بجلی بلوں میں وصول کردہ فیول چارج ایڈجسٹمنٹ کی رقم کی واپسی اور درستگی کیلئے چھٹی کے دن بھی بنک کھلے رہیں گے.

وفاقی وزیر اطلاعات و نشریات مریم اورنگزیب کا کہنا ہے کہ وزیراعظم شہباز شریف نے 24 گھنٹے میں بجلی کی قیمت میں ریلیف کی فراہمی یقینی بنانے کا حکم دیا ہے۔
https://twitter.com/Marriyum_A/status/1563019673415086080
وفاقی وزیر مریم اورنگزیب نے اپنے ٹوئیٹر بیان میں کہا کہ: نگرانی کے لئے کمیٹی قائم کردی گئی ہے۔ 200 یونٹ تک بجلی کے بلوں میں وصول کردہ فیول چارج ایڈجسٹمنٹ کی رقم کی واپسی اور بلوں کی درستگی کے لئے چھٹی کے دن ڈسکوز اور بینک کھلے رہیں گے۔

وزیراعظم شہباز شریف کی زیرصدارت بجلی صارفین کے مسائل حل کرنے کے لئے اعلی سطح اجلاس ہوا۔ اجلاس کو بتایا گیا کہ وزیرِ اعظم کے بجلی کے صارفین کیلئے اعلان کردہ ریلیف پیکیج پر عملدرآمد یقینی بنایا جا رہا ہے۔ ایک کروڑ 66 لاکھ صارفین کو فیول پرائس ایڈجسٹمنٹ کی مد میں دئیے گئے ریلیف کے تحت بلز کی تصحیح جاری ہے۔

وزیرِ اعظم شہباز شریف نے ریلیف کے اقدامات پر فوری عملدرآمد کو یقینی بنانے اور صارفین کو بجلی کے 200 یونٹ بلز پر24 گھنٹوں میں ریلیف فراہم کرنے کی ہدایت کی۔وزیراعظم نے کہا کہ بجلی کے بلز کی تصحیح کیلئے ڈسکوز کا اسٹاف 24 گھنٹےکام کرے۔ بلز کی تصحیح کیلئے تمام اسٹاف کی چھٹیاں ختم کرکے اس کام کو فوری نمٹا کر رپورٹ پیش کی جائے۔

وزیراعظم نے بلز جمع کروانے کیلئے بینکس کو آئندہ دنوں میں کھلا رہنے کی ہدایت بھی کی۔ وزیرِ اعظم نے بجلی کے صارفین کی شکایات دور کرنے کیلئے اعلی سطح کمیٹی قائم کر دی۔

واضح‌ رہے کہ گزشتہ دنوں وزیراعظم کی ہدایت پر فیول پرائس ایڈجسٹمنٹ بلوں سے نکالنےکا کام شروع کردیاگیا تھا.

باغی ٹی وی اسلام آباد کی ایک رپورٹ کے مطابق: لیسکو حکام نے بتایا: عملہ بجلی کے بلوں میں سےفیول ایڈجسٹمنٹ پرائس نکال رہا ہے جس کی وجہ سے لیسکو کے دفاتر میں صارفین کا رش لگ گیا۔ لیسکو حکام نے بتایا کہ اس حوالے سے کوئی تحریری نوٹیفکیشن موصول نہیں ہوا، فی الحال مینول طریقے سے اندازےکے مطابق بل درست کیے جارہے ہیں، دو روز تک فیول پرائس ایڈجسٹمنٹ اور ٹیکسز کا معاملہ طے ہوجائے گا۔

لیسکو حکام کے مطابق: بجلی بلوں کے ایشو کے حل تک صارفین کےکنکشن کاٹنے سے روک دیا گیا ہے، اب صارفین کو تصحیح شدہ نئے بل جاری کیےجائیں گے۔ لیسکو حکام نے کہا کہ صارفین کو 3 روز کا ریلیف دے رہے ہیں، جو صارف بل جمع کراچکے ان کے اگلے بل میں رقم ایڈجسٹ کی جائے گی، وزارت پاور کمیٹی کل تک نوٹیفکیشن جاری کر دےگی۔
یاد رہے کہ وزیر اعظم شہباز شریف نے گزشتہ دنوں بجلی کے بلوں سے فیول چارجز ایڈجسٹمنٹ (ایف سی اے) ختم کرنے کا اعلان کیا تھا.

کیا آپ جانتے ہیں کہ بجلی کے بلوں پر لگنے والی ’فیول پرائس ایڈجسٹمنٹ‘ کیا ہے؟

برطانوی نشریاتی ادارے کی ایک رپورٹ کے مطابق: انہوں نے اس حوالے سے چند ماہرین سے گفتگو کرنے کے علاوہ آئیسکو کی جانب سے گزشتہ روز جاری کردہ اعلامیے سے بھی مدد لی ہے۔

عارف حبیب لمیٹڈ میں ہیڈ آف ریسرچ طاہر عباس نے بتایا کہ فیول پرائس ایڈجسٹمنٹ کو سمجھنے کے لیے ایکچوئل فیول کاسٹ ( ایک ماہ میں ایندھن پر آنے والی لاگت) اور ریفرنس فیول کاسٹ کو سمجھنا ضروری ہے۔ انہوں نے بتایا کہ ہر مالی سال کے آغاز میں نیشنل الیکٹرک پاور ریگولیٹری اتھارٹی (نیپرا) ایک ریفرنس فیول کاسٹ دیتا ہے، یعنی ایک ایسا حوالہ جس سے ہر ماہ ایندھن پر آنے والی کل لاگت کا موازنہ کیا جا سکے۔

ایک مہینے میں بجلی کی پیداوار میں استعمال ہونے والے ایندھن کی کُل لاگت (باسکٹ فیول کاسٹ) دراصل ملک میں توانائی کے مختلف ذرائع میں استعمال ہونے والے ایندھن (جیسے کوئلہ، ایل این جی، فرنس آئل) پر آنے والی لاگت کے اعتبار سے نکالی جاتی ہے۔ اور یوں ہر ماہ کے اختتام پر اس ماہ کی مجموعی فیول کاسٹ کا موازنہ ریفرنس فیول کاسٹ سے کیا جاتا ہے اور اسی حساب سے یہ ’ایڈجسٹمنٹ‘ دو ماہ کے بعد بجلی کے بلوں میں لگ کر آتی ہے۔

اگر اُس ماہ مجموعی فیول کاسٹ، ریفرنس کاسٹ سے زیادہ ہو تو آپ کے بل میں ایف پی اے کی مد میں اضافہ ہو گا جبکہ اگر اس ماہ کی مجموعی فیول کاسٹ ریفرنس کاسٹ سے کم ہو تو ایف پی اے کی مد میں کمی آتی ہے جسے فیول پرائس ایڈجسٹمنٹ کہتے ہیں۔

خیال رہے کہ گزشتہ دنوں وزیر اعظم شہباز شریف نے بجلی کے بلوں سے فیول ایڈجسٹمنٹ چارجز (ایف سی اے) ختم کرنے کا اعلان کرتے ہوئے کہا تھا کہ پاکستان کے ایک کروڑ 71 لاکھ صارفین کو بجلی کے بلوں کی مد میں اضافی فیول ایڈ جسٹمنٹ چارجز نہیں دینا پڑیں گے، اس ریلیف کی تفصیلات کل سامنے لائی جائیں گی۔
وزیراعظم نے کہا کہ ٹیوب ویل والے زرعی صارفین کو بھی فیول ایڈجسٹمنٹ سےاستثنیٰ ہوگا،

راولپنڈی :موسمی تبدیلیوں کے براہ راست اثر کے طور پر اس مون سون کے دورا ن پاکستان کو غیر معمولی بارشوں،GLoFاور Cloud Burstکا سامنا کرنا پڑ رہا ہے۔ جس کے نتیجے میں بلوچستان، سندھ، جنوبی پنجاب اور خیبر پختونخواہ کے متعدداضلاع میں سیلابی صورتحال اور بھاری نقصانات ہوئے ہیں۔ ایسے میں اپنی قومی ذمہ داری کے تحت، پاکستان آرمی نے نوٹیفائیڈ متاثرہ علاقوں میں ایک بھرپور ریسکیو اور ریلیف مہم کا آغاز کیا ہوا ہے۔ اس ضمن میں ریلیف اور ریسکیو آپریشن کو منظم کرنے کے لیے ہیڈ کوارٹر آرمی ائیر ڈیفنس کمانڈ کے ماتحت ریلیف اور ریسکیو آرگنائزیشن قائم کر دی گئی ہے۔ اب تک40,000لوگوں کو محفوظ مقامات اور آرمی کے قائم کردہ137سے زائد ریلیف کیمپوں میں منتقل کیا گیا ہے۔

مزید برآں، 200کے قریب عارضی طبی مراکز میں 23,000لوگوں کو ادویات اور طبی مدد فراہم کی گئی ہے۔ اسی طرح آرمی اپنے موجود اسٹاک میں سے3700سے زائد ٹینٹ اور ضرورت کی دیگر اشیاء بھی متاثرین میں تقسیم کر چکی ہے۔ اس کے علاوہ چیف آف آرمی سٹاف کے خصوصی حکم پر آرمی اپنے3دن سے زائد راشن(تقریباََ1500ٹن) کو بھی سیلاب سے متاثرہ علاقے میں عام لوگوں میں بانٹ چکی ہے۔ اسی جذبے کے تحت آرمی کے تمام جنرل آفیسرز نے اپنی ایک ماہ کی نتخواہ متاثرین کی مدد کے لیے دی ہے۔ علاوہ ازیں دیگر افسران بھی رضاکارانہ بنیاد پر مالی عطیات دے رہے ہیں۔

لیکن اس سب امداد کے باوجود، سیلاب کی تباہ کاریاں اس قدر زیادہ ہیں کہ مزید ریلیف کی چیزوں اور ادویات کی اشد ضرورت ہے تاکہ متاثرین کی جلد از جلد دادرسی کی جا سکے۔ ایسے میں ہم سب کا یہ قومی فریضہ ہے کہ ضرورت کے اس لمحے میں اپنے متاثرین بہن بھائیوں اور بچوں کی مدد کے لیے بڑھ چڑھ کر حصہ ڈالیں۔ اس سلسلے میں کئی مخیر حضرات نے آرمی سے اس مد میں رابطہ بھی کیا ہے۔ اس اہم کاوش کی اہمیت کے مدِ نظر پاکستان آرمی وفاقی حکومت کی ہدایات کے تحت تمام بڑے شہروں میں عوام کی طرف سے عطیہ کیے جانے والے سامان کی کولیکشن کے لیے عطیہ مراکز قائم کرے گی۔ جہاں ضروری اشیاء جیسا کہ:۔ ٹینٹ، شلٹر، شمسی لائٹس، بستر/گدا، موسمی کمبل /چادر، پانی ذخیرہ/صاف کرنے کی کٹ/ٹینک، ٹارچ/لائیٹس، بارش والے جوتے اور ترپال وغیرہ جمع کیے جائیں گے۔
راشن(آٹا، گھی، چاول، دال، خشک دودھ، چینی، پتی) پینے کا صاف پانی بھی وصول کیا جائے گا۔

فرسٹ ایڈ کٹ، ضروری ادویات جیسے کہ ڈائریا، آنکھ، کان اور جلد کی بیماریاں، ڈی ہائڈیریشن، ڈینگی اور ملیریا کی ادویات۔مخیر حضرات سے درخواست ہے کہ اس انسانی ہمدردی اور قومی المیہ کے موقع پر بڑ ھ چڑھ کر اپنا حصہ ڈالیں۔ ان تمام اشیاء کی جلداز جلد سیلاب زدہ علاقوں میں منتقلی او ر متاثرین کو فراہمی پاکستان آرمی یقینی بنائے گی۔ علاوہ ازیں ہم وطنوں سے یہ بھی درخواست ہے کہ غیر ضروری اشیاء جیسے کپڑے، برتن ار کھانے کی کھلی اور خراب ہونے والی اشیاء وغیرہ ان مراکز پر جمع نہ کروائیں تاکہ فراہمی مدد کو متاثرین کی ضرورت کے مطابق مرکوز رکھا جا سکے۔ مزید مالی استطاعت والے پاکستانی بھائیوں سے درخواست ہے کہ حکومت پاکستان کے قائم کردہ اکاؤنٹ میں دل کھول کر عطیات دیں۔

اس دکھ اور تکلیف کے مرحلے میں پاکستان آرمی، قوم کے شانہ بشانہ اپنی ذمہ داریاں بھرپور طریقے سے ادا کر نے کے لیے کوشاں ہے۔ اس ضمن میں نہ صرف ریسکیو اور ریلیف پر توجہ دی جا رہی ہے بلکہ وفاقی اور صوبائی حکومتوں کی خصوصی درخواست پر ایک اچھی Rehabمہم کی بنیادی ضرورت کے طور پر آرمی تمام نوٹیفائیڈ متاثرہ علاقوں میں مشترکہ سروے کرنے میں سول انتظامیہ کو بھرپور مدد فراہم کر رہی ہے۔ جس کا آغاز صوبہ بلوچستان سے کر دیا گیا ہے۔

رہنماء مسلم لیگ (نواز) مریم نواز شریف، وزیر داخلہ رانا ثناءاللہ، جمیعت علماء اسلام مولانا فضل الرحمان و دیگر کیخلاف توہین عدالت کی درخواست دائر کردی گئی ہے.

باغی ٹی وی اسلام آباد: مسلم لیگ نواز کی نائب صدر مریم نواز شریف، وزیر داخلہ رانا ثناء اللہ، جمعیت علمائے اسلام ف کے سربراہ مولانا فضل الرحمان اور دیگر رہماؤں کے خلاف توہین عدالت کی درخواست دائر کر دی گئی ہے.
مقامی وکیل علی اعجاز بٹر نے اسلام آباد ہائی کورٹ میں توہین عدالت کی درخواست دائر کی ہے، مسلم لیگ نواز کے رہنماؤں عطا اللہ تارڑ اور مریم اورنگ زیب کو بھی توہین عدالت درخواست میں فریق بنایا گیا۔

درخواست میں موقف اپنایا گیا ہے کہ: سوشل میڈیا کے ذریعے معلوم ہوا کہ مریم نواز اور دیگر کو پاکستان کے اداروں اور عدلیہ کا احترام نہیں لیکن بدقسمتی سے یہ لوگ حکومتی معاملات بھی چلا رہے ہیں۔ درخواست گزار کے مطابق: فریقین نے اعلیٰ عدلیہ کے ججز کے بارے میں بار بار توہین آمیز زبان استعمال کی اور ان بیانات کے ذریعے نظام انصاف کی ساکھ پر سوال اٹھا کرعوام کا عدلیہ سے اعتماد اٹھانے کی کوشش کی گئی۔

درخواست کے ساتھ مریم نواز شریف کی 25 جولائی کی پریس کانفرنس کا ٹرانسکرپٹ بھی جمع کروایا گیا ہے. جبکہ استدعا کی گئی ہے کہ چیئرمین پیمرا کو عدلیہ کے خلاف پریس کانفرنسز کا ٹرانسکرپٹ جمع کرانے کی ہدایت کی جائے جبکہ مریم نواز شریف اور دیگر کے خلاف توہین عدالت کی کارروائی شروع کی جائے۔

[wp-embedder-pack width=”100%” height=”400px” download=”all” download-text=”” attachment_id=”534043″ /]

یاد رہے کہ سپریم کورٹ میں سماعت سے قبل حکومتی اتحاد کے رہنماؤں نے 25 جولائی کو ایک مشترکہ پریس کانفرنس کے دوران عدلیہ کو شدید تنقید کا نشانہ بنایا تھا اور پنجاب میں وزارت اعلیٰ کے الیکشن اور آرٹیکل 63 اے سے متعلقہ معاملے پر فل کورٹ بنانے کا مطالبہ دہرایا تھا، تاہم اپوزیشن جماعت پاکستان تحریک انصاف کے رہنماؤں کے مطابق یہ پریس کانفرنس ’سپریم کورٹ کو دباؤ میں لانے کی کوشش‘ تھی.

اسلام آباد میں ہونے والی اس پریس کانفرنس میں مسلم لیگ ن کی رہنما مریم نواز، جمعیت علمائے اسلام کے سربراہ مولانا فضل الرحمٰن، پاکستان پیپلز پارٹی کے چیئرمین بلاول بھٹو زرداری اور دیگر رہنما شریک ہوئے تھے.

پریس کانفرنس کا آغاز مسلم لیگ ن کی رہنما مریم نواز شریف نے کیا تھا، جنہوں نے ’بینچ فکسنگ‘ کی اصطلاح استعمال کرتے ہوئے اسے ایک ’جرم‘ قرار دیا اور کہا کہ ہمارے ہاں انصاف کے نظام کا حال یہ ہے کہ ’جب کوئی پٹیشن آتی ہے تو لوگوں کو پہلے سے پتہ ہوتا ہے کہ بینچ کون سا ہے اور وہ بینچ کیا فیصلہ دے گا۔‘

مریم نواز نے کہا تھا: ’مجھے میرے ہمدردوں نے مشورہ دیا کہ آپ یہ پریس کانفرنس نہ کریں کیونکہ اس سے آپ کی اسلام آباد ہائی کورٹ میں زیر سماعت اپیل پر اثر پڑ سکتا ہے تاہم میں نے انہیں جواب دیا کہ عوام کے سامنے حقائق سامنے رکھنے چاہییں۔‘

انہوں نے مزید کہا تھا: ’کسی بھی ادارے کی توہین باہر سے نہیں، ادارے کے اندر سے ہوتی ہے اور ٹھیک اور انصاف پر مبنی فیصلے پر جتنی تنقید کی جائے، وہ معنی نہیں رکھتی۔‘ اس پریس کانفرنس کو قومی سطح پر ٹی وی چینلز پر براہ راست نشر کیا گیا تھا.

مصیبت کی اس گھڑی میں ہر سیلاب متاثرہ فرد تک پہنچنا ہے۔ آرمی چیف جنرل قمر جاوید باجوہ

250ویں کور کمانڈرز کانفرنس آج جی ایچ کیو راولپنڈی میں منعقد ہوئی جسکی صدارت آرمی چیف جنرل قمر جاوید باجوہ نے کی ہے۔

اس کانفرنس میں فورم کو ملک میں سیلاب کی صورتحال اور آرمی فارمیشنز کی جانب سے جاری امدادی کارروائیوں پر خصوصی توجہ مرکوز کرتے ہوئے بیرونی اور داخلی سلامتی کی صورتحال پر تفصیلی بریفنگ دی گئی ہے.

آئی ایس پی آر کے مطابق: آرمی چیف نے آپریشنل کاروئیوں کو برقرار رکھنے کی ہدایت کرتے ہوئے خاص طور پر صوبہ خیبر پختونخواہ اور بلوچستان میں دہشت گردی کے خلاف کوششیں جاری رکھنے کی ہدایت کی۔
اجلاس میں شامل اعلی آرمی آفسران نے سیلاب کی صورتحال اور فوج کی طرف سے جاری ریلیف فنڈز اور کاروئیوں کا بھی جائزہ لیا ہے، غیرمعمولی بارشوں اور سیلاب سے قیمتی جانوں کے ضیاع اور مالی طور پر ہونے والے وسیع نقصان پر گہرے دکھ کا اظہار کرتے ہوئے سیلاب متاثرین کی تکالیف کو کم کرنے کے لیے کوئی کسر اٹھا نہ رکھنے کا عزم کیا۔

آرمی چیف نے جاری امدادی کوششوں کو سراہاتے ہوئے سیلاب متاثرین کی ہر ممکن مدد کرنے کی ہدایت کی۔ آرمی چیف جنرل قمر جاوید باجوہ نے مزید کہا کہ : مصیبت کی اس گھڑی میں امداد کیلئے ہر ایک سیلاب زدہ علاقہ اور متاثرہ فرد تک ہمیں پہنچنا چاہیے اور ان کی مدد کرنی چاہئے.

آئی ایس پی آر کے مطابق: کانفرنس میں سول انتظامیہ کے ساتھ ریسکیو اور بحالی آپریشنز کے عزم کا بھی اظہار کیا گیا ہے.

عمران خان کی بین الاقوامی میڈیا اور اقوام متحدہ میں پذیرائی ،اصل حقیقت کیا ہے؟

اس سال کے شروع میں جب عمران کے خلاف عدم اعتماد کی تحریک آئی تو نیازی نے اسے بین الاقوامی سازش کہا اور امریکہ پر رجیم چینج کا الزام لگایا مگر اب اچانک اسرائیل سے لے کر اقوام متحدہ تک نیازی کی حمایت میں بول پڑے ہیں تو پاکستان میں لوگوں کی اکثریت یہ سوچنے پر مجبور ہو گئی کہ آخر دنیا کو ہوا کیا ہے اور اسرائیل سے لے کر انڈیا تک لوگ نیازی کی حمایت میں اتنے دیوانے کیوں ہو گئے اور اس کے پیچھے آخر کونسی لابی ہے

سماجی رابطے کی ویب سائٹ ٹویٹر پر راجہ عامر نے ایک تھریڈ لکھا ہے جس میں وہ کہتے ہیں کہ آئیے اس کا تفصیل سے جائزہ لیتے ہیں اور اس کو سمجھتے ہیں

جو تھریڈ ڈلیٹ ہوا اس کی ویڈیو گرافکس بنائی ہیں اس میں سارے ٹویٹ موجود ہیں pic.twitter.com/WSAn6mAze4

— Raja Amer (@TheRAShahzad) August 25, 2022

پہلے ایک انسانی حقوق کی بین الاقوامی تنظیم پاکستان میں اختیارات کے ناجائز استعمال کی مذمت کرتی اور ایک ورکنگ گروپ بنانے کا دعوی کرتی مگر پھر واحد صاحب اسے مکمل ایکسوز کرتے اور بتاتے کہ اس کو چلانے والے انڈین ہیں ۔
انڈین کو آخر عمران سے اتنی کیا دلچسپی ؟
بات اتنی سادہ نہیں ہے 2020میں ای یو ڈس انفو لیب نے ایک بہت بڑا سکینڈل بے نقاب کیا تھا جسے Indian Chronicles کا نام دیا گیا تھا جو پندرہ سال سے یورپی یونین اور اقوام متحدہ میں ایک بہت بڑے نیٹ ورک کے ذریعے پاکستان اور چائینہ کے خلاف اور انہیں بدنام کرنے کے لیے کام کر رہا تھا اگر اس نیٹ ورک کا لب لباب یہ ہے کہ پندرہ سال یہ نیٹ ورک 10سے زیادہ اقوام متحدہ سے منظور شدہ این جی اوز،119سے زیادہ ممالک میں 750 جعلی نیوز آوٹ لیٹ ،اور500سے زیادہ ویب ڈومین رکھتا تھا ان کا بنیادی مشن پاکستان اور چائینہ کو Discreditکرنا انڈیا کی عالمی طاقت کو مضبوط کرنا اور انسانی حقوق کو ایک ہتھیار کے طور پر استعمال کرنا تھا .آپ کڑیاں ساتھ ساتھ ملاتے جائیں آپ کو یاد ہے امریکہ اور انڈیا نے مل کر سی پیک بارے متفقہ لائحہ عمل بنانے کا اعلان کیا تھا ؟

اس سارے آپریشن کو Srivastava گروپ چلا رہا تھا انہوں نے این جی او ،تھنک ٹینک ،جعلی اخبارات ،اقوام متحدہ کے باہر مظاہرے ، یورپی پارلیمان کے ناموں پر جعلی ادارے اور ایک لمبا چکر بنایا ہوا تھا ،مثال کے طور پر Prof. Louis B. Sohnجو انسانی حقوق کا ایک بڑا نام اور 2006میں فوت ہو چکے تھے ان کا نام استعمال کیا آپ یہ جعلی رپوٹ چیک کیجئے جو انسٹی ٹیوٹ آف گلگت بلتستان نے لکھی جس میں 2011میں وہ پروفیسر خطاب کر رہے جو پانچ سال قبل فوت ہو چکا تھا ،اسی طرح انہوں نے یوروپین پارلیمان کے سابق صدر جو سیاست سے ریٹارڈ ہو چکا تھا اس کے نام سے ایک جعلی این جی او بنائی جو اقوام متحدہ کے پلیٹ فارم سے پاکستان میں ہونے والے سیاسی واقعات کی مذمت کر رہی ہے ابھی بھی اقوام متحدہ میں ایک پلانٹڈ سوال عمران نیازی بارے ہوا آپ کو کنکشن سمجھ آیا؟

پاکستان میں یہ کام پی ٹی آئی نے شروع کیا تھا فرحان ورک ڈاکٹر قدیر کے نام سے اکاونٹ چلاتا تھا پھر کبھی رانی مکر بن جاتا کبھی فرانس کے صدر کا اکاونٹ ایک دفعہ تو ایک رشین جرنلسٹ کا اکاونٹ اور ایک دفعہ تو ایک بلو ٹک اکاونٹ تک خرید کر استعمال کرتا رہا انڈین نیٹ ورک دنیا بھر میں جعلی اخبارات کا ایک بڑا نیٹ ورک بھی چلاتا تھا آپ دنیا کے کسی بڑے ملک اور اس سے ملتے جلتے نام سے اخبار ڈھونڈیں آپ کو وہ مل جائیں گے یوں وہ اقوام متحدہ اور یورپی یونین کو ان خبروں سے influence کرتے تھے اگر آپ غور کریں تو پاکستان میں پی ٹی آئی اسی ماڈل پر کام کرتی ہے انہوں نے بھی جعلی اخبارات جیسے خلیج میگ جو فیصل آباد سے چلتا مگر اسے خلیج ٹائم سے جوڑ دیا اور اکثر نیوز چینل اس کی خبریں شئیر کرتے رہے سب سے مزے کی بات یہ کہ جب جب ای یو ڈس انفو لیب نے بہت محنت اور تحقیق سے یہ سب بے نقاب کیا توعمران خان نے اس سارے کا کریڈٹ بھی پی ٹی آئی کو دے دیا کیا آپ نے ایسا وارداتییہ کبھی دیکھا ہے

پی ٹی آئی نے لندن میں یہودی فرم ہائر کی ، امریکہ میں لابی فرم اور پھر انڈین لابی کی مدد سے اور خود پی ٹی آئی کے لا تعداد جعلی پیجز اور ٹویٹ سے بالکل انڈین chronicle کی طرز پر human rights کو ایک ہتھیار بناتے مغربی ممالک اور اقوام متحدہ کو influence کرنے کی کوشش کی ہے اقوام متحدہ ،یورپی یونین اور یورپی پارلیمان پہلے بھی انڈین فیک نیٹ ورک سے متاثر ہو چکے اور کافی شرمندگی بھی اٹھا چکے کہ پندرہ سال ایک جعلی نیٹ ورک کے زیر اثر بیانات دیتے رہے اب پھر پی ٹی آئی کے معاملے میں ایسا ہی ہوا ہے وہ انڈیا جو پندرہ سال اتنا پیچیدہ نیٹ ورک صرف پاکستان اور چائینہ کے مفادات کے خلاف چلاتا رہا وہ تحریک انصاف کو وہ ساری ایکسپرٹی اور سپورٹ اسی لیے دے رہا کہ پاکستان میں عدم استحکام رہے پاکستان کا انٹرنیشنل امیج خراب رہے پاکستان سی پیک روک دے اور یہ ڈی فالٹ کر جائے ،متعدد بار عمران کی آن لائن طاقت کے پیچھے انڈین عناصر ثابت ہو چکے اس لیے اس بین القوامی سپورٹ کی حقیقت کو سمجھیں

عمران خان سمیت پوری پی ٹی آئی کو نااھل قرار دے کر پی ٹی آئی کی رجسٹریشن منسوخ کرنے کا مطالبہ 

ممنوعہ فنڈنگ کیس،الیکشن کمیشن نے فیصلہ سنا دیا،تحریک انصاف "مجرم” قرار’

،عمرا ن خان لوگوں کو چور اور ڈاکو کہہ کے بلاتے تھے، فیصلے نے ثابت کر دیا، عمران خان کے ذاتی مفادات تھے

اکبر ایس بابر سچا اور عمران خان جھوٹا ثابت ہوگیا،چوھدری شجاعت

عمران خان چوری کے مرتکب پارٹی سربراہی سے مستعفی ہونا چاہیے،عطا تارڑ

 تحریک انصاف اور جعلی بھارتی ہیومن رائٹس واچ کا گٹھ جوڑ سامنے آ گیا،