Baaghi TV

Category: اہم خبریں

  • ملکی معیشت پر پی ٹی آئی کا خودکش حملہ، گھناؤنی سازش بے نقاب،شوکت ترین نکلے مہرہ

    ملکی معیشت پر پی ٹی آئی کا خودکش حملہ، گھناؤنی سازش بے نقاب،شوکت ترین نکلے مہرہ

    باغی ٹی وی کی رپورٹ کے مطابق سابق حکمران جماعت تحریک انصاف نے ملک دشمنی کی سب حدیں عبور کر لی ہیں، تحریک انصاف کے چیئرمین عمران خان چاہتے ہیں کہ انہیں ہر قیمت پر دوبارہ وزیراعظم کی کرسی پر بیٹھنا ہے، اور اسکے لئے وہ ملکی سلامتی کو بھی داؤ پر لگانے سے پیچھے نہیں ہٹیں گے

    عمران خان کے خلاف جب عدم اعتماد پیش ہونے کی خبریں آئیں تو عمران خان نے آئی ایم ایف کے ساتھ کئے گئے معاہدے سے روگردانی کی اور انہوں نے پٹرول کی قیمتیں فکس کر دیں، حالانکہ عمران خان سرکار نے ماہ فروری میں آئی ایم ایف کے ساتھ معاہدہ کیا تھا کہ پٹرول کی قیمت بڑھائیں گے لیکن عمران خان نے اپنی حکومت بچانے کے لئے اور قوم کو ریلیف دینے کا اعلان کر کے حکومت بچانے کی ناکام کوشش کی، عمران خان کی جانب سے آئی ایم ایف کے معاہدے کی خلاف ورزی کا نقصان ابھی تک قوم بھگت رہی ہے،

    ابھی عمران خان کی ہی جماعت کے رہنماؤں کی آڈیو لیکس ہوئی ہیں ، شوکت ترین، محسن لغاری، تیمور جھگڑا کی آڈیو لیکس نے تہلکہ مچا دیا ہے، سازش سازش کردی، میں آپے سازشی ہوئی ملکی معیشت پر پی ٹی آئی کا خودکش حملہ، گھناؤنی سازش بے نقاب ہوئی ہے، سازشی ریلا عمران خان کی حب الوطنی بھی ساتھ بہا لے گیا

    خان خود تو رہے پس پردہ، مہروں سے کروائی پیش قدمی

    مہروں میں سابق وزیر خارجہ شوکت ترین پیش پیش رہے، پنجاب اور خیبر پختونخواہ کی معیشت کے رکھوالے، ترین کے اشاروں پر رقص کرتے رہے ترین بغیر کسی سرکاری عہدے کے پنجاب اور خیبر پختونخواہ کی معیشت کنٹرول کرتے رہے دونوں وزیر خزانہ کو ترین نے ایک سا پیغام دیا،آئی ایم ایف سے کئے گئے وعدوں انحراف کی ہدایت کی اور لفظ بہ لفظ ڈکٹیشن دے ڈالی سیلاب جیسی آفت کو بھی سیاسی بلیک میل کیلئے استعمال کا حکم دیا

    شوکت ترین کو تحریک انصاف کی حکومت میں اس وقت وزیر خزانہ بنایا گیا تھا جب حفیظ شیخ مستعفی ہو گئے تھے اور تحریک انصاف کے پاس اپنا کوئی وزیر خزانہ نہیں تھا، شوکت ترین کو بیرون ملک سے منگوا کر وزیر خزانہ بنایا گیا تھا، شوکت ترین کا نام پینڈورا پیپرز میں بھی آ چکا ہے، وہ اب آئی ایم ایف کے معاہدے کو سبوتاژ کرنے کی کوشش کر رہے ہیں،

    شوکت ترین جب وزیر خزانہ تھے تو اس وقت اپنی حکومت کو بھی بلیک میل کر رہے تھے، ملک میں بڑھتی مہنگائی پر جب تحریک انصاف پر تنقید ہوئی اور شوکت ترین کو ہٹانے کی خبریں سامنے آنی لگیں، شوکت ترین کراچی کی ایک محفل میں تھے، اس دوران ایک صحافی نے سوال کیاکہ وزیراعظم نے وزرا کی کارکردگی انعامات دیئے ، آپ کی وزارت ان اچھی وزارتوں میں جگہ نہ بناسکی ، صحافی نے مزید کہا کہ اگر وزیراعظم مطمئن نہ ہوئے تو پھر آپ کیا کریں گے اس پر وزیرخزانہ شوکت ترین نے کہا کہ بابا اگر وزیراعظم مطمئن نہیں تو ہم بھی چلے جائیں گے

    پٹرول کی قیمت 30 روپے مہنگی،تحریک انصاف نے آئی ایم ایف کے ساتھ معاہدہ کیا

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

  • شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

    شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی
    باغی ٹی وی کی رپورٹ کے مطابق تحریک انصاف ملک دشمنی میں سب سے آگے نکل گئی

    پاکستان کے خلاف انتہائی گھناؤنی اور مکروہ سازش بے نقاب ہو گئی ہے، شوکت ترین اور وزیر خزانہ پنجاب مُحسن لغاری کی گفتگو لیک ہوئی ہے، شوکت ترین نے محسن لغاری کو کہا کہ یہ جو آئی ایم ایف کو 750 ارب کی کمٹمنٹ دی ہے آپ سب نے سائن کیا ہے، آپ نے اب کہنا ہے کہ ہم نے جو کمٹمنٹ دی تھی وہ سیلاب سے پہلے دی تھی آپ نے اب کہنا ہے کہ اب سیلاب کی وجہ سے ہمیں بہت پیسا خرچ کرنا پڑے گا آپ نے اب یہ لکھنا ہے کہ اب ہم یہ کمٹمنٹ پوری نہیں کرپائیں گے، یہی لکھنا ہے آپ نے اور کچھ نہیں کرنا شوکت ترین کے کہنے پر محسن لغاری نے جی بالکل کہہ کر جواب دیا شوکت ترین نے گفتگو میں مزید کہا کہ ہم سب چاہتے ہیں ان پر دباؤ پڑے، یہ ہمیں اندر کرا رہے ہیں اور ہم پر دہشتگردی کے الزامات لگا رہے ہیں، یہ بالکل اسکاٹ فری جارہے ہیں یہ نہیں ہونے دینا ہے

    شوکت ترین کا کہنا ہے کہ آئی ایم ایف کے ساتھ جو معاہدہ پی ٹی آئی حکومت نے کیا ہے اُس سے مُکر جائیں۔ ہ کمٹمنٹ فلڈ سے پہلے دی تھی اب فلڈ پہ ہمیں بہت پیسے خرچ کرنا پڑیں گے۔ اس سے ان سالوں پر پریشر بڑھے گا جو ہمیں اندر کرو رہے اور ہم پر دہشتگردی کے مقدما ت کروا رہے ہیں۔ وزیر خزانہ پنجاب محسن لغاری نے کہا کہ سر اس سے پاکستان کو نقصان ہوگا؟ شوکت ترین کا کہنا تھا کہ یہ تو ضرور ہوگا۔آئی ایم ایف کہے گا کہ یہ پیسے کدھر سے پورے کریں گے؟ وہ ہمیں مس ٹریٹ کر رہے ہونگے اور ہم ان کو۔ محسن لغاری نے کہا کہ سوشل میڈیا سے زیادہ پاور فل ٹول کوئی نہیں ہے۔ شوکت ترین کا کہنا تھا کہ ۔تو ریلیز کرنے کی ضرورت ہی نہیں ہو گی وہ خود ہی سوشل میڈیا پر وائر ل ہو جائے گا۔ تیمور کہہ رہا تھا کہ میں نمبر2 کو بہت اچھا جانتا ہوں تو میں اس کو ویسے ہی لیک کردونگا۔ ایسا نہ نظر آئے کہ ہم ملک کو نقصان پہنچا رہے ہیں۔

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    تحریک انصاف کے رہنما شوکت ترین اور تیمور جھگڑا کی آڈیو وائرل ہوئی ہیں جس میں ایک لیٹر کے بارے میں بات ہو رہی ہے، شوکت ترین تمور جھگڑا سے پوچھتے ہیں کہ آپ نے وہ خط بنا لیا، جس پر تیمور نے کہا کہ میں ابھی بناتا ہوں میں راستے میں ہوں ابھی بنا کر بھیجتا ہوں شوکت ترین کا کہنا تھا کہ اس لیٹر سے ہمیں بہت فائدہ پہنچنے والا ہے، پورے خیبر پختونخواہ کا بیڑا غرق کر دیا ہے میں نے لغاری کو بھی کہہ دیا ہے پہلا پوائنٹ آپ نے بنا لینا ہے دوسرے آپ نے بنائے ہوئے ہیں، ہمیں بہت پیسے چاہئے، پیسے خرچنے ہوں گے، تیمور کا کہنا ہے کہ میں نے تو نہیں چھوڑنے، پتہ نہیں لغاری نے چھوڑنے ہیں یا نہیں شوکت ترین نے کہا کہ لیکن آج ہم نے کرنا یہ ہے کہ آج یہ خط لکھ کے اور جو آئی ایم والی ایشٹرس ہے اسکو کاپی بھیج دیں گے تا کہ یہ پتہ تو چلے ….شوکت ترین یہاں آڈیو میں گالی دیتے ہیں

    تیمور کا کہنا تھا کہ آئی ایم ایف نمبر ٹو جو یہاں پر ہے اسکو بھیجتا رہا ہوں، مجھے محسن نے بھی فون کیا تھا، خان صاحب اور محمود خان کل کی میٹنگ میں کچھ ڈسکس ہوا تھا لیکن پریس کانفرنس نہیں ہوئی، جس کے بعد ترین اک کہنا تھا کہ اس ہر سیمنار کریں گے، اگر پریس کانفرنس کرنی ہے تو وہ بھی تینوں بیٹھ کر کر لیں گے

    تحریک انصاف کی ملک دشمنی کا اس کے علاوہ اور کیا ثبوت چاہئے ؟ تحریک انصاف کے رہنماؤں کی آڈیو لیک ہونے پر مبشر لقمان کا رد عمل
    تحریک انصاف کے رہنماؤں شوکت ترین، محسن لغاری، تیمور جھگڑا کی آڈیو وائرل ہونے پر سینئر صحافی و اینکر پرسن مبشر لقمان نے سماجی رابطے کی ویب سائٹ ٹویٹر پر ٹویٹ کی ہے اور کہا ہے کہ دو دھماکہ خیزآڈیو سامنے آئی ہیں جو اس بات کو ثابت کرتی ہیں کہ تحریک انصاف ہر قیمت پر اقتدار چاہتی ہے، شوکت ترین محسن لغاری اور تیمور جھگڑا کی سامنے آنی والی آڈیو لیک نے ثابت کر دیا ہے کہ پی ٹی آئی ریاست مخالف ایجنڈے پر کام کر رہی ہے، یہ آڈیو لیکس سن کر یقین نہیں آتا کہ تحریک انصاف کی قیادت پاکستان مخالف ہو سکتی ہے،تحریک انصاف کی ملک دشمنی کا اس کے علاوہ اور کیا ثبوت چاہئے سمجھ میں نہیں آتا

    علاوہ ازیں وزیر خزانہ خیبر پختونخوا تیمور سلیم جھگڑا کا آڈیو لیک ہونے کے بعد رد عمل سامنے آیا ہے، ان کا کہنا ہے کہ فاٹا کے انضمام کے بعد سے یہ سلسلہ شروع ہوا ،فاٹا میں دہشت گردی کے خاتمے کے لیے پیسے خرچ کرنے پڑے، قبائلی اضلاع ملے تو کوشش کی کہ بہتر اندازمیں معاملات حل کریں،فاٹا کے لوگ 20 سال سے جنگ میں تھے ، انفراسٹرکچر بنانا تھا، ہم نے مفتاح اسماعیل اور وزیر اعظم سے ملاقات کی اور فاٹا اخراجات پر بات کی ،ہماری وفاداری پر سوالات اٹھائے جارہے ہیں فاٹا والوں کے حقوق کے لیے کام کرنا ہوگا،مفتاح اسماعیل کا مشکور ہوں انہوں نے فاٹا سے متعلق تعاون کا یقین دلایا ،ہمیں فاٹا کے لیے مل کر چلنا ہوگا،خط میں نے ہی لکھا تھا،جس میں قبائلی اضلاع کے مسائل حل کرنے کی بات کی خط میں میرا وفاق سے مطالبہ تھا کہ این ایف سی کا اجلاس بلایا جائے خط میں نہیں لکھا کہ آئی ایم ایف ڈیل سے پیچھے ہٹیں گے 5جولائی کو میٹنگ کی، 3 لائن کا خط دیا،

  • دریا سوات کی گزرگاہ پر مراد سعید اور اعظم خان نے 100 کروڑ روپے لے کر تعمیرات کی اجازت دی تھی

    دریا سوات کی گزرگاہ پر مراد سعید اور اعظم خان نے 100 کروڑ روپے لے کر تعمیرات کی اجازت دی تھی

    دریا سوات کی گزرگاہ پر اس وقت کے وفاقی وزیر مواصلات مراد سعید اورسابق وزیر اعظم کے پرسنل سیکرٹری اعظم خان نے 100 کروڑ لے 100 ہوٹلز اور بنگلوں کی تعمیرات کی اجازت دی تھی.

    صحافی اظہر سید نے دعوی کیا ہے کہ: دریائے سوات کی قدرتی گزر گاہ کے راستے میں سو کروڑ سے زیادہ کی رشوت لے کر سو سے زیادہ ہوٹل اور بنگلے تعمیر کرنے کی اجازت دینے میں نوسر باز عمران خان کا سابق پرنسپل سیکرٹری اعظم خان، سابق وزیر مواصلات مراد سعید اور سابق کمشنر مالاکنڈ ڈویژن شامل ہیں.


    ضلعی انتظامیہ کے مطابق سوات میں سیلاب سے 130 کلومیٹر کی سڑکیں تباہ ہوگئیں جبکہ 15رابطہ پل مکمل یا جزوی طور پر تباہ ہو گئے۔ سیلابی ریلے سے 100 سے زائد مکانات اور دیگر عمارتیں تباہ ہوئیں جبکہ 50 کےقریب ہوٹلز تباہ ہو گئے۔
    چاروں صوبوں میں سیلاب کی تباہ کاریاں، 900 سے زائد اموات، لاکھوں افراد فوری امداد کے منتظر ہیں جبکہ کالام میں دریا کنارے بنے ہوٹل تباہ و برباد ہوگئے، بحرین میں بھی سیلابی ریلا راستے میں آنے والی ہر شے تنکوں کی طرح بہا لے گیا ہے.

    اب سوال یہ ہے کہ یہ جتنا نقصان ہوا اس کا زمہ دار کون ہے؟

    اس کا جواب بھی بہت ہی سادہ سا ہے اور وہ یہ کہ اس کے زمہ دار وہ حضرات ہیں جنہوں دریا سوات کے قدرتی راستے میں‌ تعمیرات کی اجازت دی ہے ان میں سب پہلا نام مراد سعید کا آتا ہے جو اس وقت وزیر مواصلات تھے دوسرا نام اس وقت کے وزیر اعظم عمران کے پرسنل سیکرٹری اعظم خان کا آتا ہے اور تیسرا نام ہے سابق کمشنر مالاکنڈ ڈویژن جنہوں ملی بھگت سے یہ سارا کا سرانجام دیا تھا.

    لیکن پھر خیال یہ بھی آتا ہے کہ کیا ی سب اس وقت کے وزیر اعظم عمران خان کے علم نہیں تھا ؟ یا پھر کہیں وہ بھی دانستہ یا نادانستہ اس کام میں شریک جرم تھے بہرحال ہمارا سادہ سا خیال ہے کہ اس سب تباہی کی زمہ دار سابقہ و موجودہ صوبائی حکومت ہے کیوںکہ یہ سارا کچھ ان کے دور میں ہوا تھا. لہذا چیف جسٹس آف پاکستان کو چاہئے کہ اس کرپشن کا سو موٹو لیتے ہوئے اس کی انکوائری کا حکم دے اور قصورواروں کو کیفر کردار تک پہنچائیں.

    ایک صارف نے لکھا: عدالت عالیہ( اللہ کی عدالت، 137 نمبر والی نہیں ) کے حکم سے تمام ناجائز تجاوزات ختم ہو گئی ہیں. ایک اور شخص نے کہا: ریحام خان کی کتاب والے مراد سعید کی بدعمالیوں نے عوام کو تباہ و برباد کردیا ہے.

    فائٹ فار دی رائٹ نامی صارف نے لکھا: کے پی کے اور عمران خان کی بے حسی اپنی جگہ قابل نفرت ہے مگر مجھے یہ سمجھ نہیں آئی ہے لاکھوں روپے ہر مہینہ تنخواہیں لینے والے سفید ہاتھی این ڈی ایم اے کے پاس ہیلی کاپٹرز کیوں نہیں ہیں؟ اوراگر ہیں تو کہیں استعمال ہوتے نظر کیوں نہیں آتے تاکہ سیلاب جیسی قدرتی آفت میں انسانی جانیں بچا سکیں. اس کے جواب میں ایک صارف نے کہا کہ وہاں بھی عمران خان جیسے نوسرباز او ران کے ساتھی مراد سعید اور اعظم خان بیٹھے ہوئے ہیں.

  • وزیراعظم شہبازشریف نے آج ہنگامی اجلاس طلب کرلیا، ملکی صورتحال پر اہم فیصلے متوقع

    وزیراعظم شہبازشریف نے آج ہنگامی اجلاس طلب کرلیا، ملکی صورتحال پر اہم فیصلے متوقع

    اسلام آباد :وزیراعظم شہبازشریف نے حکومتی اتحادی جماعتوں کا ہنگامی اجلاس آج (پیر کو) طلب کرلیا۔یہ بھی معلوم ہوا ہے کہ اس اہم اجلاس میں ملک کی موجودہ صورتحال پرغورہوگا اور اہم فیصلے متوقع ہیں۔

    اجلاس آج شام 6 بجےوزیراعظم ہاؤس میں ہوگا جس میں تینوں مسلح افواج کی قیادت بھی شریک ہوگی۔ہنگامی اجلاس میں وزرائے اعلیٰ کو بھی مدعو کیا گیا ہے جبکہ اجلاس میں حکومت کے تمام اتحادی بھی شریک ہوں گے۔

    یاد رہے کہ اس سے پہلے وزیر اعظم نے کہا ہے کہ کمراٹ میں سیلاب میں پھنسے لوگوں کو با حفاظت طور پر نکال لیا گیا ہے۔

    تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ایک پیغام میں کہا کہ آج بلوچستان کے سیلاب زدہ علاقوں کے دورے کے دوران مجھے بتایا گیا کہ کمراٹ میں سیلاب میں پھنسے لوگوں بشمول طالبِعلموں کو الحمداللّہ با حفاظت طور پر نکال لیا گیا ہے۔

    وزیر اعظم محمد شہباز شریف نے مزیدکہا کہ گزشتہ روز جیسے ہی یہ میرے علم میں لایا گیاتو میں نے تمام تر وسائل استعمال کرکے ان کے ریسکیو کی ہدایت کی تھی، پھنسے ہوئے افراد کو ریسکیو کرنے پر پاک آرمی سمیت تمام اہلکار شاباشی کے مستحق ہیں۔

  • چیف آف آرمی سٹاف جنرل قمر جاوید باجوہ کی سیلاب زدگان کیلئے اپیل

    چیف آف آرمی سٹاف جنرل قمر جاوید باجوہ کی سیلاب زدگان کیلئے اپیل

    کراچی :چیف آف آرمی سٹاف جنرل قمر جاوید باجوہ کی سیلاب زدگان کیلئے اپیل،اطلاعات کے مطابق پاک فوج کے سربراہ آرمی چیف جنرل قمرجاوید باجوہ پاکستانیوں سمیت عالمی برادری سے پاکستان کے سیلاب متاثرین کی مدد کےلیے اپیل کی ہے

     

    اپنے پیغام میں آرمی چیف نے کہا ہے کہ میں‌ چند دنوں سے سیلاب زدہ علاقوں کادورہ کررہا ہوں۔کل میں نے بلوچستان کے علاقے اوتھل اور بیلا جبکہ آج میں خیر پور سندھ آیا ہوں۔ان کا کہنا تھا کہ یہاں بہت زیادہ تباہی ہوئی ہے

     

    آرمی چیف جنرل قمر جاوید باجوہ نے کہا کہ وفاقی حکومت، صوبائی حکومت، پاکستان آرمی، نیوی، ائیرفورس اور فلاحی ادارے کوشش کر رہے ہیں کہ لوگوں کو ریلیف پہنچایا جائے۔ان کا یہ بھی کہنا تھا کہ اس سال سیلاب بہت بڑے پیمانے پر آیا ہے۔

     

     

    آرمی چیف نے س موقع پر سیلاب کے نقصانات کےحوالے سے کہا کہ اس کو ٹھیک ہونے میں، لوگوں کو ریلیف دینے اوربحالی میں بہت سال لگ جائیں گے۔اس موقع پر میں اپیل کرتا ہوں اپنے تمام پاکستانی مخیر حضرات سے کہ وہ اس مشکل حالات میں اپنے ان بھائیوں کی جو اس وقت بہت ہی مشکل حالات میں ہیں، ان کی مدد کریں۔

     

    آرمی چیف نے کہا کہ ہم اپنی پوری کوشش کر رہے ہیں لیکن فیڈرل گورنمنٹ، صوبائی گورنمنٹ اور آرمڈ فورسز کے وسائل محدود ہیں۔
    ۔ آپ لوگ سامنے آئیں اور جس طرح سے بھی مدد کرنا چاہتے ہیں آپ ان لوگوں کی مدد کریں۔تاکہ ان لوگوں کو ہم Rehabilitateکرسکیں۔ان کا یہ بھی کہنا تھا کہ ریلیف اور ریسکیو آپریشن جو تقریباََ ختم ہو چکا ہے۔لیکن اب Rehabilitationکا معاملہ ہے، جو بہت سال لے گا۔اس کے لئے ہمیں پوری قوم کی مدد چاہیے۔

     

    ان کا کہنا تھا کہ دوست ممالک بھی اس مشکل گھڑی میں پاکستان کی مدد کے لیے آگے آئیں گے اور میں حکومت پاکستان کی جانب سے بھی اپیل کرتا ہوں۔ پاکستانی عوام کی طرف سے ہمارے بیرون ملک مقیم اور ہمارے دوستوں سے درخواست ہے کہ وہ آگے آئیں اور ان لوگوں کی مدد کریں جو بہت مشکل حالات میں ہیں۔ مجھے یقین ہے کہ ہمیشہ کی طرح ہمارے تارکین وطن پاکستان میں اپنے گھر واپس آنے والے بھائیوں کو مایوس نہیں کریں گے۔

  • ہم حاضرہم قربان:انتہائی خطرناک اورچیلنجنگ حالات میں پاکستان آرمی ایوی ایشن کےپائلٹس کاکمال

    ہم حاضرہم قربان:انتہائی خطرناک اورچیلنجنگ حالات میں پاکستان آرمی ایوی ایشن کےپائلٹس کاکمال

    راولپنڈی: پاک فوج کے جوان ، ملک وقوم پر قربان ،اس بات کا وہ مظہر بھی ہیں اور عملی ثبوت بھی ، کوئی بھی مشکل ہوپاکستان فوج کے جوان ہروقت اپنی قوم کی حفاظت ، خدمت اور مدد کے لیے تیار رہتے ہیں ،

    بڑے بڑےکارنامے بھی انجام دیتے ہیں ، کچھ ایسے ہی سنہری کارنامے سیلاب متاثرین کی مدد کے دوران سرانجام دیئے ، اطلاعات ہیں کہ انتہائی خطرناک اور چیلنجنگ صورتحال میں پاکستان آرمی ایوی ایشن کے پائلٹس نے کمال مہارت کا مظاہرہ کرتے ہوئے ایک شخص کو بچالیا۔

    سوات،کمراٹ اور دیر میں پاک فوج کا ریسکیو آپریشن:درجنوں افراد محفوظ مقامات پرپہنچا دیئے

    پاک فوج کے شعبہ تعلقات عامہ کے مطابق (آئی ایس پی آر) کے مطابق کوہستان انتظامیہ نے ہنگامی کال پر مدد کی درخواست کی، جس پر پاک فوج نے فوری طور پر جواب دیا اور آرمی ایوی ایشن کے پائلٹس نے کمال مہارت کا مظاہرہ کرتے ہوئے خیبر پختون خواہ کے علاقے کوہستان میں سیلاب میں پھنسے ایک شخص کوبچا لیا ہے۔

    آئی ایس پی آر نے بتایا کہ جی اوسی منگلا ڈویژن اور کمانڈر منگلا بریگیڈ پتن کے قریب فلڈ اسیسمنٹ مشن پر تھے کہ اس دوران انہیں محصور شخص کی اطلاع ملی، جس پر جی او سی منگلا ڈویژن اور کمانڈر منگلا بریگیڈ نے محصور شخص کی جان بچانے کیلئے پرواز کا رخ موڑا اور پائلٹس نے جرأت مندانہ کوشش کرتے ہوئے ہیلی کاپٹر کو نیچے اتارا۔

    آئی ایس پی آر نے کہا کہ افسران اور عملے نے محصور شخص کو بحفاظت باہر نکالا، اگر وقت پر نہ پہنچتے تو متاثرہ شخص سیلاب میں ڈوب سکتا تھا، لیکن آرمی ایوی ایشن پائلٹس نے ہچکچاہٹ کا مظاہرہ کیے بغیر متاثرہ شخص کو بچایا۔

  • سیلاب سےمتاثرہ آخری خاندان کی بحالی تک آرام سےنہیں بیٹھوں گا:وزیراعظم محمد شہباز شریف

    سیلاب سےمتاثرہ آخری خاندان کی بحالی تک آرام سےنہیں بیٹھوں گا:وزیراعظم محمد شہباز شریف

    اسلام آباد:وزیراعظم محمد شہباز شریف نے کہا ہے کہ سیلاب سے متاثرہ آخری خاندان کی بحالی تک آرام سے نہیں بیٹھیں گے، غلط اور جھوٹے الزامات لگا کر قوم کو دھوکہ نہ دیا جائے، اب صرف نعروں اور تقریروں سے کام نہیں چلے گا، عملی اقدامات کرنے ہوں گے، کل کے اجلاس میں تمام معاملات کا بغور جائزہ لے کر طویل اور وسط مدت کیلئے پالیسی مرتب کی جائے گی، سیلاب کی وجہ سے چاروں طرف پانی کا سمندر پھیلا ہوا ہے، سیلاب کی تباہی ملک بھر میں پھیلی ہے جس سے ایک ہزار سے زیادہ اموات ہو چکی ہیں، پینے کے صاف پانی کی فراہمی کیلئے اقدامات کئے جا رہے ہیں، خرم دستگیرکو ہدایت کی ہے کہ بلوچستان پہنچ کر بجلی کے بحالی کے نظام کی نگرانی کریں، ترکیہ ، یو اے ای اور ایران کے صدور نے رابطہ کر کے پاکستانی عوام کے ساتھ اظہار یکجہتی کیا ہے، ترکیہ اور یو اے ای سے امدادی سامان پہنچنا شروع ہو چکا ہے، ملک کے مخیر حضرات سے گزارش ہے کہ ماضی کی طرح مشکل حالات میں اپنے بھائیوں کی مدد کریں، پاک افواج دن رات امدادی کاموں میں مصروف عمل ہیں۔

    وزیراعظم محمد شہباز شریف نے اتوار کو بلوچستان کے سیلاب سے متاثرہ ضلع جعفر آباد کے گائوں اللہ دینو میں میڈیا سے گفتگو کرتے ہوئے کہا کہ سیلاب سے پورے ملک میں تباہی مچی ہے تاہم سندھ اور بلوچستان سیلاب سے زیادہ متاثر ہوئے ہیں، پرسوں خیبر پختونخوا میں سوات اور دیر ، کالام کے علاقے تباہی کا شکار ہوگئے، دریا پر تعمیر کئے گئے گھر اور ہوٹل آناً فاناً دریا برد ہوگئے۔ انہوں نے کہا کہ ملک بھر میں 1000 سے زیادہ افراد اللہ کو پیارے ہو چکے ہیں اور فصلوں کو شدید نقصان پہنچا ہے۔ وزیراعظم نے کہا کہ حالیہ سیلاب 2010 ء کے سیلاب سے کہیں زیادہ ہے، بہت زیادہ پانی ہونے کی وجہ سے مختلف مسائل کا سامنا ہے۔ انہوں نے کہا کہ بلوچستان کے وزیراعلیٰ میر عبدالقدوس بزنجو کی زیر نگرانی ان کی ٹیم اور اتحادی حکومت کے اراکین دن رات عوام کی خدمت میں مشغول ہیں، لوگوں کا کھانا اور پینے کا صاف پانی اور دیگر سہولیات فراہم کی جا رہی ہیں۔

    انہوں نے کہا کہ سکھر سے بلوچستان کا راستہ بند ہے جس کی بحالی کی ہدایت کی ہے جو آج رات تک بحال کردیا جائے گا۔ انہوں نے کہا کہ راستہ کی بحالی سے امدادی سامان کی ترسیل میں مدد ملے گی۔ وزیراعظم نے کہا کہ سیلاب کی وجہ سے بجلی کے کھمبے گر گئے اور ٹرانسفارمرز کو نقصان پہنچا ہے۔ انہوں نے وفاقی وزیر توانائی خرم دستگیرکو ہدایت کی کہ وہ علاقے میں موجود رہ کر بجلی کی ترسیل کی بحالی کی نگرانی کریں۔ انہوں نے کہا کہ کل رات ایرانی صدر ، ترک صدر اور یو اے ای کے صدر نے فون پر بات کی تھی ۔ انہوں نے پاکستان کے 22 کروڑ عوام کیلئے اپنے دکھ اور رنج کا اظہار کیا۔ غیر ملکی صدور نے کہا کہ اس وقت پاکستان کے کروڑوں لوگ مشکل میں ہیں۔ انہوں نے کہا کہ وہ پاکستان کی حکومت کے ساتھ بھرپور تعاون کریں گے۔ وزیراعظم نے کہا کہ ترکیہ سے امدادی سامان لے کر جہاز کراچی پہنچ رہے ہیں جبکہ یو اے ای سے امدادی سامان لے کر جہاز اسلام آباد پہنچے گا۔ انہوں نے کہا کہ میں دوست ممالک کے صدور کا مشکور ہوں جو ماضی کی طرح پاکستان کے ساتھ کھڑے ہیں۔

    وزیراعظم نے کہا کہ دیگر دوست ممالک سے بھی پیغامات آ رہے ہیں اور برطانیہ نے 1.5 ملین پائونڈ کی امداد کا اعلان کیا ہے۔ انہوں نے کہا کہ ماضی کی طرح مشکل وقت میں کروڑوں پاکستانیوں کی مدد کرنے والے ملک بھر کے مخیر حضرات سے اپیل کرتا ہوں کہ اپنے کروڑوں بزرگوں، بھائیوں ، بچوں، مائوں اور بہنوں کی مدد کریں جو آپ کی امداد کے منتظر ہیں۔ ماضی کی طرح ان کا ہاتھ تھامیں، اللہ کے دیئے رزق حلال سے ان کی مدد کریں۔ وزیراعظم نے کہا کہ کل رات ایک شخص نے 6 کروڑ روپے کا عطیہ دیا اور کہا کہ میرا نام نہ لیا جائے، اسی طرح ایک بزرگ کی جانب سے وزیراعظم فلڈ ریلیف فنڈ میں 45 کروڑ روپے بھی جمع کرائے گئے ہیں۔ انہوں نے کہا کہ آج رات کو تاجر تنظیموں پر مشتمل وفد سے ملاقات ہوگی اور وہ بھی اپنے ہم وطنوں کیلئے امداد فراہم کریں گے۔

    وزیراعظم نے کہا کہ پاکستان کے عوام ٹرکوں کے حساب سے اپنے مصیبت میں مبتلا بھائیوں کیلئے سامان بھیج رہے ہیں۔ انہوں نے کہا کہ میں نے اپنی زندگی میں اس طرح کا سیلاب نہیں دیکھا جس سے دیہات سے دیہات صفحہ ہستی سے مٹ گئے ہیں، ہزاروں اموات ہوئی ہیں اور کروڑوں کی تعداد میں لوگ بے گھر ہوئے ہیں جبکہ مکانات بھی گر گئے ہیں۔ انہوں نے کہا کہ وفاقی حکومت ملک بھر میں متاثرین سیلاب کو 25 ہزار روپے فی خاندان فراہم کرے گی اور جو 38 ارب روپے بنتے ہیں۔ انہوں نے کہا کہ یہ رقم بے نظیر انکم سپورٹ پروگرام اور این ڈی ایم اے کے ذریعے شفاف طریقے سے فراہم کی جائے گی تاکہ حق دار تک حق پہنچ سکے۔ وزیراعظم نے کہا کہ نقد امداد کی فراہمی کا عمل ایک ہفتے میں مکمل کیا جائے گا۔

    انہوں نے کہا کہ بلوچستان کے وزیراعلیٰ نے بریفنگ میں بتایا اور بلوچستان میں ہونے والی تباہی کو میں نے دیکھا ہے، اسی طرح سندھ میں بھی بے پناہ تباہی ہوئی ہے۔ انہوں نے کہا کہ آج جب سکھر آرہا تھا تو دیکھا کہ دریائے سندھ کے پانی سے ہر طرف تباہی مچی ہوئی ہے۔ وفاقی حکومت نے سندھ حکومت کو 15 ارب روپے کی امداد دی ہے۔ وزیراعظم نے کہا کہ میں تمام وزرائے اعلیٰ اور ان کی ٹیموں کا مشکور ہوں جو دن رات کام کر رہے ہیں ، محکمہ صحت کی ٹیمیں بھی بڑی محنت سے متاثرین سیلاب اور ان کے جانوروں کی طبی امداد میں مصروف ہیں۔ وزیراعظم محمد شہباز شریف نے کہا کہ آرمی چیف اور نیول چیف نے بتایا ہے کہ ان کی ٹیمیں بھی سیلاب سے متاثرہ علاقوں میں امدادی کام کر رہی ہیں جبکہ ذرائع مواصلات متاثر ہونے کی وجہ سے درجنوں ہیلی کاپٹرز سے امدادی کام لیا جا رہا ہے۔ اس وقت تک 50 ہزار افراد کو محفوظ مقامات پر منتقل کیا جا چکا ہے۔ انہوں نے کہا کہ آرمی اور نیوی سمیت دیگر اداروں کے ہیلی کاپٹر بھی امدادی کام میں مصروف عمل ہیں۔ وزیراعظم نے کہا کہ کل اسلام آباد کے اجلاس میں تمام معاملات کا جائزہ لے کر وسط اور طویل المدتی پالیسی مرتب کی جائے گی۔

    انہوں نے کہا کہ 2010 ء میں بھی سیلاب آیا تھا لیکن 2022 ء کے سیلاب سے کہیں زیادہ تباہ کن ہے۔ انہوں نے کہا کہ ہم نے عملی کام کرنا ہے جو باتوں اور نعروں سے نہیں ہوگا، ہمیں خون پسینہ بہانا ہو گا تاکہ ترقی یافتہ قوموں کی طرح سیلاب کے نقصانات سے تحفظ حاصل کرسکیں۔ انہوں نے کہا کہ ہم باتیں کر کے قوم کو دھوکہ نہیں دے سکتے، جھوٹ اور بے بنیاد الزامات کی سیاست بند کرنا ہوگی۔ انہوں نے قوم سے گزارش کی کہ مصیبت کی اس گھڑی کے خاتمے کیلئے دعا کریں ۔ وزیراعظم عوام سے وعدہ کیا کہ سیلاب سے متاثرہ آخری خاندان کی بحالی تک آرام تک نہیں بیٹھوں گا۔ انہوں نے بلوچستان میں امدادی اور بحالی کے کاموں کیلئے 10 ارب روپے کی گرانٹ کا اعلان کیا۔ انہوں نے کہا کہ این ڈی ایم اے اور پی ڈی ایم اے مل کر بحالی کا منصوبہ تیار کرے گی جس کیلئے وفاقی حکومت گرانٹ دے گی۔ انہوں نے کہا کہ بلوچستان کی صوبائی حکومت کے تمام ساتھی مل کر عوام تک ان کا حق پہنچائیں گے ، پاکستان مشکل کی اس گھڑی پر قابو پا کر ان شاء اللہ ترقی کی منازل طے کرے گا۔

  • سوات،کمراٹ اور دیر میں پاک فوج کا ریسکیو آپریشن:درجنوں افراد محفوظ مقامات پرپہنچا دیئے

    سوات،کمراٹ اور دیر میں پاک فوج کا ریسکیو آپریشن:درجنوں افراد محفوظ مقامات پرپہنچا دیئے

    اسلام آباد:سوات،کمراٹ اور دیر میں پاک فوج کا ریسکیو آپریشن:درجنوں افراد محفوظ مقامات پرپہنچا دیئے ،اطلاعات کے مطابق پاک فوج کے ہیلی کاپٹرز نے سوات میں محصور 110 افراد کو ریسکیو کر کے کانجو کینٹ منتقل کردیا، آئی ایس پی آر نے متاثرین کے لیے نمبرز بھی جاری کیے ہیں۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ پاک فوج کے ہیلی کاپٹرز نے سوات میں محصور خاندانوں کو نکالنے کے لیے کامیاب پروازیں کیں۔

     

     

    آئی ایس پی آر کا کہنا ہے کہ ہیلی کاپٹرز کے ذریعےخوازہ خیلہ میں پھنسے 110 افراد کانجو کینٹ منتقل کردیے گئے، ریسکیو کیے گئے افراد کو کھانا اور ضروری طبی امداد فراہم کی گئی۔

    پاک فوج نے سیلاب کے باعث سوات میں پھنسے اسپین سے تعلق رکھنے والے سیاح جوڑے کو بحفاظت ریسکیو کرلیا ہے۔ہسپانوی جوڑے نے ویڈیو بیان میں بتایا کہ سیلاب کی وجہ سے وادی سوات میں پھنس گئے تھے، پاکستان آرمی کے شکر گزار ہیں جنہوں نے ہمیں ریسکیو کیا۔

     

    انہوں نے بتایا کہ ہم بہت بُرے پھنس گئے تھے، بہت مشکل میں تھے، بارش زیادہ تھی اور دریا میں طغیانی تھی۔ جوڑے نے اردو میں اظہارِ تشکر کرتے ہوئے کہا: ’شکریہ پاکستان آرمی‘۔

     

    دوسری جانب پاک فوج نے کمراٹ اور دیر میں ریسکیو آپریشن کیا اور کئی گھنٹے سے پھنسے سیاحوں کو بچالیا۔ایک خاتون سیاح نے پاک فوج سے اظہارِ تشکر کرتے ہوئے کہا کہ بچوں کے ساتھ ہم پھنس گئے تھے، پاک فوج نے ہمیں بچالیا، پاک فوج کے افسر اور جوان میرے بیٹے ہیں۔

    لاہور سے تعلق رکھنے والی سیاح نے پاک فوج کا شکریہ ادا کرتے ہوئے کہا کہ ہم منگل سے کالام میں پھنسے ہوئے تھے،ہمیں بتایا گیا کہ ہر زمینی راستہ منقطع ہوچکا ہے، ہمیں بتایا گیا کہ ہیلی کاپٹر کے علاوہ ریسکیو کا کوئی راستہ نہیں، ہم نے اپنے خاندان دوستوں کو کہا کہ میڈیا کے ذریعہ پاک فوج تک ہماری آواز پہنچائیں، سیاح لڑکی کا کہنا ہے اللہ کا شکر ہے کہ آرمی نے ہمیں ریسکیو کیا، میری ایک سسٹر ابھی بھی پھنسی ہوئی ہیں، انہیں ایک دوسرے ہیلی کاپٹر پر لایا جارہا ہے، شکریہ پاک آرمی اگر آج محفوظ ہیں تو پاک آرمی کی وجہ سے ہیں،

    کالام،کمراٹ، خوازہ خیلہ اور سوات کے دیگر علاقوں میں پاک آرمی ایوی ایشن ہیلی کاپٹرز کا ریسکیو آپریشن جاری ہے، ملک کے مختلف علاقوں سے سیاحت کیلئے سوات آنے والے شہری سوات میں پھنس گئے تھے،پھنسے ہوئے سیاحوں میں خواتین اور بچے بھی شامل تھے

    یہ بھی یاد رہے کہ پاک فوج نے صرف سوات میں ہی 47 ریلیف کیمپس قائم کئے ہیںریسکیو کئے جانے والے افراد میں غیر ملکی،خواتین اور بچے شامل ہیں‌.ریسکیو کئے جانے والے افراد نے برقت کارروائی پر پاک فوج سے اظہار تشکر کیا

    اس موقع پر آرمی ایوی ایشن پائلٹس نے عزم مصمم کا اظہار کرتے ہوئے کہا کہ موسم کی خرابی کے باوجود ہم آرام سے نہیں بیٹھ سکتے تھے، ہماری مائوں، بہنوں، بھائیوں اور بچوں کے چہرے ہمارے سامنے تھے،

    آئی ایس پی آر کا مزید کہنا ہے کہ دیر اسکاؤٹس کی جانب سے فلڈ ریلیف سینٹر قائم کردیا گیا ہے، جبکہ دیر اسکاؤٹس کنٹرول رومز کے نمبر بھی جاری کردیے گئے ہیں۔

  • سیلاب متاثرین کی مددکوپہنچیں گے:باغی ٹی وی نےامدادی سرگرمیاں شروع کردیں::عطیات کے لیےصاحب ثروت سےاپیل

    سیلاب متاثرین کی مددکوپہنچیں گے:باغی ٹی وی نےامدادی سرگرمیاں شروع کردیں::عطیات کے لیےصاحب ثروت سےاپیل

    لاہور:سیلاب متاثرین کی مدد کو پہنچیں گے:باغی ٹی وی نےامدادی سرگرمیاں شروع کردیں::عطیات کے لیے صاحب ثروت سے اپیل،اطلاعات کے مطابق پاکستان میں ڈیجیٹل میڈیا کے پلیٹ فارم کے بڑے نام جس کو دنیا باغی ٹی وی کے نام سےجانتی ہے،نے بھی پاکستان کے سیلاب متاثرین کی مدد کرنے کےلیے کمرکس لی ہے ،

    باغی ٹی وی ذرائع کے مطابق اس سلسلے میں باغی ٹی وی مینجمنٹ کی طرف سےکیئے گئے فصلے کے مطابق آج سے ہی باغی ٹی وی نے جنوبی پنجاب، خیبرپختونخوا، سندھ اور بلوچستان میں سیلاب میں پھنسے ہوئے سیلاب متاثرین کی مدد کے لیے خدمات شروع کردی ہیں‌
    ان خدمات کا مقصد دُکھی انسانیت کی خدمت ، ان کومشکلات اورمصائب سےنکالنے کے لیے ہرممکن مدد کی فراہمی کو یقینی بنانا ہے،

    اس سلسلے میں باغی ٹی وی نے ملک بھر سے متاثرین کی تفصیلات جمع کرنی شروع کردی ہیں اور متاثرہ علاقوں میں خدمات کا یہ سلسلہ بھی آج سےشروع کردیا گیا ہے

    باغی ٹی وی کی طرف سے یہ فیصلہ اس تناظر میں کیا گیا ہے کہ اس سال مون سون کی بارشوں نے ملک بھر میں تباہی مچا دی ہے، جس میں ہلاکتوں کی کل تعداد ایک ہزار سے تجاوز کر گئی ہے اور لوگوں کی املاک کو ناقابل تلافی نقصان پہنچا ہے۔اورکروڑوں خاندان بے گھرہوگئے ہیں

    سندھ، بلوچستان، جنوبی پنجاب اور خیبرپختونخوا میں اس سال سیلاب کی وجہ سے لاکھوں افراد اپنی جان و مال سے ہاتھ دھو بیٹھے ہیں۔ اس کے لیے ہم سے، پاکستان کے ذمہ دار شہری ہونے کے ناطے، اجتماعی اقدام کرنے اور سیلاب سے متاثرہ علاقوں میں اپنے ساتھی پاکستانیوں کی مدد کرنے کی ضرورت ہے۔

    اس سلسلے میں باغی ٹی وی مینجمنٹ کی طرف سے یہ اعلان کیا گیا ہے کہ باغی ٹی وی کی سیلاب ریلیف مہم کا مقصد پورے پاکستان میں سیلاب زدگان کی مدد کرنا ہے۔ اس سلسلے میں ہم آپ سے گزارش کرتے ہیں کہ اس نیک مقصد میں جتنا ہو سکے اپنا حصہ ڈالیں۔ آپ عطیہ کر سکتے ہیں:

    – کپڑے/جوتے
    – خشک راشن
    -پینے کا پانی
    پاؤڈر/خشک دودھ
    – خیمے / کیمپنگ کا سامان
    -دوائیاں

    آپ باغی ٹی وی کے ہیڈ آفس لاہور میں اپنا تعاون بھیج سکتے ہیں یا ممتاز اعوان سے رابطہ کر سکتے ہیں۔

    ممتاز اعوان، ایڈیٹر باغی ٹی وی: +92 303 0204604
    پتہ: 35-W، فیز 3، DHA، لاہور۔

  • سیلاب متاثرین کیلئےمتحدہ عرب امارات سے امدادی سامان آج پاکستان پہنچے گا

    سیلاب متاثرین کیلئےمتحدہ عرب امارات سے امدادی سامان آج پاکستان پہنچے گا

    متحدہ عرب امارات کی جانب سے سیلاب متاثرین کے لئے بھجوایا گیا امدادی سامان آج سہہ پہر نور خان ائیربیس پہنچے گا۔

    باغی ٹی وی : تفصیلات کے مطابق پاکستان موسلا دھار بارشوں اور سیلاب کے باعث لاکھوں مکان تباہ اور لوگ بے گھر ہوگئے ہیں جب کہ سینکڑوں کی اموات ہوچکی ہے سیلاب زدگان کی بحالی اور ریلیف کےلیے وزیراعظم شہباز شریف نے عالمی برادری سے امداد کی اپیل کی تھی-

    آذر بائیجان کا بھی پاکستان کے سیلاب متاثرین کے لیے امداد کا اعلان

    وزیراعظم شہباز شریف کی اپیل پر متحدہ عرب امارات نے امدادی سامان کی پہلی کھیپ پاکستان کیلئے روانہ کردی جو آج سہ پہر ساڑھے 4 بجے تک طیارے کے ذریعے نورخان ائیربیس پہنچ جائے گی۔

    ذرائع کا کہنا ہے کہ یہ پہلی پرواز ہے جو امدادی سامان لے کر پاکستان آ رہی ہے، یو اے ای کی طرف سے امدادی سامان لے کر مزید 15 طیارے آئندہ چند روز میں پاکستان پہنچیں گے امدادی سامان میں خیمے، خوراک، ادویات اور دیگر اشیاء ضرویہ شامل ہیں۔

    لوئر کوہستان: سیلابی ریلے سےشاہراہ قراقرم پر قائم کیہال پل کو خطرہ

    دوسری جانب سیلاب سے متاثر ہونے والوں کے لیے ترکیہ سے امدادی سامان لے کر دو جہاز کل کراچی پہنچیں گے، کراچی میں ترکیہ کے قونصل جنرل کل صبح ہوائی اڈے پر امدادی سامان پاکستانی حکام کے حوالے کریں گےترکیہ کی جانب سے بھیجے گئے سامان میں خیمے، ادویات اور دیگر اشیاء شامل ہیں جبکہ امداد کی ایک اور کھیپ جلد ملنے کا امکان ہے۔

    واضح رہے کہ شیخ محمد بن زید النہیان نے پاکستان میں سیلاب متاثرین کی فوری امداد کےلیے 300 ٹن خوراک،خیمے اورعلاج معالجے کی سہولیات کے ساتھ ادویات پہنچانے کا اعلان کیا تھا متحدہ عرب امارات کے صدر کی جانب سے اس طرح کی امداد فراہم کرنے کا اقدام ایسے سنگین حالات میں متحدہ عرب امارات اور اس کے عوام کی پاکستانی عوام کے ساتھ یکجہتی کا اظہار ہے-

    اس سے قبل برطانیہ نے بھی پاکستان میں آنے والے سیلاب سے متاثرہ افراد کی بحالی کے لیے امداد کا اعلان کیا تھا۔ برطانیہ سیلاب متاثرین کے لیے 40 کروڑ 50 لاکھ روپے کی امداد فراہم کرے گا –

    سیلاب سے تباہی کے اثرات سبزیوں کی قیمتیں آسمان کو چھونے لگیں