Baaghi TV

Category: اہم خبریں

  • لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    لوٹوں کے سبب مجھے "استحکام پاکستان پارٹی” سے کوئی اُمید نہیں. مبشر لقمان

    سینئر ٹی وی میزبان مبشر لقمان نے اپنے پروگرام کھرا سچ میں فوزیہ قصوری سے سوال کرتے ہوئے کہا کہ ” یہ جو استحکام پاکستان پارٹی ہے مجھے تو اس سے کوئی زیادہ امید نہیں کیونکہ اکثریت وہی لوگ ہیں جو لوٹے ہیں اور محض بلند آوازوں کیلئے مشہور ہیں، جب کہ یہ کہیں پر بھی چلیں جائیں پارٹی کی وجہ سے جیت سکتے ہیں لیکن اپنے بل بوتے پر نہیں جیت سکتے ہیں.

    مبشر لقمان کے سوال کیا یہ لوگ کوئی فرق لاسکیں گے؟ کے جواب میں فوزیہ قصوری نے کہا کہ جب میں پی ٹی آئی میں تھی تو اس وقت جو لوگ محنت سے کام کرتے تھے ان میں جہانگیر ترین اور علیم خان تھے کیونکہ وہ پارٹی کیلئے محنت کرتے تھے، ان کا مزید کہنا تھا کہ مجھے ان لوگوں کا نہیں معلوم کہ وہ کوئی تبدیلی لاسکتے ہیں، پہلے جب پارٹی کے اندر زیادتیاں ہوتی‌ تھیں تو ہم نے آواز بلند کی اور اسی لیے ہمیں پسند نہیں کیا گیا تھا.

    اس موقع پر مبشر لقمان کا کہنا تھا کہ فواد چودھری اپنی ضمانت ضبط کروائے گا جبکہ علی زیدی اور عمران اسماعیل بھی اپنی سیٹ‌ نہیں نکال سکتے ہیں کیونکہ یہ لوگ تحریک انصاف کی سیٹ پر جیتے تھے اور وہ بھی ان لوگوں کو جتوایا گیا تھا، جبکہ اسی طرح کے بہت سارے ایسے لوگ ہیں جن کا اپنے حلقے سے کوئی تعلق نہیں ہے، اس بات پر فوزیہ قصوری نے بھی سینئر اینکر سے اتفاق کیا اور انہوں نے کہا کہ یہ وہ لوگ تھے جنہیں پوری طرح سے نوازا گیا تھا.
    مزید یہ بھی بڑھیں؛
    لوگ لندن اور امریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    سمندری طوفان :کراچی میں خطرناک صورت حال نہیں،چیف میٹرولوجسٹ
    روپے کے مقابلہ میں ڈالر میں کمی
    نو مئی کے واقعات میں مبینہ کردار،فیض حمید گھر میں نظر بند
    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو
    نومئی کے واقعات،صابر شاکر، معید پیر زادہ پر مقدمہ درج
    پی ٹی آئی کی سابق ایم پی اے نے پی پی میں شمولیت اختیار کرلی

    فوزیہ قصوری کا کہنا تھا کہ یہ کس قسم کے لوگ ہیں کیونکہ انسان کی آنکھ میں حیا ہوتی ہے لیکن ان کے اندر کوئی شرم و حیا ہے ہی نہیں، ( دراصل ان اشارہ یہاں فواد چودھری کی طرف تھا) کیونکہ کبھی سر پکڑ کر تو کبھی منہ چھپا کر بیٹھے تھے، اب یہاں واضح ہے کہ اللہ کی پکڑ بے نیاز ہے کیونکہ یہ لوگ بڑے بول بولا کرتے تھے لیکن آج منہ چھپا رہے ہیں جبکہ انہوں نے تھوڑا سا بھی صبر نہیں کیا ایک طرف پی ٹی آئی چھوڑی اور پھر دوسری طرف منہ چھپاتے ہوئے دوسرے پارٹی میں جابیٹھے.

  • نو مئی کے واقعات میں مبینہ کردار،فیض حمید گھر میں نظر بند

    نو مئی کے واقعات میں مبینہ کردار،فیض حمید گھر میں نظر بند

    سابق ڈی جی آئی ایس آئی، فیض حمید کو نو مئی کے واقعات میں مبینہ طور پر ملوث ہونے کی وجہ سے گھر میں نظر بند کر دیا گیا ہے

    سابق ڈی جی آئی ایس آئی فیض حمید کا تعلق چکوال سے ہے، وہ عمران خان کے انتہائی قریبی ساتھی تھے ،عمران خان کی گرفتاری کے بعد نو مئی کو ہونیوالی ہنگامہ آرائی میں فیض حمید کے مبینہ طور پر ملوث ہونے کا کردار سامنے آیا تھا، عمران خان حکومت کے ہی وفاقی وزیر فیصل واوڈا نے ہی انکشاف کیا تھا کہ فیض حمید کا بھی ان حملوں میں مبینہ طور پر کردار ہے، فیض حمید اور عمران خان نے ہی مبینہ حملے، تشدد، ہنگامہ آرائی کی منصوبہ بندی کی تھی، اس احتجاج کے دوران فوجی تنصیبات پر حملہ کیا گیا، کور کمانڈر ہاؤس لاہور، جی ایچ کیو، آئی ایس آئی دفاتر پر ہنگامہ آرائی کی گئی،

    صحافی اسد علی طور نے مارچ 2023 کی اپنی سابقہ رپورٹ کا اعادہ کیا جس میں بتایا تھا کہ لیفٹیننٹ جنرل (ر) فیض حمید کو ممکنہ طور پر جلد گرفتار کیا جا سکتا ہے جنہوں نے جون 2019 سے نومبر 2021 تک عمران خان کی حکومت کے دوران پاکستان کی انٹر سروسز انٹیلی جنس (آئی ایس آئی) ایجنسی کے ڈائریکٹر جنرل کے طور پر خدمات انجام دیں اسد طور نے کہا کہ لیفٹیننٹ جنرل (ر) فیض کو گرفتار کرنے کے فیصلے کے بارے میں ان کے دعوے کے بعد پاک فوج کے ریٹائرڈ جنرل کی کرپشن اور آمدن سے زائد اثاثوں کے خلاف نیب میں دائر کی جانے والی شکایت کے حوالے سے ایک خبر منظر عام پر آئی تھی

    میڈیا رپورٹس کے مطابق، سابق آئی ایس آئی سربراہ کی “خصوصی تربیت یافتہ” ٹیم 9 مئی کو پی ٹی آئی کے کارکنوں کے ساتھ ملک بھر میں متعدد مقامات پر آتش زنی اور توڑ پھوڑ کا ارتکاب کر رہی تھی۔ چونکہ آتش زنی اور توڑ پھوڑ میں ملوث افراد زیر حراست ہیں اسی لیے پاکستان آرمی کے کسی بھی اعلیٰ افسر کے خلاف اب تک عوامی سطح پر مقدمہ درج نہیں کیا گیا

    فیض حمید ریٹائر منٹ کے بعد سے چکوال اپنے آبائی علاقے میں ہیں، انہیں سرکاری سطح پر بتا دیا گیا ہے کہ وہ اپنے گھر سے باہر نہیں جا سکتے، شہریوں سے ملاقات نہیں کر سکتے، وہ تب تک گھر میں ہی رہیں گے باہر نہیں جائیں گے جب تک انہیں دوبارہ کوئی حکم نہیں دیا جاتا اور پاک فوج کے اعلیٰ حکام کی جانب سے انکے خلاف کاروائی کیلئے کوئی حتمی فیصلہ نہیں کیا جاتا، فیض حمید اپنے گھر میں الگ ہیں وہ کسی سے نہیں مل سکتے اور نہ ہی کوئی ان سے ملنے آ سکتا ہے ،صورتحال یہاں تک پہنچ چکی ہے کہ فیض حمید کسی شادی یا جنازے میں شرکت بھی نہیں کر سکتے

    لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

    بیرون ملک سے لڑکی کی جسم فروشی کے لئے پاکستان سمگلنگ،عدالت نے کس کو کیا طلب؟

    لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

    کرپشن کا ماسٹر مائنڈ ہی فیض حمید ہے

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

  • لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    لوگ لندن اورامریکہ سے پرتگال کیوں بھاگ رہے ہیں،مبشر لقمان کی پرتگال سے خصوصی ویڈیو

    لوگ لندن اور امریکہ سے پرتگال کیوں بھاگ رہے ہیں اور کالادھن منٹوں میں کیسے سفید ہو رہا ہے پرتگال سے سینئیر صحافی اور اینکر پرسن مبشر لقمان نے ویڈیو شئیر کی ہے جس میں انہوں نے حیران کن انکشافات کئے ہیں-

    باغی ٹی وی : صحافی مبشر لقمان کے یوٹیوب چینل پر شئیر کی گئی ویڈیو میں وہ پرتگال کےمشہورشہر Vilamoura کے تاریخی شہر فارو میں موجود ہیں ویلامورا جنوبی پرتگال کے Algarve علاقےمیں ایک ریزورٹ ہےیہ اپنے بڑے مرینا، گولف کورسز اور کیسینو اور سینڈی ولامورا بیچ کے لیے جانا جاتا ہے۔


    مبشر لقمان نےویڈیو میں بتایاکہ ولامورا چھ گولف کورسز کا گھر ہے، ملک کا سب سےبڑا مرینا یہیں اسی شہرمیں واقع ہے ولامورا سیاحوں میں بہت زیادہ مقبول ہے سیاح ڈاؤن ٹاؤن میں جاتے ہیں اور ویڈیوز بناتے ہیں یورپ اورساؤتھ امریکا کے ٹاپ کے فٹبالرز کے گھر بھی یہاں پر ہیں ہر وقت یہاں پر موسم خوبصورت اور خوشگوار رہتا ہے سردیوں میں یہاں مہینہ ڈیڑھ مہینہ ویسی سردی ہوتی ہے جسی پاکستان میں ہوتی ہے-

    یہاں کے ہوٹلز کی سب سے دلچسپ بات یہ ہے کہ ہالی وڈ کے جتنے بھی بڑے رائٹرز اور سکرین رائٹرز وہ یہاں پر آکر کمرے کرائے پر مہینے دو مہینوں کے لئے کرئے پر لے لیتے ہیں اور ہالی وڈ کی کئی مشہور فلمیں جو کافی مقبول ہوئیں وہ یہیں پر لکھی گئی ہیں کیونکہ یہاں پر سکون ہے تخلیقی کام کرنے والوں کے لئے رائٹرز کیلئے یہ مقام ایک جنت ہے یہاں پر رہائش کافی سستی ہے جو لندن میں نارمل لائف سٹال 4 سے 5 ہزار پاؤنڈ میں ہے وہ یہاں 2000 یورو میں وہی ہے-

    یہاں پر آپ آ جائیں تو آپ کو کسی نہ کسی طرح رہائش ضرور مل جاتی ہے یہ بھی بڑا ہاٹ ٹاپک ہے کہ پاکستان سے کیوں لوگ پرتگال میں زیادہ آ رہے ہیں دنیا کا چوتھے یا پانچویں نمبر پر اس کا پاسپورٹ ہےاگر آپ کا پاسپورٹ پرتگال کا ہو تو دنیا کے 188 ممالک ہیں جہاں پرآپ بغیرویزا کے جا سکتے ہیں –

    پرتگال میں بہت زیادہ کام یہاں زمینداری ہےاگر آپ پرتگال میں زمینداری کرتےہیں تو اس کا آپ کو بہت زیادہ فائدہ ہےاس کی اپنی تفصیلات ہیں کہ زمین یہاں کتنے کی ہے اور آپ کیا اور کیسے لگا رہے ہیں یہاں پر کمپنیز آ کر کاروبار کرتی ہی فصل لگاتی ہیں اور کمپنیز ہی فصل کاٹتی ہیں اگر دو لوگ بھی ہوں گھر والے آپ آرام سے مارکیٹ کر سکتے ہیں یہاں پر پاکستان کی نسبت زمین بیچتے نہیں –

    یہاں پر صحت اور سکول کے اخراجات گورنمنٹ اٹھاتی ہے یہاں تک کہ اگر کوئی طالبعلم کہیں بھی تعلیم حاصل کر رہا ہے خاص طو رپر یورپ میں تو اگر اس کی شہریت پرتگالی ہے تو اس کی 50 فیصد فیس گورنمنٹ ادا کرے گی ہیلتھ کئیر ان کی یوکے سے بہت بہتر ہے یہ بہت آئیڈیل جگہ ہے یہاں پر لوگ ریٹائر ہو کر اپنے آپ کو یہاں پر پارک کرلیتے کوئی تنگ نہیں کرتا بہت زیاہ سیفٹی ہے رات کو نوٹوں کی بوری لے کر بھی کوئی جائے تو کوئی نہیں پوچھے گا یہاں پر بالکل لڑائی جھگڑا نہیں کوئی کسی کو اوئے بھی نہیں کہے گا اسی لئے لوگ دنیا بھر سے یہاں رہنے کے لئے آ رہے ہیں-

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

    تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

    عمران خان، تمہارے لئے میں اکیلا ہی کافی ہوں، مبشر لقمان

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

  • نومئی کے واقعات،صابر شاکر، معید پیر زادہ پر مقدمہ درج

    نومئی کے واقعات،صابر شاکر، معید پیر زادہ پر مقدمہ درج

    تحریک انصاف کے چیئرمین عمران خان کی گرفتاری کے بعد نو مئی کو ملک بھر میں ہنگامہ آرائی ہوئی، جلا وگھیراؤ کیا گیا، فوجی تنصیبات پر حملے کئے گئے، اس حوالہ سے تحقیقات جاری ہیں، مقدممے درج ہوئے ہیں، شرپسند عناصر کی گرفتاریاں جاری ہیں ایسے میں وفاقی دارالحکومت اسلام آباد میں اینکرصابرشاکر، معید حسن پیرزادہ، سید اکبرحسین کیخلاف مقدمہ درج کر لیا گیا مقدمہ تھانہ آبپارہ میں انسداددہشت گردی اوربغاوت کی دفعات کےتحت درج کیا گیا۔مقدمہ شہری ماجد محمود کی درخواست پرتھانہ آبپارہ میں درج کیاگیاہے

    درج مقدمہ کے متن میں کہا گیا ہے کہ 9 مئی کوملوڈی میں مشتعل افرادبراہ راست ملزمان سے ویڈیوکے ذریعے ہدایات لے رہے تھے ملزمان نے ویڈیو پیغامات اور سوشل میڈیا کے ذریعے سادہ لوح لوگوں کو اکسایا، عسکری تنصیبات پرحملہ کرکے ملک میں بغاوت اور انتشارپھیلانا چاہ رہے تھے،ملزمان منظم سازش کے ذریعےغیر ملکی اور دشمن ایجنسیوں کے آلہ کار بنے ہوئے ہیں، پاک فوج کو بدنام کر رہے ہیں،فوج کے اندر بغاوت اور انکے حلف سے رو گردانی کروانا چاہتے ہیں،اس طرح پاک فوج کو کمزور کر کے ملک کے اندر دہشت گردی کو پروان چڑھانا چاہتے ہیں، بغاوت و خانہ جنگی کروانا چاہتے ہیں ملزمان کے خلاف سخت قانونی کاروائی عمل میں لائی جائے،

    عادل راجہ کو بڑی رقم پہنچ گئی، پٹھان فلم سے تعلق

    پاکستان مخالف بیانیہ؛ میجر (ر) عادل راجہ کی پنشن مکمل طور پر روک دی گئی

     پاک فوج کے بھگوڑے عادل راجہ کے بارے میں اصلیت قوم کو بتائی

    جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

  • ارشد شریف قتل کیس،عمران خان سے تحقیقات کی استدعا مسترد

    ارشد شریف قتل کیس،عمران خان سے تحقیقات کی استدعا مسترد

    سپریم کورٹ ،ارشد شریف کی قتل ازخود نوٹس کیس کی گزشتہ سماعت کا تحریری حکمنامہ جاری کر دیا گیا

    سپریم کورٹ کی جانب سے تحریری حکمنامہ میں کہا گیا کہ اٹارنی جنرل پاکستان نے دو رپورٹس کا حوالہ دیا، خصوصی مشترکہ تحقیقاتی ٹیم کی طرف سے عبوری تحقیقاتی رپورٹ سپریم کورٹ میں جمع کرائی گئی ،دوسری رپورٹ میں وزارت خارجہ کی طرف سے اب تک اقدامات کے بارے میں بتایا گیا، اٹارنی جنرل نے عدالت کو بتایا کہ کینیا اور متحدہ عرب امارات کی حکومتیں حکومت پاکستان کے ساتھ باہمی قانونی معاونت کے معاہدوں پر بات چیت کے عمل میں ہیں، اٹارنی جنرل نے کہا کہ اس طرح کے معاہدوں پر عملدرآمد میں کچھ وقت لگے گا،ارشد شریف کی دوسری اہلیہ کے وکیل نے عدالت کو اقوام متحدہ کے نمائندوں اور اقوام متحدہ کی ان کمیٹیوں کا حوالہ دیا جو دنیا بھر میں ہونے والی انسانی حقوق کی خلاف ورزیوں کی تحقیقات میں شامل ہیں، ارشد شریف کی والدہ کے وکیل شوکت عزیز صدیقی نے دو متفرق دائر درخواستوں کا حوالہ دیا، جس میں انہوں نے بعض افراد کے نام بتائے ہیں جن کو ان کے بیٹے کے قتل میں ملوث سازشیوں اور مجرموں کے بارے میں علم ہے،

    تحریری حکمنامہ میں کہا گیا کہ ارشد شریف کی والدہ کے وکیل نے عدالت سے استدعا کی کہ جے آئی ٹی کو مذکورہ افراد کی جانچ کرنے کی ہدایت دی جائے،متفرق درخواستوں پر غور کرنے کے بعد والدہ کے وکیل کی استدعا قابل قبول نہیں ہے،سوموٹو میں عدالت ارشد شریف کے قتل کی تحقیقات میں محض سہولت فراہم کر رہی ہے، اس کیس پر مذید سماعت جولائی 2023 میں دوبارہ کی جائے گی،

    ارشد شریف قتل کیس کی سماعت جولائی کے پہلے ہفتے تک ملتوی کر دی گئی،عدالت نے حکومت سے کینیا کیساتھ باہمی قانونی معاہدے پر پیشرفت رپورٹ طلب کر لی

    واضح رہے کہ ارشد شریف کی والدہ نے سپریم کورٹ میں ایک متفرق درخواست دائر کی ہے جس میں ارشد شریف کی والدہ نے عمران خان ،فیصل واڈا ،سلمان اقبال ،مراد سعید ،عمران ریاض کو شامل تفتیش کرنے کیلئے استدعا کی، ارشد شریف کی والدہ کی درخواست میں کہا گیا کہ ارشد شریف کے قتل سے متعلق ان تمام افراد سے شواہد حاصل کئے جائیں ،والدہ ارشد شریف نے متفرق درخواست سپریم کورٹ میں جمع کروا دی

    خیال رہے کہ 23 اکتوبر کو نیروبی مگاڈی ہائی وے پر شناخت میں غلطی پر پولیس نے ارشد شریف کو سر پر گولی مار کر ہلاک کردیا تھا تاہم ارشد شریف کے قتل کیس کی تحقیقات جاری ہیں جس میں کینیا پولیس کے مؤقف میں تضاد پایا گیا ہے، ارشد شریف قتل کیس پر سپریم کورٹ نے نوٹس لیا تھا،،پی ایف یو جے نے چیف جسٹس سے معاملے پر ازخود نوٹس کی اپیل کی تھی،پی ایف یو جے نے سپریم کورٹ کے حاضر سروس جج کی سربراہی میں کمیشن بنانے کی استدعا کی تھی، خط مین کہا گیا کہ ارشد شریف کے قتل سے صحافی برادری گہرے صدمے میں ہیں،پوری قوم ارشد شریف قتل سے جڑے سوالات کے جوابات چاہتی ہے، ارشد شریف کی فیملی اور صحافی برداری کو عدالت عظمیٰ پر اعتماد ہے،سپریم کورٹ صحافی برداری اور ارشد شریف کی فیملی کو انصاف فراہم کرے،

    ارشد شریف قتل کیس میں اسپیشل جے آئی ٹی رپورٹ مسترد

    ارشد شریف قتل کیس، رپورٹ میں ایسا کیا ہے جو سپریم کورٹ میں جمع نہیں کرائی جا رہی؟ سپریم کورٹ

     ارشد شریف کا لیپ ٹاپ ، تحریک انصاف کے چیئرمین عمران خان کے قریبی ساتھی کے پاس ہے

  • توشہ خانہ فوجداری کاروائی سے ٹرائل کورٹ کوروکنے کے حکم میں کل تک توسیع

    توشہ خانہ فوجداری کاروائی سے ٹرائل کورٹ کوروکنے کے حکم میں کل تک توسیع

    اسلام آباد ہائی کورٹ ، توشہ خانہ فوجداری کارروائی کیس ،چیئرمین تحریک انصاف عمران خان کی توشہ خانہ کاروائی کے خلاف درخواست پر سماعت ہوئی

    اسلام آباد ہائیکورٹ کے چیف جسٹس عامر فاروق نے کیس کی سماعت کی،وکیل چیئرمین پی ٹی آئی خواجہ حارث روسٹرم پر آ گئے خواجہ حارث نے ٹرائل کورٹ کے دائرہ اختیار پر دلائل دیئے، وکیل خواجہ حارث نے کہا کہ فرد جرم عائد کرنے والے جج نے ہمارے اعتراضات کو ریکارڈ پر نہیں لایا،عدالت نے کہا کہ اِن اعتراضات کو شہادت ریکارڈ کرتے وقت دیکھیں گے،کمپلینٹ مجاز اتھارٹی کی جانب سے دائر نہیں کی گئی، ٹرائل کورٹ نے کہا کہ اس معاملہ کو شہادت کے مرحلہ پر دیکھیں گے، الیکشن کمیشن کا مجاز افسر ہی کمپلینٹ دائر کر سکتا ہے،شکایت کنندہ الیکشن کمیشن کا اجازت نامہ دکھانے میں ناکام رہے،

    توشہ خانہ فوجداری کارروائی سے ٹرائل کورٹ کو روکنے کے حکم میں کل تک توسیع کر دی گئی،چیئرمین پی ٹی آئی کے وکیل کل بھی دلائل جاری رکھیں گے ،چیئرمین پی ٹی آئی کے وکیل خواجہ حارث نے آج دو گھنٹے دلائل دئیے،الیکشن کمیشن کے وکیل نے ٹرائل کورٹ کو ٹرائل کی اجازت دینے کی استدعا کی، وکیل الیکشن کمیشن نے کہا کہ عدالت ٹرائل کورٹ کو حتمی فیصلہ جاری کرنے سے روکے لیکن ٹرائل جاری رکھنے کی اجازت دے ،عدالت نے ریمارکس دیتے ہوئے کہا کہ اگر دلائل میں بہت زیادہ وقت لگا تو پھر الیکشن کمیشن کی استدعا کو دیکھ لیں گے ،خواجہ حارث نے کہا کہ جب تک ہائیکورٹ میں فیصلہ نہیں ہوتا تب تک ٹرائل جاری رکھنے کی اجازت نہ دی جائے ،

    قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

    نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

    بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

  • ملک میں معاشی استحکام ہو گا تو سیاسی استحکام آئے گا،شہباز شریف

    ملک میں معاشی استحکام ہو گا تو سیاسی استحکام آئے گا،شہباز شریف

    اسلام آباد،راولپنڈی : وزیراعظم شہباز شریف نے سری نگر ہائی وے پر سیونتھ ایونیو اوور ہیڈ برج اور کیپٹن کرنل شیر خان شہید روڈ کی تعمیر نو کے منصوبے کا افتتاح کردیا۔

    باغی ٹی وی : وزیر اعظم شہباز شریف نے آج صبح اسلام آباد اور راولپنڈی کے مختلف ترقیاتی منصوبوں کے افتتاح اور سنگ بنیاد کی تقاریب میں شرکت کی شہباز شریف نے الیونتھ ایونیو کا سنگ بنیاد رکھااوور ہیڈ برج کے چار لوپس ہیں، انڈر پاس کی لمبائی 615 میٹر ہے، سیونتھ ایونیو اوور ہیڈ منصوبہ 12 ماہ کی مدت میں مکمل کیا گیا وزیراعظم شہباز شریف کو آئی جے پی روڈ کی ازسرنو تعمیر منصوبے پر بریفنگ دی گئی۔

    سمندری طوفان :کراچی میں خطرناک صورت حال نہیں،چیف میٹرولوجسٹ


    اس موقع پر تقریب سے خطاب کرتے ہوئے وزیر اعظم شہباز شریف نے کہا کہ سابقہ حکومت نے صرف قوم کا وقت ضائع کیا لیکن ہم نے گزشتہ حکومت کے روکے گئے منصوبوں کا آج افتتاح کر دیا۔ ترقیاتی منصوبوں کی تکمیل پر چیئرمین کیپیٹل ڈویلپمنٹ اتھارٹی (سی ڈی اے) اور ان کی ٹیم کو مبارکباد دیتا ہوں آئی جے پی روڈ کا نام کرنل شیر خان شہید روڈ رکھ دیا گیا ہےاب قیامت تک کسی کو شہدا کی بے حرمتی کرنے کی جرات نہیں ہو گی وہ قومیں زندہ رہتی ہیں جو اپنے شہدا کو یادرکھتی ہیں 9 مئی کے دن قوم کا سر شرم سے جھکاملک میں معاشی استحکام ہو گا تو سیاسی استحکام آئے گا۔

    وزیرِ اعظم کا کہنا ہے کہ بجلی سے چلنے والی بسیں 15 جولائی تک پہنچ جائیں گی، میٹرو اسلام آباد کا منصوبہ پچھلی حکومت نے بند کر دیا تھا، ہم نے حکومت میں آ کر میٹرو اسلام آباد کا منصوبہ دوبارہ چلایا، ہم پر امپورٹڈ حکومت کے الزامات لگائے گئے جن کی آج حقائق نے نفی کر دی ہے ہمارے دور میں لاہور جنوبی ایشیا کا صاف ستھرا شہر بن گیا تھا اس نے ترکوں سے ہمارے تعلقات خراب کرائے، گزشتہ حکومت نے 8 ہزار افراد بھرتی کیے جو ڈیوٹی پر نہیں آتے، گزشتہ حکومت نے بیڑا غرق کر دیا، اسلام آباد میں سولڈ ویسٹ کا نظام ہی نہیں تھا، لاہور میں رات کو 2 بجے سڑکیں دھلا کرتی تھیں۔

    ننکانہ :مشیر وزیر اعلیٰ پنجاب یوتھ افیئر اینڈ سپورٹس وہاب ریاض کا دورہ

    شہباز شریف نے کہا کہ روس سے 45 ہزار ٹن تیل پاکستان پہنچ چکا ہے، اور یہ روسی تیل عالمی قیمت سے 15 ڈالر سستا ہے روسی تیل خریدنے سے عالمی منڈی میں تیل کی قیمت کم ہوئی۔ ماضی میں جھوٹ بولا گیا روس سے معاہدوں پر حکومت امریکا نے گرائی، روس سے ملنے والا تیل عالمی منڈی کے مقابلے میں 15 بیرل سستا ہے، بجٹ میں شدید معاشی مشکلات کے باوجود عام آدمی کو ریلیف دیا، بجٹ میں گریڈ ایک تا 16 تک سرکاری ملازمین کی تنخواہ میں 35 فیصد اضافہ کیا ہم نے عالمی مالیاتی فنڈ (آئی ایف ایم) کی تمام شرائط منظور کر لی ہیں، امید ہے جلد آئی ایم ایف سے معاہدہ طے پا جائے گا۔

    انہوں نے کہا کہ ہم نے نوجوانوں کے لیے پچھلے بجٹ میں ایک لاکھ لیپ ٹاپ کے لیے اعلان کیا تھا جو جولائی میں تقسیم کیے جائیں گے۔ یہ لیپ ٹاپ میرٹ کی بنیاد یر ہونہار بچوں کو دیئے جائیں گے اس پر کسی قسم کی کوئی سفارش نہیں چلے گی جبکہ اگلے سال بھی لاکھوں لیپ ٹاپ تقسیم کیے جائیں گےنوجوان بچوں کے لیے ہم نے قرضے اور وضائف بھی رکھے ہیں جبکہ ہم انہیں ہنرمند بنائیں گے۔ نوجوان نسل پاکستان کو دوبارہ ترقی کی دوڑ میں شامل کرنے ضمانت ہے گزشتہ حکومت نے نوجوان نسل کو گمراہ کرنے اور تباہ کرنے کی پوری کوشش کی گئی۔

    ڈسکہ : سول ہسپتال کے نائٹ ڈیوٹی ڈاکٹر غائب ایمرجنسی میں آنے والے مریض پریشان

  • عادل راجہ لندن میں گرفتار

    عادل راجہ لندن میں گرفتار

    باغی ٹی وی کی رپورٹ کے مطابق اداروں کے خلاف لندن بیٹھ کر پروپیگنڈہ کرنے والے پاک فوج کے بھگوڑے عادل راجہ کو گرفتار کر لیا گیا ہے

    عادل راجہ کی جانب سے مسلح افواج پر بے جا اور من گھڑت الزامات لگانے کا سلسلہ مستقل جاری تھا عادل راجہ کے خلاف اسلام آباد میں دو روز قبل بغاوت کا مقدمہ بھی درج ہوا ہے عادل راجہ کی کل سے کوئی ٹویٹ نہیں آئی جس پر چہ میگوئیاں جاری تھیں کہ عادل راجہ کو گرفتار کر لیا گیا ہے سینئر صحافی و اینکر پرسن مبشر لقمان جو عادل راجہ کے کرتوتوں کو اپنے وی لاگ میں بے نقاب کر چکے ہیں نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ عادل راجہ کو گرفتار کر لیا گیا ہے؟

    بعد ازاں صحافی وقار ستی نے ٹویٹ کرتے ہوئے کہا کہ مستند خبر،آج مقامی وقت 14:52pm پر لندن کے ایک مضافاتی علاقے سے وی لاگ کرتے ہوۓ رنگے ہاتھوں بدنام زمانہ جھوٹےعادل راجہ کو لندن پولیس نے موبائل فونز، لیپ ٹاپ سمیت تحویل میں لے لیا ہے ۔ جائے وقوعہ سے ایک اور پاکستانی شہری کو بھی تحویل میں لیا گیا ہے۔پولیس کی تفتیش جاری ہے

    عادل راجہ کو لندن میں بیٹھ کر اداروں کے خلاف ہرزہ سرائی پر گرفتار کیا گیا ،ناصر بٹ کا کہنا تھا کہ میں عادل راجہ کی گرفتاری کی تصدیق کرتا ہوں،

    عادل راجہ کی گرفتاری کے بعد ان کے وکیل کا ویڈیو پیغام سامنے آگیا، وکیل عادل راجہ کہتے ہیں کہ عادل راجہ کو دہشت گردی کیس میں گرفتار کیا گیا ہے،کس کیس میں گرفتار کیا گیا یہ کچھ معلوم نہیں، وکیل کا دعویٰ ہے کہ عادل راجہ کو پولیس نے تفتیش کے بعد رہا کردیا ہے مہتاب عزیز نے پریس کانفرنس میں کہا کہ عادل راجہ کو پولیس نے تقریبا 8 گھنٹے حراست میں رکھا،عادل راجہ نے اپنا یو ٹیوب چینل بند کرنے کے سلسلے میں بات کی تھیمنگل کو عادل راجہ کی گرفتاری کے بعد میں نے ان سے رابطہ کرنے کی کوشش کی عادل راجہ اور ان کی فیملی کے ارکان کے فون بھی فی الحال بند ہیں ان کا خیال ہے کہ عادل راجاکو انسداد دہشت گردی کے قانون کے تحت گرفتار کیا گیا

    عادل راجہ کی گرفتاری کے بعد محب وطن پاکستانیوں نے سکھ کا سانس لیا اور کہا کہ پاک فوج کے خلاف ہرزہ سرائی کرنے والوں کو کڑی سے کڑی سزا ملنی چاہئے عادل راجہ کے ہمنواوں کو بھی گرفتار کرنا چاہئیے

    عادل راجہ عمران خان کی حکومت کے خاتمے کے بعد پاکستان سے لندن فرار ہو گیا تھا تب سے اس نے پاک فوج کے خلاف ایسے ایسے من گھڑت الزامات عائد کیے جنہیں سن کر ہر محب وطن پاکستانی یہ سوچنے پر مجبور ہو جاتا تھا کہ راجہ بھارتی خفیہ ایجنسی را کا ایجنٹ ہے جو پاکستانی شہریوں کو پاک فوج کے خلاف اکسا رہا ہے عادل راجہ جیسے کرداروں کو کڑی سے کڑی سزا ملنی چاہئے حکومت کو چاہئے اسکو پاکستان لائے اور ملٹری کورٹ میں اسکا کیس چلایا جائے

    سوشل میڈیا سے شہرت پانے والے عادل راجہ کے خلاف گزشتہ دنوں اسلام آباد میں ایف آئی آر درج کی گئی ایف آئی آر فوجی تنصیبات پر حملہ کرنے اور دہشتگردی پر اکسانے کی وجہ سے درج کی گئی اب اطلاعات آ رہی ہیں کہ انہی الزامات پر برطانیہ کی پولیس نے عادل راجہ کو گرفتار کر لیا ہےگرفتاری کی خبریں آنے کے بعد سے عادل راجہ اور اس کی اہلیہ کے ٹویٹر اکاؤنٹ بھی خاموش ہیں عادل راجہ اس وقت برطانیہ میں مقیم ہے اور سوشل میڈیا کے ذریعے پاکستان کے اداروں کے خلاف ہرزہ سرائی میں مصروف عمل ہےعادل راجہ سوشل میڈیا پر من گھڑت الزامات لگا کر ملک دشمن عناصر کا آلہ کار بن کر سامنے آیا ہے اطلاعات کے مطابق برطانوی قوانین کی خلاف ورزی پر عادل راجہ کے خلاف کاروائی کی گئی ہے

    عادل راجہ کو بڑی رقم پہنچ گئی، پٹھان فلم سے تعلق

    پاکستان مخالف بیانیہ؛ میجر (ر) عادل راجہ کی پنشن مکمل طور پر روک دی گئی

     پاک فوج کے بھگوڑے عادل راجہ کے بارے میں اصلیت قوم کو بتائی

    جی ایچ کیو حملے میں پی ٹی آئی خواتین رہنماوں کا کردار,تحریک انصاف کی صوبائی رکن فرح کی آڈیو سامنے آئی ہے،

    جناح ہاؤس لاہور میں ہونیوالے شرپسندوں کے حملے کے بارے میں اہم انکشافات

    جناح ہاؤس میں سب سے پہلے داخل ہونے والا دہشتگرد عمران محبوب اسلام آباد سے گرفتار 

    واضح رہے کہ عمران خان کی گرفتاری کے بعد عسکری تنصیبات پر تحریک انصاف کے کارکنان کی جانب سے حملہ کیا گیا تھا اور یہ حملے منصوبہ بندی کے تحت کئے گئے تھے، سوشل میڈیا پر موجود کچھ لوگ تحریک انصاف کے کارکنان کو ہدایات دیتے رہے تو وہیں اندرون ملک بھی فون کال پر ہدایات دی جاتی رہیں، تحقیقات ہوئیں اور گرفتاریوں کا عمل بھی ہوا، کئی ملزمان نے جرم کا اعتراف کر لیا ہے، اب بیرون ممالک مقیم پاکستانی شرپسندوں کے خلاف بھی مقدمہ درج کیا گیا ہے،

    عادل راجہ، معید حسن پیرزادہ، صابر شاکر، اکبر حسین، وجاہت سعید خان ، حیدر مہدی اور شاہین سہبائی پر قانون کا شکنجہ تنگ ہونے لگا پولیس سٹیشن آبپارہ اور پولیس سٹیشن رمنا میں پاکستان پینل کوڈ کی متعدد دفعات پر ایف آئی آر درج کی گئی دفعات میں 120,121,122,131,11W,21i شامل کی گئی ہیں،ان تمام نام نہاد سوشل میڈیا انفلوینسرز نے پی ٹی آئی ورکرز کو ملٹری اسٹیبلشمنٹس پر حملہ کرنے پر اکسایا قانون اب ان کے خلاف حرکت میں آگیا ہے، ملک کی سیکیورٹی فورسز پر حملہ کرنے یا اس پر اکسانے والوں کو نہیں چھوڑا جائے گا

  • قوموں کی سلامتی کا انحصار فوجی ٹینکوں پرنہیں بلکہ ٹیکنالوجی پر ہوگا ،احسن اقبال

    قوموں کی سلامتی کا انحصار فوجی ٹینکوں پرنہیں بلکہ ٹیکنالوجی پر ہوگا ،احسن اقبال

    نسٹی ٹیوٹ آف انرجی اینڈ انوائرمینٹل انجینئرنگ کی نئی بلڈنگ کا افتتاح کر دیا گیا، افتتاحی تقریب سے وفاقی وزیر برائے پلاننگ اینڈ ڈویلپمنٹ احسن اقبال ، مہمان خصوصی پروفیسر ڈاکٹر شاہد منیر نے خطاب کیا،

    احسن اقبال نے خطاب کرتے ہوئے کہا کہ وہ منصوبہ جس کی پہلے منظوری دی توانائی کا منصوبہ مکمل ہوا،بہت بڑے دوراہے پر کھڑے ہیں قوم کو سنجیدگی کی ضرورت ہے خطے کے سب ملک آگے ہم دائرے میں سفر کررہے ہیں،جب بھی ترقی شروع کی تو ٹانگیں کھینچ کر ترقی روک دی، پاکستان پتھر کے دور میں چلا گیا تھاجسے ن لیگ نے توانائی کا مسئلہ حل کرکے مصیبت سے باہر نکالا، دہشت گردی کا خاتمہ کرکے معیشت کا پہیہ چلایا جو اسوقت ناممکن اہداف لگتے تھے، 67 سالوں میں 80 ہزار میگا واٹ بجلی کے منصوبے لگے لیکن چار سال میں گیارہ ہزار میگاواٹ اضافہ کرکے پاکستان کو لوڈ شیڈنگ کےعذاب سے باہر نکال دیا، دوہزار اٹھارہ میں دہشت گردوں کو نکال کر ملک سے باہرکردیا نوازشریف کو بیٹے سے تنخواہ نہ لینے کے معاملہ پر آئین و قانون کی دنیا میں لطیفہ نے ملک کو بحران کی طرف دھکیل دیا گیا،چو ڈاکو کی فلم چلا کر ترقی کے منصوبے مکمل کئے تو جدید ٹیکنالوجی کے ذریعے استعمال کیا گیا،پاکستان میں آج بھی انتیس ارب روپے عوامی منصوبوں پر لگائے گئے،ہاتھوں سے پشین گوادر جاکر یونیورسٹی کیمپس کا افتتاح کیا ہر نوجوانوں کو جو غریب ہے تعلیم اس کی دسترس میں ہونی چاہئیے،

    احسن اقبال کا کہنا تھا کہ سوشل میڈیا سے قوم و نوجوانوں کو نفرت کا درس دیا گیا، دھڑے کی زبان پی ایچ ڈی والے ایک تربیت کی وجہ سے استعمال ہوئی، امیرے جسم میں گولی ہے وہ یاد دلاتی ہے نفرت کی گولی تھی نفرت سے انتہا پسندی کی طرف لے جاتی ہے،اکمپوٹر کی طرح وائرس بھی دماغ میں چلا جائے گا تو پھر وہ نفرت کی شکل میں بہت آگے چلا جاتا ہے،ذہن پر تعصب کے سائے نہ پڑنے دیں جس سے تخلیقی صلاحیت ختم ہوجاتی ہےلوگ کہتے ملک کو چار چاند لگائے آج کو پاکستان کیش چھ ہزار آٹھ سو ستاسی ارب روپے ٹیکس سے اکٹھا کرے گا،چھ سو ارب قرضے ادا کرنے کےلئے ادھار لینا ہوگا پاکستان اس مقام پر کھڑا ہے جہاں اسے اقتصادی ہارٹ اٹیک ہوگیا ہے ، تجویز ہے موجودہ صورتحال پر اگرلائف سٹائل تبدیل نہ کیا تو خدانخواستہ صورتحال خطر ناک ہو سکتی ہے،فائیو ایز پر فوکس کریں تو واپس بہترین معیشت پر جا سکتے ہیں انڈسٹری کو بڑھانا ہوگا اقتصادی کو بیماری لاحق ہے کمانے میں نکھٹو ہیں۔دنیا میں ڈیجیٹل انقلاب آ چکا ہے دس سالوں میں نوکریوں کی ضرورت نہیں رہے گی ان کی جگہ آرٹیفشل انٹیلی جنس آ جائےگی،ہماری تعلیمی اداروں کا فرض ہے کہ بند آنکھیں کھولیں نئے علم کو لانا ہوگا، اساتذہ کو بھی اپنے آپ کو اپڈیٹڈ کرنا ہوگااورنوجوانوں کو نئےعلوم سکھائیں،پاکستانی نوجوانوں نےای لیپ سنگ سے دنیامیں اپنا مقام حاصل کر لیاہے اور ڈالر بھی کما رہے ہیں ،پاکستان کے معاشی بحران کی بڑی وجہ اربوں کا تیل کی خریداری ہے پھر سرکولر ڈیڈ ڈھائی ارب روپے تک پہنچ چکا ہے اس کے بوجھ سے تباہ ہو سکتے ہیں ،قوموں کی سلامتی کا انحصار فوجی ٹینکوں پر نہیں بلکہ ٹیکنالوجی پر ہوگا اسی وجہ سے دنیا پاکستان سے آگے نکل گئی ہے،
    ahsan iqbal

    ہم نے کبھی آئی ایم ایف یا امریکہ کو نہیں کہا فنڈز بند کردو، احسن اقبال
    تقریب کے بعد سوالوں کے جواب دیتے ہوئے احسن اقبال کا کہنا تھا کہ ملک بغیر منزل و سمت کے چلتا رہا اب ایسے دوراہے پر ہیں وفاقی حکومت کے محاصل قرضوں ادا کرنے کےلئے بھی نہیں ہیں، فائیو اے فریم ورک سے ایکسپورٹ ملک، ای ٹیکنالوجی اور گرین انرجی سے کیسے مسائل پر قابو پائیں،امید ہے الیکشن کے بعد ہم یا کوئی آئے ایسا سسٹم بنا دیں گے جس سے ملک ترقی کرے گا جو لوگ سترہ اٹھارہ کے ذمہ دار ہیں اس پر بات کرنے کے بجائے پہلے گھر کی آگ کو بجھانا ہوگا معیشت ٹھیک کرنا ہوگی،اگر ملک کو نقصان پہنچانے والوں پر انگلیاں اٹھائیں یا مجرموں کی بات کریں تو اس کے بجائے معیشت کو ٹھیک کرنے کی بات کرنا ہوگی معیشت کو جو آگ عمران خان نے لگائی وہ آج تک کسی سیاستدان نے نہیں لگائی،جناح ہائوس کامنظم منصوبہ بندی سے واقعہ رونما کیاگیا مراد سعید نے پلاننگ تباہی کروائی، اگر جناح ہائوس پر حملہ پر فائرنگ ہوتی تو بیس سے چالیس لوگ مر جاتے اس واقعہ نے عمران خان کے چہرے سے ماسک اتار دیا پی ٹی آئی پاکستان کے برینڈ کو بین الاقوامی سطح پر لابنگ کررہی اس کی مثال نہیں ملتی،ہم نے کبھی آئی ایم ایف یا امریکہ کو نہیں کہا فنڈز بند کردو وہ پاکستان کو مقبوضہ کشمیر سے بدتر بناکر دنیا کے سامنے چہرہ پیش کررہے ہیں،

    وائس چانسلر پنجاب یونیورسٹی پروفیسر ڈاکٹر خالد محمود نے خطاب کرتے ہوئے کہا کہ ہمارے پاس بہت سے منصوبے ہیں جس میں وفاق نے بہت سپورٹ کیا، حکومت کی مدد سے غریب طلبہ و طالبات کو نہایت سستی تعلیم دے رہے ہیں،ہائر ایجوکیشن کا فنڈ ڈبل کر دیا جو اچھی خبر ہے لیکن تنخواہوں میں اضافے کا بھی ہائر ایجوکیشن کمیشن بوجھ کم کرے،تنخواہیں دینے کے بعد ری سرچ پر پیسے نہیں بچتے وفاق اس سلسلے میں ہماری مدد کرے،

    ہائر ایجوکیشن کمیشن کے چئیرمین شاہد منیرنے خطاب کرتے ہوئے کہا کہ کپاس کی ٹہنیوں ،کوئلہ اور گنے کے چھلکوں سے ماحول دوست بنانے کے علاوہ توانائی بنا سکتے ہیں، چیلنج کیا تھر کوئلہ سے ایک میگا واٹ بھی بجلی نہیں بنے گا، سوا کروڑ کی مدد سے کول سنٹر میں پانچ سو کلو واٹ بجلی بنائی،عزم کیا برطانیہ اور امریکہ سے بہتر توانائی پاکستان کو دوں گا، چوراسی کروڑ کی مدد سے انسٹی ٹیوٹ آف انرجی کا قیام عمل میں لایا گیا،207 ٹریلین کا کوئلہ پاکستان میں موجود ہے، شہوا ،سورج اور پانی کوئلہ بجلی کے ذخائر سے پاکستان کو بہت بہترین بجلی مہیا ہو سکتی ہے،چین دس لاکھ میگا واٹ اوربھارت دو لاکھ میگا واٹ بجلی بناتا ہے، سترہ ارب ڈالر امپورٹ ڈیزل فرنس آئل ایل این جی آر ایل این جی پر خرچ کررہے ہیں اگر یہی پیسے پاکستان توانائی منصوبوں پر خرچ ہوں گے تو اچھا نتیجہ آئے گا،

    طارق ملک کے بیرون ملک جانے پر عارضی پابندی عائد 

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

  • چیئرمین نادرا طارق ملک کا استعفیٰ منظور

    چیئرمین نادرا طارق ملک کا استعفیٰ منظور

    وزیر اعظم نے چیئرمین نادرا کا استعفی منظور کرلیا
    چیرمین نادرا طارق ملک نے موجودہ کشیدہ سیاسی صورتحال کے تناظر میں دیا ،باخبرزرائع کے مطابق چیئرمین نادرا کا استعفیٰ منظور کر لیا گیا ہے، چیرمین نادرا کے استعفی کی کاپی سامنے آ گئی تین صفحات پر مشتمل استعفے میں چیرمین نادرا نے کشیدہ سیاسی صورتحال کو وجہ بنایا چیرمین نادرا طارق ملک نے استعفے میں اپنی کارکردگی اور پراجیکٹس کی تفصیلات بتائیں طارق ملک نے حاضر سروس یا ریٹائرڈ بیوروکریٹ کو چیرمین نادرا کی پوسٹ نہ دینے کی سفارش کی ،طارق ملک نے استعفے میں کہا کہ موجودہ کشیدہ سیاسی صورتحال میں کسی پروفیشنل کے لئے ساکھ اور آزادی برقرار رکھنا مشکل ہے،

    چیئرمین نادرا طارق ملک کے بیرون ملک جانے پر عارضی پابندی عائد کر دی گئی ،ایف آئی اے نے چیئرمین نادرا کے بیرون ملک جانے پر عارضی پابندی لگا دی، طارق ملک کے خلاف نیب اور ایف آئی اے میں تحقیقات جاری ہیں ، چیئرمین نادرا طار ق ملک نے استعفیٰ دے دیا ہے،میڈیا رپورٹس کے مطابق چیئرمین نادرا نے اپنا استعفیٰ وزیر اعظم شہباز شریف سے ملاقات کے دوران دیا اور کہا کہ وہ کام نہیں جاری رکھ سکتے،

    چیئرمین نادار طارق ملک کے خلاف ایف آئی اے تحقیقات کر رہی ہے، انکے اثاثہ جات کی تفصیلات طلب کی گئی ہیں ، ایف آئی اے نے 19 مئی کو چیئرمین نادرا کو طلب کر رکھا ہے،وفاقی وزیرداخلہ رانا ثناءاللہ بھی اس بات کی تصدیق کر چکے ہیں، ایک سوال کے جواب میں رانا ثناء اللہ کا کہنا تھا کہ چیئرمین نادرا پر استعفیٰ کے حوالے سے کوئی دباو نہیں ، انکوائری ہوئی ہے لیکن کوئی سیریس بات نہیں تھی

    طارق ملک نے نادرا کے چیئرمین شپ سے 2014 میں استعفیٰ دے دیا تھا،اس سے قبل اسوقت کی حکومت نے کسی بھی پیشگی نوٹس کے بغیر ملک کو برطرف کر دیا تھا لیکن اگلے دن اسلام آباد ہائی کورٹ نے انہیں بحال کر دیا تھا۔ حکومت نے طارق ملک کا نام ای سی ایل میں ڈال دیا تھا۔ ان پر الزام تھا کہ نادرا کے چیئرمین کی حیثیت سے انہوں نے اپنی دہری شہریت کو چھپایا تھا۔ عدالتی حکم پر ان کا نام ای سی ایل سے بھی نکالا گیا تھا.طارق ملک کے خلاف مقدمہ مسلم لیگ ن لیگ حکومت کی جانب سے دائر کیا گیا تھا، طارق ملک استعفیٰ کے بعد بیرون ملک چلے گئے تھے اور اقوام متحدہ کے ترقیاتی پروگرام کے چیف ٹیکنیکل ایڈوائزر کے طور پر کام کیا، بعد میں عمران خان کی حکومت آنے کے بعد انہیں دوبارہ چیئرمین نادرا لگایا گیا،اب ن لیگ بلکہ پی ڈی ایم کی حکومت ہے اور انکے خلاف پھر گھیرا تنگ کیا جا رہا ہے

    نادرا نے شناختی کارڈ کی تصدیق وَ تجدید کے نئے نظام کا اجراء کر دیا

    زلفی بخاری مشکل میں، عدالت میں درخواست دائر،عدالت نے کس کس کو طلب کر لیا؟

    سابق چیئرمین نادرا کو پانچ برس بعد انصاف مل گیا،ن لیگی حکومت کی جانب سےدائر مقدمہ خارج کرنے کا حکم