اسلام آباد:لاہور کی اسپیشل کورٹ نے ایف آئی اے منی لانڈرنگ کیس میں وزیراعظم شہباز شریف اور ان کے بیٹے سابق وزیراعلیٰ پنجاب حمزہ شہباز کو بری کردیا۔ٹویٹ کرتے ہوئے کہتے ہیں کہ ریاستی قوت کے استعمال کے باوجود سرخرو ہوئے
عدالت سے بریت کے بعد اپنی ٹوئٹ میں وزیراعظم کا کہنا تھاکہ حق ذات نے پھر فضل فرمایا اور منی لانڈرنگ کے جھوٹے، بے بنیاد، سیاسی انتقام پر مبنی مقدمے سے بریت کا یہ دن دکھایا جس پر اللہ تعالیٰ کا جتناشکر اداکریں، کم ہے۔
حق ذات نے پھر فضل فرمایا، منی لانڈرنگ کے جھوٹے، بے بنیاد، سیاسی انتقام پر مبنی مقدمے سے بریت کا یہ دن دکھایا، اس پر اللہ تعالیٰ کا جتناشکر اداکریں، کم ہے۔ بدترین چیرہ دستیوں، ریاستی قوت کے استعمال اور اداروں کو یرغمال بنانے کے باوجود ہم عدالت، قانون اور عوام کے سامنے سرخرو ہوئے۔
یاد رہے کہ لاہور کی خصوصی عدالت نے وفاقی تحقیقاتی ادارہ (ایف آئی اے) کی جانب سے بنائے گئے منی لانڈرنگ کے مقدمے میں وزیر اعظم شہباز شریف اور ان کے صاحبزداے اور سابق وزیر اعلیٰ پنجاب حمزہ شہباز کی درخواستیں منظور کرتے انہیں مقدمےمیں بری کردیا۔
خصوصی عدالت کے جج اعجاز اعوان نے سماعت کے بعد محفوظ کیا گیا فیصلہ سنایا اور شہباز شریف اور حمزہ شہباز کو منی لانڈرنگ کے مقدمے سے بری کیا اور کہا کہ عدالت نے بریت کی درخواستیں منظور کر لی ہیں۔
لاہور کی خصوصی عدالت کی جانب سے صدر مسلم لیگ (ن) اور وزیراعظم شہباز شریف اور حمزہ شہباز کی بریت کا فیصلہ سنائے جانے کے بعد کارکنانِ نے جشن منانا شروع کردیا اور ڈھول کی تھاپ پر ڈانس کیا اوربھنگڑے ڈالے۔
عمران خان کے غنڈے اور باجیاں تیار، مبشر لقمان پر کسی وقت بھی حملہ ہو سکتا
سینئر صحافی و اینکر پرسن مبشر لقمان نے کہا ہے کہ جب تک عمران خان میرے خلاف ٹرینڈ کروا ہے وہ چلے گا، اسکے بندوں کی کوئی حیثیت نہیں، عمران خان خود کروا رہا ہے،
مبشر لقمان آفیشیل یوٹیوب چینل پر بات کرتے ہوئے سینئر صحافی و اینکر مبشر لقمان کا کہنا تھا کہ تحریک انصاف کے لوگوں کی میٹنگ ہوئی اس میں بات کی گئی کہ میرے ساتھ بدتمیزی کی جائے، یا جو انکی بہنیں ہیں حریم شاہ وغیرہ کو چھوڑا جائے اورمجھے بدنام کیا جائے، یا اسکے ساتھ کسی کام کرنے والے سے کوئی بات کروائی جائے اور میرے خلاف بیانیہ بنایا جائے، وہ اس طرح کے پروگرام بنا رہے، دلیل کا جواب دلیل سے نہیں دے سکتے، بدتمیزی، ہلڑ بازی کریںگے تو میں کسی سے نہیں عمران خان سے بات کروں گا، عمران خان کو پتہ ہے کہ میں ڈرنے والا ،جھکنے والا ،بکنے والا نہیں، عمران خان کتنی تقریروں میں میری تعریفیں کر چکا ہے اسوقت صحیح تھا اب میں غلط ہو گیا؟ کیا میں احسن گجر، عثمان بزدار، فرح کی کرپشن بے نقاب نہ کروں، ہمارا کام ہی یہی ہے
مبشر لقمان کا مزید کہنا تھا کہ ہیکر بتائے گا ویڈیو کب آ رہی میں نہیں جانتا، انکا سب کچھ فیک ہے، مالم جبہ،بی آرٹی،توشہ خانہ سب کچھ فیک ہے خان کی زندگی میں، کوئی ویڈیو آ بھی گئی تو وہ اسکو فیک دیں گے، عدالت جانے کا آڈیو لیک کے خلاف کہا تھا تو ابھی تک کیوں نہیں گئے، بات کرنی تھی کر دی، خود ہی ایکسپوز ہو گا ،میرے خلاف ٹرینڈ وہی لوگ بنا رہے جو عمران خان کو ملتے، 2021 میں ایک اکاؤنٹْ بنا جو دھڑا دھڑ ٹویٹ کر رہا، میں پاکستان آ جاؤں تو درخواست دوں گا،کہ اسکا پاسپورٹ کینسل کریں، پھر پتہ لگے
مبشر لقمان کا مزید کہنا تھا کہ میں کل اسلام آباد میں تھا اور پی ڈی ایم کے لوگوں سے ملاقات ہوئی، محسن داوڑ ، حامد میر سمیت کئی لوگوں سے ملاقات ہوئی، پورے ملک کے لئے ایک قانون اور عمران خان کے لئے الگ قانون، قانون کے مطابق عمران خان کو ہینڈل نہیں کیا جا رہا، اسکو قانون کے مطابق ہینڈل کرنا چاہئے، رانا ثناکو اس حوالہ سے فری ہینڈ ملنا چاہئے
مبشر لقمان کا مزید کہنا تھا کہ میں ترکی آیا ہوں، دنیا کس کس بات کا سوچ رہی ہے، ہم بدتمیزی،گراوٹ سے باہر نہیں نکلے، اور اسی پر لگے ہوئے ہیں، مخالفین پر پرچے ، اس طرح کے کام ہوتے پاکستان میں،
اسٹیل ملز سے 20 ارب روپے کا سامان چوری کیا گیا
باغی ٹی وی ،کراچی ( ویب نیوز) روزنامہ امت کے مطابق اسٹیل ملز میں گزشتہ برسوں کے دوران چوری کیے گئے سامان کی مالیت بیس ارب تک جا پہنچی ہے۔ اس بڑے اسکینڈل کی تحقیقات کو جلد مکمل کرنے کیلئے ایف آئی اے نے ملز کے اندر ہی عارضی دفتر قائم کرلیا ہے۔ ایف آئی اے ٹیم نے کئی روز تک پورا دن یہاں گزارا اور متعلقہ افسران سے گھنٹوں پوچھ گچھ کی گئی۔ ریکارڈ سامنے رکھ کر قلمبند کئے جانے والے بیانات انکوائری کا حصہ بنا لئے گئے ہیں۔ تحقیقات کے دوران مختلف متعلقہ ڈپارٹمنٹ اور دفاتر میں آمدروفت بند کردی گئی۔ اسٹیل ملز میں سیکورٹی ڈپارٹمنٹ کے افسران اور دیگر متعلقہ حکام کی ملی بھگت سے سامان چوری کرنے کی درجنوں وارداتیں رونما ہوتی رہیں۔ تاہم ایک واردات ایسی بھی کی گئی جس میں کئی درجن غیر متعلقہ افراد گھنٹوں رات کے اندھیرے میں دندناتے رہے اور 10 کے قریب ٹرک ساتھ لائے۔ ان ٹرکوں میں اسکریپ، اسٹیل، آئرن وغیرہ لا د کر باہر منتقل کیا جاتا رہا۔ اس واردات میں ان ٹرکوں نے کئی چکر لگائے۔ تاہم حیرت انگیز طور پر نہ پولیس کو اطلاع دی گئی اور نہ ہی اعلیٰ حکام کے کانوں پر جوں رینگی۔ بلکہ اس معاملے کو دبا دیا گیا۔ ایف آئی اے کی تحقیقاتی ٹیم سے منسلک ذرائع کے مطابق سیکورٹی چوکیوں، گوداموں اور گیٹس پر نصب کیمروں کے ڈیٹا سے چھان بین کی جا رہی ہے۔ جبکہ یہاں تعینات اہلکاروں اور متعلقہ ڈپارٹمنٹ کے انچارجز کے بیانات بھی قلمبند کرلئے گئے ہیں۔
’’امت‘‘ کو موصولہ اطلاعات کے مطابق وزارت صنعت و پیداوار کی تحریری درخواست پر ڈائریکٹر جنرل ایف آئی اے ہیڈ کوارٹر اسلام آباد کی جانب سے ایف آئی اے کراچی زون کو اسٹیل ملز سے اربوں روپے مالیت کا سامان غائب ہونے کی تحقیقات کا ٹاسک رواں برس جولائی کے آخر میں دیا گیا۔ جس پر ابتدائی کارروائی کے بعد ایف آئی اے کارپوریٹ کرائم سرکل کراچی میں ایک انکوائری رجسٹرڈ کی گئی اور اس پر ایک 5 رکنی ٹیم قائم کی گئی۔ مذکورہ ٹیم میں ایک اسسٹنٹ ڈائریکٹر،4 انسپکٹر اور سب انسپکٹرز شامل ہیں۔ انکوائری رجسٹرڈ کئے جانے کے وقت ایف آئی اے افسران کی جانب سے حکام بالا کو آگاہ کیا گیا کہ ماضی میں بھی اسٹیل ملز میں اربوں روپے کی کرپشن پر درجنوں انکوائریاں ریکارڈ نہ ملنے اور اسٹیل ملز حکام کی جانب سے کی جانے والی ٹال مٹول کے نتیجے میں سود مند ثابت نہیں ہوئیں۔ اس لئے ایف آئی اے کو مطلوبہ ریکارڈ کی بروقت دستیابی کو ممکن بنایا جائے۔ اس پر ایف آئی اے حکام کی جانب سے وزارت صنعت و پیداوار سے رابطہ کیا گیا۔ جہاں سے اسٹیل ملزحکام کو ایف آئی اے کے ساتھ مسلسل رابطے میں رہنے اور تعاون فراہم کرنے کیلئے پاکستان اسٹیل ملزکے فوکل پرسن ریاض حسین منگی کو ذمے دارسونپی گئیں۔ ایف آئی اے ٹیم کی جانب سے انکوائری میں تحقیقات کا آغاز اسٹیل ملز کی ایک ورکرز ایسوسی ایشن کی ان معلومات کو سامنے رکھ کر کیا گیا۔ جس کو بنیاد بناتے ہوئے وزارت صنعت و تجارت کی جانب سے ایف آئی اے کو تحقیقات کیلئے کہا گیا تھا۔ ورکرز ایسوسی ایشن کی جانب سے فراہم کی گئی تحریری معلومات میں ملز سے چوری کی وارداتوں، افسران کی ملی بھگت اور طریقہ کار کے حوالے سے کئی اہم انکشافات کئے گئے اور اس میں کئی وارداتوں کی پوری تفصیلات تاریخ، وقت کے ساتھ منسلک کی گئیں۔ ایف آئی اے کارپوریٹ کرائم سرکل کی مذکورہ ٹیم کی جانب سے رواں برس اگست کے آغاز میں اسٹیل ملز حکام سے متعلقہ ریکارڈ طلب کرنا شروع کیا گیا۔ اس ضمن میں فوکل پرسن پی ایس ایم ریاض حسین منگی کو ایک تفصیلی مراسلہ ارسال کیا گیا۔ جس میں 2018ء سے اب تک 5 برسوں کے دوران اسٹیل ملزکے دروازوں، سیکورٹی چوکیوں، گوداموں اور مختلف ڈپارٹمنٹ پر تعینات سیکورٹی اہلکاروں کے نام، ولدیت، شناختی کارڈ، سروس ریکارڈ اور موبائل نمبرز طلب کئے گئے۔ اس کے ساتھ ہی ان تمام مقامات پر نصب کیمروں کی وڈیو فوٹیجز بھی طلب کی گئیں۔ جن مقامات سے سامان چوری کرنے کی وارداتیں کی جاتی رہیں۔ ان کے اطراف نصب کیمروں کے غیر فعال ہونے کی وجوہات بھی مانگی گئیں۔ اس کے ساتھ ہی 5 برسوں میں ملز میں آنے اور نکلنے والے میٹریل کا ریکارڈ بھی طلب کرکے جانچ پڑتال شروع کی گئی۔
ایف آئی اے کی تحقیقات سے منسلک ذرائع کے بقول گزشتہ 4 ماہ کی تحقیقات میں کئی اہم ثبوت اور شواہد حاصل کر لئے گئے ہیں اور اب انکوائری پر حتمی سفارشاتی رپورٹ مرتب کی جا رہی ہے۔ جس پر لیگل ڈپارٹمنٹ کی ماہرانہ رائے اور ملوث ملزمان پر لگنے والی دفعات کا تعین کرکے مقدمہ کی منظوری کیلئے رپورٹ ڈائریکٹر زون کے توسط سے ڈائریکٹر جنرل ایف آئی اے کو پیش کردی جائے گی۔ ذرائع کے بقول گزشتہ ہفتے اسسٹنٹ ڈائریکٹر ندیم خان، سب انسپکٹر عظمیٰ طالب، سب انسپکٹر رائو عامر اور دیگر پر مشتمل ایف آئی اے کی 5 رکنی ٹیم مسلسل کئی روز تک 8 سے 10 گھنٹے پاکستان اسٹیل ملزمیں گزار چکی ہے۔ ایف آئی اے ٹیم کی جانب سے پروڈکشن پلانٹ اور دیگر مختلف ڈپارٹمنٹس میں تفصیلی چھان بین کی گئی اور یہاں سے متعلقہ ریکارڈ بھی تحویل میں لیا گیا۔ اس کے ساتھ ہی اب تک سامنے آنے والی ریکارڈ کی چھان بین کے بعد سوالنامے تیار کر کے سی ایف او عادل شیخ، راجیش کھتری، شکیل، ڈاکٹر محمود شاہ اور طارق سمیت دیگر متعلقہ افسران کے تفصیلی بیانات قلمبند کرکے انکوائری فائل کا حصہ بنائے گئے۔ اس دوران پروڈکشن پلانٹ اور ڈپارٹمنٹ کے دروازے بند کردیئے گئے اور کئی گھنٹوں تک آمدروفت روک دی گئی۔ تحقیقات کیلئے اسٹیل ملز گیسٹ ہائوس پر بھی ایف آئی اے ٹیم پہنچی اور تفصیلی جائزہ لیا۔ اس دوران یہاں سے اخراجات اور بجٹ کا ریکارڈ بھی ضبط کیا گیا۔ جبکہ یہاں موجود جام داد خان، جاوید ملک نامی افسران اور اہلکار سے تفصیلی پوچھ گچھ کرکے ان کے بیانات قلمبند کئے گئے ۔ ایف آئی اے ذرائع کے بقول چونکہ شہر کے مرکز سے طویل مسافت کی وجہ سے صدر ایف آئی اے دفاتر سے ریکارڈ کے حصول اور چھان بین کیلئے روز گلشن حدید میں واقع اسٹیل ملز آنا جانا ممکن نہیں۔ اس لئے اسٹیل ملز کے آفس بلاک میں ایک کمرہ عارضی دفتر کے طور پر ایف آئی اے افسران کے بیٹھنے کیلیے مختص کرلیا گیا ہے۔ جہاں قریب رہائش پذیر ایف آئی اے اہلکار آکر بیٹھ سکتے ہیں اور ایف آئی اے دفاتر میں موجود اپنے افسران سے رابطے میں رہ کر انہیں مطلوبہ مواد وہیں منگوا کر چھان بین کر سکتے ہیں اور اسی وقت یہ مواد ایف آئی اے ٹیم کو ارسال کرکے اس پر مزید ہدایات لے سکتے ہیں۔ ایف آئی اے ذرائع کے بقول ابتدائی طور پر 10 ارب روپے مالیت کے سامان کی خورد برد سے تحقیقات شروع کی گئیں۔ تاہم اب یہ مالیت 20 ارب روپے تک پہنچ چکی ہے۔ کیونکہ ایک ہی واردات میں اربوں روپے کا سامان اسٹیل ملز سیکیورٹی کی موجودگی میں نکالا گیا۔ انکوائری میں مذکورہ بالا افسران سمیت چیف ایگزیکٹو آفیسر اسٹیل ملز نامز ہیں۔ جو ممکنہ مقدمہ میں شامل ہوں گے۔
راولپنڈی:آرمی چیف جنرل قمرجاوید باجوہ سے اقوام متحدہ کی اہم شخصیت کی اہم ملاقات ،اطلاعات کے مطابق آج جی ایچ کیو میںاقوام متحدہ کے انڈر سیکرٹری جنرل ڈیپارٹمنٹ آف پیس کیپنگ آپریشنز (یو ایس جی ڈی پی او) مسٹر جین پیئر اور لیکروکس کی قیادت میں وفد نے آرمی چیف جنرل قمر جاوید باجوہ سے ملاقات کی۔
اقوام متحدہ کے انڈرسیکرٹری جنرل ڈیپارٹمنٹ آف پیس کیپنگ آپریشنز کی آرمی چیف سے ملاقات میں باہمی دلچسپی کے امور اور علاقائی سلامتی کی مجموعی صورتحال پر تبادلہ خیال کیا گیا۔ اس اہم ملاقات میں آرمی چیف جنرل قمر جاوید باجوہ نے اقوام متحدہ کی بنیادی اقدار کو فروغ دینے اور بحرانوں کے دوران ان کی قیادت میں انڈر سیکرٹری کے دفتر کے کردار کو سراہا۔
آرمی چیف جنرل قمر جاوید باجوہ سے ملاقات کے دوران اقوام متحدہ کے معززین نے اقوام متحدہ کے امن مشن میں پاکستان کی شراکت اور انسداد دہشت گردی میں غیر معمولی کامیابیوں کا اعتراف کیا۔
اقوام متحدہ کے انڈر سیکرٹری نے موسمیاتی تبدیلیوں کے باعث پاکستان میں سیلاب سے ہونے والی تباہی پر بھی دکھ کا اظہار کیا اور متاثرین کے اہل خانہ سے دلی تعزیت کی۔
سپریم کورٹ میں نیب ترامیم کیخلاف عمران خان کی درخواست پر سماعت منگل تک ملتوی کر دی گئی
وکیل نے کہا کہ کابینہ اور ورکنگ ڈویلپمنٹ پارٹیز کے فیصلے بھی نیب دائرہ اختیار سے نکال دیئے گئے ہیں،چیف جسٹس عمر عطا بندیال نے ریمارکس دیتے ہوئے کہا کہ کمیٹیوں اور کابینہ میں فیصلے مشترکہ ہوتے ہیں، مشترکہ فیصلوں پر کیا پوری کابینہ اور کمیٹی کو ملزم بنایا جائے گا؟ پوری کابینہ یا کمیٹی ملزم بنے گی تو فیصلے کون کرے گا؟ہر کام پارلیمان کرنے لگی تو فیصلہ سازی کا عمل سست روی کا شکار ہوجائے گا، ایل این جی معاہدے کے حقائق دیکھے بغیر کیس بنایا گیا تھا، ایل این جی سطح کے معاہدے حکومتی لیول پر ہوتے ہیں،کئی بیوروکریٹ ریفرنس میں بری ہوئے لیکن انہوں نے جیلیں کاٹیں، بعض اوقات حالات بیوروکریسی کے کنٹرول میں نہیں ہوتے، وکیل نے کہا کہ حالیہ نیب ترامیم انسداد کرپشن کے عالمی کنوینشن کے بھی خلاف ہیں،چیف جسٹس عمر عطا بندیال نے ریمارکس دیتے ہوئے کہا کہ آمدن سے زائد اثاثے پوری دنیا میں جرم تصور ہوتے ہیں، عالمی معیار اور مقامی قانون کے تناظر میں نیب ترامیم کا جائزہ لینگے،
جسٹس منصور علی شاہ نے استفسار کیا کہ کیا نیب سے بچ نکلنے والے کسی اور قانون کی زد میں آسکتے ہیں؟ وکیل نے کہاکہ اختیارات کے ناجائز استعمال کیلئے کوئی اور قانون موجود نہیں ہے،نیب ترامیم کے بعد50 کروڑروپے سے زائد کی کرپشن ثابت کرنا بھی ناممکن بنا دیا گیا ،جسٹس اعجاز الاحسن نے کہا کہ نیب ترامیم سے سسٹمیٹک کرپشن کو فروغ ملے گا،ترمیم سے اجازت دی گئی کہ وہ مالی فائدے لیں جو نیب قانون کے زمرے میں نہ آئیں،وکیل نے کہا کہ ترمیم کے بعد مالی فائدہ ثابت ہونے پر ہی کارروائی ہوسکے گی،اختیارات کے ناجائز استعمال کیلئے عوامی عہدیدار کا براہ راست فائدہ لینا ثابت کرنا ہوگا،عوامی عہدیدار کے فرنٹ مین اور بچوں کے مالی فائدے پر بھی کیس نہیں بنے گا، جسٹس منصور علی شاہ نے استفسار کیا کہ کیا نیب ترمیم شدہ قانون موجودہ حالت میں 1999 میں آتا تو چیلنج ہوتا؟ وکیل نے کہا کہ قانون پر عملدرآمد میں نقائص سامنے آنے پر ہی اسے چیلنج کیا جاتا ہے،مخصوص افراد کو فائدہ پہنچانے کیلئے نیب ترامیم کی گئی ہیں،حکومت کے آنے کا پہلا ٹارگٹ ہی اپنے نیب کیسز ختم کرنا تھا، کیا نیب تحقیقات پر خرچ اربوں روپے ضائع ہونے د یئے جائیں؟
واضح رہے کہ عمران خان نے موجودہ حکومت کی جانب سے نیب ترامیم کو سپریم کورٹ میں چیلنج کر رکھا ہے ،عدالت عظمیٰ میں دائر درخواست میں عمران خان نے استدعا کی تھی کہ سیکشن 14،15، 21، 23 میں ترامیم بھی آئین کے منافی ہیں۔ نیب قانون میں یہ ترامیم آئین کے آرٹیکل 9، 14، 19A, 24, 25 کے بنیادی حقوق کے برعکس ہیں، نیب قانون میں کی گئی ان تمام ترامیم کو کالعدم قرار دیا جائے۔
وزیر اعظم شہباز شریف کے قازقستان پہنچنے پر نائب وزیراعظم نور سلطان بازیف نے استقبال کیا
قازقستان کے نائب وزیراعظم نور سلطان بازیف نے شہبازشریف کا استقبال کیا، وزیراعظم شہبازشریف آستانہ میں سیکا سربراہی اجلاس میں شرکت کریں گے ، کابینہ کے ارکان اور اعلیٰ حکام پر مشتمل وفد وزیراعظم شہبازشریف کے ہمراہ ہے. ذرائع کے مطابق؛ وزیراعظم جمعرات کو کانفرنس کی افتتاحی نشست سے خطاب کریں گے۔
وہ مشترکہ چیلنجز سے نمٹنے کے لئے ایشیائی ممالک میں روابط، افہام و تفہیم اور تعاون کو فروغ دینے کے حوالے سے ایک منفرد فورم کے طور پر کانفرنس کی اہمیت بھی اجاگر کریں گے۔ وزیر اعظم علاقائی اور عالمی امور کے بارے میں بھی پاکستان کے نکتہ نظر پر روشنی ڈالیں گے۔سربراہی کانفرنس کے موقع پر وزیراعظم ایشیائی کانفرنس کے رکن ممالک کے رہنمائوں سے دو طرفہ ملاقاتیں بھی کریں گے جن کا مقصد خصوصاً تجارت، سرمایہ کاری اور توانائی کے شعبوں میں تعاون کو فروغ دینا ہے۔
روانگی سے قبل وزیراعظم شہباز شریف کا کہنا تھا کہ آستانہ میں سیکا سربراہی اجلاس میں شرکت کے لیے قازقستان روانہ ہورہاہوں ،سیکا روابط کے ذریعے ایشیا میں اقتصادی تعاون اور سلامتی کو نئی جہت دے گی ،دنیا کو توانائی اور خوراک کی قیمتوں میں اضافے کی وجہ سے کساد بازاری کا سامنا ہے موسمیاتی تبدیلیوں سے ہونے والے نقصانا ت نے مربوط کوششوں کی اہمیت کو بڑھادیا
عدالت نے منی لانڈرنگ کیس میں شہباز شریف اور حمزہ شریف کو بری کردیا
وزیراعظم شہباز شریف اورحمزہ شہبازمبینہ منی لانڈرنگ کے مقدمے سے بری ہو گئے اسپیشل کورٹ سینٹرل کےجج اعجاز اعوان نے فیصلہ سنایا عدالت نے شہبازشریف اور حمزہ شہبازکی بریت کی درخواستیں منظور کر لیں
شہباز شریف خاندان کے خلاف ایف آئی اے منی لانڈرنگ مقدمہ, ایف آئی اے کی جانب سے چالان والیم 7 پر مشتمل تفصیل عدالت میں جمع کروا دی گئی
شہباز شریف اور حمزہ شہباز سمیت دیگر کے خلاف مقدمہ نومبر 2020میں درج کیا گیا جولائی 2021 میں ملزمان نے ضمانتوں کے لیے سیشن کورٹ سے رجوع کیا ایف آئی اے نے مارچ 2022 میں مقدمے کا چالان اسپیشل سینٹرل کورٹ میں جمع کروایا ملزمان پر 16 ارب روپے کی منی لانڈرنگ کا الزام عائد کیا گیا چالان میں شہباز شریف اور حمزہ شہباز کو مرکزی ملزم قرار دیا گیا تھا ایف آئی اے نے منی لانڈرنگ چالان میں 100 گواہوں کی لسٹ جمع کروائی گئی تھی سلمان شہباز،طاہرنقوی اور لک مقصود کو اشتہاری قرار دیا گیا ملزم ملک مقصود اور جے آئی ٹی کے سربراہ ڈاکٹر رضوان انتقال کر چکے ہیں
واضح رہے کہ شریف خاندان کے خلاف منی لانڈرنگ کیس ایف آئی اے سپیشل کورٹ میں زیر سماعت تھا، وزیراعظم شہباز شریف اور وزیراعلیٰ حمزہ شہباز خود عدالت میں پیش ہو چکے ہیں، یہ کیس سابق وزیراعظم کے سابق مشیر شہزاد اکبر کی جانب سے بنایا گیا ہے
پانچ ہزار کے مچلکوں کے عوض عمران خان کی ضمانت منظور
ممنوعہ فنڈنگ کیس، عمران خان کی درخواست ضمانت پر اسلام آباد ہائیکورٹ میں سماعت ہوئی
عمران خان عدالت میں پیش ہوئے، وکیل نے عدالت میں کہا کہ عمران خان عدالت میں موجود ہیں ،اسلام آباد ہائیکورٹ کے چیف جسٹس اطہرمن اللہ نے عمران خان کی منگل تک حفاظتی ضمانت منظور کر لی عدالت نے عمران خان کی حفاظتی ضمانت 5 ہزار روپے مچلکوں کے عوض منظور کرلی، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ پیر تک یہ درخواست زیرالتوارکھ لیتے ہیں، تب تک دائرہ اختیار کا مسئلہ حل ہو جائے گا، یہ عدالت عمران خان کو حفاظتی ضمانت دے دیتی ہے،ایڈیشنل اٹارنی جنرل نے کہا کہ عمران خان کو عبوری ضمانت اسپیشل سینٹرل کورٹ دے سکتی ہے، اگر دائرہ اختیار کا کوئی مسئلہ آتا ہے تو وہ ٹرائل کے دوران ہو گا، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ اگر دائرہ اختیار کا مسئلہ حل نہیں ہوتا تو یہ عدالت اسکو حل کرے گی ، وکیل نے کہا کہ ضمنی انتخابات کا معاملہ چل رہا ہے عمران خان کو حاضری سے استثنیٰ دے دیا جائے اسی طرح کے مقدمات لاہور اور کراچی میں بھی ہیں، ضمنی انتخابات بھی ہو رہے ہیں، پیر کو حاضری سے استثنیٰ دے ،اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ اگر عمران خان نے وہاں جانا ہے تو چلے جائیں،
چیئرمین پی ٹی آئی عمران خان کی اسلام آباد ہائیکورٹ پیشی پر سیکیورٹی کے انتظامات سخت کر دیئے گئے بم ڈسپوزل سکواڈ کمرہ عدالت کی اسکیننگ کے لیے پہنچ گیا ,چیئرمین پی ٹی آئی عمران خان اسلام آباد ہائی کورٹ میں پیش ہو گئے،
عدالت پیشی کے موقع پر صحافی نے عمران خان سے سوال کیا کہ ضمانت نہ ہوئی تو پھر؟ عمران خان نے جواب دیتے ہوئے کہا کہ جیل کیلئے میں ہر وقت تیار ہوں،وزیراعظم ہاؤس کے فون لائنز کی سرویلنس ہوتی ہے ٹیپ کر کے ریلیز کرنا غلط ہے،صدر مملکت عارف علوی نے واضح کہا ہے کہ ان کے بیان کو توڑ مڑور کے پیش کیا گیا،صدر مملکت عارف علوی نے واضح کیا کہ سائفر آیا تھا، لکھ کر دے دیتا ہوں صرف ہماری فنڈنگ قانونی ہے، باقی سب کی 2 نمبر ،ہماری اور ساری پارٹیوں کی فنڈنگ اکٹھی چیک کی جائے گی، افسوسناک بات ہے چیف الیکشن کمشنر ان کی فنڈنگ سامنے نہیں لارہا،
چیف الیکشن کمشنر اس لئے ان کی فنڈنگ نہیں لارہا ہے کیونکہ یہ ان کے گھر کا آدمی ہے،
صحافی نے عمران خان سے سوال کیا کہ سوات میں حالات خراب ہوئے وزیر اعلیٰ ڈھائی ماہ سے وہاں نہیں جا رہے؟ جس پر عمران خان نے جواب دیتے ہوئے کہا کہ بارڈر سیکیورٹی کے معاملات وفاقی حکومت کی ذمہ داری ہے، خیبرپختونخوا حکومت بہت عرصے سے کہتی رہی مگر کچھ نہیں ہوا
ممنوعہ فنڈنگ کیس ، عمران خان کی حفاظتی ضمانت کیلیے اسلام آباد ہائی کورٹ میں درخواست پر سماعت ہوئی ،اسلام آباد ہائی کورٹ نے چیئرمین پی ٹی آئی عمران خان کو آدھے گھنٹے میں طلب کرلیا ،اسلام آبا دہائیکورٹ نے عدالت پیشی تک انتظامیہ کو عمران خان کی گرفتاری سے روک دیا ، اسلام آباد ہائیکورٹ کے چیف جسٹس اطہرمن اللہ نے استفسار کیا کہ عمران خان کہاں ہیں ؟ پیش کیوں نہیں ہوئے ؟ وکیل نے عدالت میں کہا کہ عدالت حکم کرے تو عمران خان فوری عدالت پیش ہوجائیں گے،بنی گالہ میں پولیس نے عمران خان کے گھر کا محاصرہ کیا ہوا ہے، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ درخواست گزار 3 بجے تک عدالت میں پیش ہوجائیں ، وکیل نے کہا کہ 3بجے دیر ہو جائے گی آدھے گھنٹے میں عمران خان آجاتے ہیں جس پر عدالت نے کہا کہ ٹھیک ہے ،عمران خان آدھے گھنٹے میں آجائیں ،
قبل ازیں ممنوعہ فنڈنگ کیس چیئرمین پی ٹی آئی عمران خان نے حفاظتی ضمانت کے لیے اسلام آباد ہائی کورٹ سے رجوع کر لیا اسلام آباد ہائیکورٹ میں دائر درخواست میں کہا گیا ہے کہ ایف آئی اے نے فارن ایکسچینج ایکٹ کے تحت مقدمہ درج کر رکھا ہے عدالت حفاظتی ضمانت منظور کرے تاکہ متعلقہ عدالت میں پیش ہو سکیں ،
عمران خان کی حفاظتی ضمانت کی درخواست پر رجسٹرار نے 3 اعتراضات عائد کر دیئے ،رجسٹرار ہائیکورٹ نے اعتراض عائد کرتے ہوئے کہا کہ عمران خان نے بائیو میٹرک نہیں کرائی ،ایف آئی آر کی غیر مصدقہ نقل لگائی گئی ہے ، خصوصی عدالت میں جانے سے پہلے ہائی کورٹ کیسے آسکتے ہیں اسسٹنٹ رجسٹرار اسد خان کی جانب سے اعتراضات لگائے گئے
واضح رہے کہ عمران خان سمیت 11 افراد کے خلاف فارن فنڈنگ کیس کا مقدمہ درج کر لیا گیا ہے فارن ایکسچینج ایکٹ کی خلاف ورزی کی، نجی بینک اکاؤنٹ کے بینفشری ہیں۔ درج ایف آئی آر کے مطابق نیا پاکستان کے نام پر بینک اکاؤنٹ بنایا گیا۔ سردار اظہر طارق، سیف اللہ نیازی، سید یونس، عامر کیانی، طارق شیخ اور طارق شفیع نامزد کئے گئے ہیں بینک منیجر نے غیر قانونی اکاؤنٹ آپریٹ کرنے کی اجازت دی،نجی بینک کے مینجر کے خلاف بھی مقدمہ درج کرلیا گیا بینک اکاونٹ میں ابراج گروپ آف کمپنی سے21 لاکھ ڈالرآئے تحریک انصاف نے عارف نقوی کا الیکشن کمیشن میں بیان حلفی جمع کرایا ابراج گروپ کمپنی نےتحریک انصاف کے اکاونٹ میں پیسے بھیجے بیان حلفی جھوٹا اور جعلی ہے، ووٹن کرکٹ کلب سے دو مزید اکاونٹ سے رقم وصول ہوئی نجی بینک کے سربراہ نے مشتبہ غیر قانونی تفصیلات میں مدد کی11 لوگوں نے جرم کیا ہے
ترجمان امریکی وزارت خارجہ نیڈ پرائس نے کہا ہے کہ پاکستان میں جمہوری طریقے سے منتخب سویلین حکومت ہے،
ترجمان امریکی وزارت خارجہ کا کہنا تھا کہ پاکستانی شراکت داروں کے ساتھ ہمارے بہت سے مشترکہ مفادات ہیں سکیورٹی کے مفادات ہیں، اقتصادی مفادات ہیں، لوگوں کے درمیان تعلقات اور رابطے بھی ہیں پاکستان کے ساتھ مختلف شعبوں میں تعاون جاری ہے سیلاب متاثرین کیلئے دی گئی رقم کی مانیٹرنگ کا طریقہ کار موجود ہے،امریکہ اور یو ایس ایڈ کے نمائندے متاثرہ علاقوں کا دورہ کر کے رپورٹ پیش کرتے ہیں،سندھ اور بلوچستان کے 10 اضلاع کا دورہ کیا گیا ہے یو ایس ایڈ کی ٹیم نے گزشتہ ماہ یہ دورے کیے تا کہ ضروریات اور امداد کا جائزہ لیا جا سکے،یو ایس ایڈ مقامی پارٹنرز کے ساتھ بھی کام کرتی ہے
،ترجمان امریکی وزارت خارجہ کا مزید کہنا تھا کہ امریکہ کی کوشش ہے کہ اسرائیل اور دیگر عرب اور مسلم ممالک کے درمیان پل کا کردار ادا کرے، پاکستان اور امریکا کے درمیان متعدد پہلوؤں میں یکساں مفادات ہیں، پاکستان کے ساتھ مختلف شعبوں میں تعاون جاری ہے
لاہور:بڑی مخبریاں آگئیں۔ مریم ڈر گئی۔عمران خان بشری بی بی کے کرتوتوں پر آو یہ کہنا تھا سینیئر صحافی مبشرلقمان کا ، ان کا یہ بھی کہنا تھا کہ عمران خان دجال اور اس کے ماننے والوں کو کوئی پتہ نہیں وہ آنکھیں بند کرکے دجال کے پیچھے لگے ہوئے ہیں ،
ایک سوال کے جواب میں مبشرلقمان نے کہا ہے کہ عمران خان کہہ رہے ہیں کہ اس بات کا پتہ لگایا جائے گا کہ یہ کس ایجنسی نے کال ریکارڈ کی ہیں، مبشرلقمان کا کہنا تھا کہ یہ وہی ایجنسی ہے جس میں عمران خان نے وزیراعظم ہوتے ہوئے بہت سی بھرتیاں کی تھیں ، یہ وہی ایجنسی یعنی آئی بی اس قسم کا کھیل کھیلتی ہے،
مبشرلقمان کا یہ بھی کہنا تھا کہ یہ بھی سننے میں آیا ہےکہ ہیکر نے کہا ہےکہ اب وہ پیپلزپارٹی کی خفیہ ریکارڈنگ لیک کرے گا، تواس کا مطلب یہ ہےکہ ہیکر کے پاس بہت سی جماعتوں اور لوگوں کی کال کی ریکارڈنگ موجود ہے ،ان کا کہنا تھا اب پی پی والوں کی دوڑیں لگیں گی
مبشرلقمان کا کہنا تھا کہ ارسلان ایک پیڈ ملازم ہے جو بشریٰ بی بی کے ساتھ جو کچھ مل کر کررہا ہے، ان کا یہ بھی کہناتھا کہ عمران خان اور بشریٰ بی بی الزام تراشیاں کررہے تھے،ان سےاس کا کون پوچھے گا، ان کا یہ بھی کہنا تھا ارسلان خالد بھاری تنخواہ پر کام کررہا ہے اور اپنے ساتھ بڑی ٹیم رکھی ہوئی ہے جو کبھی میرے خلاف سوشل میڈیا مہم چلاتی ہے تو کبھی محسن بیگ ، سیلم صافی اور کبھی منصورعلیٰ خان کےخلاف یہ کھیل کھیلا جارہا ہے ،
مبشرلقمان کا ایک سوال کے جواب میں کہنا تھا کہ اسلام آباد میں کچھ نہیں ہورہا ، سنا ہے کہ وزیراطلاعات مریم اورنگزیب جب سے ان کے خلاف ایف آئی آر درج ہے وہ ملک سے باہرہیں اور اس وقت کسی خلیجی ملک میں ہیں ، ان کا یہ بھی کہنا تھا پتہ نہیں وہ وہاں کیا کررہی ہیں
مبشرلقمان نے کہا کہ اب تو اسلام آباد میں کوئی اور تو چرچہ نہیں ہے ہاں دو بڑے سیاستدانوں کی شادیوں کے چرچے ہورہےہیں، ان کی شادیاں اب بڑا موضوع بنی ہوئی ہے ایک سوال کے جواب میں ان کا کہنا تھا کہ کامران ٹیسوری کو گورنرسندھ لگانے کے بعد عمران خان کا بیانیہ درست ثابت ہورہا ہے ، ایک مجرم شخص کو جس طرح گورنر بنایا گیا ہے ، یہ ایسے کس طرحہوسکتا ہے ، ان کا یہ بھی کہنا تھا کہ یہ ہوگیا اور ایک ایسا شخص گورنربن گیا جس کی گنجائش نہیں تھی
اسلام آباد میں آزاد کشمیر کے وزیراعظم کے مال کے اندرآگ لگنے کی وجوہات بیان کرتے ہوئے مبشرلقمان کا کہنا تھا کہ ان کی اطلاعات کے مطابق اس مال کو سی ڈی اے کی طرف سے فائرفائٹنگ کا این او سی ہی نہیں ملا تھا تو پھر کیسے یہ مال کام کرتا رہا ، ان کا یہ بھی کہنا تھا کہ ان کی اطلاعات کے مطابق اس مال کو ختم بھی کیا جاسکتا ہے ، کا کہنا تھا کہ آزاد کشمیر کے وزیراعظم دجال کے چہتےتھے اسی وجہ سے جوکچھ اس نے کیا من مرضی پر کیا
رانا ثناللہ کی گرفتاری کےحوالے سے ان کا کہنا تھاکہ پنجاب پولیس اسلام آباد میں جاکرکسی شخص کو گرفتار نہیں کرسکتی ، ان کا یہ بھی کہنا تھا کہ اگرپنجاب پولیس کو سندھ میں کسی مجرم کو گرفتار کرنا ہوتو اس کے لیے پہلے اجازت لینا ہوگی اورپھر گرفتاری بھی مقامی پولیس ہی اپنی ہی پولیس گاڑی استعمال کرتے ہوئے کرے گی ، ایسے نہیں جیسے پنجاب پولیس اسلام آباد میں جاکر رانا ثنااللہ کی گرفتاری کا سوچ رہی ہے ،
کے پی میں طالبان کی آمد کے حوالے سے ایک سوال کے جواب دیتے ہوئے کہا کہ وہاں طالبان کاآنا کے پی حکومت کی ناکامی ہے ، پہلے کے پی حکومت سوشل میڈیا کارکن تو بھرتی کرلے ان کے لیے بڑا بجٹ مختص کیا ہوا ہے جبکہ کے پی کے سرکاری ملازمین کو تنخواہیں دینے کے لیے پیسے نہیں ہیں اور باتیں بڑی بڑی کرتے ہیں
ایک اور سوال کے جواب میں مبشرلقمان کا کہنا تھا کہ آج ہلی کاپٹر پر پنجاب حکومت اگرکوئی خرچ کرتی ہے تو یہ کوئی بری بات نہیں ہونے چاہیں ، یہ ایک ایسی سواری ہے جس کو ہر وقت درست رکھنا چاہیے ،باقی دفاتر کے لیے شاہانہ اخراجات تو یہ ایک فضول خرچی ہے نہیں ہونی چاہے
