Category: اہم خبریں

کابل:اشرف غنی کی چھٹی:نئے افغان عبوری سربراہ کون ہوں گے اعلان ہوگیا،اطلاعات کے مطابق افغان طالبان افغانستان کے دارالحکومت کابل کے مضافات میں داخل ہو گئے ہیں جبکہ اشرف غنی اقتدار چھوڑنے پر رضا مند ہو گئے ہیں، ایسے میں افغان میڈیا کا کہنا ہے کہ علی احمد جلالی کو نئی عبوری حکومت کا سربراہ مقرر کیا جائے گا۔

باغی ٹی وی کو کابل شہر سے ملنے والی اطلاعات میں بتایا گیا ہے کہ افغان طالبان کو اقتدار کی منتقلی کے لیے افغان صدارتی محل میں مذاکرات جاری ہیں۔

افغان مصالحتی کونسل (ایچ سی این آر) کے چیئرمین ڈاکٹر عبداللّٰہ عبداللّٰہ معاملے میں ثالث کا کردار ادا کر رہے ہیں۔

علی احمد جلالی افغانستان کے سابق وزیرِ داخلہ بھی ہیں، وہ جرمنی میں افغان سفیر کےطور پر بھی خدمات انجام دے چکے ہیں۔

دوسری جانب قطر کے دارالحکومت دوحہ میں موجود طالبان عہدے دار کا کہنا ہے کہ طالبان رہنما ملا برادر افغانستان آنے کی تیاری کر رہے ہیں۔

واضح رہے کہ افغان طالبان افغانستان کے دارالحکومت کابل کے مضافات میں داخل ہو گئے ہیں۔

اس موقع پر قائم مقام افغان وزیرِ داخلہ عبدالستار میر زکوال نے کہا ہے کہ طالبان سے کابل پر حملہ نہ کرنے کا معاہدہ طے پا گیا ہے۔

میڈیا کو جاری کیئے گئے بیان میں انہوں نے بتایا ہے کہ معاہدے کے تحت عبوری حکومت کو اقتدار کی منتقلی پرامن ماحول میں ہو گی۔

افغان حکام نے ’جیو نیوز‘ سے گفتگو کرتے ہوئے کہا ہے کہ افغان حکومت اور طالبان کے درمیان پس پردہ مذاکرات جاری ہیں۔

افغان حکام کا کہنا ہے کہ افغان حکومت خونریزی کی خواہاں نہیں ہے، کوشش ہے کہ جنگ کے بغیر ہی معاملہ حل کر لیا جائے۔

اس سے قبل افغان میڈیا پر جاری بیان میں طالبان نے کہا ہے کہ کابل میں بزورِ طاقت داخل نہیں ہوں گے۔

دوسری طرف سے مذاکرات جاری ہیں تاکہ کابل میں داخلے کے وقت شہریوں کو نقصان نہ پہنچے۔

طالبان نے کسی قسم کا انتقام نہ لینے کا اعلان کرتے ہوئے کہا ہے کہ ہم انتقام نہیں لے رہے، تمام فوجی اور سویلین اہلکار محفوظ رہیں گے۔

عرب ٹی وی سے گفتگو میں طالبان ترجمان نے کہا کہ بزورِ طاقت کابل میں داخل نہیں ہوں گے، اقتدار کی پرامن منتقلی کے لیے بات چیت کریں گے۔

انہوں نے یہ بھی کہا کہ چاہتے ہیں کہ افغان دارالحکومت کا کنٹرول پرامن طریقے سے ملے، اس کے لیے چند روز یا ہفتہ بھی لگا تو انتظار کریں گے۔

کابل :تکبر:عہدہ اورقوت سب خاک میں مل گئے:دستبرداری سے انکارکرنے والا افغان صدراشرف غنی ذلّت کے ساتھ مستعفی ،اطلاعات کے مطابق تاریخ نےآج وہ وقت دیکھا جب افغانستان میں تکبر، غرور اورطاقت کے بل بوتے پرزبردستی حکومت کرنے والا اشرف غنی جو چند دن پہلے نہ صرف مستعفی ہونے سے انکاری تھا بلکہ افغان طالبان کو سبق سکھانے کی دھمکیاں دے رہا تھا آج بڑی ذلت اوررسوائی کے ساتھ جان کی امان مانگتے ہوئے اپنے عہدے سے مستعفی ہوگئے ہیں

باغی ٹی وی کے مطابق 3 بج کر10 منٹ پرافغان صدرصدارتی محل میں بڑی شرمساری اورجان کی امان مانک کراپنے عہدے سے مستعفیٰ ہوچکے ہیں ،

تازہ ترین اطلاعات کے مطابق افغان صدارتی محل میں طالبان اور حکومت کے درمیان مذاکرات جاری ہیں جہاں فغانستان کے صدر اشرف غنی مستعفیٰ ہوگئے ہیں ،

جب کہ مذکرات میں کابل پر حملہ نہ کرنے کا معاہدہ بھی طے پا گیا ہے ، جس کے تحت طالبان عبوری حکومت کو اقتدار کی پرامن منتقلی کا فیصلہ کیا گیا ہے ، علی احمد جلالی نئی حکومت کے سرا راہ مقرر کئے جائیں گے جب کہ اس سارے معاملے میں عبداللہ عبداللہ ثالث کا کردار ادا کر رہے ہیں۔

افغانستان کے قائم مقام وزیرداخلہ عبدالستار مرزا کوال نے اپنے ایک بیان میں کہا ہے کہ کابل پر حملہ نہیں کیا جائے گا اور حکومت کی منتقلی پرامن طریقے سے ہوگی ، کابل کے شہری یقین رکھیں کہ سکیورٹی فورسز شہر کی حفاظت یقینی بنائیں گے۔

اس سے پہلے اطلاعات موصول ہوئی تھیں کہ افغانستان میں طالبان افغان دارالحکومت کابل میں چاروں اطراف سے داخل ہونے لگے ہیں ، وزارت داخلہ نے طالبان کے کابل میں داخلے کی تصدیق کردی ہے جب کہ کابل میں افغان سکیورٹی فورسز اور طالبان میں فائرنگ کا تبادلہ ہوا جس کے باعث افغان دارالحکومت میں سرکاری عمارتیں خالی کرالی گئیں

دوسری طرف افغانستان میں طالبان نے طورخم بارڈر کا کنٹرول سنبھال لیا ، طالبان کی جانب سے طورخم بارڈر کا کنٹرول سنبھالنے کے بعد پاک افغان سرحد طورخم پر تعینات افغان فوجی فرار ہوگئے جب کہ پاک افغان سرحد طورخم کو آمدورفت کے لیے بند کر دیا گیا ۔

بتایا گیا کہ ملک کے اکثریتی علاقوں پر قبضہ کرنے کے بعد طالبان افغانستان کے دارالحکومت کابل میں بھی چاروں طرف سے داخل ہونے لگے ہیں ، مجموعی طور پر طالبان اب تک 34 میں سے 25 صوبائی دارالحکومتوں پر قبضہ کر چکے ہیں اور جلال آباد پر بھی طالبان نے قبضہ کرلیا ہے جس کے بعد افغان حکومت کا کنٹرول صرف کابل تک محدود ہو گیا ہے جب کہ افغان دارالحکومت کابل میں کئی گھنٹوں سے بجلی کا مکمل بلیک آؤٹ ہے ، علاوہ ازیں پاکستانی سرحد کے ساتھ 2 اہم صوبوں پکتیا اور پکتیکا پر بھی طالبان قبضہ کر چکے ہیں، صوبے فاریاب اور کنڑ بھی طالبان کے زیرِ اثر ہیں۔

اسی طرح طالبان نے ازبک سرحد کے قریب آخری بڑے شہر مزار شریف پر بھی قبضہ کر لیا ہے جہاں وہ اپنے پہلے دور میں قابض نہیں ہو سکے تھے ، شہر کے دفاع پر مامور افغان فورسز، فیلڈ مارشل اور وار لارڈ جنرل عبدالرشید دوستم اور ملیشیا لیڈر عطاء محمد نور وہاں سے فرا ر ہو گئے ہیں جن کے بارے میں کچھ پتہ نہ چل سکا تاہم اطلاعات ہیں کہ فیلڈ مارشل اور وار لارڈ جنرل عبدالرشید دوستم مزار شریف سے ازبکستان فرار ہوگئے ہیں اور طالبان جنرل رشید دوستم کے گھر بیٹھ کر میں قہوے اور ڈرائی فروٹ سے لطف اندوز ہو رہے ہیں۔

لاہور:یوم آزادی کے مبارک موقع پرباغی ٹی وی کی”پشتو”زبان میں بھی نشریات شروع،اطلاعات کے مطابق ڈیجیٹل میڈیا کے اس دورمیں پاکستان سے دنیا بھرکو خبروں ،تجزیوں اورتازہ ترین حالات سے باخبررکھنے والے معروف چینل”باغی ” ٹی وی نے یوم پاکستان کے مبارک دن کے موقع پرایک اور سنگ میل عبورکرلیا ہے

باغی ٹی وی جو کہ دنیا بھرکومختلف زبانوں میں‌ حالات حاضرہ ، خبروں اورتجزیوں سے آگاہ رکھ رہا ہے آج اس مبارک دن کے موقع پرباغی ٹی وی کی نشریات کا دائرہ وسیع کرتے ہوئے ایک اورزبان کا اضافہ کردیا ہے

 

یوم آزادی پاکستان پر باغی ٹی وی کی جانب سے باغی ٹی وی پشتو کا آغاز ۔چند ہی لمحوں میں
ان شاء اللہ @BaaghiTVPashto

کو فالو اور ری ٹویٹ کریں
@mubasherlucman @Taahaa_ @MumtaazAwan

— Baaghi TV باغی ٹی وی (@BaaghiTV) August 14, 2021

باغی ٹی وی ہیڈ آفس سے موصول ہونے والی اطلاعات میں بتایا گیا ہےکہ آج یوم آزادی کے اس عظیم موقع پر "پشتو”زبان میں نشریات شروع کرکے ایک ریکارڈ قائم کردیا ہے

یاد رہےکہ اس سے پہلے باغی ٹی وی قومی زبان اردو کے علاوہ انگلش اوراردوزبان میں اپنی نشریات چلا رہا ہے ، باغی ٹی وی جس کے دنیا بھرمیں چاہنے والوں کی تعداد لاکھوں میں ہے اب اس تعداد میں پشتوزبان سے تعلق رکھنے والے مزید لاکھوں شائقین اورصارفین کا اضافہ ہوا ہے

اس مبارک موقع پر باغی ٹی وی ہیڈآفس کی طرف سے کہا گیا ہے کہ ادارہ یوم آزادی کے اس مبارک دن کی مناسبت سے پشتوزبان والوں کے لیے سروس کا آغازکرکے ان کواپنی خوشیوں میں شریک کررہا ہے

کابل :افغان طالبان کابل سے11 کلومیٹردور:اشرف غنی کا سوفٹ ویئراپ ڈیٹ ہونےلگا:غیرملکیوں کا فرارجاری ،اطلاعات کے مطابق افغان طالبان پیش قدمی کرتے کابل سے11 کلومیٹر کی مسافت پر پہنچ گئے، طالبان نے 34 صوبوں میں سے 24 پر قبضہ کرلیا ہے،

کابل سے معتبرذرائع کا کہنا ہے کہ کابل کے قریب افغان طالبان کے قدموں کی آہٹ سن کراشرفی غنی کا سوفٹ ویئراپ ڈیٹ ہونے لگا ہے اورجواشرف غنی پہلے استعفٰی دینے سے انکاری تھے اب اپنا انجام قریب دیکھ کرافغان صدر اشرف غنی نے استعفے پر غور شروع کردیا ہے۔

میڈیا رپورٹس کے مطابق افغان طالبان کی کابل کی جانب پیش قدمی جاری ہے، طالبان افغان دارلحکومت کابل سے11 کلومیٹر کی مسافت کے قریب پہنچ گئے ہیں، طالبان نے 34 صوبوں میں سے 24 پر قبضہ کرلیا ہے۔

ا دھر ذرائع نے یہ بھی دعویٰ کیا ہے کہ اس وقت تین صوبوں کے دارالحکومت کے باہرلڑائی ہورہی ہے اوریہ بھی خبریں‌ پہنچ رہی ہیں کہ رات تک ان تینوں صوبوں پرافغان طالبان کا مکمل کنٹرول ہوجائے گا ، ادھر طالبان نے مزید 2 صوبوں پکتیکا اور کنٹر کے دارلحکومتوں پر قبضہ حاصل کرلیا ہے۔

یہ بھی کہا جارہاہے کہ افغان صدر اشرف غنی کی جانب سے چند ہفتوں کی جنگ بندی کے لیے صدارت سے استعفیٰ دیا جا سکتا ہے۔ رپورٹ میں کہا گیا ہےکہ اشرف غنی استعفیٰ دینے کے بعد اپنی فیملی سمیت بیرونِ ملک جائیں گے۔

اسی طرح امریکا نے اتوار تک سفارتخانے کے عملے کو نکالنے کیلئے 3ہزار امریکی فوجی افغانستان پہنچ کرامریکیوں کو بڑی تیزی سے نکال کرہمسائیہ ممالک میں محفوظ مقامات تک پہنچا رہےہیں ۔

برطانوی فوجی بھی اس وقت بڑی تعداد میں برطانوی شہریوں کو وہاں سے نکال چکے ہیں ،

امریکا کی ایک میرین بٹالین اور انفنٹری بٹالین کابل میں پہنچ کراہم اورحساس ایسی مشنری تباہ کررہےہیں جن کو امریکہ ساتھ لے جانا مشکل دکھائی دے رہا ہے ،

کابل سے ذرائع کے مطابق کابل شہر میں ان علاقوں میں جہاں امریکی اوربرطانوی فوجی اوردیگرشہری موجود تھے وہاں سے دھوئیں کے بادل نظرآرہے ہیں اوراس کی وجہ یہی بتائی جارہی ہے کہ امریکہ کے محکمہ دفاع پینٹا گان کی ہدایت کے مطابق بھاری اورحساس مشنری کوجلایا جارہا ہے تاکہ وہ افغان طالبان کے قبضے کی صورت میں افغان طالبان کے کام نہ آسکیں

ادھرابھی ابھی اطلاعات میں بتایا گیا ہے کہ افغان طالبان نے پاکستان کے ضلع جنوبی وزیرستان کے ساتھ متصل، افغان صوبہ پکتیکا میں واقع انگور اڈے پر قبضہ کرلیا۔

 

افغان طالبان نے آج تین صوبوں پکتیکا، پکتیکا اور کنڑ کے بڑے شہروں اور مکمل صوبے پر کنٹرول کا دعوی کیا ہے۔

طالبان ذرائع کے مطابق پاکستان کے ساتھ متصل انگور اڈے کے انتظامات طالبان نے سنبھال لیے ہیں۔

لاہور:پریسبٹرین چرچ نولکھا لاہورمیں جشن آزادی کی رنگا رنگ تقریب:ہرنسل اورہرمذہب کےماننے والےشریک،اطلاعات کے مطابق آج پوری قوم آزادی کی نعمت کوشکرانے طورپرمنا رہی ہے اوریہ خوشیاں پاکستان سمیت دنیا بھرمیں منائی جارہی ہیں‌

 

 

یوم آزادی کی خوشی پاکستان میں رہنے والی تمام نسلیں ، گروہ اورہرمذہب کے ماننے والے منارہےہیں‌ اوریہ سلسلہ خیبر سے لیکرکراچی تک صبح سے جاری وساری ہے

 

یوم آزادی کی ایک ایسی ہی تقریب لاہور کے نولکھا چرچ میں ہوئی جہاں اس ملک میں رہنےوالےمسیحی بھائیوں‌ کی بڑی کثیرتعداد شریک تھی

نولکھا چرچ میں جہاں مسیحی کمیونٹی خوشیاں منارہی تھی وہاں آج کے دن پاکستان کی مقتدرشخصیات بھی شامل تھیں‌

 

پریسبٹرین چرچ نولکھا لاہور میں جشن آزادی کی رنگا رنگ تقریب میں‌ معروف صحافی سینیئر تجزیہ نگار مبشرلقمان ماڈریٹر مجید ایبل ۔ڈی سی لاہور مدثر ریاض ۔میاں عمران مسعود ۔مولانا محمد عاصم مخدوم ۔پادری شاہد معراج سمیت بڑی تعداد میں لوگوں نے شریک ہوئے

 

ذرائع کے مطابق اس موقع پر تمام شرکائے تقریب ملکر جشن آزادی کا کیک کاٹا ۔پودا لگایا۔ملکی سلامتی کے لیے خصوصی دعا کی گئی

پریسبٹرین چرچ نولکھا لاہورمیں جشن آزادی کی رنگا رنگ تقریب سے خطاب کرتے ہوئے سینیئر صحافی مبشرلقمان نے کہا کہ مجھے آج خوشی ہورہی ہے کہ اس مقام پراس ملک میں رہنے والے تمام مذاہب،ہرنسل اورہرفکرکے لوگ مل کراس بات کی خوشی منارہے ہیں کہ ہم آزاد ہیں اوراس آزادی کے حصول میں جن ہمارے اباواجداد نے قربانیاں دیں ان کوخراج تحسین پیش کرتے ہیں‌

 

ڈاکٹر مجید ایبل نے اس موقع پر کہا کہ ہر مذہب و مسلک اور قوم سے تعلق رکھنے والا جشن منا رہا ہے، ڈی سی لاہورمدثرریاض کا کہنا تھا کہ آج خوشیوں کا دن ہے

مولانا محمد عاصم مخدوم نے کہا کہ آزاد ریاست کے حصول پر اپنے اکابرین کی قربانیوں کو خراج تحسین پیش کرتے ہیں