Category: اہم خبریں

اسلام آباد: ایف اے ٹی ایف نے جعلی شناختی کارڈز سے کاروبار کرنے والوں کی فہرست طلب کرلی۔

باغی ٹی وی : تفصیلات کے مطابق ایف اے ٹی ایف نے جعلی شناختی کارڈز سے کاروبار کرنے والوں کی فہرست طلب کرلی نادرا نے ایسے کاروباری شہریوں کی تفصیلات ایف بی آر کو فراہم کردیں، ایف بی آر نے بینکوں سے ان شناختی کارڈذ پر بنائے گئے اکاؤنٹس کی تفصیل طلب کرلی۔

غریب آدمی کیلئے بنیادی اشیا کی خریداری بہت مشکل ہوچکی،جہانگیر ترین

جعلی شناختی کارڈز کی بنیاد پر رجسٹرڈ افراد کی تعداد ہزاروں میں ہےنادرا نے جعلی شناختی کارڈز کا کھوج لگانے کا عمل 4 ماہ قبل شروع کیا فنانشل مانیٹرنگ یونٹ نے سب سے پہلے ان شناختی کارڈز کی تفصیل حاصل کی، یہ تفصیل منی لانڈرنگ میں ملوث افراد کا کھوج لگانے کے لیے استعمال کی جارہی ہے۔

شیخ رشید ہر بوٹ میں فٹ ہو جاتے ہیں، سینیئر رہنما جے یو آئی

جعلی بنک اکاؤنٹس بنانے والے بینک حکام کی نشاندہی کا عمل بھی جاری ہے سیلزٹیکس میں جعلی کارڈ استعمال کرنے والوں کی فہرستیں بھی مرتب کی جائیں گی جعلی کارڈ پرامپورٹ لائسنس حاصل کرنے والوں کا کھوج بھی لگایا جائے گا۔ آئندہ 2 ماہ میں ڈیٹا کی تصدیق اسٹیٹ بینک آف پاکستان سے بھی کرائی جائے گی۔

علاوہ ازیں بیرون ملک سے رقوم بھیجنے والوں اور وصول کنندگان کے شناختی کارڈز کی بھی سکریننگ ہوگی۔

دوسری جانب سکھر میں نیب افسر کرپشن سیکریسی آؤٹ کرنے پر برطرف کر دیا گیا سابق اسسٹنٹ ڈائریکٹر سکھر کو نیب حکام نے برطرف کیا فہیم اللہ وگن کی برطرفی کا نوٹیفکیشن جاری کر دیا گیا چیئرمین نیب کی منظوری کے بعد نوٹیفکیشن کچھ دن قبل جاری کیا گیا۔

گوادر: غیر قانونی ماہی گیری کے خلاف بڑا ایکشن، 40 گرفتار:پھردھرنے کا امکان

فہیم وگن کے پی کے میں تعینات تھےاسسٹنٹ ڈائریکٹر پر مس کنڈکٹ اور خفیہ معاملات آئوٹ کرنے کا الزام ثابت ہونے پر کاروائی ہوئی ذرائع کے مطابق کرپشن کے خلاف کام کرنے والے افسر پر کرپشن بھی ثابت ہوئی۔ فہیم وگن نے سکھر میں تعیناتی کے دوران کئی اہم کیس پکڑے اور ریفرنس دائر کیےاسسٹنٹ ڈائریکٹر پر مس کنڈکٹ اور خفیہ معاملات آؤٹ کرنے کا الزام ثابت ہوا تھا افسر پر کرپشن بھی ثابت ہوئی۔

الحمدللہ : درآمدات میں کمی، برآمدات میں اضافہ ہورہا ہے: مشیر تجارت نے خوشخبری…

کراچی:نوازشریف کوبرطانیہ سے دربدرکروا کرپاکستان لانے کیلئےلاہور ہائیکورٹ میں درخواست دینے کا فیصلہ ،اطلاعات کے مطابق وفاقی وزیر اطلاعات فواد چودھری نے کہا ہے کہ نواز شریف کو واپس لانے کیلئے حکومت شہباز شریف کے خلاف لاہور ہائی کورٹ میں درخواست دے گی۔

کراچی میں برطانوی خبررساں ادارے سے گفتگو کے دوران وزیر اطلاعات فواد چودھری نے کہا کہ شہباز شریف نے بھائی کے واپس آنے سے متعلق ضمانت دی تھی، عدالت عالیہ کو بھی معاملے کا ازخود نوٹس لینا چاہیے۔

وفاقی وزیراطلاعات نے کہا کہ شہباز شریف نے بڑے بھائی کا بیان حلفی جمع کرایا، اگر وہ نوازشرف کو نہیں بلاتے تو جعلی حلف نامہ دینے پر کارروائی ہونی چاہئے۔ نوازشریف کی واپسی کیلئےاٹارنی جنرل کووزیراعظم نے ہدایت دے دی۔

وفاقی وزیر نے کہا کہ پاکستان میں بین الاقوامی منڈی کی وجہ سے اشیا اور تیل کی قیمتوں میں اضافہ ہوا۔عالمی سطح پر مہنگائی کے اثرات پاکستان پر پڑے ہیں۔ ہم نےانڈسٹری کو بہتر کیا، 32 ارب ڈالر کا قرضہ واپس کر چکے ہیں، 55 بلین ڈالر واپس کرنےہیں۔ نجی سیکٹر ملازمین کی تنخواہوں میں اضافہ نہیں کر رہا، نجی کمپنیاں خود منافع کما رہی ہیں مگرملازمین کی تنخواہوں میں اضافہ نہیں کرتیں۔

ان کا کہنا تھا کہ پنجاب میں صحت کارڈ کی سہولت فراہم کر دی، عوام نجی ہسپتالوں سےعلاج کرا سکیں گے۔ سندھ حکومت صوبے میں صحت کارڈ کے منصوبے کا آغاز کرے، احساس راشن پروگرام میں سندھ حکومت حصہ نہیں لے رہی۔

نئی دہلی : 10 وزرا اور 20 اراکین اسمبلی کرونا کا شکار:حالات پھرقابو سے باہرہونے لگے ،اطلاعات کے مطابق کرونا وائرس کی عالمی وبا نے بھارتی ریاست مہاراشٹرا کے 10 وزرا کو اپنی لپیٹ میں لےلیا۔

غیر ملکی میڈیا کے مطابق کرونا وائرس کی مہلک وبا کے نئے نئے ویرینٹ سامنے آرہے ہیں جس کے باعث کم ہوتے کرونا کیسز میں دوبارہ اضافہ شروع ہوجاتا ہے۔

بھارت وبائی صورتحال کے ابتدائی ایام سے ہی شدید متاثر رہا ہے جہاں یومیہ بنیادوں پر ہزاروں افراد کرونا میں مبتلا ہوکر لقمہ اجل بن رہے تھے۔

حالیہ رپورٹ کے مطابق گزشتہ گھنٹوں کے دوران بھارت میں کورونا کے 22775 نئے کیسز رپورٹ ہوئے جبکہ 406 افراد زندگی کی بازی ہار گئے، جس کے بعد کرونا متاثرین کی کل تعداد 3 کروڑ 48 لاکھ 61579 افراد جب کہ اموات 4 لاکھ 81486 ہوگئی۔

میڈیا رپورٹس میں بتایا گیا ہے کہ حالیہ دنوں کرونا میں مبتلا ہونے والے افراد میں ریاست مہاراشٹرا کے دس وزیر اور بیس اراکین اسمبلی بھی شامل ہیں۔

ادھراطلاعات کے مطابق کورونا کی مزید شکلیں سامنے آرہی ہیں اور جو ماہرین نے خدشات ظاہر کیے تھے کہ سات سال تک کورونا مختلف انداز میں حملہ آور ہوتا رہے ان دعووں کی تصدیق میں قوت پیدا ہوتی جارہی ہے ، ادھر اسرائیل میں کورونا وائرس نے نئی شکل اختیار کرلی، پہلا کیس رپورٹ

ابھی دنیا بھر میں کورونا کے نئے ویریئنٹ اومیکرون کے تابڑ توڑ حملے جاری ہیں کہ اسرائیل میں کورونا نے ایک نئی شکل اختیار کرلی۔اسرائیل میں کورونا وائرس اور فلو انفیکشن کا پہلا مشترکہ کیس سامنے آیا ہے جسے ’’فلورونا‘‘ کا نام دیا گیا ہے۔

سعودی اخبار عرب نیوز کے مطابق اسرائیلی طبی حکام نے پہلے فلورونا کیس کی تصدیق بھی کی ہے۔مذکورہ فلورونا وائرس ایک خاتون میں پایا گیا ہے جس نے حال ہی میں وسطی اسرائیل کے شہر پیتاہ تکوا کے ایک اسپتال میں بچے کو جنم دیا تھا۔

نوجوان خاتون کو کورونا ویکسین نہیں لگائی گئی تھی۔ خاتون کی میڈیکل رپورٹس میں فلو اور کورونا وائرس دونوں کے پیتھو جینز کی مشترکہ موجودگی کا پتا چلا ہے۔

اسرائیل میں سامنے آنے والے کورونا وائرس اور فلو انفیکشن کے امتزاج کو ’’فلورونا‘‘ کا نام دیا گیا ہے جبکہ ڈیلٹا اور اومیکرون کے امتزاج کو ’’ڈیلمیکرون‘‘ کہا جا رہا ہے۔

اسلام آباد :”شیر آیا شیرآیا”ن لیگ کے چرواہوں کا شور:اورپھرواقعی شیر لایا جارہا ہے:اطلاعات کے مطابق ن لیگ کےکارکنان اور دوسرے درجے کی قیادت کئی ماہ سے اس چرواہے کی طرح شور کررہے تھے کہ "شیر آیا شیر آیا”اورپھرواقعی شیر کو لانے کی کنفرم اطلاعات مل رہی ہیں اس شیر کی طرح جوایک دن آگیا اور چرواہے کی ساری بکریاں چیر پھاڑ کرگیا ، کچھ گیا اور ایک صحت مند بکری ساتھ لے گیا

بالکل ایسے ہی ن لیگ کے سیاسی چرواہوں کی طرف سے وہی شورشرابہ جاری ہے جو اُس چرواہے نے کیا تھا ، اورآج کچھ ایسی خبریں‌ ملی ہیں‌ کہ یہ شیر خود تو نہیں آنا چاہتا مگرلندن میں‌ غریب ملکوں کو لوٹ کرلندن میں سیاسی بسیرا کرنے والے شیروں کو لندن والوں نے واپس بھیجنے کا معاہدہ کرلیا ہے ،

اطلاعات ہیں‌ کہ انہیں‌حلالات کے تناظر میں وزیر اعظم عمران خان کی زیر صدارت وفاقی کابینہ کا اجلاس 4 جنوری کو ہوگا، جس میں پاکستان برطانیہ کے درمیان ملزمان کی حوالگی پر بات ہونے کا امکان ہے۔

تفصیلات کے مطابق وزیر اعظم عمران خان نے وفاقی کابینہ کا اجلاس طلب کرلیا، وفاقی کابینہ کااجلاس 4جنوری کووزیر اعظم آفس میں ہوگا ، اجلاس میں ملکی سیاسی معاشی صورتحال پرغور کیا جائے گا۔

اس کے ساتھ ساتھ وفاقی کابینہ اجلاس میں کورونا وائرس سمیت ای وی ایم پربریفنگ ہوگی جبکہ اجلاس کا 7نکاتی ایجنڈا جاری کردیا گیا ہے۔

اجلاس میں پاکستان برطانیہ کے درمیان ملزمان کی حوالگی پربات ہونے کا امکان ہے ، وزارت داخلہ کی جانب سے ملزم عبدالقادراحسان کی پاکستان سے یو کے حوالگی کی سمری پیش کی جائے گی۔اجلاس میں نیشنل انسٹی ٹیوٹ آف انٹیلی جنس اینڈسیکیورٹی اسٹڈیز کے قیام کی سمری بھی پیش ہوگی۔

کراچی پورٹ ٹرسٹ کےچیرمین کی 2سال کے لئے تقرری ، پاکستان ٹوبیکو بورڈ کے نوٹیفکیشن کی منظوری اور پاکستان ادارہ شماریات میں 3ممبران کی تقرری کا معاملہ کابینہ ایجنڈے میں شامل ہیں۔

لاہور:خدا حافظ الوداع الوداع:2021::پاکستان میں 2022 کے سال کا آغازکہیں دعائیں اورنیک تمنائیں تو کہیں آتش بازی ،اطلاعات کے مطابق پاکستان میں بھی نیا سال شروع ہوچکا ہے اور چند گھنٹوں کے بعد سال 2022 کا سورج بھی طلوع ہونے والا ہے ،

ادھر اس سال نوکے آغازپرملک بھر میں آتش بازی ،فائرنگ اوردیگرغیراسلامی امورانجام دیئے جارہے ہیں تو دوسری طرف اس سال کو پاکستان اوراہل پاکستان کےلیےخیروبھلائی کے طورپررہنے کے لیے دعاوں کا سلسلہ بھی جاری ہے

نئے سال کو خوش آمدید کہنے کے لیے ملک بھر میں خصوصی تقاریب منعقد کی گئی ہیں۔ کراچی ‏میں ملکی تاریخ کی سب سے بڑی آتشبازی کا مظاہرہ کیا گیا۔وفاقی دارالحکومت اسلام آباد، کراچی، پشاور، کوئٹہ سمیت چھوٹےبڑے شہروں میں سال نو کا ‏بھرپور جشن منایا جا رہا ہے۔جگہ جگہ آتشبازی کی جارہی ہے اور من چلوں کا ہلہ گلہ جاری ہے۔

خیبرپختونخوا میں نئے سال کے آغازکے موقع پرجشن منایا گیا،پشاور کے مختلف علاقوں میں آتش بازی کا مظاہرہ کیا گیا جبکہ عوام بھی بہت پرجوش نظر آئے۔

کراچی میں بھی شاندار تقریب سجائی گئی، ڈانسنگ فاؤنٹین کا مظاہرہ بھی کیا گیا،شہر بھر سے آئے شہریوں نے رنگ رنگا نظارے دیکھے ۔میوزیکل سیشن منعقد ہوا تو نیو ائیر نائٹ کا مزہ دوبالا ہوگیا ،نجی ہاؤسنگ انتظامیہ کی جانب سے منعقدہ تقریب میں شہر بھر سے آئے شہریوں نے سال نو کو بھرپور انداز میں ویلکم کیا۔

دوسری جانب نیوزی لینڈ میں 2022کا آغاز ہوگیا، نئے سال کو وارم ویلکم کیا گیا، آکلینڈ میں شاندار لائٹ شو کا اہتمام کیا گیا اور منچلوں نے خوب ہلہ گلہ کیا۔گوگل بھی نئے سال کی خوشیوں میں شریک ہے اور اس نے اپنے ڈوڈل کو تبدیل کردیا ہے۔

آسٹریلیا میں سال نو کی خوشی میں شاندار آتش بازی کا مظاہرہ کیا گیا اور سڈنی ہاربر برج روشنیوں سے جگمگا اٹھا۔

شہریوں کی ایک دوسرے کو مبارکباد دینے کا سلسلہ جاری ہے اور ساتھ ہی نیک تمناؤں کا اظہار کیا ‏جارہا ہے۔

سال نو کی آمد پر مری میں عوام کا سمندر امڈ آیا۔ رش کےباعث ٹریفک کی روانی متاثر ہے کراچی ‏میں سی ویو اورملحقہ علاقےنوگو ایریا قرار دیا گیا۔پولیس کا کہنا ہے صرف فیملیز کو ساحل پر ‏جشن منانےکی اجازت ہے۔

ادھر معروف عالم دین مولانا طارق جمیل نے نئے سال کےآغاز کے حوالے سے بڑی ہی اچھی بات کی ہے ان کا کہنا ہےکہ قمری اور شمسی سال دونوں نظام ہی اللہ کے ہیں بس ہمیں‌اپنے رب کو راضٰی کرنا چاہیے

انہوں نے یہ بات سماجی رابطے کی ویب سائٹ ٹویٹر پراپنے پیغام میں کہی ، ان کا کہنا تھاکہ میں کئی سالوں سے یکم جنوری کی رات کو جاگتا ہوں اور اللہ سے ان تمام لوگوں کی مغفرت کیلئے آنسو بہاتا ہوں۔ جو لوگ اس رات کو گناہوں ساتھ گزار رہے ہیں، اور آئیں ہم اس رات کو گناہ کی بجائے توبہ کے ساتھ منائیں!

ان کا یہ بھی کہنا تھا کہ ہمیں‌اپنے رب سے ڈر جانا چاہیے اس رات شرابیں پینے والے ، ناچ گانا کرنے والے کل اللہ سے کس منہ سے ملیں گے ،ہمٰیں‌ خیر کے کام کرنے چاہیں ، شر اور شراب جیسے امورہمیں اللہ کی رحمت سے دور کردیں‌گے اور ہمارے پاس اللہ کی رحمت کے سوا اور ہے کیا کچھ 1

لاہور:ن لیگ کے رہنما بلال یاسین پر فائرنگ:ہسپتال منتقل ،اطلاعات کے مطابق لاہور سے ن لیگ کے پنجاب سے منتخب رکن اسمبلی بلال یاسین فائرنگ کے نتیجے میں زخمی ہو ‏گئے۔ان کی حالت کچھ اچھی نہیں بتائی جارہی ،تاہم ڈاکٹروں کی طرف سے بار بار تسلیاں دی جارہی ہیں‌

ابتدائی اطلاعات کے مطابق بلال یاسین کو زخمی حالت میں میو اسپتال منتقل کر دیا گیا ہے جہاں ‏انہیں طبی امداد دی جارہی ہے۔خاندانی ذرائع کا کہنا ہے کہ بلال یاسین پر بلال گنج کے علاقے میں نقاب پوش افراد نے فائرنگ ‏کی ہے، دوگولیاں ان کے پیٹ اور ایک پاؤں پر لگی ہے۔

اطلاع ملنے پر پولیس جائے وقوعہ پر پہنچ گئی ہے اور صورتحال کا جائزہ لے رہی ہے۔بلال یاسین مسلم لیگ ن کے سینئر رہنما اور سابق وزیر خوراک ہیں۔ وہ بلال گنج کے رہائشی ہیں ‏اور ان کا پارٹی دفتر بھی اسی علاقے میں ہے جہاں انہیں فائرنگ کا نشانہ بنایا گیا۔ایم ایس میواسپتال کا کہنا ہے کہ بلال یاسین کےآپریشن کیلئےسرجن پہنچ گئےہیں۔ ‏

سی سی پی اوفیاض احمد دیو نے واقعے کا نوٹس لیتے ہوئے ڈی آئی جی آپریشنز سےرپورٹ طلب ‏کر لی ہے۔ سی سی پی اولاہور نے واقعےمیں ملوث ملزمان کی فوری گرفتاری کی ہدایت کی ہے۔

دوسری جانب ن لیگی رہنما عظمیٰ بخاری کا کہنا ہے کہ بلال یاسین پر 2نقاب پوش حملہ آوروں ‏نےفائرنگ کی جس سے دوگولیاں بلال یاسین کے پیٹ اور ایک ٹانگ پر لگی، حملہ آورفائرنگ ‏کرنے کے بعد فرار ہو گئے۔