Category: اہم خبریں

آئی ایس پی آر نے کہا ہے کہ آرمی چیف جنرل قمر جاوید باجوہ نے کنٹرول لائن کا دورہ کیا۔اس حوالے سے پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے آج لائن آف کنٹرول (ایل او سی) کے ساتھ نوسیری سیکٹر میں فرنٹ لائن دستوں کا دورہ کیا۔

اس دوران آرمی چیف کو ایل او سی کے ساتھ تازہ ترین آپریشنل صورتحال اور فارمیشن کی آپریشنل تیاریوں پر بریفنگ دی گئی۔

افسران اور جوانوں کے ساتھ بات چیت کے دوران آرمی چیف نے مسلسل چوکسی اور آپریشنل تیاریوں کے لیے ان کی تعریف کی۔قبل ازیں ایل او سی پہنچنے پر کور کمانڈر راولپنڈی لیفٹیننٹ جنرل ساحر شمشاد مرزا نے آرمی چیف کا استقبال کیا۔

یاد رہے کہ کل آرمی چیف جنرل قمر جاوید باجوہ نے سندھ کے سیلاب متاثرہ علاقوں کا دورہ کیا اس دوران نوشہرو فیروز میں امدادی سرگرمیوں میں مصروف فوجی جوانوں سے ملاقات اور نوشہرو فیروز کے مقامی لوگوں سے بھی بات چیت کی۔

آئی ایس پی آر کے مطابق آرمی چیف نے کہا کہ پاک فوج متاثرین کی بحالی تک ان کی خدمت جاری رکھے گی۔آئی ایس پی آر کے مطابق آرمی چیف نے سندھ کے سیلاب زدہ علاقوں کا فضائی جائزہ بھی لیا۔

آرمی چیف کی آمد پر کور کمانڈر کراچی لیفٹیننٹ جنرل محمد سعید نے ان کا استقبال کیا۔

امریکی صدر جوبائیڈن نے پاکستان کے ایٹمی اثاثوں کے بارے میں ہرزہ سرائی کی ہے۔ اس حوالے سے انکشاف ہوا ہے کہ امریکہ کے خلاف تحریک چلانے والے عمران خان کی جماعت تحریک انصاف نے امریکہ میں لابنگ فرم ہائیر کر رکھی ہے اور اس لابنگ فرم کا سربراہ پاکستان کے ایٹمی اثاثوں کے خلاف پروپیگنڈہ کرنے میں ملوث پے اور یہ ثابت کرنا چاہتا ہے کہ پاکستان کے ایٹمی اثاثے غیر محفوظ ہیں

تحریک انصاف کی جانب سے امریکہ میں لابنگ فرم ہائیر کرنے کے بعد امریکہ سے پاکستان کے ایٹمی اثاثوں کے خلاف بیان مبینہ طور پر اسی لابنگ فرم کا ہی کمال لگتا ہے کیونکہ تحریک انصاف نے دعوی کیا تھا کہ امریکہ میں لابنگ فرم بائیڈن ایڈمنسٹریشن سے تعلقات بہتر کرنے کے لیے ہائیر کی گئی ہے۔ اگرچہ عمران خان امریکہ کے خلاف تحریک چلا رہے ہیں لیکن ہر آنیوالے دن انکا دوہرہ چہرہ سامنے آ رہا ہے۔ امریکہ مخالف نعرہ اور پھر بائیڈن ایڈمنسٹریشن کے ساتھ تعلقات کی بہتری کے لیے جب لابنگ فرم ہائیر کی گئی تو اسوقت بھی باغی ٹی وی نے سٹوری شائع کی تھی جس میں انکشاف کیا تھا کہ لابنگ فرم تحریک انصاف نے ہائیر کی ہے۔

لابنگ فرم ہائیر ہونے کے چند ماہ بعد ہی پاکستان کے ایٹمی اثاثوں بارے امریکی صدر کے بیان کے بعد پاکستانی تجزیہ کاروں نے سوال اٹھایا ہے کہ امریکی صدر جو پاکستان سے اچھے تعلقات کے حامی ہیں سابق صدر آصف زرداری سے انکی بات چیت ہوتی رہتی ہے اور وزیراعظم کے حالیہ دورہ امریکہ میں امریکی صدر سے ملاقات ہوئی تھی اس سب کے باوجود آج کا امریکی صدر کا بیان عمران خان کی جماعت کی جانب سے ہائیر کی گئی لابنگ فرم کا شاخسانہ لگتا ہے۔ ماہرین کا کہنا ہے کہ عمران خان جو ایک جلسے میں کہہ چکے ہیں کہ چوروں کی حکومت آنے سے بہتر ہے بم چلا دو۔ ایسے بیانات کے بعد کس طرح توقع کی جا سکتی ہے کہ وہ پاکستان کی خیر خواہی چاہیں گے؟ کرپشن کے خاتمے اور احتساب کا نعرہ لگا کر اقتدار میں آنیوالے عمران خان کے دور میں جو کرپشن ہوئی اسکا ایک نیا ریکارڈ بنا ہے توشہ خانہ کی چند سو روہے کے تحفے تک گھر لے جانیوالے سے کس طرح توقع کی جا سکتی یے کہ وہ پاکستان کے قومی خزانے کا محافظ نکلے گا ۔فرح گوگی نے پنجاب میں جو کرپشن کا بازار گرم کیا وہ بھی ریکارڈ پر ہے۔ شہزاد اکبر کے بریف کیس لینے کی ویڈیو سمیت خسرو بختیار غرض تحریک انصاف کابینہ کے ہر وزیر کا کوئی نہ کوئی سیکنڈل موجود ہے

واضح رہے کہ بائیڈن انتظامیہ کے ٹیک اوور کے بعد امریکہ کے ساتھ عمران خان حکومت کے تعلقات میں سرد مہری آتی چلی گئی۔ اسی موقع پر پی ٹی آئی نے لابنگ فرمز کے ساتھ معاہدے کرنے کا فیصلہ کیا اور ان میں سے ایک کمپنی رابرٹ لارنٹ گرینیئر کی تھی جو کہ ماضی میں پاکستان میں امریکی سی آئی اے کے اسٹیشن چیف رہ چکے ہیں۔ یہ معاہدہ عمران خان کی جانب سے ان کے مشیر افتخار درانی نے کیا تھا۔ اس معاہدے کے تحت اس کمپنی کو 25 ہزار ڈالر فی ماہ دینے کا فیصلہ کیا گیا تھا اور اس کے علاوہ دیگر اخراجات بھی ادا کیے جانے تھے۔

دستاویزات کے مطابق: اس معاہدے کی مدت چھ ماہ تھی جو کہ مئی 2021 میں شروع ہوا اور دسمبر 2021 میں ختم ہوا۔ رابرٹ گرینیئر 2001 میں پاکستان میں سی آئی اے کے اسٹیشن چیف تھے جب امریکہ نے افغانستان پر حملہ کیا۔ تاہم بعد میں عراق میں بھی تعینات رہے اور ریٹائرمنٹ کے بعد ایک لابنگ فرم کھول لی تھی جس کے ساتھ اب عمران خان نے بھی معاہدہ کیا ہے۔ یاد رہے کہ جس زمانے میں یہ موصوف پاکستان میں تعینات تھے، عمران خان بھی جنرل پرویز مشرف کے بڑے پرجوش حامی اور افغانستان جنگ پر ان کا دفاع کیا کرتے تھے۔ یہ جنرل مشرف کے خاصے قریب بھی تھے۔ عمران خان کو جنرل مشرف نے اپنا ایک کتا بھی بطور تحفہ دیا تھا۔ بعد ازاں جنرل مشرف سے تعلقات خراب ہوئے تو عمران خان نے افغانستان میں امریکی جنگ کی بھی بھرپور مخالفت شروع کر دی تھی.

امریکی قانون کے مطابق لابنگ کمپنیز کے لئے لازم ہے کہ وہ اپنے تمام معاہدے پبلک کرے تاکہ حکومت اور عوام کو پتہ ہو کہ کون سی امریکی کمپنی کسی غیر ملکی کے لئے کام کر رہی ہے۔ اس معاہدے کے صفحہ نمبر 6 پر افتخار درانی کے اسلام آباد کے گھر اور اس کمپنی کے امریکہ میں موجود دفتر کا پتہ موجود ہے۔

فینٹن کمپنی کے ساتھ بھی پی ٹی آئی تین معاہدے کر چکی ہے۔ پہلا معاہدہ جون 2021 میں کیا گیا جو کہ پاکستان کی طرف سے کونسل آن پاکستان ریلیشنز نے کیا۔ یہ ہیوسٹن میں واقع ایک کمپنی ہے جو محمد اشرف قاضی، عادل جمال اور اقبال عبداللہ نے بنائی تھی اور انہوں نے فینٹن کے ساتھ معاہدہ پاکستان کی حکومت کی نمائندگی کرتے ہوئے کیا تھا۔ یہ معاہدہ بھی چھ ماہ کا تھا اور اس کی رقم بھی 25 ہزار ڈالر ماہانہ تھی.

اس کے بعد اسی کمپنی کے ساتھ مارچ 2022 میں ایک اور معاہدہ کیا گیا تھا تاہم یاد رہے کہ یہ وہی وقت تھا کہ جب عمران خان کی حکومت کے خلاف تحریکِ عدم اعتماد آ چکی تھی اور وہ امریکی انتظامیہ کو اس کا ذمہ دار قرار دے رہے تھے۔ اس معاہدے پر 21 مارچ کی تاریخ درج ہے اور اس پر دستخط کرنے والے کوئی اور نہیں بلکہ پاکستان کے وہی سابق سفیر اسد مجید ہیں جنہوں نے ڈانلڈ لو سے ہونے والی گفتگو کا احوال بذریعہ بدنامِ زمانہ مراسلہ پاکستان بھیجا تھا۔ یہاں پتہ بھی پاکستان ایمبیسی کا دیا گیا ہے۔

اس معاہدے کے ختم ہونے سے پہلے ہی پاکستان تحریکِ انصاف نے اب اسی کمپنی سے ایک اور معاہدہ کر لیا ہے۔ دیکھنے کی بات یہ ہے کہ پچھلے چھ ماہ اس کمپنی کو پیسے کس مد سے ادا کیے گئے اور اس دوران کی جانے والی لابنگ کس مقصد کے لئے ہو رہی تھی۔ کہیں ایسا تو نہیں کہ لابنگ تحریک انصاف کی ہو رہی تھی اور پیسہ حکومتِ پاکستان کے خزانے سے ادا ہو رہا تھا؟ یہ بات تشویش طلب ہے۔ اس معاہدے پر دستخط یکم اگست کو ہوئے ہیں اور یہ 21 اگست کے بعد سے نافذ العمل ہے

اسلام آباد:امریکی صدر جوزف بائیڈن کی طرف سے پاکستان کے جوہری اثاثے سے متعلق دیئے گئے بیان کے بعد پاکستان نے امریکی سفیر کو دفتر خارجہ طلب کر کے الزامات مسترد کر دیئے۔

ذرائع کے مطابق امریکی سفیر ڈونلڈ آرمن بلوم کو دفتر خارجہ طلب کیا گیا، امریکی صدر بائیڈن کے بیان پر امریکی سفیر ڈونلڈ بلوم سے وضاحت طلب کی گئی، امریکی سفیر کو پاکستان کی جانب سے احتجاجی مراسلہ بھی تھمادیا گیا۔ اور امریکی صدر کے الزامات کو غیر ذمہ دارانہ قرار دیکر مسترد کر دیا گیا۔

ذرائع کے مطابق دفترخارجہ میں جاری اجلاس کے دوران امریکی سفیر کو طلب کیے جانے کا فیصلہ کیا گیا، اجلاس میں دفترخارجہ حکام کی جانب سے امریکی صدر جوبائیڈن کے بیان پر شدید تحفظات کا اظہار کیا گیا۔

پاکستان میں مہنگائی، بیروزگاری میں خطرناک حد تک اضافہ:معاملات مزید خراب ہوسکتے…

سفارتی ذرائع کے مطابق پاکستان کے ایٹمی اثاثہ جات، کمانڈ اینڈ کنٹرول نظام مکمل طور پر محفوظ ہیں، پاکستان نیوکلئیر پروگرام باقاعدہ طور پر آئی اے ای اے اور عالمی معیارات کے مطابق ہے، امریکا بھارت کے غیر محفوظ ایٹمی و میزائل پروگرام پر آنکھیں بند کیے ہوئے ہیں، امریکی صدر کا بیان انتہائی غیر ذمہ دارانہ ہے۔

میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان

وزیراعظم شہباز شریف نے امریکی صدر کے بیان کو حقائق کے برعکس اور گمراہ کن قرار دیتے ہوئے مسترد کر دیا۔وزیراعظم شہباز شریف نے امریکی صدر کے بیان پر کہاہے کہ گزشتہ دہائیاں ثبوت ہیں کہ پاکستان انتہائی ذمہ دار جوہری ریاست ہے،جوہری پروگرام موثر تکنیکی اور فول پروف کمانڈ اینڈ کنٹرول سسٹم کے زیر انتظام ہے ،جوہری ہتھیاروں کی صلاحیت سے متعلق پاکستان نے ہمیشہ نہایت ذمہ دارانہ کردار کا مظاہرہ کیا ہے ۔ وزیراعظم شہباز شریف کا مزید کہناتھا کہ پاکستان نے عدم پھیلاؤ، سلامتی وتحفظ پر عالمی ایٹمی توانائی ایجنسی (آئی۔اے۔ ای۔اے) سمیت عالمی معیارات کے اپنے پختہ عہد کو پورا کیا ہے ۔ان کا کہناتھا کہ عالمی امن کو اصل خطرہ عالمی مروجہ اقدار کو پامال کرنے والی بعض ریاستوں، انتہا پسند قومیت پسندی، غیرقانونی قبضوں کے خلاف جدوجہد کرنے والوں کے انسانی حقوق کی خلاف ورزیوں سے ہے ،دنیا کے امن کو اصل خطرہ سرفہرست جوہری ممالک کے درمیان اسلحہ کی دوڑ سے ہے ۔

وزیراعظم شہباز شریف نے کہاکہ دنیا کے امن کو اصل خطرہ ان ممالک سے ہے جہاں جوہری سلامتی سے متعلق باربار حادثات ہوئے ،دنیا کے امن کو اصل خطرہ سلامتی کے ان اتحادوں سے ہے جن کی تشکیل سے علاقائی توازن متاثر ہو رہا ہے ۔ان کاکہناتھا کہ پاکستان اور امریکہ کے درمیان دوستی اور باہمی مفاد پر مبنی تعاون کی ایک طویل تاریخ ہے ،دنیا جب بڑے بڑے مسائل اور مشکلات سے دوچار ہے، ایسے میں پاکستان اور امریکہ کے درمیان تعلقات کی حقیقی صلاحیت کو پہچاننے کےلئے خالص اور پائیدار کوششیں نہایت ناگزیر ہیں ۔وزیراعظم شہباز شریف نے کہاکہ اس مقصد کیلئے غیرضروری بیانات سے پرہیز کیا جائے ،علاقائی امن و سلامتی کے فروغ کیلئے امریکہ کے ساتھ تعاون کی پرخلوص خواہش رکھتے ہیں۔

اس سے قبل پریس کانفرنس سے خطاب کرتے ہوئے وزیر خارجہ بلاول بھٹو زرداری نے کہا کہ امریکی صدر بائیڈن نے تقریب سے خطاب کرتے ہوئے کئی ممالک کے بارے میں بات کی اور اس دوران پاکستان کے حوالے سے بھی بیان دیا جس پر میری وزیراعظم سے بات ہوئی ہے اور ہم نے پاکستان میں امریکی سفیر ڈونلڈ بلوم کو ایک سرکاری ڈیمارش کے لیے دفتر خارجہ طلب کیا ہے۔

آئی ایم ایف سے کیے گئے وعدے پورے کریں گے:وزیرخزانہ اسحاق ڈار

انہوں نے کہا کہ جہاں تک پاکستان کے جوہری اثاثوں کی سیکیورٹی اور سیکیورٹی کا معاملہ ہے تو ہم نے عالمی جوہری ایجنسی کے تمام معیارات کو پورا کیا ہے۔ اگر جوہری اثاثوں کی سیکیورٹی اور حفاظت کے حوالے سے سوالات تو ہمارے پڑوسی بھارت سے پوچھنے چاہئیں جس نے حال ہی میں حادثاتی طور پر پاکستانی سرزمین پر میزائل فائر کیا تھا جو ناصرف غیر ذمے دارانہ عمل اور انتہائی غیرمحفوظ ہے بلکہ اس کے ساتھ ساتھ بھارت کی جوہری ہتھیاروں کی حفاظت کے حوالے سے قابلیت پر بھی سوالات اٹھاتا ہے۔

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ مجھے دوستوں کے فون اور میسج آ رہے ہیں کہ ٹویٹر، فیس بک پر مجھے برا بھلا کہا جا رہا ہے، انسٹا گرام ،ٹک ٹاک پر،یوتھئے وی لاگ کرنے پر لگے ہوئے ہیں، میں نے انکو کہنا تھا کہ شرم سے مر جاؤ، سچ بولنا شروع کر دو تو زیادہ لوگ دیکھیں گے

مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ عمران خان کا دوہرا معیار ہے، عمران خان شدید ڈپریشن میں ہے اسکی ایک پرسنل وجہ بھی ہے، وہ بھی میں بتاؤں گا، لوگ کہتے ہیں کہ آپکو بہت گالیاں پڑ رہی ہیں میں کہتا ہوں گالیاں دینے ولے ہیں کون، وہ مجھے گالیاں دے کر ڈرانے کی کوشش کر رہے ہیں، پچھلے پانچ برسوں سے جو ٹرینڈ چلا انتہائی غلط ہے جو سچ بولے اسکے پیچھے پڑ جاؤ، سلیم صافی نے ہمیشہ حق اور سچ کی بات کی ،غریدہ فاروقی نے سچ بولا ، مہر بخاری کو دیکھیں، فریحہ کو دیکھیں ان سب نے جب سچ بولا تو انکے خلاف پروپیگنڈہ کیا گیا، اب میرے خلاف پروپیگنڈہ کیا جا رہا ،میں بھاگنے والا نہیں ہوں، یہ انکی بھول ہے.

مبشر لقمان کا مزید کہنا تھا کہ یہ کیسے ہو سکتا ہے کہ انکے کالے کرتوتوں کو روکنے والا کوئی نہ ہو، میں جو بھونکیں گے انکے مالک تک جاؤں گا اور انکے مالک کو بے نقاب کروں گا جو میرا حق ہے.میں نے یہی سوچا ہے کہ جتنی یہ باتیں کریں ، پروپیگنڈہ کریں میں نے کتوں کے مالک کو "وٹا” مارنا ہے. اب میں اصلیت انکے لیڈر کی بتاؤں گا اور کچھ اور باتیں بتاؤں گا جو کسی کو بھی نہیں پتہ، گالیاں دینے والوں کا ایک ہی حل ہے کہ انکے لیول پر آ کر انکو گالیاں دی جائیں ، میں یہ نہیں کروں گا، لیکن ایک کام میں ضرور کروں گا کہ انکے مالک کو بے نقاب کروں گا.

مبشر لقمان کا مزید کہنا تھا کہ یوتھیے سن لیں جتنا میرے اوپر بات کریں گے اتنا ہی میں انکے لیڈر کو اوقات یاد دلاؤں گا، عمران خان کے جو بیٹے ہیں وہ عمران خان سے دور ہیں، وہ کب سے نہیں ملے ؟ وہ اب ملنا ہی نہیں چاہتے، اپنی ماں کو کہہ چکے ہیں کہ ہم نے عمران خان کو ملنا ہی نہیں، جب فادر ڈے تھا تو جمائما نے ایک ٹویٹ کی اور اس نے بھائی کی تصویر لگا کر ٹویٹ کی اور کہا کہ آئیڈیل باپ کیا ہوتا ہے، عمران خان کو کوئی ترس نہیں آیا، عمران خان کے بچوں نے باپ سے تربیت نہیں لی، وہ اپنے ماموں اور نانا سے تربیت لے رہے ہیں، عمران خان ہے تو ادارے ٹھیک ہیں نیوٹرل ہیں، ایک پیج پر ہیں لیکن آج وہ کہتاہے کہ کٹھ پتلی وزیراعظم تھا، کبھی کہتا تھا کہ میں نے سارا نظام بدل دیا.

ارسلان بیٹا مبشر لقمان ہاتھ سے نکل رہا ہے، تم غداری سے لنک نہیں کر پارہے”

عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

عمران خان سے ڈیل کی حقیقت سامنے آ گئی

عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

عمران خان، تمہارے لئے میں اکیلا ہی کافی ہوں، مبشر لقمان

عمران خان کے غنڈے اور باجیاں تیار، مبشر لقمان پر کسی وقت بھی حملہ ہو سکتا

ملکی سیاست میں زلزلہ، مہرے تیار، کھیل آخری مرحلے میں داخل

پاکستان کا ایٹمی پروگرام بے ترتیب،خطرناک ترین ملک، جوبائیڈن کا الزام
باغی ٹی وی کی رپورٹ کے مطابق امریکی صدر جوبائیڈن پاکستان کے ایٹمی پروگرام کے خلاف بولے ہیں

امریکی صدر جوبائیڈن نے الزام عائد کیا ہے کہ پاکستان کا ایٹمی پروگرام بے ترتیب ہے اس بات کا خدشہ ہے کہ اسے کوئی بھی استعمال کرسکتا ہے۔ میرا خیال ہے کہ پاکستان خطرناک ترین ممالک میں سے ایک ہے، امریکی صدر نے خطاب میں روس چین کا حوالہ دیتے ہوئے پاکستان کا بھی ذکر کیا

دوسری جانب امریکی صدر جو بائیڈن کے پاکستان سے متعلق ریمارکس پر پاکستان کے وزارت خارجہ کا ردعمل آیا ہے، وزارت خارجہ کے سینئر افسر کی جانب سے جاری بیان میں کہا گیا ہے یہ سمجھنا مشکل ہے کہ صدر بائیڈن نے غیرضروری ریمارکس کس تناظر میں دیے متعدد امریکی صدور اور امریکی حکومت نے پاکستان کے ایٹمی پروگرام کی سکیورٹی اور کنٹرول کو ہمیشہ مؤثر اور معیاری قرار دیا

ایٹمی پروگرام سے متعلق امریکی صدرکا بیان بے بنیاد ہے، خرم دستگیر
علاوہ ازیں وفاقی وزیر توانائی خرم دستگیر نے پریس کانفرنس کی اور ایک سوال کے جواب میں کہا کہ پاکستان کا ایٹمی پروگرام کمانڈ اینڈ کنٹرول سسٹم کے تحت محفوظ ہے،پاکستان ایٹمی پروگرام سے متعلق امریکی صدرکا بیان بے بنیاد ہے،

تحریک انصاف کی رہنما شیریں مزاری کہتی ہیں کہ بائیڈن کی پاکستان کیخلاف ہرزہ سرائی تو غیرمتوقع نہیں، امریکہ پاکستان کیخلاف ہرزہ سرائی باقاعدگی سے کرنے کا عادی ہے،جوہری ہتھیاروں کے بیان پرامپورٹڈ سرکار کی خاموشی شرمناک ہے جوبائیڈن پاکستانی قوم سے معافی مانگیں، دنیا کیلئے اصل خطرہ پاکستان نہیں جوہری امریکہ ہے

شُہداء، غازیوں اوراُن سے جُڑے تمام رِشتوں کو سَلام،آئی ایس پی آر کی نئی ویڈیو جاری

بھارت کی پاکستانی فضائی حدود کی خلاف ورزی،ترجمان پاک فوج کا بڑا اعلان

فضائی حدود کی بلااشتعال خلاف ورزی پر بھارتی ناظم الامور کی دفتر خارجہ طلبی

بھارت مان گیا، میزائل ہم سے فائر ہوا، بھارتی وزارت دفاع

میزائل گرنے کے واقعے پر بھارت کے غلطی کا اعتراف،پاکستان کا مشترکہ تحقیقات کا مطالبہ

بھارتی میزائل کا پاکستانی حدود میں گرنے کا واقعہ،چین کا تحقیقات کا مطالبہ

انسداد دہشت گردی جنگ تقریبا ختم ہو چکی،نیشنل امیچورشارٹ فلم فیسٹیول سے ڈی جی آئی ایس پی آر کا خطاب

افغان امن عمل، افغان فوج نے کہیں مزاحمت کی یا کرینگے یہ دیکھنا ہوگا، ترجمان پاک فوج

وطن کی مٹی گواہ رہنا، کے نام سے یوم دفاع وشہداء منانے کا اعلان

کراچی ایکسپو سینٹر میں چار روزہ بین الاقوامی دفاعی نمائش 15 سے 18 نومبر کو ہو گی

انٹرنیشنل ڈیفنس ایگزی بیشن اینڈ سیمینار جنوبی ایشیا کا ایک اہم ایونٹ ہے ڈیفنس ایگزی بیشن اینڈ سیمینار ایکسپورٹ پروموشن آرگنائزیشن کے تحت کیا جاتا ہے گزشتہ سال انٹرنیشنل ڈیفنس ایگزی بیشن اینڈ سیمینار کورونا کے باعث نہیں ہو سکا تھا ڈیفنس ایگزی بیشن 4 سال کے تعطل کے بعد منعقد کی جا رہی ہے، آغاز2000 میں ہوا تھا .ایگزی بیشن دفاعی شعبہ میں اشتراک عمل کو فروغ دینے کا اہم ایونٹ بن کر اُبھرا ،ڈیفنس ایگزی بیشن 11ویں ایڈیشن ٹیکنالوجی کے تبادلے اور فروغ کیلئے عزم کی ترجمانی کرتا ہے

ایونٹ عالمی امن، استحکام اور توازن کے مشترکہ مقاصد کو حاصل کرنے میں معاون کردارادا کرے گا ایونٹ عالمی برادری کے ساتھ پاکستان کے اسٹریٹجک تعلقات کو مضبوط بنانے میں اہم کردار ادا کرے گا، چین ،چیک ری پبلک ، فرانس، جرمنی، اٹلی، اُردن، پولینڈ، روس، جنوبی کوریا، ترکیہ نے ملکی پویلین قائم کیے تھے متحدہ عرب امارات، یوکرین، امریکہ اور میزبان پاکستان جیسے ممالک نے ایکسپو سینٹر میں پویلین قائم کیے تھے

پاک فوج میں مائیں اپنے بچوں کوشہادت کے جذبےسے بھیجتی ہیں،ترجمان پاک فوج

کشمیریوں کے ساتھ کھڑے تھے ،ہیں اور رہیں گے، پاک فوج کا کشمیریوں‌ کو پیغام

‏اسرائیل کو تسلیم کرنے سے متعلق باتیں پروپیگنڈا ہے. ڈی جی آئی ایس پی آر

یہ سوچ بھی کیسے سکتے ہیں کہ کشمیر پر کسی قسم کی کوئی ڈیل ہوئی، ڈی جی آئی ایس پی آر

کشمیر کے لیے ‏‎آخری گولی،آخری سپاہی،آخری حد تک جائیں گے،ترجمان پاک فوج

بھارت سن لے، جنگیں اسلحہ سے نہیں جذبہ حب الوطنی سے لڑی جاتی ہیں، ترجمان پاک فوج

اعظم سواتی کیخلاف سائبر کرائم کا مقدمہ،جج نے بابر اعوان کو بیٹھنے کا حکم دے دیا
سینیٹراعظم سواتی کیخلاف سائبر کرائم کا مقدمہ ،سیشن کورٹ اسلام آباد میں سینیٹر اعظم سواتی کیس کی سماعت ہوئی

اعظم سواتی کو پیش نہ کرنے پر وکیل بابر اعوان روسٹرم پر آگئے اور کہا کہ ایف آئی اے نے اعظم سواتی کو پیش نہیں کیا،گزشتہ سماعت پر عدالت نے میڈیکل کا حکم دیا تھا، مقدمے میں لگی دفعات سیکشنز سے متعلق عدالت کو آگاہ کرونگا، جج نے کہا کہ سیکیورٹی بھی ابھی تک نہیں آئی شاید وہ ملزم کو اسپتال لیکر گئے ہوں،آپ میرے چیمبر میں بیٹھ جائیں یا کوئی ایسوسی ایٹ کمرہ عدالت میں چھوڑ جائیں جب بھی ملزم کو پیش کیا گیا آپکو آگاہ کر دیا جائیگا

بعد ازاں دوبارہ وکیل عدالت میں گئے اور کہا کہ 8بجے سے کھڑے ہیں آدھا گھنٹہ آدھا گھنٹہ کیا جا رہا ہے،جج سیشن کورٹ نے بابر اعوان سے مکالمہ کرتے ہوئے کہا کہ آپ بتائیں ہم کیا کریں، وکیل نے کہا کہ ایف آئی اے کو پابند کریں وہ وقت پر ملزم کو عدالت پیش کریں، جج نے کہا کہ وقت تو فکسڈ نہیں ہو سکتا، وکیل بابر اعوان نے استدعا کی کہ ایف آئی اے کو وقت پر ملزم کو پیش کرنیکا پابند بنائیں،جج سیشن کورٹ نے ریمارکس دیتے ہوئے کہا کہ اگر ایف آئی اے ملزم کو نہیں لاتے تو نہ لائیں،

بعد ازاں سینیٹراعظم سواتی کو مقامی عدالت میں پہنچا دیا گیا ،اعظم سواتی کی پیشی کے موقع پر سیکورٹی کے سخت انتظامات کئے گئے تھے، اعظم سواتی کو بکتر بند گاڑی میں عدالت پہنچایا گیا

جو نقشے عدالت میں پیش کئے گئے وہ سب جعلی،یہ سب ملے ہوئے ہیں، مارگلہ ہلز کیس میں چیف جسٹس کے ریمارکس

نور مقدم قتل کیس، ظاہر جعفر پر ایک اور مقدمہ درج

مارگلہ کی پہاڑیوں پر تعمیرات پر پابندی عائد

ایف نائن پارک میں شہری پر حملے کا مقدمہ تھانہ مارگلہ میں درج کر لیا گیا

اعظم سواتی کیخلاف مقدمہ پیکا قانون کے تحت درج کیا گیا‘

واضح رہے کہ تحریک انصاف کے سینیٹر اعظم سواتی کو گزشتہ روز گرفتار کیا گیا تھا،بعد ازاں انہیں عدالت پیش کیا گیا تھا سیشن کورٹ اسلام آباد میں سینیٹر اعظم سواتی کی گرفتاری و پیشی کی سماعت کا تحریری حکمنامہ کر دیا گیا جس میں کہا گیا ہے کہ اعظم سواتی کا ریمانڈ شروع ہونے سے پہلے اور بعد میں میڈیکل کروایا جائے ، ملزم اعظم سواتی کا دو روزہ جسمانی ریمانڈ منظور کیا جاتا ہے ایف آئی اے نے ٹویٹر اکاؤنٹ اور متعلقہ موبائل کی ریکوری کے لیے 8 روزہ جسمانی ریمانڈ کی استدعا کی،اعظم سواتی نے شکایت کی کہ رات3 بجے گرفتاری کے بعد ان پر تشدد کیا گیا ، ایف آئی اے نے بتایا کہ ملزم کے ٹویٹر اکاؤنٹ کا تکنیکی موازنہ کرنا ہے، تفتیش اور برآمدگی کے لیے ملزم کا دو روزہ جسمانی ریمانڈ منظور کیا جاتا ہے،ملزم اعظم سواتی کو 15 اکتوبر کو دوبارہ عدالت میں پیش کیا جائے،

اسلام آباد: نیشنل سکیورٹی کمیٹی کے اجلاس کے بعد اعلامیہ میں بتایا گیا ہے کہ ملک میں دہشتگردی میں ملوث ہر فرد کے ساتھ سختی سے نمٹا جائے گا۔

وزیراعظم شہباز شریف کی زیر صدارت ملکی سلامتی کی صورتحال سے متعلق اہم اجلاس ہوا، اجلاس میں سپہ سالار جنرل قمر جاوید باجوہ سمیت انٹیلی جنس اداروں کے سربراہان نے بھی شرکت کی۔ قومی سلامتی کے اجلاس کے دوران وزیر دفاع، وزیر داخلہ، خارجہ امور کے وزراء نے بھی شرکت کی۔

ذرائع کے مطابق اجلاس میں سوات کی صورتحال اور کالعدم تحریک طالبان سے مذاکرات سے متعلق امور پر تفصیلی تبادلہ خیال کیا گیا اور سکیورٹی اداروں نے اپنی سفارشات اجلاس میں پیش کیں۔ذرائع کے مطابق اس کے علاوہ ایک اور اجلاس ہوا، اس اجلاس کی صدارت وزیراعظم شہباز شریف نے کی، اس اجلاس میں جنرل قمر جاوید باجوہ، ڈی جی آئی ایس آئی لیفٹیننٹ جنرل ندیم انجم، کور کمانڈر پشاور نے شرکت کی۔

ذرائع کے مطابق اجلاس میں خیبر پخونخوا اور مغربی سرحدوں سے متعلق سکیورٹی کا جائزہ لیا گیا، وزیر اعظم کو خیبر پختونخوا اور مغربی سرحدوں سے متعلق سکیورٹی پر بریفنگ دی گئی۔ذرائع کے مطابق اجلاس سے قبل آرمی چیف اور وزیراعظم کی ون آن ون ملاقات بھی ہوئی، ملاقات کے دوران قومی و داخلی سلامتی سے متعلق امور پر تفصیلی تبادلہ خیال کیا گیا جبکہ ملک کی مجموعی امن وامان کی صورتحال پر بھی گفتگو کی گئی۔

اس موقع پر شہباز شریف نے کہا کہ دہشتگردی کو کسی صورت دوبارہ پنپنے نہیں دیا جائے گا، سیاسی اور عسکری قیادت ایک پیج پر ہے۔ بڑی قربانیوں سے ملک میں امن کو بحال کیا گیا، دہشتگردی کے خاتمے میں سکیورٹی فورسز کی قربانیاں بے مثال ہیں۔ سکیورٹی اہلکاروں اور عوام کی قربانیوں کو فراموش نہیں کیا جا سکتا۔

قومی سلامتی کمیٹی نے وفاقی اور صوبائی سطح پر انسداد دہشت گردی کے نظام کو ازسرنو متحرک کرنے اور مرکزی سطح پر وزیراعظم کی زیر قیادت ایپکس کمیٹی تشکیل دینے ، سی پیک کے منصوبوں کی سکیورٹی فول پروف بنانے کا فیصلہ کرتے ہوئے کہا ہے کہ شہریوں کے جان و مال کا تحفظ، ملک کی جغرافیائی سالمیت کی حفاظت، آئین و قانون کی حکمرانی اور ریاستی عملداری کیلئے قوم اور ادارے یکجان اور ایک آواز ہیں، ملک میں امن و امان کے قیام اور وطن عزیز کی سلامتی و دفاع کیلئے دی گئی شہدا کی قربانیاں رائیگاں نہیں جانے دی جائیں گی۔

وزیراعظم شہبازشریف کی زیرصدارت قومی سلامتی کمیٹی (این ایس سی) کا اہم اجلاس وزیراعظم ہائوس میں منعقد ہوا جس میں وفاقی وزرا کے علاوہ سروسز چیفس، حساس اداروں کے سربراہان اور دیگر اعلیٰ حکام نے شرکت کی۔

اجلاس میں رکن قومی اسمبلی محسن داوڑ اور عوامی نیشنل پارٹی کے رہنما میاں افتخار حسین نے بھی شرکت کی۔ اجلاس میں ملک میں امن و امان کی مجموعی صورتحال کا تفصیلی جائزہ لیا گیا۔ متعلقہ حکام نے امن و امان کی صورتحال پر بریفنگز دیں۔

اجلاس نے ملک میں امن وامان کے قیام اور وطن عزیز کی سلامتی و دفاع کے لئے پاک فوج، رینجرز، پولیس سمیت قانون نافذ کرنے والے تمام اداروں کے کردار کو سراہا اور اس عظیم مقصد کے لئے شہید ہونے والے افسران اور جوانوں کو زبردست خراج عقیدت پیش کیا۔

اجلاس نے شہدا کے اہلخانہ کو سلام پیش کرتے ہوئے اعتراف کیا کہ شہدا نے ملک وقوم کے لئے جرأت و بہادری اور شجاعت کی عظیم داستانیں رقم کی ہیں۔ اس عزم کا اعادہ کیاگیا کہ شہداء کی قربانیاں رائیگاں نہیں جانے دی جائیں گی۔ قومی سلامتی کمیٹی نے قرار دیا کہ شہریوں کے جان و مال کا تحفظ، پاکستان کی جغرافیائی سالمیت کی حفاظت، آئین اور قانون کی حکمرانی اور ریاستی عمل داری کے لئے قوم اور ریاستی ادارے یکجان اور ایک آواز ہیں، پوری قوم ان مقاصد پر نہ صرف واضح ذہن کے ساتھ متحد اور یکسو ہے بلکہ ہر قیمت پر ان کے حصول کو یقینی بنایا جائے گا۔

قومی سلامتی کمیٹی نے سوات سمیت ملک کے بعض حصوں میں امن و امان کو خراب کرنے کے واقعات کا جائزہ لیا اور متاثرہ خاندانوں سے افسوس کا اظہار کیا اور مرحومین کے لئے فاتحہ خوانی کی ۔

قومی سلامتی کمیٹی نے واضح کیا کہ پاکستان کے ہر شہری کا لہو نہایت قیمتی ہے اور اسے بہانے میں ملوث ہر فرد سے قانون پوری سختی سے نمٹے گا، ہمارے شہریوں نے دہشت گردی کے خلاف جنگ میں اپنی بہادر سپاہ کے ساتھ مل کر بے مثال قربانیاں دیں اور تاریخی کردار ادا کیا ہے۔ قومی سلامتی کمیٹی نے مرکزی سطح پر ایپکس کمیٹی کی تشکیل کا فیصلہ کیا جس کی صدارت وزیراعظم کریں گے۔ انسداد دہشت گردی کے ادارے (نیکٹا) کو فعال بنایا جائے گا جو صوبائی سطح پر انسداد دہشت گردی کے محکموں (سی ٹی ڈی) کے اشتراک عمل سے کام کرے گا۔

قومی سلامتی کمیٹی نے یہ بھی فیصلہ کیا کہ انسداد دہشت کے لئے وفاقی اور صوبائی سطح پر نظام کو ازسرنو متحرک کیاجائے۔ اس کا ازسرنو جائزہ لیتے ہوئے اقدامات کی نشاندہی کی جائے تاکہ نظام کو مزید موثر خطوط پر استوار کیا جاسکے۔ یہ نظام نگرانی کے فرائض بھی انجام دے گا تاکہ مسلسل بہتری کا عمل جاری رہے۔

قومی سلامتی کمیٹی نے چین پاکستان اقتصادی راہداری (سی پیک) کے منصوبوں کی سکیورٹی کو فول پروف بنانے کے لئے موثر اقدامات کی منظوری دی۔ اس ضمن میں نیکٹا اشتراک عمل کی ذمہ داری انجام دے گا جبکہ صوبوں کے ذریعے عملدرآمد کرایا جائے گا۔

قومی سلامتی کمیٹی نے یہ بھی فیصلہ کیا کہ انسداد دہشت گردی کے نظام کو جدید ٹیکنالوجی سے لیس کیا جائے، جہاں اپ گریڈیشن درکار ہے،کی جائے، اس ضمن میں وسائل کی فراہمی یقینی بنائی جائے گی جبکہ استعداد بڑھانے کے لئے بھی اقدامات کئے جائیں گے۔