Category: اہم خبریں

راولپنڈی:شمالی وزیرستان کے علاقے جھلر الگاد میں سکیورٹی فورسز کے آپریشن میں 5 دہشتگرد ہلاک ہوگئے جبکہ فائرنگ کے تبادلے میں ایک جوان فرض پر قربان ہوگیا۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق سکیورٹی فورسز نے شمالی وزیرستان میں انٹیلی جنس پر مبنی آپریشن کیا، آپریشن کے دوران سکیورٹی فورسز اور دہشت گردوں کے درمیان شدید فائرنگ کا تبادلہ ہوا۔

آئی ایس پی آر کے مطابق فوجیوں نے دہشت گردوں کے ٹھکانے کو موثر انداز میں تلاش کیا، جس کے نتیجے میں 5 دہشت گرد مارے گئے، دہشتگردوں کی فائرنگ سے 25 سالہ سپاہی ناصر خان شہید ہوگئے۔

اس حوالے سے آئی ایس پی آر کی جانب سے مزید بتایا گیا کہ ہلاک دہشت گردوں سے اسلحہ اور گولہ بارود بھی برآمد ہوا ہے، مارے گئے دہشت گرد سکیورٹی فورسز کے خلاف دہشت گردی کی کارروائیوں اور معصوم شہریوں کے قتل میں سرگرم رہے۔

پی ٹی آئی چیئرمین عمران خان کی توشہ خانہ ریفرنس میں نااہلی الیکشن کمیشن نےعمران خان کو پارٹی چیئرمین شپ سے ہٹانے کی کارروائی شروع کر دی

الیکشن کمیشن نے عمران خان کو پارٹی سربراہی سے ہٹانے کا نوٹس جاری کر دیا،الیکشن کمیشن نے عمران خان کو پارٹی چیئرمین شپ سے ہٹانے کا کیس 13دسمبر کو مقرر کر دیا ہے، 13 دسمبر کو عمران خان کو طلب کیا گیا ہے

پی ٹی آئی نے الیکشن کمیشن کی جانب سے عمران خان کے نام نوٹس موصول ہونے کی تصدیق کی ہے،تحریک انصاف کے سیکریٹری جنرل اسد عمر نے چیف الیکشن کمشنر کو خط لکھنے کا فیصلہ کیا ہے،الیکشن کمیشن کو خط لکھ کر پوچھا جائے گا کہ عمران خان کو نوٹس کیوں جاری کیا گیا،الیکشن کمیشن نوٹس کیساتھ تحریری طور پر آگاہ کرے کہ 13 دسمبر کو کیوں بلایا گیا ،پی ٹی آئی کا کہنا ہے کہ عمران خان کو پارٹی سربراہی سے ہٹانا قانونی طور پر ممکن نہیں،

واضح رہے کہ توشہ خانہ کیس میں الیکشن کمیشن عمران خان کو نااہل کر چکا ہے،اب نیب نے بھی تحقیقات شروع کر دی ہیں، نیب نے توشہ خانہ کے حوالہ سے سابق وزیراعظم نواز شریف، سابق صدر آصف زرداری، سید یوسف رضا گیلانی کے خلاف بھی تحقیقات کی تھیں،الیکشن کمیشن نے چیئرمین پی ٹی آئی عمران خان کو 63 ون کے تحت نااہل قراردیا تھا،الیکشن کمیشن کی جانب سے کہا گیا کہ عمران خان کی نااہلی 5 رکنی کمیشن کا متفقہ فیصلہ ہے چیئرمین پی ٹی آئی عمران خان نے غلط گوشوارے جمع کروائے

توشہ خانہ کیس کا فیصلہ آنے کے بعد وزیر داخلہ رانا ثناء اللہ نے عمران خان کیخلاف مقدمہ درج کروانے کا اعلان کیا تھا،وفاقی وزیر داخلہ رانا ثناء اللہ کا کہنا تھا کہ عمران خان کے خلاف فوجداری مقدمہ درج ہوگا یہ ایسی چوری ہے جس میں مقدمہ درج ہونے سے پہلے ہی سب کچھ ثابت ہے

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

وزیر مملکت پیٹرولیم مصدق ملک نے کہا ہے کہ روس کا دورہ کامیاب رہا ،روس پاکستان کو رعایتی قیمت پر خام تیل فراہم کرے گا،

پریس کانفرنس کرتے ہوئے مصدق ملک کا کہنا تھا کہ ملکی ترقی کے لیے ہمیں ترقی کی شرح میں اضافہ کرنا ہو گا ،ملکی ترقی کے لیے توانائی کی ضرورت ہے معیشت اچھی ہوگی تو ملازمتیں ہوں گی ،وزیراعظم چاہتے ہیں ہر نوجوان کو نوکری ملے،ایل این جی کے لیے بھی ہمارے مذاکرات شروع ہوچکے ہیں ،وزیراعظم چاہتے ہیں ہم زراعت میں خود کفیل ہو،روس پاکستان کو پیٹرول اورڈیزل بھی کم قیمت پر دے گا،صبح 6 سے9 بجے تک گیس گھر میں آنی چاہیے ،آئندہ 10 روز میں ایران سے 2 ملین پاونڈ کی ایل این جی پاکستان پہنچ جائے گی،

مصدق ملک کا مزید کہنا تھا کہ روس کی پرائیویٹ کمپنیز سے ایل این جی کی خریداری کیلئے بات چیت شروع ہوگئی ہے روسی حکومت ایل این جی بنانے کے نئے کارخانے لگا رہی ہے اور انہوں نے ہمیں دعوت دی ہے کہ آئندہ آنیوالے برسوں کیلئے ابھی سے معاہدے کرنا شروع کردیں

تمباکو سیکٹر میں سالانہ 70 ارب روپے کی ٹیکس چوری کا انکشاف

جب حکمران ٹکٹ ہی ان لوگوں کو دیں جن کا کاروبار تمباکو اور سگریٹ سے وابستہ ہو تو کیا پابندی لگے گی سینیٹر سحر کامران

تمباکو نوشی کا زیادہ استعمال صحت کے لئے نقصان دہ ہے،ڈاکٹر فیصل سلطان مان گئے

تمباکو نوشی کے استعمال کے خلاف مہم،ویب سائٹ کا افتتاح

جنرل باجوہ کی ایکسٹینشن، سب سے بڑی غلطی۔ مگر کیسے ؟ بے وقوف حکمران کو اقتدار نہیں جیل بھیجو۔یہ ماہرانہ تجزیہ سینیئرصحافی مبشرلقمان کا ہے ، جن کا کہنا تھاکہ عمران خان کا یہ کہنا کہ جنرل باجوہ کو ایکسٹینشن دینا بڑی غلطی تھی اور یہ انہوں نے عمران ریاض خان کو ایک انٹریو دیتے ہوئے کی ، ان کا کہنا تھاکہ غلطی کا اعتراف کرنا بڑے پن کی نشانی ہے لیکن اس کے باوجود غلطیاں کرنا اورپھرقوم کومختلف مسائل سے دوچار کرنا یہ غلطی نہیں منافقانہ رویہ ہے ، ان کا یہ بھی کہنا تھا کہ عمران خان پہلے غلطی کرتا ہے اور پھرقوم کے سامنے اپنی غلطی کا اعتراف بھی کرتا ہے ، مبشرلقمان کا کہنا تھاکہ ان کو چاہیے تھا کہ وہ غلطی کے بعد اپنی اصلاح بھی کریں‌

مبشرلقمان کا کہنا تھا کہ عمران خان کہتے ہیں کہ جنرل باجوہ کوایکسٹینشن دینا بڑی غلطی تھی ،قاضی فائز عیسیٰ کے خلاف ریفرنس دائر کرنا بڑی غلطی تھی،ایم کیوایم کے وفادار کو وزیرقانون بنانا بڑی غلطی تھی، ریحام خان سے شادی کرنا بڑی غلطی تھی،راجہ سکندرسلطان کو چیف الیکشن کمیشنر بنانا بڑی غلطی تھی ، مبشرلقمان کہتے ہیں کہ عمران‌ خان بتائیں کہ انہوں نے کہاں غلطی نہیں کی،کون سا ٹھیک کام کیا ہے ،

ان کا کہنا تھا کہ عمران خان ایمپائر کی انگلی پکڑ کراقتدار میں‌آئےتو یہ ٹھیک ہے، مبشرلقمان کا یہ بھی کہنا تھا کہ اس شخص نے وہ کچھ کردکھایا کہ اب اس کو جیل جانا چاہیے تھا ،مگر وہ پھر بھی دوسروں پر الزام دھرتاہے ، ان کا یہ بھی کہنا تھاکہ عمران خان نے کوئی ایک جرم نہین کیا بلکہ بہت سے جرائم کیے ، جن پر اس کو سخت سے سخت سزا ملنی چاہیے تھی

ان کا یہ بھی کہنا تھاکہ عمران خان نے کس کو معاف کیا ، ان کا یہ بھی کہنا تھا کہ عمران خان نے کہاں‌ کہاں غلطی کی ، ان کا یہ بھی کہنا تھا کہ میں سناتا ہوں کہ عمران خان پہلے کیا کہتے تھے ، اب کیا کہتے ہیں‌

مبشرلقمان نے عمران خان کی پرانی ویڈیوز سے مختلف کلپس چلائے جن میں عمران خان جنرل باجوہ کی تعریفیں کرتے نہیں تھکتے تھے ، عمران خان کہتے ہیں‌کہ جنرل باجوہ جمہوریت کے حق میں ہیں ، پاکستان میں جمہوریت انکی وجہ سے ہے، جنرل باجوہ نے باہر کی دنیا میں پاکستان کے لیے کردار ادا کیا، جنرل باجوہ ہی تھے کہ جہنوں نے کراچی اور سندمیں سیلاب کے دوران بڑی محنت سے کام کیا، جنرل باجوہ پاک ک فوج کی عالمی سطح پر پزیرائی کرنے والے ہیں

ساتھ ہی مبشرلقمان نے عمران ریاض خان کے ساتھ ہونے والی عمران خان کی یہ گفتگو بھی آن ایئر کردی جس میں عمران خان کہتے ہیں کہ جنرل باجوہ نے اس ملک کے ساتھ اچھا نہیں کیا، جنرل باجوہ کو ایکسٹینشن نہیں ملنے چاہیے تھی وہ ڈبل گیم کررہے تھے،

اس گفتگو کا حوالہ دیتے ہوئے مبشرلقمان کہتے ہیں‌کہ دوسری طرف عمران خان کبھی اسمبلیاں توڑنے کی باتیں کررہے ہیں اور ان کے ایک چہتے یہ کہہ رہے ہیں کہ عمران خان نے کہہ دیا ہے کہ اگرحکومت انتخابات وقت پر نہیں کراتی تو پھروہ اسمبلیاں توڑ دیں‌گے ، اس لیے عمران خان نے ارکان اسمبلی سے کہہ دیا ہے کہ وہ اپنے اپنے حلقوں میں جائیں اور انتخابات کی تیاری کریں‌، مبشرلقمان کا کہنا تھا کہ عمران خان اب ارکان اسبملی کو بھی نقصان پہنچائے گا اس فیصلے سے

آزاد کشمیر کے انتخابات کے حوالے سے ان کا کہنا تھا کہ وہاں جو اکثریت تھی اب اقلیت میں تبدیل ہوگئی ہے، حتی کہ وزیراعظم آزاد کشمیر کی یونین کونسل میں پی ٹی آئی الیکشن ہارگئی ، ان کا یہ بھی کہنا تھاکہ عمران خان ایک بیرونی مہرہ ہے ، جس نے امریکہ ،بھارت اور اسرائیل سے پیسے لیکر اس ملک میں حالات خراب کیے،اعظم سواتی جس نے گالیاں دیں ، ان کا یہ بھی کہنا تھا کہ پہلے اس سپریم کورٹ کی تعریفیں کرتا تھا جب سپریم کورٹ نے صادق امین قرار دیا ، اب کہتے ہیں کہ سپریم کورٹ سے ہمیں انصاف نہیں مل رہا ہے، ان کا یہ بھی کہنا تھا کہ پہلے کہتے تھے کہ لانگ مارچ کریں گے اب لانگ مارچ بھی منسوخ ، کرکے دکھائیں ،راناثنااللہ لترماریں گے، اب اگرایسی حرکت کی تو وہ چھتر مارے گا ، ان کا کہنا تھا کہ وہ رانا ثنااللہ خان کو جانتا ہے وہ اس کی طبعیت ٹھیک کردیں گے ،

مبشرلقمان کاکہنا تھاکہ عمران خان نے اس قوم کی نسل کو تباہ کردیا ہے ،یہ بھی یاد رکھیں کہ جب اس کے مزید کیسز کھل کرسامنے آئیں گے، ان کا یہ بھی کہنا تھا کہ جب یہ صورت حال سامنےآئے گی تو سب کہیں گے کہ یہ کیا مصیبت تھی ، اب اس مصیبت سے جان چھڑانے کا وقت آگیا ہے ، بہت جلد اللہ تعالیٰ اس سے جان چھڑا دیں‌گے

منگلا پن بجلی کے یونٹ 5اور6 کی ریفریشمنٹ منصوبے کی افتتاحی تقریب ہوئی

وزیرِ اعظم شہباز شریف نے آج منگلا بجلی گھر کے یونٹ 5 اور 6 کے ریفربشمنٹ منصوبے کا افتتاح کیا. منگلا بجلی گھر کی ریفربشمنٹ کے منصوبے کے تحت تمام یونٹ میں 50 برس پرانی مشینری کو تبدیل کرکے نئی مشینری لگائی جارہی ہے. ریفربشمنٹ منصوبے کی مکمل تکمیل کے بعد منگلا بجلی گھر کی استعداد 1000 میگاواٹ سے بڑھ کر 1310 میگاواٹ ہو جائے گی جسکے نتیجے میں سالانہ 5.6 بلین یونٹ صاف، ماحول دوست اور کم لاگت بجلی پیدا کی جائے گی. منصوبے کے پہلے مرحلے یعنی 10 میں سے 6 یونٹس کی ریفربشمنٹ پر تقریباً 90 فیصد کام مکمل ہے جبکہ آج وزیرِ اعظم نے یونٹ نمبر 5 اور 6 کی تکمیل کا افتتاح کیا.مجموعی طور پر 483 ملین ڈالر کی لاگت سے جاری اس منصوبے میں USAID کی طرف سے 150 ملین ڈالر کی گرانٹ، 90 ملین یورو کا AFD Loan, اور واپڈا کی طرف سے 178 ملین ڈالر فراہم کئے جا رہے ہیں. اس موقع معاونِ خصوصی طارق فاطمی، وزیرِ اعظم آزاد کشمیرسردار تنویر الیاس، چیئر مین واپڈا لیفٹیننٹ جنرل (ر) سجاد غنی، امریکہ کے پاکستان میں سفیر ڈونلڈ بلوم، USAID مشن ڈائریکٹر Reed Aeschliman بھی موجود تھے

وزیراعظم شہباز شریف بھی افتتاحی تقریب میں شریک ہوئے،چیئرمین واپڈا کا کہنا تھا کہ وفاقی حکومت عوام کو سستی بجلی فراہم کرنے کے لیے اقدامات کررہی ہے ،منصوبے کو مکمل کرنے کے لیے امریکہ نے امداد فراہم کی ،امریکی سفیر ڈونلڈ بلوم کا کہنا تھا کہ امریکہ توانائی کی شعبے میں پاکستان کی معاونت کررہا ہے ،پاکستان مو سمیاتی چیلنجز سے نمٹ رہا ہے ،سیلاب سے پاکستان کو نقصان ہوا،سیلاب نے پاکستان کی معیشت کو نقصان پہنچایا، پاکستان کے ساتھ توانائی سمیت دیگر شعبوں میں تعاون کو فروغ دینا چاہتے ہیں،

وزیراعظم شہباز شریف کا کہنا تھا کہ منگلا پن بجلی کے یونٹ 5اور6 کی ریفریشمنٹ منصوبےمیں امریکی تعاون پر مشکور ہیں منگلا پن بجلی ریفریشمنٹ منصوبے میں تعاون پاکستان اور امریکا کے درمیان اچھے تعلقات کی مثال ہے سستی بجلی پاکستان کی ضرورت ہے ،جس کے لیے اقدامات کررہے ہیں،امریکا نے پاکستان کو منصو بے میں مالی تعاون فراہم کیا، پاکستان توانائی کے شعبے میں درپیش چیلنج سے نمٹ رہاہے منگلا پن بجلی منصوبہ اہمیت کا حامل ہے پاکستان پن بجلی ،ونڈ پاور اور دیگر ذرائع سے بجلی کی پیداوار کے ذرائع پر کام کررہا ہے اب وقت ہے پاکستان اورامریکا دوطرفہ تعلقات کو مزید مستحکم کریں 1960کی دہائی میں یہ پراجیکٹ شروع ہوا تھا منگلا ڈیم نے معیشت کی بحالی میں اہم کردار ادا کیا،منگلا پن بجلی منصوبہ اہمیت کا حامل ہے ،جس سے سستی بجلی فراہم ہوگی ماہرین نے منگلا پراجیکٹ پر اچھا کا م کیا،پاکستان آ ج توانائی سمیت مختلف چیلنجز سے نبرد آزما ہے،منگلا پراجیکٹ پانی ذخیرے کے بڑے منصوبوں میں شامل ہے ،ہم 10ہزا ر میگاواٹ بجلی بنانے کے قابل ہوئے ہیں،

وزیراعظم شہباز شریف کا مزید کہنا تھا کہ 60ہزار میگاواٹ بجلی نہ بنانے کے ذمہ دار ہم سب ہیں،اگر ہم نے ڈیمزکی تعمیر پرتوجہ دی ہوتی تو آج پاکستان بڑے نقصان سے بچ جاتا،کون سے عناصر تھے جنہوں نے ہمیں پن بجلی ،ونڈ پاوراور شمسی توانائی منصوبوں پر کام سے روکا،رونے دھونے ،تماشہ لگانے سے کچھ نہیں ہوگا،شبانہ روز محنت کرنی ہوگی قول وفعل میں تضاد کے عمل کو ختم کرکے ہمیں ملک کے لیے آگے آنا ہوگا،ہم خیرات کا مطالبہ نہیں کررہے ،ہمیں دنیا سے موسمیاتی تبدیلی کے معاملے پر انصاف چاہیے ،امریکا نے پراجیکٹ کے لیے 150 ملین ڈالردیئے ،ہم نے شرم الشیخ میں عالمی پلیٹ فارم پر اپنا مقدمہ لڑا،شمسی توانائی سے ہم 10ہزا رمیگاواٹ بجلی بنانے کے قابل ہوئے ہیں،ہم مزید مہنگے ذرائع سے بجلی پیداوار کے متحمل نہیں ہوسکتے،تھرمیں دنیا کا سب سے بڑا کوئلے کا ذخیرہ ہے ،ہم تھرکول پراجیکٹ پر بھی کام کررہے ہیں ،تعمیر و ترقی عمل سے ہوتی ہے ،نعروں اوردھرنوں سے نہیں ہوتی ،ہمیں ذاتی پسند نا پسند سے بالاتر ہوکر آگے جاناہوگا،ہم نے ملکی مفاد کولیکر ساتھ چلنا ہوگا،

وزیراعظم شہباز شریف کی تقریر کے دوران وزیراعظم آزاد کشمیرنے بولنے کی کوشش کی، جس پر وزیراعظم شہباز شریف نے جواب دیا کہ آپ کی بات سنتے ہیں آپ تشریف رکھیں

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

 عمران خان نے الیکشن کے لئے حکومت کے سامنے مزاکرات کی جھولی پھیلائی ہے

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

اسلام آباد:وزیراعظم شہبازشریف نے پاکستان تحریک انصاف کے چیئرمین عمران خان کے حالیہ انٹرویو پر ردعمل کا اظہار کیا ہے۔اس حوالے سے وزیراعظم شہبازشریف نے ایک ٹویٹ بھی کیا ہے ،

وزیراعظم شہباز شریف نےکہا ہےکہ پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کا تازہ بیان پارلیمانی جمہوری نظام پرحملوں کا تسلسل ہے سماجی رابطے کی ویب سائٹ ٹوئٹر پر پیغام جاری کرتے ہوئے وزیراعظم شہباز شریف نے لکھا کہ عمران خان کی سیاست کا مقصد فقط اقتدار کا حصول ہے۔.

Imran’s recent diatribe against parliamentary democracy is the latest in a series of attacks that fly in the face of how democracy functions in modern nation-states. His politics is aimed at making his way to power even if it means undermining foundations this country stands on.

— Shehbaz Sharif (@CMShehbaz) December 4, 2022

اپنی ٹوئٹ میں شہباز شریف کا کہنا تھاکہ عمران کا حالیہ بیان پارلیمانی جمہوریت کے خلاف حملوں کے سلسلےمیں تازہ ترین ہے۔انہوں نے کہا کہ ان کی سیاست کا مقصد اپنے اقتدار کیلئے راستہ بنانا ہے، چاہے اس کیلئے ملکی بنیادیں کمزور ہوجائیں۔

خیال رہے کہ گزشتہ روز عمران خان نے نجی ٹی وی کو انٹرویو میں کہا تھا کہ سابق آرمی چیف جنرل (ر) قمر جاوید باجوہ نے ڈبل گیم کھیلا، انہيں ایکسٹینشن دے کر غلطی کی۔

لاہور:اس وقت ملک میں‌ جو سیاسی بے چینی ہے اس کےحوالے سے گفتگو کرتے ہوئے سینیئرصحافی مبشرلقمان کا کہنا تھا کہ عمران خان کے ارد گرد رہنے والے آپس میں لڑپڑے ہیں‌، وہ حکومت کے خلاف کیا کریں گے ،ان کا کہنا تھا کہ کچھ نہیں ہوگا اور وہ اس ساری صورت حال سے آگاہ ہیں

ایک سوال کے جواب میں کہ کیا عمران خان دسمبر کے دوسرے ہفتے میں اسمبلیاں توڑدیں گے توانکا کہنا تھا کہ یہ بھی نہیں ہوگا ، ابھی دس دن پڑے ہوئے ہیں ، عمران خان یوٹرن لے لے گا،انکا کہنا تھا کہ ایک طرف پرویز الٰہی اسلام آباد کے چکرلگا رہا ہے دوسری طرف وہ عمران خان کو سبزباغ دکھا رہا ہے،ان کا مزید کہنا تھا کہ اگرعمران خان یہ چاہتا ہے تو پھر پہلے کے پی اسمبلی توڑ دے ، گلگت بلتستان اور آزاد کشمیر میں اپنی حکومت ختم کردے پھر پنجاب کی طرف ہوجائے،ان کا کہنا تھا کہ عمران خان اسمبلیاں نہیں توڑے گا

ایک اور سوال کے جواب میں انکا کہنا تھاکہ عمران خان کا یہ کہنا کہ حکومت مذاکرات کےلیے سنجیدہ نہیں‌ ہے ،عمران خان کا یہ دعویٰ درست نہیں ، ان کا یہ بھی کہنا تھاکہ عمران خان خان سے پوچھیں کہ شیخ رشید اور فواد چوہدری تو کئی دنوں سے مذاکرات کی بات کررہےہیں آخر کوئی بات ہے تو وہ مذاکرات کا ڈھنڈورہ پیٹ رہے ہیں اور خان بھی کئی بار کہہ چکا ہےکہ وہ مذاکرات کے ذریعے الیکشن کی تاریخ لینا چاہتے ہیں تواس سے تو واضح ہوگیا کہ عمران خان مذاکرت کے بھی حامی ہیں پھر وہ کیوں کہتےہیں کہ وہ اب مذاکرات نہیں کریں گے، ان کا کہنا تھا کہ انتخابات کا وہ کہہ رہے کہ اگست یا اکتوبر میں ہوں ، یہ بھی حقیقت ہے کہ عمران خان اس وقت سب سے زیادہ مقبول ہیں،

ان کا ایک سوال کے جواب میں کہنا تھاکہ عمران خان ہی مذاکرات چاہتے ہیں، کیوں کہ عمران خان نے سارے حربے استعمال کرلیے ، لانگ مارچ ، دھرنے اور سب کچھ کرلیا اب مذاکرات ہی تو رہ گئے ہیں اس کے علاوہ کوئی چارہ کار نہیں ، خواجہ سعد بھی یہ کہہ چکے ہیں کہ انتخابات چاہتے ہیں تو وہ وقت پر ہوجائیں گے،انکا یہ بھی کہنا تھا کہ ایک وقت تھا کہ جب پی پی اور ن لیگ نے میثاق جمہوریت کیا حالانکہ ایک دوسرے کے سخت خلاف تھے ، اس کے باوجود اکٹھے ہیں‌،عمران خان بھی کچھ کرسکتے ہیں

ایک سوال کے جواب میں کہ فرح بی بی اور فرح گوگی کے درمیان مال کی تقسیم پرجھگڑا ہوگیا ہے ،اس کےجواب میں مبشرلقمان نے کہا کہ چوراں نوں پئے گئے چور، ان دونوں نے کبھی ایک دوسرے کا خیال نہیں رکھا ،کس کا خیال رکھیں گی ، ان کا یہ بھی کہنا تھا کہ میں پہلے کہتا تھا کہ یہ سب کچھ نکھر کرسامنے آئے گا اور آگیا ہے

عمران خان کے ان خدشات کہ جن میں کہا گیا ہے کہ اعظم سواتی کی جان کو خطرہ ہے اور سوال کرنا جمہوری حق ہے تو اس کا جواب دیتے ہوئےمبشرلقمان نے کہا کہ گالی دینا بھی تو ہرکسی کا حق ہے؟ان کا کہنا تھا کہ فوج کے سربراہ کو گالی دینا جمہوری حق ہے ؟فوج کے سربراہ کو چوروں کا سہولت کار کہنا بھی جمہوری حق ہے؟اداروں کو گالیاں دینا اور برابھلا کہنا بھی تو جمہوری حق ہے؟اگراس طرح کوئی بے لگام ہوتا ہے تو پھرآئین پاکستان میں ایسے لوگوں سے نمٹنے کا طریقہ بھی ہے ،

ایک سوال کے جواب میں کہ کیا اعظم سواتی کو یہ نہیں پتہ تھا کہ اس قسم کا رویہ اختیار کرنے کا نقصان ہوسکتا ہے ، اس کا جواب دیتے ہوئےمبشرلقمان کا کہنا تھا کہ پچھلے چار سے کوئی پکڑا نہیں گیا تھا ، صرف شہبازگل پکڑے گئے ،یہ تو عدالتوں کومعاف نہیں کرتے ، فواد چوہدری نے عدالت سےکہا کہ ہمیں بھاشن نہ دیں آپ اپنا کام کریں‌ ، اس پرعدالتیں خاموش رہیں اور اگران کی جگہ اور کوئی ہوتا تو تب کا اس پر توہین عدالت کے چارجز لگ چکے ہوتے،

اسد قیصر کے حوالے سے ایک سوال کا جواب دیتے ہوئے کہا کہ سابق آرمی چیف جنرل باجوہ کوایکسٹینشن دے کر غلطی کی تھی، یہ توان کے قائد عمران خان نے ایکسٹینشن دی تھی ، اس حوالے سے مبشرلقمان کا کہنا تھا کہ مجھے خود سابق آرمی چیف جنرل قمرجاوید باجوہ نے بتایا تھا کہ مجھے تو پتہ بھی نہیں‌تھا میں‌نے تو ٹی وی پر دیکھا کہ مجھے ایکسٹیشن دی جارہی ہے

ان کا یہ بھی کہنا تھا کہ آپ دیکھیں گے کہ عمران خان یہ بھی مان جائے گا ، بس ان کے بارے میں سب جان لیں گے