Category: اہم خبریں

عدم اعتماد سے ایک رات قبل مجھے دھمکی دی گئی،وزیر خارجہ بلاول کا قومی اسمبلی میں انکشاف
باغی ٹی وی کی رپورٹ کے مطابق وفاقی وزیر خارجہ بلاول زرداری کا کہنا ہے کہ مقبوضہ کشمیر سے متعلق بھارت کے یکطرفہ اقدام کو مسترد کرتےہیں

اسپیکر پرویز اشرف کی زیرصدارت قومی اسمبلی کا اجلاس ہوا جس میں وزیرخارجہ بلاول بھٹو نے پالیسی بیان دیا،وزیر خارجہ بلاول زرداری کا کہنا تھا کہ بھارت مقبوضہ کشمیر میں کشمیریوں کی آبادی کو تبدیل کررہاہے، بھارت کی جانب سےمقبوضہ کشمیر کی حیثیت تبدیل کی گئی بھارت نے 5اگست کے بعد غیر کشمیریوں کی آباد کاری شروع کی،بھارت کے ان اقدامات کی پرزور مذمت کرتے ہیں مقبوضہ کشمیر میں بھارتی فوج کے مظالم جاری ہیں بھارت کی خود ساختہ کمیشن کو مسترد کرتے ہیں ،مقبوضہ کشمیر میں حد بندی کمیشن کی رپورٹ کو مسترد کرتے ہیں بھارتی حکومت نئی حد بندیوں کے ذریعے مقبوضہ کشمیر میں مسلمانوں کی آواز کو دبانا چاہتی ہے، جموں کی نشستوں میں کا اضافہ کیا گیا ، مقبوضہ کشمیر میں صرف ایک نشست بڑھائی گئی بھارتی ناظم الامور کو دفتر خارجہ بلا کر سخت احتجاج کیا گیا عالمی برادری کے سامنے یہ معاملہ بار بار اٹھاتے رہیں گے ،ایوان اس معاملے پر متفقہ قرارداد منظور کرے گا،ہندو اقلیت کو اکثریت میں بدلنے کی کوشش کی جا رہی ہے،

قومی اسمبلی میں وزیرخارجہ بلاول بھٹو نے مقبوضہ کشمیر کے حوالے سے قرارداد پیش کردی مقبوضہ کشمیر میں حد بندی کمیشن رپورٹ اور بھارتی حکومت کے اقدامات کے خلاف قرارداد منظور کر لی گئی ،قرارداد میں کہا گیا کہ بھارت کے 6 اگست 2019 کے اقدامات کو ایک بار پھر مسترد کرتے ہیں،

وزیر خارجہ بلاول زرداری کا کہنا تھا کہ بھارتی اقدامات بین الاقوامی قوانین اور سلامتی کونسل کی قراردادوں کے خلاف ہے،بھارتی حکومت یکطرفہ طور پر مقبوضہ کشمیر کی صورتحال کو تبدیل نہیں کرسکتی،پاکستان مقبوضہ کشمیر کے عوام کی ہرطرح سے مدد جاری رکھے گی پاکستان بین الاقوامی سطح پر کشمیر کی مدد جاری رکھے گا،پاکستان کی تاریخ میں بحران ہی رہے ہیں ،

وزیر خارجہ بلاول زرداری کا کہنا تھا کہ حکومت میں آنے سے پہلے صورتحال ٹھیک نہیں تھے ،سلیکٹڈ وزیراعظم کی وجہ سے ملک کو نقصان ہوا،4سال میں سابق وزیراعظم نے ملک میں کوئی ایسا کام نہیں کیا جس کو یاد رکھا جائے سابق وزیراعظم آئین شکنی کرچکے ہیں پیپلز پارٹی اور ن لیگ سیاسی حریف رہ چکے ہیں کیا کوئی سوچ سکتا تھا کہ یہ جماعتیں اتحادی حکومت میں ایک ساتھ ہوں گی ایسے سیاسی حالات صرف تب ہوتے ہیں جب ملک میں جنگی حالات ہوں اس وقت ملک میں ہر شعبے میں بحران ہے گزشتہ چار سال کے دوران ہر ادارے کو متنازعہ بنایا گیا جاتے جاتے عمران خان جمہوریت اور اداروں کو ناقابل تلافی نقصان پہنچا گئے،آئین اور جمہوریت پر حملہ کرنے والوں کے خلاف کارروائی ہونی چاہیے،سابق وزریراعظم خود کو مقدس گائے سمجھتے ہیں ملک میں اداروں پر حملے کیے گئے ،ہمیں نظر اندازنہیں کرنا چاہیے ہمیں غیر آئینی اور غیر جمہوری عمل میں شامل افراد کے لیے کمیشن بنانا چاہیے،معاشی صورتحال کو نقصان پہنچ رہا ہے حالیہ صورتحال سے،جو تین اپریل سے اب تک ہوتا رہا ہے، کیسے چھوڑ دیں، پاکستان کو آئسولیٹ کیا گیا، پانی ، آئینی اور جمہوری بحران پیدا کیا گیا،4سال چور چور کا شور مچاتے رہے کسی کو سزا نہیں دلوا سکے ، خود چور نکلے کیا ہم اس وزیر اعظم کو اجازت دے رہے ہیں، کہ وہ چاہے بول دے اور کوئی پوچھنے والا نہیں،جو احتساب اور کرپشن کی باتیں تین سال سے مسلسل کر رہے ہیں ہمارے کان پک چکے ہیں،جس وزارت کو دیکھیں بے قاعدگیاں اور کرپشن ہی کرپشن ہے،سابق وزیر اعظم کے اپنے خزانے کیسے بڑھے،

وزیر خارجہ بلاول زرداری کا کہنا تھا کہ عدم اعتماد سے ایک رات پہلے مجھے دھمکی دی گئی،یہ دھمکی ایک وفاقی وزیرکے ذریعے مجھ تک پہنچائی گئی ، کہا گیا کہ فوری الیکشن مانیں یا پھر مارشل لا کے لئے تیار ہو جائیں، ہماری کوشش ہونی چاہیے کہ عمران خان کی یہ سازش ناکام ہو، پہلے اصلاحات پھر انتخابات ہوں گے ہم فری اینڈ فیئر الیکشن چاہتے ہیں، تمام غیر جمہوری انتخابی اصلاحات کو ختم کرنا ہوگا،ہم نے پہلے بھی کہا تھا کہ کوئی غیر آئینی اقدام کو تسلیم نہیں کریں گے ،چارٹر آف ڈیموکریسی کے باقی ماندہ کام مکمل کرنا چاہتے ہیں، بنیادی کوڈ آف کنڈکٹ تیار کرنا ہوگا،ایسا فریم ورک تیار کیا جائے کہ تمام ادارے جمہوری اور آئینی انداز سے کام کر سکیں سی او ڈی اور سی او ڈی ٹو اپنی جگہ، اگر معاملات کا حل نہ ہوا تو اگلا الیکشن خونی ہوگا جب ہم بیٹھنے کے لیے تیار نہیں تو کیا رہتا ہے، پھر صرف بندوق اٹھانا رہ جاتا ہے،ہمارا جمہوری نظام ہے، ہر مشکل کا مقابلہ کرنے کے لیے سب کو بنیادی اصول اپنانا ہوگا،

کامیاب تحریک عدم اعتماد،محسن بیگ،پاکستانی صحافت اور ہمارا پوری دنیا میں نمبر

33 برس پرانا مقدمہ کیسے ختم ہوا؟محسن بیگ کیخلاف ایک اورمقدمے کی تحقیقات کا فیصلہ

مطمئن کریں ہتک عزت کا فوجداری قانون آئین سے متصادم نہیں،محسن بیگ کیس،حکمنامہ جاری

کیا آپکے پاس عمران خان کی کوئی "ویڈیو” ہے؟ محسن بیگ سے صحافی کا سوال

محسن بیگ کی ایک مقدمے میں ضمانت منظور

محسن بیگ نے دہشتگردی کے مقدمے میں ضمانت کیلیے ٹرائل کورٹ سے رجوع کرلیا

نو اپریل کو میڈیا نے مارشل لاء نافذ کر دیا،حالانکہ ہوا کچھ بھی نہیں تھا،عدالت

اینکر پرسن ارشد شریف کو ہراساں کیے جانے کے خلاف درخواست پر سماعت ہوئی

اسلام آباد ہائیکورٹ کے چیف جسٹس اطہرمن اللہ نے استفسار کیا کہ ارشد شریف آپ کو اس کے بعد تو کسی نے ہراساں نہیں کیا، ارشد شریف نے عدالت میں کہا کہ اس عدالت کی مداخلت کے بعد کسی نے ہراساں نہیں کیا،فیصل چودھری نے کہا کہ صابر شاکر بیرون ملک میں ہیں اور وہ وطن واپس نہیں آ پا رہے، صابر شاکر کو خدشہ ہے کہ انکو ایئرپورٹ پر گرفتار کر لیا جائے گا،

اسلام آباد ہائیکورٹ کے چیف جسٹس اطہرمن اللہ نے استفسار کیا کہ کیا صابر شاکر کے خلاف بھی کوئی مقدمہ ہے؟ ڈائریکٹر سائبر کرائم ایف آئی اے نے کہا کہ ابھی تک صابر شاکر کے خلاف کوئی مقدمہ درج نہیں ہے،اسلام آباد ہائیکورٹ کے چیف جسٹس اطہرمن اللہ نے استفسار کیا کہ پیکا قانون کا پہلے بہت غلط استعمال ہو چکا، آپ کو کہا تھا کہ آپ نے محتاط رہنا ہے، افضل بٹ آپ بتائیں کہ اس صورتحال پر کیا لائحہ عمل ہونا چاہیے، افضل بٹ نے کہا کہ شہزادہ ذوالفقار ہمارے پی ایف یو جے کے صدر ہیں وہ بات کرینگے،

اسلام آباد ہائیکورٹ کے چیف جسٹس اطہرمن اللہ نے استفسار کیا کہ شہزادہ ذوالفقار 9 اپریل کی رات جو کچھ میڈیا پر چلتا رہا کیا وہ کسی طور بھی درست تھا؟ اس دن تو میڈیا نے مارشل لاء نافذ کر دیا تھا،میڈیا آرمی کی گاڑیاں اور ہیلی کاپٹر دکھا رہا تھا،یہ ساری صورتحال دکھائی گئی، حالانکہ اس رات ہوا کچھ بھی نہیں تھا،میں گھر میں بیٹھا تھا کہا گیا کہ وہ عدالت پہنچ گئے،ہم سب نے ذمہ دارانہ کام کرنا ہے پھر ہی سب ٹھیک ہو گا،

اسلام آباد ہائیکورٹ کے چیف جسٹس اطہرمن اللہ نے استفسار کیا کہ ارشد شریف کیا آپ مطمئن ہیں درخواست نمٹا دیں، شہزادہ ذوالفقار نے کہا کہ عدالت درخواست نہ نمٹائے، ہمیں خطرہ ہے کہ ایف آئی اے کوئی کارروائی کریگی،عدالت نے کہا کہ صحافیوں کے معاملے میں انکے نمائندہ ادارے پی ایف یو جے کو اس میں شامل کر لیں،ڈپٹی اٹارنی جنرل نے کہا کہ قانون میں ضرورت نہیں لیکن عدالت حکم دیتی ہے تو کر لیتے ہیں،عدالت نے کہا کہ کوئی جرم کرتا ہے تو اس پر تو گرفتار کریں، اس سے نہیں روکا، ماضی کا ریکارڈ دیکھ کر یہ کہا ہے کہ اگر صحافیوں کی نمائندہ تنظیم کو شامل کرینگے تو شفافیت آ جائے گی،فواد چودھری نے کہا کہ ایف آئی اے کے کاؤنٹر ٹیرارزم ونگ کے تحت بھی کارروائیاں کی جا رہی ہیں،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ سیاسی قیادت کو غداری اور اس طرح کے الفاظ کسی کے خلاف استعمال نہیں کرنے چاہییں جب تک ریاست ثابت ہونے کے بعد کسی کو غدار قرار نہ دیدے یہ الفاظ استعمال نہ کیے جائیں ،اسلام آباد ہائیکورٹ کے چیف جسٹس اطہرمن اللہ نے فواد چودھری کو کہا کہ ابھی آپ کے استعفے منظور نہیں ہوئے پارلیمنٹ میں جا کر اسے حل کریں، جس پر فواد چودھری نے کہا کہ اس مقبوضہ اسمبلی میں اب کیا جانا، الیکشن کے بعد آ کر کرینگے،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ ابھی جو حکومت میں ہیں اپوزیشن میں ہوتے ہوئے کہتے تھے پیکا درست نہیں ہے، دونوں مل بیٹھ کر اس معاملے کو حل کریں،اسلام آبا دہائیکورٹ نے کیس کی سماعت 26 مئی تک ملتوی کر دی

کامیاب تحریک عدم اعتماد،محسن بیگ،پاکستانی صحافت اور ہمارا پوری دنیا میں نمبر

33 برس پرانا مقدمہ کیسے ختم ہوا؟محسن بیگ کیخلاف ایک اورمقدمے کی تحقیقات کا فیصلہ

مطمئن کریں ہتک عزت کا فوجداری قانون آئین سے متصادم نہیں،محسن بیگ کیس،حکمنامہ جاری

کیا آپکے پاس عمران خان کی کوئی "ویڈیو” ہے؟ محسن بیگ سے صحافی کا سوال

محسن بیگ کی ایک مقدمے میں ضمانت منظور

محسن بیگ نے دہشتگردی کے مقدمے میں ضمانت کیلیے ٹرائل کورٹ سے رجوع کرلیا

ایف آئی اے کا شہبازشریف، حمزہ منی لانڈرنگ کیس کی پیروی نہ کرنیکا فیصلہ،عدالت کا بھی بڑا حکم

ایف آئی اے لاہور نے منی لانڈرنگ مقدمہ میں پیروی نہ کرنے کا فیصلہ کر لیا

ایف آئی اے لاہور نے درخواست اسپیشل سینٹرل عدالت کو جمع کروا دی اسپیشل سینٹرل عدالت کے جج اعجاز اعوان نے درخواست کو ریکارڈ کا حصہ بنا دیا شہباز شریف،حمزہ شہباز سمیت دیگر ملزمان پر آئندہ سماعت پر فرد جرم عائد ہونا ہے

اسپیشل جج نے ایف آئی اے پراسیکیوٹر کی درخواست پر تحریری حکم جاری کر دیا ، حکم میں کہا گیا کہ اسپیشل پراسیکیوٹر ایف آئی اے نے ٹرائل میں عدم دلچسپی کی درخواست دائر کی،اسپیشل پراسیکیوٹر نے کہا کہ ڈی جی ایف آئی اے نے شہباز شریف کیخلاف پیش نہ ہونے کا کہا، وزیراعظم اور وزیر اعلیٰ بننے کے باعث پراسیکیوشن کو پیش ہونے سے روکا گیا،ایف آئی اے حکام نے شہباز شریف، حمزہ شہباز سمیت دیگر کیخلاف ٹرائل میں عدم دلچسپی ظاہر کی، اسپیشل پراسیکیوٹر ایف آئی اے کی عدم پیشی کی درخواست کو ریکارڈ کا حصہ بنا دیا گیا ہے

نواز شریف کو سرنڈر کرنا ہو گا، اگر ایسا نہ کیا تو پھر…عدالت کے اہم ریمارکس

نواز شریف حاضر ہو، اسلام آباد ہائیکورٹ نے طلبی کی تاریخ دے دی

نواز شریف کو فرار کروانے والے پروفیسر محمود ایاز کے نئے کارنامے،سنئے مبشر لقمان کی زبانی

سروسز ہسپتال کو مسلسل ایک منظم گروہ کی بلیک میلنگ کا سامنا ہے،اعلامیہ جاری

کرپشن کے انکشافات پر سروسز ہسپتال انتظامیہ بوکھلاہٹ کا شکار،نواز شریف کو فرارکروانے کے سوال پر نہ دیا جواب

عدالت نے منی لانڈرنگ کیس کا 27 اپریل کی سماعت کا تحریری حکم جاری کردیا عدالت نے شہباز شریف حمزہ شہباز سمیت دیگر کو فرد جرم کےلیے 14 مئی کو طلب کر لیا عدالت نے ایف آئی اے کے اسپیشل پراسکیوٹر کی درخواست کے باوجود ٹرائل جاری رکھنے کا فیصلہ کیا ہے عدالت نے وزیراعظم شہباز شریف اور حمزہ شہباز سمیت دیگر ملزمان کو آئندہ سماعت پر ہر صورت پیش ہونے کا حکم دے دیا،

14 مئی کو وزیراعظم شہباز شریف اور وزیر اعلی حمزہ شہباز پر فرد جرم عائد کی جائے گی،عدالت نے وزیر اعظم شہباز شریف اور حمزہ شہباز 14 اپریل کو اپنی حاضری یقینی بنائے عدالت کا تحریری حکم دے دیا

چولستان کے صحرا میں شدید گرمی، پانی کی قلت، جانور مرنے لگے، حالات انتہائی خراب، حکومت کام کر رہی لیکن مزید توجہ کی ضرورت ہے

چولستان میں گرمی اور پانی کی قلت کی وجہ سے مویشیوں کی موت نے چرواہوں کو پریشان کر دیا ہے، پانی کی کمی اور شدید گرمی کی وجہ سے ٹوبہ سالم سر اور ٹوبہ نواں کھوہ میں زیادہ اموات ہوئی ہیں، پانی کی قلت کی وجہ سے نقل مکانی کا سلسلہ شروع ہو چکا ہے، جانوروں کی زندگیاں بچانا چرواہوں کے لئے مشکل ہو چکا ہے،

ترجمان چولستان لائیو اسٹاک کے مطابق ٹوبہ سالم سر اور ٹوبہ نواں کھوہ زیادہ متاثرہ علاقے ہیں جہاں پانی کی کمی سے 50 بھیڑ ہلاک ہوئے جب کہ متاثرہ علاقوں سے مزید اعدادو شمار جمع کیے جارہے ہیں چولستان کے مختلف علاقوں میں 12 نٹیمیں موجود ہیں دوسری جانب متاثرہ علا قوں کے مقامی افراد کا کہنا ہےکہ تالاب خشک ہونے اور شدیدگرمی سے 125 بھیڑیں ہلاک ہوئی ہیں

کمشنر بہاول پور نے کہا ہے کہ چیف سیکرٹری پنجاب کی ہدایت کے مطابق 11مقامات پربیس کیمپ میں میڈیکل و ویٹرنری اور زراعت سے متعلق سہولیات کو ہنگامی بنیاد پر یقینی بنایا جا رہا ہے۔کمشنر بہاولپور نےچولستان کے علاقہ چنڑ پیر میں قائم میڈیکل و ویٹرنری کیمپ کا معائنہ کیا چولستان میں مزید9میڈیکل و ویٹرنری کیمپ کل تک فعال کردیے جائیں گے۔انہوں نے کہا کہ میڈیکل کیمپس میں ادویات کی فراہمی کے ساتھ ساتھ موبائل ایمبولینس کی24 گھنٹے فراہمی کو یقینی بنایا گیا ہے۔ اسی طرح ریسکیو1122 کی ایمبولینسز بھی کیمپ میں موجود ہیں۔

جام یاسر نجیب الدین نے کہا کہ بارشیں نہ ہونے پر چولستان میں ٹوبے خشک جانور مرنے لگے نہروں میں فوری پانی چھوڑا جائے ورنہ سرائیکی پارٹی احتجاج کرے گی-ان خیالات کا اظہار سرائیکی پارٹی بہاولپور کےرہنماوں جام یاسر ایڈووکیٹ ضلعی صدر نجیب الدین ہاشمی سینئیر نائب صدر اشفاق احمد ڈاہر ایڈووکیٹ نے ہیڈ راجکاں چولستان میں میڈیا سے بات چیت کرتے ہوئے کیا-

انہوں نے کہا کہ چولستان کو آفت زدہ قرار دیا جائے اور چولستان کی چاروں نہروں میں فوری پانی چھوڑا جائے حکومت فوری طور پر پانی پہنچانے میں ناکام رہی تو سرائیکی پارٹی ڈی سی بہاولپور کے آفس کے باہر احتجاج کرے گی اس موقع پر جام حفیظ جام محمد ابراہیم ناصر الحسن موجود تھے-

دریائےسندھ میں پانی کی60 فیصد کمی خطرناک حد تک پہنچ گئی:شیری رحمان

دوسری جانب پی ایس پی کی کور کمیٹی کا اجلاس ہوا ، اجلاس سے خطاب کرتے ہوئے پی ایس پی کی چیئرپرسن ڈاکٹر نخبہ تاج لنگاہ نے کہا کہ صوبے کے قیام میں تاخیر سے عوام بالخصوص کسانوں کو ان کے جائز حصے کے پانی سے محروم کردیا گیا ہے۔

انہوں نے پی ٹی آئی پر تنقید کرتے ہوئے کہا کہ پی ٹی آئی نے سرائیکی صوبہ بنانے کے نام پر عوام کے ساتھ کھلواڑ کیا اور سرائیکی عوام کو مایوس کیا۔

پانی کی منصفانہ تقسیم:سندھ حکومت کا رینجرز کی خدمات حاصل کرنےکا فیصلہ

انہوں نے کہا کہ صوبائی حیثیت نہ ہونے کی وجہ سے این ایف سی ایوارڈ میں سرائیکی عوام کے حقوق کا خیال نہیں رکھا گیا جبکہ سرائیکی خطہ پانی کی غیر منصفانہ تقسیم سے براہ راست متاثر ہو رہا ہے۔ انہوں نے کہا کہ سول سیکرٹریٹ کا ڈھیلا ڈھالا اور بے اختیار ڈھانچہ مضحکہ خیز ہے۔

ڈاکٹر نخبہ نے کہا کہ کور کمیٹی نے ملک کی سیاسی صورتحال اور صوبہ سرائیکی پر تبادلہ خیال کیا، انہوں نے کہا کہ سابق وزیراعظم عمران خان کو چاہیے کہ وہ عوام سے کیے گئے وعدوں کو پورا کرنے کے لیے موجودہ پارلیمنٹ میں مذاکرات کے ذریعے سرائیکی صوبے کا بل پارلیمنٹ میں پیش کریں۔

کور کمیٹی کا اجلاس مرکزی صدر اللہ نواز وینس کی رہائش گاہ پر ہوا جس میں پاکستان سرائیکی پارٹی کے وائس چیئرمین ممتاز خان ڈاہر ایڈیشنل سیکرٹری جنرل شبیر لکشیر ڈپٹی سیکرٹری جنرل ملک جاوید چندر ایڈووکیٹ نے شرکت کی۔ ان کا کہنا تھا کہ عمران خان کے چار سالہ دور حکومت کی کارکردگی مایوس کن رہی۔

کراچی کےعلاوہ ملک کے مختلف حصے ہیٹ ویو کی لپیٹ میں ہیں،محکمہ موسمیات

کور کمیٹی نے متنبہ کیا کہ اگر تینوں جماعتیں سرائیکی صوبے پر مبنی انتخابی مہم کے لیے خطے میں آئیں تو ان کے رہنماؤں کا سیاہ جھنڈوں سے استقبال کیا جائے گا۔

انہوں نے کہا کہ عمران کو چاہیے کہ وہ اپنے سیاسی موقف کو بہتر بنانے کے لیے سرائیکی صوبے کے حوالے سے پیش رفت کریں اور اس سلسلے میں پارلیمنٹ کو اہم کردار ادا کرنا چاہیے، شرکاء نے مزید کہا کہ چولستان اور تھل میں پانی کی عدم دستیابی ایک بہت بڑا انسانی المیہ ہونے جا رہا ہے۔انہوں نے حکمرانوں سے چولستان اور تھل میں ترجیحی بنیادوں پر پانی فراہم کرنے کا مطالبہ کیا۔

پاکستان بھر میں پانی کی قلت کی وجہ سے کاشت کار مسائل کا سامنا کررہے ہیں:بلاول بھٹو

واضح رہے کہ پاکستان شدید ترین موسمی تغیرات کا شکار ہونےلگاہے پانی کی قلت اور گرمی کی شدت کے باعث چولستان میں رہنے والوں کےلیےزندگی گزارنا مشکل ہو گیا ہےجس کےسبب ایک بڑی آبادی صحرا کو چھوڑکرآبادیوں کی طرف نقل مکانی کررہی ہے چولستانیوں کی ساری متاع ہی ان کے جانور ہیں جن پر ان کی زندگی کا انحصار ہے چولستانی لوگوں کو برسوں سے ہر سال موسم گرما میں شدید گرمی اور پانی کی قلت کا سامنا کرنا پڑتاہے لیکن کسی حکومت نے آج تک ان کی مشکلات دور کرنے کی کوشش نہیں کی۔

اس سال بھی موسم گرما کی شدت اور پانی کی کمی کے باعث خشک حالی کا شکار صحرائے چولستان میں ہیٹ سٹروک کے باعث مویشی مرنے لگے کچھ عرصے سے خشک حالی کا شکار صحرائے چولستان کو ہیٹ اسٹروک کا سامنا ہے بارشیں نہ ہونے کے سبب چولستان کے ٹوبے اورجوہڑ خشک ہیں جس کی وجہ سے چولستانی آبادکار شہروں کا رخ کر رہے ہیں تا کہ نہروں سے اپنی اور اپنے جانوروں کی پیاس بھجا سکیں۔ نہریں بھی خشک پڑ ی ہیں، جس کے باعث انسانوں اور مویشیوں کی زندگیاں دائو پر لگ چکی ہیں۔

حکمہ لائیو سٹاک کےمطابق چولستان میں پانی کی قلت اورہیٹ سٹروک سے 200سے زائد بھیڑیں اورمویشی ہلاک ہوچکے ہیں جبکہ بارشیں نہ ہونے سے تالاب مکمل طور پر خشک ہوگئے ہیں، جس کے باعث مقامی افراد پینے کے پانی سے بھی محروم ہورہے ہیں۔

چولستان کے مکینوں کا کہنا تھا کہ یہ تالاب ہی ان کے لئے پانی کا ذخیرہ ہیں تاہم طویل عرصے سے تالابوں کی صفائی نہ ہونے سے بارش کا پانی ضائع ہوجاتا ہے اور نتیجے کے طور پر خشک سالی کا سامنا ہے۔دوسری جانب پانی کی کمی کے باعث ریگستان کا جہاز اونٹ بھی سست اور بیمار پڑنے لگا ہے۔

ضرورت اس امر کی ہے کہ چولستان کو آفت زدہ علاقہ قرار دیتے ہوئے وہاں ریلیف کے اقدامات کیے جائیں اور فوری طور پر چولستان میں پانی فراہم کرنے والی واٹر پائپ لائنوں کو چلایا جائے تا کہ چولستان میں انسانوں اور ان کے جانوروں کو بچایا جا سکے۔

صحرائے چولستان میں شدید گرمی،تالاب خشک ہوگئے،پینے کا پانی نایاب،درجنوں بھیڑیں مر…