عمران خان کی ایک اور آڈیو لیک؛ عمران خان ہارس ٹریڈنگ کے بھی بہت بڑے کھلاڑی نکلے
سابق وزیر اعظم خان کی ایک اور آڈیو ہیکرز کی جانب سے لیک کردی گئی جس میں وہ کہہ رہے کہ "آپ کو بہت بڑی غلط فہمی ہو گئی ہے کہ جناب اب نمبر گیم پوری ہو گئی ہے یہ نمبر ایسا ہے نہیں، ایسا مت سوچیں کہ سب ختم ہو گیا. انہوں نے مزید کہا کہ "اب سے لیکر 48 گھنٹے بہت اہم ہیں، اس میں بڑی چیزیں ہو رہی ہیں، میں اپنی طرف سے کئی چالیں چل رہا ہوں جو ہم پبلک نہیں کر سکتے۔”
ہارس ٹریڈنگ , عمران خان کی ایک اور مبینہ آڈیو لیک#baagihtv #pakistan #islamabad #imrankhan #audioleak #AudioDrama pic.twitter.com/ZtqLpPkcPm
— Baaghi TV باغی ٹی وی (@BaaghiTV) October 7, 2022
ہارس ٹریڈنگ کے کھیلاڑی عمران خان نے مزید کہا کہ؛ پانچ ( ایم این ایز) تو میں خرید رہا ہوں، میرے پاس ہیں پانچ، میں نے میسج دینا ہے کی وہ جو پانچ ہیں نہ وہ پانچ بڑے اہم ہیں اس کو کہیں کہ اگر وہ ہمیں پانچ اور لے دے، دس ہو جائیں تو یہ گیم ہمارے ہاتھ میں ہے اور اس وقت قوم الارم ہوئی ہوئی ہے، لوگ چاہ رہے ہیں کہ کسی طرح ہم جیت جائیں تو اس میں کوئی فکر نہ کریں کہ یہ غلط ہے یا ٹھیک ہے.” عمران نے آڈیو میں مزید کہا کہ کوئی بھی ہربہ ہو ایک ایک ( ایم این اے ) بھی اگر کوئی توڑ دیتا ہے تو اس سے بہت فرق پڑے گا.
عمران خان کی ایک اور آڈیو لیک:
پانچ ( ایم این ایز) تو میں خرید رہا ہوں، میرے پاس ہیں پانچ، میں نے میسج دینا ہے کہ وہ جو پانچ ہیں نہ وہ پانچ بڑے اہم ہیں اس کو کہیں کہ اگر وہ ہمیں پانچ اور لے دے تو دس ہو جائیں اور یوں گیم ہمارے ہاتھ میں۔ pic.twitter.com/aN2BPaYHqe— Malik Ramzan Isra (@MalikRamzanIsra) October 7, 2022
واضح رہے کہ اس سے قبل سابق وزیراعظم عمران خان کی مبینہ نئی آڈیو لیک کا پارٹ 2 سامنے آیا تھا جس میں عمران خان اپنے پرسنل سیکریٹری اعظم خان اور اسد عمر، شاہ محمود قریشی سے سائفر سے متعلق بات کرتے سنائی دیئے تھے. آڈیو میں عمران خان کہتے ہیں کہ’اچھا شاہ جی، کل آپ نے، ہم نے، تینوں نے اور سیکریٹری خارجہ نے میٹنگ کرنی ہے، اس میں ہم نے صرف کہنا ہے کہ وہ جو لیٹر ہے نا اس کے چپ کر کے مرضی کے منٹس لکھ دے، اعظم خان کہہ رہا ہے کہ اس کے منٹس بنا لیتے ہیں، اسے فوٹو اسٹیٹ کرا لیتے ہیں۔
اس موقع پر ایک اور آواز سنی جاتی ہےجس کے بارے میں خیال کیا جاتا ہے کہ وہ اعظم خان کی تھی، وہ پوچھتے ہیں کہ یہ سائفر 7 یا 8 تاریخ کو آیا تھا؟ مبینہ طور پر عمران خان کہتے ہیں کہ ملاقات 7 تاریخ کو ہوئی تھی۔
عمران خان نے کہا کہ ہم نے تو امریکیوں کا نام لینا ہی نہیں ہے، کسی صورت میں، اس ایشو کے اوپر پلیز کسی کے منہ سے امریکا کا نام نہ نکلے، یہ بہت اہم ہے آپ سب کے لیے، کس ملک سے لیٹر آیا ہے، میں کسی کے منہ سے اس کا نام نہیں سننا چاہتا۔ اس دوران مبینہ طور پر اسد عمر کہتے ہیں کہ لیٹر نہیں ہے، میٹنگ کی ٹرانسکرپٹ ہے، اس پر عمران خان کہتے ہیں کہ وہی ہے نا، میٹنگ کی ٹرانسکپرٹ اور لیٹر ایک ہی چیز ہے، لوگوں کو ٹرانسکرپٹ تو نہیں سمجھ آنی تھی نا، آپ پبلک جلسے میں تو یہ کہتے ہیں۔
خیال رہے کہ واضح گزشتہ 28 ستمبر کو بھی عمران خان کی ایک مبینہ آڈیو لیک ہوئی تھی جو سائفر پارٹ 1 تھا، اس میں بھی مبینہ سائفر کے حوالے سے ہی اپنے پرنسپل سیکریٹری اعظم خان سے بات کرتے ہوئے سنا جاسکتا. آڈیو کی ابتدا میں مبینہ طور پر عمران خان نے کہا تھا کہ ہم نے بس صرف کھیلنا ہے اس کے اوپر، نام نہیں لینا امریکا کا، صرف کھیلنا ہے کہ یہ تاریخ پہلے سے تھی اس کے اوپر۔
گفتگو میں مبینہ طور پر اعظم خان نے کہا تھا کہ میں سوچ رہا تھا کہ یہ جو سائفر ہے میرا خیال ہے ایک میٹنگ اس پر کر لیتے ہیں، دیکھیں آپ کو یاد ہو تو سفیر نے آخر میں لکھا تھا ڈیمارش کریں۔ اگر ڈیمارش نہیں بھی دینا تو میں نے رات کو اس پر بہت سوچا کہ اس کو کس طرح کور کرنا ہے، ایک میٹنگ کرتے ہیں جس میں شاہ محمود قریشی اور سیکریٹری خارجہ ہوں گے۔ بات کو جاری رکھتے ہوئے آڈیو میں مزید کہا گیا کہ شاہ محمود کو کہیں گے کہ وہ لیٹر پڑھ کر سنائیں، وہ جو بھی پڑھ کر سنائیں گے اسے کاپی میں بدل دیں گے، وہ میں منٹس میں (تبدیل) کردوں گا کہ سیکریٹری خارجہ نے یہ چیز بنادی ہے۔
آڈیو میں مبینہ طور پر اعظم خان نے مزید کہا کہ بس اس کا کام یہ ہوگا کہ اس کا تجزیہ ہوگا جو اپنی مرضی کے منٹس میں کردیں گے تاکہ دفتری ریکارڈ میں آجائے اور تجزیہ یہی ہوگا کہ سفارتی روایات کے خلاف دھمکی دی گئی، سفارتی زبان میں اسے دھمکی کہتے ہیں۔ مبینہ طور پر اعظم خان بات کو جاری رکھتے ہوئے مزید کہتے ہیں کہ (میٹنگ کے) منٹس تو پھر میرے ہاتھ میں ہیں نا وہ پھر (اپنی مرضی سے) ڈرافٹ کرلیں گے۔
اس پر عمران خان کو یہ پوچھتے سنا جاسکتا ہے کہ تو پھر کس کس کو بلائیں اس میں، شاہ محمود قریشی، آپ (اعظم خان) اور سہیل (سیکریٹری خارجہ)، ٹھیک ہے تو پھر کل ہی کرتے ہیں۔ آگے اعظم خان کو مزید کہتے سنا گیا کہ تاکہ چیزیں ریکارڈ پر آجائیں، آپ یہ دیکھیں یہ قونصلیٹ فار اسٹیٹ ہیں، وہ پڑھ کر سنائے گا تو میں کاپی کرلوں گا آرام سے تو آن ریکارڈ آجائے گا کہ یہ چیز ہوئی ہے۔
آڈیو میں مبینہ طور پر اعظم خان نے عمران خان سے مزید کہا کہ آپ سیکریٹری خارجہ کو بلائیں تاکہ بیوروکریٹک ریکارڈ پر چلا جائے۔ جس کے بعد عمران خان کی آواز میں کہا گیا کہ نہیں تو اسی نے تو لکھا ہے سفیر نے۔ جس پر اعظم خان کو یہ کہتے سنا گیا کہ ہمارے پاس تو کاپی نہیں ہے نا۔۔۔۔۔ یہ کس طرح انہوں نے نکال دیا۔ اس پر مبینہ طور پر عمران خان نے کہا کہ یہ یہاں سے اٹھی ہے، اس نے اٹھائی ہے، لیکن خیر ہے تو غیر ملکی سازش۔
