Baaghi TV

Category: اہم خبریں

  • مصطفیٰ نواز کھوکھر نے سینیٹ سے استعفیٰ دے دیا۔

    مصطفیٰ نواز کھوکھر نے سینیٹ سے استعفیٰ دے دیا۔

    اسلام آباد:مصطفیٰ نواز کھوکھر نے سینیٹ سے استعفیٰ دے دیا۔اطلاعات کے مطابق اسلام آباد سے پاکستان پیپلزپارٹی کے سینیٹر حاجی مصطفیٰ کھوکھر نے پی ٹی آئی سینیٹر اعظم سواتی کے حوالے سے ان کے موقف کی حمایت کی تھی جس پر پارٹی نے استعفیٰ دینے کا مطالبہ کیا تھا

    پی پی پی کے سینیٹر مصطفی نواز کھوکھر نے منگل کو کہا کہ وہ "خوشی سے” پارلیمنٹ کے ایوان بالا سے استعفیٰ دینے پر راضی ہوگئے ہیں جب پارٹی کے ایک سینئر رہنما نے اپنے "سیاسی عہدوں” سے قیادت کی ناخوشی کا اظہار کیا تھا۔

    آج پارٹی کے ایک سینئر لیڈر سے ملاقات کی۔ انہوں نے بتایا کہ پارٹی قیادت میرے سیاسی عہدوں سے خوش نہیں اور سینیٹ سے میرا استعفیٰ چاہتی ہے۔ میں خوشی سے استعفیٰ دینے پر راضی ہو گیا،‘‘ انہوں نے ٹوئٹر پر اعلان کیا۔

     

    انہوں نے مزید کہا کہ ایک سیاسی کارکن کی حیثیت سے وہ عوامی مفاد کے معاملات پر اپنی رائے کا اظہار کرنے کا حق رکھتے ہیں۔

    انہوں نے کہا کہ سندھ سے سینیٹ کی نشست دینے پر پارٹی قیادت کا شکر گزار ہوں۔ اختلافات کو ایک طرف رکھتے ہوئے، یہ ان کے ساتھ ایک شاندار سفر رہا ہے اور ان کے لیے نیک خواہشات کا اظہار کرتے ہیں،‘‘

    انہوں نے مزید کہا کہ وہ کل ذاتی طور پر چیئرمین سینیٹ صادق سنجرانی کو استعفیٰ پیش کریں گے۔

  • صوبائی حکومتیں اپنی آئینی اور قانونی ذمہ داری کو پورا کریں،وفاقی وزیر داخلہ

    صوبائی حکومتیں اپنی آئینی اور قانونی ذمہ داری کو پورا کریں،وفاقی وزیر داخلہ

    باغی ٹی وی کی رپورٹ کے مطابق وفاقی وزیر داخلہ رانا ثناء اللہ نے کہا ہے کہ پی ٹی آئی رہنما سڑک بند کر کے، ٹائر جلا کر ویڈیو بنا کر اپنی قیادت کو بھیجتے ہیں،

    میڈیا سے گفتگو کرتے ہوئے وفاقی وزیر داخلہ رانا ثناء اللہ کا کہنا تھا کہ مٹھی بھر لوگ گاڑی میں آتے ہیں اور ٹائر جلا کر آگ لگاتے ہیں،آمدورفت کے راستے کھلے رکھنا صوبائی حکومتوں کا کام ہے،چند فسادی لوگوں کی وجہ سے کروڑوں لوگ پریشانی کاشکار ہیں،صوبائی حکومتیں اپنی آئینی اور قانونی ذمہ داری کو پورا کریں،پی ٹی آئی والے احتجاج کرکے عام شہری کو تکلیف پہنچا رہے ہیں،عدالت عالیہ سے اپیل ہے کہ اس کا نوٹس لیں،عام آدمی کو تکلیف پہنچانے کی کوشش ملک دشمن ایجنڈا ہے،مٹھی بھر لوگوں کی حفاظت نہ کریں انہیں بھگائیں وہاں سے،وفاقی حکومت اوراتحادی قائدین کی جانب سے عوام سے معذرت خواہ ہوں، ان فسادیوں کو خبردار کرتا ہوں کہ عوامی جذبات کی رپورٹس پہنچ رہی ہیں، رد عمل آئے گا، ایسا نہ ہو پولیس ان کی حفاظت کر رہی ہے، وہ نہ کر پائے،آج یہ صورتحال پیدا ہوئی ہے، کل یہ10،15 جگہوں پر ہوگی، ہوش کے ناخن لیں، عمران نیازی نے سینئر صحافیوں سے جو بات منسوب کی وہ قابل مذمت ہے،

    وزیر داخلہ رانا ثناء اللہ کا مزید کہنا تھا کہ وزیر آباد کے واقعہ کا جو ملزم نوید ہے، وہی ملزم ہے، تمام تفتیش  آگے بڑھ رہی ہے،ملزم نوید کا کسی سیاسی اور مذہبی گروہ سے کوئی تعلق نہیں، وزیراعظم نے سپریم کورٹ کو کمیشن کی تشکیل کیلئے خط لکھ دیا ہے،عمران خان میں اتنی ہمت نہیں کہ اپنی جھوٹی ایف آئی آر درج کرواسکے اور کیا کرے گا،اب تک کی جو چیز سامنے آئی ہے، یہ احتجاج نہیں دو صوبائی حکومتیں وفاق پر حملہ آور ہیں، یہ دونوں صوبائی حکومتیں احتجاج کروا رہی ہیں،

    تحریک انصاف کا احتجاج، راستے بند، شہریوں کی زندگی اجیرن

    ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟

     عمران خان کو پتہ تھا کہ انہیں ہٹانے کی منصوبہ بندی جاری ہے،

    شوکت خانم میں عمران خان کا علاج جاری ہے،میڈیکل رپورٹس تسلی بخش قرار دے دی 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

    پاکستان کو ایک مرتبہ پھر انتہا پسندی اور مذہبی جنونیت کا سامنا 

  • عمران خان پر مبینہ قاتلانہ حملے کے مقدمے میں اہم پیش رفت

    عمران خان پر مبینہ قاتلانہ حملے کے مقدمے میں اہم پیش رفت

    عمران خان پر مبینہ قاتلانہ حملے کے مقدمے میں اہم پیش رفت سامنے آئی ہے

    پراسکیوشن نے مقدمے کی تفتیش میں معاونت کیلئے 3 رکنی کمیٹی قائم کردی پراسکیوشن کی کمیٹی جے آئی ٹی اور تفتیشی افسر کو شواہد جمع کرنے کے حوالے سے معاونت کرے گی 3 رکنی کمیٹی انسداد دہشت گردی عدالت گوجرانوالہ میں پیش ہو گی کمیٹی ملزمان کے ریمانڈ پر سرکار کے موقف کی تائید کرے گی کمیٹی کی سربراہی ڈپٹی پراسکیوٹر جنرل پنجاب اصغر علی کریں گے کمیٹی میں رانا سلطان اور زاہد سرفراز شامل ہیں

    عمران خان سمیت تحریک انصاف کی قیادت کے توقعات کے برعکس مقدمہ درج کیا گیا، وزیراعلیٰ پنجاب چودھری پرویز الہیٰ نے عمران خان کو دھمکی دی تھی کہ اگر عمران خان مرضی کا مقدمہ کروانا چاہتے ہیں تو وہ استعفیٰ دے دیں گے، رات گئے واقعہ کا مقدمہ سپریم کورٹ کے حکم کے بعد درج کیا گیا، آئی جی پنجاب نے مقدمہ درج ہونے کے بعد رپورٹ سپریم کورٹ میں جمع کروا دی ہے

    پی ٹی آئی کے دروازے تمام جمہوریت پسند قوتوں کیلئے کھلے ہیں ،عمران خان
    سماجی رابطے کی ویب سائٹ ٹویٹر پر ٹویٹ کرتے ہوئے عمران خان نے کہا ہے کہ آج قوم بیدار اور سمجھ چکی ہے،ہمارا پرامن احتجاج اور مذاکرات صرف پاکستان کی حقیقی آزادی کے لیے ہیں، حقیقی آزادی ہمارا مقصد ہے ، قصد کے قریب ہوں تو کوئی خوف یا موت کا خطرہ جدوجہد روک نہیں سکتا، عمران خان نے ایف آئی آر کے معاملے پر وکلا کو عدالت سے رجوع کی ہدایت کی اور کہا کہ ایف آئی آر پر میرے وکیل میرا موقف پیش کریں گے ،میں نے ساری زندگی ملک کو خوشحال فلاحی ریاست بنانے کا خواب دیکھا،میری جدوجہد اس خواب کو قوم کیلئے حقیقت بنانے میں گزری ،پاکستان کے مستقبل کیلئے پی ٹی آئی کے دروازے تمام جمہوریت پسند قوتوں کیلئے کھلے ہیں ،جمہوریت پسند قوتیں آزادی، قانون کی بالادستی کیلئے ہمارا ساتھ دیں،

    واضح رہے کہ عمران خان پر مبینہ حملے کا مقدمہ گزشتہ روز درج کیا گیا، مقدمہ پولیس کی مدعیت میں درج کیا گیا، تھانہ وزیر آباد میں عمران خان پر مبینہ حملے کا مقدمہ سب انسپکٹر عامر شہزاد کی مدعیت میں درج کیا گیا،مقدمے میں 302، 224، 440 سمیت دہشت گردی کی دفعات شامل ہیں اور ایف آئی آر کا نمبر 691/22 درج ہے ایف آئی آر کے متن کے مطابق فائرنگ کنٹینرکے بائیں جانب سے کی گئی، نوید ولد بشیرکوفائرنگ کا ملزم نامزدکیا گیا ہے چیئرمین پی ٹی آئی عمران خان دیگر قائدین کے ساتھ کنٹینرپراللہ والاچوک سے وزیرآباد آرہے تھے تقریباً شام 4 بجےکے قریب ملزم نوید نے کنٹینر کے بائیں جانب سے پستول سے فائرنگ کر دی فائرنگ سے جلوس میں شامل معظم گولی لگنے سے دم توڑگیا، کنٹینر پر سوار چیئرمن پی ٹی آئی عمران خان زخمی ہوئے ایف آئی آر میں محمد احمد چٹھہ، حمزہ الطاف سمیت 11 معلوم اور کچھ نامعلوم زخمیوں کا ذکر ہے۔ ایف آئی آر کے متن میں کہا گیا ہے کہ جلوس میں شامل ایک کارکن حسن ابتسام نے فائرنگ کرنے والے کو پکڑنے کی کوشش کی اس کی وجہ سے فائرنگ کرنے والا مزید فائرنگ نہ کر سکا .چیئرمین تحریک انصاف عمران خان بعد از طبی امداد لاہور روانہ ہو گئے

    تحریک انصاف کا احتجاج، راستے بند، شہریوں کی زندگی اجیرن

    ویڈیو:عمران خان پر حملہ کرنیوالا ملزم گرفتار،عمران خان کیسے آئے باہر؟

     عمران خان کو پتہ تھا کہ انہیں ہٹانے کی منصوبہ بندی جاری ہے،

    شوکت خانم میں عمران خان کا علاج جاری ہے،میڈیکل رپورٹس تسلی بخش قرار دے دی 

    شوکت خانم کے باہر سے مشکوک شخص گرفتار

    جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

    پاکستان کو ایک مرتبہ پھر انتہا پسندی اور مذہبی جنونیت کا سامنا 

  • سیکورٹی فورسز کا آپریشن، دہشتگرد کمانڈر جہنم واصل،پاک فوج کا جوان شہید

    سیکورٹی فورسز کا آپریشن، دہشتگرد کمانڈر جہنم واصل،پاک فوج کا جوان شہید

    ضلع خیبر کے علاقے شکاس میں سیکیورٹی فورسز نے آپریشن کیا ہے

    ڈی جی آئی ایس پی آر کے مطابق آپریشن کے دوران فورسز اور دہشت گردوں کے درمیان فائرنگ کاتبادلہ ہوا فائرنگ کے تبادلے میں اہم دہشت گرد کمانڈر لیاقت علی عرف شاہین ہلاک ہو گیا ہلاک دہشت گرد کے بارے میں پروپیگنڈہ کیا جارہا تھا کہ وہ لاپتہ ہے، آپریشن کے دوران ہلاک دہشت گرد سے بھاری مقدار میں اسلحہ وگولہ بارود برآمد کیا گیا دہشت گرد سیکیورٹی فورسز پر حملوں ، ٹارگٹ کلنگ اور بھتہ خوری میں ملوث تھا،

    ڈی جی آئی ایس پی آر کے مطابق فائرنگ کے تبادلے میں ایک سپاہی سلیم خان وطن پر قربان ہوگیا،شہید سپاہی سلیم خان کا تعلق صوابی کے علاقے ٹوپی سے تھا،شہید ہونیوالے سپاہی کی عمر 28 برس تھی، ڈی جی آئی ایس پی آر کے مطابق علاقے میں سرچ آپریشن جاری ہے تا کہ علاقے میں پائے جانے والے دیگر دہشت گردوں کو ختم کیا جا سکے۔

    ڈی جی آئی ایس پی آر کے مطابق پاک فوج دہشت گردی کی لعنت کو ختم کرنے کے لیے پرعزم ہے اور ہمارے بہادر جوانوں کی ایسی قربانیاں ہمارے عزم کو مزید مضبوط کرتی ہیں۔

    عدالت جاتے ہوئے بھی عمران خان پولیس والے ساتھ لے کر جاتے ہیں، آئی جی اسلام آباد

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    وزیراعلیٰ پنجاب کا عمران خان کو "خوش” کرنے کا ایک اور "پروگرام”

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

  • نیب نے عمران خان کے خلاف توشہ خانہ کیس کی تحقیقات شروع کردیں

    نیب نے عمران خان کے خلاف توشہ خانہ کیس کی تحقیقات شروع کردیں

    نیب نے عمران خان کے خلاف توشہ خانہ کیس کی تحقیقات شروع کردیں

    نیب نے کابینہ ڈویژن اور سرکاری توشہ خان سے عمران خان کے تحائف کا ریکارڈ حاصل کرلیا ،عمران خان کا توشہ خانہ تحائف لیتے ہوئے اشیاکے کم ریٹ لگائے جانے کا انکشاف سامنے آیا، نیب ذرائع کے مطابق توشہ خانہ سے لی گئی 3 گھڑیوں کی خریداری میں اپریزر رپورٹ بھی مشکوک قرار ہے،عمران خان کی جانب سے 3 قیمتی گھڑیوں ،گراف اور رولیکس کی انڈر انوائسنگ کا انکشاف ہوا ہے، تحائف کیلئے عمران خان کا رقوم کی ادائیگی بھی کسی اور کے اکاونٹ سے کرنے کا انکشاف ہوا ہے،

    واضح رہے کہ توشہ خانہ کیس میں الیکشن کمیشن عمران خان کو نااہل کر چکا ہے،اب نیب نے بھی تحقیقات شروع کر دی ہیں، نیب نے توشہ خانہ کے حوالہ سے سابق وزیراعظم نواز شریف، سابق صدر آصف زرداری، سید یوسف رضا گیلانی کے خلاف بھی تحقیقات کی تھیں،الیکشن کمیشن نے چیئرمین پی ٹی آئی عمران خان کو 63 ون کے تحت نااہل قراردیا تھا،الیکشن کمیشن کی جانب سے کہا گیا کہ عمران خان کی نااہلی 5 رکنی کمیشن کا متفقہ فیصلہ ہے چیئرمین پی ٹی آئی عمران خان نے غلط گوشوارے جمع کروائے

    جھوٹ پھیلانے والا رنگے ہاتھوں پکڑا گیا ،عمران خان کی نااہلی پر بلاول کا ردعمل

    ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

    ،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

    اکبر ایس بابر سچا اور عمران خان جھوٹا ثابت ہوگیا،چوھدری شجاعت

    عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

  • امریکی ٹی وی کو انٹرویو،میزبا ن کا باربار سوال ،عمران خان حملے کا الزام لگانیوالوں کیخلاف ثبوت دینےسےقاصر

    امریکی ٹی وی کو انٹرویو،میزبا ن کا باربار سوال ،عمران خان حملے کا الزام لگانیوالوں کیخلاف ثبوت دینےسےقاصر

    مجھے تین گولیاں لگیں، عمران خان چار سے تین گولیوں پر آ گئے

    لاہور: عمران خان قاتلانہ حملے میں مورد الزام ٹھہرانے والوں کیخلاف ثبوت دینے سے قاصر ہیں۔

    باغی ٹی وی : امریکی ٹی وی سی این این کو دیئے گئے انٹرویو میں سابق عمران خان نے کہا کہ گزشتہ ہفتے گولی لگنے سے ان کی دائیں ٹانگ سے تین گولیاں لگیں جس سے وہ زخمی ہو گئے، انہیں معمول کی سرگرمی دوبارہ شروع کرنے میں چار سے چھ ہفتے لگیں گے۔

    حکومت تحفظ فراہم کرے،عمران خان کے حوالے سے جاری تھریٹ الرٹ میں نامزد…


    زمان پارک، لاہور میں اپنی رہائش گاہ سے بات کرتے ہوئے، عمران خان نے انٹرویو دیتے ہوئے کہا کہ انہیں خفیہ ایجنسیوں کے اندر سے اطلاع ملی تھی کہ گزشتہ ہفتے گولی لگنے سے وہ زخمی ہو جائیں گے۔

    صحافی کی جانب سے پوچھے گئے سوال پر کہ انہیں اس واقعے کے بارے میں کیا معلومات اور کس کے ذریعے دی گئی ہیں، جس پر عمران خان نے کہا کہ یاد رکھیں، میں ساڑھے تین سال اقتدار میں تھا۔ میرے انٹیلی جنس ایجنسیوں سے رابطے ہیں، مختلف ایجنسیاں جو کام کرتی ہیں۔ مجھے معلومات کیسے ملی؟ انٹیلی جنس ایجنسیوں کے اندر سے۔ کیوں؟ کیونکہ اس ملک میں جو کچھ ہو رہا ہے اس سے زیادہ تر لوگ پریشان ہیں۔

    سال 2022 کا آخری چاند گرہن کل ہوگا

    امریکی ٹی وی کی میزبان بار بار پوچھتی رہی آپ حملے میں تین افراد کے نام لے کر سنگین الزامات لگا رہے ہیں اس کے شواہد کیا ہیں؟اس پر چیئرمین پی ٹی آئی واقعات کا پس منظر بتاتے رہے اینکر نے کہا کہ پس منظر تو معلوم ہے، بڑے احترام سے آپ سے الزامات کے شواہد کا پوچھا ہے۔


    بار بار اصرار پر بھی عمران خان شواہد پیش نہ کر سکے اور بولے دائیں ٹانگ سے تین گولیاں نکال لی گئی ہیں جب کہ بائیں ٹانگ میں گولی کے ٹکڑے اندر چھوڑ دیے گئے، معمول کی سرگرمیاں بحال ہونے میں 4 سے 6 ہفتے لگیں گے۔

    لانگ مارچ کی تاریخ ایک دن میں دوسری بار تبدیل، جمعرات کو شروع کرنیکا اعلان

    سی این این کو دیئے گئے انٹرویو کے بعد عمران خان کا جھوٹ ایک بار پھر نے نقاب ہو چکا ہے۔ عمران خان نے حملے کے بعد شوکت خانم مین پہلی پریس کانفرنس میں کہا تھا کہ انہیں چار گولیاں لگیں اب سی این این کو انٹرویو میں کہا کہ تین گولیاں لگیں۔ عمران خان کا سرکاری ہسپتال سے میڈیکل نہیں کروایا گیا تا کہ گولیوں کا سچ سامنے نہ آ جائے تحریک انصاف کے رہنما بھی عمران خان کو گولیاں یا ذرات لگنے کے حوالہ سے متضاد دعوے کرتے ریے کوئی ایک کوئی دو کوئی تین کہتا رہا اب عمران خان بھی چار سے تین گولیوں پر آ گئے ہیں ۔ امید ہے اگلےکسی انٹرویو میں وہ مزید سچائی کے قریب آئیں گے۔

    تحریک انصاف وزیر آباد واقعہ کے بعد احتجاج کر رہی ہے لیکن سچ کو سامنے نہیں لایا جا رہا احتجاج میں بھی توڑ پھوڑ کر کے ملکی املاک کو نقصان پہنچایا جا رہا ہے اور جو صحافی سچ رپورٹ کرتا ہے اسکو عمران خان لفافہ صحافی کہتے ہیں کیونکہ اسے سچائی برداشت نہیں عمران خان وہ سننا چاہتے ہیں جو اسکی خواہش کے مطابق خبر دے لیکن ایسا ممکن نہیں ۔ سچائی سامنے آ کر ہی رہتی ہے –

  • مصر میں وزیراعظم کی شہزادہ محمد بن سلمان سے ملاقات

    مصر میں وزیراعظم کی شہزادہ محمد بن سلمان سے ملاقات

    مصر کے شہر شرم الشیخ میں وزیراعظم شہباز شریف کی سعودی ولی عہد شہزادہ محمد بن سلمان سے ملاقات ہوئی –

    باغی ٹی وی : سعودی وزارت خارجہ کی جانب سے جاری بیان کے مطابق دونوں رہنماؤں کی ملاقات میں مختلف شعبوں میں پاک سعودی تعاون کے مختلف پہلوؤں پر تبادلہ خیال ہوا شہباز شریف اور سعودی ولی عہد میں ماحولیاتی تبدیلی سے مقابلےکے لیےکوششوں پر بھی گفتگو کی گئی۔

    پاکستان کوقرضوں میں ریلیف اتنا نہیں ملاجتناملنا چاہیے تھا،انتونیو گوتریس


    ملاقات میں سعودی وزیر خارجہ ، پاکستانی وزیر خارجہ بلاول بھٹو زرداری اور وزیراطلاعات مریم اورنگزیب بھی موجود تھیں۔

    دوسری جانب سفارتی ذرائع کے مطابق محمد بن سلمان کا نومبر کے تیسرے ہفتے میں دورہ پاکستان متوقع ہے، ان کے 21 نومبر کو دورہ پاکستان کا امکان ہے رواں ہفتے کے آخر میں سعودی خصوصی سکیورٹی ٹیم پاکستان پہنچے گی اور سکیورٹی انتظامات کا حتمی جائزہ لے گی۔

    سفارتی ذرائع کا کہنا ہے کہ ولی عہد کے دورے میں پاکستان کو 4.2 ارب ڈالرز اضافی بیل آؤٹ پیکج ملنےکی توقع ہے، دورے میں سعودی عرب کی پاکستان میں مضبوط سرمایہ کاری متوقع ہے اور متعدد پاک سعودی پیٹرولیم معاہدوں کو آخری شکل دی جا رہی ہے۔

    واضح رہے کہ وزیرا‏عظم سے مختلف ملکوں اور اداروں کے سربراہوں نے ملاقات کی شہباز شریف سے اسپین، نائیجر،ایسٹونیا، کویت ، بحرین ، تاجکستان ، عراق ، انڈونیشیا اور لبنان کے قائدین نے الگ الگ ملاقات کی ان کے علاوہ کمشنریورپی یونین اور عرب لیگ کے سیکرٹری جنرل سمیت آئی ایم ایف کی ایم ڈی کرسٹالینا جورجیوا سے بھی وزیراعظم کی ملاقات ہوئی۔

    کانفرنس میں غیر ملکی رہنماؤں نے پاکستان میں سیلاب سے ہونے والی تباہ کاریوں اور جانی نقصانات پر افسوس کا اظہار کیا وزیراعظم شہباز شریف کا کہنا تھا کہ موسمیاتی تبدیلیوں سے پوری دنیا متاثر ہو رہی ہے، اجتماعی کوششیں لازم ہیں۔

    وزیراعظم نے متاثرین سیلاب کی امداد پر عالمی برادری کا شکریہ ادا کیا، کانفرنس میں شہباز شریف کی عالمی رہنماؤں سے ملاقاتوں میں دوطرفہ، علاقائی اور عالمی امور پر تبادلہ خیال کیا گیا۔

    مصر میں وزیراعظم اور یورپی یونین کے صدرکی ملاقات

  • عمران خان پرقاتلانہ حملےکا مقدمہ تھانہ سٹی وزیرآباد میں درج

    عمران خان پرقاتلانہ حملےکا مقدمہ تھانہ سٹی وزیرآباد میں درج

    عمران خان پرقاتلانہ حملےکا مقدمہ تھانہ سٹی وزیرآباد میں درج کرلیا گیا ،مقدمہ گرفتار ملزم نوید اور دو نامعلوم افراد کے خلاف درج کیا گیا-

    باغی ٹی وی : ذرائع کا کہنا ہے کہ مقدمہ قتل، اقدام قتل ، دہشت گردی سمیت دیگر دفعات کے تحت درج کیاگیا ہے، مقدمے میں موقع سے گرفتار ملزم نوید کو باقاعدہ نامزد کیا گیا ہے ، مقدمے میں عمران خان کے نامزد کردہ کوئی نام نہیں ہیں-

    پرویز الہی کی عمران خان کو وزارت اعلی سے مستعفٰی ہونے کی دھمکی

    پولیس ذرائع کا کہنا ہے کہ ایف آئی آر کو کل سپریم کورٹ میں پیش کیاجائےگا سپریم کورٹ میں پیش کرنے کے بعد ایف آئی آر کو عام کیا جائے گا۔

    خیال رہے کہ آج دوران سماعت سپریم کورٹ آف پاکستان نے عمران خان پرقاتلانہ حملے کی ایف آئی آر درج کرنےکی ہدایت دی تھی۔

    یاد رہے کہ چیئرمین تحریک انصاف عمران خان 3 نومبر کو وزیر آباد میں لانگ مارچ کے دوران ہونے والے قاتلانہ حملے میں زخمی ہوئے تھے۔چیف جسٹس نے ریمارکس دیے تھے کہ جمعرات کو بہت افسوسناک واقعہ پیش آیا، کیا واقعے کا مقدمہ درج ہو چکا ہے؟سلمان اکرم راجہ نے بتایا تھا کہ ایف آئی آر کے اندراج سے متعلق زیادہ نہیں جانتا، ایف آئی آردرج کرانے کی کوشش کی گئی تھی، شاید اب تک درج نہیں ہوئی۔

    حکومت تحفظ فراہم کرے،عمران خان کے حوالے سے جاری تھریٹ الرٹ میں نامزد "کوچی”کا بیان سامنے…

    جسٹس عمر عطا بندیال کا کہنا تھا ایف آئی آر نہ ہونے کا مطلب ہے اب تک پولیس تحقیقات شروع نہیں ہوئیں، پولیس نے تحقیقات نہیں کیں تو ممکن ہے جائے وقوعہ سے شواہد مٹا دیے گئے ہوں، اس طرح کیس کے ثبوت متنازع اور بعد میں عدالت میں ناقابل قبول ہوں گے کرمنل جسٹس سسٹم کے تحت پولیس خود ایف آئی آر درج کر سکتی ہے، 90 گھنٹے سے زائد کا وقت گزر گیا اور ابھی تک ایف آئی آر ہی درج نہیں ہوئی جس پر آئی جی پنجاب نے بتایا کہ حکومت پنجاب نے ایف آئی آر درج کرنے سے منع کیا ہے۔

    چیف جسٹس پاکستان جسٹس عمر عطا بندیال نے آئی جی پنجاب فیصل شاہکار کو 24 گھنٹوں میں حملے کی ایف آئی آر درج کرنے کا حکم دیتے ہوئے کہا تھا کہ اگر مقدمہ درج نہ ہوا سو موٹو نوٹس لیں گے۔

    احتجاج کے دوران میڈیا کارکن بھی پی ٹی آئی کارکنان سے محفوظ نہ رہے

  • مصر میں وزیراعظم اور یورپی یونین کے صدرکی ملاقات

    مصر میں وزیراعظم اور یورپی یونین کے صدرکی ملاقات

    مصر: وزیر اعظم شہباز شریف کی مصرکے شہر شرم الشیخ میں یورپی یونین کے صدر چارلس مائیکل سے ملاقات ہوئی-

    باغی ٹی وی : چارلس مائیکل نے پاکستان میں سیلاب سے ہونے والے نقصانات اور قیمتی انسانی جانوں کے ضیاع پر افسوس کا اظہار کیا، وزیراعظم شہباز شریف نے سیلاب متاثرین کی مدد کے لئے یورپی یونین کے احساس اور امداد کو سراہا

    ملاقات میں دونوں رہنماؤں میں اتفاق ہوا کہ دہشت گردی کے خلاف جنگ کی طرح موسمیاتی تبدیلیوں کے خلاف عالمی اتحاد درکار ہے موسمیاتی تبدیلیوں کے تباہ کن اثرات تمام ممالک کے اتحاد کے متقاضی ہیں –

    وزیراعظم شہباز شریف نے کہا کہ دہشت گردی کے خلاف جنگ کی طرح موسمیاتی تبدیلیوں کے خلاف عالمی اتحاد درکار ہے فیٹف کی گرے لسٹ سے پاکستان کے نکلنے میں یورپی یونین کے تعاون کو سراہتے ہیں،پاکستان اور یورپی یونین میں کثیرالجہتی تعاون کے فروغ کے خواہاں ہیں-

    وزیراعظم نے کہا کہ یورپی یونین اور پاکستان کی شراکت داری اور دوطرفہ تعاون ماضی میں مشترکہ مفادات کے حصول کا اہم ذریعہ رہا ہے ماضی کے اعتماد اور تعاون کو مزید وسعت دینے کے خواہشمند اور منتظر ہیں موسمیاتی تبدیلیوں کے اثرات کا مقابلہ کرنے کے لئے یورپی یونین کی کوششیں قابل قدر ہیں-

    دونوں ر ہنماؤں نے باہمی دلچسپی کے امور پر قریبی رابطے میں رہنے پر اتفاق کیا-


    علاوہ ازیں وزیراعظم شہباز شریف اور متحدہ عرب امارات کے صدر محمد بن زاید آل نہیان کی مصر میں کاپ 27 سربراہی اجلاس کے موقع پر ملاقات ہوئی وزیراعظم شہباز شریف نے سیلاب متاثرین کی فراخ دلانہ امداد پر یو اے ای کی قیادت اور عوام کا شکریہ ادا کیا –


    علاوہ ازیں وزیراعظم نے تاجکستان کے صدر امام علی رحمن سے ملاقات کی ملاقات میں موسمیاتی تبدیلی کے تباہ کن اثرات پر تبادلہ خیال کیا گیا، اس دوران تاجک صدر نے وزیراعظم سے کہا کہ رواں سال دسمبر میں پاکستان آؤں گا۔

    انڈونیشیا کے صدر جوکو ویدودو سے ملاقات کی وزیراعظم نے انڈونیشیا کے صدر کا خورنی تیل کے جہازوں کی فوری ترسیل پر شکریہ ادا کیا-


    وزیراعظم شہباز شریف نے عرب لیگ کے سیکریٹری جنرل احمد ابوالغیط سے بھی ملاقات کی وزیر اعظم اور عرب لیگ کے سیکریٹری جنرل کی دوطرفہ اور باہمی دلچسپی کے امور پر تبادلہ خیال کیا گیا موسمیاتی تبدیلیوں کے تباہ کن اثرات سے بچاؤ کے لئے بھرپور تعاون پر اتفاق کیا گیا وزیرِ اعظم شہباز شریف نے عرب لیگ کے چارٹر اور اس کے حصول کے لیے سیکریٹری جنرل کے عزم کو سراہا ہے۔

    وزیراعظم شہباز شریف سے کمشنر یورپی یونین ارسلا وون ڈرلیئن سے ملاقات کی شہباز شریف نے دوران ملاقات یورپی ممالک کے پاکستان میں سیلاب متاثرین کی امداد کے جذبے کو سراہا اور کہا کہ پاکستان اور یورپی یونین مشترکہ مقاصد کے حصول میں اہم شراکت دار ہیں موسمیاتی تبدیلیوں کے اثرات کا مقابلہ کرنے کے لئے عالمی اتحاد ضروری ہے، ترقی پذیر ممالک آج جن اثرات کا مقابلہ کر رہے ہیں، کل تمام دنیا کو اس کا خمیازہ بھگتنا پڑے گا۔

    شہباز شریف نے موقع پر فنانشل ایکشن ٹاسک فورس (فیٹف) کی گرے لسٹ سے پاکستان کا نام نکالے جانے میں یورپی ممالک کے تعاون کو سراہا اور کہا کہ یورپی یونین اور پاکستان میں دوطرفہ تجارت بڑھانے کی گنجائش ہے۔

    دوران گفتگو یورپی یونین کی کمشنر نے موسمیاتی تبدیلیوں کے لیے متحدہ کوششوں سے اتفاق کیا۔

    کانفرنس میں غیر ملکی رہنماؤں نے پاکستان میں سیلاب سے ہونے والی تباہ کاریوں اور جانی نقصانات پر افسوس کا اظہار کیا وزیراعظم شہباز شریف کا کہنا تھا کہ موسمیاتی تبدیلیوں سے پوری دنیا متاثر ہو رہی ہے، اجتماعی کوششیں لازم ہیں۔

    وزیراعظم نے متاثرین سیلاب کی امداد پر عالمی برادری کا شکریہ ادا کیا، کانفرنس میں شہباز شریف کی عالمی رہنماؤں سے ملاقاتوں میں دوطرفہ، علاقائی اور عالمی امور پر تبادلہ خیال کیا گیا۔

  • لانگ مارچ اب منگل کی بجائے بدھ سے شروع ہو گا۔ عمران خان

    لانگ مارچ اب منگل کی بجائے بدھ سے شروع ہو گا۔ عمران خان

    عمران خان نے کہا ہے کہ لانگ مارچ اب منگل کی بجائے بدھ سے شروع ہو گا۔

    پاکستان تحریک انصاف کے چیئرمین عمران خان نے کہا ہے کہ حقیقی آزادی لانگ مارچ کل نہیں بلکہ پرسوں سے شروع ہوگا۔ لاہور میں عمران خان سے صحافیوں کی وفد نے ملاقات کی۔ اس موقع پر گفتگو کرتے ہوئے انہوں نے کہا کہ لانگ مارچ کے شیڈول میں تبدیلی کردی گئی ہے، لانگ مارچ کل کے بجائے پرسوں سے شروع ہو گا۔

    انہوں نے کہا کہ آصف علی زرداری اور نوازشریف سے کبھی سمجھوتا نہیں ہو سکتا، پوری قوم اب تیار ہے، الیکشن کی تاریخ لیکر ہی واپس آئیں گے، میرا لانگ مارچ ہر صورت میں منزل حاصل کرے گا۔ عمران خان کا کہنا تھا کہ سرحدوں پر کھڑے فوجی میرے بچوں کی طرح ہیں، آرمی چیف کی تقرری میرا ایشو نہیں، پاک فوج ہماری ہے اور اس کے خلاف جانا ممکن نہیں۔

    خیال رہے کہ وزیرآباد میں پاکستان تحریک انصاف کے لانگ مارچ میں فائرنگ کا واقعہ پیش آیا تھا۔ اس واقع میں سابق وزیراعظم عمران خان سمیت پی ٹی آئی کے متعدد افراد زخمی ہو گئے ہیں۔ فائٗرنگ کا یہ واقعہ وزیر آباد کے ’پاکستانی چوک‘ کے گول چکر کے قریب پیش آیا تھا، جہاں ایک گلی سے آنے والے شخص نے فائرنگ کی تھی.

    تایم اس کے بعد پی ٹی آئی کا جاری مارچ وقتی طور پر روک دیا گیا تھا اور بعدازاں عمران خان نے اعلان کیا تھا کہ اب دوبارہ لانگ مارچ منگل سے ہوگا جبکہ اب اس تاریخ کو بدل دیا گیا ہے اور اب لانگ مارچ دوبارہ بدھ سے شروع ہوگا.

    مزید یہ بھی پڑھیں؛
    خفیہ ملاقات، پارٹی پھر شروع، پس پردہ طاقت کون۔ ؟ عمران خان کے زخموں کا پول کھل گیا۔
    چین درآمدات بڑھانے کو تیار لیکن پاکستان کی پیداواری صلاحیت محدود
    خفیہ ملاقات، پارٹی پھر شروع، پس پردہ طاقت کون۔ ؟ عمران خان کے زخموں کا پول کھل گیا۔
    کارکن آج رات سےاسلام آباد کےداخلی و خارجی راستے بند کریں گے:پرویزخٹک کا اعلان
    الیکشن کمیشن نے پی ٹی آئی غیر ملکی فنڈنگ کیس ڈی لسٹ کردیا
    بابا گرونانک کا 553واں جنم دن:ہزاروں بھارتی سکھ یاتری پاکستان پہنچ گئے
    ایک اور یوٹرن؛ پی ٹی آئی کا حلقہ بندیوں کیخلاف دائر درخواست واپس لینے کا فیصلہ، اسد عمر نے مقدمہ واپس لینے کیلئے متفرق درخواست دائر کردی
    ننکانہ صاحب:بابا گرو نانک کا 553 واں جنم دن، سکھ یاتریوں کی پہلی خصوصی ٹرین پہنچ گئی