سے ملاقاتوں پر میں ناراض تھا، ایک بار عمران میرے گھر آیا تو میں نے نوکر کی مدد سے اسے گھر سے نکلوا دیا، عمران خان کے اسلام آباد میں دھرنوں کے دوران بشریٰ کی بہن مریم وٹو نے بشریٰ کی ملاقات عمران خان سے کرائی، ہماری شادی 28 سال چلی، ہماری بہت خوش گوار زندگی تھی لیکن عمران نے پیری مریدی کی آڑ میں ہمارا ہنستا بستا گھر برباد کر دیا اسلام آباد میں عمران خان اور بشریٰ بی بی کی ملاقاتیں شروع ہو گئیں. میری والدہ کہتی تھیں کہ عمران خان اچھا آدمی نہیں، اسے گھر میں نہ آنے دیا کرو، رات کے وقت دونوں کی فون پر لمبی لمبی باتیں ہونے لگیں،

  • کاغذات نامزدگی جمع کرانے کے وقت میں 2 دن کی توسیع

    کاغذات نامزدگی جمع کرانے کے وقت میں 2 دن کی توسیع

    عام انتخابات،الیکشن کمیشن نے کاغذات نامزدگی جمع کرانے کے وقت میں 2 دن کا اضافہ کر دیا اب کاغذات نامزدگی 24 دسمبر تک جمع کرائے جاسکیں گے

    کاغذات نامزدگی جمع کروانے کی مدت میں‌توسیع کا مطالبہ ن لیگ سمیت دیگر سیاسی جماعتوں کی جانب سے کیا گیا تھا، آج الیکشن کمیشن نے سیاسی جماعتوں کے مطالبے پر دو روز کے لئے وقت بڑھا دیا ہے، الیکشن کمیشن کے مطابق امیدوار کاغذات نامزدگی اتوار کے روز تک دفتر اوقات میں جمع کرواسکتے ہیں ،سیاسی جماعتیں مخصوص نشستوں کے لیے بھی امیدواروں کی ترجیحی فہرست ریٹرننگ افسران کو جمع کروائیں،عام انتخابات میں حصہ لینے والے امیدوار 24 دسمبر تک کاغذات نامزدگی جمع کرواسکتے ہیں،

    دوسری جانب سیاسی جماعتوں کے امیدواروں کی جانب سے کاغذات نامزدگی جمع کروانے کا سلسلہ جاری ہے،مسلم لیگ ن رہنما دانیال چودھری نے این اے 56 سے کاغذات نامزدگی جمع کروا دیئے ، اسلام آباد سے ہی پی ٹی آئی رہنما ظفر علی شاہ نے این اے 47 اور 48 کے لیے کاغذاتِ نامزدگی جمع کروا دیئے ہیں،سابق مئیر اسلام آباد پیر عادل گیلانی نے این اے 47 کے لیے کاغذات نامزدگی جمع کروا دئے ہیں،مسلم لیگ ن کے رہنما حنیف عباسی نےاین اے 56 سے کاغذات نامزدگی جمع کروا دیئے، ن لیگی رہنما عابد شیر علی نے فیصل آباد سے قومی اسمبلی کے حلقہ این اے 102 سے کاغذات نامزدگی جمع کرائے ہیں،

    ایم کیو ایم پاکستان کے رہنما ،سابق میئر کراچی مصطفیٰ کمال نے این اے 247 اور این اے 242 سے کاغذات نامزدگی جمع کروادیے،ایم کیو ایم کے خواجہ اظہار الحسن نے ضلع وسطی کے این اے 247 اور ریحان ہاشمی نے این اے 250 سے کاغذات نامزدگی جمع کروائے

    نور عالم خان جے یو آئی میں شامل ،پشاور سے الیکشن لڑیں گے
    سابق چئیرمین پبلک اکائونٹس کمیٹی نور عالم خان جے یو آئی میں شامل ہو گئے ہیں، نور عالم خان نے مولانا عطاء الحق درویش و دیگر صوبائی رہنماؤں کی موجودگی میں جے یو آئی میں شمولیت کا اعلان کیا،نور عالم خان جے یو آئی کے ٹکٹ پر پشاور سے قومی اسمبلی کا الیکشن لڑیں گے ، نور عالم خان پی ٹی آئی کے منحرف اراکین میں متحرک رکن تھے، نور عالم نے 2018 کے انتخابات سے قبل پاکستان تحریک انصاف میں شمولیت اختیار کی تھی، اس سے قبل وہ 2008 کے عام انتخابات سے چند ماہ قبل پاکستان پیپلز پارٹی میں شامل ہوئے تھے اور اسی برس رکن قومی اسمبلی منتخب ہوئے تھے، 2013 کے انتخابات میں انہوں نے پیپلز پارٹی کے ہی ٹکٹ سے الیکشن لڑا مگر کامیاب نہ ہوسکے تھے،

    میانوالی،این اے 89 سے عمران خان کے کاغذات نامزدگی جمع
    میانوالی: بانی چئیرمین پاکستان تحریک انصاف عمران خان کے کاغذات نامزدگی جمع کرا دئیے گئے،سابق چیئرمین پی ٹی آئی کے حلقہ این اے 89 سے کاغزات نامزدگی جمع کرائے گئے،بانی پی ٹی آئی کے کاغذات نامزدگی جیسے ہی آر او کی ٹیبل پر رکھے گئے تو بجلی غائب ہو گئی،سابق چیئرمین پی ٹی آئی کے کاغذات نامزدگی بلال عمر بودلہ نے جمع کرائے، تحریک استحکام پاکستان کے رہنما میجر خرم حمید روکھڑی نے بھی کاغذات نامزدگی جمع کرا دئیے،میجر خرم حمید خان روکھڑی این اے 89 سے الیکشن لڑیں گے،انعام اللہ خان نیازی نے پی پی 87 کے لیے کاغذات نامزدگی جمع کرا دئیے

    این اے 82 کیلئے کاغذات نامزدگی پیپر جمع کروانے آیا، لیکن ڈی آر او نہیں ہے،وکیل عمران خان
    سرگودھا ،عمران خان کے وکیل نعیم حید ر پنجوتھہ کا کہنا ہے کہ تحریک انصاف کے رہنماؤں کے گھروں پر چھاپے مارے جارہے ہیں، الیکشن کمیشن نے ملک کے اندر فری اینڈ فیئر الیکشن نہیں کروانے، تو الیکشن کا کیا فائدہ ھے ، این اے 82 کیلئے کاغذات نامزدگی جمع کروانے آیا ہوں، لیکن ڈی آر او نہیں ہے، پہلے دن سے کہہ رہے ہیں ہمیں لیول پلینگ فلیڈ نہیں دی جارہی، مسلسل پاکستان تحریک انصاف کے رہنماؤں، ورکرز، اور وکلاء کے گھر پر چھاپے مارے جارہے ہیں، گزشتہ رات ضلعی صدر تحریک انصاف سرگودھا اسامہ غیاث میلہ کے گھر پر چھاپہ مارا گیا اور توڑ پھوڑ کی گئی، تحریک انصاف کے رہنماؤں کو کاغذات نامزدگی جمع نہیں کروانے دئیے جارہے،گوجرانولہ میں سرفراز چیمہ، سرگودھا میں شفقت عباس اعوان، اور سیکرٹری جنرل پی ٹی آئی عمر ایوب، کے پیپر جمع کروانے والوں کو اٹھا لیا گیا ھے، کراچی سے لیکر خیبر تک تحریک انصاف کے رہنماؤں پر برترین کریک ڈاؤن جاری ہے، سپریم کورٹ میں ہم نے درخواست جمع کروائی ہے پی ٹی آئی کو لیول پلین فیلڈ اور صاف و شفاف الیکشن کی یقین دہانی کروائی جائے، سائفر کیس میں عمران خان کی ضمانت کے دوران معزز جج کے ریماکس اہم ہیں، این اے 82 سے الیکشن لڑنے کے پییرز جمع کرانے آیا ہوں ،

    جمعیت علماء اسلام کے سربراہ مولانا فضل الرحمان نے پشین سے کاغذات نامزدگی جمع کروادئیے گئے، مولانا فضل الرحمان این اے 265 پشین اور ڈی آئی خان سے قومی اسمبلی کے امیدوار ہیں ۔سابق وفاقی وزیر مواصلات مولانا اسعد محمود نے ٹانک سے کاغذات نامزدگی جمع کروادیئے ،مولانا اسعد محمود نے این اے 43 ٹانک سے کاغذات نامزدگی جمع کروائے.

    مرکزی مسلم لیگ نےکراچی کے متعدد قومی و صوبائی حلقوں سے کاغذات نامزدگی جمع کروا دیئے
    پاکستان مرکزی مسلم لیگ کے نائب صدر و امیدوار NA235فیصل ندیم نے کہا ہےکہ ملکی استحکام کےلیےبروقت الیکشن کا انعقاد ضروری ہے۔الیکشن کے موسم میں نظر آنے والی سیاسی جماعتیں منتخب ہونے کے بعد غائب ہوجاتی ہیں ۔ پاکستان مرکزی مسلم لیگ کی قیادت اورکارکنا ن سال بھر عوام کے درمیان اور ان کی خدمت میں پیش پیش رہتےہیں۔ ہمیں امید ہے اس الیکشن میں عوام کی طرف سے اچھا رزلٹ میسر آئے گا۔مرکزی مسلم لیگ کسی نہ کسی کے ساتھ سیٹ ایڈجسمنٹ کرسکتی ہے۔ان خیالات کا اظہار انہوں نے ڈی سی آفس ایسٹ میں کاغذات نامزدگی جمع کرانے کے بعد میڈیاسے گفتگو کرتے ہوئے کیا۔پاکستان مرکزی مسلم لیگ نےکراچی کے متعدد قومی و صوبائی حلقوں سے کاغذات نامزدگی جمع کروا دیئے۔مرکزی نائب صدرفیصل ندیم نےاین اے235 ،کراچی کے صدراحمدندیم اعوان نے پی ایس 97،امجد اسلام امجد این اے246،عبدالرحیم سالار این اے 243،مفتی یوسف کشمیری پی ایس 99،حافظ عبدالقیوم پی ایس98،انجینئر نعمان علی پی ایس 91،انجینئر عمار رفیق پی ایس 84،عبدالرحمن پی ایس 121،محبوب علی پی ایس 100،نعمان اعظم پی ایس 108سے کاغذات نامزدگی جمع کرائے ۔پاکستان مرکزی مسلم لیگ کے مزید امیدواروں کا کاغذات نامزدگی جمع کرانے کا سلسلہ جاری ہے۔
    مرکزی مسلم لیگ نےکراچی کے متعدد قومی و صوبائی حلقوں سے کاغذات نامزدگی جمع کروا دیئے

    پرویز الہیٰ کی اہلیہ کاغذات جمع کروانے پہنچیں تو گیٹ پر روک دیا گیا
    پاکستان تحریک انصاف کے صدر پرویز الہٰی کی اہلیہ کاغذات نامزدگی جمع کروانے پہنچ گئی،پرویز الہٰی کی بیگم قیصرہ الہی کو گیٹ پر روک دیا گیا،قیصرہ الہی حلقہ این اے 64 سے کاغذات نامزدگی جمع کروانے آئیں ، اس موقع پر قیصرہ الہیٰ کا کہنا تھا کہ سالک حسین کے سرکاری پروٹوکول کیساتھ کاغذات نامزدگی جمع کروائے گئے. آج تو اپنے بھی پرائے ہوئے ہیں،میرے مخالف امیدوار کے کیسے آرام سے کاغذات جمع کروا کر گیا، مونس الہیٰ کا کہنا ہے کہ میری والدہ اپنے کاغذات جمع کرانے گجرات آر او کے پاس پہنچیں تو پولیس اور آر او نے اندر سے تالا لگا دیا،ہمارے گھر کے مردوں سے تو ڈرتے ہی ہیں اب عورتوں سے بھی خوفزدہ ہو گئے ہیں

    نواز شریف این اے 130،مریم نواز 127،شہباز شریف این اے 123 او ر 132،حمزہ شہبازاین اے 118 پر الیکشن لڑیں گے
    سابق وزیراعظم نواز شریف نے لاہور سے کاغذات نامزدگی حاصل کر لئے ہیں، نواز شریف کے حلقہ این اے 130 سے کاغذات ن لیگی رہنما بلال یاسین نے لئے ہیں، نواز شریف قومی اسمبلی کے حلقہ این اے 130 سے الیکشن لڑیں گے جبکہ ان کے بطور کورنگ امیدوار بلال یاسین ہوں گے،بلال یاسین پنجاب اسمبلی کے حلقہ پی پی 174 سے الیکشن لڑیں گے.مسلم لیگ ن کی رہنما مریم نواز نے لاہور کے حلقہ این اے 127 سے کاغذات نامزدگی حاصل کرلیے،مریم نواز شریف صوبائی حلقے سے بھی الیکشن لڑیں گی،مریم نواز نے آج کے اجلاس میں صوبائی اسمبلی کے حلقہ پی پی 159 اور 160 کے لیے بھی کاغذات نامزدگی مکمل کروائے،مریم نواز شریف این اے 119 سے بھی کاغذات کی مکمل کروائے،شہباز شریف نے لاہور کے حلقے 123 اور قصور کھڈیاں کے حلقہ 132 کی سیٹ پر بھی کاغذات مکمل کروائے،حمزہ شہباز نے این اے 118 سے کاغذات نامزدگی حاصل کیے،حمزہ شہباز لاہور سے صوبائی اسمبلی کے حلقہ سے بھی الیکشن میں حصہ لیں گے

    استحکام پاکستان پارٹی کے رہنماؤں جہانگیر ترین، علیم خان، مراد راس، عون چودھری کے کاغذات جمع
    استحکام پاکستان پارٹی کے سربراہ جہانگیر ترین نے این اے 155 لودھراں کے لئے کاغذات نامزدگی جمع کروادیئے ہیں،اس موقع پر جہانگیر ترین کے بیٹے علی ترین بھی ہمراہ تھے،جہانگیر ترین نے اس موقع پر میڈیا سے بات چیت کرتے ہوئے کہا کہ ہماری خواہش ہے کہ ایسی مضبوط حکومت بنے جو پانچ سال پورے کرے، سیٹ ایڈجسٹمنٹ کے حوالے سے بنائی گئی کمیٹی اپنا کام کررہی ہے،مجھے ایک اور حلقے سے الیکشن لڑنے کی آفر کی گئی تاہم لودھراں میرا گھر ہے، میں نے اپنے گھر سے الیکشن لڑنے کو ترجیح دی، اقتدار ملا تو انشاء اللہ لودھراں کی ترقی کے لئے اڑھائی کی بجائے 5 ارب کا فنڈ لائیں گے

    استحکام پاکستان پارٹی کے ایڈیشنل سیکرٹری جنرل آئی پی پی عون چوہدری لاہور سے 2 قومی اور ایک صوبائی نشست پر الیکشن لڑیں‌گے،عون چوہدری نے حلقہ این اے 124؛127اور پی پی 163 سے کاغذات نامزدگی جمع کروا دئیے ہیں،استحکام پاکستان پارٹی لاہور کے صدر مراد راس نے پی پی 161 سے اپنے کاغذات نامزدگی جمع کروائے ہیں، استحکام پاکستان پارٹی کے صدر عبدالعلیم خان نے پی پی149 اور این اے 119 سے کاغذات نامزدگی جمع کرادیئے ہیں،استحکام پاکستان پارٹی کے شعیب صدیقی نے پی پی 150 سے کاغذات نامزدگی جمع کروائے ہیں۔

    ننکانہ صاحب،شذرہ منصب نے این اے 112 کے لیے کاغذات نامزدگی جمع کروائے
    ننکانہ صاحب سے صدر مسلم لیگ ن یوتھ ونگ شعبہ خواتین پنجاب و سابق ایم این اے ڈاکٹر شذرہ منصب نے کاغذات نامزدگی جمع کروا دیئے ہیں۔ شذرہ منصب نے این اے 112 کے لیے کاغذات نامزدگی جمع کروائے۔ مسلم لیگ ن کے ضلعی صدر رانا محمد ارشد نے بھی این اے 111 اور پی پی133 کے لیے کاغذات جمع کروائے،سابق ایم پی اے پاکستان مسلم لیگ ن مہر کاشف رنگ الہی پڑھیار نے پی پی 134 کے لیے کاغذات نامزدگی جمع کروائے۔

    اسلام آباد کے حلقہ این اے 46 اور47 سے خواجہ سراء امیدوار نایاب علی کے کاغذاتِ نامزدگی جمع
    وفاقی دارالحکومت اسلام آباد کے حلقہ این اے 46 اور47 سے خواجہ سراء امیدوار نایاب علی نے کاغذاتِ نامزدگی جمع کرا دیئے ہیں،اس موقع پر نایاب علی کا کہنا تھا کہ ملک کی پہلی خواجہ سرا ہوں جس نے کاغذات نامزدگی جمع کرائے ہیں ،میں نے حلقہ این 46 اور 47 کے لئے کاغذات نامزدگی جمع کرائے ہیں ،اسلام آبا د کے گیارہ لاکھ ووٹرز میں سے پانچ لاکھ خواتین ہیں ،میں خواتین اور کچی آبادیوں کے حقوق کے لئے کام کروں گی ،اسلام آباد کے مظلوم طبقوں کی نمائندگی کروں گی ،ایم این ایز اور ایم پی ایز آپ کو صرف الیکشن کے دنوں میں ہی نظر آتے ہیں ،اسلام آباد سب سے بڑا مسئلہ کچی آبادیوں کا ہے ،کچی آبادیوں میں رہنے والوں کے لئے کوئی متبادل نہیں دیا ،خواتین کو اسلام آباد سے کوئی نمائندگی نہیں دی گئی ،خواجہ سرا کمیونٹی کو سیاست میں ایک گالی بنا دیا ہے ،بہت سے سیاسی رہنماؤں کو خواجہ سرا کہہ کر گالی دی جاتی ہے ،مجھے آر او نے کاغذات نامزدگی نہیں دے رہے تھے ،سوشل میڈیا پر ویڈیو لگانے پر مجھ سے معذرت کی گئی

    کاغذات نامزدگی جمع کروانے جانے والے یاسمین راشد کے شوہر گرفتار
    ڈاکٹر یاسمین راشد کے شوہر راشد نبی ملک کو کاغذات نامزدگی جمع کرانے سے پہلے آر و کے دفتر سے گرفتار کر لیا گیا، ڈاکٹر یاسمین راشد اس وقت نو مئی کے مقدمات میں جیل میں ہیں اور انہوں نے الیکشن لڑنے کا اعلان کر رکھا ہے،

    آج میں بھی عمران خان ہوں،صدر مملکت کے بیٹے نے این اے 241 سے کاغذات جمع کروا دیئے
    صدرمملکت ڈاکٹر عارف علوی کے صاحبزادے عواب علوی نے کراچی کے حلقہ این اے 241 سے کاغذات نامزدگی جمع کروادیئے ہیں، سماجی رابطے کی ویب سائٹ پر کاغذات نامزدگی جمع کروانے بارے صدر مملکت کے بیٹے نے لکھا کہ گزشتہ کئی سالوں سے عمران خان کیلئے پردے کے پیچھے رہ کر کام کرنے کے بعد اب وقت آچکا ہے کہ سامنے آیا جائے،عمران خان کے یہ الفاظ ان کے دل میں اترچکے ہیں کہ انہوں نے جو کرنا تھا کردیا اب عوام کا کام ہے کہ وہ پاکستان کیلئے کچھ کریں،گزشتہ کئی ماہ میں پی ڈی ایم کے نااہل لوگوں نے پاکستان کے ساتھ جو کیا اس سے ساری قوم پریشان ہے اب پاکستان کے کچھ لوگوں کی نہیں بلکہ ان 22 کروڑ عوام کی لڑائی ہے جو پاکستان میں ہی رہنا اور مرنا چاہتے ہیں، آج میں عمران خان ہوں اور 8 فروری کو ساری پاکستانی قوم بولے گی کہ ہم عمران خان ہیں

    2008 کے بعد اب الیکشن لڑ رہا ہوں،یوسف رضاگیلانی، این اے 248 سے کاغذات جمع
    پیپلز پارٹی کے رہنما و سابق وزیراعظم یوسف رضا گیلانی نے این اے 148 سے کاغذاتِ نامزدگی جمع کرا دیئے ہیں، این اے 148 ملتان سے سابق وفاقی وزیر سکندر حیات بوسن بھی کاغذات جمع کرا چکے ہیں،سابق رکن قومی اسمبلی احمد حسین ڈیہڑ بھی این اے 148 سے کاغذاتِ نامزدگی جمع کرا چکے ہیں، کاغذات نامزدگی جمع کرواتے وقت سید یوسف رضا گیلانی کا کہنا تھا کہ بڑے عرصے کے بعد الیکشن لڑرہا ہوں,آخری بار 2008 میں الیکشن لڑا تھا,ہمارا موقف ہے سب کو لیول پلائنگ ملنی چاہیے باقی معاملات کورٹ میں ہیں,عبدالقادر گیلانی شجاع آباد سے الیکشن لڑرہا ہے,

    بلاول کے لاہور کے حلقہ این اے 128سے کاغذات نامزدگی جمع
    چیئرمین پیپلز پارٹی بلاول بھٹو زرداری کے لاہور کے قومی اسمبلی کے حلقے این اے 128 سے کاغذاتِ نامزدگی جمع کروا دیے گئے ہیں،پیپلز پارٹی کے حافظ غلام محی الدین نے لاہور ہی کے حلقے این اے 128 اور پی پی 170 سے اپنے کاغذاتِ نامزدگی جمع کروا دیئے،میاں مصباح الرحمٰن نے لاہور کے حلقے پی پی 169 سے اپنے کاغذاتِ نامزدگی جمع کروائے،بلاول بھٹو کے مد مقابل پی ٹی آئی کے متوقع امیدوار شفقت محمود یا سلمان اکرم راجہ اور ن لیگ کے میاں احمد احسان یاحافظ نعمان انتخابات میں حصہ لیں گے،

    سابق صدرآصف علی زرداری کے این اے 207 نواب شاہ سے کاغذات نامزدگی جمع کروا دیئے گئے،آصف علی زرداری کے کاغذات نامزدگی ان کی بہن ڈاکٹر عذرا فضل پیچوہو نے جمع کرائے،

    مخالفین الزامات لگاتے رہتے ہیں،خواجہ آصف
    مسلم لیگ نواز کے رہنما سابق وفاقی وزیر خواجہ محمد آصف نے کاغذات نامزدگی جمع کروا دیئے،خواجہ آصف نے این اے 71 اور پی پی 46,47 سمیت تین حلقوں میں کاغذات نامزدگی جمع کروائے ،خواجہ آصف کے ہمرہ سابق صوبائی وزیر منشاء اللہ بٹ نے بھی کاغذات نامزدگی جمع کروائے،منشاء اللہ بٹ نے پی پی 47 سے کاغذات نامزدگی جمع کروائے ،لیگی رہنماؤں کے ہمراہ کارکنان کی بڑی تعداد ریٹرنگ آفس پہنچی، اس موقع پر خواجہ آصف نے میڈیا سے گفتگو کرتے ہوئے کہا کہ مخالفین الزامات لگاتے رہتے ہیں کچھ پر لوگ یقین کرتے ہیں کچھ پر نہیں کرتے ،ہماری حکومت کے دوران جو واقع پیش آیا تھا اس پر میں نے معذرت کی تھی اب ہماری حکومت نہیں ہے، اس وقت صوبے اور وفاق میں مستحکم نگران حکومتیں ہیں ان سے ہمارا کوئی تعلق نہیں، میں نے کسی کو مشورہ دیا تھا کہ قیادت پر الزام لگا کر سیاسی ساکھ کو خراب کریں، سیاسی ساکھ کو تو اس طرح بحال نہیں کیا جاسکتا،

    شہر قائد کراچی سے ایم کیو ایم پاکستان کے رہنما ڈاکٹر فاروق ستار نے این اے 240 سے کاغذات نامزدگی جمع کرا دیئے، امیر جماعت اسلامی کراچی حافظ نعیم الرحمن نے این اے 250 سے کاغذات نامزدگی جمع کروا دیئے،سید خورشید شاہ نے قومی اسمبلی کی نشست این اے 201 کے لیے کاغذات نامزدگی جمع کرا دیئے، پیپلز پارٹی کے فیضان راوت نے پی ایس 124 سے اپنے کاغذات نامزدگی جمع کرائے ہیں جبکہ این اے 248 سے بھی اپنے کاغذات نامزدگی جمع کرائے ہیں،سندھ کے سابق وزیراعلیٰ مراد علی شاہ نے پی ایس 77 سیہون سے کاغذاتِ نامزدگی جمع کرا دیئے ہیں،

    2013 میں ہم جلسے کا اعلان کرتے تو دھماکے ہو جاتے، شرمیلا فاروقی
    سندھ کی مخصوص نشستوں پر پیپلز پارٹی کی رہنما شرمیلا فاروقی نے فارم جمع کرادیا ،اس موقع پر شرمیلا فاروقی کا کہنا تھا کہ پیپلزپارٹی ہمیشہ عوام خدمت کرتی رہی ہے،پیپلزپارٹی کو کبھی بھی لیول پلیئنگ نہیں دی گئی،پیپلز پارٹی کی کارکردگی عوام کے سامنے ہے،پیپلزپارٹی ہمیشہ عوام کے ساتھ کھڑےرہے ہیں، پیپلزپارٹی نے سندھ میں اسپتالوں کا جال بچھایا گیا ،دوہزار تیرا میں بلاول بھٹو جلسے کرنے سے روکا گیا،ہم جلسے کا اعلان کرتے تھے تو دھماکے ہوجاتے تھے

    2018 میں بلاول کو شکست دینے والے شکور شاد نے این اے 239 سے کاغذات نامزدگی جمع کروا دیئے
    پی ٹی آئی کے سابق ایم این اے عبدالشکور شاد حلقہ این اے 239 کیلئے کاغذات نامزدگی جمع کرادیئے،عبدالشکور شاد گزشتہ الیکشن میں پی ٹی آئی کے ایم این اے رہے ہیں، لیاری کی نشست سے بلاول بھٹو کو شکست دے چکے ہیں ، کاغذات نامزدگی جمع کرواتے وقت شکور شاد کا کہنا تھا کہ اس بار الیکشن میں آزاد امیدوار کی حیثیت سے حصہ لے رہا ہوں،

    مرکزی مسلم لیگ کا ملک بھر سے امیدوار لانے کا فیصلہ
    پاکستان مرکزی مسلم لیگ کے ترجمان تابش قیوم نے کہا ہے کہ پاکستان مرکزی مسلم لیگ نے پنجاب،سندھ، خیبرپختونخواہ، بلوچستان سمیت پورے ملک سے قومی و صوبائی حلقوں پر امیدواران کو انتخابی میدان میں اتارنے کا فیصلہ کیا ہے۔جبکہ پورے ملک سے کاغذات نامزدگی جمع کروانے کا سلسلہ جاری ہے۔ پاکستان مرکزی مسلم لیگ کے مرکزی صدر خالد مسعود سندھو لاہور میں حلقہ این اے 117 سنئیر نائب صدر فیصل ندیم کراچی NA 235 نائب صدر طلحہ سعید این اے 122،فنانس سیکرٹری اے آر نقوی پی پی 156،حافظ عبد الرؤف این اے 119، خالد نیک گجر پی پی 162جنرل سیکرٹری پنجاب مزمل اقبال ہاشمی گوجرنوالہ این اے 77 سے الیکشن میں حصہ لیں گے۔ ترجمان مرکزی مسلم لیگ تابش قیوم نے کہا کہ ملکی استحکام کےلیےبروقت الیکشن کا انعقاد ضروری ہے۔الیکشن کے موسم میں نظر آنے والی سیاسی جماعتیں منتخب ہونے کے بعد غائب ہوجاتی ہیں ۔ پاکستان مرکزی مسلم لیگ کی قیادت اور کارکنان سال بھر عوام کے درمیان اور ان کی خدمت میں پیش پیش رہتے ہیں۔ ہمیں امید ہے اس الیکشن میں عوام کی طرف سے اچھا رزلٹ میسر آئے گا۔ تابش قیوم کا کہنا تھا کہ الیکشن کمیشن کے مشکور ہیں جنہوں نے کاغذات نامزدگی میں 2 دن کا اضافہ کردیا ہے۔ ہم اپنے نعرے ہماری سیاست خدمت انسانیت کو فروغ دیتے ہوئے آگے بڑھیں گے۔ 8 فروری کو قوم کرسی کے نشان پر اپنا فیصلہ سنائے گی

    صنم جاوید کے والدین کاغذات نامزدگی جمع کروانے کے لیے الیکشن کمیشن پہنچ گئے ،مسلم لیگ ن سے شمالہ رانا ،مسلم لیگ ن سے رابعہ فاروقی ،ذکیہ شاہنواز کے کاغذات بھی جمع ہو گئے ہیں،

    میری بیٹی مریم نواز اور شہبازشریف کیخلاف الیکشن لڑےگی،والدہ مہم چلائے گی، والد صنم جاوید
    پی ٹی آئی کی رہنما صنم جاوید کے والد جاوید اقبال نے میڈیا سے گفتگو کرتے ہوئے کہا کہ صنم جاوید پی ٹی آئی کی طرف سے مریم نواز کے خلاف الیکشن لڑیں گی، صنم جاوید شہباز شریف کے خلاف بھی الیکشن لڑیں گی،صنم جاوید کی والدہ ڈور ٹو ڈور مہم چلائیں گی، صنم جاوید کے کاغذات پر دستخط کروانے کے لیے مجھے 7 دن لگے، صنم جاوید پر آخری مقدمہ موبائل چوری کا رہ گیا ہے، باقی سب مقدمات میں ضمانتیں ہو چکی ہیں، پی ٹی آئی کے امیدواروں کے راستے میں کون رکاوٹیں ڈالتا ہے، یہ سب کو پتہ ہے ، روبینہ جاوید والدہ صنم جاویدنے میڈیا سے گفتگو کرتے ہوئے کہا کہ میں خود بیٹی کی انتخابی مہم چلاؤں گی، خوشی ہوتی اگر میری بیٹی باہر ہوتی اور وہ خود انتخابی مہم چلاتی، افسوسناک بات ہے کہ بیٹی جیل میں ہے

    معروف صحافی امتیازعالم نے ریٹائرمنٹ کااعلان کرتے ہوئے بہاولنگر شہر کےقومی اسمبلی کےحلقہ این اے 161 سےالیکشن میں حصہ لینے کا فیصلہ کیا ہے،سماجی رابطے کی ویب سائٹ ٹویٹر پر امتیاز عالم نے یہ اعلان کیا،

    خیبرپختونخوا میں پی ٹی آئی کے اتحادی جے یو آئی شیرانی گروپ کے مولانا شجاع الملک نے این اے 23 مردان سے کاغذات نامزدگی جمع کرادیے،سپیکر پنجاب اسمبلی سردار سبطبین خان نے کاغذات نامزدگی وصول کر لئے،سبطین خان پی پی 88سے اپنے کاغذات جلد جمع کروائیں گے

    عام انتخابات کے سلسلے میں جمعیت علمائے اسلام نے خیبرپختونخواکے اضلاع خیبر، جنوبی وزیرستان اور ہنگو میں پارٹی ٹکٹ جاری کر دیئے ہیں،خیبر کے قومی اسمبلی کے حلقہ این اے 27 اور صوبائی نشست پی کے 70 سے حمید اللّٰہ جان آفریدی جے یو آئی کے امیدوار ہوں گے،پی کے 71 پر مولانا شمس الدین جبکہ پی کے 69 پر مفتی محمد اعجاز امیدوار ہوں گے، این اے 42 کا ٹکٹ سابق ایم این اے مولانا جمال الدین کو جاری کیا گیا ہے،جنوبی وزیرستان کے صوبائی حلقے پی کے 109 کا ٹکٹ بریگڈیئر (ر) قیوم شیر محسود کو جبکہ پی کے 110 کا ٹکٹ حاجی نیک محمد وزیر کو جاری کیا گیا ہے،ہنگو کے قومی اسمبلی کے حلقے این اے 36 پر جے یوآئی نے مفتی عبید اللّٰہ کو امیدوار نامزد کیا ہے،ہنگو کے صوبائی اسمبلی کے حلقے پی کے 93 پر مولانا تحسین اللّٰہ اور پی کے 94 پر حاجی عبدالرحمٰن کو ٹکٹ جاری ہوئے ہیں.

    جے یو آئی کے امیدواروں نے ضلع راولپنڈی سے کاغذاتِ نامزدگی جمع کروادیئے ہیں، این اے 55 سے مفتی عمر علی، این اے 56 سے ڈاکٹر حافظ ضیاءالرحمن اور این اے 57 سے مفتی عبدالواجد حسین نے کاغذات نامزدگی جمع کروائے، صوبائی حلقوں سے پی پی 10 سے ملک ریحان بابر، پی پی 11 سے سردار راشد یوسف اور پی پی 14 سے مولانا عمر علی نے کاغذات نامزدگی جمع کروائے۔،پی پی 15 سے مفتی قاسم، پی پی 16 سے ڈاکٹر ضیاءالرحمن، پی پی 17 سے قاری کرامت الرحمن، پی پی 18سے مفتی مسرت اقبال عباسی اور پی پی 19 سے ضیاءاللہ نے کاغذات نامزدگی جمع کرادیے.

    چیئرمین پاکستان تحریک انصاف بیرسٹر گوہر علی خان بونیر روانہ ۔ این اے 10 بونیر سے کاغذاتِ نامزدگی جمع کروائیں گے

    نذیر چوہان نے پی پی 162 سے کاغذات نامزدگی جمع کرا دیئے، نذیر چوہان نے ریٹرننگ افسر عثمان غنی کو کاغذات نامزدگی جمع کرائے.

    ہماری طرف سے کسی امیدوار پر کوئی دباؤ نہیں ہے، الیکشن کمشنر پنجاب سعید گل
    دوسری جانب الیکشن کمشنر پنجاب سعید گل نے میڈیا سے گفتگو کرتے ہوئے کہا کہ کاغذات نامزدگی جمع کروانے کی الیکشن کمیشن نے دو دن کی توسیع کردی ہے، اب 25 دسمبر سے کاغذات نامزدگی کی جانچ پڑتال شروع ہو گی،مسلم لیگ ن، ایم کیو ایم، جے یوآئی نے توسیع کی درخواست کی تھی، متعلقہ آراوز کو ہدایات دی گئی ہیں کہ کسی بھی جماعت کے امیدوار کو کاغذات نامزدگی وصول اور جمع کروانے میں مشکل نہیں ہونی چاہیے ، ہماری طرف سے کسی امیدوار پر کوئی دباؤ نہیں ہے، تحریک انصاف کا انتخابی نشان بیٹ کا فیصلہ الیکشن کمیشن نے کرنا ہے،الیکشن کمیشن، چیف الیکشن کمشنر اور چار ممبران پر مشتمل ہے ، میرا کوئی عمل دخل نہیں،چکوال سے کاغذات وصولی میں مشکلات پر جماعت اسلامی کی شکایت دور کر دی گئی ہے، اب تک خواتین کی نشستوں کے لئے قومی اسمبلی کے لیے 63 کاغذات نامزدگی جمع کروائے جاچکے ہیں، پنجاب اسمبلی کی خواتین کے لیے مخصوص نشستوں کے لئے 258 کاغذات نامزدگی جمع کروائے گئے ہیں ، پنجاب اسمبلی میں اقلیتوں کے لیے مخصوص نشستوں کے لیے 71 کاغذات نامزدگی جمع کروائے گئے ہیں،

    لطیف کھوسہ، چیئرمین سینیٹ بھی لڑیں گے الیکشن، کاغذات نامزدگی جمع کروانے کا سلسلہ جاری

    عام انتخابات،سیاسی رہنمامیدان میں آ گئے،مولانا،نواز،بلاول،شہباز کہاں سے لڑینگے الیکشن؟