وفاقی وزیر داخلہ رانا ثنا اللہ کے وارنٹ گرفتاری واپس لینے کی درخواست عدالت نے اعتراض لگا کر واپس کردی ہے.
مسلم لیگ ن لائرز ونگ کی لیگل ٹیم نے سینئر سول جج کی عدالت میں رانا ثنا اللہ کے وارنٹ گرفتاری واپس لینے کی درخواست دائر کرتے ہوئے مؤقف اختیار کیا کہ فوجداری سیکشن 76 کے تحت عدالت تفتیشی افسر کو ضمانتی مچلکے وصول کرنے کا حکم جاری کر سکتی ہے۔
درخواست میں کہا گیا ہے کہ وارنٹ گرفتاری اینٹی کرپشن ٹیم نے غلط بیانی سے حاصل کیے۔رانا ثنا اللہ وفاقی وزیر داخلہ اور اسلام آباد میں ہیں، کہیں روپوش نہیں، لہٰذا وارنٹ گرفتاری آرڈر واپس لے کر تفتیشی افسر کو ضمانتی مچلکے وصول کرنے کا حکم دیا جائے۔ سینئر سول جج نے مسلم لیگ ن کی لیگل ٹیم کی درخواست اعتراض لگا کر واپس کردی۔ عدالت نے حکم دیا کہ ملزم رانا ثنا اللہ کا وکالت نامہ پیش کیا جائے۔ بعد ازاں لیگل ٹیم نے میڈیا سے گفتگو کرتے ہوئے بتایا کہ وزیر داخلہ رانا ثنا اللہ کا وکالت نامہ حاصل کیا جائے گا۔
واضح رہے کہ گزشتہ روز وفاقی وزیر داخلہ رانا ثنا اللہ کے وارنٹ گرفتاری لیکر اینٹی کرپشن پنجاب کی ٹیم پولیس اسٹیشن پہنی تھی۔ اینٹی کرپشن پنجاب کی ٹیم عدالت کا وارنٹ گرفتاری لیکر تھانہ سیکرٹریٹ پہنچی ، 3 گاڑیوں پر مشتمل اینٹی کرپشن ٹیم تھانہ سیکرٹریٹ پہنچی تاہم اینٹی کرپشن پولیس کو وزیر داخلہ رانا ثنا اللہ کو گرفتار کرنے سے تھانہ کوہسار نے وارنٹ گرفتاری کی تعمیل سے معذرت کرلی۔
مزید یہ بھی پڑھیں؛ مفتاح اسماعیل کو پبلک میں بات نہیں کرنی چاہئے تھی۔ وزیر خزانہ اسحاق ڈار امیتابھ بچن 80 ویں سالگرہ آج منائیں گے نوبل انعام یافتہ ملالہ یوسف زئی پاکستان پہنچ گئیں کوئٹہ: سریاب روڈ پرنامعلوم افراد نے پی ٹی سی ایل کے دفترپردستی بم پھینک دیا
تاہم اس حوالے سے اسلام آباد کیپٹل پولیس کا موقف سامنے آیا تھا کہ وفاقی وزیر داخلہ رانا ثناء اللہ خان کے وارنٹ گرفتاری کے معاملہ پر غلط بیانی کی جارہی ہے. کیونکہ تھانہ میں باقاعدہ وارنٹ گرفتاری وصول کئے گئے۔ جبکہ اینٹی کرپشن اسٹیبلشمنٹ پنجاب نے ریکارڈ دینے سے انکار کردیا تھا۔ اسلام آباد پولیس کے مطابق؛ تھانے میں باقاعدہ آمدوروانگی کا اندراج کیا گیا تھا اینٹی کرپشن اسٹیبلشمنٹ پنجاب کو ہدایت کی گئی کہ وہ مروجہ طریقہ کار کے مطابق قانونی راستہ اختیار کریں۔ تاہم اینٹی کرپشن اسٹیبلشمنٹ پنجاب کی جانب سے کوئی واضح موقف نہیں اپنایا گیا۔
ترجمان کا کہنا ہے کہ اسلام آباد کیپیٹل پولیس تمام عدالتوں کے احکامات کی تعمیل کے لئے ہروقت حاضر ہے۔ اور تمام قانونی ضوابط کے مطابق کارروائی عمل میں لائی جائے گی۔ لیکن اینٹی کرپشن اسٹیبلشمنٹ پنجاب کے افسران سے گزارش ہے کہ قانونی معاملات کو قانونی طریقے سے حل کریں اور غلط بیانی سے گریز کریں۔ اور ایسے بیانات سے اداروں کے درمیان انتظامی امور میں باہمی تعاون کے رستے میں رکاوٹیں پیدا ہوتی ہیں۔ انہوں نے مزید کہا کہ ایسی غلط بیانی پر اسلام آباد کیپیٹل پولیس قانونی کارروائی کا حق رکھتی ہے۔
اسٹار آف دی میلینیئم کااعزاز حاصل کرنے والے بھارتی گلوکار، اداکار، پروڈیوسر، ٹی وی میزبان اور سابق سیاستدان امیتابھ بچن 80 برس کےہوگئے۔ ان کی سالگرہ کے حوالے سے خصوصی تقریب آج ان کےٹی وی شو ‘کون بنے گا کروڑ پتی’ میں منعقد کی جائے گی جس میں ان کی اہلیہ جیا بچن اور بیٹا ابھیشک بچن امیتابھ کی زندگی کے اہم پہلووں پر روشنی ڈالیں گے۔
امیتابھ بچن 11 اکتوبر 1942 کو الہ آباد کے ایک شاعر ہری ونش رائے کے ہاں پیدا ہوئے۔ ان کی والدہ تیجی بچن لائل پور (فیصل آباد) کی ایک پنجابی سکھ کھتری خاندان سے تعلق رکھتی تھیں۔ امیتابھ نے اپنی فلمی زندگی کا آغاز 1969 میں خواجہ احمد عباس کی ڈائریکشن میں بننے والی فل سات ہندوستانی سے کیا۔ دوسرے نئے اداکاروں کی طرح امیتابھ کی یہ پہلی فلم بھی بری طرح فلاپ ہوئی۔
1971 میں راجیش کھنہ کے بالمقابل فلم آنند میں انہوں نے ڈاکٹر کا کردار ادا کیا۔ اس فلم کے پوسٹر میں امیتابھ بچن کی تصویر ایک کونے میں لگائی گئی کیونکہ انہیں ایک بی کلاس اداکار تصور کیا جاتا تھا۔ 1972 میں معروف کامیڈین محمود نے امیتابھ کو اپنی فلم بمبئے ٹو گوا میں اداکاری کا موقعہ دیا اس فلم نے باکس آفس پر ایک کروڑ سے زائد کا بزنس کیا۔ فلم کی کامیابی سے امیتابھ کو باقاعدہ طور پر مرکزی کردار کے لئے آفرز آنا شروع ہو گئیں اور یوں بھارتی فلم انڈسٹری کو نیا ہیرو مل گیا۔ امیتابھ کا یہ فلمی سفر آج تک جاری ہے۔
کانگریس لیڈر راجیو گاندھی اور سنجے گاندھی امیتابھ کے سب سے قریبی دوست تھے۔ راجیو گاندھی سے شادی سے قبل 13 جنوری 1968 کو سونیا گاندھی جب اٹلی سے بھارت آئیں تو امیتابھ انہیں دہلی ہوائی اڈے سے لینے گئے سونیا 48 دن امیتابھ کے گھر پر مہمان بن کر رہیں جہاں اندرا گاندھی کی خواہش کے مطابق انہوں نے ہندو رسم و رواج اور بھارتی معاشرے کے بارے آگاہی حاصل کی۔ 1984 میں امیتابھ نے اترپردیش سے لوک سبھا کی سیٹ پر 68 فیصد سے بھی زائد ووٹ حاصل کئے جو بھارتی انتخابات کی تاریخ کا ایک منفرد ریکارڈ ہے اور اسے آج تک کوئی بھی نہیں توڑ سکا۔
1987 میں ان کے بھائی اجیتابھ بچن کی سوئٹزرلینڈ میں اپارٹمنٹ کی خریداری کے حوالے سے بوفرز سکینڈل سامنے آیا۔ جس کے بعد امیتابھ نے لوک سبھا کی سیٹ سے استعفی دے دیا۔ 2000 میں امیتابھ نے ٹی وی پر کون بنے گا کروڑ پتی شروع کیا لیکن امیتابھ کی بیماری کے باعث یہ شو 2006 میں بند کردیا گیا تاہم 2009 میں اسے دوبارہ شروع کیا گیا جو اب تک جاری ہے۔ امیتابھ بچن فلمی صنعت کے بے تاج بادشاہ ہونے کے ساتھ ساتھ فلاحی کاموں میں بھی بڑھ چڑھ کر حصہ لیتے ہیں۔ ان کی شادی 1973 میں اداکار جیا بہادری سے ہوئی۔ ان کا صاحبزادہ ابھیشک بچن ایک نامور فلم اسٹار ہے جب کہ بیٹی شویتا ایک مصنف اور صحافی ہے۔
امیتابھ کی کارکردگی کے اعتراف کے طور پر انہیں پدما شری، پدما بھوشن، لیجنڈآف آنر، پدما وبوشن اور دادا صاحب پھالیکے ایوارڈز سے نوازہ گیا۔ 2002 میں انہوں نے اپنی آپ بیتی بھی لکھی۔
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ اب ہیکر آگے کیا کرنے جا رہا ہے۔ کون کون سے تبدیلی سرکار کے نام نہاد لیڈروں کی Happy hours کی گفتگو منظر عام پر آنے والی ہے۔ اور اس کے علاوہ بھی بہت ہی اہم اور دلچسپ معلومات شیئر کروں گا۔
مبشر لقمان کا کہنا تھا کہ اور بتاوں گا کہ عمران خان۔۔۔! کیسے ابھی تو پارٹی شروع ہوئی ہےمیرئ گزشتہ دو تین ویڈیو سے نہ صرف عمران خان بلکے تحریک انصاف کی نیندیں حرام ہوئی ہوئی ہیں، میٹنگ ہو رہی ہیں کہ اس کا منہ کیسے بند کریں ،کیسے بونکنے والوے کتوں کی تعداد میں اضافہ کریں کیسے اس پر کیچڑ اچالیں ، کیسے اس پر الزام لگائیں کہ یہ تو وزارتیں مانگ رہا تھا، یہ تو عہدے مانگ رہا تھا۔اور مزے کی بات یہ ہے کہ میرے خلاف ٹویٹر پر باتیں وہ کر رہے ہیں جو خود عمران خان کے غلام ہیں، انکے گھر کی روزی روٹی عمران خان قومی خزانے سے دلواتا ہے۔ ظاہری سی بات ہے نمک تو ہلال کرنا ہے۔ لیکن میں پہلے ہی کہہ چکا ہوں کہ بس ۔۔! بہت ہو گیا۔ ا س سے زیادہ جہالت، گمراہی، دھونس دھاندلی اور فراڈ برداشت نہیں کروں گا۔ دماغوں سے کھیلنے کا گندا دھندا بے نقاب کر کے رہون گا۔
مبشر لقمان کا کہنا تھا کہ اداروں کو تباہ کرنے کی بیرونی آقاوں کی چالیں چلنے والے ان ضمیر فروشوں کو ننگا کر کے چھوڑوں گا۔امریکی سی آئی اے کے ریٹائر فرموں کی بنائی ہوئی کمپین کے سامنے سیسہ پلائی ہوئی دیوار بنو گا۔پاکستان کی بنیادیں کھوکھلی کرنے والوں کے خلاف سر عام جہاد کروں گا۔معصوم دماغوں سے کھیلنے والوں کے اصلی چہرے بے نقاب کروں گا۔ایک عرصے سے میں تحریک انصاف کی فسطائیٹ دیکھ رہا تھا ، ان کی کسی بھی چال کو اٹھا کے دیکھ لو اس کے پیچھے سازش اور ڈرامہ، دھونس دھاندلی چھپی ہوئی ہوتی ہے۔جہانگیر ترین نے سر دھڑ کی بازی لگا دی، حکومتیں بنوا دی، جب پارٹی میں اس کا قد بڑا ہونے لگا تو اسے ہی کاٹ دیا گیا۔ وہ شوگر مافیا بن گیا۔ وہ ڈاکو بن گیا۔ علیم خان نے علم بغاوت کھڑا کیا۔ اس کی سوسائٹیوں کو واویلا شروع کر دیا، آٹھ سال اس کے پیسوں سے جلسے کرتے رہے اس وقت منافقوں کی طرح آنکھیں بند رکھی۔بشری بی بی کے ساتھ علیم خان کے پیسوں سے پروئیوٹ جہاز پر عمرہ کرنے پہنچ گئے۔مگر پھر جب اس نے چھوڑا تو وہ تو تھا ہی گندا۔۔ارکان اسمبلی چھوڑ کے گئے تو انہیں خریدنے کی کوشش کی، وہ نہ بکے تو، ان پر بکنے کا الزام لگا دیا۔ انہیں مشرک بنا دیا ان کے خلاف ایک طوفان کھڑا کر دیا، جو عمران خان کے خلاف آواز اٹھاتا ہے اس کی اصلیت دیکھانے کی کوشش کرتا ہے ، اس کے حواری پہلے ہی کہنا شروع کر دیتے ہیں کہ عمران خان کو گندا کرنے والے خود گندا ہوں گے۔کبھی سوچا ہے اس بات کا کیا مطلب ہے۔ کیا ان کے پاس غیب کا علم ہے۔ نہیں۔۔ کیونکہ انہیں پتا ہے کہ انہوں نے اب اپنے گندے دماغوں سے ان پر حملہ کرنا ہے، ان کے خلاف سازشوں کے جال بننے ہیں، ارسلان بیٹا کو فون کر کے Spoon feeding کرنی ہے، میر جعفر، میر صادق، غداری کے ٹائٹل بانٹنے ہیں۔جو ووٹر عمران خان کے ساتھ نہیں انہیں جاہل کہنا ہے، ان کے ضمیر کو سویا ہوا کہنا ہے۔ انہیں سوسائٹی سے الگ کرنا ہے۔ عمران خان کی حمایت کو فیشن بنانا ہے، لائی لگ قوم کو ایک ٹرک کی بتی کے پیچھے لگانا ہے۔جنرل باجوہ ملاقات سے انکار کر دیں، ان کے نامناسب باتیں ماننے سے انکار کر دیں تو ٹویٹر پر ٹرینڈ چلانا شروع کردو۔ چندے کا پیسا سیاست میں ساکھ بنانے پر بہا و، قومی وسائل سے اپنی سوشل میڈیا بریگیڈ تیار کرنا شروع کر دو اور پھر لوگوں کو دیکھاو۔ کہ دیکھو، عمران خان کتنا مقبول ہے۔ اس قوم کے دماغوں کے ساتھ کھیل رہا ے جس نے غری آدمی کو کبھی ووٹ نہیں دیا۔جو الیکشن لڑنے والا Pradoپر نہ آ ئے وہ مقابلے سے باہر ہو جاتا ہے۔
مبشر لقمان کا کہنا تھا کہ میں تو جانتا تھا لیکن اپنے ارد گرد اپنے پیاوں کو سمجھانے کی کوشش کرتا تھا ، لیکن مجال ہے کوئی سمجھ آ جائے۔ ایسے لگتا تھا کہ جیسے نوعمری کے بچے کو غلط محبت کے نقصانات سمجھانے سے زیادہ مشکل یہ کام ہے کہ لوگوں کو یہ سمجھایا جائے کہ عمران خان مکاری، عیاری ، دھوکہ ، فراڈ کی چادر اوڑے ہوئے ہے۔ ا سنے نہ صرف پاکستان بلکے دنیا بھر کے آمروں کی عوام کو فریب دینے کے سارے طور طریقوں پر ریسرچ کروا کر ۔ ایک ساتھ اس معصوم قوم کے دماغوں میں فتور کی صورت میں ٹھونس رہا ہے۔ اس کی باتوں اور کاموں میں زمین آسمان کا فرق ہے۔ یہ باہر سے جتنا سفید ہے اندر سے اتنا ہی کالا ہے۔ ضد اس میں ہے، بدلے کی روش اس میں ہے، بے رحمی کو یہ اپنا غرور سمجھتا ہے۔قربانی دینے کا جذبہ اس میں نہیں ہے۔ اس کی خاندانی زندگی اس کی شخصیت کی عکاسی کرتی ہے، اس کی جوانی کے کرتوت اس کی اخلاقی پستی کی مشالیں دیتا ہے۔بقول محسن بیگ کے بڑھاپے میں مرشد کے گھر جاتا ہے اور مرشد کو ہی ساتھ لے آتاہے۔ اس بات پر کس کو شک ہے کہ انسان اپنی کمپنی سے پہچانا جاتا ہے۔جن کی دوست فرح گوگی اور احسن گجر ہوں، ان کے کردار کی مثالیں تو زمانہ دیتا ہے۔ لیکن یہاں ہماری آنکھیں بند ہو جاتی ہے۔ عمران خان سن لو۔۔!
تمھاری چار دن کی چاندنی تھی اب آگے صرف اندھیری رات ہے۔میں حیران تھا کہ اس نے اتنی بڑی تعداد میں لوگوں کو کیسے گمراہ کر دیا۔ لیکن پھر مجھے کسی نے وہ مثال دی کہ جب دل آتا ہے تو گدھے پر بھی آجاتا ہے۔جب تک اس کا اصل چہرہ بے نقاب نہیں ہوتا اس کی موجیں لگی رہیں گی۔ اس نے نہ صرف اداروں بلکے ہر ایک کو اپنے جھوٹ اور پراپیگنڈا سے اتنا بے بس کر دیا کہ اللہ کی پناہ۔ لیکن کہتے ہیں نہ کہ اللہ کی لاٹھی بے آواز ہے۔ ظلم جب حد سے گزر جائے تو مٹ جاتا ہے۔اللہ اس ظلم کو مٹانے کے لیے فرشتے بھیجتا ہے، اور اس دنیا میں روپ دھار کے آتے ہیں اور ظلم کو نیست و نابود کر دیتے ہیں۔عمران خان کے جھوٹ کا مقابلہ کرنا آسان نہیں۔ دنیا میں کسی بھی جھوٹے آدمی کا مقابلہ آسان نہیں ہوتا جو بڑی بے شرمی سے منہ پر جھوٹ بول دے۔ پاکستان میں ہیکر کو اس وقت ایک فرشتہ ہی سمجھا جا رہا ہے، جس نے عمران خان کی اپنی آواز سے اس کے فریب، اس کے دھوکے، اس کے جھوٹ کا پول کھول دیا ہے۔ لیکن جو میری معلومات ہیں، ابھی تو پارٹی شروع ہوئی ہے۔جو کچھ سامنے آنے والا ہے ، ابھی تو اس کا اشر اشیر بھی نہیں آیا، عمران خان جوتے چاٹے گا۔معافیاں مانگے گا۔ ہیکر سے ڈیلیں کرے گا۔ لیکن اللہ کا منظور ہوا تو جھوٹ کا چہرے نقاب ہو چکا ہے اب یہ مٹ کے رہے گا۔میں یہ سمجھتا ہوں ہوں کہ اس ملک میں گند کی سیاست ختم ہونی چاہیے، تنقید کریں لیکن تعمیری، جو اس ملک کے لیے اچھی ہو، جو اس ملک کی عوام کے لیے اچھی ہو۔ جس سے یہ ملک ترقی کی راہ پر گامزن ہو یہ نہیں کہ اگر ہم اقدار میں نہیں تو ملک جائے بھاڑ میں اپنی سیاست کرو، معیشت برباد کرو، آئی ایم ایف کو خط لکھو کہ اس وطن عزیز کی مدد نہ کرو جو ہمیں پال رہا ہے۔اب اسے اندھا سپورٹ کرنے والوں کی آنکھیں کھل رہی ہیں، اب وہ کہتے ہیں ہم تو سیاست میں دلچسپی ہی نہیں رکھتے، اس ملک میں سارے سیاستدان ایک جیسے ہیں۔
مبشر لقمان کا کہنا تھا کہ اب جو آڈیو لیکس کی نئی قسط سامنے آنے والی ہے ، ہیکر کے مطابق اس میں عمران خان اور وزیر اعظم آزاد کشمیر تنویر الیاس کا پول کھلنے والا ہے۔ میں حیران ہوں ان کی عقل پر جو عمران خان کو مومن سمھتے ہیں۔ مجھے ایک بات بتائیں کہ ریاست مدینہ کا دعوہ کرنے والا کسی ایسے شخص کو وزیر اعظم کیسے بنا سکتا جو دن میں بھی منرل واٹر پی کر جھومتا نظر آئے۔ اور نہ صرف جھومے بلکے تقریر کرتے ہوئے بھی اسے شرم نہ آئے۔ جبکہ مبینہ طور پر ہیکر کی ایک اور پوسٹ منطر عام پر آئی ہے کہ جلد تحریک انصاف کے وہ لیڈر جو ہر وقت عمران خان کے ارد گرد منڈلاتے ہیں ان کی انتہائی نازیبا گفتگو سامنے آنے والی ہے۔ جس میں کم از کم پانچ تحریک انصاف کے لیڈر، انتہائی خوشی کے موڈ میں ہیں اور پارٹی چل رہی ہے۔جب ن لیگ کی آڈیو لیکس ہوئی تو تحریک انصاف نے بڑی خوشی منائی۔ لیکن اب رونا رو رہے ہیں کہ سب یہ بات کر رہے ہیں کہ آڈیو میں عمران خان نے خریداری کی بات کی، جعلی سائفر کی بات کی، میر جعفر اور صادقSpoon feeding کی بات کی لیکن۔۔ وزیر اعظم ہاوس میں کوئی بھی سیکیورٹی بریچ کی بات نہیں کر رہا۔
اس کی بھی بات ہو گئی لیکن پہلے جو آپ کی آڈیوز لیک ہونے کی پارٹی شروع ہوئی ہے اسے ختم ہونے دیں، کیونکہ ابھی تو پارٹی شروع ہوئی ہے۔
آڈیو لیکس،اہم پیشرفت، دو ہیکر گرفتار،مزید گرفتاریوں کا امکان
باغی ٹی وی کی رپورٹ کے مطابق آڈیو لیکس تحقیقات میں اہم پیشرفت سامنے آئی ہے، وزیراعظم ہاؤس کی آڈیو لیک ہونے کے بعد تہلکہ مچا ہوا تھا، وزیراعظم شہباز شریف کی آڈیو لیک ہوئیں جس میں ن لیگی رہنما بھی شامل تھے تو بعد ازاں عمران خان کی آڈیو لیک ہونا شروع ہو گئیں، گزشتہ جمعہ کو ایک ہی دن میں عمران خان کی دو آڈیو لیک ہوئی ، ان آڈیو نے عمران خان کا اصل چہرہ قوم کو دکھایا
وزیراعظم ہاؤس کی لیکڈ آڈیو بارے تحقیقات کے لئے کمیٹی بنائی گئی ہے، عمران خان نے آج عدالت جانے کا اعلان کیا ہے تا ہم خبر یہ ہے کہ تحقیقاتی اداروں نے دو ہیکرز کو گرفتار کیا ہے، جن سے تحقیقات جاری ہیں، میڈیا رپورٹس کے مطابق دونوں ہیکرز کو پنجاب سے گرفتار کیا گیا ہے، ایک ہیکر کا تعلق راولپنڈی کے تعلیمی ادارے اور دوسرے کا وسطی پنجاب سے ہے،
تحقیقاتی اداروں کی جانب سے ہیکرز سے تحقیقات کی جا رہی ہیں، ہیکرز سے انکے ہینڈلرز بارے بھی تحقیقات کی جار ہی ہیں، ہیکرز سے تحقیقات کے مطابق وزیراعظم ہاؤس کی سیکورٹی میں بڑے پیمانے پر تبدیل ہونے کا امکان ہے وہیں وزیراعظم ہاؤس کی سیکورٹی کے کئی افراد گرفتار بھی ہو سکتے ہیں
واضح رہے کہ گزشتہ دنوں وفاقی کابینہ نے آڈیو لیکس معاملے پر چیئرمین پی ٹی آئی عمران خان کیخلاف کارروائی کی منظوری دے دی تھی. وفاقی کابینہ نے آڈیو لیکس کیس میں عمران خان، ان کے ساتھی وزرا اور اعظم خان کے خلاف قانونی کارروائی کی باضابطہ منظوری دے دی تھی۔ کابینہ کمیٹی نے یکم اکتوبر کو اجلاس میں قانونی کارروائی کی سفارش کی تھی۔ کابینہ کمیٹی کا اس وقت کہنا تھا کہ یہ قومی سلامتی کا معاملہ ہے جس کے قومی مفادات پر سنگین مضر اثرات ہیں، قانونی کارروائی لازم ہے۔ کابینہ کمیٹی کی جانب سے سمری میں سفارش کی گئی تھی کہ ایف آئی اے سینئر حکام پر مشتمل کمیٹی تشکیل دے۔ جبکہ ایف آئی اے دیگر اداروں سے بھی اہلکاروں کو ٹیم میں شامل کر سکتی ہے۔
حالیہ آڈیو لیکس نے ملکی سائبر سکیورٹی سے متعلق اہم سوالات کو جنم دیا ہے۔ آڈیو لیکس کے سلسلے میں وزیراعظم شہباز شریف، حکومتی وزرا اور یہاں تک کہ سابق وزیراعظم عمران خان کی حساس نوعیت کی گفتگو لیک ہوچکی ہے. 20 اگست کو ہیکرز کے ایک فورم پر ’انڈی شیل‘ کے نام سے اکاؤنٹ بنانے والے ایک مبینہ ہیکر نے اپنے پاس آڈیوز کی موجودگی سے متعلق ایک پوسٹ کی تھی۔ مبینہ ہیکر نے اپنی پوسٹ کا نام Pakistani PM office Data leaked یعنی ’پاکستانی وزیراعظم کے دفتر کا لیک شدہ ڈیٹا‘ رکھا تھا۔ اس کی کم از کم بولی 180 بٹ کوائن رکھی گئی تھی جو پاکستانی کرنسی میں کروڑوں روپے بنتی ہے۔
اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا،چیف جسٹس
سپریم کورٹ میں نیب ترامیم کیخلاف عمران خان کی درخواست پر سماعت ہوئی
چیف جسٹس عمر عطا بندیال کی سربراہی میں تین رکنی بنچ نے سماعت کی، جسٹس منصور علی شاہ نے ریمارکس دیتے ہوئے کہا کہ ابھی اصل کیس باقی ہے، دیکھنا ہوگا کیا نیب قانون میں تبدیلی بنیادی حقوق سے متصادم ہے یا نہیں؟یہ بھی دیکھنا ہے نیب قانون سے درخواست گزار کے حقوق کیسے متاثر ہوئے، چیف جسٹس عمر عطا بندیال نے ریمارکس دیتے ہوئے کہا کہ آپ کی دلیل ہے کہ نیب قانون سے کسی ملزم کا جرم قبول کرنا اب کوئی جرم ہی نہیں رہا،وکیل عمران خان خواجہ حارث نے کہا کہ اب درخواستیں دیے بغیر مقدمات واپس بھیجے جا رہے ہیں، پہلے سے پلی بارگین یا رضاکارانہ رقوم کی ادائیگی بھی واپس ہو جائے گی،جسٹس منصور علی شاہ نے ریمارکس دیتے ہوئے کہا کہ 2018 میں نیب قانون کی تبدیلی سے پہلے کیا پلی بارگین کی رقم اقساط میں ادا ہو رہی تھی، اب دیکھنا چاہتے ہیں کیا پلی بارگین یا رضاکارانہ رقوم کی واپسی پر اقساط ملتی رہیں یا ادائیگی نہیں ہوئی، وکیل نے کہا کہ اس کا جواب نیب کے پاس ہوگا،نیب کی 2019 میں پلی بارگین کی رقم اور ریکوری میں 6 ارب کا فرق ہے، سال 2020 میں 17.2 ارب کی پلی بارگین معاہدے ہوئے، 8.2 ارب ریکوری ہوسکے،ترمیم کے بعد تمام بقایا رقم نیب ریکور نہیں کر سکے گا،
جسٹس منصور علی شاہ نے استفسار کیا کہ کیا ترمیم سے پہلے نیب کو رقم ریکور ہو رہی تھی؟ کیا 2018 کے بقایاجات 2021 تک کلیئر ہوچکے تھے؟ ترامیم سے پہلے بھی لگتا ہے نیب ریکوری نہیں کر رہا تھا، وکیل خواجہ حارث نے کہا کہ نیب کو طے شدہ شیڈیول کے تحت اقساط مل رہی تھیں،نیب حکام اس حوالے سے بہتر تفصیلات دے سکتے ہیں، چیف جسٹس عمر عطا بندیال نے ریمارکس دیتے ہوئے کہا کہ ترمیم سے لگتا ہے جو ریکوری ہوگئی وہ رہے گی مزید نہیں ہوسکتی،جسٹس منصور علی شاہ نے ریمارکس دیتے ہوئے کہا کہ پلی بارگین بقایا جات نہ دینے والوں کا ترمیم کے بعد ٹرائل ہوگا، ٹرائل میں ملزمان کو سزا بھی ہوسکتی ہے، جسٹس اعجاز الاحسن نے ریمارکس دیتے ہوئے کہا کہ اگر مقدمہ 50 کروڑ سے کم کا ہوا تو ازخود خارج ہوجائے گا،احتساب عدالت نیب کا دائرہ اختیار ختم کردے تو پیسہ سرکار کے پاس کیسے رہے گا؟ جسٹس منصور علی شاہ نے ریمارکس دیتے ہوئے کہا کہ مقدمہ ٹرائل کورٹ میں واپس جانے سے جرم کیسے ختم ہوگا؟ وکیل خواجہ حارث نے کہا کہ ترامیم میں نیب کا اختیار 1985 سے ہی ختم کر دیا گیا ہے، نیب کا اختیار ختم ہوگیا تو ریکور شدہ رقم کیسے برقرار رہے گی،جرم کی نوعیت کوئی بھی ہو، ٹرائل کورٹس 50 کروڑ سے کم کا ہر کیس واپس بھیج رہی ہیں، دائرہ اختیار ماضی سے ختم ہونے پر پلی بارگین کا حکم بھی منسوخ ہوجائے گا،
جسٹس منصور علی شاہ نے ریمارکس دیتے ہوئے کہا کہ نیب قانون کا سیکشن 25 پلی بارگین کی قسط کی عدم ادائیگی سے متعلق ہے،وکیل عمران خان خواجہ حارث نے کہا کہ نئی ترامیم میں ملزم پلی بارگین کی رقم واپسی کا مطالبہ بھی کر سکتا ہے، ایک شخص پلی بارگین کی قسطیں کیوں ادا کرے گا جب اسے معلوم ہے کہ وہ نئے قانون سے مستفید ہو سکتا ہے، جسٹس منصور علی شاہ نے عمران خان کے وکیل سے مکالمہ کرتے ہوئے کہا کہ ابھی تک آپ کیس کے بنیادی نکتے پر آئے ہی نہیں ہیں، ابھی آپ نے بتانا ہے کہ نیب ترامیم سے کون سے بنیادی حقوق کی خلاف ورزی ہوئی،چیف جسٹس عمر عطا بندیال نے ریمارکس دیتے ہوئے کہا کہ اس سے تو یہ ثابت ہوا کہ پلی بارگین کے بعد بھی ملزم کا اعتراف جرم تصور نہیں ہو گا، وکیل خواجہ حارث نے کہا کہ نیب قانون کے سیکشن 9 اے فائیو میں ترمیم کے بعد ملزم سے نہیں پوچھا جا سکے کہ اثاثے کہاں سے بنائے،جسٹس منصور علی شاہ نے ریمارکس دیتے ہوئے کہا کہ کیا اب کسی کو غیر قانونی ذرائع سے بنائے گئے اثاثے نیب کو ثابت کرنا ہوں گے؟ نیب ترامیم کے خلاف عمران خان کی درخواست پر سماعت کل دن ایک بجے تک ملتوی کر دی گئی
واضح رہے کہ عمران خان نے موجودہ حکومت کی جانب سے نیب ترامیم کو سپریم کورٹ میں چیلنج کر رکھا ہے ،عدالت عظمیٰ میں دائر درخواست میں عمران خان نے استدعا کی تھی کہ سیکشن 14،15، 21، 23 میں ترامیم بھی آئین کے منافی ہیں۔ نیب قانون میں یہ ترامیم آئین کے آرٹیکل 9، 14، 19A, 24, 25 کے بنیادی حقوق کے برعکس ہیں، نیب قانون میں کی گئی ان تمام ترامیم کو کالعدم قرار دیا جائے۔
وزیراعظم شہباز شریف نے تھر کول بلاک 2 سندھ اینگرو کول مائن کمپنی کے توسیعی منصوبے کا افتتاح کر دیا
تقریب سے خطاب کرتے ہوئے وزیراعظم شہباز شریف کا کہنا تھا کہ تھر کول بلاک2 سندھ اینگرو کول مائن کمپنی کے توسیع منصوبے کا افتتاح کر دیا،پاورپراجیکٹ میں بجلی پیدا کرنے کی صلاحیت بڑھ کر2640 میگا واٹ ہوجائے گی آئندہ سال تک تھر کے کوئلے سے ملکی معیشت میں غیر معمولی اضافہ ہوگا تھر میں ایک وقت تھا زندگی گزارنے کے آثار نہیں تھے،آج یہاں سے بجلی کی پیداوار ہوتی ہے،
وزیرخارجہ بلاول بھٹو اور وزیراعلیٰ سندھ مراد علی شاہ بھی وزیراعظم شہبازشریف کے ہمراہ تھے وزیراعلیٰ سندھ مرادعلی شاہ نے وزیراعظم شہباز شریف کو تھر کول منصوبے پر بریفنگ دی ،وزیراعلیٰ سندھ سید مراد علی شاہ کا کہنا تھا کہ تھر کے کوئلے سے صنعتی پہیے کو توانائی بخشنے کی بنیاد بینظیر بھٹو نے ڈالی ،تھر کول پاکستان کی معیشت کا گیم چینجر ہے، تھرکے کوئلے سے بجلی کی پیداوار کے لیے وسیع تر روڈ نیٹ ورک ، برجز اورایئرپورٹ کی ضرورت تھی حکومت سندھ نے محنت کے بعد 750 ملین ڈالرز خرچ کرکے تھر کا انفرا اسٹرکچر تعمیر کیا وزیراعظم شہباز شریف اور بلاول بھٹو نے پاور پلانٹ کا افتتاح کر کے نئی تاریخ رقم کردی پاکستان کی جیالوجیکل سروے کے مطابق تھر میں 175 بلین ٹن کوئلہ موجود ہے، تھرکول کے کل 13 بلاکس ہیں، بلاک2ور بلاک ایک پر کام کررہے ہیں،حکومت سندھ اور اینگرو نے پبلک پرائیویٹ پارٹنر شپ کے تحت 2009 میں بلاک ٹو سے کوئلہ نکالا،سندھ اینگرو کول پراجیکٹ میں سندھ حکومت کے 55 فیصد شیئرز جبکہ45 فیصد شیئر زاینگرو کے ہیں،کوئلہ سے 660 میگا واٹ پاور پلانٹ پر کام شروع کیا گیا،روا ں سال کے آخر تک پاور پراجیکٹ میں بجلی پیدا کرنے کی صلاحیت بڑھ کر2640 میگا واٹ ہوجائے گی،سی پیک کے تحت تھر میں 7.5 بلین ڈالر کی سرمایہ کاری ہوئی ہے،تھر کول سے بجلی کی پیداواری قیمت 17 روپے کلو واٹ فی گھنٹہ بنتی ہے،ایل این جی سے بجلی کی پیداواری قیمت 24 روپے کلو واٹ فی گھنٹہ بنتی ہے،دسمبر تک تھر کول بلا ک ون سے 1320 میگا واٹ بجلی پیدا ہوگی، 1.2بلین ڈالر کا زرِ مبادلہ محفوظ ہوگا درآمدی کوئلے پر چلنے والے بجلی کے کارخانے جب تھر کے کوئلے سے چلیں گے تو 1.5 بلین ڈالر کا زرمبادلہ محفوظ ہوگا سیمنٹ کے کارخانے جب تھر کے کوئلے سے چلیں گے تو ملک کا 2 بلین ڈالر زرمبادلہ محفوظ رہے گا تھر کول سے کھاد کی پیداوار کے لیے جب سائن گیس تیار ہوگی تو 3 بلین ڈالر کا زرمبادلہ محفوظ ہو گا،تھر کا کوئلہ 70 میٹرک ٹن اگر فی سال برآمد کیا جائے تو زرمبادلہ کی مد میں 4 بلین ڈالر کا فائدہ ہوگا،تھر کول بلاک ٹو اپنے منافع کا 2 فیصد تھر کی سماجی ترقی پر خرچ کرتاہے،تھر کے کوئلہ پراجیکٹ پر 7 فیصد 3،303تھری ملازمت کرتے ہیں، تھری ملازمین کو ہنری تعلیم کے حوالے سے 75 ملین روپے کی اسکالرشپ دی جاتی ہے، تھرکوئلہ پراجیکٹ کے منافع سے 23 اسکولز قائم ہیں،4061 طلبہ و طالبات تعلیم حاصل کررہے ہیں، تھر میں 17 آر او پلانٹس لگائے گئے ہیں جو 13 دیہات کو پینے کا صاف پانی مہیا کرتے ہیں
وزیراعلیٰ سندھ سید مراد علی شاہ کا مزید کہنا تھا کہ سابق وزیراعظم عمران خان نے تھر آنا مناسب نہیں سمجھا،2014میں 2جماعتیں ایک دوسرے کے خلاف تھیں،آج دونو ں قومی مفاد کے لیے ایک ہیں،18ویں ترمیم کے بعد صوبوں کو اختیارات تفویض کیے گئے میں ہمیشہ کہتا تھا کہ صوبے کے وسائل پر سب سے پہلے صوبے کا حق ہے سیلاب کی وجہ سے ہم نے منصوبے کے افتتاح میں تاخیرکی ہمیں صوبے کے لوگوں کے مسائل اور مشکلات کا احساس ہے،ہمارے پاس جو گیس ہے اس میں لوگوں کے لیے انسینٹوز ہیں، بہت پوٹینشل ہے ہمارے پاس، تھر کی کامیابی تھر کے لوگوں کی وجہ سے ہے، ہم نے حتی الامکان کوشش کی ہے کہ ان کا پورا خیال رکھا جائے بہت اچھے ٹاؤن بنائے ویلجز کی صورت میں،ہم نے اسکولز کا انتظام کیا ہے، حکومت سندھ کی انویسٹمنٹ ساڑھے سات سو ملین ہے، دوسرے اضلاع کے لوگ مٹھی اسپتال میں علاج کروانے آتے ہیں،پینے کے پانی کے سات سو سے زائد آر اوز پلانٹ لگوائے ہیں،ہم نے کہا تین فیصد لوکلز کو ایکویٹی دیں گے، لاکھ روپے فی خاندان کو منافع دے رہے ہیں ،اسلام کوٹ کی بجلی کی پیمنٹ حکومت سندھ دیتی ہے، انہیں بل نہیں آتا، تھر کے سیلائن پانی سے کاٹن پیدا کی ہے، اس طرح ہمیں آگے بڑھانا ہے،تھر اب بدل گیا ہے،
وزیر خارجہ بلاول زرداری کا کہنا تھا کہ وزیر اعظم شہباز شریف کی مصروفیت سے وقت نکال کر نئے مرحلے کا افتتاح کرنے پر شکرگزار ہوں، پورے پاکستان میں اسی ماڈل کو استعمال کرتے ہوئے کیسے فائدہ پہنچا سکتے ہیں، جب میں پاکستان آیا، ٹی وی پر تھر کے بارے میں بتایا جاتا تھا کہ یہاں بہت غربت ہے،جب سے تھر کول کا منصوبہ شروع ہوا،تب سے ہم نے مائننگ کا سلسلہ شروع کیا، یہاں کے لوگوں کو روزگار دیا اینگرو کے ساتھ پہلا پاورپلانٹ، آج دوسرا اور انشااللہ تیسرا پلانٹ شروع ہوگا،جب حکومت اور پرائیویٹ سیکٹر مل کے کام کرتے ہیں تو آس پاس کے لوگوں کا فائدہ ہوتا ہے،ریگستان سے کوئلہ نکال رہے ہیں اور اسی سے بجلی فراہم کر رہے ہیں، صوبائی حکومت نے ذمہ داری پوری کی، وفاق نے ہمیں سپورٹ کیا،
ہم چاہتے ہیں شہبازاسپیڈ سے کام کریں ،وزیر خارجہ بلاول بھٹو کے جملے پروزیراعظم مسکرا دیئے ،وزیر خارجہ بلاول زرداری کا مزید کہنا تھا کہ قدرتی آفت کا سامنا کیا، ہمیں معیشت کو بچانا ہے، ترقی کا نیا سلسلہ شروع کرنا پڑے گا، انفراسٹرکچرپرہمیں مزید خرچہ کرنا پڑے گا، سیلاب کی وجہ سے زرعی اورایری گیشن کے انفراسٹرکچر کو نقصان ہوا ہے، خواہش ہے پرائیویٹ اور پبلک پرائیویٹ سے کام کریں، شہبازشریف وزیراعلیٰ رہے اور اب وزیراعظم ہیں پتہ ہوگا بیورو کریسی کام میں کیسے رکاوٹ بنتی ہے، اگلی گندم کی فصل کے لیے وزیر اعلی ٰ مرادعلی شاہ کو ٹاسک دیا ہے،مجھے پورا یقین اوراعتماد ہے کہ ہم متاثرین سیلان کو گھر بھی بنا کردیں گے،
قبل ازیں سندھ کے صوبائی وزیر اطلاعات شرجیل میمن نے کہا ہے کہ بجلی گھر تھر کول بلاک 2 پر سندھ اینگرو کول مائننگ کمپنی اور سندھ حکومت کی ملکیت ہے، تھر کول بلاک 2 سے پہلے مرحلے میں 3.8 میٹرک ٹن سالانہ کوئلے کی پیداوار حاصل کی گئی ، دوسرے مرحلے میں 30 ستمبر کو مزید 7.8 میٹرک ٹن سالانہ پیداوار کا ٹارگٹ حاصل کیا گیا، کوئلے کی پیداوار 2025 تک 15.2 سے 22 میٹرک ٹن سالانہ تک بڑھانے کی اسٹڈی مکمل کرلی، سندھ اینگرو کول مائننگ کمپنی اینڈ اینگرو پاور تھر لمیٹڈ نے اسٹڈی مکمل کی تھر بلاک 2 کے توسیعی منصوبے کے تحت لکی پاور کمپنی 330 میگاواٹ پلانٹ لگائے گی، تھر بلاک 2 کے توسیعی منصوبے کے تحت صدیق سنز انرجی لمیٹڈ 330 میگاواٹپلانٹ لگائے گی،بٹرا پاور کمپنی 660 میگاواٹ کے پاور پلانٹس لگائے گی
عمران خان، تمہارے لئے میں اکیلا ہی کافی ہوں، مبشر لقمان
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے پی ٹی آئی چیئرمین عمران خان اور سوشل میڈیا ٹیم کو کھری کھری سناتے ہوئے انہیں انکی اوقات یاد دلا دی
مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ ایک پوسٹ میرے سامنے آئی کہ شاباش میرے لفافی کتو۔۔!نواز شریف کی تصویر کے آگے لکھا ہے کہ ،میری ہر ایک کرپشن پر پردہ ڈال کر عمرا ن خان پر بھونکتے رہو۔
اور اس پوسٹ میں میرے ساتھ دیگر درجنوں ان صحافیوں کی تصویریں ہیں ۔ اب اس کا مقصد کیا ہے کہ جو لوگ عمران خان کی حقیقت بتاتے ہیں، اس کی اصلیت کو بے نقاب کرتے ہیں انہیں ڈی گریڈ کرنا، ان کی Credibility کو ہٹ کرنا ، انکے خلاف لوگوں کے دماغوں میں Phsycological warfareکر کے کھیلا جائے تاکہ اس کا چہرہ دیکھانے والے ڈر جائیں۔ خاموش ہو جائین اور اپنی جان کی آمان پاتے ہوئے اس کا نام نہ لین۔ یہی وہ اپنے سیاسی مخالفین کے ساتھ بھی کرتا ہے ۔
میں دوسرے صحافیوں کا ذمہ دار نہیں ہوں۔ لیکن اسمیں میری تصویر بھی ہے۔پہلے میں اسطرح کی چیزوں کو نظر انداز کرتا رہا۔ لیکن اب کسی صورت نہیں کروں گا۔ شیشے کے گھر میں بیٹھ کر مجھ پر پتھر پھینکنے والوں کومیں نہیں چھوڑوں گا۔ کیونکہ مجھے تحریک انصاف کی فسطائیت کا اچھی طرح اندازہ ہو گیا ہے۔ الفاظ عمران خآن کے ہوتے ہیں لیکن وہ اپنئ بھونکنے والے کتوں کے منہ میں Spoon feedingکرتے ہیں۔ قاسم سوری جیسوں کی کیا اوقات ہے کہ وہ کسی کے خلاف کوئی بات کرے وہ تو خود دھاندلی کی پیداوار ہے،اسٹے آرڈر پر اسمبلی میں بھیٹا رہا، عمران خان کے کہنے پر آئین توڑنے سے گریز نہیں کیا، داڑھی رکھ کر اسلامی ٹچ کا بیوپار کرتا ہے۔ یہ کارنامے ہیں ارسلام بیٹے کو بریفنگ کے، میری جعفر اور میر صادق کی Spoon feeding کے۔ سارا پول کھل چکا ہے کہ عمران خان کن بیرونی آقاوں سے ساری پلاننگ لے کر اپنے چیلے چانڈکوں کو بریف کرتا ہے۔اور یہ مجھے ڈرانے کی کوشش کر رہے ہیں جس نے درجنون جنگیں لڑیں ہیں ، اپنا کیرئر داو پر لگا دیا۔چاہے وہ میڈیا ٹائیکون ہو یا سیاسی، بزنس ٹائیکون ہو یا قبضہ مافیا، میں کبھی پیچھے نہیں ہٹا۔ اور نہ اب ہٹو ن گا۔ یہ بٹا ماریں گے میں پتھر ماروں گا، یہ گالی دیں گے میں انہیں اتنی ہی شدت سے ان کی اوقات دیکھاوں گا۔ پتھر کہیں سے بھی آئے جواب عمران خان کو دوں گا۔ کیونکہ مجھے پتا چل گیا ہے کہ ان بھونکنے والے کتوں کی رسی کس کے ہاتھ میں ہے، کون انہیں بریفنگ دیتا ہے کون ان کے منہ میں الفاظ ڈالتا ہے۔ اس لیے عمران خان سنبھل جاو۔ تمھارا وقت آگیا ہے۔
مبشر لقمان نے مزید کہا کہ مجھے کہتے ہو کہ میں کرپٹ سیاست دانوں کی کرپشن پر پردہ ڈالتا ہوں، میرے چھ ہزار پروگراموں میں سے تین ہزار شریف خاندان کی کرپشن پر ہیں۔ تم مجھے بتاو گے کہ میں نے کیا کرانا ہے۔ مین دوسروں کی طرح تمھارا زرخرید غلام نہیں ہوں جو صرف ویور شپ کے لیے اپنا ضمیر سلا دیتے ہیں۔ مجھے دھمکاو گے جس نے اپنے اصولوں پر اپنی ساری ویور شپ قربان کر دی، تمھیں سپورٹ کیا، اور ا سوقت کیا جب تم ٹانگہ پارٹی تھے۔ اکتوبر دوہزار گیارہ کے جلسے سے پہلے اگر کوئی مین سٹریم اینکر تمھیں سپورٹ کر رہا تھا تو وہ میں تھا اور میں تمھیں نہیں پاکستان کے خوابوں کو سپورٹ کر رہا تھا اے آر وائی کو کس نے لا کر تمھارے پیچھے کھڑا کیا۔؟لیکن تم نے ایک بہروپیے کی طرح ان خوابوں کا بیوپار کیا۔ تمھیں اقتدار ملا تو تم نے کیا کیاتم آمروں کی طرح بادشاہ بن گئے۔ تم نے آکر کتنی کرپشن بے نقاب کی۔کتنوں کو اندر ڈالا۔ جس کو ڈالا اسے عدالتوں سے Clearance certificate دلوا دیا۔الٹا بشریبی بی کے افسانے، ڈائمنڈ کی انگوٹھیاں، توشہ خانہ،فرح گجر کی کرپشن کی فیکٹریاں۔ تم عثمان بزدار اور محمود خان جیسے لطیفے ہمیں دے دو اور شہزاد اکبر جیسے سوداگر کو ہمارے سروں پر مسلط کر دیا جس کی Property tycoonسے ڈیلوں کی قصے سر عام بتائے جا رہے ہیں۔ اور پھر ہم یہ قصے کھولیں۔عمران خان کی اخلاقی پستی، ناہلی، دونمبریوں، فراڈ، دھوکے کو بے نقاب کریں تو تم ہم پر اپنے بھونکنے والے کتوں سے کیچھڑ اچھلواو۔ میں نہیں جانتا کسی قاسم سوری کو، میں نہیں جانتا کسی ارسلان بیٹا کو۔ تم چھپ کے وار کرو گے میں کھل کے سامنے آ کر جواب دوں گا کیونکہ مجھے پتا چل گیا ہے کہ یہ سارا گند تمھارا پھیلایا ہوا ہے، ذہنوں سے کھیلنے کا تمھیں شوق ہے، معصوم دماغوں میں نفرت کی کھیتی لگانے کے تم شوقین ہو۔ اس لیے اب تمھارا گند لوٹ کے تمھارے پاس آئے گا اور جس زبان میں تنقید ہو گی جواب بھی اسی زبان میں آئے گا،وہ تم ہی ہو جو خیبر پختون خواہ میں اساتذہ کا حق مار کر اپنی سائبر آرمی بنا رہے ہو، جو پنجاب کا خون نچوڑ کر آئی ٹی کی منسٹری اپنے سوشل میڈیا کے لونڈے کو دے کر اپنے سیاسی مقاصد پورے کر رہے ہو۔
مبشر لقمان کا مزید کہنا تھا کہ تم جتنی مرضی سائبر آرمی تیار کر لو، لیکن یہ یاد رکھنا۔ سو سنار کی ایک لوہار کی تمھارے لیے میں اکیلا ہی کافی ہون۔میں تمھیں بتا رہا ہوں عمران خان انسان کے بچے بن جاو۔ جس کی امید کم ہے ،ورنہ تم مجھے اچھی طرح جانتے ہو۔ مجھے پتا ہے تم پنجاب میں حکمران ہو۔ تم میری زبان بندی کے لیے ہر گھٹیا حرکت تک جاو گے۔ اور جو اس سے پہلے تم نے گھٹیا حرکتیں کی ہیں وہ بھی میں بتاوں گا۔ اب ایک ہی پیغام ہے کہ اگر تم نے اپنی کیچڑ کا بیوپار بن نہ کیا تو اس میں ایسا پتھر گرے گا کہ یہ کیچڑ تمھیں ہی سیاہ کر دے گی۔ ویسے ابھی سیاہ ہونے میں کوئی کسر باقی رہ نہیں گئی، جو تمھارا دوغلا چہرہ بے نقاب کیا ہے آڈیو لیکس نے۔تمھیں بتاوں تم کیا کر رہے ہو،تم معاشرہ برباد کر رہے ہو، گھٹیاحرکتیں نہ صرف کر رہے ہو بلکے کروا رہے ہو۔تم اداروں پر حملے کر رہے ہو، عدلیہ کے ساتھ تم نے کیا کیا
احسان فراموش، تمھاری Nappiesصبح شام بدلنے والوں کے ساتھ تم نے کیا کیا۔الیکشن کمیشن کے ساتھ تم نے کیا کیا۔
نیب کو ویڈیوز سے کیسے بلیک میل کیا۔پارلیمنٹ کی تمھاری نظر میں کوئی اوقات نہیں فوج کے ساتھ تم نے سینگ پھنسائے ہوئے ہیں۔ آئین تمھاری جوتی کی نوک پر ہے۔تم چاہتے کیا ہو۔ تم فراڈ کرو،جھوٹ بولوقوم کی تقدیر سے کھیلو۔معصوم دماغوں میں گند ڈالو۔توشہ خانہ سے مال لے کر سوداگری کروفارن فنڈنگ کرو۔ہارس ٹریڈنگ کرو۔اور ہم خاموش رہیں۔ابھی میں ڈرگز اور زنا کی بات نہیں کر رہا کیونکہ وہ اللہ اور انسان کا معاملہ ہے۔نہیں رہو گا کسی صورت چپ نہیں رہوں گا۔کیونکہ مجھے ہے حکم اذاں لَآ اِلٰہَ اِلَّا اللہُ
مبشر لقمان کا مزید کہنا تھا کہ اگر ہم یہ کہہ دیں کہ یہ بندہ غلط ہے، یہ دونمبر ہے، یہ قوم کی تقدیر کے ساتھ کھیل رہا ہے تو ہم غلط ہو گئے۔ ہم لفافہ ہو گئے۔اگر یہ سب کچھ کرنے سے ہمیں لفافے کا خطاب ملتا ہے تو میں اس خطاب کو اپنے ماتھے پر سجاوں گا۔ ویسے بھی الفاظوں کی حرمت تم نے پہلے ہی ختم کر دی ہے۔جہالت کو تم شعور کا نام دے دو اور ہم خاموش رہیں۔معیشت سے تم نے کھیلا،خارجہ پالیسی سے تم نے کھیلا ،ملکی سالمیت سے تم نے کھیلا۔نوجوان نسل برباد کرو ہم خاموش رہیں۔اور اب تم جہالت کا بیانیہ بنا رہے ہو اپنے پیڈ لوگوں کی مدد سے جنہیں تم سرکاری خزانے سے نواز رہے ہو۔ اس سے بڑی بے شرمی کیا ہو گی کہ اب یہ بیانیہ بنانے کی کوشش کر رہے ہو کہ ایک نہیں سو آڈیو بھی آ جائیں تو عمران خآن کو نہیں چھوڑیں گے۔ عمران خان کو سپورٹ کریں گے کیونکہ وہ عمران خان ہماری ضد ہے عمران خان ہماراجنون ہے اصل گیم عمران خان کے ہاتھ میں ہے۔او بھائی جس کی ضد اور جنون عمران خان ہے وہ اسے اپنے گھر لے جائے اس ملک کا کیا قصور ہے اور گھر لے جانے سے پہلے خاور مانیکا کا انجام یاد رکھے۔ یہ تو گھر لے جانے کے بھی قابل نہیں۔میں بتاوں عمران خان کے کھیل۔ عمران خان کتنا بڑا دھوکہ ہے۔جب عمران خان کو پتا چلا کہ اس کے اقتدار کے پہلے سال کے بعد میں بولوں گا۔ اس نے میرے ساتھ وہی کیا جو ا سنے جہانگیر ترین کے ساتھ کیا۔جو ا سنے صبح شام اپنی نیپی بدلنے والوں کے ساتھ کیاجو اس نے اپنے دیگر احسان کرنے والوں کے ساتھ کیا۔جب میں نے عثمان بزدار کو کسی بھی صورت قبول کرنے سے انکار کیا تو اس نے وہی کھیل کھیلا جس کا یہ عادی ہے۔ کیونکہ یہ عام بات نہین تھی کہ مبشر لقمان جس نے دس سال سر دھڑ کی بازی لگا دی اسے کھل کر سپورٹ کیا۔ اور اس وقت کیا جب یہ اکتوبر دوہزار گیارہ میں ٹانگہ پارٹی تھا۔ سارے اس کے بعد آئے جب ہواوں کا رخ بدلنے لگا میں اس ہوا کے چلنے سے پہلے ہی اس کو سپورٹ کر رہا تھا۔اسے اقتدار میں لا کر ملک کی تقدیر بدلنے کے خواب دیکھے، روائیتی سیاستدانوں کو اس ملک کی بربادی کا ذمہ دار کہا اسے پتا تھا کہ جب مبشر لقمان بولے گا تو لوگ سیریس لین گے ۔ اس نے اسے بھی ڈرامہ بنا دیا۔اس نے عثمان بزدار کو اسی گھر میں بھیجا۔ اس نے شہباز گل کو اسی گھرمیں بھیجا۔ اور جب میں نے انکار کر دیا اور عثمان بزدار کی نااہلی کا یہ مجھے جواب نہ دے سکے تو پھر بشری بی بی کی ٹیم ایکٹیو ہوئی۔ فیض الحسن چوہان کی مدد سے حریم شاہ اور صندل خٹک جیسے گند کو میرے اوپر کیچڑ اچھالنے کے لیے لانچ کیا گیا۔ میرے جہاز تک انہیں پہنچایا گیا۔ میرے ساتھ چھیڑ چھاڑ کی گئی۔فواد چوہدری جیسے سے میرے اوپر حملہ کروایا گیا۔ اور تنقید کودشمنی کا رنگ دینے اور اسے میرا ذاتی معاملہ اور انا سے نتھی کرنے کی کوشش کی گئی۔لیکن عمران خان نہ میں پہلے ڈرا اور نہ میں اب ڈروں گا، تمھارے لیے میں اکیلا ہی کافی ہوں۔
صوبائی وزیر پنجاب اور رہنماء تحریک انصاف محمد راجہ بشارت کی ایک اور آڈیو لیک کردی گئی ہے.
راجہ بشارت کی کی اور آڈیو لیک کردی گئی ہے جس میں وہ کسی خاتون سے گفتگو کررہے ہیں. گفتگو کے اول میں راجہ بشارت خاتون سے کہتا ہے کہ وہ مہمان آئے ہوئے تھے جس پر خاتون جو ان کی خفیہ کی گئی شادی والی بیوی لگ رہی ہے غصہ جاتی ہیں اور کہتی ہے کہ 24 گھنٹے آپ کے مہمان آئے ہوئے ہوتے ہیں. خاتون نے مزید کہا کہ سارا دن تو اس طرح نہیں ہوتا کیونکہ آپ پانچ منٹ کا کہہ کر سارا دن اسی میں گزار دیتے ہیں اور پھر جب بات ہوتی ہے تو وہ بے تکتی قسم کی بات کرتے ہو. اس پر راجہ بشارت کہتے کہ میں جھوٹ تو نہیں بولتا ہوں اس پر خاتون انہیں جواب دیتی صبر ایک منٹ بات سنو شادیاں بھی ہوتی ہیں اور وکیلوں کے پاس بھی جایا جاتا ہے لیکن کوئی اس طرح نہیں کرتا جیسے آپ کرتے ہیں.
خاتون بات کو بڑھاتے ہوئے کہتی ہے کہ اچھا بھلا نظام چل رہا ہو لیکن آپ اپنی حرکتوں سے سب کچھ خراب کرتے ہیں اور آپ کہتے کہ کوئی بے غیرت ہی ہوگ جو تم سے بات کرے گا لہذا راجہ بشارت اب بہت ہوگیا! اور پھر کہتی کہ میرے سے بات نہیں کرے گا لیکن جن سے ساری عمر آپ چھتر کھاتے رہے (یہ شائد خاتون کا اشارہ راجہ بشارت کی پہلی بیوی کی طرف تھا) سے آپ نے جان نہیں چھڑائی اور میری زبان تو آپ نے کھلوائی ہے اور اس طرح تو کوئی جانوروں کے ساتھ بھی نہیں کرتا ہے.
اس دوران راجہ بشارت بولنے کی کوشش کرتے مگر خاتون ان کو روکتے ہوئے کہتی ہے کہ کوئی مانے گا کہ بیوی آپ نے ایسے رکھی ہوئی ہے کہ اتنا بڑا نامی گرامی انسان جس نے شادی کرکے تین سال سے عورت کا حال تک نہیں پوچھا. تاہم راجہ بشارت خاتون کے جواب دیتے کہ صبح میں نے فیصل آباد جانا تو خاتون کہتی کس لیئے؟ جس پر راجہ کہتے کہ ملاقات ہے جس پر وہ غصے سے کہتی کہ کوئی نہیں جانا اور یہ آپ کا مسئلہ ہے میرا نہیں ہے. کیونکہ ماہ سے زائد ہوگیا کیا یہ کوئی طریقہ کار ہے.
اس آڈیو کے مطابق؛ خاتون کہتی کہ میں نے آپ سے ہر طرح سے تعاون کیا کیونکہ آپ نے کہا تھا کہ ایک جلسہ ہوجائے لیکن آپ ٹائم پاس کر کر آج مجھے یہاں تک پہنچا دیا لہذا مہربانی کرکے یہ سیاستیں بھی ہوتی رہیں گی لیکن اپی بیویوں کو روڈ پر کوئی چھوڑتا جیسے آپ کررہے اور آپ کس منہ سے جلسوں میں جاتے ہو؟ اور کونسا شریف آدمی ایسا کرتا ہے جیسے آپ کررہے ہو.
اس سے قبل بھی ایک آڈیو لیک کی گئی تھی باٍغی ٹی وی کے مدیر ممتاز حیدر کی ایک رپورٹ کے مطابق؛ پنجاب کے صوبائی وزیر ، عمران خان کے قریبی دوست، راجہ بشارت کی آڈیو لیک ہوئی ہے، راجہ بشارت کی آڈیو میں وہ ایک خاتون سے بات کرتے ہیں، راجہ بشارت خاتون کو گھر لے کر دینے کا کہتے ہیں اور ساتھ ہی رات گزارنے کا بھی کہتے ہیں.
آڈیو میں سنا جا سکتا ہے کہ راجہ بشارت خاتون کو کہتے ہیں کہ سب ٹھیک ہے، آپ بتائیں ، جس پر خاتون کہتی ہیں کہ کیا چاہتے ہوبتاؤ تمہاری محبت میں ذلیل و خوار تو اس طرح نہیں ہو سکتی،، راجہ بشارت کہتے ہیں کہ میں کل تمہیں گھر لے دیتا ہوں ، جس پر خاتون کہتی ہیں کہ کہاں لے کر دو گے، راجہ بشارت کہتے ہیں کہ اسلام آباد،لاہور جہاں کہو گی میں لے دیتا ہوں،خاتون نے پوچھا کہ لاہور تمہارا کون رشتے دار بیٹھا ہوا ہے، میرا تو کوئی نہیں بیٹھا ہوا، راجہ بشارت نے کہا کہ تم کیا بات کر رہی ہو،خاتون نے کہا پھر کیا ہو گا،
خاتون کہتی ہیں کہ راجہ بشارت لاہور کی خواہش تو تم چھوڑ ہی دو، تم جھوٹ بولتے ہو، لاہور کی خواہش مرنے کے بعد ہی پوری ہو گی، یہ سوچنا چھوڑ دو،یہ اپنے آپ کو ایویں فضول کا ہی تسلی دینا چھوڑو،اگلی بات کرو، خاتون راجہ بشارت کو "جان من” کہہ کر پکارتی ہیں، راجہ بشارت کہتے ہیں کہ انگلی میں پین ہے، نیک میں درد ہے،جس پر خاتون کہتی ہیں کہ کم ایسے کام کرو، کم کمائیاں کرو، کروڑوں کا کاروبار کر کے ایسا ہی ہوتا ہے، راجہ بشارت کہتے ہیں کہ ابھی طبیعت خراب ہوئی، کل بھی سارا دن ایسا ہوا، ٹانگیں لڑکھڑاتی تھیں جس پر خاتون نے کہا کہ کیا کیا تم نے، ٹیلیفون ٹانگوں سے نہیں ہوتے، اگر ٹانگیں لڑکھڑا رہی تھیں تو کم از کم بات تو ہو سکتی تھی،میسج کا جواب بھی دیا جا سکتا تھا،؟میں تمہاری گرل فرینڈ نہیں، پوری برادری کو پتہ ہے، اب ناصر نے تم کو منع کیا ہے تو مجھے بات کرنی پڑے گی، تماش بینیاں ختم کرو، ساری برادری کو یہ بھی پتہ ہے کہ تم نے میرے ساتھ کیا کیا ہے،
ممنوعہ فنڈنگ کیس،ایف آئی اے قانون کے مطابق کاروائی کرے،عدالت کا حکم
اسلام آباد ہائی کورٹ میں پی ٹی آئی ممنوعہ فنڈنگ تحقیقات کے خلاف درخواست پر سماعت ہوئی
ایف آئی اے انکوائری کے خلاف پی ٹی آئی کی درخواست پر ایف آئی اے کو نوٹس جاری کر دیا گیا،اسلام آباد ہائی کورٹ نے درخواست کو ممنوعہ فنڈنگ کیسز کے ساتھ منسلک کرنے کا حکم دے دیا،عدالت نے حکم دیا کہ ایف آئی اے قانون کے مطابق کاروائی کرے ،عدالت نے استفسار کیا کہ کیسز 19 اکتوبر کو سماعت کے لیے مقرر ہیں کیا یہ اسی طرح کا ہے؟ وکیل نے کہا کہ یہ وہی کیسز ہیں پہلے بینکنگ سرکل اب سائبر کرائم یہ انکوائری کر رہا ہے ،نامنظور ڈاٹ کام سے فنڈنگ سے متعلق سائبر کرائم نے نئی انکوائری شروع کی پی ٹی آئی ممنوعہ فنڈنگ تحقیقات کے خلاف درخواست پر سماعت 19 اکتوبر تک ملتوی کر دی گئی
واضح رہے کہ تحریک انصاف نے ممنوعہ فنڈنگ کیس کے سلسلے میں ایف آئی اے انکوائری اسلام آباد ہائی کورٹ میں چیلنج کی تھی، پی ٹی آئی کی جانب سے درخواست میں مؤقف اختیار کیا گیا ہے کہ ایف آئی اے کو فنڈنگ کیس میں گرفتاریوں اور چھاپوں سے روکا جائے۔ ایف آئی اے نے سینیٹر سیف اللہ نیازی کے گھر چھاپا مارا اور ہراساں کیا۔ ایف آئی اے انکوائری اور چھاپے غیرقانونی ہیں، لہٰذا ایسی کارروائیوں سے فوری طور پر روکا جائے۔
ممنوعہ فنڈنگ کیس میں وفاقی تحقیقاتی ادارے (ایف آئی اے) نے پاکستان تحریک انصاف (پی ٹی آئی) کے چیئرمین عمران خان کو خط بھی ارسال کیا تھا جس میں ایف آئی اے نے عمران خان کو لکھے گئے خط میں ان سے بینک اکاؤنٹس کی تفصیلات اور ان کی سالانہ رپورٹ کا ریکارڈ مانگا تھا تاہم تحریک انصاف نے ایسے کسی خط کے ملنے سے انکار کیا تھا۔
خط میں کہا گیا تھا کہ پی ٹی آئی کی 1996 سے لے کر اب تک کی تمام تنظیموں اور ٹرسٹ کا ریکارڈ فراہم کیا جائے جبکہ پارٹی کے قیام سے لے کر اب تک وصول کی گئی ممبر شپ فیس کا ریکارڈ بھی فراہم کیا جائے۔خط میں پی ٹی آئی کی رجسٹرڈ، غیر رجسٹرڈ قومی و بین الاقوامی تنظیموں اور ٹرسٹ کے ریکارڈ کی تفصیلات طب کی گئی ہیں۔ عمران خان کو الیکشن کمیشن میں جمع کرائے گئے فارم کی تفصیل فراہم کرنے کے لیے بھی کہا گیا ہے۔خط میں کہا گیا تھا کہ پی ٹی آئی کے تمام اکاؤنٹس کھولے جانے سے لے کر اب تک کا سالانہ اسٹیٹمنٹ بھی فراہم کیا جائے۔ ایف آئی اے حکام نے بھی اس بات کی تصدیق کی تھی کہ ممنوعہ فنڈنگ کیس کے لیے تشکیل دی گئی انکوائری ٹیم نے عمران خان کو خط ارسال کر کے تفصیلات طلب کی ہیں
تحریک انصاف نے درخواست میں مزید کہا ہے کہ ایف آئی اے سیاسی بنیاد پر ہراساں کررہی ہے۔ عدالت ایف آئی اے کو فنڈنگ کیس کی تحقیقات سے روکے۔ ریجیم چینج کے بعد پی ٹی آئی نے حکومت مخالف تحریک کے لیے فنڈز اکٹھے کیے۔ بیرون ملک سے ملنے والے تمام فنڈز قانون کے مطابق وصول کیے۔ پی ٹی آئی کی جانب سے درخواست میں سیکرٹری داخلہ، ڈی جی ایف آئی اے اور تفتیشی افسر کو فریق بنایا گیا۔
اسلام آباد ہائی کورٹ میں دفعہ 144 کے قانون کے خلاف اسد عمر کی درخواست پر سماعت ہوئی ، اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ اس جماعت کی دو صوبوں میں حکومت ہے، کیا ادھر کبھی دفعہ 144 نافذ نہیں کی گئی؟ لا اینڈ آرڈر کا معاملہ ایگزیکٹو نے دیکھنا ہے جس میں عدالت کبھی مداخلت نہیں کرے گی،کیا پی ٹی آئی کی دو صوبوں میں حکومت نہیں جہاں دفعہ 144 کا اطلاق ہوتا ہے جب پی ٹی آئی کی حکومت تھی کیا اسلام آباد میں دفعہ 144 کا نفاذ نہیں رہا ؟امن و امان برقرار رکھنا انتظامیہ کا کام ہے عدالت مداخلت نہیں کرے گی،
اسلام آباد ہائیکورٹ میں دائر درخواست میں کہا گیاتھا کہ دفعہ 144 کا نفاذ پرامن احتجاج روکنے کےلیے غیرآئینی قانون ہے، دوران سماعت اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ پہلے پنجاب اور خیبرپختونخوا جا کر یہ قانون اسمبلی سے ختم کرائیں، صوبائی اسمبلیوں سے قانون ختم کرا کے یہاں آ جائیں،وکیل اسد عمر نے کہا کہ پٹیشنر اس عدالت کے دائرہ اختیار میں رہنے والا شہری ہے،
مقروض ملک کے 74 وزرا ہیں جو کہ ہر ماہ لاکھوں روپے تنخواہیں لیتے ہیں
باغی ٹی وی ، مردان ( ویب نیوز)مردان میں جلسے سے خطاب کرتے ہوئے سراج الحق نے کہا کہ پی ڈی ایم اور پی ٹی آئی دونوں ہی ایکسپوز ہوگئے ہیں، فضل الرحمان اگر شہباز شریف کو چھوڑ دیں تو اُن کو جماعت اسلامی میں ملالیں گے۔امیر جماعت اسلامی سراج الحق نے کہا ہے کہ عمران خان قوم کے ساتھ مذاق کررہے ہیں، پی ٹی آئی غیر سنجیدہ لوگوں کا ٹولہ ہے۔
انہوں نے کہا کہ مقروض ملک کے 74 وزرا ہیں جو کہ ہر ماہ لاکھوں روپے تنخواہیں لیتے ہیں۔ان کا مزید کہنا تھا کہ جے یو آئی ٹرانس جینڈر ایکٹ پر عدالت میں رسوا ہوگئی، 62 ،63 کو ختم کرنے والے خود ختم ہو جائیں گے اور یہ سب جیل جائیں گے۔
