باغی ٹی وی کی رپورٹ کے مطابق آرمی چیف جنرل قمر جاوید باجوہ نے آج ملتان گیریژن کا دورہ کیا
ڈی جی آئی ایس پی آر کے مطابق آرمی چیف جنرل قمر جاوید باجوہ نے آج ملتان کا دورہ کیا، آرمی چیف جنرل قمر جاوید باجوہ نے ملتان گیریژن کے افسران اور جوانوں سے بات چیت کی۔ اسٹرائیک فارمیشنز کے دستوں کے ساتھ بات چیت کرتے ہوئے، آرمی چیف جنرل قمر جاوید باجوہ نے مادر وطن کی خدمت میں ان کی غیر معمولی پیشہ ورانہ قابلیت اور ڈیوٹی سے لگن کو سراہا۔
سربراہ پاک فضائیہ نے بحرین ائیر شو کی افتتاحی تقریب میں شرکت کی
ترجمان پاک فضائیہ کے مطابق ائیر شو میں مختلف ممالک کے وفود اور اعلیٰ فوجی حکام کی بڑی تعداد بھی موجود تھی۔ تقریب میں دیگر طیاروں اور دفاعی آلات کے ساتھ ساتھ ملکی سطح پر تیار کردہ جے ایف-17 لڑاکا طیارہ شائقین کی توجہ کا مرکز بنا رہا۔ سربراہ پاک فضائیہ نے ائیر شو میں پاک فضائیہ کے اہلکاروں کی کارکردگی کو سراہا۔
ترجمان پاک فضائیہ کے مطابق ایئر چیف مارشل ظہیر احمد بابر سدھو کا کہنا تھا کہ ایئر شو میں پاک فضائیہ کے طیاروں کی شرکت قوم کے لیے باعث فخر ہے۔ سربراہ پاک فضائیہ نے میگا ایونٹ میں عمدہ شو پیش کرنے پر پاک فضائیہ کی ٹیم کی تعریف کی۔سربراہ پاک فضائیہ نے مختلف سٹالز کا دورہ اور کئی اعلیٰ عہدیداروں سے ملاقات کی، پاک فضائیہ کے اہلکاروں نے جنگی طیارے کی آپریشنل صلاحیتوں اور جدید ترین ہتھیاروں کے متعلق حاضرین کو معلومات فراہم کیں۔حاضرین فخر پاکستان جے ایف-17 تھنڈر طیارے کو اپنے درمیان دیکھ کر پرجوش نظر آئے،پاکستان ایروناٹیکل کمپلیکس کے تیار کردہ جے ایف-17 طیارے نے ایروبیٹکس کا مظاہرہ بھی پیش کیا۔ بحرین کی فضاؤں میں پاکستانی طیارے کی گھن گرج کے ساتھ ساتھ ہجوم کا جوش و خروش قابلِ دید رہا۔ جے ایف۔17 طیارے کی لینڈنگ کے بعد حاضرین نے پرجوش انداز میں تالیوں سے اسکا استقبال کیا،
ترجمان پاک فضائیہ کے مطابق ایئر شو میں جے ایف-17 تھنڈر طیاروں کی شرکت پاک فضائیہ کے لیئے اپنی جدید صلاحیتوں کے جوہر دکھانے کا ایک بہترین موقع ہے۔ بحرین انٹرنیشنل ائیر شو نے ممکنہ خریداروں کو بین الاقوامی مارکیٹ میں لڑاکا طیارے کی غیر معمولی صلاحیتوں کو جانچنے کاایک بہترین موقع فراہم کیا۔
میری عدالت میں وزیراعظم اور عام آدمی برابر،برطانوی عدالت میں شہباز شریف کی درخواست خارج
برطانوی عدالت میں شہباز شریف اور ڈیلی میل مقدمے میں اہم پیشرفت سامنے آئی ہے
برطانوی میڈیا کے مطابق پاکستان کے وزیراعظم شہباز شریف کے وکلا نے عدالت سے جواب جمع کرانے کے لیے مزید وقت مانگا تھا تا ہم عدالت نے پاکستانی وزیراعظم شہباز شریف کو مزید وقت دینے سے انکار کر دیا شہباز شریف کے وکلا نے عدالت میں مزید وقت لینے کی درخواست دی گئی اور استدعا کی گئی کہ شہباز شریف وزیراعظم پاکستان مصروف ہیں جواب کے لیے مزید وقت دیا جائے جس پر برطانوی عدالت کے جج جسٹس میتھیو نیکلن نے ریمارکس دیتے ہوئے کہ میری عدالت میں وزیراعظم اور عام آدمی برابر ہیں
شہباز شریف اور ان کے داماد علی عمران تاحال ڈیلی میل کے دفاع کا جواب نہیں دے سکے .عدالتی نوٹس کا جواب نہ دینے کی صورت میں شہباز شریف کو ڈیلی میل کی قانونی فیس ادا کرنا ہو گی، اسی مقدمے میں ڈیلی میل 9 بار عدالت سے تاریخ لے چکا ہے تا ہم پاکستان کے وزیراعطم شہباز شریف کو عدالت نے وقت نہیں دیا
خیال رہے کہ اخبار میں ڈیوڈ روز کے مضمون میں شہباز شریف اور ان کے داماد پر کرپشن کے سنگین الزامات عائد کیے تھے۔ سنگین الزامات عائد کیے جانے پر شہباز شریف اور علی عمران یوسف نے اخبار پر ہتک عزت کا مقدمہ کیا تھا۔
واضح رہے کہ ڈیلی میل ایک رپورٹ شائع کی تھی جس میں یہ عندیہ دیا گیا تھا کہ شہباز شریف نے پاکستان کے صوبہ پنجاب میں اپنے دورِ حکومت کے دوران زلزلہ متاثرین کی برطانوی امداد میں سے کچھ رقم شہباز شریف اور علی عمران یوسف نے غبن کیا اور منی لانڈرنگ سے بیرونِ ملک بھجوائی ہائی کورٹ کے جج سر میتھیو نکلائن نے ابتدائی سماعت میں مضمون کو انتہائی ہتک آمیز قرار دیا تھا۔
مقدمہ دائر کرنے کے بعد اپنے وکیل کے ہمراہ نیوز کانفرنس کرتے ہوئے شہباز شریف نے کہا تھا کہ یقین ہے کہ ہمیں عدالت سے انصاف ملے گا انھوں نے الزام عائد کیا تھا کہ میرے خلاف یہ آرٹیکل سیاسی مقاصد کے لیے لکھا گیا تھاعمران خان اور شہزاد اکبر کی ہدایت پر جھوٹی خبر شائع کی گئی،عدالت میں حقائق سامنے لا کر دودھ کا دودھ پانی کا پانی کر دیں گے مقدمہ دائر ہونے کے بعد کوئنز بینچ ڈویژن نے اخبار اور صحافی کو نوٹس جاری کیا تھا۔
اسلام آباد ہائی کورٹ میں لانگ مارچ کے تناظر میں پی ٹی آئی رہنما زاہد اکبر کی گرفتاری کے خلاف کیس کی سماعت ہوئی
اسلام آباد ہائی کورٹ نے تھری ایم پی او کے تحت زاہد اکبر کی گرفتاری کالعدم قرار دے دی عدالت نے گرفتار پی ٹی آئی رہنما زاہد اکبر کو رہا کرنے کا حکم دے دیا ،جسٹس محسن اختر کیانی نے محفوظ فیصلہ سنایا عدالت نے آج دلائل سننے کے بعد فیصلہ محفوظ کرلیا تھا ،گرفتار زاہد اکبر کے بیٹے حسام نے والد کی رہائی کی درخواست دائر کر رکھی ہے
قبل ازیں اسلام آباد ہائیکورٹ کے جسٹس محسن اخترکیانی نے پی ٹی آئی کے لانگ مارچ اس کے رہنما زاہد اکبر کی گرفتاری اور سب جیل میں رکھنے کے خلاف کیس کی سماعت کی .چیف کمشنر طلبی کے باوجود عدالت میں پیش نہ ہوئے جب کہ ایڈیشنل ڈپٹی کمشنراسلام آباد عدالت میں پیش ہوئے،دورانِ سماعت جسٹس محسن اختر کیانی نے ریمارکس دیتے ہوئے کہا کہ راستے دھرنے سے بند ہوں یا کنٹینر سے انہیں کھلوانا انتظامیہ کا کام ہے پولیس کی مدعیت میں کیسز بنتے اور چلتے رہتے ہیں حکومتیں چلی جاتی ہیں جب کوئی غیرقانونی اقدام کرے گا تو کارروائی ہوگی
عدالت نے استفسار کیا کہ زاہد اکبرکوکیوں گرفتارکیا گیا اور کیوں سب جیل میں رکھا گیا؟ اس پر پراسیکیوٹر نے کہا کہ انڈسٹریل ایریا کے ایس ایچ او نے رپورٹ دی ہے جس میں کہا گیا ہے کہ مذکورہ شخص نے جلاؤ گھیراؤ کا کہا ہے اس پر جسٹس محسن اختر نے استفسار کیا کہ کیا اسلام آباد میں ایسا کوئی واقعہ ہوا ہے؟ پراسیکیوٹر نے بتایا کہ نہیں سر ابھی اسلام آباد میں کوئی ایسا واقعی نہیں ہوا عدالت نے زاہد اکبرکو حبس بے جا میں رکھنے سے متعلق کیس کا فیصلہ محفوظ کرلیا جو کچھ دیر بعد سناتے ہوئے زاہد اکبرکی گرفتاری کالعدم قراردے کر انہیں رہا کرنے کا حکم دے دیا
لاہور ہائیکورٹ راولپنڈی بنچ میں راولپنڈی کے مختلف مقامات پر تحریک انصاف کے احتجاج راستوں اور تعلیمی اداروں کی بندش کے خلاف دائر درخواست پر سماعت ہوئی،
لاھور ہائیکورٹ راولپنڈی بنچ کے جسٹس مرزا وقاص رؤف نے کیس پر سماعت کی، کمشنر راولپنڈی، ڈی سی راولپنڈی، ایس ایس پی آپریشن عدالت میں پیش ہوئے، دوران سماعت عدالت نے راستوں اور تعلیمی اداروں کی بندش پر سخت برہمی کا اظہار کیا ،عدالت نے کمشنر راولپنڈی سے استفسار کیا کہ آپ راستے بند کرنے والوں کے سہولت کار بنے ہوئے ہیں، تحریری طور پر بیان حلفی جمع کروائیں کہ راستے بند کرنے والوں کے خلاف قانونی کارروائی کرینگے راستے بند کئے گئے آپ نے کارروائی کیوں نہیں کی
دوران سماعت عدالت نے ریمارکس دیتے ہوئے کہا کہ آپ دفاتر میں بیٹھے رہے اور عوام سڑکوں پر خوار ہوتے رہے شہر میں سڑکیں بند رہیں اور انتظامیہ سوتی رہی پی ٹی آئی کے احتجاج کے باعث راستوں کو بند کرنا بنیادی انسانی حقوق کی خلاف روزی ہے عدالت نے آئندہ سماعت پر ذمہ دارران کے خلاف کارروائی اور مکمل رپورٹ جمع کروانے کا حکم دیتے ہوئے سماعت 16 نومبر تک ملتوی کر دی
واضح رہے کہ عمران خان کے لانگ مارچ کے لئے راولپنڈی سمیت کئی شہروں میں پی ٹی آئی نے کیمپ لگائے تھے اور راستے بند کر دیئے تھے، پنڈی میں تین روز تک تعلیمی اداروں میں بھی چھٹی کر دی گئی تھی، ایمبولینس گاڑیوں کو بھی راستہ نہیں دیا جا رہا تھا، دفاتر جانے والوں کو بھی سخت پریشانی کا سامنا تھا، گزشتہ شب عمران خان نے ٹویٹ کرتے ہوئے کارکنان کو راستے کھولنے کا کہا، اس سے قبل راستے بند کئے گئے تھے،
لانگ مارچ،گجرات میں دو جگہ ہو گا استقبال،وزیراعلیٰ پنجاب بھی ہوں گے شریک
باغی ٹی وی کی رپورٹ کے مطابق تحریک انصاف کے لانگ مارچ کے دوسرے مرحلے کا آج دوسرا دن ہے
آج وزیراعلیٰ پنجاب کے شہر گجرات میں مارچ پہنچے گا، گجرات میں لانگ مارچ کے استقبال کی تیاریاں مکمل کی جا چکی ہیں، آزادی مارچ کا چناب پل اور رامتلائی چوک میں استقبال کیا جائے گا مسلم لیگ ق اور پی ٹی آئی کے کارکن الگ الگ مقامات پر لانگ مارچ کا استقبال کریں گے مسلم لیگ ق رامتلائی چوک جبکہ پاکستان تحریک انصاف جی ٹی ایس چوک میں استقبال کریں گے
گجرات میں آج وزیراعلیٰ پنجاب پرویز الہیٰ اور مونس الہیٰ بھی لانگ مارچ میں شریک ہوں گے، ق لیگ آج لانگ مارچ میں اپنی پاور شو کرے گی، لانگ مارچ کی قیادت شاہ محمود قریشی کر رہے ہیں جبکہ عمران خان لانگ مارچ سے ویڈیو لنک کے ذریعے ہی خطاب کریں گے، جی ٹی ایس چوک پر عمران خان کا خطاب ویڈیو لنک کے ذریعے دکھایا جائے گا،
تحریک انصاف کی رہنما مسرت جمشید چیمہ کا کہنا ہے کہ گزشتہ روز حقیقی لانگ مارچ کا وزیرآباد سے دوبارہ آغاز ہوا. عوام نے خوف کے تمام بت توڑتے ہوئے ایک بار پھر مارچ میں بھرپور شرکت کی.عوام کا مطالبہ ہے کہ ذمہ داران کے خلاف فوری FIR درج کی جائے، انہیں عہدوں سے ہٹایا جائے تاکہ معلوم ہو سکے کہ ملک کے خلاف اتنی گھناؤنی سازش کیوں کی گئی؟
لانگ مارچ کی سیکورٹی کے لئے وزیراعلیٰ پنجاب کی ہدایت پر پنجاب پولیس نے بھر پور انتظامات کر رکھے ہیں، لانگ مارچ انتظامیہ کو سکیورٹی ایس او پیز پر ہر صورت عملدر آمد کرنے کی درخواست کی گئی ہیں کنٹینر کے ارد گرد سکیورٹی کا خصوصی حصار بنایا جائے گا۔ کسی بھی غیر متعلقہ شخص یا گاڑی کو کنٹینر کے قریب نہیں آنے دیا جائے گا۔ لانگ مارچ کے روٹس کی عمارتوں پر کمانڈوز تعینات ہونگے۔ لانگ مارچ کی سی سی ٹی کیمروں سے مانیٹرنگ کی جائے گی۔
ترجمان پنجاب پولیس کے مطابق لانگ مارچ میں آنے والے شرکاء کے اسلحہ بردار پرائیویٹ گارڈز کا داخلہ ممنوع، ہوائی فائرنگ پر پابندی ہوگی۔سنٹرل پولیس آفس میں قائم کنٹرول روم سے بھی مانیٹرنگ کا عمل جاری رہے گا اسپیشل برانچ، سی ٹی ڈی اور ضلعی پولیس کو لانگ مارچ کے روٹس پر سرچ اینڈ کومبنگ آپریشنز روانہ کی بنیادوں پر کرنے کی ہدایات کی گئی ہیں، شہریوں کے لیے ٹریفک کی روانی یقینی بنانے کے لیے متبادل روٹس اور اضافی نفری تعینات کی جائے گی۔
لاہور:پاکستان کی سیاست کی موجودہ اور گرم صورت حال کی منظرکشی کرتے ہوئے سنیئرصحافی نے بہت اہم نقات پرتوجہ مبذول کروائی ہے ، ان کا کہنا تھا کہ سیاست کے ساتھ کھیل کے میدان سے بھی بہت گرم گرم خبریں آرہی ہیں
ان کا کہنا تھاکہ خطرناک عزائم رکھنے والا بھارت جو کہ پاکستان کے حوالے سے بہت منفی منصوبہ بندی کرچکا تھا کہ اگرپاکستان ہار گیا تو کس طرح پاکستان کو بدنام کرنا ہے اس کے گلے پڑے گا، ان کا کہنا تھا کہ انگلینڈ نے جس طرح بھارت کو مارا ہے اس طرح امیرغریب کیے پیسے مار جاتے ہیں
پاکستان کی سیاسی صورت حال پر تجزیہ تبصرہ کرتے ہوئے ان کا کہنا تھا کہ کورکمانڈرز کانفرنس ہوئی ہرکوئی ایسے تبصرے کررہا ہےجیسے کہ وہ کورکمانڈرز کانفرنس میں شریک تھا یا کارروائی لکھ رہا تھا ،ان کہنا تھا کہ پہلی بار کسی کورکمانڈرز کانفرنس کا اعلامیہ جاری نہیں کیا گیا، ان کا یہ بھی کہنا تھا کہ جو بھی فیصلے ہوئے وہ ملکی مفاد کے ہوئے
ان کا کہنا تھا کہ کوئی کہہ رہا ہے کہ فلاں جنرل کو پروٹوکول مل گیاہے فلاں کو مل گیا ، بھائی ایسے نہیں ہوتا،فوج میں ایسا کوئی پروٹوکول نہیں ، جس کا نام آخری وقت میں فائنل ہوگا وہی سربراہ ہوگا ہمیں اس قسم کی قیاس آرائیوں سے پرہیز ہی کرنا چاہیے،
لندن میں ہونے والی اہم ملاقاتوں کےبارے میں ان کا کہنا تھا کہ وہاں نئے آرمی چیف کی تقرری سے لیکر سعودی کراون پرنس محمد بن سلمان کے دورے کے حوالے سے بھی مشاورت ہوئی ہے اورساتھ ہی چین کے حوالے سے بھی کچھ معاملات سلجھانے کی کوشش کی گئی ہے، نئے آرمی چیف کی تقرری وزیراعظم کا اختیار ہے اور یہ شہباز شریف ہی کریں گے اور یہ عمران خان نہیں کرپائیں گے
انکا کہنا تھا کہ الیکشن کے حوالے بھی بات چیت ہوئی ہے، اس کے ساتھ ساتھ یہ بھی معلوم ہوا ہے کہ عمران خان اور پرویز الٰہی کے درمیان معاملات کچھ بہتر نہیں عمران خان نے پرویز الٰہی کو اسمبلی توڑنے کا کہا جو کہ پرویز الٰہی نے معذرت کرلی ہے اور کہا کہ اسمبلی نہ توڑیں
ایک اور پہلو پر بات کرتے ہوئے ان کا کہنا تھا کہ نوازشریف پاکستان آتے ہیں یا نہیں اس کے بارے میں کچھ نہیں کہا جاسکتا ، اگروہ پاکستان آتے ہیں تو انکو جیل میں کم ازکم چھ مہینے سے زائد عرصہ گزارنا پڑے گاتب جاکر ن لیگ اپنی بچی کھچی سیاست کو بچا سکتے ہیں ،
اس کے ساتھ ساتھ ان کا کہنا تھا کہ لانگ مارچ کے حوالے سے جو سٹیٹمنٹ جسٹس قاضی فائز عیسیٰ نے دی وہ بہت ہی بڑی ہے ، ان کا کہنا تھا کہ جسٹس قاضی فائز عیسیٰ نے کہا کہ راستے بند کرنے سے اللہ کے رسول صلی اللہ علیہ والہ وسلم نے منع فرمایا تھا ،
جسٹس اطہرمن اللہ کے بارے میں ان کا کہنا تھا کہ وہ ایک ایسے جج ہیں کہ جو کسی نہ کسی طرح اپنے فیصلوں کی وجہ سے ہر وقت توجہ کا مرکز بنے رہتے ہیں آج انہوں نے فواد چوہدری اور آصف علی زراری کی نااہلی کو عدالت کے ذمے لینے سے معذرت کرتے ہوئے کہا کہ یہ فورم کسی کو نااہل کرنے کا نہیں ہے
عمران خان کےبیٹوں کے بارے مں ان کا کہنا تھا کہ وہ عمران خان کی عیادت کرنے پاکستان آئے ہیں لیکن انکے بیٹوں کی آمد پر گھر کا ایک فرد اسلام آباد چلا گیا ہے ، کیوں گیا ہے ، یہ کہا جارہاہے کہ وہ ناراض ہوکرآسلام آباد گئے ہیں
باغی ٹی وی کی رپورٹ کے مطابق تحریک انصاف کے لانگ مارچ سے خطاب کرتے ہوئے عمران خان نے کہا ہے کہ جہاں لانگ مارچ ختم کیا وہیں سے شروع کررہےہیں۔
زمان پارک لاہور میں موجود عمران خان نے مارچ کے شرکاء سے ویڈیو لنک کے ذریعے خطاب کیا، لانگ مارچ کی قیادت شاہ محمود قریشی نے کی،پارٹی کے دیگر رہنما بھی ہمراہ تھے، عمران خان نے مارچ کے شرکاء سے خطاب میں کہا کہ فرانزک رپورٹ سے پتہ چل گیا ہے کہ فائرنگ کرنے والے 2 افراد تھے، جنگل کا قانون ہو اور کہیں خوشحال پاکستان بن جائے گاایسا صرف خواب میں ہوسکتی ہیں میں پاکستان کا سابق وزیر اعظم اور سب سے بڑی پارٹی کا سربراہ ہوں مگر میرا ایف ائی ار درج نہیں ہوتا پاکستان بنانا ریپبلک بننے جارہاہے،ہماری پنجاب میں حکومت ہے لیکن پولیس کنٹرول کہیں اور سے ہو رہی ہے، ہم بنانا ریبلک بننے جارہے ہیں، چیف جسٹس صاحب میں چاہتا ہوں آپ ایکشن لیں، میں ایف آئی آر درج نہیں کراسکتا، عدل وانصاف لوگوں کو طاقت دیتا ہے ،
عمران خان نے مارچ کے شرکاء سے خطاب میں کہا کہ مجھے اپنی سیاست چمکانے کیلئے کسی پر الزامات لگانے کی ضرورت نہیں،یہ ملک کے مستقبل کی جنگ ہے،یہ جنگ قوم نے جیتنی ہے، پاکستان کی تاریخ میں سب سے زیادہ مقبول ہونے والی پارٹی تحریک انصاف ہے، وکلا بھی قانون کی بالادستی کے لیے ہمارے ساتھ ہیں،امید کرتاہوں کہ وکلا قانون کی بالادستی کے لیے اپنا کردار ادا کریں گے،آزادی کوئی پلیٹ میں نہیں دیتا،آزادی کیلئے لڑنا پڑتا ہے،مارچ راولپنڈی پہنچے گا تو خود جوائن کروں گا،پوری قوم کو لانگ مارچ میں شرکت کی دعوت دیتا ہوں،
لانگ مارچ انتظامیہ کو سکیورٹی ایس او پیز پر ہر صورت عملدر آمد کرنے کی درخواست کی گئی ہیں کنٹینر کے ارد گرد سکیورٹی کا خصوصی حصار بنایا جائے گا۔ کسی بھی غیر متعلقہ شخص یا گاڑی کو کنٹینر کے قریب نہیں آنے دیا جائے گا۔ لانگ مارچ کے روٹس کی عمارتوں پر کمانڈوز تعینات ہونگے۔ لانگ مارچ کی سی سی ٹی کیمروں سے مانیٹرنگ کی جائے گی۔
ترجمان پنجاب پولیس کے مطابق لانگ مارچ میں آنے والے شرکاء کے اسلحہ بردار پرائیویٹ گارڈز کا داخلہ ممنوع، ہوائی فائرنگ پر پابندی ہوگی۔سنٹرل پولیس آفس میں قائم کنٹرول روم سے بھی مانیٹرنگ کا عمل جاری رہے گا اسپیشل برانچ، سی ٹی ڈی اور ضلعی پولیس کو لانگ مارچ کے روٹس پر سرچ اینڈ کومبنگ آپریشنز روانہ کی بنیادوں پر کرنے کی ہدایات کی گئی ہیں، شہریوں کے لیے ٹریفک کی روانی یقینی بنانے کے لیے متبادل روٹس اور اضافی نفری تعینات کی جائے گی۔
آرمی چیف جنرل قمر جاوید باجوہ نے مختلف فارمیشنز کے الوداعی دوروں کے ایک حصے کے طور پر سیالکوٹ اور منگلا گیریژن کا دورہ کیا۔
ڈی جی آئی ایس پی آر کے مطابق آرمی چیف جنرل قمر جاوید باجوہ نے دونوں مقامات پر افسران اور جوانوں سے ملاقات کی اور فوجیوں سے خطاب کیا۔ ڈی جی آئی ایس پی آر کے مطابق آرمی چیف جنرل قمر جاوید باجوہ نے مختلف آپریشنز، تربیت اور قدرتی آفات کے دوران بہترین کارکردگی پر فارمیشنز کو سراہا۔ آرمی چیف جنرل قمر جاوید باجوہ نے فوجیوں کو مشورہ دیا کہ وہ حالات جیسے بھی ہوں اسی جذبے اور عزم کے ساتھ قوم کی خدمت کرتے رہیں۔
قبل ازیں سیالکوٹ پہنچنے پر آرمی چیف جنرل قمر جاوید باجوہ کا استقبال لیفٹیننٹ جنرل محمد عامر اور لیفٹیننٹ جنرل ایمن بلال صفدر نے منگلا گیریژن پر کیا۔
عمران خان مشکل میں پھنس گئے، بغاوت کا مقدمہ درج کرنے کی درخواست
سابق وزیراعظم عمران خان کے خلاف بغاوت کا مقدمہ درج کرنے کی درخواست جمع کروائی گئی ہے
درخواست وفاقی دارالحکومت اسلام آباد کے تھانے میں جمع کروائی گئی ہے، درخواست میں کہا گیا ہے کہ عمران خان و دیگر کے خلاف زیر دفعات 120بی، 124اے، 506، 34/109 ت پ کے تحت اندراج مقدمہ کیا جائے ،چیئرمین تحریک انصاف عمران خان نے پاکستانی عوام میں پاک فوج اور حکومت پاکستان کے خلاف نفرت اور دشمنی پیدا کرنے کی بھرپور کوشش کی عمران نیازی نے اپنے ساتھیوں کے ہمراہ منصوبہ بندی کے تحت پاکستانی عوام کو حکومت اور فوج کے خلاف بغاوت پر اکسایا میڈیا سے گفتگو میں عمران نیازی نے حکومت اور قومی اداروں پر سنگین الزامات عائد کیے، وزیرآباد واقعہ کے بعد عمران خان نے شوکت خانم میں میڈیا سے بات چیت کی اور اداروں پر تنقید کی، عمران خان کے بیانات پر مقدمہ درج کیا جائے،
دوسری جانب عمران خان پر بغاوت کا مقدمہ درج کرنے کے حوالہ سے مشاورت جاری ہے،عمران خان کی جانب سے دیئے گئے بیانات پر اہم فیصلہ ہو گا
