Category: اہم خبریں

عام انتخابات، کاغذات نامزدگی وصول کرنے اور جمع کروانے کا سلسلہ جاری ہے

تحریک انصاف کے رہنما، عمران خان اور بشریٰ بی بی کے وکیل سردار لطیف کھوسہ لاہور سے عام انتخابات میں حصہ لیں گے،لطیف کھوسہ نے لاہور کے حلقہ این اے 122 سے کاغذات نامزدگی حاصل کرلیے۔وکیل سلمان اکرم راجہ نے این اے 128 سے کاغذات نامزدگی حاصل کرلیے۔

خیبرپختونخوا میں خواجہ سراء نے انتخابات میں حصہ لینے کے لیے کاغذات نامزدگی جمع کرادیے۔ پشاور سے تعلق رکھنے والی خواجہ سراء صوبیا خان نے آج بروز بدھ اپنے کاغذات کوہاٹ روڈ میں اسسٹنٹ کمشنر سید احسان علی شاہ کے دفتر میں جمع کرائے۔صوبیا خان نے حلقہ پی کے 81 سے صوبائی سیٹ پر آزاد حیثیت سے کاغذات نامزدگی جمع کرائے۔

چیئرمین سینیٹ صادق سنجرانی نے بھی قومی اسمبلی اور صوبائی اسمبلی کا الیکشن لڑنے کےلیے کاغذات نامزدگی حاصل کرلیے ہیں، صادق سنجرانی این اے 260 اور صوبائی اسمبلی حلقہ 32 سے امیدوار ہوں گے،صادق سنجرانی قومی اور صوبائی اسمبلی دونوں حلقوں کا الیکشن لڑیں گے،چیئرمین سینیٹ صادق سنجرانی چاغی سے عام انتخابات میں حصہ لیں گے،

پی ٹی آئی رہنما ڈاکٹر یاسمین راشد نے خواتین کی مخصوص نشست پر کاغذات نامزدگی جمع کرا دیئے،مسلم لیگ (ن) کی جانب سے تہمینہ دولتانہ اور کنول لیاقت نےقومی اسمبلی کی مخصوص نشست کے لیےکاغذات نامزدگی جمع کرادیئے ہیں،استحکام پاکستان پارٹی کی سعدیہ سہیل رانا نے بھی مخصوص نشست کے لیے کاغذات نامزدگی حاصل کرلیے ہیں،

ن لیگ کے رہنما رانا ثنا اللہ نے کاغذات نامزدگی جمع کروا دئے ،رانا ثنا اللہ نے حلقہ این 100 سے کاغذات نامزدگی جمع کروائے ،رانا ثنا اللہ کے کاغذات انکے داماد احمد شہریار اور اہلیہ نبیلہ ثنا اللہ نے جمع کروائے ،کاغذات نامزدگی ریٹرننگ افسر ڈی جی ایف ڈی اے میاں آصف کے پاس جمع کروائے گئے.

تحریک لبیک پاکستان کے امیر علامہ سعد حسین رضوی نے تین جگہ سے الیکشن میں حصہ لینے کا فیصلہ کر لیا اپنے آبائی شہر اٹک لاہور اور کراچی سے قومی اسمبلی کا الیکشن لڑیں گے،

حافظ عبدالرؤف، حارث ڈار سمیت مرکزی مسلم لیگ کے امیدواروں کے کاغذات نامزدگی جمع
پاکستان مرکزی مسلم لیگ نے لاہور کے متعدد قومی و صوبائی حلقوں سے کاغذات نامزدگی جمع کروا دیئے ہیں،مرکزی مسلم لیگ لاہور کے صدر انجنئیر عادل خلیق نے پی پی 145، نائب صدر ملک اعجاز نے این اے 118 سے کاغذات نامزدگی جمع کروا دیئے۔جنرل سیکرٹری انجنئیر حارث ڈار نے این اے 129،رانا عامر حسین نے این اے 117 سے کاغذات نامزدگی جمع کروا دیئے ، این اے 119 سے حافظ عبد الرؤف بھی نے کاغذات نامزدگی جمع کروا دیئے ہیں۔ پی پی 171 سے مرشد ارسلان، پی پی 147 شیخ صداقت، پی پی 174 ناصر محمود گھمن نے کاغذات نامزدگی جمع کروا دیئے ، پی پی 148 سے ڈاکٹر مقبول،پی پی 168 سے چوہدری عبد الرازق نے بھی متعلقہ آراوز کو کاغذات نامزدگی جمع کروا دیئے، پی پی 163 سے ڈاکٹر عمران پی پی 173 سے حافظ راشد سمیت دیگر حلقوں سے امیدوار نے کاغذات نامزدگی جمع کروا دیئے ہیں۔اس موقع پر انجینئر حارث ڈار کا کہنا تھا کہ ملک سے الزام تراشی اور پراپیگنڈا کی سیاست کو ختم کریں گے۔ ملک میں حقیقی خدمت کی سیاست کو لیکر آرہے ہیں،نظریہ پاکستان کے محافظ اور پاکستان کے بیٹے میدان میں آچکے ہیں۔8 فروری کرسی کی جیت دن ہوگا۔

مسلم لیگ ن کے رہنما ناصر بٹ نے قومی اور صوبائی اسمبلی کے لیے راولپنڈی میں کاغذات نامزدگی جمع کروادیئے، ناصر بٹ نے این اے 56 اور پی پی 16 کے لیے کاغذات نامزدگی جمع کروائے ہیں.

مصطفی نواز کھوکھر نے این اے 47 اور 48 کے لئے کاغذات نامزدگی جمع کروا دیئے، اس موقع پر انکا کہنا تھا کہ میں این اے 47 اور این اے 48 کے لیے کاغذات نامزدگی جمع کروانے آیا ہوں،لاڈلے میدان میں اتار دئیے گئے ہیں،امید کرتے ہیں الیکشن کمیشن آزادانہ ماحول فراہم کرے گا،کوئی بھی سیاسی جماعت لوگوں کے مسائل حل کرنے میں سنجیدہ دکھائی نہیں دیتے۔

سابق پی ٹی آئی رہنماانجینئر افتخار نے این اے 57 سے آزاد حیثیت میں کاغذات نامزدگی جمع کرادئی، سابق پی ٹی آئی رہنما راجہ مامون رشید نے PP- 17 سے آزاد امیدوار کے طور پر کاغذات نامزدگی جمع کرادئیے ہیں، جے یو آئی رہنما مولانا اسعد محمود نے حلقہ این اے 43 ٹانک سے کاغذات نامزدگی جمع کروا دیئے،سابق صوبائی وزیرِ اطلاعات شرجیل انعام میمن نے حیدرآباد دیہی کی صوبائی اسمبلی نشت پی ایس 61 کی سیٹ پر اپنے نامزدگی کاغذات آر او آفس میں جمع کروا دیئے۔۔ پیپلز پارٹی سندھ کے صدر نثار کھوڑو نے پی ایس11 لاڑکانہ سے کاغذات نامزدگی حاصل کرلیے، اے این پی کے غلام بلور نے این اے 32 کےلیے کاغذات نامزدگی جمع کروادیئے ہیں.اسپیکر قومی اسمبلی راجہ پرویز اشرف،امید وار ایم این اے حلقہ این اے52 گوجر خان،خرم پرویز راجہ،امید وار ایم پی اےحلقہ پی پی8 گوجرخان اور چوہدری سرفرازخان،امیدوار ایم پی اے حلقہ پی پی 9گو جر خان بروز جمعہ 22 دسمبر2023دن1 بجےاسسٹنٹ کمشنر آفس گوجر خان میں کاغذات نامزدگی جمع کرائیں گے،رہنما پاکستان پیپلز پارٹی خواجہ سہیل منصور نے این اے دو سو پچاس کے لئے بحیثیت امیدوار برائے قومی اسمبلی اپنے کاغذات نامزدگی جمع کروادئیے ہیں،پاکستان پیپلز پارٹی کے امیدوار برائے قومی اسمبلی سابق وفاقی وزیر سید نوید قمر نے این اے 221 پر کاغذات نامزدگی جمع کروائے

بیرسٹر عمیر نیازی کی بہن بیرسٹر نامعیہ نیازی نے میانوالی سے قومی اسمبلی NA-89 سے کاغذات نامزدگی حاصل کر لیے،
تحریک انصاف کے ٹکٹ پر قومی اسمبلی کا الیکشن لڑنے کا اعلان کر دیا،مسلم لیگ ق سے چوہدری سالک نے این اے 64 سے کاغذات نامزدگی وصول کر لئے،جبکہ چوہدری شافع نے پی پی 31 اور 32 سے کاغذات نامزدگی وصول کیے،جبکہ چوہدری شافع اور چوہدری سالک کی جانب سے کل کاغذات جمع کروائے جائیں گے،قومی اسمبلی حلقہ این اے 25 چارسدہ ٹو سے پانچ امیدواران نے کاغذات نامزدگی جمع کرائے ہیں،اے این پی سے ایمل ولی خان،جے یو ائی سے مولانا گوھر شاہ،پاکستان پیپلز پارٹی سے آفتاب عالم اور تحریک لبیک سے الف خان شیرپاؤمدمقابل ہوں گے،قومی اسمبلی حلقہ این اے 7 سے اے این پی کے امیدوار سینیٹر زاہد خان نے کاغذات نامزدگی جمع کروا دیئے،

اسلام آباد میں تاجر رہنما چوہدری کاشف نے این اے 47 سے کاغذات نامزدگی جمع کرادیئے۔ جماعت اسلامی کے رضا احمد شاہ نے پی پی 17 راولپنڈی سے اپنے کاغذات نامزدگی جمع کرادیئے ، نائب امیر جماعت اسلامی پاکستان لیاقت بلوچ نے این اے 128 ، این اے 123 سے کاغذات نامزدگی جمع کرا دیئے،لیاقت بلوچ کے تجویز کنندہ اور تائید کنندہ بشارت بلوچ اور حافظ احمد عمیر ہمراہ تھے ،سابق ایم این اے لیاقت بلوچ لاہور سے دو حلقوں سے الیکشن لڑ رہے ہیں.امیدوار قومی اسمبلی حلقہ این اے 54 بیرسٹر عقیل ملک نے مسلم لیگ ن کے امیدوار کے طور پر کاغذات نامزدگی جمع کروادیئے۔

بریگیڈئیر ریٹائرڈ اعجاز شاہ نے NA-112 ننکانہ صاحب سے قومی اسمبلی کے لیے کاغذات نامزدگی حاصل کر لیے، اس موقع پر انکا کہنا تھاکہ تحریک انصاف کی ٹکٹ پر الیکشن لڑوں گا،مجھ پر کوئی پریشر نہیں ہے الیکشن کے لیے تحریک انصاف کی تیاری سب سے زیادہ ہے،

پاکستان مرکزی مسلم لیگ کے چوہدری شفیق الرحمان وڑائچ نے حلقہ این اے 46 کیلئے کاغذات نامزدگی جمع کروا دئے۔چوہدری شفیق الرحمان مرکزی مسلم لیگ اسلام آباد کے ضلعی عہدیداران اور پارٹی کارکنوں کے ہمراہ کاغذات نامزدگی جمع کروانے آر او آفس پہنچے۔ ان کے ہمراہ پاکستان مرکزی مسلم لیگ اسلام آباد کے رہنما یاسر عرفات بٹ، انعام الرحمان، محمد شوکت سلفی، میاں عمران، میڈیا کوآرڈینیٹر نوید احمد سمیت حلقے این اے 46 کے علاقہ معززین کی کثیر تعداد موجود تھی، کاغذات نامزدگی جمع کروانے کے بعد میڈیا سے گفتگو کرتے ہوئے چوہدری شفیق الرحمان وڑائچ کا کہنا تھا کہ میں پاکستان مرکزی مسلم لیگ کی قیادت کا شکرگزار ہوں جنہوں نے مجھے این 46 سے پاکستان مرکزی مسلم لیگ کا امیدوارنامزد کیا،این اے 46 کے اندر ہماری مہم جاری ہے، زور و شور سے ہماری مہم چلنے کی وجہ ہماری عوامی خدمت کا ماضی ہے،عوام کی قبولیت اور مقبولیت کی وجہ سے این اے 46 میں پاکستان مرکزی مسلم لیگ پہلے نمبر پر ہوگی،08 فروری کو ہمیں اس بات کا یقین ہے کہ یہ الیکشن فری اینڈفیئرہوگا، اسلام آباد کی 42 یوسیز میں ہم گئے سب نے کہا کہ پانی کا مسئلہ ہے،ترنول سے گولڑہ تک تمام یوسیز میں صفائی کے مسائل ہیں،این اے 46کے حلقے میں سڑکوں انفراسٹرکچر، صحت سہولیات کی کمی بھی دیکھی گئی ہے۔انہوں نے مزید کہا کہ پاکستان میں انتخابات سے قبل کبھی کسی کی کبھی کسی کی ہوائیں چلتی ہیں،پاکستان مرکزی مسلم لیگ کا خدمت کی بنیاد پر عوام کے ساتھ ایک لمبا تعلق ہے،حلقے میں عوامی خدمت کی بدولت آٹھ فروری کو این اے 46 سے کامیابی حاصل کریں گے۔

پنجاب قومی اسمبلی اور صوبائی اسمبلی کی نشستوں پر خواتین کی مخصوص نشستوں پر اور اقلیتوں کی نشستوں پر کاغذات کی تفصیلات جاری کر دی گئی ہیں، قومی اسمبلی میں خواتین کی مخصوص نشستوں پر 48 کاغذات جمع ہوئے ،خواتین کی صوبائی اسمبلی نشستوں پر 179 خواتین امیدواروں نے کاغذات نامزدگی جمع کرائے ، اقلیتوں کی نشستوں پر 46 امیدواروں نے کاغذات جمع کرائے.

بلوچستان نیشنل پارٹی کے پارلیمانی بورڈ نے قومی اسمبلی کے حتمی فہرست جاری کردی جس میں این اے 252 سردار حق نواز بزدار،این اے 253 ملک گامن خان مری کوہلو کم سبی،این اے 254 سعید کرد میرخدابخش بنگلزئی،جھل مگسی کم نصیرآباد،این اے 255 عبدالغفور مینگل نصیرآباد کم جعفرآباد،این اے 256 سرداراخترجان مینگل ،ڈاکٹر قدوس بلوچ،خضدار
این اے 257 جہانزیب قاسم،لسبیلہ،این اے 258 حاجی زاہد بلوچ ،حاجی عبدالغفار بلوچ،پنجگور کم کیچ،این اے 259 میر حمل کلمتی،ڈاکٹرعبدالغفور بلوچ ،گوادر کم کیچ ،این اے 260 حاجی محمدہاشم نوتیزئی ،حاجی بہادر خان مینگل،این اے 261 سرداراخترجان مینگل ،ٹکری شفقت لانگو،این اے 262 نوابزادہ اورنگزیب جوگیزئی ،ملک مجید کاکڑ بلوچستان نیشنل پارٹی کے نامزد امیدوار ہونگے

واضح رہے کہ عام انتخابات کے لئے کاغذات نامزدگی کی وصولی کا آج دوسرا روز ہے،ملک بھر میں قومی اور صوبائی اسمبلیوں کے امیدواروں کاغذات نامزدگی جمع کروا رہے ہیں،الیکشن شیڈول کے مطابق امیدوار 20 سے 22 دسمبر تک تین روز کے دوران کاغذات نامزدگی جمع کروا سکتے ہیں،

بلوچ لانگ مارچ کے حوالے سے اسلام آباد پولیس نے سپشل رپورٹ جاری کر دی

رپورٹ میں کہا گیا کہ 20 دسمبر 5 بجے معلوم ہوا کہ چیئرپرسن بلوچ یکجہتی کمیٹی ڈاکٹر مہارنگ بلوچ کی قیادت میں کچھ مظاہرین پشاور ٹول پلازہ پر جمع ہیں ،مظاہرین 08 گاڑیوں پر 12 بچوں اور 45 خواتین سمیت تقریباً 250 مظاہرین تھے، ایس ایس پی اور ایس پی صدر نے ان کے ساتھ مذاکرات کیے،مظاہرین کو H-9 سیکٹر میں اپنا احتجاج ریکارڈ کرانے کے لیے جگہ کی پیشکش کی،مظاہرین نے اس پیشکش کو قبول کرنے سے انکار کر دیا،دوسرے آپشن کے طور پر F-9 پارک میں رہنے کی پیشکش بھی کی گئی،مظاہرین زبردستی اسلام آباد کے دائرہ اختیار میں داخل ہوئے،مظاہرین نے 26 نمبر چونگی پر سڑکیں بلاک کرنا شروع کر دیں،اسی دوران تقریباً 250 مظاہرین، جن میں سے کچھ لاٹھیوں سے لیس تھے، نیشنل پریس کلب کے سامنے جمع ہوئے اور دونوں طرف کی سڑکیں بند کر دیں،پولیس نے مظاہرین کو آگاہ کیا کہ ریڈ زون میں احتجاج پر پابندی عائد ہے،

پریس کلب کے باہر مظاہرین نے پولیس پر پتھراؤ کیا اور الزام پولیس پر عائد کیا،پولیس نے مجموعی طور پر 300 افراد کو گرفتار کیا گیا جن میں 5 خواتین شامل ہیں،مظاہرین نے قانون کو ہاتھ میں اور ریاست اور پولیس کے خلاف نعرے بازی کی،

جو لوگ بلوچستان سے آئے ان کی طرف سے کوئی شرانگیزی نہیں کی گئی لیکن کچھ مقامی افراد نے صورتحال خراب کرنے کی کوشش کی، فواد حسن فواد
حکومت کی جانب سے بنائی گئی مذاکراتی کمیٹی نے مذاکرات کے بعد پریس کانفرنس کی ہے، نگران وزیر اطلاعات مرتضیٰ سولنگی کا کہنا تھا کہ کل مظاہرین اسلام آباد کی حدود میں داخل ہوئے، وزیر اعظم نے مزاکرات کے لیے کمیٹی تشکیل دی، ہم نے مزاکرات کیے بچوں اور عورتوں سے بھی ملے،

فواد حسن فواد کا کہنا تھا کہ جب مظاہرین اسلام آباد پہنچے تو انتظامیہ نے ان سے رابطہ کیا، پولیس نے مظاہرین کو دو جگہوں کی آفر کی،پریس کلب کے باہر کئی خواتین تئیس دنوں سے بیٹھی ہیں، پریس کلب کے باہر بیٹھی خواتین کو انتظامیہ نے کچھ نہیں کہا،مظاہرین اور پولیس کے درمیان کلیش ہوا، مجبورا پولیس کو مظاہرین کو گرفتار کرنا پڑا،بڑے نقصان سے بچنے کیلئے ریاست کو مجبور کچھ اقدامات کرنے پڑتے ہیں،صرف وہ لوگ تحویل میں ہیں جن کی شناخت نہیں ہوئی،کچھ مقامی افراد نے صورتحال خراب کرنے کی کوشش کی ، چہرہ ڈھانپ کر کچھ لوگوں نے پتھراو کیا جس کے بعد صورتحال خراب ہوئی ، جو لوگ بلوچستان سے آئے تھے ان میں سے کسی نے شرانگیزی نہیں کی ،احتجاج روکنا مقصد نہیں تھا ، احتجاج تو 23دن سے جاری ہے ،جولوگ بلوچستان سے آ رہے تھے ان میں سے کسی نے کوئی تشدد نہیں کیا ،کچھ لوگوں کی شناخت اور تحقیقات کا عمل جاری ہے،وزارتی کمیٹی نے قابل شناخت تمام افراد رہا کردئیے ۔

ڈسٹرکٹ اینڈ سیشن کورٹس اسلام آباد،بلوچ مظاہرین کے لیے سیشن عدالت سے بڑی خبر،بلوچ ہیومن ایکٹویسٹ مہارنگ بلوچ سمیت 33 بلوچ مظاہرین کو عدالت پیش کردیا گیا،جوڈیشل مجسٹریٹ نے تمام 33 بلوچ مظاہرین کو رہا کرنے کا حکم دے دیا،بلوچ مظاہرین کو جوڈیشل مجسٹریٹ شبیر بھٹی کی عدالت میں پیش کیا گیا،پانچ ہزار کے ضمانتی مچلکوں اور ایک لوکل شورٹی کے عوض ضمانت منظور کر لی گئی.

گرفتار بلوچ خواتین کا کہنا ہے کہ ہم کسی صورت بھی وزیر اعظم کے کہنے پر کوئٹہ واپس نہیں جائینگے،ہم پریس کلب جائیں گے .

دوسری جانب نیشنل پارٹی کے صدر اور بلوچستان کے سابق وزیراعلٰی ڈاکٹر عبدالمالک بلوچ کا نگران وزیراعظم انوارالحق کاکڑ سے ٹیلوفونک رابطہ ہوا ہے، انہوں نے بلوچ لانگ مارچ کے شرکاء کی فوری رہائی کا مطالبہ کرتے ہوئے احتجاج میں شریک خواتین اور بچوں پر رات گئے تشدد اور گرفتاری پرتشویش سے آگاہ کیا.

دوسری جانب بلوچ یکجہتی کمیٹی نے اسلام آباد میں لانگ مارچ کے شرکاء کی گرفتاری کے خلاف کوئٹہ سمیت بلوچستان کے مختلف اضلاع میں احتجاجی مظاہروں کا اعلان کر دیا،کوہلو اور بارکھان میں سینکڑوں افراد کا احتجاج، بلوچستان پنجاب شاہراہ بند کر دی گئی، کوئٹہ میں بلوچستان یونیورسٹی کے باہر دھرنا شروع ہو گیا،

دوسری جانب بلوچ لانگ مارچ پر تشدد کیخلاف عدالت نے آئی جی و ڈپٹی کمشنر اسلام آباد کو طلب کر لیا تھا، بلوچ لاپتہ افراد کے لواحقین کی درخواست پر اسلام آباد ہائیکورٹ کےچیف جسٹس عامر فاروق نےسماعت کے دوران آئی جی و ڈپٹی کمشنر اسلام آباد کو طلب کر لیا گیا۔پٹیشنرز کی جانب سے ایمان مزاری ایڈووکیٹ عدالت میں پیش ہوئیں اور کہا کہ پر امن بلوچ مظاہرین کل اسلام آباد پہنچے جن پر لاٹھی چارج اور فورس کا استعمال کیا گیا، پر امن مظاہرین کو حراست میں بھی لیا گیا جو غیر قانونی ہے، مظاہرین میں خواتین اور بچے بھی شامل تھے،دوبارہ سماعت ہوئی،تو آئی جی اسلام آباد عدالت پیش ہو گئے،سماعت کے دوران چیف جسٹس اسلام آباد ہائیکورٹ جسٹس عامر فاروق نے کہا کہ پاکستانی شہری ہیں اور احتجاج تو ان کا آئینی حق ہے، کسی نے کوئی دہشت گردی تو نہیں کی،آئی جی اسلام آباد اکبر ناصر خان نے عدالت میں کہا کہ مظاہرین کے پاس ڈنڈے تھے اور انہوں نے پتھر مارے جس سے کچھ لوگ زخمی ہوئے،اسلام آباد ہائیکورٹ کے چیف جسٹس عامر فاروق نے آئی جی اسلام آبادسے سوال کیا کہ پٹیشن میں 86 لوگوں کے نام ہیں ان کا کیا اسٹیٹس ہے؟ آئی جی نے عدالت میں کہا کہ لسٹ میں جو نام لکھے گئے ہیں ان کی کوئی تفصیل موجود نہیں، ترنول کی ایف آئی آر میں تمام لوگ رہا ہو چکے ہیں،عدالت نے استفسار کیا کہ لوگوں کو مجسٹریٹ کے سامنے پیش بھی کیا ہے یا نہیں؟ تھانہ کوہسار کی ایف آئی آر کب ہوئی ہے؟ جس کے جواب میں آئی جی اسلام آباد نے کہا کہ مجسٹریٹ کے سامنے ہم نے پیش کر دیا ہے،لاء افسر نے عدالت میں کہا کہ کچھ کو ڈسچارج، کچھ کو جوڈیشل اور کچھ کو شناخت پریڈ کیلئے رکھا ہے،عدالت نے آئی جی کو ہدایت کرتے ہوئے کہا کہ دیکھیے گا آپ کا کوئی آفیسر کوئی رکاوٹ نہ ڈالے، آئی جی اسلام آباد نے عدالت میں کہا کہ ہمارے ملک کے بچے ہیں ہم خیال رکھیں گے،عدالت نے آئی جی اسلام آباد سے کل تک مزید رپورٹ طلب کرلی اور حکم دیا کہ آئی جی کل تک بتائیں کتنے افراد جوڈیشل ہوئے، کتنے گرفتار ہیں اور کتنے رہا ہوئے؟

دوسری جانب اسلام آباد پولیس نے بلوچ یکجہتی مارچ کے شرکا کے خلاف کارِ سرکار میں مداخلت، دکانیں اور سڑکیں بلاک کرنے اور سنگین نتائج کی دھمکیاں دینے کے الزامات کے تحت تھانہ کوہسار اور تھانہ ترنول میں مقدمات درج کر لیے ہیں۔

بلوچ یکجہتی کمیٹی پر لاٹھی چارج اور گرفتاریوں کیخلاف بی این پی نے گورنر بلوچستان کو فوری اسلام آباد پہنچنے کی ہدایت کردی، گرفتار مظاہرین کی رہائی، انکے مطالبات کے حل کیلئے صدر، نگراں وزیراعظم اور دیگر سے ملاقات کریں گے، مسئلہ حل نہ ہوا تو گورنر استعفے دیں گے-

علاوہ ازیں نگران وزیر اعظم انوار الحق کاکڑ نے بلوچ مظاہرین سے مزاکرات کے لے کمیٹی بنا دی،کمیٹی تین وفاقی وزرا پر مشتمل ہے ۔کمیٹی فواد حسن فواد۔ مرتضیٰ سولنگی اورجمال شاہ شاملِ ہیں۔کمیٹی مظاہرین سے ابھی مزاکرات کے لیے روانہ ہو گئی ہے۔

ایک ماہ میں بلوچ طلباء کی ہراسگی روکنے سے متعلق کمیشن رپورٹ پیش کرے ،عدالت

 دو ہفتوں میں بلوچ طلبا کو ہراساں کرنے سے روکنے کیلئے کئے گئے اقدامات کی رپورٹ طلب

کسی کی اتنی ہمت کیسے ہوگئی کہ وہ پولیس کی وردیوں میں آکر بندہ اٹھا لے،اسلام آباد ہائیکورٹ

کیا آپ شہریوں کو لاپتہ کرنے والوں کی سہولت کاری کر رہے ہیں؟ قاضی فائز عیسیٰ برہم

لوگوں کو لاپتہ کرنے کے لئے وفاقی حکومت کی کوئی پالیسی تھی؟ عدالت کا استفسار

لاپتہ افراد کیس،وفاق اور وزارت دفاع نے تحریری جواب کے لیے مہلت مانگ لی

عدالت امید کرتی تھی کہ ان کیسز کے بعد وفاقی حکومت ہِل جائے گی،اسلام آباد ہائیکورٹ

ممتاز قانوندان،مصنف،اینکر پرسن یاسمین آفتاب علی نے کہا ہے کہ آج میرے ساتھ جو شخصیت موجود ہیں وہ کسی تعارف کی محتاج نہیں، مبشر لقمان صاحب،مبشر لقمان کو میں برسوں سے جانتی ہیں جیسے ہر ایک کی لائف کا اپنا اپنا ٹریک ہوتا ہے کبھی کبھار مل لئے،کبھی کبھار بات ہوئی،لیکن میں سوا سال پہلے جب میں انکے پاس سوا سال پہلے کام کرنے آئی،آپ کے علاوہ کبھی انہوں نے بات نہیں کی، ہمیشہ عزت و احترام دی، میں نے چینل کھولا تو انہوں نے بھر پور سپورٹ کی،سب سے بڑی بات جو میں ایک عورت ہونے کے ناطے کہہ رہی ہوں اس سے بڑی بات کسی اور مرد کے بارے نہیں کہہ سکتی، مجھے اپنے باپ،سسر،شوہر اور دیوروں کے بعد اگر کسی مرد کے ساتھ بیٹھ کر مکمل تحفظ کا احساس حاصل ہوا ہے تو وہ مبشر لقمان ہے،آپ کے لئے مبشر لقمان ہیں لیکن میرے لئےبوس ہیں،میرے دل میں ان کے لئے عزت ہے،

یاسمین آفتاب علی کے یوٹیوب چینل پر یاسمین آفتاب علی کے سوال کے جواب میں سینئر صحافی و اینکر پرسن مبشر لقمان کا کہنا تھا کہ جہاں تک صحافی جان محمد مہر کے قتل کے کیس کا تعلق ہے اسکا مجھے زیادہ نہیں پتہ، کچے میں مسائل ہیں، کسی ایک مجرم کو پکڑنے کے لئے کئی کئی سال کی محنت ،تگ و دو درکار ہے، اللہ کرے انکے قاتل پکڑے جائیں جن کی نشاندہی ہوئی وہی قاتل ہوں ،سب سے اہم بات یہ ہے کہ اگر اس کیس کو چلائیں تو وہ زیادہ بڑی خدمت ہے،میں فخر سے کہہ سکتا ہوں کہ سوشل میڈیا کی وجہ سے نور مقدم کا کیس زندہ رہا، اسکو سب نے چھوڑ دیا تھا، ہم نے اسکو زندہ رکھا پولیس پر پریشر رہا اور وہ چھوٹ نہیں سکا، اسی طرح ایاز امیر کے بیٹے کا کیس تھا، میڈیا پر جب کسی چیز کو اٹھاتے ہیں تو یقین ہوتا ہے کہ قاتل بچے نہ اور مظلوم کو انصاف ملے.

ایک سوال کے جواب میں مبشر لقمان کا کہنا تھا کہ مذاکرات دونوں‌پارٹیاں کرنا چاہیں گی لیکن پی ٹی آئی ابھی نہیں کرنا چاہے گی،کیونکہ عمران خان کا وہ سارا محاذ دھڑام سے گر جائے گا،اگر وہ ن لیگ یا پی پی سے ہاتھ ملاتے ہیں تو، جو بھی الائنسز ہونے ہیں وہ الیکشن کے بعد ہونے ہیں، ن لیگ سے اس لئے کرنا چاہیں گےکیونکہ وہ حکومت بنانے جا رہی ہے، حکومت سے ہاتھ ملا تو مشکلیں کم ہو جاتی ہیں، پیپلز پارٹی اگر پچاس ساٹھ سیٹیں لیتی ہے قومی اسمبلی کی اور پی ٹی آئی کی تیس سے چالیس، آزاد ساٹھ ستر یا اس سے زیادہ، تو زرداری سے زیادہ آزاد امیدواروں کو کوئی نہیں گھیر سکتا، اس صورت میں چانس ہے کہ پی ٹی آئی پی پی کے ساتھ ملکر حکومت میں آ جائے اگر نہیں آتے تو مضبوط اپوزیشن ہو گی، سسٹم کا حصہ ہوتے ہوئے پی ٹی آئی اپنے کیسز میں کافی آسانیاں کروا سکتی ہے، یہ سب الیکشن کے بعد ہو گا، پیپلز پارٹی سے ہاتھ ملاتے ہوئے یہ کہیں گے کہ ہم تو بلاول سے ہاتھ ملا رہے ہیں

ایک اور سوال کے جواب میں مبشر لقمان کا کہنا تھا کہ پاکستان کا جو المیہ ہے وہ یہ ہے کہ ہماری عدلیہ بینکرپٹ ہے، مجھے پتہ ہے میرے ایک اور کیس کا فیصلہ آ رہا ہے ہو سکتا ہے یہ سزا ہی دے دیں، یہ سننے کے بعد، پہلے بھی دو سال کی سزا دے چکے،ہم باتیں کر لیتے ہیں پھر بھگتنا پڑتا ہے، پاکستان میں عدلیہ ٹھیک ہوتی تو سارا نظام ٹھیک ہوتا، ہر ایک کو عدالت میں کھڑا ہونا ہے اور جوابدہی کرنی ہے، اگر عدالت کا ،ججز کا معیار صحیح ہو تو سب ٹھیک ہو سکتا مسائل اتنے نہ ہوتے، اس میں کوئی دو رائے نہیں، جسٹس اعجازالاحسن ون سائیڈڈ رہے ہیں،قاضی فائز عیسیٰ صاحب اپنی زبان بول رہے ہیں بڑی اچھی بات ہے، میں پاکستان میں ججز کا اس دن احترام کروں گا جب وہ آئین کی قانون کی زبان بولیں گے،میں ایک کیس میں تھا اپیل کی ، میرے وکیل عرفان قادر تھے، وہ کیس جنگ گروپ کے ساتھ تھا، اب سارے ختم ہو گئے ہیں، جواد خواجہ کے بارے پتہ چلا کہ دوسری پارٹی کے ساتھ انکی عزیز داری ہے، میں نے تحریری درخواست دی کہ کوئی اور جج کیس سنے، بیس منٹ جواد خواجہ نے مجھے عدالت میں لیکچر دیا،کہ ہم ضمیر کے مطابق فیصلہ کرتے ہیں، میں نے کہا آپ ضمیر کے مطابق کیوں فیصلہ کرتے ہیں آئین کے مطابق فیصلہ کریں، اسکے بعد میرے اوپر گیارہ سال وہ کیس چلے، اٹھائیس پولیس والے معطل ہوئے جنہوں نے مجھے گرفتار نہیں کیا، ہفتے میں دو دو بار کئی دفعہ لاہور سے اسلام آباد جانا پڑتا تھا، میرے ایگزیکٹو پروڈیوسر، پروڈیوسر، سب پر کیس ہوا، سوال یہ ہے کہ آئین کہان گیا، جس طرح حمزہ کی حکومت چلی گئی تھی اور پرویز الہیٰ کو انہوں نے سپورٹ کیا،کہ ووٹ بھی نہیں ڈالنا، وہ کاؤنٹ بھی ہونا ہے، یہ کس قسم کا قانون ری رائیٹ کر رہے ہیں کیا کہہ رہے ہیں‌لوگوں کو، جس کی لاٹھی اس کی بھینس،اور سب سے بڑی دونمبری بتاتا ہوں ،میرا بیٹا بھی وکیل ہے، یہ دیکھیں مجھے مسئلہ ہو وکیل کہتا ہے کہ عدالت میں آئیں، جب ججز کو مسئلہ ہو تو وہ سڑکوں‌پر آ جاتے ہیں، انکو اپنے ہی ججز پر ہی اعتماد نہیں، یہ تو قانون اور آئین کی بات نہیں کرتے ،رشے داریوں کی بات ہوتی،اس طرح عدلیہ چلتی ہے،

مبشر لقمان کا کہنا تھا کہ میں پاکستان کے حق میں ہوں، پاکستان کے لئے بات کر رہا ہوں، اگر میرا باپ بھی کرپشن کر رہا ہے تو میں اسکے حق میں نہیں، میں ن لیگ یا پی ٹی آئی سے کوئی پیسے لے رہا ہوں، میں نے پی ٹی آئی کو سپورٹ کیا تو عمران خان بتائے مجھے پیسے دیئے کیا؟ کوئی مراعات لی، ایم این اے بنا؟ میں نے جے یو آئی کے خلاف بھی پروگرام کیا، ایم کیو ایم کے خلاف بھی کیا، میں پاکستان کے لئے کر رہا ہوں، جو بھی آئے گا حکومت میں ہو گا اور وہ صحیح نہیں کرتا تو کبھی خاموش نہیں رہوں گا،

مبشر لقمان کاایک سوال کے جواب میں مزید کہنا تھا کہ تحریک انصاف اگر ختم کرنی ہے تو اسکا کاؤنٹر نیریٹو دینا پڑے گا، لوگوں کو ہوپ دینی پڑے گی، بلے کا نشان بھی لے لیں، عمران خان کو نین کر دیں، تحریک انصاف کا نام بدل کر گجومتہ پارٹی رکھ لیں، لوگوں نے ووٹ اسی کو دینا ہے جس کو عمران خان کہے گا، اس طرح کی حرکتوں سے کچھ نہیں ہو گا الیکشن کمیشن جب لوگوں کے لئے مشکل پیدا کرتا ہے تو ہمارے لوگ ،عوام کے حق پر ناجائز بات کر رہا ہے، جس طرح انٹرا پارٹیوں کے باقی پارٹیوں کے الیکشن ہوتے ہیں ان کے بھی اسی طرح ہو گئے، جماعت اسلامی واحد جماعت ہے جس کے انٹرا پارٹی الیکشن صحیح ہوتے ہیں، اگر نواز شریف کھڑے ہو رہے ہیں تو انکے سامنے کوئی کھڑا ہی نہیں ہو سکتا،

مبشر لقمان کا مزید کہنا تھا کہ جب بھٹو صاحب پانچ چھ چیزوں سے لڑے تو کسی نے اعتراض نہیں کیا، نواز شریف بھی کئی سیٹوں سے الیکشن لڑتے ہیں،میں اور آپ قانون نہیں بدل سکتے، ہم رائے دے سکتے ہیں، ایک آدمی سو سیٹوں سے کھڑا ہونا چاہتا ہے ہونے دیں ، ایک سیٹ رہے گی، باقی سیٹوں پر پھر الیکشن ہوں گے،جنرل الیکشن پر سارے فوکسڈ ہوتے ہیں وہ پانچ سال بعد ہوتے ہیں ، اگر لوکل باڈی الیکشن ہوتے تو چار سال تک سارے ٹرینڈ ہو جائیں گے، ہم لوگ الیکشن کرواتے ہی نہیں، اصل جمہوریت تو لوکل باڈی ہے وہ تو کسی سیاسی جماعت نے نہیں کروائے، جمہوریت ڈھکوسلا ہے ملک میں ، پاکستانی عوام کا ایسا ہجوم بن گیا ہے جس میں سانپ پھینکے ہوئے ہیں اور وہ ادھر ادھر بھاگ رہے ہیں ،کسی کو کچھ پتہ نہیں ہے

مبشر لقمان کا مزید کہنا تھا کہ ابھی میں آ رہا تھا تو چیف جسٹس کی ایک سٹیٹمنٹ پڑھی، کہتے ہیں کہ صحافت اعلیٰ پروفیشنل ہے،لیکن آج ہر آدمی مائیک پکڑ کر یوٹیوب چینل بنا کر صحافی بن جاتا ہے،تو چیف جسٹس صاحب آپکو جعلی صحافی تو نظر آ گئے کم از کم 25 ہزار جعلی وکیل نظر نہیں آئے جو آ پ کی بار میں ووٹ بھی دیتے ہیں ،پہلے اپنے گریبان میں جھانکیں، ہمیں ہر ایک کا کام نظر آتا ہے اپنا نظر نہیں آتا،25 ہزار جعلی لائسنس ہیں وکیلوں کے، اس سے زیادہ بھی ہو سکتے ہیں،

مبشر لقمان کا مزید کہنا تھا کہ جو کہتے ہیں کہ افغان مہاجرین کا غلط انخلا ہو رہا انکے گھروں میں ان کو منتقل کرنا چاہئے، تا کہ انکو بھی پتہ چلے،

جمعیت علماء اسلام کی کرپشن اور دردناک کہانی، ثبوت آ گئے، مبشر لقمان نے پول کھول دیا

پشاور فلائنگ کلب کے جہاز کی فروخت،مبشر لقمان کا مؤقف بھی آ گیا

عمران اور بشریٰ کی آخری ملاقات، تیاریاں ہو گئیں

بالآخر عمران ریاض بول ہی پڑے، کیا کہا ؟ پی ٹی آئی کا جلسہ، عمران خان کا خطاب تیار

کاکڑ سے ملاقات، غزہ اور مجبوریاں، انسانیت شرما گئی

نور مقدم کو بے نور کرنے والا آزادی کی تلاش میں،انصاف کی خریدوفروخت،مبشر لقمان ڈٹ گئے

میچ فکسنگ، خطرناک مافیا ، مبشر لقمان کی جان کو خطرہ

اسرائیل پر حملہ کی اصل کہانی مبشر لقمان کی زبانی

مبش لقمان کا کہنا تھا کہ ضیا الحق کی مدد کرنے والوں میں نواز شریف سب سے آگے تھے

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

وزیراعظم سمیت کروڑوں کا ڈیٹا لیک،سیاست کا 12واں کھلاڑی کون

بلاول اور آصف زدراری کی شدید لڑائی،نواز کا تیر نشانے پر،الیکشن اکتوبر میں

پاکستان میں ہزاروں بچوں کو مارنے کی تیاری،چیف جسٹس،خاموش قاتلوں کا حساب لیں،

تین استعفے،پی ٹی آئی آؤٹ،الیکشن رکوانے کی اصل کہانی،نواز عمران ہکا بکا