عبادتگاہ کی جگہ پر جلسہ،مسیحی برادری کا احتجاج، باغی ٹی وی کی لمحہ بہ لمحہ کوریج
باغی ٹی وی کی رپورٹ کے مطابق تحریک انصاف نے سیالکوٹ میں جلسے کا اعلان کر رکھا ہے
تحریک انصاف نے مسیحی عبادتگاہ کی جگہ جلسے کا اعلان کیا تھا تا ہم حکومت کی جانب سے اجازت نہ ملی، تحریک انصاف نے زبردستی جلسے کی کوشش کی تو حکومت ایکشن میں آئی اور گرفتاریاں کیں، جس کے بعد اب تحریک انصاف نے جلسے کا مقام بدل لیا ہے، پی ٹی آئی نے سی ٹی آئی گراؤنڈ کی جگہ وی آئی پی گراؤنڈ میں جلسے کا اعلان کر دیا
وی آئی پی گروانڈ میں جلسہ کی تیاریاں شروع کر دی گئی ہیں،کنٹینر کرسیاں اور لائٹس گراؤنڈ میں پیچھا دی گئیں،پی ٹی آئی رہنما محمود الرشید کا کہنا ہے کہ 10ہزار کرسیاں خواتین کے لیے لگائی جا رہیں ہیں جلسے کے انتظامات کا جائزہ لینے کے لیے محمود الرشید نے گروانڈ کا دورہ کیا،ڈی پی او سیالکوٹ کا کہنا ہے کہ جلسہ کے انعقاد کے لیے بھرپور سیکیورٹی فراہم کی جائے گی، عمران خان کو ان کے رتبے کے مطابق سیکیورٹی مہیا کی جائے گی
تحریک انصاف جس جگہ جلسہ کر رہی تھی وہ جگہ مسیحی برادری کی عبادتگاہ کی جگہ ہے، مسیحی برادری ہر برس وہاں عبادتگاہ کا اجتماع کرتی ہے، مسیحی برادری نے پی ٹی آئی کی جانب سے جلسے کے اعلان کے بعد نہ صرف شدید احتجاج کیا بلکہ ڈی سی سیالکوٹ کو خط بھی لکھا کہ ہمارے مذہبی جذبات کو مجروح نہ کیا جائے، مسیحی برادری نے اس مقام پر جلسے کے خلاف عدالت سے بھی رجوع کیا،لاہور ہائیکورٹ نے گزشتہ روز فیصلے میں کہا کہ ڈی سی سیالکوٹ فیصلہ کریں اور متبادل جگہ پر جلسے کی اجازت دے دیں، عدالت نے اپنے فیصلے میں دیگر جہگوں کے بارے میں بھی بتایا ،ڈی سی نے اس مقام پر اجازت نہ دی جس کے بعد پی ٹی آئی اسی عبادتگاہ کے مقام پر ہی جلسہ کرنے پر بضد تھی، پی ٹی آئی کارکنان جمع ہوئے تو انتظامیہ نے ایکشن لیا اور گرفتاریاں کرنا شروع کر دی، لاہور ہائیکورٹ نے فیصلے میں کہا تھا کہ پرائیویٹ پراپرٹی ہے اور جس کی ملکیت ہے اسکی اجازت کے بغیر حکومت بھی جلسے کی اجازت نہیں دے سکتی،
باغی ٹی وی نے سیالکوٹ میں جلسے کے حوالہ سے تمام تر واقعات کو رپورٹ کیا، باغی ٹی وی نے مسیحی برادری کے احتجاج کی بھی کوریج کی ، سیالکوٹ جلسے کے حوالہ سے مسیحی برادری کی جانب سے ڈی سی سیالکوٹ کو درخواست دینے کی خبر بھی شائع کی تھی، مسیحی برادری کا کہنا ہے کہ ہماری عبادتگاہ کی جگہ پر جلسہ کر کے ہمارے مذہبی جذبات کو مجروح نہ کیا جائے،
پی ٹی آئی جس گراؤنڈ میں جلسہ کرنا چاہتی تھی وہ چرچ کے بالکل ساتھ ہے، پی ٹی آئی کی جانب سے سٹیج بھی چرچ کے ساتھ ہی لگنا تھا، اسی مقام پر مسیحی سکول بھی موجود ہے، مسیحی برادری نے اس مقام پر جلسہ کرنے کی مخالفت کی تھی، باغی ٹی وی کو موصول ویڈیو میں دیکھا جا سکتا ہے کہ جہاں پی ٹی آئی کا سٹیج ہے اور اس کے بالکل پیچھے چرچ کی عمارت ہے۔ یہاں سکول بھی موجود ہے اور یہ گراؤنڈ مسیحی ٹرسٹ کی ملکیت ہے۔ انہوں نے پہلے ہی انتظامیہ کو درخواست دے دی تھی ہم جلسہ کرنے کی اجازت نہیں دیں گئے
آج سیالکوٹ جاوں گا،عمران خان کا اعلان
سیالکوٹ جلسے سے قبل تحریک انصاف کے رہنماؤں و کارکنان کی گرفتاریوں کے بعد عمران خان نے سیالکوٹ جانے کا اعلان کر دیا،عمران خان کا کہنا تھا کہ اس میں کوئی شک نہیں کہ میں آج سیالکوٹ جاوں گا،امپورٹڈ حکومت نے سیالکوٹ میں کارکنوں کے خلاف جو کیا وہ اشتعال انگیز ہے، لندن میں مافیا باس نے ہمیشہ مخالفین کے خلاف فاشسٹ ہتھکنڈے استعمال کیے،ہماری حکومت نے ان کے کسی جلسے، دھرنے، جلسے کو کبھی نہیں روکا،ہم جمہوریت کے لیے پرعزم ہیں، میں آج سیالکوٹ میں ہوں گا، لوگ امپورٹڈ حکومت کے خلاف عشا کی نماز کے بعد اپنے علاقوں میں باہر نکلیں جب وہ اقتدار میں ہوں تو سپریم کورٹ پر دھاوا، ماڈل ٹاؤن قتل و غارت، ججوں کو رشوت دیتے ہیں، یہ جب اپوزیشن میں ہوتے تو جمہوریت کا غلط استعمال کرتے ہیں، جب اقتدار میں ہوتے ہیں تو تمام جمہوری اصولوں کو مکمل طور پر تباہ کرتے ہیں عوام اب ان کے خلاف کھڑے ہو چکے ہیں
پی ٹی آئی کا سی ٹی آئی گراؤنڈ کی جگہ وی آئی پی گراؤنڈ میں جلسے کا اعلان
پی ٹی آئی نے سی ٹی آئی گراؤنڈ کی جگہ وی آئی پی گراؤنڈ میں جلسے کا اعلان کر دیا،شفقت محمود کا کہنا تھا کہ پی ٹی آئی سیالکوٹ وی آئی پی کرکٹ گراونڈ میں جلسہ کرے گی ن لیگ گرفتاریوں سے سیالکوٹ جلسہ نہیں روک سکتی،ہمارے گرفتار کارکنوں کو فوری رہا کیا جائے، ملک میں شدید آئینی بحران ہے ہم جمہوری اور پرامن طریقے سے جلسہ کرناچاہتےہیں، امپورٹڈ حکومت کی آنیاں جانیاں ہے مگر کام کچھ نہیں، الیکشن ضروری ہیں تاکہ حکومت فریش مینڈیٹ لے کر آئے، ہماری ساری جدوجہد پر امن ہے اور الیکشن کے لیے ہے عثمان ڈار اور عمر ڈار کو رہا کیا جائے،
اسپیکر پنجاب اسمبلی پرویز الہٰی نے شفقت محمود کو ٹیلی فون کیا پرویز الہٰی نے جلسہ کے حوالے سے ق لیگ کے تعاون کی یقین دہانی کروائی
دوسری جانب عوامی مسلم لیگ کے سربراہ سابق وفاقی وزیر داخلہ شیخ رشید احمد کا کہنا ہے کہ 17اور 18 مئی سے پی ٹی آئی کے کارکنوں کی گرفتاریاں شروع کر دی جائیں گی جو کھڈا اور سازش عمران خان کیلئے بنائی گئی تھی اس کھڈے میں اپوزیشن خود گر گئی ہے آصف زرداری نے نون لیگ سے پرانہ قرضہ بمعہ سود واپس لیا ہے جو لوگ اداروں کو کمزور اور بے خبر سمجھتے ہیں وہ عقل کے اندھے ہیں جس وزیر اعظم اور وزیر اعلیٰ پر منی لانڈرنگ پر فرد جرم آج عائد ہونے تھی اسے طاقت اور بہانے کے زور پر ملتوی کیا جائے 4 دن کی لندن یاترا پاکستان مسلم لیگ (ن) سے مزید غلط فیصلے کرائے گی اور اسے مزید پھنسائے گی اور ملک کو ڈیفالٹ کرائے گی
شیخ رشید احمد کا مزید کہنا تھا کہ ڈی جی ایف آئی اے ثنااللہ عباسی کو اس لیے ہٹایا گیا کیونکہ انہوں نے حمزہ اور شہباز کے منی لانڈرنگ کے کیسسز واپس لینے سے انکار کر دیا تھا جس نیب کے قانون کی زد میں اپوزیشن لیڈر آتے ہیں اسے ختم کیا جا رہا ہے آئندہ آنے والے 15دن سیاست میں بہت اہم ہونگے اگر 15مئی فیصل آباد اور 20مئی کو ملتان کا جلسہ بھی نہ کرنے دیا گیا تو لانگ مارچ کی تاریخ کا اعلان 20مئی سے پہلے بھی ہو سکتا ہے طاقت کا استعمال کیاگیا تو پی ٹی آئی اور بھی اٹھے گی،
تحریک انصاف سیالکوٹ کے رہنما اسجد ملہی کا کہنا ہے کہ ہم پر امن تھے ، فجر کے وقت دھاوا بولا گیا آنسو گیس ، لاٹھی چارج کیا ،ہوائی فائرنگ کی گئی،دوستوں اور قیادت کو گرفتار کیا ،3 گھنٹے مذاکرات کرتے رہے عثمان ڈار سمیت 40کارکن گرفتار ہیں،
ضلعی انتظامیہ کی جانب سے سی ٹی آئی گراؤنڈ میں جلسے کی پی ٹی آئی کی درخواست مسترد کرنے کے باوجود تحریک انصاف کی جانب سے سی ٹی آئی گراؤنڈ میں جلسے کی تیاریاں جاری تھیں جس پرپولیس نے سی ٹی آئی گراؤنڈ میں انتظامات کرنےپرکریک ڈاؤن کرتے ہوئے تحریک انصاف کے رہنما عثمان ڈار سمیت متعدد افراد کو حراست میں لے لیا-
قبل ازیں وزیراعلیٰ پنجاب حمزہ شہباز کا کہنا ہے کہ سیالکوٹ جلسے کرنے پر اقلیتی برادری کو اعتراض ہے،مسیحی برادری نے سیالکوٹ جلسہ کرنے پر تحفظات کااظہار کیا پی ٹی آئی والےاقلیتی برادری کی جگہ چھوڑ کر کسی اور مناسب جگہ پر جلسہ کرلیں،
وفاقی وزیر اطلاعات مریم اورنگزیب کا کہنا ہے کہ فاشسٹ اورکرپٹ کو عوام جگہ نہیں دینا چاہتے تو اس میں حکومت کہاں سے آگئی؟ اگر لوگ نجی ملکیتی جگہ دینے کو تیار نہیں تو اس میں رانا ثنا اللہ کا کیا قصور ہے؟ عمران خان یہ چاہتے ہیں کہ زبردستی سے نجی ملکیت پر جلسے کا بندوبست کیاجائے،عمران خان اور ان کی جماعت مسیحی برادری اور ان کے مذہبی جذبات کا احترام کرے ،حکومت مسیحی کمیونٹی کے احتجاج کو نظر انداز نہیں کرسکتی پی ٹی آئی کو اسپورٹس جمنازیم پسرور پر جلسہ کرنے کی تجویز کیوں قبول نہیں؟ عمران خان صرف ڈرامہ کرنا چاہتے ہیں، ان کا مقصد صرف تماشا لگانا ہے
وفاقی وزیر ریلوے خواجہ سعد رفیق کا کہنا ہے کہ سیالکوٹ میں چرچ کی ملکیتی گراؤنڈ میں زبردستی جلسہ کرنا اقلیتوں کودبانے کی کوشش ہے،جلسہ ضرور کرو ،بونگیاں مارو، انتظامیہ جگہ دینے کو تیار ہے کسی کی پرائیویٹ پراپرٹی اسکی مرضی کے بغیر استعمال کرنا بدمعاشی ہے جمہوریت نہیں
وفاقی وزیر دفاع خواجہ آصف کا کہنا تھا کہ سیالکوٹ میں چرچ کی پراپرٹی پر بغیر اجازت کےجلسہ نہیں ہوسکتا عدالت نے بھی روکا ہو تو کسی اور جگہ جلسہ ہوسکتا ہے،ن لیگ کا قطعی طور پر اسمیں کوئی کردار نہیں جلسہ کرنا بنیادی جمہوری حق ہے اور اسمیں رکاوٹ ڈالنا ہمارا شیوہ نہیں ،ہم اپنےمخالفین کے حقوق کے تحفظ کےبھی حامی ہیں،
دوسری جانب ن لیگی رہنما عطاء اللہ تارڑ کا کہنا ہے کہ پی ٹی آئی والے سیالکوٹ اسٹیڈیم میں جلسہ کیوں نہیں کرتے،چرچ کی زمین پر جلسہ کرنے کی اجازت نہیں دیں گے، مسیحی برادری کے جذبات مجورح نہیں ہونے دیں گے یہ سیاسی نہیں بلکہ مذہبی مسئلہ ہے، ہم پی ٹی آئی کا بھرپور تعاون کریں گے اگر یہ سیالکوٹ اسیٹڈیم میں جلسہ کریں، اگر سیاسی رہنماؤں کی گرفتاریاں بھی عمل میں لانی پڑیں تو کریں گے،فواد چودھری کو کہتا ہوں چھوٹی موٹی دیہاڑیاں لگانا بند کر دیں، فواد چودھری آج بھی کیسز کی فیس میں کمیشن کھاتا ہے، پچھلے وزیر اعظم نے ملک کو دونوں ہاتھوں سے لوٹا،اگلی دفعہ جہلم میں فواد چودھری کو چھپنے کی جگہ نہیں ملے گی،
تحریک انصاف کے رہنما شاہ محمود قریشی کا کہنا ہے کہ آج پنجاب میں ہمارا پہلا جلسہ منعقد نہیں ہو رہا، ہم نے اٹک، جہلم، میانوالی میں پر امن جلسے منعقد کیے، آج سیالکوٹ میں جلسے کیلئے ضلعی حکومت سے اجازت لی تھی جلسہ گاہ کا تعین انتظامیہ کے ساتھ مذاکرات اور مشاورت کے ذریعے اتفاق رائے کے بعد کیا گیا تھا گزشتہ رات تک ضلعی انتظامیہ اور ہمارے کارکنان مل کر انتظامات کو حتمی شکل رہے تھے ،رات تک سب ٹھیک چل رہا تھا، اوپر سے ایک فون آیا اور انتظامیہ کا رویہ تبدیل ہو گیا ،سمجھ سے بالاتر ہے کہ آج وہ ماحول کو خراب کرنے پر کیوں تلے ہوئے ہیں،ہمارے کارکنوں پر لاٹھی چارج اور انہیں بلاجواز گرفتار کیوں کیا گیا؟ میرے خیال میں یہ ایک نیا لندن پلان ہے جس پر عمل شروع کر دیا گیا کارکنان جلسے میں شرکت کیلئے نکلیں گے اور شیڈول کے مطابق ہو گا،کارکنان پر کسی قسم کا تشدد کیا گیا تو اس کے ذمہ دار حمزہ شہباز اور ضلعی انتظامیہ ہو گی، ہم اپنے پرامن احتجاج کے آئینی حق سے ہرگز پیچھے نہیں ہٹیں گے،پھر کہہ رہا ہوں ہوں کہ ہوش کے ناخن لیں، قانونی اور آئینی فیصلے کریں، ہمارے گرفتار کیے گئے کارکنان کو فوری طور پر رہا کیا جائے، عمران خان آج سیالکوٹ تشریف لائیں گے اور خطاب کریں گے،
تحریک انصاف کے رہنما حماد اظہر کا کہنا ہے کہ دنیا کی کوئی تحریک ہتھکنڈوں سے نہیں روکی جاسکتی پہلے بھی کہاتھا کہ الیکشن مسئلے کا حل ہے امپورٹڈ حکومت کے رویے کے خلاف ہر جگہ احتجاج ہوا ہم اب بھی کہہ رہے ہیں کہ عوام سے فریش مینڈیٹ لیا جائے،پورے لاہور میں آج ریلیاں نکلیں گی،پورے پاکستان میں عشا کے بعد احتجاج ہوگا،جس گراونڈ میں ہمیں جلسہ کرنے سے روکا گیا ن لیگ وہاں کرتی رہی ہے،اگر آج عمران خان ٹویٹ کر دیں تو یہ سب ریزہ ریزہ ہوجائے گا، این آر اوتھری کی تیاری کی جارہی ہے،رات کو اہل لاہور 8 بجے لبرٹی میں اکٹھے ہورہے ہیں،ہم اکیلے نہیں ،قوم ہمارے ساتھ ہے
سپیکر پنجاب اسمبلی چودھری پرویز الہیٰ کا کہنا ہے کہ عمران خان کی عوام میں مقبولیت دیکھ کر بچہ حکمران گھبرا گیا پی ٹی آئی کا جلسہ لازمی ہونا ہے جو ان کا بنیادی حق ہے بغیر خرچے جلسے کی تشہیر پر عثمان ڈار کی طرف سے حمزہ شہبازکو شکریہ ادا کرنا چاہیے جلسے کی تشہیر اور جوش پیدا کرنے کا کام عثمان ڈار کا تھا جو حمزہ شہباز نے کرلیا جمہوریت کی خدمت کا جو یہ دعویٰ کرتے ہیں اس کو پورا نہیں کرتے،
تحریک انصاف کی رہنما شیریں مزاری کا کہنا ہے کہ یہ سمجھتے ہیں کہ تشددسے لوگ نہیں نکلیں گے؟ انہوں نے سبق نہیں سیکھا، ابھی ہمیں انہیں سبق سکھانا پڑے گا،جب قوم کھڑی ہو جاتی ہے تو انہیں کوئی نہیں روک سکتا، کیا امریکہ کی رجیم چینج سازش کا یہ بھی حصہ ہے؟ رانا ثنااللہ، خواجہ آصف اور باقی امپورٹڈ چور سن لیں،ساری قوم نکلے گی،ہمارے جلسے ہوں گے اور ہوتے رہیں گے، عمران خان 20 کو کال دیں گے،ہم کسی سے نہیں ڈرتے،
تحریک انصاف کے رہنما بابر اعوان کا کہنا تھا کہ عثمان ڈار، خالی ہاتھ پی ٹی آئی ورکرز کے ساتھ، جلسہ آرگنائیز کررہا تھا امپورٹڈ کی کال پر سرکاری مشینوں، آنسو گیس اور شیلینگ کا استعمال کیاگیا ، سپریم کورٹ آف پاکستان کو فوراً سوموٹو نوٹس لینا چاہیے،
تحریک انصاف کی رہنما ڈاکٹر فردوس عاشق اعوان کا کہنا ہے کہ ہم نے پولیس کی طاقت سے کسی کا جلسہ نہیں روکا،ڈی سی، ڈپی او کٹھ پتلیاں ہیں، دوسروں کے اشارے ناچ رہی ہیں ہم عدالت سے رجوع کریں گے،کارکن امپورٹڈ حکومت کے خلاف سیسہ پلائی دیوار ہیں،عمران خان سیالکوٹ جلسہ کرنے آرہے ہیں،عقل کے اندھوں نے جلسہ روکنے کی ناکام کوشش کی ہے ،جلسہ روکنے کیلئے اقلیتی برادری کو ڈھال بنایا گیا ہے،
تحریک انصاف کے رہنما علی زیدی کا کہنا ہے کہ سیالکوٹ میں پولیس کی بربریت اور ریاستی دہشت گردی کی قابل مذمت ہے،امپورٹڈ حکومت جانتی ہے کہ اس کے دن گنے جا چکے ہیں امپورٹڈ حکومت گھبراہ رہی ہے،لوگوں کے غضب سے ڈرو، چھپنے کی جگہ نہیں ملے گی
مسلم لیگ ن کی رہنما مریم نواز کا کہنا تھا کہ تمام اقلیتوں کے حقوق کی رکھوالی کرناحکومت کی اولین ذمہ داری ہے،مسیحی برادری احتجاج کررہی ہے کہ چرچ کی گراونڈ میں جلسہ عبادت گاہ کی توہین ہے جلسہ کرنا آپ کا حق ہےمگر مذہبی جذبات کو ٹھیس پہنچانے کی اجازت نہیں ہوگی
وفاقی وزیر شیری رحمان کا کہنا تھا کہ تحریک انصاف نے ایک جلسے کی خاطر سیالکوٹ کو میدان جنگ بنایا ہوا ہے، جلسے کے لئے گرجا گھر کا انتخاب کیوں کیا گیا؟ گرجا گھر کے تقدس کے لئے مسیحی برادری کو احتجاج کرنا پڑا،مدینہ کی ریاست بنانے کے دعویداروں کو دوسروں کے مذہبی جذبات کا خیال رکھنا چاہئے تھا،عمران خان ملک میں نفرت کو فروغ دینا بند کریں،ان کی وجہ سے ملک میں تقسیم دن بدن بڑھتی جا رہی ہے،یہ اپنی سیاست کے خاطر ایک بدترین اور خطرناک صورتحال پیدا کر رہے ہیں،تحریک انصاف کا طریقہ سیاست ملک و قوم کیلئے ناسور بن چکا ہے، ملک اس طرح کی سیاست برداشت نہیں کر سکتا،
شفقت محمود نے حکومت پنجاب کو وارننگ جاری کر دی
تحریک انصاف کے رہنما عثمان ڈار سمیت متعدد افراد زیرحراست-
عبادتگاہ کی جگہ پرپی ٹی آئی کا جلسہ،لاہور ہائیکورٹ کا حکمنامہ جاری،مسیحی برادری کا احتجاج
عبادتگاہ کیلئے مختص جگہ کو پی ٹی آئی کے سیاسی مقاصد کیلئے استعمال نہیں کرنے دینگے،ڈاکٹر مجید ایبل
قبل ازیں مسیحی رہنما ،ایگزیکٹو سیکرٹری پرسبٹرین چرچ آف پاکستان ڈاکٹر مجید ایبل نے تحریک انصاف کی جانب سے سیالکوٹ میں عبادتگاہ کی جگہ پر جلسہ کرنے کے اعلان پر اپنے رد عمل کا اظہار کیا ہے سکول کا کیمپس تعلیم کے لئے ہیں، ہم چاہتے ہیں کہ تعلیم کو فروغ دیں،یہاں سالانہ عبادتی پروگرام ہوتا ہے،تحریک انصاف اب وہاں جلسہ کرنا چاہتی ہے، کیمپس کو کسی سیاسی مقصد کے لئے استعمال نہیں ہونے دیں گے، بحرانی صورتحال پر قابو پانے کے لئے ڈی سی کو درخواست دی ہے، ہم تمام فورم پر کام کر رہے ہیں،ہمیں انصاف دیا جائے گا، تعلیم کے لئے کیمپس کو کسی بھی سیاسی مقصد کے لئے روکنے میں ہماری مدد کریں، مسیحی پریشانی کا شکار ہیں، انکو تسلی دیتے ہیں کہ کوئی سیاسی مقصد کے لئے سکول کو استعمال نہیں کر سکے گا، وطن عزیز ہمیشہ سربلند اور سرفراز ہو
تحریکِ انصاف کی سیالکوٹ جلسے کے لیے عیسائی عبادت گاہ کی گراونڈ پر قبضہ جمانے کی کوشش پر سیالکوٹ کی کرسچن کمیونٹی نے شدید احتجاج کیا ہے، سی ٹی آئی بارہ پتھر گراؤنڈ چرچ کی ملکیت ہے.سی ٹی آئی گراؤنڈ 118 سالوں سے مسیحی عبادتوں کے لئے استعمال ہو رہی ہے. مسیحی برادری میں گراؤنڈ کو سیاسی جلسے کے لئے استعمال کرنے جیسے عمل سے شدید پریشانی پائی جا رہی ہے
عمران خان نے کل اداروں کے خلاف زہر اگلا ہے،وزیراعظم
عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔
اداروں کیخلاف ہرزہ سرائی کے پیچھے کرپشن اور فارن فنڈنگ کیس کا خوف ہے،آصف زرداری
عمران خان اگلے سال الیکشن کا انتظار کریں،وفاقی وزیر اطلاعات
موجودہ سیاسی صورتحال میں فوج پر بلا وجہ الزامات،بلاوجہ منفی پروپیگنڈہ
سیاسی مفادات کے لئے ملک کونقصان نہیں پہنچانا چاہئے
فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ
