Category: اہم خبریں

ملک کا ایک تہائی حصہ ڈوبا ہوا ہے اور عمران خان لانگ مارچ کی کال دے رہے. بلاول بھٹو زرداری

وزیر خارجہ بلاول بھٹو زرداری نے چئیرمین پی ٹی آئی پر تنقید کرتے ہوئے کہا کہ خان صاحب کو پہلے انسان اور پھر سیاستدان بننا چاہیے، ملک کا ایک تہائی حصہ ڈوبا ہوا ہے اور عمران خان لانگ مارچ کی کال دے رہے ہیں۔ جرمن نشریاتی ادارے کو دیئے گئے انٹرویو میں وزیر خارجہ بلاول بھٹو زرداری نے کہا ہے کہ آڈیو لیکس کی سیاست نامناسب ہے، دوغلی پالیسی نہیں چلے گی، مخالف کے ساتھ ہو تو اچھا آپ کے ساتھ ہو تو برا۔ نیب چئیرمین کو قابو کرنے اور مخالفین پر دباؤ بڑھانے کیلئے آڈیو لیکس کرائیں۔

سابق وزیراعظم سے متعلق گفتگو میں وزیر خارجہ نے کہا کہ خان صاحب کی سیاست بہت عجیب ہے، ملک ڈوبا ہوا ہے اور وہ مارچ کی کال دے رہے ہیں، خان صاحب کو پہلے انسان اور پھر سیاستدان بننا چاہیے۔ سیاست تو چلتی رہے گی۔ اس موقع پر انہوں نے جرمنی کی جانب سے سیلاب زدگان کیلئے دی جانے والی امداد پر شکریہ ادا کرتے ہوئے کہا کہ یہ امداد توقعات سے زیادہ ہے، ہم جرمنی کے شکرگزار ہیں۔ بلاول نے یہ بھی کہا کہ یہ چیریٹی یا بھیک مانگنے کی بات نہیں، ہم انصاف کا مطالبہ کرتے ہیں۔ وہ ممالک جنھوں نے سب سے زیادہ مسئلہ کھڑا کرنے میں کردار ادا کیا ان کی مورل ذمہ داری ہے۔ بلاول بھٹونے کہا کہ چار برس میں دوست ممالک سے تعلقات کو نقصان پہنچا، اب بہتری لانے کی ضرورت ہے۔

واضح رہے کہ گزشتہ روز جمعہ 7 اکتوبر کو پاکستانی ہم منصب کے ہمراہ مشترکا پریس کانفرنس سے خطاب میں جرمن وزیر خارجہ کا کہنا تھا کہ موسمیاتی تبدیلی سے پاکستان سب سے زیادہ متاثر ہورہا ہے، پاکستان میں سیلاب سے جو تباہی ہوئی اس کا اندازہ لگانا مشکل ہے، سیلابی پانی سے پیدا ہونیوالے مچھر ملیریا کا سبب بن رہے ہیں۔ انہوں نے پاکستان کے سیلاب متاثرین کیلئے ایک کروڑ یورو امداد کا اعلان کردیا۔ انالینا بیئربوک نے کہا کہ جرمن کمپنیاں پاکستان میں انفرا اسٹرکچر منصوبوں میں سرمایہ کاری کررہی ہیں، پاکستان ہمارا اہم ترین تجارتی شراکت دار ہے، جرمنی پاکستان کیساتھ دوطرفہ تعلقات کو وسعت دینے کا خواہاں ہے۔

اس موقع پر بلاول بھٹو زرداری نے کہا کہ جرمنی یورپ کا اہم ترین ملک ہے، ہمارے بہترین تعلقات ہیں، جرمنی کیساتھ دوستانہ تعلقات کو آگے بڑھانا چاہتے ہیں۔ ان کا کہنا ہے کہ پاکستان سیلاب کے باعث مشکل صورتحال سے گزر رہا ہے، پاکستان موسمیاتی تبدیلیوں سے بری طرح متاثر ہوا، پاکستان کو سیلاب کے بعد غذائی بحران کا بھی سامنا ہے، کروڑوں لوگ سیلاب سے ہونیوالی تباہی سے متاثر ہوئے۔

کا کول میں 146 ویں پی ایم اے لانگ کورس کی پاسنگ آوٹ پریڈ ہوئی، آرمی چیف جنرل قمر جاوید باجوہ نے تقریب میں بطور مہمان خصوصی شرکت کی

آرمی چیف جنرل قمرجاوید باجوہ نے پریڈ کا معائنہ کیا قطر،عراق، سری لنکا، نیپال، مالدیپ کے کیڈٹس بھی پاس آؤٹ ہونیوالوں میں شامل ہیں، آرمی چیف جنرل قمرجاوید باجوہ نے حیدر کمپنی کو پرچم عطا کیا پاس آؤٹ ہونیوالوں میں 65 ویں انٹیگریٹڈ کورس کے کیڈٹس بھی شامل ہیں،.20 ویں لیڈی کورس، 5ویں بیسک ملٹری ٹریننگ کورس کے کیڈٹس بھی شامل ہیں،بہترین کارکردگی پر 146 ویں پی ایم اے کورس کے کیڈٹس کو اعزازی شمشیر دی گئی

چیئرمین جوائنٹ چیفس آف اسٹاف کمیٹی اوورسیز گولڈ میڈل دوست ملکوں کے بہترین کیڈٹ کو دیا گیا اعلیٰ سول و فوجی حکام سمیت غیر ملکی سفارتکاروں نے بھی تقریب میں شرکت کی طلائی تمغہ لانگ کورس کے دوسرے نمبر پر بہترین کارکردگی دکھانے والے کیڈٹ کو دیا گیا طلائی تمغہ 146ویں پی ایم اے لانگ کور س کے نمبر 2 کیڈٹ کو دیا گیا

آرمی چیف جنرل قمر جاوید باجوہ نے تقریب سے خطاب کرتے ہوئے کہا کہ پاس آوٹ ہونے والے کیڈٹس کو مبارکباد دیتا ہوں پاس آوٹ ہونے والے کیڈٹس کے اہلخانہ مبارکباد کے مستحق ہیں ادارے سے پاس آوٹ ہونا اعزاز کی بات ہے پاس آوٹ ہونے والے کیڈٹس کا عظیم اور بہاد ر فوج کا حصہ بننا باعث فخر ہے 42 سال قبل میں نے بھی اسی ادارے سے تربیت حاصل کی محنت اور لگن کے بغیر کوئی بھی ہدف کامیابی سے حاصل نہیں کیا جا سکتا پاس آوٹ ہونے والے کیڈٹس کو با اعتماد طریقے سے ذمہ داری نبھانی ہوگی،پاک فوج نے دہشت گردی سے نجات دلانے کے لیے بڑی قربانیاں دیں جب ادارے میں زیر تربیت تھا تو کبھی نہیں سوچا کہ فوج کی کمانڈ کروں گا

پاکستان کی سالمیت اورخود مختاری پرآنچ نہیں آنے دیں گے ،پاک افواج اپنی سرزمین کی دفاع کے لیے ہمہ وقت تیار ہیں ،کسی بھی ملک کو پاکستان کا امن اور استحکام خراب نہیں ہونے دیں گے پاکستان پر امن ملک ہے اور ہمسایہ ممالک سے اچھے تعلقات کا خواہاں ہے پاس آوٹ ہونے والے کیڈٹس کو بھی ملکی سالمیت کے لیے قربانیاں دینی ہوں گی ملک کی حفاظت مضبوط ہاتھوں میں ہے جمہوری اداروں کا احترم کریں ،خطے کو دوطرفہ مسائل بات چیت سے حل کرنے پر زوردینا چاہیے،پیغام واضح ہے کہ پاک فوج کسی ملک،گروپ یا جتھے کوملک غیرمستحکم کرنے نہیں دے گی

عمران خان نے کل اداروں کے خلاف زہر اگلا ہے،وزیراعظم

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

سیاسی مفادات کے لئے ملک کونقصان نہیں پہنچانا چاہئے

سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

لسبیلہ ہیلی حادثہ، پاک فوج کیخلاف مہم میں یوٹیوبر سمیت سوشل میڈیا ایکٹوسٹ بھی شامل

علیمہ خان،فرح خان کو این آر او میں نے دلوایا؟ وزیراعظم

اسپیشل سینٹرل کورٹ لا ہور،ایف آئی اے منی لانڈرنگ کیس کی سماعت ہوئی

وزیر اعظم شہباز شریف اسپیشل سینٹرل کورٹ لا ہور میں پیش ہوئے ،وکیل نے کہا کہ شہباز شریف قانون کے سر بلندی کے لیے عدالت میں پیش ہوتے ہیں ،جج نے استفسار کیا کہ کیا کیس کے ملزم مقصود سے بھی انکوائری ہوئی؟ وکیل نے کہا کہ مقصود اب فوت ہو گیا اس سے ایف آئی اے نے انکوائری نہیں کی ،مقصود ٹیکس دیتا تھا اسکا آڈٹ بھی ہوتا تھا ،مقصود یہاں نہیں اس لیے اب کچھ کہا نہیں جا سکتا جو کہانی ایف آئی اے نے لکھی اسکا ثبوت ہی نہیں ہے،ایف آئی اے کا کیس صرف کہانی ہے جو اس وقت کے مشیر داخلہ نے لکھوائی ،

وزیراعظم شہباز شریف کا کہنا تھا کہ تین بار پنجاب کا وزیر اعلیٰ رہا، کبھی تنخواہ نہیں لی ،اپوزیشن لیڈر ،اور بطور وزیر اعظم کبھی کوئی ٹی اے ڈی اے نہیں لیا رقم 8،10 کروڑ بنتی تھی جو میں نے وصول نہیں کی

عدالت پیشی کے موقع پر وزیراعظم شہباز شریف کا کہنا تھا کہ ہم عدالتوں اور قانون کا احترام کرتے ہیں، ہم عدالتوں میں مقدمات کا سامنا کر رہے ہیں،نواز شریف نے خود پانامہ کی تحقیقات کے لیے عدالت کو خط لکھا تھا نواز شریف اور مریم نواز عدالت میں پیش ہوتے تھے،نواز شریف نے عدالتوں سے کوئی این آر او نہیں لیا،عمران خان الزام لگاتے ہیں کہ مریم نواز اور نوازشریف نے این آر او لیا،مریم  کوعدالت نے میرٹ پر بری کیا ،شاہد خان عباسی، سعد رفیق اوررانا ثنااللہ نے جرات سے جیلیں کاٹیں،ن لیگی رہنماوں نے بھی ہر ظلم برداشت کیا،عمران خان کی جانب سے مریم نوازپراین آر او لینے کاالزام قابل مذمت ہے، مریم نواز کو نیب قانون سے نہیں بریت نہیں ملی، پارٹی قیادت کو برترین سیاسی انتقام کا نشانہ بنایا گیا ،علیمہ خان کو این آر او میں نے تو نہیں دلوایا ،فرح خان کو این آر او میں نے نہیں دلوایا ، عمران خان نے کلین چیٹ دی،بی آر ٹی جس میں کئی 100 ارب روپے کا گھپلا ہوا، تحقیقات ہوتی رہیں، جب بھی آرڈر دیا جاتا عمران خان ا سٹے لیتے رہے، بی آر ٹی پشاور میں ثابت ہو چکا کہ اربوں کی کرپشن ہوئی،حقائق سے ثابت کر چکا ہوں کہ عمران خان غلط بیانی سے کام لیتے ہیں،عمران خان کہتے تھے کی امپورٹڈ حکومت امریکی سازبازسے آئی ،سب ڈرامہ تھا، عمران خان کہتے رہے امریکا کا نام نہیں لینا، بس کھیلنا ہے، عمران خان کا پرنسپل سیکریٹری کہتا رہا فکر نہ کریں، منٹس میں نے بنانے ہیں عمران خان کی آڈیو میں کہا گیا کہ میں نے 5 بندے خرید لیے ہیں،وزیر اعظم ہاؤس بولی لگا رہا ہے، خریدوفروخت کر رہا ہے، وہ پیسہ کہاں سے آیا؟ سابق چیف جسٹس ثاقب نثار دن رات عدالت لگاتے تھے،

وزیراعظم شہباز شریف کا مزید کہنا تھا کہ سابق چیف جسٹس ثاقب نثار سے سوال کرتا ہوں 56 کمپنیاں اور کرپشن کہا گیا ان 56 کمپنیوں میں اوروں نے بھی کمپنیاں بنائیں تھیں، عمران خان کہتے تھے جو ضمیر فروشی کرنے والا شرک کرتا ہے وہ فتوے دیتے تھے،کہاں ریاست مدینہ کہاں ہم خطا کار، ہم اس کی ہلکی جھلک بھی لے آئے تو ملک بہتر ہوجائے گا، عمران خان نے پاکستان کو برباد کیا، کس طرح امریکا کے ساتھ تعلقات متاثر ہوئے ،ہمیں پاکستان کو بچانا ہے، جھوٹ سے نہیں عمران خان کہتے ہیں کہ میں نے خیبرپختونخوا میں اتنے اسپتال بنائے،عمران خان کہتے ہیں یہ کر دیا وہ کردیا، کاش مجھے ایسا کچھ نہ کہنا پڑتا لیکن کہنے پر مجبور ہوں، پنجاب ان ہاوس تبدیلی آئینی طریقے سے ہوتی ہے جیسے قومی اسمبلی میں ہوئی تو اعتراض نہیں ہونا چاہیے،عمران خان کہہ رہے ہیں میر جعفر اور میر صادق کا پروپیگنڈا کرو،عمران خان کی سوچ نے پاکستان کو دنیا میں گندہ کر دیا، اس طرح کوئی بھی آکر کوئی بات کرسکے گا،میں نے قوم کو گورننس میں اپنا خون پسینہ دیا ہے ،نواز شریف کے دور میں پاکستان ایٹمی طاقت بنا، لوڈشیڈنگ ختم ہوئی نواز شریف کے دور میں کسانوں کو آدھی قیمت میں کھاد دی گئی،

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

پی ڈی ایم اجلاس،عمران خان کے خلاف کارروائی سے متعلق غور

وزیراعظم شہباز شریف کا مزید کہنا تھا کہ اتحادی جماعتوں سب کے ساتھ ملکر پاکستان کو دیوالیہ سے نکالا، بڑے تلخ حقائق ہیں، میں آپکو کہنا چاہتا ہوں کہ میں نے سیاسی کیریئر داؤ پر لگایا، پاکستان کے لئے کھڑا ہوا ہوں، پاکستان کی عوام کو غربت سے نکالنا ہے، نواز شریف نے پاکستان کی راہ کو ترقی کی راہ پر ڈالا،ڈالر نیچے آ رہا ہے، عوام کی دعائیں ہیں، اللہ کرم کرے گا

نوبل امن انعام یافتہ ملالہ یوسف زئی 12 اکتوبر کو تین روزہ دورہ پر پاکستان واپس پہنچ رہی ہیں۔

رپورٹ کے مطابق ملالہ پاکستان کے سیلاب سے متاثرہ علاقوں کا دورہ کریں گی، محکمہ داخلہ سندھ کی جانب سے ملالہ یوسف زئی کی سیکورٹی کے سخت انتظامات کرنے کی ہدایت کی ہے۔ وہ سب سے پہلے کراچی پہنچیں گی جہاں سے انہیں سخت حفاظتی انتظامات کے تحت دادو میں سیلاب سے متاثرہ علاقوں کا دورہ کرایا جائے گا۔

ملالہ فنڈ پہلے ہی انٹرنیشنل ریسکیو کمیٹی (IRC) کو ہنگامی امدادی گرانٹ جاری کر چکا ہے۔ اس گرانٹ سے آئی آر سی سندھ اور بلوچستان میں لڑکیوں کو نفسیاتی مدد فراہم کرے گا۔ یہ ہنگامی تعلیمی خدمات بھی فراہم کرے گا تاکہ اس بات کو یقینی بنایا جا سکے کہ لڑکیاں اپنی تعلیم جاری رکھ سکیں، جبکہ لڑکیوں کے 10 سرکاری سکولوں کی تباہ شدہ عمارتوں کی مرمت اور بحالی بھی کی جائے گی۔
یہ بھی پڑھیں؛ وزیر خارجہ کی ملالہ سے ملاقات، خواتین کے حقوق اور لڑکیوں کی تعلیم زیربحث
وزیراعظم شہبازشریف کی ملالہ سے ملاقات، لڑکیوں کی تعلیم زیر بحث
ملالہ نے فلم جگت میں قدم رکھ دیئے
ملالہ یوسفزئی فلم جوائے لینڈ کی ٹیم میں بطور پرڈیوسر شامل

Met @Malala at #UNGA. Exchanged views on women rights & girls education. Discussed #PakistanFloods & challenges posed by this climate catastrophe to education for millions of young children affected, with thousands of schools destroyed & difficult days ahead. pic.twitter.com/LkWfDq9DsW

— Bilawal Bhutto Zardari (@BBhuttoZardari) September 20, 2022

واضح رہے کہ گزشتہ دنوں وزیر خارجہ بلاول بھٹو کی جنرل اسمبلی کے اجلاس میں شرکت کیلئے نیویارک میں موجود تھے جہاں انہوں نے نوبیل انعام یافتہ ملالہ یوسفزئی سے خصوصی ملاقات کی تھی اور انہیں پاکستان آنے کی دعوت دی تھی اس حوالے بلاول بھٹو نے ٹوئٹ میں اپنی اور ملالہ کی تصویر شئیر کرتے ہوئے لکھا تھا کہ ملالہ سے خواتین کے حقوق اور لڑکیوں کی تعلیم پر تبادلہ خیال کیا، انہوں نے بتایا کہ پاکستان کے سیلابی صورتحال پر بھی تفصیلی بات کی، جس میں سیلاب سے آب و ہوا کی تباہی سے متاثر ہونے والے لاکھوں چھوٹے بچوں کے لیے تعلیم کو درپیش چیلنجز، ہزاروں اسکول تباہ ہونے کے ساتھ ، آنے والے مشکل دنوں میں سے نکلنے سے متعلق بات کی۔

اسلام آباد:وزارت داخلہ نے ملک بھر میں ہونے والی ضمنی الیکشن 90 دن کے لیے ملتوی کرنے کا مطالبہ کردیا ہے۔خط کے مطابق پاک فوج اور ایف سی نے وسیع پیمانے پر ریسکیو اور ریلیف آپریشن میں مصروف ہے، وفاق اور صوبوں نے اپنی زیادہ تر توانیاں اور وسائل بحالی کے کاموں میں لگے ہیں۔

خط کے مطابق مستند اطلاعات ہیں ایک سیاسی جماعت12 سے 17اکتوبر کے دوران اسلام آباد کا محاصرہ کرنا چاہتی ہے، محاصرہ کی یہ تاریخیں 16اکتوبر کے ضمنی انتخابات سے مطابقت رکھتی ہیں، اسلام آباد میں امن و امان کی صورتحال برقرار رکھنے کے لیے بھاری نفری درکار ہوگی۔

خط میں بتایا گیا ہے کہ الیکشن کمیشن کو انتخابات کے شیڈول میں تبدیلی کرنے کا اختیار حاصل ہے، ایسی صورتحال میں آرمی، رینجرز اور ایف سی پر شدید دباو ہوگا، ان اداروں سے اضافی کام لیا گیا تو الیکشن کی ساکھ پر سوال اٹھ سکتے ہیں، الیکشن کمیشن کو انتخابات کے شیڈول میں تبدیلی کرنے کا اختیار حاصل ہے، درخواست کی جاتی ہے ضمنی انتخابات 90دن کے لیے ملتوی کیے جائیں۔

اسلام آباد:ترجمان دفتر خارجہ عاصم افتخار کا کہنا ہے کہ امریکا سے موصول سائفر وزارت خارجہ میں مکمل محفوظ ہے۔اسلام آباد میں ہفتہ وار پریس بریفنگ کے دوران عاصم افتخار نے واضح کیا ہے کہ سائفر جیسے دستاویزات وزارت خارجہ میں احتیاط سے رکھے جاتے ہیں اور امریکا سے موصول سائفر بھی مکمل محفوظ ہے۔

پہلی پاکستان جونیئر لیگ رنگا رنگ افتتاحی تقریب کیساتھ شروع

ترجمان کے مطابق فرانس کی میزبانی میں ڈونرز کانفرنس نومبر یا پھر رواں برس کے آخر میں ہوگی ۔ اس حوالے سے حتمی فیصلہ لوازمات مکمل ہونے کے بعد کیا جائے گا۔عاصم افتخار کا کہنا تھا کہ ڈونرزکانفرنس میں پوری تیاری اور منصوبہ بندی سے جائیں گے، عالمی بینک اورایشیائی ترقیاتی بینک سے بھی مشاورت کی جائے گی۔

سیلاب سے 90 لاکھ تک پاکستانی غربت کا شکار ہونے کا خدشہ ہے، ورلڈ بینک

ترجمان کا کہنا تھا کہ یواین اپیل کے بعد سیلاب متاثرین کیلئے 355 ملین ڈالرز کے اعلانات ہوئے، یورپی یونین نے 3 کروڑ یورو کی انسانی امداد کا اعلان کیا۔انہوں نے مقبوضہ کشمیر میں قابض بھارتی فورسز کی جانب سے مزید 8 افراد کو شہید کیے جانے اور بھارت میں مسلمانوں کے ساتھ ناروا سلوک کی شدید مذمت کی ۔

دین اسلام کی خاطر شوبز انڈسٹری چھوڑدی:اب آخرت کی فکرہے:عبداللہ قریشی

عاصم افتخار نے کہا افغانستان میں پاکستانی کرنسی پر پابندی کو معطل کر دیا گیا ہے، امید ہے افغان انتظامیہ معاملے کو باہمی تجارتی مفاد کے تناظرمیں دیکھے گی۔ترجمان دفترخارجہ کا کہنا تھا کہ کالعدم ٹی ٹی پی کا خیبر پختونخوا کے علاقوں کو نیا نام دینا آئین پاکستان کے منافی ہے جس کی کوئی حیثیت نہیں۔

لاہور:سائفر پارٹ تھری:ایک ہی دن میں عمران خان کی دوسری آڈیو لیک ،اطلاعات کے مطابق پاکستان تحریک انصاف کے چیئر مین اور سابق وزیراعظم عمران خان کی ایک ہی روز کے دوران دوسری مبینہ آڈیو لیک ہو گئی۔نئی آنے والی مبینہ آڈیو لیک میں اسد عمر کہہ رہے ہیں کہ ایک اور چیز ہے ہائنڈ سائیٹ میں یہ جو ہم اب کر رہے ہیں لیٹر والا ، یہ ذرا ہفتہ دس دن پہلے شروع کر دینا چاہیے تھا۔

عمران خان کا لانگ مارچ سازش، فسادیوں سے آہنی ہاتھ سے نمٹا جائے گا: ن لیگی قیادت…

اس پر سابق وزیراعظم عمران خان نے کہا کہ اس امریکی لیٹر کا بہت بڑا یعنی جو ہم سوچ رہے ہیں نہ اس کا ساری دنیا کے اندر ایک ایمپکٹ (اثر) چلا گیا ہے۔ مبینہ آڈیو لیک میں سابق وفاقی وزیرشیریں مزاری کو مبینہ طور کہتے سنا جاسکتا ہے کہ چین نے آفیشل بیان جاری کیا ہے جس میں وہ ہمارے اندورنی معاملات پر مداخلت کرنے پر امریکا کی مذمت کررہے ہیں۔

بشریٰ بی بی کوعمران نےتھپڑمارا،بشیرمیمن کو باتھ روم میں بند

عمران خان مبینہ طور پر کہہ رہے ہیں کہ اسٹریٹجی (حکمت عملی) یہ ہے کہ پبلک تو ہمارے ساتھ لگ چکی ہے، اب پبلک کے پریشر سے ہم چاہتے ہیں (وی وانٹ) اب اتوار کو اس طرح ہائٹ پر پریشر ہو کہ جو بھی وہاں جائے گا اسمبلی میں، ووٹ دینے کے لیے، یعنی وہ برینڈڈ ہو فار لائف لیکن جو آج آپ نے برینڈ کرنا ہے نا، میر جعفراور میر صادق، دیکھو، آپ کو لوگوں کو اسپون فیڈ کرنا ہے، مائنڈز الریڈی فرٹائل گراؤنڈ بنی ہوئی ہے کہ ان کو آپ فیڈ کر دیں گے

برآمدکنندگان کےلیے 100 ارب روپے کے سبسڈی دے رہے ہیں‌،اسحاق ڈار

واضح رہے کہ 28 ستمبر کو بھی عمران خان کی ایک مبینہ آڈیو لیک ہوئی تھی، اس میں بھی مبینہ سائفر کے حوالے سے ہی اپنے پرنسپل سیکریٹری اعظم خان سے بات کرتے ہوئے سنا جاسکتا تھا۔جبکہ دوسری مبینہ آڈیو لیک میں سابق وزیر اعظم عمران خان کی پرنسپل سیکریٹری اعظم خان کے ساتھ مبینہ امریکی سائفر کے حوالے سے گفتگو میں انہیں اس حوالے سے ہدایات دیتے ہوئے سنا جاسکتا ہے۔

اپنی انا،ہیروں ،اقتداراور ہوس کا غلام عمران دوسروں کو غلام کہہ رہا. وزیر اطلاعات مریم اورنگزیب

وفاقی وزیر اطلاعات مریم اورنگزیب نے میڈیا سے گفتگو کرتےہوئے کہنا ہے کہ؛ عمران خان روز جھوٹ بول کر ہمیں تھکا دیتا ہے. اور عمران خان روز جھوٹ بول کر لوگوں کو بیوقوف بناتا ہے. جبکہ اس نے پورے ملک میں4 سال معیشت اور روز گار کے ساتھ کھیلا، جو لوگ ان کی بات سنتے ہیں وہ ان سے فائدہ اٹھاتا ہے، اس نے ملک میں افراتفری پھیلائی، اور معاشرہ کا چہرہ تباہ کر دیا ہے.

وفاقی وزیراطلاعات مریم اورنگزیب نے مزید کہا کہ عمران خان ملک کودیوالیہ کرنے کے ہدف کے قریب پہنچ چکا تھا جو مکمل نہیں ہوا. بلوچستان کے الیکشن میں خریدوفروخت کی گئی، اور عمران خان کہتے تھے جو ہارس ٹریڈنگ کرتا ہے وہ شرک کرتا ہے، اور آج کی آڈیو لیکس سےپتہ چلا کہ عمران خان خود شرک کر رہے ہیں.

ان کے مطابق: یہ ان لوگوں کیلئے لمحہ فکریہ جو عمران خان کی بات سنتے ہیں جبکہ باہر امریکہ کی غلامی نامنظور،اندر کمرے میں امریکا کا نا م نہیں لینا اور آڈیو میں عمران خان ارکان اسمبلی کو خریدنے کی چال چل رہے ہیں، جبکہ عمران خان کا وطیرہ ہے کہ اتنا جھوٹ بولو کہ سچ لگنے لگیں.
انہوں نے کہا؛ عمران خان نے عالمی سطح پر پاکستان کو شدیدنقصان پہنچایا، اور ایک اور آڈیو ایک اور تھپڑ،محسوس کرنے کی بات ہے، جبکہ عمران خان کو ملک سے کوئی سروکار نہیں،اسکو اپنی انا عزیز ہے، ہارس ٹریڈنگ کو شرک کہنے والے عمران کی اپنی آڈیو سامنے آچکی ہے عمران خان نے وزارت عظمیٰ کے حلف سے غداری کی ہے. مریم اورنگزیب نے کہا کہ مریم نواز کے حوالے سے عدالتی فیصلہ میرٹ پر ہوا ہے کیونکہ پانامہ میں نواز شریف کا نام تھا اور نہ ہی مریم نواز شریف کا نام تھا.

وفاقی وزیر نے مزید کہا کہ؛ یہ شخص اپنے اقتدار اور کرسی کا غلام ہے، فارن ایجنٹ کے مقاصد کچھ اور تھے، ان کا ایجنڈا نامکمل ہے اور ان کا مقصد ملک کو4حصوں میں تقسیم کرنا اور ملک کا دیوالیہ کرنا تھا، جبکہ عمران خان کے ہاتھوں سے جب سے اقتدار گیا ہے تو ان کی ملک کے ساتھ دشمنی شروع ہو گئی ہے .
انہوں نے عمران خان پر مزید تنقید کرتے ہوئے کہا کہ؛ عمران خان نے 2018کے الیکشن میں ہارس ٹریڈنگ کی تھی سینیٹ، خیبرپختونخوا، بلوچستان اور اپنی پارٹی کے الیکشنز میں بھی خریدوفروخت کی، جبکہ عمران خان کو جب تحریک عدم اعتماد کا پتہ چلا تو کہا کہ میں نے5ایم این ایز خرید لئے ہیں، اور ہم پہلے بھی کہتے تھے کہ ان تمام چیزوں کا ماسٹر مائنڈ عمران خان خود ہے.

ان کا کہنا تھاکہ بند کمرے میں کہا 5 ایم این اے خرید لئے ہیں اور باہر کہتے ہیں کہ ہارس ٹریڈنگ شرک ہے، آج بات کر رہے ہیں کہ ہم آزادی کی جنگ لڑ رہے ہیں جبکہ پتہ لگانا چاہیے وہ پانچ ایم این اے کون تھے جنہیں خریدا گیا تھا ۔
پشاور پرائمری ٹیچرز احتجاج؛ متعدد اساتذہ کے خلاف تھانہ شرقی میں مقدمہ درج
پاکستان دوطرفہ تجارت اور جرمن منڈیوں تک برآمدات کی رسائی کا خواہاں ہے. وزیر خارجہ بلاول بھٹو زرداری
عمران خان کے ممکنہ لانگ مارچ سے نمٹنے کیلئے 30 ہزار سیکیورٹی اہلکار تیار
سارہ انعام قتل کیس،ملزم کی والدہ کی درخواست ضمانت،سماعت ملتوی
ڈینگی کے وار جاری، اسلام آباد،پنجاب ،خیبر پختونخوا میں مریضوں میں اضافہ
ایگزیکٹ جعلی ڈگری کیس،عدالت نے شعیب شیخ کو ایک اور موقع دے دیا
نو ماہ کے دوران 212 گینگ کے 4 ہزار سے زائد ملزمان گرفتار