Category: اہم خبریں

اسلام آباد: نیشنل سکیورٹی کمیٹی کے اجلاس کے بعد اعلامیہ میں بتایا گیا ہے کہ ملک میں دہشتگردی میں ملوث ہر فرد کے ساتھ سختی سے نمٹا جائے گا۔

وزیراعظم شہباز شریف کی زیر صدارت ملکی سلامتی کی صورتحال سے متعلق اہم اجلاس ہوا، اجلاس میں سپہ سالار جنرل قمر جاوید باجوہ سمیت انٹیلی جنس اداروں کے سربراہان نے بھی شرکت کی۔ قومی سلامتی کے اجلاس کے دوران وزیر دفاع، وزیر داخلہ، خارجہ امور کے وزراء نے بھی شرکت کی۔

ذرائع کے مطابق اجلاس میں سوات کی صورتحال اور کالعدم تحریک طالبان سے مذاکرات سے متعلق امور پر تفصیلی تبادلہ خیال کیا گیا اور سکیورٹی اداروں نے اپنی سفارشات اجلاس میں پیش کیں۔ذرائع کے مطابق اس کے علاوہ ایک اور اجلاس ہوا، اس اجلاس کی صدارت وزیراعظم شہباز شریف نے کی، اس اجلاس میں جنرل قمر جاوید باجوہ، ڈی جی آئی ایس آئی لیفٹیننٹ جنرل ندیم انجم، کور کمانڈر پشاور نے شرکت کی۔

ذرائع کے مطابق اجلاس میں خیبر پخونخوا اور مغربی سرحدوں سے متعلق سکیورٹی کا جائزہ لیا گیا، وزیر اعظم کو خیبر پختونخوا اور مغربی سرحدوں سے متعلق سکیورٹی پر بریفنگ دی گئی۔ذرائع کے مطابق اجلاس سے قبل آرمی چیف اور وزیراعظم کی ون آن ون ملاقات بھی ہوئی، ملاقات کے دوران قومی و داخلی سلامتی سے متعلق امور پر تفصیلی تبادلہ خیال کیا گیا جبکہ ملک کی مجموعی امن وامان کی صورتحال پر بھی گفتگو کی گئی۔

اس موقع پر شہباز شریف نے کہا کہ دہشتگردی کو کسی صورت دوبارہ پنپنے نہیں دیا جائے گا، سیاسی اور عسکری قیادت ایک پیج پر ہے۔ بڑی قربانیوں سے ملک میں امن کو بحال کیا گیا، دہشتگردی کے خاتمے میں سکیورٹی فورسز کی قربانیاں بے مثال ہیں۔ سکیورٹی اہلکاروں اور عوام کی قربانیوں کو فراموش نہیں کیا جا سکتا۔

قومی سلامتی کمیٹی نے وفاقی اور صوبائی سطح پر انسداد دہشت گردی کے نظام کو ازسرنو متحرک کرنے اور مرکزی سطح پر وزیراعظم کی زیر قیادت ایپکس کمیٹی تشکیل دینے ، سی پیک کے منصوبوں کی سکیورٹی فول پروف بنانے کا فیصلہ کرتے ہوئے کہا ہے کہ شہریوں کے جان و مال کا تحفظ، ملک کی جغرافیائی سالمیت کی حفاظت، آئین و قانون کی حکمرانی اور ریاستی عملداری کیلئے قوم اور ادارے یکجان اور ایک آواز ہیں، ملک میں امن و امان کے قیام اور وطن عزیز کی سلامتی و دفاع کیلئے دی گئی شہدا کی قربانیاں رائیگاں نہیں جانے دی جائیں گی۔

وزیراعظم شہبازشریف کی زیرصدارت قومی سلامتی کمیٹی (این ایس سی) کا اہم اجلاس وزیراعظم ہائوس میں منعقد ہوا جس میں وفاقی وزرا کے علاوہ سروسز چیفس، حساس اداروں کے سربراہان اور دیگر اعلیٰ حکام نے شرکت کی۔

اجلاس میں رکن قومی اسمبلی محسن داوڑ اور عوامی نیشنل پارٹی کے رہنما میاں افتخار حسین نے بھی شرکت کی۔ اجلاس میں ملک میں امن و امان کی مجموعی صورتحال کا تفصیلی جائزہ لیا گیا۔ متعلقہ حکام نے امن و امان کی صورتحال پر بریفنگز دیں۔

اجلاس نے ملک میں امن وامان کے قیام اور وطن عزیز کی سلامتی و دفاع کے لئے پاک فوج، رینجرز، پولیس سمیت قانون نافذ کرنے والے تمام اداروں کے کردار کو سراہا اور اس عظیم مقصد کے لئے شہید ہونے والے افسران اور جوانوں کو زبردست خراج عقیدت پیش کیا۔

اجلاس نے شہدا کے اہلخانہ کو سلام پیش کرتے ہوئے اعتراف کیا کہ شہدا نے ملک وقوم کے لئے جرأت و بہادری اور شجاعت کی عظیم داستانیں رقم کی ہیں۔ اس عزم کا اعادہ کیاگیا کہ شہداء کی قربانیاں رائیگاں نہیں جانے دی جائیں گی۔ قومی سلامتی کمیٹی نے قرار دیا کہ شہریوں کے جان و مال کا تحفظ، پاکستان کی جغرافیائی سالمیت کی حفاظت، آئین اور قانون کی حکمرانی اور ریاستی عمل داری کے لئے قوم اور ریاستی ادارے یکجان اور ایک آواز ہیں، پوری قوم ان مقاصد پر نہ صرف واضح ذہن کے ساتھ متحد اور یکسو ہے بلکہ ہر قیمت پر ان کے حصول کو یقینی بنایا جائے گا۔

قومی سلامتی کمیٹی نے سوات سمیت ملک کے بعض حصوں میں امن و امان کو خراب کرنے کے واقعات کا جائزہ لیا اور متاثرہ خاندانوں سے افسوس کا اظہار کیا اور مرحومین کے لئے فاتحہ خوانی کی ۔

قومی سلامتی کمیٹی نے واضح کیا کہ پاکستان کے ہر شہری کا لہو نہایت قیمتی ہے اور اسے بہانے میں ملوث ہر فرد سے قانون پوری سختی سے نمٹے گا، ہمارے شہریوں نے دہشت گردی کے خلاف جنگ میں اپنی بہادر سپاہ کے ساتھ مل کر بے مثال قربانیاں دیں اور تاریخی کردار ادا کیا ہے۔ قومی سلامتی کمیٹی نے مرکزی سطح پر ایپکس کمیٹی کی تشکیل کا فیصلہ کیا جس کی صدارت وزیراعظم کریں گے۔ انسداد دہشت گردی کے ادارے (نیکٹا) کو فعال بنایا جائے گا جو صوبائی سطح پر انسداد دہشت گردی کے محکموں (سی ٹی ڈی) کے اشتراک عمل سے کام کرے گا۔

قومی سلامتی کمیٹی نے یہ بھی فیصلہ کیا کہ انسداد دہشت کے لئے وفاقی اور صوبائی سطح پر نظام کو ازسرنو متحرک کیاجائے۔ اس کا ازسرنو جائزہ لیتے ہوئے اقدامات کی نشاندہی کی جائے تاکہ نظام کو مزید موثر خطوط پر استوار کیا جاسکے۔ یہ نظام نگرانی کے فرائض بھی انجام دے گا تاکہ مسلسل بہتری کا عمل جاری رہے۔

قومی سلامتی کمیٹی نے چین پاکستان اقتصادی راہداری (سی پیک) کے منصوبوں کی سکیورٹی کو فول پروف بنانے کے لئے موثر اقدامات کی منظوری دی۔ اس ضمن میں نیکٹا اشتراک عمل کی ذمہ داری انجام دے گا جبکہ صوبوں کے ذریعے عملدرآمد کرایا جائے گا۔

قومی سلامتی کمیٹی نے یہ بھی فیصلہ کیا کہ انسداد دہشت گردی کے نظام کو جدید ٹیکنالوجی سے لیس کیا جائے، جہاں اپ گریڈیشن درکار ہے،کی جائے، اس ضمن میں وسائل کی فراہمی یقینی بنائی جائے گی جبکہ استعداد بڑھانے کے لئے بھی اقدامات کئے جائیں گے۔

ملکی سیاست میں زلزلہ، مہرے تیار، کھیل آخری مرحلے میں داخل
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ اس ملک کو آگ میں جھونکنے کی ساری سازشیں مکمل ہو چکی ہیں ۔۔ کھیل اب آخری مرحلے میں داخل ہو چکا ہے ۔۔ ہیکر نے بھی جمعہ کے دن کا انتخاب کر لیا ہے عمران خان اب کسی بھی وقت اسلام آباد پر دھاوا بول سکتے ہیں اعظم سواتی کے بعد بہت سے ایسے مہرے تیار ہیں جو اداروں کے خلاف اعلان بغاوت کرنے والے ہیںمنی گالا اس وقت سازشوں اور منصوبہ بندی کا گڑھ بن چکا ہے ۔

مبشر لقمان آفیشیل یوٹیوب چینل پر مبشر لقمان کا کہنا تھا کہ جمعہ کا دن پاکستانی سیاست میں بہت اہم رہا ہے ۔ بہت سے ایسے سیاسی فیصلے جمعہ کے روز ہوتے رہے ہیں جو مسلم لیگ نوازاور تحریک انصاف دونو ں پر کافی بھاری پڑے ہیں ۔ اب ہیکر بھی آڈیوزاور ویڈیوز لیکس کے لیے جمعہ کے روز کا انتخاب کررہا ہے ۔ پچھلے دونوں ہفتے عمران خان اور تحریک انصاف پر کافی بھاری پڑے ۔ اتنے بھاری پڑے کہ یہ لوگ اپنے حواس کھو بیٹھے ہیں ۔ ایسی ایسی حرکتیں کر رہے ہیں جن سے ان کی اپنی تو بدنامی ہو ہی رہی ہے ۔ اس کے ساتھ پاکستان کی بھی بدنامی ہو رہی ہے ۔ بھارت سمیت ہر وہ بین الاقوامی میڈیا جو ان کی PR firmsکے اشارے پر ناچ رہا ہے اس وقت پاکستان کی جگ ہنسائی کاسامان جمع کر رہا ہے ۔ اس کے ساتھ ہی ہیکر نے بھی ایک بڑا سرپرائز تیار کر رکھا ہے اور وہ سرپرائز بہت جلد منظر نام پر آنے والا ہے ۔ وہ سرپرائز کونسا ہے ؟ عمران خان کو ایسی کونسی چیز کا خطرہ ہے جس کی وجہ سے انھوں نے بنی گالا کے آ س پاس جیمرز لگوا دیے ہیں ؟ اور اعظم سواتی کا مسقبل کیا ہونے جا رہا ہے؟

مبشر لقمان کا کہنا تھا کہ عمران خان کی چیخ و پکار بڑھتی چلی جا رہی ہے ۔ آہستہ آہستہ ان کے چہرے پرFrustration میں اضافہ ہو رہا ہے ۔ وہ اپنے ہر جلسے میں بار بار یہ بات دہرا رہے ہیں کہ میرے مخالفین کے پاس میری نازیبا ویڈیوز ہیں جو انھوں نے ڈیپ فیک کے ذریعے سے بنائی ہیں ۔ وہ اس بات پر اتنے مطمئن نظر آ رہے ہیں کہ بہت جلد ان کی ویڈیوز پاکستان کے لوگوں تک پہنچنے والی ہیں ۔۔جب میری کچھ صحافیوں سے اسی حوالے سے بات ہوئی تو ا ن کے بقول عمران خان اس لیے خوفزدہ ہیں کیونکہ وہ ویڈیوز جعلی نہیں بلکہ اصلی ہیں ۔۔ چاہے ان کا فرانزک کروایا جائے تب بھی ان میں کوئی بات جھوٹ ثابت نہیں ہو سکتی عمران خان اس لیے ہر جلسے میں یہ بیانیہ بنانے کی کوشش کر رہے ہیں کہ آنے والی ویڈیوز ڈیپ فیک ٹیکنالوجی سے بنی ہیں تا کہ سامنے آنے والے مزید گناہوں پر پردہ ڈالا جا سکے۔ اب ہیکر نے بھی کھلا اشارہ دیا ہے کہ عمران خان تیار رہے کیونکہ ہیکر کے بقول کسی بھی وقت وہ ویڈیو سوشل میڈیا کی زینت بن سکتی ہے ۔۔ کسی بھی وقت اور بہت سے راز کھل سکتے ہیں جس کی وجہ سے شاید انھیں منہ تک چھپانا پڑ ے۔ اس کے ساتھ ہی طیبہ گل وہ خاتون جن سے دھوکے سے نیب چئیر مین کی ویڈیوز لی گئیں اور پھر اسے بلیک میل کر کے مالم جبہ جیسے بڑے بڑے کیس بند کروائے گئے ۔۔ انھوں نے انکشاف کیا ہے کہ ان کے پاس ایسی بہت سی ویڈیوز موجود ہیں جو اگر سامنے آئیں تو اس ملک میں طوفان آ سکتا ہے۔۔ ملکی سیاست میں زلزلہ آ سکتا ہے ۔۔ سوچیں اگر یہ ویڈیوز سامنے آگئیں تو پھر کون سے نقاب ہٹیں گے ؟ ویڈیو ز کے علاوہ ایک اور خوف بھی عمران خا ن کو لاحق ہے ۔۔ وہ خوف ہے مزید آڈیو لیک ہونے کا ۔۔ عمران خان نے بنی گالا کے ارد گرد جیمرز لگوا دیے ہیں ۔ وہ جیمرز کیوں لگوائے ہیں اس کی بھی ایک خاص وجہ ہے ۔۔بنی گالا میں عمران خان کی پارٹی کے رہنماوں کے ساتھ ساری اہم ملاقاتیں ہوتی ہیں ۔۔ بنی گالا کی دیواروں میں ایسے ایسے راز دفن ہیں جو کبھی باہر آ ئے تو قیامت برپا ہو جائے گی ۔بنی گالا کی دیواروں نے وہ وہ چیزیں دیکھی ہیں جو شاید عام لوگ سوچ بھی نا سکیں ۔بنی گالا کرپشن کی فیکٹری فرح گجر کا Second Homeبھی رہا ہے ۔

مبشر لقمان کا کہنا تھا کہ بنی گالا ہی میں تحریک انصاف کے ورکر محبوب اسلم نے جب عمران خان سے فنڈز کے استعمال کا سوال پوچھا تو عمران خان نے محبوب اسلم کا گریبان پکڑا ۔شہباز گل نے جو اداروں میں بغاوت کا بیج بویا وہ لینڈ لائن نمبر بھی اطلاعات کے مطابق بنی گالا کا ہی استعمال ہوا ۔اور وہ کس کے اشاروں پر ہوا یہ بھی سب کو پتا ہے۔کس طرح لوگوں میں نفرت کو پروان چڑھانا ہے انھیں اداروں کے خلاف استعمال کرنا ہے لوگوں کو کیسے امریکی سازش کے بیانیے کے پیچھے لگا کر رکھنا ہے ۔ ایسی زیادہ تر سازشی تھیوریز اقتدار جانے کے بعد بنی گالا ہی میں بنتی رہی ہیں ۔
اب بنی گالا میں ممکنہ طور پر ایک اور سازش تیار کی جا رہی ہے ۔ اور وہ منصوبہ بندی یہ ہے کہ اب جب کہیں سے ہاتھ پکڑنے کی کوئی امید نظر نہیں آ رہی ۔۔ ہر طرف سے رسوائی ہی رسوائی مقدر بن رہی ہے تو اب کھل کر اداروں کے خلاف بغاوت کی جائے ۔۔ پہلے جو چیزیں پس پردہ چل رہی تھیں اب سرعام ریاست کے خلاف اعلان جنگ کر دیا جائے ۔۔ پہلے اگر میر جعفر اور میر صادق کی اصطلاحوں کے ذریعے سے لوگوں کے دلوں میں گند گھولا جا رہا تھا تو اب سیدھے نام لے لے کر ان کے خلاف مہم شروع کی جائے ۔اور اس کا آغاز آپ نے دیکھ بھی لیا ہے کہ کیسے اعظم سواتی نے رات ایک ٹویٹ میں آرمی چیف کا نام لیا اور اس کو ریلیٹ کر دیا شہباز شریف اور حمزہ شہبا ز کے مقدمے سے ۔اس کے بعد ایف آئی اے نے سائبر کرائم ایکٹ کے تحت ان کے خلاف مقدمہ درج کیا ہے اور گرفتار کیا ۔۔ اب یہ لوگ گرفتاری کے بعد بھی باز نہیں آ رہے ۔۔ اسے فسطائیت کا کہا جا رہا ہے ۔۔ اسے فاشزم کہا جا رہا ہے ۔بھائی وہ فاشزم نہیں تھی جب تم اسلام آباد کے آئی جی تبدیل کرواتے پھرتے تھے؟ وہ فاشزم نہیں تھی جب ایک غریب کی بھینس تمھارے فارم ہاوس میں آئی تو تم نے اس کے پورے خاندان کو پکڑوا کر اڈیالہ جیل میں بند کر وا دیا ۔۔ اس کے بچے بھوک سے دو دن بلکتےرہے اور ہمسائے جب انھیں کھانہ دینے آئے تو تم نے انھیں بھی دھمکیاں دیں کہ اگر ان کی کسی نے مدد کی تو سب کو حوالات میں بند کروا دوں گا۔۔وہ فاشزم کسی کو نظر نہیں آئی ؟آج جو صحافی اسے فاشزم کہہ رہے ہیں وہ اس وقت کہاں تھے جب کرسی کے نشے میں یہ لوگ فرعون بنے ہوئے تھے ؟ وہ اس وقت کہاں تھے جب حقائق سامنے لانے پر پورے پورے ٹی وی چینل بند کر دیے جاتے تھے ۔۔ وہ اس وقت کہاں تھے جب صحافیوں پر حملے ہوتے تھے ؟ ان پر کیچڑ اچھالا جاتا تھا۔۔اب سب کو فاشزم یاد آ رہی ہے ۔یہ جو فاشزم فاشزم کہہ رہے ہیں انھیں فاشزم کی تعریف بھی پتا ہے کہ وہ کیا ہوتی ہے؟

مبشر لقمان کا کہنا تھا کہ نیب چئیرمین کی ویڈیوز اپنے پاس رکھ کے اسے بلیک کرنا ا پنے نیب کے اربوں روپے کے کیس بند رکروانا فاشزم نہیں ہے ؟۔۔۔ دوسرے سیاستدانوں کو بغیر کسی کیس کے مہینوں نیب کی جیل میں قید رکھنا فاشزم نہیں ہے ؟۔۔ ایک خاتون جو اپنی فریاد لے کر وزیر اعظم ہاوس آئے اور اسے قید کر لیا جائے وہ فاشزم نہیں ہے ؟ ایف آئی اے کے ڈی جی کو مجبور کرنا کہ فلاں پہ کیس بنا کر انھیں پکڑو یہ فاشزم نہیں ہے ؟اس کے سامنے ایک خاتون سیاستدان کے لیے گھٹیا زبان استعمال کرنا اور جب وہ جواب دے تو اسے واش روم میں بند کرنا فاشزم نہیں ہے ؟ لوگوں کو غداری کے فتوے بانٹنا ۔۔ ارسلان بیٹے کے ذریعے ان کی باتوں کو غداری سے لنک کر دینا فاشزم نہیں ہے ؟لیکن لوگوں کو یہ فاشزم نظر نہیں آئے گی یا پھر ان کا حافظہ ہی اتنا کمزور ہے یا وہ Short term memory lossکا شکار ہیں کہ انھیں باتیں جلدی بھول جاتی ہیں اس لیے وہ ایسی باتیں یاد نہیں رکھتے ۔اور یہ اعظم سواتی والا صرف ایک ہی منصوبہ ہے نا جانے اور پتا نہیں ایسی کونسی باتیں ہیں جن کو چھپانے کےلیے انھیں جیمرز لگوانے پڑ گئے ہیں ۔ پتا نہیں مزید کونسی ایسی سازشیں ہونی ہیں جن کو چھپانے کےلیے ایسے ایسےاقدامات کرنے پڑ رہے ہیں ۔اب توقع یہ کی جا رہی ہے کہ اعظم سواتی کے بعد اب مزید ایسے بیانات آئیں گے کیونکہ عمران خان کا یہ پورا منصوبہ ہے کہ ملک کو انتشار کی طرف دھکیلا جائے ۔۔ملک میں Anarchy کی فضا پید اکی جائے اور ایسے حالات بنا دیے جائیں جس سے اس ملک کا ۔ اس ملک کی معیشت کا بیڑا غرق کیا جا سکے ۔۔ اور یہ سب ایک سوچی سمجھی سازش کے تحت ہو رہا ہے ۔لیکن نا تو پہلے پاکستان کے خلاف کام کرنے والوں کی کوئی سازش کامیاب ہوئی ہے اور نا ہی اب کوئی سازش کامیاب ہو گی ۔۔ جیسے پہلے یہ لوگ منہ کے بل گرتے رہے ہیں اس بار بھی ہر وہ قوت جس نے سوچا ہوا ہے کہ اس ملک کی خودمختاری کے ساتھ کھیلنا ہے وہ منہ کے بل گرے گی ۔

ارسلان بیٹا مبشر لقمان ہاتھ سے نکل رہا ہے، تم غداری سے لنک نہیں کر پارہے”

عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

عمران خان سے ڈیل کی حقیقت سامنے آ گئی

عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

عمران خان، تمہارے لئے میں اکیلا ہی کافی ہوں، مبشر لقمان

عمران خان کے غنڈے اور باجیاں تیار، مبشر لقمان پر کسی وقت بھی حملہ ہو سکتا

راولپنڈی:آرمی چیف کا اندرون سندھ سیلاب سے متاثرہ علاقوں کا دورہ،اطلاعات کے مطابق آئی ایس پی آر نے کہا ہے کہ آرمی چیف جنرل قمر جاوید باجوہ نے اندرون سندھ میں سیلاب سے متاثرہ علاقوں کا دورہ کیا ہے۔

پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل قمر جاوید باجوہ نے اندرون سندھ سیلاب سے متاثرہ علاقوں کا دورہ کیا جس کے دوران انہوں نے نوشہرو فیروز میں متاثرہ لوگوں کو طبی اور انتظامی دیکھ بھال فراہم کرنے والے سیلاب کی امدادی سرگرمیوں میں مصروف فوجیوں سے ملاقات بھی کی۔

اس دوران سی او اے ایس نے مقامی لوگوں سے بھی بات چیت کی اور انہیں یقین دلایا کہ پاکستان آرمی لوگوں کی بحالی تک ان کی تکالیف کو کم کرنے کے لیے خدمت جاری رکھے گی۔

بعد ازاں، آرمی چیف کو سندھ کے سیلاب زدہ علاقوں کی فضائی نگرانی کے لیے روانہ کیا گیا۔

واشنگٹن:وفاقی وزیر خزانہ اسحاق ڈار نے واشنگٹن میں آئی ایم ایف اور امریکی حکام سے ملاقاتیں کیں، جس میں مالیاتی امور سمیت دیگر دو طرفہ معاملات پر گفتگو ہوئی۔

وفاقی وزیر خزانہ اسحاق ڈار نے واشنگٹن میں بین الاقوامی مالیاتی فنڈ کی ڈپٹی منیجنگ ڈائریکٹر انتھونیٹ سائیح سے ملاقات کی، اس دوران پاکستان اور بین الاقوامی مالیاتی فنڈ کے درمیان امور کا جائزہ لیا گیا۔

واشنگٹن ڈی سی میں جمعرات کو ہونیوالی ملاقات میں وزیر خزانہ اسحاق ڈار نے آئی ایم ایف کی ڈپٹی منیجنگ ڈائریکٹر کو پاکستان کی معیشت کے کلیدی اشاریوں، پائیدار اقتصادی نمو اور معیشت کو مضبوط بنانے کیلئے اٹھائے جانیوالے اقدامات سے آگاہ کیا۔انہوں نے آئی ایم ایف کی انتھونیٹ سائیح کو پاکستان میں حالیہ سیلاب اور اس سے معیشت کو ہونیوالے نقصانات کے بارے میں بھی بتایا۔

اس سے قبل وفاقی وزیر خزانہ و محصولات سینیٹر محمد اسحاق ڈار نے امریکی سیکریٹری خزانہ کے قونصلر برائے بین الاقوامی امور ڈیوڈ لپٹن سے ملاقات کی، اس موقع پر امریکا میں پاکستان کے سفیر مسعود خان بھی موجود تھے۔

ملاقات میں پاکستان اور امریکا کے درمیان تجارت، مالیات، سرمایہ کاری اور معاشی شعبہ میں تعلقات سے متعلق امور کا جائزہ لیا گیا۔

وزیر خزانہ نے ڈیوڈ لپٹن کو پاکستان میں حالیہ بارشوں اور سیلاب سے ہونے والے نقصانات کے بارے میں آگاہ کرتے ہوئے بتایا کہ حکومت سیلاب سے متاثرہ علاقوں میں بنیادی ڈھانچہ کی تعمیر نو اور متاثرین کی بحالی کیلئے تمام تر کوششوں کو یقینی بنا رہی ہے۔وزیر خزانہ نے پائیدار اقتصادی نمو اور اقتصادی چیلنجوں سے نمٹنے کیلئے حکومتی اقدامات سے بھی انہیں آگاہ کیا۔

واضح رہے کہ وزیر خزانہ بین الاقوامی مالیاتی فنڈ اور عالمی بینک کے حکام کے ساتھ مذاکرات کیلئے ان دنوں امریکا کے دورے پر ہیں، اس دوران آئی ایم ایف اور ورلڈ بینک حکام سے تفصیلی ملاقاتیں ہوں گی۔

پی ٹی آئی کا ممکنہ لانگ مارچ رکوانے کے لئے حکومت متحرک ہوگئی، چیئرمین تحریک انصاف عمران خان کیخلاف توہین عدالت کی درخواست دائرکر دی گئی۔

وفاقی حکومت نے عمران خان کیخلاف توہین عدالت کی استدعا کر دی، استدعا میں کہا گیا ہے کہ 25 مئی کے عدالتی حکم کی خلاف ورزی پر توہین عدالت کی کاروائی کی جائے، سپریم کورٹ کے 25 مئی کے احکامات کی کھلی خلاف ورزی کی گئی تھی، عمران خان نے ایچ نائن گراونڈ جانے کے بجائے ورکرز کو ڈی چوک کال دی۔

وفاقی حکومت نے عمران خان کیخلاف توہین عدالت کی درخواست دائر کر دی
عمران خان نے عدالتی فیصلے کے برعکس کارکنوں کو ڈی چوک پہنچنے کا حکم دیا
تحریک انصاف کے کارکنوں نے سرکاری و نجی املاک کو نقصان پہنچایا
فائر برگیڈ کی کروڑوں روپے مالیت کی گاڑیوں کو نقصان پہنچایا گیا، درخواست

— Hassan Ayub Khan (@HassanAyub82) May 26, 2022

درخواست میں موقف اپنایا گیا ہے کہ پی ٹی آئی ورکرز نے ریڈ زون میں سرکاری و نجی املاک کو نقصان پہنچایا، پولیس اور خفیہ ایجنسیوں کی رپورٹس سے واضح ہے کہ عدالتی احکامات کی توہین کی گئی، سپریم کورٹ نے 25 مئی کو فیصلہ دیا تھا جس پر عمران خان نے عمل نہیں کیا، اب پھر عمران خان اسلام آباد کی طرف لانگ مارچ کرنے کا اعلان کرچکے ہیں۔
مزید یہ بھی پڑھیں؛ شادیوں کے نام پر لوٹنے والی جعلساز دلہن گرفتار
انٹرپول نے خالصتان کے رہنما کے ریڈ وارنٹ جاری کرنے کی بھارتی درخواست مسترد کر دی
میرے پاس کس کس کی اور کونسی کونسی ویڈیوز موجود ہیں؟ طیبہ گُل کا تہلکہ خیز انکشاف
پاکستان نے فیٹف کی 40 شرائط پر عملدرآمد مکمل کرلیا، گرے لسٹ سے نکلنے کا امکان
برطانیہ سے تعلقات کو مضبوط بنانے کے لیے مل کر کام کریں گے، بلاول بھٹو زرداری
لانگ مارچ کو کامیاب کرنے کے لئے کارکنوں کو جہاد جیسے لفظ استعمال کرکے اکسا رہے ہیں، عدالت کے 25 مئی والے فیصلے پرعمل کرنے پر توہین عدالت کی کاروائی کی جائے، عمران خان نے جان بوجھ کر عدالتی احکامات کی خلاف ورزی کی، عمران خان اور ان کے پارٹی رہنما عدلیہ اور ریاستی اداروں کو بدنام کرنے کا ٹرینڈ چلا رہے ہیں۔ عمران خان کی آج سے نہیں بلکہ اداروں کو بدنام کرنے کی ایک تاریخ ہے، عمران خان آئینی طریقے سے آنے والی حکومت کو دھمکیاں دے رہے۔ ہیں۔۔۔