Baaghi TV

Category: اہم خبریں

  • شہباز گل دو روزہ جسمانی ریمانڈ پر پولیس کے حوالے

    شہباز گل دو روزہ جسمانی ریمانڈ پر پولیس کے حوالے

    پاکستان تحریک انصاف ( پی ٹی آئی ) کے رہنما اور چیف آف اسٹاف شہباز گل کو اسلام آباد کی مقامی عدالت میں پیش کردیا گیا ہے، جہاں پولیس کی جانب سے 14 روزہ جسمانی ریمانڈ کی استدعا کی گئی تھی جس عدالت نے انہیں دو روزہ ریمانڈ دےدیا۔

    شہباز گل کو تھانہ کوہسار کی پولیس نے ڈسٹرکٹ اینڈ سیشن کورٹ کے روبرو پیش کیا گیا۔ ڈیوٹی مجسٹریٹ عمر شبیر نے کیس کی سماعت کی۔

    اس موقع پر پولیس کی جانب سے شہباز گل کے 14 روزہ جسمانی ریمانڈ کی استدعا کی گئی، جس پر شہباز گل کے وکیل نے مخالفت کی۔


    عدالت کی جانب سے 14 روز جسمانی ریمانڈ کی استدعا پر فیصلہ محفوظ کرلیا گیا ہے۔

    شہباز گل نے عدالت کے باہر کہا کہ: میرے بیان میں کچھ ایسا نہیں جس سے شرمندگی ہو کیونکہ یہ ایک محب الوطن کا بیان ہے۔

    انہوں نے مزید کہا: اپنی فوج سے پیار کرنے والا بیان ہے، کسی کو اکسانے کی کوشش نہیں کی بلکہ میں نے بیوروکریسی کے افسران جو غلط بات کررہے ان کے بارے میں بات کی ہے۔

    یاد رہے کہ اس سے قبل دوران تفتیش شہباز گل نے انکشاف کیا کہ فوج کے خلاف بیان پارٹی سربراہ عمران خان کے کہنے پر دیا.

    اس بارے میں مزید پڑھیں: فوج کے خلاف بیان عمران خان کے کہنے پر دیا،شہباز گل کا اعتراف

    قبل ازیں شہباز گل کو ہتھکڑیاں لگا کر عدالت لایا گیا، جب کہ انسداد دہشت گردی اسکواڈ کے اہلکاروں نے انہیں گھیرے میں لیا ہوا تھا۔ کسی بھی ناخوشگوار واقعہ سے نمٹنے کیلئے پولیس کی بھاری نفری عدالتی احاطے اور اطراف میں تعینات کی گئی، جس میں پولیس کمانڈوز بھی موجود رہے۔

    شہباز گل کو کمرہ عدالت میں پہنچانے کے بعد عدالت کے دروازے بند کردیئے گئے، جب کہ میڈیا نمائندوں کو بھی اندر آنے سے روک دیا۔ پولیس کا کہنا ہے کہ جج کے حکم پر میڈیا نمائندگان کو روکا گیا ہے۔

    واضح رہے کہ شہباز گل کے خلاف تھانہ کوہسار میں مبینہ غداری کا مقدمہ درج ہے۔

    پاکستان تحریک انصاف (پی ٹی آئی) کے رہنما شہباز گل کے خلاف سٹی مجسٹریٹ کی مدعیت میں درج بغاوت کے مقدمے کی تفصیل سامنے آگئی۔

    ایف آئی آر میں درج ہے کہ شہباز گل نے ساتھیوں کے ساتھ مل کر ایک ایجنڈے کی تکمیل کے لیے نجی ٹی وی چینل پر الفاظ کہے۔

    مقدمے میں کہا گیا کہ نجی ٹی وی چینل اے آر وائی نیوز کی انتظامیہ اس معاملے میں شریک جرم ہے، جس نے ملزم کو دانستہ طور پر پورا موقع دیا۔ ایف آئی آر میں درج ہے کہ ٹی وی پر شہباز گل کا بیان اور تقریر کا مقصد فوج میں بغاوت پھیلانا اور سازش کرنا تھا، اُن کی کوشش تھی کہ فوج کے مختلف گروہ بن جائیں۔

    مقدمے میں کہا گیا کہ شہباز گل کے بیان اور تقریر کا مقصد تھا کہ عوام میں پاک فوج کے خلاف سازش کے تحت نفرت پھیلائی جائے۔ ایف آئی آر میں درج ہے کہ پی ٹی آئی رہنما کے مقصد کا فوجی جوانوں کو اپنے افسران کا حکم نہ ماننے کی ترغیب دینا تھا۔

    مقدمے میں کہا گیا کہ شہباز گل نے ملک میں انتشار پھیلانے اور فوج کو کمزور اور تقسیم کرنے کے لیے بیان دیا۔

    ایف آئی آر میں مزید کہا گیا کہ شہباز گل نے پاکستان کی سالمیت کو نقصان پہنچانے کے لیے بیان دیا، وہ ملک دشمن ایجنڈے کی تکمیل کی مجرمانہ سازش کے مرتکب ہوئے ہیں۔

    دوسری جانب پاکستان تحریک انصاف کے چیئرمین اور سابق وزیراعظم عمران خان نے پارٹی کی سینیر قیادت کا اجلاس آج بروز بدھ 10 اگست کو بنی گالا میں طلب کرلیا ہے۔

    مرکزی قیادت کے ساتھ پنجاب کے اہم رہنماؤں کو بھی اجلاس میں بلایا گیا ہے۔

    اجلاس میں شہباز گِل کی گرفتاری سے پیدا ہونے والی صورتِ حال پر غور کیا جائے گا، جب کہ 13 اگست کے لاہور جلسہ سمیت مجموعی سیاسی صورت حال اور آئندہ کا لائحہ عمل طے کئے جانے کا امکان ہے۔

  • نواز شریف کی پاکستان واپسی کی تیاریاں شروع۔ مریم کو ذمہ داری دے دی گئی

    نواز شریف کی پاکستان واپسی کی تیاریاں شروع۔ مریم کو ذمہ داری دے دی گئی

    سابق وزیراعظم نواز شریف کی پاکستان واپسی کی تیاریاں شروع ہو گئیں.

    باغی ٹی وی کی رپورٹ کے مطابق سابق وزیراعظم نواز شریف کی پاکستان واپسی کی تیاریاں شروع ہو گئیں نواز شریف نے پاکستان واپسی کے حوالہ سے پارٹی کو آگاہ کر دیا ہے نواز شریف کی واپسی پر استقبال کی تیاریاں کرنے کی ہدایت بھی کی گئی ہے نواز شریف کی واپسی پر انکا بھر پور استقبال کیا جائے گا اس ضمن میں مریم نواز کو ذمہ داری سونپی گئی ہے مریم نواز اپنے والد نواز شریف کے استقبال کے لئے ٹیمیں تشکیل دیں گی اور تمام تر انتظامات کی خود نگرانی کریں گی

    سابق وزیراعظم نواز شریف بیمار ہوئے تھے تو علاج کے لیے لندن گئے تھے شہباز شریف نے نواز شریف کی واپسی کی ضمانت دی تھی نواز شریف کے لندن جانے کے بعد کرونا شروع ہو گیا جس کی وجہ سے انکا علاج نہ ہو سکا اب کرونا کی شرح کم ہونے کے بعد ہسپتال کھلے ۔

    نواز شریف کی اسلام آباد متوقع ہے اسلام آباد میں نواذ شریف کا پارٹی قائدین اور کارکنان استقبال کریں گے۔ بعد ازاں نواز شریف ایک کارواں کی صورت میں لاہور آئیں گے۔ نواز شریف کی واپسی کی حتمی تاریخ کا اعلان بھی جلد ہو جائے گا ۔

    موجودہ سیاسی صورتحال میں عمران خان کا مقابلہ کرنے کے لئے ن لیگی رہنماؤں کی جانب سے کہا گیا تھا کہ نواز شریف ہی مقابلہ کر سکتے ہیں اور انکو پاکستان میں پارٹی کی قیادت کرنی چاہئے ۔ موجودہ سیاسی صورتحال میں پارٹی کی مضبوطی کے لیے نواز شریف نے وطن واپسی کا فیصلہ کیا

  • فوج کے خلاف بیان عمران خان کے کہنے پر دیا،شہباز گل کا اعتراف

    فوج کے خلاف بیان عمران خان کے کہنے پر دیا،شہباز گل کا اعتراف

    تحریک انصاف کے چیئرمین ، سابق وزیراعظم عمران خان کے چیف آف سٹاف شہباز گل کو گرفتار کر لیا گیا ہے دوران تفتیش شہباز گل نے انکشاف کیا کہ فوج کے خلاف بیان پارٹی سربراہ عمران خان کے کہنے پر دیا.

    سابق وزیر اعظم عمران خان کے چیف آف سٹاف شہباز گل نے پولیس تفتیش میں اہم انکشافات کیے ہیں۔ انہوں نے کہا کہ مجھے فوج میں بغاوت کے حوالے سے بیان پارٹی سربراہ یعنی عمران خان نے دینے کو کہا تھا۔

    سینئر صحافی و اینکرپرسن طلعت حسین نے اپنے ذرائع کے حوالے سے بتایا کہ شہباز گل نے تفتیشی افسران کو بتایا ہے کہ مجھے پارٹی سربراہ نے کہا تھا کہ آپ نےیہ بیان دینا ہے۔

    شہباز گل نے دوران تفتیش مزید بتایا کہ مجھے کہا گیا تھا کہ آپ اپنا بیان مکمل کرنا آپ کو چینل کی طرف سے کوئی نہیں روکے گا۔

    وزیر اعلی پنجاب چوہدری پرویز الہی نے کہا ہے کہ افواج پاکستان سرحدوں کی حفاظت کی ضامن ہے اور ہمارا فخر ہے، فوج کے خلاف پراپیگنڈا ملک دشمن ہی کر سکتا ہے،جو کوئی بھی فوج کے خلاف بات کرتا ہے اس کو ڈکلیئر کیا جائے کہ وہ پاکستان اور دین اسلام کا دشمن ہے،کسی بھی شکل میں افواج پاکستان کے خلاف بات نہیں کر سکتے.

    چودھری پرویزالٰہی کا کہنا تھا کہ ن لیگ والے غلط اور بے بنیاد پراپیگنڈا کر رہے ہیں،عمران خان، تحریک انصاف ،ہم افواج پاکستان کے ساتھ ہیں،کسی کو بھی فوج کا نام بد نام کرکے سیاسی مقاصد حاصل کرنے نہیں دیں گے،ن لیگ کے میڈیا سیل سے جھوٹا پراپیگنڈا کیا جا رہا ہے.

    پاکستان ڈیموکریٹک موومنٹ کے ترجمان حافظ حمداللّٰہ نے کہا ہے کہ نجی ٹی وی پر شہباز گل کے بیان سے واضح ہوا کہ وہ فوج کو ادارے کے سربراہ کے خلاف بغاوت پر اُکسا رہے ہیں۔ حافظ حمداللّٰہ نے کہا کہ یہ شہباز گل کا ذاتی بیان نہیں بلکہ عمران نیازی اور پی ٹی آئی کا بیانیہ ہے۔

    ایک بیان میں حافظ حمد اللّٰہ نے کہا کہ عمران خان نے ہاتھ سے اقتدار جانے کے بعد ہمیشہ اداروں کی نیوٹریلٹی کو نشانے پر رکھا۔ ان کا کہنا تھا کہ شہباز گل کے بیان کے بعد عمران خان سمیت پی ٹی آئی کے کسی ذمہ دار نے مذمت تک نہیں کی۔حافظ حمداللّٰہ نے مزید کہا کہ پی ڈی ایم ملک، آئین اور اداروں کے خلاف ہونے والی ہر قسم کی سازش اور نفرت انگیز بیانیہ کے مقابلے میں کھڑی ہے اور کھڑی رہے گی۔

    پیپلزپارٹی کے رہنما سید خورشید شاہ کا کہنا ہے کہ فوج کیخلاف مہم کی کسی سابق چیف جسٹس کی سربراہی میں انکوائری کرائیں پتا چل جائے گا.

    وزیر دفاع خواجہ آصف کا کہنا ہےکہ اقتدار کی محرومی نے عمران خان کو پاگل کردیا ہے، اداروں پر حملہ یا بغاوت کی ترغیب دینا صریحاً ملک دشمنی ہے۔ایک بیان میں خواجہ آصف کا کہنا تھا کہ اقتدار نا پائیدار چیز ہے، ہمیشہ کسی کے پاس نہیں رہتا۔

    وزیردفاع کا کہنا تھا کہ اختلاف کرناحق ہے، مگراداروں پر حملہ یا بغاوت کی ترغیب دینا صریحاً ملک دشمنی ہے، اقتدار کی محرومی نے عمران خان کو پاگل کردیا ہے۔ خواجہ آصف کا کہنا تھا کہ پاک فوج کو ٹارگٹ کرکے عمران اور اس کے حواری ملک دشمن ایجنڈے پرکام کر رہےہیں۔

    اس سے پہلے شہباز گل کو گرفتار کیا گیا تھ ، شہباز گل کے خلاف اداروں کیخلاف بیان بازی اور عوام کو اداروں کیخلاف اکسانے پر بغاوت کا مقدمہ درج کیا گیا ، پولیس نے شہباز گل کے خلاف تھانہ کوہسار میں مقدمہ درج کر لیا، مقدمہ ریاستی اداروں کے خلاف ہرزہ سرائی کرنے پر 124 اے سمیت مختلف دفعات کے تحت درج کیا گیا۔

    مقدمے میں دفعہ 505،120،124 اے اور 196 شامل کی گئی ہیں ،درج مقدمے میں شہباز گل پر فوج کے خلاف اکسانے کا الزام عائد گیا گیا ایف آئی آر میں نجی ٹی وی چینل پر کی گئی گفتگو کا بھی ذکر کیا گیا،ایف آئی آر کے متن مین کہا گیا ہے کہ ملزم نےبیان سوچ سمجھ ملکی سالمیت کو نقصان پہچانے کیلئے دیا ملزم ایسا بیان دے کر ملک دشمن ایجنڈے کی تکمیل مجرمانہ سازش کا مرتکب ہوا مقدمہ غلام مرتضیٰ چانڈیو مجسٹریٹ کی مدعیت میں درج کیا گیا.

  • نعرے ریاست مدینہ کے اور غلامی امریکہ کی ،واہ شہباز گل

    نعرے ریاست مدینہ کے اور غلامی امریکہ کی ،واہ شہباز گل

    لاہور:نعرے ریاست مدینہ کےاورغلامی امریکہ کی واہ شہبازگل باجوہ،اطلاعات کےمطابق شہباز گل کی گرفتاری کے بعد شہباز گل کا نیشنلٹی کارڈ سامنے آیا ہے، نیشنلٹی کارڈ پر شور نام شبیر لکھا ہوا ہے، جبکہ گون نام محمد ایس لکھا ہوا ہے

    اس کارڈ کے مطابق شہبازگل 1980 میں پاکستان میں پیدا ہوئے، شہباز گل کی امریکن نیشنلٹی کارڈ کی مدت اختتام 13 مارچ 2025 ہے

    https://twitter.com/mubasherlucman/status/1556992315507544064

    تحریک انصاف کے چیئرمین عمران خان ان دنوں قوم کو امریکی غلامی سے نکلنے کا درس دے رہے ہیں جب سے انکی حکومت گئی ہے تب سے عمران خان کو امریکی غلامی یاد آ گئی ہے، عمران خان خود جب سابق امریکی صدر ٹرمپ کے ساتھ ملاقات کر کے مبینہ طور پر ایک سودا کر کے آئے تھے اسوقت عمران خان کو غلامی یاد نہیں تھی، اب قوم کو امریکی غلامی سے نکالنے کا درس دینے والےعمران خان ابھی تک شہباز گل کو امریکی غلامی سے نہ نکال سکے حالانکہ عمران خان کا چیف آف سٹاف بھی شہباز گل ہے اور وہ امریکن نیشنیلٹی ہولڈر ہے

    شہباز گل عمران خان کی حکومت جانے کے بعد ایک بار امریکہ کا دورہ کر چکے ہیں، شہباز گل سے ایک بار صحافیوں نے کہا کہ امریکہ کی غلامی سے قوم کو نکالنا ہے امریکہ مردہ باد کا نعرہ لگا دیں لیکن شہباز گل نے امریکہ مردہ باد کا نعرہ نہیں لگایا،

    اینکر غریدہ فاروقی نے سماجی رابطے کی ویب سائٹ ٹویٹر پر ٹویٹ کی ہے اور کہا ہے کہ عمران خان کے چیف آف سٹاف شہبازگِل کی جعلسازی! یہ دیکھیے محمد شبیر کا امریکی گرین کارڈ! اصلی نام کی بجائے جعلی نام شہبازگِل سے پاکستان میں فساد فتنہ کی سازش میں ملوث! امریکہ میں محمد شبیر۔ جعلی نام۔ جعلی باجوہ۔ دو نمبر سرکار گرفتار۔ اب خیر مناؤ امریکی گرین کارڈ کی۔ یہ بھی کینسل ہوگا!

    https://twitter.com/GFarooqi/status/1556992201539854337

    غریدہ فاروقی کا ایک ٹویٹ میں مزید کہنا تھا کہ عمران خان کا چیف آف سٹاف امریکی نیشنل؛ بیوی امریکہ میں سرکاری غبن کے پیسے پر کئی سالوں سے روپوش؛ بچے امریکہ میں؛ نوکری امریکہ کی؛ ایسے ٹاؤٹ پاکستان میں کس ایجنڈے پر پاکستان اور افواج کیخلاف بغاوت/نافرمانی پر اُکسا رہے!!؟؟ IK خود کہہ چکے ہیں کہ دُہری شہریت والے پاکستان کےمخلص نہیں۔

    ایک اور ٹویٹ میں غریدہ فاروقی کا کہنا تھا کہ کل رات سے ابتک عمران خان کیطرف سے کوئی مذمتی بیان کیوں نہیں آیا شہبازگِل کے فسادی فتنہ انگیز بیان کیخلاف؟ کیونکہ یہ بیان عمران خان کی منظوری سے دیا گیا! بنی گالہ کی ایک اور شخصیت بھی ملوث۔ 6/5 لوگ مزید ملوث۔ مہرے کی گرفتاری ہو گئی، باقیوں کی کیوں نہیں؟ انصاف ایک جیسا ہونا چاہیے۔

    ایک صارف کا کہنا ہے کہ شہباز گل امریکہ کا مستقل رہائشی ہے۔ اس کے پاس پاکستان کا آئی ڈی کارڈ بھی نہیں۔ یہ امریکی ایجنٹ پاکستان میں فتنہ اور فساد پھیلا رہا ہے۔ اسکے خلاف آرٹیکل 6 کے تحت کاروائی کی جائے۔

    واضح رہے کہ محمد شبر عرف شہباز گل (امریکی شہری) کے خلاف تھانہ کوہسار میں مقدمہ درج کرلیا گیا۔ مقدمے میں بغاوت اداروں کے خلاف اکسانے کی دفعات شامل ہیں۔ سیکرٹری داخلہ کی منظوری کے بعد مقدمہ ضلعی انتظامیہ کی مدعیت میں درج کیا گیا ہے۔ مقدمے میں دفعہ 124، 120، 105 اور دفعہ 196 شامل کی گئی ہیں۔

    واضح رہے کہ شہباز گل کو اسلام آباد پولیس نے گرفتار کیا ہے، ،اسلام آباد پولیس کا کہنا ہے کہ شہباز گل کو گرفتار کیا گیا ہے ، شہباز گل کے خلاف اداروں کیخلاف بیان بازی اور عوام کو اداروں کیخلاف اکسانے پر بغاوت کا مقدمہ درج کیا گیا ہے،

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

    شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

    قوم کو غلامی سے نکالنے کا دعویدار عمران خان کا چیف آف سٹاف بھی امریکی نکلا

  • پی ٹی آئی کارکن کا سوشل میڈیا پر فوج مخالف مہم چلانے کا اعتراف،ویڈیو سامنے آ گئی

    پی ٹی آئی کارکن کا سوشل میڈیا پر فوج مخالف مہم چلانے کا اعتراف،ویڈیو سامنے آ گئی

    پی ٹی آئی کارکن کا سوشل میڈیا پر فوج مخالف مہم چلانے کا اعتراف

    افواجِ پاکستان اور اُن کی لیڈر شپ کے خلاف سوشل میڈیا مہم کے تانے بانے کھلنے لگے۔

    ایک اور شخص نے تحریکِ انصاف کا بھانڈہ پھوڑ دیا۔ گرفتاری کے بعد اداروں کے خلاف ٹویٹس کرنے والے شہری نے غیر مشروط معافی مانگی اور کہا کہ وہ تحریک انصاف کے سوشل میڈیا مہم سے متاثر ہوا اور اُس نے پاکستان آرمی اور پاکستان آرمی کی لیڈر شپ کے خلاف غلط مہم کی۔ شہری کا کہنا تھا کہ وہ نادم ہے اور اُسے ایسا نہیں کرنا چاہیے تھا۔

    تحریک انصاف کے کارکن کی جانب سے معافی کی ویڈیو بھی سامنے آئی ہے، جس میں وہ کہتا ہے کہ میرا نام پرویز غلام رسول ہے، میں نے لاشعوری طور پر اور غلطی سے عظیم آرمی پر غلط ٹویٹس کیں یہ سب میں نے اپنے طور پر نہیں کیا، عمران خان کی تقریریں سن کر اور پی ٹی آئی کے ٹرینڈز کو پڑھ کر اس طرح کی ٹویٹ کر دی جو ہماری آرمی اور چیف آف آرمی سٹاف کے خلاف چلی گئی، میں اس پر معذرت خواہ ہوں اور بار بار معافی کا طلب گار ہوں .پاک فوج ملک کے لئے قربانیاں دے رہی ہے اور انہی کی وجہ سے ملک بچا ہوا ہے

    :ہیلی کاپٹر حادثہ ، سوشل میڈیا پر اداروں کیخلاف مہم میں پی ٹی آئی ایکٹوسٹ ملوث نکلے

    عارف علوی بھی اپنی غیرجانبداری سے ہٹ کر پارٹی کے چیئرمین عمران خان کے نقش قدم پر چل پڑے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    دوسری جانب ہیلی کاپٹر حادثے کے بعد سوشل میڈیا پر اداروں کے خلاف مہم چلانے والوں کے خلاف کاروائی کا فیصلہ کیا گیا ہے اس ضمن میں ایف آئی اے کے سائبر کرائمز ونگ میں ہیلی کاپٹر حادثے سے متعلق سوشل میڈیا پر منفی پروپیگنڈے سے متعلق انکوائری رجسٹرڈ کردی گئی ہے ایڈیشنل ڈی جی سائبرکرائمز محمد جعفر کی سربراہی میں مشترکہ تحقیقاتی ٹیم قائم کر دی گئی ہے۔ ذرائع کے مطابق تحقیقاتی ٹیم میں ڈائریکٹر آپریشنز وقار چوہان، ایڈیشنل ڈائریکٹرایاز اور اسسٹنٹ ڈائریکٹرعمران حیدر شامل ہیں۔

    وزیراعظم شہباز شریف کا بھی کہنا تھا کہ شہدا ء کا تمسخر اڑانے والوں کا شدت سے احتساب ضروری ہے، ہیلی کاپٹر حادثے کے بعد شہدا ء اور انہیں برا بھلا کہنے کی سوشل میڈیا پر خوفناک مہم چلائی گئی۔ شہدا کی قربانیوں کا تمسخر اڑانے والے کا عمل قابل افسوس اور قابل مذمت ہے، ایسے لوگوں کا احتساب بہت ضروری ہے۔

    ہیلی حادثے کے بعد پاک فوج کے ترجمان کی جانب سے بھی بیان آیا تھا، سوشل میڈیا پر پاک فوج کے خلاف چلنے والی منفی مہم کے بارے میں ڈی جی آئی ایس پی آر کا کہنا تھا کہہیلی کاپٹر حادثے کے بعد منفی سوشل میڈیا مہم کے باعث شہدا کے لواحقین کی دل آزاری ہوئی جس پر شہدا کے خاندانوں اور افواج پاکستان کےرینک اینڈ فائل میں شدیدغم وغصہ اوراضطراب ہے۔ اس مشکل اور تکلیف دہ وقت میں پوری قوم افواجِ پاکستان کے ساتھ کھڑی تھی لیکن کچھ بےحس حلقوں کی جانب سے سوشل میڈیا پرتکلیف دہ اورتوہین آمیز مہم جوئی کی گئی، یہ بے حس رویے ناقابل قبول اور شدید قابلِ مذمت ہے۔

    خیبرپختونخواہ حکومت کا کمال،تعلیمی اداروں میں اساتذہ کو تنخواہیں نہیں مل رہیں، سوشل میڈیا انفلونسرز کیلئے 87 کروڑ مختص

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    سوشل میڈیا پر عمران خان کی کامیابی کا راز فاش

    سابق خاتون اول بشریٰ بی بی کی دیرینہ دوست فرح گوگی کا ایک اور بڑا سکینڈل منظر عام پر آ

  • عمران خان نے ووٹ مانگنے کیلئے ایک صاحب کو بھیجا تھا،مرزامسرورکی ویڈیو پر تحریک انصاف خاموش

    عمران خان نے ووٹ مانگنے کیلئے ایک صاحب کو بھیجا تھا،مرزامسرورکی ویڈیو پر تحریک انصاف خاموش

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش
    باغی ٹی وی کی رپورٹ کے مطابق تحریک انصاف کے چیئرمین عمران خان نے جب تحریک انصاف بنائی تو قادیانیوں سے بھی ووٹ مانگے،وفود قادیانیوں کے پاس بھیجے، قادیانیوں کی قیادت نے سرعام کہا کہ عمران خان کی جانب سے وفد آیا اور ووٹ مانگے گئے تا ہم تحریک انصاف کی جانب سے ابھی تک کسی قسم کی تردید نہیں کی گئی

    مرزا مسرور جو اسوقت لندن میں احمدی کمیونٹی کے ہیڈ ہیں، انکی ایک پرانی ویڈیو سامنے آئی ہے ،اس ویڈیو میں مرزا مسرور سے جب عمران خان کے بارے میں سوال کیا گیا تو جواب میں مرزا مسرور کا کہنا تھا کہ "جب تحریک انصاف بنی ہے اسوقت میں پاکستان میں تھا اور جماعت احمدیہ پاکستان کا ہیڈ،ناظم اعلیٰ تھا عمران خان نے ایک صاحب کو میرے پاس بھیجا ہم نئی پارٹی بن رہے ہیں ہمیں ووٹ دیں، میں نے کہا کہ آپ انصاف پسند ہیں اللہ آپکو کامیاب کرے، جہاں تک ووٹ کا سوال ہے ہم نہیں دیں گے، تو ہمیں کہا گیا کہ ووٹ دیں ہم اسمبلیوں میں جائیں گے تو پھرآپکے حق کی بات کریں گے”

    عمران خان جو پاکستان کو ریاست مدینہ بنانا چاہتے تھے اور انکی ہر تقریر میں ریاست مدینہ کا ذکر ہوتا ہے انہوں نے اقتدار کے حصول کی خاطر قادیانیوں سے بھی ووٹ مانگے ہیں مرزا مسرور کی ویڈیو اس امر کا واضح ثبوت ہے، عمران خان یوٹرن لیتے رہے ہیں لیکن مرزا مسرور کے اس بیان پر نہ صرف عمران خان بلکہ پوری تحریک انصاف کی جانب سے کسی قسم کا یوٹرن نہیں لیا گیا بلکہ خاموشی اختیار کی گئی. خاموشی کا مطلب "ہاں” ہی ہوتا ہے .

    عمران خان کرسی کے لئے کسی بھی حد تک جا سکتے ہیں، یہ ماضی میں جن کو نہیں معلوم تھا وہ اب دیکھ رہے ہیں، عمران خان جو اپنی تقاریر میں "اسلامک ٹچ” بھی دیتے ہیں انکا حقیقی چہرہ اب سب کے سامنے آ چکا ہے. عمران خان جو اقتدار کے لئے قادیانیوں سے ووٹ مانگ سکتے ہیں انکا ہر تقریر کے آغاز میں "ایاک نعبد و ایاک نستعین” پڑھنا کھوکھلا لگتا ہے .عمران خان جو خود داری کا درس دیتے ہیں اور غلامی سے نکلنے کا کہتے ہیں کیا وہ کسی سے ووٹ لے کر اسکے غلامی نہیں کریں گے، جیسا وہ اپنی حکومت میں کر چکے ہیں، اتحادی جماعتوں سے وزارت عظمیٰ کے لئے ووٹ لئے اور پھر ساڑھے تین سال اتحادی جماعتوں کی "غلامی : کرتے رہے

    عمران خان کا دوہرا معیار واضح ہو چکا ہے، جس کو ڈاکو کہتے ہیں اسکو پنجاب کا وزیراعلیٰ بنا دیتے ہیں ، جس کو کہتے ہیں چپڑاسی بھی نہ رکھوں اسکو وزیر داخلہ بناتے ہیں، آئی ایم ایف کے پاس نہ جانے کا کہہ کر آئی ایم ایف کے پاس جاتے ہیں . احتساب کا کھوکھلا نعرہ لگا کر عثمان بزدار کی کرپشن کا علم ہونے کے باوجود اسکو بچاتے ہیں کیوںکہ بات بنی گالہ تک جاتی ہے

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

  • شہباز گل گرفتار،بغاوت کا مقدمہ درج

    شہباز گل گرفتار،بغاوت کا مقدمہ درج

    باغی ٹی وی کی رپورٹ کے مطابق تحریک انصاف کے چیئرمین ، سابق وزیراعظم عمران خان کے چیف آف سٹاف شہباز گل کو گرفتار کر لیا گیا ہے

    اسلام آباد پولیس کا کہنا ہے کہ شہباز گل کو گرفتار کیا گیا ہے ، شہباز گل کے خلاف اداروں کیخلاف بیان بازی اور عوام کو اداروں کیخلاف اکسانے پر بغاوت کا مقدمہ درج کیا گیا ہے، پولیس نے شہباز گل کے خلاف تھانہ کوہسار میں مقدمہ درج کر لیا، مقدمہ ریاستی اداروں کے خلاف ہرزہ سرائی کرنے پر 124 اے سمیت مختلف دفعات کے تحت درج کیا گیا۔ مقدمے میں دفعہ 505،120،124 اے اور 196 شامل کی گئی ہیں ،درج مقدمے میں شہباز گل پر فوج کے خلاف اکسانے کا الزام عائد گیا گیا ایف آئی آر میں نجی ٹی وی چینل پر کی گئی گفتگو کا بھی ذکر کیا گیا،ایف آئی آر کے متن مین کہا گیا ہے کہ ملزم نےبیان سوچ سمجھ ملکی سالمیت کو نقصان پہچانے کیلئے دیا ملزم ایسا بیان دے کر ملک دشمن ایجنڈے کی تکمیل مجرمانہ سازش کا مرتکب ہوا مقدمہ غلام مرتضیٰ چانڈیو مجسٹریٹ کی مدعیت میں درج کیا گیا

    شہباز گل پر درج مقدمے کی کاپی باغی ٹی وی نے حاصل کر لی

    سابق وزیراعظم عمران خان نے سماجی رابطے کی ویب سائٹ ٹویٹر پر ویڈیو ٹویٹ کی اور کہا کہ عمران خان نےشہباز گل کو گرفتار نہیں اغوا کیا گیا ایسی شرمناک حرکتیں کسی جمہوریت میں ہو سکتی ہیں؟ سیاسی کارکنوں کے ساتھ دشمنوں جیسا سلوک کیا گیا یہ سب کچھ اس لیے کیا جا رہا ہے کہ ہم اس حکومت کو قبول کر لیں

    تحریک انصاف کے رہنما مراد سعید نے دعویٰ کیا ہے کہ پی ٹی آئی رہنما شہباز گل کو گرفتار کرلیا گیا ، مراد سعید نے ٹویٹ کرتے ہوئے کہا کہ کس کس کو گرفتار کروگے؟ کتنے صحافیوں پر پابندی لگاؤ گے؟ شہباز گل کی گاڑی کے شیشے بھی توڑ دیئے گئے ۔ کل رات ایک خوفناک پلان تھا لیکن عمران خان کے جانثاروں نے واضح پیغام دیا عمران خان ریڈ لائن ہے

    اطلاعات کے مطابق شہباز گل کو بنی گالا چوک سے گرفتار کیا گیا ہے مراد سعید نے ایک تصویر شیئر کرتے ہوئے ٹویٹ کی اور کہا کہ شہباز گل کی گاڑی پر حملہ آور ہوئے،اسٹنٹ پر تشدد کیا، شہباز گل کو اغوا کر لیا گیا۔

    سینئر صحافی و اینکر پرسن مبشر لقمان نے ٹویٹ کرتے ہوئے کہا تھا کہ شہباز گل نے کل رات تحریک انصاف کو اپنے تمام سیاسی مخالفین سے زیادہ نقصان پہنچایا۔ بہت جلد ایسی حرکتیں انہیں الطاف حسین کے قریب کر دیں گی۔

    ایک اور ٹویٹ میں مبشر لقمان کا کہنا تھا کہ ایسا لگتا ہے کہ پی ٹی آئی کے حامیوں نے بار بار وقار اور شائستگی کی تمام حدیں عبور کر لی ہیں۔ ایف آئی اے کو ایسے لوگوں کے خلاف کاروائی کرنی چاہئے اور پاکستانی قانون کے مطابق سزا دینی چاہئے

    گزشتہ روز غریدہ فاروقی نے ٹویٹ کرتے ہوئے کہا تھا کہ عمران خان کے چیف آف سٹاف شہباز گل کیخلاف مقدمہ ہونا چاہیے اور جیل بھجوانا چاہیے۔ پاکستان مخالف، آئین مخالف، افواجِ پاکستان میں بغاوت/ نافرمانی پھیلانے کا جرم کسی صورت قابلِ معافی نہیں۔ اس بات کا پتہ بھی لگانا چاہیے کہ آن ائیر بیان کس کے کہنے/لکھ کر دینے پر پڑھا گیا۔

    ترجمان وزیراعلیٰ پنجاب فیاض الحسن چوہان کا کہنا ہے کہ شہباز گل کی گرفتاری فسطائیت، جبر اور استبداد کی اعلیٰ مثال ہے،مشیرِ اطلاعات پنجاب عمر سرفراز چیمہ نے شہباز گل کی گرفتاری کی مذمت کی ہے اور کہا ہے کہ شہباز گل کی گرفتاری امپورٹڈ حکومت کی بوکھلاہٹ کا ثبوت ہے اوچھے ہتھکنڈوں سے پی ٹی آئی کی قیادت گھبرانے والی نہیں،ایسے اقدامات سے ملک میں سیاسی عدم استحکام کو تقویت ملے گی،شہباز گِل کی گرفتاری کے لیے جھوٹے الزامات کا سہارا لیا گیا، عدلیہ فوری طور پرحکومت کے ایسے اقدامات کا نوٹس لے ہمارے خلاف ایسے اقدامات جاری رہے تو حالات کی ذمہ دار وفاقی حکومت ہوگی

    ن لیگی رہنما ،وفاقی وزیر خواجہ سعد رفیق کا کہنا ہے کہ فتنہ عمرانیہ کاخفیہ بیرونی ایجنڈا سب کےسامنے ہے،معیشت کی تباہی،اداروں کی بے توقیری،پروجیکٹ عمران خان کا یہی مقصد تھا، ان کی لمبی زبانوں کو لگام دینا اوردماغوں کاعلاج کرنا ہو گا

    سابق وزیرداخلہ شیخ رشید احمد نے رہنما پی ٹی آئی شہباز گل کی گرفتاری کی مذمت کی اور کہا کہ بغیر مقدمہ درج کیے شہبازگل کو اغوا کرنے سے سیاست میں مزید بدامنی پھیلے گی،وزیر داخلہ پنجاب ہاشم ڈوگرنے شہباز گل کی گرفتاری کی مذمت کی اور کہا کہ شہباز گل کی گرفتاری انتہائی بہیمانہ طریقے سے کی گئی شہباز گل کو گرفتار کرکے کوئی اچھی مثال قائم نہیں کی گئی اسلام آباد پولیس کو ہوش کے ناخن لینے چاہئیں ،

    بنی گالہ کی حفاظت کیلئے فوری طور پر پنجاب پولیس بھیج رہے ہیں، مونس الہٰی

    دوسری جانب مسلم لیگ ق کے رہنما مونس الہی نے ٹویٹ کرتے ہوئے کہا ہے کہ بنی گالہ کی حفاظت کیلئے فوری طور پر پنجاب پولیس بھیج رہے ہیں ،مونس الہیٰ کا کہنا تھا کہعمران خان کو نقصان پہنچانے کی ہر کوشش کو روکا جائے گا، عمران خان تک پہنچنے کیلئے پنجاب کےعوام اورحکومت سے گزرکر جانا ہو گا،عمران خان کے خلاف ہر سازش کو ناکام بنایا جائے گا، عمران خان پاکستان کی آواز ہیں اور عوام ان کے ساتھ ہیں،

    وزیر داخلہ پنجاب ہاشم ڈوگر کا کہنا ہے کہ بنی گالا جارہا ہوں،اپنے لیڈر کی سیکیورٹی ہر حال میں یقینی بنائیں گے، جس نے اداروں سےمتعلق ہرزاسرائی کی ہے، اس کیخلاف قانونی کاروائی کا کہہ دیا ، تحریک انصاف کے رہنما راجہ بشارت کا کہنا ہے کہ ہمارے صبر کا امتحان نہ لیا جائے پنجاب پولیس کی ایلیٹ فورس بنی گالا حفاظت کیلئے بھیجی جا رہی ہے

    دوسری جانب پنجاب پولیس بنی گالاپہنچ گئی راولپنڈی کے تھانہ ویسٹریج کی پولیس بنی گالہ عمران خان کی رہائش گاہ پہنچی ہے فیصل چودھری اور پی ٹی آئی کی لیگل ٹیم بنی گالہ پہنچ گئی ،فیصل چودھری کا کہنا ہے کہ آج ہی اسلام آباد ہائیکورٹ سے رجوع کریں گے ہمارے پاس اور کوئی راستہ نہیں

  • عمران خان ایک بار پھر پکڑے گئے

    عمران خان ایک بار پھر پکڑے گئے

    عمران خان ایک بار پھر پکڑے گئے

    باغی ٹی وی کی رپورٹ کے مطابق سابق وزیراعظم ،تحریک انصاف کے چیئرمین عمران خان کا جھوٹ ایک بار پھر پکڑا گیا

    عمران خان نے سماجی رابطے کی ویب سائٹ ٹویٹر پر ایک تصویر چند روز قبل ٹویٹ کی ،تصویر 1930 میں لندن میں ہونے والی گول میز کانفرنس کی تھی ، عمران خان نے تصویر ٹویٹ کرتے ہوئے کہا کہ لندن 1930 کی تاریخی گول میز کانفرنس جس میں قائداعظم اور اقبال دونوں موجود تھے۔یہ تصویر میرے خاندان کیلیے فخر کاباعث ہے کیونکہ اس میں میرے دادا کےبھائی محمدزمان خان(جن کے نام پر زمان پارک قائم کیاگیا) اور میرے خالو جہانگیر خان بھی موجود ہیں (بائیں جانب سے دوسرے اور تیسرے نمبر پر)

    عمران خان کی جانب سے تصویر ٹویٹ کرنے کے بعد سوشل میڈیا صارفین نے عمران خان کی پوسٹ کو آڑے ہاتھوں لیا اور کہا کہ عمران خان سیاست چمکانے کے لئے یہاں بھی جھوٹ بول رہے ہیں، یہ تصویر برطانیہ کی اوپن یونیورسٹی کی ویب سائٹ پر موجود ہے وہاں عمران خان کے کسی رشتے دار کا ذکر نہیں ہے،

    ایک صارف نے ٹویٹ کرتے ہوئے کہا کہ 1930 اور1932 کی راؤنڈ ٹیبل کانفرنسوں میں شریک افراد کی مکمل لسٹ اور ساتھ لنک.. اسمیں عمران خان کےدادا کا بھائ یا خالو تو نظر نہیں آ رہے.. کہیں مہاتما گاندھی یا کسی گورے سے رشتے داری نہ نکال لے. Petty pathetic compulsive liarکوئی شرم کوئی حیا

    ایک صارف نے لکھا کہ یہ گول میز کانفرنس کی تصویر نہیں ہے

    ایک اور صارف کا کہنا تھا کہ عمران چورفراڈیا ہے جس نے1940 میں باپ کو مینار پاکستان پہ چڑھایا تھا جب مینار بنا نہیں تھا اب دادا کے بھائی اورخالو کوگول میز کانفرنس میں بیٹھا دیا کل کوعمران چور نے کہنا ہے پاکستان تو ہم نے بنایا تھا اس لئے وزیراعظم بننےکا حق صرف میرا ہے جو وزیراعظم بننے کی کوشش کرے گا ایسا سوچے گا وہ شرک کرے گا

    https://twitter.com/Nawayasir99/status/1556653980188549121

    واضح رہے کہ عمران خان ماضی میں بھی ایسی ٹویٹ کرتے رہے ہیں جو جھوٹی ثابت ہوئی ہیں، غلط معلومات کے ساتھ ٹویٹ عمران خان کی جانب سے اکثر ہوتی رہتی ہیں،

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

  • شمالی وزیرستان میں فوجی قافلے پر خودکش حملہ،4 فوجی جوان شہید، آئی ایس پی آر

    شمالی وزیرستان میں فوجی قافلے پر خودکش حملہ،4 فوجی جوان شہید، آئی ایس پی آر

    راولپنڈی:شمالی وزیرستان میں فوجی قافلے پر ہونے والے خودکش حملے میں 4 فوجی جوان شہید ہو گئے۔

    آئی ایس پی آر کے مطابق دہشت گردوں نے شمالی وزیر ستان کےعلاقے میر علی میں فوجی قافلے کو تخریبی کارروائی کا نشانہ بنایا جس کے دوران 4 جوانوں نے جام شہادت نوش کیا۔شہادت پانے والوں میں لانس نائیک شاہ زیب ،لانس نائیک سجاد شامل ہیں جبکہ حملے میں سپاہی عمیراور سپاہی خرم بھی شہید ہوئے۔

    آئی ایس پی آر کا کہنا تھا کہ خود کش حملہ آور اور سہولت کاروں کا پتہ چلایا جارہا ہے ، پاک فوج دہشت گردی کی لعنت کے خاتمے کے لیے پرعزم ہے ، شہدا کی قربانیاں رائیگاں نہیں جائیں گی۔

    شمالی وزیرستان حملہ،صدر،وزیراعظم و دیگر کی مذمت

    صدر مملکت عارف علوی نے شمالی وزیرستان میں پاک فوج کے قافلے پر خودکش حملے کی مذمت کی،صدر مملکت عارف علوی نے پاک فوج کے 4بہادر جوانوں کی شہادت پر اظہارتعزیت کیا اور کہا کہ بزدلانہ حملے ملک کو دہشت گردی کی لعنت اور مظاہر سے نجات دلانے کے عزم کمزور نہیں کر سکتے

    وزیراعظم شہباز شریف کا کہنا ہے کہ میرعلی ،شمالی وزیرستان میں خودکش حملے میں 4 فوجی جوانوں کی شہادت پر مجھ سمیت پوری قوم دکھی اور رنجیدہ ہے۔ اللہ تعالی سے دعا ہے کہ وہ ان شہداء کی ملک کے دفاع اور امن کے لئے دی جانے والی قربانیوں کو قبول فرمائے اور ان کے پسماندگان کو صبر جمیل عطا کرے۔شہداء ہمارے سر کا تاج ہیں۔

    وفاقی وزیر ماحولیاتی تبدیلی سینیٹرشیری رحمان نے پاک فوج کے قافلے پر خود کش حملے کی مذمت کی اور کہا کہ بزدلانہ حملے پاک فوج کے بہادر جوانوں کا حوصلہ پست نہیں کر سکتے،دہشتگردی کی جنگ میں ہر پاکستانی صف اول میں لڑنے والے بہادر جوانوں کے ساتھ ہے دہشتگردی کے خاتمے کے لیے پوری قوم متحد ہے،

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام

    وزیرداخلہ رانا ثنااللہ نے شمالی وزیرستان میں فوجی قافلے پر خودکش حملے کی مذمت کی ہے اور کہا ہے کہ وطن کی خاطر جان دینے والے فوجی جوانوں کو خراجِ تحسین پیش کرتا ہوں وطن کی حفاظت کی خاطر کسی بھی قربانی سے دریغ نہیں کریں گے

    وزیراعلیٰ پنجاب چودھری پرویز الہٰی نے میرعلی میں فوجی قافلے پر خود کش حملے کی مذمت کی ہے اورکہا ہے کہ ہماری تمام ہمدردیاں شہدا کے لواحقین کے ساتھ ہیں، قوم کے بہادر سپوتوں نے وطن عزیز کے امن کیلئے شہادت کا بلند رتبہ پایا،قوم شہدا کی قربانیوں کوفراموش نہیں کرسکتی،

  • آرمی چیف جنرل قمر جاوید باجوہ اوربل گیٹس کے درمیان ٹیلی فونک رابطہ

    آرمی چیف جنرل قمر جاوید باجوہ اوربل گیٹس کے درمیان ٹیلی فونک رابطہ

    چیف آف آرمی سٹاف جنرل قمر جاوید باجوہ اور بل ایند میلنڈا گیٹس فاونڈیشن کے شریک چیئرمین بل گیٹس کے درمیان ٹیلی فونک رابطہ ہوا .

    آئی ایس پی آر کے مطابق آرمی چیف جنرل قمر جاوید باجوہ اور بل گیٹس کے درمیان پاکستان میں صحت عامہ اور پاکستان سے پو لیو کے خاتمہ سے متعلق امور پر تبادل خیال کیا گیا.

    پاک فوج کے شعبہ تعلقات عامہ کا کہنا ہے کہ بل گیٹس نے پولیو مہم کے دوران پاک فوج کے تعاون کو سراہا ہے،آئی ایس پی آر کے مطابق آرمی چیف نے بل کیٹس اور ان کی فاونڈیشن کے اقدامات کی تعریف کی اور انہیں یقین دلایا کہ وہ پولیو فری پاکستان کیلئے اپنا تعاون جاری رکھیں گے.