امیر جماعت اسلامی سراج الحق نے چیف جسٹس آف پاکستان کو لکھے جانے والے خط میں درخواست کی ہے بلدیاتی انتخابات سے قبل ہی پیپلز پارٹی نے کہا کہ کراچی کا آئندہ میئر جیالا ہوگا، ناقص انتخابی فہرستیں اوربدنیتی کی بنیاد پر حلقہ بندیاں کی گئیں۔

سراج الحق نے تحریر کردہ خط میں الزام عائد کیا ہے کہ سیاسی وابستگی کی بنیاد پر انتخابی عملے کی تعیناتی کی گئی، بلدیاتی انتخابات میں زیادہ تر انتخابی عملہ حکومتی جماعت کا حامی تھا، کئی یوسیز کے آراو ز نے ہارے ہوئے پیپلز پارٹی امیدواروں کی جیت کا اعلان کیا، دھاندلی کیسز انہی آراوز کو بھیجے گئے جن پر دھاندلی کے الزامات تھے۔
مزید یہ بھی پڑھیں؛
انتخابی تیاریاں،پی ٹی آئی کا پارٹی الیکشن سیل قائم کرنے کا اعلان
بی بی سی نے 82 سال مسلسل نشریات کے بعد فارسی ریڈیو بند کردیا
40 نوری سال کے فاصلے پر15کروڑ سال قبل وجود میں آنیوالا نیا سیارہ دریافت
کوئٹہ کی مقامی عدالت نے حسان نیازی کو پنجاب پولیس کےحوالےکردیا
بریانی اے ٹی ایم مشین، جہاں گرما گرم بریانی آرڈر کرسکتے ہیں
اقتدارکیلئےعمران خان پاکستانیوں کوغلامی کی زنجیریں پہنانا چاہتا ہے،خواجہ سعد رفیق
مینار پاکستان جلسہ: عمران خان کی تقریر کے دوران کئی رہنما اورکارکن پنڈال چھوڑ کر چلے گئے
امیر جماعت اسلامی پاکستان نے مؤقف اختیار کیا ہے کہ کراچی کی 6 یونین کمیٹیوں میں بدترین دھاندلی ہوئی، ان کمیٹیوں میں فارم 11 کے نتائج کے برعکس آر او نے نتیجے جاری کیے، 66 ایسے پولنگ اسٹیشنز کی نشاندہی کی تھی جہاں رزلٹ تبدیل کیے گئے، الیکشن کمیشن نے خود سے منتخب کردہ محض 17 پولنگ اسٹیشنز پر ری کاؤنٹنگ کا حکم دیا۔ چیف جسٹس کے نام تحریر کردہ خط میں سراج الحق نے لکھا ہے کہ سپریم کورٹ اپنے آئینی اختیارات کا استعمال کرتے ہوئے اس معاملے کا فوری نوٹس لے، سپریم کورٹ الیکشن کمیشن کی جانب سے آئین و قانون کی خلاف ورزی پر فیصلہ دے۔

پاکستان مسلم لیگ (ن) کی چیف آرگنائزر مریم نواز نے الزام عائد کیا ہے کہ عمران خان کو پاکستان میں عدم استحکام پیدا کرنے کیلئے لانچ کیا گیا اور ملک میں انارکی پھیلانے کیلئے پنجاب اسمبلی توڑی گئی تھی۔ جبکہ انہوں نے لائرز ونگ سے خطاب کرتے ہوئے استفسار کیا کہ کون ہے جو عمران خان کو تحفظ فراہم کر رہا ہے؟ اور ہم الیکشن سے فرار نہیں چاہتے بلکہ ہم لڑیں گے اور جیتیں گے بھی لہذا الیکشن کیلئے تیار ہیں لیکن لیول پلیئنگ فیلڈ چاہتے ہیں۔

مسلم لیگ نواز کی مرکزی نائب صدر مریم نواز شریف نے وکلا سے مدد مانگتے ہوئے کہا مجھے اور پاکستان کو آپ کی مدد کی ضرورت ہے، اگر کوئی سہولت کاری کرتا ہے تو آپ فوری طور پراس کو جواب دیں۔ انہوں نے استفسار کیا آئین توڑنا پاکستان میں چھوٹا جرم ہے؟ آئین توڑنے والے کو آپ نے گھر جانے دیا ؟ آئین توڑنے والے پر آرٹیکل 6 لگنا چاہیے، قاصم سوری کی رولنگ غیرآئینی تھی۔ انہوں نے کہا ملک کی موجودہ صورتحال کا ذمہ دار صرف عمران خان ہے، جنرل ریٹائرڈ باجوہ نے بتایا کہ بیگمات کے کہنے پر یہ فیصلے ہوتے ہیں، اسٹیبلشمنٹ کی مدد سے اس نے اپنا فارن فنڈنگ کیس نہیں کھلنے دیا، آئین توڑنے والے کے خلاف سپریم کورٹ میں پٹیشن دائر ہونی چاہیے، اسمبلی کو جس شخص نے بچوں کا کھیل سمجھا اس کے فیصلوں پر ملک کیسے چلے گا ؟ کیا اسمبلیاں توڑنا بچوں کو کھیل ہے جب چاہے توڑ دیں ؟ عدلیہ کی عزت اس کے فیصلے ہوتے ہیں۔

مریم نواز نے کہا 25 ممبران تحریک انصاف کی جھولی میں ڈالنے کیلئے آپ نے آئین کو ری رائٹ کیا، کہا جا رہا ہے الیکشن میں تاخیر آئین کی خلاف ورزی ہے، آپ کے منہ سے ایسی بات اچھی نہیں لگتی، کیا یہ لوگ محسن نقوی کی نگرانی میں ہونے والے انتخابات قبول کریں گے؟ اگر ن لیگ پنجاب میں کامیاب ہوجاتی ہے تو پھر یہ لوگ کیا کریں گے؟ انہوں نے استفسار کیا کبھی کسی نے سنا کہ آدھے ملک میں نگران حکومت ہو اور آدھے میں نہ ہو؟ ن لیگ کے قائد میاں نواز شریف کی صاحبزادی مریم نواز نے کہا پی ٹی آئی کی سیاست سہولت کاروں کے ارد گرد گھومتی ہے، اس شخص نے قانون کو پاؤں کے نیچے روندا، پاکستان میں کسی کو ایسی سہولتیں نہیں دی گئیں جو اس کو ملیں، ابھی نواز شریف کے مقابلے میں تو اسے ہاتھ بھی نہیں لگایا گیا، یہ شخص جتھے لیکر لاہو ہائیکورٹ اور جوڈیشل کمپلیکس گیا، قانون اور آئین کا اتنا بڑا مذاق میں نے پہلے کبھی نہیں دیکھا، عمران خان کو 12،12 مقدموں میں ضمانت ملتی ہے۔

چیف آرگنائزر نے لائرز ونگ سے خطاب کرتے ہوئے کہا جانتے تھے کہ کیس جھوٹے ہیں لیکن پھر بھی شریف شہری کی طرح عدالت گئے، یہ پہلا شخص ہے جس نے توشہ خانہ سے تحفہ چوری کیا ہے، پاکستان کی تاریخ میں کسی حکمران نے تحفہ چوری نہیں کیا، دبئی میں تحفہ بیچا گیا، منی لانڈرنگ کے ذریعے پیسے پاکستان لائے گئے، نواز شریف جھوٹے مقدمات میں بھی عدالت میں پیش ہوتے رہے، ہم نے کورٹ کے آگے سرنڈر کیا، جھوٹی سزائیں بھگتیں۔

انہوں نے کہا لیکن جب پولیس زمان پارک عدالت کے حکم پر عملدرآمد کرنے جاتی ہے تو اس پر پیٹرول بم پھینکے گئے، پولیس والوں پر تشدد کیا گیا، زمان پارک سے ریاست پر حملہ ہوا، باقیوں سے سوتیلا سلوک یہاں لاڈلے والا سلوک کیوں ہو رہا ہے؟ مریم نواز نے لائرز ونگ سے خطاب میں کہا میں سمجھتی ہوں الیکشن کے علاوہ کوئی حل نہیں، ہر پانچ سال بعد الیکشن ہونے چاہئیں، میری والدہ کی سیٹ پر الیکشن کے دوران آپ نے بہت مدد کی، سب کچھ یاد ہے، شکرگزار ہوں دل کی گہرائیوں سے، نوا ز شریف کے ساتھ ناانصافیاں کی گئیں، نواز شریف کے بیانیے کو آگے بڑھانے میں آپ کا کردار بہت نمایاں ہے، رانا ثنا اللہ کو خراج تحسین پیش کرتی ہوں، آپ نے نعرہ دیا کہ یہ جو کالا کوٹ ہے، میاں تیرا ووٹ ہے۔

انہوں نے اعتراف کیا لیڈر شپ کے لیول پر آپ کو وہ رسائی نہیں دی گئی جو آپ کا حق تھا، آپ ملک کے آئین اور قانون کو جانتے ہیں، آپ بہترکردار ادا کر سکتے ہیں، آپ میرے اور ملک کے مدد گار ہوسکتے ہیں، آپ کے ساتھ نہ چلنا اپنا نقصان ہے، الیکشن میں تاخیر کے باعث آپ سے ملنے کا موقع ملا ہے، ہمیں ملکی حالات اور حقائق کو زیر بحث لایا جانا چاہیے، میں کہتی رہی ہوں کہ ترازو کے پلڑے برابر ہونے چاہئیں۔ مریم نواز نے کہا ہم لوگ الیکشن سے نہیں ڈرتے، ہم الیکٹ ہو کر آتے ہیں، سلیکٹ ہو کے نہیں آتے، پی ٹی آئی کی ساری سیاست تقرریوں کے ارد گرد گھومتی ہے، جنرل ریٹائرڈ باجوہ نے بتایا کہ لانے والے وہ ہیں لیکن یہ خطرناک آدمی ہے، اب ان کی جو باقیات ہیں یہ ان پر تکیہ کرکے بیٹھے ہیں۔

تحریک انصاف کے چیئرمین عمران خان کی پانچ مقدمات میں حفاظتی ضمانتوں میں 27 مارچ تک توسیع کر دی گئی ہے جبکہ لاہور ہائی کورٹ میں جسٹس طارق سلیم شیخ اور جسٹس انوار حسین پر مشتمل دو رکنی بینچ نے عمران خان کی حفاظتی ضمانتوں کی درخواستوں کی رجسٹرار آفس کے اعتراض کے ساتھ سماعت کی۔

لاہور ہائیکورٹ نے اسلام آباد کے5 مقدمات میں چیئرمین پاکستان تحریک انصاف (پی ٹی آئی) عمران خان کی حفاظتی ضمانت منظور کر لی گئی جبکہ لاہور ہائیکورٹ نے اسلام آباد میں درج پانچ مقدمات میں عمران خان کی حفاظتی ضمانت میں 27 مارچ تک توسیع کر دی ہے۔

لاہورہائیکورٹ نے عمران خان کی جانب سے وکیل کے ذریعے بیان حلفی جمع ہونے کے بعد ضمانت میں توسیع دی ہے۔ جسٹس طارق سلیم شیخ نے کہا کہ اگر اسلام آباد میں ضمانتیں نہ ہوئیں تو آپ کو غلط بیانِ حلفی کے نتائج کا سامنا بھی کرنا ہوگا، غلط بیان حلفی پر توہین عدالت بھی ہو سکتی ہے۔ خیال رہے کہ عمران خان نے اسلام آباد کے 5 مقدمات میں حفاظتی ضمانت کی درخواستیں دائر کی ہیں، عمران خان کے خلاف تھانہ کھنہ اور رمنا کے دو، دو اور بارہ کہو کا ایک مقدمہ ہے۔

درخواستوں کی سماعت کے لیے 2 رکنی اسپیشل بینچ تشکیل دیا گیا تھا، بینچ جسٹس طارق سلیم شیخ اور جسٹس انوار حسین پر مشتمل تھا۔ سماعت شروع ہوئی تو وکیل عمران خان نےکہا کہ آفس نے دوبارہ حفاظتی ضمانت دائر کرنےکا اعتراض کیا تھا، عدالت نے آج تک کی حفاظتی ضمانت منظور کی تھی، اسلام آباد میں عمران خان کے خلاف سیاسی مقدمات بنائےگئے ہیں، دوبارہ حفاظتی ضمانت میں بہت کم مارجن ہوتا ہے، حفاظتی ضمانت اس لیے مانگ رہے ہیں تاکہ اسلام آباد جا سکیں۔

جسٹس طارق سلیم نےکہا کہ ہمیں قانون دکھائیں کہ دوبارہ حفاظتی ضمانت دی جاسکتی ہو، ابھی تک ماضی میں ایسا کوئی فیصلہ نہیں ہے، نہ ہی روایت ہےکہ حفاظتی ضمانت دوبارہ دی گئی ہو۔ وکیل عمران خان کا کہنا تھا کہ ہمیں خود سمجھ نہیں آرہی کہ کیسے ضمانتیں لیں۔ جسٹس طارق سلیم نے کہا کہ بہتر ہے کہ یہ درخواست اسلام آباد ہائی کورٹ میں دائر کریں۔
مزہد یہ بھی پڑھیں؛
بیان حلفی دیں کہ آپ نے دہشت گردی عدالت اسلام آباد میں ضمانت دائر کی تھی, عمران خان کو بیان حلفی جمع کروانے کی ہدایت
20 رمضان سے قبل پنشن اور تنخواہ کی ادائیگی یقینی بنائی جائے، قائمہ کمیٹی
سوال یہ ہے کہ اکتوبر میں کیسے ہوں گے الیکشن؟ عمران خان
راہول گاندھی کو بھارتی پارلیمنٹ نے نااہل قرار دے دیا
اس دوران عمران خان خود روسٹرم پر آگئے، ان کا کہنا تھا کہ میں جب اسلام آباد گیا تو تمام راستے بند تھے، آج بھی ہم خفیہ آئے ہیں، اسلام آباد جاتے ہوئے آنسو گیس چلی، لوگوں پر لاٹھی چارج ہوا، ہمیں اسلام آباد سے واپس ہونا پڑا، ایسا تو پہلے کبھی نہیں ہوا، میں تو وہاں سے جان بچا کر نکلا تھا۔

وکیل عمران خان نےکہا کہ ہم آج صرف ایک ورکنگ ڈے مانگ رہے ہیں تاکہ اسلام آباد جاسکیں۔ عدالت کا کہنا تھا کہ ہم درخواست پر آفس کے اعتراض کو جوڈیشل سائیڈ پر دیکھیں گے، عدالت نے عمران خان کی درخواستوں کو نمبر لگانے کی ہدایت کرتے ہوئے سماعت میں وقفہ کردیا۔ وقفے کے بعد وکیل عمران خان کا کہنا تھا کہ یہ عام طرح کی ضمانت نہیں ہے، ہم نے حفاظتی ضمانت میں توسیع مانگی ہے، ہماری مضبوط بنیاد ہے۔

بعد ازاں فریقین کے دلائل سننے کے بعد لاہور ہائیکورٹ نے اسلام آباد کے 5 مقدمات میں عمران خان کی حفاظتی ضمانت منظور کرتے ہوئے 27 مارچ تک توسیع کر دی۔