Category: اہم خبریں

بشریٰ بی بی پاگل خانے کیوں گئی؟ کم عقل وزیروں کا عوام سے انتقام شروع

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ تاریخ کی مہنگی ترین ، بجلی ، گیس ، پیٹرول ، آٹا ، چینی دینے کی حکومتی کارکردگی اپنی جگہ ۔ پر اس پر ڈھٹائی سے یہ کہنا کہ پاکستان میں تیل کی قیمتیں خطے میں اب بھی سب سے کم ہیں۔ پتہ نہیں کہاں سے یہ اعداد وشمار نکال کر لاتے ہیں ۔ ان کو شرم نہیں آتی ۔ روز ٹی وی پر آکر جھوٹ بولتے ہیں ۔ بدمعاشیاں کرتے ہیں ۔ کم از کم یہ عوام کو دلاسہ نہیں دے سکتے تو ان کے زخموں پر نمک تو نہ چھڑکیں ۔

مبشر لقمان کا کہنا تھا کہ یہ جو وزیر کہہ رہے ہیں کہ پاکستان کی قوتِ خرید بھارت سے بہتر ہے۔ اور اصل حکومتی کامیابی یہ ہے کہ 75 فیصد آبادی کی آمدنی میں بھی خاطر خواہ اضافہ ہوا ہے ۔ ملک میں مستری اور مزدور کی دیہاڑی بھی 3 گنا بڑھ گئی ہے۔ تو کاش یہ کوئی تین مزدور ہی سامنے لے آئیں جو کھل کر حکومت کی تعریف کر دیں ۔ حالت یہ ہے کہ لوگ جھولیاں بھر بھر ان کوبدعائیں دے رہے ہیں اور یہ ہم کو کہانیاں سنا رہے ہیں۔ کسی کی گڈی چڑھی ہے تو صرف آٹا ، چینی اور دوائی مافیا کی چڑھی ہے ۔ دن بدلے ہیں تو وزیروں کے بدلے ہیں ۔ موجیں لگی ہوئیں ہیں تو عثمان بزدار کی لگی ہوئی ہیں ۔ یہ وہ ہی وزیر اعظم ہیں جو کہا کرتے تھے پروٹوکول نہیں لوں گا ۔ ابھی کل کی بات ہے کہ خاتون اول بشری بی بی پاگل خانے کے دورے پر گئیں ۔ پروٹوکول گاڑیاں آپ خود گن لیں ۔ آپکو ان سے پہلے والے حکمران مسیحا لگنے لگ جائیں گے ۔ وزیروں مشیروں کے گھر اور ان کے اللے تللے تو اس بیچاری دکھیاری قوم کے ٹیکس کے پیسوں سے پورے ہوجاتے ہیں ۔ ان کو تو کوئی فرق نہیں پڑتا ۔ فرق پڑتا ہے اس بدقسمت ملک کی غریب عوام کو جن کے دکھ ، درد اور تکلیفیں سننے والا کوئی نہیں ۔ ۔ اس وقت ایک پاکستانی ایک لاکھ 60 ہزار روپے کا مقروض ہوچکا ہے۔ تو حکومت اپنے دوست سرمایہ داروں کو رعایت اور مراعات دے رہی ہے۔ جہاں حکومت لوگوں کوملازمتوں سے فارغ کرنے کی پالیسی پرعمل پیرا ہے۔ تو اپنے وزیروں اور مشیروں کی فوج میں روز بروز اضافہ ہی کرتی جا رہی ہے ۔ اور ہم جب یہ حقائق بتاتے ہیں آئینہ ان کو دیکھاتے ہیں تو جواب ملتا ہے کہ وزیراعظم نے ورلڈ کپ جیتا تھا ۔ وزیر اعظم نے شوکت خانم بنایا ۔ وزیر اعظم نے نمل یونیورسٹی بنائی ۔ وزیر اعظم باہر سے پڑھ کر آیا ہے ۔ پرمیں بتا دوں اس قوم کو اب مزید ماموں نہیں بنایا جاسکتا ۔ عوام اس سونامی اور تبدیلی سے بیزار ہوچکی ہے ۔ کیونکہ لوگوں کو معلوم ہوچکا ہے کہ نہ تو وزیراعظم اپنی کہی کسی بات پر قائم رہا ہے نہ ہی اس نے کوئی کارکردگی دیکھائی ہے ۔

مبشر لقمان کا کہنا تھا کہ یہ مغربی معاشروں کی جمہوریت کا راگ تو بڑا الپاتے ہیں پر پتہ ان کو ٹکے کا نہیں ہے ۔ پارلیمنٹ تو ان سے ٹھیک چل نہیں رہی ہے ۔ صرف اگر پارلیمانی سطح پر حکومتی چیلنجز کا احاطہ کیا جائے تو عمران خان اور تحریک انصاف کے لیے آنے والے سالوں میں کافی مشکلات پیدا ہو سکتی ہیں۔ اس وقت حکومت کے سامنے ایک لمبا چوڑا اصلاحاتی ایجنڈا موجود ہے جس کو وہ آنے والے سال میں مکمل کرنا چاہتی ہے۔ ظاہر ہے اس کے لیے قانون سازی کی ضرورت ہو گی۔ اور قانون سازی کے لیے دونوں ایوانوں میں اکثریت کا ہونا ضروری ہے جو کہ حکومت کے پاس موجود نہیں۔ پھر حکومت اور اپوزیشن کے درمیان کسی بھی لیول پر کوئی ورکنگ ریلیشن شپ قائم نہیں ہے۔ پارلیمنٹ کے مشترکہ اجلاس کے دوران جو کچھ ہوا وہ سب کے سامنے ہے۔ ویسے تو سیاست میں سب کچھ ممکن ہوتا ہے لیکن پی ٹی آئی کے اندر یہ ایک متفقہ رائے پائی جاتی ہے کہ وزیراعظم عمران خان کسی بھی صورت میں شہباز شریف ہوں یا پھر آصف علی زرداری، ملاقات تو دور کی بات وہ ان سے کبھی رسمی طور پر ہاتھ بھی نہیں ملائیں گے۔ جیسا کہ حکومت ای ووٹنگ اور بیرون ممالک میں موجود پاکستانیوں کو ووٹ دینے کے حوالے سے قوانین اب پارلیمان کے مشترکہ اجلاس سے پاس کروانے کا ارادہ رکھتی ہے۔ الیکشن کمیشن میں دو ممبران کی تعیناتی کا معاملہ بھی اب پارلیمان کی ایک مشترکہ کمیٹی کے سامنے آنا ہے۔ کیونکہ وزیراعظم عمران خان کے تجویز کردہ ناموں کو اپوزیشن رد کر چکی ہے۔ لہٰذا اب یہ معاملہ بھی پارلیمان کے ذریعے ہی حل ہو گا۔

مبشر لقمان کا کہنا تھا کہملک پر ایسی ووٹنگ مشینری مسلط کی جا رہی ہے جس کی دنیا کے دیگر ممالک اور الیکشن کمیشن نے مخالفت کی ہے۔ قریب کی مثال دیے دیتا ہوں ۔ بھارت میں بھی ای وی ایم استعمال ہوچکی ہے پر وہاں اپوزیشن کے حامی جس بھی پارٹی کو ووٹ ڈالتے۔ مشین سے بی جے پی کا ووٹ ہی نکلتا اس لیے یہ مشین قابل اعتماد نہیں۔ اس کا سافٹ ویئر آسانی سے تبدیل ہو سکتا ہے۔ اس حکومت کی اعلی کارکردگی یہ ہے کہ اس نے ادروں کو بھی آمنے سامنے لاکھڑا کیا ہے۔ ہوا کچھ یوں کہ نادرا نے آئی ووٹنگ کے لیے الیکشن کمیشن کے ساتھ 2.4
ارب روپے کے معاہدے کی خواہش کا اظہار کیا ہے۔س حوالے سے نادرا کی جانب سے الیکشن کمیشن کو خط لکھا گیا ۔ پر الیکشن کمیشن کی جانب سے چیئرمین نادرا کو لکھے گئے جوابی خط میں کہا گیا کہ نادرا پہلے بتائے اس نے آئی ووٹنگ کا سابق منصوبہ کیوں چھوڑا؟ آئی ووٹنگ کے سابق منصوبے پر 6 کروڑ 65 لاکھ روپے خرچ ہو چکے تھے۔ جوابی خط میں یہ بھی کہا گیا ہے کہ اگر چھوڑے گئے نظام میں کوئی خامیاں تھیں تو اس کا ذمہ دار کون ہے؟ پھر اکتوبر میں چیئرمین نیب کی مدت ملازمت بھی ختم ہو رہی ہے۔ آئین کے مطابق وزیراعظم اور اپوزیشن لیڈر کو مذاکرات کے ذریعے اس مسئلے کو حل کرنا ہے ۔ مطلب نئے چیئرمین کاتقرر کرناہے۔ لیکن ایسا ہوتا ہوا نظر نہیں آرہا۔ اطلاعات ہیں کہ حکومت آرڈیننس کے ذریعے موجودہ چیئرمین کو مزید چار سال دینا چاہتی ہے۔ حالانکہ موجودہ چیئرمین نیب کی کارکردگی بھی سوالیہ نشان ہے ۔ دھیلے کا پیسہ انھوں نے ریکور نہیں کیا سارا زور پلی بارگین پر ہی رہا ہے ۔ یعنی الٹا چوروں اور ڈاکووں کو کلین چیٹ دی گئی ہے ۔ حکومت میڈیا کو ریگولیٹ کرنے کیلئے ایک بااختیار اتھارٹی بنانے کا ارادہ رکھتی ہے۔ جس کو فی الحال تمام میڈیا کی تنظیمیں کلی طور پر رد کر چکی ہیں۔ اب یہ کام بھی پارلیمان کے ذریعے ہی ہو گا۔ لہٰذا اب یہ درد سر حکومت کا ہے کہ وہ کیسے قانون سازی کرتی ہے۔ کیونکہ جو مدد حکومت کو حاصل رہا کرتی تھی اب محسوس یہ ہوتا ہے وہ شفقت کا ہاتھ حکومت کے سر سے ہٹ چکا ہے ۔

مبشر لقمان کا کہنا تھا کہ کنٹونمنٹ بورڈز کے انتخابات میں ایک اچھی خاصی تعداد میں آزاد امیدواروں کا کامیاب ہونا اس بات کی واضح دلیل ہے کہ حکومت کی کارکردگی کیا ہے ۔ پھر تحریک انصاف نے اپنے تین سالہ دورِ اقتدار میں ہر وہ کام کیا ہے۔ جس کے خلاف اپوزیشن میں رہ کر وہ جدوجہد کرتی رہی۔ ایک زمانہ تھا کپتان بلدیاتی نظام کو جمہوریت کی بنیاد کہا کرتے تھے۔ اب تین سال ہو گئے ہیں ۔ تحریک انصاف بلدیاتی انتخابات کرانے سے گریزاں ہے۔ سپریم کورٹ پنجاب کے بلدیاتی اداروں کو بحال کر چکی ہے۔ مگر حکومت نے انہیں بحال نہیں کیا اور نہ ہی نئے انتخابات کرائے۔ اب الیکشن کمیشن نے اعلان کیا ہے وہ بلدیاتی انتخابات کے بارے میں حکم جاری کر رہا ہے۔ صوبائی حکومتوں کو اس پر عملدرآمد کرنا ہو گا۔ صاف لگ رہا ہے حکومت بلدیاتی نظام کا رسک نہیں لینا چاہتی،کیونکہ اس میں مسلم لیگ (ن) خاص طور پر پنجاب میں اکثریت حاصل کر سکتی ہے،جو حکومت کے لئے ایک ڈراؤنا خواب ہے۔ ۔ دوسری طرف بلدیاتی ادارے مسلم لیگی سیاست کا گڑھ بن سکتے ہیں۔ جو 2023ء کے انتخابات میں تحریک انصاف کو ایک بڑی شکست سے دوچار کر سکتے ہیں۔ آپ دیکھیں عمران خان اپوزیشن لیڈر کے طور پر خود کہتے تھے۔ ارکانِ اسمبلی کو ترقیاتی کاموں کے نام پر گرانٹ دینا ایک کرپشن ہے۔ کیونکہ ترقیاتی کام کرانا بلدیاتی نمائندوں کی ذمہ داری ہوتی ہے۔ پر عمران خان نے جہاں اور بہت سے یوٹرن لئے ہیں وہاں یہ یوٹرن بھی لے چکے ہیں۔ ترقیاتی فنڈز بھی ارکان کو دے رہے ہیں اور بلدیاتی ادارے بھی بحال نہیں کر رہے۔ نہ ہی نئے انتخابات کرانے پر آمادہ ہیں۔ میری نظر میں بلدیاتی نظام نہ ہونے کی وجہ سے گڈ گورننس بھی کہیں نظر نہیں آتی۔ کیونکہ جو کام بلدیاتی ادارے کرتے ہیں۔ وہ بیورو کریسی کر ہی نہیں سکتی۔ بیورو کریسی تو مسائل پیدا کرنے کے لئے ہوتی ہے۔ حل کرنے کے لئے نہیں۔ پھر وزیراعظم عمران خان ہر دوسرے دن کسی نہ کسی شہر کا دورہ کرتے ہیں اور اپنے کھلاڑیوں کو نئے نئے ہدف دے دیتے ہیں ۔ حالیہ لاہور کے دورے پر ایسا ہی کیا ۔ لیکن سوال یہ ہے کہ کیا اس سیاسی اور انتظامی ٹیم نے پرانے اہداف حاصل کر لیے ہیں ۔

مبشر لقمان کا کہنا تھا کہ حقیقت یہ ہے کہ پاکستان تحریکِ انصاف کے فلاسفر ہر مسئلے کو ماضی کی حکومتوں پر ڈال کر نکلنے کی کوشش کرتے رہتے ہیں۔ ہر خبر کو جھوٹی خبروں کے بیانیے میں دبا کر متنازع بنانے کی کوشش کرتے رہتے ہیں۔ اپنی ناکامیوں کو "مافیاز” کے سر ڈالنے کی کوشش کرتے رہتے ہیں یہی وجہ ہے کہ تین سال گذر چکے ہیں اور حکومت ایک بھی ایسا کارنامہ سرانجام نہیں دے سکی جس کی بنیاد پر وہ الیکشن میں جا کر ووٹ مانگ سکیں ۔ پھر حکومتی فیصلے ایسے ہیں کہ جن سے عام آدمی کو کبھی کوئی فائدہ نہیں ہوا ۔ حکومتوں کا سب سے بڑا ہدف شہریوں کی بہتر زندگی ہونا چاہیے۔

قومی اسمبلی ، سید علی گیلانی کو خراج عقیدت پیش،قرارداد منظور

اسلام آباد (محمداویس)قومی اسمبلی نے کشمیری حریت رہنما سید علی گیلانی کی شہادت پر قرارداد متفقہ طور پر منظور کرلی،

بھارتی حراست میں سید علی گیلانی کی شہادت اور ان کی لاش چھیننے پر عالمی اداروں سے نوٹس لینے کی اپیل کردی گئی۔قرارداد کی منظوری کے بعد اپوزیشن نے کورم کی نشاندہی کردی اور ایوان سے واک آؤٹ کرگئے کورم پورا نہ ہونے کی وجہ سے اجلاس پیر شام 5بجے تک ملتوی کردیا گیا ، چوتھے پارلیمانی سال کے پہلے دن ہی حکومت کورم پورا کرنے میں ناکام ہوگئی ۔جمعہ کو قومی اسمبلی کا اجلاس سپیکر اسد قیصر کی سربراہی میں شروع ہوا اجلاس شروع ہوا توکشمیری حریت رہنما سید علی گیلانی و۔دیگر فوت ہونے والوں کے لیے ایوان میں دعا کی گئی دعا مولانا عبداکبر چترالی نے کی

دعا کے بعد اپوزیشن نے احتجاج کیا جس ہر سپیکر نے کہاکہ کشمیر حریت رہنما سید علی گیلانی کے حوالے سے قرار داد پاس کرنی ہے جس پر سعد رفیق نے کہاکہ جس طرح اجلاس کو چلایا جاریاہے اس پر ہمیں تحفظات ہیں مگر سید علی گیلانی سب کے لیڈر ہیں اس لیے ہم قرار داد پاس ہونے کے بعد ہم احتجاج کریں گے۔نوید قمر نے کہاکہ جس طرح ایوان کو چلایا جارہاہے اس حوالے سے احتجاج کریں گے قرار داد پاس ہونے کے بعد واک آوٹ کریں گے سعد رفیق نے کہاکہ سید علی گیلانی سب کے لیڈر ہیں

وزیر مملکت علی محمد خان نے سید علی گیلانی کے حوالے سے قرار داد پیش کی ۔علی محمد خان نے کہاکہ پورا ایوان سید علی گیلانی کے ساتھ ہے پورا پاکستان گیلانی صاحب کے ساتھ کھڑا ہے ۔ سید علی گیلانی کی جدوجہد کا سلام پیش کرتے ہیں انہوں نے تحریک آزادی کشمیر کے لیے زندگی وقف کررکھی تھی ۔ظلم کے خلاف آواز بلند کی پوری قوم ان کی جدوجہد کو سلام پیش کرتی ہے ۔سید علی گیلانی کی لاش چھینے کی شدید مذمت کرتا ہے عالمی برادری اس طرح کے اوچھے ہتھکنڈوں سے روکے ۔مقبوضہ کشمیر کے عوام اپنی جودجہد میں ضرور کامیاب ہوں گے ۔قرار داد متفقہ طور پر پاس ہوگئی۔قرارداد پاس ہونے کے بعد آغارفیع اللہ نے کہاکہ پی آر اے کو بند کرنے کی مذمت کرتا ہوں اور کورم کی نشاندہی کرتا ہوں جس پر سپیکر نے کہاکہ پی آر اے کے حوالے سے میں موقف دے چکا ہوں ۔اور گنتی کا حکم دیا ۔آغا رفیع اللہ نے کورم کی نشاندہی کردی اور ساتھ ہی اپوزیشن واک آؤٹ کرگئی۔ جس پر ایوان میں گنتی کی گئی ایوان میں کورم پورا نہیں تھا جس پر کاروائی معطل کردی گئی اس کے بعد دوبارہ اجلاس شروع ہوا مگر کورم پورا نہ ہونے کی وجہ سے اجلاس پیر شام 5بجے تک ملتوی کردیا گیا ۔

پیپلز پارٹی کے رہنما نوید قمر کا کہنا تھا کہ قومی اسمبلی اجلاس طریقے سے نہیں چلایا جا رہا،مشترکہ اجلاس کے دورا ن پریس گیلری بند کر دی گئی،عجلت میں اجلاس بلایا گیا،ہم کورم کی نشاندہی کرنا چاہتے ہیں ، ن لیگی رکن قومی اسمبلی خواجہ سعد رفیق نے کہا کہ نوید قمر کی بات سے اتفاق ہے،عجلت میں اجلاس نہیں بلانا چاہیے تھا .اپوزیشن اراکین نے کورم کی نشاندہی کی جس کے بعدکورم مکمل ہونے تک اجلاس کی کارروائی معطل کر دی گئی

قومی اسمبلی اجلاس میں کراچی سے اکٹھے ہونے والے ٹیکس کی تفصیلات پیش کر دی گئیں ،وزیر خزانہ نے بتایا کہ کراچی سے گزشتہ مالی سال کے دوران 2 ہزار 737 ارب روپے ٹیکس اکٹھا کیا گیا،مالی سال 20-2019 میں 2 ہزار 223 ارب روپے ٹیکس اکٹھا کیا گیا یہ تمام ٹیکس کراچی کے کریڈٹ پر نہیں ہیں،تمام اہم کمپنیوں کے ہیڈ آفس کراچی میں ہیں، کراچی کیلئے وفاقی پی ایس ڈی پی میں سے جاری فنڈز کی تفصیلات بھی پیش کی گئیں کراچی کیلئے گزشتہ مالی سال کے دوران 43 ارب 40 کروڑ روپے کے ترقیاتی فنڈز جاری ہوئے،مالی سال 20-2019 کے دوران 8 ارب 67 کروڑ روپے جاری کیے گئے،

آج کے اجلاس کو کافی اہمیت دی جا رہی ہے کیونکہ حکومت الیکشن ایکٹ ترمیمی بل آج کے اجلاس میں پیش کرنے جا رہی ہے، بل میں الیکٹرانک ووٹنگ مشین اور سمندر پار پاکستانیوں کیلئے قوانین شامل ہیں

قومی اسمبلی سیکرٹریٹ کی طرف سے 22 نکاتی ایجنڈا جاری کردیا گیا،وزارت صنعت و پیداوار کے ماتحت اداروں کی ناقص کارکردگی بارے توجہ ولاو نوٹس ایجنڈا پر موجود ہے حکومت کی طرف سے الیکشن ترمیمی بل2021 کو منظوری کے لئے مشترکہ اجلاس میں بھیجنے کی تحریک پیش کی جائے گی،الیکشن دوسرے ترمیمی بل2021 کو بھی سینٹ سے پاس نہ ہونے کی وجہ سے مشترکہ اجلاس بھیجنے کی تحریک پیش کی جائے گی،فیڈرل گورنمنٹ پراپرٹیز منیجمنٹ اتھارٹی آرڈیننس ایوان کے سامنے پیش کیا جائے گا،پاکستان بیت المال ترمیمی بل2021 منظوری کے لئے پیش کیا جائے گا،متروکہ وقف املاک منیجمنٹ اینڈ ڈسپوزل ایکٹ 1975 میں ترمیم کا بل بھی پیش کیا جائے گا،گورنمنٹ سیونگز بنک ترمیمی بل ہر قائمہ کمیٹی فنانس کی رپورٹ پیش کی جائے گی، پوسٹ آفس نیشنل سیونگز سرٹیفیکیٹ ترمیمی بل2021 پر قائمہ کمیٹی فنانس کی رپورٹ پیش کی جائے گی،

قومی اسمبلی اجلاس میں وفاقی وزیر قانون دستور پاکستان کے آرٹیکل48 میں ترمیم کا بل پیش کریں گے،ہائیر ایجوکیشن ترمیمی بل21 بھی قانون سازی کے لئے پیش کیا جائے گا،وزیر خزانہ آڈیٹر جنرل کی 2020-21 کی آڈٹ رپورٹ ایوان میں پیش کریں گے

دوسری جانب اپوزیشن جماعتوں کی جانب سے بھی قومی اسمبلی اجلاس میں بل کی مخالفت کرنے کی بھر پور تیاری کی گئی ہے، ن لیگ ،پیپلز پارٹی سمیت اپوزیشن کی سب جماعتیں الیکٹرانک ووٹنگ کو مسترد کر چکی ہیں، الیکشن کمیشن نے بھی اس پر اعتراض اٹھائے ہیں، جس کے بعد وفاقی وزیر اعظم سواتی نے آگ لگانے کا بیان دیا تھا

عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

چیف الیکشن کمشنر پر الزامات، ن لیگ نے بڑا اعلان کر دیا

چیف الیکشن کمشنر کوحکم دیں کیونکہ تمہارے پاس اس کی بھی ویڈیوز ہونگی،شہری کا مریم نواز کو جواب

عام انتخابات کی تیاری کی جائے، چیف الیکشن کمشنر کا حکم آ گیا

چیف الیکشن کمشنر کی تقرری غیرآئینی قراردینے کی درخواست،فیصلہ آ گیا

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

پولیس اہلکار نے لڑکی کو منہ بولی بیٹی بنا کر زیادتی کا نشانہ بنا ڈالا، نازیبا ویڈیو بھی بنا لیں

نوجوان لڑکی سے چار افراد کی زیادتی کی ویڈیو وائرل ہونے کے بعد پولیس ان ایکشن

خاتون سے زیادتی اور زبردستی شادی کی کوشش کرنے والا ملزم گرفتار

واش روم استعمال کیا،آرڈر کیوں نہیں دیا؟گلوریا جینز مری کے ملازمین کا حاملہ خاتون پر تشدد،ملزمان گرفتار

الیکٹرانک ووٹنگ مشین کے خلاف درخواست ،عدالت نے بڑا فیصلہ سنا دیا