Category: اہم خبریں

نئی دہلی:بھارت کوروسی ایس-400 ایئرڈیفنس میزائل سسٹم کی پہلی کھیپ مل گئی :پاکستان اور چین پردباوبڑھ گیا،امریکہ بھی محتاط ،اطلاعات کے مطابق روس نے بھارت کو ایس-400 ایئرڈیفنس میزائل سسٹم کی فراہمی شروع کردی جبکہ امریکا کی جانب سے بھارت پر پابندی کے خطرات موجود ہیں۔

ذرائع کے مطابق روس کی ملیٹری کوآپریشن ایجنسی کے سربراہ دیمتری شوگایوف نے بتایا کہ روس نے بھارت کے لیے میزائل سسٹم کی فراہمی شروع کردی ہے۔

یاد رہے کہ امریکا کے 2017 کے قانون کے تحت بھارت پر روس سے میزائل نظام خریدنے پر پابندی کے خطرات اور تحفظات ہیں کیونکہ مذکورہ قانون کا مقصد ممالک کو روسی ملیٹری ہتھیاروں کی خریداری سے روکنا ہے۔

اس حوالے سے یہ بھی بتایا جارہا ہے کہ انٹرفیکس نے دبئی میں ایرواسپیس ٹریڈ شو میں موجود دیمتری شگایوف کا حوالہ دیتے ہوئے کہا کہ ‘پہلی کھیپ شروع کی گئی ہے’۔ان کا کہنا تھا کہ ایس-400 نظام کا پہلا یونٹ بھارت میں رواں برس کے آخر میں پہنچے گا۔

بھارت اور روس کے درمیان 5.5 ارب ڈالر مالیٹ کے ایئرمیزائل نظام کا معاہدہ 2018 میں طے پاگیا تھا، جس کے حوالے سے بھارت کا مؤقف ہے کہ اس کو چین سےخطرات ہیں اور دفاع کی ضرورت ہے۔

بھارت کو امریکا کی جانب سے کاؤنٹرنگ امریکاز ایڈورسیریز تھرو سینگشنز ایکٹ (کاسٹا) کے تحت پابندیوں کا سامنا ہے، جس کے تحت روس کو جنوبی کوریا اور ایران کے ساتھ مخالف قرار دیا گیا۔روس کو یوکرین کے خلاف کارروائی، 2016 میں امریکی انتخابات میں مداخلت اور شام کی مدد کرنے پر اس قانون کے تحت مخالف ملک میں شامل کیا گیا ہے۔

دوسری جانب بھارت کا کہنا تھا کہ اس کا امریکا اور روس دونوں کے اسٹریٹجک شراکت داری ہے جبکہ واشنگٹن نے نئی دہلی کو باور کرایا تھا کہ کاسٹا سے استثنیٰ ملنا ممکن نہیں ہے۔

یاد رہے کہ گزشتہ برس امریکا نے کاسٹا کے تحت روس سے ایس-400 میزائل نظٓم حاصل کرنے والے نیٹو اتحادی ترکی پر پابندیاں عائد کی تھیں۔امریکا نے ترکی کے دفاعی نظام اور دفاعی صنعتوں کو پابندیوں کا نشانہ بنایا تھا۔

ترکی سے ایف-35 فائی اسٹیلتھ جنگی طیاروں کا معاہدہ بھی ختم کردیا، جو مریکا کے دفاعی نظام میں جدید ترین جنگی طیارے ہیں، ان کا استعمال نیٹو اراکین اور امریکا کے دوسرے اتحادی استعمال کرتے ہیں۔روس نے کہا تھا کہ ترکی کو جنگی طیاروں میں لانے کے لےی مدد کی پیش کش کی تھی لیکن تاحال حتمی طور پر کوئی معاہدہ طےنہیں پایا۔

اسلام آباد :پاکستان کی حزب مخالف جماعتوں کا اتحاد”پی ڈی ایم”غم میں‌ ڈوب گیا،اطلاعات کے مطابق وفاقی حکومت نے الیکٹرانک ووٹنگ مشین اور سمندرپار پاکستانیوں کو ووٹ کا حق دینے کے معاملے پر اتحادی ‏جماعت ق لیگ کے تحفظات دور کر دیے۔

ذرائع کے مطابق حکمران جماعت تحریک انصاف نے حکومتی اتحادی ق لیگ کو منا لیا ہے اور اب اہم قانون سازی ‏میں ق لیگ حکومت کاساتھ دےگی۔

ادھرمعتبر ذرائع نے یہ خبردی ہے کہ ان اطلاعات کے بعد کہ پاکستان مسلم لیگ نے اپنی اتحادی جماعت کے ساتھ انتخابی اصلاحات میں‌ بھرپورتعاون کا یقین دلایا ہے ، پی ڈی ایم اتحاد یہ خبرسنتے ہی اپنے حواس کھو بیٹھا اورعمران خان کے خلاف جاری کوششوں کو بہت بڑا دھچکا قراردیا

الیکٹرانک ووٹنگ میشن اور اوورسیز پاکستانیوں کو ووٹ کا حق دینےکیلئےقانون سازی ہونی ہے مشترکہ اجلاس ‏میں انتخابی اصلاحات سےمتعلق اہم قانون سازی ہونی ہے۔

ادھر یہ بھی معلوم ہوا ہے کہ ذرائع کا کہنا ہے کہ پارلیمنٹ کامشترکہ اجلاس منگل یا بدھ کو ہونےکا امکان ہے۔

حکومتی اتحادیوں ایم کیوایم اورق لیگ نے ای وی ایم پر تحفظات کا اظہار کرتے ہوئے ووٹ دینے سے انکار کر دیا ‏تھا جبکہ وزیراطلاعات فواد چوہدری کا کہنا تھا کہ دونوں اتحادیوں نے بریفنگ پر اطمینان کا اظہار کیا تھا۔

وفاقی وزیر برائے اطلاعات فواد چوہدری نے سماجی رابطے کی ویب سائٹ ٹویٹر پر بتایا کہ انتخابی اصلاحات ملک ‏کے مستقبل کا معاملہ ہے، ہم نیک نیتی سے کوشش کررہے ہیں کہ اتفاق رائے پیدا ہو، پارلیمان کے مشترکہ اجلاس ‏کو اس مقصد کے لیے موخر کیا جارہا ہے۔

کراچی :سندھ حکومت کا صوبے میں 5 ہزار اسکول ختم کرنےکا اعلان:ذمہ دارعمران خان ؟،اطلاعات کے مطابق سندھ حکومت نے صوبے میں 5 ہزار اسکول ختم کرنےکا اعلان کردیا۔

حیدر آباد میں میڈیا سے خطاب میں صوبائی وزیر تعلیم وثقافت سید سردار شاہ نے اسکولوں کو ختم کرنےکی منطق یہ بتائی کہ اسکولوں کی تعداد کم کرکے سہولتیں بڑھا رہے ہیں۔

سردار شاہ کا کہنا تھا کہ بند کیے جانے والے اسکولوں کی عمارتیں حکومت کے حوالے کردیں گے ، ان عمارتوں میں چاہے جانوروں کے اسپتال، ڈسپنسری یا کمیونٹی ہال بنیں ، انہیں کوئی اعتراض نہیں۔

یہ بھی معلوم ہوا ہے کہ ان اسکولوں کی حالت زار پہلے ہی بہت خراب تھی اورپی پی دورحکومت کی یہ ایک اعلیٰ خوبی رہی ہے کہ اتنی بڑی تعداد میں اسکولوں میں بوگس پڑھانے والوں کوکئی دہائیوں سے تنخواہیں اور دیگر مراعات دی جاتی رہی ہیں‌

@Taahaa_ @iqrarulhassan

سندھ حکومت نےصوبے میں 5 ہزار اسکول ختم کرنےکا اعلان کرکےیہ اقرارکرلیا کہ سید اقرارالحسن واقعی سچا تھا

صوبائی وزیر تعلیم کاکہناتھاکہ ان عمارتوں میں چاہےجانوروں کےاسپتال،ڈسپنسری یاکمیونٹی ہال بنیں،انہیں کوئی اعتراض نہیں
مکان تو دے دیئے،باقی اگلے جہان

— M@A@Tahir (@PakFirst_) November 13, 2021

دوسری طرف سوشل میڈیا پراہل علم اورغیرجانبردارحلقوں کا کہنا ہے کہ سندھ حکومت کے لیے یہ ڈوب مرنے کا مقام ہے کہ وہ باب الاسلام سندھ جس میں کبھی علم کی روشنی کی کرنیں پھوٹ کردنیا بھر میں پھیلتی تھیں آج اس باب الاسلام سندھ میں علم کوتالے لگا دیئے گئے ہیں‌

بعض نے سندھ حکومت اورخصوصا بلاول سے سوال کیا ہےکہ مان لیا مہنگائی بڑھنے کا ذمہ دارحکومت کو قراردیا جارہا ہے لیکن یہ تو بتائیں کہ کیا سندھ میں علم کے ان چراغوں کوبجھانے کا ذمہ دار بھی عمران خان ہے ؟

بعض نے تو یہ بھی کہا کہ بڑے افسوس کے ساتھ کہ کہنا پڑرہا ہے کہ سندھ حکومت نیا سکول بنانے کی بجائے ایک نہیں پانچ ہزار سے زائد اسکولوں کو بند کررہی ہے ، اتنی بڑی ناکامی کی جوڈیشیل انکوائری ہونی چاہیے

بعض نے لکھا ہے کہ اس اعلان کے بعد اب بلاول کی طرف سے وزیراعظم عمران خان کے خلاف احتجاجی کال پرشرم سے ڈوب مرنا چاہیے ،اب اس کے بعد کوئی ایسے الفاظ نہیں کہ جن سے سندھ حکومت کی ڈھٹائی کوبے نقاب کیا جاسکے

بعض نے یہ لکھا ہے کہ آج پتہ چل گیا کہ اقرارالحسن نے حقیقت بیان کی تھی جسے سعید غنی نے درحقیقت اپنی شکست سمجھتے ہوئے جھٹلانے کی کوشش کی لیکن آج سندھ حکومت کے اس اعلان کے بعد کہ صوبے میں 5ہزارسکول بند کیے جارہے ہیں سندھ حکومت نے اقرار الحسن کے دعوے کا اقرارکرلیا ہے اوریہ ماننا پڑے گا کہ اقرارمبالغہ آرائی نہیں کرتا

راولپنڈی:ہم حاضرہم قربان :اے وطن پاکستان :دہشتگردوں کیخلاف لڑتے ہوئے پاک فوج کے 3 جوان وطن پر قربان ،اطلاعات کے مطابق بلوچستان میں دو مختلف واقعات کے دوران دہشتگردوں کیخلاف لڑتے ہوئے پاک فوج کے مزید تین جوان وطن پر قربان ہو گئے۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق بلوچستان کے علاقے ہوشاب میں سکیورٹی فورسز نے خفیہ اطلاع پر کارروائی کی۔ تربت میں بیرونی حمایت یافتہ دہشت گردوں کی موجودگی کی اطلاع موصول ہوئی تھی۔

آئی ایس پی آر کے مطابق آپریشن کے دوران پاک فوج اور دہشتگردوں کے درمیان فائرنگ کا تبادلہ ہوا، اس دوران دہشتگردوں کو بھاری نقصان اٹھانا پڑا جبکہ دہشتگردوں کی فائرنگ سے دو جوان شہید ہو گئے۔

پاک فوج کے ترجمان ادارے آئی ایس پی آر کے مطابق شہید ہونے والوں میں سپاہی رمضان اور لانس نائیک لیاقت اقبال شامل ہیں، سپاہی رمضان کا تعلق سرگودھا اور لانس نائیک لیاقت اقبال کا تعلق خیبرپختونخوا کے ضلع صوابی سے ہے۔

آئی ایس پی آر کے مطابق بلوچستان میں کلیئرنس آپریشن کے دوران دیسی ساختہ بارودی سرنگ پھٹنے سے سپاہی انعام اللہ شہید ہو گئے۔ سپاہی انعام اللہ کا تعلق لکی مروت سے ہے۔

پاک فوج کے شعبہ تعلقات عامہ کے مطابق فورسزملک دشمن عناصرکوشکست دینے کیلئے پرعزم ہے، بلوچستان میں امن واستحکام اورترقی کاعمل متاثرہونےنہیں دینگے۔

اسلام آباد: مولانا:عوام کوحکومت کے خلاف کھڑا کریں:ہرقسم کی مدد کی جائے گی:نوازشریف کا فضل الرحمن سے رابطہ ،اطلاعات کے مطابق پی ڈی ایم کے سربراہ اور امیر جمعیت علمائے اسلام (ف) مولانا فضل الرحمان کا پاکستان مسلم لیگ ن کے قائدمیاں محمد نواز شریف سے رابطہ ہوا، جس میں سابق وزیراعظم نے لانگ مارچ میں بھرپور ساتھ دینے کی یقین دہانی کرا دی ہے۔

ذرائع کا کہنا ہے کہ دونوں رہنماؤں نے موجودہ سیاسی صورتحال پر تفصیلی تبادلہ خیال کیا جبکہ پی ڈی ایم کے احتجاجی پلان کو آگے بڑھانے پر بھی دونوں رہنماؤں کا اتفاق ہوا ہے۔مولانا فضل الرحمن کوحوصلہ دیتے ہوئے نوازشریف نے کہا کہ مولانا عوام کوحکومت کے خلاف کھڑا کریں اوراس مشن میں کسی قسم کی سُستی نہ کی جائے ، یہ بھی معلوم ہوا ہے کہ اس پرمولانا فضل الرحمن نے نوازشریف کے سیاسی حمایت کے ساتھ ساتھ مالی معاونت کی بھی گزارش کی ہے

یہ بھی معلوم ہوا ہے کہ اس موقع پر سابق وزیراعظم میاں محمد نواز شریف نے حکومت کو پارلیمنٹ میں ٹف ٹائم دینے اور اپوزیشن جماعتوں کے اتحاد پر اطمینان کا اظہارکیا۔

ذرائع کے مطابق دونوں رہنماؤں نے پارلیمنٹ کے اندر اور باہر حکومت پر دباؤ بڑھانے پر اتفاق کیا اور مولانا نے لاہور کے جلسے کو لانگ مارچ کی شکل دینے پر بھی تبادلہ خیال کیا۔نوازشریف نے اس موقع کہا کہ الیکشن کے وقت تک عوام کو کسی نہ کسی ایشو پرعوام کوحکومت کے خلاف متحرک رکھیں‌ جس کے لیے وہ ہرقسم کی قربانی دینے کےلیے تیار ہیں‌

ذرائع کے مطابق مسلم لیگ ن کے قائد میاں نواز شریف نے کہا کہ پی ڈی ایم لانگ مارچ بارے جو بھی فیصلہ کرے گی ساتھ دینگے۔اس موقع پر مولانا فضل الرحمان کا کہنا تھا کہ حکومت کو مزید وقت دینا عوام اور ملک سے ظلم ہو گا۔

نئی دہلی:ایک ہفتے میں بھارتی فوج افسروں سمیت درجنوں بھارتی فوجی ہلاک ،اطلاعات کے مطابق ایک ہفتے میں بھارتی فوج کو بہت بڑا جانی نقصان اٹھانا پڑا ہے اور اس دوران جہاں درجنوں جونیئرفوجی افسران سمیت دیگراہلکار ہلاک ہوئے ہیں وہاں دواعلیٰ بھارتی فوجی افسر بھی جان سے ہاتھ دھو بیٹھے ہیں

تازہ واقعہ میں بھارتی ریاست منی پور میں آسام رائفلز کے کمانڈنگ آفیسر گاڑی پر حملے میں اہلیہ بیٹے اور 3 فوجی اہلکاروں سمیت ہلاک ہوگئے۔

عالمی خبر رساں ادارے کے مطابق بھارتی ریاست منی پور میں آسام رائفلز یونٹ کے کمانڈنگ آفیسر اہل خانہ سمیت اپنی گاڑی میں جارہے تھے کہ اچانک گھات لگائے مسلح افراد نے قافلے پر حملہ کردیا۔

ہلاک ہونے والوں میں کمانڈنگ آفیسر، ان کی اہلیہ اور بیٹے سمیت 3 فوجی اہلکار بھی شامل ہیں۔ تاحال کسی گروپ نے حملے کی ذمہ داری قبول نہیں کی ہے تاہم اس علاقے میں علیحدگی پسند عسکری جماعت پیپلز لبریشن آرمی ایسے حملوں میں ملوث رہی ہے۔

بھارتی فوج کی جانب سے جاری بیان میں کہا گیا ہے کہ کمانڈنگ آفیسر اہل خانہ سمیت اپنی گاڑی میں جارہے تھے جب کہ ان کی حفاظت کے لیے ایک فوجی گاڑی بھی ہمراہ تھی جن میں 3 سیکیورٹی اہلکار موجود تھے۔

واضح رہے کہ بھارت کی شمالی ریاستوں میں کئی علیحدگی پسند عسکری جماعتیں متحرک ہیں جن کے ساتھ سیکیورٹی اداروں کی جھڑپیں معمول کی بات ہیں اور مودی سرکار کے اقتدار میں آنے کے بعد سے سیکیورٹی فورسز پر حملوں میں اضافہ ہوا ہے۔

یاد رہے کہ چند دن پہلے بھی ایک ریاست میں بھارتی فوجی مظالم سے تنگ شہریوں نے بھارتی فوجی قافلے پرحملہ کیا تھا جس میں ایک کرنل ہلاک جبکہ ایک درجن کے قریب دیگرفوجی ہلاک بھی ہوئے تھے

اسلام آباد: مشکل وقت ہے گھبرائیں نہیں،اللہ ہماری مدد فرمائیں گے: وزیراعظم عمران خان کا ساتھیوں کو وعظ ،اطلاعات کے مطابق وزیراعظم عمران خان نے ایک مرتبہ پھر اپنی ٹیم کو مشورہ دیتے ہوئے کہا ہے کہ مشکل وقت ہے گھبرائیں نہیں، مہنگائی پر قابو پا لیں گے۔وزیراعظم عمران خان نےاپنے ساتھیوں کووعظ کرتے ہوئے نصیحت کی کہ صبراور شکرکا دامن ہاتھ سے نہ چھوڑیں اللہ ہمیں تنہا نہیں چھوڑیں گے ہماری ضرور مدد فرمائیں گے

یہ بھی معلوم ہوا ہے کہ وزیراعظم عمران خان کی زیر صدارت کور کمیٹی کا اجلاس ہوا، اجلاس کی اندرونی کہانی سامنے آ گئی، وزیراعظم نے اپوزیشن کے سیاسی معاملات پر گفتگو سے گریز کیا۔ذرائع کا کہنا ہے کہ پی ٹی آئی کور کمیٹی کے اجلاس کے دوران معیشت مہنگائی اور عوامی ریلیف کے اقدامات زیر بحث رہے۔

وزیراعظم نے ویلفیئر کے حکومتی اقدامات کو عوام تک پہنچانے پر زور دیتے ہوئے کہا کہ لوگوں کو آسان الفاظ میں بتائیں کہ حکومت ان کیلئے کیا کر رہی ہے، عام آدمی کا ریلیف اس وقت حکومت کی توجہ کا مرکز ہے۔

اجلاس کے دوران وزیراعظم نے ایک مرتبہ پھر اپنی ٹیم کو مشورہ دیتے ہوئے کہا کہ مشکل وقت ہے گھبرائیں نہیں ہم اس پر قابو پا لیں گے۔

پاک آسٹریلیا میچ سے متعلق بات کرتے ہوئے عمران خان کا کہنا تھا کہ گرین شرٹس ٹیم پریشر لینے کے باعث میچ ہاری، پر اعتماد ٹیم جیسے ہی دباو میں گئی تو باؤلنگ غلط ہونے لگی، ٹیم آخر تک پر اعتماد رہتی تو نتیجہ مختلف ہو سکتا تھا۔

دوسری طرف پاکستان تحریک انصاف (پی ٹی آئی) کی کور کمیٹی کے اجلاس کے بعد میڈیا سے گفتگو کرتے ہوئے وزیر اطلاعات فواد چودھری نے کہا ہے کہ کورونا کی وجہ سے دنیا بھر میں مہنگائی ہوئی لیکن پاکستان میں تنخواہ دار طبقے کے سوا دیگر کئی طبقات کی آمدنی میں اضافہ ہوا ہے۔

فواد چوہدری نے کہا کہ وزیراعظم کی زیر صدارت کورکمیٹی اجلاس کا اہم ایجنڈا ملک میں مہنگائی کا مسئلہ تھا اور اس پر تفصیل سے غور کیا گیا۔ حکومت مہنگائی کے حوالے سے سے جو اقدامات کررہی ہے اس پر پارٹی کو اعتماد میں لیا گیا۔